Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

தமிழ்நிலா

கருத்துக்கள உறவுகள்
  • Posts

    88
  • Joined

  • Last visited

Profile Information

  • Gender
    Female

தமிழ்நிலா's Achievements

Enthusiast

Enthusiast (6/14)

  • Dedicated Rare
  • Reacting Well Rare
  • Conversation Starter
  • First Post
  • Collaborator

Recent Badges

77

Reputation

  1. ஒரு கல்லுக்கும் உண்டு சுதந்திரம் ஒரு மரத்துக்கும் உண்டு ஒரு வார்த்தையிலும் உண்டு சுதந்திரம் பறவையின் இறக்கையிலும் உண்டு சட்டம் சொல்கிறது விதி என்று... அழிந்து போகும் வரை உடல் இருக்கும் போவதும் வருவதும் என நுரைத்து வரும் குமிழிகள் நொடியில் மறைவது போல இருக்கும் சுதந்திரம் அர்த்தமற்றது... மனம் அது மிகை கொள்ளாது ஓர்நாள் நிலைபெற்ற வழியில் வெடித்து வெளியே நடமாடும் கை விலங்கை உடைத்த பின் அது மாறும்... ஒன்று உள்ளே போகும் அல்லது வெளியே வரும் உலகம் புதிதென நம்பும் எல்லாவற்றையும் அறியத் துடிக்கும் மனம் வீசியதில் சிக்கியதில் தொடங்கும் கவனம்... கடந்த காலத்தின் அனுபவம் மனதோடு கலந்து விட்டதால் அது தான் முன்னால் வருகிறது இருப்பதோடு கலக்கிறது தடுமாறுகிறது மனம் ஆனால் இருக்கிறது சுதந்திரத்தின் வழி பார்த்து... வீரத்தின் அடையாளத்தினை வீறுடன் காட்டி நேசம் கொண்டு தேசம் போற்றி சுகபோகமாய் வாழ்ந்திடாமல் சுதந்திரம் பெற உழைத்து விதையான எம் மண்ணின் மைந்தர்களையும் நினைவிலிருத்தி... சுதந்திரம்...? -தமிழ்நிலா.
  2. விடிகின்ற விடியலிலே விரைவு வேண்டும் நமது வீதியிலே சுதந்திரமாய் தலை நிமிர்த்தித் திரிய வேண்டும் பறி போகின்ற நிலத்தினையும் காக்க வேண்டும் இப் பாரினிலே தமிழன் புகழ் ஓங்க வேண்டும் இழுக்கல்ல போராட்டம் தெளிதல் வேண்டும் இகல்வெல்ல ஒன்றிணைந்தே முயல வேண்டும் விழுகின்ற தலைமுறையும் வாழ வேண்டும் விடியலிலே புதுதேசம் மலர வேண்டும் சொந்தத்தில் அறிவுடைமை வளர வேண்டும் சோம்பலுற்ற அடிமை நிலை மாற்ற வேண்டும் சொந்தங்கள் தமிழ்மக்கள் எனும் எண்ணம் வேண்டும் சோர்வின்றி இனங்காக்க துடிக்க வேண்டும் வந்தேறிக் கூட்டங்கள் ஓட வேண்டும் வக்கற்ற ஆட்சியினை மாற்ற வேண்டும் குத்தகங்கள் செய்வோரை களைதல் வேண்டும் கூத்தாடிக் கூட்டங்கள் மாய வேண்டும். அறிவிழந்த மனிதரென்றே எம்மை எண்ணி நிற்கும் அகந்தை பிடித்தோர் வழி காட்டி நிற்கும் தறிகெட்டோரின் தகைமை கெட்ட ஆட்சியினிலே தம்மக்கள் தம்நிலமென்ற எண்ண மின்றி நம்கழுத்தை முறிக்கின்ற மூடர் தனை ஒழிக்க வேண்டும் மாற்றத்தை செய்ய நன்றே முயல வேண்டும் மாண்பு மிகு ஆட்சி தனை அமைக்க வேண்டும் திக்கெட்டும் நம் தமிழர் புகழ் திகழ வேண்டும் துவளமெங்கும் திகட்டாத தீந்தமிழ் இனிமை திகட்டிப் பரவ வேண்டும்! -தமிழ்நிலா.
  3. மிரட்டுகின்ற மிடியனைத்தும் மிரண்டு ஓட மிடிமையிலும் மிடுக்குடனே ஒற்றுமையைப் பேண வேண்டும் அறத்தின் நெறி காக்கின்ற செயலைச் செய்து மனிதர் நாம் மனிதத்துடன் வாழ வேண்டும்! அருமை பெருமையுடன் தாய்மொழியைப் பேண வேண்டும் அரும் பெரும் புகழை எமதாக்கிக் கொள்ள வேண்டும் இருள் சூழ்ந்த நிலை போக்கி என்றும் வாழ்வில் இழப்பின்றி எம்மவர்கள் எழுச்சியுடன் ஆள வேண்டும்! கருமமே கண்ணாகக் கொள்ள வேண்டும் களவின்றிப் பொய்யின்றி வாழ்தல் வேண்டும் இளகாதோர் மனமிளகச் செய்ய வேண்டும் இளமையிலே உரிமை தனை வெல்ல வேண்டும்! அரும்பாடு பட்டேனும் அறவோர் நாளும் அறிவுக்கண் திறக்க வழி செய்ய வேண்டும் அறமில்லாச் செயலுக்கு முற்றுப் புள்ளி அறிவு கொண்டே எவருமிங்கு வைக்க வேண்டும்! நடையிலும் உடையிலும் நமது பண்பை நாட்டமுடன் காத்து நிதம் செல்ல வேண்டும் மடை திறந்த வெள்ளமென மாட்சி பொங்க மனமொத்து மகிழ்வுடன் பணி செய்ய வேண்டும்! எதிர்பார்த்த இலட்சியத்தை அடைய வேண்டும் எதுவுமில்லா அடிமையென்ற சொல் மறையச் செய்ய வேண்டும் தடையெல்லாம் உடைத்தெறிந்து தளர்ந்திடாது தரணியிலே புதுப் பரணி எழுத வேண்டும்! -தமிழ்நிலா.
  4. நீளங் கொண்ட வானத்தில் பறக்கும் நேசங் கொண்ட பறவைகளே என் தேசங் கொண்ட நிலையென்ன திரும்ப வந்தால் கூறுங்கள்! வாசங் கொண்ட மலரங்கே வண்ண இதழ்கள் விரிப்பதில்லை பேசுங்கிளியும் கிள்ளை மொழி பேசாதிருக்கு என்கிறார்கள்! வீசும் தென்றல் உடன் சேர்ந்த மாமரத்து விளையாட்டும் வேப்ப மரத்துக் குயிற்பாட்டும் நேசமுடன் நினைவிருக்கும் நாசம் எல்லை மீறியதாம் நாட்டில் காணா வாழ்வோடு! கூசும் கொலைகள் கொள்ளைகளும் குழவி மேனி கூடக் கலைத்தாடும் நீசம் எல்லை மீறுவதாய் நேரக் கேட்டே மனமும் துடிக்கிறதே! மாசும் கொண்டோர் மனமெல்லாம் மருகிப் பிறழ்வாய் மனத் தாகம் பூசும் முகங் கொள் வேடங்கள் புரிவோர் மலியப் பொருளுண்டோ! காசுக் கடிமையாய் போகும் கயவர் கைக் காணும் பொம்மை போற் சிலரும் நேசம் கொள்ளும் மனமின்றி இருக்கும் இடமும் மாறியதென்ன? தேசங் கெட்டே கயவர்கள் திக்கில் எங்கும் திகழுங்கால் மாசற்றோர் எங்கும் தம் இருப்பை வெட்கி மறைத்தே வாழ்கின்றார்! வேசம் மாற்றி வெறியோடு விலங்காய் திரியும் கயவர் கைகால் தனை முறித்து வீர நடை போட்டு விண்ணில் மீன்களாய் ஒளிரும் தேச மீட்பர்கள் தனைக் காண்பீரோ? தேசம் மீட்ட எம்மவரெல்லாம் திங்களொளியில் கை கோர்த்து பேசும் போது அச்சமின்றி பக்கம் இருத்தல் எக்காலம் தேச மீட்பர்கள் காதினிலே கேட்டு வந்து பதில் தன்னை பாங்காய் எனக்குக் கூறுங்கள்! -தமிழ்நிலா.
×
×
  • Create New...

Important Information

By using this site, you agree to our Terms of Use.