யாழ் மத்திய கல்லூரிக்கும் சென் பற்றிக்ஸ் கல்லூரிக்கும் இடையிலான வருடாந்த கிறிக்கற் போட்டியில், ஒரு இன்னிங்ஸ் 4 விக்கற்றுகள் மற்றும் 130 மேலதிக ஓட்டங்களால் யாழ் மத்திய கல்லூரி வெற்றியீட்டியது.. நாணயச் சுழற்சியில் துடுப்பெடுத்தாடலை தெரிவு செய்த சென். பற்றிக்ஸ் அணியினர் 40 ஓவர்களில் சகல விக்கற்றுகளையும் இழந்து 78 ஓட்டங்களை பெற்றிருந்தனர். அணி சார்பாக விளையாடிய வீரர் அருள்ராஜ் அதிகப்படியாக 21 ஓட்டங்களை பெற்றிருந்தார். களத்தடுப்பில் இருந்த மத்திய கல்லூரி அணியின் சார்பில் விதுசனின் பந்து வீச்சில் 4 விக்கற்றுகளையும் இயலரசனிடம் 3 விக்கற்றுகளையும் நிதுசன் மற்றும் வியாஸ்காந்த்திடம் தலா ஒவொவொரு விக்கற்றுகளையும் இழந்திருந்தனர்.
பதிலுக்கு துடுப்பெடுத்தாடிய மத்திய கல்லூரி 68 ஒவர்களில் 6 விக்கற் இழப்பிற்கு 308 ஓட்டங்களைப் பெற்று முதலாவது இன்னிங்ஸ்சை இடை நிறுத்தினர்.அணியின் சார்பாக துடுப்பெடுத்தாடிய சஞ்சயன் 105 ஓட்டங்களையும் அணியின் தலைவர் வியாஸ்காந்த் ஆட்டம் இழக்காமல் 100 ஓட்டங்களையும் இயலரசன் 45 மற்றும் நிதுசன் 27 ஓட்டங்களையும் பெற்றுக் கொடுத்தனர்.
இரண்டாவது இன்னிங்ஸ்சில் துடுப்பெடுத்தாடிய சென் பற்றிக்ஸ் கல்லூரி 35 ஓவர்கள் 5 பந்துகளில் சகல விக்கட்டுகளையும் இழந்து 100 ஓட்டங்களை மட்டுமே பெற்றுக்கொண்டனர்.
முடிவில் யாழ் மத்திய கல்லூரி ஒரு இன்னிங்ஸ் 4 விக்கட்டுகள் மற்றும் 130 ஓட்டங்களால் சென். பற்றிக்ஸ் கல்லூரியை தோற்கடித்து வெற்றிவாகை சூடினர்.
வடக்கின் சமர் (Battle of North) என்று வர்ணிக்கப்படும் யாழ் மத்திய கல்லூரிக்கும் யாழ் பரியோவான் (St.Johns)கல்லூரிக்கும் இடையிலான 114வது மாபெரும் துடுப்பாட்ட போட்டிக்குஇன்னும் சில தினங்களே உள்ள நிலையிலும் இவ்வருடம் இரு கல்லூரிகளின் அணியினரும் மிகப் பலமாக இருக்கும் நிலையிலும் வெற்றி தோல்வி பற்றி யாராலும் ஊகிக்க முடியாத நிலை உள்ளதாக கிறிக்கற் விளையாட்டில் ஆர்வமுள்ள மக்களின் கருத்தாக உள்ளது.
