புதிய பதிவுகள்

நல்லதோர் வாழ்வு இருந்தது

3 months 3 weeks ago
ஈழம் - அகமும் புறமும் புதிய தொகுப்புக்கான10 கவிதைகள் 1. நீலம் - வ.ஐ.ச.ஜெயபாலன் தோழி காலமாய் நுரைகள் உடைகிற மணலில் சுவடுகள் கரைய சிப்பிகள் தேடிய உலா நினைவிருக்கிறதா? கடலிலிலும் வானிலும் தொடர்கிற நீலமாய் நம்மிலும் எதோ படர்கிற தென்றேன். மீன்கொத்திய நாரையாய் நிமிர்ந்தாய் உன் கண்களில் எனது பிம்பம் அசையும். ஆண்டு பலவாகினும் நரையிலா மனசடா உனக்கென்றாய். தோழி இளமை என்பது வாழும் ஆசை. இளமை என்பது கற்றிடும் வேட்கை. இளமை என்பது முடிவிலா தேடல்; இளமை பிறரைக் கேட்டலும் நயத்தலும். இளமை என்பது வற்றாத ரசனை இளமை என்பது நித்திய காதல். இளமை என்பது அயராத ஆடலும் பாடலும் கூடலும் என்றேன். தோழா உனக்கு எத்தனை வயசு? தோழி எனக்கு சாகிற வரைக்கும் வாழ்கிற வயசு. 2011 2. பாவைக் கூத்து - வ.ஐ.ச.ஜெயபாலன் * அம்ம வாழிய தோழி, பதிலுக்கு வாழ்த்தவும் மறந்து யார் அவன் யாரென மீண்டும் வினவுதி, உனக்கு வேறு வேலையே இலதோ? * அறிந்திலையோடி? மச்சு வீட்டின் காவல் மறந்து ஊரின் சந்து பொந்து மரத்தடி எல்லாம் காதல் குறுஞ்செய்தி பெய்து அலையுமே அந்த நாயின் சொந்தக்காரனடி. போயும் போயும் அவனையா கேட்டாய்? * அறம் இல்லாது ஒருத்தனுக் கெழுதிய காதல் சேதியை பிரதி பிரதியாய் பலருக்கு அனுப்பும் கைபேசிக் கிளியே அவனே உனக்குச் சாலவும் பொருத்தம் அப்பாலே போ. * பிரிக்கவே சூழும் பெண்விதி கொடிது. இனி, பொம்மலாட்டப் பாவையைபோல் ஒருவர் சொல்லுக்கு ஒருவர் ஆடிய இனிய நம் நாட்கள் போய்விடும் தோழி. உந்தன் மழலை அவனை ஆட்டும் நாள்வரை இனி அவனே உந்தன் பாவைக் கூத்தன். * சரிதான் போடி உன் நூறு நூறு குறுஞ்செய்திகளை அவனுக்கே அனுப்பு. காலை தோறும் எண்திசை வானில் ஆயிரம் ஆயிரம் சிறு வெண் கொக்குகள் பறக்க விடுகிற கடற்கரையோரப் புன்னை மரமினி என் துணை ஆகுக 2019 3. பாடா அஞ்சலி வ.ஐ.ச.ஜெயபாலன். . உதிர்கிற காட்டில் எந்த இலைக்கு நான் அஞ்சலி பாடுவேன்? . சுனாமி எச்சரிக்கை கேட்டு மலைக் காடுகளால் இறங்கி கடற்கரைக்குத் தப்பிச் சென்றவர்களின் கவிஞன் நான். பிணக்காடான இந்த மணல் வெளியில் எந்த புதைகுழியில் எனது மலர்களைத் தூவ யாருக்கு எனது அஞ்சலிகளைப் பாட. . வென்றவரும் தோற்றவரும் புதைகிற உலகோ ஒரு முதுகாடாய் உதிர்க்கிறது. எந்தப் புதைகுழியில் என் மலர்களைச் சூட எந்த இலையில் என் அஞ்சலிகளை எழுத... . இந்த உலகிலும் பெரிய இடுகாடெது? பல்லாயிரம் சாம்ராட்சியங்களைப் புதைத்து புதிய கொடிகள் நாட்டப்படுகிற பெரிய அடக்கத் தலம் அது. நடுகற்களின் கீழ் அடிபட்ட பாம்புகளாய் கிழிந்த எங்களூர்ச் சிறுமிகளின் இறுதிச் சாபங்கள் அலைகிறதே. எந்த சாபத்துக்கு நான் கல்வெட்டுப் பாடுவேன். . அகலும் வலசைப் பறவைகளின் புலம்பல்கள் தேயும் மண்ணில் மொட்டை மரங்கள் பாடுகின்றன ”வரலாறு காடுகளைப் பூக்கச் செய்யும்.” 4. நதி வட்டம் - வ.ஐ.ச.ஜெயபாலன் . கடற்கொள்ளை அடித்த முகில் காமத்தில் மலையேற குறுஞ்சிப்பூ மடிமீது பெயல்நீராய் நெழிந்தேன் . யாருமற்ற மலைக்காட்டில் தீயாக பூத்து செம்பவளமாய் உதிரும் பலாச மரங்களே வியக்க பகல் ஒளியில் சிலம்பமாடி வண்ணங்களாய் இறுமாந்தேன். . பசிய கிளை உடைத்துப் பசியாறும் யானை மந்தை நாண மீண்டும் கிளைகளாய் நிறைந்து குருத்தெறிந்து சிரிக்கும் பச்சை மூங்கில்களின் கீழே ஈழவரை நினைத்தபடி மலைகளைக் கடந்துவந்தேன். . வழிநீள வழிநீள பாய்ந்தும் விழுந்தும் தழுவிய தேவதையர் மார்பால் உரைத்துவிட்ட கொச்சி மஞ்சள் கமழ நெடுந்தூரம் வந்துவிட்டேன். . காற்றில் இப்ப கரிக்கிறது உப்பு. கமழ்கிறது தாழம்பூ இனிக்குது கடற்பறவை இசைக்கிற நாடோடிப் பாடல் . சந்தனமாய் தேய்கிற வாழ்வில் எஞ்சிய வானவில் நாட்கள் போதை தருகிறது. என்றாலும் கடல் புகுந்த ஆறு, முகிலாகி மீண்டும் மலையேறும் நதி வட்டப் பெரு வாழ்வில் முதுமை எது? சாவு எது? , இன்னும் நீராட வாராத வனதேவதைக்காக இறுதிவரை ஆறாய் இருப்பேன். . 2017 5. உலா - வ.ஐ.ச.ஜெயபாலன் நீலப் பாவாடையில் குங்குமமாய் எழுஞாயிறு கசிய பூத்தது விடலை வானம். வாழ்த்துடன் நிறைந்தன வலசைப் பறவைகள். எனினும் அன்பே உலாவுக்கான உன் செல்பேசி அழைப்புத்தான் இந்த வசந்த நாளை அழகாக்கியது, வண்ணத்துப் பூச்சிகளாய் காற்றும் பூத்துக் குலுங்கும் வழி நெடுக. காவியம் ஒன்றின் இறை வணக்கம்போல கைகளும் படாத வெகு நாகரீகத்தோடுதான் உலாவை ஆரம்பித்தோம். காடு வருக என கதவுகளாய்த் திறந்தது. சிருஸ்டி வேட்கையில் உருவிப்போட்ட கூறைச் சேலையாய் வண்டாடும் மரங்களின்கீழ் உதிரிப்பூ கம்பளங்கள். என் அன்பே முகமறைப்பில் இருளில் இணையத்தில் கண்காணா தொலைவில்தான் இன்னும் தமிழ்பெண் சிறகசைக்க முடியுதென்பாய்.. முதலிரவுப் படுக்கையாய் பூச்சூடிய இந்தக் காடும் விடுதலைப் பிரதேசமல்லவா . நீ முணுமுணுக்கும் பாடலை உரக்கப் பாடு உன் மந்திர நினைப்புகளை ஒலி தோன்றினால் சொல் கை கோர்க்கலாம்.. 2015 6. வரமுடியவில்லை அம்மா வ.ஐ.ச. ஜெயபாலன் வரமுடியவில்லை அம்மா தீயினை முந்தி உந்தன் திரு உடலில் முத்தமிட... சிங்கமும் நரிகளும் பங்கும் நீர்சுனையின் வழி அஞ்சி உயிர் வற்றும் மானானேன். சென்னைச் சுவர்பாலை துடிக்கும் பல்லி வாலானேன். தோப்பாகும் கனவோடு நீ சுமந்த நறுங் கனிகள தின்றதே ஈழத் தமிழன் விதி என்ற பேர் அறியா தேசத்துப் பறவை. துருவக் கரை ஒன்றில் அதன் பீயாய் விழுந்தேனே என் கனிகளச் சுமந்தபடி இறால் பண்ணை நஞ்சில் நெய்தல் சிதைந்தழியும் சேதுக் கரையோரம் படகுகளும் இல்லை. கண்ணீரால் உன்மீது எழுதாத கவிதைகளைக் காலத்தில் எழுகிறேன்... 2006 7. இன்றைய மது வ.ஐ.ச.ஜெயபாலன் உலகம் விதியின் கள்ளு மொந்தை. நிறைந்து வழிகிறது அது மதுக் கிண்ணம் தாங்கியவர்களால் எப்போதும் நுரைத்தபடி. நேற்றிருந்தது வேறு. இங்கே நுரைபொங்குவது புதிய மது. அது இன்றைய நாயகனுக்கானது. நாளை கிண்ணம் நிறைகிறபோது வேறு ஒருவன் காத்திருப்பான். நிச்சயம் இல்லை நமக்கு நாளைய மது அல்லது நாளை. எனக்காக இன்று சூரியனை ஏற்றி வைத்தவனுக்கு நன்றி. அது என் கண் அசையும் திசைகளில் சுவர்க்கத்தின் கதவுகளைத் திறக்கிறது. மயக்கும் இரவுகளில் நிலாவுக்காக ஓரம்போகிற சூரியனே உன்னையும் வணங்கத் தோன்றுகிறதடா. கள்ளு நிலா வெறிக்கின்ற இரவுகள்தோறும் ஏவாளும் நானும் கலகம் செய்தோம். ஏடன் தோப்பினால் விரட்டி அடித்தோமே கடவுளையும் பாம்பையும். இதைத் தின்னாதே என்னவும் இதைத் தின் என்னவும் இவர்கள் யார். காதலே எமது அறமாகவும் பசிகளே எமது வரங்களாகவும் குதூகலித்தோம். எப்பவுமே வரப்பிரசாதங்கள் வசந்தம் முதலாம் பருவங்கள் போலவும் உறவுகள் போலவும் நிகழ் தருணங்களின் சத்தியம். நிலம் காய்ந்த பின் விதைப் பெட்டி தூக்கியவனுக்கு ஐயோ பட்டமரம் துளிர்க்கிற மண்ணில்கூட அவனது வியர்வை முளைப்பதில்லை. போன மழையை அவன் எங்கே பிடிப்பான். அது ஈரமாய் காத்திருந்திருந்த சத்தியம். நனைந்த நிலத்தில் உழுகிறவனின் கவிதையை எழுதுகிறது ஏர்முனை. காலியான விதைப் பெட்டியில் காட்டுமலர்களோடு நிறைகிறது கனவுகள். 9. என் கதை வ.ஐ.ச.ஜெயபாலன் * அவள் தனி வனமான ஆலமரம். நான் சிறகுகளால் உலகளக்கிற பறவை. என்னை முதன் முதற் கண்டபோது நீலவானின் கீழே அலையும் கட்டற்ற முகிலென்றே நினைத்தாளாம். நானோ அவளை கீழே நகரும் பாலையில் தேங்கிய பாசி படர்ந்த குளமென்றிருந்தேன். * ஒருநாள் காதலில் கிளைகளை அகட்டி ஜாடை காட்டினாள். மறுநாள் அங்கிருந்தது என் கூடு. இப்படித்தான் தோழதோழியரே எல்லாம் ஆரம்பமானது. தண்ணீரை மட்டுமே மறந்துபோய் ஏனைய அனைத்துச் செல்வங்களோடும் பாலை வழி நடந்த காதலர் நாம். * அவளோ வேரில் நிமிர்ந்த தேவதை. நிலைப்பதே அவளது தர்மமாயிருந்தது. சிறகுகளில் மிதக்கும் எனக்கோ நிலைத்தல் இறப்பு. மண்ணுடன் அவள் எனை வேரால் இறுகக் கட்ட முனைந்தும், நானோ விண்ணுள் அவளைச் சிறகுடன் எய்ய நினைந்தும் தோற்றுப் போனோம். * உண்மைதான் அவளை நொண்டியென்று விரக்தியில் வைதது. முதலில் அவள்தான் என்னைப் பார்த்து கண்ட மரம் குந்தி, ஓடுகாலி மிதக்கும் நரகல் என்றாள். * ஓரு வழியாக இறுதியின் இறுதியில் கூட்டுக்காகவும் குஞ்சுகட்காகவும் சமரசமானோம். மாய ஊறவின் கானல் யதார்த்தமும் வாழ்வின் உபாயங்களும் காலம் கடந்தே வாய்த்தது நமக்கு நம் காதலாய் அரங்கேறியதோ உயிர்களைப் படைக்குமோர் பண்ணையார் என்றோ எழுதிய நாடகச் சுவடி. * இப்போது தெளிந்தேன். சந்திக்கும் போதெலாம் என் தங்க ஆலமரத்திடம் சொல்வேன். ”ஆயிரம் வனங்கள் கடந்தேன் ஆயினும் உன் கிளையன்றிப் பிறிதில் அமர்ந்திலேன்.” மகிழ்ந்த என் ஆலமரம் சொல்லும் ” என்னைக் கடந்தன ஆயிரம் பறவைகள் என் கிளைகளில் அமர்ந்ததோ நீ மட்டும்தான்.” * இப்படித்தான் தோழதோழியரே ஒரு மரமும் பறவையும் காவியமானது. // 9. இல்லறம் -வ.ஐ.ச.ஜெயபாலன். ஆற்றம் கரையில் இன்னும் தோற்றுப்போகாத மரம் நான். இன்று தெளிந்துபோய் புல்லும் சிலும்பாமல் நடக்கிறது காட்டாறு. விடியலில் இருந்தே ஒளியைக் கசக்கி ஹோலிப் பண்டிகைக் குறும்போடு வண்ணங்கள் வீசி தொட்டுத் தொட்டுடச் செல்கிறது அது. நேற்று வெறிகொண்டாடியது தானல்ல என்பதுபோல. எனது கன்றுகள் முளைத் தெழுகிற நாள்வரையேனும் கைவிட்டகலும் வேர்மண் பற்றி பிழைத்திருக்கிற போராட்டத்தில் நேற்று அடைந்த விரக்தியை மறந்தேன் அது நானல்ல என்பதுபோல. நேற்றைய துன்பமும் உண்மை நாளைய பயமோ அதனிலும் உண்மை. எனினும் இன்றில் மொட்டவிழ்கிறதே வாழ்வு. சிறகசைக்கிறதே வண்ணத்துப் பூச்சிகள். துள்ளி மகிழுதே பொன்மீன்கள். நமது அன்றாட மறதிக்குப் பரிசுதானே இந்த நட்பும் வாழ்வும். 10. நெடுந்தீவு ஆச்சிக்கு வ.ஐ.ச.ஜெயபாலன் அலைகளின்மீது பனைக்கரம் உயர எப்போதும் இருக்கிற என்னுடைய ஆச்சி காலம் காலமாய் உன்னைப் பிடித்த பிசாசுகள் எல்லாம் தோற்றுப் போயின போத்துக்கீசரின் எலும்புகள் மீதும் தென்னம் தோப்பு நானும் என் தோழரும் செவ்விளநீர் திருடிய தென்னந் தோப்பு. தருணங்களை யார் வென்றாலும் அவர்களுடைய புதை குழிகளின்மேல் காலத்தை வெல்லுவாள் எனது ஆச்சி. என்ன இது ஆச்சி மீண்டும் உன் கரைகளில் நாங்கள் என்றோ விரட்டி அடித்த போத்துக்கீசரா ? தோல் நிறம் பற்றியும் கண் நிறம் பற்றியும் ஒன்றும் பேசாதே அவர்கள் போத்துக்கீசரே எந்த அன்னியருக்கும் நிலை இல்லை எனது ஊர் நிலைக்கும் என்பதைத்தவிர எதனை எண்ணி நான் ஆறுதல் அடைவேன். நாளை இந்தப் போத்துக்கீசரும் புதைய அங்கு கரும்பனைத் தோப்பெழும் என்பதைத் தவிர எதனை எண்ணி நான் ஆறுதல் அடைவேன். ஆச்சி என் இளமை நாள் பூராக ஆடியும் பாடியும் கூடியும் வாடியும் தேடிய வாழ்வெலாம் ஆமை நான், உனது கரைகள் நீழ புதைத்து வந்தேனே. என்னுடன் இளநீர் திருட தென்னையில் ஏறிய நிலவையும் என்னுடன் நீர் விழையாட மழை வெள்ளத்துள் குதித்த சூரியனையும் உனது கரைகளில் விட்டுவந்தேனே என் சந்ததிக்காக. திசகாட்டியையும் சுக்கானையும் பறிகொடுத்த மாலுமி நான் நீர்ப் பாலைகளில் கனவுகாண்பதுன் கரைகளே ஆச்சி நீ நிலைத்திருப்பாய் என்பதைத் தவிர எதனைக் கொண்டுநான் மனம் ஆற என் ஆச்சி (பெருந்தொகை -1995) *நெடுந்தீவு (Delft) எனது மூதாதையரின் தீவு. இன்று இரணுவத்தின் பிடியில் சிக்கியுள்ளது. விட்டு விடுதலையாகி நின்ற இந்த தனித்த தீவு பதினேழாம் நூற்றாண்டின் ஆரம்பத்தில் போத்துக்கீசரால் கைப்பற்றப்பட்டது.

இரு வர்ணத்தில் இனிய பாடல்கள்.....!

3 months 3 weeks ago
படம் : ஆடி பெருக்கு(1962) இசை : AM ராஜா பாடியோர் : AM ராஜா & P சுசீலா வரிகள்: கண்ணதாசன் பெண்: கண்ணிழந்த மனிதர் முன்னே ஓவியம் வைத்தார் கண்ணிழந்த மனிதர் முன்னே ஓவியம் வைத்தார் இரு காதில்லாத மனிதர் முன்னே பாடலிசைத்தார் பாடலிசைத்தார் ஆண்: கண்ணிருந்தும் ஓவியத்தைக் காட்டி மறைத்தார் இரு காதிருந்தும் பாதியிலே பாட்டை முடித்தார் பாட்டை முடித்தார் பெண்: ஆட வந்த மேடையிலே முள்ளை வளர்த்தார் அணைக்க வந்த கரங்களுக்குத் தடையை விதித்தார் ஆட வந்த மேடையிலே முள்ளை வளர்த்தார் அணைக்க வந்த கரங்களுக்குத் தடையை விதித்தார் காய்ந்து விட்ட மரத்தினிலே கொடியை இணைத்தார் தாவி வந்த பைங்கிளியின் சிறகை ஒடித்தார் பண்ணறியா மனிதர் முன்னே வீணையை வைத்தார் ஆண்: பண்ணறிந்தும் மீட்டு முன்னே யாழைப் பறித்தார் யாழைப் பறித்தார் பெண்: கண்ணிழந்த மனிதர் முன்னே ஓவியம் வைத்தார் ஆண்: கண்ணிருந்தும் ஓவியத்தைக் காட்டி மறைத்தார் காட்டி மறைத்தார் பெண்: பெண் பெருமை பேசிப் பேசிக் காலம் கழிப்பார் தன் பெருமை குலையுமென்றால் பெண்ணை அழிப்பார் பெண் பெருமை பேசிப் பேசிக் காலம் கழிப்பார் தன் பெருமை குலையுமென்றால் பெண்ணை அழிப்பார் ஆண்: முன்னுமில்லை பின்னுமில்லை முடிவுமில்லையே மூடர் செய்த விதிகளுக்குத் தெளிவுமில்லையே பெண்: கண்ணிழந்த மனிதர் முன்னே ஓவியம் வைத்தார் இரு காதில்லாத மனிதர் முன்னே பாடலிசைத்தார் பாடலிசைத்தார் கண்ணிழந்த மனிதர் முன்னே ஓவியம் வைத்தார் இரு காதில்லாத மனிதர் முன்னே பாடலிசைத்தார் பாடலிசைத்தார்

’ மன்னாரில் எந்தவிதமான நல்லிணக்கமும் ஏற்படவில்லை’

3 months 3 weeks ago
அதை எப்படி செய்வது என்பதையும் நீங்கள் சொல்லி கொடுத்தால் தானே உதவியாக இருக்கும்? இதற்கான வழி தெரிந்திருந்தால் எப்போதோ செய்திருப்பார்கள்.

நடராஜரே அசந்துபோகும் அளவுக்கு அவரது போஸில் அருமையா ஆடும் இந்திய வீரர்கள்

3 months 3 weeks ago
நடராஜரே அசந்துபோகும் அளவுக்கு அவரது போஸில் அருமையா ஆடும் இந்திய வீரர்கள்.! இந்திய வீரர்கள் விராட் கோலி, ரோஹித் சர்மா, தோனி ஆகிய மூவருமே வெஸ்ட் இண்டீஸுக்கு எதிராக நடராஜா ஷாட்டை அபாரமாக ஆடினர். ஷார்ட் பிட்ச், பவுன்ஸர் பந்தை ஒற்றை காலை தூக்கிக்கொண்டு, நடராஜரின் போஸ் போல ஆடும் ஷாட்டுக்கு பெயர் "நடராஜா ஷாட்". இந்த ஷாட்டை அடிக்கடி அபாரமாகவும் நேர்த்தியாகவும் ஆடக்கூடியவர் வெஸ்ட் இண்டீஸ் முன்னாள் ஜாம்பவான் பிரயன் லாரா. வெஸ்ட் இண்டீஸ் முன்னாள் ஜாம்பவானுக்கு மிகவும் பிடித்த இந்த நடராஜா ஷாட்டை வெஸ்ட் இண்டீஸுக்கு எதிராக மிகவும் நேர்த்தியாக ஆடினர் இந்திய வீரர்கள். நேற்றைய போட்டியில் ரோஹித் சர்மா வெறும் 18 ரன்கள் மட்டுமே அடித்தார். அதில் ஒரு ஷாட் நடராஜா ஷாட். ரோஹித் ஷார்ட் பிட்ச் பந்துகளை நன்றாக ஆடுவார் என்பதால் இந்த ஷாட்டை அடிக்கடி ஆடுவார். ரோஹித்தைத் தொடர்ந்து கேப்டன் விராட் கோலி மற்றும் தோனி ஆகியோரும் நடராஜா ஷாட்டை ஆடினர். https://tamil.asianetnews.com/sports-cricket/indian-batsmen-executes-nataraja-shot-very-well-ptt1t7 டிஸ்கி : அப்போ உது என்ன. ? சாமி கும்புடுற ஸ்ரொக்கா..! 😄

நெஞ்சத்தை அள்ளிக் கொஞ்சம் தா தா..

3 months 3 weeks ago
முதல்ல அந்தப் படத்தை பாருங்கள்.. ஐயா..! எந்தவித விரசமுமில்லாத, மிக இனிமையான பாடல்களைக் கொண்ட படத்தை பார்க்காதவர்கள், இன்றைய தலைமுறை ஆட்களாகத்தான் இருப்பார்கள்! நீங்கள் இணத்த பதிவை நான் பார்க்கவில்லை ஐயா, மன்னிக்கவும்.

ஆயிரத்தொரு சொற்கள் -ஷோபாசக்தி

3 months 3 weeks ago
புலம் பெயர்ந்த அகதிகளின் வாழ்க்கைப் பயணத்தையும், அவர்கள் அன்றாடம் எதிர்நோக்கும் சவால்கள் பற்றியும் குறிப்பிடப்பட்டுள்ளது. கறுப்புத் தமிழ் அகதியை நோக்கிக் காத்திருக்கும் இன்னொரு அகதியின் வலிமிகு பதிவு. தாய்நாட்டைப் பிரிந்து புலம்பெயர்ந்தவர்களின் வலி சொல்லில் அடங்காது. எழுத்தாளர் சோபாசக்தியைப் பற்றிய பரிட்சயம் குறைவு. அவரின் எழுத்துகளை வாசித்துப் பார்க்க ஆர்வம் எழுகிறது.

தோல்வியடைந்த வறுமை ஒழிப்புத் திட்டமே சமுர்த்தி- சப்ரகமுவ ஆளுனர்

3 months 3 weeks ago
தோல்வியடைந்த வறுமை ஒழிப்புத் திட்டமே சமுர்த்தி- சப்ரகமுவ ஆளுனர் சமுர்த்தி அபிவிருத்தித் திட்டம் பயனற்ற ஒரு நடவடிக்கையாகும் எனவும் தனக்கு அதிகாரம் இருக்குமாயின் சமுர்த்தித் திட்டத்தை செல்லுபடியற்றதாக ஆக்கிவிடுவதாகவும் சப்ரகமுவ மாகாண ஆளுனர் தம்ம திஸாநாயக்க தெரிவித்துள்ளார். பலாங்கொடயில் நேற்று (28) நடைபெற்ற நிகழ்வொன்றில் உரையாற்றுகையில் அவர் இதனைக் கூறியுள்ளார். வறுமையை ஒழிப்பதற்கு சமுர்த்தி அதிகாரிகளுக்கு தொழில் வழங்கப்பட்ட போது அந்த அதிகாரிகளின் வறுமையே நீக்கப்படுகின்றது. பாரிய எண்ணிக்கையிலான மக்களுக்கு சமுர்த்தி உதவி வழங்கப்பட்டதனால், அரசியல்வாதிகளின் வறுமையே போக்கப்படுவதாகவும் அவர் சுட்டிக்காட்டியுள்ளார். சமுர்த்தி செயற்திட்டம் தேர்தல் வாக்குகளை நோக்காகக் கொண்ட ஒரு இயந்திரம் என கடந்த அரசாங்கத்தில் இருந்த ஒரு அமைச்சர் குறிப்பிட்டிருந்ததாகவும் தெரிவித்த ஆளுனர், வறுமையை ஒழிப்பதை நோக்காகக் கொண்ட செயற்திட்டம் அமைக்கப்படுவது காலத்தின் தேவையாகும் எனவும் ஆளுனர் மேலும் குறிப்பிட்டுள்ளார். http://www.dailyceylon.com/185442/

சிவாஜி கணேசனின் வசந்த மாளிகை மறுவெளியீட்டில் சாதனை (முகநூல் பதிவுகளில் இருந்து)

3 months 3 weeks ago
நடிகர் திலகம் சிவாஜி கணேசன் வாணிஶ்ரீ நடிப்பில் 1972 ஆம் ஆண்டு திரையிடப்பட்டு 200 நாட்களுக்குமேல் ஓடி வெற்றி கண்ட வசந்த மாளிகை மீண்டும் மறுவெளியீடாக யூன் 21 முதல் தமிழகம் எங்கும் திரையிடப்பட்டு புதிய படங்களுக்கு இணையாக சாதனை ஏற்படுத்தி வருகின்றது . இது பற்றி இணையத்தளங்கள் முகநூல் போன்றவற்றில் பதிவுகள் அதிகம் இடம்பெற்றுள்ளன .அப்பதிவுகள் பார்வைக்கு இங்கே.

யாழ் கள உலகக்கிண்ண கிரிக்கெட் போட்டி 2019

3 months 3 weeks ago
இன்று முதலாவது போட்டி Sat 29 June 05:30 (EDT) (YOUR TIME) Headingley, Leeds 10:30AM UK PAKISTAN AFGHANISTAN இன்றைய முதலாவது போட்டியில் பாகிஸ்தான் வெல்லும் என்று 21 பேரும் ஆப்கானிஸ்தான் வெல்லும் என்று சுவி நந்தன்,குமாரசாமியும் சமநிலை என்று ரதியும் விடையளித்துள்ளனர் இரண்டாவது போட்டி Sat 29 June 08:30 (EDT) (YOUR TIME) Lord's, London 01:30PM UK NEW ZEALAND AUSTRALIA இன்றைய இரண்டாவது போட்டியில் அவுஸ்திரேலியா வெல்லும் என்று 19 பேரும் நியூசிலாந்து வெல்லும் என்று அகஸ்தியன்,ஈழப்பிரியன்,ரஞ்சித் நீர்வேலியான்,கல்யாணி,காரணிகன் ஆகியோர் விடையளித்துள்ளனர்.

இந்து என்றால் என்ன? ஒரு பகுப்பாய்வு

3 months 3 weeks ago
மிக அருமையான பதிவு! இந்துக்களை சீண்டிப்பார்க்கும் சண்டாளர்களுக்கு இந்துக்களை சீண்டிப்பார்க்கும் மதமாற்ற வெறியர்களுக்கு நெருப்படி கொடுக்கப்பட்டுள்ளது!

கதிர்காமப் பாத யாத்திரையை தேசிய புனித யாத்திரையாக பிரகடனப்படுத்துவேன்: மனோ

3 months 3 weeks ago
கொஞ்ச காலமா மனோ கணேஷன் கவுண்டமணி ஸ்டைல்ல தான் கூவிவாறார்! அப்ப 100 வருஷங்களா நடந்து வருவது புனிதமில்லா யாத்திரையோ? நான் மரத்துக்கு மரம் என்றும், மாட்டுக்கு மாடு என்றும் பெயர் வைத்து பிரகடனப் படுத்துவன் என்று மனோ கணேசனின் அடுத்த அறிக்கை வந்தாலும் ஆச்சரியபட ஒன்டுமில்ல! அவரோட திறமை ரேஞ் அப்பிடி தான் இருக்கு!

முஸ்லிம் சமூகத்தை பயங்கரவாதிகளாக கருதுவதை ஏற்றுக்கொள்ள முடியாது - ஹகீம்

3 months 3 weeks ago
உண்மைகளை எல்லாரும் மறைக்கோனும் என்டு ஹக்கீம் எதிர்ப்பார்க்க கூடாது. உலகமே முஸ்லிம்களை பயங்கரவாதிகளா பாக்கேக்க சிங்களவன் கிடைச்ச சான்சை சும்மா விடுவானா?

சமஸ்டி கேட்டவர்கள் இப்பொழுது சமுர்த்தி கேட்டு திரிகிறார்கள்!

3 months 3 weeks ago
இப்பிடி தமிழ் கூத்தமைப்பின்ட தோலை உரித்துக்காட்டினால் அவங்க எப்பிடி அடுத்த தேர்தல்ல மக்களை ஏமாத்தி வெல்லுறது?

ரத்த மகுடம்

3 months 3 weeks ago
59 ‘இதை வன்மையாக மறுக்கிறேன்!’’ சீறினார் அனந்தவர்மர். ‘‘சாளுக்கிய மன்னராக நீங்கள் தொடர்ந்து நீடிக்கவும் உங்கள் மீது இந்த அவை சுமத்திய குற்றச்சாட்டுகளில் இருந்து விடுபடவும் இப்படியொரு அபாண்டமான பழியை என்மீது சுமத்துகிறீர்கள்...’’ உதடுகள் துடிக்க அனந்தவர்மர் கத்தினார். ‘‘தகுந்த ஆதாரங்களை குறுநில மன்னர்களும் அமைச்சர் பெருமக்களும் சூழ்ந்திருக்கும் இந்த அவை முன் சமர்ப்பிக்க தயாராக இருக்கிறேன்...’’ நிறுத்திய சாளுக்கிய மன்னர் விக்கிரமாதித்தர், சில கணங்கள் அமைதியாக இருந்துவிட்டு தொடர்ந்தார். ‘‘முதலில் எந்த ஆதாரத்தை வைக்கட்டும்... கரிகாலன் முன்பு சிவகாமி நிகழ்த்திக் கொண்டிருக்கும் நாடகம் குறித்த தகவலா அல்லது...’’‘‘சாளுக்கிய அரியணையைக் கைப்பற்ற ஓடி ஒளிந்திருக்கும் பல்லவ மன்னரான பரமேஸ்வரவர்மரின் உதவியை நான் நாடினேன் என்று இப்பொழுது பழி சுமத்தினீர்களே... அதற்கான ஆதாரத்தை முதலில் சமர்ப்பியுங்கள்!’’ அனந்தவர்மர் இடைவெட்டினார்.‘‘இதற்கு இந்த அவை ஒப்புக் கொள்கிறதா..?’’ விக்கிரமாதித்தர் பொதுவாகக் கேட்டார். அமர்ந்திருந்தவர்களுக்கு என்ன பதில் சொல்வதென்று தெரியவில்லை. ஆடாமல் அசையாமல் அப்படியே அமர்ந்திருந்தார்கள். ஆனால், அனைவருக்கும் ஒரு விஷயம் மட்டும் தெளிவாகப் புரிந்தது. சாளுக்கிய மன்னரான விக்கிரமாதித்தரை இந்த அவை விசாரிக்கவில்லை... மாறாக, அவர்தான் இந்த அவையை விசாரித்துக் கொண்டிருக்கிறார்!‘‘நல்லது... மவுனம் சம்மதம் என்பதால் அனந்தவர்மர் கேட்ட ஆதாரங்களை அவை முன் சமர்ப்பிக்கிறேன்... அதற்கு கொஞ்சம் பழைய வரலாற்றில் இருந்து ஆரம்பிக்க வேண்டும்... பொறுமையாகக் கேட்பீர்கள் என நம்புகிறேன்...’’நிதானமாக வாக்கியங்களை உதிர்த்த சாளுக்கிய மன்னர், அவையில் அமர்ந்திருந்தவர்களைச் சுற்றிச் சுற்றி நடந்தபடி எல்லோரின் கண்களையும் நேருக்கு நேர் பார்த்தபடி பேசத் தொடங்கினார்...‘‘தக்காணத்தைச் சேர்ந்த பாதாமி சாளுக்கியர்களாகிய நாம்... பழங்கால சோழ அரசின் எல்லை வரை ஆளும் பல்லவர்கள் மற்றும் தென் பகுதியை ஆளும் பாண்டியர்கள்... இந்த மூன்று அரசுகளும்தான் தக்காணத்தில் இருந்து தென் எல்லை வரை மிகப்பெரிய பேரரசை நிறுவ போர் புரிந்துகொண்டே இருக்கிறோம்.இப்படியொரு மகத்தான சாம்ராஜ்ஜிய கனவு மூன்று அரசுகளிடமும் இருக்கிறது. ஏனெனில் இதற்கு முன் நம் பகுதியில் இப்படி எந்த அரசும் தனித்து பேரரசானதில்லை. ஆக, வரலாற்றில் யார் முதன்முதலில் மிகப்பெரிய சாம்ராஜ்ஜியத்தை தென்னகத்தில் ஸ்தாபிக்கப் போகிறார்கள் என்ற ஆவல் மக்களை விட வடபகுதி அரசுகளிடம் அதிகம் நிலவுகிறது. காரணம், வணிகச் சந்தை... வணிக செல்வங்கள்... சுங்க வரிகள்.தென் பகுதியைச் சேர்ந்த அனைத்து துறைமுகங்களும் இந்த மூன்று அரசுகளின் கட்டுப்பாட்டில்தான் இருக்கின்றன. யவனர்களும் பாரசீகர்களும் சீனர்களும் இந்த துறைமுகங்கள் அனைத்தையும் பயன்படுத்திக் கொள்கிறார்கள். அனைத்து நாட்டு வணிகர்களையும் எந்தவித கட்டுப்பாடும் இல்லாமல் இந்த மூன்று அரசுகளும் வணிகம் செய்ய அனுமதிக்கின்றன.ஆனால், சுங்க வரியை தனித்தனியாக அவர்கள் செலுத்த வேண்டியிருக்கிறது. பாண்டியர்களின் துறைமுகத்தில் அவர்களுக்கு சுங்கம் செலுத்திவிட்டு மல்லை கடற்கரைக்கு வரும்போது பல்லவர்களுக்கு மீண்டும் வரி செலுத்த வேண்டியிருக்கிறது. போலவே தென்னக துறைமுகத்தில் இருந்து நம் கட்டுப்பாட்டிலுள்ள துறைமுகத்துக்கு நாவாய்கள் வருகையில் சாளுக்கியர்களான நமக்கு சுங்கம் செலுத்த வேண்டிய கட்டாயம் அவர்களுக்கு ஏற்படுகிறது.எனவே, எல்லா துறைமுகங்களும் ஓர் அரசின் கட்டுப்பாட்டில் இருந்தால் ஒரே முறையில் வரி செலுத்திவிட்டு மற்ற துறைமுகங்களில் சுதந்திரமாக பயணிக்க முடியுமே என நினைக்கிறார்கள்.இதன் பொருட்டே மூன்று அரசுகளின் தூதுக்குழுக்களையும் யவனர்களும் பாரசீகர்களும் அராபியர்களும் சந்திக்கிறார்கள்... தங்கள் நாட்டுக்கு வரவேற்று மரியாதை செலுத்துகிறார்கள். என் தந்தையும் சாளுக்கியர்களில் மாமன்னருமான இரண்டாம் புலிகேசி காலத்தில் பாரசீகத்துக்குச் சென்ற சாளுக்கிய தூதுக்குழுவும் இந்த வகையானதுதான்.இதை தவறு என்று சொல்ல முடியாது. யவனர்கள், பாரசீகர்கள், அராபியர்கள், சீனர்கள் பார்வையில் இது சரிதான். போலவே மற்ற இரு அரசுகளையும் கைப்பற்ற வேண்டும் என சாளுக்கியர்களும், பல்லவர்களும், பாண்டியர்களும் தனித்தனியே கருதுவதும் திட்டமிடுவதும், அதற்கான ஏற்பாடுகளில் இறங்குவதும் இயல்புதான். ஏனெனில் மின்னலைப் போல் செல்வங்கள் அரசு விட்டு அரசு கடக்கின்றன. எத்தனை கஜானாக்களை உருவாக்கினாலும் அத்தனையும் நிரம்பி வழியும் அளவுக்கு செல்வங்கள் மூன்று அரசுகளிடமும் குவிகின்றன. அதனாலேயே இன்னும் இன்னும் என்ற ஏக்கம் மூவருக்குமே கிளர்ந்து எழுகிறது.அதேநேரம் மூவராலுமே மற்ற இருவரையும் வெற்றி கொள்ள முடியாத அளவுக்கு இயற்கையாகவே பல தடைகள் நிலவுகின்றன.தக்காணத்தை ஆளும் சாளுக்கியர்களாகிய நமக்கு வடக்கில் வட அரசர்களின் தொல்லை... தெற்கிலோ பல்லவர்கள். இந்தப் பல்லவர்களை ஜெயித்தால்தான் பாண்டியர்களை நம்மால் வீழ்த்த முடியும். பாண்டிய நாட்டுப் பக்கம் நாம் செல்லும்பொழுது வடக்கில் இருக்கும் அரசுகள் நம் சாளுக்கிய தேசத்தின் மீது போர் தொடுக்காமல் இருக்க வேண்டும்!பல்லவர்களைப் பொறுத்தவரை வடக்கில் நாம்... தெற்கில் பாண்டியர்கள்! நடுவில் அவர்கள் சிக்கியிருப்பதால் இரு எல்லைகளிலும் தங்கள் படையை நிறுத்தி வைக்க வேண்டிய கட்டாயம்!பாண்டியர்களின் நிலையோ வேறு. தெற்கில் அவர்களுக்கு இருப்பது கடல். வடக்கிலோ பல்லவர்கள்... அதன்பிறகே தக்காணத்தில் நாம்.ஆக, மூவருமே மற்ற இருவரை வெற்றி கொள்ள நினைத்தால் அவ்விருவரும் தங்களுக்குள் தற்காலிகமாக நண்பர்களாக மாறி மூன்றாமவரை நோக்கிப் பாய வாய்ப்பிருக்கிறது.இப்படியொரு சிக்கலில் மூன்று அரசுகளுமே சிக்கியிருக்கிறது. எனவே, எவ்வித சேதாரமும் இன்றி மூவருமே காய்களை நகர்த்தி வருகிறோம்... மற்ற இரு அரசுகளையும் கைப்பற்ற திட்டமிடுகிறோம்... ஆனால், இந்த அரசியல் மோதல்கள் பண்பாட்டு வளர்ச்சிக்குத் தடையாக நிற்கவில்லை; நிற்கவும் மூவரும் அனுமதிக்கவில்லை என்பதையும் குறிப்பிட்டே ஆகவேண்டும். சமணம், பவுத்தம் ஆகிய மதங்களை பின்னுக்குத் தள்ளிவிட்டு பன்முக வளர்ச்சியுடன் இந்து மதம் இப்பொழுது தக்காணம் முதல் தென் எல்லை வரை பரவியிருக்கிறது. பக்தி மரபுகள் மக்களின் அன்றாட வாழ்க்கையோடு ஊடுருவிவிட்டன. இதனால் கட்டடக் கலை, சிற்பக் கலை, ஓவியக் கலை, இசைக் கலை... என சகல கவின் கலைகளும் மிகப்பெரிய அளவில் முன்னேற்றம் அடைந்திருக்கின்றன.இவ்வளவும் இந்த அவையில் அமர்ந்திருக்கும் உங்கள் அனைவருக்கும் தெரியும்... அறிந்ததையே மீண்டும் நினைவுபடுத்தியதற்குக் காரணம் அனந்தவர்மரின் செய்கைதான்...பொறுங்கள்... இன்னமும் நான் முடிக்கவில்லை... ஆதாரங்களை சமர்ப்பிக்கிறேன்... பிறகு நீங்கள் உங்கள் தரப்பை சொல்லுங்கள்...’’ இடையில் பேச முற்பட்ட அனந்தவர்மரை அடக்கிவிட்டு தன் சிம்மாசனத்தில் அமர்ந்தார் சாளுக்கிய மன்னரான விக்கிரமாதித்தர்.‘‘பாதாமி சாளுக்கியர்கள் எனப்படும் நமது அரசை நிறுவியவர் முதலாம் புலிகேசி. புலிகேசன் என்றால் அரியேறு என்று அர்த்தம். அவர் பாதாமிக்கு அருகில் இருந்த குன்றை வலிமை மிக்க அரணாக மாற்றினார். அதன் பின் அவர் அசுவமேத யாகம் செய்து தன் சுயேட்சையை எட்டுத் திக்கிலும் தெரியப்படுத்தினார். அவர் அமைத்த கோட்டை மலப்பிரபா நதியில் இருந்து பல காத தூரங்களுக்கு எதிரிகளின் தாக்குதலைச் சமாளிப்பதற்கு ஏற்ற உயர்ந்த இடத்தில் அமைந்திருந்தது. அதற்குக் கிழக்கில் இருக்கும் குன்றுகளில் மகாகூடமும் ஒன்று. அதே திசையில் இன்னும் பல காத தொலைவில் மலப்பிரபா நதி கரையில் பட்டடக்கல் இருக்கிறது. அதே நதியின் மறு கரையில் அய்கோளே... இந்த இடங்களில் எல்லாம் சாளுக்கியர்களின் கட்டட சிற்பக் கலை சிறப்பை வருங்காலத் தலைமுறையும் கண்டு களிக்கும்.இந்த முதலாம் புலிகேசிக்குப் பின் ஆட்சிக்கு வந்த அவரது மகன் முதலாம் கீர்த்திவர்மன், பனவாசிக் கடம்பர்களோடும், கொங்கணத்து மவுரியர்களோடும், நள மரபினரோடும் போர் செய்து ராஜ்ஜியத்தை விரிவுபடுத்தினார்.கொங்கண வெற்றியால் அங்கிருந்த முக்கிய துறைமுகமான ரேவதி தீவு (இன்றைய கோவா), நம் எல்லைக்குள் வந்தது.கீர்த்திவர்மர் திடீரென காலமானபோது என் தந்தை இரண்டாம் புலிகேசிக்கு இள வயது. எனவே கீர்த்திவர்மரின் தம்பியான மங்களேசன் ஆட்சிப் பொறுப்புக்கு வந்தார். காண்டேஷ், மாளவம் பகுதிகளில் ஆட்சி செய்து வந்த காலசூரி வம்ச அரசரான புத்தராஜன் மீது மங்களேசன் படையெடுத்துச் சென்றார். ஏராளமான கொள்ளைப் பொருட்கள் கிடைத்ததே தவிர நாட்டின் எல்லை விரிவுபடுத்தப்பட்டது என்று சொல்ல முடியாது.இதே காலத்தில் ரேவதித் தீவில் கலகம் மூள ஆரம்பித்தது. அதை அடக்கி மீண்டும் சாளுக்கியர்கள் அங்கு கால் பதிக்க மங்களேசன் வழிவகுத்தார்.இதற்குள் என் தந்தை இரண்டாம் புலிகேசி வளர்ந்து ஆளானார். நியாயமாக சாளுக்கிய மணிமுடியை அவரிடம் ஒப்படைத்துவிட்டு மங்களேசன் அகன்றிருக்க வேண்டும். ஆனால், முடிந்த வரை காலத்தைக் கடத்தி தன் மகன் அரியணை ஏற வழிவகை செய்ய ஆரம்பித்தார்.இதை அறிந்த என் தந்தை பாதாமியில், தான் இருந்தால் ஒருவேளை தன் உயிருக்கே ஆபத்தாக முடியலாம் என்று நினைத்து இரவோடு இரவாக யாருக்கும் எந்த சந்தேகமும் எழாதபடி நாட்டை விட்டு வெளியேறினார்.நண்பர்களின் துணையோடு படை திரட்டி மங்களேசரோடு போரிட்டு அவரை வீழ்த்தி சாளுக்கிய மன்னரானார்...கவனிக்க... தன் உரிமையை நிலைநாட்ட என் தந்தை தன் நண்பர்களின் உதவியைத்தான் நாடினார்... பகைவர்களின் துணையை நாடவில்லை... அதாவது...’’ எழுந்த விக்கிரமாதித்தர் நேராக அனந்தவர்மரின் இருக்கைக்கு அருகில் சென்று அவர் முகத்தை உற்றுப் பார்த்தார். ‘‘உங்களைப் போல் பல்லவர்களின் உதவியை நம் தந்தை நாடவில்லை!’’‘‘பொய்...’’ அனந்தவர்மர் தன்னை மீறி கத்தினார்.‘‘உண்மை...’’ குரலை உயர்த்தாமல் அதேநேரம் அழுத்தமாகச் சொன்ன விக்கிரமாதித்தர் சட்டென தன் வாளை உருவி அனந்தவர்மரின் கழுத்தில் வைத்தார்! ‘‘ஆதாரங்களைச் சமர்ப்பிக்கும் வரை வாயே திறக்கக் கூடாது! கண்டிப்பாக உங்கள் தரப்பை எடுத்துச் சொல்ல வாய்ப்பு வழங்கப்படும்! அதுவரை சுவாசிக்க மட்டுமே செய்ய வேண்டும்!’’ கர்ஜித்த விக்கிரமாதித்தர், என்ன ஏது என்று மற்றவர்கள் சுதாரிப்பதற்குள் அங்கிருந்த திரைச்சீலையை இழுத்தார்.அது சிவகாமி நாட்டியமாடுவது போல் ஓவியம் தீட்டப்பட்ட திரைச்சீலை.இழுத்த இழுப்பில் அது அவர் கையோடு வந்தது.அந்த இடத்தில் கம்பீரமாக ஒருவர் அமர்ந்திருந்தார்.அவர் மாமன்னர் இரண்டாம் புலிகேசி!

முஸ்லிம்கள் வர்த்தகம் செய்ய தடை: வென்னப்புவ பிரதேசசபை அதிரடி!

3 months 3 weeks ago
இந்த படங்கள்ல சஜித் பிரேமதாசாவின் முகபாவங்கள் சரியா இல்லை! அவர் என்ன சேதி சொல்ல வாறார்? தகப்பன்ட கொலைகாரர் மரம் வைக்கிறதை அவரால சகிக்க முடியல என்டு நினைக்கிறன்!

12 ஏக்கர் காட்டை அழித்து, பாண்டியன்குளத்தில் விவசாயம் செய்கிறாரா சாந்தி சிறிஸ்கந்தராசா?

3 months 3 weeks ago
உலகில்... இனி, தண்ணீருக்கு , கஸ்ரம் வரப் போகின்றது. தயவு செய்து காடுகளை... அழிக்காதீர்கள்.
Checked
Sun, 10/20/2019 - 09:04
கருத்துக்களம் - new topics
Subscribe to புதிய பதிவுகள் feed
texte-feed
sqdgvsqfqsg vdgvdgvv qdsbrzbvzrbvzr