Snegethy

கருத்துக்கள உறவுகள்
  • Content Count

    1,421
  • Joined

  • Last visited

Community Reputation

0 Neutral

About Snegethy

  • Rank
    Advanced Member
  • Birthday 05/20/2006

Contact Methods

  • Website URL
    http://www.snegethyj.blogspot.com
  • ICQ
    0

Profile Information

  • Gender
    Female
  • Location
    Canada
  1. {ஈழ நேசன் இணையச் சஞ்சிகைக்காக எழுதியது } எம்மைப் பற்றி நாம் என்ன நினைக்கிறோம்? இதில்தான் எமது வாழ்க்கையின் சூட்சுமம் தங்கியுள்ளது. எனக்கு நான் நல்லவள் , வல்லவள் என்ற எண்ணமிருக்க வேண்டும். அப்பிடி இருந்தால்தான் மற்றவர்களுக்கு என்னைப்பற்றி ‘இந்தப்பெண் நல்லவள் , இவளிடம் நிறைய ஆற்றல்கள் உள்ளன , இவளால் நல்ல காரியங்களைச் செய்ய முடியும் , இவளால் இந்தச் சமுதாயத்துக்குச் சில நன்மைகளுண்டு’ என்றெல்லாம் எண்ணத்தோன்றும். என் அம்மம்மா சின்ன வயதில் சொல்லுவார், எம்மனப்படிதான் எல்லாம் நடக்குமென்று. ஏதாவது தப்பாகச் சொல்லிவிட்டால் "அப்பிடிச் சொல்லாத மோனை; சாத்தான் அப்பிடியே நடக்கட்டும் என்று சபித்து விடுவான் " என்று சொல்லுவார். அப்போதெல்லாம் “சாத்தான் என்ர பக்கத்தில ஒளிச்சு நிண்டே கேட்கும்?” என்று திருப்பிக் கேட்டிருக்கிறேன். ஆனால் எல்லாமே எங்களுடைய மனம்தான் என்று இப்போது தெரிகிறது. பிறந்ததிலிருந்தே எங்களுடைய மனதில் விதைக்கப்படும் எண்ணங்களே நாங்கள் வளர்ந்து எப்படிப்பட்ட மனிதராக உருவாகிறோம் என்பதைத் தீர்மானிக்கின்றன. ‘என்ர பிள்ளை கெட்டிக்காரி, அவளால் நன்றாகப் படிக்கமுடியும் , அவள் வளர்ந்து தனக்குப் பிடித்த ஒரு துறையில் மிளிர்வாள்’ என்று தாயொருத்தி மற்றவர்களிடம் சொல்வதை அந்தப்பிள்ளை கேட்கும் சந்தர்ப்பம் கிடைத்தால் அந்தப்பிள்ளை பிற்காலத்தில் ஏதோ ஒரு துறையில் சிறந்து விளங்குவதற்கான சாத்தியக்கூறுகள் நிறையவே உண்டு. ஒருவர் எங்களைப் பற்றி நல்ல விதமாகக் கதைக்கும்பொழுது அது எங்களின் சுயமதிப்பீட்டை அதிகரிக்கச் செய்கின்றது. இந்தச் சுயமதிப்பீடு அல்லது சுயமரியாதையை வளர்த்துக்கொள்ள காலமெடுக்கும். ‘நான் என்னைச் சுற்றி இருப்பவர்களால் நேசிக்கப்படுகிறேன், எனக்கென்று சில சிறந்த குணங்களுள்ளன, என்னால் முடியும், என்னால் மற்றவர்களுக்கும் உதவ முடியும்’ போன்ற எண்ணங்கள்தாம் எங்களுக்கு வாழ்க்கையில் ஒரு பிடிப்பை ஏற்படுத்திக்கொண்டு தொடர்ந்து உயிர்வாழும் ஆசையைத் தக்கவைத்துக்கொள்ள உதவுகின்றன. சுயமதிப்பை வளர்த்துக்கொள்ளும் எண்ணங்கள் உருவாகும் வகையில் குழந்தைகளை வளர்க்கும் கடமை பெற்றோரிடமும் ஆசிரியரிடமும் தான் அதிகம் அடங்கியிருக்கிறது. அவர்கள் அந்தக் கடமையைச் செய்யத் தவறுகையில் அந்தப் பணி நண்பர்களுடையதாய் அமைகிறது. அம்மா அப்பாவிடம் சரி சமமாகக் கதைக்கப் பழக்க வேண்டும்; எதையும் மனம் திறந்து பெற்றோருடன் உரையாடக் கூடிய இடத்தை வழங்க வேண்டும்; ‘ நான் இந்தக்குடும்பத்தில் ஒருவர், என் கருத்துக்களைக் காதுகொடுத்துக் கேட்க இந்தக் குடும்பம் இருக்கிறது, என்னை நேசிக்கக்கூடிய எனக்கு உதவி செய்ய என் குடும்பம் இருக்கிறது’ என்று குழந்தை உணர வேண்டும். சில குடும்பங்களில் என்ன நடக்கிறது? பாடசாலையில் குடியமர்வு ஆலோசகராக பணிபுரியும் ஒருவருடன் அண்மையில் உரையாடும்போது அவர் சொன்னார், ‘உண்மையில் இந்தப்பிள்ளைகள் இப்படி ஓராளை ஓராள் அடிச்சுக்கொண்டு சாகிற அளவுக்கு நடந்துகொள்றதுக்கு அவர்களின் பெற்றோரும் ஒருவகையில் காரணம்தான்.’ வெளிநாடுகளில் ஆசிரியர்கள் "என்னைப் பார் , என் கண்ணைப் பார்த்துப் பேசு "என்று சொல்லிக்கொடுக்கிறார்கள். ஆனால் சில வீடுகளில் "என்னை நிமிர்ந்து பார்த்துக் கதைக்கிற அளவுக்கு நீ வளந்திட்டியோ " என்று சொல்லி பிள்ளைகளை அடிக்கிறார்கள். அப்போ அந்த பிள்ளை ஆசிரியர் சொல்வதைக் கேட்பதா, பெற்றோர் சொல்வதைக் கேக்கிறதா? ஆசிரியர் கேள்வி கேட்கும்போதெல்லாம் அந்த மாணவன் தலை நிமிர்ந்து பார்ப்பதே இல்லை, குனிந்துகொண்டே பதில் சொல்வான். இது தொடர்பாக அந்த குடியமர்வு ஆலோசகர் அவனுடைய தந்தையிடம் பேசும்பொழுது அவர் சொன்னாராம் "நான் என்ர அப்பாவை இதுவரைக்கும் நிமிர்ந்து பார்த்துக் கதைத்ததில்லை. ஆனால் இவன் இப்பவே என்னை நிமிர்ந்து பார்த்துக் கதைக்கிறான் ,அப்ப இவனை அடிக்காமல் என்ன செய்றது?" பதின்ம வயதின் தொடக்கத்தில் புலம்பெயரும் இளைஞர்கள் பலர் வீட்டிலும் ஏற்றுக்கொள்ளப்படாமல் பாடசாலையிலும் ஏற்றுக்கொள்ளப்படாமல் சரியான நண்பர்களுமில்லாமல் குறைந்தளவு சுயமதிப்பீடு , வெறுப்பு , குழப்பம் , விரக்தி போன்றவற்றோடுதான் வாழ்கிறார்கள். பிள்ளைகளிடம் தன்னம்பிக்கையை வளர்த்து அவர்களிடம் உள்ள திறமைகளை அடையாளம் கண்டு அவர்களை அதில் மேலும் ஈடுபடச்செய்து அவர்களுக்கு அவர்கள் வாழும் சூழல் பற்றி எடுத்துச்சொல்லி அவர்களை வீட்டுக்கும் நாட்டுக்கு நல்லவர்களாக உருவாக்க வேண்டும். ஆனால் சில பெற்றோர் என்ன செய்கிறார்கள்? பிள்ளைக்கு ஒரு விடயம் சரியாகச் செய்யத் தெரியாவிட்டால் "எருமை மாடு எத்தனைதரம் சொல்லித் தந்தனான் சனியன்… சனியன் " என்று திட்டுவார்கள். இன்னும் சில பெற்றோர் பொது இடங்களில் வைத்தே பல்லை நெறுமிக்கொண்டே, "இண்டைக்கு வீட்ட வா உனக்கிருக்கு" என்று சொல்லும்போது வீடு செல்லும்வரைக்கும் அந்தப்பிள்ளை அதையே நினைச்சு நினைச்சு என்ன நடக்குமோ என்று பயந்து ஏங்க ஏங்க அந்தப்பிள்ளையின் சுயமதிப்பீடு குறைந்து கொண்டே போகும். ஆனால் பாடசாலையில் பிள்ளை ஒரு பிழை விட்டால் ஆறுதலாக பொறுமையாக விளங்கப்படுத்தி அவர்களின் தனித்திறமைகளை அடையாளம் கண்டு அவர்களாகவே தங்களுக்கேற்ற வழியைத் தேர்ந்தெடுத்து அந்தச் செயலை செய்ய வைத்து விட்டு, "பார்த்தாயா திரும்ப முயற்சி செய்தபோது உன்னால் அந்தக் காரியத்தை எளிதாகச் செய்ய முடிந்ததல்லவா" என்று பாராட்டி ஒரு பேனாவைக் கொடுத்து அந்தப்பிள்ளையின் சுய மதிப்பீட்டை வளர்க்கிறார்கள். இது எல்லாப்பெற்றோரையும் குறை கூறி எல்லா ஆசிரியரையும் தலையில் தூக்கி வைக்கும் முயற்சியில்லை. ஆனால் பொதுவாகவே மாணவர்களிடம் இப்படி நடந்துகொள்ள வேண்டும் என்று சொல்லிக்கொடுக்கும் ஆசிரியர் பள்ளியிருக்கிறது. ஆனால் பிள்ளைகளிடம் இப்படித்தான் நடந்துகொள்ள வேண்டும் என்று பெற்றோருக்குச் சொல்லித்தர எந்தப்பள்ளியியும் இல்லை. பிறந்த குழந்தைக்குக் கூட அம்மாவின் தொடுகையில் , பார்வையில் அன்பிருக்கிறதா, கோபம் இருக்கிறதா, கவலையிருக்கிறதா என்று இனம்காண முடியும். தன்னைச்சுற்றி நடக்கும் விடயங்களில் இருந்தே தன்னை வளர்த்துக்கொள்ளும். எனவே குழந்தையின் முன்னால் எப்போதும் சந்தோசமாகத் தென்படுங்கள். நான் நேசிக்கப்படுகிறேன் என்று அந்தக் குழந்தை உணரவேண்டும். உணர்தல் வேறு உணர்த்தப்படுதல் வேறு. குழந்தை தானாகவே உணரவேண்டும். இந்தக்கட்டுரை எழுதிக்கொண்டிருக்கும்போத
  2. அன்று வந்ததும் அதே நிலா இன்று வந்ததும் அதே நிலா இன்பம் தந்ததும் ஒரே நிலா ஏங்க வைப்பதும் ஒரே நிலா.
  3. நான் குறிபு்புகளும் கேள்விகளும் என்றுதான் தலைப்பிட்டிருந்தேன். எனது குழப்பங்களுக்கும் கேள்விகளுக்கும் தெளிவான கருத்துகள் மூலம் பதிலளித்த எல்லாருக்கும் நன்றிகள்.
  4. மலரே என்னென்ன கோலம் எதனால் என் மீது கோபம் மலரே என்னென்ன கோலம் எதனால் என் மீது கோபம் ?
  5. எல்லாற்ற மனசிலயும் ஏதோ ஒரு கோவம், ஆத்திரம், பயம், கவலை, ஆற்றாமை ,பரிதவிபு்பு, ஆதங்கம், மன ஏக்கம், கையறுநிலை இப்பிடி ஏதோ ஒரு உணர்வு அல்லது எல்லாம் கலந்த ஒரு உண்ர்வு சமீபகாலமா இருந்துகொண்டே இருக்கு. அந்த மனநிலைல இருந்து எப்பிடி வெளில வாறதெண்டுதான் தெரியேல்ல. கொஞ்சக்காலமாவே எனக்கும் இந்த நிலைதான். யாரை யார் தேற்றுவது? யாருக்கு யார் ஆறுதல் சொல்வது? யாரிலயோ என்னத்திலயோ இருக்கிற கோவத்தை வருத்தத்தை வேறயாரிடமாவது அல்லது ஒரு சடப்பொருள் மேலயோ காட்டிக்கொண்டிருக்கிறம் இல்லையா? நீங்கள் எப்பிடியோ தெரியாது ஆனால் கொஞ்சநாளா நான் நடந்துகொள்ற விதம் எனக்குப் பிடிக்கவே இல்லை. கிட்டடில ஒருநாள் ஒரு நண்பனிட்ட ஏதோ கேட்டதுக்கு " உம்மோட பெரிய உபத்திரம்" என்று வெகு சாதாரணமா சொன்ன விசயம் நானே எதிர்பாராத அளவிலான வலியைத் தந்தது. உண்மையா கடந்த மாதங்களில் நடந்த விசயங்களால எங்கட மனங்கள் மரத்துப்போயிருக்கும் என்று நினைச்சன் நான். ஆனால் ஒரு சின்ன விசயத்துக்கே உடைஞ்சு போறளவுக்கு மனம் பலவீனமாயிருக்கு என்டதுதான் உண்மை. Newcomer Youth Mental Health Youth Project க்கு நான் எடுத்த படம் மரணங்கள் சாதாரணமானவையல்ல ஆனால் ஒராள் இயற்கையா மரணமெய்தினால் அதைக் கொண்டாட 31 நாள் கணக்கு வைச்சிருக்கிறம். அதே ஒரு அவச்சாவு என்டால் 3 மாதத்துக்கு துக்கம் கொண்டாடுறம். ஆனால் குடும்பம் குடும்பமா கிராமம் கிரமமா எங்கட சனம் செத்துப்போனதுக்கு நாங்கள் என்ன செய்தனாங்கள்? எத்தின நாள் அழுதனாங்கள்? யாரைப்பார்த்தாலும் யாருக்கு போன் பண்ணினாலும் ஒரே மரணம் பற்றிய செய்திகள். கொஞ்சாக்காலத்தில யார் யார் செத்தது யார் யார் உயிரோட இருக்கினமெண்டதே மறந்திடும் அவ்வளவுக்கும் மனங்கொள்ளாத செய்திகள் தினம் தினம் கேட்டு முடிச்சாச்சு. மரணச்செய்திகள் வந்த மாதிரி இன்னாருக்கு காலி்லை இன்னாருக்கு கையில்லை என்ற செய்திகள் பெருசா வந்துசேரேல்ல. ஒரு கட்டத்தில நேரில் அவர்களைச் சந்திக்கும்போதுதான் தெரிந்துகொள்ள வேண்டியிருக்கும். அப்பிடி ஒரு காலம் வருமா? கட்டுநாயக்கா விமானநிலையத்தில் புலம்பெயர் தமிழ் மக்களால் நடத்தப்பட்ட கண்டன ஊார்வலங்கள் அனைத்தினுடைய ஒளிநாடாக்கள் ஒளிபரப்பப்பட்டு எங்களுடைய திருமுகங்கள் அந்த ஒளிநாடாக்களில் வருகிறதா என்று பார்த்துத்தான் நாட்டுக்குள் விடுகிறார்களாம். அவர்கள் அங்கிருந்து அனுபவித்த அதே கொடுந்துயரை அவர்கள் அளவுக்கு இல்லாவிடிலும் நாங்களும் அனுபவித்திருக்கிறோம். முந்தின காலங்களில் நடந்த கொடூரமான போர் பற்றிய செய்திகள் படங்கள் காணொளிகள் மக்களைச் சென்றடையவில்லை. ஆனால் இப்ப அங்க இருக்கிற மக்கள் தெரிஞ்சுகொள்ள முதலே நாங்கள் விரும்பியோ விரும்பாமலோ எங்களை அவை வந்தடைகின்றன. யுத்தகள படங்களைப் பார்ப்பதால் அப்பிடி என்ன பாதிப்பு வந்திடப்போது என்று நானும் நினைச்சிருக்கிறன் ஆனால் ஒரு கட்டத்துக்குப்பிறகு செய்திகளைப் பார்க்காமல் ஒதுங்கியிருக்க முயற்சித்தபோதும் ஈமெயில் மூலமாகவும் தொலைக்காட்சி மூலமாகவும் மரணங்களையும் இரத்தத்தையும் சதையையும் பார்த்துப்பார்த்து மரணங்கள் சாதாரணம் என்று மனம் பழகிப்போனாலும் அந்த வடுக்கள் எங்களுக்குள்ளேதான் இருக்கு. வியட்நாம் போரிலிருந்து திரும்பிவந்த போர்வீரர்களின் குணமாற்றங்களைப் படித்தே நெருக்கீட்டுக்குப் பின்னான உளவடு (Posttraumatic stress disorder (PTSD))என்ற ஒன்றைக் கண்டுபிடித்தார்கள்.அது யாருக்கு இருக்கு யாருக்கில்லை என்று சொல்றது என்ர நோக்கமில்லை. ஆனால் எங்கட மனசில ஒரு கொடுந்துயருக்குப்பின்னான வடு இருக்குது என்டது மட்டுமுண்மை. உண்மையா துயர் இன்னும் முடியேல்ல அது தொடர்ந்துகொண்டேதான் இருக்கு. இருந்தாலும் கடந்த மாதங்கள் போல எப்பவும் சாவுச்செய்தியும் மரணங்களின் எண்ணிக்கைகளும் வாறதில்ல. retraumatization என்று சொல்லப்படுகிற கொடுந்துயர் பற்றிய பழைய நினைவுகளால் வரும் மனவுளைச்சலும் ஒரு சிக்கல்தான். உதாரணமா எனக்கு நினைவு தெரிஞ்ச நாள்ல இருந்தே நாங்கள் படிச்சது வளர்ந்தது எல்லாமே செல்லடிக்குள்ளயும் குண்டுச் சத்தத்திலயும்தான். பள்ளிச்சீருடையோட பங்கருக்குள்ள ஓடியிருக்கிறம் மேசைக்குக் கீழ விழுந்து படுத்திருக்கிறம். அதையே நாங்கள் காணொளிகளில " குத்தப்போறான் படுங்கோ " என்டு கதறிக்கொண்டு குழந்தைப்பிள்ளைகளைப் பாதுகாக்க முயற்சிக்கிற தாய்மாரைப் பார்க்கேக்க எனக்கு என்ர ரீச்சர்மாற்ற ஞாபகம் வாறது. அவையள் கனவிலயும் வாறவை. இது ஒரு சின்ன உதாரணம் தான். இலங்கையை விட்டு வரும்போது பாலியல் ரீதியா மனவுளைச்சலுக்கு்ள்ளாகி அல்லது வன்புணரப்பட்ட ஒரு பெண் இப்ப தடுப்புமுகாம்களில் நடக்கும் கொடுமைகளைக் கேள்விப்படும்போது அவளுடைய பழைய ஞாபகங்கள் எல்லாம் திரும்ப வந்து அவளுடைய அன்றாட வாழ்க்கையை எப்படிப் பாதிக்கும் என்று யோசித்துப்பாருங்கள். இந்த வடுக்களிலிருந்து நாங்கள் விடுபடணும். மனசில ஏற்படுற மாற்றங்கள் எங்கட உடம்பையும் பாதிக்கும். மனசு பலவீனமாகேக்க உடம்பின் நோய் எதிர்ப்புச்சக்தியும் குறையும். அப்பிடிக் குறையிறதாலே சாதாரணமா வாற காய்ச்சல் தலைவலி கூட நீண்டநாட்களுக்குத் தொடரும். அதால மனசைப் பலவீனம் அடையாமல் வைச்சிருக்கிறது நல்லது. ஆனால் அது எப்பிடி என்டு எனக்கும் சரியாத் தெரியேல்ல. சில நேரம் வேலையில ஒரு ஆலோசகரா மற்றாக்களுக்கு ஆலோசனை வழங்கிற எனக்கு எனக்கு ஆலோசனை தர யாருமில்லையா என்று யோசிச்சிருக்கிறன். யார் யாரையோ நீங்கள் எப்பிடியிருக்கிறீங்கள் என்று கேக்கிறம். ஆனால் ஒருநாள் எங்கட நெருங்கின நண்பர்களையோ எங்கட குடும்பத்தினரையோ மனசார உண்மையான அர்த்தத்தோட நீங்கள் நல்லா இருக்கிறீங்கிளா? மனசும் உடம்பும் நல்லா இருக்கா என்று கேக்கிறமா? மனசாட்சியைத்தொட்டு சொல்லுங்கோ பார்ப்பம். நான் அப்பிடிக் கேட்டதில்லை என்னையும் யாரும் கேட்டதில்லை. ஒரே நேரத்தில் ஒன்றுக்கு மேற்பட்ட விடயங்களில் ஈடுபட்டதால நேரமின்மை ஒரு பிரச்சனை. அல்லது இருக்கிற நேரத்தையும் எப்பிடி அட்டவணைப் போட்டு பயன்படுத்தலாம் என்று தெரந்துகொள்ளாமல் இருக்கிறன். வீட்டிலுள்ளவர்களினதும் சரி வெளியிலுள்ளவர்களினதும் சரி அவர்களுடைப பிரச்சனைகளையும் என் தலையில போட்டுக்கொள்றது மிகப்பெரிய பிரச்சனை. எல்லாத்துக்கும் மேல "NO: இல்லை என்னால முடியாது என்று சொல்லத் தெரியாமலிருக்கிறது". இப்பிடியிருக்கிறதால மற்றவர்களின் பிரச்சனைகளைத் தெரிந்துகொள்ற மாதிரி எனக்கென்ன பிரச்சனை என்ற தெளிவில்லாதது அப்பிடியே தெரிந்தாலும் அதை வெளிப்படையா பகிர்ந்துகொள்ளாமல் இருக்கிறது. எல்லாருக்கும் ஏதொ ஒரு சுமை ஏதொ ஒரு பிரச்சனை. எங்களில எத்தினை பேர் பக்கத்தில இருக்கிறாளைப் பார்த்து நேசத்தோட கதைக்கிறம். ஏதோ கடமைக்கு hello how are you? என்டிட்டு எங்கட வேலையைச் செய்றம். நான் புலம்பிறனோ என்டு தோணுது ஆனால் ஒரு வேளை மற்றவர்கள் இப்பிடி நினைச்ச நேரத்தில நான் அவைக்கான இடத்தையோ நேரத்தையோ குடுக்காமல் இருந்திட்டனோ தெரியாது ஆனால் நான் யாரிட்டயும் மனம் விட்டுப்பேசோணும் என்று நினைக்கிற தருணத்தில சுற்றியிருக்கிறவர்கள் எல்லாமே தங்கட சுமைகளைச் சுமப்பதில் பிஸியாக இருக்கினம். யாராவது நீ எப்பிடி இருக்கிறாய் ? நல்லா இருக்கிறியா என்று கேக்க மாட்டினமா என்டு நான் நினைச்சன். பிறகுதான் தெரிஞ்சது இதே நிலையில மற்றாக்களும் இருக்கினமெண்டு. நீங்களும் இப்பிடி உணர்ந்தால் இந்தப்பாட்டைக் கேளுங்கோ : வானம் தலையில் மோதாது பூமி நகர்ந்து போகாது... நடுவில் இருக்கும் உந்தன் வாழ்க்கை தொலைந்து ஒன்றும் போகாது... உனது கண்கள் அழும்போது எந்த விரலும் துடைக்காது... பிறரை நம்பி நீயும் நின்றால் வந்த பாரம் தீராது! http://www.youtube.com/watch?v=7uq0DNFq26U
  6. \\- நீங்கள் சொல்வதை பார்த்தால் அந்த இரு இளைஞர்களும் கொல்ல பட்டது தமிழ் இளைஞர்களாலா? எனக்கு விபரம் தெரியாது - அதனால் கேட்கிறேன்?\\ முதல் கொலை தமிழ் இளைஞர்களால் என்றும் மற்றது வேறுநாட்டு இளைஞர்களாலும் என்று சொல்லப்படுகிறது \\- honour killing என்று வருவதெல்லாம் சமூகத்திற்கு சமூகம் மாறு பட்டு இருக்கும், அதை இனம் காட்டுவது தவறல்ல. இலங்கையிலேயே நாங்கள் சிறு பான்மையினர் தான்! இங்கு வெளிநாடு என்று வந்தால் போல வந்த இடங்களில் அவங்கள் எங்களை தங்களில் ஒரு அங்கம் என்று தங்கள் பொருளாதார முன்னேற்றங்களுககவும் வேறு சில அரசியல் காரணங்களுக்காகவும் ஏற்று கொள்ளலாம். ஆனால் வெளியில் இருந்து மேற்கத்திய நாடுகளுக்குள் வந்து நாங்கள் எமது செயற்பாடுகளின் மூலம் பிழை பிடிக்க இடம் கொடுப்போமேயானால் நிச்சயம் வெள்ளைக்காரன் - எங்களை விநோதமாக்கி தான் காட்டுவான். தமிழரை மட்டுமல்ல எனேயே சிறுபான்மையினரையும் தான். \\ கனடாவில் எல்லோருமே வந்தேறு குடிகள்தான். அப்பிடி சிறுபான்மையினரைத் தனிமைப்படுத்த வேண்டுமென்றால் அவர்கள் செய்யும் நல்ல காரியங்களையும் அவர்கள் தமிழர்கள் என்று குறிப்பிட வேண்டும். நல்லது செய்யும்போது அவர்கள் கனடியர்கள் கொலை என்று வந்தால் அவர்கள் தமிழர்களா??? \\\ஊரில ஒரு சோனகன் இரண்டு மனைவி வைத்திருந்தால் நாங்களே ஒரு மாதிரி பார்க்கிறோம் தானே.... அவன்ட சமூகத்தில அதுக்கு இடம் இருக்கு. அவன் செய்கிறான் என்று நினைத்து மதிப்பு கொடுக்கிறோமா? அது போல தான் வெள்ளைக்காரனுக்கு - சொல்ல போனால் மற்ற இனத்தாரை விட அவனுக்கு - சகிப்புணர்வு கூட உள்ளது போல காட்ட விரும்புவான் - பெரும்பாலும் விளங்கி கொள்ளவும் தென்டிப்பான். ஆனால் பிழை விடும் போது/ அல்லது அவனிட விளக்கத்துக்கு நம்பிக்கைகளுக்கு அப்பால் எமது செயற்பாடுகள் இருக்கும் போது, சுட்டி காட்டுவது அவன் இயல்பு. - அத்துடன், எனக்கு நீங்கள் ஏன் இறந்தவர் தமிழன்/ அல்லது கொலை செய்தவர் தமிழன்/ என்று இனம் காட்டுவதை விரும்பவில்லை என்று விளங்கவில்லை. இதை positive ஆக எடுக்க முற்படலாம் தானே? உதாரணத்திற்கு - கனடாவில் கொல்ல பட்ட இரு இளைஞர்கள் தமிழர் என்பதும், நோர்வேயில் அண்மையில் சிறை சென்ற வாள் கொலை இளைஞர்கள் தமிழர் என்பதும், இங்கிலாந்தில் பாலியல் வல்லுறவு குற்றத்திற்காக சிறை சென்ற இருவர் தமிழர் என்பதும் - "தமிழர்" என்ற குறிப்போடு இருந்த படியினாலேயே எமது இளைஞர்களுக்கு என்ன நடக்கிறது/ அவர்கள் செயற்பாடுகள் இவாறு ஆக காரணம் என்ன என்றெல்லாம் அறிய ஆய முடிகிறது. இதுக்கெல்லாம் பதில் தெரிந்தால் தான் இனிமேலாவது இவை நடக்காமல் பார்த்து கொள்ள இளைஞர்களை சுற்றியுள்ள தமிழ் சமூகம் அக்கறை எடுக்கும். இளைஞர்களும் விளையாட்டுத்தனமாய் தொடங்கும் செயல்கள் எவ்வாறு விபரீதமாக போய் முடியலாம் என்பதையும் கண்டுனர்வார்கள். அதை விட்டு போட்டு - பாஸ்போர்ட்ல அப்படி இருக்கு என்றதுக்காக canadian youngster killed in a gang fight என்று போட்டால் எங்கட தமிழ் சமூகம் வாசிச்சு அக்கறை பட்டு திருத்தி கொள்ளுமா தன்னை?????????????? \\\ இப்படியும் ஒரு நன்மையிருக்கலாம் ஆனால் தீமைகள் தான் அதிகம். \\ - சின்ன பிள்ளைகள் சம்மந்தமான உங்கள் கருத்துகளுக்கு எனது விளக்கம் இது தான்: இந்த மேற்கத்தைய நாடுகளில் ஏராளமான இனத்தவர் வாழ்கிறார்கள். ஒவொருவரும் பிள்ளைகளை வளர்ப்பது வித்தியாசமாய் இருக்கும். அவர் அவர் எப்படி சரி என்று படுகுதோ அப்படி இருங்கோ என்று authorities கவனியாது விட்ட படியால் - எத்தினையோ அசம்பாவிதங்கள் நடந்து இருக்கு. சின்ன பிள்ளைகளை பலி கொடுத்தால் குடும்ப கஷ்டம் தீரும் என்று கொலை கூட செய்து இருக்குதுகள் இங்க இங்கிலாந்தில். . இல்லாட்டி இங்க ஏன்? கிட்டடியில் செய்தியில் படித்தேன் - ஈழத்தில் ஒரு பதினாலு வயது சிறுமியை தகப்பனே பாலியல் வல்லுறவிற்கு உட்படுத்தியது என்று. மேற்கத்திய நாடுகளில் சிறு பிள்ளைகளை பாலியல் குற்றங்களில் பயன்படுத்துவதை அதிகமாய் காண்கிறோம். அப்படி உள்ள ஒரு சமூகத்தில் அந்த நாட்டு அரசாங்கம் சட்டங்கள் எடுக்கும் - எல்லோரையும் அதற்குள் கொண்டு வர .\\ நிச்சயமாக சட்டங்கள் தேவை. ஆனால் மற்றைய மக்களின் வாழ்வு பற்றிய தெளிவான விளக்கங்கள் இல்லாதவர்கள் அவர்களுக்காக முடிவெடுக்க முடியாது. அப்படி முடிவெடுக்கும்போது குற்றம் செய்யாதவர்களும் தண்டிக்கப்படுவார்கள். அப்படி நடந்துமிருக்கிறது. ஈழத்தில் பாலியல் கொடுமைகள் நடக்கவில்லையென்று நான் சொல்ல மாட்டேன். ஆனால் ஆய்வாளர்கள் , வைத்தியர்கள் , உளவியல் ஆலோசகர்கள் போன்றோர்களுக்கு மற்ற மக்களின் வாழ்க்கை முறை , அவர்களின் பழக்கவழக்கங்ககள் போன்றவை தெரிந்திருக்க வேண்டுமென்கிறேன். \\\ எமது பிழை இல்லாத நடவடிக்கைகள் பிழையாக பார்க்க படுகிறது என்று நீங்கள் வருத்த பட்டால் ஒன்றை நீங்கள் ஜோசியுங்கோ - அப்படி அவங்கள் கெடுபிடி போட்டு இருப்பதால் எங்கோ ஒரு பிள்ளை என்றாலும் பாதுகாக்க படும். சிறு பிள்ளைகள் சம்மந்தமான எந்த ஒரு சட்டமும் அவர்களை பாதுகாக்கவே எடுக்க படுகிறது. ஆனால் அதன் பொருட்டு பிள்ளைகளை பெற்றோர் கண்டிக்க கூட இயலாமல் போகிறதையும் உணர்வேன். அதற்கு பெற்றோர் தங்கள் அணுமுறைகளை கொஞ்சம் மாற்ற தான் வேணும். "நாங்கள் வாங்காத அடியா உந்த வயதில" என்று ஜோசியாமல் - எங்களுக்கு இருந்த சுற்றம் சூழல் சுதந்திரம் (நாட்டை சொல்லவில்லை, அட் லீஸ்ட் முற்றம் ஒழுங்கை தெரு என்றாவது எங்கட என்னத்திற்கு ஓடி விளையாடினோம்) - இதெல்லாம் இங்கத்தைய எங்கடபிள்ளைகளுக்கு அமைவது மிக குறைவு. - இங்கு பிள்ளைகள் கதிரையில் கட்டு பட்டு இருந்து சாப்பிட்டு விட்டு, தொலைக்காட்சி முன்னாலே கிடந்தது காய்கிறார்கள். சில வீடுகளில் காற்றோட்டத்திற்காக ஜன்னல் திறந்து விடுவது கூட பிரச்சனை! -கடைசியாக நீங்கள் சொன்ன dating violence கோதாரிக்கு என்னட்ட ஒரே பதில் தான் - இப்படியான மண்டை பிழையான சோடியளோட ஏன் மினக்கடுறியள்? தெரியாமல் பிழை விடுறது வேற... முரட்டு குணம் உள்ளதுகள் என்று தெரிந்தும்...ஏன்????? \\\\ நன்றி உங்கள் விரிவான கருத்துக்கு.
  7. கிட்டடியில ரொரன்டோவில் 2 தமிழ் இளைஞர்கள் கொலை செய்யப்பட்ட செய்தியை அறிஞ்சிருப்பீர்கள் என்று நினைக்கிறன். 2 கொலைகளுக்கும் தொடர்பிருக்கா இல்லையா என்று தெரியாது ஆனால் அந்தக் கொலைகளைப் பற்றி றோட்டுக்கடையில நிண்டு கதைக்கினம் சிலர். வீட்டில சோபாவில இருந்து கதைக்கினம் சிலர். சிலர் வட்டமாநாடு போட்டு ஆராய்ச்சியாளர்களுடன் கதைக்கினம். ஏன் இந்த இளைஞர்கள் இப்படி நடந்து கொள்கிறார்கள். இப்படி பேஸ்போல் மட்டையாலும் சுத்தியலாலும் மொட்டைக்கத்தியாலும் கொடூரமாகக் கொலை செய்ய இவர்களுக்கு யார் சொல்லிக்குடுத்தது? தமிழர்கள் என்றாலே வன்முறையைக் கையில் எடுப்பவர்களா என்று மற்றைய இன மக்களால் விமர்சிக்கப்படும் அளவுக்கு வளர்ந்திருக்கிறார்களா இவர்கள்? மற்றைய மக்களிடையேயும் கொலைகள் நடக்கின்றனதான். சமீபத்தில் கனடியர்களான ஆப்கான் நாட்டைச் சேர்ந்த 4 பெண்களின் மரணம் சர்ச்சையை கிளப்பியிருப்பது குறிப்பிடத்தக்கது. அவர்களை குடும்பம்தான் கொலை செய்ததாக ("Honor killing ") கிடைத்த தகவலின் படி விசாரணை நடக்கிறது தற்பொழுது ஆனால் அது கொலைதான் என்று நிரூபிக்கும் முதலே ஒவ்வொருதரும் ஒவ்வொருவிதமாகக் கதை கட்டுகிறார்கள். இதற்கு முதலும் சில வருடங்களுக்கு முன்னர் பஞ்சாப் பெண் ஒருவர் குடும்பத்தினரால் கொலை செய்யப்பட்டார். தமிழர் அல்லது ஆப்கான் போன்ற சிறுபான்மை இனமக்களிடையே இடம்பெறும் பிரச்சனைகள் பூதாகரமாக்கப்படுவதோடு "தமிழ் இளைஞர் கொலை " அல்லது "ஆப்கான் பெண்கள் கொலை" என்று போடுவார்கள் பத்திரிகையில். கொலை கொள்ளை என்று வரும்போது அவர்கள் கனடியர்களாகப் பார்க்கப்படுவதில்லை. அண்மையில் அமெரிக்காவில் 29 வயதான ஒருவருக்கு 21 பிள்ளைகள் இருக்காம் என்ற செய்தியை வெகு சாதாரணமாக ஒரு சாதனை போல எழுதியிருந்தார்கள் அதை வாசித்த ஒரு முஸ்லிம் நண்பி சொன்னாள் இதே ஒரு முஸ்லிம் ஆண் செய்திருந்தால் இவர்கள் என்னவெல்லாம் எழுதியிருப்பார்கள் என்று. அண்மையில் ஒரு பெண்களுக்கெதிரான வன்முறை தொடர்பான ஒரு கலந்துரையாடலில் ஒரு 10 வயதுப்பிள்ளையை அப்பா குளிப்பாட்டினார் என்ற கருத்தை பாலியல் துன்புறுத்தல் என்ற ரீதியில் பார்க்க வேண்டுமென்றார் ஒருவர். ஆனால் அந்தாய்வில் பங்குபற்றிய ஒருவர் உண்மையில் சொல்ல வந்த விடயம் என்ர அம்மா சின்ன வயசிலயே செத்திட்டார் அதால 10 வயசுவரைக்கும் என்னைக் குளிப்பாட்டினது என்ர அப்பாதான் என்பதே இதை நாங்கள் எப்படி விளங்கிக்கொள்கிறோம் என்றதைப் பொறுத்துத்தான் அந்த ஆய்வு அடுத்த கட்டத்துக்குப் போகும். இலங்கை அல்லது இந்தியாவில் பெண் பிள்ளைகள் ஆடையுடன் குளிப்பது வழக்கமென்பதும் அம்மா இல்லாத பிள்ளைகளை அப்பா குளிப்பாட்டுவது வழக்கமென்பதும் (அதுவும் 30-40 வருடங்களுக்கு முதல்) அங்கிருந்த எல்லாருக்கும் தெரிந்திருக்க வாய்ப்பில்லைத்தான். நாட்டுக்கு நாடு மக்களுக்கு மக்கள் அவர்களுடைய வழக்கங்களும் பழக்கங்களும் மாறுபடும் என்பது ஆய்வாளர்கள் கருத்தில் கொள்ள வேண்டியது மிக முக்கியம். அதேபோல children aid socity யால் தேவையில்லாமல் தண்டிக்கப்பட்ட கதை இங்கு நிறையச் சமூகங்களில் உண்டு. தமிழர்களிடம் மட்டுமல்ல மற்றைய 4மூகங்களிலும் children aid socity எண்டாலே பிள்ளை பிடிகாறர் என்றமாதிரியான பயமுண்டு. மற்றைய மக்களின் பண்பாடு கலாச்சாரம் பழக்கவழக்கம் பற்றிய தெளிவான விளக்கம் இல்லாததால் பலர் வேதனைப்படுத்தப்பட்டிருக்கி
  8. நான் ஊரில் இல்லாத நேரத்தில் இப்படியொரு ஒன்றுகூடலை நடத்த உங்களுக்கு எப்பிடி மனசு வந்தது :-(...மாப்ஸ் ரசி அக்கா யு ருருருருருருரு
  9. கால‌ம் த‌ன் சுழ‌லும் ஒவ்வொரு ப‌ற்க‌ளிடையேயும் பிண‌ங்க‌ளையிழுத்துச் செல்லும் யுத்த‌கால‌ப்பொழுதில் இனி வ‌டிக‌ட்டிய‌ செய்திக‌ளை ம‌ட்டுமே அறிவ‌த‌ற்கென‌ ஒரு சிறுவ‌னை க‌ன‌வினில் நெய்ய‌த் தொட‌ங்கினேன் அவ‌ன் நான் விடிய‌லில் எழும்புவ‌த‌ற்குமுன் ச‌மாதான‌த்து நிற‌ திரைச்சீலைக‌ளைத் தொங்க‌விட்டான் குருதியை நினைவுப‌டுத்திவிடுமோ என்ற‌ எச்ச‌ரிக்கையில் சிவ‌ப்பாய்ப் பூக்கும் செடிக‌ளையெல்லாம் க‌ளைக‌ளைப்போல‌ அக‌ற்றிவிட்ட‌தில் அவ‌ன‌து அன்பு விள‌ங்கிய‌து செவ்வ‌ந்திக‌ள் செம்ம‌ஞ்ச‌ளாய்ப் பூத்து 'ம‌ண்ணின்' நினைவுக‌ளை வேரில் தேக்கிவைத்திருப்ப‌தால் அக‌ற்றுவ‌தா இல்லை விடுவ‌தாவென‌ என் சுபீட்ச‌த்தின் பொருட்டுச் சிறுவ‌னுக்கு மிக‌ப்பெரும் குழ‌ப்ப‌ம் உள்ள‌தும் நான‌றிவேன். வாசிப்ப‌றையின் மூலையிலிருக்கும் புத்த‌ரை நீருள்ள‌ நித்திய‌க‌ல்யாணிப் பாத்திர‌த்தில் மித‌க்க‌ வைத்து என‌க்கு ஏதோ சொல்ல‌ விரும்புகின்றான் எதிரே மீராவின் விழிக‌ளில் காத்திருத்த‌லின் வ‌லி. நான் வாசிக்க‌ விரும்பும் ப‌த்திரிகைகளின் சில‌ செய்திக‌ள் க‌றுப்புமையால‌ ம‌றைக்க‌ப்ப‌ட்டு... வெளியிட‌ப்ப‌டும் போருக்கான‌/த‌னி ந‌ப‌ர் துதிக்கான‌ அறிககைக‌ள் அக‌ற்ற‌ப்ப‌ட்டு இணைய‌ம் அழ‌கான‌ *வ‌ர‌டாரோ கட‌ற்க‌ரையைப் போலவிருக்கிற‌து இவ்வாறு என‌க்கு பிடித்த‌மாய் விடியும் பொழுதொன்றில்தான் குசினிக்குள்ளிருக்கும் க‌த்தியால் த‌ன் க‌ழுத்தை அறுத்து கோர‌மாய்ச் சிறுவ‌ன் த‌ற்கொலை செய்த‌தும் நிக‌ழ்ந்த‌து. அருகில் ப‌ட‌ப‌ட‌த்துக்கொண்டிருந்த‌ தாளில்... என‌க்காய் அமைதியான‌ த‌ருண‌ங்க‌ளை உருவாக்குவ‌த‌ற்காய் வ‌டிக‌ட்ட‌த்தொட‌ங்கிய‌திலி
  10. இது ஒரு உதாரணம் டங்குவார்: http://www.yarl.com/forum3/index.php?showtopic=47129
  11. இங்குள்ள ஒரு உளவியல் நிபுணரிடம் போய் என்னால தாய்நாட்டில் உள்ள மக்களைப் பற்றிக் கவலைப்படாமல் இருக்க முடியாது. அவர்களைப் பற்றி கவலையே எனக்குப மனவழுத்தத்தை தருகிறது என்று சொன்னாராம் அதறக்கு அந்த உளவியல் ஆலோசகர் என்னால் உங்களை மட்டும்தான் குணப்படுத்த முடியுமென்று சொன்னாராம். அதைப்போலத்தான் கனடா அரசாங்கம் ஊhரிலுள்ளவைக்கெல்லாம் சேர்த்து சமூகநல உதவித்தொகையை வழங்க முடியாதென்பது. டொக்டர் லோரா இதைச் சொன்னதற்கான காரணம் ஒரு நாட்டில் அகதிகளாக வந்திருக்கும் மக்களுக்கு உளநல ஆலோசனைகளை வழங்கும் வைத்தியர்கள் மேம்போக்காக விட்டேற்றித்தனமாக உங்களை மட்டும்தான் குணப்படுத்த முடியும் என்று சொல்லாமல் நோயாளிகளின் சிந்தனையோட்டத்தை புரிந்துகொண்டு அவர்கள் என்ன மாதிரியான சூழலில் நாட்டை விட்டு வந்திருக்கிறார்கள் ஏன் அவர்கள் அங்குள்ள மக்களைப் பற்றிக் கவலைப்படுகிறார்கள் அவர்களுடைய பின்புலம் போன்றவற்றை அறிந்துகொண்டு ஆலோசனை வளங்கவேண்டும் என்று அறிவுறுத்தவே அப்படிச்சொன்னார். வசியண்ணா தூயவனண்ணா சொல்லியிருக்கிறதையும் ஒருக்கா வாசியுங்கோ. நுணாவிலான் மொழி ஒரு தடையாக இருக்காதென்று நம்புகிறேன் ஏனெனில் அநேகமான உளவியல் ஆலோசனை மற்றும் தன்னார்வுத்தொண்டர் அமைப்புகளில் தமிழ் மொழியில் சேவையாற்றுவோர் இருக்கிறார்கள். ஆனால் எங்கள் மக்களிடையே ஆலோசனைக்குச் செல்பவர்கள் எல்லாரும் பைத்தியம் என்ற ஒரு எண்ணம்(taboo) இருக்கிறது.
  12. \\ஒரு உடல் உள நல ஆய்வு பற்றிய தகவல்களைப் பகிர்ந்து கொண்டேன். அந்நிகழ்ச்சி முடிந்த கையோடு ஒருவர் என்னைத் தொலைபேசியில் அழைத்தார் :\\ ஆய்வுக்கு ஆக்கள் தேவை என்று சொல்லி தொடர்புகளுக்கு ஒரு தொலைபேசி இலக்கம் குடுத்திருந்தேன்.
  13. நாங்கள் தொண்டுகல் செய்யுறேல்ல பஞ்ச்...