ampanai

கருத்துக்கள உறவுகள்
  • Content Count

    8,946
  • Joined

  • Last visited

  • Days Won

    7

Everything posted by ampanai

  1. 04-042009 : இந்த நாளில் வீரகாவியமான மண்ணின் மாவீர்ரகள் அனைவருக்கும் வீர வணக்கங்கள் !!!
  2. அரசியலில் ஆர்வமுள்ளவர்களும், சாதாரண சிவில் மனிதனும், புத்தகங்கள் வாசிப்பதில் ஆர்வமுள்ளவர்களும், நம்மை சுற்றி நடப்பவற்றை அறிந்துகொள்ள- வாசிக்க வேண்டிய சிறந்த ஒரு புத்தகமாக இதை காண்கிறேன். #ஒரு_பொருளாதார_அடியாளின்_ஒப்புதல்_வாக்குமூலம். #Confession_of_An_Economic_Hitman ஒரு சினிமா படத்திற்கு, இடைவேளைக்கு பின் திரையரங்கில் அமர்ந்து படம் பார்ப்பவருக்கு, என்ன கதை? என்ன நடந்தது? என்ன நடக்கிறது? என்ற முதலும் முடிவும் தெரியாதிருப்பதை போன்ற வாழ்க்கை தான் பலர் வாழ்கிறார்கள். அதில் சில ஆரம்ப கதைகளையும், நிகழ்காலத்தையும் இந்த புத்தகம் அறியத்தருகிறது. வாசிக்க ஆர்வமுள்ளவர்கள் என்னுடைய Whatsapp இலக்கத்திற்கு ஒரு . (முற்றுப்புள்ளி) அனுப்பினால், PDF வடிவில், உங்கள் Mobileல் படிக்கக்கூடிய பதிப்பு ஒன்றை இலவசமாக அனுப்ப நான் விரும்புகிறேன். 00919840805238
  3. நல்ல இணைப்பு. யாருக்கு இதனால் எனக்கு இலாபம் ? ஆம் இது தான் முதலாளித்தும் கேட்க்கும் கேள்வி. Gray State பற்றிய ஆய்வை தவிர்த்திருக்கலாம். ஆனால், ஆய்வாளரின் கருத்து ஒன்றில் முரண்படுகின்றேன். அதாவது, அமெரிக்க டாலர் வலுவை இழக்கும் என்பதே. காரணம், அதை மாற்றீடு செய்ய வேறு நாட்டின் பணம் இல்லை. தங்கம் மற்றும் இலத்திரனியல் பணம் பெறுமதியை அதிகரிக்கும் என எண்ணினேன். அதுவும் நடக்கவில்லை.
  4. Global cases: At least 1,141,190 Global deaths: At least 60,960 US cases: At least 278,942 US deaths: At least 7,174 Canada’s Trudeau won’t retaliate over US blocking mask imports CDC director says coronavirus won’t be a one-time foe NYC mayor pleads for more doctors and nurses: ‘The worst is actually ahead’ Spain’s daily coronavirus death toll falls for second day in row Iran’s coronavirus death toll rises to 3,452, health ministry says France overtakes China as number of confirmed cases rises above 83,000 UK unlikely to relax lockdown measures till end May, top epidemiologist says NY governor says China is donating 1,000 ventilators to the state
  5. தென்காசியில் கொரோனா வைரஸ் பரவல் தடுப்பு ஊரடங்கை மீறி வெள்ளிக்கிழமை தொழுகை செய்ய முயன்ற 300க்கும் மேற்பட்டோர் மீது வழக்குப்பதிவு செய்யப்பட்டுள்ளது. அவர்களில் நால்வர் கைது செய்யப்பட்டு பிணையில் விடுதலையாகியுள்ளனர். தென்காசி நடுப்பேட்டை பள்ளிவாசலில் நேற்று (வெள்ளிக்கிழமை) அனுமதியின்றி ஏராளமானோர் தொழுகைக்காக கூடினர். இதுகுறித்து தகவல் அறிந்த தென்காசி வட்டாட்சியர், காவல் ஆய்வாளர் மற்றும் காவல் துறையினர் நடுப்பேட்டையில் உள்ள பள்ளிவாசலுக்கு சென்றனர். பின்னர் ஐமாத் தலைவரை அழைத்து, அனைவரும் வீட்டுக்கு செல்ல வேண்டும் என்று அறிவுறுத்தப்பட்டதால், அங்கு வந்திருந்த இஸ்லாமியர்களுக்கும் காவல் துறையினருக்கும் இடையே வாக்குவாதம் ஏற்பட்டது. பின்னர் கூட்டத்தை கலைக்கவும், தாக்குதலை தடுக்கவும் போலீசார் லேசான தடியடி நடத்தினார்கள். இதையடுத்து அனைவரும் அங்கிருந்து கலைந்து சென்றனர். காவல்துறையினர் இந்த சம்பவத்தில் தொடர்புடைய 300 பேர் மீது வழக்குப்பதிவு செய்து உள்ளனர். மேலும் 4 பேரை கைது செய்து பிணையில் விடுவித்தனர். அந்த பகுதியில் போலீஸ் பாதுகாப்பு போடப்பட்டு உள்ளது. இது குறித்து தென்காசி மாவட்ட காவல் கண்காணிப்பாளர் சுகுணா சிங் பிபிசி தமிழிடம் பேசுகையில், "வெள்ளிக்கிழமை நடுப்பேட்டை பள்ளி வாசலில் தொழுகைக்காக நூற்றுக்கும் மேற்பட்டோர் கூடினர். மாவட்ட காவல்துறை மற்றும் வருவாய் துறை அதிகாரிகள் 144 தடை உத்தரவு அமலில் உள்ளபோது இவ்வாறு கூடுவது தவறு என எச்சரித்தோம். ஆனால் அங்கு கூடியிருந்தவர்களுக்கு கொரோனா குறித்து விழிப்புணர்வு இல்லாமல், அங்கிருந்து கலைந்து செல்ல மறுத்து அதிகாரிகளுடன் வாக்குவாதத்தில் ஈடுபட்டனர். சட்ட ஒழுங்கு பிரச்சனை ஏற்படாமல் இருக்க கூடியிருந்தவர்களை காவல்துறையினர் கலைத்தனர்." "அரசு அதிகாரியை பணி செய்யவிடாமல் தடுத்தல், வைரஸ் தொற்று பரவக் காரணம், 144 தடையை மீறி ஒன்று கூடியது, அரசு அதிகாரிகளை திட்டியது என நான்கு பிரிவுகளின் கீழ் 300க்கும் மேற்பட்டோர் மீது வழக்கு பதிவு செய்யப்பட்டுள்ளது," என்றார். மேலும் அவர் பேசுகையில், நேற்று (வெள்ளிகிழமை) மாலை மாவட்ட ஆட்சி தலைவர் மற்றும் காவல்துறை சார்பில் இஸ்லாமிய தலைவர்களை அழைத்து ஆலோசனை கூட்டம் நடத்தப்பட்டது. அக்கூட்டத்தில் பள்ளி வாசலுக்கு யாரும் தொழுகைக்காக வரவேண்டாம் என்றும், கொரோனா தொற்று குறித்து இஸ்லாமிய மக்களிடம் போதிய விழிப்புணர்வை ஏற்படுத்துமாறும் அறிவுறுத்தப்பட்டது என்றும் தெரிவித்தார். https://www.bbc.com/tamil/india-52167258
  6. இலங்கையில் கொரோனா தொற்றுக்குள்ளானோரின் எண்ணிக்கை அதிகரிப்பு இலங்கையில் மேலும் 4 கொரோனா தொற்றாளர்கள் அடையாளம் காணப்பட்டுள்ளதாக சுகாதார அமைச்சு தெரிவித்துள்ளது. இந்நிலையில், நாட்டில் கொரோனா தொற்றுக்குள்ளானோரின் எண்ணிக்கை 166 ஆக அதிகரித்துள்ளது. இலங்கையில் இதுவரை 166 கொரோனா தொற்றாளர்கள் அடையாளம் காணப்பட்டுள்ள நிலையில், 27 பேர் குணமடைந்து வைத்தியசாலையில் இருந்து வெளியேறியுள்ளனர். இதேவேளை, இலங்கையில் கொரோனா தொற்றுக்குள்ளாகி 5 பேர் உயிரிழந்துள்ளமை குறிப்பிடதக்கது. https://www.virakesari.lk/article/79291
  7. (ஆர்.யசி) நாட்டின் தேசிய உற்பத்தியை பலப்படுத்தி உணவு தட்டுப்பாட்டை தவிர்க்கும் வகையில் சிறகவரை, பைற்றங்காய், வெண்டிக்காய், கறிமிளகாய், மிளகாய் ஆகியவற்றிகான விதைகள் வெறுமனே 20 ரூபாய்க்கு வழங்க அரசாங்கம் தீர்மானம் எடுத்துள்ளது. இன்று தொடக்கம் நாட்டில் சகல பகுதிகளிலும் விவசாயிகள் 20 ரூபாவில் விதைகளை பெற்றுக்கொள்ள முடியும் எனவும் அரசாங்கம் அறிவித்துள்ளது. அரச தகவல் திணைக்களத்தில் இன்று இடம்பெற்ற செய்தியாளர் சந்திப்பில் கலந்துகொண்ட அமைச்சர் பந்துல குணவர்தன இவற்றைக் கூறினார். இது குறித்து அவர் மேலும் கூறுகையில். இரண்டாம் உலகமகா யுத்தத்திற்கு பின்னர் உலகில் ஏற்பட்டுள்ள பாரிய உணவுத் தட்டுப்பாடு இப்போது உலகில் சகல நாடுகளிலும் நிலவுகின்றது. அனைத்து நாடுகளில் தமக்கான உணவு உற்பத்தியை பலப்படுத்த போராடி வருகின்றனர். இலங்கையிலும் இறக்குமதிகள் முழுமையாக தடைப்பட்டுள்ள நிலையில் நாட்டில் உணவுத் தட்டுப்பாடு ஏற்படக்கூடிய நிலைமை உள்ளது. எனினும் நாம் மூன்று வேலை சோறு உண்ட மக்கள் எமது மக்கள். எமக்கான தேசிய உற்பத்திகளை நாமே எப்போதும் உருவாக்கிக்கொண்ட வரலாறே எமக்கு உள்ளது. பிரித்தானிய ஆக்கிரமிப்புக்கு முன்னர் இருந்தே நாம் எமக்கான உணவு உற்பத்திகளை பெருக்கிக்கொண்டு எமக்கான தேவைகளை பூர்த்து செய்துள்ளோம். ஆகவே மீண்டும் எமது பண்டைய முறைமையை உருவாக்க வேண்டிய தேவை உருவாகியுள்ளது. அனைவரும் ஒரு நாட்டவராக எமக்கான தேசிய உணவு உற்பத்தியை பெருக்கிக்கொள்ள எமது விவசாயத்தை மீண்டும் உயிர்ப்பிக்க இன்றில் இருந்து தேசிய விவசாய வேலைத்திட்டமொன்றை உருவாக்கியுள்ளோம். அந்த வகையில் சிறகவரை, பைற்றங்காய், வெண்டிக்காய், கறிமிளகாய், மிளகாய் ஆகியவற்றிகான விதைகள் வெறுமனே 20 ரூபாய்க்கு வழங்க அரசாங்கம் தீர்மானம் எடுத்துள்ளது. சமுர்த்தி அதிகாரிகள் மூலமாக நாடு பூராகவும் இந்த விதைகளை அனுப்பி நாட்டிலுள்ள சகல விவசாயிகளுக்கும் வழங்க அரசாங்கம் தீர்மானம் எடுத்துள்ளது. நாட்டில் வெவ்வேறு தொழில்களில் ஈடுபடும் தொழிலாளர்கள் தற்போது மூன்றுமாத கால விடுமுறையில் உள்ள நிலையில் அவர்களும் தற்காலிக விவசாயத்தில் ஈடுபடும் விதமாக இந்த பயிர்களை வீடுகளில் பயிரிட்டு தேசிய உற்பத்திக்கு பங்களிப்பு செய்ய முடியும். ஜனாதிபதி கோத்தாபய ராஜபக் ஷ ஆரம்பத்தில் இருந்தே பல்வேறு இறக்குமதி பொருட்களை தடைசெய்து அவற்றை தேசிய ரீதியில் உற்பத்தி செய்ய வலியுறுத்தியிருந்தார் இப்போது கொரோனா தொற்றுநோய் காரணமாக அனைத்து நாடுகளுக்குமான ஏற்றுமதி, இறக்குமதி தடைப்பட்டுள்ளது. இப்போது நாம் தாமாகவே தேசிய உற்பத்திகளை பலபடுத்த வேண்டும். ஆகவே இதில் மாற்று வேலைத்திட்டம் எதனையும் கையாள முடியாது என்றார். https://www.virakesari.lk/article/79285
  8. அரசுகள் : மக்களுக்கு பணம் தருவதா? இல்லை நிறுவனங்களுக்கு பணம் தருவதா?? மேற்குலக நாடுகளில் பொருளாதாரம் முடக்கப்பட்ட நிலையில், அரசுகள் தமது பொருளாதாரத்தை தக்க வைக்க இரு முக்கிய அணுகுமுறைகளை எடுத்துவருகின்றன. 1. நிறுவனங்கள் வேலை நீக்கம் செய்து, ஊழியர்கள் அரசிடம் வெளியில்லாதவர் காப்புறுதியை பெறுதல் 2. நிறுவனங்களுக்கு 75% வீதம் வரை ஊழியர்களுக்கு அரசு பணம் தந்து வேலைகளை தக்க வைத்தல் அமெரிக்க நாடு முதலாவது முறையையும் ஐரோப்பிய நாடுகள் இரண்டாவது முறையையும் அணுகியுள்ளன. முதலாவது முறையில், மக்களை அரசு பலப்டுத்துவதாயும், இரண்டாவது முறையில் நிறுவனங்களை மக்களின் வரிப்பணத்தில் பாதுகாக்கப்படுவதாக பார்க்கப்படுகின்றது.
  9. வடக்கு – கிழக்கு மாகாணங்களில் உள்ள ஏனைய மாவட்டங்களுக்குள்ளும் இலங்கையின் ஏனைய மாவட்டங்களுக்கு தமது வாழ்வாதார தேவைகள் மற்றும் பிற தேவைகளுக்காகச் சென்று மீளவும் தமது சொந்த இடங்களுக்குத் திரும்ப முடியாதுள்ள மக்கள் தமது விவரங்களைத் தெரியப்படுத்துமிடத்து அதற்கான நடவடிக்கைகளை மேற்கொள்ளவுள்ளதாக கடற்றொழில் மற்றும் நீரியல் வள மூலங்கள் அமைச்சர் டக்ளஸ் தேவானந்தா கோரியுள்ளார். இது தொடர்பில் அவர் மேலும் தெரிவிக்கையில் – உலகை இன்று அச்சுறுத்திக்கொண்டிருக்கும் கொரோனா தொற்று இலங்கையிலும் அதன் தாக்கத்தை ஏற்படுத்தியுள்ளதால் அத்தொற்றிலிருந்து நாட்டு மக்களை பாதுகாப்பதற்காக அரசு பல பாதுகாப்பு நடவடிக்கைகளை மேற்கொண்டு வருவதுடன் ஊரடங்குச் சட்ட நடைமுறையையும் மேற்கொண்டுள்ளதால் பலர் பல அசௌகரியங்களை எதிர்கொண்டு வருவதாக எமக்குத் தொலைபேசி ஊடாக தகவல்கள் கிடைத்தவண்ணம் உள்ளன. ஆனாலும் இந்த ஊரடங்குச் சட்ட நடைமுறை ஒட்டுமொத்த இலங்கை வாழ் மக்களதும் பாதுகாப்புப் கருதிய ஒன்றாக அமைவதால் அந்த நடைமுறையை எமது மக்கள் மதித்துப் பின்பற்ற வேண்டியதும் அவசியமானது. அந்தவகையில் ஊரடங்குச் சட்ட நடைமுறை நாட்டில் அமலாக்கப்படுவதற்கு முன்னர் வடக்கு - கிழக்கு மாகாணங்களின் மாவட்டங்களுக்குள்ளேயும் இலங்கையின் ஏனைய பிற மாவட்டங்களுக்கும் தொழில் ரீதியாகவோ அன்றி வேறு பல தேவைகள் கருதியோ சென்று மீளவும் தமது சொந்த இடங்களுக்குத் திரும்ப முடியாது இருப்பவர்கள் தமது முழுப் பெயர், அடையாள அட்டை இலக்கம், திரும்ப வேண்டிய சொந்த முகவரி, சொந்தப் பிரதேச செயலக பிரிவு, தொலைபேசி இலக்கம், தற்போது தங்கியுள்ள முகவரி உள்ளிட்ட விவரங்களைத் திரட்டி, 0777 781 891 WhatsApp (வடசப்) இலக்கத்துக்கு அனுப்பும் பட்சத்தில் அதற்கான தீர்வுகளைப் பெற்றுக்கொடுக்க முயற்சிகள் மேற்கொள்ளப்படும் என்றும் அவர் மேலும் தெரிவித்தார். http://www.tamilmirror.lk/செய்திகள்/வெளி-மாவட்டங்களில்-சிக்கியோர்-சொந்த-ஊர்-திரும்ப-நடவடிக்கை/175-247958
  10. கொரோனா வைரஸ் தொற்று காரணமாக, இன்று மாலை மாலை 5.30 மணியுடன் நிறைவடைந்த 48 மணி நேரத்துக்குள் 11 புதிய கொரோனா தொற்றாளர்கள் அடையாளம் காணப்பட்டுள்ள நிலையில், இதுவரையில் இலங்கையில் அடையாளம் காணப்பட்ட தொற்றாளர்களின் எண்ணிக்கை 162 ஆக உயர்ந்துள்ளது. இதில் நேற்று 8 பேரும், இன்று மட்டும் புதிதாக மூன்று தொற்றாளர்களும் கண்டுபிடிக்கப்பட்டதாக சுகாதார சேவைகள் பணிப்பாளர் நாயகம் விஷேட வைத்திய நிபுணர் அனில் ஜாசிங்க கூறினார். இவ்வாறு கண்டுபிடிக்கப்பட்ட 11 தொற்றாளர்களில் தென் கொரியாவில் இருந்து நாடு திரும்பி, கந்தகாடு தனிமைப்படுத்தல் முகாமில் 14 நாட்கள் தனிமைப்படுத்தப்பட்டு தொற்று நீக்கல் நடவடிக்கைக்கு உட்படுத்தப்பட்டு வீட்டுக்கு அனுப்பட்ட ஒருவரும் உள்ளடங்குவதாக சுகாதார அமைச்சின் தகவல்கள் தெரிவித்தன. நேற்று, அவர் மத்துகம - நவ துடுவ பகுதியில் வைத்து கண்டறியப்பட்டுள்ள நிலையில் அங்கொடை தொற்று நோய் தடுப்பு வைத்தியசாலைக்கு சிகிச்சைகளுக்காக அனுமதிக்கப்பட்டுள்ளார். குறித்த நபர் கடந்த மார்ச் 10 ஆம் திகதி தென் கொரொயாவிலிருந்து நாட்டுக்கு வந்துள்ள நிலையில், கந்தகாடு தனிமைப்படுத்தல் முகாமில் தனிமைப்படுத்தப்பட்டுள்ளார். பின்னர் 14 நாள் தனிமைப்படுத்தல் காலத்தின் பின்னர் மார்ச் 24 ஆம் திகதி வீடு திரும்பியுள்ள நிலையிலேயே,நேற்று கொரோனா தாக்கம் காரணமாக வைத்தியசாலையில் அனுமதிக்கப்பட்டுள்ளார். தனிமைப்படுத்தல் காலத்தின் பின்னர் வீடு திரும்பியதும் அவரை பார்வை இட வந்தவர்கள், அவ்வீட்டில் வசித்த அந்நபரின் தாய் மற்றும் உறவுக்கார யுவதி ஒருவரும் தனிமைப்படுத்தலுக்கு உட்படுத்தப்பட்டுள்ளனர். நேற்று கண்டறியப்பட்ட 8 தொற்றாளர்களில் மூவர் யாழ்ப்பாணத்தில் கண்டுபிடிக்கப்பட்டவர்களாவர். அவர்கள் சுவிஸ் மத போதகரின் நிகழ்வில் கலந்து கொண்வர்கள் என சுகாதார அதிகாரிகள் கூறினர். ஏனையோர் தெஹிவளை, புத்தளம், பண்டாரகம, பேருவளை பகுதிகளில் அடையாளம் காணப்பட்டவர்களாவர். பேருவளையில் அடையாளம் காணப்பட்ட பெண் கர்ப்பிணியாக வைத்தியசாலையில் அனுமதிக்கப்பட்டு குழந்தை பிரசவித்தவராவார். இந்நிலையில் இன்று அடையாளம் காணப்பட்ட மூவரில் இருவர் கண்டி - அக்குரணை பகுதியிலும் ஒருவர் புத்தளத்திலும் அடையாளம் காணப்பட்டதாக சுகாதார அமைச்சின் தொற்று நோய் தடுப்புப் பிரிவு தெரிவித்தது. இந்நிலையிலேயே இலங்கையில் இதுவரை 162 கொரோனா தொற்றாளர்கள் அடையாளம் காணப்பட்டுள்ள நிலையில் அவர்களில் 9 பேர் சிறுவர்களாவர். அவ்வாறு அடையாளம் காணப்பட்ட சிறுவர்களில் ஒரு வருடமும் 4 மாதங்களும் நிறம்பிய குழந்தை ஒன்று இன்று குணமடைந்து அங்கொடை தொற்று நோய் தடுப்பு வைத்தியசாலையிலிருந்து வெளியேறியது. அங்கொடை தொற்றுநோய் வைத்தியசாலையில் சிகிச்சைப் பெறும் எந்த குழந்தைக்கோ, சிறுவர்களுக்கோ கொரோனா வைரஸ் தொற்றின் தாக்கம் பாரதூரமாக இல்லை எனவும், அவர்களுக்கு அவர்களது தாய், தந்தை போன்றோரிடமிருந்தே வைரஸ் தொற்றியுள்ளதாகவும் அங்கொடை தொற்று நோய் வைத்தியசாலையின் சிறுவர்கள் குறித்த விஷேட வைத்திய நிபுணர் மேனா கப்ரால் தெரிவித்தார். இதுவரை இலங்கையில் அடையாளம் காணப்பட்டுள்ள 162 தொற்றாளர்களில் 5 பேர் மரணமடைந்துள்ள நிலையில், 27 பேர் குணமடைந்து வைத்தியசாலையை விட்டு வெளியேறியுள்ளனர். மேலும் 130 பேர் தற்சமயம் சிகிச்சைப் பெற்று வருகின்றனர். கொரோனா வைரஸ் தொற்று காரணமாக அதிகமானோர் கொழும்பு மாவட்டத்திலேயே அதிகமானோர் பாதிக்கப்பட்டுள்ளனர். அங்கு பாதிக்கப்பட்டுள்ளோரின் எண்ணிக்கை 38 ஆகும். இதற்கு அடுத்தபடியாக புத்தளம் மாவட்டத்தில் 27 பேரும், களுத்துறையில் 25 பேரும், கொரோனா தொற்றுக்கு உள்ளாகியுள்ளனர். கம்பஹா மாவட்டத்தில் பாதிக்கப்பட்ட தொற்றாளர்கள் 11 பேர் ஆவர். இதற்கு அடுத்தபடியாக யாழ். மாவட்டத்தில் 7 தொற்றாளர்களும், கண்டி மாவட்டத்தில் 6 தொற்றாளர்களும், இன்று மாலை 5.30 மணி வரையிலான காலப்பகுதியில் அடையாளம் காணப்பட்டிருந்தனர். இந்நிலையில் மேல் மாகாணத்தின் கொழும்பு, கம்பஹா, களுத்துறை, வட மேல் மாகாணத்தின் புத்தளம், மத்திய மாகாணத்தின் கண்டி, வடக்கின் யாழ். மாவட்டங்களுக்கு கொரோனா வைரஸ் தொற்றின் அச்சுறுத்தல் தொடர்ந்து உச்ச நிலையில் உள்ளதாக சுகாதார தரப்பினர் சுட்டிக்காட்டினர். இவ்வாறான பின்னணியில் கொரோனா வைரஸ் தொற்று சந்தேகத்தில் மட்டும் நாடளாவிய ரீதியில் 30 வைத்தியசாலைகளில் 273 பேர் சிகிச்சைப் பெற்று வருகின்றமையும் இங்கு குறிப்பிடத்தக்கது. https://www.virakesari.lk/article/79286
  11. (எம்.எப்.எம்.பஸீர்) களுத்துறை - நாகொட வைத்தியசாலையில் பிரசவத்துக்காக அனுமதிக்கப்பட்ட, பேருவளை பகுதியைச் சேர்ந்த கர்ப்பிணிப் பெண், கொரோனா தொற்றுக்குள்ளாகியுள்ளமை உறுதிப்படுத்தப்பட்டுள்ள நிலையில், அங்கு அவர் பிரசவித்த குழந்தையுடன் , மேலதிக சிகிச்சைகளுக்காக மாலபே, நெவில் பெர்ணான்டோ வைத்தியசாலைக்கு ( சைட்டம்) மாற்றப்பட்டுள்ளார். இந்த சம்பவம் இன்று பதிவானது, கொரோனாவுக்கான எந்த அறிகுறிகளும் இன்றி, பிரசவத்துக்காக நாகொட வைத்தியசாலையில் அனுமதிக்கப்பட்ட குறித்த 28 வயதான தாய், பிரசவ சிகிச்சை அறைக்கு அழைத்துச் செல்லப்படும் போது தாதியர், அத்தாயின் ஊர் பெயரைக் கோரி, அதில் ஏற்பட்ட சந்தேகத்தில் செய்த பரிசோதனையின் போதே கொரோனா தொற்று இருப்பது உறுதி செய்யப்பட்டுள்ளது. எனினும் கொரோனா தொற்று உறுதியாகும் போதும் குறித்த தாய் குழந்தையை பிரசவித்திருந்த நிலையில், பிரசவ சிகிச்சைகளுக்கு உதவிய குறித்த வைத்தியசாலையில் 6 தாதியர் உள்ளிட்டோர் தனிமைப்படுத்தலுக்குட்படுத்தப்பட்டுள்ளனர். இந்நிலையில் பிறந்த குழந்தைக்கு கொரோனா தொற்றுள்ளதா இல்லையா என்பதை உறுதி செய்ய, அக்குழந்தையின் இரத்த மாதிரி பொரளை மருத்துவ ஆய்வு கூடத்துக்கு அனுப்பட்டுள்ளது. இதனையடுத்தே குறித்த தாயும், குழந்தையும், கொரோனா தொற்றினால் பாதிக்கப்படும் கர்ப்பிணிகளுக்கு சிகிச்சையளிக்கவென விஷேடமாக வசதிகள் செய்யப்பட்டுள்ளதாக மாலபே, நெவில் பெர்னாண்டோ போதனா வைத்தியசாலைக்கு மாற்றப்பட்டதாக நாகொட வைத்தியசாலையின் பணிப்பாளர் விஷேட வைத்திய நிபுணர் மகேஷ் கருணாதிலக தெரிவித்தார். இந்த விடயம் தொடர்பில் களுத்துறை - நகொட வைத்தியசாலை, பேருவளை மருத்துவ அதிகாரி உள்ளிட்டோரின் தகவல்கள் பிரகாரம் அறிய முடிவதாவது, குறித்த 28 வயதான தாய் பேருவளை பன்வில பகுதியிலிருந்து சற்று தொலைவாக உள்ள கிராமமொன்றில் வசித்துள்ளார்.</p> <p>நிறைமாத கர்ப்பிணியாக இருந்த நிலையில், பேருவளை அம்பேபிட்டிய பகுதியில் உள்ள அவரது தாயார் வீட்டுக்கு சென்று, அங்கு தனது இரு பிள்ளைகளையும் விட்டுவிட்டு, கணவன், தாயாருடன் சென்றே களுத்துறை - நாகொட வைத்தியசாலையில் பிரசவத்துக்காக அனுமதியாகியுள்ளார். அவ்வாறு வைத்தியசாலைக்கு உள் நுழையும் போது பிரதேச பொது சுகாதார பரிசோதகரின் ஆலோசனையும் பெறப்பட்டுள்ளது. இந் நிலையில், வைத்தியசாலை நுழைவின் போது குறித்த பெண் தனது முகவரியை பேருவளை - அம்பேபிட்டி என தனது தயார் வீட்டு முகவரியை கொடுத்துள்ளார். அந்த முகவரியே, பி.எச்.டி. அட்டையிலும் பதிவு செய்யப்பட்டுள்ளது. பின்னர் பிரசவத்துக்காக பிரசவ அறைக்கு அழைத்து செல்லும் போது தாதி ஒருவர் அப்பெண்ணிடம் ஊர் பெயரை வினவிய போது அவர் பன்வில என தெரிவித்துள்ளார். இதனால் தாதியர்கள் கலவரமடைந்துள்ளனர். ஏனெனில் கொரோனா வைரஸ் தொற்று காரணமாக பேருவளை பகுதியில் முடக்கப்பட்ட பிரதேசமாக பன்வில காணப்படுவதே அதற்கான காரணம். இந்நிலையிலேயே அப்பெண்ணுக்கு கொரோனா தொடர்பிலும் பரிசோதனைகள் முன்னெடுக்கப்பட்டுள்ளன. அதன்போதே அவர் கொரோனாவால் பாதிக்கப்பட்டுள்ளமை உறுதி செய்யப்பட்டதாக களுத்துறை - நாகொட வைத்தியசாலை தகவல்கள் தெரிவித்தன. எனினும் அப்போதும் அவர் குழந்தையை பிரசவித்திருந்துள்ளார். பின்னர் குறித்த தாய் தொடர்பில் விசாரணை செய்த போது, அப்பெண் தனிமைப்படுத்தப்பட்ட பன்வில கிராமத்தில் இருந்து சற்று தொலைவில் வசிக்கின்றமை தெரியவந்துள்ளது. அப்பகுதியில் சுமார் 30 வீடுகள் வரை மிக நெருக்கமாக உள்ளமை அவதனைக்கப்பட்டுள்ளது. எனினும் அப்பகுதி முடக்கப்பட்ட பகுதியல்ல என பிரதேச மருத்துவ அதிகாரி குறிப்பிட்டார். குறித்த தாய் வெளியே நடமாடுவது குறைவு எனவும், அனைத்து வெளித் தேவைகளையும் கணவரே பூர்த்தி செய்துள்ளமையையும் சுகாதார பாதுகாப்புத் தரப்பினர் தேடியுள்ள நிலையில் அவருக்கு எவ்வாறு கொரோனா ஏற்பட்டது என ஆராய்ந்து வருகின்ரனர். அத்தாயின் வீடு அமைந்துள்ள சபா ஸ்கீம் எனப்படும் பகுதிக்கு அண்மையில் உள்ள சிறிய கடை ஒன்றுக்கு பன்வில பகுதி மக்கள் பொருட் கொள்வனவுக்கு வருவதும், அக்கடைக்கு கொரோனாவால் பாதிக்கப்பட்ட நபர் ஒருவர் வந்து சென்றுள்ளமை தொடர்பில் ஏற்கனவே தகவல்கள் வெளிப்படுத்தப்பட்டு, அக்கடை உரிமையாளர் உள்ளிட்டோரும் தனிமைப்படுத்தப்பட்டுள்ளனர் இந் நிலையில் அக்கடையிலேயே குறித்த தாயின் கணவர் பொருட்களை கொள்வனவு செய்வது தெரியவந்துள்ள நிலையில், கொரோனா தொற்றாளரால் பிடிக்கப்பட்ட பொருளொன்றினை கொள்வனவு செய்து வீட்டுக்கு எடுத்துச் சென்றதன் ஊடாக அத்தாய்க்கு தொற்று ஏற்பட்டிருக்கலாம் என சுகதாரத் துறையினர் சந்தேக்கின்றனர். இது தொடர்பில் தொடர்ச்சியாக ஆராய்ந்து வரும் சுகாதார தரப்பினர் தற்போது சபா ஸ்கிம் மக்களையும் தனிமைப்படுத்தி உள்ளனர். https://www.virakesari.lk/article/79284
  12. அத்தியாவசிய பொருட்களை வாங்க, காலை 6.00 மணி முதல் மதியம் 1 மணி வரை மட்டுமே அனுமதிக்கப்படும் என முதலமைச்சர் தெரிவித்துள்ளார். விதிமுறைகளை மீறுபவர்கள் மீது சட்ட ரீதியாக கடுமையான நடவடிக்கை எடுக்கப்படும் என எச்சரித்துள்ளார்.முதலமைச்சர் எடப்பாடி பழனிசாமி வெளியிட்டுள்ள அறிக்கையில், கொரோனா பரவுவதை தவிர்க்க, மதம் சார்ந்த கூட்டங்களை தவிர்த்து சமூக விலகலை கடைபிடிக்குமாறு கேட்டுக்கொண்டுள்ளார். கொரோனாவுக்கு மதச்சாயம் பூசுவதை அனைவரும் தவிர்க்க வேண்டும் என்றும், பாதிக்கப்படுபவர்களையும், அவர்களுடைய குடும்பங்களையும் வெறுப்புணர்வுடன் பார்க்கக் கூடாது என்றும் அவர் அறிவுறுத்தியுள்ளார். பல்வேறு மாவட்டங்களில் தனியார் மருத்துவமனைகள் திறக்கப்படுவதில்லை. மாவட்ட ஆட்சியர்கள் அனைத்து மருத்துவமனைகளையும் அழைத்து பேசி, அவை திறப்பதற்கும் செயல்படுவதற்கும் தேவையான பணியாளர்களை அனுமதிக்க, உரிய வாகன வசதிகளை ஏற்பாடு செய்ய முதலமைச்சர் அறிவுறுத்தியுள்ளார். கொரோனாவுக்கு தனியார் மருத்துவமனையில் சிகிச்சை பெற விரும்பினால், இதற்காக அனுமதிக்கப்பட்ட தனியார் மருத்துவமனைகளில் சிகிச்சை பெற அனுமதிக்கப்படுகிறது என்றும் எடப்பாடி பழனிசாமி குறிப்பிட்டுள்ளார். தனிமைப்படுத்தப்பட்ட குடும்பங்களுக்கு அத்தியாவசிய பொருட்கள் போன்றவற்றை வீடுகளுக்கே சென்று வழங்க அரசு தரப்போடு இணைந்து சமூக ஆர்வலர்கள் செயல்படலாம் என்றும் அவர் கேட்டுக்கொண்டுள்ளார். மக்கள் நடமாட்டத்தை மேலும் கட்டுப்படுத்த, அத்தியாவசிய பொருட்களை வாங்க காலை 6.00 மணி முதல் 2.30 மணி வரை அனுமதிக்கப்பட்டிருந்த கால அளவு குறைக்கப்படுவதாக அவர் கூறியுள்ளார். ஞாயிற்றுக்கிழமை முதல், காலை 6.00 மணி முதல் மதியம் 1.00 மணி வரை மட்டுமே அத்தியாவசிய பொருட்களை வாங்க அனுமதிக்கப்படும் என முதலமைச்சர் தெரிவித்துள்ளார். இதை அனைத்து பொதுமக்களும் கடைபிடிக்குமாறு கேட்டுக் கொண்டுள்ள எடப்பாடி பழனிசாமி, விதிமுறைகளை மீறுபவர்கள் மீது சட்ட ரீதியாக கடுமையான நடவடிக்கை எடுக்கப்படும் என எச்சரித்துள்ளார். https://www.polimernews.com/dnews/105879/கொரோனா-பரவுவதை-தடுக்கமதம்சார்ந்த-கூட்டங்களைஅனைத்து-மதத்தினரும்தவிர்க்க-வேண்டும்--முதலமைச்சர்
  13. இராணுவ வழிமுறைகளை பின்பற்றாத காரணத்தால் பதவி நீக்கப்பட்டுள்ளார் என்பது அரச செய்தி. ஆனால், கடற்படை வீரர்கள் வேலை நீக்கம் செய்யப்பட்டவரை பாராட்டுகிறார்கள்.
  14. கொரோனா நோயாளிகளுக்கு சிகிச்சை அளிப்பதற்காக, தமிழகத்தில் ரயில் பெட்டியில் படுக்கைகள் கொண்ட மருத்துவமனை அமைக்கப்பட்டுள்ளது. அது குறித்த மேலதிக தகவல்களை இந்த காணொளியில் காணலாம்.