COVID-19: Coronavirus - பாதுகாப்பு வழிமுறைகள் மற்றும் ஆலோசனைகள்

கொரோனா வைரஸ் தொற்றுநோய், அதன் தாக்கங்கள் மற்றும் நீங்கள் என்ன உதவி செய்யலாம்?: சுருக்கமான வழிகாட்டுதல்கள்

8 hours 2 minutes ago
கொரோனா வைரஸ் தொற்றுநோய், அதன் தாக்கங்கள் மற்றும் நீங்கள் என்ன உதவி செய்யலாம்?: சுருக்கமான வழிகாட்டுதல்கள்

on March 25, 2020

20200307_FBD001_0.jpg?resize=1200,550&ss

பட மூலம், THE ECONOMIST

(சஷிக்கா பண்டார)Shashika Bandara is an Associate in Research at the Duke Global Health Institute. He tweets at @shashikaLB.

புதிய கொரோனா வைரசினால் உருவாகியுள்ள உலகளாவிய நோய் தொற்று காரணமாக முன்னொருபோதும் ஏற்பட்டிராத அழிவுகள் குறித்து வெளிவரும் பிழையான தகவல்கள் மோசமான ஆபத்துக்களை ஏற்படுத்தலாம். இது தொற்றுநோய் கொள்கை முயற்சிகள் மற்றும் நாம் எவ்வாறு பங்களிக்க முடியும் என்பதற்கான ஏழு வழிமுறைகள் அடங்கிய சுருக்கமான வழிக்காட்டுதலாகும்.

கொவிட் 19 என்றால் என்ன?

இது கொரோனா வைரஸின் ஒரு புதிய வடிவம் – பொதுவாக சளியையும் அதனை விட பாரதூரமான நோய்களையும் உருவாக்ககூடிய பாரிய வைரஸ் குழுவே இவ்வாறு அழைக்கப்படுகின்றது.

2003 இன் சார்ஸ் வைரஸும் (Severe Acute Respiratory Syndrome) 2012 இன் மேர்சும் (Middle East Respiratory Syndrome) கொரோனா வைரஸின் வெவ்வேறு வடிவங்களால் உருவானவையே.

இந்த வைரஸ் குறித்த அனைத்து தகவல்களும் தெரியவரவில்லை என்பதை நினைவில் வைக்க வேண்டியது முக்கியமான விடயமாகும். எதிர்காலத்தில் புதிய தகவல்கள் தெரியவரலாம் என எதிர்பார்க்கப்படுகின்றது என்பதையும் நாங்கள் கருத்தில் கொள்ளவேண்டும்.

உலக சுகாதார ஸ்தாபனம் வெளியிட்டுள்ள 4 நிமிட வீடியோவில் வைரஸ் குறித்த பல அடிப்படை விடயங்கள் இடம்பெற்றுள்ளன.

 

கொரோனா வைரஸ், உத்தியோகபூர்வமாக பெயரிடப்பட்ட COVID-19 முதன் முதலில் சீனாவில் கண்டுபிடிக்கப்பட்டதுடன்  தற்போது உலகளாவிய நோய் தொற்றாக மாறியுள்ளது.

தொற்றுநோய் – உலகளாவிய தொற்று என்றால் என்ன?

குறிப்பிட்ட  சனத்தொகையினர் மத்தியில் எதிர்பார்த்த அளவினை விட திடீர் என அதிகளவு நோய் தாக்கம் காணப்படுவதே தொற்றுநோய் என அழைக்கப்படுகின்றது. உலகளாவிய தொற்று என்பது பல நாடுகளில் கண்டங்களில் பரவியுள்ள மிகப்பெருமளவானவர்களை தாக்கும் நோயை குறிக்கும்.

உதாரணத்திற்கு மேர்ஸ், சார்ஸ் ஆகிய இரண்டும் பிராந்திய அளவில் மட்டுப்படுத்தப்பட்ட தாக்கத்தினை ஏற்படுத்தியதால் தொற்றுநோய்கள் என அழைக்கப்படுகின்றன. அதேவேளை கொரோனா வைரஸ் அதன் உலகளாவிய தாக்கம் காரணமாக உலகளாவிய நோய் தொற்று என உலக சுகாதார ஸ்தாபனம் என அறிவித்துள்ளது.

தொற்றுநோய், உலகலாவிய தொற்றுநோய் மற்றும் நோய் பரவுவது குறித்த பல விடயங்களை இங்கே பார்க்கலாம்.

உங்களை எப்படி பாதுகாப்பது?

கொவிட் 19 சுவாத்சதுளிகள் மூலமாக பரவுகின்றது. கைகுலுக்குதல், கட்டித்தழுவுதல் போன்ற நெருக்கமான தொடர்புகள் மூலமும் – இருமல், தும்மல் போன்றவற்றின் மூலமும் இது பரவுகின்றது.

நாங்கள் பயன்படுத்தக்கூடிய இலகுவான நடைமுறைகளை உலக சுகாதார ஸ்தாபனம் வெளியிட்டுள்ளது. அவை பின்வருமாறு:

  1. உங்கள் கைகளை அடிக்கடி சுத்தம் செய்யுங்கள் அல்லது கைகள் கழுவுவதற்காக உள்ள அல்கஹோல் கலந்த திரவத்தைப் பயன்படுத்தி கிருமிகளை கொல்லுங்கள். உங்கள் தனிப்பட்ட பொருட்களை (கையடக்கத் தொலைப்பேசி) அடிக்கடி சுத்தம் செய்யுங்கள். உங்கள் கைகளை எப்படி சுத்தம் செய்யவேண்டும் என்பதற்கான வீடியோ இது.

ஆங்கிலம்: https://www.youtube.com/watch?v=3PmVJQUCm4E&feature=youtu.be

சிங்களம்: https://www.facebook.com/hpbsrilanka/videos/123749012212887/

தமிழ்: hthttps://www.youtube.com/watch?v=Dzt30CuOP8E&feature=emb_title

  1. உங்கள் பழக்கவழக்கங்கள் குறித்து அவதானமாக இருங்கள். உங்கள் முகத்தினை கைகளினால் தொடுவதை தவிர்த்துக்கொள்ளுங்கள் (கண், மூக்கு, வாய்).
  2. இருமும்போது அல்லது தும்மும்போது உங்கள் முகத்தினையும் வாயையும் கையால் மூடிக்கொள்வதற்கு பழகிக்கொள்ளுங்கள். (அல்லது டிசுவினால் மூடிய பின்னர் அதனை உடனடியாக குப்பையில் போடுங்கள்.
  3. சமூக விலக்கல்களை (social distancing) பின்பற்றுங்கள், (உலக சுகாதார ஸ்தாபனம் ஒரு மீற்றர் அல்லது 3 அடியை பரிந்துரை செய்துள்ளது.) குறிப்பாக இருமும், தும்மும் நபரிடமிருந்து சமூக விலக்கல்களை மேற்கொள்ளுங்கள் .
  4. உங்களுக்கு இருமல் – சளி – சுவாசிப்பதில் பிரச்சினைகள் போன்றவை இருப்பதாக நீங்கள் நினைத்தால் இலங்கை சுகாதார அமைச்சின் அறிவுறுத்தல்களை பின்பற்றுங்கள். 1999 இலக்கத்தின் மூலம் இலங்கை சுகாதார மேம்பாட்டு பணியகத்தினை தொடர்புகொண்டு மேலதிக தகவல்களைப் பெற்றுக்கொள்ளமுடியும். எந்த வலையமைப்பிலிருந்தும் அதனை அணுகலாம்.
  5. இந்த நடவடிக்கைகளை நீங்கள் பின்பற்றினால் நோய் பரவுவதைத் தடுப்பதற்கு அல்லது நோயைக் குறைப்பதற்கு உதவுவீர்கள்.

நோய் பரவும் வேகத்தை குறைப்பது (flattening the curve) என்றால் என்ன?

கொரோனா வைரசினால் பாதிக்கப்பட்டுள்ள அனைவரையும் பாதிக்கப்படாதவர்களிடமிருந்து தனிமைப்படுத்துல் சாத்தியமில்லை என்பதால் சமூக விலக்கல் மற்றும் சுகாதாரம் தொடர்பான எங்கள் நடவடிக்கைகள் பாதிக்கப்படுபவர்களின் எண்ணிக்கை அதிகரிக்காமலிருப்பதற்கு அவசியமானவையாக உள்ளன.

நோய் தாக்கத்திற்கு உள்ளாகுபவர்களின் எண்ணிக்கையை குறைப்பதன் மூலம் எங்களால் சுகாதார துறை மற்றும் சுகாதார பணியாளர்கள் மீதான அழுத்தங்களை குறைக்க முடியும். மேலும் நோயாளர்களுக்கு சிகிச்சை அளிப்பதற்காக செலவாகும் பணத்தை சேமிக்கும் நிலையை ஏற்படுத்த முடியும். கொவிட்-19 தற்போது எங்களையே அதிகம் தாக்கி வருகின்ற அதேவேளை ஏனைய நோய்களினால் பாதிக்கப்பட்டவர்களை எங்களது சுகாதார துறையினரும் சுகாதார பணியாளர்களும் கவனம் செலுத்தவேண்டியுள்ளது.

தடுப்பு நடவடிக்கைகளை எடுப்பதன் மூலம் நோய் பரவும் வேகத்தை குறைப்பதற்கு நீங்கள் நிச்சயமாக உதவபோகின்றீர்கள்.

flattening-the-curve-V7-04.jpg?resize=66

நோயை துணிச்சலுடன் எதிர்கொள்வதாக கருதுவதன் மூலம் – Big Match சென்றால் எப்படி எனக்கு நோய் தொற்று வரும் என நினைப்பதன் மூலம் – அரசாங்க கட்டளைகளை குறைத்து மதிப்பிடுவதன் மூலம் அல்லது புறக்கணிப்பதன் மூலம் நீங்கள் ஏனைய பொதுமக்களை, சுகாதார பணியாளர்களை, படையினரை (இந்த முயற்சிக்கு உதவுபவர்கள்) நெருக்கடிக்கு உள்ளாக்குவதுடன் தேசிய வளங்களை வீணடிக்கின்றீர்கள். இவை நோயை கட்டுப்படுத்துவதற்கும் குறைப்பதற்கும் உதவக்கூடிய கூடிய வளங்கள் .

நோய் பரவும் வேகத்தை குறைப்பது குறித்து நீங்கள் மேலும் அறிந்துகொள்ள விரும்புகின்றீர்கள் என்றால் நோய் பரவுவது குறித்து மேலும் தெளிவாக அறிந்து கொள்ளவேண்டும் என்றால் இந்த கட்டுரையை படியுங்கள்.

சர்வதேச முயற்சிகள் – இடைவெளிகள் – இலங்கை

கொவிட்-19 னை எதிர்கொள்வதற்கு உலக வங்கி 12 பில்லியன் டொலர்களை வழங்குவதாக உறுதியளித்துள்ள போதிலும் சர்வதேச நடவடிக்கைகளுக்கு 8 மில்லியன் டொலர் பற்றாக்குறை உள்ளதாக சர்வதேச தயார்படுத்தல் மற்றும் கண்காணிப்பு சபை தெரிவித்துள்ளது.

உலக சுகாதார ஸ்தாபனமும் உலக வங்கியும் இணைந்து ஏற்பாடு செய்திருந்த சர்வதேச தயார்படுத்தல் மற்றும் கண்காணிப்பு சபை,  ஜி7 மற்றும் ஜி20 நாடுகள் இந்த இடைவெளியை நிரப்பவேண்டும் என தெரிவித்துள்ளது. இந்த நிதி இடைவெளியில் கொரோனா வைரஸிற்கான தடுப்பு மருந்தினை உருவாக்குவதற்கு அவசியமான 2 பில்லியன் டொலரும் காணப்படுகின்றது. இந்த நிதி இடைவெளி குறித்த மேலதிக விபரங்களை இங்கே பார்க்கலாம்.

கொவிட்-19ற்கு எதிரான போராட்டத்தில் ஈடுபட்டுள்ள ஒவ்வொரு நாடும் தங்கள் சுகாதார துறை மற்றும் அரசாங்கத்தின் பலம் பலவீனங்களை அடிப்படையாக வைத்து வெவ்வேறுவிதமான நடவடிக்கைகளை முன்னெடுத்துள்ளன. சீனா கடுமையான நடவடிக்கைகள் மூலம் ஹுபெய் மாகாணத்தை முடக்கியுள்ளது. வாகனங்களில் பயணிக்கும் போது பரிசோதிக்கும் புதிய முறையிலான பரிசோதனையை தென்கொரியா ஏற்படுத்தியுள்ளது. அமெரிக்கா தேசிய இடர் நிலையை அறிவித்துள்ளதுடன் சமூக தனிமைப்படுத்தலை முன்னிறுத்தி வருகின்றது. பிரிட்டன் தொற்றுநோய்களுக்கான மறைமுக பாதுகாப்பை அடிப்படையாகக் கொண்ட சமூகமொன்றை உருவாக்கும் சர்ச்சைக்குரிய முயற்சியை மேற்கொண்டது. எனினும், புதிய தரவுகளின் அடிப்படையில் அந்த நாடு சமூக தனிமைப்படுத்தலை ஊக்குவிக்க முயல்கின்றது. இலங்கை பாடசாலைகளையும் பல்கலைகழகங்களையும் மூடியுள்ளதுடன் 16ஆம் திகதி பொது விடுமுறையை அறிவித்தது. அதன் பின்னர் மூன்று நாட்களுக்கு அதனை நீடித்தது. கொவிட் 19 ற்கு எதிரான நிதியமொன்றை உருவாக்கும் சார்க் நாடுகளின் முயற்சியில் இலங்கை தன்னை இணைத்துக்கொண்டுள்ளது.

நாங்கள் என்ன செய்யலாம்?

சர்வதேச மற்றும் உள்நாட்டு வழிகாட்டுதலின் அடிப்படையில் – கொரோன வைரஸினை கட்டுப்படுத்துவதற்காக நாங்கள் பரிசிலீக்கக் கூடிய  ஏழு நடவடிக்கைகள் பின்வருமாறு:

  1. சுகாதார வழிகாட்டுதல்களை பின்பற்றுதல் (#Followhealthguidelines)

நபர் என்ற அடிப்படையில் நீங்கள் சமூக தனிமைப்படுத்துதல், சுகாதார நடைமுறைகள், உங்களினதும் உங்களின் அன்புக்குரியவர்களினதும் உடல்நலத்தை கண்காணித்தல் குறித்த உள்நாட்டு வெளிநாட்டு வழிகாட்டுதல்களை பின்பற்றுங்கள்.

  1. தொலைவிலிருந்து பணிபுரிதல் (#workremotely)

நீங்கள் ஒரு நிறுவனத்தைச் சேர்ந்தவர் என்றால், தொலைவிலிருந்து அதனை நிர்வகிக்க முடியுமென்றால் தயவுசெய்து அவர்கள் தொலைவிலிருந்து பணிபுரிவதற்கு அனுமதியுங்கள். இரண்டு வாரங்களுக்கு சம்பளத்துடன் விடுமுறையையை வழங்குங்கள்.

  1. பொதுநிகழ்வுகளை இரத்துச்செய்யுங்கள் (#cancelgatherings)

நீங்கள் Big Match, கூட்டம், பெருமளவானவர்கள் கூடும் நிகழ்வு ஆகியவற்றின் ஏற்பாட்டாளர்கள் என்றால் பொது மக்களின் சுகாதார நலனை அடிப்படையாகக் கொண்டு அவற்றினை இரத்துச்செய்யுங்கள். உங்களால் கொரோனா வைரஸுடன் மோத முடியாது, நீங்கள் ஏனையவர்களுக்கு பாதிப்பை ஏற்படுத்துவீர்கள்.

  1. கொவிட்-19 குறித்த பிழையான செய்திகளுக்கு எதிராகப் போராடுங்கள் (#fightCOVIDmisinformation)

நீங்கள் சமூக ஊடங்களில் செல்வாக்கு செலுத்துபவர் என்றால், பத்திரிகையாளர் என்றால், நீங்கள் பகிர்ந்து கொள்பவைகள் மற்றும் உங்கள் தகவல்கள் குறித்து பொறுப்புணர்வுடன் இருங்கள். இதனை செய்வதற்கு நீங்கள் உத்தியோகபூர்வ செய்திகளை ஆராயலாம்,

உங்கள் டுவிட்கள், கட்டுரைகள், பதிவுகள் போன்றவற்றில் காணப்படும் தகவல் மூலங்கள் குறித்து ஆராயுங்கள். முன்னைய பதிவுகளின் மேலதிக தகவல்களை ஆராயுங்கள். ஆதாரமற்ற கொள்கைகளுக்காக குரல்கொடுக்காதீர்கள். அரசாங்க சுகாதார உத்தியோகத்தர்களுடன் முரண்படாதீர்கள். முரண்படவேண்டும் என்பதற்காக முரண்படாதீர்கள். சரியான விடயங்களை உள்ளடக்காத டுவிட் அல்லது கட்டுரைகளால் இடர் மிகுந்த தருணங்களில் நீங்கள் நினைப்பதை விட மிகுந்த பாதிப்பை ஏற்படுத்த முடியும்.

  1. கொவிட் கொள்கைகளை தெளிவுபடுத்துங்கள் (#explainCOVIDpolicies)

விடுமுறைகள், அலுவலகங்களை மூடுதல் போன்ற எங்களால் பொது சுகாதார கொள்கைள் குறித்து தெளிவுபடுத்துவது அவசியம். உதாரணத்திற்கு இலங்கையில் தேசிய விடுமுறைக்கான காரணத்தை வைத்தியர் பிரசன்ன குணசேனவும், போக்குவரத்து தடைகள் ஏன் பலனளிக்காதுஎன கனடாவின் சுகாதார அமைச்சர் படி ஹட்சுவும் தெளிவுபடுத்துவதை இங்கே பார்க்கலாம்.

  1. கொவிட் – உளநலம் (#COVIDmentalhealthcare)

இது பதற்றமான நிச்சயமற்ற நேரம். எங்களை சமூகரீதியில் தனிமைப்படுத்துமாறு ஆலோசனை வழங்கியுள்ளனர். பதற்றத்தை குறைப்பதற்கான வழிமுறைகள் மூலம் எங்களினதும் ஏனையவர்களினதும் உளநலம் குறித்து ஆராய்வது சிறந்த விடயமாகும். தனித்து வாழ்பவர்கள் அல்லது ஆதரவுள்ளவர்களை உங்களுக்குத் தெரிந்திருந்தால் அவர்களது உளநலத்திற்கு ஒரு தொலைபேசி அழைப்பு அல்லது குறுஞ்செய்தி சிறந்ததாக அமையும். முதிய உறவினர்கள், உட்பட உங்கள் உறவினர்களை நண்பர்களை உங்களுக்கு தெரியும் என்றால் அவர்களுக்குப் பொருட்களை வாங்கிக்கொடுப்பதன் மூலம் உதவுங்கள்.

  1. கொவிட்டின் போது இரக்கத்துடன் காணப்படுங்கள்

இது சர்வதேச தரத்திலான நெருக்கடி. எங்களிடம் அனைத்து விடைகளும் இல்லை. இணைந்து செயற்படுவதன் மூலமும் ஒருவருக்கொருவர் இரக்கத்துடன இருப்பதன் மூலமும் இதனை வெற்றிகொள்ள முடியும். இரக்கமாகயிருப்பது என்பது – சிறந்த சுகாதார நடைமுறைகளை பின்பற்றுவது, தவறான தகவல்களை உருவாக்காமலிருப்பது, நோயாளிகளாக இருக்கக்கூடியவர்களை தாக்காமலிருப்பது, ஒருக்கொருவர் பாரபட்சம் காட்டாமலிருப்பது, ஏனையவர்களை புறக்கணிக்காமலிருப்பது, ஏனையவர்களின் உளநலம் குறித்து அறிந்திருப்பதாகும்.

இந்த பட்டியல் முழுமையானது இல்லை, இது ஒரு ஆரம்பமே.

தொடர்ந்தும் அறிந்துகொள்ள விரும்புகின்றீர்களா (தவறாக வழிநடத்தப்படுவதை விரும்பவில்லையா)

கொவிட்-19 தொடர்பான சர்வதேச நடவடிக்கைகள், கொள்கைள் குறித்து தொடர்ந்தும் அறிந்துகொள்ள விரும்புகின்றீர்கள் என்றால் தவறாக வழிநடத்தப்படுவதை விரும்பவில்லை என்றால், நீங்கள் பயன்படுத்தக்கூடிய சில இணையத்தளங்களும், டுவிட்டரில் பின்பற்றக்கூடிய சில நபர்களும்.

இணையத்தளங்கள்

டுவிட்டர்

  • இலங்கையின் சுகாதாரா மேம்பாட்டு பணியகம் – @HPBSriLanka
  • உலக சுகாதார ஸ்தாபனம் – @WHO மற்றும் @WHOSriLanka
  • டெட்ரோஸ் அட்ஹனோம் ஜெப்ரெயோசெஸ் (இயக்குநர் உலக சுகாதார ஸ்தாபனம்) – @DrTedros
  • சௌம்யா சுவாமிநாதன், உலக சுகாதார ஸ்தாபனத்தின் தலைமை விஞ்ஞானி – @doctorsoumya
  • லோரன்ஸ் கொஸ்டின், பொது சுகதாரம் மற்றும் மனித உரிமைகளுக்கான உலக சுகாதார ஸ்தாபனத்தின் இயக்குநர் – @LawrenceGostin
  • டேவி ஶ்ரீதர் (பேராசிரியர் எடின்பேர்க் பல்கலைகழகம், சர்வதேச பொது சுகாதாரம்) – @devisridhar
  • கெவின் யாம்னே – (பேராசிரியர் டியுக் பல்கலைகழகம், சர்வதேச பொது சுகாதாரம்) – @gyamey
  • அலெக்சான்டிரா பெலென் (பேராசிரியர் ஜோர்ஜ்டவுன் பல்கலைகழகம், சர்வதேச பொது சுகாதாரம்) – @alexandraphelan

A brief guide to the coronavirus pandemic, its implications and what you can do to help” என்ற தலைப்பில்  Groundviews வெளிவந்த கட்டுரையின் தமிழ் மொழியாக்கம்.

 

https://maatram.org/?p=8382

கொரோனா வைரஸ் காற்று மூலம் பரவுகிறதா? உண்மை என்ன?

3 days 2 hours ago

கொரோனா வைரஸைக் கட்டுப்படுத்துவது உலகம் எதிர்கொள்ளும் மிகப்பெரிய சவாலாக மாறியுள்ளது. இந்த வைரஸ் பரவல் எவ்வாறு வலுப்பெற்றது, இதற்கான சிகிச்சை என்ன என்பது பற்றி எதுவும் இன்னும் தெளிவாகத் தெரியவில்லை.

இந்த வைரஸ் தொடர்பான அதிகபட்ச அளவிலான தகவல்களை சேகரிக்க பல்வேறு ஆய்வுகள் மேற்கொள்ளப்பட்டு வருகின்றன.

கொரோனா வைரஸ் குறித்து மக்கள் மத்தியில் பல தகவல்கள் பரவி வருகின்றன. இவற்றில் சில போலியானவை அல்லது உறுதிப்படுத்தப்படாதவை.

சமூக ஊடகங்கள் மற்றும் செயலிகளின் வாயிலாக கொரோனா குறித்த தகவல்கள் வேகமாக வெளியாகின்றன. இதில் ஒரு செய்தி மிகவும் பரவலாகப் பகிரப்படுகிறது.

"கொரோனா வைரஸ் காற்றில் பரவும் வைரஸ். இது எட்டு மணி நேரம் காற்றில் உயிருடன் இருக்கக்கூடியது. எல்லோரும் எல்லா இடங்களிலும் முகக்கவசம் அணிவது கட்டாயமாகும். இது எஃகு மீது 2 மணிநேரமும், காகிதம் மற்றும் பிளாஸ்டிக்கில் 3-4 மணிநேரமும், காற்றில் 8 மணி நேரமும் உயிர்வாழ முடியும்," என்ற செய்தியே அது.

 

 

'காற்றுவழிப் பரவல்'

இந்த செய்தி வாட்ஸ்அப் மூலம் பிபிசிக்கு கிடைத்தது, இது பல குழுக்களில் பகிரப்பட்டுள்ளது. இந்த செய்தியுடன் சி.என்.பி.சி செய்திக்கான இணைப்பும் பகிரப்பட்டுள்ளது.

காற்று வழியாகப் பரவும் வைரஸ் கொரோனா என அறிவிக்கப்பட்டுள்ளதா என்பதை அறிய முயற்சித்தோம்.

முதலாவதாக, சி.என்.பி.சி யின் அந்தக் கட்டுரையைப் படித்தோம். அதில் கோவிட் -19 ஒரு தொற்றுநோயாக அறிவிக்கப்பட்டுள்ளது என்று கூறப்பட்டுள்ளது.

மார்ச் 16 அன்று வெளியிடப்பட்ட இந்த கட்டுரையில், "கொரோனா வைரஸ் மருத்துவப் பணியாளர்களுக்கு 'காற்று வழியாக பரவுமா' என்பதை உலக சுகாதார நிறுவனம் (WHO) ஆராய்ந்து வருகிறது. "

"ஒரு குறிப்பிட்ட பரப்பு அதற்கு ஏற்றாற்போல் இருந்தால், கொரோனா வைரஸ் காற்றில் உயிர்வாழ முடியும் என்று ஆய்வு ஒன்றில் குறிப்பிடப்பட்டிருப்பதை அடுத்து இந்த நடவடிக்கை முன்னெடுக்கப்பட்டுள்ளது," என்று தெரிவிக்கப்பட்டுள்ளது.

இதன் பின்னர், மார்ச் 17ஆம் தேதியன்று, அமெரிக்காவின் தேசிய சுகாதார நிறுவனம் (என்.ஐ.எச்) ஓர் அறிக்கையை வெளியிட்டது. அதில், கொரோனா வைரஸ் மூன்று முதல் நான்கு மணி நேரம் காற்றில் உயிருடன் இருக்கக்கூடும் என்று கூறப்பட்டுள்ளது.

 

சுகாதார வசதிகள்

இந்த கூற்றை நாங்கள் மேலும் ஆராய்ந்தபோது, பிப்ரவரி 11 அன்று நடந்த உலக சுகாதார நிறுவனத்தின் செய்தியாளர் சந்திப்பு தொடர்பான விஷயங்கள் கிடைத்தன.

அந்த செய்தியாளர் சந்திப்பில் பேசிய அதன் தலைமை இயக்குநர் டெட்ரோஸ் அதானோம் கிப்ரியேசோஸ், "கொரோனாவும் இபோலாவும் ஒரே மாதிரியானவை அல்ல, கொரோனா என்பது காற்றின் மூலமாக பரவும் ஒரு வைரஸ். எனவே இது அதிகம் ஆபத்தானது, மிகக்குறுகிய காலத்திலேயே 24 நாடுகளுக்கு இந்த வைரஸ் பரவியுள்ளதை நாம் அனைவரும் பார்த்துக் கொண்டிருக்கிறோம். "

மார்ச் 16ஆம் தேதியன்று நடைபெற்ற செய்தியாளர் கூட்டத்தில் பேசிய உலக சுகாதார நிறுவனத்தின் வளர்ந்து வரும் நோய்கள் துறையின் தலைவர் டாக்டர் மரியா கெர்கோவ், "கொரோனா வைரஸ் சிறிது நேரம் காற்றில் உயிருடன் இருக்கக்கூடும் என்று சமீபத்திய ஆய்வில் தெரிய வந்துள்ளது" என்று கூறினார். அதாவது இந்த வைரஸ்கள் இயல்பைவிட அதிக நேரம் காற்றில் உயிருடன் இருக்க முடியும்.

"மருத்துவமனைகளில் பணிபுரியும் ஊழியர்களுக்கான சுகாதார வசதிகள் அதிக ஆபத்தில் உள்ளன. எனவே, அவர்கள் மிகவும் கவனமாக இருக்க வேண்டும். மேலும், காற்று மூலம் தொற்று ஏற்படாமல் இருப்பதற்கான முன்னேற்பாடுகளை கவனமாக எடுக்க வேண்டும். ஆனால் சாதாரண மக்களுக்கு தொற்று இல்லை என்றால் மருத்துவ முகக்கவசங்களை எப்போதும் அணிய வேண்டியதில்லை. அதேபோல் பாதிக்கப்பட்ட நபருடன் வாழ்கிறீர்கள் என்றால் முகக்கவசத்தை பயன்படுத்தலாம்," என்றார் அவர்.

மார்ச் 23 அன்று செய்தியாளர் கூட்டத்தில் பேசிய உலக சுகாதார நிறுவனத்தின் தென்கிழக்கு ஆசிய பிராந்திய இயக்குநர் பூனம் கேத்ரபால் சிங், "இதுவரை காற்று மூலம் பரவியதால் கொரோனா பாதிப்பு இருப்பதாக தகவல்கள் ஏதும் கிடைக்கவில்லை. கோவிட் -19 காற்றில் பரவுவதற்கான சாத்தியக்கூறுகள் இருப்பதாக சீன அதிகாரிகளிடமிருந்து தகவல்கள் வந்துள்ளன. அதிலும் குறிப்பாக மருத்துவமனைகளின் ஐ.சி.யு மற்றும் சி.சி.யுக்களில், இந்த ஆபத்து அதிகம் என்று கூறப்படுகிறது. ஆனால் அதைப் புரிந்து கொள்ள, கூடுதல் தரவுகள் தேவை," என்று தெரிவித்துள்ளார்.

"பாதிக்கப்பட்ட நபரின் இருமல், தும்மலின்போது வெளியே வரும் நீர்த்துளிகளே, அத்துடன் தொடர்பு கொண்டவர்களுக்கு பரவக் காரணமாக இருந்தன. எனவே மற்றவர்களிடம் இருந்து சற்று தூரமாக இருப்பதை உறுதி செய்யவேண்டும். அதோடு, கைகளை அடிக்கடி சுத்தம் செய்ய வேண்டும்."

உண்மையில், மருத்துவமனையில் நோயாளிகளுக்கு சிகிச்சையளிக்கும் மருத்துவமனை ஊழியர்கள், இதுபோன்ற தூசுப்படலம் (Aersol) தொடர்பாக முன்னெச்சரிக்கை நடவடிக்கைகளை எடுக்க வேண்டியிருக்கும்.

தூசுப்படலத்தில் உள்ள நீர் துகள்கள் நீர்த்துளிகளைவிட லேசானவை. மேலும் அவை காற்றில் நீடித்து இருக்கக்கூடியவை.

இத்தகைய சூழ்நிலையில், கொரோனா வைரஸ், காற்று மூலம் நோயை தொற்றச் செய்யும் ஆபத்தான நீர் துகள்களை உருவாக்கும் என்பதும், இது சிகிச்சை அளிக்கும் மருத்துவமனை ஊழியர்களுக்கு பாதிப்பை ஏற்படுத்தலாம் என்றும் கருதப்படுகிறது.

 

இதுவரை எதுவும் பதிவாகவில்லை

கொரோனா வைரஸ் காற்று வழியாக பரவுவதற்கான வாய்ப்பை உலக சுகாதார நிறுவனம் நிராகரிக்கவில்லை என்று பிபிசி தனது ஆய்வில் கண்டறிந்துள்ளது.

ஆனால் இந்த ஆபத்து பாதிக்கப்பட்ட நோயாளிகளுக்கு சிகிச்சையளிக்கும் மருத்துவமனை ஊழியர்களுக்கு மட்டுமே என்று புரிந்து கொள்ளப்படுகிறது.

இந்த வைரஸ் எவ்வளவு காலம் காற்றில் இருக்க முடியும் என்பது குறித்து உலக சுகாதார நிறுவனம் எந்த தகவலையும் கொடுக்கவில்லை. இந்த நிலையில், காற்றில் எட்டு மணி நேரம் கொரொனா வைரஸ் வாழும் என்ற கூற்று முற்றிலும் தவறானது.

காற்றில் கொரோனா நோய்த்தொற்று பரவியதால் கோவிட்-19 நோய்க்கு ஒருவர் ஆளானதாக இதுவரை எதுவும் பதிவாகவில்லை என்பதும் உறுதி செய்யப்படுகிறது.

 

 

 

https://www.bbc.com/tamil/india-52048762

கொரோனா வைரஸ் : 12 வாரங்களுக்கு தனிமைப்படுத்தப்பட வேண்டுமா?

4 days 6 hours ago
கொரோனா வைரஸ் : 12 வாரங்களுக்கு தனிமைப்படுத்தப்பட வேண்டுமா?
மைக்கேல் ராபர்ட் பிபிசி சுகாதார பிரிவு ஆசிரியர் 
கொரோனா வைரஸ் : 12 வாரங்களுக்கு தனிமைப் படுத்தப்பட வேண்டுமா ?Getty Images

உலகளவில் மில்லியன் கணக்கான மக்கள் தங்களுக்கு கொரோனா பாதிப்பு இருக்கிறதா என்ற சந்தேகத்தில் உள்ளனர். கொரோனா பாதிப்பு ஏற்பட வாய்ப்புள்ள அனைவரும் மருத்துவமனையில் அனுமதிக்கப்பட்டு சிகிச்சை பெற வேண்டும். 

ஆனால் தற்போது நிலவும் நெருக்கடி சூழலில் 12 வாரங்கள் தங்களை தானே வீட்டில் தனிமைப் படுத்திக்கொண்டு தற்காத்து கொள்ளும் புதிய திட்டம் பலரால் முன்னெடுக்கப்படுகிறது. 

உயிரைக்காக்கும் இந்த புதிய திட்டத்தை ஷீல்டிங் என்று அழைக்கின்றனர். பிரிட்டனில் இந்த ஷீல்டிங் முறையை பலர் பின்பற்ற துவங்கியுள்ளனர். 

Banner image reading 'more about coronavirus' Banner ஷீல்டிங் என்றால் என்ன ?

ஷீல்டிங் என்றால் நாள் முழுக்க வீட்டில் இருக்க வேண்டும். கடைகளுக்கோ, பொது இடங்களுக்கோ செல்ல கூடாது. ஆனால் உங்கள் வீட்டில் தோட்டம் இருந்தால் அங்கு நடைபயிற்சி மேற்கொள்ளலாம். ஆனால் வீட்டிற்குள் உங்களை தவிர யாரும் வர அனுமதிக்கக்கூடாது. 

உங்களை கவனித்துக்கொள்ள யாரையாவது அனுமதித்தால் அவர்களும் தங்கள் கைகளை கழுவிய பிறகே உள்ளே அனுமதிக்கப்பட வேண்டும். 

கொரோனா வைரஸ் : 12 வாரங்களுக்கு தனிமைப் படுத்தப்பட வேண்டுமா ?Getty Images

உங்கள் வீட்டில் உள்ளவர்களும் சில விதிமுறைகளை பின்பற்ற வேண்டும். அவர்களும் வீட்டை விட்டு வெளியே செல்ல கூடாது. தங்கள் அலுவலக பணிகளை வீட்டில் இருந்தபடியே மேற்கொள்ளலாம். அவர்களிடம் இருந்தும் நிங்கள் இரண்டு மீட்டர் தூரம் விலகி இருக்க வேண்டும். வீட்டில் உள்ள ஜன்னல்களை திறந்து வைத்துக்கொள்ளலாம். 

ஒருவர் பயன்படுத்திய துணியை வேறுயாரும் பயன்படுத்த கூடாது. முடிந்தால் தனித்தனி கழிப்பறைகள் மற்றும் படுக்கை அறைகளை பயன்படுத்தலாம். அல்லது கழிப்பறைகளை பயன்படுத்திய பின்னர் நிச்சயம் சுத்தம் செய்ய வேண்டும். 

சமையலறையில் இருந்து சமைத்து முடித்துவிட்டு, உணவை எடுத்து சென்று உங்கள் அறையில் அமர்ந்து உண்ணவும். உணவு சமைக்க தனித்தனி பாத்திரங்களை பயன்படுத்தவும். ஆனால் சோப், அல்லது தண்ணீர் ஊற்றி கழுவினால் வைரஸ் பரவாது என்பது குறிப்பிடத்தக்கது. 

கொரோனா வைரஸ் : 12 வாரங்களுக்கு தனிமைப் படுத்தப்பட வேண்டுமா ?Getty Images

கொரோனா வைரஸ் பாதிப்பால் மக்கள் அனைவரும் பழகும் விதத்தையே மாற்றியுள்ளனர். ஒருவரிடம் இருந்து மற்றொவர் விலகி இருக்கின்றனர். நோய் தொற்று பரவாமல் இருக்க அனைத்து முயற்சிகளையும் உலகவில் உள்ள ஆராய்ச்சியாளர்கள் அறிவுறுத்துகின்றனர். ஆனால் ஏற்கனவே உடலில் பிரச்சனை உள்ள நபர்கள் இந்த நேரத்தில் தங்களை தற்காத்து கொள்வது அவசியமாக கருதப்படுகிறது.

யாரெல்லாம் 12 வாரங்கள் தனிமைப்படுத்திக்கொள்ள வேண்டும் ? கொரோனா வைரஸ் : 12 வாரங்களுக்கு தனிமைப் படுத்தப்பட வேண்டுமா ?Science Photo Library
  • ஏற்கனவே உடலில் உறுப்பு மாற்று அறுவை சிகிச்சை செய்தவர்கள்
  • புற்று நோய் பாதிப்பிற்காக சிகிச்சை பெற்றுக்கொள்பவர்கள். 
  • நோய் எதிர்ப்பு சக்திக்காக மருந்து உட்கொள்பவர்கள்.
  • கர்பிணி பெண்கள் மற்றும் இதய நோய் உள்ளவர்கள். 
  • சுவாச பிரச்னையுள்ளவர்கள். 
  • மிகவும் அரிய நோயால் பாதிக்கப்பட்டு, உடலில் எதிர்ப்பு சக்தியும் இல்லாதவர்கள் நிச்சயம் தங்களை தனிமைபடுத்திக்கொள்ள வேண்டும். 

குறிப்பிடப்பட்டுள்ள அறிகுறிகள் உள்ள அனைவரும் தனிமைப்படுத்திக்கொள்ள வேண்டிய அவசியம் இல்லை. அதாவது பாதுகாப்பான வழிமுறைகளை பின்பற்ற வேண்டியது அவசியம். ஆனால் ஷீல்டிங் முறையை பின்பற்ற வேண்டுமா ? என்பதை உங்கள் மருத்துவரிடம் ஆலோசித்துக்கொள்ளலாம். 

ஷீல்டிங் என்பது நம்மை நாம் தற்காத்துக்கொள்வதற்கான முயற்சி மட்டுமே.
 

https://www.bbc.com/tamil/global-52006264

 

கொரோனா சிகிச்சைக்கு ஹைட்ராக்ஸிகுளோரோகுயின் என்ற மருந்தை பரிந்துரைத்தது மத்திய அரசு

5 days 6 hours ago
கொரோனா சிகிச்சைக்கு ஹைட்ராக்ஸிகுளோரோகுயின் என்ற மருந்தை பரிந்துரைத்தது மத்திய அரசு

 

நன்றி. யூரூப்

கொரோனா வைரஸ் இளவயதினரையும் கடுமையாகப் பாதிக்கும் : இத்தாலிய மருத்துவர்கள் எச்சரிக்கை

5 days 10 hours ago
italy-1-720x450.jpg கொரோனா வைரஸ் இளவயதினரையும் கடுமையாகப் பாதிக்கும் : இத்தாலிய மருத்துவர்கள் எச்சரிக்கை

COVID-19 தொற்றுநோய் இளவயதினரையும் கடுமையாக நோய்வாய்ப்படுத்தும் என்று இத்தாலிய மருத்துவர்கள் எச்சரித்துள்ளனர்.

இத்தாலியில் உள்ள மருத்துவமனைகளில் 20 மற்றும் 30 வயதிற்குட்பட்டவர்கள் கொரோனா வைரஸின் கடுமையான பாதிப்புகளுடன் தீவிர சிகிச்சையில் அனுமதிக்கப்பட்டுள்ளனர்.

COVID-19 இனால் வயதானவர்களைப் போல இளவயதினர் மோசமாகப் பாதிக்கப்பட மாட்டார்கள் என்ற கருத்துக்கு எதிராக இத்தாலி மருத்துவர்கள் இந்த எச்சரிக்கையை விடுத்துள்ளனர்.

லோம்படி (Lombardy) மருத்துவமனையின் தீவிர பராமரிப்புப் பிரிவின் தலைவர் மருத்துவர் அன்ரோனியோ பேசென்ரி (Antonio Pesenti) கூறுகையில்; கொரோனா வைரஸின் கடுமையான தாக்கங்களுடன் பல இளைஞர்கள் மருத்துவமனையில் அனுமதிக்கப்பட்டுள்ளனர் என்று தெரிவித்துள்ளார்.

தீவிர சிகிச்சை பிரிவில் உள்ள மிகக் கடுமையான நோயாளிகளில் 50% மானவர்கள் 65 வயதுக்கு மேற்பட்டவர்கள் என்றும் மற்றைய 50% மான நோயாளிகள் 65 வயதுக்கு குறைவானவர்கள் என்றும் அவர் கூறினார்.

இந்நிலையில் இளைஞர் யுவதிகளும் கொரோனா வைரஸால் இறக்கலாம் அல்லது பல வாரங்களுக்கு மருத்துவமனையில் இருக்கவேண்டியிருக்கும் என்று உலக சுகாதார அமைப்பின் (WHO) தலைவர் கூறியுள்ளார்.

http://athavannews.com/கொரோனா-வைரஸ்-இளவயதினரையு/

கொரோனா வைரஸின் புதிய அறிகுறிகளை வெளியிட்டு அதிர்ச்சி ஏற்படுத்திய வைத்தியர்கள்!

6 days 9 hours ago
corona-up.jpg கொரோனா வைரஸின் புதிய அறிகுறிகளை வெளியிட்டு அதிர்ச்சி ஏற்படுத்திய வைத்தியர்கள்!

கொரோனா வைரஸின் புதிய அறிகுறிகளை பிரித்தானிய வைத்தியர்கள் வெளியிட்டுள்ளனர்.

வைரஸிற்கான அறிகுறிகளை வெளிப்படுத்தாத நோயாளிகள் மணம் மற்றும் சுவை உணர்ச்சிகளை இழந்தவர்களாக காணப்படுவார்கள் என பிரித்தானியாவின் காது தொண்டை மூக்கு தொடர்பான நோய்கள் குறித்த கற்கைகளிற்கான நிலையம்  தெரிவித்துள்ளது.

வைரஸ் கண்கள் மூக்கு மற்றும் தொண்டை ஊடாகவே நுழைகின்றன என்பதை ஏனைய நாடுகளின் ஆதாரங்கள் உறுதி செய்துள்ளன என அந்த நிலையம் குறிப்பிட்டுள்ளது.

நாங்கள் புதிய அறிகுறிகளை அடையாளம் கண்டுள்ளோம், நோயால் பாதிக்கப்பட்டவர்கள் வாசனை மற்றும் சுவை உணர்வை இழந்தவர்களாக காணப்படுவார்கள் என மருத்துவர்கள் தெரிவித்துள்ளனர்.

ஏனைய அறிகுறிகள் இல்லாதவர்கள் ஆனால் வாசனை மற்றும் சுவை உணர்வை இழந்தவர்கள் தங்களை தனிமைப்படுத்திக்கொள்ள வேண்டும் என என மருத்துவர்கள் கேட்டுக்கொண்டுள்ளனர்.

இளம் நோயாளர்களிடம் இருமல் அல்லது காய்ச்சல் அறிகுறிகள் தென்படாது என பிரித்தானியாவின் காது தொண்டை மூக்கு தொடர்பான நோய்கள் குறித்த கற்கைகளிற்கான நிலையம்  தெரிவித்துள்ளது.

http://athavannews.com/கொரோனா-வைரஸின்-புதிய-அறி/

கொரோனா வைரஸை கொல்லும் சோப்: எப்படி இது சாத்தியம்? 25 வினாடிகள் போதும்

6 days 15 hours ago

soap, coronavirus, hand, கொரோனாவைரஸ், சோப்,

 

சென்னை: 'கொரோனா' வைரஸை, சாதாரண சோப் மற்றும் தண்ணீரால் அழிக்கமுடியும்.உலக அளவில் கொரோனா வைரசால் பலியானவர்களின் எண்ணிக்கை, 11 ஆயிரத்தை தாண்டியுள்ளது.

பாதிக்கப்பட்டோரின் எண்ணிக்கை 2.75 லட்சத்தை தாண்டியுள்ளது.கொரோனா வைரஸை அழிக்க, அடிக்கடி சோப் போட்டு கை கழுவுமாறு டாக்டர்கள் அறிவுரை கூறுகின்றனர். எப்படி கை கழுவ வேண்டும் என்பது குறித்து செயல்முறை விளக்கம் செய்து வருகின்றனர். குறைந்தபட்சம், 25 வினாடி கை கழுவ வேண்டும் என அறிவுரை கூறுகின்றனர். அப்படி சோப்பில் என்ன தான் சக்தி இருக்கிறது? ஆம்... நிச்சயமாக உண்டு என்பது ஆராய்ச்சியில் தெரியவந்துள்ளது.

latest tamil news


latest tamil news


 

 


latest tamil news


 


சோப்பால் கொரோனா வைரஸை எப்படி முற்றிலும் அழிக்கலாம் என்பதை விளக்கி கூறும் வீடியோ, சமூக வலைதளத்தில்பரவி வருகிறது. இந்த விழிப்புணர்வு வீடியோவை பலரும் பகிர்ந்து வருகின்றனர்.கொரோனா வைரஸ் கோள வடிவில், மேற்பரப்பில் ஆணி போன்ற அமைப்புடன் உள்ளது. இவை புரதம் மற்றும் கொழுப்பை கொண்டுள்ளன. சோப்பில், இரு வகை மூலக்கூறுகள் உள்ளன. ஒன்று தண்ணீருடனும், மற்றொன்று கொழுப்புடன் தனித்தனியாக ஈர்க்கப்படுகிறது.
கையை சோப் போட்டு கழுவும்போது, சோப்பில் உள்ள மூலக்கூறுகளால், வைரஸ் மேற்பகுதியில் உள்ள கொழுப்பு படிவு முற்றிலும் அழிக்கப்படுகிறது. முட்கள் போன்ற இந்த அமைப்பு சிதைக்கப்படுவதால், நமது திசுக்களில் கொரோனாவால் ஊடுருவ முடியாது.இதை செயற்கை முறையில், சோப், எண்ணெய் பயன்படுத்தி விளக்கி கூறுகிறது வீடியோ.

அழுக்குகளை நீக்கும் மூலக்கூறுகளில் சோப்பில் உள்ள கொழுப்பு, ஆயிலை தண்ணீரில் முழுவதும் கரைய வைக்கிறது.தொடர்ந்து சோப்பை நாம் பயன்படுத்தி வரும்போது, வைரசின் மூலக்கூறுகளை சிதைத்து, அழிக்கிறது. கொரோனா வைரசை அகற்ற சோப் நமது கைகளில் 25 வினாடிகள் இருக்க வேண்டும். இதன் பின்னர் தான் கைகளை கழுவ வேண்டும். சோப்பானது 22 நொடிகளில், வைரசின் வெளிப்புர கொழுப்பு அடுக்கில் ஊடுருவி உள்ளே சென்று, புரத மூலக்கூறுகளை உடைத்து, வைரசை கொல்கிறது.வீடியோவில் , வைரசை கொல்ல சோப்பை எப்படி பயன்படுத்த வேண்டும் என விளக்கப்பட்டது.
மேலும், நாம் வலது கையை பயன்படுத்துபவர்கள் என்றால், பொருட்களை எடுக்கவும், கைகளை பயன்படுத்தவும் இடது கையை பயன்படுத்தலாம். ஏனென்றால், அந்த கையை நாம் முகத்தையும், மூக்கையும் தொட மாட்டோம். எனவே, சாதாரண சோப், வைரசை ஒழிப்பதில் முக்கிய பங்கு வகிக்கிறது. அதனால், உங்கள் கைகளை சோப்பால் கழுவுங்கள்! கொரோனா நெருங்காமல் உங்களை பாதுகாத்து கொள்ளுங்கள்!

 

https://www.dinamalar.com/news_detail.asp?id=2507258

இன்றைய கொரோனா அப்டேட்ஸ்! : கோவிட்-19 இன் 4 முக்கிய படிகள்

6 days 19 hours ago

ஐரோப்பிய யூனியனின் நோய்த் தடுப்பு மற்றும் கட்டுப்பாட்டு அமைப்பின் அண்மைய தகவலின் படி உலகம் முழுதும் கோவிட்-19 வைரஸ் தாக்கத்துக்கு 305 275 பேர் உள்ளாகியும், 12 942 பேர் பலியாகியும், உலகம் முழுதும் சுமார் 96 006 பேர் குணமாகியும் உள்ளனர். கிட்டத்தட்ட 189 நாடுகள் அல்லது பிராந்தியங்களில் இது பரவியும் உள்ளது.

அதிகபட்சமாக சீனாவில் 81 054 பேருக்கும், இத்தாலியில் 53 578 பேருக்கும், அமெரிக்காவில் 30 291 பேருக்கும், ஸ்பெயினில் 28 603 பேருக்கும், ஜேர்மனியில் 24 714 பேருக்கும் ஈரானில் 21 638 பேருக்கும், பிரான்ஸில் 14 459 பேருக்கும், தென்கொரியாவில் 8897 பேருக்கும், சுவிட்சர்லாந்தில் 7230 பேருக்கும், இந்தியாவில் 391 பேருக்கும், ரஷ்யாவில் 367 பேருக்கும், இலங்கையில் 82 பேருக்கும் கோவிட்-19 தொற்று ஏற்பட்டுள்ளது.

இதில் இத்தாலியில் 4825 பேரும், சீனாவில் 3261 பேரும், ஸ்பெயினில் 1756 பேரும், அமெரிக்காவில் 388 பேரும், ஜேர்மனியில் 92 பேரும், ஈரானில் 1685 பேரும்,
பிரான்ஸில் 562 பேரும், தென்கொரியாவில் 104 பேரும், சுவிட்சர்லாந்தில் 85 பேரும், பிரிட்டனில் 244 பேரும், நெதர்லாந்தில் 179 பேரும், இந்தியாவில் 7 பேரும் பலியாகி உள்ளனர்.

உலக சுகாதாரத் தாபனமான WHO இன் இயக்குனர் டெட்ரோஸ் சமீபத்தில் அளித்த செவ்வியில் கொரொனா வைரஸுக்கு இளைஞர்கள் மட்டும் விதிவிலக்கல்ல என்றும் அண்மைக் காலமாக கணிசமான அளவு இளைஞர்களும் தீவிர நோய் வாய்ப்படும் நிலைக்கும் இதில் வெகு சிலர் மரணிக்கும் நிலையும் ஐரோப்பாவில் ஏற்பட்டு வருவதாகத் தெரிவித்தார். இது தவிர, 'சமூகத்தில் இளைஞர்கள் நோய் வாய்ப் படா விட்டாலும்,வயதானவர்களுக்கும், ஏனையவர்களுக்கும் இந்தத் தொற்று நோயைப் பரப்புவதில் முக்கிய ஊடகமாகத் தொழிற்படுவதால், இவர்கல் அனைத்து விடய த்திலும் முன்னெச்சரிக்கையாக இருக்க வேண்டியது அவசியம். பயணங்களைத் தவிர்த்துவிடுங்கள். வயதானவர்களிடம் இருந்தும், உடல்நிலை சரியில்லாதவர்களிடமிருந்தும் விலகி இருங்கள்.' என டெட்ரோஸ் கோரிக்கை விடுத்துள்ளார்.

உலக அளவில் கோவிட்-19 பரவி வரும் 4 கட்டங்கள் அல்லது படிகள் குறித்து இன்றைய செய்தியில் பார்ப்போம் :

கோவிட்-19 தொற்று நோய் என்ற உலகளாவிய சுகாதார நெருக்கடி இன்று உலகின் ஒவ்வொரு நாட்டையும் பிரதேசத்தையும் பாதித்துள்ளது. இந்த வைரஸ் உலகம் முழுவதும் பரவுகையில், வெவ்வேறு நாடுகள் கோவிட்-19 நோயத் தொற்றின் வெவ்வேறு கட்டங்களில் உள்ளன. இது குறித்த பார்வை வருமாறு :

முதலாவது கட்டம் :

இந்தக் கட்டத்தில் கோவிட்-19 ஆல் பாதிக்கப் பட்ட ஒரு நாட்டில் இருந்து பரவாத இன்னொரு நாட்டுக்கு நோய்த் தொற்றுள்ளவர்கள் பயணம் செய்து அவர்களுக்கு வைரஸ் இருப்பது உறுதியானால் அது முதலாவது கட்டமாகும். இதன்போது இந்த வைரஸ் உள்நாட்டில் பரவியிருக்காது. உலகின் பல நாடுகள் இந்த முதற் கட்டத்தைக் கடந்தே வந்துள்ளன.  மேலும் அறிவதற்கு

கொரோனா - சீனவிடம் இருந்து பிந்திய மருத்துவ அறிவுரைக, சீன மருத்துவர்கள் இறந்த நோயாளிகளை பிரேத பரிசோதனை செய்ததில் இருந்து

1 week ago

சீனவிடம் இருந்து பிந்திய மருத்துவ அறிவுரைகள், சீன மருத்துவர்கள் இறந்த நோயாளிகளை பிரேத பரிசோதனை செய்ததில் இருந்து.

 

ஆங்கில ஒலி வடிவம் இணைக்கப்பட்டுள்ளது. அதில் ஏதும் பிரச்னை இருந்தாலும், மற்றும் ஆங்கிலம் எவருக்கேனும் புரியாமல் இருந்தாலும் போன்றே காரணங்களினால், ஒலி வடிவத்தின் மொழி பெயர்ப்பு பின்வருமாறு:

 

 

 

1) இந்த வைரை சுவாசக் கால்வாயை தடித்த சளியை உருவாக்கி, அந்த சளி உறைவதன் மூலமாக சுவாசப் பாதையை அடைகிறது.

2) மருந்தின் மூலம் சிகிச்சை செய்வதத்திற்கு அடைப்புகள் நீக்கப்பட்டு, சுவாசப் பாதை திறக்கப்படவேண்டும். இப்படி அடைப்பை நீக்கி, சுவாசப் பாதையை திறப்பதற்கு எண்ணுக்கணக்கிலான நாட்கள் தேவை.

கொரானாவில் இருந்து உங்களை பாதுகாப்பதற்கான சீன மருத்துவர்களின் பரிந்துரைகள் பின்வருமாறு:

1) சூடான நீராகாரங்களை அடிக்கடி எடுங்கள் - தேநீர், காபி, சூப், வெந்நீர் போன்றவை. அத்துடன், 20 நிமிடத்திற்கு ஓர் தடவை ஓர் முறடு வெந்நீரை உள்கொள்வது வாயை ஈரலிப்பாக வைத்திருப்பதுடன், வைரஸை (வாய்க்குள் இருந்தால்) உணவுக்கு கால்வாய் வழியாக கழுவி வயிற்ற்றை அடைந்து சமிபாடு தொகுதியினால் நடுநிலையாக்கப்படும் (neutralise)

2)  இயலுமானவரை, ஒவ்வொருநாளும் வெந்நீராலும்,  உப்பு அல்லது எலுமிச்சம் சாறு  அல்லது வினிகர் தொண்டையையும், வாயையும் அலசுங்கள் (gargle)

3) covid-19 வைரஸ் உடையிலும், மயிரிலும் ஒட்டிக் கொள்ளும் தனமாய் உள்ளது. எந்த சவர்க்காரமமும் அல்லது detergent உம் covid-19 ஐ கொல்லக்  கூடியது. எனவே, வெளியில் சென்று வீடு திரும்பியவுடன், ஓர் இடத்தில் தொடாமலும், இருக்காமலும், நேரடியாக குளியல்  செய்யுங்கள்  அல்லது தோயுங்கள்.

4) நாள்தோறும் உடைகளை தோய்க்க முடியாவிட்டால், சூரிய வெய்யிலில் உலர்த்துவது வைரஸ் ஐ கொல்லக்  கூடியது.     

5) உலோக மேற்பரப்புகள் மற்றும் தொடு பரப்புகளை (metalic surface) மிகவும் கவனாமாக கழுவுங்கள்.   ஏனெனில், உலோக  தொடுப்பரப்புக்களில் 9 நாட்கள் வரைக்கும் இந்த வைரஸ் தாக்கு பிடிக்க கூடியது.

6) கைபிடி  சட்டங்கள், கதவின் கைப்பிடிகள் போன்றவற்றில் கவனமெடுத்து, தொடுவதை தவிருங்கள் அல்லது தவிர்ப்பதற்கன முறைகளை (கையுறை) கடைபிடியுங்கள். உங்கள் வீடுகளில் கைபிடி  சட்டங்கள், கதவின் கைப்பிடிகள் போன்றவற்றை சுத்தமாக வைத்திருங்கள்.

7) புகை பிடிப்பதை தவிருங்கள்.

😎 உங்கள் கைகளை 20 நிமிடத்திற்கு ஓர் தடவை நுரைக்கும் சவர்க்கரத்தினால் 20 நொடி கழுவுங்கள்.

9)  மரக்கறி மற்றும் பழவகைளை உட்கொள்ளுங்கள். விற்றமின் C மாத்திரமின்றி, உங்கள் நாக தாது (Zinc) ஊட்டச்சத்தை தரக்கூடிய அல்லது கூட்டக்கூடியதாக இருக்கும் வழிமுறைகளை கையாளுங்கள்.

10) மிருகங்கள் covid-19 ஐ மனிதருக்கு கடத்துவதில்லை. மனிதனில் இருந்து மனிதனுக்கே கடத்தப்படுகிறது.

11) இயலுமானவரை தடிமன் காய்ச்சலை தவிர்பதற்கு முயற்சியுங்கள். குளிரான உணவுகளை தவிருங்கள்.

12) எதாவது தொண்டை கரகரப்பு அல்லது தொண்டை அரிப்பு வருவதற்கன அறிகுறிகளோ அல்லது உணர்வோ தென்பட்டால், மேற்கூறியவற்றின் மூலம்    தொண்டை கரகரப்பு அல்லது தொண்டை அரிப்பு போன்றவற்றிற்கு எதிர்ப்பை ஏற்படுத்தி கொள்ளுங்கள்.

13)    covid-19 தொண்டை கரகரப்பு அல்லது தொண்டை அரிப்பு மூலம் தொற்றி, 3-4 நாட்கள் வரை தொண்டையில் தங்கி இருந்து, சுவாசப் பாதை வழியாக நுரையீரலை சென்றடையும். எனவே தொண்டை கரகரப்பு அல்லது தொண்டை அரிப்பு போன்றவற்றிற்கு மேற்கூறிய படிமுறைகள் மூலம்  எதிர்ப்பை ஏற்படுத்தி கொள்ளுங்கள்.

14) உங்களில் கவனமெடுப்பதுடன், ஏனையோருக்கும் இந்த தகவல்களை பகிர்ந்து கொள்ளுங்கள்.

 

FDA அமெரிக்காவின் உணவு மட்டும் மருந்து கட்டுப்பாட்டு துறை : கோவிட் 19 தாக்கத்திற்குள்ளாவர்களை 45 நிமிடத்தில் அறியலாம்

1 week ago

இதுவரை பல நாட்கள் எடுத்த பரிசோதனை தற்பொழுது 45 நிமிடங்களில் அறியலாம் என கூறப்படுகின்றது. 

FDA அமெரிக்காவின் உணவு மட்டும் மருந்து கட்டுப்பாட்டு துறை இது பற்றி அறிவித்துள்ளது. 

https://www.fda.gov/news-events/press-announcements/coronavirus-covid-19-update-fda-issues-first-emergency-use-authorization-point-care-diagnostic

Today, the U.S. Food and Drug Administration issued the first emergency use authorization for a point-of-care COVID-19 diagnostic for the Cepheid Xpert Xpress SARS-CoV-2 test.

“The test we’re authorizing today will be able to provide Americans with results within hours, rather than days like the existing tests, and the company plans to roll it out by March 30, which is an incredibly rapid timeline for such an effort. With new tools like point-of-care diagnostics, we are moving into a new phase of testing, where tests will be much more easily accessible to Americans who need them,” said HHS Secretary Alex Azar. “With the development of point of care diagnostics, Americans who need tests will be able to get results faster than ever before. More and more options for reliable, convenient testing are becoming available at an incredibly rapid pace, thanks to the hard work of our FDA team and the ingenuity of American industry.”

“Our dedicated team at the FDA has been working nonstop to expedite the review and authorization of novel diagnostics during the COVID-19 public health emergency,” said FDA Commissioner Stephen Hahn, M.D. “Today marks an important step in expanding the availability of testing and, importantly, rapid results. Point-of-care testing means that results are delivered to patients in the patient care settings, like hospitals, urgent care centers and emergency rooms, instead of samples being sent to a laboratory. With today’s authorization, there is now an option for testing at the point of care, which enables patient access to more immediate results.”

The FDA issued an emergency use authorization to Cepheid for the Xpert Xpress SARS-CoV-2 test for use in high- and moderate-complexity CLIA-certified laboratories as well as in certain patient care settings. The company intends to roll-out availability of its point-of-care testing by March 30.

The FDA, an agency within the U.S. Department of Health and Human Services, protects the public health by assuring the safety, effectiveness, and security of human and veterinary drugs, vaccines and other biological products for human use, and medical devices. The agency also is responsible for the safety and security of our nation’s food supply, cosmetics, dietary supplements, products that give off electronic radiation, and for regulating tobacco products.

 

 

கொரோனா உங்களை தேடிவருவதில்லை நீங்களே அதைத்தேடிச் செல்கின்றீர்கள் :  வைத்திய நிபுணர் உமாகாந்த் ஆலோசனை

1 week 1 day ago
கொரோனா உங்களை தேடிவருவதில்லை நீங்களே அதைத்தேடிச் செல்கின்றீர்கள் :  வைத்திய நிபுணர் உமாகாந்த் ஆலோசனை

வைரஸ் என்பது எமக்கு புதிய விடயமல்ல கொரோனா வைரஸை பொறுத்தமட்டில்  அது உங்களை தேடிவருவதில்லை  நீங்களே அதைத்தேடிச் செல்கின்றீர்கள் எனவே தேவையற்ற அச்சங்களை விடுத்து ஆலோசனைகளுக்கு அமைவாக செயற்படுங்கள் என கிழக்கு பல்கலைக்கழக மருத்துவபீட சிரேஸ்ட விரிவுரையாளரும் மட்டக்களப்பு போதனா வைத்தியசாலையின் வைத்திய நிபுணரும் கொரோனா வைரஸ் எதிர்ப்பு பிரிவின் வைத்திய நிபுணருமான ம.உமாகாந்த் தெரிவித்தார்.

doctor.jpg

கொரோனா வைரஸ் தாக்கம் தொடர்பாக மக்களை தெளிவூட்டும் வைகையில் ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.

அவர் தொடர்ந்து கருத்து தெரிவிக்கையில்,

உலகம் இன்று திரும்பி பார்க்க கூடியதாக இந்த கோவிட் 19 என்ற வைரஸ் தொற்று காணப்படுகின்றது. இச் சுவாச தொற்று நோய் என்பது புதிய விடயமல்ல சுமார் நூறு ஆண்டுகளுக்கு முன்பே வந்த விடயமாகும். 1918 ஆண்டு தொடக்கம் 2010 ஆம் ஆண்டு காலப்பகுதிகளில் ஸ்பானிஸ்புளு, ஏசியன்புளு, கொங்கொங்புளு, ரஷ்யன்வுளு, சுவைன்புளு போன்றை சுவாச தொற்று நோய்கள் இந்த உலகத்தை வியாபித்து கடந்து சென்றுள்ளது.

எனவே இந்த கொவிட் 19 வைரஸ் என்பது எமக்கு புதியவிடயமல்ல என்பதனை மக்கள் முதலில் புரிந்து கொள்ள வேண்டும்.

வைரஸ் என்பது சுவாசம் சம்பந்தமான நோய்களையே உருவாக்கும் உதாரணமாக சொல்லப் போனால் தடிமனில் வீரியம் கூடியதடிமலை உருவாக்க கூடியதொன்றாக நாங்கள் சொல்லலாம் இதற்கு மருந்து இல்லை என்பதனை புரிந்து கொள்ள வேண்டும். 

இந்த வைரஸ் இன்னொருவருக்கு காற்றால் பரவுகின்றது என்பதை விட இது தொடுகை மூலமே கூடுதலாக பரவுகின்றது. ஏனைய வைரஸ்போன்று காற்றால் பரவுகின்றது என மக்கள் தவறாக நினைத்துக் கொண்டு இருக்கின்றார்கள். 

இதில் ஒரு ஆச்சரியமான விடயம் என்னவென்றால் இந்த வைரஸ் தொடுகை மூலம் ஒரு இடத்தில் சென்றடைந்தால் சுமார் மூன்று நாட்கள் உயிருடன் இருக்கின்றது. இதுவே எமக்கு ஒரு சவாலான விடயமாக இருக்கின்றது. 

இதனால் தான் கூறுகின்றோம் உங்களது கைகளை பாதுகாப்பாக வைத்திருப்பதால் இந்த தொற்றினை தவிர்த்துக் கொள்ளலாம். இதனூடாக மற்றவர்கள் தொற்றுக்கு உள்ளாவதையும் தவிர்த்துக் கொள்ளமுடியும்.

அடுத்ததாக வைரஸ் பரவுவதை கட்டுபடுத்தும் முகமாக தற்போதைய காலகட்டத்தில் வெளியில் செல்வதனை தவிர்த்துக் கொள்ளுங்கள்,  வெளிநாடுகளில் இருந்து வருகை தருபவர்கள் குறித்து விளிப்புடன் இருங்கள், உறவினர், நண்பர்களுடன் கைகுழுக்குதல் நெருக்கமாக உறவாடுதலை தவிர்த்துக் கொள்ளுங்கள், தவிர்க்க முடியாத காரணத்தினால் உறவினர்கள் வீட்டுக்கு வருகை தந்தால் அருகிலிருந்து உரையாடுவதை தவிர்த்துக் கொள்வதுடன் பாதுகாப்பு கருதி தொற்று நீக்கி கொள்ளுகள்  இவை வைரஸ்பரவுதலை முற்றுமுழுதாக தடுப்பற்கு உதவியாக இருக்கும்.

கொரோனா வைரஸ் தொற்றுக்கு உள்ளானவரிடம் ஏற்படும் அறிகுறிகள்

இலங்கையில் இனங்காணப்பட்ட கொரோனா நோயாளர்களிடம் இருந்து கிடைக்கப்பெற்ற தகவலின் அடிப்படையில் முதலில் வரட்டு இருமல், காய்ச்சல், தொண்டை வலி,  மூச்சுவிடுவதில் சிரமம் போன்ற  அறிகுறிகளே தற்போது கூடுதலானவர்களுக்கு இருப்பதாக அறியமுடிகின்றது. இவ்வாறான அறிகுறிகள் உங்களுக்கு இருந்தால் நீங்கள் வைத்திய ஆலோசனையை பெற வேண்டும். 

கொரோனா வைரஸ் தொற்றுக்கும் சாதாரண தடிமலுக்கும் என்ன வித்தியாசம் என்றால் தடிமல் உள்ளவர்களுக்கு மூக்கு வடிதல்,  தும்மல் போன்ற அறிகுறிகள் காணப்படுகின்றன. எனினும் இவ்வாறான அறிகுறிகளின் போது அனாவசியமாக பயம்கொள்வதை விடுத்து வைத்தியரை அணுகுதல் வேண்டும். 

அத்துடன் உங்களை நீங்களே வீட்டில் தனிப்படுத்தி கொள்ளலாம். இதனை சுகாதார உத்தியோகத்தருக்கு தெரிவிப்பதன் மூலம் உங்களை தனிமைப்படுத்தல் முகாமுக்கு கொண்டு சென்று விடுவார்கள் என்று பயம் கொள்ள தேவையில்லை.  உங்களை வீட்டில் வைத்து சிகிச்சை அளிப்பதற்கான ஏற்பாடுகளுடன் சுகாதார உத்தியோகத்தர்கள் தயார் நிலையில் உள்ளனர். 

உங்களையும் பாதுகாத்து இந்த நாட்டு மக்கள் அனைவரையும் பாதுகாக்கவே அனைத்து நடவடிக்கைகளும் முன்னெடுக்ப்படுகின்றன. எனவே அனைவரும் இதற்கு ஒத்துழைப்பு வழங்குதல் கட்டாயமாகும்.

மக்கள் இந்த விடயத்தில் ஒன்றை தெளிவாக புரிந்து கொள்ள வேண்டும் நூறு கொரோனா நோயாளிகள் இனங்காணப்பட்டால் அதில் இரண்டு பேர் மட்டுமே இறப்பதற்கான சந்தர்ப்பம் உண்டு ஆனால் மக்களிடையே கொரோனா பாதிக்கப்பட்டவர்கள் அனைவரும் இறந்துவிடுவதாக தவறான எண்ணப்பாடு உள்ளது.

இவ் வைரஸ் தக்கம் வயது கூடிய நபர்களிடையே வீரியமாக உள்ளது. அதிலும் இருதய சத்திர சிகிச்சையை மேற் கொண்டவர்கள், ஆஸ்மா நோயுடையவர்கள், நீரிழிவு நோயினால் பாதிக்கப்பட்டவர்கள் அதிகமாக பாதிக்கப்படுகின்றார்கள். 

எனவே எமது வீடுகளில் உள்ள 50 வயதுக்கு மேற்பட் உறுப்பினர்களை கவனமாக பார்த்துக் கொள்ளவேண்டும். இது உங்களது தலையாய கடமையாகும் நீங்கள் வெளியில் சென்று வந்தால் உங்களுடைய குடும்பத்தை யோசித்துக் கொண்ட வீட்டுக்குள் காலடி வைக்க வேண்டும்.  கொரொனா வைரஸை பொறுத்தளவில் அது உங்களை தேடி  வருவதில்லை நீங்களே அதைத் தேடிப்போகின்றீர்கள்.

நீங்கள் வைரஸ் தொற்றுக்குள்ளானதாக சந்தேகம் ஏற்பட்டால் என்ன செய்யலாம்

இந்த வைரஸினை இல்லாமல் செய்வதற்கு  தடுப்பு மருந்து இன்னும் கண்டுபிடிக்கப்படவில்லை  என்பதனை நீங்கள் முதலில் புரிந்து கொள்ளவேண்டும். அவ்வாறு மருந்து கண்டுபிடித்தால் அது வருவதற்கு பல மாதங்களாகும். 

எனவே உங்களுக்கு இந்த கொரோனா தொற்று உள்ளது என்று நீங்கள் சந்தேகித்தால் முதலாவது நீங்கள் பயம் கொள்ள தேவையில்லை. முதலில் வெளியில் செல்லக்கூடாது. மறாக  அருகில் உள்ள வைத்தியசாலைக்கு அறிவித்துவிட்டு உங்களை நீங்களே வீட்டில் தனிமைப்படுத்தி கொள்ள வேண்டும். அதற்குபிறகு வைத்தியர்கள் நேரடியாக வருகை தந்து உங்களுக்கு தேவையான ஆலோசனைகளை வழங்குவார்கள்.

எக்காரணம் கொண்டும் சோர்ந்து விடாதீர்கள் நீங்கள் சோர்வடைந்தால் உங்களது உடம்பில் நோய் எதிர்ப்பபு சக்தி குறைந்துவிடும்.  இதனால் நோயின் தாக்கம் கூடதலாக அமையும் என்பதனை கவனத்தில் கொள்ளுங்கள்.

 நன்றாக தூங்குங்கள், ஓய்வாக இருங்கள். விற்றமின்கள் உள்ள பழவகைகளை உண்ணுங்கள், காய்ச்சலுக்கு பாரசிட்டமால் உள்ளடெடுக்கலாம். தடிமலுக்கு வைத்தியரின் ஆலோசனைப்படி மருந்து எடுத்துக் கொள்ளலாம்.

உங்களின் உடும்பில் இருக்கும் நோய் எதிர்ப்பு சக்தியினூடாக இந்த நோயானது இல்லாமல் போகும் எனவே நீங்கள் தேவையற்ற பயங்கொள்ள தேவையில்லை மாறாக  இந்த நோயினை இல்லாமல் செய்வதற்கு சமூகத்தில் இறக்கி அர்ப்பணிப்புடன் சேவையாற்றக்கூடிய வைத்தியர்கள் தயார் நிலையில் உள்ளார்கள். 

மட்டக்களப்பு மாவட்டத்தினை பொறுத்தளவில் இருபத்தினான்கு மணித்தியாலங்களும் இயங்ககூடிய ஆலோசனை மையம் ஒன்றி அமைப்பதற்கான நடவடிக்கைகள் எடுத்து வருகின்றோம். அதனூடாகவும் உங்களது தேவைகளை, சந்தேகங்களையும் பூர்த்தி செய்து கொள்ளலாம். கொரோனா வைரஸ் குறித்து  நீங்கள் அனாவசியமாக பயம்கொள்ள தேவையில்லை. 
 

https://www.virakesari.lk/article/78321

நோய் எதிர்ப்பு சக்தியை அதிகரித்தால் கொரோனா பாதிப்பை குறைக்கலாம்- திவ்யா சத்யராஜ்

1 week 2 days ago

நடிகர் சத்யராஜின் மகளும், ஊட்டச்சத்து நிபுணருமான திவ்யா சத்யராஜ், கொரோனா நோய் தாக்குதலில் இருந்து தற்காத்துக்கொள்ளும் சில வழிமுறைகளை கூறுகிறார்.

 
 
 
நோய் எதிர்ப்பு சக்தியை அதிகரித்தால் கொரோனா பாதிப்பை குறைக்கலாம்- திவ்யா சத்யராஜ்
திவ்யா சத்யராஜ்
 
சென்னை:
 

“கொரோனா வைரஸ் முதியவர்களையும், சிறு வயது குழந்தைகளையுமே அதிகமாக தாக்குகிறது. ஏனெனில் அவர்களது உடலில் நோய் எதிர்ப்பு சக்தி மிக குறைவாகவே இருக்கும். அதேசமயம், வழக்கத்தை விட மிக குறைவான நோய் எதிர்ப்பு சக்தியுடைய நடுத்தர வயதினரையும் கொரோனா வைரஸ் தாக்கும்.

உயிர்க்கொல்லி நோயாக உருவெடுத்திருக்கும் கொரோனாவிற்கு முறையான தடுப்பு மருந்துகள் கண்டுபிடிக்கப்படாத நிலையில், நோய் தாக்குதலில் இருந்து நம்மை தற்காத்துக்கொள்வது அவசியமாகிறது. கை கழுவுதல், மக்கள் கூடும் இடங்களை தவிர்த்தல், சுவாச கவசம் அணிதல் போன்ற பாதுகாப்பு நடவடிக்கைகளோடு, உடலின் நோய் எதிர்ப்பு சக்தியை அதிகரிக்கும் உணவுகளையும், மருந்துகளையும் உட்கொள்ளவேண்டும்.
 
கொரோனா வைரஸ்


நெல்லிக்காய், எலுமிச்சை, புரோக்கோலி, ஆரஞ்சு, திராட்சை, தக்காளி போன்றவற்றில் நோய் எதிர்ப்பு சக்தியை அதிகரிக்கும் ‘வைட்டமின்-சி’ நிறைந்திருக்கிறது. இவற்றை அடிக்கடி உட்கொள்வதன் மூலம், நம் உடலின் நோய் எதிர்ப்பு சக்தியை அதிகரிக்கலாம். சிலருக்கு இவை போதுமானதாக இருக்கும். ஆனால் ஒருசிலருக்கு ‘வைரஸ்’ தொற்றை எதிர்க்க கூடுதலான வைட்டமின்கள் தேவைப்படும்.

அதனால் ‘வைட்டமின்-சி’ சத்து நிறைந்த மருந்து-மாத்திரைகள், சாவன்பிராஷ் போன்ற லேகியங்களை டாக்டர்களிடம் ஆலோசித்து எடுத்துக்கொள்ளலாம். தமிழக அரசு கொரோனாவிற்கு எதிராக பல முன்னெச்சரிக்கை நடவடிக்கைகளில் ஈடுபட்டிருப்பது பாராட்டுதலுக்கு உரியது.

அவற்றோடு, கொரோனா வைரஸ் தொற்றிற்கு எதிரியான ‘வைட்டமின்-சி’ மருந்து-மாத்திரைகளை, மக்களுக்கு இலவசமாக கொடுக்கலாம். அரசு மருத்துவமனைகளிலோ, பொது இடங்களிலோ ‘வைட்டமின்-சி’ சத்து நிறைந்த ‘செலின் 500 எம்.ஜி.’ மற்றும் ‘எனார்சி 1000 எம்.ஜி.’ (நீரில் கரையக்கூடிய சத்து மாத்திரை) போன்ற மாத்திரைகளை இலவசமாக கொடுப்பதன் மூலம், மக்களின் நோய் எதிர்ப்பு சக்தியை பலப்படுத்த முடியும். அதேசமயம் கொரோனா அச்சுறுத்தலை பாதுகாப்பான முறையில் எதிர்கொள்ளவும் முடியும். மேலும் ‘வைட்டமின் -சி’ சத்து மாத்திரைகள், மருந்து கடைகளில் எவ்வித தடங்கலின்றி கிடைக்கவும் வழிவகை செய்யவேண்டும் என்ற கோரிக்கையை தமிழக அரசிற்கு முன்வைக்கிறேன்.

நம்முடைய நோய் எதிர்ப்பு மண்டலம் பலமானால், கொரோனா மட்டுமின்றி வேறு எத்தகைய வைரஸ் தாக்குதலும் நம்மை நெருங்காது. அதனால் ‘வைட்டமின்-சி’ சத்துப்பொருட்களை, அன்றாட உணவோடு சேர்த்து கொண்டால், நோய்கள் என்றுமே நம்மை நெருங்காது” என்ற கருத்தோடு விடை கொடுத்தார்.

https://www.maalaimalar.com/news/topnews/2020/03/20085940/1341986/Divya-Sathyaraj-suggests-prevent-Coronavirus.vpf

 

 

என‌து ந‌ண்ப‌னுக்கு கொரோனா

1 week 2 days ago

என‌து நெருங்கிய‌ ந‌ண்ப‌னுக்கு கொரோனா , 

அவ‌னிட‌ம் நான் கேட்ட‌தை அவ‌ன் சொன்ன‌தை இதில் எழுதுகிறேன் உற‌வுக‌ளே 

த‌ன‌க்காம் எப்ப‌வும் இல்லாத‌ அள‌வுக்கு த‌லை இடியாம்  ம‌ற்றும் உட‌ம்புக‌ள் எல்லா இட‌ங்க‌ளிலும் அதிக‌ வ‌லியாம்  ,

பாவிக்கிற‌ கைபேசி போன் கூட‌ த‌ன்னால் தூக்க‌ முடிய‌ வில்லையாம் , மூச்சு இழுத்து விட‌ க‌ஸ்ர‌மாக‌ இருந்த‌தாம் , தோல் எல்லாம் சுருங்கி போச்சாம் , அவ‌னால் தாங்கி கொள்ளும் ச‌க்தி இருந்த‌ ப‌டியால் கொரோனாவில் இருந்து கொஞ்ச‌ம் த‌ப்பி விட்டான் , 

ம‌ருத்துவ‌ர்க‌ளின் ஆலோச‌னை ப‌டி ந‌ண்ப‌ன் வீட்டை விட்டு வெளியில் போக‌ கூடாதாம் , ம‌ருத்துவ‌ர்க‌ள் இர‌ண்டு நாளுக்கு ஒருக்கா வ‌ந்து பார்த்து உட‌ம்புக்கு ஏதோ த‌ண்ணீர் மாதிரி ம‌ருந்தை த‌ட‌வி போட்டு போகின‌மாம் /

என‌து ந‌ண்ப‌னுக்கு வ‌ய‌து 24 / 

உற‌வுக‌ளே எதுக்கும் க‌வ‌ன‌மாக‌ இருங்கோ , இந்த‌ கொரோனா உயிர் கொல்லி வ‌ருத்த‌ம் ,

தற்போதைய நிலையில் Ibuprofen வலி நிவாரணி மாத்திரைபற்றிய எச்சரிக்கை

1 week 3 days ago

காய்ச்சல் அல்லது கொரோனா அறிகுறிகள் தென்படுவோர் Ibuprofen என்ற குளிசையை எடுக்க வேண்டாமென சுவிசின் மருத்துவத்துறை எச்சரிக்கை.

இது நோயை தீவிரப்படுத்தும் அபாயமுள்ளதாக கண்டுபிடிக்கப்பட்டுள்ளது.

https://m.20min.ch/schweiz/news/story/BAG-raet-von-Einnahme-von-Ibuprofen-ab-19212661

Checked
Sun, 03/29/2020 - 13:37
COVID-19: Coronavirus - பாதுகாப்பு வழிமுறைகள் மற்றும் ஆலோசனைகள் Latest Topics
Subscribe to COVID-19: Coronavirus - பாதுகாப்பு வழிமுறைகள் மற்றும் ஆலோசனைகள் feed