வண்ணத் திரை

அந்தகாரம் - சினிமா விமர்சனம்

4 days 18 hours ago
  • முரளிதரன் காசிவிஸ்வநாதன்
  • பிபிசி தமிழ்

அந்தகாரம், நெட்ஃப்ளிக்ஸில் தமிழிலும் தெலுங்கிலும் வெளியாகியிருக்கும் மேலும் ஓர் அமானுஷ்ய - த்ரில்லர் படம்.

வினோத்தின் (அர்ஜுன் தாஸ்) டெலிஃபோன் பழுதாகிவிட வேறு ஒரு போனை வைக்கிறார்கள் பி.எஸ்.என்.எல்காரர்கள். ஆனால், அந்த போன் வந்ததிலிருந்து வினோதிற்கு பல பிரச்சனைகள் வந்து சேர்கின்றன. யாரோ தொலைபேசியில் அழைத்து, அவரது ஆத்மாவை உடலிலிருந்து விடுவிக்கப் போவதாகச் சொல்கிறார்கள்.

பார்வையில்லாத இளைஞனான செல்வத்திற்கு (வினோத் கிஷன்) சிறுநீரகக் கோளாறு. சிறுநீரகத்தை மாற்றத் தேவைப்படும் ரூபாய்க்காக, ஒரு வீட்டிலிருக்கும் ஆவியை ஓட்டுவதற்கு ஒப்புக்கொள்கிறார் செல்வம். ஆனால், அது விபரீதமாக முடிகிறது.

மனநல நிபுணரான டாக்டர் இந்திரனின் (குமார் நடராஜன்) குடும்பத்தைக் கொன்றுவிட்டு, அவரையும் சுட்டுவிடுகிறார் ஒரு நோயாளி. மீண்டும் வரும் இந்திரன், வேறு மாதிரி நபராகிவிடுகிறார்.

இந்த மூன்று பேரின் கதையும் மற்ற இருவரோடு தொடர்புடையதாக இருக்கிறது. வினோத் பிரச்சனையிலிருந்து விடுபட்டாரா, செல்வம் என்ன ஆனார், மருத்துவர் இந்திரனின் வேறு மாதிரி ஆவது ஏன் என்பதை இந்த மூன்று மணி நேரப் படம் விளக்குகிறது.

இந்தப் படத்தின் கதை, திரைக்கதை இரண்டுமே சிக்கலானது. வழக்கமாக 'நான் - லீனியர்' திரைப்படங்களைப் பார்ப்பவர்களுக்கு, இப்படி வெவ்வேறு கதைகள் ஒரு புள்ளியில் இணைவது ஒன்றும் புதிதாக இருக்காது. ஆனால் இந்தப் படத்தில், ஒவ்வொரு கதையின் காலமும் வெவ்வேறாக இருக்கிறது. இம்மாதிரி ஒரு திரைக்கதையை முயற்சிக்கவே மிகுந்த துணிச்சல் வேண்டும். அதைச் செய்திருக்கிறார் விக்னராஜன்.

அந்தகாரம் - சினிமா விமர்சனம்

பட மூலாதாரம்,NETFLIX

ஆனால், முதல் பார்வையில் படத்தின் பல காட்சிகள் குழப்பமாக இருக்கின்றன. நிறைய பாத்திரங்கள் தொடர்ந்து அறிமுகமாவது, திரைக்கதை அடுத்தடுத்து வெவ்வேறு பாத்திரங்களை பின்தொடர்வது ஆகியவை மிகவும் தொந்தரவாக அமைகின்றன.

பார்வையாளர்கள் எந்த பாத்திரத்தைப் பிரதானமாக பின்தொடர வேண்டும், படத்தில் வரும் பல சிக்கல்களில் எது பிரதானமான சிக்கல் என்பதெல்லாம் வெகுநேரத்திற்குப் புரியவில்லை.

மேலும், பல காட்சிகள் மிக மெதுவாக நகர்கின்றன. ஒரு காட்சியில் ஒருவர் லிஃப்டில் ஏறி ஆறாவது மாடிக்குச் செல்கிறார் என்றால், நிஜமாகவே ஆறாவது மாடிக்கு செல்வதற்கு எவ்வளவு நேரம் ஆகுமோ அந்த அளவுக்கு அந்தக் காட்சி நீள்கிறது. அம்மாதிரி காட்சிகளில், ஏதாவது நடந்தாலாவது பரவாயில்லை. இப்படி நீளும் பல காட்சிகள், நம் பொறுமையைக் கடுமையாக சோதிக்கின்றன.

Netflix Andhaghaaram

பட மூலாதாரம்,NETFLIX

படத்தின் துவக்கத்திலிருந்து மிரட்டப்படுகிறார் வினோத். ஆனால், படத்தின் முடிவில் அதற்காகச் சொல்லப்படும் காரணம் உப்புச்சப்பில்லாமல் இருக்கிறது.

அர்ஜுன் தாஸ், வினோத் கிஷன், குமார் நடராஜன் என படத்தில் வரும் எல்லோருமே நன்றாகவே நடித்திருக்கிறார்கள். ஒளிப்பதிவு, பின்னணி இசை ஆகியவையும் பொருத்தமாக இருக்கின்றன.

மேலே சொன்ன பிரச்சனைகளை புறந்தள்ளிவிட்டு, பொறுமையாக தொடர்ந்து பார்த்தால், படம் நிறைவடையும்போது 'அட, பரவாயில்லையே' என்று தோன்றும். அமானுஷ்ய - த்ரில்லர் பட ரசிகர்கள் பார்க்கலாம்.

அந்தகாரம் - சினிமா விமர்சனம் - BBC News தமிழ்

ஏழை மாணவியின் டாக்டர் கனவை நனவாக்கிய சிவகார்த்திகேயன்

1 week 3 days ago

ஏழை மாணவியின் டாக்டர் கனவை நனவாக்கிய சிவகார்த்திகேயன்

டாக்டருக்கு படிக்க நீட் தேர்வு கட்டாயமாக்கப்பட்டுள்ளது. இந்த நிலையில் தமிழக அரசு கொண்டு வந்த சிறப்பு சட்டத்தின் மூலம் நீட் தேர்வில் தேர்ச்சி பெற்ற அரசுப்பள்ளி மாணவர்களுக்கு 7.5 சதவீத இடஒதுக்கீட்டில் டாக்டருக்கு படிக்க வாய்ப்புகள் வழங்கப்பட்டு உள்ளது. இதில் தஞ்சை மாவட்டத்தை சேர்ந்த 8 பேருக்கு வாய்ப்பு கிடைத்துள்ளது. அவர்களில் பேராவூரணி அரசுப்பள்ளி மாணவி சகானாவும் ஒருவர். இவருக்கு திருச்சி மருத்துவக்கல்லூரியில் இடம் கிடைத்துள்ளது.

சிவகார்த்திகேயன்

 

பேராவூரணி அருகே உள்ள பூக்கொல்லை எனும் குக்கிராமத்தை சேர்ந்த இவரது தாய், தந்தை இருவரும் கூலித் தொழிலாளர்கள். மாணவி சகானா 12-ம் வகுப்பு பொதுத்தேர்வில் 600க்கு 524 மதிப்பெண் பெற்றிருந்தார். டாக்டர் ஆக வேண்டும் என்ற கனவுடன் படித்து வந்த சகானாவின் குடும்ப சூழல் பற்றி அறிந்த நடிகர் சிவகார்த்திகேயன், அவரை தன் சொந்த செலவில் நீட் பயிற்சி வகுப்பில் படிக்க வைத்துள்ளார். அதன்படி நடந்து முடிந்த நீட் தேர்வில் தேர்ச்சி பெற்ற சகானாவுக்கு திருச்சி மருத்துவக்கல்லூரியில் இடம் கிடைத்துள்ளது. 

 

https://cinema.maalaimalar.com/cinema/cinemanews/2020/11/19113729/2082617/Tamil-cinema-sivakarthikeyan-fullfill-the-dream-of.vpf

 

விழிப்புணர்வு ஏற்படுத்திய வரலட்சுமி... கண்டனம் தெரிவிக்கும் நெட்டிசன்கள்

1 week 5 days ago

விழிப்புணர்வு ஏற்படுத்திய வரலட்சுமி... கண்டனம் தெரிவிக்கும் நெட்டிசன்கள்

விழிப்புணர்வு ஏற்படுத்திய வரலட்சுமி... கண்டனம் தெரிவிக்கும் நெட்டிசன்கள்

 

தமிழ் சினிமாவில் முன்னணி நடிகையாக வலம் வருபவர் வரலட்சுமி. இவரது நடிப்பில் டேனி என்னும் திரைப்படம் ஓடிடி தளத்தில் சமீபத்தில் வெளியானது. இதையடுத்து இவரது நடிப்பில் உருவாகி இருக்கும் கன்னிராசி திரைப்படம் வரும் நவம்பர் 27ம் தேதி தியேட்டரில் வெளியாக இருக்கிறது. இதில் விமல் கதாநாயகனாக நடித்துள்ளார்.

தமிழகத்தில் கொரோனா பரவலைத் தடுக்க ஊரடங்கு அமலில் உள்ள போது பாதிக்கப்பட்ட பீகார், மேற்கு வங்காளம், உத்தரப் பிரதேசம், மத்தியப் பிரதேசம், ஜார்கண்ட் ஆகிய மாநிலங்களைச் சேர்ந்த புலம்பெயர் தொழிலாளர்கள் தங்கள் சொந்த ஊர்களுக்குக் கிளம்புவதற்கு முன்பாக நடிகை வரலட்சுமி சரத்குமார் தான் தொடங்கிய சமுக சேவை அமைப்பான சேவ் சக்தி (Save Shakti) பவுண்டேஷன் சார்பாக சென்னை சென்ட்ரல் ரயில் நிலையத்திற்கே சென்று அவர்களுக்குத் தேவையான அத்தியாவசிய பொருட்களை வழங்கி வந்தார். 

வரலட்சுமி சரத்குமாரின் பதிவு

இந்நிலையில், ஆண்கள் சிறுநீர் கழிக்கும் புகைப்படத்தை வெளியிட்டு, இதை விட சிறந்த விளக்கத்தைக் கண்டுபிடிக்க முடியவில்லை.. !!!! #Staysafe #WearAMask #covid இன்னும் எல்லா இடங்களிலும் அதிகம்.. !! #பொறுப்புள்ளவராய் இருங்கள். என்று பதிவு செய்திருக்கிறார்.

மிகவும் கீழ் தரமான பதிவு, ஆண்கள் இதே போல் ஒரு புகைப்படத்தை பதிவிட்டிருந்தால் நீங்கள் சும்மா இருப்பீர்களா.. என்று நெட்டிசன்கள் பலர் கண்டனங்கள் தெரிவித்து வருகிறார்கள். 

 

https://cinema.maalaimalar.com/cinema/cinemanews/2020/11/17193917/2082241/Tamil-Cinema-varalakshmi-tweet-fans-Condemnation.vpf

 

 

யூடியூப் தளத்தில் 1 பில்லியன் பார்வையாளர்களை பெற்று சாதனைப் படைத்தது ரௌடி பேபி பாடல்!

1 week 6 days ago
யூடியூப் தளத்தில் 1 பில்லியன் பார்வையாளர்களை பெற்று சாதனைப் படைத்தது ரௌடி பேபி பாடல்!

 

 

நடிகர் தனுஷ் மற்றும் சாய்பல்லவியின் அட்டகாசமான கூட்டணியில் உருவாகியுள்ள ரௌடி பேபி பாடல்  யூடியூப் தளத்தில் 100 மில்லியன் பார்வையாளர்களை பெற்று சாதனைப் படைத்துள்ளது.

கடந்த ஜூலை மாதம், யூடியூபில் 900 மில்லியன் அதாவது 90 கோடி பார்வைகளை பெற்ற குறித்த பாடல் தற்போது  100 கோடி பார்வைகளை பெற்றுள்ளது. தென்னிந்திய மொழிகளில் வேறு எந்தப் பாடலும் யூடியூப் தளத்தில் இந்த எண்ணிக்கையைத் தொட்டதில்லை.

இதுகுறித்து நடிகர் தனுஷ் தெரிவிக்கையில்,  “கொலைவெறி பாடல் வெளியான 9-வது வருடத்தில் இந்தச் சாதனையை நிகழ்த்தியுள்ளது ரௌடி பேபி பாடல். 100 கோடி பார்வைகளைத் தொட்ட முதல் தென்னிந்தியப் பாடல் என்பதில் பெருமை கொள்கிறோம். அனைவருக்கும் படக்குழு நன்றி தெரிவித்துக் கொள்கிறது” எனக் குறிப்பிட்டுள்ளார்.

   by : Krushnamoorthy Dushanthini

http://athavannews.com/யூடியூப்-தளத்தில்-100-மில்ல/

என்னை முழுமையாகப் புரிந்து கொள்பவருடன் காதல் திருமணம்.. நடிகை த்ரிஷா திடீர் கல்யாண தகவல்.!

2 weeks 1 day ago

என்னை முழுமையாகப் புரிந்து கொள்பவருடன் காதல் திருமணம்.. நடிகை த்ரிஷா திடீர் கல்யாண தகவல்.!

dptrisha-1-1582441989-1582446186.jpg

சென்னை: தனது திருமணம் காதல் திருமணமாகவே இருக்கும் என்று நடிகை த்ரிஷா கூறியுள்ளார்.

தமிழ், தெலுங்கு, மலையாளப் படங்களிலும் நடித்து வருபவர், முன்னணி நடிகை த்ரிஷா.

இப்போது தமிழ், மலையாளத்தில் நடித்து வரும் அவர் தனது திருமணம் பற்றி மீண்டும் கூறியுள்ளார்.

நின்று போன  திருமணம்

கடந்த சில வருடங்களுக்கு முன் தொழில் அதிபர் மற்றும் தயாரிப்பாளரான வருண் மணியனை காதலித்தார் நடிகை த்ரிஷா. இருவருக்கும் திருமணம் செய்து வைக்க குடும்பத்தினர் முடிவு செய்தனர். திருமண நிச்சயதார்த்தம் நடந்து முடிந்த நிலையில், திடீரென திருமணம் நின்றுபோனது. கருத்து வேறுபாடு காரணமாக நின்று போனதாக அப்போது கூறப்பட்டது. இது திரையுலகில் பரபரப்பாகப் பேசப்பட்டது.

காதலை ஒப்புக்கொண்டார்

trish-Collage-1.jpg

பின்னர் பிரபல தெலுங்கு நடிகர், ராணா டக்குபதியை அவர் காதலிப்பதாகக் கூறப்பட்டது. இருவரும் விழாக்களுக்கு ஒன்றாகச் சென்று வருவது என இருந்தனர். வருண் மணியனை  காதலிக்கும் முன்பே, ராணாவுடன் கிசுகிசுக்கப்பட்டார் த்ரிஷா. பின் கருத்து வேறுபாடு காரணமாக திடீரென்று பிரிந்தனர். நடிகர் ராணா, இந்தி சேனல் ஒன்றிற்கு அளித்தப் பேட்டியில் இந்தக் காதலை ஒப்புக்கொண்டார்.

காதல் திருமணமாக இருக்கும்

இந்நிலையில், நடிகர் ராணாவுக்கு மிஹீகா பஜாஜ் என்பவருடன் சில மாதங்களுக்கு முன் திருமணம் முடிந்துவிட்டது. இந்நிலையில் தனது திருமணம் பற்றி நடிகை த்ரிஷா மீண்டும் கூறியுள்ளார். அது காதல் திருமணமாகவே இருக்கும் எனத் தெரிவித்துள்ளார்.

என்னை புரிந்து கொள்பவர்

இதுபற்றி அவர் கூறியிருப்பதாவது: என் திருமணம் பற்றி முன்பே முடிவு செய்ததைத்தான் இப்போதும் சொல்கிறேன். என்னை முழுமையாகப் புரிந்து கொள்பவரைதான்  திருமணம் செய்து கொள்வேன். அது காதல் திருமணமாகவே இருக்கும். அப்படி ஒருவரை சந்திக்கும் போது எனது திருமணம் நடக்கும். அதுவரை சிங்கிளாக இருப்பது பற்றி கவலைப் படவில்லை.

தெரு நாய்கள்

ஒரு வேளை அப்படி ஒருவரைச் சந்திக்கவில்லை என்றால், நான் இப்படியே இருந்து விடுவேன். பள்ளியில் படிக்கும் போதே நான் மற்றவர்களுக்கு உதவுவேன்.

நாய்களை செல்லப் பிராணிகளாக அப்போதே ஏற்று கொண்டேன். இப்போது 5 தெரு நாய்களை வளர்க்கிறேன். அது போக குதிரை ஏற்றம் பழகிக் கொண்டிருக்கிறேன் என்று கூறியுள்ளார்.

https://tamil.filmibeat.com/news/trisha-talks-about-her-marriage-077221.html

டிஸ்கி :

வெளி நாட்டில் வாழும் ( இளம் ) மன்னிக்கவும் நடுத்தர வயது தொழில் அதிபர்களுக்காக உதவும் நோக்குடன் இச் செய்தி.!

முதல் பார்வை: சூரரைப் போற்று

2 weeks 3 days ago

முதல் பார்வை: சூரரைப் போற்று

soorarai-pottru-movie-review

 

ஏர் ஓட்டும் விவசாயியாக இருந்தாலும், ஏழையாக இருந்தாலும் அவர்களை ஏரோப்ளேனில் பயணிக்க வைக்க வேண்டும் என்பதையே லட்சியமாகக் கொண்ட விமான சேவை நிறுவன அதிபரின் கதையே 'சூரரைப் போற்று'.

மதுரை மாவட்டம் சோழவந்தான் அருகிலுள்ள ஒரு பின்தங்கிய கிராமத்தைச் சேர்ந்தவர் நெடுமாறன் ராஜாங்கம் (சூர்யா). அப்பா ஆறுவிரல் வாத்தியார் (பூ ராமு) மனு எழுதிப் போட்டு மின்சார வசதி உள்ளிட்ட கிராமத்தின் அடிப்படைத் தேவைகளை நிறைவேற்ற உதவுபவர். அவரின் அஹிம்சா வழி மனுவால் சோழவந்தானில் எக்ஸ்பிரஸ் ரயில்களை நிறுத்த முடியவில்லை. ஆனால், போராட்டத்தால் அதிர்வலையை ஏற்படுத்துகிறார் அவரின் மகன் சூர்யா. இது அப்பாவுக்குப் பிடிக்காமல் போகிறது. இதனால் மோதல் வலுக்க, சூர்யா தேசிய பாதுகாப்பு அகாடமியில் விமானப் படை அதிகாரியாகத் தேர்வாகிச் செல்கிறார். சில ஆண்டுகளுக்குப் பிறகு ஓய்வுபெற்று சொந்த ஊர் திரும்புகிறார்.

தன்னைப் போன்று இருக்கும் ஏழைகள், உழைக்கும் தொழிலாளர்கள், ஏர் ஓட்டும் விவசாயிகள், விமானத்தில் பறப்பதையே பெருங்கனவாகக் கொண்டிருக்கும் கிராமத்து மக்களின் கனவை, ஆசையை நிறைவேற்றும் விதமாக 1000 ரூபாயில் ஏன் 1 ரூபாயில் கூட விமானத்தில் பறக்க முடியும் என்பதை நிரூபிக்கப் போராடுகிறார். இதற்காக விமான சேவை நிறுவன அதிபரிடம் உதவி கேட்கிறார். அவரோ உதாசீனப்படுத்துகிறார். மத்திய அரசு அலுவலகங்கள், ஏவியேஷன் அகாடமி என எல்லா இடங்களிலும் அலைக்கழிக்கப்படுகிறார். லைசென்ஸ் சிக்கல், பெரும் பணக்கார விமான சேவை நிறுவன அதிபர்களின் சூழ்ச்சி, நம்பிக்கைத் துரோகம், பொருளாதாரச் சிக்கல், குடும்ப உறவில் விரிசல், கடன் பிரச்சினை என அடுத்தடுத்து அதிகமான நெருக்கடிகளைச் சந்திக்கிறார். அவரின் கனவு எப்படி நனவானது, ஏழை மக்களுக்கு மிக மிகக் குறைந்த விலையில் விமானப் பயணம் எப்படிச் சாத்தியமானது என்பதை உயிரோட்டத்துடன் சொல்வதே 'சூரரைப் போற்று' படத்தின் திரைக்கதை.

1605122116751.jpg

 

ஏர் டெக்கான் நிறுவனர் ஜி.ஆர்.கோபிநாத்தின் வாழ்க்கையைத் தழுவியும், அவர் எழுதிய 'சிம்பிள் ஃப்ளை' நூலை அடிப்படையாகக் கொண்டும் 'சூரரைப் போற்று' படத்தை உருவாக்கியுள்ளார் இயக்குநர் சுதா கொங்கரா. 'இறுதிச்சுற்று' படத்துக்குப் பிறகு வேறொரு தளத்தில் ஷாலினி உஷாதேவியுடன் திரைக்கதை அமைத்து ஆச்சரியப்படுத்தியுள்ளார். படத்தின் மேக்கிங்கில் கச்சிதத்தைக் கொண்டுவந்துள்ளார். அதுவும் அவரின் கதாபாத்திரக் கட்டமைப்புகள் ஆஸம். கிட்டத்தட்ட எல்லா நடிகர்களையும் மிகச் சரியாகப் பயன்படுத்தியுள்ளார். ஹீரோயிசப் படத்தில் குணச்சித்திரக் கதாபாத்திரங்களுக்கும் முக்கியத்துவம் கொடுத்திருக்கும் விதம் வெல்டன். யாருக்குமே லேசுபாசான கேரக்டர் இல்லை. அத்தனை பேரும் தங்கள் பாத்திரத்துக்கு நியாயம் சேர்த்திருக்கிறார்கள்.

கொடுமை கண்டு பொங்கி எழுந்து பக்கம் பக்கமாக பன்ச் டயலாக் பேசும் சூர்யாவைப் படத்தின் ஒரு பிரேமிலும் பார்க்கமுடியாது. கையில் அருவா, வேல் கம்பு, கத்தி, துப்பாக்கி என எதுவும் கிடையாது. நான் இதைச் சொல்லியே ஆகணும் என்று ரொமான்ஸிலும் ஒரே மாதிரியான சூர்யாவைப் பார்க்க முடியாது. ஹரி வெர்ஷனாகவும், கௌதம் மேனன் வெர்ஷனாகவும் இல்லாமல் சூர்யா, நெடுமாறன் ராஜாங்கமாக ராஜபாட்டையில் நடந்திருக்கிறார். நடித்திருக்கிறார். அழுதுகொண்டே தன் இயலாமையை, ஆற்றாமையை, கையறு நிலையை வெளிப்படுத்தும் சூர்யாவைப் பார்க்க முடிகிறது. ஆனால், சின்னதாய் புன்னகையைக் கூடச் சிந்தாத அளவுக்கு சிரிப்பென்றாலே என்ன என்று தெரியாத, கதாபாத்திரத்துடன் ஒன்றிய சூர்யாவைப் பார்ப்பது புதிதாக உள்ளது. இதுவரை சூர்யா நடித்த எந்தப் படத்தின் நடிப்புச் சாயலும் இதில் இல்லை. அழுத்தமாக தன் நடிப்பில் தடம் பதித்து இதயத்தைத் தொடுகிறார்.

1605122135751.jpg

 

அப்பாவுக்கு நேர்ந்ததை உணர்ந்து ஊருக்கு வர முடியாமல் விமானக் கட்டணத்துக்கு வழியில்லாமல் அங்கு இருப்பவர்களிடம் கெஞ்சிக் கூத்தாடி பிச்சையாகக் கேட்கும்போதும், ஊருக்கு வந்து அம்மாவைப் பார்த்த கணத்தில் அழுது தன் நிலையை விளக்கும்போதும் கண்ணீரில் நனைய வைக்கிறார்.

ஒரு முன்னணி நட்சத்திர நடிகர் ஓடிடியில் படத்தை வெளியிடுவது துணிச்சல் என்றால், அதிலும் பரிசோதனை முயற்சிக்குத் தன்னை ஒப்புக் கொடுத்திருப்பது வேற லெவல். சூர்யாவின் இந்த முயற்சிகள் என்றும் தொடர வேண்டும் என்று வாழ்த்துவோம். வரவேற்போம்.

1605122216751.jpg

அபர்ணா பாலமுரளி, கதாபாத்திரத்தின் கனம் உணர்ந்து அட்டகாசமான நடிப்பை நல்கியுள்ளார். அவர் திருமணத்துக்குப் போடும் கண்டிஷன்கள், சூர்யா உடனான உரசலுக்குப் பிறகான நடவடிக்கை, ரூ.16 கோடி டீலை சூர்யா புறக்கணித்ததற்கான ரியாக்‌ஷன் என பக்குவமான நடிப்பைக் கொடுத்துள்ளார். அவரின் கதாபாத்திரத் தன்மைக்கு அந்தக் கண்கள் பெரிய பிளஸ்.

சுதா கொங்கரா அளவுக்கு யாரும் காளி வெங்கட்டை அவ்வளவு சரியாகப் பயன்படுத்துவதில்லையோ என்னவோ. இறுதிச்சுற்றில் ரித்த்கா சிங்கின் தந்தையாக நடித்தவர், இதில் சூர்யாவின் நண்பனாக மனதில் இடம் பிடிக்கிறார். கருணாஸின் வெள்ளந்தி மனசால், பளிச் நடிப்பால் பசை போல் ஒட்டிக் கொள்கிறார். 'உன்னை நம்பி இருக்கோம்டா. ஜெயிச்சிருடா' என்று சொல்லும் ஊர்வசியின் நடிப்பில் அவ்வளவு யதார்த்தம். மகனின் தாமத வருகையை அவர் கண்ணீரும் கம்பலையுமாக கரித்துக் கொட்டும் விதம் தேர்ந்த நடிகையின் உச்சம். 'பூ' ராமு மகன் மீதான பாசத்தை அப்படியே கடத்தியிருக்கிறார்.

சூர்யாவின் உற்ற நண்பர்களாக வரும் விவேக் பிரசன்னா, கிருஷ்ணகுமார் ஆகியோர் பொருத்தமான பாத்திர வார்ப்புகள். மோகன்பாபு ஆச்சர்ய மறுவரவு. வினோதினி வைத்தியநாதன், பரேஷ் ராவல், அச்யுத்குமார், ஆர்.எஸ்.சிவாஜி, பேராசிரியர் கு.ஞானசம்பந்தன், ராமச்சந்திரன் துரைராஜ் ஆகியோர் கதாபாத்திரத்துக்குத் தேவையான நடிப்பில் மிளிர்கிறார்கள்.

 

1605122240751.jpg

நிகேத் பொம்மியின் கேமரா மேஜிக் நிகழ்த்தியுள்ளது. டெல்லி, மதுரை, விமானங்களின் ஓட்டம் என்று சுற்றிச் சுழன்று விதவிதமான கோணங்களில் ஈர்க்கிறார். ஜி.வி.பிரகாஷின் இசையில் பருந்தாகுது ஊர்க்குருவி என்ற மாறா தீம் செம்ம. காட்டுப்பயலே காதலின் ராகம் என்றால், மண்ணுருண்ட மேல தத்துவத்தில் ததும்பி நிற்கிறது. ஏகாதசியின் பாடல் வரிகளும், செந்தில் கணேஷின் குரலும் மண்ணுருண்ட மேல பாடலுக்கு இன்னும் அதிக அர்த்தங்களைக் கொடுத்துள்ளன. கதையோட்டத்துக்குத் தகுந்தபடி பின்னணி இசையில் பிரகாசிக்கிறார் ஜி.வி. சதீஷ் சூர்யாவின் கட்ஸில் நேர்த்தி.

உண்மைக் கதையில், ஜி.ஆர்.கோபிநாத் தன் நிறுவனத்தை கிங்ஃபிஷர் மல்லையாவுடன் இணைத்தார். ஆனால், திரைப்படத்தில் அப்படி இல்லாதது இயக்குநரின் புத்திசாலித்தனத்தைக் காட்டுகிறது. திரைக்கதை சுதந்திரம் எனும் விதிப்படி, ஷாலினி உஷாதேவியும், சுதா கொங்கராவும் மல்லையாவுக்குப் பதில் ஒரு பாலய்யாவைக் காட்டுகிறார்கள். ஆனால், அந்த டீல் வேறு மாதிரி அமைத்திருப்பது படத்துக்கு பாசிட்டிவ் பலம் சேர்க்கிறது.

''ரத்தன் டாடாவாலேயே இங்கே ஒரு ஏர்லைன் ஆரம்பிக்க முடியலை''. ''நீங்க யார் மாறன், உனக்குல்லாம் எதுக்குய்யா பெரிய மனுஷங்க பண்ற பிசினஸ். பேசாம ஊருக்குப் போய் மாடு மேய்க்கிற வேலையைப் பாரு'' என்ற அலைக்கழிப்புகளை, புறக்கணிப்புகளை, ஏமாற்றங்களை ஒவ்வொன்றாய்ச் சொல்லி அடுத்தகட்டத்துக்கு சூர்யா நகரும் விதத்தை ஆர்ப்பாட்டமில்லாமல் எமோஷனல் கலந்து சொன்ன விதம் எடுபடுகிறது. உயர்ந்தவன் தாழ்ந்தவன், பிசினஸ் கிளாஸ் டிக்கெட் உள்ளிட்ட ஏற்றத்தாழ்வுகளைக் களையும் பொருட்டு சமூக அக்கறையுடன் சொன்ன விதம் பாராட்டுக்குரியது.

குடியரசுத் தலைவரை அப்படி அசால்ட்டாகச் சந்திக்க முடியுமா, விமானத்தை அசாதாரணமாக ராணுவப் பயிற்சி மையத்தில் அத்துமீறித் தரையிறக்க முடியுமா, தொழிலதிபர்களுக்காக அரசு அதிகாரிகள் அவ்வளவு ரிஸ்க் எடுப்பார்களா போன்ற கேள்விகளும், செயற்கையான சில சினிமாத்தனங்களும் படத்தில் இருப்பதை மறுக்கமுடியாது. அதேசமயம் அதையே பெருங்குறையாகச் சொல்லிவிடவும் முடியாது.

மொத்தத்தில், சூரரை மட்டுமல்ல, பரிசோதனை முயற்சிக்காக சூர்யாவையும், மேக்கிங் மூளைக்காக சுதா கொங்கராவையும் போற்றலாம்.

 

https://www.hindutamil.in/news/cinema/tamil-cinema/600828-soorarai-pottru-movie-review-4.html

 

 

 

 

தமிழ் சினிமா: திறக்கப்பட்ட திரையரங்குகள் - தீபாவளிக்கு என்னென்ன படங்கள் ரிலீஸ்?

2 weeks 5 days ago

கொரோனா வைரஸ் பரவல் காரணமாக அமலான ஊரடங்கால் தமிகத்தில் மூடப்பட்ட திரையரங்குகள் இன்று மீண்டும் திறக்கப்பட்டுள்ளன.

கடந்த ஆண்டு இறுதியில் சீனாவில் பரவிய கொரோனா தொற்று இந்தியாவிலும் பரவ தொடங்கியது. இதனால் தமிழகத்தில் கடந்த மார்ச் 25ஆம் தேதி முதல் முழு ஊரடங்கு அமல்படுத்தப்பட்டது. அதன் ஒரு பகுதியாக திரையரங்குகளும் மூடப்பட்டன.

திரையரங்கு உரிமையாளர்கள் தமிழக முதல்வரிடம் திரையரங்கங்களைத் திறக்க வேண்டும் என்று தொடர்ந்து கோரிக்கை வைத்து வந்தனர்.

இந்நிலையில், 50 சதவீத பார்வையாளர்களுடன் திரையரங்கங்களை நவம்பர் 10ஆம் தேதி முதல் திறக்கலாம் என்று அக்டோபர் 30ஆம் தேதியன்று தமிழக அரசு அனுமதி அளித்தது.

தமிழக அரசின் அறிவிப்பைத் தொடர்ந்து எட்டு மாதங்களுக்குப் பின்னர் தமிழகத்தில் உள்ள திரையரங்குகள் இன்று திறக்கப்பட்டுள்ளன.

தமிழ்த் திரைப்பட நடப்பு தயாரிப்பாளர்கள் சங்கம் அறிக்கை.

இன்று புதிய படங்கள் வெளியாகும் என எதிர்பார்க்கப்பட்ட நிலையில் தமிழ்த் திரைப்பட நடப்பு தயாரிப்பாளர்கள் சங்கத்திலிருந்து ஓர் அறிக்கை வெளியானது.

தமிழ் சினிமா: திறக்கப்பட்ட திரையரங்குகள் - தீபாவளிக்கு என்னென்ன படங்கள் ரிலீஸ்?

அதில் "வி.பி.எஃப் சம்பந்தமாக அனைத்து தரப்புகளின் நிலைப்பாட்டின் காரணமாக புது திரைப்படங்கள் வெளியிடுவதில் சிக்கல் நிலவி வருகிறது. இந்நிலையில் தமிழக அரசு திரையரங்குகளைத் திறக்க அனுமதி அளித்திருப்பது மகிழ்ச்சியளிக்கிறது.

பல கட்டமாகப் பேச்சு வார்த்தை நடத்தியும் சுமுகமான தீர்வு எட்டப்படாததால் மீண்டும் தயாரிப்பாளர்களோடு கலந்தாலோசித்ததில், நல்ல தீர்வு ஏற்படும் வரை புது படங்களை வெளியிட முடியாத சூழ்நிலைக்குத் தள்ளப்பட்டுள்ளோம் என்பதைத் தெரிவித்துக் கொள்கிறோம்," என்று கூறப்பட்டுள்ளது.

இதனால் ஏற்கனவே திரையிட்ட திரைப்படங்களான ஓ மை கடவுளே, தாராள பிரபு போன்ற படங்களும், Hit, My Spy போன்ற ஆங்கில படங்களும் வெளியாகியுள்ளன.

'புதிய திரைப்படங்களுக்கு வி.பி.எஃப் கட்டணம் 100% தள்ளுபடி '

கியூப் நிறுவனம் வெளியிட்டுள்ள அறிக்கையில் விபிஎஃப் கட்டணத்தில்100 சதவீத தள்ளுபடியை அறிவித்துள்ளது. இந்த தள்ளுபடி அனைத்து புதிய திரைப்படங்களுக்கும் நவம்பர் மாதம் முழுவதும் பொருந்தும் எனத் தெரிவித்துள்ளது.

இந்த விபிஎஃப் கட்டண தள்ளுபடி காரணமாகத் தீபாவளிக்கு புதிய திரைப்படங்கள் வெளிவரும் என்று நம்புகிறோம் என அந்த அறிக்கையில் தெரிவிக்கப்பட்டுள்ளது.

இரண்டாம் குத்து

கியூபின் இந்த அறிக்கையால், ஏற்கனவே வெளியாகும் என்று எதிர்பார்க்கப்பட்ட படங்களான இரண்டாம் குத்து, களத்தில் சந்திப்போம், எம்.ஜி.ஆர் மகன் போன்ற படங்கள் தீபாவளிக்கு வெளியாகும் என்று எதிர்பார்க்கப்படுகிறது.

ரசிகர்கள் எண்ணிக்கை குறைவு

தமிழகத்தில் இன்று பெரும்பாலான திரையரங்குகள் திறக்கப்பட்டன. எட்டு மாதங்களுக்குப் பின் திறக்கப்பட்டதால் ரசிகர்கள் பலர் ஆன்லைனில் படங்களைப் பதிவு செய்திருந்தனர்.

தமிழ் சினிமா: திறக்கப்பட்ட திரையரங்குகள் - தீபாவளிக்கு என்னென்ன படங்கள் ரிலீஸ்?

உள்ளே வரும் ரசிகர்களுக்குத் தமிழக அரசு சார்பில் சில கட்டுப்பாடுகள் விதிக்கப்பட்டிருந்தன.

முகக் கவசம் அணிதல், சேனிடைசர் கொண்டு கைகளைச் சுத்தம் செய்தல், உடல் வெப்ப அளவீடு போன்றவற்றை செய்த பிறகே உள்ளே அனுமதிக்கப்படுகின்றனர்.

தமிழக அரசு அறிவுறுத்திய 50 சதவீத இருக்கைகளுடன் தனி நபர் இடைவெளியை பின்பற்றி அமரவைக்கப்படுகின்றனர்.

கொரோனா காரணமாகத் திரையரங்குகளுக்கு வரும் ரசிகர்களின் எண்ணிக்கை குறைவாகவே காணப்படுகிறது.

https://www.bbc.com/tamil/arts-and-culture-54886503

நான் அறிந்த இசை அரசன் எஸ்.பி.பியும் அவரின் இன்னிசை சாம்ராஜ்யமும்

3 weeks ago

நான் அறிந்த இசை அரசன் எஸ்.பி.பியும் அவரின் இன்னிசை சாம்ராஜ்யமும்; பகுதி -01 – என்.கே.எஸ். திருச்செல்வம்

NKST.jpeg

நேற்று முன்தினம் ஒரு மறக்க முடியாத நாள். இசை மாமேதை எஸ்.பி.பாலசுப்பிரமணியம் அவர்கள் தன் உடலை மட்டும் இவ்வுலகில் இருந்து எடுத்துச் சென்ற நாள். ஆனால் நம் நெஞ்சில் நிறைந்த பாடல்களை எமக்கெல்லாம் உயிராகத் தந்து விட்டுச் சென்ற நாள்.

அண்ணன் எஸ்.பி.பி. அவர்களின் பாடல்கள் தொடர்பில் கடந்த 50 வருடங்களாக என் அடி மனதில் தேங்கிக் கிடக்கும் நினைவுகளை இங்கே பகிர்ந்து கொள்ள விரும்புகிறேன்.

ஏனெனில் அன்று எனது பேச்சாகவும், மூச்சாகவும் இருந்தது அவரின் பாடல்களே.

ஒரு திரையுலகப் பிரபலத்திற்காக நான் அதிக மனவேதனை அடைந்த இரண்டாவது சந்தர்ப்பம் நேற்றைய தினத்தில் நடந்தது.

1987 ஆம் ஆண்டு டிசம்பர் மாதம் 24 ஆம் திகதி காலை நான் மிகவும் வேதனையடைந்து, அன்று இரவு மிகவும் மனமகிழ்ச்சி அடைந்த மறக்க முடியாத நாள். அன்று இரண்டு முக்கிய சம்பவங்கள் நிகழ்ந்தன.

b-100.jpgஅன்று காலை, என் நெஞ்சில் மானசீக ஆசானாக வீற்றிருந்த மக்கள் திலகம் எம்.ஜி.ஆர் அவர்கள் இவ்வுலகை விட்டுப் பிரிந்தார். அந்த சமயத்தில் நான் அடைந்த துயரம் அளவிட முடியாதது. அன்று இரவே எனக்கு முதல் வாரிசாக என் மகன் பிறந்து, அந்தத் துயரத்தை ஈடுகட்டும் அளவிற்கு மகிழ்ச்சியை ஏற்படுத்திய நாள் அது.

அன்றைய தினத்தின் பின்பு நான் மிகவும் வேதனை அடைந்தது நேற்றைய தினத்தில் தான்.

மக்கள் திலகம் எம்.ஜி.ஆர் அவர்களுக்கு அடுத்த படியாக நான் நேசித்த, என் மனம் கவர்ந்த திரையுலகப் பிரபலம் என்றால் அது எஸ்.பி.பி அவர்கள் தான்.

காரணம் இந்த இருவரும் மானசீகமாக என் வாழ்க்கையோடு இணைந்து என்னை வழி நடத்தியவர்கள்.

சிறுவயது முதல் எம்.ஜி.ஆர் அவர்களின் நல்ல கருத்துக்களை கடைப்பிடித்து வளர்ந்தது போல, எஸ்.பி.பி.அவர்களின் இனிமையான பாடல்களை சிறுவயது முதல் கேட்டு மகிழ்ச்சியாக வளர்ந்தவன் நான்.

எனக்கு விபரம் தெரிந்த வகையில் நான் முதலாவதாக திரைப்படம் பார்த்தது1965 ஆம் ஆண்டு. நான் பார்த்த முதலாவது திரைப்படம் எம்.ஜி.ஆர் அவர்களின் “எங்க வீட்டுப் பிள்ளை”. அப்போது எனக்கு 4 வயது.

இரண்டு ரூபாய் கொடுத்து வாடகைக் காரில் குடும்பத்தோடு எம்மைக் கூட்டிச் சென்று அந்தப் படத்தைப் அப்பா காண்பித்தார்.

b-99.jpg

 

எங்க வீட்டுப் பிள்ளை படத்தில் வரும் “நான் ஆணையிட்டால் அது நடந்து விட்டால் இந்த ஏழைகள் வேதனை படமாட்டார்” எனும் பாடல் பசு மரத்து ஆணி போல இன்றும் என் மனதில் பதிந்துள்ளது.

என் தந்தையார் ஒரு தீவிர எம்.ஜி.ஆர் ரசிகர். எனவே மக்கள் திலகத்தின் படங்கள் திரையிடப்படும்போது கூட்டிச் சென்று காண்பிப்பார். அன்று எமது தந்தை மட்டுமல்ல நான், எனது அண்ணா, சின்னத் தங்கை எல்லோருமே எம்.ஜி.ஆர் அவர்களின் ரசிகர்கள் ஆனோம்.

அன்று முதல் என் தந்தையார் மூலம் மக்கள் திலகத்தின் பல படங்களைப் பார்க்கும் வாய்ப்பு கிடைத்தது.

கன்னித்தாய், அன்பேவா, பறக்கும் பாவை, தனிப்பிறவி, நான் ஆணையிட்டால், அரச கட்டளை, காவல்காரன், ஒளி விளக்கு, கணவன், கண்ணன் என் காதலன், குடியிருந்த கோயில், ரகசிய பொலிஸ் 115, நம்நாடு ஆகிய திரைப்படங்களைப் பார்த்த ஞாபகம் உண்டு.

இப்படங்களைப் பார்த்தபின் அதில் இடம் பெறும் எம்.ஜி.ஆர் பாடல்களை டி.எம்.எஸ் அவர்களின் குரலில் வானொலியில் விரும்பிக் கேட்க ஆசை ஏற்பட்டது.

அன்று திரைப்பட பாடல்களைக் கேட்டது இலங்கை ஒலிபரப்புக் கூட்டுத்தாபன தமிழ்ச்சேவை-2 எனும் வானொலியில் தான். அன்று இருந்த ஒரே வானொலியும் அதுதான். திரையில் பார்த்த எம்.ஜி.ஆர் பாடல்களை ரசித்துக் கேட்கக் கூடிய ஒரே சாதனம் அதுதான். காலப்போக்கில் அதுவே என் உயிர் நாடியாக மாறியது.

b-98.jpgபாடசாலை நேரம், வீட்டில் படிக்கும் நேரம் தவிர நான் அதிக நேரத்தை செலவிட்டது வானொலிப் பெட்டியின் அருகிலே தான்.

1969 ஆம் ஆண்டு, எனக்கு 8 வயது. இலங்கை வானொலியில் பாடல்களைக் கேட்டுக் கொண்டிருந்தபோது “புது வெள்ளம்” எனும் நிகழ்ச்சியில் ஒரு புதிய குரலில் அந்த இனிமையான பாடல் ஒலித்தது.

“ஆயிரம் நிலவே வா-ஓராயிரம் நிலவே வா”

பாடல் இடம்பெற்ற படம் – அடிமைப்பெண்.

பாடியவர்கள்- எஸ்.பி.பாலசுப்பிரமணியம், பி.சுசீலா.

இசை-கே.வி.மகாதேவன்

பாடலை எழுதியவர்-புலமைப்பித்தன்

படத்தில் இடம்பெற்ற ஒரே ஒரு காதல் டூயட் பாடல் இது. ராஜஸ்தானில் உள்ள ஜெய்ப்பூர் அரண்மனையில் படமாக்கப்பட்டது.

பத்திரிகைகள் மூலம், பாடசாலை நண்பர்கள் மூலம் பரபரப்பாகப் பேசப்பட்ட எம்.ஜி.ஆரின் திரைப்படம் அடிமைப்பெண். அந்தப் படத்தில் எம்.ஜி.ஆர்.அவர்களுக்கு ஒரு புதியவர் பின்னணி பாடியுள்ளார் என்பது சற்று வியப்பாக இருந்தது. இருந்தாலும் அந்தப் புதிய குரல் ஏதோ இனம் புரியாத வகையில் என் மனதைக் கவர்ந்தது.

எஸ்.பி.பி.அவர்கள் பாடி நான் கேட்ட முதலாவது பாடல் அதுதான்.

ஆனால் இது எஸ்.பி.பி அவர்கள் பாடிய 5 ஆவது தமிழ்த் திரை இசைப்பாடல்.

1969 ஆம் ஆண்டு எஸ். பி.பி.அவர்கள் தமிழ்த் திரை உலகில் அடி எடுத்து வைத்த காலம். அவர் மொத்தமாக 5 பாடல்களைப் பாடியிருந்தார்.

நாளையும்..

 

https://thinakkural.lk/article/72888

 

 

தீபாவளி: ஓடிடி தளங்களில் எந்தெந்த தமிழ் படங்கள் ரிலீஸ்?

3 weeks 2 days ago

கொரோனா பரவல் காரணமாக மூடப்பட்டிருந்த திரையரங்குகளை நவம்பர் 10ஆம் தேதி திறக்க தமிழக அரசு அனுமதியளித்துவிட்டாலும் ஓடிடி தளங்களில்தான் அதிக படங்கள் வெளியாகுமெனத் தெரிகிறது.

திரையரங்குகளைத் திறக்க தமிழக அரசு அனுமதியளித்துவிட்டாலும் விபிஎஃப் பிரச்சனை காரணமாக திரையரங்கள் குறிப்பிட்ட தேதியில் திறக்கப்படுமா என்ற சந்தேகம் நிலவுகிறது. அப்படியே பத்தாம் தேதி திறக்கப்பட்டாலும் தீபாவளிக்கு படங்கள் வெளியாவதும் கேள்விக்குறியாகவே இருக்கிறது.

ஆகவே இந்த ஆண்டைப் பொறுத்தவரை, சினிமா ரசிகர்கள் ஓடிடி தளங்களில் வெளியாகும் திரைப்படங்களைப் பார்த்து ரசிக்க வேண்டிய நிலைதான். இந்த ஆண்டு தீபாவளியை ஒட்டி மூன்று குறிப்பிடத்தக்க திரைப்படங்கள் வெளியாகுமெனத் தெரிகிறது.

1. சூரரைப் போற்று
'சூரரைப் போற்று' திரைப்பட வெளியீடு தள்ளிப்போகிறது - சூர்யா

பட மூலாதாரம், SURIYA / TWITTER

சூர்யா நடிக்க 2D என்டர்டெயின்மென்ட் தயாரிப்பில், சுதா கொங்கரா இயக்கத்தில் உருவாகியுள்ள படம் இது. ஏர் டெக்கான் நிறுவனர் கேப்டன் கோபிநாத்தின் வாழ்வை மையப்படுத்தி உருவான படம் இது. இதில் நெடுமாறன் ராஜாங்கம் என்ற பாத்திரத்தில் சூர்யா நடித்துள்ளார். நடிகை அபர்ணா பாலமுரளி கதாநாயகியாக நடிக்க அவருடன் கருணாஸ், மோகன் பாபு, காளி வெங்கட் உள்ளிட்ட பல நட்சத்திரங்கள் நடித்துள்ளனர்.

ஜி.வி. பிரகாஷ் இந்தப் படத்திற்கு இசையமைத்துள்ளார். நிகேத் பொம்மி ஒளிப்பதிவு செய்துள்ளார். இந்தப் படம் அமேசான் பிரைம் மூலம் நவம்பர் 12ஆம் தேதி வெளியாகிறது.

2. மூக்குத்தி அம்மன்

பிரபல வானொலி தொகுப்பாளராக இருந்து, சினிமாவில் நகைச்சுவை நடிகராக அறிமுகமாகி, LKG படத்தின் மூலம் ஹீரோவாக வளர்ந்து நிற்பவர் RJ பாலாஜி. LKG திரைப்படம் குறிப்பிடத்தக்க வரவேற்பை பெற்ற நிலையில், அவர் முக்கியப் பாத்திரத்தில் நடித்து வெளியாகவிருக்கும் அடுத்த படம், மூக்குத்தி அம்மன்.

இந்தப் படத்தை RJ பாலாஜி, NJ சரவணன் உடன் இணைந்து இயக்கியுள்ளார். இப்படத்தை வேல்ஸ் ஃபிலிம் இண்டர்நேஷனல் பேனரில் ஐசரி கணேஷ் தயாரித்திருக்கிறார். நயன்தாரா முதன்மை பாத்திரத்தில் நடித்திருக்கும் இப்படத்தில் ஊர்வசி, மௌலி, அஜய் கோஷ், ஸ்ருதி வெங்கட், மது, அபிநயா, மனோபாலா, மயில்சாமி உள்ளிட்டோரும் நடித்துள்ளனர்.

இந்தப் படம் டிஸ்னி - ஹாட் ஸ்டார் விஐபி தளத்தில் நவம்பர் 14 தீபாவளி அன்று வெளியாகிறது.

3. அந்தகாரம்
அந்தகாரம்

பட மூலாதாரம், Andhakaram

 
படக்குறிப்பு,

அந்தகாரம்

விக்னராஜன் என்ற அறிமுக இயக்குனரை வைத்து இயக்குனர் அட்லீ தயாரித்திருக்கும் படம் அந்தகாரம். இந்தப் படத்தில் அர்ஜுன் தாஸ் என்பவர் நாயகனாக நடித்திருக்கிறார்.

இந்தப் படத்தின் பணிகள் முடிந்து வெளியீட்டுக்குத் தயாரானபோது கொரோனா அச்சுறுத்தல் தொடங்கியது. இதனால், ஓடிடி தளங்களில் வெளியிடுவதற்கான பேச்சுவார்த்தை தொடங்கி நடைபெற்று வந்தது. பிறகு நெட்ஃப்ளிக்ஸ் தளத்தில் படம் வெளியாவது உறுதியானாலும், எப்போது வெளியாகும் என்பதே தெரியாமல் இருந்தது.

இறுதியாக, நவம்பர் 24ம் தேதி இந்தப் படம் வெளியாகும் என நெட்ஃப்ளிக்ஸ் தளம் அறிவித்துள்ளது. இதனைப் படக்குழுவினரும் தங்களுடைய சமூக வலைதளத்தில் உறுதி செய்துள்ளனர்.

இவை தவிர, டிஸ்னி - ஹாட்ஸ்டாரில் நவம்பர் 9ஆம் தேதி அக்ஷய்குமார் நடித்த லக்ஷ்மி திரைப்படம் வெளியாகிறது. இது தமிழில் ராகவா லாரன்ஸ் நடித்த காஞ்சனா திரைப்படத்தின் ரீ-மேக்.

நவம்பர் 11ஆம் தேதியன்று, பாபி தியோல் நடித்து பிரகாஷ் ஜா இயக்கியிருக்கும் ஆஷ்ரம் வெப்சீரிசின் இரண்டாம் பாகம் எம்எக்ஸ் பிளேயரில் வெளியாகவிருக்கிறது. இந்த வெப்சீரிஸின் முதல் பாகத்திற்கு நல்ல வரவேற்பு கிடைத்திருந்தது.

பணம் கொடுத்து பார்க்கும் வகையில் ZeePlexல் வெளியாகியிருந்த க.பெ. ரணசிங்கம், இப்போது Zee5 ஓடிடி தளத்தில் வெளியாகியுள்ளது

https://www.bbc.com/tamil/arts-and-culture-54839229

தமிழகத்தில் மீண்டும் திறக்கப்படுகின்றன திரையரங்குகள் – வழிகாட்டுதல் நெறிமுறைகளை வெளியிட்டது அரசு!

3 weeks 5 days ago
தமிழகத்தில் மீண்டும் திறக்கப்படுகின்றன திரையரங்குகள் – வழிகாட்டுதல்  நெறிமுறைகளை வெளியிட்டது அரசு! | Athavan News தமிழகத்தில் மீண்டும் திறக்கப்படுகின்றன திரையரங்குகள் – வழிகாட்டுதல் நெறிமுறைகளை வெளியிட்டது அரசு!

தமிழகத்தில் எதிர்வரும் நவம்பவர் 10ஆம் திகதி முதல் திரையரங்குகளை திறக்க மாநில அரசு அனுமதி அளித்துள்ள நிலையில் அதற்கான வழிகாட்டு நெறிமுறைகளை வெளியிட்டுள்ளது.

இதற்கமைய,

* திரையரங்க வளாகத்திற்குள் பொதுமக்கள் கட்டாயம் முககவசம் அணிய வேண்டும்.

* முககவசம் அணியாதவர்களை திரையரங்கினுள் அனுமதிக்கக்கூடாது.

* திரையரங்குகளில் 50 சதவீத இருக்கைகளில் மட்டுமே பொதுமக்கள் அமர்ந்து படம் பார்க்க அனுமதிக்க வேண்டும்

* திரையரங்குக்கு வெளியேயும், பொது இடங்களிலும் குறைந்தபட்சம் 6 அடி இடைவெளியை பின்பற்ற வேண்டும்.

* திரையரங்கின் நுழைவாயிலில் மக்கள், ஊழியர்கள் என அனைவருக்கும் காய்ச்சல் பரிசோதனை செய்ய வேண்டும்

* பொதுமக்கள் தனிமனித இடைவெளியை கடைபிடித்து வரிசையில் வரும் வகையில் குறியீடுகள் போட வேண்டும்.

* திரைப்படத்தின் இடைவேளையின் போது மக்கள் வெளியே வருவதை தவிர்க்க ஊக்குவிக்க வேண்டும்.

* ஒவ்வொரு திரைப்படக் காட்சிக்கும் இடையே போதுமான கால இடைவெளி இருக்க வேண்டும்.

என அந்த அறிக்கையில் கூறப்பட்டுள்ளது.

https://athavannews.com/தமிழகத்தில்-மீண்டும்-திற/

ஏழிசை வேந்தர் எம்.கே.டி.

4 weeks ago
ஏழிசை வேந்தர் எம்.கே.டி. mkt  

தென்னிந்தியாவின் முதல் மக்கள் நாயகன் என்ற பெருமைக்குரியவர் ‘எம்.கே.டி’ என இசை ரசிகர்களால் அழைக்கப்பட்ட எம்.கே.தியாகராஜ பாகவதர். சினிமா என்கிற ஊடகத்தின் வெளிச்சத்தில், தமிழில் உருவான முதல் பிம்பம் அவர். பள்ளிப்பிராயக் காலத்தில் எஸ்.ஜி.கிட்டப்பாவின் நாடகப் பாடல்கள் அவரை வெகுவாகக் கவர்ந்து ஈர்த்ததோடு, ஓர் உந்துசக்தியாகப் பாடத் தூண்ட, தான் இயற்கையாகப் பெற்றிருந்த மதுர கானக் குரலில் பாடத் தொடங்கிவிட்டார்.

‘திருச்சி ரசிக ரஞ்சனி சபா' அரங்கேற்றிய ‘ஹரிச்சந்திரா' நாடகத்தில், லோகிதாசன் கதாபாத்திரத்தை ஏற்றுத் தனது நாடக உலக அரங்கேற்றத்தைச் செய்தபோது, அவருடைய வயது 10. தீவிரமான ஆறு வருட கால கர்னாடக இசைப் பயிற்சிக்குப் பிறகு, எம்.கே.டி.யின் முதல் அரங்கேற்றம் திருச்சி கமலா தெருவிலிருந்த பெரிய காளியம்மன் கோயிலில் நடைபெற்றது. சுமார் 3 மணி நேரம் நடந்தேறிய இக்கச்சேரியின் இறுதியில், அவருக்குப் ‘பாகவதர்' என்கிற பட்டத்தை வழங்குவதாக பிரபல கஞ்சிரா வித்வான் புதுக்கோட்டை தெட்சிணாமூர்த்திப் பிள்ளை அறிவித்தார். அதுவரையில் ‘திருச்சி தியாகராஜன்’ என்றே எல்லோராலும் அழைக்கப்பட்டு வந்த அவர், அன்று முதல் ‘தியாகராஜ பாகவதர்’ என்று அழைக்கப்படலானார்.

 

மேடையிலிருந்து வெள்ளித் திரைக்கு...

1926-ல் ‘பவளக்கொடி' என்கிற நாடகத்தில் கதாநாயகனாக அறிமுகமானார் எம்.கே.டி. எந்தவொரு குறிப்பிட்ட நாடக கம்பெனியோடும் தன்னை இணைத்துக்கொள்ளாததால், எம்.கே.டி.யின் நாடகங்கள் அனைத்தும் ‘ஸ்பெஷல் நாடகங்கள்' என்றழைக்கப்பட்டுத் தனியாக அரங்கேற்றப்பட்டுவந்தன. அவருடைய நாடகங்களுக்கு மக்களிடையே அதிக அளவில் வரவேற்பு இருந்ததால், நாடக கம்பெனிகள் அவரைப் போட்டி போட்டுக்கொண்டு தங்களது பேனரில் நடிக்கவைத்தன. அவருடைய ஒருநாள் ஊதியம் ஐம்பது ரூபாயாக உயர்ந்தது. அந்தக் காலத்தில் எந்தவொரு நாடக நடிகரும் வாங்காத ஊதியம் அது.

எம்.கே.டி. முதல் முறையாக நாடகத்தில் கதாநாயகனாக அறிமுகமான ‘பவளக்கொடி' 1934-ல் திரைப்படமாக எடுக்கப்பட்டது. இப்படத்தைத் தொடர்ந்து,அவர் நடித்து வெளிவந்த ‘நவீன சாரங்கதாரா’, ‘சத்தியசீலன்’, ‘சிந்தாமணி’, ‘அம்பிகாபதி’, ‘திருநீலகண்டர்’, ‘அசோக்குமார்’, ‘சிவகவி’, ‘ஹரிதாஸ்’ ஆகிய ஒன்பது திரைப்படங்கள் பெற்றுத் தந்த பெருவெற்றியைத் தொடர்ந்து, தமிழ்த் திரையுலகின் சூப்பர் ஸ்டாராக வலம்வந்தார். இத்திரைப்படங்களின் வெற்றிக்கு முத்தாய்ப்பாக அவர் பாடிய பாடல்கள் திகழ்ந்தன.

ஒரே ராகம்... வெவ்வேறு பாவம்...

எம்.கே.டி.யினுடைய முதல் இசைத்தட்டின் பெயர் ‘சிவபெருமான் கிருபை'. ஒரே ராகத்தைப் பல்வேறு வகையான உணர்ச்சிப் பாவங்களோடு பாடுகின்ற தனித்தன்மையை அவர் பெற்றிருந்ததற்குக் குறிப்பிட்ட சில பாடல்களை உதாரணமாகச் சொல்லலாம். சற்றே உற்சாகமாக, சந்தோஷமாக சிந்துபைரவியில் ‘வதனமே சந்திர பிம்பமோ' எனப் பாடிவிட்டு, அதே ராகத்தில் சற்றே துக்கமாக ‘பூமியில் மானிட, வன்பசி பிணி' எனப் பாடியுள்ளார். இதே போன்று செஞ்சுருட்டியில் ‘வள்ளலைப் பாடும்' என ஆன்மீகத் தொனியில் பாடிவிட்டு, பிறகு வேறொரு தொனியில் ‘ராதை உனக்குக் கோபம்’ எனக் கவித்துவமாக, ரசனையாகப் பாடியுள்ளார். எம்.கே.டி.யினுடைய ஆன்மீகப் பாடல்களைக் காட்டிலும் அவரது டூயட் பாடல்களே அதிக அளவில் புகழடைந்தன. ‘மாய பிரபஞ்சத்தில்’, ‘சந்திர சூரியர்’, ‘மானே நான்’, ‘உன் அழகை’, ‘வசந்த ருது’ போன்ற டூயட் பாடல்கள் அக்கால ரசிகர்களால் அதிக அளவில் முணுமுணுக்கப்பட்டன.

தமிழ்த் திரையுலகில் பாபநாசம் சிவன் - எம்.கே.டி - ஜி.ராமநாதன் உள்ளிட்ட மூவர் கூட்டணி ஏற்படுத்திய திரைத் துறை வரலாறு முக்கியத்துவமானது. ‘சிதம்பர நாதா’, ‘தீனகருணாகரனே’, ‘கிருஷ்ணா முகுந்தா’, ‘அம்பா மனம் கனிந்து’, ‘மறைவாய் புதைத்து’, ‘உனைக் கண்டு’, ‘சொப்பன வாழ்வில்’, ‘அற்புத லீலைகளை’, ‘ஞானக்கண் ஒன்று’, ‘அன்னையும் தந்தையும்’, ‘மனமே நீ’ போன்ற பாடல்கள் இம்மூவர் கூட்டணியில் உதித்த காலத்தால் அழிக்க முடியாத தெவிட்டாத கானங்கள்.

நிறத்துக்கு ஏற்றாற்போலப் பளபளக்கும் பட்டாடை, தோள்களில் சுருள்சுருளாகப் புரளும் நீண்ட முடி, இரு காதுகளிலும் வைரக் கடுக்கன்கள், கூடவே அவற்றை இடுக்கிக்கொண்டு சிறு வளையங்கள் என ஒருவித கம்பீரத் தோற்றத்தோடு திரையுலகை வலம்வந்த எம்.கே.டி.யினுடைய புகழுக்குக் களங்கம் ஏற்படும்வகையில், லெட்சுமிகாந்தன் வழக்கில் குற்றம்சாட்டப்பட்டு அவர் கைதானார். சிறையிலிருந்த காலகட்டத்தில் வெளியான அவரது படமான ‘ஹரிதாஸ்' சென்னை பிராட்வேயில் மூன்று தீபாவளிகளைக் கடந்து ஓடி, திரைத் துறையில் புதியதொரு வரலாற்றை ஏற்படுத்தியது. 30 மாதங்கள் சிறைவாசத்துக்குப் பிறகு, அவர் அவ்வழக்கிலிருந்து விடுதலைசெய்யப்பட்டார்.

புதுமைப்பித்தனின் வசனம்

பிந்தைய கால மாற்றத்தில் சில திரைப்படங்களைச் சொந்தமாகத் தயாரித்து நடிப்பது என்கிற முடிவுக்கு வந்தவர், ‘ராஜமுக்தி’, ‘புதுவாழ்வு' ஆகிய திரைப்படங்களைத் தயாரித்து நடித்தார். இதில் 'ராஜமுக்தி' படத்துக்கு வசனம் எழுதியவர் புதுமைப்பித்தன். அவரது மறைவுக்குப் பிறகு அப்படத்தின் எஞ்சிய பகுதிகளுக்கு வசனம் எழுதியவர் டி.என்.ராஜப்பா. அப்படத்தின் பாடல்கள் பிரபலமான அளவுக்கு அப்படம் வெற்றிபெறவில்லை. இவ்விரு படங்களைத் தொடர்ந்து ‘அமரகவி’, ‘சியாமளா’, ‘சிவகாமி’ ஆகிய திரைப்படங்களிலும் நடித்தார். இந்தப் படங்கள் அனைத்தும் தோல்வியைத் தழுவ, அதன்மூலம் மிகுந்த பொருளாதார நெருக்கடிக்கு உள்ளானார்.

1954-க்குப் பிறகு திரைப்படங்களில் நடிப்பதை அறவே நிறுத்திக்கொண்டு, தொடர்ந்து கச்சேரிகளில் மட்டுமே பாடிவந்தார் எம்.கே.டி. அவர் காலமாவதற்கு பத்து நாட்களுக்கு முன்பு பொள்ளாச்சியில் கச்சேரியில் பாடினார். அது தன்னுடைய இறுதிக் கச்சேரி என்று அவருக்கு முன்னமே தெரிந்ததோ என்னவோ, அன்றைய கச்சேரி நீண்ட நேரம் நீடித்தது. அவருடைய இசைப் பயணத்தில் அப்படிப்பட்டதொரு கச்சேரியை அந்நாள் வரையில் அவர் செய்திருக்கவில்லை. அக்டோபர் 22, 1959-ல் சென்னை பொது மருத்துவமனையில் சிகிச்சைக்காக அனுமதிக்கப்பட்ட அவர், ஒன்பது நாட்கள் கழித்து, நவம்பர் 1, 1959-ல் காலமானார். இயற்கை எய்துவதற்குச் சில நாட்களுக்கு முன்பு அவர் தன்னைப் பற்றி செய்துகொண்ட சுயவிமர்சனம் இது: ‘என்னைப் போல் வாழ்ந்தவனும் இல்லை; தாழ்ந்தவனும் இல்லை.'

- வேலாயுத முத்துக்குமார்,
தொடர்புக்கு: narpavi2004@yahoo.com

நவம்பர் 1: எம்.கே.டி நினைவு தினம்

https://www.hindutamil.in/news/opinion/columns/597383-mkt-2.html

 

தீபா மேத்தாவின் Funny Boy கனடாவின் சிறந்த பிறமொழிப்படமாக ஒஸ்காருக்கு தெரிவு

4 weeks ago
தீபா மேத்தாவின் Funny Boy கனடாவின் சிறந்த பிறமொழிப்படமாக ஒஸ்காருக்கு தெரிவு பிரபல தமிழ்க் கனடிய எழுத்தாளர் ஷியாம் செல்வதுரையின் நாவலைத் தழுவி எடுக்கப்பட்ட திரைப்படம்

அடுத்த வருடம் நடைபெறவிருக்கும் 93 வது ஒஸ்கார் திரைப்பட விழாவுக்கு கனடாவிலிருந்து செல்லும் சிறந்த பிறநாட்டுப் படமாக, தீபா மேத்தாவின் Funny Boy தெரிவுசெய்யப்பட்டிருக்கிறது.

தீபா மேத்தாவின் Funny Boy கனடாவின் சிறந்த பிறமொழிப்படமாக ஒஸ்காருக்கு தெரிவு 1 தீபா மேத்தா

ஒஸ்கார் விழாவில் போட்டியிடத் தெரிவாகும் சிறந்த சர்வதேச படப் பிரிவில், இது இரண்டாவதாகும். 2007 ல் Water என்ற அவரது படம் ‘சிறந்த பிறமொழிப் படப்’ பிரிவில் போட்டிக்குத் தெரிவாகியிருந்தது. ஆனாலும் அதற்கு விருது கிடைக்கவில்லை.

Telefilm Canada வின் ஆதரவுடன் வெளிவரும் இப்படம் இலங்கையர்களைப் பற்றியும், அங்கு நடந்த போர் பற்றியும், ஒருபாற்சேர்க்கையாளர் தம்மைப் பகிரங்கப்படுத்துவது பற்றியுமான ஒரு படம் என்கிறார் தீபா மேத்தா.

தமிழ்க் கனடியரான ஷியாம் செல்வதுரையின் நாவலான Funny Boy என்ற நாவலைத் தழுவி இப் படம் எடுக்கப்பட்டிருக்கிறது. 1970 – 80 களில் இலங்கையில் நடைபெற்ற தமிழ்-சிங்கள இனப்போர்க் காலத்தில் வளர்ந்த ஒரு தமிழ் ஓரினச்சேர்க்கையாள இளைஞனைச் சுற்றி இக் கதை எழுதப்பட்டிருந்தது. இப் படத்திற்கான வசனங்களை மேதாவும் செல்வதுரையும் இணைந்து எழுதியிருக்கிறார்கள்.

கோவிட் பெருந்தொற்றுக் காலத்தில் தயாரிக்கப்பட்ட படமாகையால் பல இடங்களில் குறுக்கு வழிகளையும் மேற்கொள்ளவேண்டியிருந்தது என்கிறார் தீபா மேத்தா.

இப் படத்தின் உரையாடல் பெரும்பாலும் தமிழிலும், சில ஆங்கிலத்திலும் இருக்கின்றது. டிசம்பர் 4 அன்று CBC யின் Gem சேவை மூலம் பொதுமக்கள் பார்வைக்கு விடப்படுகிறது. அமெரிக்க, பிரித்தானிய, அவுஸ்திரேலிய, நியூசீலந்து ரசிகர்களுக்காக டிசம்பர் 10 அன்று Netflix தளத்திலும், அதற்கு முன்னர் திரையரங்குகளிலும் வெளியிடப்படவிருக்கிறது எனவும் தெரிவிக்கப்படுகிறது.

93 வது ஒஸ்கார் அடுத்த வருடம் ஏப்ரல் 25 இல் நடக்கவிருக்கிறது.

https://marumoli.com/தீபா-மேத்தாவின்-funny-boy-கனடாவி/?fbclid=IwAR23Fl6mCTgcN10a2WAw75jGpatXSWwwC78S-3_mtPfdng5F3Lkwogxs7pQ

100 பேரில் ஒருவருக்கு மட்டுமே புரியும் படம். அதி புத்திசாலிகள் மட்டும் பார்க்கவும் - Riaru Onigokko

1 month ago
100 பேரில் ஒருவருக்கு மட்டுமே புரியும் படம். அதி புத்திசாலிகள் மட்டும் பார்க்கவும் - Riaru Onigokko😁

 

“சூரரைப்போற்று” படத்திற்கு தடையில்லை!

1 month ago
“சூரரைப்போற்று” படத்திற்கு தடையில்லை!

சுதா கொங்கரா இயக்கத்தில் சூர்யா நடித்துள்ள சூரரைப்போற்று படத்திற்கு தடையில்லா சான்று கிடைத்துள்ளதாக படக்குழு அறிவித்துள்ளது.

சுதா கொங்கரா இயக்கத்தில் சூர்யா நடித்துள்ள படம் ‘சூரரைப்போற்று’. இந்தப் படத்தை வருகிற 30ம் தேதி நேரடியாக ஓ.டி.டி தளத்தில் வெளியிட திட்டமிட்டிருந்த போதும் நேற்று முன்தினம் அறிக்கை ஒன்றை வெளியிட்ட சூர்யா, சூரரைப்போற்று படம்  இந்திய விமானப்படை மற்றும் நாட்டின் பாதுகாப்பு தொடர்புடைய கதைக்களத்தை  கொண்டது என்பதால், அவர்களிடம் பல அனுமதிகளை பெற வேண்டி உள்ளதாகவும் இன்னும் சில என்.ஓ.சி. எனப்படும் தடையில்லா சான்றிதழ்களுக்கு ஒப்புதல் பெற வேண்டியுள்ளதால் படம் திட்டமிட்டபடி 30ஆம் திகதி வெளியாகாது என கூறி இருந்தார்.

Soorarai Pottru Movie Stills | Chennaionline

இந்நிலையில், அப்படத்திற்கு விமானப்படை தரப்பில் இருந்து தடையில்லா சான்றிதழ் கிடைத்துவிட்டதாக 2டி என்டர்டெயின்மெண்ட் நிறுவனத்தின் இணை தயாரிப்பாளர் ராஜசேகர பாண்டியன் தெரிவித்துள்ளார். 

அத்துடன் புதிய வெளியீட்டு திகதி மற்றும் முக்கிய விபரங்கள் விரைவில் வெளியாகும் என அவர் கூறியுள்ளார். 

இப்படத்தை தீபாவளி பண்டிகையன்று வெளியிட முடிவு செய்யப்பட்டுள்ளதாக தகவல்கள் வெளியாகியுள்ள நிலையில், நயன் தாராவின் மூக்குத்தி அம்மன் திரைப்படமும் தீபாவளியன்று ஓ.டி.டி தளத்தில் வெளியாக உள்ளமை  குறிப்பிடத்தக்கது

 

https://www.virakesari.lk/article/92894

 

நடிகர் கவுண்டமணி உடல் நலம் குறித்து வதந்தி பரப்பிய யூரியூப் சேனல் மீது காவல்நிலையத்தில் புகார்.!

1 month ago
நடிகர் கவுண்டமணி உடல் நலம் குறித்து வதந்தி பரப்பிய யூரியூப் சேனல் மீது காவல்நிலையத்தில் புகார் ! senthil-goundamani.jpg ஏற்கனவே கடந்த சில மாதங்களுக்கு முன்பாக நடிகர் கவுண்டமணி இறந்துவிட்டதாக தொடர்ந்து வதந்திகள் சமூக வலைதளத்தில் பரவி வந்தன. இந்நிலையில் இன்று

நடிகர் கவுண்டமணி உடல்நலம் குறித்து வதந்தி பரப்பிய யூரியூப் சேனல் மீது நடவடிக்கை எடுக்கக் கோரி அவரது வழக்கறிஞர் காவல்துறையினரிடம் புகார் அளித்துள்ளார்.

தமிழ் சினிமாவின் முக்கிய நகைச்சுவை நடிகர்களில் ஒருவரான கவுண்டமணி உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளதாக தகவல்கள் வெளியாகின. எனினும், தான் நலமுடன் உள்ளதாகவும், இந்த வதந்திகளை யாரும் நம்ப வேண்டாம் எனவும் கவுண்டமணி விளக்கம் அளித்திருந்தார்.

இந்த நிலையில், கவுண்டமணியின் உடல்நலம் குறித்து பொய்ச் செய்தி பரப்பிய யூரியூப் சேனல் மீது நடவடிக்கை எடுக்க கோரி, அவரது வழக்கறிஞர் சசிக்குமார் சென்னை காவல் ஆணையர் அலுவலகத்தில் புகார் மனு அளித்துள்ளார். 

இந்த வதந்தி காரணமாக நடிகர் கவுண்டமணி மன உளைச்சலுக்கு ஆளாகியுள்ளதாகவும் தெரிவித்துள்ள வழக்கறிஞர் சசிகுமார், புதிய படங்களில் கவுண்டமணி நடித்து வருவதால் இதுபோன்ற செய்திகள் பாதிப்பை ஏற்படுத்துவதாக புகார் மனுவில் கூறியுள்ளார்.

ஏற்கனவே கடந்த சில மாதங்களுக்கு முன்பாக நடிகர் கவுண்டமணி இறந்துவிட்டதாக தொடர்ந்து வதந்திகள் சமூக வளைதளத்தில் பரவி வந்தன. அது தொடர்பாக ஏற்கனவே சென்னை காவல் ஆணையர் அலுவலகத்தில் புகார் அளிக்கப்பட்டு நிலுவையில் உள்ள நிலையில், மீண்டும் நடிகர் கவுண்டமணி குறித்து பொய்யான செய்தி வீடியோ காக பரவி வருகிறது. அது குறித்து தற்போது விளக்கம் அளித்துள்ள கவுண்டமணி தீயவர்கள் பரப்பும் வதந்திகளை நம்ப வேண்டாம் என்று தெரிவித்துள்ளார்.

https://tamil.news18.com/news/entertainment/cinema-rumors-on-comedy-actor-goundamanis-health-condition-riz-361613.html

டிஸ்கி  : 

Screenshot-2020-10-24-14-36-06-869-org-m யாருப்பா அது வேலை வெட்டி இல்லாம இருக்குறது .. லைக்ஸ்க்கு அலையினமா ..? 😢

பிரபாகரன் கேரக்டரில் விஜய் சேதுபதி: இயக்குநர் அழைப்பு!

1 month 1 week ago
பிரபாகரன் கேரக்டரில் விஜய் சேதுபதி: இயக்குநர் அழைப்பு!

spacer.png

 

இலங்கை முன்னாள் கிரிக்கெட் வீரர் முத்தையா முரளிதரனின் வாழ்க்கையைப் பேசும் '800' என்ற திரைப்படத்தில், முரளிதரனின் வேடத்தில் நடிகர் விஜய் சேதுபதி நடிக்க இருந்தார். இதுதொடர்பான போஸ்டர்களும் வெளியாகி இருந்த நிலையில், அதற்கு தமிழ் அமைப்புகள் கடும் எதிர்ப்பு தெரிவித்து, விஜய் சேதுபதி அந்தப் படத்திலிருந்து விலக வேண்டுமென கோரிக்கை வைத்தன.

இதனால் விஜய் சேதுபதியின் கலைத் துறை எதிர்காலத்தைக் கருத்தில்கொண்டு அவர் இந்தப் படத்திலிருந்து விலகிக்கொள்ள வேண்டும் என முத்தையா முரளிதரன் கோரிக்கை வைக்க, அதற்கு நன்றி, வணக்கம் என்று சொல்லி விலகலை உறுதிப்படுத்தினார் விஜய் சேதுபதி.

இந்த நிலையில் பிரபாகரனின் வாழ்க்கை வரலாற்றை வெப் தொடராக இயக்க இருப்பதாகவும் அதில் நடிகர் விஜய் சேதுபதியை நடிக்க வைக்கலாம் என்று இருப்பதாகவும் இயக்குநர் ஏ.எம்.ஆர்.ரமேஷ் தெரிவித்துள்ளார். இவர் வீரப்பன் வாழ்க்கை வரலாற்றை 'வன யுத்தம்' என்ற பெயரிலும் ராஜீவ் காந்தி கொலை வழக்கை 'குப்பி' என்ற பெயரிலும் இயக்கி வெளியிட்டவர்.

 

இதுதொடர்பாக அவர், “பிரபாகரன் வாழ்க்கையை வெப் தொடராக எடுக்கிறேன். இதற்கான படப்பிடிப்பு ஜனவரியில் தொடங்கும். பிரபாகரன் கதாபாத்திரத்துக்கு விஜய் சேதுபதி பொருத்தமாக இருப்பார் என்பதால் அவரிடம் பேச்சுவார்த்தை நடத்த முடிவு செய்துள்ளேன்” என்று தெரிவித்துள்ளார்.

மேலும், “பிரபாகரனோடு நெருக்கமாகப் பழகியவர்களுடன் பேசி திரைக்கதையை உருவாக்கி இருக்கிறேன். எனக்கும் பிரபாகரனைச் சந்தித்துப் பேசிய அனுபவம் இருக்கிறது. இலங்கைக்கு ஆறு தடவை சென்று தகவல்களைத் திரட்டி இருக்கிறேன். பிரபாகரன் வாழ்க்கை சம்பவங்கள் முழுவதும் இந்தத் தொடரில் இருக்கும்” என்றும் ரமேஷ் தெரிவித்துள்ளார்.

பிரபாகரன் வாழ்க்கை வரலாற்றில் விஜய் சேதுபதி நடிப்பாரா என்பதைப் பொறுத்திருந்து பார்ப்போம்...

 

https://minnambalam.com/entertainment/2020/10/22/3/prabakaran-biopic-web-series-director-invite-act-vijay-sethupathi

 

 

Checked
Mon, 11/30/2020 - 08:11
வண்ணத் திரை Latest Topics
Subscribe to வண்ணத் திரை feed