கணினி வளாகம்

பல ஸ்மார்ட்போன்களின் நெஞ்சங்களில் குடியிருக்கும் 'வெறித்தன' ஆண்ட்ராய்டின் அடுத்த வெர்ஷன் ரெடி. இம்முறை பெயர் தொடங்கி அனைத்திலும் மாற்றங்கள் பளிச்சிடுகின்றன.

மார்ஷ்மெல்லோ, ஐஸ்கிரீம் சாண்ட்விச், பை என உணவு பெயர்கள் ஆண்ட்ராய்டுக்கு வைக்கப்படுவது வழக்கம். அப்படி இம்முறை Q-வில் தொடங்கும் எந்த உணவுப் பொருளின் பெயரை வைக்கப்போகின்றனர் என்ற ஆர்வத்துடன் மக்கள் காத்துக்கொண்டிருக்க, சிம்பிளாக 'ஆண்ட்ராய்டு 10'தான் இந்த வெர்ஷனின் பெயர்அறிவித்தது கூகுள்.

முதல்கட்டமாக கூகுள் பிக்ஸல் மொபைல்களுக்குஇந்த மாதத் தொடக்கத்திலிருந்து இந்த ஆண்ட்ராய்டு 10 அப்டேட் கிடைக்கத்தொடங்கியது. அப்படியான ஒரு பிக்ஸல் மொபைலில் ஆண்ட்ராய்டு 10 பயன்படுத்திப் பார்த்ததில், எங்களைக் கவர்ந்த சில வசதிகளை இங்கே விரிவாகக் காண்போம்.

டார்க் தீம்

மாற்றங்கள் பல இருந்தாலும் முதலில் நம் கண்களுக்குத் தெரிவது டார்க் தீம்தான். மக்கள் வெகுகாலமாகக் கேட்டுவரும் இந்த வசதி, நேட்டிவாக ஆண்ட்ராய்டு 10-ல் இருக்கும். இதனால், ஒரு க்ளிக் மொத்த மொபைல் இன்டர்ஃபேஸையும் கறுப்பு அதிகம் இருக்கும் டார்க் தீமிற்குக் கொண்டுசெல்லும்.

OLED ஸ்கிரீன்களில் கறுப்பு பிக்ஸல்களை டிஸ்ப்ளே செய்ய, கூடுதல் ஒளி(backlight) தேவையில்லை என்பதால் இந்த தீம் வைப்பதன்மூலம் பேட்டரியை சேமிக்கும். பேட்டரி சேவர் ஆன் செய்தால் தானாக டார்க் தீமும் ஆன் ஆகிவிடும். பார்க்க, டார்க் மோடு பார்க்கவும் ஸ்டைலிஷாகவே இருக்கிறது. இது ஆண்ட்ராய்டு 10-ல் வந்திருக்கும் ஒரு முக்கிய அப்டேட் என சொல்லலாம்.

ஜிமெயில் ஆப்பில் மட்டும் இருந்த இந்த வசதி இனி அனைத்து மெசேஜிங் ஆப்களுக்கும் கிடைக்கும். இந்த வசதி வரும் குறுஞ்செய்திகளை வாசித்து, அதற்குப் பொருத்தமான ரிப்ளை மற்றும் எமோஜிகளை நோட்டிஃபிகேஷன் பாரிலேயே பரிந்துரைக்கும்.

இத்துடன் வரும் மெசேஜ்களில் வெப் லிங்க், அட்ரஸ் போன்ற விஷயங்கள் இருந்தால், அதை ஓப்பன் செய்யும் ஆப்களையும் நோட்டிஃபிகேஷனிலேயே பரிந்துரைக்கும். இந்த வசதி பலருக்கும் பயனுள்ளதாக இருக்கும் என நிச்சயம் சொல்லலாம்.

வீடியோ மற்றும் கேமிங்கிற்காக டிஸ்ப்ளே முடிந்த அளவுக்கு பெரிதாக இருக்க வேண்டும் என இன்றைய வாடிக்கையாளர்கள்(மில்லெனியல்ஸ் என கூறலாம்!) எதிர்பார்க்கின்றனர்.

இதனால் ஒரு ஆப்பில் முன், பின் வருவதற்கு பட்டன் வைப்பதெல்லாம் இன்று மிகவும் ஓல்டு ஃபேஷன் ஆகிவிட்டது. இதற்கு பதிலாக ஒவ்வொரு ஸ்மார்ட்போன் நிறுவனமும் தங்கள் ஓ.எஸ்ஸில் விதவிதமான ஜேஸ்சர் வசதிகள் வைத்திருக்கின்றன. இதை ஒழுங்குபடுத்தும் நோக்கில் ஆண்ட்ராய்டே இன்பில்ட்டாக இந்த ஜேஸ்சர் நேவிகேஷன் வசதியை ஆண்ட்ராய்டு பை-யில் கொடுத்தது. ஆனால், அதில் முன், பின் செல்வது சிக்கலாகவே இருப்பதாகப் பல குற்றச்சாட்டுகள் எழுந்தன.

இவற்றுக்கு காதுகொடுத்திருக்கும் ஆண்ட்ராய்டு வடிவமைப்புக் குழு, இம்முறை ஐபோன்களில் இருப்பதுபோன்ற ஜெஸ்சர் நேவிகேஷனுடன் களம் கண்டுள்ளது.

பீட்டா வெர்ஷன் தொடங்கி அதிகாரபூர்வ வெளியீடு வரை இதில்தான் சிறு சிறு மாற்றங்கள் கொண்டுவரப்பட்டு மெருகேற்றும் பணி நடந்துகொண்டே இருந்தது.

இறுதியாக, இப்போது இருக்கும் ஜெஸ்சர் நேவிகேஷன், எங்கள் பயன்பாட்டில் மிகவும் எளிதாகவும் எந்த ஒரு பிரச்னையுமின்றி இருப்பதாகவே தெரிகிறது. பின் செல்ல, வலது அல்லது இடது பக்கத்திலிருந்து ஸ்வைப் செய்ய வேண்டும். இது, சில நேரங்களில் குழப்பம் ஏற்படுத்தலாம் என்பதால், இதன் சென்சிடிவிட்டியை மாற்றிக்கொள்ளும் வசதியும் இருக்கிறது.

பிரைவசி கன்ட்ரோல்ஸ்

டெக் நிறுவனங்களுக்கு இப்போது இருக்கும் மிகப்பெரிய தலைவலி, பிரைவசி சர்ச்சைகள்தான்.

பயனாளர்களின் தகவல்களைப் பாதுகாப்பாக வைத்துக்கொள்ளவில்லை என்று பல நிறுவனங்கள் பெரும் எதிர்ப்பை சந்தித்தன, சில நிறுவனங்கள் நீதிமன்றங்களும் ஏறி இறங்கியிருக்கின்றன. இதனால், இம்முறை ஆண்ட்ராய்டில் பிரைவசி பாதுகாப்பில் கூடுதல் கவனம் செலுத்தியிருக்கிறது கூகுள்.

ஆப்களுக்கு தரப்படும் அனுமதிகள் தொடங்கி, அனைத்து பிரைவசி தொடர்பான தகவல் மற்றும் வசதிகளும் இனி செட்டிங்ஸில் Privacy என்ற ஒரே பிரிவின்கீழ் இருக்கும். இதனால் பாமர மக்களுக்கும் பிரைவசி சார்ந்த விஷயங்களை கட்டுக்குள் வைத்துக்கொள்வது எளிதான விஷயமாக இருக்கும்.

லொக்கேஷன் தகவல்கள் தவறாகப் பயன்படுத்தப்படுவதுதான் பிரைவசி பிரச்னைகளில் தலையாய பிரச்னையாக இருக்கிறது. இதற்கும் ஆண்ட்ராய்டு 10-ல் வழிவகை செய்யப்பட்டுள்ளது.

செட்டிங்ஸில் location எனத் தனிப் பிரிவு தற்போது கொடுக்கப்பட்டுள்ளது.

மேலும், ஆப்களுக்கு லொக்கேஷன் டேட்டா கொடுப்பதில் இனி கூடுதல் கட்டுப்பாடுகள் விதிக்க முடியும். அதாவது, இனி மூன்று வகைகளில் ஆப்களுக்கு உங்களால் லொக்கேஷன் டேட்டாவை கொடுக்க முடியும்.

1. "Allow all the time" என்று கொடுத்துவிட்டால், உங்களது லொக்கேஷன் தகவலை எப்போது வேண்டுமானாலும் குறிப்பிட்ட அந்த ஆப்பால் பெற்றுக்கொள்ளமுடியும்.
2. "Allow only while using the app" என்று கொடுத்துவிட்டால், அந்த ஆப்பை பயன்படுத்தும்போது மட்டுமே உங்களது லொக்கேஷன் தகவலைப் பெறமுடியும்.
3. "Deny" என்று கொடுத்துவிட்டால், லொக்கேஷன் தகவலைப் பெறவே முடியாது.

மேலும், லொக்கேஷன் ஹிஸ்டரி போன்றவற்றை எளிதாக செட்டிங்ஸில் இருக்கும் இந்தப் பிரிவிற்குச் சென்று பார்க்கவும் நீக்கவும் முடியும்.

உலகின் முன்னணி ஸ்மார்ட்போன் தயாரிப்பு மற்றும் விற்பனை நிறுவனமான ஆப்பிள் செப்டம்பர் 10ஆம் தேதி மிகவும் எதிர்பார்க்கப்பட்ட ஐபோன் 11 போன் மாடலை அறிமுகம் செய்தது. ஸ்மார்ட்போன் சந்தை மிகப்பெரிய அளவில் மாறியுள்ள இத்தகைய சூழ்நிலையில் ஆப்பிள் அறிவிப்புகளும், அறிமுகங்களும் மிகவும் முக்கியம்.

ஆப்பிள் வெளியிட்டுள்ள ஐபோன் 11 மாடல் போன்கள் குறித்து மக்கள் மத்தியில் பல்வேறு கருத்துக்கள் இருந்தாலும் முதலீட்டாளர்கள் மத்தியில் ஆப்பிள் மீண்டும் நம்பிக்கையைக் காப்பாற்றியுள்ளது என்று தான் சொல்ல வேண்டும்.

லிபோர்னியாவில் இருக்கும் ஆப்பிள் தலைமை அலுவலகத்தின் ஸ்டீவ் ஜாப்ஸ் தியேட்டர் அரங்கத்தில் நடந்த ஆப்பிள் ஈவென்ட் 2019இல் இந்நிறுவனம் ஐபோன் 11, ஐபோன் 11 ப்ரோ, ஐபோன் ப்ரோ மேக்ஸ், ஆப்பிள் வாட்ஸ் சீரியஸ் 5, ஐபேட் 2019, ஆப்பிள் டிவி பிளஸ் மற்றும் புதிய கேமிங் தளமான ஆப்பிள் பிளாட்பார்ம் ஆகியவற்றை அறிமுகம் செய்தது.

இவை அனைத்தும் ஆப்பிள் பேன்ஸ் மற்றும் முதலீட்டாளர்கள் மத்தியில் பெரும் வரவேற்பைப் பெற்றுள்ளது.

இதன் எதிரொலியாக ஆப்பிள் நிறுவனப் பங்குகள் மீதான முதலீடு தாறுமாறாக அதிகரித்தது. இதன் மூலம் ஓரே நாளில் ஆப்பிள் நிறுவனத்தின் சந்தை மூலதன மதிப்பு 11.43 பில்லியன் டாலர் வரையில் அதிகரித்தது. ஒரு பங்கின் விலை ஓரே நாளில் 2 டாலர் வரையில் உயர்ந்து 216.7 டாலருக்கு வர்த்தகமானது.

செப்டம்பர் 9ஆம் தேதி 967.87 பில்லியன் டாலராக இருந்த ஆப்பிள் நிறுவனத்தின் மொத்த சந்தை மதிப்பு செப்டம்பர் 10ஆம் தேதி 979.31 பில்லியன் டாலராக உயர்ந்தது.

கடந்த சில காலாண்டுகளாக ஆப்பிள் நிறுவனத்தின் விற்பனை பெரிய அளவில் குறைந்து வருகிறது. இதற்கு முக்கியக் காரணம் விலையில் குறைவாகவும், தரத்தில் உயர்வாக வரும் சீன நிறுவனங்களின் ஸ்மார்ட்போன்கள் தான்.

சீன நிறுவனங்களின் ஆதிக்கத்தால் ஆப்பிள் மட்டும் அல்லாமல் சாம்சங் நிறுவனத்தின் வர்த்தகமும் பெரிய அளவில் பாதிக்கப்பட்டது.

இந்நிலையில் ஆப்பிள்-இன் இப்புதிய அறிமுகங்கள் இழந்த சந்தையை மீண்டும் பிடிக்குமா..?

Read more at: https://tamil.goodreturns.in/news/2019/09/13/apple-gains-11-billion-in-market-value-after-iphone-11-launch-016031.html

தெ. ஞாலசீர்த்தி மீநிலங்கோ / 2019 ஓகஸ்ட் 29 வியாழக்கிழமை, பி.ப. 12:38

மனிதகுல வரலாற்றின் முன்னேற்றத்துக்கும் வளர்ச்சிக்கும், பகுத்தறிவினதும் அறிவியல் வளர்ச்சியினதும் பங்கு பெரிது. இன்று, மனிதகுலம் கண்டிருக்கிற வளர்ச்சி, அறிவியல் வளர்ச்சியின் வலிமையால் சாத்தியப்பட்டது. 25 ஆண்டுகளுக்கு முன் கற்பனை செய்து பார்க்கக்கூட முடியாத ஒன்று, இன்று சாத்தியமாகியிருக்கிறது. அறிவியல், மிக வேகமாகக் கடந்த அரை நூற்றாண்டுக் காலத்தில் வளர்ந்துள்ளது. இப்போது, அடுத்த 10 ஆண்டுகளுக்கு எதிர்ப்புக் கூறக்கூட முடியாத வகையில், அறிவியல் பல திசைகளிலும் பரந்து விரிந்துள்ளது. 

அறிவியல் வளர்ச்சி, எப்போதும் பயனுள்ள திசையில் மட்டும் பயணித்ததில்லை. இனியும் அவ்வாறு பயணிக்காது என்பதை, நாம் உறுதிபடச் சொல்லமுடியும். உயிர்களைக் காக்க உதவிய அறிவியலே, பல இலட்சக்கணக்கான உயிர்களைக் காவுகொள்ளவும் உதவியது. உயிர் காக்கும் மருந்துகளையும் நவீன மருத்துவக் கருவிகளையும் கண்டுபிடித்த அதே விஞ்ஞானமே, அணு குண்டுகளையும் இரசாயனக் குண்டுகளையும் கண்டுபிடித்தது. இவ்வாறு, மனிதகுல வரலாற்றின் நன்மையிலும் தீமையிலும், அறிவியலுக்குச் சம அளவில் பங்கு இருக்கிறது. 

அறிவியலின் வரலாற்றை உற்று நோக்கின், அதன் பயணம் யாருடைய நலன்களுக்காக செயற்பட்டு வந்திருக்கிறது என்ற கேள்வி எழுவது இயல்பானது. ஆண்டாண்டு காலமாக, அறிவியல், அதிகாரத்துக்கும் ஆள்வோருக்கும் சேவகனாய், அவர்களது தேவைகளை நிறைவேற்றும் ஒன்றாய்க் கைகட்டி சேவகம் பார்த்திருக்கிறது. இதற்கு, விஞ்ஞானிகள், பொறியியலாளர்கள், கல்வியலாளர்கள், மருத்துவர்கள் என யாரும் விதிவிலக்கல்ல. இன்றும், உலகின் முக்கியமான புதிய கண்டுபிடிப்புகள், அதிகாரத்துக்காகவும் ஆளுவோரின் நலன்களுக்காகவுமே பயன்படுகின்றன. உலகின் புதிய படைப்புகள், முதலில் இராணுவத்தின் தேவைகளுக்காகவே உருவாக்கப்பட்டு, பின்னர் பொதுப் பயன்பாட்டுக்கு வருகின்றன (பேஸ்புக் எவ்வாறு ஏன் பொதுப் பயன்பாட்டுக்கு வந்தது என்பது தனிக்கதை). இந்த வழித்தடத்தில் புதிதாக இணைந்துள்ளது செயற்கை நுண்ணறிவு (Artificial Intelligence). அறிவியல் அபாயமா, ஆபத்தா என்ற கேள்வியை இப்போது மீண்டும் உரத்துக் கேட்கவேண்டியுள்ளது. 

செயற்கை நுண்ணறிவு; சில அடிப்படைகள்

செயற்கை நுண்ணறிவுத் தொழில்நுட்பமானது, அறிவியல் உலகில் ஒரு பாய்ச்சலை ஏற்படுத்தி இருக்கிறதென்பதை மறக்க முடியாது. மனிதகுலம் எதிர்நோக்குகின்ற பல்வேறு பிரச்சினைகளுக்குத் தீர்வைத் தரக்கூடிய வல்லமை, செயற்கை நுண்ணறிவுத் தொழில்நுட்பத்துக்கு உண்டு. இது, அறிவியல் ரீதியாக மனிதகுலம் முன்னேற்றம் அடைவதற்கான பல சாத்தியங்களை உருவாக்கியிருக்கிறது. இதே தொழில்நுட்பம், ஆபத்தைத் தரக்கூடிய அழிவுக்கு இட்டுச் செல்லக்கூடிய பாதையை நோக்கியும் நகர்ந்து கொண்டிருக்கிறது என்பதை, அண்மையில் வெளியான அறிக்கை, ஆதாரங்களுடன் நிறுவியுள்ளது. மனிதகுலத்தை, மனிதனின் அனுமதியின்றி இயந்திரங்களின் தன்னிச்சையான செயற்பாடு அழித்தொழிக்கக் கூடியதாக இருக்கும் ஓர் எதிர்காலம் எவ்வாறு இருக்கும் என்பதை நினைத்துப் பாருங்கள். 

செயற்கை நுண்ணறிவுத் தொழிநுட்பமானது, மூன்று பிரிவுகளை உள்ளடக்கியுள்ளது. 

 முதலாவது, ‘துணைபுரியும் நுண்ணறிவு’ (Assisted Intelligence). இது, செயல்களை தன்னியக்கமயமாக்கும்  (Automation) செயற்பாடாகும். இது, பொதுவாகத் தொழிற்சாலைகளில் தொடங்கி இன்று அனைத்துத் தொழிற்றுறைகளிலும் மனிதனுக்கு  இயந்திரங்களைப் பதிலீடு செய்யும் செயற்பாடாக மாறியுள்ளது. இதை நாம் ஓரளவு அறிவோம்.

இரண்டாவது, விரிவாக்கப்பட்ட நுண்ணறிவு (Augmented Intelligence). இது, மனிதர்கள் வழங்கும் தரவுகள், மனித நடத்தை, மனிதச் செயற்பாட்டுக் கோலங்கள் போன்றவற்றில் இருந்து தானாகவே முடிவெடுக்கும் ஆற்றலாகும்.

மூன்றாவது, தன்னாட்சி நுண்ணறிவு (Autonomous Intelligence). இது, மனிதர்களின்  தலையீடோ குறுக்கீடோ இன்றி, இயல்பாக இயந்திரங்கள் சுதந்திரமாக முடிவெடுத்து இயங்கும் தன்மை கொண்டதாகும்.  

இவை மூன்றும், அடிப்படையில் மனிதனால் உருவாக்கப்பட்ட ஆனால், மனிதனின் உதவியின்றிச் சிந்தித்துச் செயற்படக்கூடிய இயந்திரங்களை உருவாக்குவது தொடர்பானது. இதைச் சுருக்கமாக, செயற்கையான மூளையொன்று உருவாக்கப்பட்டு, சுதந்திரமாகச் செயற்பட அனுமதிக்கப்படுதல் என்றும் அழைக்கலாம். இதைச் சாத்தியமாக்குவதில், தரவுகள் முக்கிய பங்கு வகிக்கின்றன. ஏனெனில், தரவுகளே உள்ளீடு செய்யப்பட்டு ஆராயப்படுகின்றன.

திரட்டப்படும் தரவுகள் உள்ளீடு செய்யப்பட்டு, இரண்டு செயன்முறைகளுக்கு உட்படுத்தப்படுகின்றன. அதில் முதன்மையானது, திரட்டப்பட்ட தரவுகளை ஆழ்நிலைக் கற்றலுக்கு உட்படுத்துவதாகும் (Deep Learning). இது, தரவுகளைப் பிரித்து, அக்குவேறு ஆணிவேறாக ஆராய்ந்து, கோலங்களையும் நடத்தைகளையும் அறியவல்லது. அடுத்த வகை, இயந்திரக் கற்றல் முறையின் மூலம் ஆராய்வதாகும். (Machine Learning). இது, இயந்திரங்களுக்குக் கற்பிப்பதன் மூலம், அவை சுயமாக முடிவெடுத்து இயங்கப் பழக்குவது. 

இவையனைத்தும், மனிதனுக்கு நிகராக இன்னும் சொல்லப்போனால் மனிதனிலும் மேலாக, தர்க்க ரீதியாகச் சிந்திக்கக்கூடிய செயலாற்றக்கூடிய இயந்திரங்களின் சாத்தியங்களைக் கோடுகாட்டி நிற்கின்றன. 

மனிதகுலத்துக்கு எதிராகத் திரும்பும் தொழில்நுட்பம்

செயற்கை நுண்ணறிவுத் தொழில்நுட்பத்தில் பங்கெடுக்கும் நிறுவனங்கள், மனிதகுலத்துக்கு ஆபத்தை விளைவிக்கும் செயற்பாடுகளில் ஈடுபட்டுள்ளார்களா என்பதை அறியும் நோக்கில், நெதர்லாந்தை மய்யமாகக் கொண்டியங்கும் தன்னார்வ நிறுவனமான  PAX (Pax for Peace) ஆய்வுகளை மேற்கொண்டது.

இந்த ஆய்வின் முடிவுகள், கடந்த வாரம் அறிக்கையாக வெளியிடப்பட்டன. தீயதாக இருக்காதீர்கள்? (Don’t Be evil?) என்று தலைப்பிடப்பட்ட இந்த அறிக்கை, மனித குலத்தின் எதிர்காலம் மிகவும் அச்சம் தரக்கூடியதாக இருக்கிறது என்பதை, எதுவித ஐயத்துக்குமிடமின்றி நிறுவுகிறது. நீங்கள் தன்னிச்சையாகச் செயற்படும் தானியங்கி ஆயுதத் தொழில்நுட்பத்தை உருவாக்குகிறீர்களா என்ற வினாவுக்கு, மைக்ரோசொஃப்ட், அமேஸன் போன்ற பராசுர நிறுவனங்கள் பதிலளிக்க மறுத்துள்ளன. அதேவேளை, கூகுள், 
ஐ.பீ.எம் ஆகியன இல்லை எனப் பதிலளித்துள்ளன. 

இராணுவ பாதுகாப்புத் துறையுடன் தொடர்புடைய அல்லது இராணுவ பாதுகாப்புத் துறைக்கு பயன்படுத்தக்கூடிய செயற்கை நுண்ணறிவுத் தொழில்நுட்பத்துடன் பணியாற்றுகின்ற உலகின் முக்கியமான நிறுவனங்களை மய்யப்படுத்தியே, இந்த ஆய்வு மேற்கொள்ளப்பட்டது. குறிப்பாக, செயற்கை நுண்ணறிவுத் தொழில்நுட்பத்துடன் பணிபுரிகின்ற உலகின் முக்கியமான 50 நிறுவனங்கள், இவ்வாய்வுக் உட்படுத்தப்பட்டுள்ளனர். இந்த 50 நிறுவனங்களும், உலகில் வளர்ச்சி அடைந்த 12 நாடுகளைத் தளமாகக் கொண்டு இயங்குகின்றன. இவற்றில் பெரும்பாலானவை, அமெரிக்காவைத் தளமாகக் கொண்டு இயங்குபவை. 

அறிக்கையின்படி இந்த 50 நிறுவனங்களில், சமூகப் பொறுப்போடு அறம் சார்ந்து, மனித குலத்துக்கு விரோதமில்லாமல் செயற்படும் நிறுவனங்கள் 7 மட்டுமே. 21 நிறுவனங்கள், மனித குலத்துக்கு விரோதமான செயற்கை நுண்ணறிவுத் தொழில்நுட்பங்களை உருவாக்கும் வேலைத்திட்டங்களில் இறங்கியுள்ளன. ஏனைய நிறுவனங்கள், மனித குலத்துக்கு விரோதமானச் சேர்க்கைத் தொழில்நுட்பத் திட்டங்களை நோக்கி நகர்ந்து வருகின்றன என்று, இந்த அறிக்கை கூறுகிறது.  

இந்த அறிக்கை தொடுக்கிற கேள்வி ஒன்றே ஒன்றுதான். ஒரு மனிதன் உயிர் வாழ்வதா, சாவதா என்ற முடிவை யார் தீர்மானிப்பது என்பதே அந்தக் கேள்வியாகும். செயற்கை நுண்ணறிவுத் தொழில்நு ட்பமானது, இப்போது எந்தவித மனிதக் கட்டுப்பாடும் இல்லாமல் ஓர் இயந்திரம் தன்னிச்சையாகவே முடிவெடுத்து, மனிதர்களைக் கொலை செய்வதற்கான ஆயுதங்களையும் தொழில் நுட்பத்தையும் உற்பத்தி செய்து வருகிறது என்று இந்த அறிக்கை கூறுகிறது. 

இன்று, போரியல் துறையின் மூன்றாவது புரட்சியை, செயற்கை நுண்ணறிவு சாத்தியமாகியுள்ளது என்று பெருமை பேசப்படுகிறது. போரியல் துறையின் முதலாவது புரட்சி, வெடிமருந்து கண்டுபிடிப்புடன் தொடங்கியது. அதன் இரண்டாவது புரட்சியை, அணுவாயுதக் கண்டுபிடிப்பு தொடங்கி வைத்தது. இப்போது, தன்னிச்சையான ஆயுதங்கள் அதாவது, மனிதனின் கட்டளையை மீறிச் சுயமாக இயங்கக்கூடிய ஆயுதங்களை, செயற்கை நுண்ணறிவு சாத்தியமாக்கியுள்ளது. 

இன்று, செயற்கை நுண்ணறிவின் துணையால் உருவாகியுள்ள தானாகவே இயங்கும் ஆயுதங்கள், சட்ட மற்றும் அறஞ்சார் அடிப்படைகளைக் கேள்விக்கு உட்படுத்தியுள்ளன. இவை, எதிர்காலத்தில் உலகின் அமைதியையும் பாதுகாப்பையும் பாரிய சவாலுக்கு உட்படுத்தும். இந்த ஆயுதங்கள், ஒரு மனிதன் உயிர் வாழ அனுமதிப்பதா அல்லது கொல்லுவதா என்ற தீர்மானத்தை, தன்னிச்சையாக எடுக்கும் அதிகாரத்தை எந்திரங்களின் கைகளுக்கு வழங்குகிறது. 

இந்த அறிக்கை சுட்டிக்காட்டுகிற முக்கியமான விடயம் யாதெனில், தொழில்நுட்பத்துக்கும் மனிதகுல வளர்ச்சிக்கும் இடையிலான உறவை மீள்பார்வைக்கு உட்படுத்துவதும் விவாதிப்பதும், காலத்தின் அவசிய, அவசரத் தேவையாகிறது. தொழில்நுட்பம் எந்த எல்லைவரை செல்ல முடியும் என்பது குறித்தும் தொழில்நுட்பத்தின் அவசியம் குறித்தும் மீண்டும் ஒருமுறை ஆழமாகச் சிந்திக்க வேண்டியுள்ளது என்பதை, இந்த அறிக்கை கோடிட்டு நிற்கிறது. 

காலங்காலமாக பல்கலைக்கழகங்களில் மேற்கொள்ளப்படும் ஆய்வுகளுக்கான அனுமதி, ஆய்வின் அறம் சார்ந்த விடயங்களைக் கணிப்பில் எடுத்த பின்னரே வழங்கப்படும். அறம் சாராத ஆய்வுகள், பொதுவில் அனுமதிக்கப்படுவதில்லை. இந்த நிலை இன்று இரண்டு வகைகளில் மாற்றமடைந்துள்ளது. முதலாவது, தொழில்நுட்பத் துறைசார் நிறுவனங்கள் மிகப்பெரிய அளவில் வளர்ச்சி அடைந்து, தங்களுக்குரிய ஆய்வுகளைப் பல்கலைக்கழகமோ எந்த ஒரு வெளி நிறுவனமோ சாராது, தமது நிறுவனத்துக்குள்ளேயே  ஆய்வுகளைச் செய்து, முடிவுகளைப் பெறக்கூடிய தன்மை உடையனவாய் வளர்ந்துவிட்டன.

இதனால், இவர்களால் முன்னெடுக்கப்படும் திட்டங்களில், அறம் சார்ந்த விடயங்கள் எப்போதும் கேள்விக்கு உட்படுத்தப்படுவதில்லை. இரண்டாவது, இன்று பல்கலைக்கழக ஆய்வுகளின் நிதி மூலங்களாக இந்த நிறுவனங்களே இருக்கின்றன. எனவே குறிப்பிட்ட ஓர் ஆய்வைச் செய்வதற்கு, நிறுவனங்கள் பல்கலைக்கழகங்களுக்கு நிதி வழங்குகின்றன. அறம் சார்ந்த கேள்விகள் இருந்தாலும், அந்த அறம் சார்ந்த கேள்விகளை அந்த நிறுவனங்களால் வழங்கப்படும் நிதி இல்லாமல் செய்கிறது. எனவே, அந்த அறம் சார்ந்த கேள்விகளைப் பக்கத்தில் வைத்துவிட்டு, பல்கலைக்கழகங்களும் அவர்களுக்கு வேண்டிய ஆய்வுகளைச் செய்து முடிக்கின்றன. நவீன முதலாளித்துவ உலகம், எல்லாவற்றையும் பண்டமாக்கிய பிறகு, அறிவும் அறமும்கூட விற்பனைச் சரக்காக விட்டது. மனிதன் தன்னைத் தானே அழிப்பதற்கு எவ்வளவு பாடுபட்டு சிந்தித்துச் செயலாற்றிக் கொண்டிருக்கிறான் என்பதை நினைக்கும் போது வியப்பாக இருக்கிறது. 

மனிதனைப் போல சுயநலமான பிராணி இவ்வுலகில் எதுவுமே இருக்க முடியாது. நியாயம், அறம், மனிதநேயம் அனைத்தையும் புறந்தள்ளி, கண்டுபிடிப்புகளை நோக்கி நகர்கிறான். இதை எம்மால் புரிந்துகொள்ள முடியுமாயின் அணுகுண்டை ஏன் மனிதன் போட்டான் என்ற கேள்விக்கும் அமேசன் மழைக்காடுகளுக்கு ஏன் மனிதன் தீவைத்தான் என்பதையும் விளங்குவதில் சிரமங்கள் இரா. 

http://www.tamilmirror.lk/சிறப்பு-கட்டுரைகள்/செயற்கை-நுண்ணறிவு-மனிதனை-மனிதனே-பலியெடுத்தல்/91-237521

தொழில்நுட்பம் வளர்ந்து வரும்பொழுது அது பெரும்பாலும் இலாபத்தை குறி வைத்தே எழுதப்படும் / முகாமைப்படுத்தப்படும். எனவே, சமுதாயத்தில் பணம் இல்லாதவர்கள் இல்லை பெரியளவில் பணம் சம்பாதிக்க முடியாத மக்கள் பகுதியில் இவ்வாறான புதிய தொழில்நுட்பங்கள் அதிகளவில் கால் பாதிப்பதில்லை. 

ஆனால்,  சில வேளைகளில் சில நல்ல பயனுள்ள செயலிகள் உருவாவதுண்டு.  

பெயர்: மைக்ரோசோப்ட் சவுண்ட்ஸ்கேப் 

விலை : இலவசம் 

தளம் : நிச்சயமாக ஆப்பிள் ஐ ஓஎஸ். ஆன்ட்ராய்ட்டில் இருக்கலாம் 

இது என்ன செய்யும்: ஜி. பி. எஸ், இனை கொண்டு இயங்கும், 3டி வடிவில் இடங்களை கூறி பாதுகாப்பாக நடக்க, வாக்கம் ஓட்ட உதவும் 

குறிப்பு : நீங்கள் வாழும் நாட்டில் இன்னும் இருக்காமல் இருக்கலாம். யாரெனுக்கும் உங்களுக்கு தெரிந்தவர்களுக்கு பயன்படலாம் 

( இவ்வானவை தமிழில் இருந்தால் .... ) 

அமெரிக்காவில் இயங்கிவரும் சில விமான நிறுவனங்களின் விமானங்களில் பயணிகள் அப்பிள் நிறுவனத்தின் சில மடிக்கணினிகள் தெரிவிகளை கொண்டு செல்ல தடை விதிக்கப்பட்டுள்ளது.

மின்கலத்தில் (batteries) தீ ஆபத்து இருப்பதை அப்பிள் சமீபத்தில் உறுதிப்படுத்தியதை தொடர்ந்து இந்த தடை விதிக்கப்படுவதாக கூறப்படுகின்றது.

அப்பிள் மேக்புக் ப்ரோ லேப்டாப் தெரிவுகளில் திரும்பப் பெறப்பட்ட மின்கலங்கள் பயன்படுத்தப்படுவதை அறிவதாகவும்,  இதுகுறித்த தகவல்களை அமெரிக்க விமான சேவை வழங்கும் நிறுவனங்களுக்கு வழங்கியுள்ளதாக அமெரிக்க ஃபெடரல் ஏவியேஷன் நிர்வாகம் தெரிவித்துள்ளது.

இதுவரை நான்கு விமான நிறுவனங்கள் அப்பிள் மடிக்கணினிகள் தெரிவவுகளை கொண்டு செல்ல தடை விதித்துள்ளன.

கடந்த 2015 முதல் பெப்ரவரி 2017 வரை விற்பனை செய்யப்பட்ட 15 அங்குல ஆப்பிள் மேக்புக் ப்ரோ மடிக்கணினிகளை கொண்டு செல்ல தடை விதிக்கப்பட்டுள்ளது.

ஜூன் மாதத்தில் அப்பிள் நிறுவனம் வெளியிட்ட அறிக்கையில் 15 அங்குல மேக்புக் ப்ரோ யூனிட்களில் பழுதடைந்த மின்கலங்கள் இருக்கலாம் என தெரிவித்திருந்தது. இதனை பயன்படுத்தும் போது மடிக்கணினிகள் அதிக வெப்பம் மற்றும் பாதுகாப்பு அபாயத்தை ஏற்படுத்தக்கூடும் என்றும் அப்பிள் தெரிவித்தது.

பழுதடைந்த மடிக்கணினித் தெரிவுகள் செப்டம்பர் 2015 ஆம் ஆண்டு முதல் பெப்ரவரி 2017 வரையிலான காலக்கட்டத்தில் விற்பனை செய்யப்பட்டதாகவும் அப்பிள் தெரிவித்திருந்தமை குறிப்பிடத்தக்கது.

http://athavannews.com/அமெரிக்க-விமானங்களில்-அப/

அப்பிள் தொழில்­நுட்ப நிறு­வனமா­னது  தனது ஐபோன் கைய­டக்­கத்­தொ­லை­பேசி உப­க­ர­ணத்­தி­லுள்ள பாது­காப்பு முறை­மை­களை முறி­ய­டித்து அதனை  ஊடு­ருவி தாக்­குதல் நடத்­து­ப­வர்­க­ளுக்கு ஒரு மில்­லியன் அமெ­ரிக்க டொலரை சன்­மா­ன­மாக வழங்­கு­வ­தாக சவால் விடுத்­துள்­ளது.

தமது கைய­டக்கத் தொலை­பே­சி­களின் பாது­காப்பை உறு­திப்­ப­டுத்தும் வகை­யி­லேயே அந்த நிறு­வனம் இந்த சவால் மிக்க போட்டி தொடர்பில் அறி­விப்புச் செய்­துள்­ளது. 

இணை­யத்­த­ளங்­களை ஊடு­ருவி தாக்­குதல் நடத்­து­ப­வர்கள் தமது பயன்­பாட்­டா­ளர்­களை இலக்­கு­வைப்­பதை விடுத்து தமது கம்­ப­னி­யுடன் இணைந்து பணி­யாற்­று­வதை ஊக்­கு­விப்­பதை அப்பிள் நிறு­வனம் நோக்­காகக் கொண்­டுள்­ள­தாக தெரி­விக்­கப்­ப­டு­கி­றது. 

தாம் பயன்­பாட்­டா­ளரின் பாது­காப்­புக்கே முக்­கி­யத்­துவம் கொடுப்­ப­தாக அப்பிள் நிறு­வ­னத்தின் தலைமை நிறை­வேற்­ற­தி­காரி ரிம் குக் தெரி­வித்தார். அந்­த­ரங்கத் தன்­மையை பேணு­வது தனி­ம­னித உரிமை என்ற வகையில்  கணி ­னியை ஊடு­ரு­ப­வர்­களால் அந்த உரிமை மீறப்­ப­டு­வதை தடுப்ப­தற் ­கான பாது­காப்பை தனது தொழில்­நுட்ப உப­க­ர­ணங்கள் கொண்­டுள்­ளதை நிச்­ச­யப்­ப­டுத்த வேண்­டி­யுள்­ள­தாக அவர்  கூறினார். 

உல­க­மெங்­கு­முள்ள தனது 2  பில்­லியன் வாடிக்­கை­யா­ளர்­களின்  தனிப்­பட்ட தகவல்கள் கணினி களை ஊடுருவி தாக்குதல் நடத்துப வர்களால்  திரட்டப்படாதிருப்பது தொடர்பில் அப்பிள் நிறுவனம்  தீவிர கவனம் செலுத்துவதாக ரிம் குக் தெரிவித்தார்.

https://www.virakesari.lk/article/62537

‘கடைசியாக கடத்தப்பட்ட விமான சம்பவம் எது’ என்றால், ‘கந்தகார்’ என்று பல வருடங்கள் முன்பு  இடம்பெற்ற சம்பவம் பற்றி உடனடியாக நூறு கோடிப் பேரும் இந்தியாவில் பதில் அளிப்பார்கள். ஆனால் ‘அண்மையில் கடத்தப்பட்ட கப்பல் எது’ என்றால் 'அது பற்றி எவருக்குமே தெரிந்திருக்காது' – இவ்வாறு கடந்த சில வருடங்கள் முன்பு இந்தியக் கப்பல் ஒன்று சோமாலியாக் கடற்கொள்ளைக்காரர்களால் கடந்தப்பட்ட போது தமிழக வாராந்த செய்தி மலர் ஒன்றில் கட்டுரை ஒன்று வரையப்பட்டிருந்தது. 

ஆகஸ்ட் 4ம் தேதி இணைய சேவைக்கு தடை விதிக்கப்பட்ட நிலையில், காஷ்மீர் தொடர்புடைய ஜிகாதிகளுக்கு ஆதரவு அளிக்கும் இணைய செய்தி சேனல்கள் இது வரை எதையும் பதிவிடவில்லை. இணைய சேவை தடையால் இவர்கள் பாதிக்கப்பட்டிருப்பதை இது காட்டுகிறது.

தொழில்நுட்ப நிறுவனங்களும், அரசுகளும், தங்கள் மீது எடுக்கும் கடும் நடவடிக்கையை தவிர்க்கவும், செய்தி தணிக்கையை தடுக்கவும் ஜிகாதிகளும் அவரது ஆதரவாளர்களும் சென்ட்ரல் சர்வர் இல்லாத செயலிகளைப் பயன்படுத்தியுள்ளனர்.

பயனர்களால் பரிந்துரை செய்யப்படும் மிகவும் அத்தகைய பிரபலமானதொரு செயலி ஃபயர்சேட்.

மைய சேவையகம் இல்லாமல் அல்லது இணைய வசதி இல்லாமல் திறந்தவெளி (Mesh) வலையமைப்பு தொழில்நுட்பத்தில் இந்த செயலியை தங்களது செல்பேசியில் வைத்திருப்போரிடம் இது செயல்படுகிறது.

மைய சேவையகம் இல்லாத இந்த திறந்தவெளி வலையமைப்பை பெரிய குழு ஒன்று நடத்தி வருகிறது.

ஆனால் ஃபேஸ்புக், வாட்ஸாப் மற்றும் ட்விட்டர் போன்ற சமூக வலைத்தளங்களை, ஒரு தனிப்பட்ட நிறுவனம் நிர்வகிப்பதோடு, சென்ட்ரல் சர்வரில் தரவுகள் சேமித்து வைக்கப்படுகின்றன.

அருகருகே வாழும் மக்கள் ஃபயர்சேட் செயலியைப் பயன்படுத்தி தங்களுக்கு இடையே செய்திகள், புகைப்படங்கள் மற்றும் காணொளிகளை அனுப்ப முடியும். ஆனால், செய்தி அனுப்புவோரும், செய்தியை பெறுவோரும் ஃபயர்சேட்-ஐ பதிவிறக்கம் செய்திருக்க வேண்டியது அவசியம்.

புளூடூத் மற்றும் வைஃபை வசதிகள் மூலம் இணைய வசதி இல்லாமல் ஆப்லைனில் தகவல் பரிமாற்றத்தை அனுமதிக்கும் இந்த செயலி, செல்பேசிகளை இணைக்கின்றன.

இரண்டு பேர் முதல் பத்தாயிரம் பேர் வரையான குழுவினர் இணைய வசதி இல்லாமல் இதனை பயன்படுத்தி கொள்ள முடியும்.

அண்ட்ராய்டு மற்றும் ஐஓஎஸ் இயங்குதள பேசிகளில் சுமார் 70 மீட்டர் சுற்றளவில் இது செயல்படுகிறது. ஆனால், இந்த செயலியை அதிகமானோர் பயன்படுத்தினால், அதிக தூரத்திற்கு செய்திகளை பரிமாறிக்கொள்ள முடியும்.

இணைய வசதி கட்டுப்படுத்தப்பட்டு, செல்போன் இணைப்பு வசதி மட்டுப்படுத்தப்பட்ட நிலைமையை சமாளிக்க தைவான் மற்றும் ஹாங்காங் போராட்டக்காரர்களால் இந்த செயலி பயன்படுத்தப்பட்டது.

2014ம் ஆண்டு ஐ.எஸ் மிகவும் தீவிரமாக இயங்கி வந்த சில மாகாணங்களில் தீவிரவாதிகள் செய்திகளை பரிமாறி கொள்வதை தடுக்கும் பொருட்டு இணைய வசதியை முற்றிலும் இராக் அரசு தடை செய்தபோது, இந்த செயலி பரவலாக பயன்படுத்தப்பட்டது.

2014ம் ஆண்டு 'ஓபன் கார்டன்' என்ற நிறுவனம் ஃபயர்சேட்-ஐ வெளியிட்டது. இது இணைய வசதி இல்லாமல் செயல்படுவதோடு, செய்திகளை தணிக்கை செய்வதிலிருந்தும் இது பாதுகாக்கும் என்றும் எதிர்பார்க்கப்பட்டது.

2015ம் ஆண்டு மறையாக்கம் செய்யாமல் தனிப்பட முறையில் மக்கள் செய்தி பரிமாறிக்கொள்ளும் வசதியை இந்த செயலி அறிமுகப்படுத்தியது.

காஷ்மீர் மக்களிடம் மிகவும் பிரபலமான இன்னொரு தளம் "ஸ்மாட்மெஷ்" என்பதாகும். இணைய வசதி அல்லது தொலைபேசி இணைப்பு எதுவும் இல்லாமல் திறந்தவெளி வலையமைப்பு தொழில்நுட்பத்தில் 'ஸ்மாட்மெஷ்' செயல்படுகிறது.

https://www.bbc.com/tamil/science-49253425

பாகிஸ்தானுக்கு உளவு பார்த்தனர் என்ற குற்றச்சாட்டின்பேரில் 3 பேர் கைது செய்யப்பட்டுள்ளனர். அவர்கள் சிக்காமல் இருப்பதற்காக வாட்சப் மூலம் பாகிஸ்தான் அதிகாரிகளை தொடர்பு கொண்டது தெரிய வந்துள்ளது. 

அரியானா மாநிலம் ஹிசாரில் ராணுவ குடியிருப்பு பகுதியில் கட்டுமானப் பணிகள் நடந்து வருகின்றனர். இதில் பல்வேறு மாநிலங்களை சேர்ந்தவர்கள் தொழிலாளிகளாக ஈடுபடுத்தப்பட்டுள்ளனர். 

இந்த நிலையில் தொழிலாளிகளில் சிலர் ராணுவ முகாம்களை உளவு பார்த்துள்ளனர். இதுகுறித்து தகவல் அறிந்த ராணுவத்தினர் அதிரடி சோதனையில் ஈடுபட்டனர். 

இதில் 3 பேர் சந்தேகப்படும் நிலையில் இருந்தனர். அவர்கள் உத்தர பிரதேச மாநிலம் முசாபர் நகரை சேர்ந்த மஹ்தப், சாம்லி, ரகிப் ஆகியோர் என்பது தெரியவந்தது. 3 பேரை தொடர்ந்து விசாரணை செய்ததில், பாகிஸ்தானுக்கு உளவு பார்த்து வந்தது கண்டுபிடிக்கப்பட்டது. 

சாதாரண நெட்வொர்க் மொபைலில் பேசினால் கண்டுபிடிக்கப்பட்டு விடுவோம் என்பதால் வாட்சப் கால் மூலம் பாகிஸ்தான் அதிகாரிகளை தொடர்பு கொண்டு மூவரும் பேசியுள்ளனர். இந்த சம்பவம் அதிர்ச்சியை ஏற்படுத்தியிருக்கிறது. 

இதுதொடர்பாக ஹிசார் போலீசார் வழக்குப்பதிவு செய்து விசாரணை நடத்தி வருகின்றனர். வேறு எந்த மாதிரியான தகவல்களை மூவரும் பாகிஸ்தானுக்கு அனுப்பியுள்ளனர் என்பது குறித்து விசாரணை மேற்கொள்ளப்பட்டுள்ளது.

https://www.ndtv.com/tamil/spying-for-pak-3-arrested-in-haryana-for-allegedly-spying-for-pakistan-they-made-whatsapp-calls-says-2079884?pfrom=home-topscroll

டெக் உலகின் முன்னணி நிறுவனங்கள் பல, தங்களின் விளம்பரங்களில் மற்ற நிறுவனங்களை கலாய்ப்பது ஒன்றும் புதிதல்ல. அந்தவரிசையில் இணைந்திருக்கிறது மைக்ரோசாப்ட் நிறுவனம். அந்த நிறுவனத்தின் தயாரிப்பான சர்ஃபேஸ் லேப்டாப்புகளுக்கான விளம்பரம் ஒன்றை அந்த நிறுவனம் சமீபத்தில் வெளியிட்டது.

ஃபேஸ்அப்’ என்ற செயலியின் மீதான மோகம் இப்போது உலகம் முழுதும் பரவி வருகிறது. இளம் வயதினர் தங்களது படங்களை அந்தச் செயலியில் பதிவேற்றம் செய்யலாம்.  அந்தப் படங்களில் அவர்கள் வயதானவர்களைப் போல் தோற்றமளிக்கச் செய்கிறது ‘ஃபேஸ்அப்’ .

நிழற்படங்களில் மாற்றங்களை ஏற்படுத்தும் இத்தகைய  செயலிகள் புதிதல்ல என்றாலும்  ‘ஃபேஸ்அப்’பில்  செயற்கை நுண்ணறிவுத் தொழில்நுட்பங்கள் பயன்படுத்தப்படுவதால் வயதாவதைக் காட்டும் படங்கள் மிகவும் தத்ரூபமாக உள்ளன.

https://www.tamilmurasu.com.sg/lifestyle/story20190718-31394.html

https://play.google.com/store/apps/details?id=io.faceapp&hl=en_GB&rdid=io.faceapp

ஏஜென்ட் ஸ்மித் என்ற பெயரில் வாட்ஸஅப்பில் வைரஸ் பரவி வருகிறது. இந்தியாவில் இந்த வைரஸ் 1.5 ஸ்மார்ட்போன்களில் பாதிப்பை ஏற்படுத்தியுள்ளதாக தகவல்கள் வந்துள்ளன.

கூகுள் ப்ளே ஸ்டோரில் இருந்து பல்வேறு விதமான ஆப்களை பதிவிறக்கம் செய்து ஸ்மார்ட்போன்களில் பயன்படுத்தி வருகிறோம். இவ்வாறு கூகுள் ப்ளே ஸ்டோரில் உள்ள ஆப்கள் அனைத்தும் உறுதிப்படுத்தப்பட்டவை இல்லை. ஹேக்கர்கள், கவர்ச்சிகரமான ஆப்களை வெளியிடுகின்றனர். அவற்றை பதிவிறக்கம் செய்யும் போதுஇ நமக்கே தெரியாமல் நம்முடைய ஸ்மார்ட்போன் தகவல்கள், வங்கிக்கணக்குகள் உள்ளிட்டவை ஹேக்கர்களிடம் சென்று விடுகிறது.

அந்த வகையில், தற்போது வாட்ஸ்அப்பில் ‘ஏஜென்ட் ஸ்மித்’  என்ற வைரஸ் வலம் வருகிறது. உலகம் முழுவதிலும் சுமார் 2.5 கோடி ஸ்மார்ட்போன்களில் இந்த வாட்ஸ்அப் வைரஸ் தாக்கியுள்ளது. இந்தியாவில் மட்டும் 1.5 கோடி ஸ்மார்ட்போனில் பாதிப்பை ஏற்படுத்தியுள்ளது. இது குறித்து கிடைத்த தகவலின்படி, வாட்ஸ்அப்பை ஓபன் செய்யும் போதுஇ விளம்பரங்கள் வந்தால்,அந்த ஸ்மார்ட்போனில் வைரஸ் பாதிப்பு உள்ளதாக கூறப்படுகிறது

வாட்ஸ்அப்பை பொறுத்தவரையில் விளம்பரங்கள் இல்லாத மெசேஜிங் ஆப் ஆகும். அடுத்த ஆண்டு தான் விளம்பரங்கள் கொண்டு வர திட்டமிட்டுள்ளது. ஆனால், தற்போது ஏஜென்ட் ஸ்மித் என்ற வைரஸ்இ ஸ்மார்ட்போனில் ஊடுருவி வாட்ஸ்அப்பில் கண்டபடி விளம்பரங்களை வரச் செய்கிறது. ஆனால், இதுவரையில் எந்த ஒரு வங்கிக்கணக்குகள், செல்போன் தகவல்கள் திருடப்பட்டதாக தகவல்கள் வரவில்லை. இருப்பினும், விளம்பரங்கள் போடும் வரைக்கும் வந்த வைரஸ்இ விரைவில் வங்கிக்கணக்கில் கை வைப்பதற்கும் வாய்ப்பு உள்ளதாக எச்சரிக்கை விடுக்கப்பட்டுள்ளது.

எப்படி வந்தது?

கூகுளைப் பொறுத்தவரையில் வைரஸ் என்று கண்டுபிடிக்கப்பட்ட ஆப்கள் அனைத்தும் உடனுக்குடன் ப்ளே ஸ்டோரில் இருந்து நீக்கப்பட்டு விடும். சில பயனாளர்கள் கூகுள் ப்ளே ஸ்டோரில் கிடைக்காத ஆப்களை, ஆர்வக் கோளாறு காரணமாக உள்ளிட்ட மற்ற இணையதளங்களில் இருந்து பதிவிறக்கம் செய்து கொள்கின்றனர். இவ்வாறு மூன்றாம் வெப்சைட்டில் இருந்து பதிவிறக்கம் செய்யப்படும் ஆப்களைப் பதிவிறக்கம் செய்யும் போது, ஏஜென்ட் ஸ்மித் வைரஸ் ஆப்பும் ஸ்மார்ட்போனில் வந்திருக்கலாம் என்று கூறப்படுகிறது. ஆசிய நாடுகளை குறி வைத்து தான் இந்த வைரஸ் தாக்கப்பட்டுள்ளது. இந்தியா, பாகிஸ்தான், வங்காளதேசத்தில் அதிக பாதிப்பு ஏற்பட்டுள்ளது.

முதலில் பயனாளர்கள் கூகுள் ப்ளே ஸ்டோர் தவிர மற்ற வெப்சைட்டுக்களில் இருந்து ஆப்களை டவுன்லோடு செய்வதை நிறுத்த வேண்டும். மேலம், தங்களது ஸ்மார்ட்போனில் உள்ள வாட்ஸ்அப்பில் விளம்பரங்கள் ஏதாவது வருகிறதா என்பதில் கவனமாக இருக்க வேண்டும். ஒரு வேளை ஏதாவது மாற்றம் தெரிந்தால் உங்களது ஸ்மார்ட்போனில் ஏஜென்ட் ஸ்மித் வைரஸ் வந்து விட்டது. இதிலிருந்து ஸ்மார்ட்போனை பாதுகாக்க Norton, K7 போன்ற AntiVirus சாப்ட்வேர் மூலம் ஸ்கேன் செய்துகொள்ள வேண்டும்.

http://thinakkural.lk/article/31671

திரவ மற்றும் வாயு எரிபொருட்களினால் இயக்கப்படும் வாகனங்கள் சூழலுக்கு பெரும் பாதிப்பை ஏற்படுத்துகின்றன என்பதால் மாற்று சக்தியை பயன்படுத்தி இயங்கும் வாகனங்களுக்கு நல்ல வரவேற்பு கிடைத்துள்ளது.

எனினும், தற்போது மின்சாரத்தினால் இயங்கும் வாகனங்களினால் புதிய பிரச்சினை ஏற்பட்டுள்ளதாக ஐரோப்பிய சமூக ஆர்வலர்கள் கவலை வௌியிட்டுள்ளனர்.

மின்சாரத்தினால் இயங்கும் வாகனங்கள் எந்தவித இயந்திர ஒலியையும் பெரிதாக எழுப்பாததால் அதனை அவதானிக்காமல் செல்லும் பாதசாரிகள் மற்றும் ஏனைய வாகனங்கள் விபத்தை எதிர்நோக்க வேண்டியேற்படுகின்றது.

எனவே, மின்சாரத்தில் இயங்கும் வாகனங்கள், பாதுகாப்பு கருதி ஏதேனும் ஒலியை எழுப்பக் கூடிய வகையில் எதிர்காலத்தில் வடிவமைக்கப்பட வேண்டும் என்று சட்டம் ஒன்று நிறைவேற்றப்பட்டுள்ளது

ஐரோப்பிய நாடுகளில் இந்த சட்டம் இன்று (திங்கட்கிழமை) முதல் அமுலுக்கு கொண்டு வரப்பட்டுள்ளதாக தெரிவிக்கப்பட்டுள்ளது.

இதன்படி, புதிய மின்சார பாவனை வாகனங்கள் ஒலியை உமிழும் சாதனத்தைக் கொண்டிருக்க வேண்டும் என்பது கட்டாயமாகும்.

குறைந்த சூழல் மாசு, வாயு உமிழ்வு அற்ற கார்கள் மற்றும் வான்கள் மிகவும் அமைதியானவை என்பதுடன், எந்தவித இயந்திர ஒலியையும் எழுப்புவதில்லை. இது பாதசாரிகளை பெரிதும் ஆபத்தில் சிக்கவைக்கின்றது.

இந்தநிலையில், அனைத்து புதிய வகை நான்கு சக்கர மின்சார வாகனங்களிலும் ஒலி எழுப்பும் சாதனம் பொருத்தப்பட வேண்டும், இது ஒரு பாரம்பரிய இயந்திர ஒலியை போன்று இருக்கும் வேண்டும் என்கிறது ஐரோப்பிய நாடுகளின் இன்று அமுல்படுத்தப்பட்ட புதிய சட்டம்.

http://athavannews.com/புதிய-பிரச்சினையை-ஏற்படு/

வட்ஸ்அப் செயலி விண்டோஸ் மற்றும் குறிப்பிட்ட அண்ட்ராய்டு இயங்குதளங்களில் இனி இயங்காது என்று ஏற்கனவே அறிவிக்கப்பட்டது. இதன் முதற்கட்டமாக தற்போது விண்டோஸ் ஸ்டோரில் இருந்து வட்ஸ்அப் நீக்கப்பட்டுள்ளது. 

கடந்த சில மாதங்களுக்கு முன்பு வட்ஸ்அப் நிறுவனம் ஒரு அறிவிப்பை வெளியிட்டது. அதில், இவ்வாண்டு டிசம்பர் மாதத்திற்குப் பிறகு விண்டோஸ் இயங்குதளத்தில் வட்ஸ்அப் வேலை செய்யாது என்று தெரிவிக்கப்பட்டது. இதனால் விண்டோஸ் பயனாளர்கள் அதிர்ச்சியடைந்தனர். 

இந்த நடவடிக்கையின் முதற்கட்டமாக இன்று (ஜூலை 1) முதல் விண்டோஸ் ஸ்டோரில் இருந்து வட்ஸ்அப் செயலி நீக்கம் செய்யப்படுகிறது. இதனால், இனி வட்ஸ்அப்பை விண்டோஸ் மொபைல்களில் டவுன்லோட் செய்ய முடியாது. ஏற்கனவே, விண்டோஸ் மொபைலில் வாட்ஸ்அப் இருந்தால், அதுவும் டிசம்பர் மாதத்திற்கு பிறகு இயங்காது. 

மேலும், அண்ட்ரோய்ட் 2.3.7 மற்றும் iOS 7 இயங்குதளத்தில் அடுத்த ஆண்டு பெப்ரவரி மாதம் முதல் வட்ஸ்அப் இயங்காது என்றும் அறிவிக்கப்பட்டுள்ளது. இது தொடர்பாக வட்ஸ்அப்பின், சமீபத்திய கேள்வி பதில்கள் (FAQ) பகுதியில் விளக்கப்பட்டுள்ளது. அதன்படி, இந்த இயங்குதளத்தில் செயல்படும் ஸ்மார்ட்போன்கள் மூலமாக புதிதாக வட்ஸ்அப் கணக்கு எதுவும் தொடங்க முடியாது. ஏற்கனவே, வட்ஸ்அப் இருக்கும் பட்சத்தில், அதுவும் வேலை செய்யாது. 

பயனாளர்கள் ஸ்மார்ட்போன் செட்டிங்ஸ் பகுதிக்குள் சென்று, தங்களுடைய போன் எந்த வெர்ஷனில் உள்ளது என்பதை தெரிந்து கொள்ளலாம். இதற்கு Settings பிரிவுக்குள் சென்று Phone>About என்பதை தேர்வு செய்ய வேண்டும். அதில், ஸ்மார்ட்போன் எந்த இயங்குதளத்தில் இயங்குகிறது என்பது காட்டப்படும். அண்ட்ராய்டு 2.3.7 வெர்ஷன் இருந்தால், அந்த போனில் அடுத்த வருடம் வட்ஸ்அப் வேலை செய்யாது. 

அண்ட்ராய்டு 4.03 வெர்ஷன் அல்லது அதற்கு மேல் உள்ள ஸ்மார்ட்போனில் தான் வருங்காலத்தில் வட்ஸ்அப் வேலை செய்யும். வட்ஸ்அப்பை புதிய தொழில்நுட்ப வசதிகள் கொண்டு வருவதற்காக இந்த நடவடிக்கைகள் எடுக்கப்படுவதாக கூறப்படுகிறது. 

https://www.virakesari.lk/article/59455

Artificial intelligence / செயற்கை நுண்ணறிவு 

செயற்கை நுண்ணறிவு என்பது கணினி அறிவியலின் மேம்பட்ட வளர்ச்சியை காட்டும் உச்ச நிலையாகும், இது நுட்பமான இயந்திரங்களை உருவாக்கி மனிதர்களைப்போல செயல்பட வைக்கும் ஒரு நுணுக்கமான தொழில்நுட்பம் ஆகும். செயற்கைஅறிவாற்றல் என்பது கொடுக்கப்படும் உள்ளீட்டிற்கு தகுந்ததுபோல் அதுவாகவே செயல்படுவதுதான் செயற்கை நுண்ணறிவு ஆகும்.

செயற்கை அறிவாற்றலின் பயன்பாடுகளை அனைத்துத் துறைகளிலுமே காணமுடியும். உதாரணமாக, விவசாயம், தொழில்நுட்பம், கார், ஆட்டோமொபைல், மருத்துவம், பொறியியல், ஆசிரியர்பணி போன்ற அனைத்துத் துறைகளிலும் செயற்கை அறிவாற்றல் முறைகளைப் பயன்படுத்தமுடியும்.

செயற்கை நுண்ணறிவு என்பது அடிப்படையில் தாமாக சிந்தித்து செயல்படக்கூடிய இயந்திரம் அல்லது கணினி. ஆனால், கணினியால் தாமாக எந்த வேலையையும் செய்ய முடியாது என்றல்லவா கேள்விப்பட்டிக்கிறோம்? சரிதான். அதாவது மனிதன் எவ்வாறு சிந்திப்பான், செயல்படுவான் என்பதை நிரலாக்கக் குறியீடுகளை வைத்து கணினி செயல்படும். இது கண்டிப்பாக சுலபமான வேலையில்லை. மனிதன் என்ன நினைக்கிறன் என்று மனிதனுக்கே சரியாக தெரியாத போது அதை கணினிக்கு கற்றுக்கொடுப்பது என்பது சுலபம் இல்லை.

செயற்கை நுண்ணறிவின் சிறந்த பயன்பாடுகளின் பட்டியல் இங்கே-

1. ஸ்மார்ட் கார்கள்

இது கூகிளின் சுய-ஓட்டுநர் கார் திட்டத்தையும் டெஸ்லாவின் "தன்னியக்க" திட்டத்தையும் கொண்டுள்ளது. மேலும். செயற்கை நுண்ணறிவானது முதல் வீடியோ விளையாட்டின் கண்டுபிடிப்புக்குப் பிறகு பயன்படுத்தப்பட்டது.

2. மோசடி கண்டறிதல்

மோசடிகளை கண்டறிவதற்கு AI ஐ பெரும்பாலும் பயன்படுத்துகின்றனர். பல மோசடிகள் எப்போதும் வங்கிகளில் நடக்கின்றன, இவற்றில் 90% AI யின் துணை கொண்டே கண்டறியப்படுகிறது.

3. ஆன்லைன் வாடிக்கையாளர் ஆதரவு

ஆன்லைன் வாடிக்கையாளர் ஆதரவில் AI முக்கிய பங்கு வகிக்கிறது. பல வலைத்தளங்களில் தங்கள் வாடிக்கையாளர்களுக்கு நேரடி அரட்டை விருப்பம் உள்ளது. பொருட்கள் ரீதியான தேவையான உதவிகளை இது நமக்கு வழங்குகிறது, பல சந்தர்ப்பங்களில், நமது சந்தேகங்களுக்கு பதிலளிப்பது உள்ளீடு கொடுக்கப்பட்ட ஒரு கணிணி மட்டுமே ஆகும்,

4. இதயத் தாக்குதல்களை தடுத்தல்

இப்போதெல்லாம் மருத்துவத்துறையில் உயிர்களை காப்பாற்ற AI பயன்படுத்தப்படுகிறது. மருத்துவத் தரவுகளை நுட்பமாக ஸ்கேன் செய்ய இது பயன்படுத்தப்படுகிறது. மேலும், நோயாளிக்கு மாரடைப்பு மற்றும் பக்கவாதம் இருந்தால் எளிதில் கணிக்க முடியும்.

5. தயாரிப்பு

செயற்கை நுண்ணறிவு உற்பத்தி நிறுவனத்தில் ஆரம்ப காலத்தில் இருந்தே பயன்படுத்தப்படுகிறது. நாங்கள் வாகனங்கள் மற்றும் மின்னணுவியல் உற்பத்தி பொருட்களுக்கு உபயோகிக்கிறோம். மேலும் உற்பத்தி பொருட்களில் மாற்றங்களை AI ஐ பயன்படுத்தப்படுகிறது.

6. பொறியியல் வடிவமைப்பு & இரசாயன பகுப்பாய்வு

இது நிபுணத்துவ வரைபடங்கள் மற்றும் இரசாயனத் தொகுப்புகளை வடிவமைக்கப் பயன்படுகிறது.

செயற்கை நுண்ணறி எங்கே தேவைப்படுகிறது ?

இது நீங்கள் கணினி விளையாட்டுகள் விளையாடியிருந்தால் தெரிந்திருக்கும். நீங்கள் இந்த அசைவை செய்தால் என்ன செய்ய வேண்டும், தாக்கினால் என்ன செய்ய வேண்டும், மறைந்திருந்தால் என்ன செய்ய வேண்டும் என மனிதனை ஒத்த செயல்களை செய்யுமாறு குறியீடு செய்யப்பட்டிருக்கும்.

சரி, இங்கு மட்டும் தானா? இல்லை. உங்கள் திறன்பேசியில் உள்ள Google Assistant, Siri , Cortana கூட ஒரு செயற்கை நுண்ணறிவு தான். இப்போது டெசுலா நிறுவனத்தின் சுய ஓட்டுதல் தொழில்நுட்பமும் கூட செயற்கை நுண்ணறிவை தான் பயன்படுத்துகிறது.

சுருக்கமாக சொல்லப் போனால், இயந்திர மனிதன் (robot) இந்த செயற்கை நுண்ணறிவை தான் பயன்படுத்துகின்றது. இதில் குறிப்பிட வேண்டியது என்னவென்றால், இந்த நிரல்களை இயக்க, அதிக திறனுடைய கணிணிப்பாகங்கள் தேவை. செயற்கை நுண்ணறிவு எந்த அளவு மனிதனின் செயல்களை ஒத்த செயல்களை செய்ய முற்படுகிறதோ, அந்த அளவு அதிக திறனுடைய கணிணிப்பாகங்கள் தேவை.