புதிய பதிவுகள்

ஜனாதிபதி வேட்பாளர்களுக்கு தேர்தல் ஆணைக்குழு எச்சரிக்கை!

4 months 1 week ago
ஜனாதிபதி வேட்பாளர்களுக்கு தேர்தல் ஆணைக்குழு எச்சரிக்கை! எதிர்வரும் ஜனாதிபதி தேர்தலில் போலி வேட்பாளர்கள் அனுமதிக்கப்படமாட்டார்கள் என தேர்தல் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார். அத்தோடு, எந்தவொரு வேட்பாளரும் போலி வேட்பாளர் என கண்டறியப்பட்டால் அவர் மீது கடுமையான நடவடிக்கை எடுக்கப்படும் என்றும் அரசியல் கட்சிகளின் தலைவர்களுக்கு அவர் எச்சரிக்கை விடுத்துள்ளார். ஜனாதிபதி தேர்தல் தொடர்பாக கட்சித் தலைவர்களுடனான சந்திப்பில் கருத்து தெரிவிக்கும்போதே அவர் இதனை தெரிவித்துள்ளார். மேலும் தெரிவித்துள்ள அவர், “ஏனைய வேட்பாளர்களின் வாக்குகளை கைப்பற்றுவதற்காக அல்லது வேட்பாளர்களுக்கு வழங்கப்படும் பரப்புரை நேரம் போன்ற வசதிகளை தவறாகப் பயன்படுத்துவதற்காக, மற்றொரு கட்சி அல்லது வேட்பாளரால் யாரேனும் ஒருவர் வேட்பாளராக களமிறக்கப்பட்டதாகக் கண்டறியப்பட்டால், அவரது பெயர் வாக்காளர்களின் முன்பாக அம்பலப்படுத்தப்படும். போலி வேட்பாளர்கள் என கண்டறியப்பட்டால், வேட்பாளர்களுக்கு வழங்கப்படும் வசதிகள் உடனடியாகவே இரத்து செய்யப்படும்” என்றும் அவர் எச்சரித்துள்ளார். http://athavannews.com/ஜனாதிபதி-வேட்பாளர்களுக்/

ஆயுதப் பயிற்சி பெற்ற சஹ்ரானின் மைத்துனர் கட்டுபெத்தயில் கைது!

4 months 1 week ago
ஆயுதப் பயிற்சி பெற்ற சஹ்ரானின் மைத்துனர் கட்டுபெத்தயில் கைது! தாக்குதல்களின் சூத்திரதாரி சஹ்ரானின் மைத்துனர் கட்டுபெத்த பகுதியில் கைது செய்யப்பட்டுள்ளதாக பொலிஸார் தெரிவித்துள்ளனர். முஹம்மட் அப்துல் காதர் அசீம் எனப்படும் குறித்த சந்தேகநபர் இன்று (திங்கட்கிழமை) அதிகாலை கைது செய்யப்பட்டுள்ளார். குறித்த நபர் சஹ்ரானின் மனைவியின் மூத்த சகோதரர் என்பதுடன் நுவரெலியால் கைப்பற்றப்ட்ட பயங்கரவாதிளின் முகாமில் சஹாரனுடன் இணைந்து ஆயுதப் பயிற்சி பெற்றவர் என்பது முதற்கட்ட விசாரணைகளில் தெரியவந்துள்ளதாக பொலிஸார் தெரிவித்துள்ளனர். கடந்த ஏப்பரல் மாதம் 21ஆம் திகதி இலங்கையின் பல இடங்களில் மேற்கொள்ளப்பட்ட தற்கொலை தாக்குதல்களில் 250இற்கும் மேற்பட்டொர் உயிரிழந்துள்ளதுடன், பலர் காயமடைந்துள்ளனர். இதனையடுத்து மேற்கொள்ளப்பட்ட விசாரணைகளில் இந்த கொலைகளின் சூத்திரதாரி தேசிய தௌஹித் ஜமாத் அமைப்பின் தலைவர் சஹ்ரான் ஹாசீம் என்பது கண்டறியப்பட்டது. அதன் பின்னர் அவருடன் தொடர்புடையவர்கள் சந்தேகத்தின் பேரில் தொடர்ச்சியாக கைது செய்யப்பட்டு வருகின்றமை குறிப்பிடத்தக்கது. http://athavannews.com/கட்டுபெத்தயில்-சஹ்ரானின/

தமிழ்நாட்டில் தஞ்சம் புகுந்த ஈழத் தமிழர்களுக்கு, குடியுரிமை வழங்கவேண்டும்

4 months 1 week ago
தமிழ்நாட்டில் தஞ்சம் புகுந்த ஈழத் தமிழர்களுக்கு, குடியுரிமை வழங்கவேண்டும் ஈழத் தமிழ்ச் சொந்தங்களுக்கு இந்திய குடியுரிமை வழங்கவேண்டும் என, இந்திய நாடாளுமன்றத்தில் கவனயீர்ப்புத் தீர்மானம் கொண்டுவரப்பட்டுள்ளது. தமிழ்நாட்டில் தஞ்சம் புகுந்து சுமார் கால் நூற்றாண்டுக்கும் மேலாக அகதி முகாம்களில் அவதியுறும் ஈழத் தமிழ்ச் சொந்தங்களுக்கு இந்திய குடியுரிமை வழங்கவேண்டும் என, விழுப்புரம் நாடாளுமன்ற உறுப்பினரும், விடுதலைச் சிறுத்தைகள் கட்சியின் பொதுச் செயலாளருமான ரவிக்குமார் இந்திய நாடாளுமன்றில் கவனயீர்ப்புத் தீர்மானம் ஒன்றைக் கொண்டுவந்துள்ளார். இது தொடர்பாக சென்னை உயர்நீதிமன்ற மதுரை கிளையில் நீதிபதி ஜி.ஆர்.சுவாமிநாதன் அளித்த தீர்ப்பை ரவிக்குமார் மேற்கோள்காட்டியிருக்கிறார். ஆதவன் வானொலியில் கடந்த மாதம் 30 ஆம் திகதி இடம்பெற்ற தமிழகத்தில் உள்ள ஈழத்து அகதிகள் தொடர்பான சிறப்பு வாரம் ஒரு வலம் நிகழ்ச்சியில் நேரலையாக பங்கேற்ற இந்திய நாடாளுமன்ற உறுப்பினரான ரவி ரவிக்குமார் ஈழத் தமிழர்கள் தொடர்பான கவன ஈர்ப்பை மத்திய அரசுக்கு வலியுறுத்தப் போவதாக உறுதி அளித்திருந்தமை குறிப்பிடத் தக்கது. http://athavannews.com/தமிழ்நாட்டில்-தஞ்சம்-புக/

இந்தியாவில் புலிகளின் எண்ணிக்கை இருமடங்காக அதிகரிப்பு – பிரதமர்

4 months 1 week ago
இந்தியாவில் புலிகளின் எண்ணிக்கை இருமடங்காக அதிகரிப்பு – பிரதமர் புலிகளின் எண்ணிக்கை ஐந்தாண்டுகளில் இருமடங்காக அதிகரித்துள்ளதாக சுட்டிக்காட்டிய பிரதமர் மோடி, புலிகள் பாதுகாப்பாக வாழ்வதற்கு உகந்த இடமாக இந்தியா மாறியுள்ளதாக குறிப்பிட்டார். சர்வதேச புலிகள் தினம் இன்று (திங்கட்கிழமை) கொண்டாடப்படுகிறது. இந்நிலையில், நாடு முழுவதும் உள்ள வனப்பகுதிகளில் உள்ள புலிகளின் எண்ணிக்கை தொடர்பாக கடந்த ஆண்டு எடுக்கப்பட்ட கணக்கெடுப்பு விபரத்தை பிரதமர் நரேந்திர மோடி இன்று (திங்கட்கிழமை) டெல்லியில் வெளியிட்டார். அதன் பின்னர் உரையாற்றும்போதே அவர் இவ்வாறு தெரிவித்தார். கடந்த 2014ஆம் ஆண்டில் 1400ஆக இருந்த புலிகளின் எண்ணிக்கை தற்போது 2,977 ஆக அதிகரித்துள்ளதை சுட்டிக்காட்டிய மோடி, உலகளாவிய ரீதியில் அதிகமாகவும் பாதுகாப்பாகவும் புலிகள் வாழ்வதற்கு உகந்த நாடுகளில் ஒன்றாக இந்தியா இருப்பதாக பெருமிதம் தெரிவித்தார். உலகளாவிய ரீதியில் எதிர்வரும் 2022ஆம் ஆண்டுக்குள் புலிகளின் எண்ணிக்கையை அதிகரிக்க வேண்டும் என 9 ஆண்டுகளுக்கு முன்னர் ரஷ்யாவின் செயின்ட் பீட்டர்ஸ்பர்க் நகரில் தீர்மானிக்கப்பட்டதென்றும் ஆனால், அந்த கால இலக்குக்கு 4 ஆண்டுகள் முன்னதாகவே இதை நாம் சாதித்து விட்டோம் என்றும் அவர் குறிப்பிட்டார். மேலும் எதிர்காலத்தில் மக்களுக்கு அதிகமான வீடுகளை கட்டுவதுடன், வனவிலங்குகளுக்கான வாழ்விடங்களும் அதிகமாக அமைக்கப்படும் எனவும் அவர் குறிப்பிட்டார். http://athavannews.com/இந்தியாவில்-புலிகளின்-எண/

சிகிச்சைக்கு வந்த ​நோயாளி அச்சுறுத்தி தன்னுடன் உறவில் ஈடுபட்டதாக மருத்துவர் தீபா தன்னிலை விளக்கம்!

4 months 1 week ago
சிகிச்சைக்கு வந்த நோயாளி அச்சுறுத்தி தன்னுடன் உறவில் ஈடுபட்டதாக மருத்துவர் தீபா தன்னிலை விளக்கம்! சிகிச்சைக்கு வந்த நோயாளி ஒருவர் தன்னை அச்சுறுத்தி பாலியல் உறவு கொள்ள வைத்ததாக கனடாவின் ரொறொன்ரோ மருத்துவமனையில் மருத்துவராகப் பணிபுரியும் தீபா சுந்தரலிங்கம் என்பவர் தெரிவித்துள்ளார். புற்றுநோய் சிகிச்சைக்கு வந்த நோயாளியுடன் தகாத உறவில் ஈடுபட்டதாக எழுந்த குற்றச்சாட்டு நிரூபிக்கப்பட்டதால் கடந்த ஜனவரி மாதம் அவரது மருத்துவர் உரிமம் பறிக்கப்பட்டது. தற்போது தன்மீதான குற்றச்சாட்டை தீபா மறுத்துள்ளார். அத்துடன் தன்னிலை விளக்கத்தையும் அவர் அளித்துள்ளார். “சிகிச்சைக்காக வந்த ஒருவர் என்னை மிரட்டினார், ஆபாச செல்பிக்களை அனுப்பச்சொன்னார், குறுஞ்செய்திகளை மருத்துவக்கவுன்சிலுக்கு அனுப்பிவிடுவதாக மிரட்டியே பாலியல் உறவு கொள்ள வைத்தார்” என்று புற்றுநோய் மருத்துவரான தீபா சுந்தரலிங்கம் தனது தரப்பு வாதத்தை முன் வைத்துள்ளார். தீபா சுந்தரலிங்கத்திற்கு தற்போது 37 வயதாகிறது. புற்றுநோய் சிகிச்சை பிரிவில் நிபுணராக செயற்பட்டு வருகிறார். 2010 முதல் மருத்துவராக பணியாற்றும் தீபாவிடம் சிகிச்சை பெற கடந்த 2015 ஆம் ஆண்டு நோயாளி ஒருவர் சென்றார். அவரை நோயாளி என்பதை விட மருத்துவர் தீபாவின் விதி என்றே கூற வேண்டும். விதி வடிவத்தில் வந்த அந்த நோயாளிக்கு புற்றுநோய் தாக்கம் இருந்தது. அன்று முதலே இருவரும் நெருக்கமாக பழகி வந்துள்ளனர் என்றும் வெளியில் சுற்றியுள்ளனர் என்றும் குற்றச்சாட்டு எழுந்தது. வட்ஸ்அப், இன்ஸ்டாகிராம் தகவல்களைப் பரிமாறிக்கொண்டனர் என்றும் புற்று நோய்க்கு தீபா சிகிச்சை அளித்தார் என்றும் கூறப்பட்டது. 2015 ஆம் ஜனவரி முதல் 2016 மார்ச் வரை 23 முறை சிகிச்சை அளித்துள்ளார். இருவரும் நெருக்கமாக இருந்த நிலையில் திடீரென தான் சிகிச்சை அளிக்கும் நோயாளிகள் பட்டியலில் இருந்த அந்த நோயாளியின் பெயரை தீபா நீக்கினார். அதன்பின்னர்தான் விதி தீபாவின் வாழ்க்கையில் விளையாட ஆரம்பித்தது. தன்னை பாலியல் ரீதியாக பயன்படுத்திக் கொண்டார் என்றும் சிகிச்சைக்கு வந்த போது தன்னுடன் உறவு கொண்டார் என்றும் தீபா மீது அந்த நோயாளி குற்றச்சாட்டை முன் வைத்தார். தன்னை கைவிட்டு விட்டதாகவும் வேறொரு நபரை காதலிப்பதாக கூறிய அவர் தன்னை நோயாளிகள் பட்டியலில் இருந்தே நீக்கிவிட்டதாகவும் கூறினார். தீபா மீது சி.பி.எஸ்.ஓ எனப்படும் College of Physicians and Surgeons இல் முறைப்பாடு அளித்த அந்த நோயாளி, “நான் உடல் ரீதியாகவும், உணர்ச்சிப்பூர்வமாகவும் பாதிக்கப்பட்டு உள்ளேன். ஒரு முக்கியமான உறவு இழப்பு என்னை பாதிப்பிற்கு உள்ளாக்கியுள்ளது. தீபா என்னை விட்டு விலகியதோடு மட்டுமல்லாமல் எனக்கு சிகிக்சை அளிக்கவும் மறுத்து விட்டார்” எனவும் தனது தரப்பிலான முறைப்பாட்டை அறிக்கையாக சமர்பித்தார். இது தொடர்பான விசாரணை நடைபெற்றது. அப்போது தீபா மீது குற்றம் சுமத்திய நோயாளியின் குரல் மட்டுமே மேலோங்கியிருந்தது. அத்தனையும் கேட்டுக்கொண்டிருந்த தீபா மௌனமாகவே இருந்தார். பதில் எதுவும் கூறவில்லை. குற்றச்சாட்டுகளின் அடிப்படையில் தீபாவின் மருத்துவ உரிமம் ரத்துச் செய்யப்பட்டதோடு அபராதமும் விதிக்கப்பட்டது. இதனையடுத்து கனடாவில் இவர் மருத்துவராக சிகிச்சை அளிக்க முடியாத நிலை ஏற்பட்டுள்ளது. ஆறு மாதங்கள் கழித்து மருத்துவர் தீபா தனது தரப்பு நியாயத்தினை முன் வைத்துள்ளார். அதாவது “நடந்த சம்பவத்தில் தான் குற்றவாளி அல்ல என்றும் பாதிக்கப்பட்டவரே நான்தான்” என்றும் அவர் கூறியுள்ளார். தன்னை உணர்வு ரீதியாக கட்டுப்படுத்தி அந்த நோயாளி பயன்படுத்திக்கொண்டார் என்றும் ஆபாச செல்பிக்களை மிரட்டி அனுப்ப வைத்தார் என்றும் முறையிட்டுள்ளார். குறித்த நோயாளி தன்னுடன் உறவு கொள்ளாவிட்டால் தான் அனுப்பிய குறுச்செய்திகள், ஔிப்படங்களை மருத்துவ கவுன்சிலுக்கு அனுப்பி விடுவதாகவும் தான் அச்சுறுத்தப்பட்டதாகவும் தீபா கூறியுள்ளார். அவமானத்தினால் தான் கூனி குறுகிப்போய் நின்றதால்தான் பேசமுடியவில்லை என்றும் தனது தரப்பு நியாயத்தையும் நீதிமன்றம் கேட்கவேண்டும் என்றும் தீபா முறையிட்டுள்ளார். இதுநாள்வரை நோயாளி தரப்பிலான குற்றச்சாட்டினை கவனித்த மருத்துவத்துறை, தீபா தரப்பு நியாயத்தையும் பார்க்க வேண்டும் என்ற கோரிக்கை எழுந்துள்ளது. http://athavannews.com/சிகிச்சைக்கு-வந்த-நோயாள/

ஐன்ஸ்டீனையும்... விஞ்சிய தமிழ்ச் சிறுமி!

4 months 1 week ago
நுண்ணறிவுக் கூர்மை தேர்வில் ஐன்ஸ்டீனையும் விஞ்சிய தமிழ்ச் சிறுமி! ஒருவரது நுண்ணறிவுக்கூர்மையை (IQ – Intelligence Quotient) அளவிடுவதற்காக நடத்தப்படும் தேர்வில் மிக அதிகபட்ச மதிப்பீட்டை பெற்று பிரித்தானியாவில் வாழும் 11 வயதான ஹரிப்பிரியா எனும் தமிழ்ச் சிறுமி சாதனைப் படைத்துள்ளார். இதன் மூலம், உலகின் தலைசிறந்த அறிவியலாளர்களாக அறியப்படும் அல்பேர்ட் ஐன்ஸ்டீன், ஸ்டீஃபன் வில்லியம் ஹோக்கிங்ஸ் உள்ளிட்டவர்களை விட மிகுந்த அறிவுக்கூர்மை பெற்றவர் எனும் பெருமையை ஹரிப்பிரியா பெற்றுள்ளார். கல்வி மட்டுமின்றி, பன்மொழித்திறன், ஆடல், பாடல், இசை, விளையாட்டு போன்ற பல்வேறு துறைகளிலும் சிறந்து விளங்கிவரும் பதினோரு வயதே ஆகும் ஹரிப்பிரியாவிடம் செய்தியாளர்கள் நேர்காணல் மேற்கொண்டபோது, தனது நுண்ணறிவு திறனை வைத்து எதிர்காலத்தில் பல திட்டங்களை முன்னெடுக்கவுள்ளதாக தெரிவித்தார். ஒருவரது அறிவுக்கூர்மையை அளவிடுவதற்கு பல்வேறு விதமான பரிசோதனைகள்/ தேர்வுகள் நடத்தப்படுகின்றன. இது நாட்டுக்கு நாடு அல்லது நிறுவனத்திற்கு நிறுவனம் மாறுபடுகிறது. இங்கு அறிவுக்கூர்மை என்பது ஒரு விடயத்தை எவ்வளவு விரைவாக உள்வாங்கிக் கொள்வது என்பது மட்டுமின்றி, சிக்கல்களை தீர்ப்பதில் மூளையின் செயல்பாட்டு திறனை அடிப்படையாக கொண்டுள்ளது. அதன்படி, உலகின் புகழ்பெற்ற அறிவுக்கூர்மை சோதனை கூடங்களில் ஒன்றாக திகழும் ‘பிரிட்டிஷ் மென்சாவின், ‘காட்டல் III பி (Cattell III B)’ எனும் தேர்வில் பங்கேற்ற பிரித்தானியா வாழ் தமிழ்ச் சிறுமியான ஹரிப்பிரியா, அந்த தேர்வின் அதிகபட்ச சாத்தியமுள்ள மதிப்பீடான 162 புள்ளிகளை பெற்று சாதனைப் படைத்துள்ளார். அதாவது, அல்பேர்ட் ஐன்ஸ்டீன், ஸ்டீஃபன் வில்லியம் ஹோக்கிங்ஸ் போன்ற பிரபல அறிவியலாளர்களின் அறிவுக்கூர்மை மதிப்பீட்டை விட இவர் இரண்டு புள்ளிகள் அதிகமாக பெற்றுள்ளார். அதே போன்று, பிரிட்டிஷ் மென்சாவின் மற்றொரு அறிவுக்கூர்மை தேர்வான ‘கல்ச்சர் பெயார் ஸ்கேல் (Culture Fair Scale)’ என்பதிலும் அதிகபட்ச மதிப்பீடான 140 புள்ளிகளை பெற்று அசத்தியுள்ளார். கடந்த 25 ஆம் திகதி வெளியான இந்த பெறுபேறுகள் குறித்து அவர் கூறுகையில், “எனக்கு மிகுந்த மகிழ்ச்சியாக இருக்கிறது. எனது அறிவுக்கூர்மையை பயன்படுத்தி எதிர்காலத்தில் நல்ல பல விடயங்களை செய்வதற்கு திட்டமிட்டு வருகிறேன்” என்று தெரிவித்தார். http://athavannews.com/நுண்ணறிவுக்-கூர்மை-தேர்வ/

பாகிஸ்தானில் குடியிருப்பு பகுதியில் வீழுந்த ராணுவ விமானம் – 15 பேர் உயிரிழப்பு!

4 months 1 week ago
ராவல்பிண்டியில் குடியிருப்பு பகுதியில் வீழுந்த ராணுவ விமானம் – 15 பேர் உயிரிழப்பு! பாகிஸ்தான் – ராவல்பிண்டி நகரில் குடியிருப்பு பகுதியொன்றில் சிறிய ரக ராணுவ விமானம் ஒன்று மோதி விபத்துக்குள்ளானதில் குறைந்தது 15 பேர் உயிரிழ்ந்துள்ளதாக மீட்புப் படை அதிகாரிகள் தெரிவித்துள்ளனர். அந்த விமானத்தில் பயணித்த ஐந்து பேரும், பொதுமக்கள் 10 பேரும் உயிரிழந்ததாக செய்தியாளர் ஒருவர் தெரிவித்துள்ளார். மேலும் இந்தச் சம்பவத்தில் 12 பேர் காயமடைந்துள்ளனர். அந்த விமானம் பயிற்சியில் ஈடுபட்டிருந்தபோது விபத்தில் சிக்கியதாகவும், விமானம் கீழே விழுந்ததும் தீப்பற்றி எரிந்ததாகவும் பாகிஸ்தான் ராணுவத்தினர் தெரிவித்துள்ளனர். அந்த தீ அருகில் இருந்த வீடுகளுக்கும் பரவியுள்ளது. பாகிஸ்தான் தலைநகர் இஸ்லாமாபாத்துக்கு அருகில் இருக்கும் ராவல்பிண்டி நகரில் ராணுவத் தலைமையகம் அமைந்துள்ளது. இந்த விபத்துக்கான காரணம் இதுவரை என்னவென்று தெளிவாக தெரிவிக்கப்படவில்லை. விபத்து இடம்பெற்ற பகுதியில் பொது மக்கள் சூழ்ந்துகொண்டனர். அதில் சிலர் அழுது கொண்டிருக்கின்றனர் என ஏ.எஃப்.பி செய்திக் குறிப்பில் தெரிவிக்கப்பட்டுள்ளது. குறித்த பகுதியில் எடுக்கப்பட்ட ஔிப்படங்களில் சில வீடுகளில் கரும்புகை படிந்துள்ளதையும், சில வீடுகள் இடிந்துள்ளமையும் தெரியவந்துள்ளது. ஏ.எஃப்.பியின் செய்தியாளர் ஒருவர் ‘அந்த பகுதியில் உள்ள இடிபாடுகளில் இருந்து புகை இன்னும் வௌிவந்துக் கொண்டிருப்பதாகவும், வீட்டின் கூரை ஒன்றின் மீது விமானத்தின் பகுதியொன்று இருப்பதாகவும்’ தெரிவித்துள்ளார். 2010 ஆம் ஆண்டு தனியார் விமான சேவை நிறுவனமான எயா ப்ளூவின் விமானம் ஒன்று இஸ்லாமாபாத்துக்கு அருகில் விபத்துக்குள்ளானதில் விமானத்தில் இருந்த 150 பேர் உயிரிழந்தனர். அதுவே பாகிஸ்தான் வரலாற்றில் இதுவரை நடைபெற்ற மோசமான விமான விபத்தாகும் என்பது குறிப்பிடத்தக்கது. http://athavannews.com/ராவல்பிண்டியில்-குடியிர/

அமெரிக்கா மற்றும் கனடாவில் 106 மில்லியன் ​பொது மக்களின் தனிப்பட்ட தரவுகள் திருட்டு!

4 months 1 week ago
அமெரிக்கா மற்றும் கனடாவில் 106 மில்லியன் பொது மக்களின் தனிப்பட்ட தரவுகள் திருட்டு! அமெரிக்கா மற்றும் கனடாவில் வாழும் 106 மில்லியன் கணக்கான மக்களின் தனிப்பட்ட தரவுகள் திருடப்பட்டுள்ளதாக ’கெப்பிற்றல் வன்’ என்னும் நிதி நிறுவனம் தெரிவித்துள்ளது. மக்களின் தகவல்களை ஊடுருவல் செய்ததாக கூறப்படும் நபரை நேற்று (திங்கட்கிழமை) கைது செய்ததை தொடர்ந்து இந்த அறிவிப்பு விடுக்கப்பட்டுள்ளது. கடனட்டைகள், கடன்கள் சம்பந்தப்பட்ட ஆவணங்கள், வங்கி மற்றும் சேமிப்பு கணக்குகள் தொடர்பான சேவைகளை இந்த ’கெப்பிற்றல் வன்’ நிறுவனம் வழங்குகின்றது கடனட்டைகளை பெறுவதற்கு பதிவு செய்த நபர்களின் பெயர்கள், முகவரிகள், தொலைப்பேசி எண்கள் அனைத்தும் திருடப்பட்டு விட்டதாக கெப்பிற்றல் வன் தெரிவித்துள்ளது. ஆனால் ஊடுருவல் செய்த நபருக்கு கடனட்டைகளின் எண்கள் கிடைக்கவில்லை என்றும் அந்த நிறுவனம் தெரிவித்துள்ளது. இந்த தகவல் திருட்டால் அமெரிக்காவில் 100 மில்லியன் பேரும் கனடாவில் 6 மில்லியன் பேரும் பாதிக்கப்பட்டுள்ளனர் என்று தெரிவித்துள்ளது. இந்த சம்பவம் தொடர்பில் கடந்த ஜூலை 19 ஆம் திகதியன்று கண்டறியப்பட்டது. நிறுவனத்தின் உள்கட்டமைப்பின் பாதுகாப்புத் தன்மையில் இருந்த குறைப்பாட்டை ஊடுருவல் செய்தவர்கள் தங்களுக்கு சாதகமாக பயன்படுத்திக் கொண்டனர் என கெப்பிற்றல் வன் நிறுவனம் தெரிவித்துள்ளது. பெயர்கள், பிறந்த திகதி உட்பட கடன் மதிப்பெண்கள், அளவு, மீதமுள்ள தொகை, பொருட்களுக்கு பணம் செலுத்திய தகவல் மற்றும் தொடர்பு எண்கள் ஆகியவையும் திருடப்பட்டுள்ளதாக தெரிவிக்கப்பட்டுள்ளது. இந்த தகவல்கள் மோசடிகளுக்காக பயன்படுத்தப்பட்டிருப்பதற்கான வாய்ப்பு இல்லை என்றும், இருப்பினும் இந்த தகவல் திருட்டு குறித்து விசாரிக்கப்படும் என்றும் தெரிவித்துள்ளது. இதனால் பாதிக்கப்பட்டவர்களின் தகவல்கள் வெளியிடப்பட மாட்டாது என்றும், அவர்களுக்கு இலவச வழிகாட்டுதல் வழங்கப்படும் என்றும் அந்நிறுவனம் தெரிவித்துள்ளது. அந்த நிறுவனத்தின் தலைவர் ரிசர்ட் டி. பெயார்பேன்ங் (Richard de Fairbank), “இந்த சம்பவத்தில் ஈடுபட்டவர் கைது செய்யப்பட்டமை குறித்து நன்றியுடன் உணர்வதாகவும், தகவல் திருட்டு குறித்து தான் மிகவும் வருத்தம் தெரிவிப்பதாகவும்.” கூறினார். “இந்த சம்பவத்தால் ஏற்படக்கூடிய பாதிப்பு குறித்து நான் மன்னிப்பு கோருகிறேன். இதை சரி செய்வது எனது கடமை” எனவும் தெரிவித்தார். இந்த தகவல் திருட்டு தொடர்பாக சீட்டல் தொழில்நுட்ப நிறுவனத்தின் முன்னாள் மென்பொறியாளர் ஒருவரை கைது செய்துள்ளதாக அமெரிக்க நீதித்துறை தெரிவித்துள்ளது. பேஜ் தோம்ஸன் என்னும் அந்த 33 வயதான நபர், கணிணி மோசடி மற்றும் தாக்குதல் குற்றத்திற்காக நேற்று கைது செய்யப்பட்டுள்ளார். இந்தநிலையில், எதிர்வரும் ஓகஸ்ட் முதலாம் திகதி அவர் நீதிமன்றத்தில் ஆஜர்படுத்தப்படவுள்ளார். தோம்ஸனுக்கு அதிகபட்சமாக ஐந்து வருடங்கள் சிறைதண்டனையும், இரண்டு லட்சத்து ஐம்பதாயிரம் அமெரிக்க டொலர்கள் அபராதம் விதிக்கப்படலாம் என்று சட்டவியலாளர்கள் தெரிவித்துள்ளனர். http://athavannews.com/அமெரிக்க-மற்றும்-கனடாவில/

உலக ஊழல் நாடுகள் பட்டியல்

4 months 1 week ago
தேர்தலில்... செலவழித்த பணத்தை, பதவிக்கு வந்தவுடன்.. ஊழல் செய்து சம்பாதிக்கின்றார்கள். அதிலும்... இந்தியா போன்ற ஆசிய நாடுகளில், பல கிரிமினல் குற்றம் செய்தவர்களே அரசியல்வாதிகளாக, கட்சிகளால் தெரிவு செய்யப் படுவது கவலையான விடயம்.

ஞாயிறு வகுப்பு என்ற போர்வையில் யாழில் மீண்டும் மதமாற்ற முயற்சி: விரட்டியடித்த கிராமமக்கள்!

4 months 1 week ago
குழம்பிய.. குட்டையில், மீன் பிடிப்பது என்பது இதனைத்தான். இவர்களின் செயலை அடியோடு... தடுத்து, நிறுத்த வேண்டும். இல்லையேல்... இது எதிர்காலத்தில், பெரிய பிரச்சினை உருவாக வழி வகுக்கும்.

யாழ்.பல்கலைக் கழகத்தில் பொலித்தீனுக்கு தடை

4 months 1 week ago
நெகிழி பைகளை விட மாற்று பொருள்களை, இயற்கையாக மீள் சுழற்சிக்கு உள்ளாகும் பொருட்களை மலிவான விலையில் தரல் வேண்டும் அங்காடிகளில் சொந்த பைகளை, நெகிழி உட்பட, கொண்டுவருபவர்களுக்கு ஒரு பண சலுகை தரப்படல் வேண்டும் பாடசாலைகளில் நெகிழி பற்றிய அறிவை விழிப்புணர்வை வளர்க்க வேண்டும்

றிசாத் பதியுதீனுக்கு எதிராக மீண்டும் நம்பிக்கையில்லா பிரேரணை

4 months 1 week ago
றிசாத் பதியுதீன் ஓன்றில் அரசியலில் இருந்து ஒதுங்க வேண்டும், இல்லை பௌத்தத்திற்கு மாறி தன்னை ரிசத் பதினுகம ஆக மாற்ற வேண்டும் ... அதுவரைக்கும் சிங்கள பௌத்த இனவாதத்தில் ஒருபகுதி இவர் நிரபராதி என்று யார் கூறினாலும் விடுவதாய் இல்லை.

கோத்தபாய ஜனாதிபதி வேட்பாளராக அறிவிக்கப்படுவது உறுதி! 

4 months 1 week ago
கோத்தபாய ஜனாதிபதி வேட்பாளராக அறிவிக்கப்படுவது உறுதி! | பொதுஜனபெரமுனவின் ஜனாதிபதி வேட்பாளராக முன்னாள் பாதுகாப்பு செயலாளர் கோத்தபாய ராஜபக்ச நிறுத்தப்படுவது உறுதியாகிவிட்டது என சண்டே டைம்ஸ் தெரிவித்துள்ளது. ஆகஸ்ட் 11 ம் திகதி இடம்பெறவுள்ள கட்சியின் மாநாட்டில் முன்னாள் ஜனாதிபதி மகிந்த ராஜபக்ச கட்சியின் தலைமைப்பொறுப்பை உத்தியோகபூர்வமாக ஏற்றுக்கொள்வார் எனவும் அதன் பின்னர் அவர் அனேகமாக கட்சியின் ஜனாதிபதி வேட்பாளரை அறிவிப்பார் எனவும் சண்டே டைம்ஸ் தெரிவித்துள்ளது. சண்டே டைம்ஸ் மேலும் தெரிவித்துள்ளதாவது. இந்த சந்திப்பிற்கு முதல்நாள் பொதுஜனபெரமுனவின் கட்சி தலைவர்களிற்கு மகிந்த ராஜபக்ச தனது முடிவை தெரிவிப்பார். முன்னாள் பாதுகாப்பு செயலாளர் கோத்தபாய ராஜபக்ச கடந்த புதன் கிழமை சிங்கப்பூரிலிருந்து மருத்துவசிகிச்சையின் பின்னர் நாடு திரும்பினார். அவரை வரவேற்பதற்கான நிகழ்வுகள் எதுவும் இடம்பெறாமலிருப்பதை உறுதி செய்ய மகிந்த ராஜபக்ச விரும்பினார். இன்னமும் கோத்தபாய குறித்த அறிவிப்பு உத்தியோகபூர்வமாக வெளியாகததன் காரணமாகவே அவரது வருகைக்கு அதிக முக்கியத்துவம் வழங்கப்படவில்லை. கோத்தபாய ராஜபக்ச ஜனாதிபதி வேட்பாளராக அறிவிக்கப்படும் நிகழ்வினை பெருமளவில் முன்னெடுப்பதற்கான நடவடிக்கைகள் இடம்பெறுகின்றன. ஜனாதிபதி வேட்பாளராக அறிவிக்கப்பட்டதும் கோத்தபாய ராஜபக்சவை களனி விகாரைக்கு பேரணியாக அழைத்து செல்ல திட்டமிடப்பட்டுள்ளது. அதன் பின்னர் கோத்தபாய ராஜபக்சவை அனுராதபுரம் மகாபோதி விகாரைக்கு வாகனப்பேரணியாக அழைத்து செல்வதற்கான திட்டங்களும் காணப்படுகின்றன,அதன் பின்னர் அவர் கண்டிக்கும் செல்வார் என சண்டே டைம்ஸ் தெரிவித்துள்ளது. www.elukathir.lk http://www.elukathir.lk/NewsMain.php?san=27082

அதிபர் தேர்தலில் போலி வேட்பாளர்களுக்குத் தடை

4 months 1 week ago
தடை எனக்கூறி என்ன தண்டனை என தெரிவிக்கவில்லை 😞 மேற்குநாடுகளில் போலி செய்திகள் மற்றும் போலி நபர்கள் ( சமூக வலைத்தளங்களில்) தான் தேர்தலில் போக்கை மாற்ற முயலும் சக்திகள். இங்கே, வேட்பாளர்களே போலிகள் ( இதை டரம்ப் அறிந்தால் இலங்கையை பாராட்டுவார் 🙂 )

டி-ஷர்ட்டுக்குள்ளேயே ஒரு மினி ஏ.சி... சோனி நிறுவனத்தின் புது கேட்ஜெட்!

4 months 1 week ago
அடிக்கிற வெயிலுக்கு சிவாஜி பட‌த்‌துல வர்றமாதிரி ஒரு A/C டிரஸ் இருந்தா நல்லாயிருக்கும் என்று நம் அனைவரையும் முனுமுனுக்க வைத்தது தமிழகத்தின் வெப்பம். அது சூரிய பகவானுக்கு கேட்டுச்சோ இல்லையோ சோனி நிறுவனத்துக்கு கேட்டுருச்சு போல ``அடிச்சான் பாரு அப்பாயின்ட்மென்ட் ஆடரு" என்று சோனி நிறுவனம் தற்போது ஒரு குளிர்சாதன உடையை அறிமுகப்படுத்தியுள்ளது. `ரீயான் பாக்கெட்' என்று பெயரிடப்பட்டுள்ள இந்த சாதனத்தை உடையில் இருக்கும் சிறிய பாக்கெட்டில் பொருத்திக் கொள்ளலாம். இத‌ற்கான பிரத்யேக உடை S,M,L என்று மூன்று அளவுகளில் கிடைக்கின்றன. 13 டிகிரி செல்சியஸ் வரை குளிர்ச்சியையும் 8 டிகிரி செல்சியஸ் வரை வெப்பத்தையும் தரும் இதை Bluetooth மூலம் மொபைலிருந்து கட்டுப்படுத்தலாம். ரீசார்ஜபிள் பேட்டரியுடன் வரும் இந்த சாதனத்தை இரண்டு மணி நேரம் சார்ஜ் செய்தால் ஒன்றரை மணி நேரம் வரை பயன்படுத்த முடியும். 85 கிராம் எடையுள்ள இந்த சாதனம் இரண்டு வேரியென்ட்களில் வருகிறது. ரீயான் பாக்கெட் ஸ்டாண்டர்ட்டின் விலை சுமார் 9,000 ரூபாய் வரும். மற்றொரு வேரியென்ட்டான ரீயான் பாக்கெட் லைட் விலை சுமார் 12,000 ரூபாய் வரும். இந்த பாக்கெட் ஏசி 2020-ம் ஆண்டு முதல் விற்பனைக்கு வரும் என்று எதிர்பார்க்கப்படுகிறது. https://www.vikatan.com/technology/gadgets/sony-launches-new-pocket-size-ac-called-reon

நெத்தலி கருவாடு பிரட்டல்.

4 months 1 week ago
சிறி அதற்காக சொல்லவில்லை.எனக்கும் கோதுமைமாவில் செய்த புட்டு பொரித்த சம்பல் இப்படி பல புடிக்கும். ஆனாலும் சிலர் கோதுமைமாவில் எதுவுமே இல்லையென்று பாவிக்கிறதே இல்லை.

5ஜி போர்

4 months 1 week ago
5ஜி போர் – 2 அனைத்துலக உறவில் தகவல் தொழில்நுட்பம் இந்த வருடம் பெரும் தாக்கத்தை விளைவித்து இருக்கிறது. தொடர்ச்சியான தொழில் நுட்ப வளர்ச்சி வல்லரசு நாடுகள் மத்தியிலான தொழில்நுட்ப உற்பத்தி பொருட்களின் வியாபார போட்டியில் வந்து நிற்கிறது. கடந்த காலங்களில் நான்கு தலைமுறைகளை கண்டுவிட்ட தொலைத்தொடர்பு தொழில்நுட்ப வலையமைப்பில், தற்போது ஐந்தாவது தலைமுறை அதிவேக-தடைகளற்ற தகவல் பரிமாற்ற வசதிகள் அமெரிக்க சீன புவிசார் அரசியலில் புதியதொரு பரிமாணத்தை தொட்டுள்ளது. கடந்த வருட இறுதி வரையிலும் குவாயி (Huawei ) என்ற நவீன புத்திசாலித்தனமாக இயங்கக் கூடிய கைதொலைபேசிகளை( smart phone) தயாரிக்கும் நிறுவனம், மிகவிரைவாக உலகின் பல்வேறு நாடுகளிலும் உள்ள கைத்தொலைபேசி விற்பனையாளர்களின் வியாபார நிறுவனங்களை அலங்கரிக்க தொடங்கியது. இதன் வளர்ச்சியும் செல்வாக்கும் அந்த கைதொலைபேசியின் விலை, அதன் விசேட வசதிகளுக்கான உட்புகுத்தல்கள், விவரங்கள் ஆகியனவற்றின் சிறப்பால் அதன் விற்பனை மிக விரைவாக அதிகரித்தது. கைத்தொலைபேசிகள் மட்டுமல்லாது குவாயி நிறுவனம் அனைத்துலக நாடுகளின் உள்ளக தொலைத்தொடர்பு வலை கட்டமைப்பை உருவாக்கக் கூடிய மென் பொருள், திண்பொருள் உபகரணங்களையும் தயாரித்து வழங்கல் வியாபாரத்தில் பெருவளர்ச்சி கண்டு வருகிறது. இதனால் அண்மைய மாதங்களில் குவாயி உலகின் தொழில் நுட்ப அரக்கனாக மேலை நாடுகளால் சித்தரிக்கப்பட்டது. மேலைத்தேய நாடுகளில் ஏற்கனவே சந்தையில் உள்ள கைத்தொலைபேசிகளை மாத்திரம் அல்லாது தனது அதிவேக வளர்ச்சியால் நாடுகளின் தொலைதொடர்பு வலை அமைப்புகளையே முட்டி மோதி தள்ளும் அளவுக்கு வளர்ந்து நிற்கிறது. குவாயி அனைத்துலக தொலைத்தொடர்பு வர்த்தகத்தில் மிகவும் பிரயாசை கொண்ட நிறுவனமாக மட்டுமல்லாது, போட்டிக்கு நிற்க கூடிய மேலைத்தேய நிறுவனங்களான அப்பிள், சாம்சங் , எச்பி, ஐபிஎம் ,சிஸ்கோ இன்னும் பல நிறுவனங்களையும் தின்று விடும் திமிங்கலமாக பரிணமித்து வருகிறது. இந்த சவால்களை எதிர் கொள்ளும் நிலைக்கு தள்ளப்பட்டுள்ள மேலைத்தேய அனைத்துலக வல்லரசான அமெரிக்காவும் ஐரோப்பிய நாடுகளும் கடந்த ஆறு மாத காலமாக சீன நிறுவன வளர்ச்சியின் போக்கை தடை செய்வதற்கு வரிந்து கட்டிகொண்டு நிற்கின்றன. இந்த நிலையில் தொலைதொடர்பு பரிணாம வளர்ச்சியில் ஐந்தாவது தலைமுறை கட்டமைப்பை உருவாக்கும் போர்க்களம் ஒன்று தோன்றி உள்ளது. உலக நாடுகள் பலவும் தொலைத்தொடர்பின் ஐந்தாவது தலைமுறையை உலக வளர்ச்சியின் பால் கரிசனை கொண்டு ,தமது அரசியல் ஆட்சிக்குள் உட்பட்ட பிரதேசங்களில் அமைத்து கொள்வதில் முனைப்பு காட்டி வருகின்றன. பல்வேறு தொலைத்தொடர்பு வலையமைப்பு உபகரண உற்பத்தி நிறுவனங்களும் இந்த வளர்ச்சியை தமது வியாபாரமாக ஆக்கி கொள்வதில் முனைப்ப காட்டி வருகின்றன . இந்த வளர்ச்சியின் முன்பிருந்தே பல்வேறு இலத்திரனியல் உபகரணங்களின் உதிரிப்பாகங்கள் ஒப்பீட்டு பொருளாதார இலாப அடிப்படையில் சீனா, தாய்வான், தென் கொரியா பிலிப்பைன்ஸ் வியட்னாம் போன்ற நாடுகளிலேயே உற்பத்தியாவது வழக்கம் ஆனால், அனைத்து கீழைத்தேய நாடுகளையும் விட, சீனாவின் பல்வேறு மாகாணங்களிலேயே மிக அதிகமான உதிரிப்பாகங்கள் தயாரிக்கப்படுகின்றன! அதிகமாக சீனாவில் தயாரிக்கப்படுவதில், எந்த வித பிரச்சனையும் இல்லை. ஆனால், தயாரிக்கப்படும் பல மென் பொருட்களும் திண்பொருட்களும் அனுமதி பெற்றுக்கொள்ளாது இரகசியமாக மறுபிரதி எடுக்கப்பட்டு சில மாற்றங்களுடன் சீன பொருட்களாக குறைந்த விலையில் வெளிவருவது மேற்கு நாட்டு இலத்தரனியல் நிறுவனங்கள் பலவற்றினதும் முறைப்பாடாக இருந்து வந்தது. இரகசிய மறுபிரதி வியாபாரத்தினால் பாதிக்கப்பட்ட மேலைத்தேய அசல் பொருட்களுக்கான நிறுவனங்கள் தமது பாதுகாப்பு முறைகளை சீனாவில் உள்ள இலத்திரனியல் உபகரண தயாரிப்பு வேலைத்தளங்களில் அமைத்து கொண்டன. இதன் மூலம் மேலைத்தேய தொழில் நுட்ப திறன்களும் வடிவமைப்புகளும் சீன நிறுவனங்களுக்கு செல்வதை தடுக்க முனைந்தன. கடந்த வருடம் அக்டோபர் மாதம் பெல்ஜியம் நாட்டில் உள்ள General Electric என்ற நிறுவனத்திலும் அமெரிக்க விமான தயாரிப்பு நிறுவனத்திலும் , சீன பாதுகாப்பு அமைச்சுக்கு வேலை செய்ய கூடிய ஒற்றர் ஒருவர் தொழில் நுட்ப இரகசியங்களை திருட முயன்றார் என்ற பெயரில் அமெரிக்க உளவு நிறுவனத்தால் கைது செய்யப்பட்டார். இதனை தொடர்ந்து நாடுகள் கடந்தும் மேலைத்தேய தொழில்நுட்பத்தை சீன நிறுவனங்களுக்காக பலர் திருட முனைவது வெளி வந்தது. அமெரிக்க அதிபர் டொனால்ட் ரம்ப் உட்பட பல அமெரிக்க மேலைத்தேய மக்கள் தொடர்பு நிறுவனங்களும் பலத்த குற்றச்சாட்டை சீனா மீது வைத்தன. இப்பொழுது 5 ஜி என்று அழைக்கக் கூடிய ஐந்தாம் தலைமுறை தொலைதொடர்பு வலையமைப்பு சார்ந்த சிக்கல்கள் சீன நிறுவனமான குவாயி மீது எழுந்துள்ளது. இந்த நிறுவனத்தின் அதீத வளர்ச்சி உதவியுடன் உலகின் 170 நாடுகள் தமது உள்ளக தொலைதொடர்பு கட்டமைப்புகளை உருவாக்கி உள்ளன. 200 மில்லியன் புத்திசாலித்தனமாக இயங்கக் கூடிய கைதொலைபேசிகளை குவாயி ஏற்றுமதி செய்துள்ளது, சுமார் 1500 தொலைதொடர்பு வலை அமைப்புகளை உலகம் பூராகவும் நிறுவியதன் மூலம் உலகில் மூன்றில் ஒரு பங்கு சனதொகையை குவாயி தகவல் தொழில் நுட்பம் சென்றடைந்துள்ளது. இந்த நிலை நாட்டில் ஆபத்துகளை உருவாக்கக்கூடிய முக்கிய மான உட்கட்டமைப்பு தரவுகள் தொலைத்தொடர்பு வலையமைப்புகள், மக்களின் சுகாதார பாதுகாப்பு குறித்த தரவுகள், போக்குவரத்து கட்டமைப்பு குறித்த இரகசியங்கள், நிதிச்சேவை களின் எதிர்காலத்திற்கான திட்டமிடல்கள் எல்லாவற்றுக்கும் மேலாக பாதுகாப்பு விவகார தகவல்கள் என அனைத்து விவகாரங்களையும் சீன உளவு அதிகாரிகள் தமக்கு வேண்டிய நேரத்தில் வேண்டிய வகையில் மிக விரைவாக மாற்றவோ தரவிறக்கம் செய்யவோ இயலுமான ஒரு நிலை உருவாக்கப்படுவதாக அமெரிக்க தொழில் நுட்ப உளவு அதிகாரிகளின் பார்வையில் உள்ளது. குவாயி ஒரு சீன பதிவு நிறுவனமாகும். சீன அரசுடன் மிக இறுக்கமான தொடர்புகளை வைத்திருக்கிறது. இது மறுக்கமுடியாத அளவில் அதீத அபாய நிலைகளை பூகோள அரசியல் அளவிலும் உள்நாட்டு அளவிலும் அமெரிக்காவை தாக்கக் கூடிய சந்தர்ப்பங்கள் நிச்சயமாக இருப்பதாக அமெரிக்க பார்வை மேலும் தெரிவிக்கிறது. அது மாத்திரமல்லாது உலகில் சீன சார்பு நாடுகள் விளைவிக்கம் மனித உரிமை மீறல்கள் குறித்த விவகாரங்களை திரிபு படுத்துதல் அல்லது தடை செய்தல். போர்க்களங்களில் தகவல் பரிமாற்றங்களை இடையூறு செய்து தகவல் திரட்டுதல் என அதி அபாயமிக்க விவகாரங்களுடன், பூகோள ஆட்சித்தலைமையும் கூட, மேலை நாடுகள் தமது கைகளை விட்டு செல்வதை உணர்கின்றன. தனது பூகோள ஆளுமையை நிரூபிக்கும் முகமாக அமெரிக்கா ஈரானுடன் வர்த்தக தொடர்புகளை நிறுத்திக் கொள்ளுமாறு அறிவித்த பின்பும், சீன நிறுவனமான குவாயி ஈரானில் தொலைத்தொடர்பு சாதன வியாபாரத்தில் ஈடுபட்ட விவகாரம் குறித்தும் , ரீ மோபைல் எனப்படும் நிறுவன தொழில்நுட்ப இரகசியங்களை கையாடிய குற்றச்சாட்டின் பேரிலும், கனடாவில் இருந்த குவாயி தலைமை நிதி அலுவலர் மீது வழக்கு தாக்கல் செய்யப்பட்டுள்ளது . இந்த நிதி அலுவலர் குவாயி நிறுவன உரிமையாளரின் மகள் என்பது குறிப்பிடத்தக்கது. மேலும் குவாயி நிறுவனத்தையும் இதர சீன தொலைத்தொடர்பு நிறுவனங்களையும் அமெரிக்காவிலிருந்து தடை செய்யும் பணி மும்முரமாக இடம் பெற்று வருகிறது. அதேவேளை இதர உலக நாடுகளில் குவாயி நிறுவன தொலைதொடர்பு சாதனங்களையும் உதிரிப்பாகங்களையும் தடுப்பதோ அல்லது நான்கு வலை அமைப்புகளை வைத்திருக்கும் ஒரு நாடு, அதில் இரண்டு வலையமைப்பு மேலை நாட்டு நிறுவனங்களின் வலையமைப்பை கொண்டனவாக இருக்க வேண்டும் என்பது போன்ற புதிய நடைமுறைகளை அனைத்துலக அளவில் உருவாக்க அனைத்துலக அளவில் நடைமுறைப்படுத்த வேலைகள் இடம் பெற்ற வருகின்றன. ஐரோப்பிய நாடுகளோ ஐந்தாம் தலைமுறை வளர்ச்சியை ஆரம்பிப்பதில் அதிக ஆர்வம் கொண்டுள்ள போதிலும் அமெரிக்க நிர்வாகத்தினால் குவாயி பொருட்கள் தடை செய்யப்படுவதன் மூலம் பல்வேறு நடைமுறை சிக்கல்களை எதிர் கொண்டு உள்ளன. ஐரோப்பா தனது சொந்த நலன்களையே தொழில்நுட்ப வளர்ச்சியில் நோக்குகிறது. சீன அமெரிக்க மோதல்களில் பங்குபற்றுவதை விடுத்து பலதரப்பு நிறுவன கட்டமைப்புகள் மூலம் ஒரு நிறுவன ஆளுமையை குறைக்கும் நிலையை நோக்கி நகர்வதாக தெரிகிறது. எந்த நிறுவனங்களும் தாம் சேவை செய்யும் நாட்டின் ஆட்சி எல்லைக்குள் இருக்கும் சட்டதிட்டங்களை ஏற்று நடக்க வேண்டும் என்பது ஐரொப்பிய நாடுகளின் பார்வையாகும். ஐரோப்பிய சட்ட ஒழுங்கிற்கும் நம்பிக்கைக்கும் சவாலாக அமையும் நிறுவனங்கள் குறித்த விவகாரம், சீன அரசுடனான இராஜதந்திர உறவின் மூலம் வரையறை செய்து கொள்ளப்பட வேண்டும் என்பது ஐரோப்பிய நாடுகளின் பார்வையாகும். தகவல் தொழில் நுட்ப வளர்ச்சி வல்லரசுகளின் உறவில் எதிர்காலத்தை நிர்ணயிக்க கூடிய மிகப் பாரிய நிலையை எட்டிவருகிறது. இது குறித்த சட்ட திட்டங்களை வரையறை செய்ய முடியாத அளவு மிகவேகமான மாற்றங்களை கண்டு வருவது இதன் முதலாவது சவாலாகும். ஐந்தாவது தலைமுறை தொலைதொடர்பு தொழில் நுட்பம் சாதாரணமாக இன்று இடம்பெறும் தொடர்பாடல் நடைமுறைகளை மாற்றம் செய்ய உள்ளது அது மட்டுமல்லாது இன்று நாம் செய்யும் போக்குவரத்து முறைகள், சக்திவள பாவனை, விவசாயம், உற்பத்தி தொழில் சுகாதாரம், பாதுகாப்பு, ஆகிய பிரத்தியேக பிரிவுகள் குறிப்பிடத்தக்க அளவு மாற்றங்களை காண உள்ளது. அதிஉச்ச வேக – தாமதம் அற்ற ஒரு உலகம், எதிர்காலத்தை உருவாக்க இருப்பதாக இத்துறையில் ஆய்வு செய்யகூடியவர்களின் கட்டுரைகள் தெரிவிக்கின்றன. அனைத்துலக அரசியலில் தகவல் தொலைத்தொடர்பு வலையமைப்பு உருவாக்கி வரும் மிகப்பெரியதொரு தாக்கத்தை உள்வாங்கி கொள்ளும் வகையில் , ஆயிரக்கணக்கான தகவல் தொழில்நுட்ப அறிஞர்கள், மிக இளம்வயதிலான வலை மொழி எழுத்தாளர்கள், தமிழ் மக்கள் மத்தியில் உள்ளனர். அதி உச்ச வேக தொலைத்தொடர்பு தமிழ் தேசியத்தையும் அதன் போராட்ட வேகத்தையும் அதிகரிக்கக் கூடிய அதேவேளை, கணம் தவறாது ஒடுக்குமுறைகள் பறைசாற்றப் படும் போர்க்களம் நோக்கிய, புதிய அமைப்பு ரீதியான வழிமுறைகள் உருவாக்கப்பட வேண்டியதன் எதிர்கால தேவையையே இந்த 5ஜி கோரி நிற்கிறது. -லண்டனில் இருந்து லோகன் பரமசாமி http://www.puthinappalakai.net/2019/07/29/news/39237

உலக ஊழல் நாடுகள் பட்டியல்

4 months 1 week ago
இந்தியாவில் மத்தியில் எந்தக் கட்சி ஆட்சியில் இருந்தாலும், அதுபோல் பல மாநிலங்களில் எந்த மாநிலக் கட்சிகள் ஆட்சியில் இருந்தாலும், அந்த ஆட்சியாளர்களுக்கு எதிராக முக்கிய எதிர்க்கட்சிகள் தெரிவிக்கும் ஒரே குற்றச்சாட்டு ஊழல் என்பதுதான். அப்படிப்பட்ட ஊழல், இந்தியா மட்டுமல்லாது உலக நாடுகள் பலவற்றிலும் இருக்கக்கூடிய ஒன்றாகிவிட்டது. அந்த வகையில், 'டிரான்ஸ்பரன்சி இன்டர்நேஷனல்' என்ற அரசுசாரா அமைப்பு ஆண்டுதோறும் உலகம் முழுவதும் உள்ள 180 நாடுகளில் ஆய்வு மேற்கொண்டு ஊழல் நிறைந்த நாடுகளின் பட்டியலை வெளியிட்டு வருகிறது. அதன்படி, ஒரு நாட்டின் நிர்வாக வெளிப்படைத்தன்மை, அந்த நாட்டில் லஞ்சம், ஊழல் மற்றும் நடைபெறும் முறைகேடுகள் போன்றவற்றைக் காரணிகளாகக் கொண்டு ஆய்வுகள் நடத்தப்படுகின்றன. இந்த ஆய்வின் மதிப்பீடுகளை வைத்து ஊழல் அதிகம் உள்ள நாடுகளை அந்த அமைப்பு பட்டியலாக வெளியிடுகிறது. மேற்கொள்ளப்படும் ஆய்வின் அடிப்படையில் 100 மதிப்பெண்ணைப் பெறும் நாடு ஊழலற்ற நாடு என்றும், மதிப்பெண் எதுவும் பெறாமல் இருக்கும் நாடு ஊழல் அதிகமுள்ள நாடு என்றும் வரிசைப்படுத்தப்படுகின்றன. 2018-ம் ஆண்டில் நடத்தப்பட்ட ஆய்வுகளின் அடிப்படையில், உலக நாடுகளின் ஊழல்கள் தரவரிசைப் பட்டியலை இந்த நிறுவனம் வெளியிட்டிருந்தது. 88 மதிப்பெண்ணைப் பெற்று டென்மார்க் மிகவும் ஊழல் குறைந்த நாடு என்ற பெருமையுடன் முதலிடத்தைப் பிடித்துள்ளது. 87 மதிப்பெண்ணைப் பெற்றுள்ள நியூசிலாந்து இரண்டாவது இடத்தையும், தலா 85 மதிப்பெண்ணுடன் பின்லாந்து, சிங்கப்பூர், ஸ்வீடன் ஆகிய நாடுகள் மூன்றாம் இடத்தையும் பிடித்துள்ளன. கனடா ஒன்பதாவது இடத்திலும், அமெரிக்கா 22-வது இடத்திலும் உள்ளன. பாகிஸ்தான், இந்தப் பட்டியலில் 117-வது இடத்தைப் பிடித்துள்ளது. மற்றோர் அண்டை நாடான சீனா, இந்தியாவைவிடப் பின்தங்கி ஊழல் நிறைந்த நாடுகள் பட்டியலில் 87-வது இடத்திற்குத் தள்ளப்பட்டுள்ளது. வெறும் 10 மதிப்பெண்ணை மட்டுமே பெற்ற சோமாலியா, கடைசி இடத்தில் உள்ளது. அதன்படி, இந்தியாவைப் பொறுத்தவரை 2016-ம் ஆண்டில் 40 மதிப்பெண்ணைப் பெற்று 79-வது இடத்திலும், 2017-ல் அதே 40 மதிப்பெண்ணைப் பெற்றிருந்தபோதிலும், 81-வது இடத்தைப் பிடித்து, பின்தங்கியது. தற்போது 2018-ம் ஆண்டு 41 மதிப்பெண்ணுடன் ஊழல்கள் நிறைந்த நாடுகளின் பட்டியலில், இந்தியா 78-வது இடத்தைப் பெற்றுள்ளது. மொத்தம் ஆய்வுக்கு எடுத்துக்கொள்ளப்பட்ட 180 நாடுகளில், 20 நாடுகள் ஊழலுக்கு எதிராகத் தொடர்ந்து முன்னேறிக் கொண்டிருப்பதாகவும், அதே நேரத்தில் 16 நாடுகள் ஊழல்களில் தொடர்ந்து திளைத்துக்கொண்டிருப்பதாகவும் அந்த அமைப்பு தெரிவித்துள்ளது. எந்த ஒரு நாடும் முழு அளவிலான மதிப்பெண்ணைப் பெறாமல் இருக்கக் காரணம், அந்த நாட்டில் ஊழலும், முறைகேடுகளும் நடைபெறவில்லை என்றாலும் வெளிநாடுகளில் தொழில் செய்யும் அந்த நாட்டைச் சேர்ந்த நிறுவனங்கள் முறைகேடுகளில் ஈடுபடுவது தெரியவந்துள்ளது. அரசு எந்திரங்கள் அனைத்துமே ஊழலில் திளைத்திருப்பதாகத் தகவல்கள் தெரிவிக்கின்றன. 'டிரான்ஸ்பரன்சி இன்டர்நேஷனல் இந்தியா' என்ற நிறுவனம் இந்தியாவின் பல்வேறு மாநிலங்களில் நடத்திய ஆய்வின்படி, தமிழகத்தில் 50 சதவிகிதத்திற்கும் அதிகமான மக்கள் நேரடியாகவோ, மறைமுகமாகவோ லஞ்சம் அல்லது நன்கொடை கொடுத்தே தங்களின் வேலைகளை முடித்துள்ளனர் என்று தெரிய வந்துள்ளது. பத்திரப்பதிவு துறையில் 44 சதவிகிதம், காவல் துறையில் 17 சதவிகிதம், உள்ளாட்சி அமைப்புகளில் 15 சதவிகிதம் மற்றும் மின்வாரியம், போக்குவரத்து, வருவாய்த் துறை போன்ற துறைகளில் 25 சதவிகிதம் அளவுக்கு லஞ்சம் புழக்கத்தில் உள்ளது என அந்த ஆய்வு தெரிவிக்கிறது வெளிப்படையான அரசு நிர்வாகம் இருந்தால் மட்டுமே, ஊழலற்ற ஒரு நாட்டைக் கட்டமைக்க முடியும். அரசியல்வாதிகள், ஆட்சியாளர்கள் மற்றும் அரசு அதிகாரிகளால் மட்டுமே சாத்தியம் என்பதுடன் குடிமக்கள் அனைவருக்கும் அதுபோன்ற ஊழலற்ற சமுதாயத்தை உருவாக்குவதில் பெரும் பங்குண்டு என்பதை மறுப்பதற்கில்லை. https://www.vikatan.com/government-and-politics/corruption/do-you-know-where-india-is-in-the-list-of-world-corrupted-countries

ஐதேகவில் நான்கு அதிபர் வேட்பாளர்கள்

4 months 1 week ago
ஐதேகவில் நான்கு அதிபர் வேட்பாளர்கள் வரும் அதிபர் தேர்தலில் ஐதேகவின் சார்பில் போட்டியிடக் கூடிய வேட்பாளர்கள் என்று கருதப்படுவோரின் எண்ணிக்கை நான்காக அதிகரித்துள்ளது. ஐதேகவின் அதிபர் வேட்பாளராக போட்டியிடக் கூடும் என்று ரணில் விக்ரமசிங்க, கரு ஜயசூரிய, சஜித் பிரேமதாச ஆகியோர் எதிர்பார்க்கப்படுகின்றனர். இவர்களுக்கு சார்பான அணிகளும் ஐதேகவுக்குள் உருவாகியுள்ளது. இந்த நிலையில், நான்காவதாக, இன்னொருவரும் ஐதேகவின் வேட்பாளர் பட்டியலில் இருப்பதாக தகவல் வெளியிட்டுள்ளார் ஐதேக நாடாளுமன்ற உறுப்பினர் சந்திம கமகே. அமைச்சர் லக்ஸ்மன் கிரியெல்லவும் ஜனாதிபதி தேர்தலில் போட்டியிடக் கூடியவர்களின் பட்டியலில் இருப்பதாக அலரி மாளிகையில் நேற்று நடந்த செய்தியாளர் சந்திப்பில் அவர் தகவல் வெளியிட்டுள்ளார். ரணில் விக்ரமசிங்கவின் தகவல் அபிவிருத்தி பிரிவினால் ஏற்பாடு செய்யப்பட்ட இந்த செய்தியாளர் சந்திப்பில் கருத்து வெளியிட்ட அவர், “கட்சிக்குள் நான்கு தகுதியான வேட்பாளர்கள் உள்ளனர். எமது வேட்பாளர் யார் என்ற இறுதி முடிவு பொருத்தமான நேரத்தில் அறிவிக்கப்படும். பொதுஜன பெரமுன இன்னமும் தமது வேட்பாளரை அறிவிக்கவில்லை. எனவே ஐதேகவும் வேட்பாளரை அறிவிக்க அவசரப்படாது. பொதுஜன பெரமுனவினர் வேட்பாளரை அறிவித்ததும் நாமும் எமது வேட்பாளரை அறிவிப்போம். கோத்தாபய ராஜபக்சவை வேட்பாளராக அறிவித்தால், நாமும் பொருத்தமானவரை அறிவிப்போம். சிறிலங்கா சுதந்திரக் கட்சியைச் சேர்ந்த இரண்டு நாடாளுமன்ற உறுப்பினர்கள் விரைவில் ஐதேகவுடன் இணைந்து கொள்ளவுள்ளனர். அவர்களில் ஒருவர் அனுராதபுர மாவட்டத்தில் பலம் வாய்ந்தவர்” என்றும் தெரிவித்தார். http://www.puthinappalakai.net/2019/07/30/news/39245
Checked
Mon, 12/09/2019 - 05:08
கருத்துக்களம் - new topics
Subscribe to புதிய பதிவுகள் feed