புதிய பதிவுகள்

2வது இன்னிங்சிலும் ஸ்மித் அபார சதம் ஆஸ்திரேலியா வலுவான முன்னிலை: இங்கிலாந்துக்கு நெருக்கடி

4 months 1 week ago
251 ஓட்டத்தினால் ஆஸி. அபார வெற்றி! இங்கிலாந்து அணிக்கு எதிரான முதலாவது ஆஷஸ் சர்வதேச டெஸ்ட் போட்டியில் அவுஸ்திரேலிய அணி 251 ஓட்டத்தினால் அபார வெற்றிபெற்றுள்ளது. இங்கிலாந்துக்கு சுற்றுப் பயணம் மேற்கொண்டுள்ள டிம் பெய்ன் தலைமையிலான அவுஸ்திரேலிய அணி ஜோ ரூட் தலைமையிலான இங்கிலாந்து அணியுடன் ஐந்து போட்டிகள் கொண்ட ஆஷஸ் டெஸ்ட் தொடரில் விளையாடி வருகிறது. இதில் கடந்த முதலாம் திகதி பேர்மிங்கமில் ஆரம்பமான முதலாவது போட்டியில் முதல் இன்னிங்சில் முறையே அவுஸ்திரேலிய அணி 284 ஓட்டங்களையும், இங்கிலாந்து அணி 374 ஓட்டங்களையும் எடுத்திருந்தன. 90 ஓட்டம் என்ற பின்தங்கிய நிலையில் 2 ஆவது இன்னிங்ஸை ஆரம்பித்த அவுஸ்திரேலிய 7 விக்கெட்டுக்களை இழந்து 487 ஓட்டங்களை பெற்றவேளை ஆட்டத்தை நிறுத்திக் கொண்டது. இதன் பின்னர் இங்கிலாந்து அணியின் வெற்றிக்கு 398 ஓட்டம் நிர்ணயிக்கப்பட்டது. நேற்றைய நான்காம் நாள் முடிவின்போது விக்கெட் இழப்பின்றி 13 ஓட்டங்களை பெற்ற இங்கிலாந்து அணியின் போட்டியின் இறுதி நாளான இன்று அவுஸ்திரேலிய அணியின் பந்து வீச்சுக்களில் திக்குமுக்காடி அனைத்து விக்கெட்டுக்களையும் பறிகொடுத்து 146 ஓட்டத்துக்குள் சுருண்டது. இதனால் அவுஸ்திரேலிய அணி 251 ஓட்டத்தினால் அபார வெற்றிபெற்று தொடரில் 1:0 என்ற கணக்கில் முன்னிலையில் உள்ளது. இங்கிலாந்து அணி சார்பில் ரோரி பேர்ன்ஸ் 11 ஓட்டத்துடனும், ஜோசன் ரோய் மற்றும் ஜோ ரூட் ஆகியோர் தலா 28 ஓட்டங்களுடனும், ஜோய் டென்லி 11 ஓட்டத்துடனும், பட்லர் ஒரு ஓட்டத்துடனும், பென் ஸ்டோக்ஸ், ஜோனி பெயர்ஸ்டோ ஆகியோர் தலா 6 ஓட்டங்களுடனும், மொயின் அலி 4 ஓட்டத்துடனும், கிறிஸ் வோக்ஸ் 37 ஓட்டத்துடனும், ஸ்டீவர்ட் பிரோட் டக்கவுட்டுடனும் ஆட்டமிழந்ததுடன், ஜேம்ஸ் அண்டர்சன் 4 ஓட்டத்துடன் ஆட்டமிழக்காதிருந்தார். பந்து வீச்சில் அவுஸ்திரேலிய அணி சார்பில் நெதன் லியோன் 6 விக்கெட்டுக்களையும், பேட் கம்மின்ஸ் 4 விக்கெட்டுக்களையும் வீழ்த்தினர். 1. இந்த வெற்றியின் மூலம் அவுஸ்திரேலிய அணி பேர்மிங்கம், எம்பஸ்டன் மைதானத்தில் கூடுதல் ஓட்டங்களினால் வெற்றிபெற்ற இரண்டாவது அணியாக அவுஸ்திரேலியா பதிவாகியுள்ளது. 2. உள்ளூர் மைதானமொன்றில் முதல் இன்னிங்ஸில் 90 அல்லது அதற்கும் மேற்பட்ட ஓட்டங்களினால் முன்னிலை பெற்று இங்கிலாந்து அணி தோல்வியடைந்த நான்காவது சந்தர்ப்பம் இதுவாகும். 3 இங்கிலாந்து அணியுடன் முதல் இன்னிங்ஸில் பின் தங்கிய நிலையில் அவுஸ்திரேலிய அணி வெற்றி பெற்ற ஐந்தாவது சந்தர்ப்பம் இதுவாகும். 4. முதல் இன்னிங்ஸில் 90 அல்லது அதற்கும் மேற்பட்ட ஓட்டங்களினால் பின்னிலையடைந்து மிகப்பெரிய ஓட்ட வித்தியாசத்தில் வெற்றிபெற்ற முதல் அணியாக அவுஸ்திரேலியா உள்ளது. 1. Biggest wins by runs in Edgbaston: 256 Eng vs WI 2004 251 Aus vs Eng 2019 * 217 Eng vs WI 1963 205 Eng vs NZ 1958 141 Eng vs Pak 2016 2. England losing a home Test after a 1st innings lead of 90 or more: 177 v Aus Manchester 1961 90 v WI Trent Bridge 1966 108 v SL Leeds 2014 90 v Aus Edgbaston 2019 3. Australia winning in England after conceding a 1st innings lead The Oval, 1882 (Lead 38) Leeds, 1948 (38) Manchester, 1961 (177) Trent Bridge, 1981 (6) Edgbaston, 2019 (90) * 4. Biggest wins after conceding a 1st innings lead of 90+ 251 Aus v Eng Edgbaston 2019 (Lead: 90) * 233 SA v Aus Jo'burg 1966/67 (126) 197 Aus v SL Galle 2003/04 (161) 193 NZ v SL Wellington 2014/15 (135) https://www.virakesari.lk/article/62019

தமிழகத்தை உலுக்கிய பொள்ளாச்சி பாலியல் வழக்கின் இன்றைய நிலையென்ன?

4 months 1 week ago
வழக்கமாகக் குற்றவாளிகள் யார், என்னென்ன குற்றம்செய்தார்கள் என்பது ஒரு வழக்கில் தெளிவாகத் தெரிந்துவிடும். தண்டனை என்ன என்பதற்குத்தான் காத்திருக்க வேண்டியிருக்கும். ஆனால், இந்த வழக்கில் குற்றவாளிகள் யார் யார், கூட்டாளிகள் யார் யார் என்பதே இன்னும் தெளிவாகத் தெரியவில்லை. கடந்த பிப்ரவரி மாதம் 24-ம் தேதி, பொள்ளாச்சி கிழக்கு காவல் நிலையத்தில் ஒரு கல்லூரி மாணவி அளித்த அந்தப் புகார் தமிழகத்தையே அதிரவைக்கும் என்று யாருமே எதிர்பார்த்திருக்க மாட்டார்கள். "பிப்ரவரி 12-ம் தேதி, ஃபேஸ்புக் மூலம் என் நண்பரான ரிஷ்வந்த் என்ற சபரிராஜன், `அவுட்டிங் போகலாம்’ என்று சொல்லி என்னைக் காரில் அழைத்துச் சென்றான். திருநாவுக்கரசு என்பவன் காரை ஓட்டினான். பின் சீட்டில் நானும், சபரிராஜனும் அமர்ந்திருந்தோம். நடுவழியில் வசந்தகுமார், சதீஷ் ஆகிய இருவரும் காருக்குள் ஏறினார்கள். சில நிமிடங்களிலேயே என்னைப் பாலியல்ரீதியாகத் துன்புறுத்தி அதை ஒரு செல்போனில் வீடியோ எடுத்தார்கள். பின்பு நான் அணிந்திருந்த தங்கச் சங்கிலியைப் பறித்துக்கொண்டு, `நாங்கள் விரும்பும்போதெல்லாம் நீ வர வேண்டும். நாங்கள் சொல்கிறபடியெல்லாம் நடந்துகொள்ள வேண்டும்; கேட்கும் போதெல்லாம் பணம் தர வேண்டும்; இல்லையெனில், இந்த வீடியோவை இன்டர்நெட்டில் வெளியிடுவோம்' என்று மிரட்டினார்கள். வீட்டுக்குத் தெரிந்தால் பிரச்னையாகிவிடும் என்பதால் நான் யாரிடமும் இதுபற்றிச் சொல்லவில்லை. ஆனால் அவர்கள், தொடர்ந்து மிரட்டினார்கள். வேறுவழியின்றி, என் அண்ணனிடம் விஷயத்தைச் சொன்னேன். இதையடுத்து சபரிராஜனையும், திருநாவுக்கரசையும் பிடித்து என் அண்ணன் விசாரித்தார். வீடியோவை டெலிட் செய்வதற்காக அவர்களது செல்போனைப் பிடுங்கிப் பார்த்துள்ளார். அதில், இன்னும் சில பெண்களையும் இவர்கள் இப்படி செய்ததற்கான வீடியோ ஆதாரங்கள் இருந்திருக்கின்றன. இவர்களை வெளியேவிட்டால் இன்னும் ஏராளமான பெண்கள் பாதிக்கப்படுவார்கள்” என்று முடிந்தது அந்தப் புகார். உடனடியாக சபரிராஜன், சதீஷ், வசந்தகுமார் ஆகிய மூவரையும் கைதுசெய்தது பொள்ளாச்சி போலீஸ். முக்கியக் குற்றவாளியாகக் கருதப்பட்ட திருநாவுக்கரசு தலைமறைவானார். அடுத்த சில நாள்களில் இந்தத் தகவல் ஊடகங்களில் வெளியாகி விஷயம் பூதாகரமானது. அரசியல் புள்ளிகள் தலையீடு பிப்ரவரி 26-ம் தேதி, அதே பொள்ளாச்சி கிழக்குக் காவல் நிலையத்தில் பாதிக்கப்பட்ட பெண்ணின் அண்ணன் ஒரு புகார் கொடுத்தார். அந்தப் புகாரில், "செந்தில் (33), ஆச்சிப்பட்டி வசந்தகுமார் (26), மணிவண்ணன் (25), `பார்' நாகராஜ் (28), பாபு (26) ஆகிய ஐந்துபேர், என் தங்கை கொடுத்திருக்கும் புகாரை வாபஸ் வாங்கச் சொல்லி என்னைத் தாக்கினார்கள்” என்று கூறப்பட்டிருந்தது. அதன்பிறகுதான் இந்த விவகாரத்துக்குள் அரசியல் பின்புலம் இருப்பது வெளிச்சத்துக்கு வந்தது. ஆம்! அடிதடி வழக்கில் குற்றம்சாட்டப்பட்ட `பார்' நாகராஜ் என்பவர் அ.தி.மு.க-வைச் சேர்ந்தவர். இந்த வழக்கில் மணிவண்ணனைத் தவிர, (அவர் தலைமறைவாக இருந்தார்) கைதுசெய்யப்பட்ட நால்வரும் உடனடியாக ஜாமீனில் வெளிவந்ததும்தான் இதன் பின்னணியில் அரசியல் புள்ளிகள் இருக்கிறார்கள் என்பதை வெளிக்காட்டியது. `பார்' நாகராஜ் ஆதரவில்தான் இத்தனையும் நடந்திருக்கிறது என்றும், பார் நாகராஜுக்குப் பின்னால் துணை சபாநாயகர் பொள்ளாச்சி ஜெயராமனின் மகன் இருக்கிறார் என்றும் தகவல் உலவ ஆரம்பித்தது. அதற்கேற்றாற்போல் பொள்ளாச்சி ஜெயராமனின் மகனோடு திருநாவுக்கரசு அண்டு கோ இருக்கும் புகைப்படங்கள் சமூக வலைதளங்களில் வெளியாக, விஷயம் பற்றி எரிந்தது. அது தேர்தல் நேரம் என்பதால், இந்த விவகாரத்தைக் கையில் எடுத்த பொள்ளாச்சி தி.மு.க-வினர், 'தலைமறைவாக இருக்கும் திருநாவுக்கரசை கைதுசெய்ய வேண்டும்' என்று ஆர்ப்பாட்டம் நடத்தினர். தலைமறைவாக இருந்த திருநாவுக்கரசு, மார்ச் 4-ம் தேதி மாக்கினாம்பட்டியில் கைதுசெய்யப்பட்டார். அதற்கு முதல்நாள், `நாளை நான் சரணடைந்துவிடுவேன். என்மீது எந்தத் தவறும் கிடையாது. எந்தப் பெண்ணையும் நான் மிரட்டவில்லை. எல்லாப் பெண்களும் எனக்கு ஆதரவாகத்தான் இருக்கிறார்கள். இதில் அரசியல் இருக்கிறது. பலபேர் சம்பந்தப்பட்டிருக்கிறார்கள். என் உயிரே போனாலும் பரவாயில்லை... நான் எல்லா உண்மைகளையும் சொல்வேன்... எதிர்க்கட்சித் தலைவர் மு.க.ஸ்டாலின் எனக்கு சப்போர்ட் பண்ணணும்’ என்று வாட்ஸ்-அப்பில் ஆடியோ வெளியிட்டிருந்தார். இந்த விவகாரத்தின் பின்னணியில் இருக்கும் விபரீதங்களை அந்த ஆடியோ வெளிச்சத்துக்குக் கொண்டுவந்தது. இன்னொரு பக்கம், தங்கள்மீது வீண் பழி சுமத்தப்படுவதாகக் கொந்தளித்த அ.தி.மு.க-வினர், "தி.மு.க மாவட்டச் செயலாளர் `தென்றல்' செல்வராஜின் மகனான மணிமாறனோடுதான் திருநாவுக்கரசு அண்டு கோவுக்குத் தொடர்பிருக்கிறது" என்று புகார் சொல்லி திருநாவுக்கரசு உள்ளிட்டவர்கள் மணிமாறனோடு இருக்கும் புகைப்படங்களை இணையத்தில் உலவவிட்டார்கள். இந்த விவகாரத்தில் மாறிமாறி வெளிவந்த புகைப்பட பூதங்களைக் கண்டு தமிழகமே மிரண்டுபோனது. பார் நாகராஜ் சொன்ன பகீர் ஸ்டேட்மென்ட்! மக்கள் கொந்தளிப்பு அதிகரித்ததை அடுத்து, இந்த வழக்கைக் கடந்த மார்ச் 12-ம் தேதி, சி.பி.சி.ஐ.டி-க்கு மாற்றியது அரசு. ஆனாலும், `சி.பி.ஐ விசாரணை வேண்டும்' என்ற கோஷம் ஓங்கி ஒலிக்க ஆரம்பித்திருந்தது. வேறுவழியின்றி மறுநாளே சி.பி.ஐ விசாரணையைக் கோரியது தமிழக அரசு. அதுதொடர்பாக வெளியிடப்பட்ட அரசாணையிலும் வெடித்தது சர்ச்சை. அதில், பாதிக்கப்பட்ட பெண்ணின் பெயர் வெளியிடப்பட்டதால் வெகுண்டெழுந்தார்கள் சமூக ஆர்வலர்கள். பாதிக்கப்பட்ட வேறு பெண்கள் யாரும் புகார் கொடுக்க வரக் கூடாது என்பதற்காக இப்படிச் செய்கிறார்கள் என்று சர்ச்சை கிளம்பியது. அப்போது கோவை எஸ்.பி-யாக இருந்த பாண்டியராஜன்தான் இதற்குக் காரணம் என்றும், அவர் ஆளும்கட்சிக்கு ஆதரவாக நடந்துகொள்கிறார்கள் என்றும் எதிர்க்கட்சியினர் காய்ச்சி எடுத்தனர். இந்தப் பரபரப்பான சூழலில், இந்த வழக்கை சி.பி.ஐ விசாரணைக்கு எடுத்துக்கொள்ளுமா, எப்போது விசாரணையைத் தொடங்கும் என்று எல்லோரும் எதிர்கார்த்துக் காத்திருக்க, "சி.பி.ஐ வரும்வரை நாங்கள் விசாரணை நடத்துவோம்" என்று சி.பி.சி.ஐ.டி. எஸ்.பி நிஷா பார்த்திபன் தலைமையிலான டீம் மும்முரமாக செயல்படத் தொடங்கியது. சி.பி.சி.ஐ.டி வேகம் காட்டத் தொடங்கியதும், அடிதடி வழக்கில் ஜாமீனில் வெளிவந்திருந்த `பார்' நாகராஜ், "எனக்கும் இதற்கும் எந்தச் சம்பந்தமும் கிடையாது. என் மீது தவறாகக் குற்றம்சாட்டுகிறார்கள். தன் மகனைக் கடத்திவைத்திருப்பதாக திருநாவுக்கரசின் அம்மா சொன்னதால்தான் அந்தப் பெண்ணுடைய அண்ணனை அடிக்கப்போனேன். இப்படியான விஷயம் என்று தெரிந்திருந்தால் நான் போயிருக்கவே மாட்டேன். சென்ற ஆண்டுகூட இதேபோல என் நண்பன் ஒருவனின் தங்கையை சபரிராஜன் ஆபாச வீடியோ எடுத்து மிரட்டியுள்ளான். விஷயம் என்னிடம் வந்தது. நான் போலீஸில் புகார் கொடுக்கலாம் என்று சொன்னேன். ஆனால், என் நண்பன்தான் `தங்கையின் வாழ்க்கை பாழாகிவிடும்’ என்று சொல்லி மறுத்துட்டான். அதன் பின்பு, நான்தான் சபரிராஜனைக் கூப்பிட்டு மிரட்டி, அந்த வீடியோவை டெலிட் செய்யவைத்தேன். அப்படி இருக்கும்போது நான் எப்படி அவர்களோடு கூட்டுச்சேர்ந்து இப்படிச்செய்வேன்" என்று கூறியிருந்தார். `தனக்கும் இதற்கும் சம்பந்தமில்லை' என்பதற்காக 'பார்' நாகராஜன் இதைச் சொல்லப்போக, சபரிராஜனின் மீது சொல்லப்பட்ட குற்றச்சாட்டுக்கு வலுச்சேர்க்கும் விதமாக அது அமைந்தது. "நான் பொள்ளாச்சியிலேயே இல்லை..." திருநாவுக்கரசு கொடுத்த ஷாக்...! இதையடுத்து, திருநாவுக்கரசை கஸ்டடியில் எடுத்து விசாரித்தது சி.பி.சி.ஐ.டி. விசாரணையில், திருநாவுக்கரசு ஒரு புதுக்குண்டைப் போட்டார். "சம்பவம் நடந்ததாகப் புகார் கொடுக்கப்பட்டுள்ள பிப்ரவரி 12-ம் தேதி, நான் பொள்ளாச்சியிலேயே இல்லை. காங்கிரஸின் மாநிலச் செயல்தலைவராக நியமிக்கப்பட்ட மயூரா ஜெயக்குமாருக்கு வாழ்த்துச் சொல்வதற்காக என் அப்பா மற்றும் சக நிர்வாகிகளோடு கோயம்புத்தூருக்குச் சென்றுவிட்டேன்" என்று சொல்ல, மயூரா ஜெயக்குமாருக்கு சம்மன் அனுப்பி விசாரித்தது சி.பி.சி.ஐ.டி. அதுதொடர்பாகப் பேசிய மயூரா ஜெயக்குமார், "திருநாவுக்கரசையோ அவரின் தந்தை கனகராஜையோ எனக்கு நேரடியாகத் தெரியாது. சி.பி.சி.ஐ.டி சம்மன் அனுப்பிய பிறகுதான் 12-ம் தேதி, திருநாவுக்கரசும் அவரின் தந்தை கனகராஜும் என்னைச் சந்திக்க வந்துள்ளார்கள் என்ற தகவல் தெரிந்தது. மாநிலச் செயல்தலைவராக நான் நியமிக்கப்பட்டதற்காக எனக்கு வாழ்த்துச் சொல்ல அன்றைய தினம் நூற்றுக்கணக்கானோர் வந்திருந்தார்கள். அதில் திருநாவுக்கரசு இருந்தாரா என்பதை என்னால் உறுதிப்படுத்த முடியவில்லை. ஏனென்றால், அவரை அதற்குமுன் நான் பார்த்ததில்லை. பொள்ளாச்சியிலிருந்து கட்சி அபிமானிகளை அழைத்து வந்திருந்த காங்கிரஸ் பிரமுகர் ராஜசேகரை அழைத்து விசாரித்தேன். அவர்தான், `திருநாவுக்கரசுவும் அவரின் தந்தை கனகராஜும் அன்றைய தினம் வந்திருந்தார்கள்’ என்று சொன்னார். அவர் சொன்னதை அப்படியே நான் சி.பி.சி.ஐ.டி-யிடம் சொல்லியிருக்கிறேன்" என்றார். `இது வழக்கின் அஸ்திவாரத்தையே அசைக்கிறதே' என்று பேசப்பட்டது. ஆனால், இந்த விவகாரத்தில் அரசியல் தொடர்பிருப்பதாக திருநாவுக்கரசு வெளியிட்ட ஆடியோ தொடர்பான தகவல் எதுவும் வெளிவரவில்லை. அடிதடி வழக்கில் சரண்டரான மணிவண்ணன் பாலியல் வழக்கில் அப்ரூவர் ஆனாரா? திருநாவுக்கரசு, சபரிராஜன், சதீஷ், வசந்தகுமார் ஆகிய நான்கு பேர் மட்டுமே பாலியல் வழக்கில் கைதுசெய்யப்பட்டு குண்டர் சட்டத்தில் அடைக்கப்பட்டிருந்த நிலையில், அடிதடி வழக்கில் தேடப்பட்டு வந்த மணி என்கிற மணிவண்ணன் கோவை தலைமைக் குற்றவியல் நீதிமன்றத்தில் சரணடைந்தார். மணிவண்ணனை கஸ்டடியில் எடுத்து சி.பி.சி.ஐ.டி போலீஸார் தீவிர விசாரணை நடத்தினர். விசாரணையில், மணிவண்ணனுக்கும் பாலியல் விவகாரத்தில் தொடர்பிருப்பது தெரிய வந்துள்ளதாக சி.பி.சி.ஐ.டி தரப்பில் கூறப்பட்டது. இதையடுத்து, பொள்ளாச்சி போலீஸார் நான்குபேர் மீது பதிவுசெய்த வழக்கை விட்டுவிட்டு, மணிவண்ணனோடு சேர்த்து ஐந்துபேர் மீதும் புதிய எஃப்.ஐ.ஆரைப் பதிவுசெய்தது சி.பி.சி.ஐ.டி போலீஸ். பழைய வழக்கில், `குற்றவாளிகளுக்கு ஐந்து ஆண்டுகள் மட்டுமே தண்டனை வழங்கமுடியும்' என்ற சூழல் நிலவியது. ஆனால், தற்போது பதியப்பட்டுள்ள வழக்கில், 'குற்றம் நிரூபிக்கப்பட்டால் ஆயுள்தண்டனை வரை வழங்க வாய்ப்புள்ளது' என பரபரப்பாகப் பேசப்பட்டது. "சி.பி.ஐ என்ட்ரியும்... சீக்ரெட் விசாரணையும்..!” சி.பி.சி.ஐ.டி போலீஸார் குற்றப்பத்திரிகை தயார்செய்துகொண்டிருந்த நிலையில், ஏப்ரல் 26-ம் தேதி இந்த வழக்கைக் கையிலெடுத்தது சி.பி.ஐ ! எஸ்.பி கலைமணி, இன்ஸ்பெக்டர் விஜயா வைஷ்ணவி ஆகியோர் அடங்கிய குழு, சி.பி.சி.ஐ.டி போலீஸார் திரட்டிய வழக்குதொடர்பான ஆவணங்களை முறைப்படி பெற்றுக்கொண்டு தங்களுடைய விசாணையைத் தொடங்கினர். கடந்த மே, 10-ம் தேதி, பொள்ளாச்சி அரசு மருத்துவமனையிலிருந்து சி.பி.ஐ. விசாரணை ஆரம்பித்தது. குறிப்பிட்ட காலகட்டத்தில் அங்கு உள்நோயாளிகளாகவும், வெளிநோயாளிகளாகவும் சிகிச்சை பெற்றவர்களின் பட்டியலை சி.பி.ஐ அதிகாரிகள் பெற்றுச்சென்றனர். `சமீபத்தில் தற்கொலை முயற்சியில் ஈடுபட்ட இளம்பெண்கள் பற்றிய தகவல்களையும், அதற்கான காரணங்களையும் திரட்டி பட்டியல் தயாரிக்கப்பட்டது. பொள்ளாச்சி எம்.ஜி.ஆர் நகரில் உள்ள சபரிராஜன் வீட்டுக்குச் சென்று, அவரின் பெற்றோர்களிடம் விசாரணை நடத்தியது சி.பி.ஐ டீம். அடுத்ததாக மே 14-ம் தேதி இளம்பெண்கள் பாலியல் துன்புறுத்தலுக்கு உள்ளாக்கப்பட்ட சின்னப்பம்பாளையத்தில் உள்ள திருநாவுக்கரசின் பூர்வீக வீட்டில் சி.பி.ஐ. அதிகாரிகள் சோதனை நடத்தினர். அந்த வீட்டின் அருகில் குடியிருப்பவர்களிடமும் விசாரணை நடத்தினர். இதையடுத்து, மணிவண்ணன் சார்பாகத் தாக்கல் செய்யப்பட்ட ஜாமீன் மனு ரத்து செய்யப்பட்டிருக்கிறது. தொடர்ந்து, தங்களது விசாரணையை மேற்கொண்டு வரும் சி.பி.ஐ., விரைவில் கூடுதல் குற்றப்பத்திரிகையைத் தாக்கல் செய்யும் என்று கூறப்படுகிறது. அந்தக் குற்றப்பத்திரிகை தாக்கல் செய்யப்பட்ட பிறகே, இந்த வழக்கில் சி.பி.ஐ எந்தக் கோணத்தில் பயணித்திருக்கிறது, யார் யாரெல்லாம் குற்றவாளிகள் உள்ளிட்ட விவரங்கள் வெளியே வரும். விசாரணையில் ரகசியம்! `முதன் முதலாகப் புகார் கொடுத்த பெண்ணைத் தவிர பாதிக்கப்பட்ட மற்ற பெண்கள் புகார் கொடுத்திருப்பதற்கான வாய்ப்புகள் மிகமிகக் குறைவு' என்கிறார்கள் விவரம் அறிந்தவர்கள். காரணம், இவ்வளவு பரபரப்புக்குள்ளான இந்த வழக்கில் புகார் கொடுத்தால் தகவல் கசிந்து தங்கள் வாழ்க்கை வீணாகிவிடும் என்று பாதிக்கப்பட்ட பெண்கள் அச்சப்பட்டு ஒதுங்கிக்கொண்டதாகச் சொல்லப்படுகிறது. அதனாலேயே இம்மியளவுகூடத் தங்களது விசாரணை விவரம் வெளியில் கசிந்துவிடக் கூடாது என்பதில் சி.பி.ஐ மிகவும் கவனமாக இருக்கிறது என்று சொல்கிறார்கள், போலீஸ் வட்டாரத்தினர். வழக்கமாகக் குற்றவாளிகள் யார், என்னென்ன குற்றம்செய்தார்கள் என்பது ஒரு வழக்கில் தெளிவாகத் தெரிந்துவிடும். தண்டனை என்ன என்பதற்குத்தான் காத்திருக்க வேண்டியிருக்கும். ஆனால் இந்த வழக்கில் குற்றவாளிகள் யார் யார், கூட்டாளிகள் யார் யார் என்பதே இன்னும் தெளிவாகத் தெரியவில்லை. சி.பி.ஐ விசாரித்தாலும் இதிலுள்ள அரசியல் தொடர்புகளை அவர்கள் வெளியே கொண்டு வருவார்களா அல்லது பெயரளவில் சிலரைக் கைகாட்டி தண்டனை வாங்கிக்கொடுத்துவிட்டு வி.ஐ.பி குற்றவாளிகளை வெளியில் விட்டுவிடுவார்களா என்ற விவாதம் நிறையவே நடக்கிறது. குற்றப்பத்திரிகை வெளியே வந்தால்தான் பல கேள்விகளுக்கு விடை கிடைக்கும்! https://www.vikatan.com/news/crime/whats-happening-now-in-the-pollachi-sex-case-doubtofcommonman

"வெரைட்டி" தோசை, மாசம் 60,000 ரூபாய் வருமானம்... சவாலில் வென்ற  தள்ளுவண்டிக் கடை மோகன்!

4 months 1 week ago
"வெரைட்டி" தோசை, மாசம் 60,000 ரூபாய் வருமானம்... சவாலில் வென்ற தள்ளுவண்டிக் கடை மோகன்! வழிநெடுக சவால்கள் நிறைந்த மனித வாழ்வில், எங்கோ யாரோ ஒருவரிடம் விடுக்கும் சவால், ஒருவரின் முன்னேற்றத்துக்குக் காரணமாக அமைந்துவிடுகிறது. கரூர் நகரில், தள்ளுவண்டியில் தோசைக் கடை நடத்தும் மோகனின் கதையும் அதுதான். ஆட்டோ டிரைவராக இருந்து வறுமையில் உழன்றுகொண்டிருந்த அவர், நண்பர் ஒருவரிடம் விட்ட சவாலை நிறைவேற்ற, தள்ளுவண்டியில் தோசை விற்கத் தொடங்கினார். இன்று, சவாலையும் வறுமையையும் ஒருசேர வென்று, மாதம் 60,000 வரை சம்பாதிக்கிறார். கரூர் ஜவஹர் பஜார் மாரியம்மன்கோயில் செல்லும் வழியில், சாலையோரம் இருக்கிறது இவரது தள்ளுவண்டிக் கடை. இரவு மட்டுமே இவர் கடை நடத்துவதால், ஒருநாள் மாலை மங்கும் வேளையில் அவரது கடைக்குச் சென்றோம். தள்ளுவண்டிக் கடையைச் சுற்றி நல்ல கூட்டம். விதவிதமான தோசைகளை அநாயாசமாகப் போட்டுக்கொண்டிருந்த மோகனிடம் பேசினோம். "நான், பக்கத்துல இருக்கும் துரைசாமி சந்தையைச் சேர்ந்தவன். அப்பா சக்திவேல், அம்மா சந்திரா, மனைவி கல்பனா, மகள் ஐஸ்வர்யா, மகன் நித்திஷ்னு கூட்டுக்குடும்பமா வாழுறோம். எனக்கு, இப்போ 49 வயசு. 2000–ம் வருஷம் வரைக்கும் ஆட்டோ ஓட்டிக்கிட்டு இருந்தேன். அப்போ, 10 வருஷத்துக்கு மேல ஆட்டோ ஓட்டியும், வாடகை வீட்டுலதான் இருக்க முடிஞ்சுச்சு. சாப்பாட்டுக்கே கஷ்டமான சூழல். அப்பதான், என்னைப்போல ஆட்டோ ஓட்டிக்கிட்டு இருந்த நண்பர் செல்வம், 1998–ல ஆட்டோ ஓட்டுற தொழிலை விட்டுட்டு, வெள்ளக்கோயில்ல ஹோட்டல் தொழிலை ஆரம்பிச்சார். ஆனா, இரண்டே வருஷத்துல மறுபடியும் கரூருக்கு ஆட்டோ ஓட்டவே வந்துட்டார். 'ஹோட்டல் தொழிலைப் பார்க்காம, வருமானமில்லாத ஆட்டோ ஓட்டுற தொழிலுக்கு ஏன் வந்தீங்க?'னு கேட்டேன். அதுல, ரெண்டுபேருக்கும் வாக்குவாதம் ஆனுச்சு. உடனே செல்வம், 'நீ ஹோட்டல் தொழிலை ஆரம்பிச்சுப் பாரு, அப்ப தெரியும் கஷ்டம்?'னு சொன்னார். அதை சவாலா ஏத்துக்கிட்டு, 2000–ல மாரியம்மன்கோயில் எதிரே தள்ளுவண்டியில் தோசைக் கடையை ஆரம்பிச்சேன். முதல்நாள் 500 ரூபாய் எடுத்தேன். இன்னைக்கு, மாசம் 60,000 சம்பாதிக்கிற அளவுக்கு முன்னேறிட்டேன். 'சவாலில் ஜெயிச்சுட்டே'னு செல்வம் தினமும் பாராட்டுற அளவுக்கு இன்னைக்கு முன்னேறி இருக்கேன்" என்று பெருமிதப்பட்டார். "ஆரம்பத்துல, சமையலைப் பத்தி எனக்கு எதுவும் தெரியாது. 'சவால் விட்டுட்டோம். ஜெயிக்க முடியுமா?'னு பயந்தேன். வீட்டுலயும், 'தேவையில்லாம தொழிலை மாத்தி மாட்டிக்க போறே'னு சொன்னாங்க. இருந்தாலும், வைராக்கியமா இந்தத் தொழில்ல இறங்குனேன். எங்க அம்மா நல்லா சமைப்பாங்க. அவங்கள வச்சு தோசை, இட்லி, சப்பாத்தினு டிபன் தயாரிச்சு விற்க ஆரம்பிச்சோம். டேஸ்ட் நல்லா இருந்ததால கூட்டம் வர ஆரம்பிச்சது. பத்து வருஷத்துக்கு முன்னாடி, இந்த இடத்துக்கு கடையை மாத்திட்டோம். அஞ்சு வருஷத்துக்கு முன்ன அம்மாவுக்கு உடம்புக்கு முடியாமப்போச்சு. அதனால மாரியம்மனை வேண்டிக்கிட்டு, கல்லு முன்னாடி நானே நிக்க ஆரம்பிச்சேன். அம்மாவோட கைப்பக்குவம் எனக்கும் வந்துட்டு. தரம், சுவை மட்டுமில்லாம, புதுசுபுதுசா நானே பல தோசைகளை அறிமுகப்படுத்தினேன். மல்லித்தோசை, பூண்டுத்தோசை மாதிரி நான் புதுசா, பஞ்சவர்ண தோசை, சுரக்காய் தோசை, மாங்காய் தோசை, பீர்க்கங்காய் தோசை, கருணைக்கிழங்கு, காலிஃபிளவர் தோசை, சேனைக்கிழங்கு தோசைனு பலவகை தோசைகளை அறிமுகப்படுத்தினேன். இதுல, நான் முயற்சி பண்ணுன பஞ்சவர்ண தோசை, கஸ்டமர்கள்கிட்ட படு ஃபேமஸாச்சு. அந்த தோசையில், அஞ்சு இடங்கள்ல பூண்டு, மல்லி, தக்காளி, ஆந்திரா காரம், மசால் ஆகியவற்றை அப்ளை பண்ணுவேன். ஒரே தோசையில் அஞ்சுவகை சுவை இருக்கும். கஸ்டமர்களுக்கும் அது ரொம்பப் பிடிச்சுப்போச்சு. தவிர, கேரளாவில் மட்டுமே இருக்கும் பால்கோவா தோசையை கரூரில் அறிமுகப்படுத்துனேன். கம்பு, கேழ்வரகு, பாசிப்பருப்பு, முளைகட்டுன பயிர்கள்னு பல வெரைட்டி தோசைகளையும் போடுறேன். எண்ணெய், குடிக்க மினரல் வாட்டர்னு எல்லாத்துலயும் தரமானதைப் பயன்படுத்துறேன். தக்காளி, மல்லி, காரம், தேங்காய், சாம்பார்னு பலவகை சட்டினிகளை வீட்டுல அம்மா ரெடி பண்ணிருவாங்க. என் கடையைப் பத்தி கேள்விப்பட்டு, பாங்காங்குல இருக்கிற தமிழர் ஒருத்தர் போன் பண்ணி விசாரிச்சார். பெருமையா இருந்துச்சு. அதேபோல், எனது கடைக்கு சாதாரண நபர்கள் தொடங்கி, கார்களில் வரும் பெரும்புள்ளிகள் வரை பலமட்டத்திலும் கஸ்டமர்கள் இருக்காங்க. உள்ளூர் அரசியல்வாதிகள் செந்தில் பாலாஜி, கே.சி.பழனிசாமி தொடங்கி நடிகர் கருணாஸ் வரை பல வி.ஐ.பி கஸ்டமர்களும் இருக்காங்க. இந்த வளர்ச்சிக்கு முதல் காரணம் செல்வம் அண்ணன்தான். அவரிடம் விட்ட சவால்தான். அவரை காலத்துக்கும் மறக்க மாட்டேன். அடுத்து, கட்டடத்துல கடை நடத்தலாமானு யோசிச்சிகிட்டு இருக்கேன். 'மூன்று வேளையும் சாப்பாடு கொடுங்க'ன்னு கஸ்டமர்கள் சொல்றாங்க. அந்த முயற்சியிலும் இருக்கேன். சவால்கள் எங்கே இருந்து வேண்டுமானாலும் வரலாம். அந்தச் சவாலை நிறைவேற்ற முழுமனசா முயற்சி பண்ணுங்க, நீங்களும் வெற்றிக்கொடி நாட்டலாம்" என்று தன்னம்பிக்கையுடன் முடித்தார். ரெகுலர் கஸ்டமர்களான அண்ணன் தங்கை நவீன்-சௌமியா இருவரும், "இங்கே எல்லா தோசைகளும் அவ்வளவு ருசியா இருக்கும். வீட்டுல எவ்வளவு தடுத்தாலும், வாரத்துல மூணு நாள் இங்கே சாப்பிட வந்துருவோம். நாங்க ரெண்டு பேரும் மோகன் அண்ணன் கைப் பக்குவத்துக்கு அடிமைகள்!" என்றார்கள் கோரஸ்ஸாக. https://www.vikatan.com/food/food/auto-driver-turns-street-dosa-vendor

காஷ்மீர்: பாஜக கொண்டு வந்த சட்டத்திருத்தம் - உச்ச நீதிமன்றத்தால் உடைக்க முடியுமா?

4 months 1 week ago
காஷ்மீர்: பாஜக கொண்டு வந்த சட்டத்திருத்தம் - உச்ச நீதிமன்றத்தால் உடைக்க முடியுமா? 18 நிமிடங்களுக்கு முன்னர் இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைTAUSEEF MUSTAFA இரண்டாவது முறையாக மத்தியில் ஆட்சி பொறுப்பேற்றுள்ள நரேந்திர மோதி தலைமையிலான பாரதிய ஜனதா கட்சி, ஜம்மு மற்றும் காஷ்மீருக்கு சிறப்பு அதிகாரம் வழங்கும் அரசியல் சட்டப்பிரிவு 370ல் மாற்றம் கொண்டு வந்துள்ளது. இதனை எதிர்த்து உச்சநீதிமன்றத்தில் வழக்குத் தொடுக்க முடியுமா? என்று சட்ட வல்லுநர்களிடம் கேள்வி எழுப்பினோம். அவர்கள் இதில் இரு வேறு கருத்துகளை தெரிவித்தனர். முன்னாள் கூடுதல் சொலிஸிட்டர் ஜெனரல் மற்றும் உச்சநீதிமன்ற மூத்த வழக்கறிஞர் விகாஸ் சிங், "உச்சநீதிமன்றத்தில் இதனை எதிர்த்து வழக்கு தொடுக்க முடியாது" என்றார். "சட்டப்பிரிவு 370 மற்றும் 35ஏ- வில் மாற்றம் கொண்டு வரும் அரசின் முடிவானது நிர்வாகத் துறையின் வரையரையின்கீழ் வருகிறது. இதனை எதிர்த்து வழக்கு தொடுக்க முடியுமென நான் நினைக்கவில்லை. நீதிமன்றம் இதுகுறித்து விசாரிக்க முடியாது" என்றார். படத்தின் காப்புரிமைGETTY IMAGES தற்காலிக ஏற்பாட்டில்தான் அரசு மாற்றம் கொண்டுவந்துள்ளது என விளக்கிய அவர், "ஜம்மு மற்றும் காஷ்மீர் மக்களுக்கு அரசமைப்புச் சட்டம் வழங்கும் அனைத்து அடிப்படை உரிமைகளுக்கான பலன்களும் கிடைக்கும்," என்கிறார். "அதுமட்டுமல்ல இனி அனைவருக்கும் சமமான வசதிகள் கிடைக்கும்," என்று சிங் பிபிசியின் நீதிமன்ற செய்தியாளர் சுசித்ராவிடம் தெரிவித்தார். காஷ்மீர் விவகாரத்தில் இன்று என்னவெல்லாம் நடந்தது? - 10 முக்கிய தகவல்கள் காஷ்மீரில் இனி வரக்கூடிய நாட்களில் வன்முறை வெடிக்கலாம் - களத்திலிருந்து பிபிசி செய்தியாளர் இந்த கருத்தில் முரண்படும் முன்னாள் கூடுதல் சொலிஸிட்டர் ஜெனரல் மற்றும் உச்சநீதிமன்ற மூத்த வழக்கறிஞர் கே.சி. கெளசிக், "நிச்சயம் இதனை எதிர்த்து உச்சநீதிமன்றத்தில் வழக்கு தொடுக்க முடியும்," என்கிறார். "பாதிப்புக்கு உள்ளானதாக கருதும் தரப்பு இதனை எதிர்த்து நீதிமன்றத்தில் வழக்கு தொடுக்க முடியும். ஆனால், யார் அல்லது எந்த அமைப்பு இந்தச் சூழலில் வழக்கு தொடுப்பார்கள் என என்னால் கூறமுடியாது. ஆனால், பின்னர் வழக்கு தொடுக்கலாம்" என்று பிபிசியிடம் தெரிவிக்கிறார் கெளசிக். எந்த உத்தரவினாலாவது யாராவது பாதிக்கப்பட்டால், அவர்கள் நீதிமன்றத்தை அணுகலாம். அரசமைப்புச் சட்டம் இதுகுறித்து தெளிவாக கூறுகிறது என்கிறார். படத்தின் காப்புரிமைGETTY IMAGES பா.ஜ.கவின் முடிவை வரவேற்கிறார் கெளசிக். ஆனால், இதனை எப்போது நடைமுறைப்படுத்த வேண்டும் என்பதில் கவனமாக இருக்க வேண்டும் என்கிறார். முன்னாள் அமெரிக்க அதிபர் வழக்கறிஞராக இருந்த காலத்தில் அவரிடம் பணியாற்றிய சர்வதேச வழக்கறிஞர் சூரத் சிங், "இது வரலாற்று சிறப்புமிக்க நாள். 1950ஆம் ஆண்டிலிருந்து நிகழ்த்த முடியாத ஒரு விஷயம், இப்போது நிகழ்ந்திருக்கிறது," என்று பிபிசியிடம் தெரிவித்தார். நீதிமன்றத்தில் இதனை எதிர்த்து வழக்கு தொடுக்க முடியுமா என்பது குறித்து பேச மறுத்த அவர், இதன் நேர்மறையான விஷயங்களை பேசலாம் என்றார். https://www.bbc.com/tamil/india-49241886

இன்றைய உலகின் உலக யுத்தம் 

4 months 1 week ago
கடந்த வியாழக்கிழமை, ஆவணி முதலாம் திகதி இந்த வர்த்தக சண்டையை அடுத்த கட்டிடத்திற்கு ஒரு குறுஞ்செய்தி மூலம் எடுத்து சென்றார். அவரின் செய்தி: சீனாவில் இருந்து இறக்குமதி செய்யபப்டும் பொருட்களுக்கு 10% அதிகரித்த வரி. காரணம், அமெரிக்க குழு வெறுங்கையுடன் சீனாவில் இருந்து திரும்பியது. ஏற்கனவே வரிகளை விதிந்திருந்த நிலையில் உலக சந்தைகளை இது அதிர்ச்சியில் ஆழ்த்தியது. இதற்கு பதிலடி கொடுத்து இந்த சண்டையை ஒரு இக்கட்டான நிலைக்குள் கொண்டு சென்றுள்ளது. அதாவது, சீன அரசு தனது பணமான யுவானை அமெரிக்க டாலருக்கு எதிராக குறைத்துள்ளது. இது இன்று உலக சந்தைகளை உலுக்கியுள்ளது. அடுத்த நகர்வு என்னவாக இருக்கும்? எப்பொழுது இந்த சண்டை முடிவிற்கு வரும்? என பலரும் விடைகளை தேடுகிறார்கள். அமெரிக்காவில் வங்கி வட்டி விகிதம் கால் சதவீதம் குறைக்கப்பட்டாலும், வட்டி குறைப்பு தொடர வாய்ப்பில்லை என அந்நாட்டு ரிசர்வ் வங்கி அறிவித்தது. இதேபோல சீன இறக்குமதிகளுக்கு புதிதாக 10 சதவீத வரி விதித்து அமெரிக்க அதிபர் டிரம்ப் அறிவித்ததால் இரு நாடுகளுக்கு இடையே வர்த்தகப் போர் மீண்டும் தீவிரமடையும் நிலை ஏற்பட்டுள்ளது. இந்த காரணங்களால் அமெரிக்க பங்கு சந்தைகளும், அதன் தொடர்ச்சியாக இந்திய பங்குச்சந்தைகளும் சரிவைச் சந்தித்தன. இந்த நிலை ஆசிய பங்குச்சந்தைகளில் இன்றும் தொடர்கிறது. சீன கரன்சியான யுவானின் மதிப்பு 11 ஆண்டுகளில் இல்லாத அளவுக்கு சரிந்துள்ளது. இதனால் முதலீட்டாளர்கள் கடன் பத்திரங்கள், தங்கம் என பாதுகாப்பான முதலீடுகளை நோக்கிச் செல்லத் தொடங்கியுள்ளனர். இந்த பின்னணியில் இந்திய பங்குச்சந்தைகளில் அன்னிய முதலீட்டாளர்கள் பங்குகளை பெருமளவில் விற்றுத் தள்ளுவதால், சரிவு ஏற்பட்டுள்ளது. http://www.dinakaran.com/News_Detail.asp?Nid=515739

காஷ்மீர் மாநிலம், இரண்டாக பிரிப்பு.

4 months 1 week ago
இது உள்ளக, வெளியக தாக்கங்கள். வெளியாகம்: ஜம்மு காஷ்மீரை கிந்தியா இன்று உத்தியோக பூர்வமாக ஆக்கிரமித்திருக்கிறது. கிந்தியவை சூழவுள்ள நாடுகளின் சந்தேகக்கண், வெறுப்புணர்வு அதிகரிக்கும். சொறி சிங்களம் 13 ஐ நீக்கலாம். வடகிழக்கை ஒரே நிர்வாக அமைப்பாக பிரிக்கும் படி கேட்பதற்கு, கிந்தியா குறுக்காக நிற்க முடியாது. உள்ளகம்: கிந்தியாவின் பெயரளவிலான மாநில நிவாக அலகு என்ற அரசைப்பு, துவம்சம் செய்யப்பட்டிருக்கிறது.

நன்றி யாழ் இணையம் கிருபன் - வ.ஐ.ச.ஜெயபாலன்

4 months 1 week ago
”முரட்டு மேதை என்பர் மேலோர்'இங்கிதம் அறியான் அறியான்' என்பர்கபடம் நிறைந்த இளம் சீமாட்டிகள்.” . . இது என் சுய தரிசனக் கவிதை. யாழ் பல்கலைக் கழகத்தில் மாணவர் தலைவனாக செயல்பட்ட நாட்க்களில் எழுதியது. ஒரு போராட்டத்தின்போது பல்கலைக்கழக தலைவராக இருந்த பேராசிரியர் கைலாசபதி என்னை intellectual and Thug என திட்டினார். அவருக்கு பதிலாக எழுதி பல்கலைகழக மாணவர் மன்ற அறிவுப்பு பலகையில் ஒட்டிய கவிதை. தற்செயலாக யாழ் இணையத்தில் தேடியபோது கிருபன் என்னைபற்றிய குறிப்புகளோடு பதிவிட்டிருந்தார். யாழ் இணையத்துக்கும் கிருபனுக்கும் நன்றிகள். என் இளமைக் காலம்பற்றி கிருபன் எழுதிய குறிப்பின் இணைப்பு கீழே இணைக்கபட்டுள்ளது. .கள்ளிப் பலகையும் கண்ணீர்த் துளிகளும்- வ.ஐ.ச.ஜெயபாலன் -.முரட்டு மேதை என்பர் மேலோர்'இங்கிதம் அறியான் அறியான்' என்பர்கபடம் நிறைந்த இளம் சீமாட்டிகள்..ஓயாது துரத்தும் சவக்குழி விழுங்குமுன்ஒரேஒரு முறையே வாழுமிவ் வாழ்வில்கையா லாகாத கோழையைப் போலகொடுமையும் சூதும் நிறைந்த உலகைசகித்தும் ரசிக்கும் பாவனை செய்தும்சான்றோன் என்று மாலைகள் சூடநானும் எனது நண்பரும் விரும்போம்..வீணையோடும் தூரிகையோடும்மூலைமட்டம் ஸ்டெதஸ்கோப் அரிவாள்சம்மட்டி போன்றவை பழகிப் போனகைகளை உயர்த்தி நெஞ்சுகள் நிமிர்த்திஎனது தோழர் புடை சூழ்வார்கள்..பொன்னாய் அழகு பொலியினும் விலங்கைஅப்பிய மலமாய் அருவருத் துதறுவோம்.வெடி மருந்துகள் தோய்ந்த எம்நாவுஓய்ந்திருக்காது.தடைகள் சீனப் பெரு மதிலாயினும்தகர்க்கும் பணியினைப் பேனைக் குச்சியால்அங்குரார்ப்பணம் செய்வேன்.தடைகளை தகர்த்தும் விலகியும் தொடர்ந்துஅதிமானிடராய் முன் சென்றிடுவோம்.விழுமிடத் தெமக்கோர் நடுகல் நிமிர்த்திஎமது பிள்ளைகள் பெண்டுகள் தொடர்வார்..கடலின் மணலை எண்ணித் தீர்ப்பினும்மானிடர் எமது வம்சக் கொடியைசவக்குழி விழுங்கித் தீர்த்திடல் முடியுமோ?விலங்கும் சிறையும் வளைத்திடல் கூடுமோ?.விடுதலை பெற்ற தோழியரோடுகட்டாந் தரையின் வாழ்வே உவப்பு.பெரிய இடத்துச் சீமை நாய்களாய்கார்ப்பவனி வரும் இல்லறக் கனவில்எமது தோழர் தோழியர் தேயார்..கொடிய உலகம் சான்றோன் என்னவும்இளம் சீமாட்டிகள் இனியவன் என்னவும்குனிந்து நடக்கும் கூழங்கையர்கள்பெறுமதி கூடிய காலணி இலங்கும்கால்களைத் தேடியே முத்தம் கொடுப்பர்.பொன்முலா மிட்ட சவப்பெட்டிப் பரிசால்உலகம் அவர்களைக் கெளரவம் செய்க..வெளிப் பூச்சற்ற கள்ளிப் பலகையும்வெம்மை நிறைந்த கண்ணீர்த் துளிகளும்எங்களுக்காக இருக்கவே செய்யும்..- 1979யாழிணையத்தில் கிருபன் எழுதிய குறிப்பு.https://yarl.com/…/162206-%E0%AE%9C%E0%AF%86%E0%AE%AF%E0%…/…

பேலியோ, மருத்துவர் சிவச்சந்திரன் சிவஞானத்தின் முகநூல் குறிப்பு

4 months 1 week ago
நிரம்பிய கொழுப்பு LDL ஐ அதிகரிப்பதுடன் HDL ஐயும் அதிகரிக்கிறதாமே. (குறைந்தளவிலாக இருக்கலாம்) LDL இதய நோய் வருவதற்கான ஆபத்தை அதிகரிக்கும் அதே வேளை HDL அதை குறைக்கிறது எனவும் கூறுகிறார்கள். தவிர சிறிய பருமனுள்ள LDL தான் அதிக ஆபத்தை கொண்டது, நிரம்பிய கொழுப்பு LDL இன் பருமனை அதிகரிப்பதால் அது ஆபத்தை குறைக்கிறது என்றும் கூறுகிறார்கள். இது பற்றி உங்கள் கருத்து என்ன?

பல முகங்கள்

4 months 1 week ago
அன்பாக பேசி அருகோடு இருப்பவர் போல் நடிப்பவர் எல்லாம் தங்கள் தேவை முடிந்தவுடன் உன்னை விட்டு விலகிவிடுவார்கள் உண்மைகளை மறைப்பதற்காக பல பொய்களை கூட சொல்லுவார்கள் இருந்தபோதும் பகைமைகளை வளர்த்துக்கொள்வதில் பயன் ஏதும் இல்லை வலிகளையும் துன்பங்களையும் பட்ட காயங்களையும் நினைத்து கொண்டு இருந்தால் வாழ்க்கை நகராது உண்மைகளை ஒரு நாள் இவர்கள் அறியும் பொழுது தாங்கள் கொட்டிய குப்பைகளை நினைத்து வருத்தப்படுவார்கள் பார்க்க வேண்டிய சந்தர்பங்களில் ஒரு புன்னகையோடு நகர்ந்து விடுங்கள் .

பேலியோ, மருத்துவர் சிவச்சந்திரன் சிவஞானத்தின் முகநூல் குறிப்பு

4 months 1 week ago
மட்டுக்களுக்கு எனது கருத்துகளை நீக்குவதில் அவ்வளவு ஆசையோ? நான் உள்ளதை தானே சுட்டிக்காட்டினேன். 😭 அவர் சொன்னது saturated fat அதிகமாக எடுக்கும் பல நாடுகளில் குறைந்த மாரடைப்பு, குறைவாக எடுக்கும் பல நாடுகளில் அதிக மாரடைப்பு உள்ளது. அவை பற்றி மருத்துவ உலகம் ஆராயவில்லை என. (நிமிடம் 29.03 - 30.16)

யாழில் இராணுவத்தினர் குவிப்பு ; பாதுகாப்பு தீவிரம்

4 months 1 week ago
யாழ்ப்பாணத்தில் பல இடங்களில் இராணுவச் சோதனைச் சாவடிகள் அமைக்கப்பட்டுள்ள நிலையில் சந்தேகத்துக்கு இடமான வாகனங்கள் மறிக்கப்பட்டு சோதனையிடப்படுவதுடன் சில இடங்களில் அடையாள அட்டையும் பதிவு செய்யப்படுகின்றன. வரலாற்றுச் சிறப்புமிக்க நல்லூர் கந்தசுவாமி ஆலய வருடாந்த திருவிழா நாளை செவ்வாய்க்கிழமை கொடியேற்றத்துடன் ஆரம்பமாகி எதிர்வரும் 31ஆம் திகதி வரையில் திருவிழா நடைபெறவுள்ளது. இதனை முன்னிட்டு நல்லூர் ஆலய சூழலில் பொலிஸாரின் பாதுகாப்பு நடவடிக்கைக்கு மேலதிகமாக இராணுவத்தினரும் தேடுதல் நடவடிக்கைகளை முன்னெடுத்துள்ளனர். இந்த நிலையில் யாழ்ப்பாணம் மாநகர எல்லையில் கொழும்புத்துறை பிரதான வீதி, ஸ்ரான்லி வீதி உள்ளிட்ட பல இடங்களில் வீதித் தடை போடப்பட்டு சந்தேகத்துக்கு இடமான வாகனங்கள் மறிக்கப்பட்டு சோதனையிடப்படுகின்றன. சோதனையிடப்படுவோரின் அடையாள அட்டையும் பதிவு செய்யப்படுகின்றது. இலங்கையில் வணக்கஸ்தலங்கள் மீது மீண்டும் தாக்குதல் நடத்தப்படலாம் என இலங்கைக்கான அமெரிக்க தூதரகம் எச்சரித்துள்ளமை குறிப்பிடத்தக்கது. https://www.virakesari.lk/article/62013 அச்சம் தேவையில்லை யாழ்ப்பாணம் நல்லூர் கந்தசுவாமி ஆலய வருடாந்த உற்சவத்தில், பக்தர்கள் அச்சமின்றி வழிபாடுகளில் ஈடுபட முடியும் என, யாழ். மாநகர சபை முதல்வர் இம்மானுவேல் ஆனோல்ட் அறிவித்துள்ளார். நாளை ஆரம்பமாகவுள்ள, யாழ்ப்பாணம் நல்லூர் கந்தசுவாமி ஆலய வருடாந்த உற்சவத்தில், பக்த அடியார்கள், சோதனை நடவடிக்கையின் பின்னர் ஆலயத்திற்கு செல்ல அனுமதிக்கப்படுவார்கள் எனவும், இதற்காக சிறப்பு சோதனைச்சாவடிகள் அமைக்கப்பட்டுள்ளதனால், பக்த அடியார்கள், அச்சமின்றி வழிபாடுகளில் ஈடுபட முடியும் எனவும், யாழ். மாநகர சபை முதல்வர் இம்மானுவேல் ஆனோல்;ட் அறிவித்துள்ளார். இன்று மாலை, யாழ்ப்பாணம் மாநகர சபையில் நடந்தய ஊடகவியலாளர் சந்திப்பில் இவ்வாறு குறிப்பிட்டார். 25 நாள் திருவிழாவும், சிறப்பாக இடம்பெறுவதற்கான ஏற்பாடுகள் மேற்கொள்ளப்பட்டுள்ளதாகவும், தேசிய பாதுகாப்பை கருத்திற்கொண்டு, பொலிஸ் மற்றும் இராணுவத்தினரால் பாதுகாப்பு வழங்கப்பட்டுள்ளதாகவும், யாழ். மாநகர சபை முதல்வர் குறிப்பிட்டுள்ளார். https://www.virakesari.lk/article/62011

யார் இந்த அமித்ஷா?

4 months 1 week ago
''காஷ்மீர் தீவிரவாதத்திற்கு சிறப்பு அந்தஸ்து வழங்கப்பட்டதுதான் காரணம்'' : அமித் ஷா காஷ்மீருக்கு சிறப்பு அந்தஸ்து வழங்கப்பட்டதுதான் அங்கு தீவிரவாதத்திற்கு முக்கிய காரணம் என்று மத்திய உள்துறை அமைச்சர் அமித் ஷா கூறியுள்ளார். ஜம்மு காஷ்மீரை மாநிலம் மற்றும் யூனியன் பிரதேசமாக பிரிக்க மத்திய அரசு நடவடிக்கை எடுத்துள்ளது. இதேபோன்று காஷ்மீருக்கு சிறப்பு அந்தஸ்தை அளித்து வந்த அரசியலமைப்பு சாசன சட்டம் 370 நீக்கப்படும் என அறிவிக்கப்பட்டுள்ளது. இதனால் அங்கு பெரும் பதற்றம் காணப்படும் நிலையில், காஷ்மீர் விவகாரம் தொடர்பான விவாதத்திற்கு மத்திய உள்துறை அமைச்சர் அமித் ஷா பதில் அளித்து பேசினார். அப்போது அவர் கூறியதாவது- ஜம்மு காஷ்மீரில் தீவிரவாதம் தலைதூக்கியிருப்பதற்கு காரணம் அங்கு சிறப்பு அந்தஸ்து இருப்பதுதான். இப்போது தீவிரவாதத்தை ஒழிப்பதற்கான நேரம் வந்து விட்டது. சிறப்பு அந்தஸ்தை நீக்காவிட்டால் காஷ்மீரில் தீவிரவாதத்தை ஒழிக்கவே முடியாது. அரசியல் சாசன பிரிவு 370-யை நீக்குவதன் மூலம் ஜம்மு காஷ்மீர் - இந்தியா இடையிலான பிணைப்பை உறுதிபடுத்தியுள்ளோம். வாக்கு வங்கி அரசியலை வெற்றி கொண்டு சட்டம் 370-யை நீக்க ஒரு வலிமையான அரசியல் தலைவர் வேண்டும். அந்த நபராக மோடி இருப்பார். எங்களிடம் 5 ஆண்டுகளுக்கு ஜம்மு காஷ்மீரை கொடுத்துப் பாருங்கள். நாட்டிலேயே மிக உயர்ந்த மாநிலமாக ஜம்மு காஷ்மீரை மாற்றிக் காட்டுகிறோம்.இவ்வாறு அமித் ஷா பேசினார். விவாதத்தின்போது, ஜனநாயகத்தை மத்திய பாஜக அரசு படுகொலை செய்து விட்டதாக காங்கிரஸ் குற்றம் சாட்டியது. https://www.ndtv.com/tamil/constitution-article-370-the-root-of-terrorism-in-kashmir-says-amit-shah-in-rajya-sabha-2080692?pfrom=home-topscroll

நல்லூரானின் வருடாந்த உற்சவம் 6ஆம் திகதி ஆரம்பம்

4 months 1 week ago
109 நாய்கள் வேட்டை நல்லூர் கோவில் சூழலில், கடந்த 3 நாள்களில், 109 கட்டாக்காலி நாய்கள் பிடிக்கப்பட்டுள்ளதாக, சுகாதார ஊழியர்கள் தெரிவித்தனர். இவ்வாறு பிடிக்கப்பட்ட நாய்களுக்கு, ஊசி ஏற்றப்பட்டப் பின்னர், இயக்கச்சியில் உள்ள நாய்கள் சரணாலயத்துக்கு கையளிக்கப்படவுள்ளதாகவும், அவர்கள் கூறினர். நல்லூர் கோவிலின் வருடாந்த திருவிழா, நாளை (06) ஆரம்பமாகவுள்ள நிலையில், நல்லூர் கோவில் சூழல் உள்ளிட்ட பகுதிகளில், யாழ்ப்பாணம் மாநகர சபையால் சனிக்கிழமை (03) கட்டாகாலி நாய்களைப் பிடிக்கும் நடவடிக்கை ஆரம்பித்து முன்னெடுக்கப்பட்டமை குறிப்பிடத்தக்கது. http://www.tamilmirror.lk/யாழ்ப்பாணம்/109-நாய்கள்-வேட்டை/71-236311

ஜெயம் ரவியின் கோமாளி டிரெய்லருக்கு ரஜினி ரசிகர்கள் எதிர்ப்பு!

4 months 1 week ago
``வேண்டாம்னு கமல் வருத்தப்பட்டார்; 'கோமாளி'ல ரஜினி காட்சியை நீக்கிட்டோம்!'' - ஐசரி கணேஷ் ஜெயம் ரவி நடிப்பில் பிரதீப் ரங்கநாதன் இயக்கத்தில் வரும் ஆகஸ்ட் 15-ம் தேதி வெளியாக இருக்கும் படம், 'கோமாளி'. காஜல் அகர்வால், சம்யுக்தா ஹெக்டே, யோகி பாபு, கே.எஸ்.ரவிகுமார் போன்ற பல நட்சத்திர பட்டாளம், இப்படத்தில் நடிக்கின்றனர். 'ஹிப்ஹாப்' ஆதி இசையமைத்திருக்கும் இப்படத்தின் டிரெய்லர், நேற்று வெளியானது. 16 வருடங்களாகக் கோமாவில் இருந்த ஜெயம் ரவி, 2016-ல் விழிப்பதுபோல் டிரெய்லர் தொடங்கும். சமூகத்தின் சமகால விஷயங்களைக் கிண்டல் செய்யும் விதமாக டிரெய்லரின் சில காட்சிகள் இடம்பெற்றிருந்தன. அதுமட்டுமன்றி, டிரெய்லரின் இறுதிக்காட்சியில், கோமாவிலிருந்து 16 வருடங்கள் கழித்து கண்விழிக்கும் ஜெயம் ரவி, ``இது எந்த வருஷம்?'' என யோகி பாபுவிடம் கேட்க, அவர் 2016 எனச் சொல்லியும் ஜெயம் ரவி நம்ப மாட்டார். அந்தச் சமயத்தில், ``நான் அரசியலுக்கு வருவது உறுதி'' என ரஜினிகாந்த் பேசுவதை ஜெயம் ரவிக்கு டிவியில் போட்டுக்காட்டுவார், யோகி பாபு. ``ஏய்... இது 96. யாரை ஏமாத்துறீங்க?'' என்று கேட்பார் ஜெயம் ரவி. குறிப்பிட்ட இந்தக் காட்சி, ரஜினியின் அரசியல் வருகையை கிண்டல் செய்யும் விதமாக இருப்பதால், அதை நீக்கும்படி சமூகவலைதளங்களில் பொங்கி எழுந்தனர் ரஜினி ரசிகர்கள். இதைத் தொடர்ந்து கமல்ஹாசன், ஐசரி கணேசனை போனில் அழைத்து வருத்தம் தெரிவித்ததாகவும் தகவல்கள் வெளியாயின. இந்நிலையில் படத்தின் தயாரிப்பாளரான ஐசரி கணேசனிடம் பேசினோம். அவர், ``படத்துடைய டிரெய்லரில், அந்த விஷயத்தைப் பார்த்தப்போ நாங்க அதைத் தப்பாவே நினைக்கலை. எல்லோரும் ரசிக்கும்படியான காமெடி காட்சியாதான் இருக்கும்னு நினைச்சோம். இப்போ வரைக்கும், கிட்டத்தட்ட 40 லட்சம் பேர் அந்த டிரெய்லரைப் பார்த்திருக்காங்க. நிறைய பேர் ரசிச்சுருக்காங்க. அதுல குறிப்பிட்ட சில மக்களுக்கு மட்டும் அந்தக் காட்சியில உடன்பாடு இல்லைங்கிறது ட்விட்டரைப் பார்த்ததும் தெரிய வந்தது. இதைத் தொடர்ந்து கமல்ஹாசன் சார் என்னைப் போனில் அழைத்து, 'அது வேண்டாம் கணேஷ்'னு சொல்லி வருத்தப்பட்டார். நானும் அவர்கிட்ட வருத்தப்பட்டுப் பேசினேன். உடனடியா இன்னைக்கே அந்தக் காட்சியைப் படத்துல இருந்து நீக்கிட்டோம். முதல்ல நானே ரஜினி சாருடைய தீவிர ரசிகன். அவர் நடிப்புல வெளிவந்த '2.0' படத்துலகூட நான் நடிச்சிருக்கேன். சிலர் தப்பா நினைக்கிறதால, படத்துல அந்தக் காட்சி கண்டிப்பா இருக்காது" என அந்தச் சர்ச்சை குறித்து விளக்கமளித்தார் தயாரிப்பாளர் ஐசரி கணேஷ். https://cinema.vikatan.com/tamil-cinema/isari-ganeshs-explanation-regarding-comali-trailer-issue
Checked
Sat, 12/14/2019 - 21:05
கருத்துக்களம் - new topics
Subscribe to புதிய பதிவுகள் feed