புதிய பதிவுகள்

யாழ். நிகழ்வில், சஜித்தின் போஸ்டர்களுடன்... தமிழ் தேசியக் கூட்டமைப்பின் உறுப்பினர்கள்

1 day 5 hours ago
"ஜனாதிபதி வேட்பாளர் எவருக்கு தமது ஆதரவு என தமிழ் தேசியக் கூட்டமைப்பு அறிவிக்காத நிலையில் ரணில் விக்ரமசிங்கவின் இந்த பரப்புரை நிகழ்வில் நாடாளுமன்ற உறுப்பினர்கள் பங்கேற்றுள்ளனர்." இதுவும் ஆயிரத்தில் ஒரு தேர்தல் வன்முறையாக கடந்து போகும்.

மதமாற்றத்துக்குத் தூண்டும் செயல்களை நிறுத்தவும்’

1 day 5 hours ago
நீங்கள் எதையும் தலைகீழாக தான் வாசித்து புரிந்து கொள்வீர்கள். மதபோதனை செய்வதற்கு சட்ட ரீதியாக தடை உள்ளதா இல்லையா என்பது பற்றி கருத்து தெரிவித்திருக்கவில்லை என கூறியிருந்தேன். மற்றும்படி ஒரு வீட்டில் மத போதனை செய்வதற்கு அனுமதி தேவை. அனுமதியில்லாமல் கண்டபடி யாரும் மதபோதனை செய்ய முடியாது. நீங்கள் தான் தமிழை படிக்க வேண்டும். உங்களுக்கு தான் தமிழை புரிந்து கொள்வதில் சிரமம் உள்ளது.

திறக்கப்பட்டது யாழ். விமான நிலையம் – தரையிறங்கியது முதல் விமானம்

1 day 5 hours ago
Airlines and destinations[edit] Passenger[edit] Airlines Destinations Air Senok Charter: Colombo–Ratmalana Alliance Air Chennai[32] FitsAir Charter: Colombo–Ratmalana, Trincomalee Helitours Colombo–Ratmalana, Trincomalee Millennium Airlines Charter: Colombo–Bandaranaike, Colombo–Ratmalana SriLankan Airlines operated by Cinnamon Air Charter: Colombo–Bandaranaike

2015 மனித உரிமை பேரவை தீர்மானம் மூலம் சர்வதேச சமூகத்தின் நேரடி தலையீட்டை தடுத்து நிறுத்தினோம்- கோத்தாவிற்கு மங்கள பதிலடி

1 day 5 hours ago
2015 இல்ஐக்கியநாடுகள் மனித உரிமை பேரவையில் நிறைவேற்றப்பட்ட இலங்கை குறித்த தீர்மானத்தை நியாயப்படுத்தி நிதியமைச்சர் மங்கள சமரவீர கருத்து வெளியிட்டுள்ளார். பொதுஜனபெரமுனவின் ஜனாதிபதி வேட்பாளர் கோத்தாபய ராஜபக்ச தான் ஜனாதிபதியானால் ஐநா தீர்மானத்தை ஏற்கமாட்டேன் என தெரிவித்துள்ள நிலையிலேயே நிதியமைச்சர் மங்கள சமரவீர இதனை தெரிவித்துள்ளார். 2014 டிசம்பர் மாதமளவில் இலங்கை சர்வதேச சமூகத்திடமிருந்து தனிமைப்படுத்தப்பட்ட நிலையில் காணப்பட்டது என தெரிவித்துள்ள மங்களசமரவீர இலங்கை படையினர் ஐநா அமைதிப்படை நடவடிக்கைகளில் ஈடுபடுவதற்கான வாய்ப்பை இழந்திருந்தனர் வர்த்தக வாய்ப்புகளும் குறைவடைந்த நிலையில் காணப்பட்டன என தெரிவித்துள்ளார். தற்பெருமைக்காக முன்னெடுக்ப்பட்ட பல திட்டங்களிற்காக பெறப்பட்ட கடன்கள் காரணமாக பொருளாதாரம் பெரும் நெருக்கடியை அவ்வேளை சந்தித்தது எனவும் நிதியமைச்சர் தெரிவித்துள்ளார். 2015 ஜனவரி 8 ஜனாதிபதி தேர்தலின் பின்னர் , 100 நாள் திட்டத்திற்காக மக்களிடம் பெறப்பட்ட ஆணையின் அடிப்படையில் இலங்கை அரசாங்கம் தனது சொந்த யோசனைகளை சமர்ப்பித்ததுடன் ஐநா தீர்மானத்திற்கு இணை அணுசரனை வழங்கியது எனவும் குறிப்பிட்டுள்ளார். இதன் மூலம் இலங்கை அரசாங்கம் தனது சொந்த பிரச்சினைகளிற்கு தீர்வை காண்பதற்கான இறமையுடன் கூடிய உரிமையை வலியுறுத்தியது இதன் காரணமாக சர்வதேச சமூகம் நடவடிக்கைகளில் ஈடுபடுவதற்கான சூழலை தடுத்தது எனவும் அவர் குறிப்பிட்டுள்ளார். இது இலங்கையில் உறுதியான சமாதானத்தையும் நல்லிணக்கத்தையும் ஏற்படுத்துவதற்கான திட்டம், தனது சொந்த மக்களின் பிரச்சினைகளிற்கு தீர்வை காண்பதற்கான பொறுப்பை ஏற்கும் நாடு என்ற இலங்கையின் கௌரவத்தை சர்வதேச அளவில் உறுதிப்படுத்துவதற்கான திட்டம் எனவும் அவர் தெரிவித்துள்ளார். ஐக்கியநாடுகள் மனித உரிமை பேரவையில் எமது அரசாங்கத்தின் காலத்தில் நிறைவேற்றப்பட்ட தீர்மானத்தின் மூலம் மகிந்த ராஜபக்ச அரசாங்கத்தின் காலத்தில் நிறைவேற்றப்பட்ட தீர்மானத்தினை பயன்படுத்தி சர்வதேச நடவடிக்கைகளை எடுப்பதை தடுத்து நிறுத்தினோம் எனவும் அவர் தெரிவித்துள்ளார். பொறுப்புள்ள இறமையுள்ள நாடு என்ற அடிப்படையில் நாங்கள் செயற்பட தவறினால் ,ஏனையவர்கள் உள்நுழைவதற்கான சூழலை ஏற்படுத்துவதன் மூலமும் எங்கள் மக்களிற்கு பெரும் ஆபத்தை ஏற்படுத்துகின்றோம் என்பதை அனைவருக்கும் நினைவுபடுத்த விரும்புவதாக அவர் குறிப்பிட்டுள்ளார். சர்வதேச நியாயதிக்கத்தையும் நாங்கள் கருத்தில்கொள்ளவேண்டும் எனவும் அவர் தெரிவித்துள்ளார். https://www.virakesari.lk/article/67086

"இலங்கையில் யார் ஆட்சி அமைத்தாலும் தமிழர்களுக்கு பயனில்லை" - புலம்பெயர் தமிழர்கள்

1 day 5 hours ago
உலகிலேயே அதிகளவிலான புலம்பெயர் தமிழர்கள் இலங்கையிலிருந்தே வெளிநாடுகளுக்கு சென்று வாழ்ந்து வருகின்றனர். இலங்கையில் இடம்பெற்ற இறுதிக் கட்ட யுத்தத்தின்போது, தமது உயிரை பாதுகாத்துக்கொள்ளும் நோக்குடன் பல இலங்கையர்கள் ஆஸ்திரேலியா, இந்தியா, கனடா, அமெரிக்கா, ஜெர்மனி, பிரான்ஸ் உள்ளிட்ட பல நாடுகளுக்கு சென்று வாழ்ந்து வருகின்றமையை காண முடிகின்றது. தமிழர்கள் மாத்திரமன்றி, சிங்களவர்களும் புலம்பெயர்ந்து வாழ்கின்றமை சுட்டிக்காட்டத்தக்கது. யுத்த சூழ்நிலை மாத்திரமன்றி, அரசியல் பிரச்சினைகள் காரணமாக ஊடகவியலாளர்கள், செல்வந்தர்கள், சமூக செயற்பட்டாளர்கள் என பலர் இன்றும் வெளிநாடுகளில் வாழ்ந்து வருகின்றனர். இந்த நிலையில், இலங்கையில் பிறந்து, வெளிநாடுகளில் வாழ்ந்து வரும் புலம்பெயர்ந்தோரின் எண்ணிக்கை 3 மில்லியன் என கணிக்கப்பட்டுள்ளது. பல்வேறு காரணங்களின் நிமித்தம் வெளிநாடுகளில் புலம்பெயர்ந்துள்ளவர்கள், இலங்கையின் பொருளாதாரம், சமூக செயற்பாடுகள், அரசியல் நிலவரங்கள் என அனைத்து விடயங்கள் தொடர்பிலும் கவனம் செலுத்தி வருகின்றனர். இலங்கை தொடர்பில் அதிக கவனம் செலுத்தியுள்ள புலம்பெயர் தமிழர்களின், இந்த முறை ஜனாதிபதித் தேர்தலை எவ்வாறு அவதானிக்கின்றனர் என்பது தொடர்பில் பிபிசி தமிழ் ஆராய்ந்தது. கனடாவில் புலம்பெயர்ந்து வசித்து வரும் இலங்கையின் முன்னாள் பிரபல ஒலிபரப்பாளர் கே.ஆர்.கிரிஷ்ணாவிடம் நாம் வினவினோம். இலங்கை ஜனாதிபதி தேர்தலில் யார் ஆட்சி அமைத்தாலும் தமிழ் மக்களுக்கு எதுவும் நடக்காது என்ற நிலைப்பாட்டிலேயே தாம் உள்ளதாக கே.ஆர்.கிரிஷ்ணா தெரிவிக்கின்றார். கோட்டாபய ராஜபக்ஷ ஆட்சி அமைப்பதை தாம் விரும்பவில்லை என்பதுடன், ஐக்கிய தேசியக் கட்சி அரசாங்கம் கூட தமிழ் மக்களுக்கு எதையும் செய்யவில்லை என அவர் சுட்டிக்காட்டுகின்றார். அத்துடன், இறுதிக் கட்ட யுத்தத்தின் பின்னர் மஹிந்த ராஜபக்ஷ அல்லது அவர் சார்ந்த ஒருவருக்கு ஆதரவு வழங்க புலம்பெயர் தமிழர்கள் விரும்பவில்லை என அவர் கூறுகிறார். ஒரு வேளை, ராஜபக்ஷ குடும்பத்திலிருந்து ஒருவர் ஜனாதிபதியாக தெரிவாகும் பட்சத்தில், அது இலங்கையில் யுத்த கால சூழ்நிலையை மீண்டும் தங்கள் உறவினர்களுக்கு ஏற்படுத்தக் கூடும் என்ற அச்சம் புலம்பெயர் தமிழர்கள் மத்தியில் உள்ளதாகவும் இலங்கையின் முன்னாள் பிரபல ஒலிபரப்பாளர் கே.ஆர்.கிரிஷ்ணா குறிப்பிடுகின்றார். கனடாவில் தற்போது வாழ்ந்து வரும் புலம்பெயர் தமிழரான இலங்கையின் மூத்த ஊடகவியலாளர் ஆர்.ரமணனிடம் ஜனாதிபதித் தேர்தல் தொடர்பில் பிபிசி தமிழ் வினவியது. ஜனாதிபதியாக கோட்டாபய ராஜபக்ஷ பதவியேற்கும் பட்சத்தில், இலங்கையில் இதுவரை காலமும் இருந்து வந்த மட்டுப்படுத்தப்பட்ட ஜனநாயகம், ஊடக சுதந்திரம் போன்றவை முற்றாக முடக்கப்படும் அச்சம் எழுந்துள்ளதாக ஆர்.ரமணன் கூறுகின்றார். தமிழ் பிரதேசங்களில் கடந்த காலங்களில் இடம் பெற்ற மாவீரர் தின நிகழ்வுகள், நினைவெழுச்சி நிகழ்வுகள், அதன் பின்னணியில் செயற்பட்டவர்கள், மனித உரிமை செயற்பாட்டாளர்கள், ஊடகவியலாளர்களின் நிலைமைகள் குறித்து கரிசனை கொள்ளப்படும் நிலைமை உருவாகும் சாத்தியம் காணப்படுவதாகவும் அவர் குறிப்பிட்டுள்ளார். இதேவேளை, மறுபுறம் ஐக்கிய தேசிய முன்னணி வெற்றி பெறும் பட்சத்தில், ரணில் விக்ரமசிங்க மற்றும் மைத்திரிபால சிறிசேனவிற்கு இடையில் காணப்பட்ட அதிகார போட்டி, ரணில் விக்ரமசிங்கவிற்கும், சஜித் பிரேமதாஸவிற்கும் இடையில் ஏற்படும் என அவர் சுட்டிக்காட்டினார். தமது அதிகாரத்தை தக்க வைப்பதில் இரண்டு தலைவர்களும் காண்பிக்கும் அக்கறை என்பது நாட்டின் முன்னேற்றத்திற்கு பாதிப்பை ஏற்படுத்தும் வகையில் அமையும் என அவர் குறி;ப்பிடுகின்றார். ரணில் விக்ரமசிங்க ஜனாதிபதித் தேர்தலில் போட்டியிட முடியாது போன சூழ்நிலையில், அமெரிக்கா மற்றும் இந்தியா ஆகிய நாடுகள் சஜித் பிரேமதாஸ வெற்றி பெறுவதை விடவும், கோட்டாபய ராஜபக்ஷ வெற்றி பெறுவதை விரும்பியுள்ளதாகவும் அவர் கூறுகின்றார். கோட்டாபய ராஜபக்ஷவின் பலவீனங்களை நன்கறிந்துள்ள மேற்குலக நாடுகள், அவரை தமது தேவைக்கு ஏற்ப ஆட வைக்க முடியும் என்ற நம்பிக்கையை கொண்டுள்ளதாகவும் ஆர்.ரமணன் சுட்டிக்காட்டுகிறார். இந்த சூழ்நிலையில், பெரும்பான்மை சிங்கள மக்களின் பேராதரவு பெற்று, ஜனாதிபதியாக தெரிவு செய்யப்படக்கூடியவர், சிறுபான்மையான தமிழ், முஸ்லிம் சமூகத்திற்கு எதையும் பெரிதாக வழங்கி விடப் போவதில்லை என்ற யதார்த்தத்தை நாம் புரிந்துக்கொள்ள வேண்டும் என புலம்பெயர் தமிழரான இலங்கையின் மூத்த ஊடகவியலாளர் ஆர்.ரமணன் பிபிசி தமிழுக்கு குறிப்பிட்டார். https://www.bbc.com/tamil/sri-lanka-50071067

டிரம்ப் அனுப்பிய கடிதத்தை துருக்கி அதிபர் குப்பை தொட்டியில் வீசிவிட்டதாக தகவல்

1 day 5 hours ago
சிரியா விவகாரம் தொடர்பாக அமெரிக்க அதிபர் டிரம்ப் அனுப்பிய கடிதத்தை துருக்கி அதிபர் எர்டகன் குப்பைத் தொட்டியில் வீசிவிட்டதாக, துருக்கி அதிபர் அலுவலக வட்டாரங்கள் தெரிவித்துள்ளன. சிரியாவின் வடக்கு பகுதியில் ஐ.எஸ் பயங்கரவாதிகளை ஒழிக்க, அந்நாட்டின் குர்து படைகளுடன் இணைந்து செயல்பட்ட அமெரிக்கா, தனது துருப்புகளை அண்மையில் திரும்பப் பெற்றது. அதுமுதல் வடக்கு சிரியா பகுதிகளில் வாழும் குர்து போராளிகள் மீது துருக்கி ராணுவம் தாக்குதல் நடத்தி வருகிறது. இதையடுத்து துருக்கி அதிபர் எர்டகனுக்கு அமெரிக்க அதிபர் டிரம்ப் எச்சரித்து கடிதம் அனுப்பியிருந்தார். அந்தக் கடிதத்தில், முட்டாள்தனமாக செயல்படாமல், ஒரு நல்ல ஒப்பந்தத்தை மேற்கொள்வோம் என டிரம்ப் கூறியிருந்தார். மேலும் ஆயிரக்கணக்கான மக்கள் கொல்லப்படுவதற்கு எர்டகன் காரணமாக வேண்டாம் என கூறிய டிரம்ப், துருக்கியின் பொருளாதாரம் அழிவதற்கு தானும் பொறுப்பாக விரும்பவில்லை எனவும் மறைமுக எச்சரிக்கை விடுத்திருந்தார். இந்த கடிதத்தின் நகலை வெள்ளை மாளிகை வெளியிட்டுள்ள நிலையில், துருக்கி அதிபருக்கு அனுப்பப்பட்ட கடிதம் குப்பை தொட்டியில் வீசப்பட்டதாக துருக்கி அதிபர் அலுவலக வட்டாரங்கள் தெரிவித்துள்ளன. https://www.polimernews.com/dnews/85233/டிரம்ப்-அனுப்பிய-கடிதத்தைதுருக்கி-அதிபர்-குப்பைதொட்டியில்-வீசிவிட்டதாகதகவல் Read President Trump’s Bizarre Letter to Turkey’s President பின் குறிப்பு : இது ஒரு மூன்றாம் வகுப்பு கற்கும் மாணவரின் கடிதத்தை ஒத்ததாக உள்ளது என பலராலும் வர்ணிக்கப்படுகின்றது,

புலிகள் ஆயுதமேந்தி கோரியதை மறைமுகமாக நிறைவேற்ற இடமளிக்க முடியாது

1 day 5 hours ago
(இராஜதுரை ஹஷhன்) ஐந்து தமிழ்த் தேசிய கட்சிகள் 13 தீர்மானங்களை உள்ளடக்கிய கோரிக்கைகளை தற்போது முன்வைத்துள்ளமை காலத்தினை வீணடிக்கும் செயற்பாடாகும் எனத் தெரிவித்த பாராளுமன்ற உறுப்பினர் வாசுதேவ நாணயக்கார, விடுதலை புலிகள் ஆயுதமேந்தி கோரியதை மறைமுக ஆவணங்களின் ஊடாக நிற‍ைவேற்ற இடமளிக்க முடியாது என்றும் கூறினார். அத்துடன் அரசியல் நோக்கங்களை கொண்ட அரசியல் கட்சிகளின் ஆதரவினை கோரவில்லை தமிழ் மக்களின் ஆதரவினையே கோருகின்றோம். அரசியலமைப்பின் 13 வது திருத்த உள்ளடக்கங்கள் அனைவருக்கும் ஏற்றால்போல் பாதிப்பின்றி செயற்படுத்தப்படும் என்றும் அவர் தெரிவித்தார். https://www.virakesari.lk/article/67110

மதமாற்றத்துக்குத் தூண்டும் செயல்களை நிறுத்தவும்’

1 day 5 hours ago
இந்த பாரம்பரிய சடங்குகள் மற்றவரைப் பாதிக்கும் போது அதை பிற்போக்குத்தனமாக நான் சுட்டிக் காட்டுவதுண்டு! உதாரணமாக உங்கள் பாதுகாப்பில் இருக்கும் மைனர் பிள்ளைகளை நீங்கள் சடங்கு என்று அலகு குத்தினால் அதை யாரும் பிற்போக்கு சட்ட விரோதம் என்று சொல்ல முடியும். உங்கள் வாதப் படி மேற்கு நாடுகளில் நடக்கும் FGM ஐக் கூட நாம் தனியுரிமை என்று விட்டு விட வேண்டும்! அப்படி முடியாது! மற்றவருக்கு பாதிப்பில்லாத சம்பிரதாயங்களை அவற்றுக்கு போலி விஞ்ஞான விளக்கம் கொடுக்காமல் செய்யுங்கள்! மற்றவரைப் பாதிப்பவற்றை செய்யும் போது கேள்விகள் வரவே செய்யும்!

டிரம்பின் அரசியலுக்கு சிரியா முடிவுரை எழுதுமா?

1 day 5 hours ago
படத்தின் காப்புரிமை Getty Images சிரியா குறித்து அதிபர் டொனால்ட் டிரம்ப்பின் கொள்கைகள், தனக்கு தானே அவர் உருவாக்கிக் கொண்ட பேரழிவாக ஆகலாம் - 2020 தேர்தலில் அவருக்கு தோல்வியை ஏற்படுத்துவதாக இருக்கலாம் என்கிறார் அமெரிக்க வெளியுறவுத் துறை முன்னாள் உதவிச் செயலர் பி.ஜே. கிரவ்லே. சிரியா தொடர்பான டொனால்ட் டிரம்ப்பின் சமீபத்திய முடிவுகளை உள்ளடக்கிய ஷரத்து எதுவும், அவருடைய குற்றச் செயல்கள் மற்றும் தவறான செயல்பாடுகளின் அடிப்படையில் கொண்டு வரப்பட்டுள்ள பதவி நீக்கத் தீர்மானத்தில் இருக்காது. ஆனால் துருக்கி அதிபர் ரிசெப் தாயிப் எர்துவானிடம் சரணாகதி அடைவதைப் போன்ற அவருடைய நடவடிக்கையைத் தொடர்ந்து ஏற்படும் நிகழ்வுகள், டிரம்பின் அதிபர் பதவியின் முடிவுக்கான தொடக்கமாக இருக்கலாம். பதவி நீக்கத் தீர்மானத்தில் டிரம்ப் தப்பிவிடுவார் - குடியரசுக் கட்சிக்குப் பெரும்பான்மை உள்ள செனட் அவரைத் தண்டிக்க வாய்ப்பில்லை - இருந்தாலும் அவருக்கு அவரே எதிரியாக இருக்கிறார். உக்ரைன் அதிபர் வோலோடிமிர் ஜெலென்ஸ்கி உடன் தொலைபேசியில் பேசியது ``முழுமையாக'' அமைந்துவிட்டது என்று அதிபர் நம்புகிறார். வெள்ளை மாளிகை வெளியிட்டுள்ள அறிக்கையில், ஒரு குற்றச் செயல் நடந்திருப்பதற்கு வலுவான ஆதாரமாக அமைந்துள்ளது. ஆனால் உள்நாட்டு அரசியலில் மறைந்திருக்கும் விஷயங்களை வெளிக்கொண்டு வரும் பரிசோதனையாக உக்ரைன் ஏற்கெனவே மாறிவிட்டது - பதிலுக்குப் பதில் என்ற வகையில் உள்ளது. ஆனால் அதை நல்ல விஷயமாகவே டிரம்ப்பின் ஆதரவாளர்கள் இன்னும் பார்க்கின்றனர். ஆனால், சிரியா மாறுபட்டது. பராக் ஒபாமா அல்லது ஜனநாயகக் கட்சியின் மீது குற்றஞ்சாட்டக் கூடிய விஷயமாக அது இருக்காது. புதிய தடைகள் மூலம் துருக்கியை தண்டிக்க வேண்டும் என்பது டிரம்ப் நிர்வாகத்தின் எண்ணமாக இருந்தாலும், இது பெருமளவு டிரம்ப் உருவாக்கிய சிக்கலாகவே உள்ளது. சிரியாவுக்கும் துருக்கிக்கும் இடையிலான எல்லையில் சர்ச்சைக்குரிய பகுதிகளில் இருந்து அமெரிக்கப் படைகளை வாபஸ் பெறுவது என்று டிரம்ப் எடுத்த முடிவு, சிக்கலான மற்றும் அதிக செலவு ஏற்படுத்தும் மத்தியக் கிழக்கு சர்ச்சைப் பகுதிகளில் இருந்து படைகளை வாபஸ் பெறுவோம் என்று தேர்தலின் போது அளித்த வாக்குறுதிகளை நிறைவேற்றும் வகையில் உள்ளது. ``பொருத்தமற்ற, முடிவில்லாத இந்தப் போர்களில் இருந்து நாம் வெளியேற வேண்டிய தருணம் இது'' என்று அவர் ட்விட்டரில் கூறியுள்ளார். மேலும், ``நமக்கு பயன் கிடைக்கும் இடங்களில் மட்டுமே நாம் போரிடுவோம், வெற்றி பெறும் வகையில் போரிடுவோம்'' என்று ஆங்கிலத்தில் கொட்டை எழுத்துகளில் அவர் குறிப்பிட்டுள்ளார். பல தவறான, சர்ச்சைக்கு இடமளிக்கும் அறிக்கைகள் மற்றும் ட்விட்டர் பதிவுகளைப் புறக்கணித்துவிடலாம் என்பது போன்ற எண்ணத்தை ஏற்படுத்தினாலும், இந்த விஷயத்தில் டிரம்பை ஒரு புத்தகம் போல எர்துவான் படித்து, பிடிலைப் போல அவரை பயன்படுத்திக் கொண்டுள்ளார். துருக்கி எல்லையில் தன்னாட்சி அதிகாரம் கொண்ட குர்து பிராந்தியம் உருவாகாமல் தடுப்பதற்காக சிரியாவுக்குள் தனது படைகளை அனுப்ப திட்டமிட்டுள்ளதாக சமீபத்திய தொலைபேசி உரையாடலின்போது டிரம்ப்பிடம் எர்துவான் கூறியபோது, டிரம்ப் குறைந்தபட்ச எதிர்ப்பு தான் காட்டுவார் என எதிர்பார்த்தார். 2018 ஆம் ஆண்டின் பிற்பகுதியில் நடந்த மற்றொரு தொலைபேசி உரையாடலின் போது, சிரியாவில் இருந்து அமெரிக்க படைகளை வாபஸ் பெறுவது பற்றி டிரம்ப் கோடிட்டுக் காட்டியிருந்தார். ``ஓ.கே. அது உங்கள் பிரச்சினை. எங்கள் வேலை முடிந்துவிட்டது'' என்று டிரம்ப் கூறியதாகத் தெரிவிக்கப்பட்டது. அதன் தொடர்ச்சியாக, டிரம்ப்பின் தாக்கங்களை சமாளிக்க முயற்சிக்கும் வகையில் ``முதிர்ச்சி கொண்ட'' பாதுகாப்புத் துறை அதிகாரியாக இருந்த பாதுகாப்புத் துறை செயலாளர் ஜேம்ஸ் மாட்டிஸ் ராஜிநாமா செய்தார். செயலில் இறங்குவது என பத்து மாதங்கள் கழித்து, எர்துவான் முடிவு செய்தபோது, திறந்திருக்கும் கதவின் மீது மோதப் போகிறோம் என்று அவர் அறிந்திருந்தார். டிரம்ப்பின் கொள்கைக்கு இரு கட்சிகளில் இருந்தும் விமர்சனங்கள் எழுந்தன. செனட் பெரும்பான்மை தலைவர் மிட்ச் மெக்கோன்னெல் கூட விமர்சித்தார். படைகளை வாபஸ் பெறுவதை ஆதரித்த அமெரிக்கர்கள் பலர் மத்திய கிழக்கில் போர்கள் குறித்து அஞ்சினர். ஆனால், மிக மோசமான முறையில் அதை டிரம்ப் செய்தார். ஐ.எஸ். தீவிரவாதிகள் மீண்டும் உருவாகிவிடாமல் தடுப்பதற்காக அமெரிக்க படையின் சிறிய ஒரு பிரிவும், பிரிட்டன் மற்றும் பிரெஞ்சு படைப் பிரிவுகளும் அங்கிருந்தன. சிரியா எப்படி மறுசீரமைப்பு செய்யப்பட்டு, நிர்வாகம் எப்படி நடைபெறப் போகிறது என்ற தூதரக நடைமுறை நிறைவு பெறும் வரையில் இடைக்கால ஏற்பாடாக அந்தப் படைப் பிரிவுகள் அங்கு இருந்தன. வணிகப் பின்னணி கொண்டவராக இருந்தாலும், புதிய மற்றும் மேம்பட்ட சிரியாவை உருவாக்குவதற்கு அமெரிக்காவுக்கு கிடைத்த வாய்ப்புகள் அனைத்தையும் ரஷ்யா, ஈரான், ஆசாத் தலைமையிலான சிரியா நிர்வாகம் மற்றும் ஐ.எஸ். தீவிரவாதிகளின் பிடிக்கு தவறவிட்டு விட்டார். அமெரிக்கா வாபஸ் ஆனதால் ஏற்பட்ட காலி இடங்களுக்கு சிரியா மற்றும் ரஷ்யப் படைகள் சென்றுவிட்டன. துருக்கி ஆக்கிரமிப்பைத் தொடர்ந்து ஏற்பட்ட குழப்பமான சூழ்நிலையைப் பயன்படுத்திக் கொண்டு, குர்து காவலில் இருந்து ஐ.எஸ். தீவிரவாதிகள் பலர் தப்பிவிட்டனர். ஈரானுக்கு எதிராக நெருக்கடி தரும் வகையில் எடுத்த டிரம்ப்பின் முயற்சிகள் என்ன பலனைத் தந்தன என்பதை அனைவரும் ஊகித்துக் கொள்ள முடியும். டிரம்ப் ஆதரவாளர்கள் படைகளை வாபஸ் பெறுவதை ஆதரிக்கின்றனர் பிபிசி செய்தியாளர் லாரென் டனரின் கருத்து ``நாம் எதற்காக உலகின் போலீஸ்காரராக இருக்க வேண்டும்?'' மத்திய மின்னியாபோலிசில் பேரணியில் கலந்து கொண்ட டொனால்ட் ட்ரம்பின் ஆதரவாளர்கள் பலருக்கு, - அமெரிக்க படைகள் வாபஸ் ஆனதற்குப் பிறகு - சிரியா மீது துருக்கி நடத்திய தாக்குதல் பற்றிய கருத்து ஒரே மாதிரியாக இருந்தது. ``துருக்கி மற்றும் சிரியாவுக்கு இடையிலான பிரச்சினைகளில் நமது படைகளின் தலையீட்டை நிறுத்திக் கொண்டது மிகவும் நல்லது என்று நான் நினைக்கிறேன்'' என்று 24 வயதான அலெக்ஸ் லெடெஜ்மா கூறினார். ``அவர்களைக் காத்து வளர்க்க வேண்டிய பொறுப்பு நமக்கு இல்லை'' என்று அவர் குறிப்பிட்டார். ``அங்கே நடந்து கொண்டிருக்கும் சம்பவங்கள் நூறாண்டுகளுக்கு மேலாக நடந்து கொண்டு தான் இருக்கின்றன. நமது பிரச்சினை அல்லாத ஒரு விஷயத்துக்காக, நம் மக்கள் எத்தனை பேர் அங்கு உயிரிழக்க வேண்டும்? நாம் அங்கே இருந்தாலும், இல்லாவிட்டாலும் அது தொடர்ந்து கொண்டு தான் இருக்கும்'' என்று 52 வயதான மெலிஸ்ஸா எர்ரா கூறினார். ஆனால் கடற்படையில் பணியாற்றி ஓய்வுபெற்ற எரிக் ரட்ஜியெஜ் கருத்து வேறு மாதிரியாக உள்ளது. ``இவ்வளவு சீக்கிரத்தில் ஆப்கானிஸ்தானில் இருந்து வாபஸ் பெற்றது தவறானது என்று நான் நினைக்கிறேன். ஆனால், அது மோசமாக இருந்தால், நாம் திரும்பிச் செல்ல மாட்டோம் என ஒருபோதும் கூறியது இல்லை. ஆப்கானிஸ்தானில் இருந்து திரும்பிச் செல்வதற்கு நாம் நீண்ட காலம் காத்திருந்தோம்.'' ``அங்கே செல்லக் கூடிய மற்ற பங்காளர்கள் உள்ளனர். உலகின் பாரத்தை எப்போதும் நாம் சுமந்து கொண்டிருக்க முடியாது'' என்றும் அவர் குறிப்பிடுகிறார். இன்னும் குறிப்பிட்டுச் சொல்வதாக இருந்தால், அமெரிக்காவை ஒரு தோழமை நாடாகக் கருதும் நம்பகத்தன்மை, மத்திய கிழக்கு மற்றும் அதையும் தாண்டிய விஷயங்களில் கேள்விக்குறி ஆகிவிட்டது. ஐ.எஸ். தீவிரவாதிகளுக்கு எதிராக நடவடிக்கைகளின் போது அமெரிக்கப் படைகளுக்கும் குர்துகளுக்கும் இடையில் உருவான உறவின் முக்கியத்துவத்தை டிரம்ப் நிராகரித்துள்ளார். ரக்கா மற்றும் ஐ.எஸ். தீவிரவாதிகளின் பிடியில் இருந்த பகுதிகளை மீட்ட படைகளுக்கு முன்னணி படைகளாக குர்துகள் இருந்துள்ளனர். குர்துகள் ``நார்மாண்டியில் எங்களுக்கு உதவி செய்யவில்லை' என்று டிரம்ப் கூறியுள்ளார். அங்கே விவரிக்க வேண்டிய பல விஷயங்கள் உள்ளன. இரண்டாம் உலகப் போரின் போது சில குர்துகள் நேசப் படையினரின் பக்கம் இருந்து பங்கேற்றனர். ஆனால் அப்போது அங்கீகரிக்கப்பட்ட குர்து அரசாங்கம் எதுவும் இல்லை, அல்லது சொல்லப் போனால் இப்போதும் கூட இல்லை. இப்போது அமெரிக்காவின் தீவிர ஆதரவாக உள்ள ஜெர்மனியும் ஜப்பானும், அப்போது எதிரெதிராக இருந்தன. மற்ற நாடுகள் - தென்கொரியா மற்றும் இஸ்ரேல் - ஆக்கிரமிக்கப் பட்டிருந்தன அல்லது சுதந்திர அரசுகளாக இல்லை. தங்களுடைய பாதுகாப்பு மற்றும் மனித உரிமை தொடர்பான சட்ட பூர்வ விஷயங்களை நிறைவேற்றத் தவறிய நிலையில், வடகொரியாவைக் கையாள்வதில் டிரம்ப்பின் போக்கு குறித்து ஜப்பானும் தென்கொரியாவும் ஏற்கெனவே அதிருப்தியில் உள்ளன. குர்துகள் தொடர்பாக டிரம்ப்பின் நடவடிக்கைகள், அந்தக் கவலைகளை அதிகரிப்பதாக மட்டுமே இருக்கும். மத்திய கிழக்கில் தங்கள் பாதுகாப்புக்காக அமெரிக்காவை நம்பியிருக்கும் எந்த நாட்டுக்கும் அல்லது இன்றைக்கு நேட்டோ படைகளில் உள்ள பெரும்பாலான நாடுகளுக்கும் மறு உத்தரவாதம் தருவதாக எந்த நடவடிக்கையும் அமைந்திருக்கவில்லை. அவை டிரம்ப்பின் தீர்ப்புக்கான நாளின் பரிசோதனையில் தேறும் வகையிலும் இல்லை. அமெரிக்காவின் டிரோன் விமானத்தை சுட்டு வீழ்த்தியதற்கு பதிலடியாக ஈரான் மீது தாக்குதல் நடத்த டிரம்ப் உத்தரவிட்டு பின்னர் அதை வாபஸ் பெற்ற - முரண்பட்ட நடவடிக்கைகளால் ஏற்கெனவே சவூதி அரேபியா போதிய அளவுக்கு அதிருப்தி அடைந்துள்ளது - தெஹ்ரானுடன் பின்வாசல் வழியாக பேச்சு வார்த்தை நடத்த அமெரிக்கா முயல்வதாக சவூதி கருதுகிறது. ஈரானை தனிமைப்படுத்துவதற்குப் பதிலாக, அந்தப் பிராந்தியத்தின் பிரச்சினையை டிரம்ப் தீவிரப்படுத்தியுள்ளதாகக் கருதப்படுகிறது. ஆனால் அது ஜெருசலேமில் பிரச்சினையை ஏற்படுத்தும். இஸ்ரேலின் நுழைவாயிலுக்கு சிரியாவை ஈரான் கொண்டு வந்துவிடும். ஈரானை தனியே எதிர்கொள்ள வேண்டியிருக்கும் என்று இஸ்ரேல் அதிகமாகக் கருதினால், நேரடி ராணுவ மோதல் வருவதற்கான வாய்ப்பு அதிகரித்து, தவிர்க்க முடியாமல் அமெரிக்கா தலையிட வேண்டியிருக்கும். இந்த அழிவு சூழ்நிலையைத் தான் ஒபாமாவும் அவருடைய ஐரோப்பிய சகாக்களும் சிந்தித்து செயல்பட்டனர். அணுசக்தி ஒப்பந்தத்துக்கு டிரம்ப் முட்டுக்கட்டை போட்டதால் அவர்களுக்கு எரிச்சல் ஏற்பட்டது. உலக அளவில் அமெரிக்கா ஏற்படுத்தியுள்ள கூட்டணிகளின் தொடர்பு அதனுடைய தேசப் பாதுகாப்பு மற்றும் சர்வதேச ஸ்திரத்தன்மைக்கு அடிப்படையாக உள்ளது. அவற்றின் முக்கியத்துவத்தை டிரம்ப் குறைத்து மதிப்பிட்டு வருகிறார். அதற்கான ஆதாரங்கள் அதிகரித்துக் கொண்டு இருக்கின்றன, தெளிவாக வெளியில் தெரிகின்றன. அமெரிக்காவின் தலைமைத்துவம் குறித்த சந்தேகங்களை வெளிப்படையாக அறியச் செய்துள்ளார் டிரம்ப். அமெரிக்காவின் நலன்களை முன்னிறுத்தி, அதன் முக்கிய தோழமை நாடுகளின் நலன்களை முன்னிறுத்துவதில், தன்னுடைய முதன்மையான பணியை டிரம்ப் எவ்வளவு மோசமாக செய்து வருகிறார் என்பதை சிரியா கோடிட்டுக் காட்டியுள்ளது. உலக நாடுகள் தாங்களே தங்களை கவனித்துக் கொள்ளட்டும் என்று கூறிவிட்டு, தனது எல்லைக்குள் அமெரிக்கா படைகளை வைத்துக் கொள்ளும் வகையில், படைகளை திரும்பப் பெறுவதில் உண்மையான தாக்கங்கள் உள்ளன. பெரும்பாலான அமெரிக்கர்கள் ஆதரிக்கும் நிர்வாக விவகாரமாக இது இல்லை என்பது நல்ல செய்தி. சமீபத்தில் உலக விவகாரங்கள் குறித்து சிக்காகோ கவுன்சிலில் நடந்த வாக்கெடுப்பில், உலக அளவில் அமெரிக்கா அதிக தீவிர பங்களிப்பு செய்ய வேண்டும் என்று பெரும்பாலான கருத்தாளர்கள் உறுதியான முடிவை தெரிவித்திருந்தனர். பிராந்திய அளவில் கூட்டணிகள் உருவாக்கி, சர்வதேச வர்த்தகத்தில் மதிப்பை உயர்த்த வேண்டும் என்று அவர்கள் கூறியுள்ளனர் டிரம்ப்பின் வெளியுறவுக் கொள்கையின் முக்கிய தூண்களாக உள்ள விஷயங்களை அவர்கள் நிராகரித்திருப்பதை இது காட்டுகிறது. ரஷ்யா பற்றி கண்டு கொள்ளாத செயல்பாட்டுடன், சிரியா பிரச்சினையும் சேர்ந்து, சர்வதேச உறவுகளை அவர் தவறாகக் கையாள்கிறார் என்பதை நிரூபித்துள்ளன. தனது சொந்த அரசியல் நலன்களுக்காக, நாட்டின் நலன்கள் பற்றிய விஷயங்களில் அவர் கவனம் செலுத்தத் தவறிவிட்டார். எல்லாவற்றையும் பார்த்தால், டிரம்ப் மீண்டும் தேர்வு செய்யப்படுவது பாதிக்கப்படலாம். வேறு அதிபரை, வேறு வெளியுறவுக் கொள்கையைத் தேர்வு செய்ய அமெரிக்க வாக்காளர்கள் அடுத்த நவம்பர் மாதம் வரை காத்திருக்க வேண்டும் என்பது அவர்களுக்கு கெட்ட செய்தியாக உள்ளது. பி.ஜே. கிரவ்லே. அமெரிக்க வெளியுறவுத் துறை முன்னாள் உதவிச் செயலர் மற்றும் Red Line: American Foreign Policy in a Time of Fractured Politics and Failing States-ன் ஆசிரியர். https://www.bbc.com/tamil/global-50075452

பட்டது + படிச்சது + பிடித்தது - விசுகு

1 day 5 hours ago
பட்டது + படிச்சது + பிடித்தது - 197 ஆமா நாங்க தான் போட்டோம் லட்சம் தடவை சொன்னோம் நாங்க செய்யலை என்று. நம்பவும் இல்லை குற்றம் சாட்டி கைது செய்தவர்களை விடுதலை செய்யவுமில்லை. 30 வருட சிறை வேதனை வாழ்க்கையே தொலைந்து போய் பல வருசமாச்சு. ஓரு தடவை ஒரேயொரு தடவை ஆமாய்யா நாங்க தான் செய்தோம் என்பது மட்டும் எப்படி காதில விழுகுது??? தலைவரது செவ்வியில் இந்தக்கொலை பற்றிய கேள்விக்கு மிக பக்குவமாக மிகவும் பொறுமையுடன் ஒரு ஆயுதப்போரை நடாத்தும் தளபதியாக அது ஒரு துன்பவியல் சம்பவம் என்றார். அடுத்த கேள்வி இதற்காக உங்களை கைது செய்வார்களாம் என்பதற்கு சிரித்துக்கொண்டே நடப்பதை பேசுவோமா என்பார். அதில் எத்தனை அர்த்தங்கள்? நான் சாதாரண பொது மகன். அந்தக்கொலை செய்யப்படவேண்டியதே. செய்தவர்கள் எவராக இருப்பினும் அவர்கள் என்னவரே. தொடர்ந்து என்னைக்கோபப்படுத்திக்கேட்டால் ஆமாய்யா நாங்க தான் செய்தோம் இப்ப என்ன?? என்று தான் சொல்வேன். அது தான் உண்மையும் கூட. இப்ப நாங்க சொல்வதை நீங்க கேட்கும் நிலை வந்திருப்பது மட்டும் தெரிகிறது. நல்ல வளர்ச்சி தான்.

திறக்கப்பட்டது யாழ். விமான நிலையம் – தரையிறங்கியது முதல் விமானம்

1 day 5 hours ago
நாங்கள் பலாலி விமான நிலையத்திலிருந்து திருச்சி விமானநிலையத்திற்கு அன்று பறந்தபோது தடுப்பு ஊசி ஒன்று குத்தி அனுப்பினார்கள். தற்போது சர்வதேச விமான நிலையமானதால், எந்த நாட்டுக்கு என்ன ஊசி குத்தி அனுப்புவார்களோ....!! 😲

தீபாவளி சிரிப்பு.

1 day 6 hours ago
பழைய சேலையை மனைவி மறந்தாலும் போற இடங்களில் ஓஓ இந்த சேலை இன்னாரின் திருமணத்துக்கு பின் இப்ப தான் வெளியே எடுத்திருக்கிறாய் என்று நண்பிகள் காட்டிக் கொடுத்துடுவாங்கள்.

மனைவியின் பெ௫மைகள் ....

1 day 6 hours ago
ஆய கலைகள் 64 போல், ஆத்துக்காரிக்கு 62 பெயர்கள். இதில் சம்சாரம் என்கிற பெயர் இல்லை. ஊரிலை மனுசி என்றும் கூப்பிடுவோம் கவனிக்க 5வதும் காந்தை 53வதும் காந்தை

‘பிறெக்சிட்’ | ஜோன்சன் – ஐ.ஒன்றியம் உடன்படலாம்?

1 day 6 hours ago
பிரிட்டன் மற்றும் ஐரோப்பிய ஒன்றியத்துக்கு இடையில் ஒரு புதிய பிரெக்ஸிட் ஒப்பந்தம் ஒப்புக் கொள்ளப்பட்டுள்ளது. இதுதொடர்பாக ட்வீட் செய்துள்ள பிரிட்டன் பிரதமர் போரிஸ் ஜான்சன், "நம்மிடம் மீண்டும் கட்டுப்பாடு வரும் வகையில் ஒரு புதிய ஒப்பந்தம் கிடைத்துள்ளது" என்று குறிப்பிட்டுள்ளார். இந்த ஒப்பந்தத்திற்கான சட்ட ஆவணங்கள் தயாரிக்கும் பணியை இரு தரப்பும் செய்து வருகிறது. எனினும், பிரிட்டன் மற்றும் ஐரோப்பிய நாடாளுமன்றங்களின் ஒப்புதல் இதற்கு வேண்டும். பிரதான எதிர்கட்சியான தொழிற்கட்சியின் தலைவர் ஜெரிமி கோர்பின் இதுதொடர்பாக கூறுகையில், முன்னாள் பிரதமர் தெரீசா மே கலந்து பேசி முடிவெடுத்த ஒப்பந்தத்தைவிட இது மிகவும் மோசமானது என்று தெரிவித்தார். இதனை எம்பிக்கள் புறக்கணிக்க வேண்டும் என்று தெரிவித்தார். இது வெற்றி பெறுமா என்பது சந்தேகம்தான் என்று கூறும் ஐக்கிய ஜனநாயக கட்சி, இதற்கு ஆதரவளிக்க முடியாது என்று கூறுகிறது. ஆனால், இது நியாயமான மற்றும் இருதரப்புக்கும் சமமான ஒப்பந்தம் என்று ஐரோப்பிய ஆணையத்தின் தலைவரான ஜீன் கிளாட் ஜங்கர் குறிப்பிட்டுள்ளார். இந்த ஒப்பந்தத்தை பரிந்துரை செய்து அவர், ஐரோப்பிய சபை தலைவர் டொனால்ட் டஸ்கிற்கு எழுதிய கடிதத்தில், "பிரிட்டனுடன் ஐரோப்பிய ஒன்றியத்தின் எதிர்கால உறவை குறித்த பேச்சுவார்த்தை தொடங்க வேண்டிய தருணம் வந்துவிட்டது" என்று கூறியுள்ளார். ஜீன் கிளாட் மற்றும் பிரிட்டன் பிரதமர் ஜான்சன் இருவருமே இந்த ஒப்பந்தத்திற்கு ஆதரவளிக்கும்படி பிரிட்டன் நாடாளுமன்ற உறுப்பினர்களை வலியுறுத்தியுள்ளனர். https://www.bbc.com/tamil/global-50084210

சரணடைந்தோர் எண்ணிக்கையில் குளறுபடி; 2994 பேர் மாயம்

1 day 6 hours ago
இந்த 'குளறுபடிகளும்' ஒரு போர்க்குற்ற ஆதாரம். இவ்வாறு பல ஆதாரங்கள் இருந்தும் தாயக, புலப்பெயர்ந்த மற்றும் சர்வதேச நாடுகளால்/அமைப்புக்களால் எதுவும் செய்ய முடியவில்லை என்பதே கேள்விப்பொருள். ஒரு ஒழுங்கான கட்டமைப்பு, தளம்பாத தலைமை, விடா முயற்சி என்பன அடங்கிய ஒரு அமைப்பும் எம்மிடம் இல்லை. ஒரு செய்தியாகவே பார்த்துவிட்டு போவதற்கு பழகிவிட்டோம்.

வடக்கின் 13 அம்ச கோரிக்கை : ஜனாதிபதி வேட்பாளர்களுக்கு ஓமல்பே தேரர் எச்சரிக்கை

1 day 6 hours ago
"இந்த நாட்டிலுள்ள எந்தவொரு கட்சிக்கும் இந்த அடிப்படைவாத, பயங்கரவாத, பிரிவினைவாத சிந்தனைக்கு ஆதரவு வழங்க முடியாது." சனநாயக பண்புகளையும் பயங்கரவாதம் என்ற முத்திரை குத்தும்உலகம் இது. தமிழர் தரப்பிடம் வித்தியாசமான அணுகுமுறை ஒன்று தேவை.

மதமாற்றத்துக்குத் தூண்டும் செயல்களை நிறுத்தவும்’

1 day 7 hours ago
எனக்கு தெரிந்தளவில் இலங்கையில் வீடுகளில் கூட்டம் நடத்துவதற்கு இப்படியான அனுமதி தேவையில்லை. இலங்கையில் உள்ள எல்லா திருச்சபைகளிலும் ஞாயிரு தவிர்ந்து வாரகாட்களில் சபை ம‌க்கள் சிலர் யாரவது ஒரு சபை அங்கத்தவரின் வீட்டில் கூடிவந்து மாலை நேரங்களில் வேதகம படிப்பு / பாடல்கள் பாடுதல் / ஜெபித்தல் போன்ற ஆன்மிக காரியங்களில் ஈடுபடுவார்கள். பின்பு இரவுணவின் பின் கலைந்து செல்வார்கள். இது ஒரு ஆன்மீக ஒன்று கூடல் பல பக்கத்து வீட்டு பிறமத மக்களும் இதில் கலந்து கொள்வார்கள். அவர்களது தேவைகளுக்காகவும் பிரார்திக்கப்படும். இது மதபோதனை அல்ல. குடும்ப பிரார்த்தனை இதை யாரும் பக்கத்து வீட்டிட்டிற்கு தொந்தரவாக இருக்கின்றது என சண்டித்தனம் செய்வதில்லை. இதற்கெல்லாம் அனுமதி பெறவும் தேவையில்லை. அப்படியானால் பொலீசாருக்கு இவ்வாறு வருபவர்களுக்கு அனுமதி கொடுப்பதே வேலையாகி போகும். எதுவும் பகிரங்கமாக செய்வதானால் அதற்கு அனுமதி தேவை. உதாரணமாக காலிமுத்திடலில் ஒர் சுவிசேச கூட்டம் எற்பாடு செய்வது. ஓருவரது தனிப்பட்ட வீட்டிற்குள் குடுப்பமாக கூடி, ஒரே சத்தியத்தை விசுவாசிகின்றவர்களால் செய்யப்படும் பிரார்த்தனையை, மதபோதனை என குறிப்பிட்டு குண்டர்கள் மொட்டை கடிதம் எழுதி இவ்வாறு மக்களை கலைப்பது கண்டிக்கத்தக்கது.

யாழ்ப்பாணம் சர்வதேச விமான நிலையத்தில்... தமிழுக்கு முதல் இடம்.

1 day 7 hours ago
இந்தியாவிலும் தேசியக் கட்சிகளை நாடி தமிழினம் போய்விடக் கூடாது என்ற கவலை தமிழகத்தில் எங்களைப் போன்ற பலருக்கும் உண்டு.

திறக்கப்பட்டது யாழ். விமான நிலையம் – தரையிறங்கியது முதல் விமானம்

1 day 8 hours ago
யாழ் விமான நிலையத்தில் A320 ரக விமானங்கள் தரையிறங்கக கூடிய வசதி தற்கோது உண்டா? அல்லது அடுத்த கட்ட விரிவாக்க பணி முடிந்த பின்னர் தான் A320 ரக விமானங்கள் தரையிறங்கலாமா?
Checked
Fri, 10/18/2019 - 18:39
கருத்துக்களம் - new topics
Subscribe to புதிய பதிவுகள் feed
texte-feed
sqdgvsqfqsg vdgvdgvv qdsbrzbvzrbvzr