Jump to content
  • advertisement_alt
  • advertisement_alt
  • advertisement_alt

நியாயத்தை கதைப்போம்

கருத்துக்கள உறவுகள்
  • Content Count

    171
  • Joined

  • Last visited

Everything posted by நியாயத்தை கதைப்போம்

  1. மற்றவர்களுக்கு நாங்கள் உயிர்கொல்லும் வியாதியை பரப்பக்கூடாது என்பதை ஒவ்வொருவரும் உணருதல் அவசியம். எங்கள் மூலம் மற்றவர்கள் வியாதியை பெற்று கஸ்டப்படக்கூடாது இறக்கவும்கூடாது என்பதில் நாம் அவதானம் செலுத்தவேண்டும். அடுத்தவர் எங்கள் மூலம் நோயை பெற்று இறந்தால் அது எங்களை அறியாமல் நாங்கள் கொலை செய்வதற்கு ஒப்பானது. நாங்கள் தப்பிவிட்டால் போதும் என்று மட்டும் நினைக்கக்கூடாது. எங்களை பாதுகாப்பதற்கு எவ்வளவு முன் எச்சரிக்கைகளை நாங்கள் எடுக்கின்றோமோ அதே அளவு முன்னெச்செரிக்கைகளை நாங்கள் மற்றவருக்கு வியாதியை பரப்பாமல் இருப்பதற்கு எடுக்கவேண்டும். இது இலகுவான காரியம் இல்லை. குரங்குபோல் வாழ்ந்த எங்க
  2. தமிழ் கடைகளுக்கு போனால் ஆளை ஆள் கட்டிப்பிடிக்காத குறையாக நெருக்கமாக நிற்கின்றார்கள். கடையினுள் குறிப்பிட்ட சில எண்ணிக்கையானோர் மட்டும் நிற்கும்படி மற்றவர்கள் வெளியில் ஒருவரில் இருந்து இன்னொருவர் இடைவெளிவிட்டு தள்ளி தள்ளி நிற்கும்படி அறிவுறுத்தப்படவேண்டும். இவ்வாறே பலருக்கும் முககவசம், கையுறை என்பனவற்றை எப்படி சரியாக பயன்படுத்துவது என்று தெரியவில்லை. முக கவசத்தை நாடிக்கு கீழ் இறக்குவதும் பின்னர் ரெலிபோனும் ஆக்களுடனும் கதைத்துவிட்டு மூக்குக்குமேல் ஏற்றுவதும் மேலே இழுத்துவிடுவதும், கையுறையை அணிந்துகொண்டு எல்லா இடங்களும் அளைவதும், நீண்டநேரம் அவற்றை அணிவதும் இவை எல்லாம் ஒரு பயனும் தராது.
  3. நாங்கள் அற்பதேவைகளுக்காக வீடுகளைவிட்டு வெளியேறுவதை தவிர்த்துக்கொள்வது மட்டும் அல்ல, வெளிஆட்கள் எங்கள் வீடுகளினுள் வராதவாறும் பார்த்துக்கொள்ளவேண்டும். இது அகாலகாலம். ஆனானப்பட்ட பிரித்தானியா பிரதமரே ஐ.சி.யூவுக்குள் போகின்ற நிலமை இப்போது. கண்ணுக்கு தெரியாத உயிர்கொல்லியில் இருந்து எம்மை பாதுகாப்பதற்கு எம்மாலான எல்லா முன்னேற்பாடுகளையும் செய்யவேண்டும்.
  4. இங்குள்ள செய்தியை பார்த்துவிட்டு சிங்கப்பூரில் உள்ள ஒருவரை சிங்கப்பூரில் ஊரடங்கு பற்றி விசாரித்தபோது வழமையான செயற்பாடுகள் சிங்கப்பூரில் முடக்கம் செய்யப்பட்டுள்ளன (Lock down). ஆனால் ஊரடங்கு சட்டம் எதுவும் இல்லை என்று சொன்னார்.
  5. நல்ல விடயம். தற்போதைய காலகட்டம் வீடுகளில் பெற்றோர் பிள்ளைகளின் கற்றல் நடவடிக்கைகளை பார்வையிட, கண்காணிக்க முன்னெடுக்க, திட்டமிட நல்லதொரு வாய்ப்பு. வெறும் வெருட்டல்கள், சும்மா அடிகள் போடாமல் அவர்களுடன் சேர்ந்து கலந்துரையாடி கற்றல் நடவடிக்கைகளில் பிள்ளைகளுக்கு ஆர்வம் ஈடுபாடு வருவதற்கு பெற்றோர் தற்போதைய சூழ்நிலையை சாதகமாக பயன்படுத்தலாம். பிள்ளைகளுடன் சேர்ந்து பெற்றோர் நேரத்தை வீடுகளில் சிறப்பாக பயனுள்ளவகையில் செலவளிப்பதற்கு இதைவிட சிறப்பான ஒரு தருணம் கிடைக்காது.
  6. கொடுமையான மரணம். சிறுவனுக்கு ஆழ்ந்த அனுதாபங்கள். குளம், வாவியில் மீன்பிடிப்பது வழமை. ஊரவர்களுக்கு முதலையின் பிரசன்னம் வழமையாக தெரிந்து இருக்கும். தம்பாட்டில் சிறுவர்கள் எதேச்சையாக செய்யும் செயற்பாடுகள் ஆபத்தில் முடிந்து போகலாம்.
  7. இணையவழி மதக்கூட்டங்கள், போதனைகள் இப்போது நடைபெறுவதாக தகவல். நேரடியாக சந்திக்காமல் ஒன்லைன் மூலம் வழிபாடு செய்வது நல்லவிடயம்.
  8. பலருக்கு வியாதி தொற்றி உள்ளதால் அவர்கள் மற்றவர்களுக்கு பரப்புவதை தடுக்கும் நோக்கத்துடன் முககவசம் அணியுமாறு கூறப்படலாம். ஆரம்பத்தில், கிருமி தொற்று உள்ளவர்களை மாத்திரம் முககவசம் அணியுமாறு சொல்லப்பட்டது. இப்போது அனைவரையுமே கிருமி தொற்றுக்கு உள்ளாகியவர்கள் எனும் சந்தேகத்துடன் நோக்கவேண்டி உள்ளதால் தொடர்ந்து கிருமி பரவல் அடைவதை குறைக்கும் நோக்குடன் எல்லாரையும் அணியுமாறு கேட்கப்படலாம். பல்வேறு தளங்களில் உள்ள மருத்துவ குறிப்புக்களின் பிரகாரம் முககவசம் அணிவதை விட அணியாமல் இருப்பதே நோய் தொற்றுக்கு ஆளாகாதவர்களுக்கு நல்லது எனும்படியாக தகவல்கள் உள்ளன. இவ்வாறே கையுறைகளும். கைகளை சவர்க்காரம் போட்ட
  9. சீன அரசாங்கம் பல தகவல்களை மூடி மறைத்து உள்ளது. அது வெளிவிடும் புள்ளிவிபரங்கள் முழுமையாக நம்புவதற்கு இல்லை. இப்போது ஏறத்தாள அனைவர் கைகளிலும் சிமார்ட்போன் உள்ளதால் விடயங்களை மூடிமறைப்பது கடினம். சீனாவில் நடைபெற்ற சம்பவங்கள் படம் பிடிக்கப்பட்டு பல வீடியோக்கள் கசியவிடப்பட்டுள்ளன. நிலமை கட்டுக்கு அடங்காமல் சென்றால் மனிதன் படிப்படியாக காட்டு விலங்குகளின் குணங்களை வெளிப்படுத்துவான். சீனாவில் மட்டும் அல்ல எங்கும் என்னவும் நடக்கலாம் நிலமை கைமீறி செல்லும்போது. ஒருவர் இறந்தால் அறிக்கைவிட்டு தர்க்கம் செய்யலாம் உடலை புதைக்கவேண்டும் எரிக்கவேண்டும் எப்படி கையாளவேண்டும் என்று. ஒன்று ஆயிரமாக பத்தாயி
  10. ஒவ்வொருவருக்கு ஒவ்வொருவிதமான கவலை. இன்று சில வீடியோக்கள் பார்த்தேன். போலிசார் சைனாவில் கொரோனா நோய்த்தொற்று உள்ளவர்கள் என்று சந்தேகிக்கப்படுபவர்களை வீடுகளுக்கு சென்று பலாத்காரமாக கதறக்கதற தனிமைப்படுத்தல் மையங்களுக்கு இழுத்து செல்கின்றார்கள். நோய் பீடிக்காதவர்களும் நோயாளிகளுடன் சேர்க்கப்பட்டு சாகடிக்கப்படும் நிலமை. நோயினால் பீடிக்கப்பட்டு நிலமை மோசமாகி உயிருக்கு போராடிக்கொண்டு இருப்பவர்கள் உயிருடனேயே பிளாஸ்ரிக் பையில் கட்டப்பட்டு தகனம் செய்யப்படுவதற்கு அனுப்பப்படுகின்றார்கள். இடவசதி இல்லாதபடியால் நியூயோர்க்கில் பிரேதங்களை சரக்குகளை காவும் reefer trailerல் (குளிரூட்டப்பட்ட 53அடி
  11. இதன் அர்த்தம் விளங்கவில்லை. UK National Health Serviceல் ஏராளம் தமிழர்கள் அடிமட்டம் தொடங்கி உயர்பீடம்வரை வெவ்வேறு பொறுப்புக்களில் உள்ளார்கள். எமது சமூகத்தில் பெரும்பான்மையினருக்கு தமது பிள்ளைகளை வைத்தியர்களாக உருவாக்கி ஆசை பார்க்கவேண்டும் என்று ஒரு வாழ்நாள் கனவு உள்ளது. பிரித்தானியாவில் வசிப்பவர்களுக்கு இது நிறைவேறி வருகின்றது போலவே தென்படுகின்றது.
  12. உயர்தர பரீட்சை தேசிய அளவில் வைக்கப்படும் ஒரு போட்டிப்பரீட்சை. இங்கு அனைத்து பகுதியில் வதியும் மாணவர்களும் தற்போது ஊரடங்கு உத்தரவில் வீட்டுக்குள் முடக்கம் செய்யப்பட்டு உள்ளார்கள். பாடதிட்டம் முழுமை அடைவது அடையாதது சம்மந்தமாக அனைவருக்கும் ஒரேமாதிரியான அளவு கால அவகாசம் கொடுக்கப்பட்டுள்ளது. இதனால் பரீட்சை பெறுபேற்றில் மாணவர்களிடையே ஏற்றத்தாழ்வு வர வாய்ப்பு இல்லை. பெறுபேறு ஒட்டுமொத்தமாக குறைந்தால் அதற்கு ஏற்றாற்போல் அனைவருக்கும் புள்ளிகளை கூட்டலாம் (bell curve).
  13. இப்போது பாடசாலையும் இல்லை, தனியார் கல்விநிறுவனங்களுக்கும் ஓடவேண்டிய தேவை இல்லை. வீட்டில் நிம்மதியாக பாடங்களை கற்பதற்கு மாணவர்களுக்கு நல்லதொரு வாய்ப்பு. பரீட்சை தள்ளிப்போகாமல் ஏற்கனவே தீர்மானிக்கப்பட்ட காலத்தில் வைக்கப்படுவது நல்லவிடயம்.
  14. மற்றவர்களுக்கு முன்மாதிரியாக நடக்கவேண்டிய பொறுப்பில் உள்ளவர்கள் குருக்கள் குசுவிட்டால் குற்றமில்லை என்பது போன்ற நினைப்பில் நாட்டின் அவசரகால நடைமுறைகளை பின்பற்றாமல் தான்தோன்றித்தனமாக செயற்பட்டால் அவர்கள் தனிமைப்படுத்தபப்படவேண்டிய இடம் தேவாலயம், கோயில், பள்ளிவாசல் அல்ல வெலிக்கட, மகர மற்றும் நாட்டில் உள்ள இதர சிறைச்சாலைகளே. ஊரடங்கு உத்தரவு தமக்கில்லை எனும் மமதை இவர்களிடம் இருந்து களையப்படுவதற்கு இவர்களுக்கு கடுமையான சிறைவாசமே சிறந்த வழி. தண்டனையை அனுபவித்தபின் வெளியில் வரும்போது இந்த தவறை மீண்டும் செய்ய அஞ்சுவார்கள். நாட்டில் வைரஸ் கிருமியின் தொற்று நீக்கும் ஆபத்தான துப்பரவு பணிகளிலும் இவர்
  15. பயனுள்ள வீடியோ. பழங்கள், மரக்கறி, பொலித்தின், கார்ட்போர்ட் எல்லாவற்றையுமே திரவத்தில் தோய்த்து எடுத்து குளிப்பாட்டலாம். ஆனால் துப்பரவு செய்யும் திரவத்தை வாங்க எங்கு செல்வது? மருந்து கடைக்கு சென்றால் அத்தியாவசிய பொருட்கள் எல்லாம் காலி. நாம் செய்யக்கூடியது கைகளை சவர்க்காரத்தில் கழுவுவதும் பொருட்களை தண்ணீரில் குளிப்பாட்டுவதும்தான். சவர்காரமும் இருப்பு எப்போது காலியாகும் என்று தெரியாது.
  16. இலங்கையில் மரணதண்டனை நிறைவேற்றப்படுவதே இல்லை. எனவே, நீதிமன்றத்தில் தீர்ப்பு வழங்கப்பட்டாலும் மிருசுவில் சம்பவத்தில் குற்றம்சாட்டப்பட்ட முன்னாள் இராணுவவீரரை மரணதண்டனை கைதி என்று அழைப்பதே பொறுத்தம் அற்றது. கிருஷாந்தி கொலை வழக்கில் குற்றம் சாட்டப்பட்டவருக்கும் மரணதண்டனை ஒருபோதும் வழங்கப்படாது. அப்படி ஒரு நிலை ஏற்பட்டால் அவர் கொலை குற்றவாளி என்பதை விட ஒரு சிங்கள இராணுவவீரர் எனும் பார்வையில் நோக்கப்பட்டு சிங்கள மக்களின் அனுதாபத்தையும் மரணதண்டனையை கொடுக்கும் ஆட்சியாளர் சிங்கள மக்களின் சீற்றத்துக்கும் ஆளாவார்கள். சிங்கள மக்களின் வாக்குகள் மூலம் ஆட்சியை பிடிக்கும் எந்த ஒரு அரசும் இந்த விஷப்பரீட்
  17. தவறான தகவல் வழங்கப்பட்டுள்ளது. ரஷ்யா புள்ளவிபரம் பிரகாரம் இந்தியாவுக்கு மேல் உள்ளது. அப்படி பார்த்தால் இந்தியா கொரோனா வைரஸ் தொற்று வியாதியை கட்டுப்படுத்திவிட்டதா? https://www.worldometers.info/coronavirus/ Russia: Total cases 658 New cases today 163+ Active cases 626
  18. வசதி படைத்த நாடுகளினாலேயே கொரோனாவின் அகோரத்தில் இருந்து மக்களை காப்பாற்ற முடியவில்லை. கொத்து கொத்தாக மடிகின்றார்கள். இலங்கையில் வியாதிபரவினால் உயிரிழப்பு பாரியளவில் ஏற்படலாம். அத்துடன் நோய்த்தாக்கம் கட்டுப்பாடின்றி போகலாம். வழமைபோல் ஐயோ போட்டு கத்தினாலும் உதவிக்கு அயல் நாடுகளோ உலகமோ வரப்போவதும் இல்லை. அவனவனுக்கு தன்தன் நாட்டில் தலைபோகும் பிரச்சனை இப்போது. சனங்கள் சொல்வழி கேட்கப்போவதும் இல்லை, வியாதியின் பேராபத்து தெரிந்தாலும் மனதை கட்டுப்படுத்தி இருக்கப்போவதும் இல்லை. இங்கு ஊரடங்கு சட்டம், கைது நடவடிக்கைகள், அசட்டை செய்து திரிபவர்கள் குண்*யில் பச்சைமட்டையால் அடிகள் கொடுப்பதன் மூலமே அவ
  19. மேலே படத்தில் தென்படும் காவல்துறை அதிகாரி ஒரு நகைச்சுவை நடிகரை நினைவுபடுத்துகின்றார். ஹீலர் பாஸ்கரின் வீடியோவில் பேசப்படுவதில் சில உண்மைகள் காணப்படலாம். பெரிய எடுப்பில் மாற்றங்கள் மற்றும் அழிவுகள் வரும்போது பலவிதமான கருத்துக்கள் வரலாம். கொரோனா வைரஸ் கிருமி ஆய்வுகூடத்தில் உருவாக்கப்படவில்லை என்றும் அடித்து கூறமுடியாது. ஒவ்வொருவரும் தங்களுக்கு தெரிந்த தகவலை வைத்துக்கொண்டு வெவ்வேறு கோட்பாடுகளை நிறுவ பார்க்கின்றார்கள். எங்கள் அனைவருக்கும் ஒரு நாள் மரணம் நிச்சயம் என்பது மட்டும் நான் அறிந்த வதந்தி அல்லாத உண்மை.
  20. தனது தலைமையில் நடாத்திய அரட்டை அரங்கம் நிகழ்ச்சி மூலம் தமிழ்நாட்டில் வதியும் பல இலங்கை தமிழ் அகதிகளுக்கு உதவிகள் கிடைப்பதற்கு விசு அவர்கள் உதவினார். அவர் நடிப்பு, படைப்புக்கள் மறக்க முடியாதவை. ஆழ்ந்த அனுதாபங்கள்!
  21. மருத்துவத்துறை மாணவி நிர்பயாவுக்கு நடந்தது துயர் மிகுந்த சம்பவம். நான்கு இளைஞர்கள் தூக்கிலிடப்பட்டதும் துயரமான சம்பவம். மாணவி நிர்பயா கொலை செய்யப்பட்டவிதம் அதிர்ச்சியானது. இப்படியோர் கொலையை அரங்கேற்றிய குரூரபுத்தி இந்த இளைஞர்களுக்கு ஏற்பட காரணம் என்ன என்று அறியப்பட்டு அந்த கோளாறுகள் எதிர்காலத்தில் வேறு இளைஞர்களுக்கு வராமல் பார்த்துக்கொள்ள வழிவகைகள் கண்டறியப்பட்டு நடைமுறைப்படுத்தப்பட வேண்டும். இளைஞர்களின் மனவளத்தை மேம்படுத்தாமல் வெறும் தூக்குத்தண்டனை பயமுறுத்தல் மட்டும் கொடுப்பது எதிர்காலத்தில் இப்படியான கொலைகள், கொடுமைகள் செய்யப்படுவதை தடுக்குமா என்பது சந்தேகமே.
×
×
  • Create New...

Important Information

By using this site, you agree to our Terms of Use.