merge-rss

கேதீஸ்வரன் "யாரிடம் நீதியை எதிர்பார்ப்பது?"

ஊர்ப்புதினம் - Fri, 20/01/2017 - 22:36
கேதீஸ்வரன்: 6 வருடங்களாக மறுக்கப்படும் நீதி

 

17. போர்குற்றங்களுக்கோ, மானுடத்திற்கு எதிரான குற்றங்களுக்கோ, சித்திரவதை, காணாமலாக்கப்படல், பாலியல் வல்லுறவு போன்ற கூட்டு மொத்தமான மனித உரிமை மீறல்களுக்கோ பொதுமன்னிப்பு வழங்கக்கூடாது.

6.13  போர்க்குற்றங்கள், மானிடத்துக்கு எதிரான குற்றங்கள், சித்திரவதை, திட்டமிட்டுக் காணாமலாக்கல், வன்புணர்ச்சி போன்ற தீவிர மனித உரிமை மீறல்கள் என்பவற்றுக்கான மன்னிப்பு சட்டவிரோதமானதும் ஏற்றுக்கொள்ளப்படாதவையுமாகும்.

நல்லிணக்க பொறிமுறைகளுக்கான கலந்தாலோசனை செயலணி வெளியிட்ட அறிக்கையில் உள்ளடக்கப்பட்டுள்ள 2 பரிந்துரைகளே மேலே காணப்படுகின்றன.

2015ஆம் ஆண்டு ஒக்டோபரில் இலங்கை அரசாங்கத்தினால் இணை அனுசரணை அளிக்கப்பட்ட, இலங்கை தொடர்பான ஐக்கிய நாடுகளின் மனித உரிமைகள் பேரவையின் தீர்மானத்திற்கு அமைய நிலைமாறுகால நீதி மற்றும் நல்லிணக்கத்திற்காகப் பிரேரிக்கப்பட்ட பொறிமுறைகள் தொடர்பில் மக்களின் கருத்துக்களைப் பெறுவதற்கு 2016ஆம் ஆண்டு ஜனவரி பிற்பகுதியில் சிவில் சமூகத்தைச் சேர்ந்த 11 பேரை உள்ளடக்கிய கலந்தாலோசனைக்கான செயலணி இலங்கை பிரதமரால் நியமிக்கப்பட்டது. இந்தச் செயலணியால் தயாரிக்கப்பட்ட அறிக்கை 2017 ஜனவரி 3ஆம் திகதி முன்னாள் ஜனாதிபதி சந்திரிக்கா குமாரதுங்கவிடம் கையளிக்கப்பட்டது.

மனித உரிமை மீறல் விசாரணைக்கு வெளிநாட்டு நீதிபதிகள் உள்ளடங்கிய கலப்பு நீதிமன்றமே பொருத்தமானது என்று செயலணி அதில் குறிப்பிட்டிருந்தது.

தாங்கள் அதனை ஏற்றுக்கொள்ளப் போவதில்லை என்று நீதி அமைச்சர் விஜயதாஸ ராஜபக்‌ஷ, அமைச்சரவைப் பேச்சாளர்ராஜித சேனாரத்ன குறிப்பிட்டிருந்தனர். அத்துடன், வெளிநாட்டு நீதிபதிகளை உள்ளடக்குவதற்கும், போர் வெற்றி வீரர்களை விசாரணைக்கு உட்படுத்துவதற்கும் ஜனாதிபதி எதிர்ப்பு வெளியிட்டுள்ளார் என்று இராஜாங்க அமைச்சர் லக்‌ஷ்மன் யாப்பா அபேவர்தன குறிப்பிட்டிருந்தார்.

இதன் மூலம் மனித உரிமைகள் பேரவைக்கு வழங்கிய வாக்குறுதி, நல்லிணக்கம் மற்றும் இந்த ஆட்சியிலாவது நீதி கிடைக்கும் என்று எதிர்பார்த்துக் காத்திருந்த பாதிக்கப்பட்டவர்களின் கரிசனைகளை இலங்கை அரசாங்கம் உடனடியாகவே புறந்தள்ளியிருக்கிறது.

உள்நாட்டு நீதிப் பொறிமுறைக்குள் காணாமல்போன தனது உறவுக்கு, கொலைசெய்யப்பட்ட தனது உறவுக்கு இனியெப்போதும் நீதி கிடைக்கப்போவதில்லை என்று பெரும்பாலானவர்கள் இறுதிக்காலத்தை கழித்துக்கொண்டிருக்கிறார்கள். போராட்டம் நடத்தி என்ன நடக்கப்போகிறது என்ற மனநிலை அவர்களிடம் எழுமளவுக்கு நல்லாட்சி பிரதி உபகாரம் செய்துகொண்டிருக்கிறது.

இவ்வாறான மனநிலையில் இருக்கும் பலரில் கேதீஸ்வரனின் தாயாரும் ஒருவர். யாரிடம் போய் கேட்பது நீதியை? அப்படிக் கேட்கப் போனால் இவனுக்கும் (இளைய மகன்) ஏதாவது நடந்துவிட்டால்…? – கேதீஸ்வரின் தாயார் கேட்கும் இதே கேள்விகள்தான் உறவுகளின் நினைவுகளை நெருப்பாய் சுமந்திருப்பவர்களும் கேட்டுக்கொண்டிருக்கிறார்கள்.

6 வருடங்களுக்கு முன்னர் கொல்லப்பட்ட கேதீஸ்வரன் தேவராஜா பற்றி அறிந்து கொள்ள யாழ்ப்பாணம் குடத்தனைப் பகுதிக்குச் சென்றேன். குடத்தனை, முடிவில்லாத வெள்ளை மணலைக் கொண்ட பாலை வனம். பார்க்க அழகாக இருக்கும் இந்த வெள்ளை மணல் தனக்காகப் போராடிய கேதீஸ்வரனை இறுக்கப் பிடித்து வைத்திருக்கிறது, அவனது எச்சத்தையும் அள்ளிக்கொண்டு சென்றுவிடுவார்கள் என்ற அச்சத்தில்.

கேதீஸ்வரன்"யாரிடம் நீதியை எதிர்பார்ப்பது?"

யாழ்ப்பாணம் வடமாராச்சி தபால் நிலையத்தில் பணியாற்றி வந்த கேதீஸ்வரன் தேவராஜா தான் பிறந்த சூழலை நேசித்த சூழலியலாளராவார். அரசாங்க ஆதரவுடன் யாழ்ப்பாணம் குடத்தனைப் பகுதியில் மேற்கொள்ளப்பட்ட மணல்கொள்ளைக்கு – இயற்கை அழிவுக்கு எதிராக முன்னணியில் நின்று செயற்பட்டவர் கேதீஸ்வரன். இது தொடர்பாக அவர் அரச அதிகாரிகளின் கவனத்துக்குக் கொண்டுவந்தது மட்டுமல்லாமல், ‘பேஸ்புக்’ சமூக ஊடகத் தளம் ஊடாக பயமின்றி, தனது கருத்தை சமூகமயப்படுத்தவும் செய்தார். அச்சுறுத்தல், பயமுறுத்தலைக் கண்டு பின்வாங்காத கேதீஸ்வரன், குடத்தனை மணல் வளத்தைப் புகைப்படமாக்கி “குடத்தனை மணல்வளம் அழிப்பு” என பேஸ்புக்கில் பதிவேற்றி அனைவரது கவனத்தையும் ஈர்க்க முயற்சிசெய்தார்.

5f46f9f7-947d-469f-9332-406f01f2bafe.jpg?asset_id=baac6bfb-f454-4d31-b1e8-c9585e5ca93c&img_etag=52c0bfdd7022b295e0fb4e25c87d1f76&size=1024

மஹிந்த அரசாங்கத்தின் இராணுவம், பொலிஸின் உதவியுடன் இயங்கிய மணல் கொள்ளையர்கள் மண்கும்பான், மணல்காடு பகுதிகளில் இயற்கை அரண்களாக இருந்த மணல் மேடுகளை அழித்துவிட்டு குடத்தனையையும் குழிகளாக்கும் அழிவு நடவடிக்கையில் ஈடுபட ஆரம்பித்திருந்த காலம் அது. அவர்களது முன்னெடுப்பை தடுத்து நிறுத்துமளவுக்கு குடத்தனை மக்கள் தங்களது எதிர்ப்பு நடவடிக்கையைத் தொடங்கியிருந்த போதிலும், மஹிந்த அரசின் இராணுவத்தைக் கொண்டு மக்களை அச்சுறுத்தும் நடவடிக்கையில் மணல் கொள்ளையர்களின் தலைமை இறங்கியிருந்தது.

கேதீஸ்வரன் அதற்கும் அஞ்சவில்லை. அச்சுறுத்தல் நடவடிக்கை ஒருபக்கம் நடந்தேற கேதீஸ்வரன் குடத்தனை மணல்கொள்ளை தொடர்பான புகைப்படங்களை பேஸ்புக் ஊடாக சமூயமயப்படுத்திக் கொண்டே இருந்தார்.

 

a28f7bb1-bc98-46b7-ab6f-ce69193860e6.jpg?asset_id=ce9044e4-eff0-4474-b441-1e3cda5d0041&img_etag=7bbb4576e559c20403a543c56f04a283&size=1024
கேதீஸ்வரனின் பேஸ்புக் பதிவு (படம்: Tamilnet)

விளைவு...

2011 புத்தாண்டு கேதீஸ்வரனுக்குப் பிறக்கவில்லை.

2010 டிசம்பர் மாதம் 31ஆம் திகதி இரவு 9 மணியளவில் முகம் முழுவதுமாக ஹெல்மட் அணிந்த இருவர் கேதீஸ்வரனை தேடி வீட்டிற்கு வந்திருக்கிறார்கள்.

அன்று இரவு நடந்த சம்பவத்தை கேதீஸ்வரனின் தாய் இவ்வாறு விவரிக்கிறார்,

“சரளமாக தமிழ் பேசக்கூடியவர்கள் இருவர், கேதீஸ் இருக்கிறாரோ என்று கேட்டவாறு வீட்டின் வெளியில் நின்றுகொண்டிருந்தார்கள். அவர் இல்லை என்று சொல்லிக்கொண்டிருந்த நேரமே கதவைத் தள்ளிக்கொண்டு அந்த இருவரும் வீட்டிற்குள் வந்தார்கள். அப்போது மகனும் மருமகளும் அறையில்தான் இருந்தார்கள்.

வந்தவர்கள் கொம்பியூட்டர் எங்கே? கொம்பியூட்டர் எங்கே? என்று கேட்டு உரத்து சத்தம் போட மகன் அறையிலிருந்து வெளியில் வந்தார். வந்திருந்த இருவரும் அடையாளம் காணமுடியாதவாறு ஹெல்மட் அணிந்திருந்தார்கள்.

மகனை கதவோடு இருந்த பிளாஸ்ரிக் கதிரையில் உட்காருமாறு கூறி ஒருவன் அவர் பக்கத்திலேயே நின்றுகொண்டிருந்தான். அவனிடம் துப்பாக்கியொன்று இருந்தது. மகன் அருகில் என்னை அவன் நெருங்கவிடவில்லை. மற்றையவன் அறையினுள் சென்று கம்பியூட்டரைத் தேடிக்கொண்டிருந்தான்.

10, 15 நிமிடங்கள் இருக்கும், அறையில் இருந்தவன் ஏதோ தேடிக் கொண்டிருந்தான். மேசையின் ஓரத்தில் இருந்த லெப்டொப் கீழே விழுந்து பாரிய சத்தமொன்று கேட்டது. இரண்டு தடவைகள் துப்பாக்கிப் பிரயோகம் மேற்கொள்ளும் சத்தமும் கேட்டது. என்ன நடந்தது என்றே தெரியாமல் நின்றுகொண்டிருந்தேன்.

மருமகள் உரத்து கத்தினாள். என்ன நடந்தது என்றே எனக்குத் தெரியவில்லை, திரும்பி மகனைப் பார்த்தபோது அவன் தலை சரிந்தவாறு கதிரையில் உட்கார்ந்திருந்தான். இரத்தம் ஆறு போல நிலத்தில் ஓடிக் கொண்டிருந்தது.”

468e3a2d-6e84-4971-bbcd-ea0b12ba2d6b.jpg?asset_id=a884881f-3e29-4a5f-9356-759c24be93c6&img_etag=8aef8387dd7713e65ded72414926db10&size=1024

அதுவரை அவரது குரலில் ஏற்ற இரக்கங்கள் இருக்கவில்லை. கடகடவென பேசிக்கொண்டிருந்தவர் திடீரென அமைதியானார். பேசமுயற்சிக்கிறார், ஆனால் முடியவில்லை. வார்த்தை வரவில்லை, கண்ணீர் வழிந்தோடுகிறது. 6 வருடங்களுக்கு முன்னர் நடந்த சம்பவம் அவரின் மனத்திரையில் ஓடிக்கொண்டிருப்பது தெரிகிறது.

“எனக்கு என்ன நடந்தது என்றே தெரியவில்லை. அந்த நேரம் ஐயோ என்று சத்தம் போடக்கூட என்னால் முடியவில்லை. யாரும் சத்தம்போடவும் கூடாது, இங்கிருந்து ஒரு அடிகூட நகரவும் கூடாது என்று துப்பாக்கி வைத்திருந்தவன் கூறினான். பிறகு இரண்டு பேரும் ஓடிய பிறகுதான் ஐயோ என்று கத்தினேன்.”

அவரால் கட்டுப்படுத்த முடியவில்லை. சத்தமாக அழத்தொடங்கினார். வெகுநேரமாக அமைதியாகவே இருந்தேன், அவர் பேசும் வரை காத்திருந்தேன்.

“இரவு 9.30 மணியிருக்கும். உடனே எம்பியூலன்ஸுக்கு அறிவித்தும் எம்பியூலன்ஸ் வந்துசேரவில்லை. அந்த நேரம் எம்பியூலன்ஸ் இந்த சேர்சிலதான் இருந்திருக்கிறது. ஆனால், எம்பியூலன்ஸ் வரவில்லை. பிறகு மகனை தூக்கிக்கொண்டு ஓடினோம். இரத்தம் நிற்கவேயில்லை, ஓடிக்கொண்டே இருந்தது. பிறகு வாகனமொன்றைப் பிடித்து யாழ்ப்பாணத்துக்கு கொண்டு சென்றோம். போகும் வழியில் மகன் உயிர் பிரிந்தது.”

மறுநாள் புதுவருடம் என்பதால் இந்தப் பக்கமெல்லாம் வெடிச்சத்தம் கேட்டதனால் பக்கத்தில் இருந்தவர்களுக்கு துப்பாக்கிச் சத்தம் கேட்டிருக்கவில்லை என்று கூறும் அவர், எங்களது அலறல் சத்தத்தைக் கேட்ட பிறகு எல்லோரும் வந்தார்கள் என்றும் கூறுகிறார்.

தாயை சமாளிக்க குறுக்கிட்ட கேதீஸ்வரனின் தம்பி, “அவர்கள் பேசியது யாழ்ப்பாணத் தமிழ் இல்லை. தமிழும் சிங்களமும் கலந்துதான் பேசினார்கள்” என்றவர், “இந்தப் பகுதிக்குள் யாராவது வருவதாக இருந்தால் பாதுகாப்புத் தரப்பினருக்குத் தெரியாமல் வர முடியாது. அப்படியிருக்கும் போது முகம் முழுவதும் ஹெல்மட் அணிந்துகொண்டு எவ்வாறு, அதுவும் இரவு வரமுடியும்? என்று கேள்வி எழுப்புகிறார்.

“இந்தச் சந்தியில பொயின்ட், மணற்காட்டு சந்தியில ஒரு பொயின்ட் – ஆர்மி, கோயில் பக்கம் ஆர்மி. இதுக்குள்ள வந்து சுட்டுப்போட்டு யாராலயும் தப்பிப் போக முடியாது. பாதுகாப்புத் தரப்பினரோடு சம்பந்தப்பட்டவர்கள் தவிர வேறு யாராலயும் இதை செய்ய முடியாது” என்று கூறும் அவர், இந்த காரணத்தினால்தான் எமக்கு எப்போதும் நீதி கிடைப்பதில்லை என்றும் கூறுகிறார்.

தனது சகோதரனின் மரணத்துக்கு எப்போதும் நீதி கிடைக்கப்போவதில்லை என்ற நிலைப்பாட்டிலேயே அவர் தொடர்ந்து பேசிக்கொண்டிருந்தார்.

கேதீஸ்வரன் கொலை செய்யப்பட்ட இடத்தையும், துப்பாக்கி ரவை துளைத்த கதவையும் தாய் காட்டியவாறு சத்தமாக அழ ஆரம்பித்தார்.

57d3a7b6-f0af-459d-8e00-e2204a3551aa.jpg?asset_id=262d8abe-3eb3-4078-ae3d-7fc405d9a9c9&img_etag=e18afce04995027f70c57b9ddb472cc5&size=1024

42522ceb-fb4f-4617-9cc4-8436a4dd3f1c.jpg?asset_id=57a93ddc-4027-4812-bc8d-0d7c02d99682&img_etag=d9347479fd225dca8ddc041eb39661db&size=1024

“என்னிடம் விளக்கத்தைக் கேட்டுவிட்டு சுடுங்கள் என்று என் மகன் கூறினான். அப்படிக் கூறியவனை சுட்டுவீழ்த்தினார்களே... மரம்போல அப்படியே சரிந்தானே...”

“சுடுவதற்கு முன் மகனைக் கட்டிப்பிடித்திருந்தால் எனக்கொரு சூடு அவனுக்கு ஒரு சூடாவது விழுந்திருக்கும். அப்போதாவது அவனைக் காப்பாற்றியிருக்கலாம். என் கண்முன்னே மகனை சுட்டு வீழ்த்திவிட்டார்களே...”

அவரிடம் இனி எதுவும் கேட்க மனம் இடம்கொடுக்கவில்லை. மகனின் உயிர் பிரிந்த இறுதி நாள் நினைவுகளை மீண்டும் அந்தத் தாயை மீட்டிப்பார்க்க வைத்தது வேதனையாக இருந்தது. தொடர்ந்து அமைதியாகவே இருந்தார்.

வீட்டினுள் நுழையும்போதும், விடைபெறும் போதும் அவரிடமிருந்து ஒரே வாரத்தைதான் வெளிப்பட்டது.

“யாரிடம் நீதியை எதிர்பார்ப்பது?”

https://spark.adobe.com/page/EpDIlD6IbpGkU/

http://maatram.org/?p=5391

Categories: merge-rss, yarl-category

வட மாகாணத்தை வாட்டியெடுக்கும் வரட்சி..! முதலமைச்சரின் நடவடிக்கைகள் என்ன..?

ஊர்ப்புதினம் - Fri, 20/01/2017 - 22:35
வடமாகாணத்தில் வரட்சியால் பாதிக்கப்பட்ட விவசாயிகளுக்கு நஷ்டஈடு வழங்குவது தொடர்பாக தொடர்ச்சியாக பேச்சுவார்த்தை நடத்தி வருவதாக தெரிவிக்கப்பட்டுள்ளது.

அத்துடன், வரட்சியினால் குடிநீர் தட்டுப்பாட்டை எதிர்கொண்டிருக்கும் கிராமங்களுக்கு உடனடியாக குடிநீரை வழங்குவதற்கான நடவடிக்கைகள் மேற்கொள்ளப்படுகின்றது எனவும் தெரிவிக்கப்பட்டுள்ளது.

வடமாகாண முதலமைச்சர் சீ.வி.விக்னேஸ்வரன் இதனை தெரிவித்துள்ளார். வடமாகாணத்தில் வரட்சியானல் பெருமளவு விவசாயம் அழிவடைந்துள்ளதுடன், குடிநீருக்கான தட்டுப்பாடும் ஏற்பட்டுள்ளது.

குறித்த விடயம் தொடர்பில் முன்னெடுக்கப்பட்டுள்ள நடவடிக்கைகள் தொடர்பாக கேட்டபோதே முதலமைச்சர் மேற்கண்டவாறு கூறியுள்ளார். இது குறித்து தொடர்நதும் கருத்து தெரிவித்து அவர்,

பாதிப்புக்கள் தொடர்பாக முழுமையான தகவல்களையும் நாம் சேகரித்திருக்கும் நிலையில், பாதிக்கப்பட்டுள்ள விவசாயிகளுக்கு நஷ்டஈட்டை வழங்குவது தொடர்பாக தொடர்ச்சியாக பேச்சுவார்த்தைகளை நடத்தியுள்ளோம்.

குறிப்பாக தான் நாட்டில் இல்லாத போதும் அந்த பேச்சுவார்த்தைகள் நடந்திருக்கின்றன. எனினும் சரியான தீர்மானம் ஒன்று இது வரையிலும் எடுக்கப்படவில்லை. ஆனால் விரைவில் தீர்மானம் எடுக்கப்படும்.

பாதிக்கப்பட்ட விவசாயிகளுக்கு நஷ்டஈடு வழங்கப்படவேண்டியது கட்டாயம். இதேபோல் விவசாயிகள் காப்புறுதியை செய்யவேண்டும் என நான் பல தடவைகள் பேசியிருக்கிறேன்.

ஆனால் விவசாயிகள் அவை தொடர்பாக கருத்தில் கொள்ளவில்லை. நல்ல விளைச்சல் வரும்போது எங்களுடைய கருத்தை குறித்து சிந்திக்காத விவசாயிகள் நஷ்டத்தை சந்திக்கும்போது எங்கள் கருத்துக்களை பற்றி சிந்திக்கிறார்கள்.

இது மோசமான நிலையாகும். இதேபோல் வடக்கின் 5 மாவட்டங்களிலும் சுமார் நூற்றுக்கணக்கான கிராமங்கள் கடுமையாக வரட்சியினால் குடிநீரை பெற முடியாத நிலையில் இருக்கின்றது.

மக்கள் பலத்த கஷ்டத்தை சந்தித்திருக்கின்றார்கள். அவர்களுக்கு உடனடியாக குடிநீரை வழங்குவதற்கான நடவடிக்கைகள் மேற்கொள்ளப்படும் என அவர் மேலும் தெரிவித்துள்ளார்.

http://www.tamilwin.com/community/01/132536?ref=home

Categories: merge-rss, yarl-category

என்னுடைய பட்டுச் சேலை

வாழும்-புலம் - Fri, 20/01/2017 - 22:28

நான் இரண்டு ஆண்டுகளுக்கு முன்னர் இந்தியா சென்றிருந்தபோது நிறையச் சேலைகளை வாங்கி வந்தேன். ஏற்கனவே நிறையச் சேலைகள் இருந்தாலும் பெண்களின் சேலை ஆசை நீங்கள் எல்லாம் அறிந்தது தானே.

முதல் நாள் ஒரு இருபதினாயிரம் ரூபாய்களுக்கு சாதாரண சேலைகளும் பிள்ளைகளுக்கான ஆடைகளும் வாங்கியதில் கடையில் வேலைசெய்வோர் சகஜமாகக் கதைத்துச் சிரித்து எனக்கு ஐந்து வீதக் கழிவும் தந்தார்கள். அடுத்தநாளும் பட்டுச் சேலைகள் வாங்கவேண்டி இருந்ததில் நானும் மாமியும் போத்தீசுக்குச் சென்றோம்.

மாமி என்றால் என்னிலும் ஐந்து வயது பெரியவர் தான். இந்தியாவில் இருபது ஆண்டுகள் இருக்கிறார். ஆனால் அவர் பெரிதாக சேலைகள் வாங்குவதோ உடுத்துவதோ கூடக் கிடையாது. அதனால் அவருக்குச் சேலைகள் பற்றியோ வேறு கடைகள் பற்றியோ  எதுவும் தெரியாதவர். ஆனாலும் நான் அவர் வீட்டில் தங்கி இருந்ததால் வேறு வழியின்றி அவரைக் கூட்டிக்கொண்டே கடைக்குச் செல்லவேண்டியதாகிவிட்டது.

முதல் நாள் பழக்கத்தில் அடுத்த நாள் கடைக்குப் போனதும் ராஜ மரியாதை. ஒரு மணிநேரம் அவர்களும் சலிக்காமல் சேலைகளை எடுத்துப் போட ஒருவாறு அதில் இரண்டு சேலைகள் ஒவ்வொன்றும் 15,500 இந்தியன் ரூபாய்கள் பெறுமதியானவை. அவற்றைத் தெரிவு செய்தேன். பணத்தைச் செலுத்தி முடிய எமக்கு சேலை காட்டியவருள் ஒருவர் "அம்மா! சேலைக்கு இலவசமாக் குஞ்சம் தைத்துத் தருகிறோம். ஒரு அரைமணி நேரம் பொறுக்க முடியுமா "என்றார். நான் மாமியைப் பார்க்க குடன் தைத்துத் தரட்டும் என்றார். சரி அரைமணி நேரம் தானே என்று கொடுத்துவிட்டுப் பக்கத்தில் இருந்த சரவணபவனுக்குப் போய் நெய் முறுகல் ஒன்று சாப்பிட்டுவிட்டு திரும்பிவந்து சேலையைப் பெற்றுக்கொண்டோம். அவர்கள் தந்த உடன் பெட்டியின் மூடியைத் திறந்து நான் கொடுத்த சேலைகள் தானா என்று பார்க்க எல்லாம் சரியாக இருக்க, அவர்களுக்கு நன்றி கூறிவிட்டு வெளியே வந்தோம். உனக்கு சந்தேகம். ஏன் அவங்களுக்கு முன்னால பெட்டியைத் திறந்து பாத்தனி எண்டு மாமி கேட்க, பாக்காமல் எப்பிடி வாங்கிறது என்று கூறி மாமியின் வாயை அடைத்துவிட்டு வீடு வந்து நாடு வந்து இரண்டு ஆண்டுகள் ஆச்சு.

இந்த இரண்டு ஆண்டுகளில் தெரிந்த சொந்தங்கள் வீட்டில் திருமணம் நடைபெறவில்லை. நடைபெற்ற சில நிகழ்வுகளுக்கு இருந்த பழைய பட்டுச் சேலைகளைக் கட்டிவிட்டு இன்னும் இரண்டு வாரங்களில் என் ஒன்றுவிட்ட சகோதரனின் மகளுக்கு நடக்க இருக்கும் திருமணத்துக்குக் கட்டவேண்டும் என எண்ணியபடி சட்டையைத் தைப்பதற்காக இரண்டு சேலைகளையும் எடுத்து விரித்தால்...... நெஞ்சு படபடப்பு இன்னும் தான் போகேல்லை. 

நான் எடுத்த சேலைகளின் நிறத்தில் இந்தியப் பணத்துக்கு 3000 ரூபாய் கூடப் பெறாத சேலைகள் என் முன்னால் பல் இளித்தபடி.

என்ன செய்வது கோபப்பட்டும் ஒண்டும் செய்ய முடியாது. ஆனாலும் உப்படியான வேலைகளை சும்மாவும் விடக்கூடாது என எண்ணி போத்தீசின் இணையத்தளத்துக்குச் சென்று அதிலிருந்த மின்னஞ்சலுக்கு விபரத்தை எழுதினேன். ஆனாலும் மூன்று நாட்களாகியும் எந்தப் பதிலும் இல்லை.

பணம் கூடப் பெரிதில்லை ஆசையாக வாங்கிய சேலையை இப்படி ஏமாற்றி விட்டார்களே என்றுதான் கோபம் வருகிறது.

 

 

Categories: merge-rss

அழிந்து வரும் பூச்சி இனத்துக்கு அமெரிக்கா ஜனாதிபதியின் பெயரை சூட்டிய விஞ்ஞானிகள்

அமெரிக்காவின் 45வது ஜனாதிபதியான டொனால்ட் ட்ரம்ப் இன்று பதவியேற்கவுள்ள நிலையில், அழிந்து வரும் பூச்சி இனம் ஒன்றுக்கு அவரின் பெயரை விஞ்ஞானிகள் வைத்துள்ளனர்.

டொனால்ட் ட்ரம்பின் தலைமுடி போல அதற்கும் இருப்பதால் அதே பெயரை வைத்துள்ளதாக தெரிவிக்கப்பட்டுள்ளது. குறித்த இந்த புதிய வகைப் பூச்சியின் தலையில் மஞ்சளும் வெண்மையும் கலந்த நிறத்தில் செதில்கள் உள்ளன.

ஒட்டாவாவைச் சேர்ந்த பரிணாம உயிரியில் விஞ்ஞானி வாஸ்ரிக் நஸாரி இந்த செதில்களைப் பார்த்ததும் ட்ரம்பின் தலைமுடியைப் போல் இருப்பதை உணர்ந்து குறித்த பூச்சி இனத்துக்கு நியோபால்பா டொனால்ட்ரம்பி என பெயரை வைத்துள்ளார்.

"புதிய பெயரால் பூச்சிக்கு கிடைக்கும் வெளிச்சம், மேற்கொண்டு இந்த பூச்சி இருக்கும் இடங்களை பாதுகாக்க வழிவகுக்கும் என்றும், மேலும் இதுநாள் வரை கவனிக்கப்படாமல் இருந்த தென் அமெரிக்காவின் பல்லுயிர்கள் மீதும் கவனம் செலுத்தப்படும் என கூறப்படுகின்றது.

கலிஃபோர்னியா பல்கலைக்கழகத்தின் பொஹார்ட் பூச்சியியல் அருங்காட்சியகத்தைச் சேர்ந்த டேவிஸிடமிருந்து பெற்ற சில மாதிரிகளை வைத்து பார்க்கும்போது தான் இதுவரை பார்த்திராத, இதற்கு முன் கண்டிராத மாதிரிகள் அவை என்பதை நஸாரி உணர்ந்துள்ளார்.

இந்த பூச்சி வகைகளையும், மற்ற ஆராய்ச்சி கூடங்களிலிருந்து சேகரிக்கப்பட்ட வகைகளையும் ஆராய்ந்த பின்னர், புதிய வகை பூச்சி இனைத்தை கண்டுபிடித்துள்ளதை விஞ்ஞானிகள் உறுதிசெய்தனர்.

இதேவேளை, சமீபத்தில் ஒரு புதிய வகை மீன் இனத்துக்கு பராக் ஒபாமாவின் பெயர் வைக்கப்பட்டமையும் குறிப்பிடத்தக்கது.

http://www.tamilwin.com/special/01/132433?ref=youmaylike2

Categories: merge-rss, yarl-world-news

யாழில் திரைமறைவில் காணி சுவீகரிப்பு..! ஒருங்கிணைப்புக்குழு கூட்டத்தில் கடும் வாக்குவாதம்

ஊர்ப்புதினம் - Fri, 20/01/2017 - 21:54
யாழ். நகரப்பகுதியில் பொலிஸாரின் தேவைக்காக திரைமறைவில் காணி சுவீகரிப்பு நடவடிக்கைகள் மும்முரமாக மேற்கொள்ளப்பட்டு வருவதாக தெரிவிக்கப்பட்டுள்ளது.

இது குறித்து ஒருங்கிணைப்புக்குழுக் கூட்டத்தில் நில அளவை திணைக்கள அதிகாரி கூறியதை அடுத்து கூட்டத்தில் இருந்தவர்கள் மத்தியில் கடும் வாக்குவாதமும் ஏற்பட்டுள்ளது.

இந்நிலையில், மாவட்ட ஒருங்கிணைப்புக்குழுவின் ஒப்புதல் இல்லாமல் யாழில் எந்த காணிகளும் சுவீகரிக்கப்படக் கூடாது என்றும் கூட்டத்தில் தீர்மானம் நிறைவேற்றப்பட்டுள்ளது.

யாழ். மாவட்ட ஒருங்கிணைப்புக்குழுக் கூட்டம் நேற்று காலை யாழ். மாவட்ட செயலகத்தில் உள்ள கேட்போர் கூடத்தில் நடைபெற்றது. இதில் இந்த ஆண்டுக்கான அபிவிருத்தித் திட்டங்களின் முன்மொழிவுகள் செய்யப்பட்டன.

இதன் போது யாழ். போதனா வைத்தியசாலைக்கான அபிவிருத்தித்திட்டங்கள் தொடர்பாகவும் பேசப்பட்டது. வைத்தியசாலைக்கு முன்னால் உள்ள 4 பரப்புக் காணி வைத்தியசாலைக்கு வழங்கப்பட வேண்டும் என்ற கோரிக்கை முன்வைக்கப்பட்டது.

இக்கோரிக்கை தொடர்பில் நில அளவைத் திணைக்களத்தின் அதிகாரி கருத்து தெரிவிக்கையில், வைத்தியசாலைக்கு முன்பாக உள்ள 4 பரப்பு காணியும் பொலிஸார் தமது தேவைக்காக சுவீகரித்து தருமாறு கோரப்பட்டுள்ளது.

இது தவிர யாழ். பிரதான வீதி நீதிமன்ற கட்டத் தொகுதிக்கு முன்பாக உள்ள 3 பரப்பு காணியும் பொலிஸ் தேவைக்காக சுவீகரித்து தருமாறு கோரப்பட்டுள்ளது.

அக்காணியில் யாழ். விஷேட பொலிஸ் அத்தியட்சகரின் காரியாலயம் அமைப்பதற்காகவே இக்காணி சுவீகரிப்பதற்கான இரண்டாம் கட்ட நடவடிக்கைகள் மேற்கொள்ளப்பட்டுள்ளன என்றார்.

இருப்பினும் கூட்டத்தில் இருந்த யாழ். பிராந்திய சிரேஸ்ட பொலிஸ் அத்தியட்சகர், வைத்தியசாலைக்கு முன்பாக உள்ள காணியை தாம் கோரவில்லை என்று திட்டவட்டமாக தெரிவித்திருந்தார்.

இருப்பினும் ஜனாதிபதி செயலகத்தினால் உடனடியாக குறித்த காணியை சுவீகரித்து வழங்குமாறு விடுவிக்கப்பட்ட கோரிக்கை கடிதம் அனுப்பிவைக்கப்பட்டதாக அத்தாட்சிகளுடன் கூட்டத்தில் நிரூபிக்கப்பட்டது.

இருப்பினும் அச்சுவீகரிப்பு நடவடிக்கை நிறுத்தப்பட்டு காணி யாழ்.போதனா வைத்தியசாலைக்கு வழங்கப்பட வேண்டும் என்று கூட்டத்தில் தீர்மானிக்கப்பட்டது.

மேலும் யாழ். மாவட்ட ஒருங்கிணைப்புக்குழுவின் ஒப்புதல் இல்லாமல் அரசாங்க அதிபரோ அல்லது பிரதேச செயலரோ தன்னிச்சையாக காணிகளை கைமாற்ற முடியாது.

காணி கைமாற்றுதல் அல்லது சுவீகரித்தல் நடவடிக்கைகளுக்கு ஒருங்கிணைப்புக்குழுவின் ஒப்புதல் நிச்சயம் பெறப்பட வேண்டும் என்றும் கூட்டத்தில் தீர்மானம் நிறைவேற்றப்பட்டது.

http://www.tamilwin.com/community/01/132537?ref=morenews

Categories: merge-rss, yarl-category

மீண்டும் ஒத்திவைக்கப்பட்ட கிழக்கு எழுக தமிழ் பேரணி..!

ஊர்ப்புதினம் - Fri, 20/01/2017 - 21:35
கிழக்கு எழுக தமிழ் பேரணி பெப்ரவரி 10ஆம் திகதிக்கு ஒத்திவைக்கப்பட்டுள்ளதாக தமிழ்மக்கள் பேரவை அறிவித்துள்ளது. இது தொடர்பாக தமிழ்மக்கள் பேரவை வெளியிட்டுள்ள அறிக்கையில்,

தமிழ் மக்களின் அடிப்படை அரசியல் அபிலாசைகளையும் அன்றாட ஒடுக்குமுறைகளையும் மக்கள் ஒன்றுதிரண்டுவெளிப்படுத்தும் ஜனநாயக எழுச்சியான எழுக தமிழ் நிகழ்வானது கிழக்கு மாகாணத்தில் ஏற்பாடு செய்யப்பட்டிருந்த தினத்தில் இருந்து தவிர்க்க முடியாத காரணங்களால் எதிர்வரும் மாசி மாதம் முழுநிலவு நாளாகிய 10 ம்திகதி, வெள்ளிக்கிழமைக்கு (10/02/2017) பிற்போடப்பட்டிருக்கின்றது என்பதை தாழ்மையுடன் அறியத்தருகின்றோம்.

அரசாங்கமானது கபடத்தனமான அரசியல் முன்னெடுப்புகள் மூலம் எமது அரசியல் விருப்புகளை புறந்தள்ளிய ஒருபோலியான அரசியலமைப்பு ஒன்றை எம்மக்கள் மீது திணிக்க முற்படுகின்ற இந்த சந்தர்ப்பத்தில், எமது மக்களின் உண்மையான கோரிக்கைகள் என்ன என்பதை மீண்டும் உலகிற்கு எடுத்துக்கூற வேண்டிய கட்டாயத்தில் தமிழர்களாகிய நாம் இருக்கின்றோம்.

குறிப்பாக, இலங்கையில் நியாயமான சமாதான முன்னெடுப்புகள், பொறுப்புக்கூறல் குறித்த தமது செயற்பாட்டு அறிக்கையை ஐ.நா மனித உரிமை பேரவையில் இலங்கை அரசு எதிர்வரும் மார்ச் மாதம் வழங்கவேண்டிய சூழ்நிலையில், பொறுப்புக்கூறல் மற்றும் நிரந்தர தீர்வு குறித்தான எமது எதிர்பார்ப்புகளை வெளிப்படையாக கூறவேண்டிய கடப்பாடு எம் அனைவருக்கும் இருக்கின்றது.

இவை குறித்தும் அரசியலமைப்பு மற்றும் சமகால அரசியல் குறித்தும், எம் தாயகத்தின் அனைத்து இனக்குழுமங்கள்மீதான அடக்குமுறைகள் மற்றும் நாம் ஒன்றிணைந்து செயற்படவேண்டியதன் அவசியம் குறித்ததுமான மக்கள் விழிப்புணர்வு பணிகளில் தமிழ் மக்கள் பேரவை தொடர்ந்தும் ஈடுபட்டு வருகின்றது.

கிழக்கு மாகாணத்தின் அனைத்து நகரங்கள் கிராமங்கள்தோறும் சென்று முழு அளவிலாலான மக்கள்விழிப்புணர்வு பணிகளை இன்னமும் பரந்துபட்ட அளவில் முன்னெடுப்பதை நோக்கமாகக்கொண்டும், தவிர்க்கமுடியாத வேறுசில காரணங்களாலும் , இந்த எழுக தமிழ் நிகழ்வானது எதிர்வரும்மாசி 10 ம் திகதிவெள்ளிக்கிழமைக்கு பிற்போடப்பட்டுள்ளது.

இந்த கால அவகாசத்தில், கிழக்கு மண்ணின் இளைஞர் கழகங்கள் தொழிற்சங்கங்கள், மாணவர் அமைப்புகள் மதநிறுவனங்கள், தன்னார்வ செயற்பாட்டாளர்கள் என அனைவரையும் பேரவையின் கலந்துரையாடலின் பங்காளர்களாகி, மக்கள் பணியாற்ற முன்வருமாறு தமிழ் மக்கள் பேரவை கோருகின்றது.

எம்மிடையேயுள்ள அனைத்து பேதங்களையும் களைந்து கொள்கையின்பாற்பட்டு அனைவரும் ஒன்றிணைவோம் என குறிப்பிடப்பட்டுள்ளது.

http://www.tamilwin.com/community/01/132532?ref=editorpick

Categories: merge-rss, yarl-category

பின்லேடனின் முக்கிய ஆவணங்களை அமெரிக்கா வெளியிட்டது

பின்லேடனின் முக்கிய ஆவணங்களை அமெரிக்கா வெளியிட்டது

 

பின்லேடனின் முக்கிய ஆவணங்களை அமெரிக்க உளவு அமைப்பு சி.ஐ.ஏ., வெளியிட்டது. அதில் பல பரபரப்பு தகவல்கள் வெளியாகி உள்ளன.

 
பின்லேடனின் முக்கிய ஆவணங்களை அமெரிக்கா வெளியிட்டது
 
வாஷிங்டன்:

பின்லேடனின் முக்கிய ஆவணங்களை அமெரிக்க உளவு அமைப்பு சி.ஐ.ஏ., வெளியிட்டது. அதில் பல பரபரப்பு தகவல்கள் வெளியாகி உள்ளன.

அமெரிக்க ராணுவ தலைமையகம் பென்டகன், நியூயார்க் உலக வர்த்தக மையம் ஆகியவற்றின்மீது 2001-ம் ஆண்டு, செப்டம்பர் 11-ந் தேதி அல்கொய்தா இயக்க பயங்கரவாதிகள் விமானங்களை மோதி கொடூர தாக்குதல்கள் நடத்தினர். அவற்றில் 3 ஆயிரத்துக்கும் மேற்பட்டோர் கொன்று குவிக்கப்பட்டனர்.

இந்த தாக்குதல்கள் உலக நாடுகளையெல்லாம் அதிர்ச்சியில் உறைய வைத்தன. பதற்றத்தில் ஆழ்த்தின. இந்த தாக்குதல்களின்போது மூளையாக இருந்து செயல்பட்டவர், அந்த இயக்கத்தின் தலைவர் பின்லேடன் என அமெரிக்கா கண்டறிந்தது.

சரியாக 10 ஆண்டுகள் ஆன நிலையில், 2011-ம் ஆண்டு, மே மாதம் 2-ந் தேதி பின்லேடன், பாகிஸ்தானில் அப்போட்டாபாத் என்ற இடத்தில் பதுங்கி இருந்தபோது, அமெரிக்க ராணுவத்தின் ‘நேவி சீல்ஸ்’ படைப்பிரிவினர் அதிரடி தாக்குதல்கள் நடத்தி பின்லேடனை கொன்றனர்.

அப்போது பின்லேடன் தொடர்பான முக்கிய ஆவணங்களை அங்கிருந்து ‘நேவி சீல்ஸ்’ படைப்பிரிவினர் கைப்பற்றினர். அந்த ஆவணங்கள் சி.ஐ.ஏ. என்று அழைக்கப்படுகிற மத்திய புலனாய்வு முகமையிடம் ஒப்படைக்கப்பட்டன. அந்த ஆவணங்களை பரிசீலித்து அவ்வப்போது சி.ஐ.ஏ. வெளியிட்டு வருகிறது.

அந்த வரிசையில் நேற்று முன்தினமும் பின்லேடன் தொடர்பான முக்கிய ஆவணங்களை சி.ஐ.ஏ. வெளியிட்டு, பரபரப்பை ஏற்படுத்தி உள்ளது.

அந்த ஆவணங்களில் அவர் ஐ.எஸ். இயக்கத்தின் பொறுமை இழப்பு, வன்முறை தந்திர உத்திகள், அல்கொய்தா இயக்கம் மறைந்து வரும் நிலை ஆகியவை பற்றி, பின்லேடன் கவலைப்பட்டிருப்பது அம்பலத்துக்கு வந்துள்ளது.

அதில் ஒரு ஆவணம், பின்லேடன் தனது மகன்களை எச்சரிப்பதாக அமைந்துள்ளது. அதில் அவர், தன் மகன்களின் உடலில் எலெக்டிரானிக் சிப் பொருத்தப்பட்டு, அவர்களின் இருப்பிடம் கண்காணிக்கப்படும் ஆபத்து உள்ளதாக சுட்டிக்காட்டுகிறது.

அரேபிய தீபகற்ப பகுதியை சேர்ந்த அல்கொய்தா இயக்கத்தின் நிறுவனர் நாசர் அல் உஹாய்ஷிக்கு பின்லேடன் எழுதிய கடிதமும் இப்போது வெளியிடப்பட்டுள்ளது.

அந்த கடிதத்தில் பின்லேடன், மத அடிப்படையிலான ஒரு ராஜ்யத்தை அமைப்பதற்கான சூழல்கள் சரிவர அமையவில்லை என்பதால் அரசாங்கத்துக்கு எதிராக மிக வேகமாக செயல்படக்கூடாது என அறிவுறுத்தி உள்ளார்.

அப்படிப்பட்ட ஒரு ராஜ்யத்தை அமைப்பதில் வெற்றி கிடைக்கும் என்பது ஆதாரபூர்வமாக காட்டப்படுகிற வரையில், ஒன்றுக்கும் பலனற்ற விதத்தில் ரத்தம் சிந்தக் கூடாது எனவும் பின்லேடன் எச்சரித்துள்ளார்.

2010-ம் ஆண்டுக்கு முன் பின்லேடன் பல தரப்பினருக்கும் எழுதிய கடிதங்களில், தனது குழுவினர் அமெரிக்காவை தொடர்ந்து எதிரியாக கருதி வர வேண்டும் என்றும் வலியுறுத்தி உள்ளார் என்பது குறிப்பிடத்தக்கது. 

http://www.maalaimalar.com/News/TopNews/2017/01/21004213/1063311/releases-last-batch-of-bin-Laden-documents.vpf

Categories: merge-rss, yarl-world-news

இலங்கையின் பிரதமராக பதவியேற்பாராம் சஜித் பிரேமதாஸ

ஊர்ப்புதினம் - Fri, 20/01/2017 - 17:47
இலங்கையின் பிரதமராக பதவியேற்பாராம் சஜித் பிரேமதாஸ
 
 
இலங்கையின் பிரதமராக   பதவியேற்பாராம்  சஜித் பிரேமதாஸ
இலங்கையின் பிரதமராக சமகால அமைச்சர் சஜித் பிரேமதாஸ பதவியேற்பார் என ஆரூடம் தெரிவிக்கப்பட்டுள்ளதாக சிங்கள ஊடகம் ஒன்று தகவல் வெளியிட்டுள்ளது.
 
எதிர்வரும் மார்ச் மாதம் 31ஆம் திகதி சஜித் பிரேமதாஸ உரிய முறையில் இலங்கையின் பிரதமராக பதவிப் பிரமாணம் செய்து கொள்வார் என, முன்னாள் ஜனாதிபதி மஹிந்த ராஜபக்சவின் முன்னாள் ஆஸ்தான சோதிடர் சுமணதாஸ அபே குணவர்தன தெரிவித்துள்ளார்.
 
இந்த மாதம் 26ஆம் திகதி ஏற்படும் கிரக மாற்றம், இலங்கை அரசியலை தலைகீழாக மாற்றும் அளவிற்கு காணப்படும். பிர தமர் ரணில் விக்ரமசிங்க மற்றும் அவருடன் நெருக்கமாக செயற்படும் அமைச்சர்கள் பலர் அரசியலில் இருந்து ஓய்வு பெறுவார்கள் என அவர் குறிப்பிட்டுள்ளார்.
 
ரணசிங்க பிரேமதாஸ, ஜனாதிபதியாகிய சந்தர்ப்பத்தில் பலமாக இருந்த கிரகம் இந்த மாதம் 26ஆம் திகதியின் பின்னர் சஜித் பிரேமதாஸவின் கிரகமும் அந்த அளவிற்கு பலமடையும் என அவர் கூறியுள்ளார்.
 
2020ஆம் ஆண்டு ஜனாதிபதி வேட்பாளராக ஐக்கிய தேசிய கட்சியிலும் சஜித் பிரேமதாஸ தான் போட்டியிடுவார் என அவர் குறிப்பிட்டுள்ளார்.
 
எனினும் 2020ஆம் ஆண்டு ஜனாதிபதி தேர்தல் தொடர்பில் ஆரூடம் வெளியிடுவதற்கு  தயாரில்லை. எதிர்வரும் ஜனாதிபதி தேர்தலின் எதிர்க்கட்சி ஜனாதிபதி வேட்பாளர் தொடர்பில் உரிய விழிப்புணர்வு இல்லாமையினாலே தகவல் வெளியிட முடியாதென அவர் தெரிவித்துள்ளார்.
 
எதிர்வரும் 12 வருடங்களுக்கு ஐக்கிய தேசிய கட்சிக்கு சஜித் பிரேமதாஸ தலைமைத்துவம் வழங்குவதாக குறித்த சுமண தாஸ, சஜித்தின் பின்னர் சிங்கம் என பெயர் கொண்ட இளம் தலைவர் ஐக்கிய தேசிய கட்சி தலைவராகுவார் என அவர் மேலும் குறிப்பிட்டுள்ளார்

http://www.onlineuthayan.com/news/22938

Categories: merge-rss, yarl-category

பிபிசி தமிழ் தொலைக்காட்சி செய்தியறிக்கை 20/01/17

 

இன்றைய பிபிசி தமிழ் தொலைக்காட்சி செய்தியறிக்கையில்,

* தொலைக்காட்சி நட்சத்திரமான டொனால்ட் டிரம்ப் அமெரிக்காவின் நாற்பத்தி ஐந்தாவது அதிபராக பதவியேற்கிறார்.

* அமெரிக்க அதிபராக டொனால்ட் டிரம்ப் பதவியேற்கும் நிலையில், அவரது ஆட்சியில் ரஷ்யாவுடனான உறவு எப்படியிருக்கும்?

Categories: merge-rss, yarl-world-news

அமெரிக்காவின் அதிபராக பொறுப்பேற்றார் டிரம்ப்

அமெரிக்காவின் அதிபராக பொறுப்பேற்றார் டிரம்ப்
  • டிரம்ப்

அமெரிக்காவின் 45-வது அதிபராக டொனால்ட் டிரம்ப் பதவியேற்றுள்ளார்.

 
படத்தின் காப்புரிமை Getty Images

அமெரிக்காவின் துணை அதிபராக மைக் பென்ஸ் பதவியேற்றுள்ளார்.

தனது தொடக்க உரையில், பராக் ஒபாமா மற்றும் அவரது மனைவி மிஷெல் ஒபாமா, ஆட்சி மாற்றத்தைக் கையாண்ட விதம் குறித்து பாராட்டினார். இந்த ஜனவரி 20ம் தேதி, மக்கள் நாட்டின் ஆட்சியாளர்களாக மீண்டும் மாறிய நாளாக நினைவு கூரப்படும் என்று அவர் கூறினார்.

தன்னை எதிர்நோக்கியுள்ள பணி சவால் நிறைந்தது என்று கூறிய ட்ரம்ப் , ஆனால் இந்த வேலையை செய்து முடிக்கப்போவதாக உறுதியளித்தார். இன்றிலிருந்து ஒவ்வொரு முடிவும் அமெரிக்காவுக்கு முதலில் லாபம் அளிக்கும் வகையிலேயே எடுக்கப்படும் என்றார் டிரம்ப்.

இஸ்லாமிய பயங்கரவாதத்தை உலகிலிருந்து அகற்றுவேன் என்றும் அவர் உறுதியளித்தார்.

http://www.bbc.com/tamil/global-38697539

Categories: merge-rss, yarl-world-news

நெடுந்தாரகை கப்பலின் கன்னிப் பயணம் – வடமாகாண சபையின் செயற்பாடுகளில் முக்கியமான ஒரு நிகழ்வு

ஊர்ப்புதினம் - Fri, 20/01/2017 - 17:41
நெடுந்தாரகை கப்பலின் கன்னிப் பயணம் – வடமாகாண சபையின் செயற்பாடுகளில் முக்கியமான ஒரு நிகழ்வு

vikki.jpg
நெடுந்தாரகை கப்பலின் கன்னிப் பயணம்
குறிக்கட்டுவான் – நெடுந்தீவு
20.01.2016 வெள்ளிக்கிழமை காலை 09.30 மணியளவில்
முதலமைச்சர் உரை
குருர் ப்ரம்மா………………………………………
கௌரவ ஆளுநர் அவர்களே, அமைச்சர் கௌரவ பை(க)சர் முஸ்தபா அவர்களே, அவுஸ்திரேலியா நாட்டின் இலங்கைக்கான தூதுவர் மேன்மை தங்கிய Bryce Hutchesson அவர்களே, அவுஸ்திரேலியா நாட்டின் இலங்கைக்கான முதன்மைச் செயலாளர் அவர்களே, உலக வங்கியின் உயர் அதிகாரிகளே, மற்றும் வடமாகாண சபையின் பிரதம செயலாளர் அவர்களே, மற்றைய உயர் அதிகாரிகளே, சகோதர சகோதரிகளே!

இன்றைய நாள் வடமாகாண சபையின் செயற்பாடுகளில் முக்கியமான ஒரு நிகழ்வை ஆரம்பித்து வைக்கின்ற ஒரு சிறந்த நாளாக பதிவு செய்யப்படக்கூடியது. இலங்கையின் வடபகுதியில் உள்ள தீவுகளுள் கூடிய நிலப்பரப்பைக் கொண்டதும் குடாநாட்டில் இருந்து எட்டுக் கடல் மைல்கள் தொலைவில் அதாவது 11 KM தொலைவில் உள்ளதுமான நெடுந்தீவு தூப கற்பத்திற்கு மிகப் பாதுகாப்பான பயணத்தை மேற்கொள்ளக்கூடிய ஒரு கப்பல் சேவையை இன்று ஆரம்பித்து வைப்பதான கைங்கரியத்தில் கலந்து கொள்ளவதில் நான் மிகவும் மனமகிழ்வடைகின்றேன்.

நெல்சிப் திட்டத்தின் கீழ் நெடுந்தீவிற்கான அபிவிருத்திப் பணிகள் தொடர்பாக மக்கள் அபிப்பிராயம் பெறப்பட்ட போது அவர்களின் முதலாவது தேவையாக நெடுந்தீவிற்கும் குறிக்கட்டுவானுக்கும் இடையே பயணம் செய்யக்கூடிய ஒரு பாதுகாப்பான படகுச் சேவைக்கான தீர்மானம் 13.02.2012இல் முன்மொழியப்பட்டதுடன் இத் தீர்மானம் 20.03.2012இல் எழுத்து மூல தீர்மானமாக நெடுந்தீவு பிரதேச சபை செயலாளரினால் முன்வைக்கப்பட்டிருந்தது. இதன் அடிப்படையில் புதிய கப்பல் ஒன்றை நெல்சிப் திட்டத்தின் ஊடாக அமைப்பதற்கு உலக வங்கி 30 மில்லியன் ரூபா நிதியை வழங்க முன்வந்ததுடன் இவ்வாறு அமைக்கப்படவிருக்கின்ற கப்பல் சர்வதேச நியமத்திற்கு ஒப்பான தரமானதாக அமைந்திருத்தல் வேண்டும் என்ற ஒரு நிபந்தனையையும் விதித்திருந்தது.
2
அதற்கமைவாக ஒரு கப்பலைத் தயாரிப்பதற்கான கூறு விலைகள் கோரப்பட்ட போது 03 கம்பனிகள் அவற்றிற்கான கூறு விலைகளை சமர்ப்பித்த போதும் அவற்றின் பெறுமதி 120 மில்லியன்களுக்கு மேம்பட்டவையாக இருந்தமையால் அத்திட்டத்தை உடனடியாக நடைமுறைப்படுத்த முடியாது போய்விட்டது. எனினும் பொருளாதார அபிவிருத்தித் திட்டத்தின் கீழ் அவுஸ்திரேலிய அரசாங்கம் 100 மில்லியன் ரூபாக்களை நெல்சிப் அபிவிருத்திக்காக வழங்கிய நிலையில் 150 மில்லியன் ரூபா செலவில் அதாவது உலக வங்கி மற்றும் அவுஸ்திரேலிய அரசாங்கம் ஆகியவற்றின் உதவியுடன் இக்கப்பல் கட்டும் பணி ஆரம்பிக்கப்பட்டது.

இக் கப்பல் கட்டுவதற்கு முன்பதாக இக்கடலின் ஆழம், நீரோட்டத்தின் தன்மை, அலைகளின் வலிமை, அவற்றினால் ஏற்படக் கூடிய தாக்கங்கள் ஆகியவற்றை அளவீடு செய்கின்ற Bathymetric Survey என அழைக்கப்படும் நீரியல் ஆய்வு சுமார் 0.85 மில்லியன் ரூபாய் செலவில் மேற்கொள்ளப்பட்ட போது உருக்குத் தகடுகளால் ஆக்கப்பட்டவையே இக் கடலுக்கான கப்பல்களுக்கு உகந்தது என்ற அறிக்கையை நாறா நிறுவனம் எமக்கு வழங்கியிருந்தது. அதன் அடிப்படையில் உருக்குத்தகடுகளால் கப்பல்களை அமைக்கின்ற ஒரே ஒரு நிறுவனமாக விளங்கும் கொழும்பு டொக்யார்ட் நிறுவனத்திடம் இருந்து இக்கப்பலை நேரடிக் கொள்வனவு முறையில் கொள்வனவு செய்வதற்கு ஆயத்தங்கள் மேற்கொண்ட போது ஓய்வுபெற்ற கடல் சார் பொறியியலாளர் திரு.கே.குமாரநாயகம் அவர்களின் உதவி எமக்கு கிடைக்கப் பெற்றது.

இவ்வாறான அனைத்து உதவிகளுடனும் புதிய கப்பலை கட்டுவதற்கான ஒப்பந்தம் 08.04.2016இல் கைச்சாத்திடப்பட்டு வேலை தொடங்கப்படினும் அடித்தளம் அமைக்கின்ற வேலை 07.06.2016இல் ஆரம்பித்து வைக்கப்பட்டது. 08 மாத காலத்திற்குள் இக் கப்பலின் அமைப்புப் பணிகள் நிறைவுறுத்தப்படுவதாக ஒப்பந்தம் கைசாத்திடப்பட்ட போதும் இடையில் ஏற்பட்ட கடுமையான மழையின் காரணமாக இவ் வேலை 02 கிழமைகள் தாமதமாக நிறைவேற்றி வைக்கப்பட்டுள்ளது. இக் கப்பலை இயக்குவதற்கான ஆறு கப்பல் மாலுமிகள் தேர்ந்தெடுக்கப்பட்டு அவர்களுக்கு
1. Coxswain (Steering & Navigation)
2. Elementary First Aid
3. Fire Prevention and Fire Fighting
4. Personal Survival Techniques

ஆகிய நான்கு துறைகளிலும் பயிற்சி அளிக்கப்பட்டுள்ளதோடு இவர்களுக்கான விஷேட பயிற்சிகளை வழங்குவதற்காக டொக் யார்ட் நிறுவனத்தில் இருந்து 06 கப்பல் மாலுமிகளும் இன்னும் காரைநகர் கடற்படையின் கட்டளைத் தளபதியும் இவர்களுக்கான உதவிகளை வழங்க முன்வந்திருக்கின்றார்கள் என அறிகின்றேன்.

இக் கப்பலின் இன்றைய கன்னிப் பயணத்தின் போது இக் கப்பலை அமைப்பதற்கு உதவி ஒத்தாசைகள் வழங்கிய அனைவருக்கும் தனித்தனியாக எனது நன்றி அறிதல்களை தெரிவித்துக்கொள்ள விரும்புகிறேன்.

முதலாவதாக இக்கப்பலை அமைப்பதற்கு 100 மில்லியன் ரூபா நிதியுதவியை வழங்கிய அவுஸ்திரேலிய அரசாங்கத்திற்கு எமது மனமார்ந்த நன்றிகளை கௌரவத்திற்குரிய அவுஸ்திரேலிய நாட்டின் இலங்கைக்கான தூதுவர் ஊடாக அறியத்தருவதில் மகிழ்வடைகின்றேன்.

அடுத்ததாக 50 மில்லியன் ரூபா நிதியுதவியை வழங்கிய உலக வங்கி நிறுவனத்திற்கு எனது மனமார்ந்த நன்றிகள் உரித்தாகுக.
மேலும் இக்கப்பல் கட்டுமானப் பணிகளை மேற்கொள்வதற்கு சகல உதவிகளையும் வழங்கிய உள்ளூராட்சி மற்றும் மாகாண சபைகளுக்கான அமைச்சர் கௌரவ முஸ்தபா அவர்களுக்கும் எனது மனமார்ந்த நன்றிகளைத் தெரிவித்துக் கொள்கின்றேன்.
மேலும் இக்கப்பலின் கட்டுமானப் பணிகளை மிகக் குறுகிய கால இடைவெளியில் அதாவது 8 மாத காலப்பகுதியில் திறம்பட நிறைவேற்றித் தந்த டொக் யார்ட் நிறுவனத்திற்கு எனது மனமார்ந்த பாராட்டுக்கள்.
அடுத்ததாக இக்கப்பல் கட்டுமானப் பணிக்கு வேண்டிய தொழில்நுட்ப உதவிகளை வழங்கிய நாறா நிறுவனத்திற்கும் கடல் சம்பந்தமான பொறியியல் அறிவுகளை எம்முடன் பகிர்ந்து கொண்ட திரு.கே.குமாரநாயகம் (ஆயசiநெ நுபெiநெநச) அவர்களுக்கும் எனது மனமார்ந்த நன்றிகளை தெரிவித்துக் கொள்கிறேன்.

இவை அனைத்திற்கும் மேலாக இக்கப்பல் கட்டுமானப் பணியில் தங்களது பொன்னான நேரங்களை செலவு செய்து இக்கட்டுமானப் பணிகள் மிகக் குறுகிய காலத்தில் நிறைவடைவதற்கு பல வழிகளிலும் ஒத்துழைப்பு நல்கிய அனைத்து உத்தியோகத்தர்கள் மற்றும் நலன்விரும்பிகளுக்கும் எனது மனமார்ந்த நன்றிகளைத் தெரிவிப்பதுடன் நீண்ட காலமாக கிட்டத்தட்ட 50 வருடங்களுக்கு மேலாக பாதுகாப்பானதும் அமைதியானதுமான பயண வசதிகள் இன்றி அல்லல் உற்ற நெடுந்தீவு மக்களுக்கு வடமாகாண சபையின் எமது ஆட்சிக்காலத்தில் இவ்வாறானதொரு சிறந்த கப்பலைப் பெற்றுக் கொடுக்க அருள்புரிந்த இறைவனுக்கும் எனது மனமார்ந்த நன்றிகளை தெரிவித்து எனது உரையின் சாராம்சத்தை ஆங்கிலத்தில் கூற விழைகின்றேன்.

 

Hon’ Governor Northern Province, Hon’ Faiszer Musthapha Minister of Provincial Government & Local Government, Your Excellency Bryce Hutchesson, High Commissioner for Australia in Sri Lanka, First Secretary of the High Commission for Australia in Sri Lanka, Officials of the World Bank, Chief Secretary of the Northern Province, Distinguished Guests, my dear brothers and sisters,
I have great pleasure in associating myself in the Launching of ‘Neduntharakai’ boat. We are inaugurating a passenger boat service between Kurikkadduvan and Delft which is the biggest of all Islands in the Northern Province. The distance between the Island of Delft and Kurikkadduvan is about 08 nautical miles which is about 11 Km on land. This event is significant to the Northern Provincial Council as remarkable in its annals.
When an opinion was sought from the people of Delft on the development activities to be taken forward under the NELSIP funding, the Pradhesiya Sabha, Delft forwarded a proposal for the provision of a safe travel boat on 13.02.2012.Subsequently the Pradhesiya Sabha took a firm decision on 20.03.2012 in this regard.
5
Accordingly it was decided to build a passenger boat under the NELSIP funding. World Bank, in the first instance, came forward to contribute Rs. 30 Mn on condition that the boat should conform to international standards. Following the World Bank contribution, tenders were called for and three companies sent in their applications. Since their bids were over 120 Mn each, building of this boat had to be in abeyance for some time. Thereafter the Government of Australia came to our rescue by offering Rs.100 Mn. to the NELSIP funding. With this magnanimous gesture of the Australian Government with the contribution of the balance by the World Bank the project commenced.
To assess the damages that may be caused by rough sea tides to the boat, ‘Bathymetric’ survey was carried out as a precautionary measure at a cost of 0.85 Mn by NARA. The report recommended the use of steel iron sheets in the construction of the Boat. Thus an Agreement was entered into with Colombo Dockyard Company on 08.04.2016 to complete the task within 08 months. The company successfully completed their assignment and the boat is ready to undertake its maiden voyage from Kurikkadduvan to Delft. Six crew members recruited before hand were given special training by the Dockyard and the Sri Lankan Navy. We thank Rear Admiral K.K.V.P.H. De Silva Commander of Northern Region for imparting such a course of training to the crew members.
I take this opportunity to thank wholeheartedly everyone who contributed towards this venture to make it a reality. We are indebted to the Australian Government and the World Bank and we wholeheartedly thank them. We thank Hon’ Minister Faizer Musthapha, Minister for Provincial Council & Local Government for assistance rendered in all respect towards our efforts. I have had a fruitful meeting with the Honourable Minister last evening relating many Provincial matters and his candidness and his readiness to help us was a strength to us. We also thank Marine Engineer Mr.K.Kumaranayakam and NARA for sharing with us their Technical and Engineering expertise and knowledge.
6
Finally let me thank on behalf of the Northern Provincial Council all those who contributed their mite towards the provision of this passenger launch to the people of Delft who have been undergoing immense hardships in traveling between the Island of Delft and the main land for the past fifty years or so.
I was impressed by the invitation card sent to me. Though Centre of place is given to Sinhala, Tamil language finds precedence. Often Central Government Ministries give importance to Sinhala in such invitation cards. Though a very small matter the importance given to the language of our Province is heartening to us. I thank the organisers for that and conclude my speech wishing good luck, health and happiness to every one present here today.
Thank you.
நன்றி. வணக்கம்
நீதியரசர் க.வி.விக்னேஸ்வரன்
முதலமைச்சர்
வடமாகாணம்

http://globaltamilnews.net/archives/14529

Categories: merge-rss, yarl-category

விசேட அதிரடிப்படையினரின் வாகனம் மோதி விபத்து, போதகர் ஒருவர் படுகாயம்!

ஊர்ப்புதினம் - Fri, 20/01/2017 - 16:29
விசேட அதிரடிப்படையினரின் வாகனம் மோதி விபத்து, போதகர் ஒருவர் படுகாயம்!

 

 

முல்லைத்தீவு மாங்குளம் பகுதியில் A9 பிரதான வீதியில் இன்று மாலை விசேட அதிரடிப்படையினரின் வாகனம் மோதியத்தில் கிறிஸ்தவ மத போதகர் ஒருவர் படுகாயம் அடைந்து மாங்குளம் ஆதார வைத்தியசாலையில் அனுமதிக்கப்பட்டு மேலதிக சிகிச்சைக்காக கிளிநொச்சி வைத்தியசாலைக்கு மாற்றப்பட்டுள்ளார்.

unnamed__2_.jpg

விபத்து தொடர்பாக மேலும் தெரியவருவதாவது,

மாங்குளம் எரிபொருள் நிரப்பு நிலையத்துக்கு திரும்ப முடப்பட்ட போதகரை எதிரில் அதிகவேகமாக வந்த விசேட அதிரடிப்படையினரின் வாகனம் மோதி ஐந்து மீற்றர் தூரம்வரை இழுத்துச்சென்றதில் 17 ஆம் கட்டை ஒட்டுசுட்டானை சேர்ந்த 60 வயதுடைய போதகர் யாகோ அவர்களே படுகாயமடைந்துள்ளார்.

unnamed__9_.jpg

படுகாயமடைந்தவரை மாங்குளம் ஆதார வைத்தியசாலையில் அனுமதிக்கப்பட்டு மேலதிக சிகிச்சைக்காக கிளிநொச்சி மாவட்ட வைத்தியசாலைக்கு மாற்றப்பட்டுள்ளார்.விபத்து தொடர்பாக மாங்குளம் பொலிசார் விசாரணைகளை மேற்கொண்டுள்ளனர்.

unnamed.jpg

http://www.virakesari.lk/article/15629

Categories: merge-rss, yarl-category

சோபித்த தேரரின் கார் எங்கே.?

ஊர்ப்புதினம் - Fri, 20/01/2017 - 15:05
சோபித்த தேரரின் கார் எங்கே.?
 

காலம் சென்ற மாதுலுவாவே சோபித்த தேரர் பயன்படுத்திய சுமார் 2 கோடி பெறுமதியான சொகுசு மோட்டார் வாகனம் காணாமல் போயுள்ளதாக தெரிவிக்கப்படுகின்றது.

Image result for மாதுலுவாவே சோபித்த தேரர் virakesari

இந்த சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.

சம்பவம் தொடர்பில் கிடைக்கப்பெற்ற முறைப்பாட்டையடுத்து, மிரிஹான பொலிஸார் விசாரணைகளில் ஈடுபட்டுள்ளதாக பொலிஸ் ஊடக பேச்சாளர் அலுவலகம் தெரிவித்துள்ளது.

கோட்டே நாக விகாரையின் உடதளகந்தே ஆரியரத்ன தேரர் உள்ளிட்ட குழுவினரால் இந்த முறைப்பாடு செய்யப்பட்டுள்ளது. 

கடந்த 7 மாதங்களுக்கு முன்னர் குறித்த மோட்டார் வாகனம் காணாமல் போயுள்ளதாக முறைப்பாட்டில் குறிப்பிடப்பட்டுள்ளது. 

http://www.virakesari.lk/article/15618

Categories: merge-rss, yarl-category

ஜனாதிபதி வரும் போது அமைதியாக இருக்க வேண்டும்! - கேப்பாபிலவு மக்களுக்கு படையினர் எச்சரிக்கை!

ஊர்ப்புதினம் - Fri, 20/01/2017 - 14:52
முல்லைத்தீவு மாவட்டத்திற்கு ஜனாதிபதி மைத்திரிபால சிறிசேன வருகை தரும்போது, கவனயீர்ப்பு போராட்டங்களை நடத்தக் கூடாது என படைத்தரப்பினர் எச்சரிக்கைவிடுத்துள்ளனர்.

இந்த உத்தரவை மீறி செயற்பட்டால்,உங்களுக்கு எந்த உதவிகளும் கிடைக்காது எனபடைத்ரப்பினர் எச்சரிக்கை விடுத்துள்ளனர்.

மேலும், ஜனாதிபதி இந்த மாதம் 25 ஆம் திகதி வருகை தருவார், மாற்றுக் காணிகள் மற்றும் 25 லட்சம் ரூபா செலவில் வீட்டுத் திட்டங்களையும் வழங்கிவைப்பார்.

இவற்றை பெற்றுக் கொண்டு அமைதியாக இருப்பதே நல்லது என படையினர் எச்சரிக்கைவிடுத்தனர் என அந்த பகுதி மக்கள் தெரிவித்துள்ளனர்.

கேப்பாபிலவு கிராம மக்களுக்கு சொந்தமான 524 ஏக்கர் காணி,போரின் பின்னர்படையினரின் கட்டுப்பாட்டுக்குள் கொண்டு வரப்பட்டு ஏழு வருடங்கள் கடந்துள்ள நிலையிலும் அம் மக்களின் காணிகளை விடுவிப்பதற்கு படையினர் மறுத்து வருகின்றமை குறிப்பிடத்தக்கது.

கேப்பாபிலவு கிராம மக்கள் தெரிவித்த கருத்துக்களை மேற்கோள் காட்டி பத்திரிகை ஒன்று செய்தி வெளியிட்டுள்ளமை குறிப்பிடத்தக்கது.

http://www.tamilwin.com/security/01/132512?ref=home

Categories: merge-rss, yarl-category

யாழ்ப்பாணத்தில் பொருத்து வீடு வழங்க இடமளிக்கமாட்டோம்

ஊர்ப்புதினம் - Fri, 20/01/2017 - 14:49

யாழ்ப்பாணத்தில் பொருத்து வீடு வழங்க இடமளிக்கமாட்டோம்

யாழ்ப்பாணத்தில் பொருத்து வீடு வழங்க இடமளிக்கமாட்டோம்

 

 
இந்த நல்லாட்சி அரசாங்கத்தில் ஶ்ரீ லங்கா சுதந்திரக் கட்சியாக இருக்கட்டும் அல்லது ஐக்கிய தேசிய கட்சியாக இருக்கட்டும், தமிழ்த் தேசியக் கூட்டமைப்பாக இருக்கட்டும் அனைவரும் கட்சியை வளர்ப்பதற்காகவே செயற்படுகிறார்கள் என ராஜாங்க அமைச்சர் விஜயகலா மகேஸ்வரன் குற்றம்சுமத்தியுள்ளார்.

யாழ்ப்பாண மாவட்ட செயலகத்தில் நேற்று (19) யாழ்ப்பாண மாவட்ட ஒருங்கிணைப்புக் குழு கூட்டம் நடைபெற்றது.

இதில் கூட்டமைப்பின் கேள்விக்கு பதிலளிக்கும் போதே அமைச்சர் விஐயகலா மகேஸ்வரன் இதனைத் தெரிவித்தார்.


இதன்போது ஐக்கிய தேசிய கட்சியை வளர்ப்பதற்காகவா, பொருத்து வீட்டுத்திட்டத்தினை வடக்கு வாழ் மக்களிடத்தில் திணிக்கின்றீர்கள் என வடமாகாண சபை உறுப்பினர் சுகிர்தன் மற்றும் கூட்டமைப்பின் உறுப்பினர்கள் அமைச்சர் விஜயகலாவிடம் கேள்வி எழுப்பினார்கள்.


அவர்களின் கேள்விக்கு அமைச்சர் பதிலளிக்கையில், 
தமிழ்த் தேசியக் கூட்டமைப்பின் பாராளுமன்ற உறுப்பினர் சி.சிறிதரன் தமிழ்த் தேசியக் கூட்டமைப்பினை வளர்க்கவில்லை.

மாறாக ஐக்கிய தேசிய கட்சியையும், ஐக்கிய மக்கள் சுதந்திரக் கூட்டமைப்பினையும் வளர்ப்பதற்காக செயற்படுகின்றார்கள்.


அபிவிருத்தி கூட்டம் என்றால், அபிவிருத்தி தொடர்பாக மட்டும் கதையுங்கள் கட்சியைப் பற்றி கதைக்க வேண்டாம் என பதிலளித்தார்.


மேலும் அபிவிருத்திக்கு முக்கியத்துவம் கொடுக்க வேண்டுமென்று கூறுவதுடன், கட்சியும் வளர்க்க வேண்டும் தான், ஆனால், மக்களின் பிரச்சினைகளுக்கு அதி முக்கியத்துவம் கொடுக்க வேண்டும்.


மக்களை மீண்டும், மீண்டும் படுகுழியில் தள்ளுவதற்கு நாங்கள் தயாராக இல்லை எனவும் தெரிவித்தார்.


பொருத்துவீடுகளைப் பற்றி கதைக்க அதற்குரிய அமைச்சர் தற்போது இங்கு இல்லை. பொருத்து வீட்டினை வழங்குவதற்கு நாமும் அனுமதிக்கமாட்டோம்.


எனவே இந்த இடத்தில் பொருத்து வீடுகள் தொடர்பாக கதைப்பது பொருத்தமானதாக அமையாது எனவும் சுட்டிக்காட்டினார்.

யாழ்ப்பாண மாவட்ட அபிவிருத்தி குழு கூட்டத்தில் இணைத் தலைவர்களான முதலமைச்சர் மற்றும் பாராளுமன்ற உறுப்பினர்களான மாவை சேனாதிராஜா மற்றும் அங்கஐன் ஆகியோர் கலந்து கொள்ளவில்லை.

http://tamil.adaderana.lk/news.php?nid=87098

Categories: merge-rss, yarl-category

ராஜபக்ஸ அருங்காட்சியக பகுதி சோதனை

ஊர்ப்புதினம் - Fri, 20/01/2017 - 14:39
ராஜபக்ஸ அருங்காட்சியக பகுதி சோதனை
 
 
ராஜபக்ஸ அருங்காட்சியக பகுதி சோதனை
மெதமுலனவில் அமைந்துள்ள டி.ஏ.ராஜபக்ஸ அருங்காட்சியகம் மற்றும் அதனை அண்மித்துள்ள பகுதிகளை பொலிஸ் நிதிக்குற்ற விசாரணைப் பிரிவின் அதிகாரிகள் நேற்று சோதனையிட்டனர்.
 
இறுதி மதிப்பீட்டு அறிக்கையைப் பெற்றுக்கொள்ளும் நோக்கில், பொலிஸ் நிதிக்குற்ற விசாரணைப் பிரிவு அதிகாரிகள் மற்றும் அரச மதிப்பீட்டு அதிகாரிகள் இணைந்து, நேற்று காலை குறித்த பகுதியை சோதனையிட்டனர்.
 
வீரகெட்டிய திட்டம் என்ற பெயரில் திட்டமொன்றை ஆரம்பித்து, டி.ஏ. ராஜபக்ஸ தம்பதிகளின் கல்லறைகளைப் புனரமைத்தல் மற்றும் அருங்காட்சியகமொன்றை நிர்மாணிப்பதற்காக 9 கோடி ரூபா செலவிடப்பட்டதாகக் கூறப்படும் சம்பவம் தொடர்பான விசாரணைகளுக்காகவே இந்த சோதனை நடவடிக்கை முன்னெடுக்கப்பட்டது.
1484909863_fcid.jpg
கோத்தாபய ராஜபக்ஸ பாதுகாப்பு செயலாளராக செயற்பட்ட காலப்பகுதியில், அந்த அமைச்சிற்கு சொந்தமான காணிகளை நிர ப்புதல் மற்றும் அபிவிருத்தி செய்தல் கூட்டுத்தாபனத்தின் ஊடாக குறித்த நிதி ராஜபக்ஸ அமைப்பிற்கு பயன்படுத்தப்பட்டு ள்ளதாக விசாரணைகளின் ஊடாக தெரியவந்துள்ளது.
 
இதற்கான வாக்குமூலத்தை பெறுவதற்காக முன்னாள் பாதுகாப்பு செயலாளர் கோத்தாபய ராஜபக்ஸ, பொலிஸ் நிதிக்குற்ற விசா ரணை பிரிவுக்கு பல தடவைகள் அழைக்கப்பட்டிருந்தமை குறிப்பிடத்தக்கது.

http://www.onlineuthayan.com/news/22929

Categories: merge-rss, yarl-category

மாகாண சபைகளை பிராந்திய அரசாங்கங்கள் என அழைக்கவேண்டும்-சுமந்திரன்

ஊர்ப்புதினம் - Fri, 20/01/2017 - 14:37
மாகாண சபைகளை பிராந்திய அரசாங்கங்கள் என அழைக்கவேண்டும்-சுமந்திரன்
 
 
மாகாண சபைகளை பிராந்திய அரசாங்கங்கள் என  அழைக்கவேண்டும்-சுமந்திரன்
மாகாண சபைகள் என சொல்லப்படாமல் மாகாண அரசாங்கம் என சொல்லப்படுவதுதான் உகந்தது அதைவிட பிராந்திய அரசா ங்கம் என்று சொல்லப்படவேண்டிய காலம் விரைவில் வரவேண்டும். என பாராளுமன்ற உறுப்பினர் சுமந்திரன் தெரிவித்தார்.
 
இன்றையதினம் நெடுந்தாரகை படகுச் சேவையினை ஆரம்பித்து வைக்கும் நிகழ்வில் கலந்துகொண்டு உரையாற்றும்போதே மேற்கண்டவாறு தெரிவித்தார் . அவர் தனதுரையில் மேலும் தெரிவிக்கையில்
 
இந்த நெடுந்தாரகை படகினை தந்து உதவிய அனைவருக்கும் வடபகுதி மக்கள் சார்பில்  எனது  நன்றிகளை தெரிவித்துக்கொள்கி றேன்.நெடுந்தீவிற்கு போய் வருவதென்றால் உயிரை கையில் பிடித்துக்கொண்டுதான் செல்லவேண்டும். அவசரமாக செல்ல வேண்டும் என்றால் கடற்படையின் அதிவேக படகிலேயே செல்லவேண்டும். அது இன்னும் பயங்கரமானதாக இருக்கும். ஆனால் தற்போது அந்த நிலைமை மாறி பாதுகாப்பான பயணத்தினை மேற்கொள்ள முடியுமானதாக உள்ளது. 
 
மாகாணசபைகள் என சொல்லப்படாமல் மாகாண அரசாங்கம் என சொல்லப்படுவதுதான் உகந்தது. அதைவிட பிராந்திய அரசா ங்கம் என்று சொல்லப்படவேண்டிய காலம் விரைவிலே வரவேண்டும். அப்படியாக பிராந்திய அரசாங்கங்களுக்கு ஆட்சி அதிகாரங்கள் பகிர்ந்தளிக்கப்பட்டு உள்ளுராட்சி மன்றங்களுக்கும் இன்னொரு வித்தியாசமான நிரல் ஒண்டு உருவாக்கப்பட்டு அவர்களும் தங்களின் அதிகாரங்களை கவனிக்கத்தக்க மாதிரியான புதிய அரசியல் யாப்பு வர இருப்பது எல்லோருக்கும் தெரியும்.
 
போதிய அரசியல் யாப்பை உருவாக்குவதில் பல தடங்கல்கள் உருவாகிறது. அதனை முறியடிப்பதற்கு   சிறிலங்கா சுதந்திர கட்சி பல வழிகளை கையாண்டு வருகிறது. இங்கு சிறிலங்கா சுதந்திர கட்சியின் பாராளுமன்ற உறுப்பினர் வருகை தந்து இருக்கிறார். வடக்கு கிழக்கு மக்களினுடைய உள்ள கிடக்கைகளை அறிந்து  தனது கட்சி உயர் பீடத்திடம் தெரிவிப்பார் என நம்புகிறேன். 
 
எங்களுக்கு இருக்க வேண்டிய அதிகாரங்கள் பகிரப்பட்டு இந்த நாட்டிலே இருக்கின்ற 70வருட கால இனப்பிரச்சனையை தீர்ப்ப தற்கு எமக்கு ஒரு சந்தர்ப்பம் கிடைக்கும். அதற்காக இரண்டு பிரதான கட்சிகளும் உழைக்க வேண்டும் எனவும் தெரிவித்தார்.

http://www.onlineuthayan.com/news/22920

Categories: merge-rss, yarl-category

புனர்வாழ்வளிக்கப்பட்ட 61 பயனாளிகளுக்கு சுயதொழில் கடன் வழங்கப்பட்டுள்ளது

ஊர்ப்புதினம் - Fri, 20/01/2017 - 14:34
புனர்வாழ்வளிக்கப்பட்ட 61 பயனாளிகளுக்கு சுயதொழில் கடன் வழங்கப்பட்டுள்ளது

jaff-district-off.jpg

புனர்வாழ்வளிக்கப்பட்ட 61 பயனாளிகளுக்கு சுயதொழில் கடன் வழங்கும் நிகழ்வு இன்றைய தினம்(20) யாழ் மாவட்ட செயலகத்தில் யாழ் மாவட்ட மேலதிக அரசாங்க அதிபர் பா. செந்தில்நந்தனன் தலைமையில் இடம்பெற்றது.

கடற்றொழில், மாடு வளர்ப்பு, கணனி , மின்னியல், தையல், தச்சு வேலை போன்ற துறைகளில் சுயதொழில் புரியவுள்ள காரைநகர் பிரதேச செயலக பிரிவினைச்சேர்ந்த 17 பேர் தெல்லிப்பளை பிரிவினைச்சேர்ந்த  6 பேர் சங்கானை பிரிவினைச்சேர்ந்த  6 பேர் பருத்தித்துறை  பிரிவினைச்சேர்ந்த 6பேர் ஊர்காவற்றுறை பிரிவினைச்சேர்ந்த 7பேர் நல்லூர் பிரிவினைச்சேர்ந்த 7பேர் சண்டிலிப்பாய் பிரிவினைச்சேர்ந்த 6 பேர் கோப்பாய் பிரிவினைச்சேர்ந்த ஒருவர் உடுவில் பிரிவினைச்சேர்ந்த 5 பேர் பயனாளிகள் இச்சுயத்தொழில் கடனை பெற்றுக்கொண்டனர்.

இந்நிகழ்வில் புனர்வாழ்வு அதிகார சபையின் தலைவர் என்.பத்மநாதன், நிறைவேற்றுப் பணிப்பாளர் என்.புகேந்திரன், புனர்வாழ்வு ஆணையாளர் நாயகத்தின் பொறுப்பதிகாரி லெப்டினல் கர்னல் மடுகல்ல இலங்கை வங்கியின் சிரேஷ்ட முகாமையாளர் சேதுகாவலன் மற்றும் யாழ் மாவட்ட செயலக உத்தியோகத்தர்கள்  கலந்து கொண்டனர்.

http://globaltamilnews.net/archives/14504

Categories: merge-rss, yarl-category

நீண்ட வறட்சிக்குப் பின்னர் மட்டு.மாவட்டத்தில் தொடர் மழை - மக்கள் மகிழ்ச்சி

ஊர்ப்புதினம் - Fri, 20/01/2017 - 14:26
நீண்ட வறட்சிக்குப் பின்னர் மட்டு.மாவட்டத்தில் தொடர் மழை - மக்கள் மகிழ்ச்சி

 

 

நீண்ட வறட்சிக்குப் பின்னர் மட்டக்களப்பு மாவட்டத்தில் இன்று காலை முதல் மழைபெய்து வருகின்றது.இதனால் வறட்சிக்குட்பட்டிருந்த பல இடங்களில் மழை நீர் தேங்கியுள்ளது.இன்று 10.5 மில்லிமீற்றர் மழைவீழ்ச்சி பதிவாகியுள்ளதாக மாவட்ட வானிலை அவதான நிலைய பொறுப்பதிகாரி கே.சூரியகுமார் தெரிவித்தார்.

unnamed__3_.jpg

மட்டக்களப்பு மாவட்டத்தில் ஏற்பட்டுள்ள கடும் வறட்சியினால் பெரும்போக வேளாண்மை பெருமளவில் சேதமடைந்துள்ளது.இம்முறை இம்மாவட்டத்தில் 1 இலட்சத்து 50 ஆயிரம் ஏக்கரில் பெரும்போக நெற்செய்கை மேற்கொள்ளப்பட்டிருந்தபோதிலும் இதில் பெருமளவிலான நெல்வயல்கள் வறட்சியால் பாதிக்கப்பட்டுள்ளன.

unnamed__4_.jpg

இன்று மழை பெய்ய ஆரம்பித்திருப்பதால் விவாசாயிகள் மத்தியில் பெரும் மகிழ்ச்சியான சூழல் ஏற்பட்டுள்ளது.தொடர்ந்தும் மழை பெய்யுமென வானிலை அவதான நிலையம் தெரிவித்துள்ளது.

unnamed__5_.jpg

unnamed__6_.jpg

unnamed__7_.jpg

unnamed__8_.jpg

http://www.virakesari.lk/article/15622

Categories: merge-rss, yarl-category

பாதிக்கப்பட்டவர்களின் இதயங்களை குணப்படுத்த வேண்டியது முக்கியம் – அல் ஹுசேன்

ஊர்ப்புதினம் - Fri, 20/01/2017 - 13:23

போரினால் பாதிக்கப்பட்டவர்களின் இதயங்களை சிறிலங்கா குணப்படுத்த வேண்டியது முக்கியம் என்று சிறிலங்கா பிரதமர் ரணில் விக்கிரமசிங்கவிடம், ஐ.நா மனித உரிமை ஆணையாளர் செயிட் ராட் அல் ஹுசேன் வலியுறுத்தியுள்ளார்.

டாவோசில் நடைபெறும் உலக பொருளாதார மாநாட்டின் பக்க நிகழ்வாக, சிறிலங்கா பிரதமர் ரணில் விக்கிரமசிங்கவுக்கும், ஐ.நா மனித உரிமை ஆணையாளர் செயிட் ராட்அல் ஹுசேனுக்கும் இடையிலான சந்திப்பு ஒன்று இடம்பெற்றது.

இந்தச் சந்திப்பின் போது, கருத்து வெளியிட்ட ஐ.நா மனித உரிமைகள் ஆணையாளர், “மனித உரிமை விவகாரங்கள் தொடர்பாக சிறிலங்காவில் சாதகமான நடவடிக்கைகள் எடுக்கப்பட்டுள்ளன.

ranil-zeid

எல்லா சமூகங்களின் உரிமைகளையும் பாதுகாப்பை உறுதிப்படுத்துவதற்கான செயல்முறைகளை சிறிலங்காவினால் மேற்கொள்ள முடியும் என்று ஐ.நா மனித உரிமைகள் பேரவை நம்புகிறது.

போரினால் பாதிக்கப்பட்டவர்களின் இதயங்களை சிறிலங்கா குணப்படுத்த வேண்டியது முக்கியம்” என்று குறிப்பிட்டார்.

இதன்போது கருத்து வெளியிட்ட சிறிலங்கா பிரதமர், எல்லா சமூகங்களின் உரிமைகளையும் பாதுகாப்பை உறுதிப்படுத்த சிறிலங்கா அரசாங்கம் நடவடிக்கை எடுக்கும் என்று உறுதியளித்துள்ளார்.

http://www.puthinappalakai.net/2017/01/20/news/20807

Categories: merge-rss, yarl-category