Jump to content

Leaderboard

  1. குமாரசாமி

    குமாரசாமி

    கருத்துக்கள உறவுகள்


    • Points

      83

    • Posts

      38229


  2. தமிழ் சிறி

    தமிழ் சிறி

    கருத்துக்கள உறவுகள்


    • Points

      56

    • Posts

      66858


  3. suvy

    suvy

    கருத்துக்கள உறவுகள்


    • Points

      53

    • Posts

      23874


  4. ஈழப்பிரியன்

    ஈழப்பிரியன்

    கருத்துக்கள உறவுகள்


    • Points

      29

    • Posts

      11868


Popular Content

Showing content with the highest reputation since 06/18/22 in Posts

  1. நன்றி உங்கள் பதிவிற்கு பிரபா , சில வருடங்களுக்கு முன்னர் சிட்னியில் உள்ள தமிழ்ப் பாடசாலை ஒன்றில் தன்னார்வத் தொண்டனாக பணிபுரியும் வாய்ப்புக் கிடைத்தது. நண்பர்கள் ஊடாக இந்த வாய்ப்பினைப் பெற்றுக்கொண்டேன். நேரடியாகத் தமிழ்க் கற்பித்தலில் ஈடுபடவில்லையாயினும் கூட, அது தொடர்பான செயற்பாடுகளுக்கு என்னாலான உதவிகளைச் செய்ய வாய்ப்புக் கிடைத்ததையிட்டு மகிழ்ந்தேன். ஆரம்பத்தில் எனது பிள்ளைகளும் என்னுடன் பாடசாலைக்கு வந்தனர். ஆர்வத்துடன் கல்விசார் செயற்பாடுகளிலும், கலை கலாசார நிகழ்வுகளிலும் பங்குகொண்டனர். காலம் செல்லச் செல்ல, ஆங்கில மூலக் கல்விக்கும், பிரதான பாடசாலையின் செயற்பாடுகளுக்கும் எனது பிள்ளைகள் அதிக முக்கியத்துவம் கொடுக்கத் தொடங்கவே, தமிழ்க் கற்றலில் அவர்களுக்கிருந்த ஆர்வம் குறைவடையத் தொடங்கியது. பெற்றோரில் ஒருவனான எனது ஆர்வம் மட்டுமே பிள்ளைகள் தமிழினைத் தொடர்ந்து படிக்கப் போதுமானதாக இருக்காது என்பதனை நான் புரிந்துகொண்ட நேரமும் அதுதான். சில வருடங்களில் எனது இளைய மகளும் தனது தமிழ்ப் பாடசாலையுடனான தொடர்பினை பிரதான பாடசாலையில் பரீட்சையொன்றினைக் காட்டி கத்திரித்துக்கொள்ள நானும் விலகவேண்டியதாயிற்று. அதன் பின்னர் பலர் என்னிடம் கேட்ட ஒரு கேள்விதான், தமிழ்ப் பள்ளிக்கூட அதிபராக இருந்தீர்கள், ஆனால் உங்களின் பிள்ளைகளைத் தொடர்ச்சியாக பாடசாலைக்கு அழைத்துவரமுடியாமல்ப் போய்விட்டதே? என்பதுதான். வருத்தமாக இருந்தது. ஆனால், உண்மையும் அதுதானே? பாடசாலைக்குப் பிள்ளைகளின் வரவுபற்றியும், அவர்கள் தொடர்ந்தும் தமிழினைக் கற்பதன் அவசியம்பற்றியும் அடிக்கடி பேசும் என்னால் எனது சொந்தப் பிள்ளைகளையே பாடசாலைக்குத் தொடர்ந்து அழைத்துவரமுடியாமற் போனதையிட்டு வருந்தினேன். ஆனால்,தமிழினை எமக்குப் பின்னர், அமது அடுத்த சந்ததிக்கு கொடுக்கவிரும்பும் என்னைப்போன்ற பலருக்கு இருக்கும் வருத்தம்தான் அது. ஆனால், எனது பிள்ளைகளுக்கு தொடர்ந்தும் தமிழினைக் கற்கும் ஆர்வம் இல்லாமற்போனதனால், நான் மற்றையவர்களின் பிள்ளைகளுக்குத் தமிழினைக் கற்றுக்கொடுப்பது ஒன்றும் தவறில்லையே? எனது பிள்ளைகள் மூலமாக தமிழ் அடுத்த சந்ததிக்குக் கடத்தப்பட முடியாமற்போனாலும் கூட, தமிழினைக் கற்க ஆர்வத்துடன் இருக்கும் மற்றைய பிள்ளைகளூடாகவாவது தமிழினை நாம் கொண்டுசெல்வதில் தவறிருக்க முடியாது அல்லவா? எனது பிள்ளைகள் தமிழினைக் கற்பதை நிறுத்தியதையிட்டு நான் கவலைப்படுவதுண்டு. ஆனால், அவர்களால் முடியாவிட்டாலும், தமிழினை நேசிக்கும் இன்னும் பல பிள்ளைகள் இருக்கிறார்கள். அவர்களுக்காகவாவது நாம் தமிழினைக் கற்றுக் கொடுக்க வேண்டும். இதுதான் எனது நிலைப்பாடு. நீண்ட 4 வருடங்களுக்குப் பின்னர் மிக அண்மையில் மீண்டும் தமிழ்ப் பாடசாலைக்கு என்னை சில உதவிகள் கேட்டு அழைத்திருந்தார்கள். பேச்சுப்போட்டிகளில் நடுவர்களில் ஒருவராகக் கடமையாற்றவும், பிள்ளைகளை தமிழில் உரையாட வைக்கும் நோக்கில் அமைக்கப்பட்ட செவ்வி செயற்பாட்டு ஒன்றிற்காகவு அழைத்திருந்தார்கள். மகிழ்வுடன் சென்று உதவிவிட்டு வந்தேன். அப்பிள்ளைகளுக்கு தமிழில் இருக்கும் ஆர்வத்தையும், அவர்களும் பேசும் விடயங்களையும் பார்த்தும், கேட்டும் மகிழ்ந்தேன். அவர்கள் மூலம் தமிழ் மேலும் கொண்டுசெல்லப்படும் என்பதையும் உணர்ந்தேன். எனது பிள்ளைகளால் தமிழினைக் கற்கமுடியவில்லை என்கிற ஏக்கம் அப்போது சுத்தமாக போயிருந்தது. எனது பிள்ளைகள் கற்கிறார்களோ இல்லையோ, கற்கவிரும்பும் அனைத்துப் பிள்ளைகளுக்காகவும் என்னால் முடிந்ததைச் செய்வேன் என்று எண்ணியிருக்கிறேன். நோக்கம் எனது தாய்மொழி அழிந்துவிடக்கூடாது என்பதுதான். அதை எப்படிச் செய்தால் என்ன, விளைவு ஒன்றுதான்.
    9 points
  2. வன்னிக்கு போய் வாழப் போறேன். படடனத்து வாழ்கை பகடடான வாழ்க்கையென பள்ளியில் படிக்கையில் இங்கிலீசு பாடத்துக்கு இரண்டு டுஷன் விட்டு படிக்க வைத்தார் அப்பா ஓ எல்பரீடசையில பாசான சேதி கேட்டு மூன்று பெணகள் கொண்ட முறைமாமன் தந்திரமாய் அழைக்கையிலே நானும் கொழும்புக்கு மேற்படிப்புக்கு போனேனடி கிரிபாத்தும் பொல் சாம்பலும் தந்து ஊட்டி வளர்த்த தாய் மாமன் வங்கி வேலை கிடைத்தும் வளைத்துப்போடக் கதை விடடார். மூத்த மச்சாளும் மூலைக்குள் நின்று முழு நிலவாய் தெரிகையிலே பாவி மனம் பாசமாய் அலை பாய்ந்தது. காலம் குடியும் குடும்பமுமாக போகையிலே 2022 பிறந்தது . சமைக்க காஸ் இல்லை மோடடார் சைக்கிள் ஓட பெட்ரோல் இல்லை பிரபாகன் காலத்தில் வந்த குப்பி விளக்குக்கு கொஞ்சமேனும் எண்ணையில்லை பொறுத்து பார்த்தது போதும் என் பொன்னான பொக்கிஷமே வெளிக்கிடடி வன்னிக்கு . . அம்மம்மாவின் வீடு வளவு அழியாமல் கிடக்கு நாலு மாடு வளர்த்து பார்த்தால் பாலுக்குபஞ்சமில்லை. பின் வளவுக்குள் நாலு வெண்டி கத்தரி மிளகாய் வைத்தால் மரக்கறிக்கு பஞ்சமில்லை . கிணற்றடி வாழைக் குலையும் நெடிய மரத்து தேங்காயும் பிட்டும் காலை நேர பசியாற்றும் . முது பனையில் இரண்டு மரம் அறுத்து துலா போடடால் கிணற்று தண்ணி துலாவில் தானாக மேலே வரும். மாட்டு ஆட்டு பசளையெல்லாம் சேர்த்து வைத்தால் மண்ணுக்கு பசளை வரும் சமையலுக்கு காஸ் வரும். நாலு பிள்ளைகளையும் கூடிக் கொண்டு நீ வருவாயோ இல்லையோ நான் வாழப் போறேன் வன்னிக்கு பகட்டும் வேண்டாம் படடணமும் வேண்டாம் பாவப்படட மனிதரை பசியால் வாட விடட பாதகர்கள், நாட்டை ஆளத்தெரியாத ராட்ஷதர்கள் என் வம்சம் தழைக்க வெளிக்கிடடி வன்னிக்கு .
    7 points
  3. முதலில் படம் எடுத்து அனுப்பும் பெண் பிள்ளைகள் க/தண்டிக்கப்பட வேண்டும். வயது குறைந்த பிள்ளைகள் தொடர்பான சட்டமும் அது சார்ந்த நடவடிக்கைகளும் இறுக்கமாக வேண்டும்.
    7 points
  4. காலங்காலமாய் ஆண்களிடம் அடிமைபட்டு கிடக்கும் பெண்களுக்கான கொடுமைகளை ஒப்பிட்டால் பெண்களின் வீட்டு வன்முறை மிகக் மிகக்குறைவு. ஆப்கானில் இப்போதிருக்கும் தலீபான்களின் மனநிலையிலேயே இன்னமும் ஆண்கள் பல நாடுகளில் இருப்பது கண்கூடு. பெண்களை போகப்பொருளாக, வெறும் பிள்ளை பெறும் இயந்திரங்களாகவே உருவகபடுத்தியிருக்கும் நமது பழங்கால சமூக கட்டமைப்பின் தூண்டுதலாக ஆண்களின் வக்கிர குணமும் அப்படி அமைந்துள்ளது வெட்கக்கேடு..!
    7 points
  5. சாணாக்கியன் அவர்கள் முள்ளிவாய்க்காலுக்கும் பின்பாக நடந்த நாடாளுமன்றத்தேர்தலில் தமிழர்களைக் கொண்றொழித்த கையோடு மகிந்தவின் கைகளிலிருந்த இரத்த வாடைகூடப் போகாமல் இருக்கும்போது அவருடன் கைகுலுக்கி அரசியல் செய்தவர் இப்போ சுமந்திரனுக்குச் செம்புதூக்கி கூட்டமைப்பில போட்டியிட்டு நாடாளுமன்றம் போனவுடன் நிறையக் கதைக்கிறார். இப்போதெல்லாம் சிங்களத்தின் இரத்த உறவுகள்தான் தமிழர் அரசியலைக் கொண்டுசெல்ல தமிழர்களால் அனுமதிக்கப்படுகிறார்கள். இந்திய வெளிவிவகாரம் மற்றும் பாதுகாப்புத் துறையிலும் உளவுத்துறையிலும் எப்படி மலையாளிகளது ஆதிக்கம் அதிகம் இருக்கிறதோ அதேபோல் இப்போது சிங்களத்தின் இரத்த உறவுகள் மற்றும் கொண்டான் கொடுத்தான் உறவுகளது ஆதிக்கம் அதிகரித்திருப்பது விரும்பத்தக்கதல்ல. சாணாக்கியன் மறுபடியும் தனது தந்தையரது மொழியை மறந்து தாயாரது மொழியைப்பேசிக்கொண்டு எப்போது சிங்களத்துக்குக் காவடி எடுக்கிறாரோ தெரியாது ஆனால் எப்போதோ ஒரு நாள் இது நடக்கும். எங்கட இளையோர் பலர் இவர் அடுத்த தேசியத் தலைவர் எணு சொல்லிக்கொண்டு திரிகினம் கருணா எனும் முரளிதரன் புலிகளது த்லைவரது இடது வலதாக இருந்தே துரோகியாகின வரலாறு எம்மிடம் இருக்கு. கனடாவிலிருந்து கூட்டமைப்பு தேர்தல் நிதியாக மில்லியன் கணக்கில் சேர்தத பணத்துக்கு என்ன நடந்தது எனக்கேட்ட மகளிர் அணியைச்சேர்ந்தவரை மான நஸ்ட வழக்குப்போடுகிறன் எனப் பயம்காட்டி சுமந்திரன் அடக்கியதுபோல எதிர்காலத்தில் சிங்களத்துடன் சேர்ந்து இவரும் எங்களுக்கு வாலை ஆட்டுவார். பிரேமானந்தாவுக்காக இந்தியா சென்று சாட்சி சொன்ன விக்கியர் (இவரும் சிங்களச் சம்பந்திதான்) அடுத்த சிங்களச் சம்பந்தி சுமந்திரன், இப்போ சாணாக்கியன் இவர்கள் எல்லாம் எமது அரசியலைத் தீர்மானிப்பது காலக்கேடாகும். முதலில் விருååஅம் எண்டால் உங்கட சொத்து சுகத்தை வித்து தாயகத் தமிழருக்குச் சாப்பாடு போடுங்கோ அப்புறம் பாக்கலாம்.
    6 points
  6. இப்போதெல்லாம் ஒரு பக்க நியாயத்தை உலக நியாயமாக்கி விடுவதையே பலர் செய்கின்றார்கள். எனது வீட்டுக்குள்ளேயே பெரிய இழப்பை வைத்துக்கொண்டு வெளியில் சென்று அதை நிவர்த்தி செய்வது புண்ணியம் தேடுவது போல் தான் எனக்கு தெரிகின்றது.மற்றும் படி மற்றவர்களுக்கு கற்பிப்பது என்பதும் ஒரு வகை தானம் என்பது மறுப்பதற்கில்லை.அதை வீட்டிலும் நடைமுறைப்படுத்த முயற்சிக்க வேண்டும் என நான் நினைக்கின்றேன். பிள்ளை தமிழ் படிக்கவில்லை/நாட்டமில்லை என்றால் பேசாமல் விடுவது தான் தவறு என்று மீண்டும் சொல்கிறேன். கண்ணுகளா! இப்படி இருக்கணும்
    6 points
  7. பக்கத்து இலைக்கு பாயாசம்…. காலமை கோப்பி குடுத்த வெள்ளிப்பேணிகளை கிணத்தடீல வைச்சு கழுவத் தொடங்க அங்கால யூஸ் கரைக்கத் தொடங்கிச்சினம் . விசேசங்களுக்கு முதல் நாளே எசன்ஸ் வாங்கி சீனி பாணியும் சிற்றிரிக் அமிலமும் போட்டு காச்சி் வைக்கிறது . பெரிய பிளாஸ்டிக் வாளீல காச்சின எசன்ஸை ஊத்தி தண்ணி விட்டு , சாக்கில உமியைப் போட்டுக் சுத்திக் கொண்டு வந்த ஜஸ் கட்டியை வடிவா கழுவீட்டு உலக்கையால நாலு போடு போட உடைஞ்சு வாற துண்டுகளை அள்ளிப்போட்டு சீனி அளவும் பாத்து யூசைக் கரைச்சு வைச்சம். பத்தரைக்கு வெக்கையா இருக்கும் அப்ப யூஸைக் குடுங்கோ எண்டு ஓடர் வந்திச்சுது. பதினைஞ்சு பேணி அடுக்கின tray ஐ தூக்கிக்கொண்டு நடுங்காம, ஊத்தாம ஆக்களுக்கால நெளிஞ்சு சுளிஞ்சு போய் எல்லாருக்கும் குடுக்க தம்பி சரியான தண்ணிவிடாய் ரெண்டு எடுக்கிறன் எண்டு சிலர் வாங்கி வாங்கி குடிச்சினம். ஆனாலும் அந்த வெக்கையிலும் எனக்கு உது வேணாம் கோப்பி தான் வேணும் எண்டு சிலர் அடம்பிடிக்க அதையும் குடுத்திட்டு வர மணி பதினொன்டாச்சுது. ஓடிப்போய் கொட்டிலுக்க “ சமையல் முடிஞ்சுதா “ எண்டு கேக்க, “இந்தா வாழைக்காய் பொரியுது நீங்கள் போய் ஆயத்தப்படுத்துங்கோ “ எண்ட பதிலோட ரெண்டு வடையும் சுடச்சுட கையில வந்திச்சிது. ஆறும் வரை பொறுமை இல்லாமல் வடையை வாயக்குள்ள போட்டிட்டு வாய்க்குள்ள வைச்ச படி ஊதி ஊதி ஆறப்பண்ணிக்கொண்டே சாப்பிட்டன். கிடாரத்தில இருந்த சோத்தை கிளறிப்போட்டு இறக்க சமைச்சு முடிஞ்ச கறிகள் எல்லாம் சட்டிக்குள்ள மாறிச்சுது. சபை போடத் தொடங்கலாம் எண்ட நியூஸ் போக பொம்பிளை மாப்பிளையின்ட தேப்பன் மார் தேடித்தேடி செம்பு குடுத்து கையைப்பிடிச்சு ஒவ்வொருத்தரா சாப்பிடக் கூட்டிக்கொண்டு வந்திச்சினம் . குனிஞ்சு நிமிந்து சபை போட்டிட்டு களைச்சுப் போய் வர யாரோ தந்த மஞ்சள் essence ஜூஸை குடிக்க தலையால வெக்கை ஆவி பறந்திச்சுது. “தம்பி உந்தச் சாக்கைக் கொண்டா “ எண்டு அண்ணா ஒராள் கூப்பிட சாக்கைக் கொண்டு ஓடினன். எனக்குப் பின்னால தும்புத்தடியோட வந்தவருக்குப் பேச்சு “உனக்கென்ன விசரே, சனத்தை கலைக்கத்தான் தும்புத்தடி, நல்ல நாள் விசேசத்தில விளக்குமாறு தும்புத்தடி எடுத்தா விளங்குமே கொண்டு போ அங்கால “ எண்டு. பந்திப்பாயை பக்குவமா உதறி சோத்துப் பருக்கைகளை சிந்தாமல் சிதறாமல் அப்பிடியே சாக்குக்க கொட்டீட்டு , விழுந்திருந்த சாப்பாட்டை ரெண்டு மட்டையால அள்ளி, ஊத்தியருந்த பாயாசத்தை ஈரத்துணி போட்டுத் துடைச்சிட்டு நிமிந்து இப்ப ஆக்களைக் கூப்பிடுங்கோ எண்டது பெடியள் குறூப். அடுத்த பந்திக்கு ஆக்கள் எல்லாம் வந்து இருந்திச்சினம். Extra வந்த ரெண்டு பேர் இருக்க இடம் இல்லைப் போல எண்டு கேட்டிட்டு திருப்பி போக வெளிக்கிட , ரெண்டு பேர் அரக்கி நடுவில இடம் இருக்கு வாங்கோ எண்டு இடம் குடுக்க கழுவின வாழை இலையோட முதல் group போச்சுது. முதல் நாள் சோடிச்ச குறூப் தான் அடுத்த நாள் சபையும் போடிறது. புதுக்கடகத்துக்க சோறு, சோறு போட ஒரு எவர்சில்வர் தட்டோட முதல் ஒரு குறூப் போகும். நாலு கறி போட்ட தூக்குச்சட்டியோட போறது தான் ரெண்டாவது, பயித்தங்காய், பூசணிக்காய், , கோவா வறை எண்டு எல்லாத்தையும் போட்டிட்டு வர , மூண்டாவதா கத்திரிக்காய் சம்பல் வரும், கரண்டி மாறினா புளிச்சுப்போயிடும் எண்டு அதை தனிச்சட்டீல தான் கொண்டு போறது. உருளைக்கிழங்கு பிரட்டல் போக பின்னால அப்பளம், மிளகாய் பொரியல் , வாழைக்காய் பொரியல் போட்ட சுளகோட போவினம். கடைசியாய் பருப்புப் போட்டு மேல நெய் விட்டிட்டூ வர , “சரி சாப்பிடலாம் “ எண்டு செம்பு குடுத்தவர் சொல்ல முதல் செம்பு வாங்கி முதலாவதா வந்திருந்தவர் கைவைக்க சபை களைகட்டும். இந்த முதல் மரியாதை நெருங்கிய உறவில் மூப்புக்கு கிடைக்கும் மரியாதை. சாப்பிட்டுக்கொண்டிருக்கேக்க இலை வெறுமையாக முதல் பாத்து பாத்து சோறும் கறியும் போகும். ரெண்டாவது தரம் சோறு போட்டாப் பிறகு தான் சொதி, குழம்பு தயிர் எல்லாம் போகும். முழுப்பேரும் சாப்பிட்டு முடியேக்க தான் பாயசத்தையும் வடையையும் கொண்டு வாறது . பக்கத்து இலைக்கு கேக்க முதலே பாயாசம் போகும். பாயசத்தோட சேத்துச் சாப்பிட இன்னொருக்கா வடையும் , அப்பளமும் போகும். கடைசீல வாழைப்பழமும் பலகாரமும் வைக்க எல்லாரும் முட்டின வயித்தோட கஸ்டப்பட்டு மெல்ல மெல்ல எழும்புவினம் . சபைகுழப்பிகள் ஆரும் இடையில எழும்ப மற்றாக்கள் விடமாட்டினம். “ எழும்பிறாக்கள் இலையை விட்டிட்டு எழும்புங்கோ “ எண்டு திரும்பத்திரும்பச் சொல்லி, ஏலாத ஆக்களைத் தூக்கி விட , கிணத்தடீல கைகழுவவும் குடிக்கவும் தண்ணி குடுத்துக்கொண்டு இருப்பினம் கொஞ்சப்பேர். ஆம்பிளைச் சபை முடிய பொம்பிளைச் சபை எண்டது வழக்கம். பெண்டுகள் சாப்பிடேக்கேம் கதைச்சுக்கொண்டிருப்பினம் சாப்பிடவும் மாட்டினம் வடிவாச் சாப்பிடவும் விடாயினம் எண்ட படியால் தான் இந்த சமத்துவமின்மை எண்டு நான் நினைக்கிறன். தாலி கட்டி ஆசீர்வாதம் முடிச்சு மாப்பிளை பொம்பிளை பூதாக்கலம் பண்ண சாமியறைக்குப் போக, அவையை மறந்திட்டு பொம்பிளை மாப்பிளையின்டை தாய் தேப்பன் மார் வந்து தேடித்தேடி சாப்பிடாத ஆக்களை கூட்டிக் கொண்டுவாறது, சோறு கறி காணுமா எண்டு பாக்கிறது, சாப்பிட்ட ஆக்களிக்கு பலகாரம் வெத்திலை, சுருட்டு எல்லாம் போனதா எண்டு பாக்கிறது , சபை போடிற பெடியளுக்கு எண்டு சோடா , யூஸ் குடுக்கிறது , வந்திட்டுப் போறாக்களுக்கு வெத்திலைப்பை குடுக்கிறது எண்டு சுழண்டு கொண்டு நிப்பினம் . மச்சான் கிழங்கு முடியுதாம் பாத்து குறைச்சுப்போடு, கரண்டியை சின்னனா மாத்து, பாயசம் கொஞ்சம் கட்டிப் படுது சுடுதண்ணி விட்டு தண்ணியாக்கு, அப்பளத்தை ரெண்டாக்கு, பெரிய வாழையிலையைப் போடாத , தயிரை மோராக்கு , கனக்க மிச்சம் இருக்கிற கறியை ரெண்டு மூண்டு தரம் கொண்டு போ எண்டு நிலமைகளை அறிஞ்சு ஓடர்கள் வரும். “எல்லாரும் சாப்பிட்டிட்டினம் பெடியள் வாங்கோ சாப்பிடுங்கோ “ எண்டு கடைசியா எங்களைக் கூப்பிட , மிச்சம் பிடிச்சு ஒளிச்சுவைச்ச எல்லாக் கறிச்சட்டியும் வெளீல வரும். பெரிய இலையில அவாவில அள்ளிப்போட்டிட்டு ரெண்டு வாய் வைக்கப் பசி போயிடும் . தம்பியவை சபை போட்ட கைக்கு பசி போயிடும் கொஞ்சம் எண்டாலும் சாப்பிடுங்கோ எண்டு கேக்கிற அன்புக்கு இன்னும் கொஞ்சம் சாப்பிடினாங்கள். ஆனால் கலியாண வேலை எல்லாம் செய்து சபை போட்டவைக்கெண்டு பிறகு ஒரு மச்சச் சாப்பாட்டு வைபடும் அண்டு மாப்பிளை பொம்பிளையோட வீட்டுக்காரர் எல்லாரும் எங்களுக்கு சாப்பாடு போட உண்டி பிதுங்கச் சாப்பிடுவம். அண்டு சாப்பிடேக்க எனக்கு பாயாசம் வேணும் எண்டு கேட்டுச் சாப்பிடுறது. ஒரு கலியாணத்தில போய் இந்தக் கனவில இருக்க திடீரெண்டு மனிசி தட்டி “ என்ன பாயாசம் எண்டு சொல்லிறீங்கள், பாயாசம் வேணும் எண்டால் மேசையில இருக்கு கெதியெண்டு எடுத்தச் சாப்பிட்டிட்டு வாங்கோ , வீடியோக்காரன் படம் எடுக்கத் தொடங்கினா நாங்கள் wish பண்ணிறது கஸ்டம் “ எண்டு சொன்னா. மனைவி சொல்லே மந்திரம் எண்டு அவசரமா பாயாசத்தை விழுங்க அது பிளாஸ்டிக் cup க்கால வரமாட்டன் எண்டு அடம் பிடிக்க அப்பிடியே வைச்சிட்டு மேடைக்கு மனிசிக்குப் பின்னால ஓடிப்போய் , கையைக் குடுத்திட்டு ரெண்டு நிமிசம் படத்துக்கு நிக்க, கமராக்காரன் சரி காணும் போங்கோ எண்டான். Dr. T. Gobyshanger யாழ்ப்பாணம்
    6 points
  8. தனது கொள்கைகளை சிந்தனையிலும் செயலிலும் நிறுத்தி வாழ்ந்துகாட்டும் ஒருவர் இன்னொருவருக்கு கருத்து சொல்ல அல்லது ஆலோசனை வழங்கும்போது அதற்கு தனியான மதிப்பு உண்டு என்பதை எவரும் மறுக்கமுடியாது. அப்படி இல்லையென்றால் ஊருக்குத்தான் உபதேசம் அது உங்கள் வீட்டுக்கு இல்லை என்று தான் சொல்வார்கள். இதை கடந்து செல்வதற்கு உங்கள் கருத்தரங்குகளில் இதுபோன்ற இக்கட்டான சூழலை உருவாக்கும் மையக்கருத்துக்களை தவிர்ப்பது நல்லது. மேடையில் பேசும்போது பெற்றோர்கள் தங்கள் பிள்ளைகளுக்கு சிறந்த தமிழ்மொழி அறிவை வழர்க்க வேண்டும் என்று நீங்கள் சொல்வீர்களானால் அது மற்றவர்களின் நகைப்பிற்கிடமனாதாகவே இருக்கும். உங்கள் கருத்தை எவரும் செவிமடுக்கவும் மாட்டார்கள். உங்கள் மொழியார்வத்தையும் பற்றையும் கைவிடாமல் தொடர அது பிறர் சம்பந்தப்பட்டதாயின் அதற்கு ஏற்ற விதமாக உங்கள் பேசுபொருளையும் மையக்கருத்தையும் மீள்பரிசீலனை செய்து மாற்றி வைத்துக்கொள்ளுங்கள்.
    6 points
  9. // நான் தமிழ் மொழியில் உள்ள பற்று ஆர்வம் காரணமாக தொடர்பான கருத்தரங்குகளில் பேசுகிறேன், எழுதுகிறேன். ஆனால் என் குடும்பத்தில் எனக்கு மட்டுமே இந்த ஆர்வம், எனது துணைக்கு ஆர்வம் இல்லை. நான், எனது சமூகத்தில், தமிழுடன் சம்பந்தப்பட்ட விடயங்களில் பங்காற்றுவதால் பிரபல்யமாக இருக்கிறேன் என்பதால் என் பிள்ளைக்கு கட்டாயம் தமிழ் கதைக்க வேண்டும் என கூறுகிறார்கள்.. எதிர்பார்க்கிறார்கள்.. ஆனால் பிள்ளையால் முடியவில்லை என்பதால் நான் தமிழ் மொழி சம்பந்தமான விடயங்கள் பற்றி கதைக்க கூடாதா? நான் எனது ஆர்வம், பற்று காரணமாக தமிழுக்கு செய்யும் பங்களிப்பை எனது தனிப்பட்ட வாழ்க்கையை வைத்து எடை போடுவது சரியா? // இந்த கேள்விகள் எனது தனிப்பட்ட வாழ்க்கை சம்பந்தமானது இல்லை.. ஆனால் உங்களது கருத்துக்களை அறிய விரும்புகிறேன்..
    5 points
  10. 5 points
  11. சித்திரவதைக்குத் தப்பி இலங்கையிலிருந்து பிரித்தானியா வந்த ஒருவர், ஆரம்பத்தில் தெருவோரமாக படுத்து உறங்கியிருக்கிறார். இன்று ஒரு சமையல் கலை நிபுணராக உயர்ந்து நிற்கும் அவரது பெயர் யோகி. 2008ஆம் ஆண்டு, குடும்பத்தைப் பிரிந்து பிரித்தானியாவுக்கு வந்து சேர்ந்த யோகிக்கு பிரித்தானியாவில் யாரையும் தெரியாது. கொஞ்ச காலம் தெருவோரம் படுத்துறங்கி, பின்னர் Freedom from Torture என்ற தொண்டு நிறுவனம் அவருக்கு ஒரு அறையை பெற்றுக்கொள்ள உதவியபோது, அந்த அறைக்கு அருகில் ஒரு கோவில் இருந்திருக்கிறது. பெரும்பாலும் அங்கு சென்றுதான் சாப்பிடுவாராம் யோகி. ஆனால், திடீரென ஒரு நாள் இதய பாதிப்பு ஏற்பட்டிருக்கிறது யோகிக்கு. ஏற்கனவே குடும்பத்தைப் பிரிந்து தனியாக பிரித்தானியாவில் வருத்தத்தில் இருந்த நிலையில் மன அழுத்தம் அதிகரிக்க, அதிக அளவில் மாத்திரைகளை உட்கொண்டு தற்கொலைக்கு முயன்றிருக்கிறார் யோகி. ஒரு நாள் திடீரென மயங்கிச் சரிந்த யோகி கண் விழித்தபோது, மன நல மருத்துவமனை ஒன்றில் தான் அனுமதிக்கப்பட்டதை அறிந்துகொண்டிருக்கிறார். மீண்டும், Freedom from Torture அமைப்பு உதவிக்கு வந்திருக்கிறது. அவர்கள் யோகியை Migrateful என்ற தொண்டு நிறுவனத்திற்கு அறிமுகம் செய்ய, அதன் மூலம் சமையல் கற்றுக்கொண்டு, உணவு பாதுகாப்பு சான்றிதழ்கள் பெற்றுக்கொண்டு, பிரித்தானிய அருங்காட்சியகத்தில் வேலை கிடைக்க, அந்த வேலையை செய்துகொண்டே ஒன்லைனில் சமையல் வகுப்புகளைத் துவங்கியிருக்கிறார். ஆரம்பத்தில், தன் தாய் மொபைல் மூலம் தனக்குக் கற்றுக்கொடுக்க, முதன்முதலாக பருப்புக் கறி ஒன்று செய்யக் கற்றுக்கொண்டாராம். அப்படியே அம்மா உதவியுடன் கொஞ்சம் கொஞ்சமாக சமையல் கற்றுக்கொண்டு யோகி சமைக்கத் துவங்க, அவர் தங்கியிருந்த அறையின் அருகே தங்கியிருந்த ஈரானியர்கள் இருவர், யோகியின் சமையல் வாசனையால் ஈர்க்கப்பட்டு, யோகி இன்று என்ன சமைக்கிறீர்கள் என்று கேட்பார்களாம். அந்த அளவுக்கு சமையலில் தேர்ச்சி பெற்றுவிட்டார் அவர்! இதற்கிடையில், 14 ஆண்டுகள் பிரிந்திருந்த குடும்பத்தையும் பிரித்தானியாவுக்கு வரவழைத்திருக்கிறார் யோகி. தான் இரண்டு வயது குழந்தையாக விட்டு வந்த தன் மகள், வளர்ந்து 16 வயதுப் பெண்ணாக வந்து நிற்க, தந்தையும் மகளும் சந்தித்த சந்தோஷத்தில் இருவரும் ஒருவரையொருவர் கட்டியணைத்துக்கொண்டு, பிரிந்தவர் சேர்ந்தால் பேசவும் தோன்றுமோ என்பதுபோல, ஆனந்தக் கண்ணீர் வடித்தபடி வெகு நேரம் பேசாமலே நின்றிருந்தோம் என அந்த நெகிழ்ச்சித் தருணத்தை நினைவுகூருகிறார் யோகி. சித்திரவதைக்குத் தப்பி இலங்கையிலிருந்து பிரித்தானியாவுக்கு வந்தபோது, ஒரு தேநீர் கூட தயாரிக்கத் தெரியாத யோகி, இப்போது ஒரு சமையல் கலை நிபுணராக உயர்ந்து நிற்கிறார் என்பது அவருக்கே ஆச்சரியமாகத்தான் இருக்கிறதாம். https://news.lankasri.com/article/north-london-news-i-homeless-didnt-even-know-1656052988?itm_source=parsely-external
    4 points
  12. கிரிக்கெட் வரலாற்றில் பார்த்திடாத முறையில் அவுட்..! சொந்த அணி வீரரால் ஆட்டமிழந்த வீரர் வைரலாகும் வீடியோ இங்கிலாந்தில் சுற்றுப்பயணம் மேற்கொண்டுள்ள நியூசிலாந்து அணி 3 போட்டிகள் கொண்ட டெஸ்ட் தொடரில் விளையாடி வருகிறது. முதல் 2 டெஸ்ட் போட்டிகளில் இங்கிலாந்து அணி வெற்றி பெற்று தொடரை வென்றுள்ளது. இந்த நிலையில் லீட்சில் நேற்று தொடங்கிய இங்கிலாந்துக்கு எதிரான 3-வது டெஸ்ட் கிரிக்கெட்டில் முதலில் பேட் செய்த நியூசிலாந்து அணி ஆட்டநேர முடிவில் 5 விக்கெட்டுக்கு 225 ரன்கள் எடுத்திருந்தது. டேரில் மிட்செல் 78 ரன்களுடனும், விக்கெட் கீப்பர் டாம் பிளன்டெல் 45 ரன்களுடனும் களத்தில் உள்ளனர். நேற்றைய முதல் நாள் ஆட்டத்தில் நியூசிலாந்து வீரர் ஹென்ரி நிகோல்ஸ் ஆட்டமிழந்த வீடியோ தற்போது இணையத்தில் வைரலாகி வருகிறது . இங்கிலாந்து அணியின் ஜாக் லீச் வீசிய பந்தை எதிர்த்து ஸ்ட்ரைட் ட்ரைவ் ஷாட்டை ஹென்ரி நிக்கோல்ஸ் அடித்தார். அந்த பந்து எதிர்முனையில் இருந்த டேரில் மிட்செல் நோக்கி சென்றது .அப்போது தற்காப்பிற்காக அவர் அந்த பந்து தன் மீது படாமல் இருக்க விலகிய நிலையில் எதிர்பாராத விதமாக டேரில் மிட்சல் பேட்டில் பட்ட அந்த பந்து நேராக மிட் ஆஃபில் இருந்த பில்டர் அலெக்ஸ் லீஸ்க்கு சென்றது. அவர் அந்த பந்தை கேட்ச் பிடித்தார் .இதனால் ஹென்ரி நிக்கோலஸ் 19ரன்களில் ஆட்டமிழந்து வெளியேறினார். சொந்த அணி வீரரால் எதிர்பாராத விதமாக ஹென்ரி நிகோல்ஸ் ஆட்டமிழந்த வீடியோ தற்போது இணையத்தில் வைரலாகி வருகிறது . https://akkinikkunchu.com/?p=214046
    4 points
  13. இது மேற்கு நாடுகளிலும் நடக்கின்றது. அதே வயது ஆண்களின் காதல் வலையில் விழுந்தவர்கள், காதலர்களின் அழுத்தம் காரணமாக நிர்வாணப் படங்களை அனுப்புவார்கள். பின்னர் அவஸ்தைப்படுவார்கள். கண்டிப்பு/தண்டிப்பைவிட தொடர்ச்சியான அறிவூட்டலைக் கொடுக்கவேண்டும். நாங்கள் பாலர் பாடசாலையில் படித்தபோதும், பின்னர் பெரிய பாடசாலையில் படித்தபோதும், காலை நேர அசெம்பிளியில் ஆசிரியர்கள் எப்போதும் சமகாலத்திற்குத் தேவையான அறிவுரைகளைக் கூறுவார்கள். அவற்றை நாம் காதில் விழுத்தாதபோதும் இப்போதும் நினைவில் இருக்கின்றது. அப்படியான செயற்பாடுகள் இப்போதும் இருக்கும். ஆனால் ஆசிரியரே மாணவர்களுடன் சேர்ந்து இப்படியான மிகவும் மோசமான செயலில் ஈடுபடுவதை சாதரணமாக எடுக்கக்கூடாது. அவருக்கு ஒரு சட்டத்தரணி வேறு!
    4 points
  14. ஏன் காசி,இராமேஸ்வரம் எல்லாம் எப்பவும் ஹவுஸ் புஃல் எண்டு யோசிச்சால் மிச்சம் ஓடி விளங்கும்
    4 points
  15. கொச்சைத்தமிழ், பேச்சுத் தமிழ், எழுத வாசிக்கத் தெரிந்த தமிழ், சரளமான தமிழ்... இவை எல்லாமே வெவ்வேறு எல்லைகளே தவிர இவர்கள் யாருமே தமிழர்கள் இல்லை. தமிழ் தெரியாதவர்கள் தென்னாபிரிக்காவிலிருந்து எமக்கு ஆதரவு வழங்கினார்கள். மகாத்மா காந்தியின் உபதேசமே இந்தியாவுக்குத் தேவைப்பட்டது. அவரின் சொந்த பிள்ளை வளர்ப்பு அல்ல. குறுகிய மனப்பான்மையுடைய சமுதாயம் சாதி தொழில் பிரதேசம் என்று தன் இனத்தையே குறுக்கியது போதாதா ? தங்களைப் புனிதர்களாகக் காட்டித் தமிழ் ஆர்வலர்களை நோக்கிக் கைநீட்டுவது தமிழ் மீது பற்றுள்ளவர்களின் செயல் அல்ல. சொல்லத் துணியாததைத் சொல்லத் துணிந்த பிரபாவுக்கும் ரஞ்சித்துக்கும் நன்றிகள். (குறிப்பு: ரஞ்சித் ஏனைய பிள்ளைகளைத் தமிழ் படிக்கும்படி கட்டாயப்படுத்தியதாக எங்கும் குறிப்பிடவில்லை. தவிர, தனது மகள் பாடசாலையிலிருந்து விலகியதும் தானும் விலகி விட்டதாகக் கூறியுள்ளார். சிலர் அரைகுறையாக வாசித்து உணர்ச்சிவசப்பட்டுள்ளனரா அல்லது நான் தவறாக வாசித்துள்ளேனா ?)
    4 points
  16. இலங்கைக்கு 3/4 ஏற்கன்வே தாராளமாக உள்ளது,நாலாவதாக மூலதனத்தினை கூட பலவழிகளில் இலகுவாகப்பெற்றுவிடலாம் (புலம்பெயர் இலங்கையர் உள்ளடங்களாக), ஆனால் சிங்கப்பூர் நில வளமற்ற நாடு தனியே மனித வலுவைக்கொண்டு முன்னேறும் போது இலங்கைக்கு அது ஒரு பிரச்சினையில்லை, ஆனால் இலங்கையால் முன்னேற முடியாது, ஏன் இப்போது தமிழீழம் கிடைத்தால் இலங்கையினை விட மோசமான நாடாக அதனை மாற்றிவிடுவார்கள் எமது அரசியல்வாதிகள்.
    4 points
  17. ரஞ்சித் உங்கள் கருத்து சரி ....ஆனால் , பிரபாவின் கேள்விக்கு உங்கள் பதில் பொருந்தாது......தமிழ் படிக்க விரும்புகின்ற பிள்ளைகளுக்கு நீங்கள் படிப்பிக்கின்றதில்லைலோயோ அல்லது அவர்களை உற்சாகப்படுத்துவதில்லோ தவறில்லை ...ஆனால் உங்கள் பிள்ளைகளுக்கு நீங்கள் தமிழை படிக்க ஊக்கம் கொடுக்காமல் அடுத்தவர் பிள்ளைகளை தமிழ் படிக்க கூப்பிடுவதும், அவர்களை கட்டாயப்படுத்துவது தவறு ...இதனை வணங்காமுடி தெளிவாய் சொல்லி உள்ளார். பிள்ளைகள் தமிழை படிக்க மாட்டோம் என்று சொன்னால் கட்டாயப்படுத்த கூடாது என்று சொல்கின்ற நீங்கள் அதே பிள்ளைகள் 10 வகுப்போடு படிப்பை நிப்பாட்ட போறோம் என்று சொன்னால் விடுவீர்களா ?....அதென்ன ஆங்கில நாடுகளில் இருக்கும் பிள்ளைகளுக்கு மட்டும் தமிழ் படிக்க கசக்குது ?....என்னை பொறுத்த வரை பெற்றோரில் தான் பிழை சொல்வேன் .
    4 points
  18. இலங்கை அரசு ஏற்கனவே பல வகையிலும் முயன்று கொண்டுதானிருக்கிறது என கருதுகிறேன். எந்த உடனடி தீர்வும் (Quick fix) இருப்பதாக எனக்கு தெரியாது. இப்போது கிடைத்து கொண்டிருக்கும் அன்னிய செலாவணியினை கூட இலங்கை இழக்கும் ஆபாயமே அதிகமுள்ளதாகக்கருதுகிறேன். இலங்கை வெளிநாட்டு முதலீட்டாளருக்கு ஏற்புடைய நாடல்ல எனும் நிலை ஏற்கனவே உருவாகிவிட்டது. நிலமை இன்னும் மோசமாகும், ஐ எம் எப் கடன் மூலம் வரும் 5 பில்லியனில் குறைந்தது ஒரு வருடம் ஓட்டி விடலாம். இந்தியா, சீனா, பங்களாதேசம் என அனைத்து நாடுகளிடமும் உதவி கேட்டுள்ளது இலங்கை, அவுஸ்ரேலியாவிடம் உதவி கேட்டுள்ளது. https://www.abc.net.au/news/2022-06-19/sri-lanka-economic-crisis-worsens-pm-asks-australia-for-help/101152402 இந்த பிரச்சினையால் வட பகுதி மக்களும், தமிழகமும் பயனடையும் அதுவே இப்போதுள்ள சிறந்த தீர்வு அதனை இலங்கை மற்றும் தமிழக் அரசு கண்டு கொள்ளாது. போர் நடந்த காலங்களில் தமிழ் மக்களின் பொருளாதார நெருக்கடியில் உதவிய தமிழர் புனர்வாழ்வுக்கழகத்தினை கூட வெளிநாட்டில் வாழும் பெரும்பான்மையினத்தவர் திட்டமிட்டு முடக்கியிருந்தனர். உலக வரலாற்றில் பொருளாதார ரீதியாக இயற்கையாக பாதக சூழலில் உள்ள நாடுக்ளே அவற்றை கடந்து பொருளாதார உச்ச நிலையினை அடைந்துள்ளன. ஒரு பொருளாதாரத்திற்கு தேவையான 4 வளங்களில், சிங்கப்பூரிடம் முக்கியமான வளமான நிலம் இருக்கவில்லை அரசு செய்த முதல் வேலை அனைத்து நிலங்களையும் மக்களிடம் இருந்து எடுத்து கொண்டது, பின்னர் அதில் அரச வீடமைப்பு திட்டத்தினை உருவாக்கியது, இரண்டாவதாக மூலதன வலு இல்லாமல் இருந்தது, அத்னை வெளிநாட்டு மூலதனக்களை கவர்ந்தன் மூலம் ஈடுகட்டியது. எல்லாவற்றையும் விட ஊழலை ஒழித்துக்கட்டியதுதான் முக்கியமான விடயம். சில வருடங்களுக்கு முன்னர் வெளிநாட்டிலிருந்து பரந்தன் இரசாயன தொழிற்சாலையினை ஆரம்பிக்க புலம்பெயர் தமிழர் முயன்ற போது 4 எழுத்து தமிழ்தேசியம் பேசும் ஒரு அரசியல்வாதி இலஞ்சம் கேட்டாராம். முக்கியமாக நல்ல தலமை வேண்டும் அது இப்போது தமிழர்களிடமும் இல்லை. ஒரு கட்டத்திற்கு மேல் இலங்கையரசு ஏழ்மையான மாகாணங்களுக்கு நிதியினை கூட ஒதுக்காது, வட கிழக்கை கண்டே கொள்ளமாட்டார்கள் அப்படி ஒரு நிலமை கூட வரலாம். இலங்கை எவ்வாறாயினும் வங்குரோத்தாகப்போகிறது கடனுகளை எல்லா நாடுகளிடமும் வாங்கி விட்டு வங்குரோத்தினை அற்வித்து விட வேண்டியதுதான் அதற்கு பிறகு நடப்பதை பிறகு பார்க்கலாம்.
    4 points
  19. ■ நாவடக்கம் யாதெனில்......... முடி வெட்ட எவ்வளவு..? சவரம் பண்ண எவ்வளவு..? என்றார் குருக்கள்.. அவரும் .. முடிவெட்ட எழுபது ரூபாய்.. சவரம் பண்ண ஐம்பது ரூபாய் சாமி ! என்று பணிவுடன் கூறினார்.. குருக்கள் சிரித்தபடியே, அப்படின்னா..! என் தலையை சவரம் பண்ணு என்று கூறிவிட்டு வெற்றிப் புன்னகையோடு அமர்ந்தார் குருக்கள்.. வயதில் பெரியவர் என்பதால், நாவிதர் அதைப் பெரிதாக எடுத்துக் கொள்ளவில்லை.. வேலையை ஆரம்பித்தார் நாவிதர்.. நாவிதர் கோபப்படுவார் என்று எதிர்பார்த்திருந்த குருக்களுக்கு.. சற்று ஏமாற்றந்தான்.. பின்னர், குருக்கள் அடுத்த கணையைத் தொடுத்தார்.. ஏன்டாப்பா.. உன் வேலையோ..! முடி வெட்டுறது.. உன் கைகளைத்தான் பயன்படுத்தி வெட்டுறே.. அப்புறம் எதுக்கு சம்மந்தமில்லாம.. உன்னை நாக்கோட சம்மந்தப்படுத்தி "நாவிதன்னு" சொல்றாங்க..? இந்தக் கேள்வி நாவிதரை நோகடிக்குமென்று நம்பினார் குருக்கள்.. ஆனால், நாவிதர் முகத்திலோ புன்னகை.. நல்ல சந்தேகங்க சாமி.. நாங்க தொழில் செஞ்சா மாத்திரம் பத்தாது.. முன்னால உக்காந்து இருக்கறவங்களுக்கு அலுப்புத்தட்டாம இருக்க, "நாவால" இதமா நாலு வார்த்தை பேசுறதனால தான்..! நாங்க நாவிதர்கள்.. எங்க பேச்சைக் கேக்குறதுக்குன்னே எத்தனை பேர் எங்களைத் தேடி வராங்க தெரியுமா சாமி..? இந்த அழகான பதில் குருக்களை மேலும் கடுப்பேற்றியது.. அடுத்த முயற்சியைத் துவங்கினார்.. இதென்னப்பா, கத்தரிக்கோல்னு சொல்றீங்க.. கத்தரி மட்டுந்தானே இருக்கு.. கோல் எங்கே போச்சு..? இந்தக் கேள்விக்கு பலமான சிரிப்பு மட்டுந்தான் பதிலாக வந்தது நாவிதரிடமிருந்து.. சாமி ரொம்ப சிரிப்பா பேசுறிங்க.. என்று சொல்லி நிறுத்திக் கொண்டார் நாவிதர்.. இதிலும் குருக்களுக்கு ஏமாற்றம்.. அடுத்து கொஞ்சம் கடுமையாகவே ஆரம்பித்தார்.. எப்பப் பாத்தாலும் வெட்டித் தள்ளிக்கிட்டே இருக்குறீயே..! ஊர்லயே நீ தான் பெரிய வெட்டிப் பய போலருக்கு..? இந்த வார்த்தை நாவிதர் மனதைக் கொஞ்சம் காயப்படுத்திவிட்டது.. அவர் முகத்தில் கொஞ்சம் வித்தியாசம்.. இதைத்தானே குருக்களும் எதிர்பார்த்தார்.. கொஞ்சம் உற்சாகமாகி அடுத்த நக்கலை யோசித்துக் கொண்டிருந்தார்.. இப்போது நாவிதர் பேச ஆரம்பித்தார்.. குருக்களின் "பிரியமான மீசையைத்" தொட்டுக் காட்டிக் கேட்டார்.. சாமிக்கு இந்த மீசை வேணுங்களா..? குருக்கள் உடனே, ஆமாம் என்றார்.. கண்ணிமைக்கும் நேரத்தில் குருக்களின் மீசையை வழித்தெடுத்து அவர் கையில் கொடுத்து.. மீசை வேணுமுன்னிங்களே சாமி..! இந்தாங்க.. என்றார். பல வருடங்கள் ஆசையாய் வளர்த்த மீசை இப்போது வெறும் மயிர்க் கற்றையாய் கையில்.. அதிர்ச்சியில் உறைந்து போனார் குருக்கள்.. நாவிதரோ, அடுத்த நடவடிக்கையில் இறங்கினார்.. அவரது "அடர்த்தியான புருவத்தில்" கை வைத்தபடிக்கேட்டார், சாமிக்கு இந்தப் புருவம் வேணுங்களா..? இப்போது குருக்கள் சுதாரித்தார்.. _வேணும்னு சொன்னா..! வெட்டிக் கையில குடுத்துடுவான்_ என்ற பயத்தில், உடனே சொன்னார்.. இந்தப் புருவம் எனக்கு வேண்டாம்.. வேண்டவே வேண்டாம்.. என்றார் குருக்கள்.. நாவிதர் உடனே குருக்களின் புருவங்களையும் வழித் தெடுத்தார்.. சாமிதான் புருவம் வேண்டாம்னு சொன்னீங்கள்ல..? அதைக் குப்பைல போட்டுடுறேன்.. சாமி பேச்சுக்கு மறுபேச்சே கிடையாது.. என்றபடி கண்ணாடியை குருக்களின் முகத்துக்கு முன்பாகக் காட்டினார்.. நாற்பது வருஷமாய் ஆசை ஆசையாய் வளர்த்த மீசையில்லாமல்.. முகத்துக்கு கம்பீரம் சேர்த்த அடர்த்தியான புருவமும் இல்லாமல்.. அவருடைய முகம் அவருக்கே மிகுந்த கோரமாக இருந்தது.. கண்கள் கலங்க, குனிந்த தலை நிமிராமல், ஐம்பது ரூபாயை அவர் கையில் கொடுத்து விட்டு.. விரக்தியில் தளர்ந்து போய் நடையைக் கட்டினார் குருக்கள். நம்முடைய அறிவும் - ஆற்றலும் - திறமையும் - அதிகாரமும் - அந்தஸ்தும் - பொருளும் - மற்றவர்களுக்கு உதவுவதற்கே தவிர.. மட்டம் தட்ட அல்ல.. இதை உணராதவர்கள் - இப்படித்தான் அவமானப்பட நேரும் ... முகநூலிருந்து......
    4 points
  20. பலருக்கு கண் தெரியும் என்பதற்காக கண் தெரியாதோர் வாழக்கூடாது என்று யாரும் நினைக்கவே முடியாது. அதுபோலத்தான்.. உங்களுக்கு உங்கள் தாய்மொழி அறிவு இருக்கிறது என்பதால்.. அதனை பாவிக்கக் கூடாது என்று சொல்ல யாருக்கும் எந்த உரிமையும் இல்லை. உங்களின் ஏனைய குடும்ப அங்கத்தவர்கள் தாய் மொழியை.. தந்தை மொழியை.. பேசுவதும் விடுவதும் அவரவர் விருப்பம்.. அவர்களுக்காகவோ.. ஊர் வாய்க்காகவே.. நீங்கள் தாய் மொழியை அதற்கான சேவையை நிராகரினுன்னு இல்லை.. அப்படி யாரும் எதிர்பார்ப்பார்கள் என்றால்.. அவர்களை நிராகரித்துவிட்டு.. உங்களுக்கு சரியென்பதை தெளிந்து செய்யுங்கள். எங்கள் செயல் பிறரை.. உலகை.. சூழலை பாழாக்கும் என்றால் தவிர.. மற்றும்படி எங்கள் செயலை சொல்லை யாருக்காகவும் கைவிடனும் என்ற அவசியமில்லை. அப்படி மற்றவர்கள் எதிர்பார்க்கவும் முடியாது.. அந்த உரிமை அவர்களுக்கும் இல்லை.
    4 points
  21. வரிசையில் காத்திருந்த மக்களுக்கு உணவளித்த எரிபொருள் நிரப்பு நிலைய உரிமையாளர் Sri Lankan PeoplesSri Lanka Fuel Crisis 1 மணி நேரம் முன் நீண்ட நேரமாகியும் எரிபொருள் வழங்க முடியாத நிலை எரிபொருள் வரும் வரை பல மணி நேரம் வரிசையில் காத்திருந்த மக்களுக்கு எரிபொருள் நிரப்பு நிலைய உரிமையாளர் ஒருவர் உணவளித்துள்ளார். ஊறுகல எரிபொருள் நிரப்பு நிலைய உரிமையாளரே இவ்வாறு உணவளித்தவர் ஆவர். ஊறுகல எரிபொருள் நிரப்பு நிலையத்தில் எரிபொருள் நிரப்புவதற்காக வருகை தந்திருந்த மக்களுக்கு நீண்ட நேரமாகியும் எரிபொருள் வழங்க முடியாத நிலை காணப்பட்டதால் குறித்த உணவு வழங்கும் நடவடிக்கை மேற்கொள்ளப்பட்டுள்ளது . உரிமையாளரின் இச்செயல் சமூக ஊடகங்களில் பாராட்டுக்குள்ளாகி வருகின்றது
    3 points
  22. எல்லாம் தேவையைப் பொறுத்து. கல்வி எதிர்காலம் வளமாக இருக்கத்தேவை. புலம்பெயர் நாடுகளில் தமிழ்மொழியை வைத்து ஒரு ஆணியும் பிடுங்கமுடியாது என்பதால் தமிழ்மொழி கட்டாயம் பிள்ளைகளுக்குத் தேவை இல்லை. பெற்றோர் தமிழைப் பேச, படிக்க வைக்க சிறுவயதில் முனையலாம். ஆனால் நிர்ப்பந்திக்கமுடியாது. ஆர்வம் இருப்பவர்கள் கவின்கலைகளில் ஈடுபடுவதுபோல, அவர்களுக்கு விருப்பம் இருந்தால் கற்றுக்கொள்வார்கள். தமிழில் பேச பல பிள்ளைகளால் முடிந்தாலும், தமிழ்ப் படங்களைப் பார்த்து புரிந்துகொண்டாலும், தமிழில் ஒரு கட்டுரை, கதை எழுதுவது விரல்விட்டு எண்ணக்கூடியவர்களால்தான் முடியும்.
    3 points
  23. தாய் : ஓ.....என் செல்லமே உனக்கு காச்சல் காயுது, நான் போய் நீ குடிக்க கோழி சூப் செய்து கொண்டு வாறன் .......! கோழி : என்ன நீ விசர்க்கதை கதைக்கிறாய்......அவனுக்கு ஒரு ஆஸ்பிரின் குடு சரியாயிடும்.....!
    3 points
  24. காமம் இல்லாத காமத்தை நினைவூட்டும் செயல்கள் சில இங்கு தரப்பட்டுள்ளன. இவைகளுக்குப் பொருத்தமான காரணிகளைத் தெரிவிப்பவர்களுக்கு ஒரு பச்சை பரிசாகத் தரப்படும்.. நீங்கள் என் ஆடைகளை அவிழ்க்கும் வரை என்னைச் சுவைக்க முடியாது நீங்கள் என்னை உண்ண முடியாமல், என் கவசங்களை அகற்றி என்னை நக்குகிறீர்கள் நீங்கள் என்னை ஊதி உச்சம்கொள்ள வைத்தால் ஒழிய என்னுடன் விளையாட முடியாது நீங்கள் என்னை உங்கள் வாயால் உறிஞ்சும் வரை, நீங்கள் என்னை அனுபவிக்க முடியாது நீங்கள் தினமும் என்னை அழுத்திக் கசக்கி உங்கள் வாயில் போடுகிறீர்கள் நீங்கள் என்னை பரப்பாத வரை நீங்கள் என்னை அனுபவித்துச் சுவைக்க முடியாது
    3 points
  25. முள்ளிவாய்கால் இறுதி யுத்தத்தின்போது தலைவரை தப்ப விடுவதற்காக பசில் ராஜபக்சவுடன் நடந்த பேச்சுவார்த்தையில் இணைப்பாளராக கஜேந்திரகுமார் பொன்னம்பலம் அவர்களும் ஈடுபட்டதாக அறியமுடிகிறது. தவிர இந்தியா மேற்குலகம் அனைத்தும் சம்பந்தனுக்கும் ஏனைய கூட்டமைப்பு அரசியல் தலைவர்களுக்கும் புலிகளை அழித்ததன்பின்பாக தமிழர்களுக்கான தீர்வை மிக விரைவில் நடைமுறப்படுத்த அனைத்தும் செய்யப்படும் என வாக்குறுதி அளித்ததாக யாழ் இணையத்தில் ஒரு கட்டுரை வந்திருந்து அதில் சம்பந்தனையும் போர்குற்ற, இன அழிப்பு விசாரணைக்கு உட்படுத்தவேண்டும் என கூறப்பட்டிருந்தது. தவிர புலிகளுக்கும் ரணிலுக்கு இடையில் ஈடுபடுத்தப்பட்டிருந்த சமாதான காலத்தில் சம்பந்தனும் அவரது பரிவாரங்களும் மேற்குலக நாடுகளுக்குப் பயணம் செய்திருந்தார்கள் அப்போது நான் வாழும் நாட்டுக்கும் பயணம் செய்திருந்தார்கள் அதன்போது சம்பந்தன் மூச்சுக்கு முன்னூறு தடவை சுமந்திரனுடன் தொலைபேசி உரையாடல்களை மேற்கொண்டு சில அறிவுறுத்தல்களை மேற்கொண்டிருந்தார் அப்போது சபை நாணயம் கருதி நாம் இவைகளைச் செவிமடுக்கவில்லை தவிர சுமந்திரன் அவர்களை எதிர்காலத்தில் தமிழர் அரசியலுக்குக் சம்பந்தன் கொண்டுவருவார் என புலம்பெயர் தேசத்தில் புலிகளின் வால்களாகிய நாங்கள் கணித்திருக்கவில்லை. ஆனால் ஒன்றுமட்டும் நிச்சயம் அப்போதே சுமந்திரன் தமிழர் அரசியலுக்குள் நுழைந்துவிட்டார் என்பது காலப்போக்கில் அறியக்கூடியதாக இருந்தது அப்போது சம்பந்தன் அவர்கள் சுமந்திரனை "சுமன்" என தொலைபேசி உரையாடல்களில் விழித்ததை நான் அவதானித்தேன். ஆக இன அழிப்புத் தொடர்பான போர்குற்ற விசாரணை என வரும்போது தமிழர் அரசியல் தலைவர்கள் அனைவரையும் விசாரணைக்கு உட்படுத்தவேண்டும் என்பதே எனது கருத்து. இதில் எவரையும் விட்டு வைக்கக்கூடாது. தவிர ஒரு செய்தியாளர் சந்திப்பில் புலிகளதான் தமிழ்தேசிய முண்ணணியை உருருவாக்கினார்களா எனச் சுமந்திரனிடம் கேட்டபோது தனக்கு அதுபற்றித்தெரியாது அப்போது நான் தமிழர் அரசியலிலோ அல்லது கட்சி உறுப்பினராகவோ இருக்கவில்லை என நழுவலான கருத்தை வெளியிட்டதை இங்கி நினைவுகொள்ளவும்
    3 points
  26. இது தமிழ் பிட்டும் சிங்கள கித்துளும் சேர்ந்த கலவை . சின்ன வயசில " பால் பிட்டு" என்று செய்வா அம்மா,பிடடை அவித்து கொதித்த தேங்காய்ப்பால் ,சீனியும் சேர்த்து கையில் பிடிக்க என்னை பிறக்கும். நல்ல ருசி
    3 points
  27. எல்லாத்துக்கும் புலத்து தமிழன்தானா இந்த அரசியல் வாதிகளிடமிருந்து சொத்துக்களையும் பதுக்கிய பணத்தையும் மீட்டாலே போதும் பாதி பஞ்சம் தீரும்
    3 points
  28. எப்படியாவது நாட்டுக்குள் டொலரை கொண்டு வந்து விட வேண்டும் என ...பேராசை படுகிறது லங்காபுரி . " ராஜ பக்சே " களின் பதுக்கல் களில் இருந்து ஒரு பகுதியை கொடுக்க மனம் வைத்தாலே நாடு மீண்டு விடும். " ஆடும் வரை ஆடடம் ஆயிரத்தில் நாடடம் கூடும் வரை கூடடம் சென்ற பின்பு வருமா ? "
    3 points
  29. அறிவுரை சொல்லும் அளவிற்கு நானொன்றும் வயதில் பெரியவனில்லை. அதனால்தான் ஒன்டும் எழுதேலை. இருந்தாலும் சொல்லுறன். ஆ... எங்களுக்கு தமிழ் கதைக்கத்தெரிஞ்சால் எங்கட பிள்ளையளுக்கும் தமிழ் சொல்லிக்குடுக்கத்தான் வேணும். எங்கட தாய்மொழியெல்லோ, மறுத்திச்சினம் என்டால் மூக்குக்குள்ளாலை வயர் வைச்சு சாப்பாடு ஏத்திற மாதிரியாவது ஏத்த வேணும்.
    3 points
  30. 1) இந்த புரிந்துணர்வின்மை அனேக வீடுகளில் நடைபெறுவதுதான். இதில் கவைப்பட ஏதும் இல்லை 2) நீங்கள் தமிழ் ஆர்வலராயிருப்பது பெருமைக்குரியது. அதையிட்டு பிறர் குறை காண்பதற்கு இடம் இல்லை. 3) நிச்சயமாக் இல்லை. நீங்கள் தமிழ் ஆர்வலராயிருக்கையில் உங்கள் பிள்ளைகளும் அதில் ஈடுபாடு காட்ட வேண்டும் என எவரும் நிர்ப்பந்திக்க முடியாது.
    3 points
  31. அந்த மனசு தான் சார் கடவுள்.
    3 points
  32. எடுத்து அடிடா! மெய்சிலிர்க்காவிட்டால் யூரியூப் கம்பனி பொறுப்பில்லை!
    3 points
  33. ஒவ்வொருவருடைய தனிப்பட்ட அனுபவமும், வீட்டு சூழலிலும் இது தங்கியுள்ளது.. ஆனாலும் நானறிந்த வகையில் தமிழ் பாடசாலைக்கு தனியே மொழியை மட்டும் கற்றுக் கொள்ள அனுப்புவதில்லை என நம்புகிறேன்.. இது தொடர்பாக சில கருத்துக்கள் உள்ளது.. அதை இன்னொரு திரியில் கூறலாம் என நினைத்து வைத்துள்ளேன்.. உண்மைதான், ஒத்துக்கொள்கிறேன்.. ஆனாலும் நீங்கள் கூறியது போல இரண்டு தலைமுறையில் தமிழ் கற்க ஆர்வமுள்ளவர்களை இழப்பதை தடுக்கவேண்டும் என்ற நோக்கத்தை சற்று சிந்திக்கவேண்டும் என்பதுதான் எனது எண்ணம்.. ஏனெனில் இனி இங்கே இளம் தலைமுறைகள்தான்(2ம், 3ம் தலைமுறை) தமிழ் மொழியை வளர்த்துக்கொண்டு போகப்போகிறார்கள், அவர்கள் தங்களது சமூகத்திற்கு தொண்டாற்ற வரும்பொழுது இந்த மாதிரியான கேள்விகளாலும் கதைகளாலும் ஒதுங்கி போகிறார்கள். பிள்ளைகளின் ஆர்வம் குறைகிறது.. என்பதை காணக்கூடியதாக உள்ளது..
    3 points
  34. வணக்கம் வாத்தியார்........! ஆண் : மரகதவல்லிக்கு மணக்கோலம் என் மங்கலச் செல்விக்கு மலர்க்கோலம் ஆண் : கண்மணித் தாமரை கால் கொண்டு நடந்தால் கண்களில் ஏன் இந்த நீர்க்கோலம் கோலம் திருக்கோலம் ஆண் : காலையில் கதம்பங்கள் அணிந்திருப்பாள் மாலையில் மல்லிகை முடிந்திருப்பாள் திங்களில் சாமந்தி வைத்திருப்பாள் வெள்ளியில் முல்லைகள் சுமந்திருப்பாள் ஆண் : கட்டித் தங்கம் இனி மேல் அங்கே என்ன பூவை அணிவாளோ கட்டிக் கொண்ட கணவன் வந்து சொன்ன பூவை அணிவாளோ தினந்தோறும் திருநாளோ ஆண் : மலர் என்ற உறவு பறிக்கும் வரை மகள் என்ற உறவு கொடுக்கும் வரை உறவொன்று வருவதில் மகிழ்ந்து விட்டேன் உறவொன்று பிரிவதில் அழுது விட்டேன் ஆண் : எந்தன் வீட்டு கன்று இன்று எட்டி எட்டிப் போகின்றது கண்ணின் ஓரம் கண்ணீர் வந்து எட்டி எட்டிப் பார்க்கிறது இமைகள் அதை மறைக்கிறது......! --- மரகதவல்லிக்கு---
    3 points
  35. இந்த வண்ணத்து பூச்சி அமர்ந்திருக்கும் பூ மரத்தின் பெயர் என்ன? நான் கேள்விப்பட்டது கடுகு நாவல் ,வேறு பெயர்களும் இருக்கா
    2 points
  36. நாங்கள் வறுக்காத பச்சை அரிசி மாவிலைதான் பால் புட்டு செய்யிறனாங்கள்.தேங்காய் முதல் பால் விட்டு செய்ய நல்லாயிருக்கும். இணைப்பிற்கு நன்றி
    2 points
  37. இவரது அரசியலை கவனித்தால், ரணிலை தோற்கடித்து, கொழும்பில் முதல் ஆளாக வந்ததில் இருந்து, இனவாத அரசியலை கையில் எடுக்க நினைக்கிறார். கோத்தா, மகிந்தா.... அடோய், டோய்... அதுக்கு நாங்க இருக்கிறோம், நீ...மூடிட்டு இரு என்று சொன்னாலும், இவர், சந்தர்ப்பம் கிடைக்கும் போதெல்லாம், இதை பேச தவறுவதில்லை. அடுத்த ஜனாதிபதி தேர்தலில் போட்டியிட.... ஒரு ஐடியா இருப்பதாக கேள்வி பட்டு தான் இவரைம் ராஜபக்சேக்கள் ஓரம் கட்டினார்கள். சிவபெருமானுடன் சொறிந்த பின்னர் தான், நாடு இந்த நிலைக்கு வந்து, சிங்களவர்கள் பசியுடன் இருக்கிறார்கள்... என்று நம்ம எம்பிமார் அடித்து விட வேண்டியதுதான்... சனம் பசி, பட்டினியில தவிக்குது.... இவருக்கு விகாரை கேட்குது. இதைத்தான் சொல்லுறது.... ஆடான ஆடெல்லாம் குழைக்கழ, ஆமிக்கார வீரசேகர ஆடு, விகாரைக்கு அழுத்திச்சாம்.
    2 points
  38. நேற்று, நீங்கள் காரிலை போகும் போது... விபத்து நடந்ததாமே, எப்படி?
    2 points
  39. மிக்க மகிழ்ச்சி பிரபா சிதம்பரநாதன். தமிழ் மொழி மீது பற்றும் ஆர்வமும் இருப்பது உங்கள் உரிமை . உங்களுக்கு மிகவும் பிடித்தது . துணைக்கு ஆர்வமில்லாத போது பல தடைகள் வரக் கூடும் அது வழமை. பிள்ளைக்கு புகட்டிட முயற்சியுங்கள். முடியாவிடடால் அவரை அவர் போக்கில் விடவும். இதற்காக உ ங்கள் முயற்சியையோ ஆர்வத்தையோ அணை போட வேண்டாம். இது உங்களுக்கான உரிமை வரம் ஆர்வம் . எல்லோருக்கும் எல்லாம் கை வரும் என்று இல்லை. பிள்ளைகள் வளரும் நாடு சூழல் பின்னணி என்பதை பொறுத்தது. மேலும் உங்கள் திறமைகள் யாழிலும் நாம் அறிய பங்கு பெற வாழ்த்துக்கள்
    2 points
×
×
  • Create New...

Important Information

By using this site, you agree to our Terms of Use.