பராபரன்

வணக்கம் அண்ணா, கள்ள உண்ணாவிரதம் இருந்தவர்கள் யாரும், ஈழத்தமிழர்களை இரட்சிக்க வந்ததாகவும், தலைவரின் அவதாரமாகவும் சொல்லிக் கொள்வதில்லையே? அதனால் அவர்கள் எப்படிப் போனால் நமக்கென்ன? பலரும் அகதி அந்தஸ்தா, குடியுரிமையா என்ற ஆராய்சியில் இறங்கி விட்டிருப்பது தெரிகின்றது.. அது தேவையற்றது என்பது என் கருத்து... பல கடித, ஆவணங்களில் ஒன்றாக சிலருக்கு நாம் தமிழர் கடிதமும் உதவி இருக்கலாம்... முன்னாளில் நாம் தமிழரில் இணைந்து பயணித்த அய்யநாதன் தான் பலமுறை சீமான் கையெத்துப் பெற்று கடிதங்களை நாடு கடத்தப்பட இருந்தவர்களுக்கு அனுப்பியதாக கூறியுள்ளார்... சரி. திரு.சீமான் இப்போது இதனை கூற காரணம் என்ன? என் தனிப்பட்ட ஆய்வு (my own analysis). நாம் தமிழர் இயக்கம் பின்னர் கட்சி, ஈழத்தமிழர் பொருளாதாரத்தைக் கொண்டு கட்டி எழுப்பபட்ட, வளர்க்கப்பட்ட ஒரு அமைப்பு என்பது அனைவரும் அறிந்ததே. இதற்கென தனியான ஆராய்ச்சி எதுவும் தேவையற்றது... கட்சி ஓரளவில் வளர்ந்து பொருளாதார ரீதியாக சொந்தக்காலில் நிற்கத்தொடங்கியதும் நாம் தமிழர் தொனி (tone) கொஞ்சம் மாறத்தொடங்கியது.. ஈழத்தமிழரும் கொஞ்சம் தருவதாக... இன்று, ஈழத்தமிழருக்கு குடியுரிமை பெற்றுக்கொடுத்ததே நான் தான் என சொல்வதன் பொருள், நாளை நான் ஈழத்தை பெற்றுத் தருவேணே இல்லையே, பணம் தரவேண்டியது உங்கள் கடமை என ஒரு கருத்தியலை உருவாக்குவதற்கான முதற்படி...

இந்த ஒரு திரியைப் பொறுத்தவரை, என் கருத்துகள் (opinion) கடும் பிற்போக்கு, அடிப்படைவாத, தீவிர வலதுசாரி (extreme-far-right) தன்மை கொண்டவை... உலகத்தின் ஒழுக்குகளில் இது தான் 100% சரியானது என எதனையும் அறுதியிட்டுக் கூற முடியாதோ, அதுபோல் இது 100% தவறானது எனக் கூறவும் முடியாது.. இரண்டிக்கும் இடைப்பட்டது தான் இந்த மண்ணில் நடக்கும் அத்தனை இயக்கமும்... வரலாற்றின் வழிவரும் மக்கள் அசைவியக்கத்திற்கு வரலாறு தான் வழிகாட்டி... ஆனால், வரலாறும் அதன் பாற்பட்ட மக்கள் அசைவியக்கங்களும் கண்ணுக்குத் தெரியாத சித்தாந்தக் கருத்தியல்களால் (ideologies) வடிவமைக்கப்படுபவை... ஆக நமக்கு பொருத்தமற்றவை என இன்றைய அறிவைக்கொண்டு அறியக்கூடிய கருத்தியல்களை ஆதரித்து நம் எதிர்கால சந்ததிகளில் மூளைகளில் பதிப்பிட நாமும் துணைநிற்க வேண்டுமா? இயற்கையின் பிறழ்வுகள் எப்போதும் உண்டு.. இயற்கையும் 100% சரியானது (perfect) அல்ல... எல்லா விதிகளிற்கும் விதிவிலக்கு உள்ளது இயற்கை விதிகளுக்கும் பொருந்தும்.... இயற்கையின் பிறழ்வுகளை அதுபாட்டிற்கு விட்டுவிடுவதே நன்று... அதில் எந்த அவமானமும் இருப்பதாக தெரியவில்லை.... ஆனால், இதனை ஒரு மிகச் சாதாரண விடயமாக, இன்றைய புதிய போக்காக (trend), புனிப்படுத்தப்பட்ட ஒரு கருத்தியலாக மாற்றும் செயற்பாடு மிகவும் ஆபத்தானது... வரலாறு ஒருவேளை நம்மை மன்னிக்காது... போதை தடையற்ற நாட்டில் என் பிள்ளை பிறப்பிலே போதைப்பிரியன்/ள். ஆகவே நான் தலையிடவில்லை, என்பதும், சட்டம் ஒழுங்கற்ற நாட்டில் என் பிள்ளை இயல்பிலே குற்றசெயல் உணர்வு உள்ளவன்/ள். அதனால் நான் தலையிடவில்லை, என்பது, இந்த விடயம் தொடர்பான சில கருத்துரைஞர்களின் கருத்தும் ஒரே திசையில் உள்ளது... நாம் பிள்ளைகளிற்கு மிக இளம் வயதிலேயே சரியான கருத்தியலை அவர்கள் மூளைக்குள் பதிய வைப்பது மிக அவசியமானதும் நம் கடமையானதும்...

உலக நாகரீகங்கள் எல்லாவற்றிலும் உள்ளது போன்றே, பழந்தமிழர் நாகரீகங்களிலும் தொழில் வழி குடிகள் இருந்தன... சங்க இலக்கியங்கள் அவற்றிற்கு சான்று.... ஆனால் இன்றும், மேலை நாட்டவர்கள் தொழில்வழி பெயர்களை தமது குடும்ப பெயர்களாக கொண்டுள்ளார்கள்... அதில் எந்த ஏற்றத்தாழ்வும் இல்லை.. இந்திய துணைக்கண்டத்தில் அப்படி ஒன்று இருப்பதே அவர்களுக்கு தெரிந்திருக்க வாய்ப்பில்லை... அப்படியென்றால், இந்திய துணைக்கண்டத்தில் எப்படி வந்தது... ஆரியர்கள் இந்திய துணைக்கண்டத்துள் நுளைந்த போது பூர்வ குடிகளை முதலில் அழித்தார்கள்... பின்னர் அவர்களுடைய வழிபாட்டு கடவுள்களையே பாவித்து, மனிதர்கள் சமனற்றவர்கள் எனும் சனாதன தர்ம கோட்பாட்டை உருவாக்கினார்கள்.. தாம் தலையிலே பிறந்த உயர்ந்தவர்கள், நீங்கள் காலில் பிறந்தமையால் நமக்கு தேவையான உடலுழைப்பை நீங்கள் தான் தர வேண்டும், இது கடவுள் படைப்பு விதி என்றனர்... பின்னாளில், மகாபாரத்தின் இடைச்செருகலான பகவத் கீதையில் கண்ணன் சொன்னார், நான்கு வர்ணத்தையும் நானே படைத்தேன்... இந்த மனிதர்கள் சமனற்றவர்கள் என்ற கோட்பாடு தான் சங்கம் மருவிய காலத்தில் தமிழ்நாட்டினில் புகந்து ஜாதிகளாக, தொழில் வழி குடிகள் சமனற்றவர்கள என்ற கருத்தியலாக வடிவம் பெற்றது.. மிக அற்ப எண்ணிக்கையில் இருந்த ஆரியரிற்கு தமிழர் ஜாதிகளாக, உட்பிரிவுகளாக உடைவது மிகவும் தேவையாக இருந்தது.. அரசவைக்குள் புகுந்து, ஜாதியை நிறுவனமயப்படுத்தி, அசைக்கமுடியாத ஒன்றாக மாற்றினார்கள்.... அம்பேத்கரின் வரிகளில் சொல்வதெனின், சனாதன வர்ணாசர மூலக்கோட்பாடுதான், பிற்காலத்தில் கொடிவிட்டு படர்ந்த ஜாதிகளின் தாய்... ஜாதி என்பது ஒரு கருத்தியலாக மூளைக்குள் பதிக்கப்பட்டுவிட்டது... அதனை வலுவிக்க செய்ய, வழிகள் பல கண்டறிவது மிக அவசியமானது... தலைவர் போல் அதை அடக்கி வைக்கலாம்... பெரியார் போல் சனாதனத்தின் நடுமண்டையிலே போட்டுத் தாக்கலாம்... அம்பேத்கார்/பெரியார் போன்று ஒடுக்கப்பட்டவர்களை உயர்த்த (empowerment) இட ஒதுக்கீட்டை கொண்டுவரலாம்... எல்லா வழிகளும் நல் வழிகளே... நீ என்ன ஜாதியாக வேண்டுமானாலும் இருந்து விட்டுபோ ஆனால் தமிழராக ஒன்றிணைவோம் என்னும் கருத்தியல் மிக ஆபத்தானது... சனாதனத்தின் கருகிய வாடை இதிலும் அடிக்கின்றது...

3500 ஆண்டுகளுக்கு முன்பாக, கைபர் கணவாய் வழிவந்து, பூர்வ குடி நாகரீகங்களை அழித்தொழித்து, பின்னாளிலே கடவுளின் பேயரால், அவர்களை மாட்டு மந்தையாக மாற்றி, அவர்களின் உழைப்பை உறிஞ்சி, வலுவான சித்தாந்த கட்டமைப்புடன் (RSS) இயங்கிவரும், இன்றுவரை இந்தியாவை முழுமையாக ஆளும் அவர்களிறிற்கு எதிரான சித்தாந்தத்தை, பண்பாட்டை, மக்கள் திரளை "திராவிடம்" எனக் குறிப்பர்.... திராவிடம் என்ற சொல் பிடிக்கவில்லையா, அப்படியென்றால் வேறு சொல்லைக் கண்டுபிடியுங்கள் (eg. XYZ).... நாம் தமிழ் மொழிவழி தேசிய இனத்தைச் (ethnic group) சேர்ந்தவர்கள்... நாம் XYZ (திராவிடம் - பிடிக்காத சொல்) மரபுவழி (race) இனத்தைச் சேர்ந்தவர்கள்... இதில் எந்தக் குழப்பமும் இல்லை... இல்லை நான் ஆரிய இனம் அல்லது ஆரிய அடிமை என்றால் அது உங்கள் தனிப்பட்ட விருப்பம்... பி.கு: நீங்கள் இலங்கை சித்தாந்தங்களை, இந்தியாவிற்கு பொருத்திப் பார்த்தால், எந்த பயனும் இல... இலங்கை, இந்தியா - முற்றிலும் வேறான சித்தாந்த அடித்தளங்களை கொண்டவை...

இதனைவிடச் செழுமையாக யாராலும் விளக்க முடியாது... மிக்க நன்றி.... உங்கள் எதிரில் இருப்பவர்கள் வரலாற்றையும் தத்துவங்களையும் காய்தல் உவத்தல் அன்றி அலசி அறியாத, மின்னணு குறுஞ்செய்திகளில் வரலாற்றை படிப்பவர்கள் என நன்கு உணர்ந்துள்ளீர்கள்... நன்றிகள் பல... தமிழ்த்தேசிய கோட்பாட்டின் ஆணிவேர், வேண்டிய போது தனிநாடாக பிரிந்து செல்ல கூடிய, தமிழர் தன்னாட்சி அரசு... ஒரு மாநில முதல்வர் (பே.மணியரசன் சொற்களில் "கண்காணி") பதவியும், அமைச்சர் அவையும் அல்ல... அதற்கு நிறைய திராவிட கட்சிகள் ஏற்கனவே உள்ளன.... தமிழர் தன்னாட்சியை இலக்காக கொண்ட, தமிழ்த்தேசிய, திராவிட இயக்கங்கள் நூறு ஆண்டுகளாக அந்த மண்ணிலே செயற்படுகின்றன... தமிழீழ விடுதலைப் போரில் தோழோடு, தோழ் நின்றவர்கள் அவர்கள் தான்... தமிழ்த்தேசிய கோட்பாட்டு மடைமாற்றத்தால், இன்று அவை மேலும் வலுவிழந்துள்ளன... தமிழ்த்தேசியம் பலரும் சேர்ந்து செய்யும் கொண்டாட்டம் அல்ல.... தலைவர் பலமுறை குறிப்பிட்டது போன்று அது ஒரு இரத்தமும் வியர்வையும் சிந்திய தியாகங்கள் நிறைந்த போராட்டமே அன்றி ஆடம்பட அரசியல் அல்ல... ஆதிக்க சக்திகளிடமிருந்து விடுதலையை போராடித்தான் பெறமுடியும் என்பது உலக வரலாறு.... மானமும் அறிவும் மனிதர்கு அழகு....

ஆழ்ந்த அனுதாபங்கள்...

தமிழ்த் தேசியத்தின் எதிரி பாஜக வே.. தெலுங்கர்கள் அல்ல - பெ. மணியரசன்

மேலை நாடுகளின் சமூக பாதுகாப்பு நன்மைகளை (இன்றைக்கு தொழில் இல்லையேல் அல்லது இழப்பில், அரசு நாளை முதல் வங்கியில் நிதி வைப்பிலிடும்) முழுவதுமாக அனுபவித்துக் கொண்டு, எந்தவொரு சமூக பாதுகாப்புமற்ற நாட்டில் ஓரு ரூபாய் அரிசியை இலவசம் (freebies) என்று சொல்லக்கூடிய, ஒரு ஏழைத்தொழிலாளி பிள்ளையின் பசியை துச்சமென நினைக்கும் கயவர்களுக்கு, தம் மாநில சுயாட்சி தொடர்ந்தும் பறிக்கும் சித்தாந்தத்திற்கு எதிராக, ராம ராஜ்ஜியம் எனும் பார்ப்பன ராஜ்ஜத்திற்கு எதிராக, சனாதனம் என்ற மனிதர்கள் சமனற்றவர்கள் என்ற கோட்பாட்டிக்கு எதிராக, மனுநீதியை நிலைநாட்டி, சமூக நீதியை சூறையாடும் சித்தாந்தத்திற்கு எதிராக, ஒடுக்கபட்ட சமூகத்தின் கல்வியை அபகரிக்கும் பொறிமுறைக்கு எதிராக... இன்னும் பலவற்றிக்கும் எதிராக.. தாம் நம்பும் ஒரு கட்சிக்கு வாக்களிக்கப் போகும்... 3 கோடிக்கும் மேலான தமிழர்களும் துரோகிகளே.....

இனவாதத்தின் தீச்சுழல்களால் சுட்டெரிக்கப்பட்ட ஒரு இனம், அதனுடன் நேரெதிரே பொருதி, ஐம்மதினாயிரத்திற்கும் அதிகமான போராளிகளும், இரண்டு இலட்சத்திற்கும் அதிகமான பொதுமக்களும் தம் இன்னுயிரை ஈய்ந்தார்கள்... அந்த இனத்திலே வந்தவர்கள் இன்னொருவர் மீது தூய-தமிழ் இனவாதம் கொள்வது, சிங்கள இனவாதத்திற்கெதிராக உயிரைக் கொடுத்த எம்மக்களின் தியாகத்தைக் கொச்சைப்படுத்தும் செயல் அல்லவா?... இனவாதத்தினை நியாயப்படுத்த JR க்கும் காரணம் இருந்தது... பால் தாக்ரேக்கும் காரணம் இருக்கிறது... கிட்லருக்கும் காரணம் இருந்தது.... நமக்கும் காரணமும் தேவையும் இருக்கின்றதென்றால், சிங்களவர்களை இனவெறியர் என்றும், ஒடுக்குமுறைக்கெதிரான தார்மீக யுத்தமென்றும், நம்மவர்கள் ஏமாற்றப்பட்டா உயிரைக் கொடுத்தார்கள்?.... தலைவர் ஒரு போதிலும் சிங்களவர் மேல் இனவாதத்தை ஏவவில்லை.... அவலத்தை தந்தவனுக்கு அதனை திருப்பிக்கொடு என்பதே தலைவர் கோட்பாடாக இருந்தது.... இனவாதம் என்பது இரண்டு பக்கமும் கூரான கத்தி போன்றது.... உங்கள் சொந்த அறிவைக்கொண்டு சிந்தியுங்கள்..... நன்றி.....

நன்றி நாதமுனி, நன்றி கபிதன்...

நன்கு விளக்கியமைக்கு நன்றி ஐயா, இன்னொரு கேள்வி ஐயா, இந்திய அரசமைப்புச் சட்டத்தின்படி மத்திய அரசு ஒரு மாநில அரசினை எந்தவொரு காரணமும் காட்டாது கலைத்து (dismiss) ஆளுநர் ஆட்சியை உண்டாக்க முடியுமென அறியக்கிடைக்கின்றது. நாளை ஒருவேளை சீமான் அவர்கள் முதலமைச்சரானால், இந்தியாவினால் தடைசெய்யப்பட்ட அமைப்பின் தலைவரை தனது கட்சித் தலைவராக பிரகடனப்படுத்த முடியுமா? இந்திய மத்திய பார்ப்பணிய கொள்கை வகுப்பாளர்களை மீறி, ஈழ விடயத்தில் செயற்பட முடியுமா? அல்லது மிகவும் கடினப்பட்டு பெற்ற மாநில அரசை இழப்பாரா? விதண்டாவாதத்திற்காக கேட்கவில்லை ஐயா. இந்திய அரசியலின் நிஜமும் நிதர்சனமும் விளங்காது நாளை நாம் இலவு காத்த கிளிகளாக போய்விடக்கூடாது என்ற அக்கறையின் பாற்பட்ட கேள்வி ஐயா... தமிழ் நாட்டு அரசியலை ஒரு பொழுதுபோக்காக (i.e குதிரைப்பந்தயம், றக்பி விளையாட்டு - மிகப்பொருத்தமானது, காலை வாருவது) பார்க்கும் வரை தவறு ஏதும் இல்லை, ஒரு குதிரைப்பந்தய முடிவு நம் வாழ்க்கையையும் இருப்பையும் மாற்றுமென நினைத்து நம் முழுக்கவனத்தையும் அதன்பாற் செலுத்துவது சரியானதா? நாம் நமது முழு கவனத்தையும் ஒன்றிச்செயற்பட வேண்டியது இலங்கை/ஈழ அரசியல் அல்லவா? ** இலங்கை பொதுஜன முன்னணி பொதுச்செயலாளர் பெயர் என்ன? ** அதிமுக பொதுச்செயலாளர் பெயர் என்ன? முன்னைய கேள்விக்கு பதில் தெரியவில்லை, பின்னைய கேள்விக்கு பதில் தெரிகின்றதென்றால், நாம் மிகவும் தவறான இடத்தில் நின்றுகொண்டிருக்கின்றோம் அல்லவா ஐயா? தயவுசெய்து உங்கள் கருத்துகளை தந்து என்னை மேலும் தெளிவடைய செய்யவும், நன்றி.....

மேடையில் தலைவர் பட நீக்கம்.... அரசியல் பரிணாம வளர்ச்சிக்காக இன்னும் பல உண்டு....

வெளிவந்துவிட்டது; படிக்கத் தவறாதீர்கள்... அகண்ட பாரதமும் பிராமணர் (ராம) ராஜ்ஜியமும் - முதலாம் பாகம். ஆசிரியர்: RSS பதிப்பு : நாக்பூர் பதிப்பகம் மொழி: ஹிந்துத்வா ஆண்டு: 2021

ஆரிய பிராமணர்கள் இந்தியாவை 3,500 ஆண்டுகளாக ஆண்டுகொண்டு அனைத்து மாநில மொழிகளை பேசுபவர்களாக இருப்பினும் அவர்தம் தாய்மொழி சமஷ்கிருதமே ஆகும்... ஆதித் தமிழர் (திராவிட) இனப்பகைவர்கள்... இவர்களை நம்மவர்கள் என்றும் நமக்கு உதவி செய்வார்கள் என்றும் யாரேனும் நினைப்பார்களேயானால் அவர்கள் மானுடவியல், இனவியல் சார் அரசியல் புரியாத பித்தர்கள் என்று பொருள்... இந்திய அரசியலும் அதன் நம் மீதான தாக்கமும் முழுமையாக புரியவேண்டுமாயின் நீங்கள் சிந்து சமவெளி நாகரீக அழிப்பில் இருந்து தொடங்க வேண்டும்...

( "96" திரைப்படம் பார்த்த ஓர் தூக்கமற்ற பின்னிரவு நேரத்தின் ஆழ்மனது அசைவுகள்....) "96" ------ தூறல் நேர மண் மணத்துடன் சாரல் காற்று மெய் நனைக்கையில்... புலுனிக் குஞ்சுகளின் சலசலப்புடன் முன்பனி கால சிலுசிலுப்புடன்... இயற்கை ஈன்றாள் "96"... ஓயாத ஒரு சுழல் காற்றுடன் பாதி நண்பர் கரை கடக்க... நாமிருந்தோம் திறந்த வெளி சிறையினிலே... மின்மினிகளுடன் போட்டியிடும் மண்நெய் விளக்குகள்... அடர்ந்த இரவு நாட்களில் தூரத்து நாயொலி உசுப்பியது "அட்றினலை"... நிலவு எரிந்த நாட்களில் சுட்டது நிலவொளி... அதுவொரு சாவும் சாவு சார்ந்த நிலமும்... ஆறாம்ம்ம் திணை... ஆயிரம் இருந்தது அகநானூறும் கூடவே இருந்தது... பட்டப் பகலில் கனா காணும் காலங்களும் இருந்தன.... ரவிவர்மன் எழுதாத கலையாக ரதிதேவி வடிவான சிலையாக வந்தார்கள் வாலைக் குமரிகள்... இளையவனின் நெஞ்சம் தவிதவித்தது இளையவளின் அழகுக் கதகதப்பினிலே... பலருக்கு "வைரமுத்து தியறி"ப்படி வயிற்றுக்கும் தொண்டைக்கும் உருவமில்லா ஒரு உருண்டை உருளத் தொடங்கியது... சிலருக்கு அடிவயிற்றில் ஆயிரம் பட்டாம் பூச்சிகள் பறப்பதாக சொன்னார்கள்... இன்னும் சிலருக்குள்ளே "லிட்டில் போஃய்"கள் வெடித்தன... முடிவான நாட்களும் வந்தன.. காதலைச் சொல்லி வென்றவர்கள் சொன்னார்கள் "காதலே நிம்மதி" தோற்றவர்கள் சொன்னார்கள் "காதலும் கற்று மற" சொல்லாமலே (வீணாப்) போனவர்கள் சொன்னார்கள் "பூவே உனக்காக".... நீண்ட நெடிய நினைவுகளுடன் கடந்து சென்றது "96"... - பராபரன்.....