ampanai

கருத்துக்கள உறவுகள்
  • Content Count

    8,820
  • Joined

  • Last visited

  • Days Won

    7

ampanai last won the day on February 15

ampanai had the most liked content!

Community Reputation

552 பிரகாசம்

2 Followers

About ampanai

Profile Information

  • Interests
    https://preview.tinyurl.com/yyzuoomz

Recent Profile Visitors

5,484 profile views
  1. மக்க்கா மற்றும் மதீனாவிற்கு அப்பால் இங்கு பயணிக்க விரும்புகிறார்கள். பாகிஸ்தான் கிரிக்கெட் வீரர்கள் ஆதரவு மற்றையவர்களை மதம் மாறும் நோக்கம் இல்லை
  2. ஐரோப்பாவில் இறந்த 95 சதவீதத்துக்கும் மேற்பட்ட மக்கள், 60 வயதுக்கு மேற்பட்டர்கள் என உலக சுகாதார அமைப்பு தெரிவித்துள்ளது. சீனாவில் கண்டறியப்பட்ட உயிர்கொல்லி கொரோனா வைரஸ், இதுவரை 203 நாடுகளுக்கு பரவி உள்ளது. 9.65 லட்சம் பேர் கொரோனாவால் பாதிக்கப்பட்டுள்ள நிலையில், உலக பலி 50 ஆயிரத்தை நெருங்குகிறது. 2 லட்சத்துக்கும் அதிகமான மக்கள் கொரோனா பாதிப்பிலிருந்து மீண்டுள்ளனர். ஐரோப்பாவில் தற்போது வேகமாக பரவி வரும் கொரோனா, இத்தாலி, ஸ்பெயின், பிரான்ஸ், ஜெர்மனி உள்ளிட்ட நாடுகளில் அதிக உயிர்பலி வாங்கி வருகிறது. இந்நிலையில், உலக சுகாதார அமைப்பின் தலைவர் கூறுகையில், 'ஐரோப்பாவில் கொரோனாவால் இறந்த 95 சதவீதத்துக்கும் அதிகமானோர் 60 வயதுக்கு மேற்பட்டவர்கள் என புள்ளி விவரங்கள் தெரிவிக்கின்றன. 50 வயதுக்கு உட்பட்டவர்களில் 10% முதல் 15% வரை மிதமான அல்லது கடுமையாக கொரோனா பாதிக்கிறது' எனத் தெரிவித்துள்ளது. https://www.dinamalar.com/news_detail.asp?id=2514022
  3. புதுடில்லி: காஸியாபாத் மருத்துவமனையில் சிகிச்சைக்காக அனுமதிக்கப்பட்ட, டில்லியில் மத பிரசங்க கூட்டத்தில் பங்கேற்ற, தப்லிக் - இ - ஜமாத் உறுப்பினர்கள், மருத்துவமனைக்குள் நிர்வாணமாக சுற்றித்திரிவதாகவும், அநாகரிகமாக நடந்து கொள்வதாக புகார் எழுந்துள்ளது. கடந்த மார்ச், 8 - 10ம் தேதிகளில், டில்லியில், நிஜாமுதீன் பகுதியில், தப்லிக் - இ - ஜமாத் அமைப்பின் தலைமை அலுவலகத்தில், மத பிரசங்க கூட்டம் நடைபெற்றது. இதில் கலந்து கொண்ட பலருக்கும் கொரோனா தொற்று உறுதி செய்யப்பட்டுள்ளது. கூட்டத்தை முடித்து அவர்கள் தங்கள் சொந்த ஊர் திரும்பி உள்ளதால், நாடு முழுவதும் கொரோனா பரவும் அபாயம் ஏற்பட்டுள்ளது. இந்நிலையில், காஸியாபாத் மருத்துவமனை சார்பில், போலீசுக்கு புகார் கடிதம் அளிக்கப்பட்டுள்ளது. புகாரில் கூறப்பட்டுள்ளதாவது: கொரோனா தொற்றுடன் காஸியாபாத் மருத்துவமனையில் தனிமை வார்டில் அனுமதிக்கப்பட்டுள்ள, தப்லிக் ஜமாத் பங்கேற்பாளர்கள், ஆடைகளின்றி நிர்வாணமாக சுற்றித்திரிகின்றனர். மோசமான பாடல்களை கேட்கின்றனர். நர்ஸ்களிடம் அசிங்கமாக செய்கை செய்கின்றனர். ஊழியர்களிடம், சிகரெட் கேட்டு தொல்லை செய்கின்றனர். இவர்களுக்கு சிகிச்சை அளிப்பது மிகவும் கடினம். இவ்வாறு புகாரில் தெரிவிக்கப்பட்டுள்ளது. https://www.dinamalar.com/news_detail.asp?id=2514052
  4. தலைமை காவல்துறை அதிகாரியை இந்த ட்ரம்பிற்கு பிடித்த 'சனாதிபதி' போட்டுதத்தள்ளி விடுவார்
  5. நான் மதத்தை முழுதாக நம்பவும் இல்லை மறுக்கவும் இல்லை. ஆனால், எனது கருத்தாடல் என்னைப்பற்றியது அல்ல. எம்மைப்பற்றியது. மனிதன் இருக்குவரை மதமும் இருக்கும். ஆனால், அதன் தாக்கம் சமூகத்தில் குறைவடைய பல காரணிகள் உண்டு, 1. இலங்கை போன்ற மதம் பிடித்த நாட்டில் மாற்றம் முதன்மை மதத்தின் மத்தியில் இருந்து வரவேண்டும். 2. மாயை எல்லா மதத்திலும் மாறும்பொழுதே உங்கள் கனவு பலிக்கும் 3. சமூகத்தில் அறிவு , பொருளுதாராம் வளர மதத்தின் தாக்கம் குறையும் 4. ஆனால், அதனால் முழுமையாக மறைக்க முடியாது ( ஜப்பான், அமெரிக்கா மற்றும் சீன நாடுகள் உதாரணம்)
  6. பிலிப்பைன்சில் கொரோனா வைரசினை கட்டுப்படுத்துவதற்காக அறிமுகப்படுத்தப்பட்டுள்ள விதிமுறைகளை மீறியவர்கள் சுட்டுக்கொல்லப்படுவார்கள் என ஜனாதிபதி ரொட்ரிகோ டட்டர்டே எச்சரிக்கை விடுத்துள்ளார். தொலைபேசியில் நாட்டிற்கு ஆற்றிய உரையில் அவர் இதனை தெரிவித்துள்ளார். நான் உங்களை கொன்று புதைத்துவிடுவேன் என அவர் எச்சரித்துள்ளார். நிலைமை மோசமடைகின்றது இதன் காரணமாக நான் உங்களிற்கு நிலைமை எவ்வளவு பாரதூரமானது என்பதை தெரிவிக்கின்றேன் நீங்கள் அதனை செவிமடுக்கவேண்டும் என அவர் குறிப்பிட்டுள்ளார். பிரச்சினைகள் உருவானால், அவர்கள் மோதலில் ஈடுபட்டு உங்கள் உயிருக்கு ஆபத்தை ஏற்படுத்த முயன்றால் சுட்டுதள்ளுங்கள் என்பதே காவல்துறையினருக்கான எனது செய்தி என அவர் குறிப்பிட்டுள்ளார். நான் உங்களை புதைத்துவிடுவேன் எனவும் அவர் தெரிவித்துள்ளார். இதேவேளை ஜனாதிபதியின் இந்த அறிவிப்பு குறித்து கருத்து தெரிவித்துள்ள பிலிப்பைன்சின் தலைமை காவல்துறை அதிகாரி எவரும் சுடப்படமாட்டார்கள் என தெரிவித்துள்ளதுடன் இந்த விடயத்தில் தனது உறுதிப்பாட்டை வெளிப்படுத்தவே ஜனாதிபதி இவ்வாறு கருத்து தெரிவித்தார் என குறிப்பிட்டுள்ளார். பிலிப்பைன்சில் இதுவரை 107 பேர் உயிரிழந்துள்ளதுடன் 2633 பேர் பாதிக்கப்பட்டுள்ளனர். https://www.virakesari.lk/article/79175
  7. சிங்களத்தின் அரசியல் நாடகத்தின் ஒரு அங்கம் ... எதிரிகளை அருகில் வைத்திரு என்பதற்கு அமைவானது.
  8. கொரோனா தொற்றுக்குள்ளான மற்றுமொருவரும் உயிரிழந்தார் கொரோனா தொற்றுக்குள்ளான மற்றுமொரு நபரும் இன்று உயிரிழந்துள்ளார். ஐ.டி.எச் இல் அனுமதிக்கப்பட்டிருந்த 58 வயதுடைய நபர் ஒருவரே இவ்வாறு உயிரிழந்துள்ளதாக தெரிவிக்கப்பட்டுள்ளது http://www.tamilmirror.lk/செய்திகள்/கரன-தறறககளளன-மறறமரவரம-உயரழநதர/175-247870
  9. நல்ல முடிவு. முதலில் வீட்டில் என்ன மாதிரி? 'இந்து மதம் என்ற சாக்கடை தமிழர் நிலங்களை விட்டு அழியும் வரை அதை ஆணிவேரோடு அறுத்து எடுப்பது என் கடமை' - இறுதியில் இந்து மதம் இருக்காது இலங்கையில் ஆனால், மற்றைய மதங்கள் இருக்கும்
  10. உலகமே கொரோனா வைரஸால் ஏற்பட்டுள்ள அச்சுறுத்தலால் மிரண்டு போயிருக்கும் நிலையில், கோவிட்-19 நோய்த் தொற்றால் பாதிக்கப்பட்டு உயிரிழந்தவர்கள் எந்த மதத்தவர் என்றாலும் அவர்களது உடல்களை தகனம்தான் செய்ய வேண்டுமென்றும், எவர் உடலையும் அடக்கம் செய்ய கூடாது என்றும், மும்பை மாநகராட்சி வெளியிட்ட அறிக்கையொன்று சர்ச்சையை கிளப்பியது. பிறகு, மத ரீதியிலான பிரச்சனையாக இந்த விவகாரம் மாறியதால், அந்த அறிக்கை திரும்ப பெறப்பட்டது. இந்நிலையில், கொரோனா வைரஸ் பாதிப்பால் உயிரிழந்தவர்களின் இறுதிச்சடங்கை எப்படி நடத்த வேண்டும், அடக்கம் செய்யப்பட்ட நோயாளியின் உடலிலிருந்து வைரஸ் பரவுமா, அல்லது உடல் தகனம் செய்யப்படும்போது வைரஸ் முற்றிலும் அழிந்துவிடுமா, இதுகுறித்து உலக சுகாதார நிறுவனம் என்ன சொல்கிறது என்பது உள்ளிட்ட விவரங்களை இந்த கட்டுரை அலசுகிறது. "தனிப்பட்ட விதிமுறைகளை யாரும் உருவாக்க முடியாது" இந்த விவகாரம் தொடர்பாக பிபிசியிடம் பேசிய மத்திய சிறுபான்மையினர் நலத்துறை அமைச்சர் நவாப் மாலிக், "தற்சமயத்தில் உலக சுகாதார நிறுவனம் அளிக்கும் வழிகாட்டுதல்களையே உலக நாடுகள் பின்பற்றி வருகின்றன. அதன்படி, கொரோனா வைரஸ் பாதிப்பால் உயிரிழந்தவர்களின் உடலை கண்டிப்பாக தகனம் வேண்டுமென்று உலக சுகாதார நிறுவனம் கூறவில்லை" என்று கூறினார். "மும்பை மாநகராட்சியின் இந்த அறிக்கை தொடர்பாக அதன் ஆணையரிடம் நான் பேசியபோது, கவனக்குறைவாக இந்த சம்பவம் நடைபெற்றதாகவும், எனவே அந்த அறிக்கை திரும்ப பெறப்பட்டுவிட்டதாகவும் தெரிவித்தார். உலகம் முழுவதும் கொரோனா வைரஸால் உயிரிழந்தவர்களின் இறுதிச்சடங்குகள் உலக சுகாதார நிறுவனம் அளித்துள்ள வழிகாட்டுதலின்படியே நடத்தப்படுகின்றன. எனவே, இதுபோன்ற சமயத்தில் ஒரு குறிப்பிட்ட தரப்பினர் மட்டும் வேறுபட்ட விதிமுறைகளை உண்டாக்குவது மக்களிடையே பதற்றத்தையே உண்டாக்கும்" என்று அவர் கூறினார். உலக சுகாதார நிறுவனத்தின் விதிமுறைகள் என்னென்ன? கொரோனா வைரஸ் பாதிப்பால் உயிரிழந்தவர்களை தகனம் செய்ய வேண்டும், அடக்கம் செய்யக்கூடாது என்று உலக சுகாதார நிறுவனத்தின் வழிகாட்டுதலில் குறிப்பிடப்படவில்லை. இறுதிச்சடங்குகள் தொடர்பாக கீழ்க்காணும் வழிகாட்டுதல்களை உலக சுகாதார நிறுவனம் வழங்கியுள்ளது. இறுதிச் சடங்குகளின்போது மக்கள் அதிக எண்ணிக்கையில் கூட கூடாது. கொரோனா வைரஸ் பாதிக்கப்பட்டு உயிரிழந்தவரின் உடலுக்கு கூடிய விரைவில் இறுதிச்சடங்குகள் செய்யப்பட வேண்டும். குறைந்தபட்ச எண்ணிக்கையிலான மக்கள் முன்னிலையில் உயிரிழந்தவரின் உடல் மத நடைமுறைகளின்படி, தகனம் செய்யப்பட வேண்டும் அல்லது அடக்கம் செய்யப்பட வேண்டும். இறுதிச் சடங்குகளைச் செய்யும்போது மருத்துவமனை பணியாளர்களின் உதவி கோரப்பட்ட வேண்டும். கொரோனாவால் பாதிக்கப்பட்டு உயிரிழந்தவரின் உடல் எந்தவொரு உறவினர் அல்லது தெரிந்தவர்களால் கோரப்படாவிட்டால், அது தகனம் செய்யப்பட வேண்டும். தகனம் செய்யும் போது மாசு ஏற்படாதவாறு பார்த்துக் கொள்ள வேண்டும். மின்சார தகனம் மிகவும் வசதியானது. உடல் அடக்கம் செய்யப்பட்டால் அதிலிருந்து வைரஸ் பரவுமா? "கோவிட்-19 நோய்த்தொற்றால் பாதிக்கப்பட்டு உயிரிழந்தவரின் அடக்கம் செய்யப்பட்ட உடலிலிருந்து வைரஸ் பரவுவதாக இதுவரை எந்த மருத்துவ பதிவுகளும் இல்லை. எனினும், உயிரிழந்தவர்களின் இறுதிச்சடங்குகளை மேற்கொள்ளும்போது, உலக சுகாதார நிறுவனம் மற்றும் இந்திய அரசு அளித்துள்ள வழிகாட்டுதல்களை பின்பற்ற வேண்டும்" என்று மும்பையை சேர்ந்த மருத்துவர் பல்லவி சப்பாலே கூறுகிறார். இந்திய அரசின் வழிகாட்டுதல் என்ன சொல்கிறது? கொரோனா வைரஸால் உயிரிழந்தவரின் உடலில் அந்த வைரஸ் எவ்வளவு காலத்திற்கு நிலைத்திருக்கிறது என்பது குறித்து இதுவரை எந்த தெளிவும் இல்லை என்று இந்திய அரசு அளித்துள்ள வழிகாட்டுதலில் குறிப்பிடப்பட்டுள்ளது. எனவே, கோவிட்-19 நோய்த்தொற்றால் ஒருவர் உயிரிழந்தவுடன் அவரது உடல் உடனடியாக பிரத்யேகமாகத் தயாரிக்கப்பட்ட பையில் வைத்து சுற்றப்பட்ட வேண்டும். இந்திய அரசு வழங்கியுள்ள மேலும் சில வழிகாட்டுதல்கள் இதோ. இறந்தவரின் உடலை உறவினர்கள் தொலைவில் இருந்தே பார்க்க வேண்டும்; உயிரிழந்தவரின் உடலை கட்டியணைப்பதோ, அருகில் செல்வதோ கூடாது. முடிந்தவரை பிரேத பரிசோதனை தவிர்க்கப்பட வேண்டும். பிரேத பரிசோதனை அவசியம் என்றால் கடுமையான தடுப்பு நடவடிக்கைகள் மேற்கொள்ளப்பட வேண்டும். இறுதிச்சடங்குகள் குறிப்பிட்ட மத சடங்குகளின்படி செய்யப்படலாம். ஆனால், இறந்தவர் உடலின் மீது தண்ணீர் ஊற்றுவது போன்றவை செய்யக்கூடாது. சவக்கிடங்கில் உள்ள தொழிலாளர்கள் இது தொடர்பாக சிறப்பு கவனம் செலுத்த வேண்டும் என்று விதிகள் கூறுகின்றன. https://www.bbc.com/tamil/india-52133924
  11. பேச்சுவார்த்தை முடிவில் ஒன்றும் மாறப்போவதில்லை ... இது 'தலைவர்களுக்கும்' தெரியும். ஆனால் அதை வைத்து செய்யும் அரசியல்.
  12. கொரோனா உக்கிர தாண்டவம் ஆடிக்கொண்டு லட்சக் கணக்கில் உயிர்ப்பலிகள் கேட்டுக் கொண்டிருக்கும் நிலையிலும், 2020ம் ஆண்டுக்கான அமெரிக்க மக்கள் தொகை கணக்கெடுப்பு பணிகள் தொடர்கின்றன. ஒவ்வொரு வீட்டு முகவரிக்கும் ஆன்லைன் மூலம் பதிவு செய்ய குறியீட்டு எண்ணுடன் கடிதம் அனுப்பட்டுள்ளது. அதை நினைவூட்டும் வகையில் இரண்டாவது கடிதமும் தபாலில் எல்லா வீட்டு முகவரியிலும் வந்து சேர்ந்துள்ளது. ஏப்ரல் 1ம் தேதியை சென்சஸ் டே(Census Day) என்று குறிப்பிட்டு அன்றைய தேதியில் அமெரிக்காவில் வசிப்பவர்களை, பெயர், வயது, முகவரி மற்றும் இனம் போன்ற விவரங்களுடன் கணக்கிடுகிறார்கள். ஆன்லைன் மூலம் பதிவு செய்வதற்கும் ஏப்ரல் 1ம் தேதி கடைசி நாளாகும். இந்த கணக்கெடுப்பில் தமிழர் என்று அடையாளப்படுத்துமாறு, 6 மாதத்திற்கு மேல் அமெரிக்காவில் தங்கி இருக்கும் தமிழர்கள் பங்கேற்குமாறு வட அமெரிக்கத் தமிழ் சங்க பேரவை சமூகத்தளங்கள் மூலம் அழைப்பு விடுத்திருந்தார்கள். உடன் ஒரு யூடியூப் வீடியோ இணைப்பும் அனுப்பட்டு இருந்தது. அதில் ஹெச்1, மாணவர் விசாவில் அபார்ட்மெண்டில், மாணவர் விடுதியில் தங்கியிருப்பவர்களும் இந்த கணக்கெடுப்பில் ஏன் பங்கெடுக்க வேண்டும் என்ற விளக்கத்துடன், Other Asian என்று தேர்வு செய்து அருகே உள்ள பெட்டிக்குள் Tamil என்று அடையாளப்படுத்துங்கள் என்று கூறப்பட்டிருந்தது. தமிழர் என்று அடையாளப்படுத்திக் கொள்வதால் என்னென்ன நன்மை என்று பட்டியலிட்டு இருந்தார்கள். இன்னொரு பக்கம், இப்படி தமிழர் என்று அடையாளப் படுத்தக்கூடாது. இந்தியாவிலிருந்து வந்திருப்பவர்கள் ஏசியன் இந்தியன் என்று தான் அடையாளப்படுத்த முடியும். பெற்றோர்கள் வேறு வேறு ஆசிய நாடுகளிலிருந்து வந்தவர்கள் என்றால் தான் Other Asian என்று பதிவிட முடியும். இந்தியாவிலிருந்து வந்தவர்கள் Other Asian என்று பதிவிட்டால் அது குற்றமாகும். மேலும், இனவாரியான கணக்கெடுப்பு அடிப்படையில் மத்திய நிதித் தொகுப்பிலிருந்து வழங்கப்படும் 675 பில்லியன் டாலர்கள், சமுதாயத்தில் பின் தங்கியிருப்பவர்களுக்கான செயல்திட்டங்களுக்கானது. இந்த தொகையில் பங்கு கேட்டால் தமிழர்கள் பேராசைக்காரர்கள் என்று கறுப்பின மற்றும் லத்தீன் இன மக்கள் கருதுவார்கள் என்றெல்லாம் குறிப்பிட்டு வாட்ஸ் அப்பில் ஆங்கிலத்தில் ஒரு பதிவும் சுற்றி வந்தது. இது தொடர்பாக சென்சஸ் அலுவலர்களிடமே கேட்டு விடலாமே என்று,சென்சஸ் கடிதத்தில் குறிப்பிட்டு இருந்த 1-844-330-2020 என்ற எண்ணில் அழைத்துக் கேட்டபோது, இனம் (Race) என்பது, நீங்கள் உங்களை எப்படி அடையாளப் படுத்திக் கொள்கிறீர்கள் என்ற விருப்பத்தின் அடிப்படையிலானது. ஒன்றுக்கு மேற்பட்ட பிரிவுகளிலும் நீங்கள் அடையாளப் படுத்திக் கொள்ளலாம் என்று மறுமுனையில் பேசிய அலுவலர் குறிப்பிட்டார். மேலும், நான் கருப்பின அமெரிக்கன் மற்றும் ஹிஸ்பானிக். எனவே இரண்டையும் குறிப்பிடுவேன். ஒன்றுக்கு மேற்பட்ட இனத்தை குறிப்பிடவும் படிவத்தில் வாய்ப்பு வழங்கப்பட்டிருக்கிறது என்றும் கூறினார். சென்செஸ் அலுவலர்கள் கிழக்கு நேரம் இரவு 2 மணி வரையிலும் 1-844-330-2020 என்ற தொலைபேசி எண்ணில், கேள்விகளுக்குப் பதிலளிக்க தயாராக இருப்பதாகத் தெரிவித்தார் அந்த அலுவலர். இன்று ஏப்ரல் 1ம் தேதி ஆன்லைனில் பதிவு செய்ய கடைசி நாள். அமெரிக்காவில் வசிப்பவர்கள் கட்டாயம் இந்த கணக்கெடுப்பில் பங்கெடுத்துக் கொள்ளுங்கள். ஒருவேளை ஆன்லைனில் பதிவு செய்யத் தவறினால், விடுபட்ட வீடுகளுக்கு விரைவில் நேரடியாக சென்செஸ் அலுவலர்கள் வர உள்ளனர். எல்லா சந்தேகங்களுக்கும் நேரிலேயே விளக்கம் கேட்டு, அமெரிக்க மக்கள் தொகை கணக்கெடுப்பில் பங்கேற்கலாம். https://a1tamilnews.com/april-1-2020-us-census-day/
  13. வௌவால்களின் எதிர்ப்புச்சக்தி ரேபிஸ் இடம் தோற்று விட்டது !
  14. வௌவால்களுக்கு, 'வைரஸ்களின் கூடாரம்' என்ற பெயர் சமீபகாலமாக சூட்டப்படுகிறது. அந்த அளவுக்கு, அவற்றிடமிருந்து பல்வேறு வைரஸ் தொற்று நோய்கள் மனிதர்கள் மத்தியில் பரவியுள்ளன. பீட்டர் டஸ்ஸாக் என்ற சீன ஆய்வாளர், கடந்த 15 ஆண்டுகளாக விலங்குகளிடமிருந்து மனிதர்களுக்குப் பரவும் தொற்றுநோய்கள் குறித்து ஆய்வுசெய்துகொண்டிருக்கிறார். தான் செய்த ஆய்வுகளின் அடிப்படையில், "கொரோனா வைரஸுக்கான ஆதாரம் என்னவென்று 100 சதவிகிதம் உறுதி செய்யப்படவில்லை. இருப்பினும், அது சைனீஸ் ஹார்ஸ்ஷூ (Chinese horseshoe bat) என்ற ஒருவகை வௌவால்களிடமிருந்துதான் பரவியது என்பதற்கு மிகவும் வலுவான ஆதாரங்கள் கிடைத்துள்ளன" என்று கூறியுள்ளார். வௌவால்களுக்கு, 'வைரஸ்களின் கூடாரம்' என்ற பெயர் சமீபகாலமாக சூட்டப்பட்டுவருகிறது. அந்த அளவுக்கு, அவற்றிடமிருந்து பல்வேறு வைரஸ் தொற்று நோய்கள் மனிதர்கள் மத்தியில் பரவியுள்ளன. அவை... ஹென்ட்ரா, லாகோஸ், லிசா, நிபா, இப்போது கொரோனா. பல்வேறு வகையான வைரஸ்களை, எந்தவித பிரச்னையும் இன்றித் தன் உடலில் சுமந்துகொண்டிருக்க ஒரு வௌவாலால் முடியும். ஆப்பிரிக்கா, மலேசியா, பங்களாதேஷ் மற்றும் ஆஸ்திரேலியாவில் பெரியளவில் பாதிப்புகளை ஏற்படுத்திய மார்பக், நிபா மற்றும் ஹென்ட்ரா போன்ற வைரஸ்கள் அவற்றிடமிருந்து உற்பத்தியும் ஆகின்றன. இபோலா வைரஸ், அவற்றின் உடலில்தான் உருவாவதாகக் கூறப்படுகிறது. அப்படிச் சுமந்துகொண்டிருக்கும் வைரஸ்களில், அவற்றைப் பாதிக்கக்கூடிய ஒரேயொரு வைரஸ் இருக்கிறது என்றால், அது ரேபிஸ் மட்டும்தான். எப்படி வௌவால்கள் இத்தனை வைரஸ்களைச் சுமந்துகொண்டு வாழ்கின்றன. இந்தத் தொற்றுநோய்களைப் பரப்பும் வைரஸ்களால், அவற்றுக்கு ஏன் எந்தப் பாதிப்பும் ஏற்படுவதில்லை? மற்ற பாலூட்டிகளோடு ஒப்பிடுகையில், வைரஸ்களைத் தாக்குப்பிடித்து பாதிப்புகளின்றி இருக்கின்ற உடலமைப்பு வௌவால்களின் தனித்தன்மையாகும். பறக்கும் பாலூட்டிகளான இவை, நோய்களைச் சுமந்து பறக்கும் லட்சக்கணக்கான பூச்சிகளை டன் கணக்கில் சாப்பிடுகின்றன. அதேநேரம், வாழை, அவாகேடோ, மா போன்ற பழங்களின் மகரந்தச் சேர்க்கையிலும் பங்கு வகிக்கின்றன. இருப்பினும், தொற்றுநோய்களைச் சுமந்துகொண்டு எந்தவித பாதிப்பும் இன்றி வாழக்கூடிய திறன் அவற்றுக்கு இருக்கிறது. இதனால் அவற்றைச் சாப்பிடும்போது, விலங்குச் சந்தைகளில் வளர்ப்பதற்காக விற்கும்போது, ஒரு வாழ்விடத்திலிருந்து வேறோர் வாழ்விடத்திற்கு அவை இடம் மாறும்போது வைரஸ்களையும் சுமந்தே சென்று மற்ற உயிரினங்களுக்கு, குறிப்பாக மனிதர்களுக்குப் பரப்புகின்றன. வௌவால் குறித்த அறிவியல் ஆய்வுகளில், அவை எப்படி தொற்றுநோய்களைச் சுமந்துகொண்டே சுற்றுகின்றன என்ற கேள்வி நீண்டகாலமாக இருந்துவந்தது. பிற்காலத்தில் அதற்கான விடை, வௌவால்களின் எதிர்ப்புச்சக்தி குறித்த ரகசியம் அவற்றின் பரிணாம வளர்ச்சியில் ஒளிந்துள்ளதைக் கண்டுபிடித்தார்கள். டி.என்.ஏ-வை உணர்தல் (DNA sensing) என்றொரு பதம் மரபணு அறிவியலில் உண்டு. உடலிலுள்ள அணுக்கள், சில நேரங்களில் ஆங்காங்கே உடைந்து சிதறி சில துண்டுகளாகப் பிரிந்துவிடும். அவை எங்கு இருக்கக்கூடாதோ, அங்கு மிதந்துகொண்டிருந்தால் தேவையற்ற நோய்களை உருவாக்கும் பாகங்களாக மாறிவிடும். அப்படி மாறாமல் தவிர்க்க, அனைத்து பாலூட்டிகளிலுமே ஒருவித தற்காப்புச் செயல்பாடு இயற்கையாகவே இருக்கும். ஆனால், பறக்கும் பாலூட்டிகளின் பரிணாம வளர்ச்சியில் அந்தச் செயல்பாடு பலவீனமடைந்துவிட்டது. அதேநேரம், அத்தகைய தொற்றுநோய்கள் உருவாகும்போது, அவற்றால் எந்தப் பாதிப்பும் ஏற்பட்டுவிடாமல் தன்னைக் காப்பாற்றிக்கொள்ளும் வகையில் அவற்றின் உடலில் எதிர்ப்புச் சக்தி அதிகரித்துவிட்டது. பரிணாம வளர்ச்சியின்போது, முந்தைய செயல்பாடு பலவீனமடைந்ததால் உருவாகின்ற நோய்களை எதிர்த்துச் சண்டையிட வேண்டிய தேவை ஏற்படுகிறது. அதனால், அவற்றை எதிர்க்கக்கூடிய திறனுள்ள ஆற்றலைப் பரிணாமவியல் அவற்றுக்கு வழங்கியுள்ளது. இப்போது பரவிக்கொண்டிருக்கும் 2019-கொரோனா வைரஸை எப்படிக் கட்டுக்குள் கொண்டுவருவது என்பதே பெரும் சவாலாக இருக்கிறது. ஆனால், அதன் மூலாதாரத்தைத் தேடிக் கண்டுபிடிப்பதே இந்த தொற்றுநோய்ப் பரவலைக் கட்டுக்குள் கொண்டுவருவதற்கான ஒரே தீர்வாக இருக்கமுடியும். அதற்கு, வௌவால்களைக் கண்காணிப்பதும் அவைகுறித்து ஆய்வு செய்வதும் ஒரு வழியாக இருக்க வேண்டும் என்று ஆய்வாளர் டஸ்ஸாக் கூறியுள்ளார். சீனாவிலுள்ள ஆராய்ச்சியாளர்கள் ஏற்கெனவே அதற்கான வேலையைத் தொடங்கிவிட்டனர். எலி, பறவை போன்ற உயிரினங்களும்கூட இத்தகைய நோய்ப் பரவலைச் செய்கின்றன. ஆகவே, இந்த விஷயத்தில் வௌவால்களை மட்டுமே நாம் தனிப்பட்ட முறையில் குற்றம் சாட்ட முடியாது. ஆனால், அவற்றின் மூலம் பரவும் நோய்களின் எண்ணிக்கை கணிசமாக இருப்பதே இந்த கவனக் குவியலுக்குக் காரணம். அப்படிப் பரவும் நோய்களின் எண்ணிக்கையும் அவை பரவும் வேகமும் அதிகம். அண்டார்டிகாவைத் தவிர அனைத்துக் கண்டங்களிலுமே வௌவால்கள் வாழ்கின்றன. அதுவும் எலிகளைப் போலவே மனிதர்கள் மற்றும் விவசாய நிலங்களுக்கு அருகிலேயே வாழ்கின்றன. ஆனால், பறக்கும் திறன் இருப்பது நோய்களைப் பரவலாகக் கொண்டுசேர்க்கும் வாய்ப்பை அதிகப்படுத்துகிறது. அது மட்டுமின்றி, வௌவால்கள்தான் சிறிய பாலூட்டிகளிலேயே அதிக ஆயுள் காலத்தைக் கொண்டவை. சைபீரியாவிலிருந்த ஒரு சிறிய வகை வௌவால், 41 ஆண்டுகள் வாழ்ந்தது. ஆனால், எலிகள் சராசரியாக இரண்டு ஆண்டுகளே வாழ்கின்றன. சீனா உட்பட, பூமியின் பல்வேறு பகுதிகளில் உள்ள மக்கள் வௌவாலை சாப்பிடுகின்றனர். அவை, விலங்குச் சந்தைகளில் விற்கப்படுகின்றன. வௌவால்கள் குகைகளில் கூட்டம் கூட்டமாக வாழ்கின்றன. அத்தகைய கூட்டமான வாழ்வியலைக் கொண்ட உயிரினம் தொற்று நோய்களை எளிமையாகப் பரப்பிவிடும். 2017-ம் ஆண்டின்போது, டஸ்ஸாக் மற்றும் அவருடன் பணிபுரியும் ஆய்வாளரான கெவின்.ஜெ.ஆலிவலோடு இணைந்து ஓர் ஆய்வு மேற்கொண்டார். அதன்மூலம் அவர்கள், 754 பாலூட்டி வகைகள் மற்றும் 586 வைரஸ் வகைகள் குறித்த தரவுகளைத் தொகுத்து, எந்த வைரஸ் எந்தப் பாலூட்டியிலிருந்து உருவாகிறது. மேலும் அந்த வைரஸ்கள் தன்னைச் சுமந்து நிற்கும் உயிரை எப்படியெல்லாம் பாதிக்கிறது என்பதை ஆய்வுசெய்து தரவுகளைத் தொகுத்தனர். அந்த ஆய்வின் முடிவில், மனிதர்களுக்கு விலங்குகளிடமிருந்து பரவக்கூடிய பெருவாரியான வைரஸ் தொற்றுகளை மற்ற பாலூட்டிகளைவிட வௌவால்கள் அதிகமாகச் சுமந்திருக்கின்றன என்பதை உறுதி செய்தார்கள். வௌவால்கள், வைரஸ்களால் பாதிக்கப்படாமல் பிழைத்திருப்பதை மட்டும் செய்யவில்லை, வைரஸ்களையும் உருவாக்குகின்றன. https://www.vikatan.com/social-affairs/environment/why-bats-dont-get-affected-by-any-virus-they-carry