புதிய பதிவுகள்

வெண்டிலேட்டரை தியாகம் செய்த 90 வயது மூதாட்டி உயிரிழப்பு

2 months ago
மனிதரில்.... இப்படியான மாணிக்கங்களும் இருக்கின்றார்கள். அவரின் முகத்திலேயே... கருணை உள்ளம் படைத்தவர் என தெரிகின்றது. அம்மா.... நீங்கள் இறந்தும், உலக மக்களின் உள்ளங்களில், வாழ்ந்து கொண்டு இருக்கின்றீர்கள்.

வெளிநாட்டிலிருந்து வந்த மத போதகர் உட்பட 9 பேர் தேவாலயத்துக்குள்ளேயே தனிமைப்படுத்தல்!

2 months ago
தவிக்கவும், அடிக்கவும் இடம் கொடுக்காமல் தவித்தவர்களுக்கு அபயம் அளியுங்கள். தவித்தவர்களின் இயலாமையை இகழாதீர்கள். என்றுதான் கேட்கிறோம்.

கோரோனா பற்றி அளவுக்கு அதிகமான செய்திகள் – வீடியோக்களைப் பார்வையிடுவது ஆபத்து; மருத்துவர் சத்தியமூர்த்தி அறிவுரை

2 months ago
கோரோனா பற்றி அளவுக்கு அதிகமான செய்திகள் – வீடியோக்களைப் பார்வையிடுவது ஆபத்து; மருத்துவர் சத்தியமூர்த்தி அறிவுரை அளவுக்கு அதிகாமாக நோய்பற்றிய செய்திகளையும் காணொலிகளையும் பார்வையிடுதல் மன உளைச்சலை ஏற்படுத்தக்கூடும் என யாழ்ப்பாணம் போதனா வைத்தியசாலை பணிப்பாளர் மருத்துவர் த. சத்தியமூர்த்தி எச்சரித்துள்ளார். இது தொடர்பில் அவர் மேலும் தெரிவித்ததாவது; ஒருநாளில் ஒருசில தடவைகள் மாத்திரம் இந்த நோய் நிலை பற்றிய தகவல்களுக்காக நம்பிக்கையான வலைதளங்களை பார்வையிடுங்கள். அளவுக்கு அதிகாமாக நோய்பற்றிய செய்திகளையும் காணொலிகளையும் பார்வையிடுதல் மனஉளைச்சலை ஏற்படுத்தக்கூடும். மன உளைச்சல், பசி, தூக்கம் என்பவற்றை பாதிக்கின்றது. உளநல ஆரோக்கியத்தோடு நிறையுணவு, அமைதியான நித்திரை ஆகியவற்றால் பல நோய்களுக்கெதிரான நோய் எதிர்ப்பு சக்தி அதிகரிக்கப்படுகின்றது. நமது பேஸ்புக் பக்கத்தினை லைக் செய்யுங்கள்!! தற்போது பல சுகதேகிகள் அநாவசியமான மனஉளைச்சலுக்குள்ளாகி தம்நோய் எதிர்க்கும் ஆற்றலை தாமே குறைப்பதை அவதானிக்கக்கூடியதாக உள்ளது. இவ்வாறான நிலமையில் தேவையற்ற செய்திகளை பார்ப்பதும் பகிர்வதும் தம்மையும் தம் சார்ந்தவர்களையும் மனஉளைச்சலுக்குள்ளாக்கி நோய் எதிர்ப்பை பாதிக்கும் தவறான செயல்களாகும். அடிக்கடி செய்திகளை பகிர்வதும் தவிர்க்கப்பட வேண்டும். ஆகவே தேவையற்ற செய்திகளையும், காணொலிகளையும் பார்ப்பதையும் பகிர்வதையும் தவிர்த்து ஒரு சில முக்கியமான செய்திகளை நம்பத்தகுந்த மூலங்களிலிருந்து பெறுவதன்மூலம் உங்களையும் உங்கள் குடும்பத்தையும் பாதுகாத்துக்கொள்ளுங்கள் – என்றார். இந்த கோரனோ செய்தி முடியும் மட்டும் மன தைரியத்தை ஊட்டும் செய்திகளை இணைப்பதுக்கு தடை செய்யப்பட்ட இணையங்களையும் இங்கு யாழில் அனுமதிக்கணும் தயவு பண்ணி மட்டுக்கள் யோசிக்கவும் . https://www.yarldeepam.com/news/35304.html?fbclid=IwAR3raNNi9ycDhVTpTaRZKjMjYUVYBmxw5cnHaCYIqJsEGtM0gO2epghHK4w

Get dressed and set goals: some routines not to break if coronavirus means you have to work from home

2 months ago
உண்மை. அதே நேரம் அமெரிக்காவில் ஒரு கோடை நாள் மின்சாரம் இல்லாமல் போய் குழந்தைகள் பிறப்பு கூடியது. இப்படி உலகத்தை பூட்டி வைப்பதால் பிறப்பு விகிதாசாரம் எகிற வாய்ப்புண்டு. நானே நாலாவது பற்றி கேட்டு மனுசி பேசி போட்டா! http://cep.lse.ac.uk/pubs/download/cp403.pdf

வெண்டிலேட்டரை தியாகம் செய்த 90 வயது மூதாட்டி உயிரிழப்பு

2 months ago
பிரஸ்ஸல்ஸ்: கொரோனாவால் பாதிக்கப்பட்டு தனக்கு வழங்கப்பட்ட வெண்டிலேட்டரை ஏற்க மறுத்து இளைய நோயாளிகளுக்கு தியாகம் செய்த மூதாட்டி ஒருவர் உயிரிழந்தார். பெல்ஜியம் நாட்டில் வெண்டிலேட்டருக்கு கடும் தட்டுப்பாடு நிலவி வருகிறது. இந்நிலையில் சுசேன் ஹோய்லேர்ட்ஸ் என்ற 90 வயது மூதாட்டி கொரோனாவால் பாதிக்கப்பட்டு கடந்த மாதம் 20ம் தேதி மருத்துவமனையில் அனுமதிக்கப்பட்டார். அங்கு, தனக்கு வெண்டிலேட்டர் வேண்டாம் என புறக்கணித்த மூதாட்டி தான் வாழ்ந்து முடித்து விட்டதால் அதை இளைய நோயாளிகளுக்கு வழங்கும் படி மருத்துவர்களை கேட்டு கொண்டதாக தெரிகிறது. தன் உயிரை பற்றி கவலைப்படாமல் வெண்டிலேட்டரை தியாகம் செய்த மூதாட்டி மருத்துவமனையில் அனுமதிக்கப்பட்ட இரு நாட்களில் உயிரிழந்தார். https://www.dinamalar.com/news_detail.asp?id=2513392

கொரோனாவும் இலங்கையின் தற்போதைய நிலவரமும்

2 months ago
அத்தியாவசிய பொருட் பிரச்சினை குறித்து அறிவிக்க எண்கள் உணவு மற்றும் மருந்துப் பொருட்கள் தொடர்பில் பொதுமக்கள் எதிர்கொள்ளும் பிரச்சினைகளை முன்வைப்பதற்கு பின்வரும் தொலைபேசி இலக்கங்களைப் பயன்படுத்துமாறு விசேட ஜனாதிபதி செயலணி ஊடக ஒருங்கிணைப்புத் தலைமை அலுவலர், பேராசிரியர் சரித ஹேரத் அறிவித்துள்ளார். எண்கள், 0113456200 0113456201 0113456202 0113456203 0113456204 https://newuthayan.com/அத்தியாவசிய-பொருட்-பிரச்/

புளியம்பொக்கணை நாகதம்பிரானின் பண்டமெடுத்தல் நிகழ்வு இனிதே முடிவு!

2 months ago
நாட்டில் ஏற்பட்டுள்ள அசாதாரண நிலைமை காரணமாக கிளிநொச்சி புளியம்பொக்கனை நாகதம்பிரானின் விளக்கு வைத்தல் நிகழ்வு தொடக்கம் பங்குனி உத்தர பொங்கல் விழா வரை(ஏப்ரல் 06) ஆலயத்திற்கு வருகை தருவதனை முற்றாக தவிர்த்து கொள்ளும் படியும் நாகதம்பிரானை வீட்டிலிருந்தே வழிபாடு செய்யுமாறும் ஆலய தர்மகர்த்தா சபை தலைவரினால் பக்தர்களுக்கு அறிவித்தல் வழங்கப்பட்டுள்ளது https://newuthayan.com/புளியம்பொக்கனை-நாகதம்பி/

மதபோதகருடன் நெருங்கிய தொடர்பிலிருந்தவர்களுக்கு இதுவரை கொரோனா தொற்று ஏற்படவில்லை - வைத்திய கலாநிதி கேதீஸ்வரன்

2 months ago
நான் படிக்கும் காலத்தில், மாணவர்கள் பொழுது போக்காக இந்தச் சிறு கிறிஸ்தவ குழுக்களை பற்றி கதைப்போம். காரணம் அடிக்கடி நம் வீடுகளுக்கு போதனைக்காக வருவார்கள். அப்போ இருந்த கிறிஸ்தவ மதக்குழுக்களின் தொகை இருபத்திநான்கு. இன்னும் உருவாக்கிக் கொண்டு இருப்பதாக தகவல். அப்போ இன்று எத்தனை என கணக்கிட்டுக் கொள்ளுங்கள். வெளிநாடுகளில் உள்ள தமிழர், வீட்டுக்கொரு கிறிஸ்தவ குழுக்களை உருவாக்கி இருப்பதாக கேள்வி. அத்தனையும் நான் பெரிது. என்னை முன்னுக்கு வைக்கேல்லை. என்று உருவானதாக கூறுகிறார்கள். இவர்கள் கூடும்போது தமக்கு பிடிக்காத குழுக்களை விமர்சிப்பதாகவும் அறியக்கிடக்கிறது. போலி மெசியாக்களும், போலி இறைவாக்கினர்களும் தோன்றி, முடியுமானால் தேர்ந்து கொள்ளப்படடவர்களையே நெறி தவறச் செய்ய பெரும் அடையாளங்களையும், அருஞ்செயல்களையும் செய்வார்கள். ஆகையால் எவராவது உங்களிடம் வந்து 'அதோ, பாலை நிலத்தில் இருக்கிறார்' 'இதோ, உள்ளறையில் இருக்கிறார்' என்றால் நம்பாதீர்கள்.

மும்பை: தாராவி பகுதியை சேர்ந்தவர் கொரோனாவுக்கு பலி

2 months ago
கொரோனா வைரஸ் தாக்குதலுக்கு மும்பையில் உள்ள தாராவி பகுதியை சேர்ந்த நபர் உயிரிழந்துள்ளார். மும்பை தாராவி பகுதி மும்பை: இந்தியாவில் ஆயிரத்து 834 பேருக்கு கொரோனா வைரஸ் பரவியுள்ளது. அவர்களில் 143 பேர் சிகிச்சைக்கு பின் குணமடைந்து டிஸ்ஜார்ச் செய்யப்பட்டுள்ளனர். வைரஸ் பாதிக்கப்பட்டவர்களில் இதுவரை 41 பேர் உயிரிழந்துள்ளனர். நாடு முழுவதும் வைரஸ் பரவும் வேகம் தீவிரமடைந்து வருகிறது. மகாராஷ்டிரா மாநிலத்திலும் 335 பேருக்கு வைரஸ் பரவியுள்ளது. வைரஸ் பாதிப்பு காரணமாக அங்கு 16 பேர் உயிரிழந்துள்ளனர். இதற்கிடையே, அம்மாநிலத்தின் தாராவி பகுதியை சேர்ந்த நபர் ஒருவர் இருமல், காய்ச்சல் உள்ளிட்ட கொரோனா அறிகுறிகளுடன் மும்பை மருத்துவமனையில் அனுமதிக்கப்பட்டார். அவரை பரிசோதனை சேர்ந்த மருத்துவர்கள் கொரோனா வைரஸ் பரவியிருப்பதை உறுதி செய்து தீவிர சிகிச்சை அளித்துவந்தனர். இந்நிலையில், மும்பை சியோன் மருத்துவமனையில் சிகிச்சை பெற்றுவந்த அந்த நபர் நேற்று சிகிச்சை பலனின்றி உயிரிழந்தார். ஆசியாவிலேயே மிகவும் குறைவான பரப்பளவில் (5 சதுர கிலோமீட்டர்) 10 லட்சத்துக்கும் அதிகமான மக்கள் வாழும் இடமாக தாராவி உள்ளது. அப்பகுதியை சேர்ந்த நபர் கொரோனாவால் உயிரிழந்துள்ளதால் பலருக்கும் வைரஸ் பரவி இருக்குமோ என்ற அச்சம் மக்களிடையே எழுந்துள்ளது. இதற்கிடையே, கொரோனா பாதிக்கப்பட்டு உயிரிழந்த நபரின் குடியிருப்பு சீல் வைக்கப்பட்டுள்ளது. அந்த குடியிருப்பில் இருப்பவர்கள் அனைவருக்கும் இன்று வைரஸ் பரிசோதனை நடத்தப்பட உள்ளதாக அதிகாரிகள் தெரிவித்துள்ளனர். https://www.maalaimalar.com/news/topnews/2020/04/02005211/1383742/The-person-from-Dharavi-in-Mumbai-who-had-tested-positive.vpf

பிறந்து 6 வாரங்களே ஆன குழந்தை கொரோனாவுக்கு பலி - அதிர்ச்சியில் உறைந்த மக்கள்

2 months ago
அமெரிக்காவில் பிறந்து 6 வாரங்களேயான குழந்தை ஒன்று கொரோனா வைரஸ் தாக்குதலுக்கு உயிரிழந்த சம்பவம் பெரும் சோகத்தை ஏற்படுத்தியுள்ளது. கோப்பு படம் நியூயார்க்: சீனாவின் ஹூபேய் மாகாணம் வுகான் நகரில் கடந்த ஆண்டு டிசம்பர் கண்டுபிடிக்கப்பட்ட கொரோனா வைரஸ் தற்போது உலகம் முழுவதும் 203 நாடுகளுக்கு பரவியுள்ளது. உலகம் முழுவதும் இதுவரை 9 லட்சத்து 32 ஆயிரத்து 554 பேருக்கு வைரஸ் பரவியுள்ளது. வைரஸ் தாக்குதலுக்கு இதுவரை 46 ஆயிரத்து 837 பேர் உயிரிழந்துள்ளனர். வைரஸ் பரவியவர்களில் ஒரு லட்சத்து 93 ஆயிரத்து 891 பேர் குணமடைந்து சிகிச்சைக்கு பின் டிஸ்சார்ஜ் செய்யப்பட்டுள்ளனர். அமெரிக்காவிலும் கொரோனா வேகமாக பரவி வருகிறது. உலக அளவில் கொரோனா அதிகம் பரவியுள்ள நாடுகளின் பட்டியலில் அமெரிக்கா முதலிடத்தில் உள்ளது. அந்நாட்டில் இதுவரை 2 லட்சத்து 12 ஆயிரத்து 980 பேருக்கு கொரோனா பரவியுள்ளது. அவர்களில் ஒரு லட்சத்து 99 ஆயிரத்து 416 பேர் சிகிச்சை பெற்று வருகின்றனர். வைரஸ் பாதிக்கப்பட்டவர்களில் 8 ஆயிரத்து 805 பேர் சிகிச்சைக்கு பின் குணமடைந்து டிஸ்சார்ஜ் செய்யப்பட்டுள்ளனர். மேலும், வைரஸ் தாக்குதலுக்கு இதுவரை 4 ஆயிரத்து 759 பேர் உயிரிழந்துள்ளனர். இந்நிலையில், கனக்டிகட் மாநிலம் ஹார்ட்போட் பகுதியை சேர்ந்த ஒரு தம்பதிக்கு 6 வாரங்களே நிரம்பிய குழந்தை இருந்தது. அந்த குழந்தை உடல்நலக்குறைவு காரணமாக மருத்துவமனையில் அனுமதிக்கப்பட்டது. இதையடுத்து, அந்த குழந்தைக்கு கொரோனா பரிசோதனை செய்யப்பட்டது. நேற்று வெளியான பரிசோதனையின் முடிவில் குழந்தைக்கு கொரோனா பாதிப்பு இருப்பதை மருத்துவர்கள் உறுதி செய்தனர். இதையடுத்து, குழந்தைக்கு தீவிர சிகிச்சை அளிக்கப்பட்டு வந்தது. இந்நிலையில், மருத்துவமனையில் சிகிச்சை பெற்றுவந்த 6 வாரங்களேயான இன்று சிகிச்சை பலனின்றி பரிதாபமாக உயிரிழந்தது. இந்த தகவலை அம்மாநில கவர்னர் நெட் லமொண்ட் தனது டுவிட்டர் பக்கத்தில் வெளியிட்டுள்ளார். பிறந்து 6 வாரங்களே ஆக குழந்தை கொரோனா வைரஸ் காரணமாக உயிரிழந்த சம்பவம் உலக மக்களிடையே பெரும் சோகத்தை ஏற்படுத்தியுள்ளது. https://www.maalaimalar.com/news/topnews/2020/04/02044015/1383747/Six-week-old-newborn-dies-of-coronavirus-in-Connecticut.vpf

‘stay at home’ பொய் அல்ல, மிகவும் கவனமாக இருங்கள்: கொரோனா பிடியில் இருந்து மீண்டுள்ள டைபாலா சொல்கிறார்

2 months ago
இத்தாலியின் யுவென்டஸ் அணிக்காக விளையாடி வந்த அர்ஜென்டினா வீரர் பவுலோ டைபாலா, வீட்டிலேயே இருங்கள் என்பது பொய் அல்ல. மிகவும் கவனமாக இருங்கள் என வலியுறுத்தியுள்ளார். யுவென்டஸ் அணிக்காக விளையாடி வரும் அர்ஜென்டினா வீரர் டைபாலா கொரோனா வைரஸ் தொற்றுக் காரணமாக உலக நாடுகள் அஞ்சி நடுங்குகின்றன. இதுவரை தடுப்பு மருந்து கண்டுபிடிக்கப்படாததால் பலி எண்ணிக்கை அதிகரித்துக் கொண்டே இருக்கிறது. குறிப்பாக இத்தாலியில் பலியானோரின் எண்ணிக்கை ஜெட் வேகத்தில் உயர்ந்து கொண்டு இருக்கிறது. இத்தாலியின் ‘செரி ஏ’ கால்பந்து லீக் அணியான யுவென்டஸ்க்காக விளையாடி வருபவர் அர்ஜென்டினாவின் இளம் வீரர் பவுலோ டைபாலா. இவருக்கு கொரோனா தொற்று இருப்பது உறுதியானது. இதனால் தனிமைப்படுத்தப்பட்டு சிகிச்சை அளிக்கப்பட்டது. தற்போது கொரோனா என்ற அரக்கனின் பிடியில் இருந்து தப்பித்து வந்துள்ளார். வீட்டிற்குள்ளேயே இருங்கள் (Stay at Home) இந்த வார்த்தைதான் கொரோனாவை கட்டுப்படுத்த தற்போது எல்லா நாடுகளும் கடைபிடிக்க வேண்டிய ஒரே ஆயுதமாக உள்ளது. இந்த வார்த்தை பொய்யல்ல, கொரோனா விஷயத்தில் கவனமாக இருங்கள் என டைபாலா தெரிவித்துள்ளார். இதுகுறித்து டைபாலா கூறுகையில் ‘‘ஒவ்வொரு நாட்களும் ஏராளமான மக்கள் மடிந்து வருகிறார்கள். விஷயம் மிகவும் மோசமாகி வருகிறது. உங்களால் கையாள முடியவில்லை என்பதால்தான் ஏராளமான நாடுகள் டாக்டர்களை அனுப்பி வைத்துள்ளனர். கொரேனா வைரசால் பாதிக்கப்படுவேன் என்று நினைத்துக்கூட பார்க்கவில்லை. வீட்டுக்குள்ளேயே தங்கியிருங்கள் என்ற வார்த்தை பொய்யல்லை. மிகவும் கவனமாக இருங்கள். எனக்கு மோசமான இருமல் இருந்தது, தூங்கும்போது மிகவும் சோர்வாக இருந்தேன். குளிராக இருப்பது போன்று உணர்ந்தேன். முதலில் இது என்னவாக இருக்கும் என்பது குறித்து நினைக்கவில்லை. ஆனால், முதலில் எனது அணியில் உள்ள சக வீரர்கள் இருவருக்கு உறுதி செய்யப்பட்ட பிறகு, எனக்கு தொற்றிக் கொண்டது உறுதியானது. எங்களுக்கு தலைவலி இருந்தது. ஆனால், எதையும் நாங்கள் எடுத்துக் கொள்ளவில்லை. கிளப் எங்களுக்கு விட்டமின்கள் கொடுத்தது. அதன்பின் நாங்கள் குணமடைந்து வந்ததை உணர்ந்தோம். இது மனநிலையை பொறுத்தது. முதலில் பயமாக இருந்தது. தற்போது சரியாகி விட்டது. தற்போது எங்களுக்கு எந்தவிதமான அறிகுறியும் இல்லை. நான் வேகமாக சோர்வடைந்தேன். பயிற்சி எடுக்க விரும்பினேன். ஆனால், ஐந்து நிமிடத்திற்கு பிறகு மூச்சு விட திணறினேன். அப்போதுதான் எங்களுக்கு ஏதோ ஒன்று சரியில்லை என்பது தெரியவந்தது. அதன்பின் பரிசோதனையில் பாசிட்டிவ் என தெரியவந்தது’’ என்றார். https://www.maalaimalar.com/news/topnews/2020/04/01223119/1383738/Paulo-Dybala-expands-on-coronavirus-battle-It-is-not.vpf

2 லட்சத்தை தாண்டிய பாதிக்கப்பட்டோர் எண்ணிக்கை... ஒரே நாளில் 660 பேர் பலி - அதிரும் அமெரிக்கா

2 months ago
அமெரிக்காவில் கொரோனா பாதிக்கப்பட்டோரின் எண்ணிக்கை 2 லட்சத்தை தாண்டியுள்ளது. மேலும், நேற்று ஒரே நாளில் மட்டும் வைரஸ் தாக்குதலுக்கு 660 பேர் உயிரிழந்துள்ளனர். அமெரிக்க அதிபர் டிரம்ப் நியூயார்க்: சீனாவின் ஹூபேய் மாகாணம் வுகான் நகரில் கடந்த ஆண்டு டிசம்பர் கண்டுபிடிக்கப்பட்ட கொரோனா வைரஸ் தற்போது உலகம் முழுவதும் 203 நாடுகளுக்கு பரவியுள்ளது. உலகம் முழுவதும் இதுவரை 9 லட்சத்து 27 ஆயிரத்து 986 பேருக்கு வைரஸ் பரவியுள்ளது. வைரஸ் தாக்குதலுக்கு இதுவரை 46 ஆயிரத்து 491 பேர் உயிரிழந்துள்ளனர். வைரஸ் பரவியவர்களில் ஒரு லட்சத்து 93 ஆயிரத்து 474 பேர் குணமடைந்து சிகிச்சைக்கு பின் டிஸ்சார்ஜ் செய்யப்பட்டுள்ளனர். இந்நிலையில், அமெரிக்காவில் கொரோனா கோரத்தாண்டவம் ஆடி வருகிறது. அந்நாட்டில் நேற்று ஒரே நாளில் மட்டும் 22 ஆயிரத்து 613 பேருக்கு வைரஸ் தொற்று உறுதி செய்யப்பட்டுள்ளது. இதனால் அமெரிக்காவில் கொரோனா வைரஸ் பரவியவர்களின் எண்ணிக்கை 2 லட்சத்து 11 ஆயிரத்து 143 ஆக அதிகரித்துள்ளது. மேலும், அமெரிக்காவில் நேற்று ஒரே நாளில் மட்டும் வைரஸ் தாக்குதலுக்கு 660 பேர் உயிரிழந்துள்ளனர். இதனால் அந்நாட்டில் கொரோனாவுக்கு உயிரிழந்தோர் எண்ணிக்கை 4 ஆயிரத்து 713 ஆக உயர்ந்துள்ளது. https://www.maalaimalar.com/news/topnews/2020/04/02021911/1383744/Number-of-people-infected-with-coronavirus-reaches.vpf

கொரோனா பரவலுக்கு காரணமான டில்லி நிஜாமுதீன் மசூதி: 10 முக்கிய அம்சம்

2 months ago
டில்லி மாநாடு:போலீசாரிடம் சிக்கிய 275 வெளிநாட்டினர் புதுடில்லி:டில்லி மாநாட்டில் பங்கேற்ற வெளிநாட்டினர் 275 பேரை போலீசார் இன்று அதிகாலை பிடித்து தனிமைபடுத்தியுள்ளனர். டில்லியின் நிஜாமுதீன் பகுதியில் உள்ள மசூதி ஒன்றில் தப்லிகி ஜமாத் என்ற முஸ்லிம் மத அமைப்பு சார்பில் முஸ்லிம் மத குருக்கள் பங்கேற்ற கூட்டம் கடந்த மாதம் நடைபெற்றது. அதில் தமிழகம், தெலுங்கானா, காஷ்மீர் உள்பட நாட்டின் பல்வேறு பகுதிகளை சேர்ந்த ஆயிரக்கணக்கான முஸ்லிம் பங்கேற்றனர். இதற்கிடையே, கூட்டத்தில் பங்கேற்றுவிட்டு தெலுங்கானா திரும்பிய 6 பேர் கொரோனா வைரஸ் காரணமாக பலியானார்கள். நிகழ்ச்சியில் பங்கேற்ற ஜம்மு-காஷ்மீரை சேர்ந்த ஒருவரும் பலியானார். இதனால், நிஜாமுதீன் பகுதியில் உள்ள மசூதியில் நிகழ்ச்சியில் பங்கேற்ற அனைவரும் தாமாக முன்வந்து கொரோனா பரிசோதனை செய்யவேண்டும் என அதிகாரிகள் தெரிவித்தனர். இந்நிலையில், டில்லி சிறப்பு போலீசார், அரசுடன் இணைந்து இன்று அதிகாலை டில்லி முழுவதும் அதிரடி தேடுதல் வேட்டை நடத்தினர். இந்த தேடுதல் வேட்டையின்போது டில்லி மாநாட்டு கூட்டத்தில் பங்கேற்று பதுங்கியிருந்த 275 வெளிநாட்டினரை போலீசார் அதிடியாக கைது செய்தனர். பிடிபட்டவர்கள் அனைவரும் இந்தோனேசியாவை சேர்ந்த 172 பேர், கஜகஸ்தானை சேர்ந்த 36 பேர், வங்காளதேசத்தை சேர்ந்த 21பேர் என தெரியவந்தது. இதையடுத்து அவர்கள் அனைவரும் தனிமைப்படுத்துதல் முகாமிற்கு அழைத்துச் செல்லப்பட்டதாக போலீசார் தெரிவித்துள்ளனர். https://www.dinamalar.com/news_detail.asp?id=2513804

கொரோனா வைரசால் உணவு பற்றாக்குறை அபாயம் : உலக சுகாதாரத்துறை

2 months ago
உலகளாவிய கொரோனா வைரசை கட்டுப்படுத்த தவறினால் உணவு பற்றாக்குறை ஏற்படும் அபாயம் உருவாகும் உலக நிறுவனங்களின் தலைவர்கள் கூறி உள்ளனர் இது குறித்து உலக சுகாதார அமைப்பு , உலக வர்த்தக அமைப்புஉள்ளிட்ட தலைவர்கள் கூறி இருப்பதாவது: கொரோனா வைரஸ் காரணமாக உலக நாடுகள் பல தங்களின் மக்களின் நலனை காக்கும் வகையில் நாடுகளில் ஊரடங்கை அமல்படுத்தி உள்ளது. இதன் காரணமாக உணவு விநியோகத்தொடரில் மந்தநிலையை ஏற்படுத்தி உள்ளது. மேலும் பல நாடுகளில் சூப்பர் மாக்கெட்டுகள் காலியாக உள்ளன. ஏற்றுமதிக்கு விதிக்கப்பட்ட கட்டுப்பாடுகளால் உலக சந்தையில் பற்றாக்குறையை உருவாக்கும் என ஐ.நா.,வுக்கான உணவு மற்றும் வேளாண்மை அமைப்பின் தலைவர் கியூ டோங்யு தெரிவித்துள்ளார். மேலும் உலக சுகாதாரஅமைப்பு மற்றும் உலக வர்த்தக அமைப்பை சேர்ந்தவர்கள் கூறுகையில் ஒவ்வொரு நாடும் முடிந்தவரையில் உணவு பற்றாக்குறை ஏற்படாத வகையில் வர்த்தகத்தை எளிமைப்படுத்த வேண்டும். அதே நேரத்தில் குடிமக்களின் உடல் நலத்தில் அக்கறை கொள்ளும் அரசு உணவு விநியோக சங்கிலியை சீர்குலைக்காமல் பார்த்துக்கொள்ள வேண்டும் என்றனர் https://www.dinamalar.com/news_detail.asp?id=2513384

Coronavirus-related recession could spike automation

2 months ago
முன்பே இவை உள்ளன என்றாலும் இப்பொழுது பாவனையும், புதிய வடிவிலான முயற்சிகளும் அதிகரித்துவிட்டன.. அவ்வளவுதான் இப்பொழுது நாங்கள் இந்த அசாதாரன சூழ்நிலைக்கு ஏற்ப எங்களை தயார்படுத்துகிறோம்.. மீண்டும் இயல்புநிலைக்கு வரும்போது இந்த கோவிட் 19னால் பழகிய பழக்கங்களில் இருந்து மாற எவ்வளவு நாட்கள் எடுக்கும்? எத்தனை வேலைவாய்ப்புகள் உருவாகும்? எத்தனை நிறுவனங்கள் இந்த செயற்கை நுண்ணறிவை மேலும் மேலும் பயன்படுத்த முனைவார்கள்? இயந்திர செவியலர்களை கோவிட் 19 நிலையில் மட்டுமே பயனுள்ளது.. ஏனெனில் உணர்வுகள் இல்லாத இயந்திரங்களால் வலியை உணரமுடியுமா? நீங்கள் கூறியதுபோல எலோன் மஸ்க் கூட செயற்கை நுண்ணறிவு மிகவும் ஆபத்தானது என்றும் அதனை ஒரு வரையறைக்குள் வைத்திருக்க சட்டங்கள் இல்லாவிடில் மிகவும் ஆபத்தில் முடியும் என்று கூறுகிறார், அதே நேரம், இந்த செயற்கை நுண்ணறிவினால் மனிதனின் முக்கியத்துவம் குறைந்துவிடாதா? என்ற கேள்வியையும் கேட்கிறார்..

உருளைக்கிழங்காக மாறிய 'பாஸ்'; வீடியோ காலில் கூத்து

2 months ago
லண்டன்: கொரோனா வைரஸ் தாக்குதல் காரணமாக, பல நிறுவனங்கள் தங்கள் பணியாளர்களை வீட்டிலிருந்து பணியாற்ற அறிவுறுத்தியுள்ளனர். வீட்டில் பணிபுரிபவர்கள், அலுவலக மீட்டிங்கிற்கு அதிகளவில், 'வீடியோ கால்' பயன்படுத்துகின்றனர். தனது பணியாளர்களுடனான வீடியோ கால் மீட்டிங்கில், முதலாளி தெரியாமல் உருளைக்கிழங்கு போல தோற்றமளிக்கும், பில்டர் ஆப்சனை தொட்டுவிட்டார். இந்த ஆப்சனை எவ்வாறு மாற்ற வேண்டும் என அவரால், கண்டுபிடிக்க முடியவில்லை. இதனால், மீட்டிங் முழுவதும் உருளைக்கிழங்கு தோற்றத்திலே இருந்துள்ளார். பணியாளர்களால் இணையத்தில் பகிரப்பட்ட இந்த வீடியோ, வலைதளங்களில் வைரலாகி வருகிறது. வெளியான சில மணி நேரங்களில், பல கோடி பேர் இந்த வீடியோவை பார்த்துள்ளனர். https://www.dinamalar.com/news_detail.asp?id=2513580

இங்கிலாந்தில் ஒரே நாளில் 500 பேர் கொரோனாவால் பலி

2 months ago
லண்டன்: இங்கிலாந்து நாட்டில் ஒரே நாளில் 500 பேர் வரையில்பலியாகி உள்ளனர் என அந்நாட்டு அரசு தெரிவித்துள்ளது. இது குறித்து இங்கிலாந்து நாட்டின் சுகாதாரத்துறை தன்னுடைய டுவிட்டர் பக்கத்தில் கூறி இருப்பதாவது: கடந்த மார்ச் 31 வரையில் கொரோனா வைரஸ் காரணமாக சுமார் 2,352 பேர் பலியாகி உள்ளனர். தற்போது வரையில் 29,474 பேர் தங்களை பரிசோதித்துள்ளனர். இது கடந்த முந்தைய நாளைவிட 4, 324 பேர் அதிகமாகும்.நாட்டில் முதன் முறையாக ஒரேநாளில் பலியானோர் எண்ணிக்கை 563ஆக ஆனது என டுவிட்டரில் பதிவிட்டுள்ளது. முன்னதாக கொரோனா வைரஸ் அரச குடும்பத்தையும் தாக்கிய. தாக்குதலுக்கு உள்ளான இளவரசர் சாரலஸ் இது குறித்துவீடியோவில் கூறி இருப்பதாவது: இந்த வைரஸ் தாக்குதல் எப்போது முடிவடையும் என்று யாராலும் கூற முடியாது. ஆனாலும் அது முடிவடையும். அது வரையில் நாம் அனைவரும் நம்பிக்கையுடன் வாழ்வோம். ஒவ்வொருவரும் நம்பிக்கையுடன் வரவிருக்கும் சிறந்த நேரங்களை எதிர்நோக்குவோம் என கூறி உள்ளார். https://www.dinamalar.com/news_detail.asp?id=2513387

அறிகுறி இன்றி 'கொரோனா' பாதிப்பு; சீனாவின் அறிவிப்பால் பீதி

2 months ago
பீஜிங்: சீனாவில் அறிகுறிகள் இல்லாமல் புதிதாக 1541 பேருக்கு 'கொரோனா' வைரஸ் பாதிப்பு உள்ளதாக சீன அரசு தெரிவித்துள்ளது. இந்த அறிவிப்பு நாட்டு மக்களை பீதியடைய செய்துள்ளது. கொரோனா வைரஸ் உலக நாடுகளை அச்சுறுத்தி வருகிறது. இந்த வைரஸ் முதலில் பரவத் தொடங்கிய சீனாவில் 81 ஆயிரத்து 554 பேர் பாதிக்கப்பட்டனர்; அதில் 3312 பேர் உயிரிழந்தனர். 76 ஆயிரத்து 238 பேர் சிகிச்சைக்குப் பின் வீடு திரும்பினர். இப்படி மோசமான பாதிப்புகளை சந்தித்த சீனா பல பாதுகாப்பு நடவடிக்கைகள் மூலம் வைரஸ் பரவலை கட்டுப்படுத்தியது. இதையடுத்து இங்கு மக்களின் இயல்பு வாழ்க்கை படிப்படியாக திரும்பியது. இந்நிலையில் சீன தேச சுகாதாரத்துறை ஆணையம் வெளியிட்ட அறிக்கை மக்களை பீதியடைய செய்துள்ளது. அதில் கூறப்பட்டுள்ளதாவது: அறிகுறிகள் இல்லாமல் கொரோனா வைரசால் பலர் பாதிக்கப்பட்டுள்ளனர். அதன்படி இந்த வைரசால் 1541 பேர் புதிதாக பாதிக்கப்பட்டுள்ளனர். அவர்கள் அனைவரும் மருத்துவ கண்காணிப்பின் கீழ் உள்ளனர். அதில் வெளிநாடுகளில் இருந்து வந்த 205 பேரும் உள்ளடங்குவர். இவர்கள் யாருக்கும் வைரஸ் பாதிப்பிற்கான எந்த அறிகுறியும் இல்லை. இதைத்தவிர வெளிநாடுகளில் இருந்து வந்த 35 பேருக்கும் உள்நாட்டில் ஒருவருக்கும் அறிகுறிகளுடன் கூடிய பாதிப்பு உள்ளது உறுதிபடுத்தப்பட்டுள்ளது. இவ்வாறு அதில் கூறப்பட்டுள்ளது. வைரஸ் பரவல் கட்டுக்குள் கொண்டுவரப்பட்டதாக எண்ணிய நிலையில் சீன அரசின் இந்த அறிவிப்பு நாட்டு மக்களை மட்டும் அல்லாமல் இதர நாடுகளையும் கதிகலங்க செய்துள்ளது. https://www.dinamalar.com/news_detail.asp?id=2513725
Checked
Sat, 06/06/2020 - 23:39
கருத்துக்களம் - new topics
Subscribe to புதிய பதிவுகள் feed