Leaderboard


Popular Content

Showing content with the highest reputation on 07/13/2019 in all areas

  1. 4 points
    மொழித் தொல்லியல் (Linguistic Archeology) என்ற புதிய மொழியியல் துறையின்ஆய்வுகளோடு ஒப்பிட்டுப் பார்க்கிறபோது, உலகில் மொழி தோன்றியகாலத்திலேயே தோன்றிய மொழி தமிழ்மொழி என்பது இன்னும் தெளிவாகிறது. மொழிப் பதிவுகளில் முற்பட்டதாகக் கூறப்படும் பாறை ஓவியஎழுத்துகள், மட்பாண்டக் கிறுக்கல் எழுத்துகள் தமிழ்மொழி எழுத்துகளாகஅடையாளம் கண்டறியப்படுகின்றன. அவற்றிற்கு ஒலிப் பொருத்தம்(PhotonicValue) கொடுத்து மொழிப் பனுவலாக்கம் (Decipherment) செய்யப்படுகின்றன. சிந்துவெளி போன்ற புதையுண்ட நாகரிகங்களில் கிடைக்கும் மொழிசார் தொல்பொருள்களிலிருந்து மீட்டெடுக்கப்படும் சொற்களும்,தொடர்களும் தமிழ்மொழியில் ஒப்பீடு செய்து தமிழாகப் படிக்கப் பெறுகின்றன; அவை தமிழ்மொழிதான் என நிறுவப்படுகின்றன. அதேநேரத்தில், உலக வரலாற்றில் புகழ்பெற்ற பல பேரரசுகளோடு பரவலாக ஆட்சி செய்த பழம்பெரும் மொழிகள் பல, இன்றைக்கு மக்கள்வழக்கிழந்து இருந்த இடம் தெரியாமல் போய்விட்டன. ஆனால், தமிழ்மொழி இன்றும் மக்கள் வழக்கிலும் பயன்பாட்டிலும் வளமாக வாழ்ந்துகொண்டுள்ளது. அதற்குக் காரணம் தமிழ்நாட்டை ஆண்ட அன்றைய தமிழ்ப் பேரரசுகள் கழகம் வைத்து இலக்கியங்களை உருவாக்கியும் தொகுத்தும் தமிழ் வளர்த்துள்ளனர். தொடக்க காலத்தில் கல்வெட்டுகள், செப்பேடுகள், ஓலைச்சுவடிகளில் வாழ்ந்துவந்த தமிழ்,இன்றைய அறிவியல் உலகத்தில் நூல் வடிவிலும், கணிப்பொறியிலும் தன்னைத் தக்கவைத்துள்ளது. ஒருங்குகுறி வழக்குக்கு வந்ததன் விளைவாகத் தொடர்ந்து பதிவுகோல்(Pen drive),இணையம், முகநூல், கீச்சகம்(Twitter),புலனம் (Whatsapp) எனப் பலவற்றின் பயன்பாடுகளிலும் தமிழ்மொழி பயன்படுத்தப்பட்டு உலா வருகிறது.மக்களின் வழக்கிலும் கருத்திலும் பதிவிலும் இடம்பெற்று, இத்தொழில்நுட்பக் காலத்துக்கேற்ற ஏராளமான கலைச்சொற்களின் உருவாக்கத்திற்குத்தகச் சொல்வளத்தைப் பெருக்கிக் கொண்டுள்ள மொழி தமிழ்மொழி.இவ்வாறான தொடர் பயன்பாட்டுடன் உலக மொழிகளிலேயே நீண்ட நிலைத்த வாழ்நாளைப் பெற்றதோர் அரிய மொழியாகத் தமிழ் விளங்குகிறது. அத்தகைய சிறப்பு வாய்ந்த தமிழ்மொழியை மேலும் வளர்க்க தமிழக அரசு முன்வந்துள்ளது. அதன்தொடர்ச்சியாக தமிழ்மொழியில் உள்ள தமிழ்ச்சொற்களுக்கு ஏற்ப அகராதியை வெளியிட்டுள்ளது.இதில் சுமார் 3,45,000 சொற்கள் இணைக்கப்பட்டுள்ளஎ.தமிழ்மொழியைதவிர வேறு எந்த மொழியிலும் இவ்வளவு சொற்கள் இல்லை என்பது விஷேஷமாகும்.இதன் இணையதளம் செல்ல இங்கு கிளிக் செய்யவும். நீங்கள் கிளிக் செய்ததும் உங்களுக்கு கீழ்கண்ட விண்டோ ஓப்பன் ஆகும். இதில் உள்ள தேடுபொறியில நீங்கள் விரும்பும் சொற்களுக்கான தமிழ் மற்றும் ஆங்கில சொற்களை தேட தட்டச்சு செய்யவும். சில நிமிடங்கள் காத்திருப்பிற்கு பின்னர் உங்களுக்கு தமிழ் மற்றும் ஆங்கில சொற்கள் கிடைக்கும். நீங்கள் :தேடிய சொற்களுக்கு ஏற்ப பொருள்தரும் பிற சொற்களையும்,அது இடம்பெற்ற பாடல்வரிகளையும் இதில் இணைத்துள்ளார்கள். சொற்களுக்கான ஆங்கில சொற்களும் இதில் இடம்பெற்றுள்ளது. மேலும் இவர்கள் தமிழ்மொழியில் 35 நூல்களை வெளியிட்டுள்ளார்கள். நூல்களை வாங்கும் முறையையும் விவரித்துள்ளார்கள். இவர்கள் இணையதளம் மூலம் தெரிந்துகொள்ள வசதிஏற்படுத்திஉள்ளார்கள். இவர்களை தொடர்பு கொள்ள தொடர்பு முகவரியையும் வெளியிட்டுள்ளார்கள். 05.07.2019 அன்று முதன்முதலாக தமிழுக்கு என்று இந்த இணையதளத்தினை தமிழக அரசு உருவாக்கியுள்ளது. நாமும் இதனை பயன்படுத்தி தமிழ்மொழியை அறிந்துகொள்வோம். வாழ்கவளமுடன் வேலன். http://velang.blogspot.com/2019/07/blog-post.html?utm_source=feedburner&utm_medium=feed&utm_campaign=Feed%3A+blogspot%2FIZKar+(வேலன்) https://sorkuvai.com/index.html
  2. 3 points
    அவரைப் பற்றி எழுத்தாளர் சுஜாதா கூறியது, ''நா.முத்துக்குமாரை சினிமா விழுங்கிவிடாமல் இருக்க ஸ்ரீரங்கநாதரைப் பிரார்த்திக்கிறேன்''என்கிற வரிகளே அவரின் சாதனைக்குக் கிடைத்த மிகப்பெரிய பரிசாக கருதுகிறேன். ____ "நீர்த்துளி தீண்டினால் நீ தொடும் ஞாபகம் நீ தொட்ட இடமெல்லாம் வீணையின் தேன் ஸ்வரம் ஆயிரம் அருவியாய் அன்பிலே அணைக்கிறாய் மேகம் போல எனக்குள்ளே மோகம் வளர்த்து கலைக்கிறாய்!‘’ _______ ‘’ தெய்வங்கள் எல்லாம் தோற்றே போகும் தந்தை அன்பின் முன்னே தாலாட்டு பாடும் தாயின் அன்பும் தந்தை அன்பின் பின்னே! தகப்பனின் கண்ணீரை கண்டோர் இல்லை தந்தை சொல் மிக்க மந்திரம் இல்லை என் உயிரணுவின் வரம் உன் உயிரல்லவா மண்ணில் வந்த நான் உன் நகலல்லவா காயங்கள் கண்ட பின்பே உன்னை கண்டேன்!" ______ "சிறு புல்லில் உறங்கும் பனியில் தெரியும் மழையின் அழகோ தாங்கவில்லை! உந்தன் கைகள் பிடித்து போகும் வழி அது போதவில்லை இன்னும் வேண்டுமடி! அடி கோயில் எதற்கு? தெய்வங்கள் எதற்கு? உனது புன்னகை போதுமடி உன் முகம் பார்த்தால் தோணுதடி வானத்து நிலவு சின்னதடி மேகத்தில் மறைந்தே பார்க்குதடி உன்னிடம் வெளிச்சம் கேட்க்குதடி அதை கையில் பிடித்து ஆறுதல் உரைத்து வீட்டுக்கு அனுப்பு நல்லபடி!" _____ நாள் 14.8.2016 - தமிழ்த் திரையுலகிற்கு மட்டுமல்ல, தமிழ் இலக்கிய உலகிற்கும் ஒரு துக்கமான நாள். ஆனந்த யாழை மீட்டியவனும், எல்லாமே அழகுதான் என்று சிலாகித்துக் கொண்ட தமிழ்த் திரைப்பட பாடலாசிரியர் நா. முத்துகுமார் இன்று நம்முடன் இல்லை. ஒரு நல்ல படைப்பாற்றல் மிக்க கவிஞனை நாம் இழந்து நிற்கிறோம். [மேற்குறிப்பிட்டுள்ளவைகள் எனது வலைப்பூவில் அவர் மறைவிற்குப் பின் எழுதியது].
  3. 2 points
    முதுமையும் மறதியும் நினைவு நினைவு மறந்து விட்டது நினைக்காமல் இருக்கவும் முடியவில்லை . அம்மாவின் மறதி என் பிறந்த தினத்தில் எப்பவும் மறக்காமல் வந்து வாழ்த்து சொல்லும் அம்மா இன்று எப்படி மறந்தாளோ . முதுமை வயது திண்டு கொண்டு இருக்கிறது என்னை மறந்து போகிறேன் என்னை என்ன செய்ய . கனவுகள் என் கனவுகளை சட்டமாக்கி கொள்ள அரசிடம் அப்பீல் கொடுத்து இருக்கிறேன் . மறதி மறதி மட்டும் மறக்காமல் இருக்கிறது மற்ரவை எல்லாம் மறந்து விட்டது . மறந்து போகிலேன் எல்லா என் நினைவுகளும் மறந்தே போகிலும் உந்தன் நினைவை மட்டும் மறக்காது இருக்கச் செய்வாய் தாயே . வெள்ளை மயிர் வெள்ளை மயிர் ஒன்று காட்டிக்கொடுக்கிறது காலவதியாகும் திகதியை . பா .உதயகுமார்
  4. 2 points
    அவர் இறந்து வருடங்கள் கடந்துவிட்ட நிலையிலும் இன்னமும் அவர் எழுதிய பாடல்களைக் கொண்ட பல படங்கள் திரைக்கு வரக் காத்துக்கொண்டிருக்கின்றன. அதில், சில பெரிய இயக்குநர்கள் படங்களும் அடக்கம். கலைஞனுக்கு அவன் மரணம் முடிவல்ல என்பதையும் சொல்லிவிட்டுச் சென்றிருக்கிறார், நா.முத்துக்குமார்! பாடல்களை ரசிப்பதில் இரண்டு வகைகள் உண்டு. குழந்தைப் பருவத்தில் பெரும்பாலும் இசையில் மூழ்குவதே ரசனையின் வடிவமாக இருக்கும். முதிர்ச்சியை நோக்கி வாழ்க்கை நகர நகர இசையைக் காட்டிலும் வரிகளே நமக்கான தேடலாக மாறும். காதல், அன்பு, ஏக்கம், பிரிவு, நட்பு, வலி, ஊக்கம், தேவை, வெற்றி, தோல்வி என வாழ்வின் எந்த ஒரு நிலைக்கும், சூழலுக்கும் ஒரு பாடல் நம்முடைய மனதில் தொடர்புபடுகிறதென்றால், அது பெரும்பாலும் அதன் வரிகளால்தான் சாத்தியப்படும். எனக்கு, தனிப்பட்ட முறையிலும் வரிகளே பலமுறை பல பாடல்களை மீண்டும் கேட்பதற்கான காரணமாகவும் இருந்துவருகின்றன. தமிழ் திரையுலகம் கண்ணதாசனை இழந்து, தமிழுக்காக சில காலம் ஏங்கித் தவித்துக்கொண்டிருந்தது. வாலி, வைரமுத்து போன்ற பெருங்கவிஞர்கள் தங்களால் இயன்ற அளவு இசையைத் தங்கள் மொழியால் அலங்கரித்து வந்தனர். அவர்கள் வழிவந்த பல பாடலாசிரியர்களும் மொழியில் சமரசம் செய்யாமல் மெட்டுக்குத் தமிழ் சேர்த்தனர். என்றாலும், கண்ணதாசன் விட்டுச்சென்ற இடைவெளி நீண்ட காலத்துக்கு நிரப்பப்படாமலேயே இருந்தது. இலக்கண ஒழுக்கம், மரபுசார் பாவீச்சு, சங்க இலக்கியங்களின் தாக்கம் எனக் கண்ணதாசன் பாடல்களில் காணப்பட்ட தமிழ் மொழி நுணுக்கங்கள், திரையிசையில் பல காலத்துக்கு இல்லாமலேயே போனது. அப்படிப்பட்ட காலகட்டத்தில்தான், இருபதாம் நூற்றாண்டின் இறுதி ஆண்டான 1999-ல் 'வீரநடை' படம் மூலமாக அறிமுகமாகி, அடுத்து வரவிருந்த 21-ஆம் நூற்றாண்டின் பெரும்பகுதியைத் தன் மொழியால் ஆட்சி செய்ய திரையுலகத்துக்குள் காலடி எடுத்துவைத்தார், நா.முத்துக்குமார். ஒரு பாடலாசிரியருக்கு இத்தனை பெரும் புகழாரம் தேவைதானா என்றால், முத்துக்குமாருக்குக் கண்டிப்பாக தேவைதான் என்பதே என் பதிலாக இருக்கும். அப்படி என்னதான் அவர் செய்துவிட்டார் என்று கேட்பீர்களானால், இதோ உங்களுக்காக சில குறிப்புகள். காதல் பாடல் என்றால், அதிலும் காதலியை வர்ணிக்கும் பாடல் என்றால், சங்க இலக்கியம் தொட்டு இன்று வரை அதில் இன்பச் சுவையும், காமச் சுவையும் மிகுதியாகவே இருக்கும். இயற்கையின் அங்கங்களான மலை, வனம், கடல், மழை எனப் பெருங்காட்சிகள் தொடங்கி, பூ, புல் வரை, அனைத்து உவமைகளையும் 2000 ஆண்டுகளாக புலவர்களும், பாடலாசிரியர்களும் பயன்படுத்தித் தீர்த்துவிட்டு, அடுத்தபடியாக பெண்களைப் பொருள்படுத்தி (objectify), தமிழ் திரையிசை மூலமாக கொச்சைபடுத்திக் கொண்டிருந்த காலகட்டத்தில்தான் 'மெல்லினம் மார்பில் கண்டேன்... வல்லினம் விழியில் கண்டேன்... இடையினம் தேடியில்லை என்பேன்' என காதலியைத் தமிழ்படுத்தினார் முத்துக்குமார். அவருடைய வருகைக்குப் பிறகு தமிழ் திரையிசையில் வரிகளுக்கான முகாமைத்துவம் மேலும் அதிகரித்தது. கார்த்திக் நேத்தா, விவேக் என அவரைத் தொடர்ந்து வந்த பல புதிய பாடலாசிரியர்களும், நா.முத்துக்குமார் சினிமாவில் ஏற்படுத்திய மொழிப்புரட்சியின் விளைவாக பல நல்ல பாடல்களை எழுதி வருகின்றனர் என்றே சொல்லலாம். பொதுவாக, ஒரு பாடலாசிரியருக்கென ஒரு தனி இயல்பிருக்கும். இதை அவர்களின் கம்ஃபோர்ட் ஜோன் (Comfort Zone) என்று கூறுவார்கள். குத்துப்பாடலா இவரைக் கூப்பிடுங்கள், சோகப் பாடலா அவரைக் கூப்பிடுங்கள், தத்துவப்பாடல் அவருக்கு எழுத வராது, இவர் காதல் பாடல் எழுதுவதில் வல்லவர்... என பாடலாசிரியர்களை வகைப்படுத்தி வைத்திருப்பார்கள், இயக்குநர்கள். ஆனால், நா.முத்துக்குமாருக்கு கம்ஃபோர்ட் ஜோன் என்ற ஒன்றே இல்லை எனும் அளவுக்கு எல்லா வகைப் பாடலிலும் கைத்தேர்ந்தவராக இருந்தார். 'மின்சாரக் கம்பிகள் மீது... மைனாக்கள் கூடு கட்டும்... நம் காதல் தடைகளைத் தாண்டும்' என் ஒரு சோகப் பாடலில் அவர் கடைபிடித்த எளிமையை, மொழி ஒழுக்கத்தை, 'கட்டையில போகும்போதும் காசுவேணும்... கல்லறையில் தூங்கும்போதும் காசுவேணும்...' என ஒரு குத்துப்பாடலிலும் காட்டியவர். இப்படி இன்னும் பல சான்றுகளைக் குவிக்கலாம். பாடல் எழுதுபவர்கள் புகழுக்கு ஆசைப்படுபவர்கள், அடைமொழிக்கு ஏங்குபவர்கள், கர்வம் பிடித்தவர்கள், ஆடம்பர விரும்பிகள் எனப் பல பொதுப்படையான கருத்துகள் பெரும்பான்மைச் சமூகத்தால் நம்பப்பட்டுக்கொண்டிருந்த வேளையில், அழுக்குப் படிந்த, வெளுத்த கட்டம்போட்ட சட்டையுடன் ஒலிப்பதிவுக் கூடங்களுக்கும், மேடை நிகழ்ச்சிகளுக்கும் வந்து தன் தமிழையும், திறமையையும் மட்டுமே முன்னிலைப்படுத்த நினைத்தவர், முத்துக்குமார். "இப்போ எல்லாம் என்ன பாட்டா எழுதுறாங்க" எனக் கேட்கும் இரண்டு மூன்று தலைமுறைக்கு முந்தயவர்கள்கூட நா.முத்துக்குமாரின் சில பாடல்களைத் தங்களை அறியாமல் முனுமுனுப்பார்கள். அம்மாக்களுக்கு மட்டுமே காப்புரிமை தரப்பட்டு, அவர்களால் மட்டுமே உரிமை கொண்டாடப்பட்டது, தாலாட்டு. அந்த உரிமையைத் தன் பாடல்கள் மூலமாக பெற்றுத் தந்தவர் நா.முத்துக்குமார். 'ஆனந்த யாழை', 'ஆரிரோ ஆராரிரோ', 'அழகு குட்டி செல்லம்' என அவர் எழுதிய தந்தையின் தாலாட்டுக்களே ஒரு தனி பிளே-லிஸ்ட் ஆக்கலாம். அதில்தான் பெருவாரியான நடுத்தர வயதுக்கார ஆண்கள் இந்தக் காலப் பாடலுக்கு அடிமையானார்கள். அந்தத் தலைமுறையைச் சார்ந்த பெண்களுக்கு 'ஒரு பாதி கதவு நீயடி... மறுபாதி கதவு நானடி', 'சற்று முன்பு பார்த்த நேரம் மாறிப்போக' என வேறு வகையான பிளே-லிஸ்ட்டைத் தந்து தன் வரிகளுக்குத் தனி பெண் ரசிகர் கூட்டத்தை உருவாக்கிக்கொண்டார். ஒரு கவிஞனின் தலையாயப் பண்புகளில் ஒன்று எனக் குறிப்பிட்டால், தனது உவமைகளைக் கண்டறிவதுதான். நினைவு தெரிந்த நாளிலிருந்து தான் கடந்துவந்த நிகழ்வுகள், வளர்ந்த சூழல், கொண்ட காதல், உறவாடிய மனிதர்கள் எனத் தன் மொத்த அனுபவத்திலிருந்துதான் ஒவ்வொரு கவிஞரும் தன்னுடைய உவமைகளைத் தேடிக்கொள்கிறார்கள். அப்படி, தான் காணும் எல்லாவற்றையும் உவமையாக்குவதில் வல்லவர் நா.முத்துக்குமார். உதாரணமாக, 'மதராசப்பட்டினம்' படத்தின் 'பூக்கள் பூக்கும் தருணம்' பாடல் வரிகளைச் சொல்லலாம். ஒருமுறை நா.முத்துக்குமார் இயக்குநர் விஜய்யுடன் இணைந்து அந்தப் பாடலை எழுதக் காரில் சென்றுகொண்டிருக்கும்போது, வழியில் கண்ட ஒரு காட்சி. ஒரு மரத்தின் கிளையில் அமர்ந்திருந்த பறவை ஒன்று கிளையைவிட்டுத் தாவி, காற்றில் பறந்த பிறகு அந்தக் கிளை சிறிது காலத்துக்கு ஆடிக்கொண்டிருந்தது. அவர் எழுத இருந்த பாடலின் சூழலில், காதலனும் காதலியும் நாள் முழுக்கப் பேசி பேசி நடந்துகொண்டே இருந்தாலும், அவர்கள் பேச்சு தீர்ந்தபாடில்லை, அந்தப் பாதை முடிந்தும் அவர்களுடைய பயணம். அப்போது எழுதிய வரிகள்தாம் "பாதை முடிந்த பிறகும்... இந்த உலகில் பயணம் முடிவதில்லையே... காற்றில் பறந்தே பறவை மறைந்த பிறகும்... இலை தொடங்கும் நடனம் முடிவதில்லையே." இப்படி அவர் கண்ட காட்சிகளையெல்லாம் மாற்றிய வரிகளை மட்டுமே ஒரு தொகுப்பாகப் போடலாம் என பல இயக்குநர்கள் கூறுவார்கள். தன்னுடைய உவமைகளை வீணடிக்கவும் விரும்பாதவர் முத்துக்குமார். 'ஒரு கல்... ஒரு கண்ணாடி... உடையாமல் மோதிக்கொண்டால் காதல்' என்ற வரியை பல ஆண்டுகளாகப் பாதுகாத்து வைத்து, அந்த உவமைக்குப் பொருத்தமான ஒரு பாடலில் பயன்படுத்தினார். காதல் தோல்வி பாடல்களில் இன்றுவரை அந்தப் பாடலுக்கு ஒரு தனியிடமுண்டு. நா.முத்துக்குமார், தன் பாடல்களைக் கேட்பவர்களுக்குப் பெரிதாக வேலைவைக்க விரும்பாத ஒரு எளிய பாடலாசிரியர். ஒரு வரியைக் குறித்து ஆழமாக யோசிக்காமல், கேட்ட அந்த நொடியே அதன் கருத்தை மனதோடு உரசவிட்டு அந்த உணர்ச்சியைப் பாடல் முடியும்வரை கட்டுக்குள் வைத்திருப்பார். 'கன்னத்தில் அடிக்கும் அடி முத்தத்தாலே வேண்டுமடி... மற்றதெல்லாம் உன்னுடைய இதழ்களின் இஷ்டப்படி...', 'காட்டிலே காயும் நிலவைக் கண்டுகொள்ள யாருமில்லை... கண்களின் அனுமதிவாங்கி காதலுமிங்கே வருவதில்லை', 'ஒரு பாதி கதவு நீயடி... மறுபாதி கதவு நானடி', 'தாலாட்டுப் பாடும் தாயின் அன்பும் தந்தை அன்பின் பின்னே', 'நீ பேசும் வார்த்தைகள் சேகரித்து... செய்வேன் அன்பே ஓர் அகராதி...' என அவர் பயன்படுத்திய உவமைகள் எத்தனை ஆழமாக இருந்தாலும், எளிமையாகவே இருக்கும். அவர் இறந்து வருடங்கள் கடந்துவிட்ட நிலையிலும், இன்னமும் அவர் எழுதிய பாடல்களைக் கொண்ட பல படங்கள் திரைக்கு வரக் காத்துக்கொண்டிருக்கின்றன. அதில், சில பெரிய இயக்குநர்கள் படங்களும் அடக்கம். கலைஞனுக்கு அவன் மரணம் முடிவல்ல என்பதையும் சொல்லிவிட்டுச் சென்றிருக்கிறார். முதலில் சொன்னதுபோலத்தான். ஒரு பாடலின் வரிகள் எப்போதும் நம் வயது முதிர்ச்சிக்கு ஏற்றவாறு நம் மனதில் பதியும். உவமைகளைப் படைக்கும் கவிஞர்களுக்கு அது அனுபவத்தில் பிறக்கிறதென்றால், அப்படிப்பட்ட அனுபவத்தை அந்தப் பாடல், தன்னைக் கேட்பவரிடமும் எதிர்ப்பார்ப்பதில் எந்தத் தவறுமில்லை. முத்துக்குமாரின் வரிகளும் அப்படித்தான். வாழ்வின் ஒவ்வொரு காலகட்டத்துக்கும் தன் வடிவத்தை மாற்றிக்கொண்டே இருக்கும். தனிமையில் அமர்ந்து அவர் பாடலைக் கேட்பவர்களுக்கு இது புரியும். பலரது இரவின் தனிமைக்கு இளையராஜாவும், யுவன் ஷங்கர் ராஜாவும் இசையால் படுக்கை அமைத்தார்கள் என்றால், முத்துக்குமார் தமிழால் தலையணை கொடுத்தார். அவர் வரிகளைக் கொண்டே அவர் வரிகளுக்கு ஒரு உவமை தேட வேண்டும் என்றால், இந்த மொத்த வாழ்க்கையையும் ஒரு பயணமாகக் கருதி, அந்தப் பயணத்தை மேற்கொள்ளும் எல்லா வழிப்போக்கர்களுக்கும் தங்கள் மகிழ்ச்சி, துக்கம், வலி, கோபம் என எல்லா உணர்ச்சிகளுக்கும் நிழலாக வந்து நாம் கேட்கும் முன்னமே இளைப்பாறல் தருகிறார், நா.முத்துக்குமார். https://cinema.vikatan.com/tamil-cinema/na-muthukumar-birthday-article நான் மிக விரும்பும் பாடல்களில் ஒன்று ....
  5. 1 point
    ஆலம் விழுது பிடித்து ஊஞ்சல் ஆடிய அனுபவம் உண்டா?
  6. 1 point
    என்ன எழுச்சி தமிழர்களிடம் இருக்கின்றது? வெறும் இயலாமையும் ஆற்றாமையும்தான் இருக்கின்றது. இணக்க அரசியல் செய்யவெளிக்கிட்டு கிழக்கு மாகாண முதலமைச்சர் பதவியை முஸ்லிம்களுக்கு விட்டுக்கொடுத்து கிழக்கில் தமிழர்களின் காணிகளை இழப்பதுக்கு வழிகோலிய சம்பந்தர், எதிர்க்கட்சித் தலைவராக இருந்து ரணில் அரசுக்கு முட்டுக்கொடுத்தும் அரசியலமைப்பை மாற்ற முடியவில்லை. இனி மகிந்த, கோத்தா கும்பல் சிங்கள பெரும்பான்மையினரின் ஆதரவை மட்டும் கொண்டு அரசுபீடம் ஏற சிங்களவர்கள் எம்மை ஏமாற்றிவிட்டார்கள் என்று பிலாக்கணம் பாடி தங்கள் பாராளுமன்ற உறுப்புரிமையை தக்கவைக்க வருவார்கள்! அதுக்கு மட்டும்தான் எழுச்சி தேவை!
  7. 1 point
    ஒரு சட்டம் நிறைவேற மூன்று ( காங்கிரஸ், செனட், சனாதிபதி ) அரச கட்டமைப்புகளும் அங்கீகரிக்க வேண்டும்.
  8. 1 point
    எல்லா மனிதர்களுடைய இதயமும், மனிதம்கொண்ட இதயமானால்.... மண்ணில் தோன்றும் துன்பமும் இன்பமாகும்.
  9. 1 point
    சிந்திக்க வைக்கும் கருத்துக்கள். மேலதிக பதில்கள் இப்பொழுது என்னிடம் இல்லை. நிலத்தில் பொருளாதார பலத்துடன் இருந்தால் அது மற்றைய கதவுகளை திறக்கும். ஆனால், பொருளாதார பலம் பெற எமக்கு இதர கதவுகள் திறந்து இருக்க வேண்டும் என்பதும் உண்மை. எவரும் வெற்றிபெற்றவர்களை தான் பின் தொடருவார்கள். அந்த வகையில் பெரும்பான்மை சமூகம் இன்று அந்த வெற்றி மன வட்டத்துள் உள்ளது.
  10. 1 point
    @Suvi Very true @Paanch Finders keepers. But if we know who's money it is yes we have to give it back . What goes around comes around.
  11. 1 point
    சோத்துக்குப் பாத்திகட்டி, கூட்டுகள் சேர்த்துக் குழைத்து, அள்ளி வாய்க்குள் நுழைத்து விழுங்கும் இன்றைய பல உணவுப் பிரியர்களுக்கு..... குழைத்து உண்ணும்போதும், சோற்றின் சுவையையும், கூட்டு ஒவ்வொன்றின் சுவையையும் தனித்தனியாக உணர்ந்து உண்ணும் இன்பத்தை ஊட்டிவிடுவதுபோல், திரைப்பாடல்களை கேட்போருக்கு, அதன் சுவையையும், இனிமையையும் உணர்த்தி இன்பமூட்டும் இந்தத் திரியை ஏற்றி.... நா. முத்த்துக்குமார் அவர்களைச் சிறப்புச்செய்த அம்பனை அவர்களுக்கும், அதற்கு அழகாக பின்னூட்டமிட்ட அருள்மொழிவர்மனுக்கும் இதயம் கனிந்த நன்றிகள்!!
  12. 1 point
    திரு.Maruthankerny , ஏற்கனவே பதில் அழிக்கபட்ட விடயத்தையே திரும்ப திரும்ப பேசுவதை பதில் அளிப்பதை விட்டுவிடுவோம். தமிழர் யாரையும் மாவீரர்களான போராளிகளைவிட தீவிரமான இனப்பற்றாளர் என நன் கருதவில்லை. உண்மையும் அதுதான். நான் போராளிகளோடு பேசாத எதையும் பேசவில்லை. ஒரு நேர்காணல் ஒரு புத்தகமில்லை. ஒருவேழை பேட்டியை யாழில் இணைத்ததுதான் பிரச்சினையாயின் யாழ் நிர்வாகத்துடன் தொடர்பு கொள்ளுங்கள். நன்றி.
  13. 1 point
    எண்ணை பூசாமல் ஒட்டியும், ஒட்டியதை எடுத்து உரியவரிடம் சேர்ப்பிக்கும் உயரிய குணம் யப்பானியர்களிடம் உள்ளது. உணவகத்தில் உணவருந்தியவர்கள், பெரும் சுனாமி வரவும், உணவுக்குப் பணம் கொடுக்காமலே சிதறி ஓடினார்களாம். சுனாமி தணிந்ததும் அவர்கள் மறுபடி உணவகம் வந்து உண்ட உணவுக்கான பணத்தைச் செலுத்தினார்கள் என்று செய்தியில் படித்தேன்.
  14. 1 point
    எண்ணையை பூசி உருண்டாலும் ஒட்டுறதுதான் ஒட்டும் சகோதரி....!
  15. 1 point
    வரவேற்கப்பட வேண்டிய நல்லதொரு முயற்சி..ஒரு சில வார்த்தைகளுக்கு இன்னும் சரியான அர்த்தம் கொடுக்கப்படவில்லை, முயற்சிக்கு வாழ்த்துகள். செய்யுள்களை மேற்கோள் காட்டிக் குறிப்பிட்டுள்ளது பாராட்டுதலுக்கு உரியது. எ.கா. தொன்மை1 toṉmai, பெ. (n.) 1. பழைமை (திவா.);; oldness, antiquity. தொன்மை யுடையார் தொடர்பு(நாலடி, 216);. 2. உரைவிரவிப் பழைமையாகிய கதை பொருளாகச் செய்யப்படுவது (தொல். பொருள். 549);; narrative poem interspersed with prose, having for its subject an ancient story. [தொல் → தொன்மை (வே.க. 274);] தொன்மை2 toṉmai, பெ. (n.) தன்மை (சங்கற்ப நிராகரணம்);; nature. தொன்மை நாடி நன்மைவிடாதே (பழ.);. [தொல் → தொன்மை] --------- தொன்மை2 toṉmai, பெ. (n.) தன்மை (சங்கற்ப நிராகரணம்);; nature. தொன்மை நாடி நன்மைவிடாதே (பழ.);. [தொல் → தொன்மை]
  16. 1 point
    தனிமைப்பட்டு அந்நியமாகும் குழந்தைகள்! சமூக வலைதளங்களும் நாமும் – 10: நவீனா ஒரு மாலை நேரம் பூங்கா ஒன்றில் நடைப்பயிற்சியின்போது ஒரு தாயையும் அவருடைய பெண் குழந்தையையும் சந்தித்தேன். அந்தத் தாய் தன் குழந்தையை அங்கு விளையாடிக்கொண்டிருந்த மற்ற குழந்தைகளோடு சென்று விளையாடுமாறு கெஞ்சிக்கொண்டிருந்தார். ஆனால், அந்த குழந்தை பெஞ்ச் ஒன்றில் அமர்ந்துகொண்டு, கீழே இறங்க மறுத்து அழுதபடி பிடிவாதம் பிடித்துக்கொண்டிருந்தது. இதுபற்றி அந்தக் குழந்தையின் தாயிடம் கேட்டபோது, அந்தக் குழந்தை நான்கு வயதாகியும் இன்னும் பேசவில்லை என்றும் அந்தக் குழந்தைக்கு ‘ஸ்பீச் தெரபி’ கொடுக்கும் மருத்துவர், அந்தக் குழந்தையை மற்ற குழந்தைகளோடு அதிகம் விளையாட விடும்படி அறிவுறுத்தியிருப்பதாகவும் தெரியவந்தது. ஆனால், அந்தக் குழந்தை மற்றவர்களோடு விளையாட மறுத்து ஐபேடைக் கேட்டுப் பிடிவாதம் செய்துகொண்டிருப்பதாக அந்தத் தாய் கூறினார். எளிதாக உணவு ஊட்டுவதற்காக, அந்தக் குழந்தைக்குச் சிறு வயது முதல் ஐபாடில், யூடியூபில் வீடியோக்களைக் காட்டியதாகவும், நாளடைவில் குழந்தை தானாகவே நாள் முழுவதும் யூடியூப் வீடியோக்களைப் பார்க்கத் தொடங்கிவிட்டதாம். இதனால் உண்டான மன அழுத்தம் காரணமாகவும், அந்தக் குழந்தையோடு பெற்றோர் அதிகமாகப் பேசி விளையாடாமல் போனதாலும், அந்தக் குழந்தை பேசும் திறனை இழந்துவிட்டதாக மருத்துவர் சொன்னதாக அந்தத் தாய் கூறினார். திரைபோடும் திரை பிம்பங்கள் குழந்தைகள் சிறு வயது முதலே சமூக வலைதளங்களைப் பயன்படுத்துவதால், உடல் ரீதியான, மன ரீதியான பிரச்சினைகள் ஏற்படுவதோடு மட்டுமல்லாமல், அவர்களுடைய வாழ்க்கைத் திறன்களும் முற்றிலுமாக அழிக்கப்படுகின்றன. சமூக வலைதளங்கள் பதினெட்டு வயதுக்கு மேற்பட்டவர்களுக்கானது என அறிந்திருந்தும், பெற்றோரே தனது குழந்தைகள் சமூக வலைதளங்களைப் பயன்படுத்துவதை அனுமதிக்கின்றனர். இரண்டு வயது குழந்தைகூடக் கடவுச் சொல்லைப் பயன்படுத்திக் கைபேசியைத் திறந்து, தனக்கு விருப்பமான யூடியூப் சேனல்களையும் விளையாட்டுகளையும் தானே பார்க்கக் கற்றுக்கொண்டுவிடுகிறது. குழந்தையின் இந்தச் செய்கையைப் பெற்றோர் மற்றவர்களிடம் சொல்லிப் பூரித்துப்போகிறார்கள். ஆனால், திரைகளுக்கு முன் செலவிடப்படும் குழந்தைப் பருவம் மிகுந்த மன உளைச்சலுக்கு உள்ளாகிறது. வாழ்க்கைத் திறனை வளர்க்கக்கூடிய கதைகள் கேட்பது, சொல்வது, படங்கள் வரைதல், வண்ணங்கள் தீட்டுதல், நீச்சல் அடித்தல், ஆற்றில் மீன் பிடித்தல், மரத்தில் ஏறிப் பழம் பறித்தல் முதலான செயல்பாடுகள் இன்றைய குழந்தைகளுக்குப் பெரும்பாலும் அறிமுகம் இல்லாதவையாக இருக்கின்றன. அவர்களுடைய பிற்கால வாழ்க்கை ஏட்டுக் கல்வியை மட்டுமே அடிப்படையாகக் கொண்டதாக அமையும்பட்சத்தில், பல தொழில்கள் சார்ந்த அறிவு இவர்களுக்கும், இனிவரும் அடுத்த தலைமுறையினருக்கும் கிடைக்காமல் போகும் வாய்ப்பு அதிகம் இருக்கிறது. தவிர, அவர்கள் வாழ்க்கை ஓரிரு பரிமாணங்களோடு சுருங்கிப்போகவும் வாய்ப்பிருக்கிறது. உறவில் ஏற்படும் விரிசல் பெற்றோர் சமூக வலைதளங்களை அதிகம் பயன்படுத்துவதாலும் குழந்தைகள் அதிக மன உளைச்சலுக்கு ஆளாகிறார்கள். பெற்றோர் குழந்தைகளுடன் செலவிட வேண்டிய நேரத்தைச் சமூக வலைதளங்களில் செலவிடுவதால் குழந்தைகள் தனிமைப்படுத்தப்படுகின்றனர். இந்தத் தனிமை அவர்களின் மன வளர்ச்சி முதல் கல்வித் திறன்வரை அனைத்து நிலைகளிலும் பாதிப்பை ஏற்படுத்துகிறது. சமூக வலைதளங்களில் மூழ்கிப்போயிருக்கும் பெற்றோர் குழந்தைகளின் முக்கியத் தருணங்களைத் தவறவிடுகின்றனர். அவர்களின் செயல்களைப் பாராட்டுவது, தவறுகளைக் கண்டிப்பது, அவர்கள் எதிர்கொள்ளக்கூடிய ஆபத்துகளைச் சுட்டிக்காட்டி எச்சரிப்பது போன்ற கடமைகளைப் பெற்றோர் மறந்துவிடுவதால், குழந்தைகளின் வளமான எதிர்காலத்துக்கான அடிப்படை சரிவர அமையப்பெறாமல் போய்விடுகிறது. குழந்தைக்கும் பெற்றோருக்குமான அன்பில் விரிசல் ஏற்படுகிறது. குழந்தைகள் பெற்றோர் மீதான நம்பகத்தன்மையை இழந்துவிடுகின்றனர். பிரச்சினைகளைப் பகிர்ந்துகொள்ள யாருமற்ற நிலைக்குக் குழந்தைகள் தள்ளப்படுகின்றனர். பெற்றோரின் அரவணைப்பு இல்லாமல் போவதால் அவர்கள் பாதுகாப்பின்மையை உணர்கின்றனர். இத்தகைய பிரச்சினைகள் ஏற்படாமல் இருக்க, குழந்தை வளர்ப்பில் பெற்றோர் தமது அதிகப்படியான பங்கை உறுதிசெய்ய வேண்டும். தான் சமூக வலைதளங்களில் இடையூறின்றி நேரம் செலவிடுவதற்காக, குழந்தைகளையும் சமூக வலைதளங்களுக்கு அடிமையாக மாற்றிக்கொண்டிருக்கும் பெற்றோர்கள் இன்று அதிகமாகிவருகின்றனர். இதனால் பின்னாளில் ஏற்படக்கூடிய பிரச்சினைகளைப் பெற்றோரும் குழந்தைகளும் எதிர்கொள்ள வேண்டியிருக்கும் என்பதால், குழந்தை நலனில் பெற்றோர் கூடுதல் அக்கறை காட்டுவது குடும்பத்தின் மகிழ்ச்சிக்கும் அமைதிக்கும் அடிப்படைத் தேவையாக இருக்கிறது. https://minnambalam.com/k/2019/06/13/20
  17. 1 point
    நியூஸிலாந்து வென்றால் கேன் வில்லியம்ஸனுக்குத்தான் தொடரின் சிறந்த ஆட்டக்காரர் விருதுபோகும். பல வெற்றிகளை துடுப்பாட்டக்காரராகவும் சிறந்த கப்ரினாகவும் வென்று கொடுத்தவர். இங்கிலாந்து வெல்லவேண்டும். ரோய் ஒரு சதம் அடிக்கவேண்டும் என்றுதான் நான் விரும்புகின்றேன். அப்படியே சிறந்த ஆட்டக்காரர் இங்கிலாந்துக்குக் கிடைத்து உங்களுக்கும் யாழ் கள விருது கிடைத்தால் ஹாட்லிக் கல்லூரி மாணவர் என்பதால் எனக்கும் மகிழ்ச்சிதான்! ஆனாலும் சத்தம் போடாமல் இருக்கும் கறுப்பி வெல்வதே தெரியாமல் வென்றால்தான் யாழ்களப் போட்டி ருசிகரமாக இருக்கும் கட்டின சேலைக்கு என்ன குறைச்சலாம்!
  18. 1 point
    மதுபானங்களும் அதன் வகைகளும்... 1. ஜின் (Gin) - ஜூனிப்பர் (Juniper) பழங்கள் எனப்படும் ஊசி இலை காடுகளில் வளரும் சவுக்கு மரங்களிலிருந்து தயாரிக்கப்படும் மது. தோன்றிய ஊர் - நெதர்லாந்து (Netherlands), சுவை - ஊசி இலை மூலிகைகள் 2. வோட்கா (Vodka) - உருளை கிழங்குகள் , பார்லி பயிரிலிருந்து காச்சப்படும் சரக்கு . தோன்றிய ஊர் - ருஷ்யா, சுவை - எரிசாராயம் 3. விஸ்கி (Whisky) - மால்ட் எனப்படும் ஊற வைத்த பார்லியின் முலை பயிரிலிருந்து காச்சப்படும் சரக்கு. தோன்றிய ஊர் - பிரிட்டன் தீவுகள் இதுவே ஸ்காட்லேன்டில் தயாரித்தால் இதன் பெயர் ஸ்காட்ச் (Scotch). அமெரிக்காவாக இருந்தால் இதன் பெயர் போர்பான் (Bourbon) - சுவை - புகையூட்டப்பட்ட மரப்பலகை 4. ரம் (Rum) - கரும்பு சக்கையிலிருந்து காச்சப்படுகிறது. தோன்றிய ஊர் - வெஸ்ட் இண்டீஸ் தீவுகள் . சுவை - கரும்பும் எரிசாய நெடியும் கலந்தது. 5. பிராந்தி (Brandy) - புளித்த திராட்சை பழங்களிலிருந்து காச்சப்படுகிறது. தோன்றிய ஊர் : பிரான்ஸ் 6. சகி (Saki) - அரிசி சாதத்திலிருந்து காச்சப்படுகிறது . தோன்றிய ஊர் - ஜப்பான். சுவை - புளித்த கஞ்சியும் எரிசாராய வாடையும் 7. பியர் ( Beer) - பார்லி பயிரிலிருந்து காச்சப்படும் சரக்கு . தோன்றிய ஊர் - எகிப்து, ஈரான் சுவை - கசப்பும் புளித்த மோரும் கலந்த சுவை 8. திராட்சை இரசம் (Wine) : புளித்த திராட்சை . தோன்றிய ஊர் : இத்தாலி 9. டாஸ்மாக் சரக்குகள் (TASMAC Brands) : எரிசாராயம் (Ethanol) + தண்ணீர் + ஃபேளவர்ஸ் ( flavors) சமூக வலைத்தளத்தில் இருந்து கிடைத்த தகவல்.
  19. 1 point
    இந்த அமெரிக்கப் பச்சை அட்டை விடயத்தில் இந்தியர்கள் சீனர்களை விட மிகவும் சுயநலத்துடன் நடந்து கொள்வதாகவே எனக்குப் படுகிறது. முதலில் இது பற்றிய ஒரு சிறு அறிமுகம்: ஒவ்வொரு ஆண்டும் ஒரு குறிப்பிட்ட தொகையான குடியேறிகளை அவர்களின் தொழில் தருனரோ அல்லது குடும்பத்தினரோ அல்லது சுயமாகவோ விண்ணப்பம் செய்து நிரந்தர வதிவிட அட்டையான பச்சை மட்டை வழங்கப் படுகிறது. இப்போதுள்ள விதிகளின் படி, ஒவ்வொரு நாட்டிலிருந்தும் அனுமதிக்கப் படும் விண்ணப்பங்கள் 7% இனைத் தாண்டாதவாறு அமெரிக்கா பேணுகிறது. பல்லினத் தன்மையை உருவாக்கும் நல்ல நோக்கமே இந்த 7% கட்டுப்பாட்டின் அடிப்படை. ஆனால், இக்கட்டுப்பாட்டினால் அதிக குடியேறிகளை ஒவ்வொரு வருடமும் அனுப்பும் இந்தியா, சீனா, பிலிப்பைன்ஸ் ஆகிய நாடுகளின் மக்கள் பச்சை அட்டை பெற 5 முதல் 10 ஆண்டுகள் வரை காவலிருக்க வேண்டும். அந்தக் காவலிருக்கும் காலத்தில் அவர்கள் அமெரிக்காவில் வேலை செய்யவும், பயணங்கள் செய்யவும் அனுமதி உண்டு. இதை விரும்பாத இந்தியர்கள் அமெரிக்க காங்கிரஸ் உறுப்பினர்களிடம் நன்கொடைகள் மூலமும் வேறு ஆதரவுகள் மூலமும் lobby செய்து தற்போதைய காங்கிரஸ் பெரும்பான்மையான ஜனநாயகக் கட்சியினரின் ஆதரவைப் பெற்று இந்த சட்டத்தை காங்கிரசில் முன்னகர்த்தியுள்ளனர். ஆனால், செய்தியில் இருப்பது போல, மேல் சபையான செனட்டில் இந்த 7% கட்டுப் பாட்டை நீக்குவதால் ஏனைய நாடுகளில் இருந்து வரும் குடியேறிகள் அநீதியான விதத்தில் பின் தள்ளப் படுவார்கள் என்று நம்பும் உறுப்பினர்கள் இருக்கிறார்கள். இதனால் இந்தச் சட்டம் செனட்டில் தோல்வியடையும் வாய்ப்புகள் அதிகம். இது சட்டமானால், ஒரு ஆண்டில் நிரந்தர வதிவிடம் பெறும் 100 பேரில் 60- 80 பேர் இந்தியர்களாக இருப்பர். மேலும், குடும்ப அனுசரனையால் கிடைக்கும் வதிவிட உரிமையை 15% ஆக அதிகரிக்கும் போது, அதிலும் 90% ஆன இந்தியப் பெற்றோரும், மாமன் மச்சான் மாருமே வந்து சேருவர். மற்ற எல்லா நாடுகளின் மக்களும் அமெரிக்காவில் நிரந்தர வதிவிட உரிமை பெறவும் தொழில் பெறவும் வருடக்கணக்கில் காத்திருக்க வேண்டி வரும்!
  20. 1 point
    அட‌ முட்டாள் , 5 ஓட்ட‌த்ட்குக்கு மூன்று விக்கேட் போனால் , ( டினேஸ் கார்த்திக்கால் எப்ப‌டி வ‌ந்த‌ உட‌ன‌ அடிச்சு ஆட‌ முடியும் ) நியுசிலாந் ப‌ந்து வீச்சாள‌ர்க‌ளின் ஒரு ஓவ‌ர‌ கூட‌ தாக்கி பிடிச்சு இருக்க‌ மாட்டான் இந்த‌ காணொளியில் குரைக்கும் அர‌வேக் காடு / டினேஸ் கார்த்திக் அவுட் ஆகின‌ வித‌மே ப‌ரிதாவ‌ம் , எங்கையொ நின்று கீழ‌ பாய்ஞ்சு ஒற்ற‌ கையால் ப‌ந்தை பிடிக்கிறான் நியுசிலாந் வீர‌ர் / ( இந்த‌ காணொளி வெளியிட்ட‌வ‌ன் ந‌ல்ல‌ ம‌ருத்துவ‌ர‌ நாடுவ‌து ந‌ல்ல‌ம் ) ( போன‌ வ‌ருட‌ம் த‌னி ஒருவ‌னாய் வ‌ங்க‌ளா தேஸ் அணியுட‌ன் டினேஸ் கார்த்திக் விளையாடி இந்தியாவை பின‌லில் வெல்ல‌ வைச்சத‌ இந்த‌ முட்டாள் ம‌ற‌ந்து இருக்க‌லாம் , ந‌ன்றி கெட்ட‌ ர‌சிக‌ர்க‌ள் என்றால் இந்திய‌ ர‌சிக‌ர்க‌ள் தான் /
  21. 1 point
    கருணாவின்ர வீட்டு அணிலாக இருக்குமோ..? மேல் தோல் அப்புடியே கிடக்கு..
  22. 1 point
  23. 1 point
    சொந்த நிலத்தில் சொந்த இனத்தால் கோவில்களுக்குள் நுழைய தடை விதிக்கப்பட்டும்.தேர் வடம் பிடிக்க அனுமதி மறுக்கப்பட்டு பதிலாய் பொக்லைன் இயந்திரமூலம் இழுக்கப்பட்டும் அவமானபடுத்தபடும் தாயக தமிழர்கள் பெளத்ததிற்கு மாறி இதுபோன்ற விகாரைகளில் போய் நிம்மதியாய் வழிபாடு செய்ய இது ஒரு நல்ல வாய்ப்பு.. புல்டோசரையும் பொக்லைனையும்விட சக தமிழன் தரம் குறைந்தவனென்றால் புத்தரை தொழுவதில் ஒன்றும் தப்பில்லை.
  24. 1 point
    திரைப்படத்துறையில் கொலை என்பது சகஜம். ஓமானில் ஶ்ரீதேவியின் பெயரில் 240 கோடி (இந்திய) ரூபாய் மதிப்புள்ள life insurance செய்திருந்தார்களாம், அதிலுள்ள நிபந்தனை ஶ்ரீதேவி ஜக்கிய அரபு இராச்சியத்தினுள் இறந்தால் தான் அத்தொகையை பெற முடியும். அதனால் தான் துபாயில் வைத்து கொன்றார்கள் என நினைக்கிறேன். ஶ்ரீதேவி கொலை செய்யப்பட்ட பின் போனி கபூரும் அவரது முதல் மனைவியின் மகனான அர்ஜுன் கபூரும் ஒட்டாக திரிந்தார்கள். (கபூர் குடும்ப மீளிணைவு). ஶ்ரீதேவியின் மூத்த மகளின் முதல் படம் வெளியாகவுள்ள நேரம் பார்த்து நடந்த கொலை. அர்ஜுன் கபூரின் முதல் படம் வெளியாக முன் அவரது தாயாரும் போனி கபூரின் முதல் மனைவியுமான மோனா கபூர் இறந்தார். (அதுவும் கொலையா என தெரியாது). இன்னும் பல காரணங்கள் இருக்கலாம். கபூர் குடும்பம் தான் கொலையை செய்ததாக வட இந்தியாக்காரர் கதைக்கினம். பாதாள உலக குழுவின் தலைவரான தாவூத் இப்ராஹிம் துபாயில் செல்வாக்குடையவர் என்பதால் அவரை பயன்படுத்தி துபாயில் விடயங்களை கையாண்டிருக்கலாம் என்று ஓய்வு பெற்ற டெல்லி துணை பொலிஸ் கமிஷனர் Ved Bhushan முன்னர் கூறியிருந்தார். அவரும் ஶ்ரீதேவி கொலை தொடர்பாக விசாரணை செய்து வந்தவர்.
  25. 1 point
    இவையள் பெங்களூருவில் ஓர் அளவு பரவாயில்லை ரகம் .. இந்திய ரூபாயில் 200க்கு மேல் இருப்பது தமிழ்நாட்டில் பரவாயில்லை ரகம் .. புதுச்சேரியில் ரூபாய் 180 க்கு மேல் இருப்பது அருமையான ரகம் . ரூபாய் 200 மேல் எல்லா ஊர் / மாநிலத்திலும் பரவாயில்லை ரகம் .. அடித்தால் மட்டையாகி .. காலையில் மண்ட வீங்க , கண்கள் சிவக்க , வாயில் நறுமணம் கமிழ ஓபீஸ் போவினம்..
  26. 1 point