• advertisement_alt
  • advertisement_alt
  • advertisement_alt

Aaruran

கருத்துக்கள உறுப்பினர்கள்
  • Content Count

    114
  • Joined

  • Last visited

Community Reputation

0 Neutral

About Aaruran

  • Rank
    உறுப்பினர்
  1. அடி உதவுவது போல் அண்ணன், தம்பி கூட உதவமாட்டார்கள் என்பது சரியாகத் தானிருக்கிறது. என்னுடைய இந்தப் பதிவினாலும், இனிமேல் உணர்வுகள் களத்தில் நடைபெறும் தமிழர்களுக்கு தமிழர்களே முதுகில் குத்தும் கருத்துக்களுக்கு நான் உடனுக்குடன் பதில் கொடுப்பேன் என்று அறிவித்த ஒரு நாளிலேயே,தமிழீழத்தின் தியாகிகளைக் கொச்சைப்படுத்திக் கேலி செய்த பதிவுகளும், நாம் தமிழர் இயக்கத் தலைவர் சீமானை இழிவு படுத்தும் பதிவுகளும், என் பெயரில் அவர்களாலே பதியப்பட்ட பதிவுகளும் நீக்கப்பட்டு விட்டன. இவ்வளவு பயமிருந்தால் போதும். ஆனால் எப்படித்தான் கட்டுப்பாடுகளை விதித்தாலும் குரைக்கிற நாய் சந்தர்ப்பம் கிடைக்கும் போது குரைக்கத் தான் முயலும், அதைக் கண்காணிக்கும் பொறுப்பு உண்மையான தமிழுணர்வுள்ள ஈழத்தமிழர்களுக்குரியது. http://unarvukall.blogspot.com/
  2. நன்றி திரு.வேக்கப்கோல், உண்மையில், அவன் மட்டும், நான் மின்னஞ்சலில் கேட்டுக் கொண்ட மாதிரி எனக்கும் அவனுடைய தமிழெதிரி உணர்வுகள் களத்துக்கும் ஒரு தொடர்பும் கிடையாதென்று ஒரு பதிவை மட்டும் செய்திருந்தால், நான் இணையத்தளங்கள், வலைப்பூக்களின் பக்கம் மீண்டும் தலைவைத்துக்கூட படுத்திருக்க மாட்டேன். இப்பொழுது எனக்கு அதற்கெல்லாம் நேரம் கிடையாது. நான் அந்தக்களத்தில் முன்பு எழுதியதையறிந்த நண்பர் சிலர், அங்கு எழுதப்படுபவைகளைக் கண்டு திகைத்துப் போய் என்னிடம் அதைப்பற்றிக் கேட்ட பின்னர் தான், நான் அங்கு சென்று படித்தேன். உடனடியாக, நான் முழுவதையும் வாசிக்காமல் செய்யும் வகையில் என்னுடைய IP முகவரியைத் தடை செய்து விட்டனர். வேறு வழியாகவும் பார்க்கமுடியும் என்பது தெரியாது போலிருக்கிறது. ஆனால் ஓக்ரோபர் 4ம் திகதி வேண்டுமென்றே ஆரூரன் என்ற பெயரில் தானே இணைந்து, என்னைப் போலவே ராசராச சோழனின் படத்தை avatar ஆகப் போட்டு பச்சை நிறத்தில் ஒரு பதிவுகளைப் போட்ட குள்ளநரித்தனத்தையும், அவனது வளர்ப்பின் குணத்தையும் காட்டியதால் தான், நான் யாழ் களத்துக்கு உண்மையைச் சொல்ல வந்தேன். அதற்குப் பின்பும் பலநாட்கள் என்ன செய்வதென்றறியாது இருந்து விட்டு, என்னுடைய நண்பர்கள் வற்புறுத்தியதால் தான் இந்தப் பதிவை இங்கு செய்தேன்.
  3. திருவாளர் வேக்கப்கோல், உங்களை மீண்டும் பார்ப்பதில் மகிழ்ச்சி. உங்களைப் பார்த்ததும் பழைய மகிழ்ச்சியான நினைவுகள், சண்டைகள், சமரசங்கள் எல்லாம் நினைவுக்கு வருகின்றன. நான் எப்பொழுதுமே உங்களின் கருத்துக்கு மதிப்புக்கு கொடுத்ததுண்டு என்பது உங்களுக்குத் தெரியும். இப்பொழுதும் நீங்கள் சொல்வது சரியே, பிரச்சனையென்று வந்தால், அல்லது பயமுறுத்தல்கள் வந்தால், களத்தை இழுத்து மூடுவதற்குப் பதிலாக, எதற்காக கொள்கையை மாற்றி, எழுத்துக்களை மாற்றி, பெயரை மாற்றி, போற்றியவர்களை எல்லாம் தூற்றி, அவர்களின் தியாகங்களைக் கொச்சைப்படுத்தி, எந்த தமிழெதிரிகளுடன் மோதுவதற்காக களம் உருவாக்கப்பட்டதோ அவர்களுடனேயே கூட்டுச் சேர்ந்து, அவர்களைத் திருப்திபடுத்துவதற்காக தமிழ்நாட்டிலுள்ள ஈழத்தமிழ் ஆதரவாளர்களை இழித்துப் பேசி, பண்டாரங்களை வரவழைத்து பரிகாரம் பண்ணி, பிரசங்கம் வைத்து, கண்ட இடமெல்லாம் சாமிப்படங்களைக் கொழுவி, சத்தம் போட்டுச்சாமிப்பாட்டுப் பாடி, கோணங்கித் தனம் பண்ணுவதை விட்டு, நாக்கைப் பிடுங்கிக் கொண்டு சாகலாம்.
  4. நன்றி பறவைகள். நான் இணையத்தளங்களில் எழுதுவதை நிறுத்தி இரண்டு வருடங்களுக்கு மேலாகிறது. இன்றும் உணர்வுகள் களத்தின் நிர்வாகத்தை வைத்திருப்பவர் தமிழ்த்தேசியத்துக்கு எதிரானவர் என்பதை நம்ப என் மனம மறுக்கிறது. இது இடையில் வந்த நட்புக்களின் தொடர்பால் வந்த விளைவு அல்லது ஏதாவது பொருளாதார இலாப நோக்கத்துக்காக எடுத்த முடிவு, அல்லது மற்றவர்களின் பயமுறுத்தலினால் ஏற்றுக்கொள்ளப்பட்ட கொள்கை. அதே வேளையில் பல முந்தைய சம்பவங்களை நினைவு கூரும்போது அப்படியும் கூட இருக்கலாம் எனவும் எண்ணத் தோணுகிறது. நான் தான் நம்பி ஏமாந்து விட்டேனோ என்ற ஐயமும் எனக்கு ஏற்படுகிறது. எடுத்துக்காட்டாக, என்னை மற்றவர்களுடன் சிண்டு முடித்து விடுவதிலும், என்னுடைய எழுத்துக்களுக்கு வரும் பின்னூட்டங்களுக்கு விதண்டாவாதப் பதில்களை என்பெயரிலேயே பதிவு செய்து, பலருடன் மோதல்களும் ஏற்பட ஏதுவாக இருந்ததுமுண்டு.அதனால் எனக்கே குழப்பமாகத் தானுள்ளது.
  5. -பட்டமுத்துக்களின் ஈழப்படையெடுப்பு. நந்தி என்ற பெயரில் நரித்தனம்- சங்கரன் கோயில் சைவசரபம் பட்டமுத்து என்பவர் தமிழ்நாட்டுக் கோயில்களில் பிரசங்கம் செய்பவராம். இவ்வளவு நாளும் தமிழ்நாட்டுத் தமிழர்களுக்குப் பிரசங்கம் செய்தவர், இன்று வலைப்பூக்களின் வழியாகவும், இளிச்சவாய் ஈழத்தமிழர் இணையத்தளங்களூடாக ஈழத்தமிழர்களுக்கு உபதேசம் செய்யப் புறப்பட்டுள்ளார். யார் எவ்வளவு தான் புலமையுள்ளவராக இருந்தாலும், அது சிவனாயிருந்தாலும் கூடப் பயப்படாது, ஒவ்வாத கருத்துக்கு எதிர்க்கருத்தைக் கூறுவது தான் தமிழ்மரபு. அது தான் என்னுடைய வழக்கமும் கூட, ஆனால் அவர் இன்று கூடாரமிட்டிருக்கும் உணர்வுகள் களத்திலுள்ள ஈனப்பிறவி, என்னுடைய நிதியுதவியில் உருவாக்கப்பட்டு, என்னால் வளர்க்கப்பட்ட களத்தில் அவருக்குப் பதிலெழுத முடியாமல் என்னைத் தடுத்து விட்டது. தமிழுக்கும், தமிழர்களுக்கும் தமிழர்களின் ஆலயங்களில், தமிழர்களின் முன்னோர்கள் கட்டிய ஆலயங்களில் முன்னுரிமை கொடுக்க வேண்டுமென்பதற்காக தமிழறிஞர்களும், தமிழ்த்தலைவர்களும், தமிழர்களும் போராடிப் பெற்ற பலன்களையெல்லாம் வீணாக்கித், தமிழர்களையும், தமிழையும் இரண்டாமிடத்தில் தமிழர்களின் ஆலயங்களிலேயே வைத்திருக்க வேண்டுமென்பது தான் இவரது நோக்கம். இவரது கருத்தின்படி ஆலயங்களில் தமிழில் பூசை செய்யக் கூடாது, அது பாவம், அப்படிச் செய்தால் அது ஆகம விதிகளுக்கு அப்பாற்பட்டது. இந்தக் கருத்தில் இவருக்கும் தமிழெதிரி சோ ராமசாமிக்குமிடையே எந்த வேறுபாடும் கிடையாது. ஆனால் தமிழ்நாட்டுக் கோயில்களில் தமிழில் பூசை செய்யலாம் என்பது தான் தமிழ்நாட்டின் சட்டம். அப்படியென்றால், தமிழில் கோயில்களில் பூசை செய்வது தவறு என்று பரப்புரை செய்வதன் மூலம், நந்தி என்ற புனைபெயரில் நரி வேலை செய்யும் பட்டமுத்து சட்டமறுப்பு போராட்டம் நடத்துகிறாரா என்பதை தமிழ்நாட்டு அரசும், மக்களும் தான் அவரிடம் கேட்க வேண்டும். தமிழ்நாட்டுக் கோயில்களில் அனைத்து சாதியினரும் பூசகர்களாக நியமிக்கப்படலாம் என்பது தமிழ்நாடு அரசின் அறிவிப்பு. அந்த அறிவிப்பு பட்டமுத்துவின் தூக்கத்தைக் கெடுத்து விட்டது, அதனால் தமிழர்களின் கோயில் கருவறைக்குள் தமிழன் நுழைந்து பூசை செய்தால் பாவம் என்று வாதாடுகிறார் இந்தச் சூத்திரன். இதற்கும் அவரது நொண்டிச்சாட்டு ஆகமங்கள் தான். ஈழத்தில் புகழ்பெற்ற சைவாலய்ங்களில் தமிழ்ச்சூத்திரர்கள் தான் பூசை செய்கிறார்கள், அந்தக் கோயில்களில் எல்லாம் சாநித்தியம் கிடையாதா? அங்குள்ள சைவக்கடவுளர் எல்லாம் கடவுள் இல்லையா. கதிர்காமக் கந்தனுக்கும், செல்வச்சன்னதி முருகனுக்கும் ஆகமமும், வேதங்களும் தேவையில்லை ஆனால் சைவசரபம் சட்டமுத்துவுக்குத் தான் தேவைப்படுகிறது. இவரைப் பொறுத்தவரையில் தமிழ்நாட்டிலுள்ள ஒடுக்கப்பட்ட தமிழர்களை, அவர்களின் தமிழ் முன்னோர்கள் கட்டிய கோயிலின் கருவறைக்குள்ளேயே நுழைய விடக் கூடாது என்பது தான். இவரது கொள்கைப்பரப்பலுக்கு உடந்தையாக இருப்பது ஒரு ஈழத்தமிழனின் கட்டுப்பாட்டுக்குள் உள்ள ஒரு இணையத்தளம், அது தான் கொடுமையிலும் கொடுமை. ஆகமமும், தமிழர்களின் ஆலயத்தின் கருவறைப்பிரவேசமும் படும் பாடு: ஆகமத்தைப் பற்றி ஈழத்தமிழர்களின் கருத்து, நந்தி என்ற பெயரில் உலாவும்சட்டமுத்துவின், கருத்திலிருந்து முற்றிலும் மாறுபட்டது. ஈழத்துச் சித்தாந்த சைவத்தின் கருத்துப்படி சிவாகமங்கள், சிவபெருமானால் தமிழில் தான் அருளிச் செய்யப்பட்டு, வடமொழிக்கு மொழிபெயர்ப்புச் செய்யப்பட்டன. அதனால் எத்தனையோ இடைச் செருகல்கள் நடைபெற்றிருக்கலாம். தமிழிலிருந்த ஆகமங்கள் திட்டமிட்டு அழிக்கப்பட்டு விட்டன. அதனால் தமிழர்கள் கருவறைக்குள் நுழைந்து பூசை செய்யமுடியாது பூணூல் அணிந்தவ்ர்கள் தான் புகலாம் என்பது அவர்களாலேயே புகுத்தப்பட்டிருக்கலாம். ஆகமத்தில் ஐயப்பன்சாமி என்ற ஒரு சாமியே இல்லை. ஆனால் இன்று ஆகமத்துக்கு விரோதமாக ஐயப்பன் வழிபாடு நடக்கிறது. யாழ்ப்பாணத்து ஆறுமுக நாவலர் ஐயப்பன் போன்ற சிறு தெய்வ வழிபாட்டை எதிர்த்தார். ஆனால் இன்று ஐயப்பன் கோயில்களே ஆகம விதிப்படி கட்டப்பட்டுப் பூசைகள் நடைபெறுகின்றன். எனவே ஆகமத்தைக் காரணம் காட்டி தமிழர்கள் தமிழர்கள் தமிழில் அர்ச்சனை செய்ய முடியாதென்பது சட்டமுத்துவின் குள்ளநரித்தனம். சாயிபாபாவின் படத்தை வைத்து சாம்பிராணி காட்டுவதற்கும் ஆகமத்தில் வழிமுறை இல்லை. இன்று புகழ் பெற்ற சைவாலயங்களில் கூட சாயிபாபாவின் படம் வைத்துப் பூசை நடக்கிறது. பணம் பண்ண முடியுமென்றால் ஆகமத்தில் இடமுண்டு போலும், ஆனால் ஒரு தாழ்த்தப்பட்ட தமிழன் கருவறைக்குள் நுழைந்து பூசை செய்யத் தான் இடமில்லை என்பது சைவசரபம் சட்டமுத்துவின் வாதம். ஆகமங்களையும் வேதங்களையும் விட தமிழ் நாயன்மார்கள் அருளிச் செய்த பன்னிரு திருமுறைகளும் ஈழத்தமிழர்களின் சடங்குகளிலும், ஆலயங்களிலும் முதலிடம் பெறுகின்றன. கண்ணப்பநாயனார் சமக்கிருதத்தில் பாடவில்லை, சைவத்தின் நாயன்மார்களும், வைணவத்தின் ஆழ்வார்களும் தமிழில் பாடித்தான் இறைவனையே தம்முன்னால் தோன்றச் செய்தார்கள். அப்படியென்றால் தேவாரம் பாடிச் செய்யும் பூசையை சிவபெருமான் ஏற்றுக்கொள்ள மாட்டார், சமக்கிருதத்தில் பூசை செய்தால் தான் பலனுண்டாகும் என்று புலம்பும் பட்டமுத்து சைவத்தின் நாயன்மார்களை, அவர்களின் வாழ்க்கை வரலாற்றின் மூலம் அவர்கள் தமிழர்களுக்குக் காட்டிய சைவநன்னெறியைக் பழித்து சிவநிந்தனை செய்கிறாரா? ஈழத்தில் கதிர்காமத்து முருகனுக்குச் சமக்கிருத மந்திரமோதுவதில்லை, செல்வச்சன்னதியிலும் சமக்கிருதம் கிடையாது, அந்தக் கோயில்களிலுள்ள முருகன் அருள் பாலிக்கவில்லையா, செல்வச்சன்னதி முருகனுக்கு மீனவக்குருக்களும், கதிர்காமக் கந்தனுக்கு வேட்டுவக்குருக்களும் பூசை செய்கிறார்கள், செல்வச்சன்னதியில் மீனவசமூகத்துத் தமிழர்கள் பூசை செய்வதால் ஈழத்து முருகன் சைவமில்லையென்றாகி விடுவானா? 'கண்ணப்பனொப்பதோர் அன்பின்மை கண்டபின் என்னப்பன் என்னையுமாட்கொண்டருளி" என்று மாணிக்கவாசகர் கசிந்துருகும் கண்ணப்பநாயனார் சிவாகம விதிப்படியா பூசை செய்தார், அல்லது அவரென்ன தனக்குப் புரியாத சமக்கிருத மொழியிலா புலம்பினார். சிவபெருமான் கண்ணப்பனின் பூசையில் உருகவில்லையா, அப்படியிருக்க சட்டமுத்துக்கு மட்டும் ஏன் பூசைசெய்யச் சமக்கிருதமும், பூணூலும் தேவை. ஆகமங்களிலோ, அல்லது தமிழர்களின் சைவசித்தாந்தத்திலோ சாதிப்பாகுபாடு பெருமளவில் காட்டப்படவில்லை, சாதிப்பாகுபாடு தமிழ்ச்சைவத்துக்கு வந்த காலம், சோழர்காலத்திலும், சோழர்களின் வீழ்ச்சியின் பின்பு தமிழ்நாட்டையாண்ட தமிழரல்லாத அன்னியர்களின் ஆட்சியிலும் தான். சைவத்தின் அறுபத்துமூன்று நாயன்மார்களுக்கும் சிவபெருமானுக்குச் சமமாக வணக்கத்துக்குரியவர்கள், சிவனருள் பெற்றவர்கள், அறுபத்து மூன்று நாயன்மார்களில் தமிழ்ச்சமுதாயத்திலுள்ள எல்லாச் சாதியினரும் அடங்குவர், அங்கு சாதிப்பாகுபாடு காட்டப்பட்டதில்லை. பிராமணர்கள் மட்டுமல்ல, தமிழர்களனைவரும், கருவறைக்குள் நுழைந்து பூசை செய்யலாம், நாயன்மார் காலத்தில் தமிழர்கள் அவ்வாறு பூசை செய்தார்கள், அதிலும் தமிழில் பூசை செய்தார்கள் என்பது தேவார, திருமுறைகளில் நாயன்மார்கள் எடுத்துக் காட்டியிருக்கிறார்கள். பூணூல் அணிந்த சிவாச்சாரியார்கள் மட்டும் தான் கருவறையில் பூசை செய்யலாம், தமிழர்கள் பூசை செய்யமுடியாது என்பது வெறும் திட்டமிட்ட இடைச்செருகல் தான் என்பதற்கு ஆதாரம் தேவாரத்திலேயே உண்டு. திருவீழிமிழலைத் திருத்தலத்தில் செந்தமிழர்கள் ஒருங்கு கூடி சிவபெருமானை அர்ச்சித்துப் பூசை செய்தனர் என்கிறார் நற்றமிழ் வல்ல ஞானசம்பந்தர். செந்தமிழர் ஒரு போதும் வடமொழியில் அர்ச்சனை செய்திருக்க முடியாது. செந்தமிழர் செந்தமிழில்தான் அர்ச்சனை செய்திருப்பார்கள் அல்லவா. செந்தமிழர் தெய்வமறை நாவா செழு நற்கலை தெரிந்த அவரோடு அந்தமில்கு ணத்தவர்கள் அர்ச்சனைகள் செய்ய அமர்கின்ற அரனூர் கொந்தலர் பொழிற்பழக வேலிகுளிர் தண்புனல்வ ளம்பெருகவே வெந்திறல் விளங்கிவளர் வேதியர் விரும்பு வீழி நகரே. (மூன்றாம் திருமுறை) நாயன்மார் காலத்தில் தமிழர்கள் சாதி வேறுபாடில்லாமல் கோயிலுக்குள் நுழைந்து பூசை செய்தார்கள் என்பதற்கு ஆதாரம் திருநாவுக்கரச நாயானாரின் தேவாரத்திலுமுண்டு. 'மாதர்ப் பிறைக் கண்ணியானை மலையான் மகளொடும் பாடிப் போதொடு நீர் சுமந்து ஏத்திப் புகுவார் அவர் பின்புகுவேன் யாதும் சுவடு படாமல் ஐயாறு அடைகின்ற போது காதல் மடப்பிடியோடும் களிறு வருவன கண்டேன்" அழகிய பிறை மதியைத் தலைமாலையாக அணிந்தவர் சிவபெருமான். உமாதேவி இமவான்மகள் ஆவார். அச்சிவனை உமையோடு சிலர் பாடிச் செல்கிறார்கள். அவர்கள் பூவோடு நீரை ஏந்திக், துதித்துக் கொண்டும் போகிறார்கள். அவர்களுடன் நானும் கோயிலுக்குள் போவேன். அப்படிப்பட்ட நான், கால் சிறிதும் நிலத்தின் மேல் படாமல் திருவையாறு என்ற தலத்தை அடைந்தேன். அப்போது அன்பு பொருந்திய இளம் பெண் யானை வந்து கொண்டு இருந்தது. அதனுடைய ஆண் யானையும் வருவதைப் பார்த்தேன். அக் காட்சியில் சிவபெருமானின் திருவடிகளைப் பார்த்தேன் என்கிறார் நாவுக்கரசர். திருநாவுக்கரசர் காலத்தில் திருக்கோயில் கதவுகள் எல்லோருக்கும் திறந்து இருந்ததையும் அடியார்கள் நீரும் பூவும் சொரிந்து நேரடியாக இறைவனை தமிழில் வழிபட்டதையும் காணலாம். நாவுக்கரசர் தானும் அடியார்களும் பூவும் நீரும் கொண்டு சென்று நேரடியாக இறைவனைத் தொழுதார் என்கிறார். நாவுக்கரசர் பூணூல் அணிந்த சிவாச்சாரியார் குலத்துப் பிராமணரல்ல. அதனால்தான் சூலை நோயுற்ற போது 'சலம் பூவொடு தூபம் மறந்தறியேன், தமிழோடு இசை பாடல் மறந்தறியேன்" எனப் பாடுகிறார். நாயன்மார் காலத்தில் கருவறையில் நுழைந்து தமிழில் பாடி வழிபடவும், உரிமை பெற்றிருந்த தமிழர்கள் சோழர்காலத்தில் வடமொழிக்கு இடங்கொடுத்து கருவறை செல்லும் உரிமையை இழந்தனர். இதற்குக் காரணம் இராசராசன், இராசேந்திரன் போன்ற சோழ மன்னர்களின் படையெடுப்பினாலும், அக்காலத்தில் தமிழ்நாட்டின் செல்வச் செழிப்பாலும் பெருவாரியான வடமொழிப் பார்ப்பனர்கள் வடநாடுகளிலிருந்து குடியேறியமை தான். தமிழில் பூசை செய்தால் பலனளிக்காதும் சமக்கிருதத்துக்குத் தான் மந்திரமும் மாயமுண்டெனப் பம்மாத்து விடுகின்றார் பட்டமுத்து. ஆனால் தமிழில் கோளறு பதிகத்தைப் பாடும் அடியார்களுக்கு நாளும், கோளும் எதுவும் செய்யாது சிவனருளே கிடைக்குமென்கிறார் நாளும் தமிழ்வளர்த்த ஞானசம்பந்தர். தானுறு கோளும் நாளும் அடியாரை வந்து நலியாத வண்ணம் உரை செய் ஆன சொல் மாலை ஓதும் அடியார்கள் வானில் அரசாள்வர் ஆணை நமதே." தன் நல்வினைத் தீவினைக்கேற்ப பயன் நல்கும் கோள்களும் நாட்களும் அடியாரை நலியாத வண்ணம் உரைத்த் சிறந்த இந்தத் தமிழ்ச் சொல்மாலையை ஓதுகின்ற அடியவர்கள் வானுலகத்தை அடைந்து மகிழ்ந்திருப்பார்கள். இது மிக மிக உறுதி. http://unarvukall.blogspot.com/ தொடரும்.....
  6. மாப்பிள்ளை, இங்குள்ளவர்களும் அவருடன் இணைந்திருக்கலாம், அது ஒவ்வொருவரினதும் தனிப்பட்ட முடிவு. நான் இணையத்தளங்களிலும், வலைப்பூக்களிலும் எழுதுவதை நிறுத்திப் பல வருடங்களாகி விட்டன. எந்த தமிழுணர்வுடன் அந்தக் களம் ஆரம்பிக்கப்பட்டு, பெயருமிட்டோனோ, அதற்கு முற்றிலும் மாறுபட்ட வகையில் தமிழுணர்வாளர்களைத் தனிப்பட்ட முறையில் தாக்குவது மட்டுமல்ல, தமிழ்நாட்டிலிருக்கும் தமிழர்கள் அவர்களுடைய கோயில்களிலேயே மந்தைகள் போல நடத்தப்படுவதை, தமிழுக்கு உரிய இடம் மறுக்கப்படுவதை நியாயப்படுத்தும் வகையில், சில பரதேசிகளின் பிரசங்கங்களால் அக்களம் நிரப்பப்படுவதைப் பார்த்துக் கொண்டிருப்பது முறையல்ல, என்பதால் தான் உண்மையை வெளிப்படுத்த நான் விரும்பினேன். அது மட்டுமல்ல, தேவையில்லாமல், என்னுடைய பெயரிலும் ஒரு பதிவைப் போட்டு, மற்றவ்ர்களுக்கு நானும் அவர்களின் தமிழெதிரி நாடகத்தில் பங்குதாரர் என்று காட்ட முனைந்த குள்ளநரித்தனத்தை வெளிக்காட்ட வேண்டுமென்பதற்காகத் தான் நான் இந்தப் பதிவை இங்கு செய்தேன். அங்கு நந்தி என்ற பெயரில் ஒரு நரி எழுதும் தமிழெதிர்ப்புப் பண்டாரப் பிரசங்களுக்கு, பதில்கள் பழைய உணர்வுகள் களத்தில் இருந்தன, அவையெல்லாம் அழிக்கப்பட்டு, அந்த தமிழ்க்களத்தை வெறும் தமிழெதிர்ப்பு, பண்டாரங்களின் கூடாரமாக, பெரியாரையும், மற்ற தமிழுணர்வாளர்களையும் எதிர்க்கும் தளமாக மாற்றியமையின் பின்னால் ஏதோ வகையான பொருளாதார இலாபம் நிச்சயமாக இருக்க வேண்டும். அங்குள்ள பதிவுகளுக்கு என்னால் சரியான பதிலளிக்க முடியும், அவரின் முகமூடியைக் கிழித்து விடுவேன் என்ற காரணத்தால் தான் நான் பதிவு செய்ய முடியாதவாறு செய்து விட்டனர். அந்த நந்தியினதும் நரிகளினதும் கருத்துக்கு, எனக்கு நேரம் கிடைக்கும் போது, யாழிலும், புதிதாக ஆரம்பிக்கப்பட்ட இந்த வலைப்பதிவிலும் பதிலளிக்கவுள்ளேன். http://unarvukall.blogspot.com/
  7. சாந்தி, நன்றி. உணர்வுகள் களத்தின் முந்தைய கருத்துக்கள், தமிழிலக்கியப்பதிவுகள், விவாதங்கள் அனைத்தும் அழிக்கப்பட்டு, வெறும் பண்டாரங்களின் களமாக மாறியுள்ளதால், முரண்பாட்டை இப்பொழுது உங்களால் முற்று முழுதாக உணர முடியாது. உணர்வுகள் களத்தின் முந்தைய கருத்துக்களை அறிந்தவர்கள், பல பெயர்களில் எழுதி தானே களத்தை நிரப்பும் வெங்காயம் யாரிடமோ சோற்றுக்காகச் சோரம் போய்விட்டது என்ற கருத்துக்குத் தான் வரமுடியும்.
  8. Danguvaar, அது ஒரு பெரிய கதை, விரைவில் எழுதுகிறேன். நண்பர் என நம்பி Paasword ஐயும் களத்தின் பொறுப்பையும் கையளித்ததால் வந்த வினை. கருத்துக்களின் மோதலால் பகையைச் சம்பாதிக்கலாம் என்பதால், யார் களத்தை நடத்துவது என்பதை யாரிடமும் வெளிப்படுத்துவதில்லை என்பதே எடுத்த முடிவு. ஆனால் அவர், தனது நண்பர்களிடம் சென்று, அந்தக்களம் தன்னுடையதென்று பீற்றிக் கொண்டதால், வந்த விளைவு தான் இது. அடையாளத்தை வெளிப்படுத்திய விட்ட பயத்தால், மற்றவர்களுக்காக கருத்துக்களை மாற்றிக் கொள்ள வேண்டிய நிலை ஏற்பட்டு விட்டது. அதற்கிடையில் வேலைப்பழுவினாலும், திருமணத்தாலும் நான் இணையத்தளங்களில் எழுதுவதை நிறுத்திக் கொண்டேன். அதற்கிடையில் அந்தப் பச்சோந்தியும், அவரது நண்பர்களும் சேர்ந்து களத்தின் ஆரம்பகால நோக்கத்தை மாற்றி தமிழெதிர்ப்புக் களமாக, பண்டாரிகளினதும், பரதேசிகளினதும் கூடாரமாக மாற்றி விட்டனர். அதனால் வருத்தமடைந்த நான், பணத்தையோ அல்லது எவ்வளவு நேரத்தைச் செலவிட்டு அக்களத்தை வளர்க்கப் பாடு பட்டேன் என்பதையும் கூட மறந்து, எனக்கும் உணர்வுகள் களத்துக்கும் இப்பொழுது எவ்வித தொடர்புமில்லை என்பதை மட்டுமாவது ஒரு பதிவில் தெரிவிக்குமாறு கேட்டுக் கொண்டேன். அதற்குப் பதிலாக, இந்த மாதம், October 4,2009 இல் என் பெயரில் ஒரு பதிவைச் செய்து, நான் அந்தக் களத்தில் இன்னும் இருப்பதாக ஒரு மாயையைத் தோற்றுவித்துள்ளது நிர்வாகம். அதனால் தான் நான் யாழ் களத்தில் உண்மையைச் சொல்ல வந்துள்ளேன். ஏனென்றால் யாழ் களத்தில் தான் நான் முதலில் எழுதத் தொடங்கினேன். தொடங்கிய இடத்துக்கு, மீண்டும் தொடர்ந்து எழுதுவதற்காகத் திரும்பி வந்துள்ளேன். அவரின் தேவையில்லாத விதண்டாவாதத்தால் பல வலைப்பதிவாளர்களுடன் கருத்துச் சண்டையில் ஈடுபடவேண்டிய நிலை கூட ஏற்பட்டது. யாழிலுள்ள புதிய உறுப்பினர்களுக்கு அது எல்லாம் தெரிந்திருக்க முடியாதென நம்புகிறேன்.
  9. உணர்வுகள் wwww.unarvukal.com என்ற பெயரில் தமிழுணர்வுள்ள ஈழத்தமிழரால் ஆரம்பிக்கப்பட்டு, வளர்க்கப்பட்ட களம், ஆனால் அது இன்று ஒரு பச்சோந்தியால் கடத்தப்பட்டு தமிழெதிரிப பண்டாரங்களினதும், பரதேசிகளினதும் கூடாரமாக மாறியுள்ளது. அக் களத்தின் ஆரம்ப கால அங்கத்தவர் மட்டுமல்ல, அக்களத்தின் வளர்ச்சிக்காக பணத்தைச் செலவிட்டதும் நான் தான். ஆனால் அந்தக் களத்துக்கும் எனக்கும் இப்பொழுது எந்தவித தொடர்பும் கிடையாது. இப்பொழுது அங்கு நடக்கும் பண்டாரப் பதிவுகளுக்கும், சீமான் போன்ற ஈழத்தமிழர்களின் ஆதரவாளருக்கும் எதிராக நடக்கும் பிரச்சாரங்களுக்கும் எனக்கும் எந்தத் தொடர்பும் கிடையாது. ஆரம்பத்தில் உணர்வுகள் களத்தில் எனக்கிருந்த தொடர்பையும், என்னுடைய தமிழுணர்வையுமறிந்த் நண்பர்கள் பலர் என்னிடம் அக்களத்தின் இன்றைய நிலையைப் பற்றி விசாரித்த பின்பு தான் எனக்கே தெரியும். அங்கு என்னுடைய கருத்தைத் தெரிவிக்காமல் செய்யும் வகையில் என்னைத் தடைசெய்து விட்டது அந்த பச்சோந்தி. தான் ஈழத்தில் தாழ்த்தப்பட்ட மக்களைச் சேர்ந்தவராக இருந்தும், ஈவெரா பெரியார் போன்ற சாதி எதிர்ப்பாளர்களை எல்லாம் வசைபாடி, பிராமணர்களுக்கு வக்காலத்து வாங்கும் அந்த ஈனத்தனத்தை நினைத்தால் எனக்குச் சிரிப்புத் தான் வருகிறது. நான் இணையத்தளங்களிலோ அல்லது வலைப்பதிவுகளில் எழுதுவதை நிறுத்திப் பலவருடங்களாகி விட்டன. ஆனால் இலங்கை அரசின் அல்லது தமிழெதிர்ப்புக் குழுக்களின் சார்பில் பணத்தைப் பெற்றுக் கொண்டு அந்தக்களத்தில் பிரச்சாரம் செய்யும், பல புனைபெயர்களில் எழுதும் அந்தப் பச்சோந்தியைப் பற்றிய விவரங்கள் விரைவில் யாழ் களத்திலும் , என்னுடைய புதிய வலைப்பதிவிலும் எழுதப்படும். "http://unarvukall.blogspot.com
  10. யாழ் இணைய நண்பர்களுக்கு வணக்கம். நீண்ட நாட்களுக்குப் பின்னர் மீண்டும் களத்தில் பங்குகொள்ள வந்துள்ளேன்.
  11. திருநாவுக்கரச நாயனார் எட்டாம் நூற்றாண்டைச் சேர்ந்தவரல்ல. அவர் ஆறாம் நூற்றாண்டைச் சேர்ந்தவர்(கி.பி 600-630). அவரது காலத்திலிருந்த ஆட்சியாளர்கள் அவரையும் ஒரு பயங்கரவாதியாகத் தான் கருதியிருப்பார்கள் போலிருக்கிறது அல்லது எதற்காக அவரைக் கல்லில் கட்டிக் கடலில் தள்ள வேண்டும். நாமார்க்கும் குடியல்லோம் என்று திருநாவுக்கரசர் கூறியது நாங்கள் தமிழர்கள் யாருக்க்கும் அடிமைகளல்ல, எமனுக்குக் கூடப்பயப்பட மாட்டோம், எமது கொள்கைக்காக, நாங்கள் தேர்தெடுத்த மதவழியில் செல்வதற்கு எவருக்கும் பயப்படமாட்டோம் என்பதாகத் தான் கருத்துப் படுமென நினைக்கிறேன். திருநாவுக்கரசர் அவர் ஒரு தமிழ்ப்பற்றுள்ள தமிழன் என்பதை 'சலம்பூவொடு தூபம் மறந்தறியேன், தமிழோடிசை பாடல் மறந்தறியேன்' என்ற வரிகளிலும் நினைவுறுத்துகிறார்.
  12. 64) முதல்முதல் ஐரேப்பாவில் இருந்து இந்தியாவுக்கு கடல் வழி கண்டு பிடித்த இத்தாலியர் யார்? வஸ்கொட கமா இதை யாராவது போத்துக்கேயரிடம் சொல்லிவிடதீர்கள் அடிக்க வந்து விடுவார்கள். Vasco da Gama (IPA: /'vasku de 'gɐmɐ/; born c. 1469 at Sines or Vidigueira, Alentejo, Portugal; died December 24, 1524 in Cochin, India) was a Portuguese explorer, one of the most successful in the European Age of Discovery, and the first person to sail directly from Europe to India. Commissioned by King Manuel I of Portugal to find Christian lands in the East (the King, like many Europeans, was under the impression that India was the legendary Christian Kingdom of Prester John), and to gain Portuguese access to the commercial markets of the Orient, da Gama extended the sea route exploration of his predecessor Bartolomeu Dias, who had first rounded Africa's Cape of Good Hope in 1488, culminating a generation of Portuguese sea exploration fostered by the nautical school of Henry the Navigator. Da Gama's voyage was successful in establishing a sea route from Europe to India that would permit trade with the Far East, without the use of the costly and unsafe Silk Road caravan routes, of the Middle East and Central Asia. However, the voyage was also hampered by its failure to bring any trade goods of interest to the nations of Asia Minor and India. The route was fraught with peril: only 54 of his 170 voyagers, and two of four ships, returned to Portugal in 1499. Nevertheless, da Gama's initial journey led directly to a several-hundred year era of European domination through sea power and commerce, and 450 years of Portuguese colonialism in India that brought wealth and power to the Portuguese throne.
  13. தூயவன்! நான் கூட லக்கிலுக்கின் இந்த இரட்டை வேடத்தை, பாம்புக்கு வாலும், மீனுக்குத் தலையும் காட்டும் குணத்தை வெளிப்படுத்த வேண்டுமென்றிருந்தேன். அவர் புலியெதிர்ப்பு இந்தியர்கள் பெரும்பான்மையாகவுள்ள தளங்களில் ஒன்றைச் சொல்வார், யாழ் களத்தில் வேறொன்றைச் சொல்வார், நான் தமிழ்நாட்டுக்கு ஒவ்வொரு வருடமும் போவதுண்டு. எத்தனையோ தமிழ்நாட்டுத் தமிழ்ச்சகோதரர்களிடம் பழகியிருக்கிறேன், அவர்கள் யாருமே லக்கிலுக் போன்றவர்களில்லை. அவர்கள் அனைவரும் அரசியலுக்கு அப்பாற்பட்ட வகையில் ஈழத்தமிழர்களின் நல்வாழ்வில் அக்கறை கொண்டுள்ளார்கள். நிச்சயமாக, லக்கிலுக்கும் அவருடைய குழுவினரின் கருத்துக்களையும்பார்த்து எல்லா இந்தியத்தமிழ்ச் சகோதரர்களும் இவர்களைப் போன்றவர்கள் என்று கருத வேண்டாம். உண்மையான, ஈழத்தமிழர்களில் அக்கறையும், அன்பும், மானசீகமாகப் பிரபாகரனின் வீரத்தை எண்ணிப் பூரிக்கும், தமிழ்நாட்டுச் சகோதரர்கள் தான் தமிழ்நாட்டில் பெரும்பானமையினர், ஆனால் அவர்கள் ஏழைகள், அவர்களிடம் கணணிகளும் கிடையாது, காசும் கிடையாது. ஈழத்தமிழர்களுக்கெதிராக, தமிழ்நாட்டுத் தமிழர்கள் என்று கூறிக்கொண்டு கூச்சலிடுபவர்கள், தமிழ்நாட்டின் வந்தான் வரத்தான்கள் உண்மையான தமிழர்களல்ல. ஆரம்பத்தில் லக்கிலுக் கூட அவர்களைக் கடுமையாக எதிர்த்தார். அவர்கள் அனைவரும் ஒன்று சேர்ந்து லக்கிலுக்கின் குடும்பத்தில் அனைவரையும், இழிவாகத் தாக்கியது மட்டுமல்ல, பயமுறுத்தலும் செய்தார்கள், அதற்குப் பின்பு தான் லக்கிலுக் அடக்கி வாசிக்கத் தொடங்கினார். தமிழீழ ஆதரவாளரான லக்கிலுக், ஈழத்தமிழர்களின் எதிரியாகி, ஈழத்தமிழர்களின் விடுதலைத் தலைவனை நச்சுச்செடியென்று பேசவைத்ததற்குக் காரணம், தமிழ்நாட்டிலுள்ள தமிழெதிரிகள் மட்டுமல்ல, யாழ் களத்தில் லக்கிலுக்கைக் கண்டபடி சீண்டிப் பார்த்து இன்பம் கண்டவர்களும் தான்.