புதிய பதிவுகள்

இலங்கையில் உருவாகும் ஒரு தமிழ் கிரிக்கெட் வீரன்.

3 months 1 week ago
வாழ்த்துக்கள். அரசியல் சகதிக்குள் அகப்பட்டிருக்கும் இலங்கை அணியில் எவ்வாறு பிரகாசிக்கப் போகிறார் என பொறுத்திருந்து பார்ப்போம். இவருக்காகவேனும் இலங்கை அணிக்கு ஆதரவு வழங்க சந்தர்ப்பம் வருதா பார்ப்போம்.

திருமாவளவனின் லண்டன் கூட்டத்தில் நடந்தது என்ன? நிதி திரட்டினாரா?

3 months 1 week ago
முரளிதரன் காசிவிஸ்வநாதன் விடுதலைச் சிறுத்தைகள் கட்சித் தலைவரும் நாடாளுமன்ற உறுப்பினருமான திருமாவளவன் சில நாட்களுக்கு முன்பாக லண்டனில் நடந்த கூட்டமொன்றில் பங்கேற்றபோது, அவருக்கு எதிராக கோஷங்கள் எழுப்பப்பட்டன. இது தொடர்பாக சில இணையதளங்களில் வரும் செய்திகள் எந்த அளவுக்கு உண்மையானவை? திருமாவளவன் எழுதிய 'அமைப்பாய்த் திரள்வோம்' நூலின் புத்தக விமர்சனக் கூட்டத்திற்கு ‘விம்பம்‘ என்ற அமைப்பு லண்டனில் ஏற்பாடுசெய்திருந்தது. இதற்காக ஆகஸ்ட் 23ஆம் தேதியன்று திருமாவளவன் லண்டன் சென்றிருந்தார். இந்த புத்தக விமர்சனக் கூட்டம் ஆகஸ்ட் 24ஆம் தேதியன்று லண்டன் ஈஸ்ட் ஹாமில் உள்ள ட்ரினிடி சென்டரில் நடைபெற்றது. இந்தக் கூட்டம் துவங்கியபோது உள்ளே நுழைந்த சிலர், திருமாவளவனுக்கு எதிராக கோஷங்களை எழுப்பினர். அவர்கள் கூட்ட அமைப்பாளர்களால் வெளியேற்றப்பட்டனர். இதற்குப் பிறகு அந்தக் கூட்டம் நடந்து முடிந்தது. இதற்கு அடுத்த நாள் லண்டனில் உள்ள SOAS பல்கலைக்கழகத்திலும் திருமாவளவன் பேசினார். வலது சாரி இணைய தளங்கள் சொல்வதென்ன? புத்தக விமர்சனக் கூட்டத்தில் நடந்த சலசலப்பு குறித்து, சமூக வலைத் தளங்களில் பலவிதமாக செய்திகள் உலவிய நிலையில், சில வலதுசாரி இணையதளங்களில் இந்த சம்பவம் தொடர்பாக வெளியான செய்தியில் பின்வருமாறு கூறப்பட்டிருந்தது: "கூட்டத்தில் சுமார் 100 தமிழர்கள், இலங்கை தமிழர்கள் உட்பட, பங்கேற்றனர். கூட்டத்தில் பேசத் தொடங்கிய திருமாவளவன் இந்தியாவில் மதவாத சக்திகள் அதிகரித்து விட்டார்கள். தொடர்ந்து பல்வேறு இன்னல்களை அவர்களால் அனுபவித்து வருகிறோம். இதற்கு முடிவு கட்டி தமிழர்களின் கலாசாரத்தை, பண்பாட்டை காக்க விடுதலை சிறுத்தை கட்சிக்கு நிதி உதவி அளியுங்கள் என்று கேட்டு கொண்டிருந்தார். அப்போது கூட்டத்திற்கு வந்திருந்த இலங்கையைச் சேர்ந்த ஆறுமுகம் என்ற ஈழத் தமிழர், உன்னை போன்ற ஆட்களால்தான் தமிழ் இனமே அழிந்தது, எங்கள் மக்கள் அழிவிற்கு காரணமான திமுக, காங்கிரஸ் கட்சியுடன் கூட்டணி வைத்த துரோகி நீ. நிச்சயம் உன்னை போன்ற ஆட்கள் இருப்பதால்தான் இலங்கையில் நாங்கள் அழிந்தோம். இனி இந்தியாவில் உள்ள தமிழர்களையாவது விட்டு வை, பணம்தானே உனக்கு வேணும் பொறுக்கி கொள் என்று பணத்தை விட்டு எறிந்தார். மேலும் தமிழர்களை இனி ஏமாற்றி உங்களால் மதமாற்றம் செய்யமுடியாது ஒழுங்காக ஓடி விடு என்று திட்டித் தீர்த்துவிட்டார்". திருமாவளவன் என்ன சொல்கிறார்? இது தொடர்பாக பிபிசியிடம் பேசிய திருமாவளவன், "விம்பம் அமைப்பைச் சேர்ந்தவர்கள் நீண்ட காலமாகவே இம்மாதிரி ஒரு கூட்டத்தை நடத்த வேண்டுமெனக் கேட்டுக்கொண்டிருந்தார்கள். ஆகஸ்ட் மாதத் துவக்கம் வரை நாடாளுமன்றக் கூட்டம் இருந்ததால், ஆகஸ்ட் மாதப் பிற்பகுதியில் செல்ல முடிவெடுத்து ஆகஸ்ட் 24ஆம் தேதி கூட்டம் ஏற்பாடு செய்யப்பட்டது. 25ஆம் தேதி SOAS பல்கலையில் பேசவும் ஏற்பாடுசெய்யப்பட்டிருந்தது. இந்தக் கூட்டத்தில் பங்கேற்பதற்கு முன்பாகவே, இந்த அமைப்பு புலிகளுக்கு எதிரானவர்கள், புலிகள் மீது விமர்சனம் கொண்டவர்களால் நடத்தப்படும் அமைப்பு. அதில் திருமாவளவன் எப்படி பங்கேற்கலாம் என பலரும் சமூக வலைத்தளங்களில் எழுதியதாகச் சொன்னார்கள். இந்த நிலையில் அன்று கூட்டம் துவங்கியதும் ஒருவர் கவிதை படித்தார். பிறகு நூல் திறனாய்வு துவங்கியது. அந்தத் தருணத்தில் திடீரென கூட்டத்திலிருந்து ஒருவர் சத்தம்போட்டார். ஆனால், அவர் என்ன பேசினார் எனத் தெரியவில்லை. கையில் மு.க. ஸ்டாலின் படமும் சோனியா காந்தியின் படமும் வைத்திருந்தார். படத்தின் காப்புரிமை Thol.Thirumavalan/Facebook Image caption லண்டனில் திருமாவளவன். பிறகு இன்னொருவர் எழுந்தார். அவர் கலைஞர், அண்ணா படங்களை வைத்திருந்தார். அவர்கள் தொடர்ந்து சத்தமிட்டார்கள். அவர்கள் என்ன சொல்கிறார்கள் என்றே புரியவில்லை. விழா அமைப்பாளர்களில் ஒருவர், அவர்கள் குடித்துவிட்டு இவ்வாறு செய்கிறார்கள் என்று கூறினார். பிறகு அவர்கள் விழா அமைப்பாளர்களால் வெளியேற்றப்பட்டனர். பிறகுதான் அவர்கள் விடுதலைச் சிறுத்தைகளின் தேர்தல் கூட்டணி குறித்து கேள்வியெழுப்பியதாகக் கூறினார்கள். நான் அவர்கள் கேள்விகளுக்குப் பதில் அளிக்கிறேன் என்று சொன்னேன். ஆனாலும் அவர்கள் வெளியேற்றப்பட்டனர். இதற்குப் பிறகு, விடுதலைச் சிறுத்தைகள் ஆரம்பிக்கப்பட்டது, அதன் அரசியல், புலிகள் இயக்கத்துடன் எனக்கு இருந்த தொடர்புகள் குறித்தெல்லாம் பேசினேன். பிறகு பலரும் புத்தகங்களை வாங்கிக்கொண்டார்கள். சத்தம்போட்டவர்கள் வெளியேறும்போது வாசலில் இருந்த போஸ்டர்களைக் கிழித்துவிட்டுச் சென்றதாகச் சொன்னார்கள். அடுத்த நாள் SOASல் கூட்டம் சிறப்பாகவே நடந்தது" என்றார். விடுதலைச் சிறுத்தைகள் கட்சிக்காக கூட்டத்தில் பணம் கேட்டதாகவும் அப்போதுதான் சத்தம் போட்டதாகவும் கூறப்படுகிறதே என்று கேட்டபோது, திருமாவளவன் அதனைக் கடுமையாக மறுத்தார். "அந்தக் கூட்டத்தில் மட்டுமல்ல, வேறு எங்குமே வெளிநாடு வாழ் ஈழத் தமிழர்களிடம் பணம் கொடுங்கள் என்று நான் கேட்டதில்லை. தேர்தல் செலவுக்குக்கூட கேட்டதில்லை. இது முழுக்க முழுக்க அவதூறு. நான் உட்பட மூன்று பேர் எங்கள் செலவில்தான் லண்டன் சென்றுவந்தோம்" என்கிறார் திருமாவளவன். விம்பம் அமைப்பைச் சேர்ந்தவரும் அந்த விழாவில் கலந்துகொண்டவருமான சின்னய்யா ராஜேஷ்குமாரிடம் என்ன நடந்தது எனக் கேட்டபோது, "திருமாவளவன் பணம் கேட்டதாகச் சொல்வது மிக மிகத் தவறு. கூட்டம் துவங்கும்போது, நாலைந்து பேர் கூட்டத்தை குழப்பும் நோக்கில் வந்து கூச்சல் போட்டு, சோனியா, திருமா, கருணாநிதி, ராஜபக்சே படங்களை காட்டி அவற்றை கிழித்தனர். அவர்களை மண்டபத்தில் இருந்து வெளியேற்றிய பின் கூட்டம் ஒழுங்காக நிகழ்ந்தது. திருமா காசு திரட்டும் நோக்கில் வரவில்லை. அவரது புத்தகமான ‘அமைப்பாய் திரள்வோம்‘ வெளியீட்டில் கலந்து கொள்ளவும் SOAS இல் 'விடுதலை சிறுத்தைகள் எதிர்கொள்ளும் சவால்கள்' என்ற தலைப்பில் பேசவுமே வந்தார். அவரது தலித்திய சிந்தனைகள் பற்றிய உரையாடலுக்காகவே அவர் அழைக்கப்பட்டிருந்தார். இந்த இரு கூட்டங்களும் சிறப்பாக நிகழ்ந்தன" என்று குறிப்பிட்டார். இந்த சம்பவம் தொடர்பாக திருமாவளவன் தன் ஃபேஸ்புக் பக்கத்திலும் விளக்கமளித்துள்ளார். https://www.bbc.com/tamil/india-49498858

இறுதி யுத்த சமயத்தில் விடுதலைப்புலிகள் திருமாவளவனிடம் கூறிய தகவல்

3 months 1 week ago
தோழர்..நான் சிக்ஸ் அடித்தாக நளினமாக குறிப்பிட்டேன் . பாராட்டுவதாக அல்ல.. 😊 முன்பும் எனது வலை பக்கத்தில் இருந்து யாழில் பதிந்து இருந்தேன்..(2009). ஆனால் இப்போது தேடினால் கிடைக்குது இல்லை.. "இந்தியாவின் தமிழின அழிப்பு என்ற உள்ளூரவு கொள்கையே-வெளியுறவு கொள்கையாகும்" https://siruthai.wordpress.com/2008/12/25/இந்தியாவின்-தமிழின-அழிப்/ டிஸ்கி: ஆனால் 10 வருடத்திற்கு முன்பு எனக்குள் இருந்த வேகம், வெறி இப்போது மிஸ்சிங்.. வயது மற்றும் பக்குவமாக இருக்கலாம்.. 😢

பிரிட்டன் நாடாளுமன்றத்தை அக்டோபர் 14-ம் தேதி வரை முடக்கி வைக்க இங்கிலாந்து ராணி அனுமதி

3 months 1 week ago
பிரிட்டன் நாடாளுமன்றத்தை அக்டோபர் 14-ம் தேதி வரை முடக்கி வைக்க இங்கிலாந்து ராணி எலிசெபத் அனுமதி அளித்துள்ளார். ஐரோப்பிய ஒன்றியத்தில் இருந்து பிரிட்டன் விலகும் நிலையில் பிரதமர் போரிஸ் ஜான்சன் பரிந்துரை செய்துள்ளார். http://www.dinakaran.com/News_Detail.asp?Nid=521849 Brexit and suspending Parliament: What just happened? Parliament is to be suspended for five weeks ahead of 31 October, the day the UK is due to leave the EU. That's just nine weeks away. Politicians on both sides of the Brexit debate are calling it a coup. https://www.bbc.com/news/uk-49495757

இவருக்கு சமூக சேவை செய்வது அல்வா சாப்பிடுவது போன்று

3 months 1 week ago
அனாதையாக இறந்தவர்கள் உடல்களை அடக்கம் செய்யும் சமூக சேவகர்: இதுவரை 957 பேருக்கு இறுதிச்சடங்கு வேலூர்: இன்றைய காலமாற்றத்தால் பெற்றோர்களை பிள்ளைகளே கவனிப்பதில்லை. வயது முதிர்ந்து விட்டால் அவர்களை வீட்டை விட்டு விரட்டி அடிப்பதும், முதியோர் இல்லங்களில் சேர்த்து விடுவதும், நோய்வாய் பட்டிருந்தால் அரசு மருத்துவமனைகளில் போலி முகவரி கொடுத்து சேர்த்து விட்டு ஓடிவிடுவதும், அவர்களை இறந்தால் போலீசாரே ஏதோ ஒரு மயானத்தில் அடக்கம் செய்வதும், சிலர் தற்கொலை செய்வதும், இதுபோன்ற நிகழ்வுகளை நாம் பார்க்கிறோம். ஆனால் இங்கே ஒருவர் அனாதை உடல்களை தனது சொந்த செலவில் அடக்கம் செய்வதோடு அவர்களுக்கு என்னென்ன இறுதிச்சடங்குகள் செய்வார்களே அதை முறைப்படி செய்கிறார். இந்த மனிநேய மிக்கவர் எந்த நாட்டையும் சேர்ந்தவர் அல்ல. நம் தமிழ்நாட்டில்தான் உள்ளார். அவரைப்பற்றிய விவரம்: திருவண்ணாமலையைச்சேர்ந்தவர் மணிமாறன்(40). சமூக சேவகரான இவர் விபத்து, நோய் பாதிப்பால் மருத்துவமனைகளில் இறந்து போகும் அடையாளம் தெரியாத உடல்களை அடக்கம் செய்து வருகிறார். இந்நிலையில் வேலூர் அரசு மருத்துவமனையில் இதுபோன்று அடுத்தடுத்து அனாதையாக இறந்தவர்கள் உடல்களை வாங்கி வந்து அதுவும் போலீஸ் அனுமதியுடன் அவர்கள் முன்னிலையில் பாலாற்றங்கரையில் தனித்தனியாக அடக்கம் செய்துள்ளார். இவர் வேலூர் திருவண்ணாமலை மட்டுமின்றி, நெல்லை உள்ளிட்ட தமிழகம் முழுவதும், ஏன் இந்தியாவில் உள்ள பல்வேறு இடங்களில் அனாதையாக இறந்தவர்கள் உடல்களை இவர் தனது சொந்த செலவில் அடக்கம் செய்திருக்கிறார். இதுவரை அவர் 957 சடலங்கள் அடக்கம் செய்திருப்பது குறிப்பிடத்தக்கது. இதுகுறித்து அவர் கூறும்போது, சிறு வயது முதலே எனக்கு சமூக சேவை செய்வதில் ஆர்வம் உண்டு. யாராவது இறந்தவர்கள் ஆனாதை என தெரிந்தால் என்னால் தாங்கி கொள்ளமுடியாது. பிள்ளைகள் எப்படி இறுதிச்சடங்குகள் செய்வார்களோ அதே போன்று நானும் செய்து வருகிறேன். கடைசி காலத்தில் அனாதையாக இறந்தவர்களுக்கு அவர்கள் ஆத்மா சாந்தியடைய நாம் செய்யும் சிறு உதவியாக கருதுகிறேன். வெளி மாநிலங்களில் உள்ள அரசு மருத்துவமனைகளில் இதுபோன்று யாராவது அனாதையாக இறந்திருந்தால் அதையறிந்து நான் அங்கு சென்று விடுவேன். அந்த ஊரிலே இறுதிச்சடங்கை செய்வேன்..என்றார்.சில மாதங்களுக்கு முன் தூத்துக்குடி மாவட்டம் ஆறுமுகநேரியைச்சேர்ந்த முதியவர் ஒருவர் குடும்பத்தினரால் கைவிடப்பட்டு அனாதையாக சுற்றித்திரிந்தபின் ஒருநாள் அங்குள்ள பூங்காவில் உயிரை விட்டார். அந்த முதியவர் மனைவி, மற்றும் பிள்ளைகளுக்கு தகவல் தெரிவிக்கப்பட்டும் அவர்கள் வந்து உடலை பெற்றுக்கொள்ளவில்லை. ஏன் கணவர் உடலை வாங்க மறுக்கிறீர்கள்? என போலீசார் கேட்டபோது, அவரை அடக்கம் செய்ய பணம் இல்லை. நீங்களே எங்கேயாவது புதைத்து விடுங்கள் என தட்டிக்கழித்தார். அப்போது அங்கிருந்த பெண் எஸ்ஐ சரண்யா தனது சொந்த பணத்தில் ரூ.3 ஆயிரம் கொடுத்து அடக்கம் செய்ய உதவினார் என்பது குறிப்பிடத்தக்கது. இதுபோன்று பல இடங்களில் நடந்து கொண்டுதான் உள்ளது. நமது தமிழகத்தில் இன்னும் மனித நேயம் மரித்து விடவில்லை. எங்களை போன்றவர்கள் இருக்கிறோம் என்பதற்கு மணிமாறன் ஒரு எடுத்துக்காட்டு. இவர்கள் போன்ற சமூக சேவகர்களை அரசு கவுரவிக்கவேண்டும் என்பதே பொதுமக்களின் கருத்து. http://www.dinakaran.com/News_Detail.asp?Nid=521865

சாதிப்பது வெறி... சாதி இப்போது வெறி

3 months 1 week ago
வணக்கம் விசுகர்! இதை விட சுருக்கமாக விளக்கம் யாரும் தரமுடியாது. அதற்கு அனுபவம் வேண்டும். இந்த விடயத்தில் உங்களிடம் நிறையவே அனுபவம் உள்ளது போல் தெரிகின்றது.நான் ஊரில் சாதிப்பிரச்சனைக்கு மிண்டு கொடுத்து இளவயதிலையே என் முதுகெலும்பை உடைத்துவிட்டார்கள்.செய்தவர்கள் வேறு யாருமல்ல. என் உறவினர்கள் தான். என்னை சொந்தம் என்று சொல்லவே வெட்கப்பட்டார்கள்.அது ஒரு புறம் இருக்கட்டும். சாதி ஒழிப்பை திருமணத்தில் இருந்து ஆரம்பிப்பதா? சென்ற ஞாயிற்றுக்கிழமை நடந்த ஒரு சாமத்திய வீட்டுசடங்கில் உறவினர்களுக்குள் நடந்த கண்ணியமற்ற வார்த்தை பிரயோகங்களால் அந்த சுபகாரியமே சஞ்சலப்பட்டு விட்டது. உறவினர் பாதிப்பேர் இடைநடுவில் வெளிநடப்பு சென்று விட்டனர். பிரச்சனைக்கு காரணம் சாமத்திய வீட்டு பெண்ணின் பெற்றோர்கள் கலப்புத்திருமணம் செய்தவர்கள். அங்குவந்த உறவினர்களின் நீயா நானா பிரச்சனைதான் காரணம். தந்தை சீவல் தொழில் செய்யும் குடும்பத்திலிருந்து வந்தவர். தாய் பறைமேளம் அடிக்கும் குடும்பத்திலிருந்து வந்தவர். இது உண்மைச்சம்பவம்.🖐️ எனவே சாதிப்பிரச்சனை எங்கிருந்து உருவாகின்றது.அதை எங்கிருந்து அழிப்பது?

இலங்கையில் உருவாகும் ஒரு தமிழ் கிரிக்கெட் வீரன்.

3 months 1 week ago
வாழ்த்துக்கள் .. 👍 .. இலங்கை அணியில் வாய்ப்பு தருவர்களா என தெரியாது.. ஏனைய நாடுகளின் லீக் தொடர்களில் முயற்சி செய்யலாம் .. 👌

ஒருமித்த இலங்கைக்குள் அதிகாரத்தை பகிர்வதே எனது நோக்கம் - சஜித்

3 months 1 week ago
அதிகபட்சமாக ஒருமித்த இலங்கைக்குள் அதிகாரங்களை பகிர்ந்தளிப்பதே தனது நோக்கம் என அமைச்சர் சஜித் பிரேமதாஸ தெரிவித்துள்ளார். கொழும்பில் நேற்று இடம்பெற்ற கலந்துரையாடல் ஒன்றில் கலந்து கொண்டு கருத்து வெளியிட்டபோதே அவர் இதனைக் கூறினார். அங்கு தொடர்ந்தும் கருத்து தெரிவித்த அமைச்சர், நாட்டு மக்களை சிறுபான்மையினர், பெரும்பான்மையினர் என வேறு படுத்துவது நியாயமற்றது என குறிப்பிட்டார். எவ்வாறாயினும் ஒருமித்த இலங்கை என்ற கொள்கையில் எந்தவித விட்டுக் கொடுப்பும் செய்து கொள்ளப்படாது எனவும் அவர் கூறினார். ஒருமித்த இலங்கை என்பது எழுதப்பட்ட ஆவணமாக மாத்திரம் இருக்கக் கூடாது. மாறாக அதனை ஒவ்வொரு இலங்கையர்களும் மனரீதியாக உணர வேண்டும் எனவும் அவர் தெரிவித்தார். நாட்டில் உள்ள அனைத்து மக்களையும் இலங்கையர்கள் என்ற அடிப்படையிலேயே நோக்குவதாகவும் அமைச்சர் தெரிவித்துள்ளார். இவற்றை முன்னெடுக்க வேண்டுமாயின் இனவாதத்தை நாட்டில் இருந்து முற்றாக ஒழிக்க வேண்டும் எனவும் சஜித் பிரேமதாஸ மேலும் தெரிவித்துள்ளார். http://valampurii.lk/valampurii/content.php?id=19336&ctype=news

நல்லூரில் நடந்த மாம்பழத் திருவிழா

3 months 1 week ago
நல்லூர்க் கந்தப் பெருமானின் மகோற்சவ காலத்தில் வேற்பெருமானைத் தரிசிக்க இலட் சக்கணக்கான பக்தர்கள் நல்லூர்த் திருப்பதியில் ஒன்று கூடுவர். நல்லூர் முருகனின் கொடி ஏறிவிட்டால் எங்கும் விழாக்கோலம். பக்திமயம், தெய்வீகப் பொலிவு. விரதம், அங்கப்பிரதட்சணம், காவடி, கற்பூர தீபம், தூபம் என எங்கும் ஒரே அருள்மயம். நேற்றைய தினம் காலைப்பொழுதில் மாம்பழத் திருவிழா இடம்பெற்றது. வசந்தமண்டபத் தில் ஒன்றாய் இருந்த விநாயகனும் முருகனும் சேர்ந்து வெளிவீதி வந்தனர். அடியார்கூட்டம் ஒன்றாக நின்றது. அரோகரா என்ற ஒலி எங்கும் பரவியது. முழு வீதி சுற்றி வருகையில்; முருகன் உலகம் சுற்றுவதாக தேர் இருப்பைச் சுற்றி வலம்வர, விநாயகன் நேரடியாக முகப்புக்கு வருகிறார். ஒன்றாக வந்த சகோதரர்கள் பிரிந்த போது பக்தர்களும் பிரிந்தனர். ஒருபகுதியினர் விநாயகனோடு வந்து சேர்ந்தனர். மறுபகுதியினர் முருகனுடன் சேர்ந்தே வந்தனர். முதல் வந்த விநாயகனுக்கு மாங்கனி கிடைத்தது. தாய் தந்தையை வலம் வந்ததன் காரணமாக உலகைச் சுற்றி வந்ததாகப் பொருள் கொண்டு விநாயகனுக்கு மாங்கனி வழங்கப்பட்டது. முருகன் உலகைச் சுற்றி வந்தார். பிந்தி வந்ததன் காரணமாக பந்தயப் பொருளான மாங் கனியை அவர் பெற முடியாமல் போயிற்று. முருகன் முரண்டு பிடிக்கிறான். அறிவுடைய விக்னேஸ்வரன் அமைதியாக மாங்கனியுடன் நிற்கிறார். உன்னைப் பெற்ற தாயும் தந்தையுமே இந்த உலகம் என்ற தத்துவத்தை இவ்வையகத் தாருக்கு எடுத்துக் கூறுவதற்கு இதைவிட்ட தத்துவம் வேறுஎதுவுமாக இருக்க முடியாது. இது மாம்பழத் திருவிழாவின் ஒரு தத்துவம். இன்னொரு தத்துவம் இங்கு ஈண்டு கவ னிக்கத்தக்கது. அதாவது விநாயகன், முருகன் என்ற தலைவர்கள் ஒற்றுமையாக இருந்தபோது பக்தர்களாகிய மக்களும் ஒன்றாக; மகிழ்வாக; ஒற்றுமையாக இருந்தனர். மூத்தவரும் இளையவரும் பிரிந்தபோது மக்களும் பிரிந்தனர். வென்றவர் பக்கம் ஒரு பகுதியினர். தோற்ற முருகனிடமும் நியாயம் இருக்கிறது என்று உரைத்தவர்கள் முருகன் பக்கம். இத்தத்துவம் எங்கள் அரசியலின் நிலைமையை எடுத்துரைப்பதுபோல அமைந்திருந்தது. இதற்கு மேலாக மாங்கனி கிடைக்காததால் கோபம் கொண்ட முருகன் எல்லாம் துறந்து கோவணதாரியாகி தண்டாயுதத்துடன் பழனி மலை செல்கையில், எல்லோரிடமும் இனம் புரியாத கவலை. இதில் அதிசயம் என்னவெனில், மாங்கனி பெற்ற விநாயகனிடமும் கவலை தெரிந்தது. யாரிடமும் மகிழ்வில்லை. அவர்கள் ஒன்றாக வந்தபோது மக்கள் ஒன்றாக நின்றனர். இருவரும் பிரிந்தபோது மக்களும் தத்தம் அறிவுப்படி, நியாயப்படி பிரிந்தே சென்றனர். இதில் எது சரி, எது பிழை என்பதை யாராலும் அளவிட முடியவில்லை. ஆக, ஒற்றுமை ஒன்றுதான் மகிழ்வைத் தரும். உரிமையைத் தரும் என்ற தத்துவத்தை மட்டுமே நாம் இங்கு பார்க்க வேண்டும். அதிலும் எஜமானார் குமாரதாஸ் மாப்பாணர் அவர்கள் பழனி ஆண்டியின் கோபம் தணிக்க ஒரு வியூகம் அமைத்தார். அதுதான் மகா திவ்ய அபிஷேகம். ஆம், தோற்ற முருகன் வீரன். சூரனை வதம் செய்தவன். ஒரு வீரனின் தோல்வியும் வெற்றிதான். அது வெற்றியைத்தான் கொடுக்கும் என்ற தத்து வத்தை உணர்த்துவதாக மாம்பழத்தை இழந்த முருகனுக்கு மகா அபிஷேகம் மிகச் சிறப்பாக நடந்தது. நல்லூரில் மாம்பழத் திருவிழா பார்த்த மனநிறைவோடு புதிய பாதை வழி நடந்தேன். http://valampurii.lk/valampurii/content.php?id=19338&ctype=news

வீசா கட்டண நீக்கம் 48 நாடுகளுக்கு நீடிப்பு

3 months 1 week ago
Wednesday, August 28, 2019 - 4:26pm வீசா கட்டண நீக்க நடைமுறையானது, 48 நாடுகளுக்கு நீக்கப்பட்டுள்ளதாக இலங்கை சுற்றுலா அபிவிருத்தி அதிகார சபை அறிவித்துள்ளது. உயிர்த்த ஞாயிறு தினத்தன்று இடம்பெற்ற தாக்குதல் காரணமாக பாதிக்கப்பட்டுள்ள சுற்றுலாத் துறையை மீளக் கட்டியெழுப்புவதற்கும், சுற்றுலாப் பயணிகளின் எண்ணிக்கையை அதிகரிப்பதற்கும், நடவடிக்கை எடுக்கப்பட்டுள்ளது. இதன் ஒரு கட்டமாக இலங்கைக்கு வீசா பெறும்போது அறவிடப்படும் கட்டாய வீசாக் கட்டணமான 35 அமெரிக்க டொலரிலிருந்து 48 நாடுகளுக்கு விலக்களிக்கப்பட்டுள்ளது.. இந்த நடைமுறை ஓகஸ்ட் மாதத்திலிருந்து 06 மாதங்களுக்கு அமுலில் இருக்கும் எனவும் தெரிவிக்கப்பட்டுள்ளது. “அண்மைய பயங்கரவாத தாக்குதலை தொடர்ந்து, சுற்றுலாப் பயணிகளின் வருகையில் இலங்கை பாரிய வீழ்ச்சியை சந்தித்தது. எவ்வாறாயினும், 48 நாடுகளுக்கான வீசாக் கட்டணத்தில் விலக்கு உள்ளிட்ட மூலோபாய நடைமுறைகள் மூலம் இந்நிலைமையை விரைவாக வழமைக்கு கொண்டு வர முடிந்துள்ளது. அண்மையில் அவசரகால சட்டம் நீக்கப்பட்டதன் மூலம், இலங்கை வருவதில் நிலவும் அனைத்து தடைகளும் இப்போது அகற்றப்பட்டுள்ளன” என சுற்றுலா அபிவிருத்தி, வனஜீவராசிகள் மற்றும் கிறிஸ்தவ விவகார அமைச்சர் ஜோன் அமரதுங்க தெரிவித்துள்ளார். நாம் தற்போது சிறப்பான குளிர்காலத்தை எதிர்நோக்கியுள்ளோம். அது சுற்றுலா பயணிகள் அதிகம் வருகின்ற உச்ச காலப்பகுதியாகும். இலவச வீசா நடைமுறை திட்டம் மற்றும் குறைக்கப்பட்ட விமானச்சீட்டு கட்டணங்கள் காரணமாக, இலங்கையானது தற்போது சர்வதேச சுற்றுலா பயணிகளுக்கு மிகவும் அதிக கேள்விக்குரிய இடமாக மாறியுள்ளது என சுற்றுலா அபிவிருத்தி, வனஜீவராசிகள் மற்றும் கிறிஸ்தவ விவகார அமைச்சர் ஜோன் அமரதுங்க சுட்டிக்காட்டினார். சுற்றுலா அபிவிருத்தி தொடர்பில் எடுக்கப்பட்ட நடவடிக்கைகள் மூலமான பெறுபேறுகளை கடந்த மே, ஜூன், ஜூலை மாதங்களில் காணக்கூடியதாக இருந்தது. இக்காலப் பகுதியில் சுற்றுலா பயணிகளின் வருகை முறையே 37,000, 67,000, 117,000என பாரியளவில் அதிகரித்திருந்ததாக சபை அறிவித்துள்ளது. இதன் மூலம் மேலும் சுற்றுலா பயணிகளின் அதிகரிப்பு ஏற்படும் என அரசாங்கம் எதிர்பார்ப்பதாக தெரிவிக்கப்பட்டள்ளது. ஆயினும் இதன் காரணமாக குடிவரவு மற்றும் குடியகல்வு திணைக்களத்தின் வருமானம் குறைவடைந்துள்ளதாக தெரிவிக்கப்பட்டுள்ளது. எவ்வாறாயினும், வீசா கட்டணப்பு நீக்கம் காரணமாக வரும் சுற்றுலா பயணிகளின் அதிகரிப்பின் மூலம் பெறப்படும் பாரிய வருமானம் இதன் மூலம் ஈடுகட்டப்படுவதாக சுற்றுலா அபிவிருத்தி அதிகார சபை தெரிவித்துள்ளது. ஒஸ்ட்ரியா, அவுஸ்திரேலியா, பெல்ஜியம், பல்கேரியா, கனடா, கம்போடியா, சீனா, குரோசியா, சைப்ரஸ், செக் குடியரசு, டென்மார்க், எஸ்தோனியா, பின்லாந்து, பிரான்ஸ், ஜேர்மனி, கிரீஸ், ஹங்கேரி, இந்தியா, இந்தோனேஷியா, ஐஸ்லாந்து, அயர்லாந்து, இஸ்ரேல், இத்தாலி, ஜப்பான், லத்வியா, லிதுவேனியா, லக்சம்பேர்க், மலேஷியா, மோல்டா, நெதர்லாந்து, நியூசிலாந்து, நோர்வே, பிலிப்பைன்ஸ், போலந்து, போர்த்துக்கல், ரொமேனியா, ரஷ்யா, சிங்கப்பூர், தென் கொரியா, ஸ்லோவாகியா குடியரசு, ஸ்லோவேனியா, ஸ்பெயின், ஸ்வீடன், சுவிட்ஸர்லாந்து, தாய்லாந்து, உக்ரைன்,ஐக்கிய இராச்சியம், அமெரிக்கா. http://www.thinakaran.lk/2019/08/28/உள்நாடு/39420/வீசா-கட்டண-நீக்கம்-48-நாடுகளுக்கு-நீடிப்பு

பெறுமதியான பிள்ளையார் சிலை​ காணாமல் போயுள்ளது

3 months 1 week ago
வெலிஓயா – நிக்கவெவ தெற்கு பிரதேசத்தில் உள்ள பிள்ளையார் கோவிலிலிருந்த, பிள்ளையார் சிலையொன்று, காணாமல் போயுள்ளதென, வெலிஓயா பொலிஸ் நிலையத்தில் முறைபாடு செய்யப்பட்டுள்ளது. குறித்த பிரதேசத்திலுள்ள பெரும்பான்மையின மக்களால், இந்தியாவிலிருந்து கொண்டுவரப்பட்ட, மிகவும் பெறுமதியான பிள்ளையார் சிலையே காணாமல் போயுள்ளதெனத் தெரிவிக்கப்படுகின்றது. வெலிஓயா பிரதேசத்தில் முன்னெடுக்கப்படும் நெல் அருவடையின் பின்னர், பெறப்படும் முதலாது அரிசியை குறித்த பிள்ளையார் சிலைக்கே படைத்து பூஜை செய்வதாகவும் தெரிவிக்கப்படுகின்றது. காணாமல் போன பிள்ளையார் சிலையை கண்டுபிடிப்பதற்கான, விசாரணைகளை வெலிஓயா பொலிஸார் முன்னெடுத்து வருவதாகத் தெரிவித்துள்ளனர். http://www.tamilmirror.lk/செய்திகள்/பெறுமதியான-பிள்ளையார்-சிலை-காணாமல்-போயுள்ளது/175-237505

தமிழர் மீதான யுத்தம் தொடர்கிறது

3 months 1 week ago
சகா காணி, அபிவிருத்தி, தொழில், பாதுகாப்பு எனப் பல்வேறு கோணங்களில் தமிழர் மீதான யுத்தம் தொடர்வதாக, காரைதீவு பிரதேச சபைத் தவிசாளர் கிருஸ்ணபிள்ளை ஜெயசிறில் தெரிவித்தார். 380ஆவது நாளாகவும் போராட்டத்தில் ஈடுபட்டுக்கொண்டிருக்கின்ற பொத்துவில் கனகர் கிராம மக்களைச் சந்தித்து, அவர்களின் முன்னிலையில் கருத்துத் தெரிவிக்கும் போதே, இவர் இவ்வாறு தெரிவித்தார். போராட்டக் கொட்டிலில் நடைபெற்ற இந்தச் சந்திப்பின்போது, தவிசாளருடன் உறுப்பினர்களான த.மோகனதாஸ், சி.ஜெயராணி, பிரியன் ஆகியோரும் உடனிருந்தனர். இதன்போது மேலும் கருத்துத் தெரிவித்த தவிசாளர் ஜெயசிறில், நாம் வாழ்ந்த பூர்வீகக் காணியை மீட்க ஒரு வருடம் கடந்தும் போராடவேண்டியுள்ளதாகவும் இரு வாரங்களில் தீர்வு, இரு மாதங்களில் தீர்வு என்கின்றார்களே தவிர எதுவுமே நடப்பதாகத் தெரியவில்லை எனத் தெரிவித்ததுடன், அங்குள்ள மக்கள் வைராக்கியத்துடன் உள்ளனர் எனவும் தெரிவித்தார். அத்துடன், சட்டத்துக்கு முன் யாவரும் சமன் என்கிறார்கள். காணியை மீட்க ஏனைய இனங்கள் போராடினால் ஓர் இரவுக்குள் தீர்வு வந்துவிடும். ஆனால், தமிழ் மக்களுக்கு மட்டும் இது வருடக்கணக்கில் போராடவேண்டிய நிர்ப்பந்தம் ஏற்பட்டுள்ளதாகவும் தெரிவித்தார். மேலும், யுத்தம் நடந்த காலப்பகுதியை விட யுத்தம் மௌனித்த இந்தக் காலகட்டத்தில்தான் கூடுதலான அடக்குமுறைகளும் புறக்கணிப்புகளும் இழுத்தடிப்புகளும் இடம்பெறுகின்றன எனத் தெரிவித்த அவர், புதிய அரசமைப்பும் கானல்நீராகிவிடுமோ என்று அஞ்சவேண்டியுள்ளதாகவும் தெரிவித்தார். http://www.tamilmirror.lk/அம்பாறை/தமிழர்-மீதான-யுத்தம்-தொடர்கிறது/74-237469

மலேசிய பிரதமர் மகாதீர் மொஹமத் மீது போலீஸ் புகார்! "பறையா' என குறிப்பிட்டதற்கு மன்னிப்பு கேளுங்கள்"

3 months 1 week ago
மலேசியப் பிரதமர் மகாதீர் மொஹமத் பயன்படுத்திய ஒரு வார்த்தையால் புதிய சர்ச்சை வெடித்துள்ளது. அவர் மீது காவல்துறையில் புகார் அளிக்கப்பட்டுள்ளது. அந்த வார்த்தையைக் குறிப்பிட்டதற்காக பிரதமர் மன்னிப்பு கோர வேண்டும் என்னும் கோரிக்கையும் எழுந்துள்ளது. 'பறையா' என்பதே மகாதீர் பயன்படுத்திய வார்த்தை. இதன் மூலம் தமிழ்ச் சமூகத்தின் குறிப்பிட்ட ஒரு பிரிவினரை அவர் இழிவுபடுத்தி விட்டதாக விமர்சனங்கள் எழுந்துள்ளன. அதாவது அவர் பறையர் என்று குறிப்பிட்டதாகக் கருதப்படுகிறது. அதேசமயம் மகாதீர் குறிப்பிட்ட ஒரு பிரிவினரைச் சுட்டிக்காட்டி இவ்வாறு பேசவில்லை என்றும் சிலர் கருத்து தெரிவித்துள்ளனர். தனியார் நிறுவனத்திற்கு கிளம்பியுள்ள எதிர்ப்பு மலேசியாவின் பஹாங் தொகுதியில் இயங்கி வருகிறது லினாஸ் நிறுவனம் (Lynas Corporation). இங்கு உற்பத்தியாகும் பொருட்களால் உருவாகும் கழிவுகள் சுற்றுச்சூழலுக்கு பாதிப்பு ஏற்படுத்தும் என புகார் எழுந்துள்ளது. இதையடுத்து இந்நிறுவனத்தை மூட வேண்டும் என சுற்றுச் சூழல் ஆர்வலர்கள் வலியுறுத்தி வருகின்றனர். ஆனால் இந்நிறுவனத்தின் கழிவுகளால் எந்தப் பாதிப்பும் ஏற்படாது என நிபுணர்கள் தெரிவித்துள்ளதைச் சுட்டிக்காட்டுகிறார் பிரதமர் மகாதீர். இதையும் மீறி லினாஸ் நிறுவனத்தை மூட வேண்டும் என்று அதன் எதிர்ப்பாளர்கள் தொடர்ந்து வலியுறுத்துவது மலேசியாவுக்கான முதலீடுகளைப் பாதிக்கும் என்றும் அவர் கவலை தெரிவித்துள்ளார். 'பறையா' என்று குறிப்பிட்ட பிரதமர் மகாதீர் இந்நிலையில் கோலாலம்பூரில் நடைபெற்ற நிகழ்ச்சியில் பங்கேற்ற பின் அத்தனியார் நிறுவனத்துக்கு ஆதரவாக கருத்து தெரிவித்தார் பிரதமர் மகாதீர். "இது ஒரு பெரிய முதலீடு. 1.7 பில்லியன் மலேசிய ரிங்கிட் மதிப்பு கொண்டது. 700 பேருக்கு வேலை வாய்ப்பு அளிக்க முடியும். மிகத் தரமான, அதிகமான ஊதியம் அளிக்கக் கூடிய வேலை படத்தின் காப்புரிமை Getty Images "நமது முதலீடுகளுக்கு இது மிக அவசியம். ஆனால் நாம் லினாஸ் நிறுவனத்தை 'பறையா'க்கள் போல் நடத்தி, இந்நாட்டை விட்டு வெளியேறுங்கள் என்று சொல்வோமேயானால், பின்னர் மலேசியாவில் முதலீடு செய்ய வாருங்கள் என்று மற்றவர்களை அழைக்க இயலாது," என்று மகாதீர் தெரிவித்ததாக மலேசிய ஊடகம் செய்தி வெளியிட்டுள்ளது. பிரதமர் மகாதீர் பயன்படுத்திய 'பறையா' என்ற அந்த வார்த்தை இந்தியர்கள் மத்தியில் வருத்தத்தையும் அதிருப்தியையும் ஏற்படுத்தி உள்ளதாகவும் அந்த ஊடகச் செய்தி மேலும் தெரிவிக்கிறது. மகாதீருக்கு எதிராக நால்வர் காவல்துறையில் புகார் இதன் எதிரொலியாக பிகேஆர் கட்சியைச் சேர்ந்த சிலர் மகாதீருக்கு எதிராக காவல்துறையில் புகார் அளித்துள்ளனர். காப்பார் பகுதியைச் சேர்ந்த மணிவண்ணன் உள்ளிட்ட நால்வர் அளித்துள்ள புகார் மனுவில், பிரதமர் பயன்படுத்திய வார்த்தையானது இந்திய சமூதாயத்தினரின் மனதைக் காயப்படுத்தி உள்ளதாகக் குறிப்பிடப்பட்டுள்ளது. பிரதமர் மகாதீர் தனது செயல்பாட்டுக்காக வெளிப்படையாக அனைத்து மலேசியர்களிடமும் மன்னிப்புக் கோர வேண்டும் என்றும் நால்வரும் வலியுறுத்தி உள்ளனர். இது தொடர்பாக மலேசிய காவல்துறை தலைவரும், உள்துறை அமைச்சும் உடனடியாக உரிய நடவடிக்கை எடுக்க வேண்டும் என்றும் புகார் மனுவில் கோரப்பட்டுள்ளது. "பிரதமர் மகாதீர் இத்தகைய ஒரு வார்த்தையை பயன்படுத்தி இருக்கக் கூடாது. ஏனெனில் அவருக்கு இந்த வார்த்தைக்கான அர்த்தம் நன்கு தெரியும். அவரே இவ்வாறு செய்தால் மற்ற குழுக்களும் அதைப் பின்பற்றக் கூடும். "இந்த வார்த்தையைப் பயன்படுத்தியதன் மூலம் மலேசியாவில் சாதி அமைப்பு பின்பற்றப்பட்டதாக அர்த்தமாகிறது. மலேசியர்கள் சாதிகளற்ற சமுதாயத்தையே விரும்புகின்றனர்," என்றார் மணிவண்ணன். ஆங்கில அகராதியில் இருப்பது என்ன? இந்நிலையில் பிரதமர் மகாதீர் தமிழ்ச் சமுதாயத்தின் குறிப்பிட்ட ஒரு பிரிவினரை தொடர்புபடுத்தி 'பறையா' என்று குறிப்பிடவில்லை என்றும் ஒரு தரப்பு தெரிவிக்கிறது. ஆங்கில அகராதிகளில் இந்த வார்த்தைக்கு, ஒதுக்கப்பட்டவர்கள், விலக்கப்பட்டவர்கள் என்று அர்த்தம் கூறப்பட்டிருக்கிறது. மாறாக, தமிழ்ச் சமூகத்தில் உள்ள சாதி ரீதியிலான வேறுபாட்டை அடையாளப்படுத்தி ஏதும் குறிப்பிடப்படவில்லை என்று அவர்கள் சுட்டிக்காட்டுகின்றனர். எனவே மலேசியப் பிரதமர் பொதுப்படையாக பயன்படுத்திய வார்த்தைக்கு தவறான அர்த்தத்தை கற்பிக்கக் கூடாது என்பதும் இத்தரப்பின் வாதமாக உள்ளது. முன்பே சர்ச்சைக்கு வித்திட்ட வார்த்தை கடந்த 2011ஆம் ஆண்டு மலேசியாவில் இன்டர்லோக் என்ற தலைப்பில் ஒரு புத்தகம் வெளியிடப்பட்டது. அதிலும், பறையா என்ற சொல் பயன்படுத்தப்பட்டிருந்தது. அச்சமயத்தில் இதற்கு கடும் எதிர்ப்பு தெரிவிக்கப்பட்டது. தற்போது மீண்டும் அதே வார்த்தையால் சர்ச்சை வெடித்துள்ளது. இம்முறை நாட்டின் பிரதமரே அந்த சர்ச்சையில் சிக்கியுள்ளார். https://www.bbc.com/tamil/global-49497632#

முன்மாதிரியாக திகழும் மட்டு. பிரண்டிக்ஸ் ஆடை தொழிற்சாலை

3 months 1 week ago
முன்­னணி ஆடை உற்­பத்தி நிறு­வ­ன­மான Brandix அதன் மட்­டக்­க­ளப்பு ஆடைத் தொழிற்­சா­லையை சூழ­லுக்கு இசை­வான தொழிற்­சா­லை­யாக சிறந்த முறையில் கட்­ட­மைத்து ஏனைய உற்­பத்தி நிறு­வ­னங்­க­ளுக்கு முன்­மா­தி­ரி­யாக தமது உற்­பத்தி செயற்­பா­டு­களை முன்­னெ­டுத்து வரு­கி­றது. தேசிய மற்றும் சர்­வ­தேச ரீதியில் காணப்­படும் சிறந்த நிலைபேராண்மை அபி­வி­ருத்தி செயற்­பா­டு­களை பின்­பற்­று­வதில் தொடர்ச்­சி­யாக முன்­னணி வகிக்கும் இந்­நி­று­வ­னத்தின் மட்­டக்­க­ளப்பு ஆடைத் தொழிற்­சா­லைக்கு உலகின் Net Zero Carbon என்ற அந்­தஸ்து இவ்­வாண்டு கிடைத்­துள்­ளது. அது மாத்­தி­ர­மின்றி இந்த தொழிற்­சாலை 2008 ஆம் ஆண்டு உலகின் முத­லா­வது Leed பிளாட்­டனம் என்ற சான்­றி­த­ழையும் பெற்­றுள்­ளது. இவ்­வாறு சிறப்­பம்­சங்கள் பல­வற்றை கொண்­டுள்ள மட்­டக்­க­ளப்பு Brandix ஆடைத் தொழிற்­சா­லையை பார்­வை­யி­டு­வ­தற்­கான வாய்ப்பு அண்­மையில் எமக்குக் கிடைத்­தது. நாம் ஒரு குழு­வாக அங்கு சென்­றி­ருந்தோம். குறித்த ஆடைத் தொழிற்­சாலை வளா­கத்­துக்குள் நுழைந்தபோது ஏனைய ஆடைத் தொழிற்­சா­லை­களைப் போல் அல்­லாது வித்­தி­யா­ச­மான ஒரு உணர்வு ஏற்­பட்­டது. தொழிற்­சாலையைச் சுற்றி காற்­றோட்­ட­மான நல்ல இடை­வெளி, அழ­கிய மரங்கள், செடிகள், கொடி­க­ளென பார்ப்­ப­தற்கு பச்சை பசே­லென காட்­சி­ய­ளித்­தது. அந்த ரம்மி­ய­மான காட்­சி­களை ரசித்­த­வாறே ஆடைத்தொழிற்­சா­லைக்குள் அடி­யெ­டுத்து வைத்தோம். தொழிற்­சா­லைக்­குள்ளே முதலில் நாம் சென்­றது பிர­தான கலந்­து­ரை­யாடல் அறைக்கே. அங்கு எமக்கு சில விளக்­கங்­களும் ஆலோ­ச­னை­களும் வழங்­கப்­பட்­டன. அதன் பின்னர் வழி­காட்டல் குழு­வொன்றின் ஊடாக உற்­பத்தி செயற்­பா­டுகள் இடம்பெறும் பகு­திக்கு அழைத்துச் செல்­லப்­பட்டோம். வியப்­பூட்டும் வகை­யிலான் அற்­பு­த­மான கட்­ட­மைப்பு ஏனைய ஆடைத் தொழிற்­சா­லை­களைப் போன்றே இங்கும் ஆடை­களின் ஒவ்­வொரு அங்­கங்­களும் தனித்­த­னி­யான பிரி­வி­னரால் தைக்­கப்­பட்டு இறு­தியில் ஆடை முழு­மை­யாக்­கப்­பட்டு ‍பொதி செய்­யப்­ப­டு­வதை காண­மு­டிந்­தது. ஆனால் எவ்­வித பர­ப­ரப்பும் பதற்­றமும் இன்றி ஊழி­யர்கள் தமது பணி­களை முன்­னெ­டுத்­த­வண்ணம் இருந்­தனர். அவர்­க­ளுக்­கான விசேட அறி­வித்­தல்கள் மற்றும் அறி­வு­றுத்­தல்கள் ஒலி­பெ­ருக்கி மூல­மாக வழங்­கப்­பட்­டன. ஒரு ஆடையின் ஒவ்­வொரு பகு­தியும் மற்­றொரு தரப்­பி­னரின் உற்­பத்தி செயற்­பா­டு­க­ளுடன் தொடர்­பு­பட்­டி­ருப்­பதால் ஆரம்பம் முதல் இறு­தி­வ­ரை­யான சகல தரப்­பி­ன­ருக்­கு­மி­டையில் தொடர்­புகள் பேணப்­பட வேண்டும். அதனை இல­கு­ப­டுத்­து­வ­தற்­காக பொது­வான டிஜிட்டல் திரையில் காட்­சிப்­ப­டுத்­தப்­பட்­டி­ருந்­தது. அதில் நாளொன்­றுக்கு தேவை­யான மொத்த மூலப்­பொ­ருட்கள் மற்றும் ஒவ்­வொரு பகு­தி­யி­லி­ருந்தும் தயா­ரிக்­கப்­பட வேண்­டிய அள­வுகள் போன்­றன குறிப்­பி­டப்­பட்­டி­ருக்கும். அதே­போன்று ஒவ்­வொரு மணித்­தி­யா­லமும் ஒவ்­வொரு பிரிவிலிருந்து தயா­ரிக்­கப்­பட்­டுள்ள அங்­கங்கள் பற்­றிய தர­வுகள் பதி­வா­கிக்­கொண்டே இருக்கும். அதைக் கருத்­திற்­கொண்டு ஊழி­யர்கள் தமது பணி­யினை முன்­னெ­டுப்­ப­தையும் காண­மு­டிந்­தது. பின்னர் முழு­மை­யாக்­கப்­பட்ட ஆடைகள் பரி­சோ­திக்­கப்­பட்டு தர­மற்­ற­வைகள் நிரா­க­ரிக்­கப்­பட்டு தர­மா­னவை பொதி செய்­யப்­பட்டு வாடிக்­கை­யாளர் பரி­சோ­த­னைக்­காக கள­ஞ்சி­ய­சா­லையில் வைக்­கப்­ப­டு­கி­றது. இறு­தியில் அவற்றில் சில­வற்றை வாடிக்­கை­யாளர் பரி­சோ­தித்து தரம் உறு­திப்­ப­டுத்­தப்­பட்­டதும் அவை ஏற்­று­மதி செய்­யப்­ப­டு­கின்­றன. நிறு­வ­னத்தின் உற்­பத்தி மற்று சிக்­கனம், சூழ­லுக்கு இசை­வான செயற்­பா­டுகள் குறித்து நிறுவனத்தின் விசேட வேலைத்திட்டத்துக்கான சிரேஷ்ட பொதுமுகாமையாளர் ஹேமிந்த ஜயவர்த்தன விளக்­க­ம­ளித்தார். உற்­பத்தி நட­வ­டிக்­கை­களின்போது மின்­சா­ரத்தை சிக்­க­ன­மாக பயன்­ப­டுத்­து­வ­தற்­காக குறைந்த வலுவில் இயங்­கக்கூ­டிய தையல் இயந்­தி­ரங்கள் பயன்­ப­டுத்­தப்­ப­டு­கின்­றன. மட்­டக்­க­ளப்பு தொழிற்­சா­லையில் நாம் 1800 தையல் இயந்­தி­ரங்­களை பயன்­ப­டுத்­து­கின்றோம். இவை தின­சரி 16 மணி நேரம் இயங்­கு­கின்­றன. இவை அனைத்­துக்கும் Clutch மோட்­டர்­க­ளுக்கு பதி­லாக குறைந்த வலுவில் இயங்கும் VSD Servo மோட்­டர்கள் பொருத்­தப்­பட்­டுள்­ளன. உற்­பத்தி காலப்­ப­கு­தியில், Clutch மோட்­டர்கள் தொடர்ச்­சி­யாக இயங்­கு­கின்­றன. Servo மோட்­டர்கள் ஊசி இயங்கும் காலப்­ப­கு­தியில் மாத்­தி­ரமே இயங்­கு­கின்­றன. ஊசி இயக்கம் செயற்­பாட்டு நேரத்தின் 17வீதத்தை மாத்­தி­ரமே கொண்­டுள்­ளது. Clutch மோட்­ட­ருடன் ஒப்­பி­டு­கையில் Servo மோட்­ட­ரினால் 68-–73 வீத வலுவை சேமித்துக் கொள்ள முடி­கி­றது. வாயு சேமிப்பு சாத­னங்கள் (Air Saving Devices) தைக்­கப்­பட்ட ஆடை­களில் சுருக்­கங்­களை அகற்­று­வது என்­பது புதிய செயற்­பாட்டு தேவை­யாக அமைந்­துள்­ளது. இதற்­காக அழுத்­தப்­பட்ட வாயு தொடர்ச்­சி­யாக பயன்­ப­டுத்­தப்­ப­டு­கின்­றது. உள்­ளக அணி­யினால் புத்­தாக்­க­மான வாயு சேமிப்பு சாதனம் ஒன்று வடி­வ­மைக்­கப்­பட்­டுள்­ளது. இத­னூ­டாக அழுத்­தப்­பட்ட வாயு விர­யத்தை 40 வீதத்­துக்கு மேல் குறைத்துக்கொள்­கின்றோம். அதே­போன்று கழிவு நூல்­களை மீள பயன்­ப­டுத்­து­வ­தற்­காக எஞ்­சிய நூல்­களை வேறாக்கி அவற்றை சேமித்து வைக்­கின்றோம். இந்த நூல்­களை புதிய அலங்­கா­ரங்கள் அறி­முகம் செய்யும்போது மீள பயன்­ப­டுத்­து­கின்றோம். கழிவு நீர் வடி­கட்ட நாம் கழி­வுநீர் சுத்­தி­க­ரிப்பு பகு­தி­யொன்றை நிறு­வி­யுள்ளோம். அத­னூ­டாக வடி­கட்­டப்­பட்ட நீரை மீள்­சு­ழற்­சிக்­குட்­ப­டுத்தி கழி­வ­றைகள் மற்றும் விவ­சாய தேவை­க­ளுக்கு பயன்­ப­டுத்­து­கின்றோம். அதே­ போ­ன்று தொழிற்­சா­லையில் காணப்­படும் நீர் தூய்­மை­யாக்கல் கட்­ட­மைப்­பி­னூ­டாக சகல ஊழி­யர்­க­ளுக்கும் சுத்­த­மா­னதும் பாது­காப்­பா­ன­து­மான குடி­நீரை வழங்கி வரு­கின்றோம். உணவுக் கழிவு உர­மாக்கல் செயற்­பா­டு­களும் இங்கு மேற்­கொள்­ளப்­ப­டு­கி­றது . 24 மணி நேர காலப்­ப­கு­தி­யினுள் உணவு கழி­வு­க­ளி­லி­ருந்து கொம்போஸ்ட் உரம் உர­மாக்கல் இயந்­தி­ரத்­தி­னூ­டாக தயா­ரிக்­கப்­ப­டு­கி­றது. இந்த உரம் உள்­ளக உரத் தேவைக்கு பயன்­ப­டுத்­தப்­ப­டு­வதுடன் ஊழி­யர்­க­ளது தேவைக்­கா­கவும் இல­வ­ச­மாக வழங்­கப்­ப­டு­கின்­றது. உணவுத் தட்­டு­களை கழுவும்போது நீரின் அளவை குறைத்துக் கொள்ள dishwasher பயன்­ப­டுத்­தப்­ப­டு­கின்­றது. இத­னூ­டாக நீரின் வீண் விரயம் தடுக்­கப்­ப­டு­கி­றது. அத்­தோடு தட்­டு­களை கழு­வு­வ­தற்கு கொதி நீரை பெற்றுக்கொள்­வ­தற்­காக solar hot water கட்டமைப்பை நாம் பயன்படுத்துகின்றோம். நீரை மேலும் சிக்கனமாக பயன்படுத்த நவீன குழாய் பொருத்திகளை தொழிற்சாலை வளாகத்தில் பொருத்தியுள்ளோம். பாரம்பரிய நீர் பொருத்திகளுடன் ஒப்பிடுகையில் இந்த புதிய பொருத்திகள் ஊடாக 53 வீதமான நீரை சேமிக்க முடிகிறது என எமக்கு விளக்கமளித்தார். தொழிற்சாலையின் கூரைப்பகுதியில் சோலா பெனல்கள் பொருத்தப்பட்டு சூரிய சக்தி மூலமாக மின்சாரம் சேமிக்கப்பட்டு தொழிற்சாலை தேவைகளுக்கு பயன்படுத்தப்படுகிறது . இவ்வாறு பல்வேறு முன்மாதிரியான செயற்பாடுகளை மட்டக்களப்பு Brandix ஆடைத் தொழிற்சாலையில் எம்மால் காண முடிந்தது. இதுபோன்று சகல நிறுவனங்களும் சூழல் பாதுகாப்பில் கவனம் செலுத்தி தமது உற்பத்தி செயற்பாடுகளை மேற்கொள்ள வேண்டியது காலத்தின் கட்டாயமாகும். - எம்.நேசமணி- https://www.virakesari.lk/article/63532

இறுதி யுத்த சமயத்தில் விடுதலைப்புலிகள் திருமாவளவனிடம் கூறிய தகவல்

3 months 1 week ago
நீங்கள் kadancha இன் கருத்தையும் எனது கருத்தையும் போட்டு குழப்பிக்கொண்டிருக்கிறீர்கள் என நினைக்கிறேன். முதலில் உங்களுடைய எந்த கருத்தை quote பண்ணி நான் என்ன எழுதியுள்ளேன் என்பதை வாசித்து புரிந்து கொள்ளுங்கள். சும்மா பிஜேபியை இதற்குள் இழுக்காமல். முன்னைய இந்திய ஆட்சியாளர் என நான் கூறியது ராஜீவ் காந்தி (காங்கிரஸ்), பின்னைய இந்திய ஆட்சியாளர் என நான் கூறியது மன்மோகன் சிங் (காங்கிரஸ்). இதற்குள் பிஜேபி எங்கே வந்தது? தவிர ஆட்சிமாற்றம் எமக்கு நன்மையளிக்கும் என்று நான் எங்கேயாவது எழுதி அதை புரட்சி ஆதரித்துள்ளாரா? இதென்ன புதுக்கதை? 😀

சாதிப்பது வெறி... சாதி இப்போது வெறி

3 months 1 week ago
சாதியம் ஒழியணும் என்பது உண்மை வரவேற்கத்தக்கது ஆனால் தமிழருடைய நாடி நரம்பு ரத்தம் என ஊறிப்போயுள்ள இந்த வெறியை எதை வைத்தும் முற்றாக ஒழித்துவிட முடியாது என்பது என் அனுபவம் தரும் பாடம். திருமணங்கள் மூலம் இதை சாதிக்கலாம் என வல்வை சகாறா சொல்ல வருகிறார் என நினைக்கின்றேன் வாய்ப்பில்லை ஒன்றைவிட மற்றொன்று உயர்வென ஒவ்வொரு சாதியினரும் படிநிலை பார்க்கும் நிலையில் வடிவமைக்கப்பட்டுள்ள இந்த சாதி அமைப்பில் வேண்டுமானால் இன்னொருத்தர் நான் உயர்ந்து விட்டேன் என கொலரை தூக்கிவிட வேண்டுமானால் திருமணங்கள் உதவலாம் அண்மையில் பிரான்சிலே இது போன்ற ஒரு சாதி தாண்டிய திருமணம் நடைபெற்றது அதில் கலந்து கொண்ட எனது நண்பரிடம் பெண் வீட்டை சார்ந்த ஒருவர் சொன்னாராம் பார்த்தீர்களா உங்களுடைய ஆட்களுடன் நாங்களும் சரி சமமாக வேட்டி கட்டி ஒன்றாக நின்றதை என.😥

கனேடியத் தூதுவருடன் சந்திப்பு

3 months 1 week ago
-க. அகரன் இலங்கைகான கனேடியத் தூதுவர் டேவிட் மெக்மிலன், தூதுவராலயத்தின் அரசியல் விவகாரங்களுக்கான முதன்மைச் செயலாளர் வலேரி ஓலேற், ஒட்டாவாவில் இருந்து வருகை தந்திருந்த சமாதானத்துக்கான நீண்டகாலச் செயற்பாடுகளுக்கான பணியகத்தின் அதிகாரிகள் ஆகியோர் வடக்கு மாகாண முன்னாள் சுகாதார அமைச்சர் வைத்திய கலாநிதி பத்மநாதன் சத்தியலிங்கத்தை வவுனியாவில் வைத்து, நேற்று (27) சந்தித்துக் கலந்துரையாடினர். இதன்போது, போருக்குப் பின்னரான காலப்பகுதியில், வன்னிப் பிரதேச மக்கள் எதிர்கொள்ளும் பிரச்சினைகள், மீள்குடியேற்றம், காணி ஆக்கிரமிப்பு, திட்டமிடப்பட்ட குடியேற்றச் செயற்பாடுகள், அண்மையில் நடைபெற்ற பயங்கரவாதத் தாக்குதலின் பின்னரான நிலைமைகள், கனடா, புலம்பெயர் தமிழர்களால் தாயக பிரதேசங்களில் மேற்கொள்ளப்படும் அபிவிருத்தி நடவடிக்கைகள் தொடர்பாக விரிவாக ஆராயப்பட்டன. அத்துடன், வடக்குமாகாண சுகாதார சேவைகள் மேம்பாடு தொடர்பாகவும் குறிப்பாக கனடா நாட்டினால் மேற்கொள்ளப்படக்கூடிய அணுசரனை தொடர்பாகவும் ஆராயப்பட்டன http://www.tamilmirror.lk/வன்னி/கனேடியத்-தூதுவருடன்-சந்திப்பு/72-237492

‘சிவரூபனுக்கு மன, உடல் ரீதியாக பாதிப்பு’

3 months 1 week ago
-எஸ்.நிதர்ஷன் வைத்திய அதிகாரி சிவரூபனுக்கு, பயங்கரவாதத் தடுப்புப் பிரிவினரால் மன ரீதியாகவும் உடல் ரீதியாகவும் பாதிப்புகள் ஏற்படுத்தப்பட்டுள்ளதாக, சர்வதேச செஞ்சிலுவை சங்கத்தில் முறைப்பாடு செய்யப்பட்டுள்ளது. இந்த முறைப்பாடு, அவரது குடும்பத்தினரால், நேற்று (27) மாலை பதிவு செய்யப்பட்டுள்ளது. குறித்த முறைப்பாட்டில், சிவரூபனை எவ்வித அடிப்படை காரணங்களுமின்றி, பயங்கரவாத தடுப்பு பிரிவினர் கைது செய்து தடுத்து வைத்துள்ளதாகவும் கைது செய்யப்பட்ட நாளில் இருந்து, அவரை மாலையில் யாழ்ப்பாணம் பொலிஸ் நிலைய சிறையில் அடைத்து காலையில் மீண்டும் விசாரணைக்காக அழைத்து செல்வதாகவும் தெரிவிக்கப்பட்டுள்ளது. அவரை நாளாந்தம் சித்திரவதைக்கு உள்ளாக்கி வருவதாகக் குறிப்பிடப்பட்டுள்ளதுடன், யாழ்ப்பாணம் பொலிஸ் நிலைய சிறையில் அடைத்திருக்கும் போது, அங்கு பலரும் அவரை பார்த்து விமர்சிப்பதாகவும் இது அவரது வைத்திய தொழிலுக்கு பாதிப்பை ஏற்படுத்துவதுடன், அவருக்கு மன உளைச்சலையும் ஏற்படுத்துவதாகவும் தெரிவிக்கப்பட்டுள்ளது. எனவே, இவ்விகாரத்தில், சர்வதேச செஞ்சிலுவை சங்கம் தலையிட வேண்டுமெனவும், அந்த முறைப்பாட்டில் தெரிவிக்கப்பட்டுள்ளது. http://www.tamilmirror.lk/யாழ்ப்பாணம்/சிவரூபனுக்கு-மன-உடல்-ரீதியாக-பாதிப்பு/71-237495

காணி விடுப்புக் கோரி வடக்கில் போராட்டங்கள்

3 months 1 week ago
-சண்முகம் தவசீலன், எஸ்.றொசேரியன் லெம்பேட், எஸ்.என்.நிபோஜன் காணி விடுப்பு கோரி, வடக்கின் பல பாகங்களிலும், இன்று (28) போராட்டங்கள், கவனயீர்ப்புப் பேரணிகள் முன்னெடுக்கப்பட்டன. கிளிநொச்சி, யாழ்ப்பாணம், முல்லைத்தீவ, மன்னார் ஆகிய பகுதிகளிலேயே, இந்தப் போராட்டங்கள், கவனயீர்ப்புப் பேரணிகள் முன்னெடுக்கப்பட்டன. மாவட்டச் செயலகத்தை முற்றுகையிட்ட மக்கள் முல்லைத்தீவு – கொக்கிளாய், கொக்குத்தொடுவாய், கருநாட்டுக்கேணி உள்ளிட்ட பல்வேறு பிரதேசங்களில், மகாவலி அபிவிருத்தி என்ற பெயரால் மேற்கொள்ளப்படும் நில ஆக்கிரமிப்பை நிறுத்துமாறு கோரி, முல்லைத்தீவு மாவட்டமக்களால், இன்று (28) கவனயீர்ப்புப் போராட்டமொன்று முன்னெடுக்கப்பட்டது. இந்தப் போராட்டத்தில், முல்லைத்தீவு மாவட்டத்தின் கரைதுறைப்பற்று பிரதேச செயலகப் பிரிவுக்குட்பட்ட கொக்குத்தொடுவாய், கொக்கிளாய், கருநாட்டுக்கேணி பிரதேசத்தைச் சேர்ந்த மக்கள் கலந்துகொண்டனர். முன்னதாக, நேற்று முற்பகல் 10 மணியளவில் முல்லைத்தீவு புனித ராஜப்பர் தேவாலய முன்றலில் இருந்து முல்லைத்தீவு மாவட்ட செயலகம் வரை கவனயீர்ப்புப் பேரணியாக வந்த மக்கள், மாவட்ட செயலகத்தை முற்றுகையிட்டனர். மாவட்டச் செயலகத்துக்குள் மக்கள் செல்வதற்கு முற்பட்ட போது, மாவட்டச் செயலக வாயில் மூடப்பட்டு, மக்கள் உள் நுழைவதற்குத் தடை விதிக்கப்பட்டது. அத்துடன், குறித்த பகுதியில் பொலிஸ் பாதுகாப்பும் பலப்படுத்தப்பட்டது. இதையடுத்து, சம்பவ இடத்துக்கு வருகை தந்த மாவட்டச் செயலாளர் ரூபவதி கேதீஸ்வரனிடம் மகஜரொன்று கையளிக்கப்பட்டமை குறிப்பிடத்தக்கது. மன்னாரில் அமைதிப் போராட்டம் வடக்கு - கிழக்கு மாகாணங்களில், படையினர் வசமுள்ள காணிகளை நல்லிணக்க அடிப்படையில் விரைவில் விடுவிக்க நடவடிக்கை மேற்கொள்ளுமாறு கோரி, மன்னார் மாவட்டச் செயலகத்துக்கு முன்னால், இன்று (28) முற்பகல் 9.30 மணியளவில், அடையாள அமைதி போராட்டமொன்று மன்னெடுக்கப்பட்டது. இந்த போராட்டம், மன்னார் மாவட்ட மீனவ ஒத்துழைப்பு இயக்கத்தின் ஏற்பாட்டில் அதன் இணைப்பாளர் அ.பெனடிக்ற் குருஸ் தலைமையில் முன்னெடுக்கப்பட்டது. இதன் போது, நல்லாட்சி அரசாங்கத்துக்குகு வாக்களித்த மக்கள் என்ற அடிப்படையில், தங்களுக்கு வழங்கிய வாக்குறுதிகளின் படி, படையினர் வசமுள்ள காணிகளை ஜனாதிபதி விரைவில் விடுவிக்க வேண்டுமெனவும் ஓகஸ்ட் 30ஆம் திகதியன்று யாழ்பாணத்துக்கு வருகை தரவுள்ள ஜனாதிபதி, காணி விடுவிப்பு தொடர்பாக தெளிவான வாக்குறுதியொன்றை வழங்கிவிட்டுச் செல்ல வேண்டுமெனவும், போராட்டக்காரர்கள் தெரிவித்தனர். போராட்டத்தின் நிறைவில், மன்னார் மாவட்டச் செயலாளர் சி.ஏ.மோகன் றாஸுக்கு மகஜரொன்று கையளிக்கப்பட்டது. மகஜரை பெற்று கொண்ட மாவட்டச் செயலாளர், மக்களின் கோரிக்கை நியாயமானதெனவும் எனவே இந்த மகஜர், மக்களின் காணி தொடர்பான கோரிக்கைகளை ஜனாதிபதிக்கு அனுப்பி வைப்பதாகவும் தெரிவித்தார். அத்துடன், மாவட்டச் செயலகம் சார்பாக, காணி விடுவிப்பு சம்மந்தமாக மேற்கொள்ள வேண்டிய விடயங்களை மேற்கொண்டு தருவதாகவும், அவர் மேலும் கூறினார். மாவட்டச் செயலகத்துக்கு முன்னால் போராட்டம் முல்லைத்தீவில், இராணுவத்தினர், கடற்படையினர் சுவீகரித்துள்ள தமது சொந்த காணிகளை விடுவிக்கக் கோரி, முல்லைத்தீவு மாவட்ட மக்களால், முல்லைத்தீவு மாவட்டச் செயலகத்துக்கு முன்னால், நேற்று (28) முற்பகல் 11 மணியளவில் போராட்டமொன்று முன்னெடுக்கப்பட்டது. முல்லைத்தீவு மாவட்டத்தின் கேப்பாபுலவு, வட்டுவாகல், முள்ளிவாய்க்கால், அளம்பில், செம்மலை, புதுக்குடியிருப்பு உள்ளிட்ட பிரதேசங்களை ச்சேர்ந்த மீணவ குடும்பங்களும் கேப்பாப்புலவில் தமத நிலங்களை விடுவிக்குமாறு கோரி தொடர் போராட்டத்தில் ஈடுபடும் மக்களும் இணைந்தே, இந்தப் போராட்டத்தை முன்னெடுத்தனர். போராட்டத்தின் இறுதியில், மாவட்டச் செயலாளரிடம் மகஜர் கையளிப்பதற்காக சென்றவர்கள் மாவட்டச் செயலக வாசலில் தடுத்து நிறுத்தப்பட்டனர். இதையடுத்து, குறித்த இடத்துக்கு வருகை தந்த மேலதிக மாவட்ட செயலாளர் கோ.தனபாலசுந்தரத்திடம் மகஜர் கையளிக்கப்பட்டது. கையொப்பம் அடங்கிய மகஜர் கையளிப்பு கிளிநொச்சி மாவட்டத்தில், விடுவிக்கப்படாத மக்கள் காணிகளை விரைந்து விடுவிக்க வேண்டுமென கோரி, தேசிய மீனவர் ஒத்துழைப்பு இயக்கத்தின் ஏற்பாட்டில், இன்று (28) கிளிநொச்சியில் கவனயீர்ப்புப் பேரணியொன்று முன்னெடுக்கப்பட்டது. கிளிநொச்சி பிள்ளையார் கோவில் முன்பாக முற்பகல் 9.30 மணியளவில் ஆரம்பமான இந்தப் பேரணி, மாவட்டச் செயலகம் வரை சென்றது. குறித்த பேரணியில் கலந்துகொண்ட மக்களின் பிரதிநிதிகள், கிளிநொச்சி மாவட்டச் செயலாளரைச் சந்தித்து, நாடளாவிய ரீதியில் காணிகள் விடுவிப்பது தொடர்பில் பெற்றுக்கொண்ட கையொப்பம் அடங்கிய மகஜரை அவரிடம் கையளித்தனர். http://www.tamilmirror.lk/யாழ்ப்பாணம்/காணி-விடுப்புக்-கோரி-வடக்கில்-போராட்டங்கள்/71-237490
Checked
Mon, 12/09/2019 - 04:08
கருத்துக்களம் - new topics
Subscribe to புதிய பதிவுகள் feed