புதிய பதிவுகள்

இந்தியாவின் பிடியிலிருந்து இலங்கை தப்பிக்கவே முடியாது - சம்பந்தர்.!

16 hours 4 minutes ago
இந்தியாவின் பிடியிலிருந்து இலங்கை தப்பிக்கவே முடியாது - சம்பந்தர்.! “அரசமைப்பின் 13ஆவது திருத்தச் சட்டத்தை முழுமையாக நிறைவேற்றக் கோரும் இந்தியாவின் அழுங்குப் பிடியிலிருந்தும்,அதை நிறைவேற்றுவோம் என்று இலங்கை அளித்துள்ள வாக்குறுதியிலிருந்தும் ஒருபோதும் ராஜபக்ச அரசு தப்பவே முடியாது.” இவ்வாறு எச்சரிக்கையுடன் சுட்டிக்காட்டியுள்ளார் தமிழ்த் தேசியக் கூட்டமைப்பின் தலைவரும் திருகோணமலை மாவட்ட நாடாளுமன்ற உறுப்பினருமான இரா.சம்பந்தன். அரசமைப்பின் 13ஆவது திருத்தச் சட்டத்தை முழுமையாக நடைமுறைப்படுத்துமாறு இந்தியப் பிரதமர் நரேந்திர மோடி,இலங்கைப் பிரதமர் மஹிந்த ராஜபக்சவுடனான காணொளிக் கலந்துரையாடலில் தெரிவித்திருந்தார். இது தொடர்பில் இரா.சம்பந்தனிடம் கேட்டபோதே அவர் மேற்கண்டவாறு கூறினார். அவர் மேலும் தெரிவித்ததாவது:- “இலங்கையும் இந்தியாவும் ஒருமித்துச் செயற்படுவதை நாங்கள் வரவேற்கின்றோம். பல துறைகளில் ஒருமித்துச் செயற்படுவதற்கு இலங்கைப் பிரதமர் மஹிந்த ராஜபக்சவும் இந்தியப் பிரதமர் நரேந்திர மோடியும் சம்மதமும் தெரிவித்திருக்கின்றார்கள். இதுவும் வரவேற்க வேண்டிய விடயம். விசேடமாக இரு நாட்டு மக்களுக்கிடையில் தொடர்புகளை ஏற்படுத்துவதற்குப் பல வசதிகளை இரு நாட்டு அரசுகளும் செய்துள்ளன. அதுவும் வரவேற்க வேண்டிய விடயம். இலங்கையில் வாழும் தமிழ் மக்களின் பிரச்சினைகளைப் பொறுத்த வரையில் நீதியின் அடிப்படையில் – சமத்துவத்தின் அடிப்படையில் – கௌரவத்தின் அடிப்படையில் – சமாதானத்தின் அடிப்படையில், பிரச்சினைகள் தீர்க்கப்பட வேண்டும் என்பதே இந்திய அரசின் தொடர்ச்சியான கருத்தாகவும் வலியுறுத்தலாகவும் உள்ளது. இந்தியாவின் இந்தக் கருத்தை தற்போதைய பாரதப் பிரதமரும் முன்னாள் பிரதமர்களும் தற்போதைய அரசும் முன்னாள் அரசுகளும் தொடர்ச்சியாக வலியுறுத்தி வந்துள்ளன. இலங்கை தமிழ் மக்கள் தொடர்பில் இந்தியாவின் இந்த நிலைப்பாட்டை இலங்கை அரசு நிறைவேற்றியே ஆகவேண்டும். அதை நிறைவேற்றுவதற்கு நல்லிணக்கப் பொறிமுறை ஒன்று ஏற்படுத்தப்பட வேண்டும். அதேவேளை, அரசமைப்பில் உள்ள சகல விடயங்களும் நிறைவேற்றப்பட வேண்டும். இலங்கை – இந்திய ஒப்பந்தத்தின் பிரகாரம் உருவாக்கப்பட்ட அரசமைப்பின் 13ஆவது திருத்தச் சட்டத்தில் பல விடயங்கள் இன்னமும் நிறைவேற்றப்படாமல் இருக்கின்றன. அவை முழுமையாக நிறைவேற்றப்பட வேண்டும். இதனூடாகத் தமிழ் மக்களுடைய பிரச்சினைகளுக்கு ஒரு நிரந்தரமான – உறுதியான தீர்வு ஏற்படுத்தப்பட வேண்டியது மிகவும் அத்தியாவசியமானது. இதைப் பாரதப் பிரதமர் நரேந்திர மோடி, இலங்கை அரசிடம் மீண்டும் இடித்துரைத்துள்ளார். அதேவேளை, இலங்கை அரசும் அரசமைப்பின் 13ஆவது திருத்தச் சட்டத்தை முழுமையாக நிறைவேற்றுவோம் என்று இந்திய அரசிடம் மீண்டும் வாக்குறுதியளித்துள்ளது. எனவே, என்ன நடக்கப் போகின்றது என்பதை நாம் பொறுத்திருந்து பார்ப்போம்” – என்றார். https://vanakkamlondon.com/world/srilanka/2020/09/85965/

ஓரணியில் தமிழ் உறவுகள் ; அடக்கியாள நினைக்காதீர்;சம்பந்தன் கடும் எச்சரிக்கை.!

16 hours 10 minutes ago
ஓரணியில் தமிழ் உறவுகள் ; அடக்கியாள நினைக்காதீர்;சம்பந்தன் கடும் எச்சரிக்கை.! "வடக்கு, கிழக்கு தமிழ்பேசும் மக்களின் தாயகம். இங்கு தமிழ்பேசும் உறவுகளை அடக்கியாள முடியும் என்று ராஜபக்ச அரசு இனியும் எண்ணவேகூடாது. கடந்த 26ஆம் திகதியும், 28ஆம் திகதியும் இங்கு நடைபெற்ற அரசுக்கு எதிரான அறவழிப் போராட்டங்களின் வெற்றிச் செய்திகள் இதற்கு உதாரணங்களாக உள்ளன." - இவ்வாறு சுட்டிக்காட்டியுள்ளார் தமிழ்த் தேசியக் கூட்டமைப்பின் தலைவரும் திருகோணமலை மாவட்ட நாடாளுமன்ற உறுப்பினருமான இரா.சம்பந்தன். இது தொடர்பில் ஊடகங்களிடம் அவர் மேலும் தெரிவித்ததாவது:- "தமிழர்களின் நினைவேந்தல் உரிமையை வலியுறுத்தியும், ராஜபக்ச அரசின் திட்டமிட்ட அடக்குமுறைகளுக்கு எதிராகவும் தமிழ்த் தேசியக் கட்சிகளின் அழைப்புக்கிணங்க கடந்த 26ஆம் திகதி உண்ணாவிரதப் போராட்டமும், 28ஆம் திகதி வடக்கு, கிழக்கு தழுவிய ரீதியில் பூரண ஹர்த்தால் போராட்டமும் நடைபெற்றன. இதற்குத் தமிழ்பேசும் உறவுகள் முழுமையான பங்களிப்பை வழங்கியிருந்தார்கள். ஹர்த்தால் போராட்டம் நாம் நினைத்த மாதிரி வடக்கு, கிழக்கில் வெற்றியடைந்துள்ளது. இதற்கு ஒத்துழைப்பு வழங்கிய தமிழ்பேசும் உறவுகளுக்கு மனமார்ந்த நன்றியைத் தெரிவித்துக்கொள்கின்றேன். அரசு எம்மை அடக்கியாள இனியும் நினைக்கவே கூடாது என்பதை தமிழ்பேசும் உறவுகள் ஓரணியில் நின்று புரியவைத்துள்ளனர். தமிழ்பேசும் உறவுகளின் இந்த உணர்வுபூர்வ எழுச்சியைக் கண்டாவது அரசு தனது போக்கில் மாற்றத்தை ஏற்படுத்த வேண்டும். தமிழ்பேசும் மக்களுக்கு சகல உரிமைகளையும், நிரந்தர அரசியல் தீர்வையும் வழங்க இந்த அரசு முன்வர வேண்டும்" - என்றார். http://aruvi.com/article/tam/2020/09/30/17354/

தேர்தல் பின்னடைவுக்கு கல்முனை விவகாரமும் ஒருகாரணம்: கல்முனை நேர்காணலில் த.தே.கூ.பேச்சாளர் சுமந்திரன் எம்.பி.

16 hours 13 minutes ago
தேர்தல் பின்னடைவுக்கு கல்முனை விவகாரமும் ஒருகாரணம்: கல்முனை நேர்காணலில் த.தே.கூ.பேச்சாளர் சுமந்திரன் எம்.பி. DicksithSeptember 30, 2020 இருபதாவது திருத்தம் என்பது ஜனநாயகத்திலிருந்து விலகி எதிர்த்திசையில் அதாவது சர்வாதிகாரப்போக்கில் பயணிக்கும் வாய்ப்பை ஏற்படுத்தும். அது நாட்டிற்கு நல்லதல்ல. எனவே அதனை நாம் முற்றுமுழுதாக எதிர்க்கிறோம். அதற்காக நீதிமன்றில் ஆஜராகி வாதாடுவேன்.இவ்வாறு கூறுகிறார் தமிழ்த்தேசியக்கூட்டமைப்பின் பேச்சாளரும் யாழ்.மாவட்ட பாராளுமன்ற உறுப்பினருமான சட்டத்தரணி எம்.எ.சுமந்திரன்.திரு சுமந்திரன் நேற்றுமுன்தினம் கல்முனைக்கு விஜயம்செய்தபோது கல்முனைநெற் இணையத்தள ஏற்பாட்டில் நேர்காணலை மேற்கொள்ளமுடிந்தது. அந் நேர்காணலில் அவர் தெரிவித்த கருத்துக்களை இங்கு வாசகர்களுக்காகத் தருகிறோம்.கல்முனையில் இடம்பெற்ற வடக்குபிரதேச செயலக உண்ணாவிரதத்தை நிறைவுசெய்துவைக்கவந்தபின்னர் கல்முனைக்கு அவர் விஜயம் செய்தது இதுவே முதல்தடைவ என்பதும் இங்கு குறிப்பிடத்தக்கது.அவருடனான நேர்காணல் இதோ?வினா: இன்று நாட்டில் புதிய அரசாங்கம் கொண்டுவந்த அரசியலமைப்பின் 20வது திருத்தம் பேசுபொருளாகவுள்ளது. அதனை எவ்வாறு பார்க்கிறீர்கள்? அதில் திருத்தம் செய்யப்படவேண்டுமா? அல்லது முற்றாக எதிர்க்கிறீர்களா?விடை: அதனை நாம் முற்றாகவே எதிர்க்கிறோம். சர்வாதிகாரப்போக்கிற்கு வித்திடும் அந்த இருபதில் உள்ள அனைத்து விடயங்களையும் எதிர்க்கிறோம்.வினா: தங்கள் கட்சி சார்பாக நீதிமன்றில் மனுத்தாக்கல் செய்திருக்கிறீர்கள்.அதில் நீங்கள் ஆஜராகுவீர்களா?விடை: ஜந்துபேர் கொண்ட நீதியரசர் குழாத்தின் முன்னிலையில் 29ஆம் திகதி முதல் 20 விவகாரம் தொடர்பான மனுக்கள் விசாரணைக்கு எடுத்துக்கொள்ளப்படுகின்றன. பல நாட்கள் செல்லலாம். ஆனால் 3வாரங்களுள் உச்சநீதிமன்றம் இதற்கான தீர்வை பாராளுமன்றிற்கு அறிவிக்கவேண்டும். எமது கட்சி சார்பில் தலைவர் சம்பந்தர் ஜயா மனுத்தாக்கல் செய்துள்ளார். நான் ஆஜராகி வாதிடுவேன்.வினா: அம்பாறை மாவட்ட தமிழ்மக்களுக்கு பல்வேறு வழிகளிலும் கடந்த காலங்களில் இன்னல்கள் அநீதிகள் அடக்குமுறைகள் கட்டவிழ்த்துவிடப்பட்டபோது தமிழ்மக்கள் த.தே.கூட்டமைப்புமீது நம்பிக்கை வைத்து தொடர்ச்சியாக வாக்களித்து பாராளுமன்றத்திற்கு பிரதிநிதிகளை அனுப்பிவந்தும் கூட்டமைப்பு இம்மக்களின் பிரச்சனைகளை தீர்த்துவைக்கவில்லையென்ற குற்றச்சாட்டுள்ளது. அதன் பிரதிபலிப்பாக கடந்த பொதுத்தேர்தல் முடிவுகளை சுட்டிக்காட்டலாம். கட்சிக்கேற்பட்ட அந்த பின்னடைவை எவ்வாறு பார்க்கிறீர்கள்?விடை: த.தே.கூட்டமைப்பிற்கு அம்பாறையில் மட்டுமல்ல வடகிழக்கு எட்டுமாவட்டங்களிலும் பின்னடைவு ஏற்பட்டது. த.தே.கூட்டமைப்பு மீது தமிழ் மக்கள் நம்பிக்கை இழந்திருக்கிறார்கள் என்பதை விட நம்பிக்கை குறைந்துள்ளது என்று கொள்ளலாம். பின்னடைவுக்கு பல காரணங்களுள்ளன. பின்னடைவில் பாரிய பின்னடைவு என்பது அம்பாறை மாவட்டத்திலே தான் ஏற்பட்டது என்பதை ஏற்கிறேன்.இலங்கையில் 1931ஆம் ஆண்டு கொண்டுவரப்பட்ட சர்வசன வாக்குரிமை முறையிலான தேர்தலின்படி அம்பாறை மாவட்டத்தில் தமிழ்ப்பிரதிநிதித்துவம் எந்தவொரு தமிழ்க்கட்சிக்கும் தரப்பிற்கும் இல்லாமல்போன முதல் தடவை கடந்ததேர்தலில் தான். அப்பின்னடவை நாம் பொறுப்பு ஏற்கிறோம். மக்களுடைய எதிர்பார்ப்பு எம்மூலமாக நிறைவேற்றப்படவில்லை என்பது அதற்கான பிரதான காரணமாயிருக்கலாம். கடந்த 5 வருடகாலத்தில் அரசாங்கத்தின் பங்குதாரராக இல்லாவிட்டாலும் ஆதரவாக இருந்தவர்கள் என்ற அடிப்படையில் எமது மக்களுடைய பிரச்சினைகளை தேவைகளை குறைந்தபட்சம் தீர்த்திருக்கலாம் என்பது நியாயமான ஆதங்கம் எதிர்பார்ப்பு. அதில் தவறில்லை.உண்மையாக பலவிடயங்களை தீர்த்துவைத்தும் எதனையும் முழுமையாக தீர்த்துவைக்கமுடியவில்லை என்பதை ஏற்றாக வேண்டும். ஆகவே மக்கள் மத்தியிலுள்ள ஏமாற்றம் விரக்தி வெறுப்பு என்பது நியாயமானது. இதுவே பின்னடைவுக்கு முக்கிய காரணம்.வினா: நல்லாட்சி அரசாங்க உருவாக்கத்தில் முக்கியபங்கு வகித்த தங்கள் கட்சியும் தாங்களும் முன்னாள் ஜனாதிபதி மைத்திரி பிரமதர் ரணில் ஆகியோருக்கு பக்கபலமாக இருந்தீர்கள். பலதடவகள் ஆட்சியை தக்கவைக்கவும் பிரதான பாகமெடுத்தீர்கள். ஆனால் தமிழ்மக்களது தேவைகயை பிரச்சினைகளை களைய அல்லது தீர்த்துவைக்க தவறியுள்ளீர்கள் எனற்குற்றசாட்டுமுள்ளது. அதைவிட அம்பாறை மாவட்ட தமிழர்களின் முக்கிய பிரச்சினையான கல்முனை வடக்குபிரதசசெயலக தரமுயர்த்தலில் போதிய அக்கறை காட்டவில்லயைன்பதை ஏற்றுக்கொள்கிறீர்களா? கடந்ததேர்தலின்போது அம்பாறை மாவட்டதோல்விக்கு அதுவோர் காரணமென்பதை ஏற்கிறீர்களா?விடை: அம்பாறை மாவட்டதோல்விக்கு முக்கியகாரணிகளில் ஒன்று கல்முனை விவகாரம் என்பதை ஏற்றுக்கொள்கிறேன். அதைத்தான் முதலில்சொன்னேன் சிலவிடயங்களை முழுமையாக செய்துமுடிக்கவில்லையென்று. 2017இல் உள்ளுராட்சி அமைச்சராக கருஜயசூரிய இருக்கும்போது நானும் மாவையும் கல்முனை விவகாரம் தொடர்பாக பேசினோம். பின்பு வந்த தேர்தலில் வஜிர அமைச்சரானார். அவருடனும் பேசினாம்.அப்போது நாம் அரசாங்கத்தின் பங்குதாரரர் இல்லாவிட்டாலும் ஆதரவாக செயற்பட்டதனால் இது முடியுமன்று மக்களும் நினைத்தார்கள். நாமும் நினைத்தோம். ஆனால் அன்று ஸ்ரீல.சு.கட்சி 43உறுப்பினர்களின் ஆதரவு இருந்தபடியால் எமது ஆதரவு என்பது பேரளவில் இருந்ததே தவிர அதிமுக்கியமாக இருக்கவில்லை. அவர்களுக்கு பட்ஜெட்டில் 160பேர் ஆதரவளித்தோம்.அதாவது எம்மில் பெரிதாக அவர்கள் தங்கியிருக்கவில்லை. ஆனால் சு.கட்சி ஆதரவு விலக்கிக்கொள்ளப்பட்ட பின்னர் 2018 அக்டோபர் 20க்குப்பிறகு ஜ.தே.கட்சி மாத்திரம் ஆட்சியமைக்க எமது ஆதரவு முக்கியமாக தேவைப்பட்டது. 2018 2019 களில் நம்பிக்கையில்லா பிரேரணைகளில் நாம் பூரணமாக ஆதவளித்தாம். அப்போது கல்முனை தரமுயர்த்தல் விவகாரம் எமது கோரிக்கைளில் ஒன்றாக பரிணமித்தது. அவர்களும் செய்வதாக வாக்குறுதியளித்தார்கள்.கணக்காளரை அனுப்புவதாகக்கூட சொன்னார்கள்.அவர்களது வாக்கெடுப்பிற்கு எமது வாக்குகள் தேவைப்பட்டது. அதற்கு நாமும் ஆதரவளித்தோம். அதேபோல முஸ்லிம் அரசியல்வாதிகளின் ஆதரவும் அளிக்கப்பட்டது.அவர்களில் சிலர் அமைச்சரவையிலும் இருந்தார்கள். எனவே எமது ஆதரவு எப்படி இருந்ததோ அவர்களது ஆதரவும் அப்படி இருந்தது. சிலர் கல்முனை தரமுயர்த்தலை எதிர்த்தார்கள். அவர்களது அழுத்தம் கூடுதலாகவிருந்தது. அதுவும் அது இழுபடக்காரணமெனலாம்.வினா: தமிழ்மக்களது உரிமைகள் அபிலாசைகள் எனவரும்போது இவ்வாறு முஸ்லிம் அரசியல்வாதிகள் சிலர் சுயநலப்போக்காடு முட்டுக்கட்டையாக அல்லது எதிர்ப்பு தெரிவித்துவந்துள்ளனர்.கிழக்கு தமிழர்விடயத்தில் அவர்கள் அநீதி இழைத்தேவந்துள்ளனர் என்பதும் வெளிப்படை. எனினும் முஸ்லிமக்ளுக்கு இன்னல்வரும்பாது தங்கள் கட்சியும் தாங்களும் உரத்துக்குரல் கொடுத்ததோடு சட்டரீதியிலும் உதவிவந்துள்ளீர்கள். கல்முனை வடக்கு பிரதசசெயலக விவகாரம் தமிழ்மக்களின் பலதசாப்தகால நியாயமான அபிலாசை தேவை என்பதை உணர்ந்தும் அவர்கள் தொடர்ந்து முட்டுக்கட்டையாகவே இருந்துவந்துள்ளார்கள் என்பது வெளிப்படை. இந்நிலையில் அவர்களுடனான இணக்க அரசியல் அல்லது வடக்கு கிழக்கு இணைப்பு என்பதெல்லாம் சாத்தியப்படுமா அதற்கு உத்தரவாதம் அளிப்பார்களா?விடை: எந்த உத்தரவாதமும் கிடையாது. அவர்கள் சுயநலப்போக்கோடு எமக்கு அநீதி இழைக்கின்றார்கள் என்பதை ஏற்கிறேன். அதற்காக நாமும் பதிலுக்கு அவ்வாறு அநீதி இழைக்கமுடியாது. அவர்கள் தீமை செய்கிறார்கள் என்பதற்காக நாம் தீமை செய்யவேண்டுமென்பதில்லை. நாம் இனஜக்கியம் நாட்டின் சமாதானம்கருதி சரியானவற்றையே செய்துவருகிறோம்.கிழக்கு மாகாணத்தில் தமிழ்மக்களின் நியாயமான அபிலாசைகளுக்கு முஸ்லிம் அரசியல்வாதிகள் அநீதி இழைக்கின்றார்கள் என்பதற்காக அந்த மக்களுக்கு அநீதி இழைக்கப்படுகின்றபோது நாம் குரல்கொடுக்கமுடியாமல் இருக்கமுடியாது. அவர்களுக்காக முஸ்லிம்சமுகத்தை புறக்கணிக்கமுடியாது. எந்தசமுகத்திற்கும் அநீதி இழைக்கப்படுமN;பாது நாம் மௌனமாக வெறுமனே பார்த்துக்கொண்டிருக்கமுடியாது.வினா:முந்திய தேர்தலின்போது அம்பாறை மாவட்டத்திற்கு தேசியபட்டியல் ஆசனமொன்றைத்தருவதாக கூறியிருந்தும் அது தரப்படவில்லை.இம்முறைகூட பலத்த இழுபறிக்குமத்தியில்தான் வழங்கப்பட்டுள்ளது.இதற்கு தங்களின் பங்களிப்பும் இருந்ததாக அறியவருகிறது. அம்பாறை என்றால் ஏனிந்த அலட்சியப்போக்கு கட்சியில் காண்பிக்கப்படுகிறது?விடை: துரதிஸ்டவசமாக அம்பாறை இம்முறை தமிழ்ஆசனத்ழைத இழந்தது. அதற்கு மாற்றீடாக தேசியப்பட்டியல் ஆசனத்தை இங்கு வழங்கவேண்டும் என்பது கட்சியின் நிலைப்பாடும் எம்போன்றவர்களின் நிலைப்பாடும்.கட்சியின் அரசியல்குழு மத்தியசெயற்குழு போன்றாரின் தீர்மானமும் அம்பாறைக்கு வழங்கவேண்டுமன்பதே. அதன்படி நடந்தது.வினா: புதிய அரசாங்கத்தோடு அபிவிருத்தி விடயத்தில் இணைந்து செயற்படுவீர்களா? அமைச்சர் தினேஸ்குணவர்த்தனா அழைத்திருப்பதாக தெரிகிறது. அப்படி பேச்சுவார்த்தைக்கு போவீர்களா? அரசுடன் இணைந்து செயற்படுவீர்களா?விடை: பேச்சுவார்த்தைக்கென எந்த அழைப்பும் அரச தரப்பிலிருந்து இதுவரை வரவில்லை. நான் புதிய யாப்புருவாக்கம் தொடர்பில் பிரதமருடனும் ஜனாதிபதியுடனும் இருதடவைகள் பேசியுள்ளேன். அவர்கள் புதிய யாப்பு பற்றியும் அபிவிருத்தி பற்றியும் பேசினார்களே தவிர தமிழ் மக்களின் அரசியல் தீர்வு பற்றி வாய்திறக்கவில்லை. இறுதியாக பாராளுமன்றிற்கு ஜனாதிபதி விஜயம் செய்தபோதுகூட நான் பேசினேன். அபிவிருத்திக்காக சேர்ந்து வேலைசெய்யுமாறு கேட்டுக்கொண்டார். அபிவிருத்திக்கு நாம் முட்டுக்கட்டை அல்ல. நாம் இணைந்து வேலைசெய்யத்தயார் என்று கூறினேன்.அவரது கருத்தில் வேறெந்தவிடயமும் பேசவேண்டாமென்பதுபோலிருந்தது.உண்மையில் அபிவிருத்தி என்ற வியடத்தில் சேர்ந்து வேலை செய்வதில் எமக்கு எவ்வித ஆட்சபனையுமில்லை. ஆனால் எமது மக்கள் எமக்கு அபிவிருத்திக்காக மட்டும் ஆணைதரவில்லை. மாறாக அரசியல் தீர்வுக்காகவும் ஆணை தந்துள்ளனர். எனவே அபிவிருத்திக்கு ஆதரவு நல்கும் அதேவேளை தமிழ்அரசியல்தீர்வுக்காக அழுத்தம் கொடுப்போம்வினா: வடக்கு கிழக்கில் தமிழ்க்கட்சிகள் ஒன்றாக இணைந்து செயற்படுவது குறிப்பாக தேர்தலில் ஒன்றாக பயணிப்பது குறித்து கருத்துக்கள் சமகாலத்தில் வருகின்றன. கிழக்கு மாகாணசபைத்தேர்தலிலும் இணைந்து சேர்ந்தியங்குவது போட்டியிடுவது தொடர்பில் சிலஅமைப்புகள் முயற்சியெடுத்துவருகின்றன. இந்தநிலையில் தங்கள் கட்சி ஏனைய தமிழ்க்கட்சிகளுடன் இணைந்து போட்டியிடமுன்வருமா?விடை: வடக்கு கிழக்கில் தமிழ்த்தேசியப்பரப்பில் இயங்கும் தமிழ்க்கட்சிகள் அனைத்தும் மக்கள்மத்தியில் சம செல்வாக்குடன் திகழ்கின்றனவா,? என்பது ஒருபுறம்.வடக்கில் யாழ்ப்பாணத்தில் மட்டும் ஏனைய கட்சிகள் சில ஓரளவு செல்வாக்கு செலுத்துகின்றன. ஆனால் வன்னியில் அவ்வாறான நிலை இல்லை.எமது கட்சியைத் தவிர ஏனையகட்சிகள் வன்னி மற்றும் கிழக்கில் பேசக்கூடிய அளவில் செல்வாக்கு அற்ற கட்சிகளாகவேயுள்ளன. அவர்களுக்கு போதுமான செல்வாக்கு கிடையாது. எனவே அவர்களுடன் சேர்ந்து போட்டியிடுவதன்மூலம் பெரியதொரு மாற்றத்தை காணலாம் என்றுகூறமுடியாது.வினா: கல்முனையில் இந்தநேர்காணல் இடம்பெறுவதால் இறுதியாக கல்முனை பற்றி வினவலாம். கல்முனை வடக்கு பிரதேச செயலக தரமுயர்த்தல் விடயத்தில் தற்போதைய நிலைப்பாடு எவ்வாறு உள்ளது?விடை: எமது நிலைப்பாட்டில் எவ்வித மாற்றமும் கிடையாது. நாம் தொடர்ந்து முயற்சிப்போம். ஆனால் ஒரு விடயத்தையும் கூறவேண்டும். நாம் ஆட்சிக்கு வந்தால் தரமுயர்த்தலை செய்துதருவோம் என்று வாக்குறுதியளித்தவர்கள் இன்று அரசாங்கத்தாடு ஒட்டிக்கொண்டிருக்கிறார்கள் அல்லது பதவிகளிலும் உள்ளனர். அவாக்ளால் இதனை ஏன் செய்யமுடியாது? அவர்கள் ஆட்சியின் பங்குதாரர்கள். பங்காளிகள். நாம் எதிர்க்கட்சியினர். எனவே பகிரங்கமாக அவர்கள் மேடைகளில் விடுத்த உறுதிமொழியை அவர்கள் நிறைவேற்ற வேண்டும்.வி.ரி.சகாதேவராஜா காரைதீவு நிருபர் http://www.battinews.com/2020/09/blog-post_772.html

கொடுத்த வாக்குறுதியை நாமல் நிறைவேற்றவில்லை ; ரவிகரன்

16 hours 21 minutes ago
கொடுத்த வாக்குறுதியை நாமல் நிறைவேற்றவில்லை ; ரவிகரன் முல்லைத்தீவு மாவட்டத்தில் கடந்த அரசாங்கத்தினால் ஆரம்பிக்கப்பட்ட பல வீட்டுத்திட்டங்கள் நிதிகள் கிடைக்கப்பெறாததால், இடை நடுவே நிறுத்திவைக்கப்ட்டுள்ளன. இவ்வாறு நிறுத்தி வைக்கப்பட்டுள்ள வீட்டுத் திட்டங்களுக்கான, உதவிகளை ஆறு மாதங்களுக்குள் பெற்றுத்தருவதாக நாமல் ராஜபக்ஷ வாக்குறுதியளித்திருந்தார்.தற்போது ஆறுமாதங்கள் கடந்த நிலையிலும் குறித்த வாக்குறுதியை நாமல் ராஜபக்ச நிறைவேற்றவில்லை என முன்னாள் வடமாகாணசபை உறுப்பினர் துரைராசா ரவிகரன் சுட்டிக்காட்டியுள்ளார். முல்லைத்தீவு - துணுக்காய் பிரதேச அபிவிருத்தி ஒருங்கிணைப்புக்குழுக் கூட்டம் 29.09.2020 நேற்று இடம்பெற்ற நிலையில் அங்கு கருத்துத் தெரிவிக்கும்போதே அவர் இதனைச் சுட்டிக்காட்டியுள்ளார். இது தொடர்பில் அவர் மேலும் கருத்துத் தெரிவிக்கையில், கடந்த அரசாங்கத்தினால் ஆரம்பிக்கப்பட்ட கடன் வீட்டுத்திட்டம், மாதிரிக் கிராம வீட்டுத்திட்டம், வெள்ளத்தினால் பாதிக்கப்பட்டோருக்கான வீட்டுத்திட்டம் போன்ற திட்டங்களுக்கான நிதிகள் கிடைக்கப்பபெறாமையினால் குறித்த திட்டங்கள் இடை நடுவே நிறுத்தி வைக்கப்பட்டுள்ளன. எனவே குறித்த திட்டங்களுள் உள்ளீர்க்கப்பட்ட பயனாளிகள் மிகுந்த சிரமங்களுக்குள்ளாகியுள்ளனர். இந்நிலையில் கடந்த வருட இறுதியில் இடம்பெற்ற துணுக்காய் பிரதேச அபிவிருத்திக் குழுக் கூட்டத்திலும் இந்த வீட்டுத்திட்டப் பிரச்சினைகள் தொடர்பாகப் பேசப்பட்டது. அதேவேளை பாராளுமன்ற உறுப்பினர் நாமல் ராஜபக்ஷவிடம் இந்த வீட்டுத்திட்டப் பிரச்சினைகள் தொடர்பில் தெரிவிக்கப்பட்டதாகவும், நாமல் ராஜபக்ஷ ஆறு மாதகாலத்திற்குள் குறித்த வீட்டுத்திட்டங்கள் தொடர்பான உதவிகளை பெற்றுத் தருவதாக கூறியிருந்ததாக கடந்த கூட்டத்தின் அறிக்கையும் சுட்டிக்காட்டுகின்றது. இந்த மக்களுக்கு பொறுப்பு வாய்ந்தவர்கள் வாக்குறுதி வழங்கியிருந்தும், அவ்வாறு வழங்கப்பட்ட வாக்குறுதி இன்னும் நிறைவேற்றப்படவில்லை. இந்நிலையில் தற்போதும் மக்கள் தொடர்ந்து பாதிக்கப்பட்ட நிலையிலேயே காணப்படுகின்றனர். இதை மாவட்ட ஒருங்கிணைப்புக்குழுத் தலைவரின் கவனத்திற்குக் கொண்டுவருகின்றேன் - என்றார். https://www.virakesari.lk/article/91046

நிம்மதியா இருக்க என்ன செய்யணும்

16 hours 34 minutes ago
ஒரு வித‌த்தில் நீங்க‌ள் சொல்லுவ‌து ச‌ரி தான் , யாழ் ம‌ட்டும் இல்லை முக‌ நூல் போன்ற‌வையும் அட‌ங்கும் , பேசாமா யூடுப்பில் அறிய‌ வேண்டிய‌ செய்திக‌ளை கேட்டு விட்டு ந‌ம்ம‌ வேலைய‌ பார்த்தா போதும் , நின்ம‌தியாய் இருக்க‌லாம் 😁

திலீபனுக்கு அஞ்சலி: சுரேஷ் விக்கியின் தேசிய அக்கறை!

16 hours 42 minutes ago
ஆதாரங்களை தந்தால் மட்டும் ருசித்துப் புசிப்பீர்களா? 😁பிடிக்காததை வாந்தி என்று சொல்லிக்கொண்டுதானே இருப்பீர்கள். சுரேஷ் பிரேமச்சந்திரன் இந்திய ஆக்கிரமிப்புக் காலத்தில் என்ன செய்தார் என்று உங்களுக்கும் தெரியும். அவர் இப்போது தேசியவாதி. ஆனால் அவருக்கு அப்போது தலைவராக இருந்த பத்மநாபா தமிழின துரோகி. ஆனால் எனக்கு இருவரும் ஒன்றுதான். அதே மாதிரி விக்கியர் 2009 க்கு முன்னர் என்ன செய்தார் என்பதும் கற்பனை அல்ல. இல்லை. நேரம் கிடைக்கும்போது பார்க்கின்றேன் இவர் என்று யாரைச் சொல்லுகின்றீர்கள்? சும்மா கருத்து எழுதுகின்றேன் என்று குதர்க்கமாக எழுதுவதன் மூலம் கிச்சுகிச்சு மூட்டுவதை நானும் ரசிப்பதுண்டு. அது என்னைச் சுட்டினால் பச்சைப்பொய் என்று உங்களுக்கே தெரியும் 😁 இனியொரு இணையதளத்தை என்றால் அங்கு உள்ள கட்டுரைகளின் தலைப்புக்களை மட்டும் படித்தாலே விளங்கும்.

ஈழத்து நாட்டார் பாடல்கள்

16 hours 55 minutes ago
கற்பகம் அம்மாவின் நாட்டார் பாடல் மட்டக்களப்பு மகிழடித்தீவு கிராமத்தில் வசிக்கும் 83 வயதுடைய ப.கற்பகம் அம்மா நாட்டார் பாடல்கள் பாடுவதில் சிறந்தவர். அக்காலத்தில் சில விடயங்களைச் சொல்வதற்கு சூசுமமாக பாடல்களிலே மறைமுகமாக ஒரு செயலைக்குறிப்பிட்டு பாடுவார்கள். கற்பகம் அம்மாவை சந்தித்தபோது அவர் பாடிய இந்தப்பாடல் உங்களுக்காக..கேட்டுமகிழுங்கள்

நிம்மதியா இருக்க என்ன செய்யணும்

17 hours 27 minutes ago
காமத்தை கையாளுவது எப்படி?(விழிப்புணர்வு) ➡காமத்தை கடப்பதற்கான சூட்சமங்கள் ➡சமுதாயத்தில் ஏற்படும் அவலங்களை தடுப்பதற்கான வழிமுறைகள். ➡தம்பதியர் , பெற்றோர் மற்றும் ஆசிரியர்களுக்கான பொறுப்புகளை எடுத்துரைத்தல் ➡சாமானிய மக்களுக்கு பயன்பெற அதிகம் பகிரவும்.

எமது முன்னோர்கள்... சங்ககாலத்தில், உண்ட அசைவ உணவுகள்.

17 hours 28 minutes ago
சங்ககாலத்தில், விதம் விதமாக சமைத்த.. அசைவ உணவுகள். சுட்டகறி(Barbeque) : தன்னிடம் பாடல்பாடி தமிழை வளர்த்த புலவர்களை கரிகால் பெருவளத்தான் பரிசிலை வாரிவழங்கியது மட்டுமல்லாமல், அசைவ உணவை வழங்கி அவர்கள் வயிற்றையும் நிரப்பியுள்ளார். கொழுத்தசெம்மறி ஆட்டின் இறைச்சியை இரும்புகம்பியில் கோர்த்து சுட்டு வற்புறுத்தி உண்ண கொடுத்துள்ளான். இறைச்சியின் சூட்டினை தணிக்க தம் வாயின் இருபக்கமும் ஊதி, அவற்றின் வெம்மையை தணித்து புலவர்கள் உண்டுள்ளனர். பற்களின் முனை மழுங்கும் அளவிற்கு சுடச்சுட விருந்தளித்துள்ளார் செம்பியற்கோ. இதனை "காழில் சுட்ட கோல்ஊன் கொழும்குறை ஊழின் ஊழின் வாய்வெய்து ஒற்றி" என்ற பொருநராற்றுப்படை பாடல் கூறுகிறது. செம்மறியாடு மட்டுமின்றி மீன், முயல், உடும்பு, கோழி, பன்றி போன்றவற்றை கம்பியில் கோர்த்து சுட்டு உண்டுள்ளனர். உப்புகண்டம்: வேடர்குல பெண்கள் மெண்மையான புல்லரிசியை உலக்கையால் குத்தி, ஆழமான கிணற்றில் ஊரிய உவர்நீரை கொண்டு, அரிசியை உலைவைத்து சமைத்தனர்.இதற்கு தொட்டுகொள்ள உப்புகண்டம் போட்ட ஆட்டிறைச்சியை சமைத்து உண்டனர். உப்புகண்டத்தை வாடூன்(வாடு+ஊன்) என அழைத்துள்ளனர். மீய்ந்து போன இறைச்சியை வீணாக்காமல், மஞ்சள், உப்பு தடவி, கம்பியில் கோர்த்து காயவைத்து, தேவைப்படும் சமயம் ஊன்உணவு சமைத்துள்ளனர்.தம் விருந்தினருக்கும் வாடூனை கொடுத்து உபசரித்துள்ளனர். "முரவு வாய்க் குழிசி முரிஅடுப்பு ஏற்றி வாராது அட்ட, வாடுஊன், புழுக்கல் என்ற பெரும்பாணாற்றுப்படையின் பாடல் மேற்கண்ட உப்புகண்டம் குறித்து கூறுகிறது. நெய்ச்சோறும் வெள்ளாட்டு கிரேவியும்: முல்லைநில பெண்கள், தம் இல்லத்திற்கு வரும் உறவினர்களையும், சுற்றத்தார்களையும் உபசரிக்க, நறுக்கிய வெள்ளாட்டின் சதைகளை துண்டாக்கி, நன்கு வதக்கி சுவைமிக்க சமைத்து, குழைய ஆக்கிய நெய்சோற்றுடன் உண்ண கொடுத்துள்ளனர். இதனை கூத்தராற்றுப்படை கீழ்க்கண்ட பாடலில் கூறுகிறது! "பொன் அறைந்தன்ன நுண்நேர் அரிசி வெண் எறிந்து இயற்றிய மாக்கண் அமலை தண்ணென் நுண் இழுது உள்ளீடு ஆக அசையினிர் சேப்பின் அல்கலும் பெறுகுவீர்" உடும்பு பொரியல்: பாலைநில எயினர் வீடுகளில் சென்றால், அவ்வீடுகளில் சிகப்புஅரிசி சோற்றுடன், உடும்பு பொரியலையும் உண்ண தருவார்கள், எயினரின் நிலம் இயல்பாக வளமில்லாது இருந்தாலும், தம்வீடு தேடி வருவோரை சிறப்பிக்க மேட்டுநிலத்தில் விளையும் சிகப்பரிசியையும், தாம் வேட்டையாடிய உடும்பினையும் சமைத்து உயர்தரமாய் உபசரித்துள்ளனர். பெரும்பாணாற்றுப்படை இதனை "களர் வளர் ஈந்தின் காழ் கண்டன்ன, சுவல் விளை நெல்லின் செவ் அவிழ்ச் சொன்றி, ஞமலி தந்த மனவுச்சூல் உடும்பின் வறைகால் யாத்தது வயின்தொறும் பெருகுவிர்" என கூறுகிறது. சுட்ட இறால்,ஆமைக்கறி வருவல்: புகார் நகரில் வசித்த பரதவர், மீனை வேட்டையாடும் தொழிலில் ஈடுபட்டனர். சிலசமயம் களவுதொழிலையும் புரிந்துள்ளனர். கடலில் பிடித்த இறாலையும், வயலில் பிடித்த ஆமையையும் தீயில் வாட்டி உண்டனர். பட்டினப்பாலை இதனை கூறுகிறது. மேலும் பல முன்னோர் உணவுகள் குறித்து காண: https://lifestyleofsangamera.blogspot.com/.../special.html எழுதியவர் : திருச்சி பார்த்தி
Checked
Wed, 09/30/2020 - 21:49
கருத்துக்களம் - new topics
Subscribe to புதிய பதிவுகள் feed
texte-feed
sqdgvsqfqsg vdgvdgvv qdsbrzbvzrbvzr