poet

நட்புடன் நாதமுனி மற்றும் பெருமாள் அவர்களுக்கு. திமுக மாற்று அரசு என்கிறதையும் கருத்தில் கொள்ள வேண்டும். இல்ஙகை தமிழக முஸ்லிம்களின் தமிழ் வழி தொடர்புகள் தீவிர மத அமைப்புகளுள் தேங்குவது நல்லதல்ல. இலங்கை தேசிய கட்சிகளை தாண்டி தமிழக அரசியல் கட்சிகளோடு இலங்கை முஸ்லிம்கள் தொடர்புகளை வளர்பது நம்மைப்பொறுத்தும் நல்ல வளர்ச்சிதான். வரலாறு யானை பார்பதைப் போலத்தான் நீங்க பார்த்ததை நீங்க சொல்லுங்க நான் பார்த்ததை சொல்ல என்னையும் அனுமதியுங்க. ஏனெனில் அதிக தகவல்கள் உண்மையை கண்டுகொள்ள உதவும். நீங்கள் சொன்ன தகவல் உங்கள் புரிதல் என்கிற வகையில் இந்த உரையாடலுக்கு ஒரு உதிரிப்பாகமாக வளம் சேர்க்கும். ஆனால் ஒரு உதிரிப்பாகம் மட்டும் ஒரு யந்திரமில்லை. நமக்குள் ஆளாளுக்குத் தெரிந்த தகவல்களும் அப்படித்தான் நண்பா. ஆயிரம் மலர்கள் மலரட்டும் பல்லாயிரம் தகவல்கள் பகிரட்டும்

எதிர் அணிகளில் செயல்பட்டபோதும் தோழர் ரவூப் ஹக்கீம் புலிகள் மீதும் பிரபாகரன்மீதும் மிகுந்த மரியாதை வைத்திருந்தார். வன்னிப் பயணத்தின்பின் ஹக்கீம் பிரபாகரனது விருந்தோம்பலையும் மரியாதையும் வெகுவாக புகழ்ந்து பேசினார். வன்னியிலும் அதுபோன்ற நற்சேதிகளை நான் கேட்டிருக்கிறேன். வரலாறில் நம்பிக்கைதந்த எல்லாமே கனவுபோலாகிவிட்டது

அன்புக்குரிய விசுகு , Nathamuni மன்னிக்க வேண்டுகிறேன். மனவேகத்தில் திரும்பி பார்காமல் எழுதுகிற முட்டாள் என்பதால் இப்படி தவறுகள் நேர்ந்துவிடுகிறது. மன்னிக்கவும்.

நண்பர்களே. சண்டை போட வேண்டிய இடங்களில் ஜெயமோகனுடன் நான் சண்டை போட்டுள்ளேன். ஒரு உள்ளூர் அரசியல் செல்வாக்குள்ள குட்டி தாதா எழுத்தாளர் ஒருவரை அடித்ததுடன் நிறுத்தவில்லை. பின்னர் வீடுதேடி சென்று மனைவி மக்களை மிரட்டியிருக்கிறார். ஒரு எழுத்தாளனாக்கூட அமைதியாக இருந்த்திருக்கக்கூடும் நிச்சயம் ஒரு ஈழத்தமிழ் கணவனாக தந்தையாக என்னால் மட்டுமல்ல உங்களால்கூட அமைதியாக இருந்திருக்க முடியாது அல்லவா. அது நம் இரத்ததில் உள்ள அறமல்லவா?

நட்புடன் Nathamuni அவர்களுக்கு. இது எனக்கான கேழ்வியல்ல. ஹிஸ்புல்லாஹ் அவர்களது தெரிவுக்குழு விசாரணை வீடியோவை கேழுங்கள். ஒருவேழை விடை கிடைக்கலாம். https://www.tamilwin.com/politics/01/217675?ref=imp-news

”முஸ்லிம்கள் எந்த முடிவை எத்தாலும் என்னைப்போன்ற வர்களின் ஆதரவு நிச்சயமாக இருக்கும். முஸ்லிம்கள் சரியான முடிவுகளை எடுத்தால் மட்டுமே எதிர்காலம் சுபீட்சமாக இருக்கும்.” இது உயிர் ஆபத்துள்ள விவாதமாயினும் சரியான முடிவு எது என்பதை சரியாகவே விளக்கியுள்ளேன். நண்பர் மீண்டுமொருமுறை வாசிக்க வேனும்

சக எழுத்தாளர் ஜெயமோகன் தாக்கபட்டதை ஓரெணியில் நின்று முழுமூச்சாகக் கண்டிப்போம். -வ.ஐ.ச.ஜெயபாலன் ஜெயமோகன்மீது அநீதியான தாக்குதல் நடந்த சேதி அதிற்ச்சியும் சோர்வும் கவலையும் தருகிறது. . தரமற்ற உணவுப் பொருளை விற்ற ஒருவர் உள்ளூர் ததாபோல நடந்துகொள்வதை சக எழுத்தாளனைத் தாக்குவதை, வீட்டுக்கே சென்று மனைவி பிள்ளைகளைத் மிரட்டுவதை சக எழுத்தாளன் என்கிற முறையில் அனுமதிக்க முடியாது. . எழுத்தாளர்கள் மத்தியில் நிலவும் ஜெயமோகன்பற்றிய சாதக பாதக உரையாடல்கள் அவரவர் நிலைபாடும் தெரிவுமாகும். ஆனால் சக எழுத்தாளனுக்கு எதிரான அநீதியை கண்டு கண்டிபது எங்கள் பொறுப்பும் தலையாய கடமையுமாகும். கும். சக எழுத்தாளர்மீது அநீதியான முறையில் தாக்குதல் நடந்த சம்பவத்தை நாம் அனைவரும் ஒருமித்த குரலில் கண்டிக்க வேண்டும். - வ.ஐ.ச.ஜெயபாலன் கவிஞன்.

THE CHANGING POLITICAL DISCOURSE OF THE MUSLIM IN SRI LANKA AFTER EASTER 2019 - V.I.S.JAYAPALAN POET ஈஸ்ட்டர் 2019 தாக்குதலின் பின்னர் மாறிவரும் முஸ்லிம்கள் பற்றிய உரையாடல்கள். -வ,ஐ,ச,ஜெயபாலன் கவிஞன். . இலங்கையில் இனத்துவ உறவுகளில் சிங்களவர் முஸ்லிம்கள் உறவும் தமிழர் முஸ்லிம்களின் உறவும் பற்றிய உரையாடல்களின் போக்கை ஈஸ்ட்டர் 2019 அடியோடு மாற்றிவிட்டது. இதுபற்றிய உரையாடல்கள் சிங்களவர் மத்திலும் இலங்கை தொடர்பாக ஆர்வமுள்ள சர்வதேச சமூகங்கள் மத்தியிலும் தீவிரப்படுள்ளது. எனினும் முஸ்லிம்கள் மத்தியில் பெரிதாக உரையாடல்களும் ஆய்வுகளும் இடம்பெறவில்லை என்பது அதிற்ச்சி தருகிறது. . ஈஸ்டர் தாக்குதலின் முன் பின் என இலங்கையின் இன சமன்பாட்டில் பெரும் மாற்றம் ஏற்பட்டுள்ளது. ஈஸ்ட்டர் தாக்குதலின் பின்னர் நிலவும் சூழல்கள் இலங்கையில் வடகிழகில் மட்டும்தான் ஒப்பீட்டுரீதியாக தமிழர்களும் முஸ்லிம்களும் பாதுகாப்பாக உள்ளனர் என்பதை உணர்த்தியுள்ளது. இதற்க்கு தமிழ் மொழிதான் காரணம். எனினும் தமிழரும் முஸ்லிம்களும் இதனைக் கோட்பாட்டு ரீதியாக புரிந்துகொள்வோ உணரவோ இல்லை. இத்தகைய சூழல் மலையக தமிழ் பகுதிகளிலும் காணப்படுகிறது. சிங்கள பகுதிகளில் முஸ்லிம்களுக்கு அதிக பாதுகாப்பு உள்ளபகுதிகளாக ஈஸ்ட்டர் 2019 தாக்குதல்கள் வரைக்கும் கிறிஸ்தவர்கள் அதிகம் வாழ்கிற பகுதிகள் இருந்தது. இன்றைய நிலை பற்றி உறுதிசெய்ய போதிய தரவுகள் இல்லை. . அண்மைக்கால வரலாற்றில் முஸ்லிம்கள் மத்தியில் இடம்பெற்ற மதவிவாதங்களும் மாற்றங்கள் சிங்களவரதும் தமிழரதும் கவனத்தை ஈர்த்தபோதும் குறிப்பாக போர் முடியும்வரைக்கும் அவை முஸ்லிம்களின் உள் இனபிரசினையாகவே கருதப்பட்டது. போருக்குபின் நிலமை முற்றாக மாற்றமடைந்துள்ளது. எனினும் ஈஸ்ட்டர் தாக்குதலின் பின்னர்தான் முஸ்லிம்களின் உள் மத விவாதங்களில் நிலவும் மோதல்கள் உள்விவகாரமல்ல அது அரேபிய மையவாத மத அணிகளின் பயங்கரவாத அச்சுறுத்தல்களின் ஊற்று என புலனாய்வுத் தகவல்கள் அடிபடையில் சிங்கள தேசியவாத தரப்பால் அடையாளபடுத்தபட்டது. சிங்கள தரப்பும் அயல்நாடுகளும் மிகத் தெளிவாக வஹாபிய சார்பு அமைப்புகளை குற்றம் சாட்டுகின்றன. இதன் அடிப்படையில் சர்வதேச அச்சுறுத்தல் உள்ளதாக உணரப்பட்டு இலங்கைக்கு வெளியில் தென் இந்தியாவிலும் தேடல்கள் விசாரணைகள் இடம்பெறுகின்றது. மேலும் குற்றவாளிகள் சிலர் அரபு நாடுகளில் கைது செய்யப்பட்டுள்ளனர். . உண்மையில் இந்த அரபிய மையவாத அணிகள் மீதான எதிர்ப்பே அரபு மொழி, அரபு ஆடைகள் என்பவற்றின் மீதான எதிர்ப்பாக உருமாற்றம் பெற்று வருகின்றது. . சிங்கள பெளத்த மத நிறுவனங்களும் சிங்கள தேசிய வாத அறிஞர்களும் ஆர்வலர்களும் மிக தெளிவாக வஹாபிய அமைப்புகளுக்கு எதிரான சமரசமற்ற நிலைபாட்டை எடுத்துள்ளனர். குற்றச் சாட்டுக்கள் யாவும் வகாபிகளின் தலையில் கட்டபடுகிறது. சிங்களவர் தெளிவாவாக இனி சூபிகளோடு மட்டுமே சமரசம் என்கிற நிலைபட்டை எடுத்துள்ளனர். இந்தச் சூழல் கிழக்கு தமிழரை ஏற்கனவே பாதிக்க ஆரம்பித்துவிட்டது. இந்த போக்கு கடல் கடந்து இந்தியாவையும் பாதிக்கலாம். . எதிர்காலத்தில் முஸ்லிம்களுடனான சிங்களவர்களதும் தமிழரதும் உறவுகளும் நிலைபாடுகளும் சூபிஅமைப்புகளூடாகவே தீர்மானமாகும் என்பது மிக தெளிவாக தெரிகிறது. சூபிகளா வகாபிகளா என்கிற விவாதம் முஸ்லிகளின் உள்விவகாரம் என்பதுதான் இக் கட்டுரையாளரின் நிலைபாடு. ஆனால் இலங்கையில் முஸ்லிம்களுக்கு வெளியே என்போல சிந்திக்கிற பலர் இருப்பதாக தெரியவில்லை. . போருக்குப்பின் என்னை ஆச்சரியபடுத்திய விடயம் முஸ்லிம்களுக்கு வெளியில் முஸ்லிம்கள் பற்றிய பெரும் விவிவாதங்கள் ஆரம்பமானதுதான். பொதுவாக நான் சந்திக்கும் சிங்களவர் பலர் முஸ்லிம்கள் பற்றிய நம்ப முடியாத அளவுக்கு பரந்த வாசிப்பையும் தரவுகளையும் புலனாய்வுத் தகவல்களையும் கொண்டிருக்கிறார்கள். இது புதிய சூழல் அல்ல, சிங்கள ஏடுகளையும் ஆங்கிலத்தில் தி ஐலண்ட் வார இதழ்களையும் வாசிக்கும் ஒருவர் இலங்கையில் 2014ன் பிரபலமான விவாதமாக வகாபிய ஆபத்துப் பற்றிய விவாதம் இருந்ததை அறிந்து கொள்ள முடியும். இதனால்தான் ஈஸ்ட்டர் தாக்குதலின்பின்னர் “எங்களுக்கு எதுவுமே தெரியாது” என்கிற முஸ்லிம்களின் உரையாடலை சிங்கள தரப்புகள் ஏற்றுக்கொள்ளவில்லை. ஆனாலும் போருக்குப்பின்னர் முஸ்லிம்களைப்பற்றிய மதம்சாராத முக்கிய விவாதங்கள் தேடல்கள் எதுவும் குறிப்பிடத்தக்க அளவுக்கு முஸ்லிம் மக்கள் மத்தியில் இடம்பெறவில்லை என்கிற அவலத்தை அபத்தத்தை என்போன்ற ஒருசிலர்தான் சிலர்தான் அறிவார்கள். “ஒட்டகத்தைக் கட்டிவிட்டு இறைவன்மீது நம்பிக்கை வையுங்கள்” என்று எழுதபட்டுள்ளதல்லவா? ஏன் முஸ்லிம்கள் மத்தியில் ஒட்டகத்தை கட்டுவது பற்றிய சமூக பொருளாதார அரசியல் விவாதங்கள் முதன்மை பெறவில்லை என்பது ஆச்சரியம் தருகிறது. சிங்களவர் மத்தியில் இடம்பெறும் விவாதங்கள் ஆய்வுகள் அள்வுக்குக்கூட முஸ்லிம்கள் மத்தியில் தம்மைப் பற்றிய உரையாடல் இல்லையென்பதை என்னால் நம்ப முடியவில்லை. புதிய சூழலில் 1987ல் தமிழ் இனபிரச்சினை தீர்வுக்கு அடிப்படையாக இந்தியாவால் முன்வைக்கபட்டு புலிகளால் தடைப்பட்ட வடகிழக்கு இணைப்பு பற்றிய உரையாடல் மீண்டும் ஆரம்பித்துள்ளது. புத்த பிக்குகள் சிலரே இத்தகைய கருத்துகளை பேசுவதுதான் காலத்தின் கோலம். . சூபிசம் அல்ல வஹாபிசமே அண்மையில் நிகழ்ந்த ஈஸ்ட்டர் 2019 பயங்கரவாதத்தின் ஊற்று என்பதே அரசு மட்டம்வரைக்கும் சிங்களவர் மத்தியில் உள்ள தீர்மானமாக உள்ளது. வஹாபிசத்துடன் எவ்வித சரசமும் இல்லை என்கிற சிங்களவர்களின் நிலைபாடு கிழக்கிலும் பாதிக்கபட்ட மக்கள் மத்தியில் பிரபலமாகி வருகிறது. இவற்றை மறுக்கிறீங்களா? தலைபோககிற இந்த பிரச்சினை பற்றி எவ்வித உரையாடலும் இன்றைய காலத்தின் சிக்கலை எப்படி எதிர்நோக்குவது? . கோட்பாட்டு ரீதியாக இன்று சிங்கள தேசிய வாதிகள் புத்தபிக்குகள் அரசியல்வாதிகள் மத்தியில் முதன்மை பெற்றுள்ள விவாதங்களை நிலைபாட்டைபற்றியே இங்கு பேசுகிறேன். இந்த விவாதங்கள் சர்வதேசத்தையும் தமீழர்களையும் வெகுவாகப் பாதிக்கிறது. இலங்கையில் இடபெறும் முஸ்லிம்கள் மீதான எல்லா தாக்குதல் களுக்கும் அரச நடவடிக்கைகளுக்கும் இந்த விவாதங்களே காரணமாக இருக்கிறது. நான் சொல்வது தவறெனில் அதுபற்றியாவது விவாதியுங்கள். முஸ்லிம்கள் எந்த முடிவை எத்தாலும் என்னைப்போன்ற வர்களின் ஆதரவு நிச்சயமாக இருக்கும். முஸ்லிம்கள் சரியான முடிவுகளை எடுத்தால் மட்டுமே எதிர்காலம் சுபீட்சமாக இருக்கும்.

இந்தியா மேற்குலகின் பார்வையில் இலங்கை ஒரு Failing state தோற்கும் அரசாக தென்பட ஆரம்பித்துள்ளது. ஆனால் சீனா ரஸ்ஸ்சியா அணி நாடுகள் இலங்கையை வெற்றிபெறும் அரசாக காண்கின்றது. இது தமிழரைப்பொறுத்து முக்கிய தருணமாகும். மாறக்கூடிய அரசியலில் மாற்றங்களை காத்திருந்து கைநழுவ விடாமல் பயன்படுத்த வேண்டும். 21/19ன் பின்னர் உருவாகிவரும் சூழலை வெற்றிகரமாக பயன்படுத்துவது என்பது எல்லா விமர்சனங்களோடும் இந்திய மேற்குலக அங்கீகாரம்பெற்ற சம்பந்தரை பலப்படுத்தி முன் நகர்த்துவதுதான். மறு பக்கத்தில் சம்பந்தர் ஏனைய அரசியல் கட்சிகளையும் பிரமுகர்களையும் புல்ம்பெர்ந்த தமிழர் அமைப்புகளையும் தங்கள் குடையின்கீழ் கொண்டுவரும் முயற்ச்சியை இனியாவது ஆரம்பிக்க வேண்டும். மலையக தமிழ்த் தலைவர்களை அரவணைத்து பூரண ஆதரவை பெறுதல் வேண்டும். முஸ்லிம் தலைவர்களோடு முக்கிய பிரச்சினைகள் தொடர்பாக பேச வேண்டும். சாத்தியமான சிங்கள ஜனநாயக சக்திகளின் ஆதரவையும் கோரிப் பெற வேண்டும். போகும் வழி தொலைவு. சுமை பெரிது.

படித்த மொழியில் பேசாமல் கூடிய வரை தமிழில் பேச விரும்பிய அந்த சின்னபெண்ணை வாழ்த்துவோம். நிச்சயம் ஒருநாள் பசிலோனா வருவேன். சென்னை தோசைக் கடையில் சாப்பிடுவேன். காரைகுடி செட்டிமார் இன்று நேற்றல்ல சோழர்காலங்களில் இருந்தே - பல நூற்றாண்டுகளாக கடல் கடந்து தொழில் செய்கிறவர்கள். அப்பவே கோட்டை கண்டி யாழ்பாண அரசர்களுக்கு கடன்கொடுத்த சமூகம். அவர்கள் பசிலோனாவில் கடைவைத்திருப்பது ஒன்றும் அதிசயமல்ல. கடந்த 20 வருடங்களில் புலம்பெயர்ந்த ஈழத் தமிழரைவிட பலமடங்கு அதிகமான தமிழ்நாட்டவர்கள் விஞானிகளாகவும் தகவல் தொழில்நுட்ப வல்லுனராகவும் வர்த்தகம் தொழில்துறை முனைவோர்களாகவும் உலகம் முழுவதும் பரவியுள்ளார்கள். உலகம் முழுவதும் உள்ள ஈழத் தமிழரைவிட அமரிக்காவில் அதிகமான தமிழ் நாட்டு தமிழர்கள் இருப்பதாக தெரிகிறது . ஈழத்தமிழர்களுக்கும் உலகை வெல்லும் தமிழ்நாட்டு இளைஞர்களுக்குமிடையில் புரிந்துணர்வும் நல்லுறவும் வளர வேண்டும். ஜல்லிக்கட்டு தூத்துகுடி ஆலை போராட்டம் போன்றவற்றுக்கு பெருமளவு புலம்பெயர்ந்த உலக தமிழ்நாட்டு மக்கள் பக்கபலமாக இருந்தனர். லண்டனில் தூத்துக்குடி ஆலைக்கு எதிராக தமிழக இளைஞர்கள் போராடிவருகிறார்கள். ஸ்பெயினில் பிறந்து வளர்ந்தபெண் ஸ்பெயின் மொழியில் பேசி இருந்தால் தப்பு வந்திருக்காது. குறை காணாமல் அந்த பெண்பிள்ளையின் தமிழ் ஆர்வத்தை பாராட்டுவோம்.

POLITICAL GEOGRAPHY OF TAMIL MUSLIM UNITY தமிழ் முஸ்லிம் நல்லுறவின் அரசியல் புவியியல். -வ.ஐ.ச.ஜெயபாலன் கவிஞன் . இனங்களுக்கிடையிலான நல்லுறவு இராஜதந்திரத்தில் சிக்கலான பகுதி பெரும்பாலும் புவியியல் சார்ந்ததாகும். இதற்க்கு இலங்கையும் புறநடையில்லை. இலங்கையிலும் தமிழர் முஸ்லிம்கள் நல்லுறவு சிக்கலில் அரசியல் புவியியல் பிரச்சினைகளே பெரும்தடையாக உள்ளது. . இலங்கை தமிழர் முஸ்லிம்கள் அரசியல் புவியியலை சிக்கலாக்கிய பிரச்சினைகள் 1,கிழக்கில் தமிழ் முஸ்லிம் உறவு நெருக்கடிகள் திட்டமிட்ட சிங்கள குடியேற்றங்களால் மேலும் தீவிரபட்டுள்ளது. 2. முஸ்லிம்கள் நிலதொடற்ச்சியற்ற ஊர் பிரதேசங்களில் வாழ்வது. 3.1முஸ்லிம்களைப் பொறுத்து அம்பாறை மாவட்டத்தில் மட்டும் அதிக நிலத் தொடர்பும் செறிவும் அமைந்துள்ளமை. ஆனால் அம்பாறையில் தமிழர் நிலத் தொடர்பும் செறிவும் குறைந்துள்ளமை. இத்தகைய ஒருசீரற்ற தன்மைகளால் பிரதேச செயலகம் பிரதேச சபை அலகுகள் பிரிப்பது தொடர்பான சிக்கல்கள். 3.2 கல்முனை தெற்க்கு தமிழ் பிரதேச சபை சிக்கல் இன்னும் முழுமையாகத் தீராத பகுதியாக உள்ளது. எனினும் மூதூர் பிரதேச சபை பகிர்வே எதிர்கால புவியியல் மோதல் புள்ளியாகவும் உள்ளது. . அரசியல் சார்ந்து தமிழரும் முஸ்லிம்களும் கிழக்கு மாகாணத்தைப் பொறுத்து மரபு சார்ந்த மாகாண மட்ட மாவட்ட மட்ட சிந்தனையில் இருந்து விடுபட்டு த்ம் தம்து ஊர்கள் சார்ந்த இன அலகுகள் மட்டத்தில் சிந்திக்க நிர்பந்திக்கப்பட்டுள்ளனர். இப்புதிய சூழல் உருவானதற்க்கு வடகிழக்கு இணைப்பு அடிப்படையிலான சமரச தீர்வு தோற்றுப்போனதே காரணம். அடிப்படையில் வடகிழக்கு இணைக்கபட்டதுபோலவே பிரிவுக்கும் இந்துசமுத்திர மட்ட அரசியலே மூலகாரணமாக உள்ளது. . இலங்கையின் இன மதப்புவியியல் தவிர்க்க முடியாத வகையில் சீன செல்வாக்கு மண்டலமாகவும் இந்தியா மேற்குலக அணிகளதும் செல்வாக்கு மண்டலமாகவும் பிழவுபட்டு வருகிறது. கண்டிய சிங்களவர் மத்தியிலும் கரையோர சிங்களவர் மத்தியிலும் தமிழர் மலையக தமிழர் மத்தியிலும் இந்த செல்வாக்கு மண்டலம்பற்றிய புரிதலும் நிலைபாடும் ஓரளவுக்கு தெளிவாகி வருகிறது. முஸ்லிம்கள் நிலைபாடு பற்றி அனுமானிக்க முடியவில்லை. ஹிஸ்பில்லாவின் அண்மை பேச்சு மூன்றாவது செல்வாக்கு மண்டலம் பற்றி குறிப்பிடுகிறது. ஆனால் நடைமுறையில் மூன்றாவது செல்வாக்கு மண்டல அரசியலுக்கான வாய்ப்புகள் இல்லை அல்லது இன்னும் உருவாகவில்லை என்றே தோன்றுகிறது. 2. அன்றில் இருந்து இன்றுவரை தமிழ் முஸ்லிம் உறவை நிர்ணயிப்பதில் தமிழரைப் பொறுத்து அம்பாறை மாவட்ட தமிழர் நலன்கள் முக்கிய இருந்து வருகிறது என உறுதியாகச் சொல்ல முடியும். அதுபோல முஸ்லிம்களைப்பொறுத்து மட்டக்களப்பு மாவட்ட முஸ்லிம்களின் நலன்கள் தமிழ் முஸ்லிம் நல்லுறவை தீர்மாளிக்கும் முக்கிய அடிப்படையாக உள்ளது. இதனை தமிழரும் முஸ்லிம்களும் உணர்தல் வேண்டும். . வன்னியில் உயிரைப் பணயம் வைத்து புலிகளுடன் முஸ்லிம்கள் தொடர்பாக நான் தர்கம் செய்த எல்லா தருணங்களிலும் அவர்கள் தந்த வாக்குறுதிகளின் சுருக்கம் “அம்பாறையில் முஸ்லிம்கள் தமிழர்களைத் தாக்கினால் மட்டும் நாம் வடகிழக்கில் முஸ்லிம்களை தாக்குவோம். ” என்பதாகவே அமைந்தது. இது அவர்கள் நிலைபாடு பற்றிய கூற்று. அதனை மாற்றமின்றி அப்படியே முஸ்லிம் தலைவர்களுக்கு சொல்லவேண்டியது என் பொறுப்பாய் இருந்தது. இதுதான் போராளிகளால் தங்கள் நிலைபாடு என்று சொல்லப்பட்டது என்பதை நான் தோழர் தலைவர் அஸ்ரப்புக்கும் ஏனைய சில முஸ்லிம் தலைவர்களுக்கும் அறிவித்திருக்கிறேன். அன்றில் இருந்து இன்றுவரை ஈழ மலையக தமிழர்களது முஸ்லிம்கள் பற்றிய நிலைபாட்டை நட்ப்பைத் தீர்மானிப்பதில் அம்பாறை மாவட்ட தமிழர் நலன்கள் அடிப்படையாக உள்ளது என உறுதியாகச் சொல்ல முடியும். . எதிர்காலத்தில் தமிழர்களும் முஸ்லிம்களும் சிந்தித்து பொறுப்புடன் கையாள வேண்டிய இனமுறுகல் பகுதிகள் இரண்டு. அவை 1. கல்முனை 2. மூதூர் பிரதேச செயலகப் பிரிவுகள் ஆகும். எனவே தமிழ் முஸ்லிம் நல்லுறவை விரும்புகிறவர்கள் இந்த இரண்டு சிக்கல்களையும் சுமூகமாக விடுவிப்பது தொடர்பாக ஆய்வுக் கருத்துக்களை உருவாக்க முன்வரவேண்டும். . 3 வடகிழக்கு இணைப்பு தமிழரின் இணைந்த தேசிய இன அடையாளப் பிரச்சினையாக உள்ளது. இலங்கை அடகிலும் அமைந்த சிதறிய புவியியல் இருப்பில் கிழல்லில் மட்டுமே ஒப்பீட்டு ரீதியான இணைவும் செறிவும் அமைந்துள்ள சூழலில் கிழக்கு முஸ்லிம் அடையால அரசியலிலும் முக்கியமான மாகாணமாகும். அதனால் வடகிழக்கு இணைப்பை கிழக்கு முஸ்லிம்கள் எதிர்க்கிறார்கள். எனினும் விருபத்துக்கு மாறாக முஸ்லிம்களை இணைக்க தமிழருக்கு நியாயமில்லை. அதுபோலவே போராடி வடகிழக்காய் இணைந்த தமிழ் தேசிய இனத்தை பிரிக்கவும் முஸ்லிம்களுக்கும் நியாயமில்லை. இந்த சிக்கல் தீரும் வகையில் மட்டுமே தீர்வுகள் உருவாக்கப்பட வேண்டும். . 1987ல் இருந்தே வடகிழக்கு இணைப்பு தமிழர் பிரச்சினைக்கு தீர்வாக இந்தியாவும் மேற்க்கு நாடுகளும் ஏற்றுக்கொண்ட ஏற்பாடாகவே உள்ளது. eனினும் கடந்த காலங்களில் சம்பந்தப் பட்ட நாடுகள் முஸ்லிம்களின் அபிலாசைகள் கருத்தில் கொள்ள வில்லை என்பது உணரப்படவேண்டும். இணைந்த வடகிழக்கு தமிழர் பிரச்சினைக்கான தீர்வின் அடிப்படை என்கிற கருத்து இந்தியாவிலும் மேற்குலகிலும் வலுப்பெற்றது. அத்தகைய ஒரு தீர்வுக்கு இலங்கையின் சிங்கள ஆட்ச்சியாலர்கள் தயாராக இருக்கவில்லை. அதனால் இலங்கை அரசை நிர்பந்தித்து வடகிழக்கு இணைந்த ஒரு தீர்வை உருவாக்கவே 1987ல் இந்திய படைகள் இலங்கைக்கு வந்தது . இலங்கயில் இந்திய அமைதிப் படையினர் வலுவான இணைந்த வடகிழக்கை கட்டி எழுப்பவே விரும்பினார்கள். திருகோணமலையில் சிங்கள குடியேற்றங்கள் இந்திய நடவடிக்கையால் அகற்றபடுதல் ஆரம்பித்தது. . வடகிழக்கு இணைப்பை நடைமுறைப் படுத்தியபோதும் புலிகள் இந்தியாவை ஏற்கவில்லை புலிகள் இந்தியாவை எதிர்த்தமையே வடகிழக்கு இணைப்புக்கு முதல் ஆப்பாக அமைந்தது. எனினும் 2006ல் ஜெனீவா பேச்சுவ்வார்த்தையை முறித்து மேற்க்கு நாடுகளையும் புலிகள் பகைக்கும்வரை மேற்க்கின் அழுத்தத்தை மீறி இலங்கை அரசினால் வடகிழக்கு இணைப்பை துண்டிக்க முடியவில்லை. இதுதான் சர்வதேச நிலைபாடுகளின் வரலாறு. . புலிகள் 2006ல் ஜெனீவா பேச்சுவார்த்தைக்கு ஒத்துளைக்காமல் மேற்குடனும் பகைத்தனர். அதன் பின்னர்தான் வடகிழக்கு இணைப்பு துண்டிக்கபட்டது. இன்று நிலமை வேறு. இந்தியாவும் மேற்க்கு நாடுகளும் தமிழர் கூட்டமைப்பும் யு.என்.பியும் சேர்ந்து வடகிழக்கில் சீனா பாகிஸ்தான் எந்த வகையிலும் தலையிடாதவாறு அழுத்தம் கொடுத்து வருகின்றன. இது நீண்டகால தன்மைகொண்ட ஏற்பாடாகும். . ஒருவேளை தீர்ட்வுத் திட்டத்தில் இந்தியாவும் மேற்குலகமும் விலகி இருந்து 13வது திருத்த அடிப்படையை நிர்பந்திக்காத சூழல்கூட உருவாகலாம். அத்தகைய சூழலில் புதிய தீர்வுப் பொதி உருவாகும். புதிய தீர்வுப்பொதி வடக்குடன் இணையாத வடகிழக்கு முஸ்லிம் வட்டார அலகுகளும் வடக்குடன் இணைந்த வடகிழக்கு தமிழ் வட்டார அலகுகளும் என அமையும் வாய்ப்புகளே உள்ளது. . இத்தகைய சூழல் உருவானால் முஸ்லிம் அலகுகள் நிபந்தனைகளின் அடிப்படையில் தமிழருடனோ சிங்களவருடனோ இணைய வாய்ப்பு உருவாகும். அல்லது சிங்கள அரசுடன் போராடி இணக்கத்தை பெற்று நிலத்தொடர்பற்ற முஸ்லிம் மாகாணமாக மேம்படவும் வாய்புள்ளது. . முஸ்லிம் அலகுகளும் தமிழ் அலகுகளும் மாவட்ட அதிகாரப் பகிர்வோடு இணையும் தீர்வுப்பொதியே இரு தரப்புக்கும் கிடைக்கக்கூடிய சிறந்த தீர்வுப் பொதியாக அமையும் என்பது எனது நம்பிக்கை. எனினும் முஸ்லிம்கள் அலகுகள் சுதந்திரமாக எடுக்கும் எந்த தீர்வையும் நான் ஆதரிப்பேன்.

நல்வாழ்த்துக்கள் இளைஞர்களே. எல்லோரும் எங்கள் அடுத்த தலைமுறை செயல்பாட்டாளர்கள் என்பது மகிழ்ச்சி. இன்னும் புத்தகம் வாசிக்கவில்லை. இருளில் ஒளிக்கீற்று அட்டைபட மற்றும் லே அவுட் பணிகளில் எனது இளையமகன் இளவேனில் (ilavenil jayapalan) பங்குபற்றியது தெரியும். இளைய தலை முறைகளின் நன்முயற்சிகளை மகிழ்ந்து கொண்டாடுவோம்

உங்கள் விமர்சனத்துக்காக

எனைஎழுப்ப விருப்பமின்றியும்சொல்ல வந்த பெருங்கதையைசொல்லாமல் போக மனமின்றி கவிதைக்கு வாழ்த்துக்கள்.

தயவுடன் இந்த பரீட்சார்த்த கவிதைபற்றிய உங்கள் கருத்தை எழுதுங்கள். கற்றுகொள்ள உதவும். . பாவைக் கூத்து - வ.ஐ.ச.ஜெயபாலன் * அம்ம வாழிய தோழி, பதிலுக்கு வாழ்த்தவும் மறந்து யார் அவன் யாரென மீண்டும் வினவுதி, உனக்கு வேறு வேலையே இலதோ? * அறிந்திலையோடி? மச்சு வீட்டின் காவல் மறந்து ஊரின் சந்து பொந்து மரத்தடி எல்லாம் காதல் குறுஞ்செய்தி பெய்து அலையுமே அந்த நாயின் சொந்தக்காரனடி. போயும் போயும் அவனையா கேட்டாய்? * அறம் இல்லாது ஒருத்தனுக் கெழுதிய காதல் சேதியை பிரதி பிரதியாய் பலருக்கு அனுப்பும் கைபேசிக் கிளியே அவனே உனக்குச் சாலவும் பொருத்தம் அப்பாலே போ. * பிரிக்கவே சூழும் பெண்விதி கொடிது. இனி, பொம்மலாட்டப் பாவையைபோல் ஒருவர் சொல்லுக்கு ஒருவர் ஆடிய இனிய நம் நாட்கள் போய்விடும் தோழி. உந்தன் மழலை அவனை ஆட்டும் நாள்வரை இனி அவனே உந்தன் பாவைக் கூத்தன். * சரிதான் போடி உன் நூறு நூறு குறுஞ்செய்திகளை அவனுக்கே அனுப்பு. காலை தோறும் எண்திசை வானில் ஆயிரம் ஆயிரம் சிறு வெண் கொக்குகள் பறக்க விடுகிற கடற்கரையோரப் புன்னை மரமினி என் துணை ஆகுக