Kashni

சவேந்திர சில்வாவிற்கு இராணுவத் தளபதி பதவி? 6 மாத கால பணி நீடிப்பு இலங்கை இராணுவத்தின் முக்கிய அதிகாரிகளில் ஒருவரான மேஜர் ஜெனரல் சவேந்திர சில்வாவிற்கு ஜூன் 21ஆம் திகதி 55 வயது பூர்த்தியாகிறது. குறித்த தினத்தில் அந்த அதிகாரி ஓய்வு பெற வேண்டும் என்ற போதிலும், அவருக்கு மேலும் 06 மாத காலம் பணி நீடிப்பை வழங்க ஜனாதிபதி மைத்திரிபால சிறிசேன தீர்மானித்துள்ளதாக ஜனாதிபதி செயலகத் தரப்புத் தகவல்கள் தெரிவிக்கின்றன. இதன்படி வரும் நவம்பர் 21ஆம் திகதி வரை சவேந்திர சில்வா பதவி நீடிப்பு பெறவுள்ளார் எனக் கூறப்படுகிறது. அத்துடன், இராணுவத் தளபதி லெப்டின் ஜெனரல் மகேஸ் சேனாநாயக்கவின் பதவிக் காலம் இவ்வருடம் ஓக்ஸ்ட் 18ஆம் திகதி வரை இருக்கிறது. அடுத்த இராணுவத் தளபதி பதவிக்கு பொறுத்தமானவராக மேஜர் ஜெனரல் சத்யபிரிய லியனகே விளங்குவதாக இராணுவத் தரப்புத் தகவல்கள் தெரிவிக்கின்றன. எனினும், நவம்பர் 14ஆம் திகதி அவருக்கு 55 வயது பூர்த்தியாகிறது. குறித்த அதிகாரிக்கு பதவி நீடிப்பை ஜனாதிபதி வழங்கவில்லையெனில், அவர் ஓய்வுபெற வேண்டிய நிலை ஏற்படும். அடுத்த இராணுவத் தளபதி பதவிக்கு சத்யபிரிய மற்றும் சவேந்திர சில்வா ஆகியோருக்கிடையே பனிப்போர் இருப்பதாகக் கூறப்படுகிறது. எவ்வாறாயினும், தற்போதைய நிலவரத்தின்படி சவேந்திர சில்வாவிற்கு அடுத்த இராணுவத் தளபதி பதவி வழங்கப்படும் வாய்ப்புக்கள் இருப்பதாக ஜனாதிபதி செயலகத் தரப்புத் தகவல்கள் தெரிவிக்கின்றன. இராணுவத்தில் இருந்த அதிகாரிகளிடையே சவேந்திர சில்வா மீது கடுமையான போர்க் குற்றங்கள் சுமத்தப்பட்டிருந்தமையும் குறிப்பிடத்தக்கது. செய்தியும், பின்னணியும் அறிந்துகொள்ள https://newsline.lk/ -https://newsline.lk/news/6848-6-14

ஜனாதிபதி மைத்திரிபால சிறிசேனவிற்கு எதிரான வழக்கை விசாரிக்க உயர் நீதிமன்றத்தின் 11 நீதியரசர்கள் அடங்கிய முழுமையான நீதியரசர் குழு அமர வேண்டும் என சட்டமா அதிபர் நீதிமன்றில் கோரவுள்ளதாக சட்டமா அதிபர் திணைக்களத் தரப்புத் தகவல்கள் தெரிவிக்கின்றன. குற்றச் செயலைத் தடுக்கத் தவறியதால் (Criminal negligence) 21/4 தாக்குதல் நடந்ததாக குற்றஞ்சுமத்தி, ஜனாதிபதி மீது பொறுப்பு கூறும் (Vicarious Liability) மனித உரிமை வழக்கொன்று தற்போது உயர் நீதிமன்றத்தில் தாக்கல் செய்யப்பட்டுள்ளது. 21/4 தாக்குதலில் கொல்லப்பட்டவர்கள் சார்பாக ஐவர் இணைந்து சட்டமா அதிபர் உள்ளிட்டவர்களை பிரதிவாதிகளாக குறிப்பிட்டு, நீதிமன்றத்தில் நகர்த்தல் பத்திரமொன்று சமர்ப்பிக்கப்படவுள்ளது. 19ஆவது அரசியலமைப்புத் திருத்தத்தின் ஊடாக நிறைவேற்று அதிகாரமுடைய ஜனாதிபதிக்கு இருந்த அதிகாரங்கள் குறைக்கப்பட்டுள்ள நிலையில், ஜனாதிபதிக்கு எதிராக வழக்குத் தாக்கல் செய்யும் வாய்ப்பு ஏற்பட்டுள்ளது. இதற்கமையவே ஜனாதிபதிக்கு எதிரான இந்த மனித உரிமை வழக்குத் தாக்கல் செய்யப்பட்டுள்ளது. https://newsline.lk/news/6691-maithiripala-sirisena-case

இலங்கையில் தொழில்செய்யும் சீனர்களுக்கு, சீனாவில் இருந்து விசேடமாக சிகரட் கொண்டுவர கோரிக்கைகள் முன்வைக்கப்பட்டதாக நிதியமைச்சர் மங்கள சமரவீர தெரிவித்தார். நிதியமைச்சில் இன்று (30) மாலை நடந்த செய்தியாளர் சந்திப்பில், செய்தியாளர் ஒருவர் எழுப்பிய கேள்விக்குப் பதிலளிக்கும்போது அவர் இதனைத் தெரிவித்தார். https://newsline.lk/news/6690-2019-05-30-12-24-39?fbclid=IwAR1599cl5xSFvK8vlMfoxDDJraf-IhAFoADkRFcD-QnSwe_YHz23OuXu9_Y

சர்வதேச பயங்கரவாதம் இலங்கையில் முழுமையாக ஒழிக்கப்பட்டுள்ள நிலையில், தமது அரசியல் தேவைகளுக்காக இனங்களுக்கிடையில் மோதல்களை ஏற்படுத்தி பயங்கரவாத நிலையை தோற்றுவிக்க, சில மோசடி அரசியல்வாதிகள் முயற்சிப்பதாக நிதியமைச்சர் மங்கள சமரவீர தெரிவித்தார். நிதியமைச்சில் இன்று (30) நடந்த செய்தியாளர் சந்திப்பில் அவர் இதனைத் தெரிவித்தார். இங்கு தொடர்ந்து உரையாற்றிய நிதியமைச்சர் மங்கள சமரவீர ''உலக நாடுகளும் ஐ.எஸ். பயங்கரவாதத்தை எதிர்கொண்டுள்ளன. இலங்கையும் அண்மையில் எதிர்கொண்டது. ஆனால் இலங்கையில் சர்வதேச பயங்கரவாதம் குறுகிய காலத்திற்குள் முற்றாக ஒழிக்கப்பட்டுள்ளத. எனினும், இலங்கையில் இன்னுமொரு பயங்கரவாதத்திற்கு குரூர அரசியல் நோக்கம் கொண்ட ஒரு தரப்பினர் முயற்சிக்கின்றனர். இனவாத பிரச்சினையை ஏற்படுத்தி, இரு தரப்பினருக்கிடையே மோதலை உண்டு பண்ணில் அதில் பயனடைய முயற்சிக்கின்றனர். இதற்கு எதிராக இலங்கையர்கள் அணி திரள வேண்டும். 83ஆம் ஆண்டு நடந்த கறுப்பு ஜூலை கலவரத்தின் பின்னரே தமிழ் மக்கள் விடுதலைப் புலிகள் பக்கம் தள்ளப்பட்டனர். முஸ்லிம் மக்களையும் இ ந்தச் சந்தர்ப்பத்தில் அவ்வாறான நிலைக்கு தள்ளிவிடக் கூடாது. முஸ்லிம் சமூகத்திற்கு எதிராக மேற்கொள்ளப்படும் இடையூறுகள் அவர்களை அடிப்படை வாதத்திற்குள் தள்ளிவிடக் கூடும். அதில் கவனமாக நடந்துகொள்ள வேண்டும். இலங்கையில் உள்ள 99.9 வீதமான முஸ்லிம்களுக்கும் இதற்கு எவ்வித தொடர்பும் கிடையாது. ஆனால், இன்றைய நிலையில், முஸ்லிம் மக்கள் வெளியே செல்லும்போது அவர்களுக்கு இடையூறுகள் ஏற்படுத்தப்படுவதாக அறியக்கிடைக்கிறது. அவ்வாறு செய்ய வேண்டாம் என நாம் கேட்டுக்கொள்கிறோம். நான் ஒரு மதத்தையோ, இனத்தையோ நேசிப்பதற்கு மேலாக இலங்கையை நேசிக்கிறேன். அதனால் இதனைக் கூறுகிறேன். நாமே தீவிரவாதிகளை உருவாக்குகிறோம். அதனால் அனைத்துத் தரப்பினரம் ஆபத்தில் இருக்கிறோம். 48ஆம் ஆண்டு காலப்பகுதியில் தெற்காசியாவில் அபிவிருத்தியடைந்த நாடாக இலங்கை இருந்தது. ஆனால் 70 ஆண்டுகள் கழிந்துள்ள நிலையில், தெற்காசியாவில் பின்தள்ளப்பட்ட நாடாக இலங்கை மாற்றமடைந்துள்ளது. இன, மத, குல ரீதியாக வேறுபட்டுள்ளதே இதற்குக் காரணமாகும். எனவே, இன, மத, குல ரீதியாக பிரிவினையை ஏற்படுத்தி, நாட்டை நாசப்படுத்தி, தமது குறுகிய இலக்கை அடைவதற்கு சில அரசியல்வாதிகள் முயற்சிக்கின்றனர். இவர்களுக்கு ஒருபோதும் இடமளிக்கக்கூடாது.'' என்று அமைச்சர் மேலும் தெரிவித்தார். https://newsline.lk/news/6689-2019-05-30-12-13-02

நீர்கொழும்பு பிரதேசத்தில் இன்று காலை முதல் வதந்திகள் பரவியதாகவும், இந்த வதந்திகளினால் மக்கள் அச்சம் கொள்ளத் தேவையில்லை எனவும் பொலிசார் தெரிவித்துள்ளனர். நீர்கொழும்பு பிரதேசத்திலுள்ள கத்தோலிக்க பாடசாலைகள் மீது தீவிரவாதத் தாக்குதல் நடத்தப்படக்கூடும் என்ற வதந்தி பரவியதாகவும், இதனால் பொதுமக்களும், பெற்றோரும் பதற்றமடைந்ததாகவும் பொலிஸ் பேச்சாளர் ருவன் குணசேகர தெரிவித்தார். இவ்வாறு பரவிய தகவல்களில் எவ்வித உண்மையும் இல்லையெனவும், இவை வெறும் வதந்திகள் மட்டுமே எனவும் பொலிஸ் பேச்சாளர் தெரிவித்தார். அத்துடன், பாடசாலைகளின் பாதுகாப்பு பலப்படுத்தப்பட்டுள்ளதாகவும் பொலிஸ் பேச்சாளர் குறிப்பிட்டார். பாடசாலைகளுக்குள் வெளிநபர்களை அனுமதிக்கவோ, பாடசாலை நேரங்களில் மாணவர்களை வெளியே செல்ல அனுமதிக்கவோ வேண்டாம் என பாடசாலை அதிபர்களுக்கு பொலிசார் அறிவுறுத்தல் வழங்கியுள்ளதாகவும் பொலிஸ் பேச்சாளர் மேலும் தெரிவித்தார். https://newsline.lk/news/6687-2019-05-30-08-01-28

களனி பல்கலைக்கழகம் கால வரையறை இன்றி மூடப்பட்டுள்ளது. தீவிரவாதிகள் தாக்குதல் நடத்தலாம் என்று வெளியாகிய எச்சரிக்கை பிரசுரத்திற்கு பின்னர் பல்கலைகழக நிர்வாகம் இந்த நடவடிக்கையை எடுத்திருப்பதாக அனைத்துப் பல்கலைகழக மாணவர் ஒன்றியத்தின் இணைப்பாளர் மஹீல் பண்டார தெஹிதெனிய தெரிவித்தார். மட்டக்களப்பு சட்டவிரோத 'சர்யா' பல்கலைகழகத்திற்கு எதிராக நடத்தவுள்ள ஆர்ப்பாட்டம் குறித்து இன்று கூடி திட்டமிட எதிர்பார்த்திருந்த நிலையில் இவ்வாறு எச்சரிக்கை கடிதம் வெளியாகி பரபரப்பை ஏற்படுத்தியதாகவும் அவர் கூறினார். இந்த கடிதம் குறித்து பாதுகாப்புத் தரப்பினர் விசாரணைகளை ஆரம்பித்துள்ளதுடன், இந்த எச்சரிக்கை குறித்து தீவிர விசாரணைகளை ஆரம்பித்துள்ளனர். https://newsline.lk/news/6685-2019-05-30-06-06-05?fbclid=IwAR33CWMS6Ai_2wFioglSsJcZVQ3oicRgwtTTalWYST4ue6tZZJCYrfp8BSw

''நிதி அமைச்சிற்குள் ஐ.எஸ் பயங்கரவாதியா? வெடிபொருட்களுடன் சிக்கிய மொஹமட் அலி ஹசன்'' என்று பொய்யான பதற்றத்தை ஏற்படுத்தும் வகையில், செய்திகளை வெளியிட்டு, மக்களை பீதியாக வைத்திருக்க முனையும் இவ்வாறான ஊடகங்களை என்ன சொல்வது..

கெக்கிராவை மடாடுகமை பிரதேசத்தில அமைக்கப்பட்டிருந்த தவ்ஹித் ஜமாத் அமைப்பினர் தொழுகையில் ஈடுபடும் பள்ளிவாசலை, பிரதேச முஸ்லிம் மக்கள் மற்றும் பெரிய ஜூம்மா பள்ளவாசலின் 29 பேர் இணைந்து இன்று இடித்து தரைமட்டமாக்கியுள்ளனர். https://newsline.lk/news/6675-2019-05-29-17-55-33 கிராமத்தில் வசிக்கும் பிள்ளைகளுக்காக நூலகம் ஒன்றை நிர்மாணிக்க காணி ஒதுக்கப்பட்டிருந்த நிலையில், வெளிநாட்டு அமைப்பு ஒன்றின் நிதியுதவியில் இந்த பள்ளிவாசல் நிர்மாணிக்கப்பட்டுள்ளதாக பெரிய பள்ளிவாசலின் தலைவர் எம்.எச்.எம். அக்பர் கான் தெரிவித்துள்ளார். நாட்டில் தற்போது காணப்படும் சூழ்நிலையில், மற்றுமொரு பள்ளிவாசல் அவசியமில்லை என்பதால், பெரிய பள்ளிவாசலின் செயற்குழுவுடன் இணைந்து பள்ளிவாசலை உடைக்க தீர்மானித்தோம் எனவும் அவர் கூறியுள்ளார். இதன் பின்னர் மடாடுகமை பிரதேச மக்களுடன் இணைந்து நிர்மாணிக்கப்பட்டிருந்த பள்ளிவாசலை உடைத்துள்ளனர். அரபு மொழியில் எழுப்பட்டிருந்த பெயர் பலகையும் கழற்றப்பட்டுள்ளது. இந்த பள்ளிவாசலை நிர்மாணிக்க வெளிநாடுகளில் இருந்து பணம் கிடைத்துள்ளதாகவும் பணம் வழங்கியவர்களின் பெயர்கள் அரபுமொழியில் எழுதப்பட்டுள்ளதாகவும் கூறப்படுகிறது. அதேவேளை மடாடுகமை பிரதேசவாசியான மொஹமட் அமீன் என்பவர் கூறுகையில், உடைக்கப்பட்ட பள்ளிவாசலுக்கு பெயர் இருக்கவில்லை. முஸ்லிம் பள்ளிவாசல் எனக் கூறினாலும் அதில் தவ்ஹித் ஜமாத் அமைப்பினரே தொழுகை நடத்தி வந்தனர் எனக் கூறியுள்ளார். அதேவேளை பிரதேசத்தில் வாழும் சிங்கள மக்களுடன் பல காலமாக மிகவும் நெருக்கமாக வாழ்ந்து வருவதாகவும் தவ்ஹித் ஜமாத் அமைப்பினர் காரணமாக அதற்கு பங்கம் ஏற்படும் நிலைமை உருவாகியுள்ளதாகவும் மடாடுகமை ஜூம்மா பள்ளிவாசல் உறுப்பினர்கள் கூறியுள்ளனர். இதனால், கிராமத்தில் உள்ளவர்கள் அனைவரும் இணைந்து கலந்துரையாடி, பிரதேச மக்களுடன் இணைந்து செயற்பட தடையாக இருக்கும் வெளிநாடுகளின் உதவியுடன் நிர்மாணிக்கப்பட்ட பள்ளவாசலை இடிக்க தீர்மானித்தாகவும் அவர்கள் குறிப்பிட்டுள்ளனர். https://newsline.lk/news/6675-2019-05-29-17-55-33

ஊரில் இருக்கும் வீட்டில் தோட்டக்கள் இருந்ததாகக் கூறி நிதியமைச்சின் செய்திப் பிரிவுப் பணிப்பாளர் மொகமட் அலி அசன் இன்று காலை பாதுகாப்புத் தரப்பினரால் கைதுசெய்யப்பட்டுள்ளார். https://newsline.lk/news/6673-malwana-mohamad-ali-hasan மல்வானை பிரதேசத்தில் பாதுகாப்புத் தரப்பினர் நடத்திய தேடுதல்களின் போது குறித்த வீட்டுக் கூரையில் இருந்து இந்தத் தோட்டக்கள் மீட்கப்பட்டுள்ளதாக பொலிஸ் பேச்சாளர் ரூவான் குணசேகர தெரிவித்தார். இதுகுறித்து விசாரித்தபோது, மல்வானை பிரதேசத்தில் இன்று அதிகாலை பாதுகாப்புத் தரப்பினர் தேடுதல் மேற்கொண்டதாகவும், இதன்போது வீட்டுக் கூரையில் இருந்து ஒருதொகை துருப்பிடித்த தோட்டக்கள் (93) மீட்கப்பட்டதாகவும் தெரியவருகிறது. மொகமட் அலி அசனின் வீட்டில் இருந்து தோட்டாக்கள் மீட்கப்பட்டதாகவே பிரதான ஊடகங்கள் செய்தி வெளியிட்டு வருகின்றன. எவ்வாறாயினும், ஊரில் இருக்கும் பழைமை வாய்ந்த வீட்டிலேயே இந்தத் தோட்டாக்கள் மீட்கப்பட்டுளளன. இதுகுறித்து கைதுசெய்யப்பட்டவரின் மகனைத் தொடர்புகொண்டு கேட்டபோது அவர் இதன் பின்னணி குறித்து விளக்கமளித்தார். ''அந்த வீடு எமது தாத்தாவிற்குச் சொந்தமானது. அதாவது அம்மாவின் அப்பாவின் வீடு. எமது தாத்தாவிடம் போர துப்பாக்கியொன்று இருந்துள்ளது. 88 - 89 ஆண்டு வன்முறை காலப்பகுதியில் தாத்தா அந்தத் துப்பாக்கியை பொலிசாரிடம் ஒப்படைத்ததாக அம்மா கூறியிருந்தார். தற்போது தாத்தா இறந்து 17 வருடங்கள் கடந்துவிட்டன. அதன்பின்னரே எமது தந்தை குடும்பத்துடன் இங்கு வந்துள்ளார். அதாவது அம்மாவைத் திருமணம் முடித்த பின்னர். இந்தத் தோட்டாக்களை தாத்தா மறைத்துவைத்திருந்தாரா என்பது பற்றி எமக்குத் தெரியாது. தோட்டாக்கள் மீட்கப்பட்டபோது, எமது அம்மா பாதுகாப்புத் தரப்பினருக்கு இதுகுறித்து கூறினார். அதுவரை இந்த விவகாரம் எமது தந்தைக்குக் கூட தெரியாது. இந்தத் தோட்டாக்கள் பழையவையா? புதியவையா? என்பதை பரிசோதனை செய்யுமாறு பாதுகாப்புத் தரப்பினரிடம் கேட்டுள்ளோம்.'' என்று விளக்கமளித்தார். இந்தத் தோட்டக்கள் சுமார் 35 வருடங்கள் பழைமையானவை என்பது தெரியவருகிறது. கடந்த காலங்களில் வீட்டில் வைத்திருக்கும் பழைய கத்தி, கோடாரிகளுக்கும் கைதுகள் நடந்துவரும் நிலையில், தாத்தா காலத்தில் ஒழித்துவைக்கப்பட்டிருந்த தோட்டக்களுக்காக குறித்த அதிகாரி கைதுசெய்யப்பட்டுள்ளதாக குறித்த அதிகாரிக்கு நெருக்கமான நண்பர் ஒருவர் தெரிவித்தார். Newsline.lk https://newsline.lk/news/6673-malwana-mohamad-ali-hasan

இலங்கையின் எட்டாவது நாடாளுமன்றத் தேர்தல் நாடு முழுவதிலும் விறுவிறுப்பாக நடைபெற்று வருகின்றது. நாடாளுமன்றத் தேர்தல் முடிவுகளை முதலில் அறிந்துகொள்ள எம்முடன் இணைந்திருங்கள். உள்ளுர் இலத்திரனியல் ஊடகங்களைவிடவும் துரித கதியில் உத்தியோகபூர்வ முடிவுகளை உங்களிடம் கொண்டுசேர்ப்பதற்கு அனைத்து நடவடிக்கைகளையும் எடுத்துள்ளோம். இணைந்திருங்கள். http://www.tamil.srilankamirror.com/

2009 ஈழத்தில் நடந்த இறுதிப் போரின் போது கொல்லப்பட்ட தமிழ் மக்களின் நினைவாகவும் இனப்படுகொலையை நினைவு கூறும் வகையிலும் தஞ்சை விளார் சாலையில் இரண்டரை ஏக்கர் நிலத்தில் முள்ளிவாய்க்கால் நினைவு முற்றம் அமைக்கப்பட்டு 8 -ம் தேதி திறக்கப்பட்டது. கற்சிற்பங்கள், ஓவியங்கள் என காண்போர் மனதை நெருடும் வகையில் அமைக்கப்பட்டிருந்த இந்த முற்றத்தை தமிழக முதல்வர் ஜெயலலிதா விரும்பவில்லை என்று தெரிகிறது. இந்நிலையில் இன்று அதிகாலை 500 -ம் அதிகமான போலீசாரின் மேற்பார்வையில் முற்றம் இடிக்கப்பட்டு வருகிறது. இதனால் தஞ்சையில் பதட்டம் எழுந்துள்ளது. "முள்ளிவாய்க்கால் நினைவு முற்றத்தின் முன் பகுதியில் உரிய அனுமதி பெற்று சட்டப்பூர்வமாக அமைக்கப்பட்டிருந்த இந்தப் பூங்கா இன்று அதிகாலை 5.30 மணியளவில் அத்துமீறி நுழைந்த காவல்துறையினரால் சட்டவிரோதமாக இடித்துத் தகர்க்கப்பட்டது. முன் பகுதியில் அமைக்கப்பட்டிருந்த அரை சுற்றுச் சுவரும், முள்ளிவாய்க்கால் நினைவு முற்றம் பெயர்ப்பலகையும் தரைமட்டமாகத் தகர்க்கப்பட்டது. இப்படத்தில் காணப்படும் நீரூற்று வரை வந்து விட்ட காவல்துறையினர் அதற்குள் தோழர்கள் கூடியதால் தற்காலிகமாக இடிப்பதை நிறுத்தியுள்ளனர். ஆனால் முற்றத்திற்குள் செல்லும் பாதையை வேலி போட்டு அடைத்துள்ளனர். அனைத்துத் தலைவர்களுடன் கலந்து ஆலோசித்து அடுத்தக் கட்ட நடவடிக்கைக் குறித்து முடிவெடுக்கப்படும் என பழ. நெடுமாறன் அறிவிப்பு." என்ற தகவலைத் தருகிறார் நெடுமாறன் அவர்களின் புதல்வியான பூங்குழலி இவர்கள் முற்றத்தினுள்ளேயே இருக்கிறார்கள் என்பது குறிப்பிடத்தக்கது. http://tamilworldtoday.com/home

தமிழீழப் போராட்ட வரலாற்றில் அழுத்தமான முத்திரை பதித்துள்ள கரும்புலிகளை நினைவுகூரும் கரும்புலிகள் தினம் இன்றாகும். வீடியோ, படங்கள் தொடர்ந்து வாசிக்க... http://tamilworldtoday.com/archives/20608