புதிய பதிவுகள்

கட்டுநாயக்கவில் மற்றொரு அமெரிக்க சரக்கு விமானம்

2 days 5 hours ago
அக்சா உடன்பாட்டுக்கு அமைய ஏற்கனவே அமெரிக்க விமானங்கள், கப்பல்கள் இலங்கைக்கு வந்து தரித்து நின்று சென்றிருக்கிறது. இப்ப தான் முதல் முதலா வாற மாதிரி செய்தி வெளியிடுகிறார்கள். 😊 அதே உடன்பாட்டிற்கமைய இலங்கை இராணுவத்துக்கு அமெரிக்கா பயிற்சிகளும் வழங்கியிருந்தது. இனியும் தொடரும். அமெரிக்க படையினருடன் இலங்கை படையினர் இணைந்த பயிற்சிகளை மேற்கொள்ளவும் முடியும். 😎

புலி­கள் போல் உறு­முவதை, பௌத்த மக்­களை அச்­சு­றுத்­து­வ­தை தமி­ழர் நிறுத்த வேண்­டும்; ஞான­சா­ரர் எச்சரிக்கை!

2 days 5 hours ago
தமி­ழர்­கள் புலி­கள் போல் உறு­மிக்­கொண்டு திரள்­வ­தை­யும், சிங்­கள – பௌத்த மக்­களை அச்­சு­றுத்­து­வ­தை­யும் உடன் நிறுத்த வேண்­டும். இது சிங்­கள – பௌத்த நாடு என்­பதை அவர்­கள் கவ­னத்­தில்­கொள்ள வேண்­டும். கன்­னி­யாப் பிரச்­சினை தொடர்­பில் முடி­வெ­டுக்­கும் அதி­கா­ரம் சிங்­கள – பௌத்த மக்­க­ளுக்கே இருக்­கின்­றது. இவ்­வாறு பொது­ப­ல­சேனா அமைப்­பின் பொதுச் செய­லர் கல­கொட அத்தே ஞான­சார தேரர் தெரி­வித்­தார். கன்­னி­யா­வில் அமை­தி­வ­ழி­யில் போரா­டிய தமிழ் மக்­கள் மீது சிங்­க­ள­வர்­க­ளால் மேற்­கொள்­ளப்­பட்ட தாக்­கு­தல் தொடர்­பில் கேட்­ட­போதே மேற்­கண்­ட­வாறு கூறி­னார். அவர் மேலும் தெரி­வித்­த­தா­வது: பிரச்­சி­னை­க­ளுக்­குப் போராட்­டம் என்ற பெய­ரில் அச்­சு­றுத்­தல் விடு­விப்­பதோ அல்­லது வன்­மு­றை­க­ளில் இரு இனத்­த­வர்­க­ளும் – இரு மதத்­த­வர்­க­ளும் ஈடு­ப­டு­வதோ அழ­கல்ல. இந்த ஆட்சி இனக்­க­ல­வ­ரத்­துக்­கும் மதத்­க­ல­வ­ரத்­துக்­கும் தூப­மிட்­டுள்­ளது. விரை­வில் ஆட்சி மாற்­றம் இடம்­பெ­றும். பௌத்த தேரர்­க­ளின் பங்­க­ளிப்­பு­டன் சிங்­கள ஆட்சி விரை­வில் மல­ரும். அந்த ஆட்­சி­யில் சிங்­கள, தமிழ், முஸ்­லிம் என மூவின இனத்­த­வர்­க­ளும் ஒற்­று­மை­யாக வாழும் நில­மையை நாம் உரு­வாக்­கு­வோம் – என்­றார் நன்றி ; உதயன் https://www.madawalaenews.com/2019/07/blog-post_54.html

யாழ் கள உலகக்கிண்ண கிரிக்கெட் போட்டி 2019

2 days 5 hours ago
ஒரு இலக்கை குறிவைத்து அதை நோக்கி நகர்ந்து இடையில் வந்த இடையூறுகளைக் களைந்து சிகரம் தொட வந்தவர்கள் எல்லோரும் சின்னாபின்னமாகி சிதறிக் கிடக்க வேரோடி நின்ற விருட்ஷத்தை வேரோடு பிடுங்கி விட்டு 24 பதுமைகள் இமைக்காமல் காவல் நிக்க பாதாள சிம்மாசனத்தில் வீற்றிருக்கின்றான் வேந்தன்.....! 👍

சிறிலங்காவில் கால் வைக்கிறது சீன எண்ணெய் நிறுவனம்

2 days 5 hours ago
சிறிலங்காவில் கால் வைக்கிறது சீன எண்ணெய் நிறுவனம் சினோபெக் (Sinopec) எனப்படும் சீனாவின் பெற்றோலிய மற்றும் இரசாயனவியல் நிறுவனம், சிறிலங்காவில் எரிபொருள் நிறுவனம் ஒன்றை ஆரம்பிக்கவுள்ளதாக அறிவித்துள்ளது. பிரதான கடல்வழிப் பாதையில் செல்லும் கப்பல்களுக்கு எரிபொருள் விநியோகங்களை மேற்கொள்ளும் வகையில், இந்த எண்ணெய் நிறுவனத்தை ஆரம்பிக்கவுள்ளதாக சினோபெக் தெரிவித்துள்ளது. சிறிலங்காவில் Fuel Oil Sri Lanka Co Ltd என்ற பெயரில் இந்த நிறுவனம் பதிவு செய்யப்பட்டுள்ளது. அம்பாந்தோட்டையில் இந்த நிறுவனம் செயற்படவுள்ளது. இந்த நிறுவனத்தினால் கப்பல்கள் மற்றும் மின்உற்பத்தி நிறுவனங்களுக்குத் தேவையான சுத்திகரிக்கப்பட்ட எரிபொருள் விநியோகிக்கப்படவுள்ளது. http://www.puthinappalakai.net/2019/07/17/news/39036

நாளை சிறிலங்கா வருகிறார் ஐ.நா சிறப்பு அறிக்கையாளர்

2 days 5 hours ago
நாளை சிறிலங்கா வருகிறார் ஐ.நா சிறப்பு அறிக்கையாளர் அமைதியாக ஒன்றுகூடுவதற்கான உரிமை தொடர்பான ஐ.நா சிறப்பு அறிக்கையாளர் கிளெமென்ற் நயாலெட்சோசி வூல் ஒன்பது நாள் பயணத்தை மேற்கொண்டு நாளை சிறிலங்காவுக்கு வரவுள்ளார். அமைதியாக ஒன்றுகூடுவதற்கான உரிமை தொடர்பான மதிப்பீடுகளை மேற்கொள்வதற்காகவே அவர் சிறிலங்காவுக்குப் பயணம் மேற்கொள்ளவுள்ளார் என அறிவிக்கப்பட்டுள்ளது. அவர் ஜூலை 18ஆம் நாள் தொடக்கம் 26ஆம் நாள் வரை சிறிலங்காவில் தங்கியிருப்பார். கொழும்பிலும், வடக்கு, கிழக்கு மற்றும் தென்பகுதிக்கும் அவர் பயணங்களை மேற்கொண்டு, மதிப்பீடுகளை மேற்கொள்ளவுள்ளார். அரசாங்க உயர்மட்ட அதிகாரிகளையும், நீதித்துறை, ஊடகத்துறை, சிவில் சமூக குழுக்களையும், மனித உரிமை ஆணைக்குழுவையும் சந்தித்து பேசவுள்ளார். இவர் தனது பயணம் தொடர்பான விரிவான அறிக்கையை அடுத்த ஆண்டு ஜூன் மாதம் ஐ.நா மனித உரிமைகள் பேரவைக் கூட்டத்தில் சமர்ப்பிப்பார் என்றும் அறிவிக்கப்பட்டுள்ளது. http://www.puthinappalakai.net/2019/07/17/news/39039

முக்கியத் தருணத்தில் முரண்டு பிடிக்கின்றதா முன்னணி?

2 days 6 hours ago
முக்கியத் தருணத்தில் முரண்டு பிடிக்கின்றதா முன்னணி? காரை துர்க்கா / 2019 ஜூலை 16 செவ்வாய்க்கிழமை, பி.ப. 05:32 Comments - 0 வடக்கு மாகாண முன்னாள் முதலமைச்சர் நீதியரசர் சி.வி விக்னேஸ்வரன் தலைமையிலான தமிழ் மக்கள் கூட்டணியையும் கஜேந்திரகுமார் பொன்னம்பலம் தலைமையிலான தமிழ்த் தேசிய மக்கள் முன்னணியையும் ஒன்றினைக்கும் முயற்சி கைநழுவிப் போயுள்ளது. புலிகளது காலப்பகுதியில், தமிழ் மக்களது உரிமை மீட்சிக்கும் பாதுகாப்பு உறுதிப்பாட்டுக்கும் அவர்களே முழுமையான பொறுப்புக்கூற வேண்டியவர்களாக இருந்தார்கள். தமிழ் மக்களும் அவர்களையே நிறைவாக நம்பி இருந்தனர். ஆனால் புலிகளது மௌனத்துக்குப் (2009) பின்னர், கூட்டமைப்புக்கு அந்த வகிபாகம் வலியச் சென்றது. ஆனாலும், கூட்டமைப்பினர் தமிழ் மக்களது அபிலாஷைகளை அடையக் கூடிய வகையில், வினைதிறனுடனும் அர்ப்பணிப்புடனும் ஒற்றுமையுடனும் காரியங்களை ஆற்றவில்லை எனத் தமிழ் மக்கள் கவலை கொள்கின்றார்கள். ‘பொய்யான நல்லிணக்கம்’ என்ற நாடகத்தின் தோலை உரித்து, அதன் போலித்தன்மையை வெளி உலகத்துக்குக் காட்டத் தவறி விட்டார்கள் என்ற ஆதங்கம் தமிழ் மக்களின் நெஞ்சில் ஆழமாக ஊறிவருகின்றது. மக்களின் வாக்குகளைப் பெறுவதற்குச் கூட்டுச் சேராமல், மக்களுக்குக் கொடுத்த வாக்கைக் காப்பாற்ற, நிறைவேற்ற, ஆக்கபூர்வமாகச் சிந்தித்து செயற்பட ஒன்றுசேர வேண்டும் என எதிர்பார்க்கின்றார்கள். ஆகையால், தமிழ் மக்கள் தங்களது இலட்சியங்களை முன் நகர்த்தக் கூடிய வகையில், பிறிதொரு தகைமையுள்ள தலைமையை எதிர்பார்க்கின்றனர். தமிழர்களிடையே, மாற்றத்தின் தேவைக்காக ஒலிக்கும் குரல்கள் வலுவடைய ஆரம்பித்து இருக்கின்றன. பிழையான வழிநடத்தல்கள், தோல்வியுற்ற தலைமையின் விளைவாகவே உருவாகி உள்ளன. அந்த வகையில், விக்னேஸ்வரன், சுரேஷ் பிரேமசந்திரன், கஜேந்திரகுமார் ஆகியோர் தலைமையிலான கட்சிகள் இணைவது காலத்தின் தேவையானதும் கனதியானதுமாகும் என மக்கள் கருதுகின்றார்கள். ஆனாலும், இவ்வாறு தோற்றம் பெறவுள்ள (?) புதிய கூட்டமைப்புகள், ஏற்கெனவே செயற்பட்டுக் கொண்டிருக்கின்ற தமிழ்க் கூட்டமைப்பை, வெறுமனே தேவையற்று எதிர்ப்பதும் அரசாங்கத்தை எதிர்ப்பதும் என, வெறும் எதிர்ப்பு அரசியலை மாத்திரம் செய்யக் கூடாது எனவும் அதே மக்கள் எதிர்பார்க்கின்றனர். பேரினவாத அரசாங்கங்கள், இதுவரை செய்த அட்டூழியங்களுக்கும், இப்போது செய்து கொண்டிருக்கின்ற அட்டூழியங்களுக்கும் அறிவார்ந்த ரீதியாக முடிவு கட்ட வேண்டும் என மக்கள் எதிர்பார்க்கின்றார்கள். தவறும் பட்சத்தில், எவராக இருந்தாலும் தமிழ் மக்களாலேயே எதிர்க்கப்படுவார்கள்; அரசியல் அரங்கிலிருந்தே அகற்றப்படுவார்கள். இது இவ்வாறு நிற்க, இவ்வாறான இணைவைக் கூட்டமைப்பு, வடக்கு, கிழக்கில் செயற்படும் ஏனைய தமிழ்க் கட்சிகள், முக்கியமாகத் தென்னிலங்கைத் தேசியக் கட்சிகள் என, எவருமே விரும்ப மாட்டார்கள். மாறாகத் தேசியத்தை நேசிக்கும் தமிழ் மக்கள் மட்டும், மகிழ்ச்சி அடைவார்கள்; வாழ்த்துவார்கள். அமையவுள்ள கூட்டுக்குள் (?) ஈழ மக்கள் புரட்சிகர விடுதலை முன்னணி (ஈ.பி.ஆர்.எல்.எவ்) உள் நுழையக் கூடாது என்பதில் கஜேந்திரகுமார் விடாப்பிடியாக உள்ளார். தமிழ்த் தேசியத்துக்கு நெருக்கடி சூழ்ந்துள்ள இக்காலகட்டத்தில், தனக்கு விருப்பம் இல்லாவிட்டாலும் தன்கட்சிக்கு விருப்பம் இல்லாவிட்டாலும் தமிழ் மக்களுக்காக அ(இ)சைந்து கொடுக்க வேண்டிய தேவைப்பாடு நிறையவே உள்ளது என்பதை, கஜேந்திரகுமார் புரியாமை வேதனைக்கு உரியதே. இறுதியாக நடைபெற்ற நாடாளுமன்றத் தேர்தல்களின் (2015) பிரகாரம், யாழ்ப்பாணம், கிளிநொச்சி மாவட்டங்களை உள்ளடக்கிய யாழ்ப்பாணத் தேர்தல் தொகுதியில், வசூலித்த மொத்த வாக்குகளின் அடிப்படையில் தமிழ்க் கூட்டமைப்பு (207,577), ஈ.பி.டி.பி (30,232), ஐக்கிய தேசியக் கட்சி (20,025), ஐக்கிய மக்கள் சுதந்திரக் கூட்டமைப்பு (17,309) என அடுத்த படியாகவே, முன்னணி (15,022) வாக்குகளைப் பெற்றது. வன்னியில் (1,174) திருகோணமலையில் (1,114), மட்டக்களப்பில் (865) அம்பாறையில் (439) என்றவாறாகவே முன்னணி ஏனைய தேர்தல் தொகுதிகளில் பெற்ற வாக்குகளின் எண்ணிக்கை அமைகின்றது. ஆனால், 2015 நாடாளுமன்றத் தேர்தல்தலில் கூட்டமைப்பில் போட்டியிட்ட ஈ.பி.ஆர்.எல்.எவ் தலைவர் சுரேஷ்பிரேமசந்திரன் தோல்வி கண்டார். அவர் 29,906 விருப்பு வாக்குகளைப் பெற்றுக் கொண்டார். அதே தேர்தலில், வன்னித் தேர்தல் தொகுதியில் ஈ.பி.ஆர்.எல்.எவ் ஒரு நாடாளுமன்ற உறுப்பினரைப் பெற்றுக் கொண்டது. சிவசக்தி அனந்தன் 25,027 விருப்பு வாக்குகளைப் பெற்று வெற்றி ஈட்டினார். அத்துடன், கடந்த கிழக்கு மாகாண சபையிலும் ஆட்சியிலும் ஈ.பி.ஆர்.எல்.எவ் அங்கம் வகித்து உள்ளது. ஒரு கட்சியின் பலம், மக்களது வாக்குகளே ஆகும். வாக்குகளே, சபைகளில் அங்கத்தவர்களின் எண்ணிக்கையைத் தக்க வைக்கவும் செல்வாக்கை நிலை நிறுத்தவும் உதவுகின்றது. கடந்த ஐந்து ஆண்டுகளில், முன்னணியின் செல்வாக்கு அதிகரித்து உள்ளது; மக்கள் அதிகப்படியாக விரும்பகின்றார்கள்; நம்புகின்றார்கள் என எடுத்துக் கொண்டாலும் வாக்குகளை, 2015ஆம் ஆண்டிலிருந்து எத்தனை மடங்குகளால் அதிகரிக்க முடியும்? வடமராட்சியில் நிகழ்வொன்றில் அண்மையில் உரையாற்றிய கஜேந்திரகுமார், தங்களது வாக்கு வங்கி நான்கு மடங்காக அதிகரித்துள்ளதாகத் தெரிவித்திருந்தார். எந்தப் புள்ளிவிவரங்கள், ஆதாரங்களின் அடிப்படையில், இவ்வாறாகக் கருத்துத் தெரிவித்து உள்ளார் என்பதும் ஆச்சிரியமாக உள்ளது. 2018 உள்ளூராட்சித் தேர்ததலில், முன்னணிக்கு வாக்களித்த அனைவருமே முன்னணியின் ஆதரவாளர்கள் அல்ல. மாறாக, கூட்டமைப்பின் வெறுப்பாளர்கள் ஆவர். அவ்வாறிருந்தும், முற்றிலும் எதிர்பார்க்கப்பட்ட யாழ். மாநகர மேயர் ஆசனத்தைக் கூட, முன்னணியால் கைப்பற்ற முடியவில்லை. இந்நிலையில், நீதியரசர் சி.வி விக்னேஸ்வரன் கூட்டமைப்பால் களம் இறக்கப்பட்டவர். கூட்டமைப்பு பிழையாக நடந்து கொண்டிருந்தாலும், விக்னேஸ்வரன் சரியாக நடந்து கொள்கின்றார் என மக்கள் கருதுகின்றார்கள். ஆனாலும், கடந்த (2013) மாகாண சபைத் தேர்தலைப் போன்று, அவரால் இலட்சம் தாண்டிய விருப்பு வாக்குகளைப் பெற முடியுமா என்பது கேள்விக்குறியே. ஆனாலும், அவருக்கான மக்களின் வாக்கு உயர்வானதாகவும் அவரின் மக்களுக்கான கருத்துகள் மதிப்புள்ளனவாகவும் உள்ளன. அதேவேளை, அமையவுள்ள கூட்டக்குள் (?) சுரேஷ் பிரேமசந்திரனையும் கஜேந்திரகுமாரையும் அணைத்துச் செல்ல வேண்டும் என்ற நீதியரசர் சி.வியின் எண்ணம் விரும்பத்தக்கது நிதர்சனமானது. இதனால் இந்தக் கட்சிகளும் தமிழ் மக்களும் என இரு தரப்புக்கும் நன்மைகள் கிடைக்கும் என நம்பலாம். மக்களது நாடித் துடிப்பை அறிந்து கட்சி நடத்த வேண்டுமே தவிர, கட்சிக்காக மக்கள் தங்களது நிலையை மாற்றிக் கொள்வார்கள் என எதிர்பார்க்க முடியாது. ஆகவே, கஜேந்திரகுமார், சுரேஷ் பிரேமசந்திரனுடன் உடன்படாவிட்டாலும் பரவாயில்லை, முரண்படாமல் இருப்பதே காலத்தின் கட்டாய தேவையாகும். தமிழ் மக்களது ஆளணிப்பலம், பொருளாதாரப்பலம், உளவியல்பலம் என அனைத்தும் இறங்குமுகமாக இருக்கையில், ஒரு குடையில் அணி திரள்வதே புத்தி சாதுரியம். கஜேந்திரகுமார் தொடர்ந்தும் ஈ.பி.ஆர்.எல்.எவ் எதிர்ப்பு அரசியலைச் செய்து, தனது கட்சி தனித்துவத்தைக் காட்டி, சில வேளைகளில் தனித்துப் போகவும் வாய்ப்புகள் உள்ளன. தமிழ் மக்கள் தற்போது தனிக்(கட்சி) அரசியலை வெறுக்கின்றார்கள்; ஒதுக்குகின்றார்கள். ஒற்றுமையாக, தமிழர் அணியாகப் போட்டியிட்டால், தமிழ் மக்களது வாக்களிப்பு சதவீதமும் அதிகரிக்கும்; சோர்ந்து போயிருப்பவர்களிடமும் ஒருவித புதுஎழுச்சியும் ஏற்படும். இதனை அரசியல்வாதிகள் புரிய வேண்டும். தமிழ் மக்கள், கட்சி ரீதியாகப் பிளவுபட்டு, வாக்குகள் சிதைவுற்று, அவர்களது வாக்களிப்பு சதவீதமும் வீழ்ச்சி அடைய வேண்டும் என்பதே, பேரினவாதக் கட்சிகளது பிரதான குறிக்கோள் ஆகும். இதனால், யாழ்ப்பாணத் தேர்தல் தொகுதி தவிர்ந்த ஏனைய தொகுதிகளில், தமிழர் பிரதிநிதித்துவமே பறிபோகலாம். திருகோணமலையில் 2000 ஆண்டு நாடாளுமன்றத் தேர்தலில் தமிழ்க் கட்சிகள் பல அணியாகச் சிதறி, நாடாளுமன்றப் பிரதிநிதித்துவத்தையே இழந்ததை சுட்டிக் காட்ட விரும்புகின்றோம். மக்களின் விடுதலைக்காக, கூட்டு அணிகள் அமைக்க விரும்பாமை; அவ்வாறு சிரமப்பட்டு அமைத்தாலும் அதற்கான நெறிமுறையில் நடந்து கொள்ளாமை என, நமது கடந்த காலத் தவறுகள் நம்மை மாற்றுப் பார்வையைப் பார்க்க வைத்திருக்க வேண்டும். ஆனால், நம் அரசியல்வாதிகள் த(ப்பு)வறு என்பதையே, மாற்றுப் பார்வைக்கு ஆட்படுத்துவதை வழக்கமாக்கி வருகின்றார்கள். குறிப்பு: இப்பத்தியின் தூ(ர)ய நோக்கம், விடுதலைக்காக விலை மதிப்பில்லாத பெரும் விலையைக் கொடுத்து, அளப்பரிய தியாகங்களைச் செய்த சமூகம், அந்த விடுதலை யாகம் பாதியில் நிற்கையில், தங்களுக்குள் முட்டி மோதிப் புரிந்துணர்வைக் குழி தோண்டி புதைக்கின்றார்களே என்ற ஏக்கம் மாத்திமே. தவிர, ஒருவரைப் புகழ்வதோ, மற்றையவரை இகழ்வதோ அல்ல! http://www.tamilmirror.lk/சிறப்பு-கட்டுரைகள்/முக்கியத்-தருணத்தில்-முரண்டு-பிடிக்கின்றதா-முன்னணி/91-235425

கிழக்கின் அரசியலுக்கான நேர்மைத்தனம்

2 days 6 hours ago
கிழக்கின் அரசியலுக்கான நேர்மைத்தனம் Editorial / 2019 ஜூலை 16 செவ்வாய்க்கிழமை, பி.ப. 05:22 Comments - 0 -தீர்த்தன் நாட்டில் மீண்டும் மீண்டும் நம்பிக்கையில்லாப் பிரேரணைகளும் ஆட்சிக் கவிழ்ப்புக்கான முயற்சிகளுமே நடைபெற்றுக் கொண்டிருக்கின்றன. அரசாங்கத்துக்கு எதிராகக் கொண்டு வரப்பட்ட நம்பிக்கையில்லாப் பிரேரணை, கட்சி பேதமற்ற முறையில், சிறுபான்மைக் கட்சிகளின் பலத்துடன் மீண்டும் தோற்கடிக்கப்பட்டிருக்கிறது. இது தேசிய அரசியலின் நிலைமை. தேசிய அரசியலிலும் தேர்தலுக்கான ‘சருகு புலி விளையாட்டுகள்’ தொடர்ந்த வண்ணமே இருக்கின்றன. நமது கிழக்கைப் பொறுத்தவரையில், இலங்கையின் வடக்கு, கிழக்கு இணைப்பு, அதனூடான செயற்பாடுகளுக்கான முன்னெடுப்புகள் குறித்து நடைபெற்று வருகின்ற வேலைத்திட்டங்களுக்கு, நேரெதிராகக் கிழக்கைப் பிரித்து வைக்கின்ற, பிரிந்து நிற்கின்ற வகையிலான, குழப்பகரமான திட்டங்களும் முன்னெடுக்கப்பட்டவாறே இருக்கின்றன. இருதரப்பு, முத்தரப்பு, பல தரப்பு என நடைபெற்று வரும் இவ்வாறான ‘சுற்றிவளைப்பு’களின் நோக்கங்கள், நிறைவேறுமா என்பதுதான் கேள்விக்குரியது. இப்போதைக்கு, கிழக்குத் தமிழர் ஒன்றியம், கிழக்குத் தமிழர் கூட்டமைப்பு, கிழக்கின் தமிழர் கூட்டணி என மூன்று தரப்புகளின் முயலுகைகள் வெளிப்படையாகவே நடைபெறுகின்றன. தொடர்ந்தும் இதற்கான முயலுகைகள் நடைபெற்றாலும், பயன் என்ன கிடைத்திருக்கிறது என்றால், ஒன்றுமில்லை என்பதுதான் பதிலாகக் கிடைக்கிறது. இந்த நிலையில், மட்டக்களப்பில் கடந்து ஞாயிற்றுக்கிழமை (14) கிழக்கில் ஒரு புதிய கூட்டமைப்பை உருவாக்கும் முயற்சியில், ‘ஈழத் தமிழர் பேரவை’ எனும் புதியதோர் அமைப்பு இறங்கியிருக்கிறது. இதன் தொனிப்பொருள், கிழக்கு மாகாணத்தில் பலமில்லாத தமிழர் தலைமைத்துவத்தின் இடைவெளிகளை நிரப்புதல் ஆகும். ஈழத் தமிழர் பேரவையின் தலைவர், பிலிப் முருகையா தலைமையில் நடைபெற்ற கலந்துரையாடலில், தமிழர் ஐக்கிய சுதந்திர முன்னணி, தமிழர் சமூக ஜனநாயகக் கட்சி, தமிழ் மக்கள் விடுதலைப் புலிகள், ஈழவர் ஜனநாயகக் கட்சி, ஜனநாயகப் போராளிகள் கட்சி, தமிழீழ விடுதலை இயக்கம், முற்போக்குத் தமிழர் அமைப்பு, மக்கள் முன்னேற்றக் கட்சி, ஈழ மக்கள் ஜனநாயகக் கட்சி, கிழக்குத் தமிழர் கூட்டமைப்பு ஆகிய கட்சிகளின் பிரதிநிதிகள் கலந்து கொண்டனர். முக்கியமாக, இக்கலந்துரையாடலில் பங்கு கொண்டவர்கள் பற்றிப் பார்ப்போமானால், ஈழத் தமிழர் பேரவையின் தலைவர் பிலிப் முருகையா, திருகோணமலையில் ஆங்கில ஆசிரியராகக் கடமையாற்றி, அரச சார்பற்ற நிறுவனங்களில் பணியாற்றுவதற்காகப் பணியைத் துறந்தவர். ஆங்கிலப் புலமையும் பேச்சுத்திறமையும் நிதிகளைப் பெறுவதற்காக திட்டங்களைத் தயாரிப்பதிலும் கெட்டிக்காரர். திருமலையை விட்டு மட்டக்களப்புக்கு வந்து, கிழக்குக்கு புதியதொரு கூட்டணியைத் தொடக்க, ஏன் முயல்கிறார் என்ற கேள்வி எழுகிறது. அடுத்து, கிழக்குத் தமிழர் ஒன்றியத்தை உருவாக்கிய செங்கதிரோன் கோபாலகிருஷ்ணன், ‘தமிழர் மகா சபை’ என்னும் கட்சியைச் சேர்ந்தவர். கடந்த நாடாளுமன்றத் தேர்தலில் கப்பல் சின்னத்தில் போட்டியிட்டுத் தோல்விகண்டவர். இதற்கு முன்னரும் பல தடவைகளில் அம்பாறை, மட்டக்களப்பு மாவட்டங்களில் பல தேர்தல்களில் போட்டியிட்டுத் தோல்வியைத் தழுவிக் கொண்டவர். கிழக்கில் அரசியலுக்கான முயற்சியில், ஏற்கெனவே பலரும் இணைந்து உருவாக்க முனைந்த அழுத்தக் குழுவொன்றை முன்னெடுக்க முடியாமல் போனதைத் தொடர்ந்து, சில வருடங்களின் பின்னர், ‘கிழக்குத் தமிழர் ஒன்றியத்தை’ சட்டத்தரணி சிவநாதனுடன் இணைந்து உருவாக்கினார். அந்த முயற்சியில் உருவான கட்சியாக, கிழக்குத் தமிழர் கூட்டமை’ப்பைச் சொல்கிறார். தமிழர் ஐக்கிய சுதந்திர முன்னணி’யின் பொதுச் செயலாளர் வ.கமலதாஸ், அடிப்படையில் சிறப்பானதோர் ஆங்கில ஆசிரியராக இருந்து, மட்டக்களப்பில் ‘அரச சார்பற்ற நிறுவனங்களின் இணையம்’ என்ற அமைப்பை ஆரம்பிப்பதில் மும்முரமாக இருந்து, அரச சார்பற்ற நிறுவனங்கள் பலவற்றில் பணியாற்றி, பல தடவைகள் தேர்தலில் போட்டியிட்டு, இப்போது கருணாவின் கட்சியில் இருக்கிறார். அருண் தம்பிமுத்து, ‘மக்கள் முன்னேற்றக் கட்சி’ என்ற புதிய கட்சியொன்றை உருவாக்கியிருக்கிறார். இவருடைய தந்தையின் அரசியல் பாரம்பரியத்தில் இவருக்குக் கிடைத்திருக்கும் வாய்ப்புகள் காரணமாக, மஹிந்த ராஜபக்‌ஷ ஜனாதிபதியாக இருந்தவேளை, அவருடைய கட்சியில் அமைப்பாளராக இருந்து, பல்வேறு பிரச்சினைகளுக்கு உட்பட்டு, இப்போது மீண்டும் புதியதொரு கட்சியைத் தொடங்கி, நகர்த்த முயல்கிறார். கடந்த உள்ளூராட்சித் தேர்தலில் சுயேட்சைக் குழுவொன்றைப் போட்டியிட வைத்து, மண்முனை மேற்கு பிரதேச சபையில் ஓர் உறுப்பினர் தெரிவாகி இருக்கிறார். டெலோ சார்பில், மட்டக்களப்பு மாநகர சபையின் பிரதி மேயர் சத்தியசீலன், உறுப்பினர்களான ஜெயந்திரகுமார், முன்னாள் முதலமைச்சர் பிள்ளையான் எனப்படும் சிவநேசதுரை சந்திரகாந்தனின் தமிழ் மக்கள் விடுதலை புலிகள் கட்சியின் பொதுச் செயலாளர் முன்னாள் மாகாண சபை உறுப்பினர் பூபாலப்பிள்ளை பிரசாந்தன், அது தவிர நாடாளுமன்ற உறுப்பினர் எஸ்.வியாழேந்திரனின், முற்போக்குத் தமிழர் அமைப்பின் பிரதிநிதி என்று, பலர் பற்றிய விபரிப்புகள் இருக்கின்றன. இந்த இடத்தில்தான், கிழக்கு மாகாணத்தில் பலமில்லாத தமிழர் தலைமைத்துவம் ஒன்று காணப்படுகிறது என்று அடையாளம் காணலும், அதன் இடைவெளியை நிரப்புவது என்பதும் ஒரு புதிய கூட்டமைப்பின் ஊடாகத்தான் நடைபெறவேண்டுமா என்ற வினா எழுகிறது. தற்போதைக்கு கிழக்கு மாகாணத்தின் மக்கள் பல்வேறு பிரச்சினைகளை எதிர்கொள்கிறார்கள் என்பதில், யாருக்கும் இருவேறு கருத்து இருக்கப்போவதில்லை. ஈ.பி.டி.பியின் செயலாளர் நாயகம் டக்ளஸ் தேவானந்தா சொல்வது போன்று, “ஒரே இரவுக்குள் ஒன்றும் நடக்கப் போவதுமில்லை; கேட்டுக் கேட்டு கட்டியிருந்த வேட்டியும் போய், கோவணமும் இல்லா நிலைக்குத் தமிழர்கள் வந்துவிடவும் மாட்டார்கள்”. கடந்த வருடத்தில், கிழக்குத் தமிழர் ஒன்றியத்தால், கிழக்குத் தமிழர் கூட்டமைப்பு என்ற கட்சியை உருவாக்கும் முயற்சிகள் நடைபெற்ற போது, ஐந்து கட்சிகள் இணையவுள்ளதாகத் தெரிவித்து, கடைசியில் எல்லாம் கையை விரித்த நிலைமை ஏற்பட்டிருந்தது. ஆனால், அதன் ஏற்பாட்டாளர் கோபாலகிருஷ்ணனுடன் இப்போது சில இணைந்துள்ளன. ஏனையவை எதிர்காலத்தில் இணையலாம். ஆனால், கட்சி பதிவுக்குச் செல்கிறது என்று அறிவித்திருந்தார். கிழக்கின் தமிழர் அரசியல் தொடர்பில் ஞாயிற்றுக்கிழமை நடைபெற்ற கலந்துரையாடலின்போது, கிழக்குத் தமிழர் கூட்டமைப்பு என்ற ஒரு கட்சி அமைக்கப்பட்டுள்ள போது, மேலுமொரு கூட்டமைப்பு என்ற பெயருடன் கட்சியொன்றைப் புதிதாக அமைப்பது, மக்கள் மத்தியில் சலிப்புத் தன்மையை ஏற்படுத்தும் என்ற கருத்தும் முன்வைக்கப்பட்டிருக்கிறது. அப்படியானால், இதுவும் வலுவானதாக முடியவில்லை என்பது புலப்பட்டிருக்கிறது. ஏற்கெனவே, கிழக்குத் தமிழர் கூட்டமைப்பு ஏற்படுத்தப்பட்ட வேளை, முன்னாள் நாடாளுமன்ற உறுப்பினரும், தமிழர் விடுதலைக் கூட்டணியின் தலைவருமான வி. ஆனந்தசங்கரி, தமது உதயசூரியன் சின்னத்தின் கீழ் ஒன்றிணைவோம் என்ற கருத்தை வெளியிட்டது போன்றே, இந்த முடிவும் இருக்கிறது. இலங்கையில், விடுதலைப் புலிகளின் ஆயுத ரீதியான போராட்டம் முடிவுக்குக் கொண்டுவரப்பட்டதன் பின்னர், உருவான ஜனநாயகச் சூழல், சரியாகப் பயன்படுத்தப்படுகிறதா என்று சந்தேகப்படுகின்ற அதேநேரத்தில், மக்களுக்கு வீணான மனஉழைச்சலை ஏற்படுத்தும் வேலைகள் நடைபெறுவது கவலையை ஏற்படுத்துகின்றது. அரசியல் கொள்கைகள், மக்களின் நலனுக்கானவை என்றாலும், அதைச் சரியாகப் பயன்படுத்துவதற்கு ஆயிரம் கட்சிகள் முளைப்பது எதற்காக என்ற கேள்வியை இந்த இடத்தில் முன்வைத்தால், மேலே சொன்னதற்கு மேலதிகமாக பணம் சம்பாதிக்கும் மனப்பான்மையே தலைவிரித்தாடுவது தௌிவாகத் தெரிகிறது. ஆரம்ப காலங்களில் மக்களின் நலனும் சமூக சேவைகளும் அரசியல்வாதிகளின் நோக்கங்களாக இருந்த நிலையில், இப்போது பிரபலமும் வருமானம் ஈட்டும் முயற்சிகளும் பழிவாங்கல்களுமே மிஞ்சியிருக்கின்றன. தமிழ்த் தேசியக் கூட்டமைப்புக்கு எதிராக உருவாகியிருக்கின்ற அரசியல் அலை, அதனை வீழ்த்திவிட வேண்டும் என்பதே தவிர, எல்லோரும் சொல்வது போன்று, கிழக்குத் தமிழர்களுக்கான பலமான அரசியல் அதிகாரம் இரண்டாம் பட்சம்தான் என்ற கருத்து நிலை, தமிழர்கள் மத்தியில் இப்போது பொதுமைப்பட்டிருக்கிறது. தமிழ்த் தேசியக் கூட்டமைப்பில் புளொட் அமைப்பு சார்பாகப் பட்டியலில் இணைந்து, பல்வேறு செயற்பாடுகளின் மூலம் தேர்தலில் வென்று, நாடாளுமன்றத்துக்குத் தெரிவான எஸ்.வியாழேந்திரன், அமைச்சுப் பதவிக்காக ஆரம்பத்திலிருந்தே முயன்றார்; அது நடைபெறவில்லை. திடீரென மஹிந்த ராஜபக்‌ஷ பிரதமராக அறிவிக்கப்பட்டவுடன் கிழக்கு அபிவிருத்திப் பிரதி அமைச்சராகப் பதவியை ஏற்றார். ஆனால் ஒரு வாரத்திலேயே அது இல்லாமல் போனது. அதனையடுத்து, தேர்தல் பட்டியலில் அவரை உள்ளடக்கும் வாய்ப்பு, மட்டக்களப்பில் எந்தக் கட்சியிடமும் சாத்தியப்படவில்லை. அதற்கு, வியாழேந்திரனுக்கு இருக்கும் மக்கள் ஆதரவு மட்டும் காரணமல்ல; அக்கட்சிகளின் மீதான நம்பிக்கையீனங்களும் காரணம் தான். இவ்வாறான நிலைமையில், தமிழ்த் தேசிய எதிர்ப்புச் சிந்தனையுடன், தமிழ்த் தேசிய எதிர்ப்புக்காகவே முயலுகின்ற நிதியளிப்பாளர்களின் சிந்தனைகளுக்குள் சென்று செயற்படும் அமைப்புகளை யார் நம்பிக்கை கொள்வது என்பது புரியாத புதிராக இருக்கிறது. அதேநேரத்தில் ஒவ்வொருவருடைய பின்புலங்களும் தமிழர்களது நம்பிக்கையைச் சிதைப்பவையாகவே இருக்கின்றன என்பதும் உண்மை. ஜனநாயக வெளியில் நாம் எல்லோரும் எண்ணங் கொள்வதைப் போன்றல்லாது, யுத்தத்தின் முடிவுக்குப் பின்னர் ஏற்பட்ட ஜனநாயகச் சுதந்திரம் தமிழர்களைப் பொறுத்தவரையில் மனோநிலையில் மாற்றத்தை ஏற்படுத்தி விடவில்லை. வெளிநாட்டுச் சக்திகளின் உந்துதல்களும், பெரும்பான்மைக் கட்சிகளின் முயற்சிகளும் பெரியளவான நிதி வழங்கல்களும் தமிழர்களைப் பிரித்தாழும் முயற்சிக்கு தொடர்ந்தும் நீர் ஊற்றிக்கொண்டே இருக்கும். கடந்த யுத்த காலத்திலும் சரி, சுனாமிக்குப் பின்னரான காலங்களிலும் சரி இலங்கையில் இயங்கிய சர்வதேச அரச சார்பற்ற நிறுவனங்கள், தேசிய, உள்ளூர் அரச சார்பற்ற நிறுவனங்களுக்கு கிடைத்த நிதிகள் அவ்வளவும் முழுமையாக மக்களின் அபிவிருத்திக்காகச் செலவு செய்யப்பட்டிருந்தால், நமது நாடு செல்வச் செழிப்புடன் ஜொலித்திருக்கும். ஆனால், பணம் விழுங்கிகள் காரணமாக, அது இன்னமும் நிறைவேறவில்லை. அதே போன்றதுதான் அரசியலும்! ஆனால், ஒன்றும் நடைபெறப்போவதில்லை என்பது மட்டுமே உள்ளங்கை நெல்லிக்கனி. இதன் தொக்கல்தான், கிழக்கின் அரசியல் நேர்மைத்தனத்தை மக்களுக்குச் சொல்லும். சாதாரண மக்களின் சிந்தனைகளைப் புரிந்து, அவர்களுக்கான தேவைகளை நடுத்தர மக்கள் நிறைவேற்ற முயல்வதில்லை. அதே போன்றுதான், செல்வந்தர்கள் எனும் மேல் நிலையினரும்; இது அரசியலுக்கு அப்பாற்பட்டதா என்ன? கிழக்கின் தமிழர் கூட்டணி தாயகத்தின் இதயபூமியான கிழக்கு என்றும் இல்லாதவாறு இடர்பாடுகளுடன் பயணித்துக் கொண்டிருக்கிறது. கால ஓட்டத்தின் அரசியல் மாற்றங்களைக் கருத்தில் கொண்டு, காரியமாற்றாவிடின் கிழக்கில் பரந்துவாழும் ஈழத்தமிழரின் இருப்பு, கேள்விக்குறியாகி விடும். நாம் அதிகமாய் நேசித்த இந்த இதயபூமி, அரசியல் பகடையாட்டங்களுக்குப் பலியாவதை எம்மால் சகித்துக்கொண்டிருக்க முடியாது. கிழக்கின் அரசியல் யதார்த்தமும் கலாசாரமும் தமிழர் அபிலாஷைகள் ஊடான செல்நெறிப்போக்கில் நின்று தடம் புரண்டுள்ளன. தமிழரின் பண்பாட்டியலும் மூத்த குடியின் நிலங்களும் அவர்கள் பொருண்மியமும் அபகரிக்கப்படுவதைத் தடுத்து நிறுத்த வேண்டுமானால் கிழக்கிலே பலமான தமிழர் அரசியல் கூட்டமைப்பு தேவைப்படுவதை உணர்ந்து, கிழக்கில் உள்ள புத்திஜீவிகள், செயற்பாட்டாளர்கள், கல்வியாளர்கள், அரசியல் ஆர்வலர்கள், ஊடகவியலாளர்கள், பல்கலைக்கழக சமூகம், சிவில் சமூக அமைப்புகளை இணைத்து அதற்கான பூர்வாங்க ஏற்பாடுகளை ஈழத் தமிழர் பேரவை நிறைவேற்றியுள்ளது. ஈழப்போர் ஓய்வடைந்ததின் பின்னரான ஒரு தசாப்த காலத்துக்குள் கிழக்கின் தமிழர்கள் எதிர்கொண்டுள்ள சவால்களை மனதில் இருத்தியும் கடந்த ஒரு தசாப்த காலமாகக் கிழக்கின் தமிழர் சார் சமூகப் பொருளாதார, பண்பாட்டியல் மற்றும் அரசியல் நீரோட்டத்தில் ஏற்பட்டுள்ள துரதிர்ஷ்டவசமான நிலைமைகளைக் கவனத்திற்கொண்டும், கிழக்கில் தமிழர்களுடைய அரசியல் தலைமைத்துவம் சம்பந்தமாகத் தற்போது ஏற்பட்டிருக்கின்ற விமர்சனங்களை மனதில் வைத்தும் 2009 ஆம் ஆண்டுக்குப் பின், ஈழத்தமிழினத்தின் அரசியல் தலைமைகள் என்று தம்மை அழைத்துக்கொள்வோரின் தான் தோன்றித்தனமான செயற்பாடுகளை இனங்கண்டும் இப்படியானதொரு நிலைமை கிழக்கில் வாழ்கின்ற ஈழத்தமிழர்களை மேலும் நிர்க்கதியாக்குவதோ டல்லாமல் தமிழினத்தின் சமூகப் பொருளாதார அரசியல் தளங்களில் ஏற்படுத்தப்போகும் ஏற்றுக்கொள்ளவியலாத விளைவுகளைக் கருத்திற் கொண்டும், தனி மனித மற்றும் ஒற்றைக் கட்சி மேலாண்மையானது தமிழரின் ஜனநாயக இயங்குதளங்களில் ஏற்படுத்தியுள்ள பின்னடைவுகளை இனங்கண்டும் தமிழ் மக்கள் ஏற்றுக்கொள்ளக்கூடிய நியாயமான அரசியல் தீர்வு ஒன்று எட்டப்பட வேண்டுமானால் அத் தீர்வை நோக்கியதான செல்நெறிப் போக்கில் காத்திரமாக பயணிக்கக்கூடிய ஒரு தமிழ்த்தேசிய கட்டமைப்பை கிழக்கில் உருவாக்கும் நோக்கத்துடனும், பல்லாண்டு காலமாக கிழக்கில் தமிழர்கள் எதிர்கொள்ளும் நில ஆக்கிரமிப்பு, அரசியல் ஓரவஞ்சனை காரணமாக நிலவும் அபிவிருத்தி யின்மை, வேலைவாய்ப்பின்மை, பண்பாட்டியல் சிதைப்பு போன்ற இடர்பாடுகளை நிவர்த்தி செய்யும் நோக்கத்துடனும், கிழக்கில் இடருற்ற மக்கள், முன்னாள் போராளிகள், அங்கவீனமுற்றவர்கள் போரினாலும் இயற்கை அனர்த்தங்களாலும் இன்னலுற்ற பெண்கள் தலைமை தாங்கும் குடும்பங்களின் வாழ்வாதார மேம்பாடு கருதியும், கிழக்கில் சமகால தமிழர் அரசியலின் செல்நெறிப்போக்கு மற்றும் அரசியல் கலாசாரத்தை தீர்க்கமாகப் புரிந்து கொண்டு எதிர்காலத்தில் இணைந்து பணியாற்றக் கூடிய தமிழர் பரப்பின் அரசியல் கட்சிகளை இணைத்து, கிழக்கில் வாழும் ஈழத்தமிழர்களின் சமூகப் பொருளாதார, பண்பாட்டியல் இலக்குகளை அடைவதற்கான ஒரு பாரிய அரசியல் கூட்டமைப்பை உருவாக்கி, காத்திரமாகப் பயணிப்பதற்கான ஒர் பூர்வாங்க கலந்துரையாடலுக்காக தமிழர் தரப்பின் அனைத்து அரசியல் கட்சிகளுக்கும் அழைப்பு விடுக்கப்பட்டுள்ளது. கிழக்கின் ஈழத்தமிழரின் அரசியற் போக்கை நெறிப்படுத்த தேசப்பற்றுள்ள அனைத்துக் கட்சிகளும் இணைந்து கொள்ளும் என கிழக்கின் தமிழர்கள் நம்புகிறோம். கிழக்கின் தமிழர் கூட்டணி தொடர்பில் மட்டக்களப்பில் 14.07.2019 ஆம் திகதி நடைபெற்ற கலந்துரையாடல் தொடர்பான அறிக்கை தேவை கருதி பிரசுரிக்கப்படுகிறது. http://www.tamilmirror.lk/சிறப்பு-கட்டுரைகள்/கிழக்கின்-அரசியலுக்கான-நேர்மைத்தனம்/91-235423

ராசவன்னியருக்குத் திருமணம்! வாழ்த்துவோம்!!

2 days 7 hours ago
ராசவன்னியன், மங்களகரமான சஷ்டியப்த பூர்த்தி வாழ்த்துக்கள். இதில் உள்ள விசேடம் என்னவென்றால் பிள்ளைகள் முன்னின்று நடத்தி வைப்பது , இங்கேயும் எனது இந்திய நண்பரொருவரின் சஷ்டியப்தத்திற்கு சென்றிருந்தேன் , வெகு மன நிறைவான விழாவாக இருந்தது. இலங்கையர்களில் இந்த வழக்கம் பெரிதாக இல்லை , மடிசார் காட்டுவார் என்றால் நாங்களும் ட்ரை பண்ணலாம் என்று துணைவியாரிடம் கேட்டிருக்கிறேன்; சாடையாக தலையாட்டியிருக்கிறார். மீண்டும் மனமார்ந்த வாழ்த்துக்கள்….

குளவிகள் கொட்டியதில் பொலிஸ் உத்தியோகஸ்தர் பலி ; வாகரையில் சம்பவம்

2 days 8 hours ago
குளவிகள் கொட்டியதில் பொலிஸ் உத்தியோகஸ்தர் பலி ; வாகரையில் சம்பவம் மட்டக்களப்பு வாகரையில் இடம்பெற்ற குளவித் தாக்குதலில் பொலிஸ் நிலையத்தில் கடமையாற்றிய பொலிஸ் உத்தியோகஸ்தர் ஒருவர் துடிதுடித்து உயிரிழந்துள்ளதாக வாகரைப் பொலிஸார் தெரிவித்தனர். பொலிஸ் நிலைய வளாகத்தை அவர் துப்புரவு செய்து கொண்டிருந்தபோது எங்கிருந்தோ வந்த கருங்குளவிகள் பொலிஸ் உத்தியோகத்தரின் தலையிலும் மார்பிலும் கொட்டியுள்ளன. உடனடியாக மயக்கமடைந்த அவர் அருகிலுள்ள வாகரை மாவட்ட வைத்தியசாலையில் சேர்ப்பிக்கட்டார். எனினும், கருங்குளவித் தாக்குதலுக்குள்ளாகி சுமார் 45 நிமிட நேரத்தில் அவர் உயிர் பிரிந்து விட்டது. அவரைப் பரிசோதனை செய்யதபோது அவரது தலையில் 4 இடங்களிலும் மார்பில் ஒரு இடத்திலும் கருங்குளவிகள் கொட்டியிருந்ததாக பிரதேச மரணவிசாரணை அதிகாரி வடிவேல் ரமேஷ் ஆனந்தன் தெரிவித்தார். சீனன்குடா, கெமுனுபுர, ஐந்தாம் கட்டையை அண்டி வசிக்கும் மூன்று பிள்ளைகளின் தந்தையான சந்திரதாஸ வணிஹசிங்ஹ (வயது 54) என்ற பொலிஸ் உத்தியோகத்தரின் சடலம் செவ்வாய்க்கிழமை 16 பிற்பகல் மட்டக்களப்பு போதனா வைத்தியாசாலையில் உடற் கூறாய்வுப் பரிசோதனைகள் இடம்பெற்றதன் பின்னர் உறவினர்களிடம் கையளிக்கப்பட்டது. மட்டக்களப்பு மாவட்டத்தில் பொலிஸார் ஒருவர் இவ்விதம் கருங்குளவித் தாக்குதலுக்குள்ளாகி சுமார் 45 நிமிட நேரத்தில் மரணித்த சம்பவம் சரித்திரத்தில் இதுவே முதற் தடவையாகும் என அதிகாரிகள் தெரிவித்தனர். இச்சம்பவம் தொடர்பாக வாகரைப் பொலிஸார் மேலதிக விசாரணைகளில் ஈடுபட்டுள்ளனர். https://www.virakesari.lk/article/60574

வறட்சியினால் 5 இலட்சத்திற்கும் மேற்பட்டோர் பாதிப்பு !

2 days 8 hours ago
வறட்சியினால் 5 இலட்சத்திற்கும் மேற்பட்டோர் பாதிப்பு ! நாட்டின் ஒன்பது மாகாணங்களிலும் நிலவும் வறட்சி காரணமாக 5 இலட்சத்து 67 ஆயிரத்துக்கும் மேற்பட்டோர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது. இரத்தினபுரி, புத்தளம், குருணாகல், வவுனியா, யாழ்ப்பாணம், மன்னார், கிளிநொச்சி, முல்லைத்தீவு, மாத்தளை, கண்டி, அம்பாந்தோட்டை, பொலன்னறுவை, அனுராதபுரம், அம்பாறை, திருகோணாலை மற்றும் மட்டக்களப்பு பகுதியைச் சேர்ந்த 1,59,123 குடும்பங்களைச் சேர்ந்த 5,67,662 பேரே இவ்வாறு பாதிக்கப்பட்டுள்ளதாக அனர்த்த முகாமைத்துவ மத்திய நிலையத்தினால் நேற்றைய தினம் வெளியிடப்பட்ட அறிக்கையில் சுட்டிக்காட்டப்பட்டுள்ளது. அத்துடன் மொத்தமாக 109 குடும்பங்களைச் சேர்ந்த 420 பேர் மண்சரிவு, கடலரிப்பு, பலத்த காற்று, தீ மற்றும் மின்னல் தாக்கம் ஆகியவற்றினால் பாதிக்கப்பட்டுள்ளனர். நாட்டில் நிலவும் இந்த அனர்த்தம் காரணமாக சப்ரகமுவ மற்றும் மத்திய மாகாணத்தில் 69 குடும்பங்களைச் சேர்ந்த 272 பேர் பாதுகாப்பான இடங்களில் தங்க வைக்கப்பட்டுள்ளதாகவும் அனர்த்த முகாமைத்துவ மத்திய நிலையம் தெரிவித்துள்ளது. இதேவேளை நாட்டின் மேல், தென்மேல் மற்றும் தென் கடற்பரப்புகளில் 2019 ஜூலை 19 ஆம் திகதி வரை காற்றுடன் கூடிய மழை மேலும் அதிகரிக்கும் என வளிமண்டலவியல் திணைக்களம் தெரிவித்துள்ளது. புத்தளத்திலிருந்து கொழும்பு மற்றும் காலி ஊடாக அம்பாந்தோட்டை வரையான கரையோரத்திற்கு அப்பாற்பட்ட கடற்பரப்புகளில் பல இடங்களில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. நாட்டைச் சூழவுள்ள ஏனைய கடற்பரப்புகளில் சில இடங்களில் மாலையில் அல்லது இரவில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. நாட்டைச் சூழவுள்ள கடற்பரப்புகளில் காற்றானது தென்மேற்கு திசையிலிருந்து வீசக்கூடுவதுடன் காற்றின் வேகமானது மணித்தியாலத்துக்கு 30-40 கிலோ மீற்றர் வரை காணப்படும். மன்னாரிலிருந்து புத்தளம், கொழும்பு, காலி மற்றும் அம்பாந்தோட்டை ஊடாக பொத்துவில் வரையான கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 60-70 கிலோ மீற்றர் வரை அதிகரித்து வீசக்கூடுவதுடன் அவ்வேளைகளில் கடல் ஓரளவு மிகவும் கொந்தளிப்பாகவும் காணப்படும். கடலில் பயணம் செய்வோரும் மீனவ சமூகமும் இவ்விடயம் தொடர்பாக அவதானமாக இருக்குமாறும் வளிமண்டலவியல் திணைக்களம் எச்சரிக்கை விடுத்துள்ளமையும் குறிப்பிடத்தக்கது. https://www.virakesari.lk/article/60573

ராசவன்னியருக்குத் திருமணம்! வாழ்த்துவோம்!!

2 days 8 hours ago
அமீரகத்தில் பணிபுரிய 60 வயது உச்ச வரம்பு இருந்தாலும், பெரும்பாலும் துபாயில் 65 வயது வரை வேலை செய்யலாம். சில தனியார் நிறுவனங்களில் 70 வயதுவரை வேலை செய்பவர்களும் உண்டு. எல்லாம் அந்த நிறுவனத்தின் தொழில்முறை தேவையை பொறுத்தது. ஒரு வித்தியாசம் மட்டுமுண்டு. 60 வயது வரை மூன்று வருடத்திற்கு ஒருமுறை வேலைக்கான ஒப்பந்தமும், விசாவும் புதுப்பிக்கப்படும். 60 வயதை தாண்டிவிட்டால் வேலை கொடுப்பவர், எமக்கு இவரின் தனிதிறமைகள் வேலைக்கு அவசியம் என சிபாரிசு செய்யவேண்டும், வேலை விசாவிற்கான வைப்புத்தொகை அதிகரிக்கும், வருடம் ஒருமுறை மருத்துவ சோதனைக்கு சென்று தகுதி சான்றிதழ்(Medical Fitness Certificate) பெற வேண்டும். ஒவ்வொரு வருடமும் வேலைக்கான ஒப்பந்தத்தை புதுப்பிக்க வேண்டும். அரசாங்க வேலையெனில் மூன்று வருடத்திற்கு விசாவும், தனியார் நிறுவன வேலையென்றால் இரு வருட விசாவும் கிட்டும். நான் பணிபுரிவது அரசாங்க வேலை என்பதால் 60 வயதிற்கு மேற்பட்டும் சில வருடமாக அது பாட்டுக்கு ஓடுது..!

இந்திய நாடாளுமன்றத்தில் மீண்டும் வைகோவின் குரல்

2 days 10 hours ago
சுப்பிரமணியசாமி தனக்கு மதம் உண்டு என்பதை உணர்ந்து, வெளிப்படையாகவே கூறியுள்ளார். மக்களே! அவரை அணுக எண்ணினால் அவதானமாக அணுகுங்கள்.
Checked
Fri, 07/19/2019 - 14:35
கருத்துக்களம் - new topics
Subscribe to புதிய பதிவுகள் feed
texte-feed
sqdgvsqfqsg vdgvdgvv qdsbrzbvzrbvzr