goshan_che

கருத்துக்கள உறவுகள்
  • Content Count

    4,041
  • Joined

  • Last visited

  • Days Won

    15

Everything posted by goshan_che

  1. லாரா, சைவம் எமது சமயமா என்பதை பற்றி கொஞ்சம் தர்க பூர்வமாக ஆராய்வோம். முடிந்தளவு கருத்தை பற்றி மட்டுமே கருதெழுதுவோம், கருத்தாளர் என்ன நோக்கில் எழுதுகிறார் என்பதை விட்டு விடுவோம். 1. சைவ சமயத்தின் முழு முதற் கடவுள் என இலங்கை சைவநெறி புத்தகம் சுட்டுவது யாரை ? சிவன் 2. சிவனின் இருப்பிடம் என நீங்கள் மேற்கோள் காட்டும் சைவநெறி புத்தகம் காட்டுவது எவ்விடதை ? திபெத்தில் உள்ள கைலாயமலை. 3. வடக்கே அகோரிகள் வழிபடும் சிவனும், தமிழர்களின் சிவனும் ஒருவரா? 4. ஒருவர் எனில் - தமிழரின் சங்க இலங்கியங்கள், வடக்கர்/ஆரியர் வருகைக்கு முன்னான தமிழ் இலக்கியம்/ கல்வெட்டுகள் ஏதிலும், இந்த சிவனே எமது முழுமுதல் தெய்வம் என்ற குறிப்பு இருக்கிறதா? 5. ஒருவர் இல்லை எனில்- எமது சிவன் என்னவானார்? 6. எமது உணவு, மொழி, நிலம் எல்லாம் எம்மை சுற்றி அமைய, ஏன் எமது முழு முதல் கடவுள் மட்டும் திபெத்தில் இருந்து வந்தார்? 7. சைவத்தை ஏனைய 5 உடன் சேர்த்தவர் யார்? ஆதி சங்கரர். அதுக்கு முன்னே சைவம் தனிச் சமயமாக இருந்தது. அந்த சைவத்துக்கு முன் எமது இறையியல் என்ன? 8. தமிழ் கல்வெட்டுக்கள், பாண்டைய இலக்கியங்கள் யாவுமே, எமது முழுமுதல் இறவனை பற்றி ஒரு வசனமும் எழுதாமல் இருப்பது ஆனால் “தெய்வம்” என்ற தத்துவத்தை முன்னிறுத்துவது ஏன்? 9. சிவனை பண்டை காலத்திலேயே மறைக்க முயற்சித்தனரா? அல்லது அப்போது இவரை பற்றி நாம் அறிந்து இருக்கவில்லையா? 10. நான் ஒன்றும் வரலாற்று பண்டிதன் இல்லை. ஆனால் இது சிறு வயது முதலான எனது தேடல். இந்த கேள்விகளின் பலனாக நான் எடுத்திருக்கும் எடுகோள்கள் ( முடிவு அல்ல) பின்வருவன. தக்க ஆதாரம் காட்டுமிடத்து இவற்றை மாற்றவும் தயராக உள்ளேன். என் எடுகோள்கள். அ. கிறீஸ்தவம், அதற்கு முன் இஸ்லாம் இந்த வரிசையில், எம்மை வெற்றி கொண்டு அடிமைப் படுத்தியோரில் முதலில் எம்மை அடிமை செய்த வடக்கத்தியரின் மதமே சைவம். ஆ. சைவத்துக்கு முன்னாக, எமக்கு இறை என்ற ஒரு கருத்தியல் இருந்தது, ஆனால் ஒரு முழு முதற் கடவுளோ நிறுவனமயப்பட்ட மதமோ இருக்கவில்லை. ஆங்காங்கே சிறு தெய்வ, மூதோர் வழிபாடு இருந்திருக்கலாம். இ. வரலாறு வென்றோராலே எழுதப்படும். ஒரு மக்கள் கூட்டத்தை அடிமை செய்யும் போது, எல்லாத்தையும் 100% திணிக்க மாட்டார்கள். சிலதை உருமாற்றுவார்கள், கலாச்சார கபளீகரம் (cultural appropriation) செய்வார்கள். அண்மைய உதாரணங்கள் யேசுவை “பிரான்” என்றழைப்பதும், அல்குரானை, “திருக்குறான்” என்றழைப்பதும். அதேபோல, வடக்கத்திய சைவம் எம்மத்தியில் பரவும் போது வெவ்வேறு பகுதிகளில் வேறு வேறாக இருந்த எம் குறு நில தெய்வங்களை சூறையாடி அவர்களை, தம் மதத்தில் சிறு தெய்வங்களாக ஆக்கி கொண்டனர் (முருகன்). ஈ. எமது இலக்கியங்களை படிக்கும் போது, எம்மில் பண்டைய நாளில் சாதிய ஏற்றத் தாழ்வு இருக்கவில்லை என்பது தெளிவாகிறது. ஆனால் தொழில் முறையாக பகுப்பு இருந்தது. அன்று எம்மில் மீன் பிடிப்பவர்கும், விவசாயம் செய்தவர்க்கும் சமூக ஏற்ற தாழ்வு இருக்கவில்லை. இப்படி எம் இறையியலை விழுங்கி கொண்ட வடக்கத்திய பிரம்மணியம், எம்மில் இருந்த தொழில்சார் பிரிப்பை தமது வர்ணாசிரம தத்துவத்தோடு இணைத்து, எம்மை சாதிகளாக பிரித்து, தீண்டாமையை அறிமுகம் செய்து வைத்தது. உ. ஆனாலும் தம் மேலாண்மையை தக்கவைக்க தாமே (பிராமணர்) இந்த கட்டமைப்பின் முதல் படி என ஆக்கிகொண்டனர். மட்டுமில்லாமல், எமது மன்னர்களின் ராஜ குருக்களாக, அர்த சாஸ்திரம் போன்ற பிராமண மேலேதிக்கம் பேணும் நூல்கள் வாயிலாக, கல்வியையும், அதிகாரத்தையும் தாமே கையில் வைத்துக் கொண்டனர். ஊ. கொடுமையிலும் கொடுமையாக, எம் மக்களை தமிழில் இருந்து அந்நியப் படுத்தி, தாமே தமிழில் விற்பனராகி, நாலாயிரத் திவ்விய பிரபந்தம், மூவர் தமிழ் என்பதாக, எம் மொழி மூலமே, திணிக்கப்பட்ட சைவத்தை, எம் புராதன நம்பிகை என நிறுவியுள்ளனர். இவைதான் எனது எடுகோள்கள்.
  2. துல்பென் மிகவும் ஆதாரபூர்வமா கருத்துக்களை முன் வைக்கும் உங்கள் பாங்கு அலாதியானது. உங்களின் கருத்துக்களுடன் எனக்கு 100% ஒப்புதல் இல்லாவிடினும், எதையும் தர்க ரீதியாக ஆராயும், சீண்டல்களை, சின்னபிள்ளைத்தனங்களை மேவி கண்ணியமாக கருத்தாடும் உங்கள் பண்பு போற்றுதலுக்குரியது. இந்த திரியில் உங்களின் சில (அனைத்தும் அல்ல) கருத்துக்களுக்கு பச்சை குத்த நினைத்தாலும், ஏற்கனவே குழு மனோநிலை தலைக்கேறியவர்கள், நம்மை ஒரே அணியாக சித்தரிப்பதால், அந்த மனோநிலையை மேலும் வளரக்க வேண்டாமே என எண்ணி, பச்சைகுத்துவதை தவிர்து வந்தேன். கடைசி ரெண்டு பதிவுகளில் நீங்கள் இட்ட விபரங்கள் யாழில் வழமையாக குதிரை ஓட்டப் படும் குண்டுச்சட்டிக்கு முற்றிலும் வேறுபட்டது. இப்படியான கருத்துக்களை இந்தமாதிரி செய்தி திரிகளில் இணைக்காமல் ஒரு தனித்திரியாக திறப்பீர்களேயாயின், உண்மையின் தேடுதல் உள்ளோர்க்கு அது பெருதவியாக அமையும்.
  3. பெரியாருக்கு நன்றி. ஆனாலும் அர்சகர் ஆகலாமே ஒழிய, பிராமணர் ஆக முடியாது.
  4. கடைசி படிக்கும் கீழாக ஒரு படி இருக்கணுமே என்றுதான் எனக்குத் தோன்றுகிறது .
  5. நல்ல விசயம் பையா. ஒரு தாழ்மையான வேண்டுகோள். நீங்களும் உங்கள் நண்பர்களும் 1999 வந்த போது அங்கே இருந்த ஏனைய இனத்தவர்கள் எல்லாரும் தம் இனத்தவருக்கு மட்டுமே வேலை என இருந்திருந்தால் - உங்கள் நண்பர்களும் நீங்களும் இப்படி முன்னேறி இருக்க முடியாதல்லவா? என்ன இனமா இருந்தா என்ன பையா, பசியும் வாழ்கையில் முன்னேற வேண்டும் என்ற துடிப்பும் எல்லாருக்கும் பொதுவானதுதானே? நம்பிக்கையானவர்களை கைதூக்கி விடுங்கள், இனம், மொழி மதம் எல்லாம் இரெண்டாம் பட்சம். இது என் தாழ்மையான கருத்து.
  6. உண்மைதான் இது சாதியம் என்பதை விட, வர்க்க/குடும்ப ஆதிக்கம் எனலாம். ஆனால் இந்த முறையில், ஒப்பீட்டளவில் ஒரு சிறிய முன்னேற்றகரமான விசயம் என்னவென்றால் இங்கே social mobilityக்கு கொஞ்சமேனும் வாய்பிருக்கிறது. உதாரணதுக்கு இந்த வங்கிகளில் ஆதிக்கம் செலுத்தும் கோல்ட் ஸ்மித் குடும்பத்தில் வெளியாளான இம்ரான்கான் இணைந்த போது, ஜெமைமாவை யாரும் வர்க்கம் மாறி கல்யாணம் கட்டிவிட்டாய் என தலைமுழுகி விடவில்லை. இம்ரானையும் தம்மோடு ஒருவராக்கி இழுந்துக் கொண்டனர். இதேதான் எதிர்கால ராணியார் கேட் மிடில்டன் விசயத்திலும் நடந்தது. ஆனால் சாதிய முறையில் இதுக்கு வாய்ப்பே இல்லை. சாதிக்கு வெளியே கலக்கும் போது, கலந்தவர் கீழிறக்கப்படுவாரே ஒழிய, இருவரையும் மேலே எடுப்பதில்லை. இதற்க்கான காரணம்? மதம். எப்படி? வர்ணாசிரமம் சொல்கிறது சாதி பிறப்பால், இறைவனால் தீர்மானிக்கபடுகிறது, அதை நடுவில் மாற்ற முடியாது. நான் நாளைக்கே ஒரு கோல்ட்ஸ்மித் பொம்பிளையை கட்டி, எனது மூளை, பணம் சேர்க்கும் உத்திகளை பயன்படுத்தி அவர்களில் ஒருவனாக ஏற்கப்பட வாய்புள்ளது. எனக்கு இல்லாவிடினும் என் மகனாவது ஏற்கப்படலாம் ( கவனிக்க: பொரிஸ் ஜோன்சனின் பாட்டன் ஒரு துருக்கிய முஸ்லிம்). ஆனால் தலை கீழாக நிண்டு தண்ணி குடிச்சாலும் என்னால், என் சந்ததியாலே பிராமணன் ஆக முடியாது.
  7. உண்மைதான் உலகத்தின் கவனம் இன்னொரு பக்கம் திரும்ப மறுபடியும் இதையோ அல்லது இதைபோல இன்னொரு வதையையோ ஆரம்பிப்பார்கள்.
  8. உங்கள் மச்சானுக்கு தங்க மனசு பையா. உங்களுக்கும்தான். தங்கும் அனுமதி இல்லாதவரை கசக்கி பிழிந்து வரும் பணத்தில்தான் வெளிநாட்டில் பலமுதலாளிகளின் படம் ஓடுகிறது.
  9. ஓ எச்(ச) ராஜா சர்மாவே சொல்லீட்டாரா? இனி ஏது அப்பீல்? நடவடிக்கை எடுத்த அதிகாரிகளுக்கு எல்லாம், “ஆண்டி இந்தியன்”, “ஆண்டி ஹிந்து” பட்டமளிப்பு செய்தால் போச்சு
  10. நல்ல விசயம். ஆனால் டிக்கிரியை 2ம் நாள் பெரெஹெரவோடு நிறுத்திவிட்டதாய் படித்தேன். ஆனால் இவர்கள் இன்னும் கையொப்பம் எடுக்கிறார்கள்?
  11. மலேசியாவுக்கு பின் உலகில் அதிகம் இந்து கோயில்கள் இருக்கும் இஸ்லாமிய நாடு என்றால் அது இந்தோனேசியாதான். பாலித்தீவில் மட்டுமே இஸ்லாம் பரவ முன்பிருந்தே வாழ்ந்த இந்துக்கள் இருகிறார்கள். ஏனைய தீவுகளில் வசிக்கும் இந்துக்களெல்லாம் சில நூறு வருடங்களுக்கு முன் போனவர்கள். ஜகார்தாவில் ஒரு காளிகோவில் இருக்கிறது. தமிழக முறைப்படி அமைந்த கோயில். இன்னும் கொஞ்சம் மேளா போனால் மெடான் நகரம் - இங்கே மிக அதிகளவில் தமிழர்கள் வசிக்கிறார்கள். கோயில்களும் அதிகம். இஸ்லாமிய பரவலுக்கு முன்னர், தமிழகத்தோடு அதிக தொடர்புகளை கொண்டிருந்த தேசம் இந்தோனேசியா. ஒரு காலத்தில் தமிழ் எழுத்துக்களே பாஷா இந்தோனேசியா/மலாய் மொழியை எழுத பயன்பட்டது. இன்று மலாய் மொழி ஆங்கில எழுத்துக்களை கொண்டும், பாஷா இந்தோனேசியா டச்சு எழுத்துக்களை கொண்டும் எழுதப் படுகிறது. பழக இனிய மக்கள். மிகவும் சகிப்புத் தன்மையோடு பல ஆண்டுகாலமாய் தமிழர்களை, அவர்கள் கலாச்சாரத்தை, மொழியை, மதத்தை தம்மத்தியில் வாழ விட்ட நல்லுள்ளங்கள். அவர்கள் நல்ல குணத்துக்கு எல்லாம் நல்லதாகவே நடக்க கடவது. https://en.m.wikipedia.org/wiki/List_of_Hindu_temples_in_Indonesia
  12. சாதியம் என்பது ஒரு நம்பிக்கை அல்லவா? நமது முன்னோர்கள் கைக்கொண்ட ஒரு நடைமுறை அல்லவா? சிலருக்கு மத நம்பிக்கை அடையாளம் எப்படி அத்தியாவசியமோ அதே போல் இன்னும் சிலருக்கு அவர்களின் சாதிய அடையாளம் இன்றியமையாததாக இருக்கலாம் அல்லவா? இந்த இளைஞர்கள் தாமே தமக்குள் கடைப்பிடிக்கும் சாதிய பழக்கவழக்கங்களில் இந்த சாதிகளை சேராதோர் அல்லது சாதியே இல்லை என்போர் மூக்கை நுழைப்பது தவறு என்று இந்த இளஞர்கள் சார்பாக யாரேனும் கூறக்கூடுமா? Just thinking out aloud.
  13. எல்லாம் நம்பிக்கைதான். ஒருத்தருக்கு கடவுள்/ தன் மதம் மீது அசையாத நம்பிக்கை. இன்னொருவருக்கு கடவுள் இல்லை என்பதன் மீது அசையாத நம்பிக்கை. மற்றையவருக்கு தன் சதிக் கோட்பாடு சரி என்பதில் மீது அசையாத நம்பிக்கை. எமது நம்பிக்கை அடிப்படையில் நாம் செய்யும் ஒரு செயலை வேறு ஒருவர் தட்டிக் கேட்டால் பொத்துக் கொண்டு வரும் கோபம், இன்னொருவரின் நம்பிக்கையை நாம் கேள்விக்குள்ளாக்கும் போது வருவது இல்லை. உ+ம் : முன்னேஸ்வரத்தில் பலி கூடாது, முஸ்லீம்கள் போயாவில் மாடு வெட்டக் கூடாது எனும் பெளத்த புண்ணியவாங்களுக்கு 70 வயது என்புதோல் போர்த்திய யானையின் துயரம் கண்ணுக்குப் படாது. இது மறுவழமாக இந்துக்களுக்கும் ஏனைய எல்லா நம்பிக்கையினருக்கும், நம்பிக்கை இல்லாதோருக்கும் கூட பொருந்தும். எல்லாம் தக்காளி சோஸ்/இரத்தம் கதைதான் இது போல் ஒரு அமைப்பு இதில் தலையிட்டதாக எங்கோ படித்தேன்.
  14. உண்மைதான் இதனால்தான் நான் யாருக்கும் அவர்கள் மத நம்பிக்கை பற்றி பாடம் எடுப்பதில்லை. ஆனால் மதவாதிகள் மட்டுமில்லை, கடவுள் மறுப்பாளர்களிடம் போய் கடவுள் இருக்க கூடுமோ? என்ற ஐயத்தையேனும் சொல்லிப் பாருங்கள், பிச்சு மேய்ந்து விடுவார்கள். . இவ்வளவு ஏன் சதிக்கோட்பாட்டாளர்களிடம் போய், அவர்களின் ஒரு கோட்பாடு அவ்வளவாக நம்பும் படியாக இல்லை என ஒரு வார்த்தை தவற விட்டுப் பாருங்கள் - பக்கம் பக்கமாக தன்னிலை விளக்கம் தருவார்கள். எதன் மீதும் அதிக பற்றுக் கொண்டால் இதுதான் நிலை.
  15. தனிமனித தாக்குதல் செய்யாது கருத்தாடுவது என்பது இதுதான் போலும். நீங்கள் எழுதுவதும் விடுவதும் உங்கள் முடிவு. ஆனால் தேவையில்லாமல் எனக்கு, நாத்திகன், இந்து மதவிரோதி இப்படி பொய்பட்டங்கள் கட்ட முனைந்தால் அதுக்கு தக்க பதில் எப்போதும் தரப்படும்.
  16. உங்கள் விளக்கமின்மைக்கு இந்த ஒரு கேள்வி - ஒரு சோறு பதம். இந்த கேள்வியை ஏன் என்னிடம் கேட்கிறீர்கள்? இதை உங்கள் மதத்தை இழிவு படுத்துபவரிடம் கேளுங்கள். நான் மத நம்பிக்கை பற்றியோ, அலகு குத்துவது மூடநம்பிக்கையா இல்லையா என்று எதுவுமே எழுதவில்லை. என் கருத்து பூராவும் குழந்தைகள் நலன், குழந்தைகள் உடல் மீது பெற்றாருக்கு இருக்கும் உரிமை பற்றியதாகவே இருந்ததது. உங்கள் நம்பிக்கையை நான் எங்கேயும் கேள்வி கேட்காதபோது, எல்லா கருத்தாளரையும் ஒரே சட்டியில் போட்டு வறுப்பது ஏன்? விளக்க குறைவா? குழு மனோநிலை கண்ண மறைக்கிறதா? இந்து மத ஆபந்தாண்டவனாக காட்டிக் கொள்ளும் முனைப்பா? அல்லது மேற்சொன்ன எல்லாமுமேயா?
  17. சூப்பர், உங்களுக்கு நான் சொன்னது விளங்கவில்லை -அதனால் ஒரு முட்டாள்தனமான எடுகோளாக, “நான் ஆத்திகன், நான் சொல்லுவது இவர் சொல்லுவற்கு எதிராக இருக்கிறது, எனவே இவர் நாத்திகன்” எனும் அரிவரி பிள்ளைகளின் “black or white” logic ஐ கைக்கொண்டு என்னை நாத்திகன் என்றதும் மட்டுமல்லாமல், அது சரி எனவும் தொடர்ந்து வாதாடுகிறீர்கள் . மாட்டுக்கு “கூட” தீமை நேர்ந்தால் தட்டி கேட்க ஆளுண்டு, குழந்தைகளுக்கு இல்லையே - என்ற ஆதங்கத்திக்கும், நான் மச்சம் சாப்பிடுவதற்க்கும் இப்படி ஒரு முட்டாள்தனமான லாஜிக் இருக்கும் போல.
  18. இப்படி புத்த மதத்தின் குறைகளை சுட்டிக்காட்டினால், யாராவது நவீன பெளத்த மத இரட்சகள் கொதித்தெழும் அபாயம் இருக்கிறது. கவனம்.
  19. ஒமோம் நீங்கள் தனிமனிதக் கேள்விகளும் தாக்குதலும் செய்யலாம் தவறேதும் இல்லை. ஆனால் இன்னொருவர், தன் மதத்தை பற்றி தானே சுய விமர்சனம் செய்தால் - குய்யோ முறையோ என்று குத்தி முறிவீர்கள். நீங்கள் யாரய்யா என் மதம் பற்றி நான் சொல்லுவதை எனக்கே வகுப்பெடுக்க? நவீன ஆதி சங்கரரா? போலி முற்போக்குவாதிகளளை விட பச்சை திடுடர்களும், காமாந்தகர்களும், குழந்தைகளை பாலியல் துஸ்பிரயோகிகம் செய்பவர்களும் போலி மதவாதிகளாக, இந்து சமயத்யின் காப்பர்களாக தம்மை காட்டி, உடுக்கடிப்பதை நாமும் பார்க்கத்தான் செய்கிறோம்.
  20. வாசித்துப் பார்த்த படியால்தான் எழுதுகிறேன். நான் சொல்லாத விடயங்களுக்கு எனக்கு பதில் எழுதுவதில் எந்த இயல்புமில்லை. அதைவிடக் காமெடி கருத்தாளர் மச்சம் சாப்பிடுபவரா இல்லையா என்ற தனிமனிதக் கேள்விகளும். என்னை நாத்திகனாக அறிவித்துகொண்ட அவசரக்குடுக்கைத்தனமும். குறைந்த பட்சம் விட்ட தவறுகளையாவது ஏற்கும் மனப்பக்குவம் இருக்கிறதா என்றால் அதுவுமில்லை. தொடர்ந்தும் “என்ன கையப்பிடிச்சி இழுத்தியா?” ரேஞ்சில் சுட்டிக் காட்டப் பட்ட உங்கள் தவறுகள் எதைப் பற்றியும் ஒன்றும் எழுதாமல் எதை எதையோ அடிச்சி விடுகிறீர்கள். ஆனால் இந்து மதப்பார்பரசர் தோரணையில் வகுப்பு எடுக்க மட்டும் தயார். #நினைப்புத்தான் பிழைப்பை கெடுப்பது
  21. ஓடுபாதையை வடக்கு புறமாக விஸ்தரிப்பதாயின் ஏன் கடல் வரை போக வேண்டும். தற்போது இருக்கும் ஓடுபாதையின் 3/2 பங்கு நீளாமன நிலப்பரப்பு கடற்கரைக்கு போகமும்னமே வருகிறதே? இது போதாதா? கடலை நிரவுவது அதிக செலவான வேலை.
  22. நான் அறிந்த மட்டில், ஒருவர் இரெட்டை குடியுரிமை வைத்திருக்கிறார் என்ற அடிப்படையில் தேர்தல்கள் ஆணையாளர் ஒருவரை தேர்தலில் இருந்து விலக்க முடியாதாம். தேர்தலில் வென்ற பின் தேர்வு செல்லாது என அறிவிக்கலாமாம். அதன் பின் அவர்கள் இதை எதிர்த்து நீதிமன்று போகலாமாம். இந்த இடைவெளியில் சட்டத்தை மாற்றிவிடலாம் என நினைக்கிறார்களோ தெரியாது. அல்லது அடுத்த காலாண்டுக்கு பட்டியலில் பெயர் வரவும் கூடும். கடைச்சி நேரத்தில் வேட்பாளரை மாற்றுவது பல குழப்பங்களை தரும். எனவே இப்படி ஒரு திட்டம் இருக்க சாத்தியமில்லை. ஆனால் இலங்கை அரசியலில் எதுவும் சாத்தியமே/
  23. அதெல்லாம் சரி, துல்பெனின்ன்கருத்துக்கும் என் கருத்துக்கும் தனித்தனியே quote பண்ணித்தான் பதில் சொல்கிறீர்கள். ஆனால் எனது quote ற்கு கீழே நான் சொல்லாத விடயங்களுக்கு, துல்பென் சொல்லும் விடயங்களுக்கு பதில் சொல்லுவதோடு, சும்மா இருக்கும் எனக்கு இந்து சமயத்தை அகெளரவ படுத்தியதாக கதை வேறு கட்டுகிறீர்கள். மறுபடியும் திரியை வாசியுங்கள், நான் இங்கே குழந்தைநலன்-வன்முறை மற்றும் குழுநிலை மனோநிலை பற்றி மட்டுமே எழுதியுள்ளேன். அப்புறம் அக்குபஞ்சருக்கும் அலகு குத்துவதற்கும் உள்ள வேறுபாட்டை விளக்கினேன். பகிரப்பட்ட படத்தைப் பார்த்து அதில் உள்ள குழந்தையின் மனோநிலை எப்படி இருக்கும் என்று என் மனதில் பட்டதை எழுதினேன். இதில் எங்கே இந்து மத விரோதத்தை கண்டீர்கள்? இருந்தால் ஆதாரம் தாருங்கள். இல்லை என்றால், இந்து மதவிரோத, அகெளரவம் பற்றி என்னை quote செய்து எழுதியது அதிகபிரசிங்கித்தனம் என்றுதான் கொள்ளப்படவேண்டும். நீங்கள் இங்கே அதிகம் எழுதுபவரா இல்லையா என்பதெல்லாம் என் கவனத்துக்குரியது அல்ல. என் கருத்தை பற்றி கருத்துச் சொல்வதாயின் என் கருத்து பற்றி மட்டும் எழுதுங்கள். நான் நாத்திகனா, மாடு தின்னியா? முற்போக்குப் படம் காட்டுகிறேனா? நேரடி வர்ணனை செய்கிறேனா? என்பது உங்களுக்கும், திரிக்கும் தேவையில்லாத வெற்று அலம்பல். அதை விட மோசமான செயல் ஒரு ஆதாரமும் இல்லாமல் என்னை இந்து மத விரோதியாக சித்தரித்தது. பரவாயில்லை இப்போதானே அதிகம் எழுத தொடங்கியுள்ளீர்கள். போக போக கண்ணியமாக, பொறுப்பாக, உண்மைக்கு புறம்பாக அல்லாமல் கருத்தாடுவது எப்படி என்ற பக்குவம் தானாய் வரும்.
  24. பிகு: திரியை மீளாய்வு செய்ததில்: மல்லிகை, நீங்கள் துல்பென் எழுதியவற்றை என் தலையில் கட்டி, எனக்கும் சேர்த்து பயான் ஓதுகிறீர்கள் (கவனிக்க: தனியே உடுக்கடித்தல் என்ற சொல்லாடலை மட்டும் பாவிக்கவில்லை ). துல்பென் இந்த திரியை அணுகும் கோணத்துக்கும் நான் அணுகும் கோணத்துக்கும் பாரிய இடைவெளி இருக்கிறது. ஆனால் குழுநிலைவாதம், இந்து மதத்தின் பாப்பரசராக உங்களை நிறுவும் ஆர்வம், உங்கள் கண்களுக்கு இந்த இடைவெளியை மறைத்து விட்டிருக்கிறது. அதுதான் துல்பெனுக்கு எழுத வேண்டியதை எனக்கு பதிலாக எழுதிக் கொண்டிருகிறீர்கள். காலக்கொடுமடா சாமி