Jump to content
  • advertisement_alt
  • advertisement_alt
  • advertisement_alt

manthahini

கருத்துக்கள உறவுகள்
  • Content Count

    64
  • Joined

  • Last visited

  • Days Won

    1

Posts posted by manthahini

  1. நான் மட்டும் தனித்திருக்கிறேன்

    கொடுமையான நீ தோற்றுவிட்டாய்.
    உன்னாலும் முடியவில்லை.
    எவராலும் முடியாது என்பது
    தெளிவாகவே எனக்கு தெரிகிறது.

    உலகையே ஆட்டிப் படைக்கும்
    உன்னாலும் முடியாது.
    கொரோனாவே முடியாது.
    உன்னாலும்  முடியாது.

    உனது பார்வையிலிருந்து தப்ப
    எல்லோரும் வீட்டில்
    இருந்தே ஆகவேண்டும் என்ற போது
    பயத்திலும் ஓர் மகிழ்ச்சி
    எனக்குள் எட்டிப் பார்த்தது.

    வீட்டில் எல்லோரும் ஒன்றாக,
    ஆனாலும் இடைவெளி விட்டிருந்து
    மனம்விட்டு பேசலாம் என
    மனதுக்குள் நினைப்பு எழுந்தது.

    ஆனால் எல்லாமே பொய்த்துப்போனது.
    தொடர்ந்தும் தனித் தீவுகளாகவே
    வாழ்க்கை நகருகின்றது.

    கணவன் தன் காதலியுடன்
    பொழுதைப் போக்க,
    மகன் தன் நண்பர்களுடன்
    அரட்டை அடித்து விளையாட,
    மகள் தனது தோழிகளுடன்
    உற்சாகப் பேச்சுகளில் நேரம் கழிக்க,
    நான் மட்டும் தனியே வீட்டு வேலைகளில்

    அவர்களுக்கான 
    மூன்று வேளை உணவு 
    மாறி மாறி என்ன செய்யலாம்
    என யோசித்து யோசித்து சமைப்பது,
    இடையே இடையே அவர்களுக்கான
    தேவைகள் என செய்து கொண்டு,
    அவர்கள் போட்டு கழற்றி வீசும்
    உடைகளை எடுத்து துவைக்கப் போட்டு,
    எடுத்து உலர்த்தி மடித்து வைத்து 
    வீட்டினை துப்புரவு செய்து
    ஆறுதலாக ஓய்ந்திருக்க நேரமின்றி
    உழைத்துக் கொண்டே இருக்கிறேன்.
    இந்தக் கவலையை ஆரிடம் 
    சொல்லி ஆறுதலடையாலாம் என 
    நான் தவித்துக் கொண்டிருக்க,

    மனைவிமாரால் வீட்டில் படும்
    துன்பம் என காணொளிகளும்,
    கிண்டலும் கேலியுமான படங்களும்
    சமூகவலைத்தளங்களில் பறக்கின்றன.
    அதனை இவர்கள் பார்த்துப் பார்த்து
    சிரித்துக் களிக்கும் கொடுமையை
    ஆரிடம் சொல்லி அழ?

    வீட்டில் எல்லோருக்கும்
    அவர்களின் கையில் உள்ள
    கருவிகள் மட்டுமே 
    உறவாகிப் போனதால்
    அவர்களின் உண்மையான 
    உறவான நான்
    தனிமைப்படுத்தப்பட்டுவிட்டேன்.
    அந்தளவில்,
    கொரானாவே என்னை மட்டுமே
    மீண்டும் தனித்திருக்க வைக்க
    உன்னால் முடிந்தது.
    அதனால் நீயும் தோற்றுவிட்டாய்.

    மந்தாகினி

  2. மிகவும் ஆபத்தான விடயம். இப்படியே எமது இனம் சிறிது சிறிதாக உடைக்கப்படும் நிலையை மக்களுக்கு புரியவைக்கவேண்டும். ஆனால் எல்லா அரசியல்வாதிகளும் தங்கள் சுயலாபத்தை நோக்கி நகரும்போது மக்களையும் இனத்தையும் பற்றி யார் சிந்திக்க போகின்றார்கள்?

    • Like 1
  3. 3 hours ago, சுவைப்பிரியன் said:

    நிலாமதி அக்காவுக்கும் அவர் குடும்பத்தினருக்கும் ஆழ்ந்த இரங்கல்கள்

     

    3 hours ago, சுவைப்பிரியன் said:

    நிலாமதி அக்காவுக்கும் அவர் குடும்பத்தினருக்கும் ஆழ்ந்த இரங்கல்கள்

     

    சகோதரிக்கும் அவரின் குடும்பத்தினருக்கும் ஆழ்ந்த இரங்கலை தெரிவிக்கிறேன்.

  4. On 11/26/2019 at 9:15 AM, புங்கையூரன் said:

    maaveerar-naal.jpg

     

    ஆறாம் வகுப்பு என்று நினைக்கிறேன்....!

     

    ஆய்வு கூடத்து உதவியாளர் என்று நினைவு...!

    அவ்வப்போது ரியூசனும் குடுப்பார்..!

    என்ன பாடம் என்றில்லை..,

    எல்லாப் பாடத்திலும்...ஆள் ஒரு புலி..!

    ஒரு நாள் கேட்டார்...!

    உனக்கு உரிமை இருக்கா எண்டு...?

     

    என்னடா இது புது வில்லண்டம்?

    வில்லங்கத்தை அவர் அப்படித் தான் சொல்லுவார்..!


    அப்போது புரியவேயில்லை...!

    ஆறாம் வகுப்பு முடிஞ்சு ...,

    அட்வான்சு லெவல் வந்த போது..,

    எல்லாமே புரிஞ்சது...! 


    நடு ஆற்றில் தத்தளித்தவனுக்கு....

    ஒரு மரக்கட்டை கிடைச்சது...மாதிரி....!

    கிழக்கு வானம் கொஞ்சம் கொஞ்சம்  வெளிச்சது மாதிரி...!

    மப்பும் மந்தாரமும்...கொஞ்சம் அகல்வது போல...!

    குட்டக் குட்டக் குனிந்தவன் கொஞ்சம் ...நிமிர்வது போல...!


    அடித்தவனுக்குத் திருப்பிக் கொடுக்க...,

    அட ...அவனுக்கும் வலித்திருக்க வேண்டும்...!


    எத்தனை...விமரிசனங்கள்....?

    இது நியாயமா.....இது சரிதானா?


    எதுவுமே....காதில் விழவில்லை...!

    எல்லோரும்....தலைவராகத் துடிக்கும்...,

    இனத்தில்.....இப்படியும் ஒரு இயக்கம்...!

    எவ்வாறு சாத்தியமானது?


    சகுனிகள் முளைத்தார்கள்...!

    ஒன்றல்ல.....இரண்டல்ல...,

    ஆயிரம் சகுனிகள் உதித்தார்கள்...!

    எதிரிகளாக....அல்ல...,

    நண்பர்களாக..!

    சூரியன்களாக ஒளிர்ந்தார்கள்..!


    அந்தப் பிரகாசத்தில்...,

    உண்மைச் சூரியன்.....மறைந்து போனது..!


    சகுனிகள்...,

    இன்னும் பிரகாசிக்கிறார்கள்...!


    இன்னுமொரு.....

    சூரியன் உதிக்கும் வரை....,

    சகுனிகள் பிரகாசிப்பார்கள்..!

    சூரியன் தானாக உதிப்பதை எவராலும் தடுக்க முடியாது.

    • Like 2
  5. On 7/14/2009 at 12:54 AM, வல்வை சகாறா said:

     

     

    வசந்தம் தாய்மண்ணைத் தழுவாமல் போகிறது.

    வாய்கள் பல இருந்தும் மௌனத்தில் நோகின்றன.

    எரிக்கும் நெருப்படக்கி இனமொன்று வேகிறது

    எதுவரைக்கும் தான் முடியும்?

    எழும்போது உலகம் தெளியும்.

     

    c0386a.jpg

     

    வளவுக் குயில்கள் குரலிழந்து போயுளன.

    வாசக் காற்றும் கந்தகத்துள் தோய்ந்துளது.

    உப்புக்கடல் எழுந்த ஒப்பாரிப் பேரலைகள்

    கொட்டிய மனித சாம்பலுடன் கரைந்துளன.

     

    முற்றத்து மலர்களை முட்செடிகள் கிழித்துளன.

    மூசிய பேய்க்காற்றில் ஊர்களெலாம் தீய்ந்துளன.

    செத்தகூடுகள், சிதைந்த உறுப்புகள்

    நச்சுக் காற்றினால் வீழ்த்திய மெய்களென

    வல்லரக்கத் தனத்திற்கு வெள்ளோட்டம் முடிந்துளது.

     

    எண்ணிப் பார்க்குமுன்னே ஏதேதோ நடந்துளன.

    சொந்தமண் இப்போது சோகத்தில் தவித்துளது.

    ஆறாப் பெருந்துயரில் அள்ளுண்ட பெருஞ்சனம்

    பட்டிகளில் அடையுண்டு,…. மானுடம் மக்கி,

    மண்தின்னக் கிடக்கின்றர்,

     

    r3632161679098.jpg

     

    கந்தகப் பெருமழையில் கலங்காத பெருநெஞ்சுகள்

    கந்தலில் நைந்து கசங்கிக் கிடக்கின்றன.

    விடுதலைக்கு முரசறைந்த மானிட வாழ்வு

    பேரரசுப் போட்டிகளில் புண்பட்டு உழல்கிறது.

    ஒரு சொட்டு நீருக்காய் ஓர்மச் சினம் ஒறுத்து

    உறவுக் கொடியெல்லாம் மெய் கூனித் தவிக்கின்றர்

    நெஞ்சக் கூட்டறைக்குள் பொத்திவைத்த அத்தனையும்

    பித்தச்சுனை வெடித்த எரிமலையில் கரிகின்றன.

     

    ஐ.நா அம்பலத்தில் அம்மணமாய் ஆடியதில்

    இந்தியப் பெருநாடே இறுதிச் சுற்றில் நிலைத்தது.

     

    இவற்றிற்கெல்லாம் தீர்வெழுத திராணியற்றதான

    இயலாமை நடிப்பில்

    ஒஸ்கார் விருதை உலகமே பெற்றுளது.

     

    மனித நேய ஆடை மதிப்பற்றுக் கிடக்கிறது.

    இனி ஒரு விதி செய்தல் எமக்குரித்தாயுளது.

     

    இனத்தைக் கருவறுத்தால்… ஈழம் பிறப்பற்றுப் போகுமோ?

    அனைத்தும் இழந்திழந்தே அன்றும் வலுவுற்றோம்.

    இனத்தை கருவறுத்தால் இன்னும் பெருக்கெடுப்போம்.

     

    banyantreeaerialroot.jpg

     

    அகழான்கள் குடைந்தெடுத்தால்…

    ஆடுகால் பூவரசும் அடிசெத்து போயிடுமோ?

    விழுதுகள் இறங்கும்.,

    குடைந்த இடமெல்லாம் வேர்பரப்பும் வேகத்தில்

    அகழான்கள் வெளியேறும்.,

    இல்லை அடியினில் நசுங்குண்டுச் சாகும்.

     

    இனத்தை அழிக்க துணைபோன கோட்டான்களுக்கு

    இந்திர விழா முடியத்தானே இழவுகள் புரிய வரும்.

    கனத்த பெரு வெளியின் கானலை நம்பி

    இருக்கும் எச்சிலையும் இழுத்துத் துப்பட்டும்.

     

    அறுபது ஆண்டுகளாய் பட்டதெல்லாம்

    இணைத்து இன்னும் ஆறுமாதத்திற்காகினும்

    அவலத்தைச் சுமந்துதான் ஆகவேண்டும்.

     

    19782.51808.file.eng.Gillian-s-friend-Guido-roman-rides-in-Horses-Inside-Out-style-.230.340.jpg

     

    பந்தயக் குதிரைகள் ஓடிக் களைக்கட்டும்.

    இரண்டு பரிகளில் கால்களைப் பரப்பிய

    ஒற்றைப் பாகன் இடறி விழட்டும்

    இல்லாவிடின்

    ஒரு புரவி தடம் மாறட்டும்.

     

    காட்சி மாறுகின்ற வேளைக்காய்

    இன்னும் கொஞ்சம் வலிகளில் மூழ்குவோம்.

    புதிதென்றால் அல்லவா

    நாங்கள் பொலபொலவென்று அழுது தீர்க்க……,

    பழகி விட்டது.

     

    கந்தகப் பெருமழையில் கலங்காத பெருநெஞ்சுகள்

    கந்தலில் நைந்து கசங்கிக் கிடக்கின்றன.

    என்ற வரிகள் எல்லாவற்றையும் சொல்லி விட்டதே... மன வலிகளை சரியாக புலப்படுத்தியுள்ளீர்கள்

  6. எங்களுக்காக எங்கள் மாவீரர்கள் நீங்கள் மட்டுமே.

    மொழியாகி எங்கள் 
    உயிர்மூச்சான மாவீரர்களே!
    வழி ஏதும் தெரியாமல் இன்று
    தட்டுத்ததடுமாறுகிறோம்
    தளர்ந்து தள்ளாடுகின்றோம்.
    தனித்து போய்விட்டோமென 
    நாளும் நாளும் தவிக்கின்றோம்.

    தன்முனைப்பு, போட்டி பொறாமை
    தன்னலம்,பொருளாசை என்று
    மக்களை மறந்து,
    தம்மினம் படும் துயரங்கள் புரியாமல்
    மனிதம் மறந்தவர்களாக 
    தமக்குள் தாமே முட்டி மோதிக் கொண்டு
    எம்மவர்கள் மாறிப்போகும் இந்த
    கொடுமையான உலகில,;
    எமக்காக உள்ளவர்கள் 
    எங்கள் மாவீரச் செல்வங்கள் 
    நீங்கள் மட்டுமே.

    உங்களுக்காக நீங்கள் 
    ஒருபோதும் வாழ்ந்ததில்லை.
    பெற்றவரையும் உற்றவரையும் துறந்து,
    உங்கள் விருப்பு வெறுப்புகளைக் களைந்து,
    மக்கள் வாழ்வுக்காக
    மனஉறுதியுடன்
    மகிழ்வோடு சாவினைத் தழுவ
    தயாரான நிலையில் வாழ்ந்தவர்கள் நீங்கள்.

    எம்மக்கள் வாழ்வு விடியவேண்டும் என்று
    உங்களை உடலாலும் மனதாலும் வருத்தி
    இறுதிவரை போராடினீர்கள்.
    எங்கள் நல்வாழ்வுக்காக
    உங்கள் இன்னுயிரை ஈகம் செய்தீர்கள்.
    தன்னலம் மறந்த தற்கொடையாளர்கள்
    உங்களால் மட்டுமே
    எங்களைக் காத்திட முடியும்.

    உங்களை வணங்க உங்களிடம் வருகின்றோம்
    உங்கள் விழிகளைத் திறந்து
    எங்களை ஒரு நொடி பாருங்கள். 
    கையறுநிலையில் உள்ள 
    எங்கள் பரிதாப நிலையை 
    ஒரு தரம் ஒரே ஒரு முறை பாருங்கள்.

    நெஞ்சில் ஈரமற்ற மனிதர்களாலும்
    தன்னலம் மட்டுமே சுமந்த
    பணப் பேய்களாலும்,
    பதவி ஆசைக்காக
    தம்மினத்தையே விற்கத் துணிந்த
    கொடிய பாவிகளாலும்
    நாளும் நாளும் வேதனையில் சாகின்றோம்.

    எந்தப் பக்கம் திரும்பினாலும்
    ஏமாற்றுக்காரர்கள் மட்டுமே.
    எந்த நம்பிக்கையும் இல்லாமல்
    இன்னும் இன்னும் இப்படியே
    எத்தனை காலம் எம்மால் வாழமுடியும்?
    எங்கள் மாவீரச் செல்வங்களே!
    எமக்காக நீங்கள் மட்டுமே.

    மொழி தொலைத்த குமுகாயமொன்று
    உருவாகி வரும் அவலம் தரும்
    வேதனை சுமக்கின்றோம்.
    மொழி இல்லையேல் 
    இன அடையாளம் இழந்த
    ஆதரவற்றவர்களாவோம் என்பதை
    உறுதியோடு எடுத்தச் சொல்ல
    உங்களால் மட்டுமே முடியும்
    உறுதியோடு எடுத்தச் சொல்ல
    நீங்கள் வரவேண்டும்.

    உங்கள் துயில் கலைத்து
    எழுந்து வாருங்கள்.
    எங்களுக்காக
    எழுந்து வாருங்கள்.
    எம்மால் இனியும் இனியும்
    இந்த தன்னல விரும்பிகளை
    நம்பி வாழ்வது என்ற பெயரில்
    செத்துக்கொண்டிருக்க முடியாது.

    எங்கள் மாவீரச்செல்வங்களே?

    உங்களை வணங்கிட வந்திருக்கும்
    எங்கள் முகங்களைப் பாருங்கள்.
    ஆருமற்ற நிலையில் தவிக்கும்
    எங்கள் நிலையைப் பாருங்கள்.
    நீங்கள் மட்டுமே 
    எமக்கு உயரிய வல்லமை
    உங்கள் ஈகமே
    எங்கள் உயிர்காப்பு.


    மந்தாகினி


     

    • Thanks 2
×
×
  • Create New...

Important Information

By using this site, you agree to our Terms of Use.