Leaderboard

  1. suvy

    suvy

    கருத்துக்கள உறவுகள்


    • Points

      12

    • Content Count

      16,490


  2. நிழலி

    நிழலி

    கருத்துக்கள பொறுப்பாளர்கள்


    • Points

      12

    • Content Count

      12,175


  3. பையன்26

    பையன்26

    கருத்துக்கள உறவுகள்


    • Points

      7

    • Content Count

      7,734


  4. குமாரசாமி

    குமாரசாமி

    கருத்துக்கள உறவுகள்


    • Points

      6

    • Content Count

      27,595



Popular Content

Showing content with the highest reputation on 07/11/2019 in all areas

  1. 10 points
    சென்ற வாரம் எனது மகன் மருமகளின் திருமணம் பாரிஸில் சிறப்பாக நடை பெற்றது என்பதை அன்புறவுகளுக்கு மகிழ்ச்சியுடன் தெரிவித்துக் கொள்கின்றேன். அதனால்தான் இங்கு அதிகம் வர முடியவில்லை.இப்பவும் ஜெர்மனியில் நிற்பதால் ஊர் போனதும் சந்திக்கின்றேன். நன்றி....!
  2. 3 points
    நானும் யோசிச்சனான் தான்...... கறுப்பி ஏற்கனவே என்னிலை கடுப்பிலை இருக்கிறாவு....இதிலை கறுப்பியை கொப்பி பண்ணினால் ......வழக்கு போட்டாலும் போடுவா எண்ட பயம் தான்
  3. 2 points
    மொழித் தொல்லியல் (Linguistic Archeology) என்ற புதிய மொழியியல் துறையின்ஆய்வுகளோடு ஒப்பிட்டுப் பார்க்கிறபோது, உலகில் மொழி தோன்றியகாலத்திலேயே தோன்றிய மொழி தமிழ்மொழி என்பது இன்னும் தெளிவாகிறது. மொழிப் பதிவுகளில் முற்பட்டதாகக் கூறப்படும் பாறை ஓவியஎழுத்துகள், மட்பாண்டக் கிறுக்கல் எழுத்துகள் தமிழ்மொழி எழுத்துகளாகஅடையாளம் கண்டறியப்படுகின்றன. அவற்றிற்கு ஒலிப் பொருத்தம்(PhotonicValue) கொடுத்து மொழிப் பனுவலாக்கம் (Decipherment) செய்யப்படுகின்றன. சிந்துவெளி போன்ற புதையுண்ட நாகரிகங்களில் கிடைக்கும் மொழிசார் தொல்பொருள்களிலிருந்து மீட்டெடுக்கப்படும் சொற்களும்,தொடர்களும் தமிழ்மொழியில் ஒப்பீடு செய்து தமிழாகப் படிக்கப் பெறுகின்றன; அவை தமிழ்மொழிதான் என நிறுவப்படுகின்றன. அதேநேரத்தில், உலக வரலாற்றில் புகழ்பெற்ற பல பேரரசுகளோடு பரவலாக ஆட்சி செய்த பழம்பெரும் மொழிகள் பல, இன்றைக்கு மக்கள்வழக்கிழந்து இருந்த இடம் தெரியாமல் போய்விட்டன. ஆனால், தமிழ்மொழி இன்றும் மக்கள் வழக்கிலும் பயன்பாட்டிலும் வளமாக வாழ்ந்துகொண்டுள்ளது. அதற்குக் காரணம் தமிழ்நாட்டை ஆண்ட அன்றைய தமிழ்ப் பேரரசுகள் கழகம் வைத்து இலக்கியங்களை உருவாக்கியும் தொகுத்தும் தமிழ் வளர்த்துள்ளனர். தொடக்க காலத்தில் கல்வெட்டுகள், செப்பேடுகள், ஓலைச்சுவடிகளில் வாழ்ந்துவந்த தமிழ்,இன்றைய அறிவியல் உலகத்தில் நூல் வடிவிலும், கணிப்பொறியிலும் தன்னைத் தக்கவைத்துள்ளது. ஒருங்குகுறி வழக்குக்கு வந்ததன் விளைவாகத் தொடர்ந்து பதிவுகோல்(Pen drive),இணையம், முகநூல், கீச்சகம்(Twitter),புலனம் (Whatsapp) எனப் பலவற்றின் பயன்பாடுகளிலும் தமிழ்மொழி பயன்படுத்தப்பட்டு உலா வருகிறது.மக்களின் வழக்கிலும் கருத்திலும் பதிவிலும் இடம்பெற்று, இத்தொழில்நுட்பக் காலத்துக்கேற்ற ஏராளமான கலைச்சொற்களின் உருவாக்கத்திற்குத்தகச் சொல்வளத்தைப் பெருக்கிக் கொண்டுள்ள மொழி தமிழ்மொழி.இவ்வாறான தொடர் பயன்பாட்டுடன் உலக மொழிகளிலேயே நீண்ட நிலைத்த வாழ்நாளைப் பெற்றதோர் அரிய மொழியாகத் தமிழ் விளங்குகிறது. அத்தகைய சிறப்பு வாய்ந்த தமிழ்மொழியை மேலும் வளர்க்க தமிழக அரசு முன்வந்துள்ளது. அதன்தொடர்ச்சியாக தமிழ்மொழியில் உள்ள தமிழ்ச்சொற்களுக்கு ஏற்ப அகராதியை வெளியிட்டுள்ளது.இதில் சுமார் 3,45,000 சொற்கள் இணைக்கப்பட்டுள்ளஎ.தமிழ்மொழியைதவிர வேறு எந்த மொழியிலும் இவ்வளவு சொற்கள் இல்லை என்பது விஷேஷமாகும்.இதன் இணையதளம் செல்ல இங்கு கிளிக் செய்யவும். நீங்கள் கிளிக் செய்ததும் உங்களுக்கு கீழ்கண்ட விண்டோ ஓப்பன் ஆகும். இதில் உள்ள தேடுபொறியில நீங்கள் விரும்பும் சொற்களுக்கான தமிழ் மற்றும் ஆங்கில சொற்களை தேட தட்டச்சு செய்யவும். சில நிமிடங்கள் காத்திருப்பிற்கு பின்னர் உங்களுக்கு தமிழ் மற்றும் ஆங்கில சொற்கள் கிடைக்கும். நீங்கள் :தேடிய சொற்களுக்கு ஏற்ப பொருள்தரும் பிற சொற்களையும்,அது இடம்பெற்ற பாடல்வரிகளையும் இதில் இணைத்துள்ளார்கள். சொற்களுக்கான ஆங்கில சொற்களும் இதில் இடம்பெற்றுள்ளது. மேலும் இவர்கள் தமிழ்மொழியில் 35 நூல்களை வெளியிட்டுள்ளார்கள். நூல்களை வாங்கும் முறையையும் விவரித்துள்ளார்கள். இவர்கள் இணையதளம் மூலம் தெரிந்துகொள்ள வசதிஏற்படுத்திஉள்ளார்கள். இவர்களை தொடர்பு கொள்ள தொடர்பு முகவரியையும் வெளியிட்டுள்ளார்கள். 05.07.2019 அன்று முதன்முதலாக தமிழுக்கு என்று இந்த இணையதளத்தினை தமிழக அரசு உருவாக்கியுள்ளது. நாமும் இதனை பயன்படுத்தி தமிழ்மொழியை அறிந்துகொள்வோம். வாழ்கவளமுடன் வேலன். http://velang.blogspot.com/2019/07/blog-post.html?utm_source=feedburner&utm_medium=feed&utm_campaign=Feed%3A+blogspot%2FIZKar+(வேலன்) https://sorkuvai.com/index.html
  4. 2 points
    ஆருக்கெண்டாலும் இந்த அனுபவம் இருக்கோ? சிவப்பு சட்டையை கவனிக்கவும்....
  5. 2 points
    எதையும் தாங்கும் இதயம் இருந்தால் இறுதி வரைக்கும் நிம்மதி சேரும்......!
  6. 2 points
  7. 2 points
  8. 1 point
    மதுபானங்களும் அதன் வகைகளும்... 1. ஜின் (Gin) - ஜூனிப்பர் (Juniper) பழங்கள் எனப்படும் ஊசி இலை காடுகளில் வளரும் சவுக்கு மரங்களிலிருந்து தயாரிக்கப்படும் மது. தோன்றிய ஊர் - நெதர்லாந்து (Netherlands), சுவை - ஊசி இலை மூலிகைகள் 2. வோட்கா (Vodka) - உருளை கிழங்குகள் , பார்லி பயிரிலிருந்து காச்சப்படும் சரக்கு . தோன்றிய ஊர் - ருஷ்யா, சுவை - எரிசாராயம் 3. விஸ்கி (Whisky) - மால்ட் எனப்படும் ஊற வைத்த பார்லியின் முலை பயிரிலிருந்து காச்சப்படும் சரக்கு. தோன்றிய ஊர் - பிரிட்டன் தீவுகள் இதுவே ஸ்காட்லேன்டில் தயாரித்தால் இதன் பெயர் ஸ்காட்ச் (Scotch). அமெரிக்காவாக இருந்தால் இதன் பெயர் போர்பான் (Bourbon) - சுவை - புகையூட்டப்பட்ட மரப்பலகை 4. ரம் (Rum) - கரும்பு சக்கையிலிருந்து காச்சப்படுகிறது. தோன்றிய ஊர் - வெஸ்ட் இண்டீஸ் தீவுகள் . சுவை - கரும்பும் எரிசாய நெடியும் கலந்தது. 5. பிராந்தி (Brandy) - புளித்த திராட்சை பழங்களிலிருந்து காச்சப்படுகிறது. தோன்றிய ஊர் : பிரான்ஸ் 6. சகி (Saki) - அரிசி சாதத்திலிருந்து காச்சப்படுகிறது . தோன்றிய ஊர் - ஜப்பான். சுவை - புளித்த கஞ்சியும் எரிசாராய வாடையும் 7. பியர் ( Beer) - பார்லி பயிரிலிருந்து காச்சப்படும் சரக்கு . தோன்றிய ஊர் - எகிப்து, ஈரான் சுவை - கசப்பும் புளித்த மோரும் கலந்த சுவை 8. திராட்சை இரசம் (Wine) : புளித்த திராட்சை . தோன்றிய ஊர் : இத்தாலி 9. டாஸ்மாக் சரக்குகள் (TASMAC Brands) : எரிசாராயம் (Ethanol) + தண்ணீர் + ஃபேளவர்ஸ் ( flavors) சமூக வலைத்தளத்தில் இருந்து கிடைத்த தகவல்.
  9. 1 point
    என்னப்பா இன்னார்தான் வெல்லுவினமெண்டு ஒரு சாத்திரக்காரர் எப்பவோ சொல்லீட்டாராமே!!!
  10. 1 point
    கிருப‌ன் அண்ணா / பொல்லை குடுத்து அடி வாங்குவ‌து இப்ப‌டி தான் / போட்டியில் ஜெயித்து விட்டு இத‌ எழுதினா பாராட்டி இருக்க‌லாம் , ஆனால் போட்டி தொட‌ங்க‌ முத‌ல் நான் தான் ச‌ண்டிய‌ன் என்ர‌ நினைப்பு , போட்டியில் ந‌ல்லா வாங்கி க‌ட்டினா பிற‌க்கு , இப்ப‌டியான‌ க‌தைக‌ள் வ‌ராது / சும்மா சிரிக்க‌ எழுதினேன் குருப‌ன் அண்ணா /
  11. 1 point
    1 கந்தப்பு 78 2 கறுப்பி 74 3 எப்போதும் தமிழன் 74 4 கிருபன் 73 5 நீர்வேலியான் 72 6 புத்தன் 70 7 வாதவூரான் 67 8 ரஞ்சித் 66 9 கல்யாணி 66 10 காரணிகன் 66 11 அகஸ்தியன் 64 12 ராசவன்னியன் 64 13 தமிழினி 64 14 மருதங்கேணி 64 15 பகலவன் 64 16 வாத்தியார் 64 17 நுணாவிலான் 64 18 எராளன் 62 19 சுவைப்பிரியன் 62 20 ஈழப்பிரியன் 60 21 நந்தன் 60 22 ரதி 60 23 குமாரசாமி 60 24 கோசான் சே 59 25 சுவி 55
  12. 1 point
    கல்வி அறிவு பெற்று சிந்தனைகள் மேம்படும்போது சமூகத்தின் பார்வைகள் மாறலாம். அர்த்தநாரீஸ்வரராக இறையை வழிபடும் சமூகம் மனிதர்களிடம் அதை காண்கையில் கேலி கிண்டல் செய்வது வருந்தத்தக்கது.
  13. 1 point
    ஆத்தாதவன் செயல் July 10, 2019 ஷோபாசக்தி ‘கூத்தாடுவதும் குண்டி நெளிப்பதுவும் ஆத்தாதவன் செயல்’ என்பது யாழ்ப்பாணத்தில் பிரபலமான பழமொழி. கூத்தாடுபவர்களைக் கீழிறக்கி ஏளனமாக மதிப்பிடும் யாழ் சாதியச் சமூகத்தின் குறைப் பார்வையை இப்பழமொழி அறிவிக்கிறது. யாழில் கூத்துகளும் இசை நாடகங்களும் தழைத்தோங்கியிருந்த காலத்தில் மீனவச் சாதியினரும் தலித்துகளுமே இந்தக் கலைகளைப் பரம்பரை பரம்பரையாகப் போற்றிப் பாதுகாத்து வளர்த்து வந்தார்கள் . நான் பால பருவத்திலேயே கூத்துக்காரனாகி விட்டேன். முதற் கூத்து ‘பண்டாரவன்னியன்’. அண்ணாவியார் நாரந்தனை சின்னப்புவின் இயக்கத்தில் தென்மோடிப் பாணியிலமைந்த அந்தக் கூத்தில் எனக்கு ‘காக்கை வன்னியன்’ வேடம். அறிமுகக் காட்சியில் ‘ஈழமாமணி நாடு ஆளும் மன்னவன், ஏழுமா கடல் வானளாவிய தென்னவன்’ எனப் பாடிக்கொண்டே மேடைக்கு வருவேன். கடைசியாக ‘நம்பிக்கையாய் வாரும் பின்னாலே, உம் தம்பியைப் போலவேயெண்ணி நம்பிக்கையாய் வாரும் பின்னாலே’ எனப் பாடியவாறே பண்டாரவன்னியனை நைஸாகக் கூட்டிச்சென்று வெள்ளையரிடம் மாட்டிவிடுவேன். அதன் பின்பு நான் நடித்தவற்றில் ஆகவும் பிரபலமானது விடுதலைப் புலிகள் இயக்கத்தின் முதலாவது வீதி நாடகமான ‘விடுதலைக்காளி’. தாயகத்தில் இருக்கும்வரை இந்தக் கால் ஆடிக்கொண்டுதானிருந்தது. புலம்பெயர்ந்த பின்பு நான் எழுதிய நாடகங்கள் கனடாவிலும் பாரிஸிலும் நடத்தப்பட்டபோதும் எனக்கு நாடகங்களில் நடிக்க வாய்ப்புக் கிடைக்கவில்லை. நான் கடைசியாக மேடை ஏறி ஆடிய வருடம் 1987. ‘கண்ணன் வருவானா’ என்றொரு நாடகம். இந்திய இராணுவம் இலங்கைக்கு வருமா என்ற கருப்பொருளைக் கொண்டது அந்நாடகம். நாடகம் முடிந்து நாங்கள் மேக் – அப்பை தேங்காய் எண்ணை பூசி அழிக்க முன்னமே இந்திய இராணுவம் இலங்கைக்கு வந்தே விட்டது. நான் என் தாய்நிலத்திலிருந்து அவர்களாலேயே வெளியேறினேன். சரியாக முப்பது வருடங்கள் கழித்து மறுபடியும் ஆட அழைப்பு அவுஸ்ரேலியாவிலிருந்து வந்தது. கடந்த செப்டம்பர் மாதம், சிட்னியின் புகழ்பெற்ற ‘ஃபெல்புவார் ‘ நாடகக் கொம்பனி என்னைத் தொலைபேசியில் தொடர்புகொண்டு தங்களுடைய ‘Counting and Cracking’ ஆங்கில நாடகத்தில் நடிக்கச் சம்மதமா எனக் கேட்டார்கள். இல்லையென்ற சொல்லே நம் அகராதியில் இல்லையென்பதால் வாட்ஸ் – அப்பிலேயே ‘யேஸ்..யேஸ்..’ என்று மண்டையை அதிகப்படியாகவே ஆட்டிவிட்டேன். நமக்குத்தான் ஆங்கிலத்தில் ஒரு வசனம் கூடத் தடக்குப்படாமல் பேச வராதே என்றெல்லாம் விபரமாக யோசிக்கத் தலையை, ஆடிய கால் அனுமதிக்கவில்லை. நாடகப் பிரதியை அனுப்பிவைத்தார்கள். ஆங்கிலத்தில் எழுதப்பட்ட நூற்றைம்பது பக்கங்கள். ஒருவழியாக அகராதியின் துணையுடன் உருண்டு புரண்டு ஒரேநாளில் பிரதியைப் படித்து முடித்தேன். அடுத்த கட்டம் ‘ஓடிசன்’ எனப்படும் நடிகர் தேர்வு. அதுவும் வாட்ஸ் – அப்பில்தான் நடந்தது. என்னுடைய ஓட்டை ஆங்கிலத்தைச் செவிமடுத்த இயக்குனர் ஏமனும் நாடகத்தை எழுதிய சக்திதரனும் அந்த ஓட்டையைத் தங்களால் அடைத்துவிட முடியுமென்று நம்பியிருக்க வேண்டும். ஆனால் வேஷப் பொருத்தமோ ஏழு பொருத்தமும் அம்சமாகப் பொருந்தியிருந்தது. 21 வருடங்களாக வெலிகடைச் சிறையில் அடைபட்டுக் கிடக்கும் கைதியின் வேடம். டிசம்பர் மாதம் முதல் தேதி அவுஸ்ரேலியாவில் போய் இறங்கினேன். நான் போவதற்கு ஒரு மாதம் முன்பாகவே நாடக ஒத்திகை ஆரம்பித்து நடந்துகொண்டிருந்தது. பாரிஸில் ‘த லோயல் மேன்’ என்ற படத்தில் நடித்துக்கொண்டிருந்ததால் நான் தாமதமாகப் போக நேர்ந்தது. நாடகத்தில் பதினாறு நடிகர்கள் அய்ம்பது பாத்திரங்களை நடித்தோம். ஒவ்வொரு நடிகரதும் கலாசார – புவியியல் பின்னணிகள் வேறுவேறு. நதி கமல்வீரவும் சாரதாவும் இலங்கையிலிருந்து வந்த சிங்களவர்கள். ராடி அவுஸ்ரேலியாவின் பூர்வகுடியான அபோர்ஜின் பெண். அகிலன் நியூஸிலாந்திலிருந்து வந்த ஈழத் தமிழர். வைஷ்ணவி, ஷிவ், நிக், ஜெய், ராஜ் அவுஸ்ரேலியாவில் வாழும் இந்தியர்கள். மோனிகா பிஜியிலிருந்து வந்தவர். காந்தி மக்கன்ராயரும் மன்றோவும் நீண்ட காலத்திற்கு முன்பே இலங்கையிலிருந்து நீங்கி சிட்னியில் குடியேறிய பறங்கியர்கள். பிரகாஷ் பெல்வாடி இந்தியாவிலிருந்து வந்தவர். சுகன்யா மலேசியாவிலிருந்து வந்தார். ஹஸன் பாலஸ்தீனர். சிட்னியிலிருந்து நாடகம் அடலெய்டுக்கு மாறியபோது, நதி கமல்வீரவும் ஹஸனும் நடிக்க முடியாத நிலை ஏற்பட்டபோது அந்த இடங்களை காளீஸ்வரியும் (சென்னை) அக்கியும் (சைப்பிரஸ் அவுஸ்ரேலியர்) கச்சிதமாக ஈடுசெய்தார்கள். நாடகத்தின் இயக்குனர் அவுஸ்ரேலியாவின் புகழ்பெற்ற நாடகர் ஏமன். நாடகத்தை எழுதியது சக்திதரன். இவர் சுதந்திர இலங்கையின் முதல் தலைமுறை அரசியல்வாதியும் ‘அடங்காத்தமிழர்’ என அடைமொழி பெற்றவருமான சுந்தரலிங்கத்தின் கொள்ளுப் பேரன் என்பது எனக்கு நாடக ஒத்திகையின்போதுதான் தெரிய வந்தது. நாடகம் இரண்டு இடைவேளைகளுடன் மூன்றரை மணிநேரம் நடக்கும். நாடகத்தின் கதையைச் சுருக்கமாக விபரிக்க நினைக்கிறேன். அரங்கில் காலம் முன் பின்னாக நகரும் நாடகம் இது. 1956-ல் இலங்கையில் தனிச் சிங்கள மொழிச் சட்டம் உருவாவதில் தொடங்கி, 1983 இனப்படுகொலை ஊடாக 2004-ல் சிட்னியின் அகதிகள் தடுப்பு முகாமில் கதை முற்றுப் பெறுகிறது. இலங்கையின் அரை நூற்றாண்டு கால வரலாற்றையும் நான்கு தலைமுறைகளின் கதையையும் பேசும் நாடகம் மிக நேரடியாக அரசியலைப் பேசுகிறது. இனப்படுகொலைகள், இலங்கைச் சிறைகளில் வதைக்கப்படும் தமிழர்கள், இலங்கை அரச படைகளின் கொலைபாதகம் ஆகியவற்றைப் பேசும் நாடகம் கூடவே தமிழ் இயக்கங்களின் பயங்கரவாதம், புலம்பெயர்ந்த நாடுகளில் புலிகளிற்காக வேலை செய்பவர்களின் அராஜகங்கள் போன்றவற்றையும் பேசுகிறது. இலங்கைத் தீவில் இன மத வேறுபாடின்றிச் சாதாரண சனங்கள் கலந்தும் மகிழ்ந்தும் வாழ்ந்திருந்த காலத்தை இனவாத அரசியல் எவ்வாறு பிய்த்துப்போட்டது என்பதைச் சித்திரிக்கும் நாடகத்தின் ஆதார மொழியாக கொல்வின் ஆர்.டி. சில்வாவின் புகழ்பெற்ற வாக்கியமிருக்கிறது. இந்த வாக்கியம் நாடகத்தில் திரும்பத் திரும்ப அழுத்தமாக வலியுறுத்தப்படுகிறது: “இரு மொழியென்றால் ஒரு நாடு ஒரு மொழியென்றால் இருநாடு.” நாங்கள் நடிகர்கள் நாடகத்தில் வெறும் நடிகர்களாக மட்டும் இருக்கவில்லை. ஒத்திகையில் நாடகம் வளர வளர நிறைய விவாதித்தோம். எங்கள் கருத்துகளை இயக்குனரோடும் சக்திதரனுடனும் பகிர்ந்துகொண்டோம். தமிழரும் சிங்களவரும் பறங்கியரும் அவரவர் பார்வையோடும் அனுபவங்களோடும் இலங்கையின் இனம் – பண்பாடு – அரசியல் குறித்த பிரச்சினைகளை அணுகிப் பேசினோம். இவ்வாறுதான் நாடகத்தின் இறுதி வடிவம் உருவாயிற்று. ஜனவரி 11ம் தேதி, சிட்னி டவுன் ஹோலில் தொடங்கிய நாடகம் தினசரி காட்சிகளாக பெப்ரவரி 2ம் தேதிவரை 30 காட்சிகள் நடத்தப்பட்டன. அய்நூறு இருக்கைகள் கொண்ட அரங்கில் எல்லாக் காட்சிகளுமே ஹவுஸ்ஃபுல்லாக நடத்தப்பட்டன. அடுத்த மாதம் அடலெய்ட் நகரத்தில் 10 காட்சிகள் நடத்தினோம். அங்கும் அரங்கு நிறைந்தது. பார்வையாளர்களில் முக்கால்வாசிப்பேர்கள் அவுஸ்ரேலியர்கள். சிட்னியிலும் அடெலெய்டிலும் குடியேறியிருக்கும் இலங்கை மக்களும் காட்சிகளிற்கு பெருமளவில் வந்து தங்களுடைய ஆதரவைத் தெரிவித்தார்கள். ஒவ்வொரு காட்சியும் முடிய பார்வையாளர்கள் தங்கள் கருத்துகளை எங்களுடன் பகிர்ந்துகொண்டார்கள். குறிப்பாக அவுஸ்ரேலியர்களிற்கு இலங்கையின் வரலாறும் இன முரண்பாடுகளும் மிகக் குறைந்தளவும் இலங்கையின் கிரிக்கெட் அணி குறித்து நிறையவும் தெரிந்திருந்தன. இந்த நாடகம் இலங்கை இன முரண்பாட்டின் வரலாற்றையும் யுத்தத்தின் பாடுகளையும் அவர்கள் புரிந்துகொள்வதற்கான தொடக்கக் குறுக்குவெட்டுச் சித்திரமாக அமைந்திருக்கிறது என்பது அவர்களது பேச்சிலிருந்து தெரிந்தது. அவுஸ்ரேலியாவில் வாழும் இலங்கை மக்கள் இன – மத வேறுபாடுகளின்றி இந்த நாடகத்திற்குத் தங்கள் ஆதரவை வழங்கினார்கள். சிட்னியில் நடிகர்களில் பலர் இவர்களுடைய வீடுகளிலேயே தங்கியிருந்தோம். தமிழ் – சிங்கள ஊடகங்கள் அனைத்துமே தங்களது நிறைந்த ஆதரவை வழங்கி நாடகம் குறித்த செய்திகளைத் தங்களது ஊடகங்களில் தொடர்ச்சியாகப் பரப்பிக்கொண்டிருந்தார்கள். நாடகத்தில் இலங்கை அரசு மீதும் சிங்களப் பேரினவாதத்தின் மீதும் கூர்மையான விமர்சனங்கள் நிறைந்திருந்தது போலவே மொண்ணைத் தமிழ்த் தேசியவாதம் பேசிய அரசியல் கட்சிகள் மீதும் போராளிகளின் மனிதவுரிமை மீறல்கள் மீதும் விமர்சனங்கள் வைக்கப்பட்டிருந்தன. ஆனால் இந்த விமர்சனங்கள் அனைத்துமே ஒரு தமிழ்க் குடும்பத்தின் நான்கு தலைமுறைகளின் உணர்ச்சிமயமான கதையைச் சொல்வதற்கு ஊடாகவே வெளிப்பட்டன. தமிழ் – சிங்களம் எனக் கன்னை பிரித்து மோதிக்கொள்ளும் புலம் பெயர்ந்த அரசியல் அந்த ஒற்றைக் குடும்பத்தின் கதையால் அரங்கில் தோற்கடிக்கப்பட்டது என்றே நம்புகிறேன். சாதாரண மனிதர்கள் பாடுகளினாலும் வலிகளினாலும் சொரியும் கண்ணீருக்கு முன்னால் இனவாத ஊளைக் கூச்சல்களிற்கு எந்தப் பெறுமதியுமில்லை என்பதை அரங்கிலிருந்த பார்வையாளர்களின் கண்ணீர் நிரூபித்தது. இலங்கையில் சிங்களப் பேரினவாதத்தின் கொடூர முகத்தையும் ஒற்றை ஆட்சியின் வன்முறையையும் தமிழர்கள் மீது நிகழ்த்தப்பட்ட இனப்படுகொலைகளையும், பறிக்கப்பட்ட சிறுபான்மை இனங்களது உரிமைகளையும் குறித்த செய்திகளை அனைத்துலக மக்கள் முன்பு எடுத்துச் செல்வது பாதிக்கப்பட்ட மக்களதும் சனநாயகச் சக்திகளதும் நோக்கமாகவும் பகீரதப் பிரயத்தனமாகவும் இருக்கிறது. ஆனால் அனைத்துலக மக்கள் முன்னே ஒருதலைப்பட்சமாக வைக்கப்படும் எந்தச் செய்தியும் வதந்திக்கு நிகராகவே கருதப்படும். இலங்கையில் பயங்கரவாதத்தையும் மனித உரிமை மீறல்களையும் நிகழ்த்திய – நிகழ்த்திக்கொண்டிருக்கும் அனைத்துத் தரப்பையும் நாம் கண்டித்து நம் பரப்புரையை முன்வைக்கும் போதுதான் அந்தப் பரப்புரை பக்கச் சார்பற்றதாகக் கருதப்பட்டுப் பரிசீலிக்கப்படும். தனிப்பட்ட முறையில் நம் ஆன்மாவிற்கும் அதுவே தார்மீகத் தைரியத்தை வழங்கி நம்மைத் தொடர்ச்சியான இயங்கு நிலையிலும் வைத்திருக்கும். ‘கவுண்டிக் அன்ட் கிராக்கிங்’ நாடகம் அந்த வகையில் முக்கியமானதும் சரியானதுமான நம்முடையை பரப்புரைக் கருவியாக இருக்கிறது. அவுஸ்ரேலியாவில் அரங்கக் கலைகளிற்கு வழங்கப்படும் அதி உயர் விருதான ‘HELPMANN’ விருதுக்கு இந்த வருடம் எட்டுப் பிரிவுகளில் இந்நாடகம் பரிந்துரைக்கப்பட்டிருக்கிறது. Best Male Actor in a Supporting Role பிரிவில் நானும் பரிந்துரைக்கப்பட்டிருக்கிறேன். நாடகம் அடுத்தடுத்த வருடங்களிலும் அவுஸ்ரேலியாவிலும் வேறு நாடுகளிலும் நடத்தப்படயிருக்கிறது. இந்த நாடகத்தை இலங்கைக்குக் கொண்டு செல்ல வேண்டுமென்பது நாடகக் குழுவினரின் கனவு. அது மெய்ப்பட வேண்டும். ஒரு நாடகம் எவ்வளவு தூரத்திற்கு மக்களின் மனதில் சிந்தனையைத் தூண்டும், மாற்றங்களை ஏற்படுத்தும் வல்லமையுடையது? இளமையில் பார்த்த ‘ஹரிச்சந்திரா’ நாடகம் தனது சிந்தனையைத் தூண்டி தன்னைச் சத்தியத்தை நோக்கித் திருப்பியது எனக் காந்தியார் சொன்னதாக நாம் படித்திருக்கிறோம். என். கே. இரகுநாதனின் ‘கந்தன் கருணை’ நாடகமும் குழந்தை மா. சண்முகலிங்கத்தின் ‘மண் சுமந்த மேனியர்’ நாடகமும் மக்களிடையே ஏற்படுத்திய எழுச்சியை நாம் நேரிலேயே கண்டிருக்கிறோம். இலங்கையில் சாதியத்திற்கு எதிரான போராட்டத்தின் வரலாற்றையும் ஈழப் போராட்ட வரலாற்றையும் எழுதும்போது இந்த நாடகங்களைத் தவிர்த்துவிட்டு எழுத முடியாது. நான் இந்தக் கட்டுரையின் ஆரம்பத்தில் குறிப்பிட்ட பழமொழிக்கு இன்னொரு வலுவான கோணமுமுள்ளது. “அதிகாரத்தால் வதைக்கப்படும் எளிய மக்கள், கிண்டல்களையும் கேலிகளையும் நையாண்டிகளையும் அதிகாரத்திற்கு எதிரான தமது வலுவான ஆயுதங்களாகப் பயன்படுத்திக்கொள்வார்கள்” என்பார் பேராசிரியர் ராஜ்கவுதமன். அதிகாரத்தின் முன்னே வெறுங் கையராக ஆற்றாதவர்களாய் கிடப்பவர்களின் எதிர்வினை கலையாகவும் இருக்கும். கூத்தாடுவது ஆற்றாதவன் செயல்! (இம்மாத ‘எதிரொலி’ பத்திரிகையில் வெளியான கட்டுரை) http://www.shobasakthi.com/shobasakthi/2019/07/10/ஆத்தாதவன்-செயல்/
  14. 1 point
    ( புங்கையூர‌ன் ஜ‌யா ) என்ன‌ சொன்னீங்க‌ள் , பைய‌ன் நீங்க‌ள் இன்னும் வ‌ள‌ர‌ வில்லை , அவுஸ்ரேலியா தான் கோப்பையை தூக்கும் என்று ந‌க்க‌லுக்கு மேல‌ நக்க‌ல் அடிச்சீங்க‌ என்னை / அவுஸ்ரேலியா ப‌ந்து வீச்சை இங்லாந் வீர‌ர்க‌ள் அடிச்சு நொருக்குவ‌தை பார்க்க‌ விளையாட்டு 40 ஓவ‌ருக்கையே முடிஞ்சிடும் போல‌ இருக்கு / கோப்பை இந்தியா அவுஸ்ரேலியா தூக்காது என்று யாழில் அதிக‌ம் எழுதின‌து என்றால் அது நான் தான் /
  15. 1 point
    தன் பலமறியா யானை (தமிழர்கள்) கட்டுத்தறியில் (சினிமா, கிரிக்கெட்) சிக்கியுள்ளது.
  16. 1 point
  17. 1 point
  18. 1 point
  19. 1 point
    அதுவும் ஒரு வகையில் நல்லம்தான் நான் வேலை செய்யும் இடத்தில் எல்லோருக்கும் முன்னால் உள்ள டிஸ்பிளே மொனிரர்களிலும், திரும்பும் திசை எங்கும் உள்ள பெரிய ஸ்கீரீன்களிலும் ஸ்போர்ட்ஸ்தான் போகும். இன்று 11 மணியிலிருந்து 3 மணிவரை வேலை யாரும் உருப்படியாகச் செய்தமாதிரி இல்லை. டோனியின் ரண் அவுட் ஆகுமட்டும் நம்பிக்கை போகவில்லை. ஆனால் நியூஸிலாந்தின் பந்துவீச்சும், களத்தடுப்பும் இந்தியாவின் வெற்றி வாய்ப்பை பறித்துவிட்டன என்பது உண்மைதான். நாளை இங்கிலாந்து விளையாடும்போது ஒரு வேலையும் நடக்காது! அவ்வளவு கிரிக்கெட் ரசிகர்கள் உள்ள இடம் இனி எல்லோரும் இங்கிலாந்து உலகக் கிண்ணத்தை வெல்வதையே விரும்புவார்கள்! இந்தியாவை வெளியேற்றிய நியூஸிலாந்துக்கு இங்கிலாந்து அல்லது அவுஸ்திரேலியா செமையாகக் கொடுத்து அனுப்பும்போது நானும் அதைக் கொண்டாடுவேன்
  20. 1 point
    ந‌ல்ல‌ க‌ப்ட‌ன் வில்லிய‌ம்ஸ் , ரென்ச‌ன் ஆகும் ப‌ழ‌க்க‌ம் இல்லை , கோலிய‌ மாதிரி முரைப்ப‌து துள்ளி குதிப்ப‌து இது போன்ர‌ ப‌ழ‌க்க‌ம் நியுசிலாந் க‌ப்ட‌னிட‌ம் இல்லை , பொறுமையை கையாள‌ கூடிய‌ அற்புத‌ வீர‌ன் நியுசிலாந் க‌ப்ட‌ன் /
  21. 1 point
    இவையள் பெங்களூருவில் ஓர் அளவு பரவாயில்லை ரகம் .. இந்திய ரூபாயில் 200க்கு மேல் இருப்பது தமிழ்நாட்டில் பரவாயில்லை ரகம் .. புதுச்சேரியில் ரூபாய் 180 க்கு மேல் இருப்பது அருமையான ரகம் . ரூபாய் 200 மேல் எல்லா ஊர் / மாநிலத்திலும் பரவாயில்லை ரகம் .. அடித்தால் மட்டையாகி .. காலையில் மண்ட வீங்க , கண்கள் சிவக்க , வாயில் நறுமணம் கமிழ ஓபீஸ் போவினம்..
  22. 1 point
    பேய் ஆர‌ம்ப‌த்திலே வெளியில் போகும் , பிசாசு உள்ள‌ வ‌ந்து அடி வாங்கி கொண்டு போகும் என்று போன‌ மாச‌மே சொன்னான் , ( அது இன்று ந‌ட‌ந்து விட்ட‌து ) பேய் சொறில‌ங்கா என்றால் பிசாசு இந்தியா /
  23. 1 point
    இந்திய அணி தோல்வி: இதை விட சந்தோசம் உண்டோ இந்த மண்ணில்....
  24. 1 point
  25. 1 point
    இந்த‌ தேசிக்காய் பிள்ளைக‌ள் மெள‌வுன‌மாய் இருந்து செய்த‌தில் சிறிது கூட‌ நீங்க‌ள் செய்து இருக்க‌ மாட்டீங்க‌ள் / இந்த‌ தேசிக்காய் பிள்ளைக‌ள் என் நேர‌மும் நெருப்பை க‌ட‌க்க‌ கூட‌ த‌யார் , நீங்க‌ள் அதுக்கு த‌யாரா , ஆனால் நீங்க‌ள் பிர‌ச‌ர் குளுசையை போட்டு விட்டு யாழில் வ‌ந்து யாரோ ஒரு முக‌ம் தெரியா ஒருவ‌ர் எழுதின‌ ப‌திவுக்கு ஜ‌ல்ரா அடித்து விட்டு ( இது தான் ந‌டு நிலை என்பீர்க‌ள் ) ந‌ல்ல‌ ஒரு ந‌ட்பு ப‌ல‌ நூறு ந‌ல்ல‌ ந‌ட்பை அறிமுக‌ம் செய்து வைக்கும் / 30வ‌ய‌துக்கு குறைவான‌ தேசிக்காய் பிள்ளைக‌ள் தான் ஒரு சில‌ முதிய‌வ‌ர்க‌ளின் ஆலோச‌னைக‌ளையும் கேட்டு அடுத்த‌ க‌ட்ட‌த்தை நோக்கி ப‌ய‌ணிக்கிறோம் , நாம் ப‌ய‌ணிப்ப‌து த‌மிழீழ‌ம் என்ர‌ இல‌க்கை நோக்கி , எம் ஈழ‌த்து பெண்க‌ளை இழிவு ப‌டுத்தின‌வைக்கு அன்மையில் இருட் அடி விழுந்த‌து , இதை எல்லாம் யார் செய்த‌து இந்த‌ தேசிக்காய் பிள்ளைக‌ள் தான் / இந்த‌ தேசிக்காய் பிள்ளைக‌ளின் ம‌ன‌சில் ப‌ல‌ ம‌ன‌ குமுற‌ல் இருக்கு அத‌ வெளியில் காட்ட‌ முடியாம‌ எம‌க்குள்ளையே வைச்சு இருக்கிறோம் / இந்த‌ தேசிக்காய் பிள்ளைக‌ள் பிற‌ந்து வ‌ள‌ந்த‌ ஊரில் சிங்க‌ள‌வ‌னின் இருப்பிட‌ங்க‌ள் வ‌ருவ‌துக்குள் அத‌ த‌க‌ர்த்து எறிந்து விட்டு தான் க‌ண் மூடுவோம் / புல‌ம் பெய‌ர் நாட்டில் எல்லா வ‌ச‌தியும் இருந்தும் , அழ‌கான‌ காத‌லி , அன்பான‌ உற‌க‌ள் , ந‌ல்ல‌ ந‌ண்ப‌ர்க‌ள் , ப‌ய‌ணிக்க‌ வாக‌ன‌ம் , பொழுதை போக்க‌ ஜ‌ரோப்பாவில் இல்லாத‌ இட‌ம்மா , இவை எல்லாத்தையும் த‌ள்ளி வைத்து விட்டு இந்த‌ தேசிக்காய் பிள்ளைக‌ள் த‌மிழீழ‌ம் என்ர‌ இல‌க்கை நோக்கி ப‌ய‌ணிக்க‌ கார‌ண‌ம் (அந்த‌ மாபெரும் த‌லைவ‌ர் மேல் உள்ள‌ ப‌ற்றால் ) இந்த‌ தேசிக்காய் பிள்ளைக‌ள் அடுத்த‌வேண்ட‌ வீட்டு வாச‌ளில் ஒரு போதும் உண்டிய‌லுட‌ன் போய் நிண்ட‌து இல்லை / எம‌து நாட்டுக்கான‌ ப‌ய‌ண‌த்துக்கு நாம் வேர்வை சிந்தி உழைச்ச‌ காசுக‌ளை வைச்சு தான் பய‌ணிச்சோம் ப‌ய‌ணிப்போம் / இது தான் தேசிக்காய் பிள்ளைக‌ள் செய்த‌ சிறு ப‌ங்கு / யாழில் இந்த‌ தேசிக்காயை ப‌ற்றி ந‌ல்லா தெரிந்த‌ உற‌வுக‌ள் ஜ‌ந்து பேர் இருக்கின‌ம் / அவைக்கு தெரியும் இந்த‌ தேசிக்காய் பைய‌னால் எதை எல்லாம் செய்ய‌ முடியும் என்று /
  26. 1 point
    'பாவநாசம்' திரைப்படத்தில் (கதையில் வரும் கொலை, சிக்கல் போன திரைக்கதைக் கருக்களைத் தவிர்த்துவிடவும்) கமல்ஹாசன் கிட்டத்தட்ட தம் வாழ்வின் ஒவ்வொரு நொடியையும் ரசித்து, அனுபவித்து வாழ்ந்திருப்பார். திரைக்கதை என்பதால் அவ்வாறு அமைத்திருக்க இயலும்தான்; அதிலும், நடிப்பில் யதார்த்தத்தை அற்புதமாகத் தருவதில் கமல் ஒரு பிறவிக் கலைஞன். நம் வாழ்விலும் நாமும் நமக்குக் கிடைத்த அற்புதமான தருணங்களை இவ்வாறு உணர்ந்து, ரசித்து, ருசித்து, பாராட்டி வாழ்ந்தால், இன்னும் எவ்வளவு நன்றாக இருக்கும் என்று நினைக்கவைத்த திரைப்படம். ஒரு சில நாட்கள் தொடர் நினைவில் நின்று, பின் அவ்வப்போது நிழலாடிப் போகும். இப்பதிவை வாசித்தபின், நிஜங்கள், நிழல்களைவிட அற்புதமானவை என்ற உணர்வைத் தந்தன. அட, நம் வாழ்விலும் வந்த எத்தனையோ உறவுகளையும், நிகழ்வுகளையும் அசைபோட வைத்தன உயிர்ப்பான எழுத்துக்கள். வாழும்போது, நமக்காக வாழ்பவர்களை உணர்ந்து, பாராட்டி, உயிர்த்து வாழ்ந்தால் வாழ்வு எத்துணை சொர்க்கம் என்று உணர்த்திய எழுத்துக்கள். வீடுபேற்றைப் பார்க்காதவர்களுக்கு, 'வீடுபேறு என்பது இதைப்போல் இன்பமாக இருக்குமடா' என்று சொல்லும் எழுத்துக்கள்! மனித வாசிப்பு நல்ல படைப்புக்களைத் தரும். தன்னையே வாசித்தால், அற்புதமான, அழகான படிப்பினங்களை சக மனிதர்களுக்கு தர இயலும் என்று சொல்லாமல் சொல்லும் (சோம)சுந்தரமான படைப்பு இது!
  27. 1 point
    ஆங்கில ஊடகங்களில் இப்படங்களை பணம் கொடுத்து வாங்கி வெளியிட்டுள்ளார்கள் என வாசித்தேன். படங்களை எடுத்தது யார் என்று இன்னும் தெரியவில்லை, அவர்களை கண்டுபிடிக்கும் முயற்சியிலும் இறங்கியுள்ளார்களாம் என்றும் கூறப்பட்டுள்ளது. இவற்றில் எவ்வளவு உண்மைத்தன்மை உள்ளது என தெரியாது. இப்பொழுது இப்படியான படங்களை வெளியிடுவது “war on terror” என்பதை மக்கள் மத்தியில் மீளவும் விதைக்கும் அரசியல் நோக்கம் கருதி என நான் நினைக்கிறேன். மட்டு நியானி எனக்குப்பின் வாளுடன் அலைகிறார். அதாலை கொஞ்சம் நிறுத்தி வைக்கப்பட்டிருக்கு.
  28. 1 point
    அபாயா அணிவது நீ அனால் .... அபாயம் மட்டும் எனக்கு
  29. 1 point
    வற்றாப்பளை கண்ணகி வழக்குரை காதை -தீபச்செல்வன் 01 வண்டில் பூட்டி வந்து வயல் வெளியிலிருந்து கோவில் முற்றத்தில் பானை வைத்து பாற்பொங்கலிட்டு விடியும் பொழுதுவரை கடல் நீரில் எரியுமுன் விளக்கின் ஒளியில் முகம் பரப்பியிருக்க ஏழு கன்னியரிலொருத்திபோலான என் தோழி இம்முறையும் திரும்பவில்லை குருதியூறி ஓலங்களால் நிரம்பிய இதேபோலொரு வைகாசியில் அவள் காணாமற் போனதும் இவ்வெளியிற்தான் சுடுமணல்போல் இருதயம் தகித்துக் கிடக்க இருண்ட தாழைமரங்களுக்குள் கேட்கும் ஒற்றைக்குரல்கள் அவள் குறித்தொரு இரகசியமும் சொல்லவில்லை உடைந்த குரலில் ஆயிரம் கண்கள் கசிய தனித்தலைபவனின் காலடிகளைத் தொடரும் நாரைகளும் மௌனம் கலைத்தேதும் பேசவில்லை 02 அன்று உன் முன்னே குழந்தைகளை துரத்திச் சுட்டழித்த ஹெலிகெப்டர்கள் இன்றுன்மீது குருதி மொச்சையடிக்கும் பூக்களை வீசக் கண்டு சிவக்கின்றனவுன் கருங்கண்கள் பண்டார வன்னியன் படைவெல்கையில் கண்களால் நகைத்த வன்னித் தாய் ஓயாத அலைகளில் குதூகலித்தாளெனப் பாடிய இடைச்சிறுவன் தொலைந்ததும் இக்கடலில்தான் நீதிக்காய் மதுரையை எரித்து கோபத்தை தணிக்க நீ வந்துறைந்த வற்றாக் கடலில் நம் பிணங்கள் மிதக்கையில் எப்போதும் நகைக்கும் உன் தாமரை கண்கள் வெகுண்டு துடித்தனவாம் உன் முன் எதிரி எமை கொன்று வீசுகையில் புன்னிச்சை காய்களால் பறங்கித்துரையை துரத்தியபோல் பகைவரைத் துரத்தியிருந்தாலென்ன? உன் முன் எமைநோக்கி எதிரிகள் குண்டெறிந்தபோது கள்வரின் கண்களை மறைத்ததுபோல் பகைவர் கண்களைக் குருடாக்கியிருந்தாலென்ன? நீ மட்டுமே பார்த்திருந்தாய் அடிமையை எதிர்த்தவெம் முதுகுகளை கூனச் செய்தனர் எம் வானத்துச் சூரியனை வீழ்ந்துருகச் செய்தனர் எம் நட்சத்திரங்களைக் கருக்கினர் உன் பூர்வீக ஜனங்களை நாடற்றவர்களாக்கினர் நீ மட்டுமே பார்த்திருந்தாய் கைப்பற்றிய என் குழந்தைகளை யுத்த வெற்றிப் பொருட்களாய் காட்சியப்படுத்தியதை சரணடைந்த என் சனங்களை இன்னொரு தேச அடிமைகளாய் துன்புறுருத்தியதை வெள்ளைக் கொடி ஏந்திய என் போராளிகளின் மார்பில் துப்பாக்கிகளால் துளையிட்டதை மாபெரும் தாகம் நிரம்பிய நம் குரல் உன் முன்பேதான் கரைக்கப்பட்டது மாபெரும் தகிப்போடிருந்த நம் கனவு உன் முன்பேதான் புதைக்கப்பட்டது. உன் தலைவன் கோவலனை கொலை செய்கையில் நீயடைந்த ஆற்றாத் துயரம்போல் பாண்டிய மன்னனை தேடிச்செல்கையில் நீயடைந்த வெஞ்சினம்போல் உன் கணவன் குற்றமற்றவன் என வெகுண்டழுந்து நீ உடைத்தெறிந்த பொற்ச் சிலம்புபோல் நீதிக்காய் ஆவேசத்துடன் கொதித்துச் சிதறிய மாணிக்கப் பரல்கள்போல் புன்னகை கழன்று கண்ணீர் பிரவாகித்து பெருங்கடலானவுன் கண்களைப் போல் பொங்கி வழியுமொரு வைகாசி விசாகப் பொங்கல் போல் ஊதி வெடிக்கின்றன நம் இருதயங்கள் 03 முள்ளிவாய்க்காலெதிரே நந்திக்கடலோரமிருந்து ஆயிரங்கண்களால் யவாற்றையும் பார்த்திருந்த சாட்சியே நீ கண்டிருப்பாய் என் காதலி என்ன ஆனாளென? ஆடுகளுமற்று பாற்புக்கை காய்ச்சி உன் தலையில் பேனெடுக்கும் இடைச் சிறுவர்களுமற்றிருக்கும் நந்திவெளியில் நூற்றாண்டுகளாய்த் தனிமையிருக்குமுன் போல் திரும்பி வராத தோழிக்காய் உழல்கிறேன் நீதிக்காய் வழக்குரைத்து நெடுஞ்செழியனை நடுங்கச்செய்து அநீதியை சாம்பாலாக்கிய நந்திக்கடலரசியே காணமற்போன என் காதல் தோழியை மீட்க முல்லைக் கடல் பட்டின அநீதிச் சபைக்கு வந்தொரு வழக்குரைப்பாயா? -தீபச்செல்வன் பண்டார வன்னியன்: வெள்ளையருக்கு எதிராக போரிட்ட வன்னி அரசன். ஓயாத அலைகள்: இலங்கை இராணுவத்தை தோற்கடித்து முல்லைத்தீவை கைபற்றிய விடுதலைப் புலிகளின் இராணுவ நடவடிக்கை.வற்றாப்பளை: மதுரையை எரித்த பின்னர் கண்ணகி ஈழத்தில் வன்னியில் வந்து இறுதியாக தங்கிய ஊராக நம்பப்படுகிறது. இது ஈழ இறுதி யுத்தம் நடந்த முல்லைத்தீவு மாவட்டத்தின் முள்ளிவாய்கால் அருகிலும் நந்திக்கடல் வெளியிலும் உள்ளது. #வற்றாப்பளைகண்ணகி #வழக்குரைகாதை #தீபச்செல்வன் #இறுதியுத்தம் #முள்ளிவாய்கால் #நந்திக்கடல் http://globaltamilnews.net/2019/122265/