• advertisement_alt
  • advertisement_alt
  • advertisement_alt

Leaderboard

  1. நவீனன்

    நவீனன்

    வரையறுக்கப்பட்ட அனுமதி


    • Points

      4

    • Content Count

      85,545


  2. ராஜன் விஷ்வா

    ராஜன் விஷ்வா

    கருத்துக்கள உறவுகள்


    • Points

      4

    • Content Count

      664


  3. Meera Kugan

    Meera Kugan

    கருத்துக்கள உறுப்பினர்கள்


    • Points

      3

    • Content Count

      104


  4. Athavan CH

    Athavan CH

    கருத்துக்கள உறுப்பினர்கள்


    • Points

      2

    • Content Count

      11,326



Popular Content

Showing content with the highest reputation on வெள்ளி 27 நவம்பர் 2015 in all areas

  1. 2 points
    மண்ணானாலும் தமிழீழத்து மண்ணாவேன்! எழுத்து: இ.பு.ஞானப்பிரகாசன் நாள்: 27.11.15 பகுப்பு: அஞ்சலி, இனப்படுகொலை, இனம், ஈழம், கவிதை, தமிழர், தமிழ், விடுதலைப்புலிகள் ‘மண்ணானாலும் திருச்செந்தூரில் மண்ணாவேன்’ எனும் இறையுணர்வுப் பாடலை ஈழத் தமிழுணர்வுப் பாடலாய் மாற்றி இந்த ‘மாவீரர் திருநா’ளில் என் தமிழஞ்சலியாய்ச் சாற்றுகிறேன்! பல்லவி மண்ணானாலும் தமிழீழத்து மண்ணாவேன் - ஒரு மரமானாலும் பதுங்கும் குழிமேல் பனையாவேன் - நான் மண்ணானாலும் தமிழீழத்து மண்ணாவேன் - ஒரு மரமானாலும் பதுங்கும் குழிமேல் பனையாவேன் கல்லானாலும் துயிலும் இல்லக் கல்லாவேன் - கருங் கல்லானாலும் துயிலும் இல்லக் கல்லாவேன் - பசும் புல்லானாலும் கரிகாலன் கை வில்லாவேன் - நான் மண்ணானாலும் தமிழீழத்து மண்ணாவேன் - ஒரு மரமானாலும் பதுங்கும் குழிமேல் பனையாவேன் உருவடி - ௧ பொருளானாலும் விடுதலைக்கே எரிபொருளாவேன் - வெறும் கரியானாலும் தமிழை எழுதத் துணையாவேன் பேச்சானாலும் தமிழர் உரிமைப் பேச்சாவேன் - தமிழ்ப் பேச்சானாலும் தமிழர் உரிமைப் பேச்சாவேன் - விடும் மூச்சானாலும் ஈழத்துக்காய் நான்விடுவேன் - நான் மண்ணானாலும் தமிழீழத்து மண்ணாவேன் - ஒரு மரமானாலும் பதுங்கும் குழிமேல் பனையாவேன் உருவடி - ௨ சொல்லானாலும் மானம் என்னும் சொல்லாவேன் - உதிர் சருகானாலும் தமிழ் மண்ணுக்கே உரமாவேன் துகளானாலும் பகைவர் விழிக்கு வினையாவேன் - தூசித் துகளானாலும் பகைவர் விழிக்கு வினையாவேன் - தனி உயிரானாலும் மீண்டும் நற்றமிழ்ப் பயிராவேன் - நான் மண்ணானாலும் தமிழீழத்து மண்ணாவேன் - ஒரு மரமானாலும் பதுங்கும் குழிமேல் பனையாவேன் சுட்டி: http://agasivapputhamizh.blogspot.com/2015/11/maaveerar-naal-tribute.html
  2. 1 point
    தாயக மீட்பெனும் வேள்வித் தீயில் தம் இன்னுயிரை ஈந்த போராளிகள் அனைவருக்கும் வீரவணக்கம்!
  3. 1 point
    எம் இனத்தின் விடுதலைக்காய் உயிர்நீத்த அனைவருக்கும் வீரவணக்கங்கள் .
  4. 1 point
    நோபல் வின்னர்ஸ்! ஒவ்வோர் ஆண்டும் உலகமே ஆவலுடன் எதிர்பார்க்கும் விருதுகளில் முக்கியமானது, நோபல். இந்த ஆண்டு நோபல் விருது பெற்றவர்கள் பற்றிய ‘நறுக்... சுருக்’ வரிகள்... பொருளாதாரம் அமெரிக்காவின் பிரின்ஸ்டன் பல்கலைக்கழகத்தின் பேராசிரியர் ஆங்கஸ் டீட்டன் (Angus Deaton), ஸ்காட்லாந்தில் பிறந்தவர். மக்கள் நலத் திட்டங்களை வடிவமைப்பதிலும் வறுமையை ஒழிப்பதிலும் பொருட்களை வாங்கும் மக்களின் தன்மை தொடர்புடையதாக இருக்கிறது, என்ற இவரது ஆய்வின் முடிவு, வளர்ச்சியை நோக்கிய பொருளாதாரத் திட்டங்கள் மற்றும் நுண் பொருளாதாரவியல் துறைகளில் பெரும் மாற்றங்களை ஏற்படுத்தி உள்ளன. இலக்கியம் அரை நூற்றாண்டு காலத்துக்குப் பிறகு, புனைவு அல்லாத (Non fiction) எழுத்துக்காக, ‌பெலாரஸ் நாட்டைச் சேர்ந்த பத்திரிகையாளரும் எழுத்தாளருமான ஸ்வெட்லானா அலெக்ஸிவிச் (Svetlana Alexievich) விருது பெற்றிருக்கிறார். போர்க்களங் களில் பெண்கள் மீதான வன்முறை, செர்னோபில் அணு உலை விபத்து, ஆப்கானிஸ்தானில் பழைய சோவியத் யூனியனின் போர் ஆகியன பற்றி இவர் எழுதியிருக்கிறார். நோபல் பரிசு அறிக்கையில், “நம் காலத்தின் துயரங்கள் மற்றும் அவற்றை எதிர்த்த துணிச்சலின் நினைவுச் சின்னமாக ஸ்வெட்லானாவின் எழுத்துகள் உள்ளன” என்று அறிவிக்கப்பட்டுள்ளது. மருத்துவம் ஒட்டுயிரிகள் காரணமாக பல்லாயிரக்கணக்கான மனிதர்கள் பாதிக்கப்படுகின்றனர். தாவரங்கள், விலங்குகளும் பாதிக்கப்படுகின்றன. இப்படிப்பட்ட ஒட்டுயிரிகளால் ஏற்படும் நோய்களில் யானைக்கால் நோய், மலேரியா போன்றவை, பல ஆண்டுகளாக அச்சுறுத்தி வந்தன. சீனாவைச் சேர்ந்த பெண் விஞ்ஞானி, யுயூ டு (Youyou Tu), சித்த வைத்தியம் போன்ற சீனாவின் பாரம்பரிய மூலிகை மருத்துவ முறையில் ‘அர்டமைசினின்’ (Artemisinin) என்ற மருந்தைக் கண்டறிந்தார். மலேரியாவால் இறப்பவர்களின் எண்ணிக்கை வெகுவாகக் குறைந்ததற்கு இந்த மருந்து முக்கியக் காரணம். மருத்துவத்துக்கான நோபல் பரிசைப் பெறும் 12 - வது பெண் யுயூ டு. இவரோடு யானைக்கால் நோய் மற்றும் பார்வைக் குறைபாட்டை ஏற்படுத்தும் உருளைப் புழுக்களைக் கட்டுப்படுத்தும் மருந்தைக் கண்டறிந்த ஜப்பானைச் சேர்ந்த சடோஷி ஓமுரா (Satoshi omura) மற்றும் அயர்லாந்தைச் சேர்ந்த வில்லியம் கேம்பெல் (William Campbell) ஆகியோரும் நோபல் பரிசைப் பெறுகின்றனர். வேதியியல் நம் உடலின் அடிப்படைக் கூறான செல்களைப் பற்றிய முக்கியமான ஆய்வுக்கு, இந்த ஆண்டு வேதியியலுக்கான நோபல் பரிசு வழங்கப்பட்டுள்ளது. கதிர்வீச்சுகள், நோய்கள், புற்றுநோய் போன்றவற்றாலும் சில சமயங்களில் மரபணுக்களின் டி.என்.ஏக்கள் இயல்பாகவே பழுதடைந்துவிடும். நம் உடலின் செல்கள், அவற்றை எவ்வாறு சரிசெய்கின்றன என்பதைப் பற்றிய ஆய்வுக்காக ஸ்வீடனைச் சேர்ந்த, தாமஸ் லிண்டால் (Tomas Lindahl), அமெரிக்காவைச் சேர்ந்த, பால் மாட்ரிச் (Paul Modrich) மற்றும் அஸிஸ் சன்கர் (Aziz Sancar) ஆகியோர் பெறுகின்றனர். இந்த ஆய்வுகள், ஒட்டுமொத்தமாக டி.என்.ஏ பழுதுகளைப் பற்றிய தெளிவான பார்வையை வழங்கியுள்ளன.இதன் மூலம், புற்றுநோய் தொடர்பான சிகிச்சைகளில் முன்னேற்றங்கள் ஏற்படும். இயற்பியல் அடிப்படை அணுத்துகளான நியூட்ரினோ பற்றிய ஆய்வுகளுக்காக, ஜப்பானைச் சேர்ந்த விஞ்ஞானி டகாகி கஜிடா (Takaaki Kajita) மற்றும் கனடா நாட்டைச் சேர்ந்த விஞ்ஞானி ஆர்தர் பி.மெக்டொனால்டு (Arthur B. McDonald) ஆகியோர் இயற்பியலுக்கான நோபல் பரிசைப் பெற்றுள்ளனர். பிற அடிப்படை அணுத்துகள்களைப் போல அல்லாமல், நியூட்ரினோ துகள்களை ஆய்வுச்சூழலில் பிடித்துவைத்து ஆய்வுகளைச் செய்ய முடியாது. பிரபஞ்சத்தில் பயணம் செய்யும் நியூட்ரினோத் துகள்களும், சூரியனில் இருந்து வெளிப்படும் நியூட்ரினோ துகள்களும் பூமியைத் துளைத்துச் செல்லக்கூடியவை. எனவே, அதனுடைய பயணத்திலேயே ஆய்வுசெய்ய வேண்டும். இதற்காக, பல ஆய்வுக் கூடங்கள் உலகின் பல இடங்களில் உள்ளன. ஜப்பான் ஆய்வகத்தை மையமாகக்கொண்டு டகாகி கஜிடாவும், கனடா ஆய்வகத்தை மையமாகக்கொண்டு ஆர்தர் மெக்டொனால்டும் மேற்கொண்ட ஆய்வுகளில் நியூட்ரினோ துகள்கள் அடிப்படைப் பண்புகளில் மாற்றம் பெற்று வேறு வகையான அடையாளங்களைப் பெறுகின்றன என்பதனைக் கண்டறிந்துள்ளனர். அமைதி 2011-ம் ஆண்டு, துனிசியா மக்கள் அனைவரும் அரசுக்கு எதிராகக் கிளர்ந்து எழுந்த மல்லிகைப் புரட்சியின் (Jasmine revolution) முடிவில், துனிசியா நாடே வன்முறைக் காடாக மாறியது. இனி, துனிசியாவில் ராணுவ ஆட்சிதான் நடைபெறும் எனப் பலரும் பயந்தார்கள். இந்த நிலையில் துனிசியா நாட்டின் தொழிலாளர் சங்கம், தொழில்துறைக் கூட்டமைப்பு, மனித உரிமைகள் கழகம் மற்றும் வழக்கறிஞர்கள் குழு ஆகிய நான்கு அமைப்புகளும் ஒருங்கிணைந்து, ‘துனிசியா தேசிய ஆலோசனைக் குழு’வை அமைத்தது. ஆரோக்கியமான ஜனநாயகம் அமைக்கும் முயற்சியில் ஈடுபட்டு, வெற்றியும் பெற்றது. துனிசியா தேசிய ஆலோசனைக் குழுவின் இந்தச் செயல்பாட்டுக்காக, இந்த அமைதிக்கான நோபல் பரிசு அளிக்கப்படுகிறது. http://www.vikatan.com/new/article.php?module=magazine&aid=111989&sid=3411&mid=4&utm_source=facebook&utm_medium=ChuttiVikatan&utm_campaign=6
  5. 1 point
    இன்று கார்த்திகை 27 தாயக மண் மீட்பிற்காக தமது உயிர்களை ஆகுதியாக்கிய அனைத்து சகோதர,சகோதரிகளுக்கும் வீர வணங்கங்கள்!!!
  6. 1 point
    சிக்சர் மன்னன் சுரேஷ் ரெய்னா பற்றி 12 ஹிட்ஸ்! இந்திய கிரிக்கெட் அணியின் அதிரடி மன்னன், ஃபீல்டிங் கில்லி, ஐ.பி.எல் சூரன் ரெய்னாவுக்கு இன்று (27-ம் தேதி) பிறந்த நாள். அவர் பற்றி அவசியம் நாம் தெரிந்து கொள்ள வேண்டிய (?) விஷயங்கள். 1) சுரேஷ் ரெய்னாவுக்கு தினேஷ், நரேஷ், முகேஷ் என மூன்று சகோதரர்களும் ரேணு என ஒரு சகோதரியும் உள்ளனர். 2) வீட்டில் ரெய்னாவின் செல்லப் பெயர் 'சோனு'! 3) 'ரெய்னா உலகின் தலைசிறந்த ஃபீல்டர்களில் மிக முக்கியமானவர்!’ எனப் பாராட்டியிருப்பவர் யார் தெரியுமா... ஜான்டி ரோட்ஸ்! 4) 2010-ல் இலங்கை அணிக்கு எதிரான டெஸ்ட்டில் முதன்முதலாக களமிறங்கி, அறிமுகமான போட்டியிலேயே சதமடித்து அசத்தினார். 5) 2011-ல் இங்கிலாந்துக்கு எதிரான டெஸ்ட் போட்டியில் 29 பந்துகளை எதிர்கொண்டு ரெய்னா டக்-அவுட் ஆனார். இந்திய டெஸ்ட் கிரிக்கெட் வரலாற்றில் இத்தனை பந்துகளை சந்தித்து டக்-அவுட் ஆன வீரர் ரெய்னா தான். 6) இந்திய ஒருநாள் அணிக்கு கேப்டனாக பொறுப்பேற்ற இரண்டாவது இளம் வயது வீரர் ரெய்னா. அப்போது அவருக்கு வயது 23. 8) 2014 வங்கதே சுற்றுப்பயணத்துக்கு ரெய்னா இந்திய ஒரு நாள் அணியின் கேப்டனாக அறிவிக்கப்பட்டார். அத்தொடரை 2-0 என்ற கணக்கில் இந்தியா வென்றது. அந்த தொடரின் இரண்டாவது போட்டியில் இந்திய அணி 104 ரன்களுக்கே ஆல்-அவுட். ஆனால், சளைக்காத ரெய்னா களத்தில் ஒவ்வொரு பந்துக்கும் வியூகம் வகுத்து, ஒவ்வொரு பவுலரிடமிருந்தும் ‘பெஸ்ட் பெர்ஃபார்மன்ஸ்’ கொண்டு வந்து 54 ரன்கள் வித்தியாசத்தில் வெற்றியைக் கொய்தார். 9) 50 ஓவர் உலகக்கோப்பை, டி20 உலகக்கோப்பை, ஐ.பி.எல், சாம்பியன் லீக் என இந்தப் போட்டித் தொடர்கள் அனைத்திலும் சதமடித்த ஒரே இந்திய வீரர் ரெய்னாதான். சர்வதேச டி20 அரங்கில் சதமடித்த முதல் இந்திய வீரரும் கூட! 10) ரெய்னா அவ்வளவு ஃப்ரெண்ட்லி. களத்தில் அரைசதம் அடிக்கும் வீரருக்கு முதல் க்ளாப்ஸ், விசில் கிளம்புவது ரெய்னாவிடமிருந்துதான். 11) ஒரு முறை பாகிஸ்தான் அணியை விமர்சித்து ட்வீட்டி சர்ச்சையில் சிக்கினார் ரெய்னா. பின்னர், "இந்த போஸ்டை என் உறவினர் எனக்கு தெரியாமல் போட்டு விட்டார். நான் ஒரு விளையாட்டு வீரன், யாரையும் மரியாதை குறைவாக நினைக்கமாட்டேன்" என வருந்தி மீண்டும் ட்வீட் செய்தார். இதை நெட்டிசன்கள் #Rainanephew #replacemovietitilewithnephew என கலாய்த்து டிரெண்டாக்கினர். 12) மீருதியா கேங்க்ஸ்டர்ஸ் என்ற பாலிவுட் படத்தில் 'து மிலி சப் மிலா' என்ற பாடல் பாடியிருக்கிறார் ரெய்னா. களத்தில் மட்டுமல்ல, டிரெஸ்ஸிங் ரூமிலும் 'டீம் ஸ்பிரிட்’ தக்க வைப்பதுதான் ரெய்னாவின் மேஜிக்! http://www.vikatan.com/news/sports/55684-sureshrainashits.art
  7. 1 point
    http://www.veeravengaikal.com/index.php/adikatkal/45-lt-shankarsuresh-selvachandran-sathyanathan-kamparmalai-jaffna
  8. 1 point
    அந்த 7 இந்தியப் பெண்கள் யார்? இந்த வருடத்தின் உலகின் சிறந்த 100 முன்னோடி பெண்கள் பட்டியலை வெளியிட்டிருக்கிறது பி.பி.சி. நிறுவனம். சினிமா, அரசியல், அறிவியல், வணிகம், விளையாட்டு என உலகம் முழுக்க சிறந்து விளங்கும் 100 பெண்களில் இந்தியாவைச் சேர்ந்த 7 பெண்கள் தேர்ந்தெடுக்கப்பட்டுள்ளனர். அவர்கள் பற்றிய சின்ன ட்ரெயிலர் இங்கே... 1. ஆஷா போன்ஸ்லே (பாடகி) இந்திய இசையின் எவர்கிரீன் இசைக்குயில் ஆஷாவுக்கு இப்போது வயது 82. இதுவரைக்கும் 1000 படங்களை தாண்டி, 20 மொழிகளை தாண்டி, 1943 முதல் 72 வருடங்களாக இன்னும் ஆஷா போஸ்லேவின் குரல் காற்றில் தவழ்கிறது. இத்தனை வயது ஆனாலும், “நான் சுறா மீன் போல. எப்போதும் சும்மா இருப்பதெல்லாம் எனக்கு பிடிக்கவே பிடிக்காது. நான் கடின உழைப்பாளி என மற்றவர்கள் சொல்வதைத்தான் விரும்புகிறேன். எப்போதும் பிசியாக இருப்பது பிடித்திருக்கிறது. நான் பாடுவதை கேட்க மக்கள் இருக்கின்றனர். நான் பாடுவதை அவர்கள் விரும்புகின்றனர். அவர்கள் அன்பு இருக்கும் வரை எனக்கு ஓய்வு என்பது எல்லாம் கிடையாது” என எனர்ஜி குறையாமல் சிரிக்கிறார் ஆஷா. 2. சானியா மிர்சா (டென்னிஸ் வீராங்கனை) சானியா - ஹிங்கிஸ் என்ற இரண்டு பேர் கூட்டணியின் பரிசு, இந்த வருடம் மட்டும் 9 சர்வதேச பட்டங்கள். இதுவரை 22 போட்டிகளில் தோல்வி முகமே காணாமல் இருக்கும் இந்த ஜோடியின் தற்போதைய டார்கெட் பிரேசில் ஒலிம்பிக். “அடுத்த வருடம் நடக்கும் ஒலிம்பிக் போட்டிகள்தான் எங்களுக்கு பெரிய சவாலாக இருக்கும். அது மட்டும் நடந்து விட்டால் என்னுடைய கனவு நனவாகி விடும்” என்கிறார் சானியா. இப்போது வெற்றிப்புன்னகை வீசும் சானியாவின் கடந்த காலம் எதுவுமே, சர்ச்சைகளின்றி கிடையாது. வாழ்க்கையின் நீண்ட போராட்டங்களுக்கு பின்னரே, தற்போது மகிழ்ச்சியை ருசித்திருக்கிறார். “நான் முதன்முதலில் டென்னிஸ் விளையாடும்போது, யாருமே 'ஒரு ஐதராபாத் பெண், சர்வதேச அளவில் புகழ் பெறுவாள்' என நினைக்கவில்லை. எந்த பெண் குழந்தைகளையும் விளையாட்டில் சாதிக்க அனுமதிக்கவில்லை. ஆனால், இப்போது என்னை போல நிறைய பேர் விளையாட வருகின்றனர். விளையாட்டு கற்றுத் தரும் பாடங்கள்தான் வாழ்க்கையின் பிரச்னைகளை சந்திக்க உதவும். அத்தனை பிரச்னைகளுக்கு பின்னும் இப்போது பக்குவமடைந்த ஒரு பெண்ணாக நான் நிற்பதற்கு விளையாட்டுதான் காரணம்” என சமீபத்தில் கொண்டாடிய 29-வது பிறந்த நாளின் போது நெகிழ்ந்திருந்தார் சானியா. 3. காமினி கௌஷால் (நடிகை) பத்மினி, சரோஜா தேவி போல பாலிவுட்டின் பழம்பெரும் நடிகை காமினி. ஆனால், இவர் இயற்பெயர் உமா காஷ்யப். இயக்குனர் சேட்டா ஆனந்தின் நீச்சா நகர் மூலம் புகழ் பெற்ற காமினி, அந்த படத்தின் கதாபாத்திரத்திற்காக தன்னுடைய பெயரை மாற்றிக் கொண்டார். 1946-ல் வெளியான அந்த படம்தான், கேன்ஸ் திரைப்பட விழாவில் விருது வென்ற முதல் இந்திய திரைப்படம். சிறந்த எழுத்தாளரும் கூட. இவர் எழுதிய குழந்தைகளுக்கான கதைகள் நிறைய பத்திரிகைகளில் வெளியாகின. தூர்தர்ஷன், ஸ்டார் ப்ளஸ் போன்ற சேனல்களின் சீரியல்களிலும் நடித்திருந்தார் காமினி. சிறந்த நடிகைக்கான பிலிம்பேர் விருது, பிலிம்பேர் வாழ் நாள் சாதனையாளர் விருது, கல்பனா சாவ்லா விருது போன்றவை இவர் பெற்ற கௌரவங்கள். 4. ஸ்மிருதி நாக்பால் (தொழிலதிபர்) 25 வயது ஆகும் இவரின் நிறுவனத்தின் பெயர் அடுல்யகலா. கைவினை பொருட்கள் விற்பனை செய்யும் ஸ்மிருதியின் சிறப்பு, இவை அனைத்தும் காது கேளாத கலைஞர்களை கொண்டு, வடிவமைக்கப்படுபவை. “இந்தியா காதுகேளாத மக்கள் அதிகம் உள்ள நாடு. ஆனால், இங்கு அவர்களுக்கு ஏற்ற வசதிகள் அதிகம் இல்லை. நிறைய மனிதர்கள் ஏராளமான கற்பனை வளத்தோடும், திறமையோடும் இருக்கின்றனர். ஆனால், காதுகேளாமை பிரச்னையால் இவை அனைத்தும் யாருக்கும் தெரியாமல் போய் விடுகிறது. அவர்களை கண்டறிந்து, வேலைவாய்ப்பு அளிப்பதன் மூலம், அவர்களின் வாழ்க்கைக்கு அந்த திறமை உதவி செய்கிறது. அந்த பணத்தின் மூலம், நிறைய பேருக்கு உதவ முடிகிறது” என்கிறார் ஸ்மிருதி. http://www.atulyakalaindia.com/ மூலம் இந்த பொருட்களை விற்பனை செய்கிறார் ஸ்மிருதி. 5. மும்தாஜ் ஷாய்க் (சமூக ஆர்வலர்) பெண் குழந்தைகள் மற்றும் பெண்ணுரிமைகளுக்காக குரல் கொடுப்பவர். மும்பையில் ஏழைக்குழந்தைகள் மற்றும் பெண்கள் மீது நடந்த பாலியல் வன்முறைகள், கொடுமைகள் ஆகியவற்றை வெளியுலகிற்கு கொண்டு வந்தவர். அதோடு பல பலாத்கார வழக்குகள், ஒழுங்காக விசாரிக்கப்படாமலோ அல்லது குற்றவாளிகள் தப்பும் போதோ, முறையான விசாரணை தொடங்கி நீதி கிடைக்கும் வரை போராடுபவர். “இந்தியாவில் இன்னும் கணக்கிடலங்கா வீடுகளில் கழிவறைகளே கிடையாது. அதுதான் முதல் தேவை. அது பற்றி குடும்ப ஆண்களும் சரி, பெண்களும் சரி கவலைப்படுவதே கிடையாது. முறையான வளர்ச்சி அங்கிருந்துதான் ஆரம்பமாகும்” என்கிறார் மும்தாஜ். இதற்காக மும்பையில் 35 தொண்டு நிறுவனங்களை ஒன்றிணைத்து, 'right to pee' என்னும் பெயரில் தொடர்ந்து செயல்பட்டு வருகிறார். 6. கனிகா டேக்ரிவால் 20 வயதிலேயே கேன்சர் பாதிப்புக்கு உள்ளான கனிகா, அப்போதுதான் வாழ்க்கையின் அருமையை உணர்ந்து சாதிக்க வேண்டும் என நினைத்துள்ளார். பின்னர் அதில் இருந்து மீண்டு வந்து, தொழில்துவங்க நினைத்தவருக்கு அது அவ்வளவு எளிதில் கைவரவில்லை. பின்னர் இந்தியாவில் தனிநபர் விமானப்பயணம் இல்லையே என நினைத்தவர், JetsetGo என்ற பெயரில் தனி நபர்களுக்கான ஜெட்விமான போக்குவரத்தை இணையம் மூலம் தொடங்கினார். தற்போது இந்த தொழிலில் முன்னணியில் இருக்கிறது இவரது நிறுவனம். “எங்கெல்லாம் நம்மால் முடியாது என நினைக்கிறீர்களோ, அந்த இடங்கள்தான் நமது வெற்றியின் படிக்கட்டுக்கள். முடியாததை எல்லாம், முடித்துக் காட்டுங்கள்” என வார்த்தைகளில் உற்சாகமூட்டுகிறார் கனிகா. 7. ரிம்பி குமாரி (விவசாயி) இத்தனை பெரிய சாதனை பட்டியலில் இடம் பெற்ற ரிம்பி குமாரி ஒரு விவசாயி என்றால் நம்ப முடிகிறதா? ஆம். ராஜஸ்தான் மாநிலத்தை சேர்ந்த ரிம்பி, தனது தந்தையை இழந்த பிறகு, 32 ஏக்கர் நிலத்தை எடுத்து, தனது தங்கை கரம்ஜித் உடன் இணைந்து விவசாயத்தை தொடர்ந்து வருகிறார். அதன் வெற்றியின் பரிசாக, இந்த பட்டியலில் இடம் பிடித்திருக்கிறார். http://www.vikatan.com/news/article.php?aid=55284