Alternative

கருத்துக்கள உறவுகள்
  • Content Count

    378
  • Joined

  • Last visited

Community Reputation

23 Neutral

About Alternative

  • Rank
    உறுப்பினர்

Recent Profile Visitors

1,148 profile views
  1. ஹிஸ்புல்லாவுக்கு எதிராக களத்தில் குதித்த பழங்குடி மக்கள்! திருகோணமலை உப்பூறல் பகுதியில் பதட்டம்!! 2009 இற்குப் பின்னர், தற்போதைய கிழக்கு மாகாண ஆளுநர் ஹிஸ்புல்லாவினால் கையகப்படுத்தப்பட்ட மூதூர் உப்பூறல் பகுதியிலுள்ள தமிழர் காணிகள், மீண்டும் அப்பகுதியிலுள்ள தமிழ் பழங்குடியினரால் இன்று கைப்பற்றப்பட்டுள்ளன . ஹிஸ்புல்லாவால் அபகரிக்கப்பட்ட காணிகளுக்குள் தமிழ் மக்கள் வெகுஜன அமைப்புகளின் உதவியுடன் நுழைந்த தமிழ் பழங்குடியினர் அந்த காணியில் குடிசைகள் அமைத்து தங்கிவருகின்றார்கள். இதனால் அங்கு பதட்டம் ஏற்பட்டுள்ளது. விரைவில் மேலதிக தகவல்கள் https://www.ibctamil.com/srilanka/80/121094?ref=home-imp-parsely தமிழர்களின் நிலங்களை தனது அதிகாரத்தைப் பயன்படுத்தி வளைத்துப் போட முயன்ற ஹிஸ்புல்லாவிற்கு விழுந்த சம்மட்டி அடி!
  2. உங்கள் நம்பிக்கை அப்படியே இருந்து விட்டு போகட்டும். அதனை இன்னும் கொஞ்சம் மெருகூட்டி எந்த இயக்கத்திலுமே உட்படுகொலை நடக்கவில்லை என்று நம்புவது மனதிற்கு நிம்மதி தரும். துணுக்காயில் இருந்த வதைமுகாமில் யாருடைய நகமும் பிடுங்கப் படவில்லை, சும்ம நகம் மட்டும் வெட்டி விட்டார்கள்.
  3. "கந்தன் கருணை" படுகொலை அருணாவின் தலைமையில் நடந்திருந்தாலும் அவர் தனியாளாக அத்தனை தமிழ் இளைஞர்களையும் கொன்றொழித்திருக்கவில்லை. அந்தக் கொலைகளில் சம்பந்த பட்டவர்கள் ஏற்கனவே இவ்வகை கொலைகளிற்கு பழக்கப் பட்டவர்களே. அதற்கு முன் கிட்டு தலைமையில் புலிகள் பகிரங்கமாகவே சகோதரப் படுகொலைகளை செய்து சந்தியில் போட்டு உடல்களை எரித்த போது யாருமே தண்டிக்கப் படவில்லை. இப்போது அந்த தலைமை அதே வகை கோர முடிவைச் சந்தித்த பின்னர் தான் பலருக்கும் அதன் வலி புரியத் தொடங்கியிருக்கிறது.
  4. நீங்கள் குறிப்பிடும் நபர் அருணா என்று நம்புகிறேன். இவர் தான் புலிகள் செய்த 'கந்தன் கருணை' படுகொலையின் கதாநாயகன்.
  5. இனி எதையும் பூசி மெழுகி ஒன்றும் ஆகப் போவதில்லை. இந்தப் படுகொலைகளில் ஈடுபட்ட பலர் பகிரங்கமாக தமது செயலுக்காக மன்னிப்பு கேட்கும் காலமிது. சகோதர படுகொலைகளை ஆதரித்தவர்கள் ஜெனீவாவில் தாம் மதிக்காத மனித உரிமை நீதி கேட்டு இறைஞ்சுவது சகஜமாகி விட்டது. எல்லா இயக்கங்களுமே தற்போதுள்ள வாள்வெட்டு குழுக்களின் பண்புகளுடன் தான் வளர்ந்தன அதே போல எல்லா பெரிய இயக்கங்களும் இந்தியாவால் அதீதமாக வளர்க்கப் பட்டு பயன்படுத்தப் பட்டு பின்னர் அழிக்கப் பட்டன. இன்று நமக்கு முன்னாலுள்ள சவால்கள் புலிகளைப் பற்றியதல்ல என்பதைக் கருத்தில் கொண்டு எல்லா போராளிகளின் தியாகத்தையும் மதிக்கப் பழகுவோம்.
  6. பாரபட்சமில்லாமல் அனைத்து தமிழ் ஆயுதக் குழுக்களாலும் படுகொலை செய்யப் பட்ட அனைத்துப் போராளிகளுக்கும் அஞ்சலிகள்!
  7. அப்பட்டமான நிலபறிப்புகள், அடாவடித் தனங்கள் முஸ்லிம்களால் நிறுத்தப் படா விட்டால் தமிழர்கள் தம்மை பாதுகாத்துக் கொள்ள எல்லா வகையிலும் முயற்சி செய்ய வேண்டிய அவசியம் உள்ளது. கட்சி, பிரதேச வேறுபாடுகளைக் கடந்து ஒன்று படவேண்டிய காலகட்டம்.
  8. கசப்படைந்து வரும் தமிழர் முஸ்லிம் உறவும் எதிர்காலமும் தமிழர்களின் ஆயுதப் போராட்டம் மௌனிக்கப் பட்ட பின் வடக்கிலிருந்து வெளியேற்றப் பட்ட முஸ்லிம்களின் மீள்குடியேற்றம் நடந்தேறிக் கொண்டிருக்கிறது. ஏற்கனவே முஸ்லிம்கள் குடியிருந்த பகுதிகளில் நடத்தப் பட்ட நியாயமான குடியேற்றங்கள் தமிழ் மக்களின் அனுசரணையுடனேயே நடந்தேறின. ஆனாலும் இவை மீள்குடியேற்றம் என்ற போர்வையில் தமிழ் பகுதிகளின் குடிப்பரம்பலையே முஸ்லிம்களுக்கு சாதமாக மாற்றியமைத்து தமிழ் மக்களின் நில வளங்களை கபளீகரம் செய்யும் நிலைக்குச் சென்ற பின்பே தமிழர் தரப்பிலிருந்து எதிர்ப்புகள் வர ஆரம்பித்தன. கடந்த பத்தாண்டு காலமாக முஸ்லிம்களால் போரினால் பாதிக்கப் பட்ட தமிழ் மக்கள் மீதும் பழங்குடி மக்கள் மீதும் திட்டமிட்ட வகையில் கூட்டாக இணைந்து நடத்தப் பட்டு வரும் நில ஆக்கிரமிப்புகள், சமூக சதிவேலைகள் மூலமாக வேலைவாய்ப்பு, கல்வி புறக்கணிப்புகள் அப்பட்டமாக தொடரும் நிலையில் இதற்கு மேல் பொது நியாயம் பேசும் அரசியல் காலம் வேகமாக முடிவிற்கு வந்து கொண்டிருக்கிறது. குடும்பங்களாகவும், விவசாயிகளாகவும், நிலச்சொந்தக்காரர்களாகவும், அலுவலக வேலைகள் மற்றும் கல்வி துறையாளர்களாகவும், வியாபாரிகளாகவும் திருகோணமலை, மட்டக்களப்பு, அம்பாறை மாவட்டங்களில் தமிழ் மக்கள் அன்றாடம் எதிர்நோக்கும் பிரச்சனைகள் பாரிய அளவிலானவை. சிவில் நிர்வாக அலகுகளான பிரதேசசபை, நகரசபை, மாநகரசபை என்பன திட்டமிட்ட முறையில் முஸ்லிம் பகுதிகளுக்கு சாதகமாக எப்படி இலங்கை அரசின் நிர்வாக உதவியுடன் நிறைவேற்றபட்டிருக்கிறது; இன்னும் வரும் தேர்தல்களில் எப்படி தமிழ் பகுதிகள் கபடத் தனமாக புறக்கணிக்கப்பட்டு முஸ்லீம்களின் பகுதிகள் முன்னுரிமை பெறும் வகையில் முன்மொழிவுகள் சமர்ப்பிக்கபட்டுள்ளன என்பதையும் தமிழ் மக்கள் ஆதாரத்துடன் முன் வைக்கிறார்கள். பழங்குடி மக்களின் பாரிய நிலங்களும் சில இடங்களில் முழு கிராமங்களே எப்படி முஸ்லிம்களால் ஏமாற்றப்பட்டு பறிக்கபட்டுள்ளன என்பதை அவர்கள் குமுறலுடன் முன்வைக்கிறார்கள். வடக்கில் மன்னார் மாவட்டத்தில் அரச ஆதரவு, அன்னிய நிதி மூலதனத்துடன் நடந்துவரும் முஸ்லிம் குடியேற்ற திட்டங்கள் அம்மாவட்டத்தின் குடிப்பரம்பலை மாற்றி அமைக்கும் திட்டம் கொண்டது. கூடவே கரையோர மாவட்டம் என்னும் முஸ்லிம்களது கோரிக்கைக்கு மன்னாரை விழுங்கும் திட்டமும் கொண்டது. இன அழிப்பால் கடுமையாக பாதிக்கப்பட்ட மற்றைய வன்னி மாவட்டங்களில் வியாபார பகுதிகளை திட்டமிட்டு கைப்பற்றுவதும், அரச துணையுடன் காடுகளை அழித்து குடியேற்றங்களை செய்வதற்கு தொடர்ந்து முயற்சிகள் நடந்து வருகிறன. இலங்கை தீவில் "நாம் எல்லோரும் இலங்கையர்" என்று கூறிக்கொண்டு எப்படி இலங்கை அரசின் ஆசியுடன் சிங்கள கடும்போக்கு தலைமைகள் தமிழ் மக்கள் மீது தொடர்ந்தும் ஆக்கிரமிப்பை செய்து வருகிறார்களோ அதிலிருந்து சிறிது வேறுபட்டு; தமிழர்களுக்குள் வாழ்ந்து கொண்டு சகோதரர்கள் என்று கூறிக்கொண்டிருக்கும் முஸ்லிம்கள் அத்தமிழ் சமூகத்தை அரித்து வருவதாக தமிழ் மக்கள் உணர்கிறார்கள். சமகால சமூகங்களின் வாழ்நிலைகளுடனும், கலாச்சாரங்களுடனும் சமாந்தர பாதையில் பயணிக்கமுடியாத மூடியவகை சமூக அமைப்பை கொண்டிருப்பதுடன், பழங்கால தீவிர மத அடிப்படைவாத வாழ்முறையை உள்வாங்கிக்கொண்டிருக்கும் முஸ்லிம் சமூகம்; மற்றைய சமூகங்களில் இருந்து அன்னியப்பட்ட வாழ்முறைகளை கொண்டிருப்பதும், அது பின்பற்றும் குழுவாத வாழ்முறையே படிப்படியாக மற்றைய சமூகங்களை தங்களை நோக்கி இழுக்க முயற்சி செய்வது அல்லது குழுநிலை நலனுக்கு ஏற்ப ஆக்கிரமிப்பது என்னும் நிலைக்கு செல்வது தவிர்க்கமுடியாததாகி விடுகிறது. இந்த சமூகம் தனது மதம் சார்ந்த குழுவாத வாழ்நிலையில் இருந்து வெளிவராதவரை, சகமக்கள் பிரிவினருக்கு பெரும் சவாலாகவே இருக்கப்போகிறது என்பது ஒரு கசப்பான உண்மையாகும். தமிழ் சமூகம் பல வழிகளிலும் தனது முறைப்பாடுகளை முஸ்லிம் சமூகத்தை நோக்கியும், தலைவர்களை நோக்கியும் உரக்க கத்திக்கொண்டிருக்கும் இவ்வேளையில், முஸ்லிம் தரப்பில் இருந்து தமிழ் மக்களை நோக்கி ஒரு நியாமான குரலும் கேட்டதாக தெரியவில்லை. இதற்கு மாறாக "தந்திரமாக செயற்பட்டு தமிழரை ஏய்த்தோம்", "வடக்கு கிழக்கு இணைந்தால் இரத்த ஆறு ஓடும்" என்று முஸ்லிம் தலைமை பிதற்றுவது எரியும் நெருப்பில் எண்ணை ஊற்றும் வேலையாகும். தமிழர்கள் இதற்கு மேல் முஸ்லிகளின் இந்த சமூக சந்தர்ப்பவாதத்தை அனுமதிப்பதாக இல்லை. தமிழர்கள் நடத்துவது தமது வளங்கள், உரிமைகள் மீதான தற்காப்பு நடவடிக்கை. முஸ்லிம்கள் ஆக்கிரமிப்பை செய்து கொண்டு தமிழரிடம் அதீத ஜனநாயகத்தை எதிர்பார்க்க முடியாது. தற்காப்பு பற்றி பேசுவது இனவாதமாக அர்த்தப் பட்டுவிடும் என்ற மயக்கத்தில் தமிழர்கள் தொடர்ந்தும் வீழ்ந்து கிடக்க வேண்டிய அவசியம் இல்லை. அதேசமயம், இந்த சந்தர்ப்பத்தை பயன்படுத்தி தமிழ் மக்களை வெறியூட்டி காரியம் சாதிக்க நினைக்கும் இந்து மதவெறி, பெளத்த மதவெறி சக்திகள், இலங்கை அரசின் தமிழ் தொங்கு தசைகள், முஸ்லிம்களை வெறுக்கும் தமிழ் இனவாத சக்திகளிடம் தமிழ் மக்களின் மிகுந்த எச்சரிக்கை அவசியமாகிறது. இச்சக்திகள் வேண்டுமென்றே நிலைமைகளை ஊதிப்பெருக்கி அதை மதப்பிரச்சனையாகவோ அல்லது இனப்பிரச்சனையாகவோ உருவாக்கி தமிழர்களின் நியாமான போராட்டங்களையும், முஸ்லிம்களின் நியாயமான இருப்பையும் அழித்து ஒழிக்கும் நோக்கம் கொண்டவை. வனத்துறை, கடல் அபிவிருத்தி துறை, இராணுவம், கடல்படை, விமானப்படை, தொல்பொருள் ஆய்வுதுறை என்ற பெயரில் சிங்கள பெளத்த அரசால் தமிழ் மக்களின் உரிமைகள், வளங்கள் பெருமளவில் பறிக்கப்பட்டு, அழிக்கப்பட்டுக் கொண்டிருக்கும் இந்த இக்கட்டான காலகட்டத்தில்; கூடவே வாழ்ந்து கொண்டு சகோதர இனம் என்ற ஒரு உயரிய நிலையில் இருந்து தமிழர்கள் மீது முஸ்லிம்கள் செய்துவரும் அத்தனை அநியாயங்களையும் நிறுத்தாவிடின் நிலைமைகள் மோசமடைவது தவிர்க்க முடியாதது. இன்று முஸ்லிம் எதிர்ப்பு என்பது தமிழ் சமூகத்தின் பிரதான பொதுப்புத்தியாக மாறிவருவதை முஸ்லிம்கள் அவதானிக்கத்தவறி தொடர்ந்தும் இதேவகை ஆக்கிரமிப்பு போக்கை மேற்கொள்ளுவார்களேயானால், வர இருக்கும் மோசமான நிலைமைகளுக்கும் அவர்கள்தான் பொறுப்பாளிகள். இன்றைய கால கட்டத்தில் தமிழ், முஸ்லிம் சமூகங்களுக்கிடையில் இருக்கும் இந்த பாரிய முரண்பாடு பற்றியும், அதில் உள்ள நியாயங்கள் பற்றியும் பேசாதவர்கள் இனிவரும் காலங்களில் தமிழ் முஸ்லிம் ஒற்றுமை பற்றி பேசுவதற்கு அருகதை அற்றவர்கள். மறுபக்கம் தமிழ் மக்களை வெறியூட்டி தவறான திசைவழியில் பயணிக்க வைக்க முயற்சிக்கும் தலைமைகள் முற்றாகப் புறக்கணிக்கப் படவேண்டியவர்கள். தமிழ் மக்களே! உங்கள் நிலத்தை ஆக்கிரமித்துள்ளவர்களை வெளியேற்றுங்கள் உங்களின் உண்மை பத்திரங்களின் முன் போலிப் பத்திரங்கள் செல்லுபடியாகதவை, உங்கள் நிலத்திற்காக தொடர்ந்து போராடுங்கள் முஸ்லிம் பெயரிடப்பட்டிருக்கும் ஆக்கிரமிக்கப்பட்ட பழங்குடி மக்களின் கிராமங்கள் பிரதேச சபைகளுக்குள் அடக்கப்பட்டு அங்கீகரிக்கப்பட அனுமதிக்கப்படக்கூடாது இன்றிருக்கும் தமிழ் தலைமைகளில் நம்பிக்கை வைத்து ஏமாறாது, போராட்டத்தை உங்கள் கைகளில் எடுத்துக்கொள்ளுங்கள் நீங்கள் உருவாக்கும் அமைப்பு வடிவங்கள் மட்டுமே உங்களை பாதுகாக்கும் வல்லமை கொண்டவை முஸ்லிம் மக்களே! கிழக்கிலும், வடக்கிலும் தமிழர்களுடனான ஜனநாயாக வாழ்முறை என்பது உங்களின் உயிர்நாடி என்பதை உணர்ந்து கொள்ளுங்கள் எவர் செய்தாலும், தவறை தவறென்றும் சரியை சரியென்றும் பேசும் தன்மையயற்ற ஒரு இருண்ட, மூடிய நிலையில் இருந்து வெளியே வாருங்கள் இஸ்லாம் என்பது உங்கள் மார்க்கம் அதில் தலையிடுவதற்கு யாருக்கும் உரிமை இல்லை. அதன் வழி உருவாகும் உங்களின் வாழ்முறையின் சமூக நீட்சி என்பது சகசமூகங்களின் இருத்தலை கேள்விக்கு உள்ளாக்கும் போது, உங்களின் வாழ்முறை பேசுபொருளாக்கப்படுவது தவிர்க்கமுடியாது போய்விடுகிறது உங்களில் சமூக அக்கறை, ஜனநாயக கூறுகளில் அக்கறை உள்ளவர்கள் வெளிப்படையாக பேச வேண்டியதும் செயலாற்ற வேண்டியதுமான காலமிது. நிலைமைகள் தீவிரமடைந்தபின் அவை நம் கட்டுப்பாட்டை மீறியவையாக மாறிவிடுகின்றன என்பதை உணர்ந்து கொள்ளுங்கள் ஆக்கிரமிப்பு முஸ்லிம்களே! ஆக்கிரமித்துள்ள தமிழர்களின், பழங்குடிகளின் நிலங்களை விட்டு வெளியேறுங்கள்! அத்துமீறி குடியேறி அராஜகம் செய்யும் பகுதிகளில் இருந்து வெளியேற்றப் படுவீர்கள் கிழக்கில் அரசியல்வாதி, அதிகாரி கூட்டில் நடைபெறும் சதி அம்பலத்திற்கு வந்துள்ள நிலையில், இது தொடர்பான சட்டரீதியான நடவடிக்கைகள் எடுக்கப்படும் சிவில் நிர்வாக அமைப்புகளில் செய்யப்படும் சதி வேலைகள் உரிய அமைப்பு முறைமூலம் எதிர்கொள்ளப்படும் மத சமூகமாக குழுவாத அடிப்படையில் இயங்கும் வர்த்தக ஆக்கிரமிப்புகள் இனியும் தொடர முடியாது புதிய திசைகள்
  9. முஸ்லிம் தரப்பிலிருந்து வந்திருக்கின்ற ஓரளவு ஏற்றுக் கொள்ளக் கூடிய ஆக்கம். சூழ்ச்சிகளால் நிறைந்த முஸ்லிம் தலைமை தற்போதைய தமிழரின் நிலையை நயவஞ்சகமாக கையாண்டு வருவதன் எதிர்வினை தான் இன்று தமிழ் முஸ்லிம் முறுகலாக முன்வருகிறது என்பதே உண்மை.
  10. வடகிழக்கு தமிழர்கள் இணைந்து செயற்பட்டால் மட்டுமே இந்த மதவாத அரபு மயமாக்கலைத் தடுக்க முடியும்.
  11. இலங்கை மக்கள், முஸ்லிம்களை நம்பகத் தன்மை அற்றவர்களாகப் பார்ப்ப்தற்கு இந்த ரிஷாத் திருட்டுக் கூட்டம் முக்கிய காரணம்.
  12. மக்கள் குடியிருப்புகளுக்கு மத்தியில் மயானங்கள் தேச உருவாக்கமானது பல்வேறு அடையாளங்களைக் கொண்ட மக்கள் கூட்டின் பரிமாணங்களை தன்னகத்தே கொண்டு தான் வளர்ச்சி பெறுகிறது. ஒரு தேசத்தின் அங்கமாக இருக்கும் வெவ்வேறு மக்கள் திரளின் தனித்துவங்களும் அவர்களது அடையாளங்களும் அவர்கள் சார்ந்த தேசத்திற்குட் பட்டதாக மட்டுமே எப்போதும் பார்க்கப் படவேண்டுமென்ற ஒற்றைப் பரிமாணப் பார்வையானது அடிப்படையில் அந்த மக்களின் உரிமையை மறுக்கும் சிந்தனையே; ஒரு தேசத்தின் பன்முகத் தன்மையை மறுக்கும் இறுக்கமான போக்காகவே பார்க்கப் பட வேண்டும். தமிழ் தேசத்தின் அக முரண்பாடுகளைப் பற்றிப் பேசுவது அல்லது ஒடுக்கப் பட்ட மக்கள் தமது உரிமைப் போராட்டங்களை முன்னெடுப்பது தமிழ் தேசத்தை பலவீனப் படுத்தும் செயலாக பொதுப் புத்தி மட்டத்தில் தவறாகப் புரிந்து கொள்ளப் பட்ட நிலையில், அக ஒடுக்குமுறை பற்றி பேசுவோரையும் குரல் எழுப்புவோரையும் நோக்கி "தமிழன்" எனும் ஏக பரிமாணத்தை மட்டும் ஏற்கும் படி வற்புறுத்துவது ஒரு மக்கள் கூட்டம் தனது அடையாளம் என்னவென்பதை தானே தீர்மானிக்கும் உரிமையை மறுதலிப்பதாகும். இந்த பின்னணியில், மக்கள் குடியிருப்புகளுக்கு மத்தியில் அமைந்துள்ள மயானங்கள் அகற்றப்படும் வரை பல்வேறு தரப்பின் ஆதரவுடன் சமூக நீதிக்கான வெகுஜன அமைப்பினரால் பல வகைகளில் தொடர்ச்சியாகப் போராட்டங்கள் முன்னெடுக்கப்பட்டதன் விளைவாக புத்தூர் மேற்கு கிந்துசிட்டி மயானத்தில் மேற்கொள்ளப்பட்டு வரும் கட்டுமானப் பணிகளுக்கும், இறந்தவர்களின் உடல்களை குறித்த மயானத்தில் எரிப்பதற்கும் யாழ் மேல் நீதிமன்றத்தால் இடைக்கால தடையுத்தரவு பிறப்பிக்கப்பட்டுள்ளது. புத்தூர் மேற்கு கிந்துசிட்டி மயானத்தைச் சுற்றி மக்கள் குடியிருப்புகள் இருப்பதைப் போன்ற நிலை யாழ் குடா நாட்டின் ஏனைய பகுதிகளிலும் உள்ளமையைக் கருத்தில் கொண்டு இந்தப் பிரச்சனைகளுக்கான பொதுத் தீர்வை எட்ட வேண்டிய தேவை உள்ளது. மயானம் அருகே குடியிருப்புகள் என்பது வேறு வழியில்லாத விளிம்பு நிலை மக்களின் தெரிவாகவே உள்ளமையைப் புரிந்து கொண்டு இவ்விடயத்தை வெறுமனே சட்டப் பிரச்சனையாக அல்லாமல் மனிதாபிமான அடிப்படையில் அணுகுவதே தமிழ் தேசத்தின் நலனில் அக்கறை கொண்ட அனைத்து சக்திகளின் செயலாக இருக்க முடியும். மயானங்கள் நவீன மயப் படுத்தப் பட்டு மக்கள் குடியிருப்புகள் இல்லாத பகுதிகளில் அமைக்கப் படுவதன் மூலம் சுமுகமான தீர்வு சாத்தியமாகும். இந்த வகை நவீன மயானங்களைப் பயன்படுதுவதன் மூலம் தேவைக்கதிகமாக உள்ள, அரிதாக இயங்கி வரும் அல்லது கைவிடப் பட்ட மயானங்கள் சார்ந்த நிலப் பகுதிகள் மக்கள் குடியிருப்பு நிலங்களாக மாற்றப் படலாம். இதற்கு மாறாக தமிழ் தலைமைகளின் பாராமுகமும் புத்தூர் மக்களின் போராட்டம் குறித்த வடமாகாண சபையின் அக்கறையற்ற போக்கும் கண்டனத்திற்குரியவை. "மயானம் முதல் வந்ததா அல்லது குடியிருப்புகள் முதல் வந்தனவா" என்ற விவாதங்களுக்குள் சிக்குண்டு போகாமல் தேச அக்கறையுடன் கூடிய மனிதாபிமான முறையிலான அணுகுமுறையே இங்கு பொருத்தமாக இருக்கும். தமிழர்களின் கல்வி, பொருளாதார வளங்கள் மட்டுமல்லாது பெருமளவிலான தமிழர் நிலங்கள் இனவாத அரசினாலும் அவர்களது பங்காளிகளாலும் திட்டமிட்ட வகையில் சூறையாடப் படும் நிலையில் தேசமாக எமது கவனம் அவ்விடயங்கள் குறித்து குவிவதை திசை திருப்பும் வகையில் பெருந்தேசிய வாதிகள் தமது கைங்காரியங்களைச் செய்வார்கள் என்ற அவதானம் எமக்குத் தேவை. தமிழ் தேசமானது இனவாதம், சாதிய ஒடுக்குமுறை, பிரதேசவாதம், மதவாதம் இன்னும் பல அக முரண்பாடுகளை தன்னகத்தே கொண்டிருக்க, இம்முரண்பாடுகளில் ஒன்றை அல்லது சிலவற்றை தேசிய ஒடுக்குமுறைக்கு எதிராக நிறுத்தி பெளத்த சிங்கள பெருந்தேசியத்திற்கு மறைமுகமாக வழிசமைத்து கொடுக்கும் அடையாள அரசியல் இத்தேசத்தில் அரங்கேற்றப்படுகிறது. இது தலித்தியமாக, சாதியமாக, பிரதேசவாதமாக, மதவாதமாக முன்னிறுத்தப்படுகின்றது; குறிப்பான நிகழ்வுகளை பொது உண்மையாக காட்டும் இவ்வகை கவர்ச்சி அரசியலும் சரியாக அடையாளம் காணப்பட வேண்டும். இந்த சூழ்நிலையில் ஆதிக்க சக்திகள் தமிழ் தேசத்தைப் பிளவு படுத்துவதிலும் ஏற்கனவே இருக்கக் கூடிய உள் முரண்பாடுகளை மேலும் கூர்மையடையச் செய்வதிலும் மும்முரமாக ஈடுபட்டு வருகின்றனர். இலங்கை இனவாத அரசின் அங்கமாக இருந்து தமிழ் மக்களை அழிப்பதில் எல்லா வகையிலும் முன்னின்ற ஜேவிபி அணிகள் கூட அதே தமிழ் மக்களின் நலனிற்காக குரல் கொடுக்கிறோம் என்று ஓடிவருவதன் பின்னணி புரிந்து கொள்ளத் தக்கதே. ஆனால் அதையே காரணமாக வைத்து கலைமதிக் கிராம மக்களின் போராட்டத்திற்கு ஆதரவு தரப் பின்னிற்பதாகக் கூறும் தமிழ் சக்திகளின் வாதம் ஏற்றுக் கொள்ளக் கூடியதல்ல. சாதியம் சில அரசியல் தலைமைகளின் வாக்கு வங்கியாக உள்ளமையால் அந்தக் கட்டமைப்பை அப்படியே காப்பாற்றுவதிலும் தாமே அம்மக்களின் ஏகபிரதிநிதிகள் என்று நிறுவ முயல்வதும் அந்த சக்திகளின் நடைமுறையாக உள்ளது. இந்த வகை தலைமைகளால் ஒரு தரப்பு மக்கள் மற்றைய மக்களின் நலன்களுக்கு எப்போதும் நேரெதிரானவர்கள் என்ற தோற்றப்பாடு ஏற்படுத்தப் படுகிறது. இதனை விட இனவாத அரசின் நேரடி மற்றும் மறைமுக முகவர்கள் சமூக வலைத் தளங்களிலும் ஏனைய ஊடகங்களிலும் வெவ்வேறு மக்கள் பிரிவிற்கு கொம்பு சீவிவிடும் வேலையைக் கச்சிதமாகச் செய்து வருகின்றனர். ஒரு தேசம் தனக்குள் இருக்கும் அக ஒடுக்குமுறைகளைக் களையாமல் தனக்குள் ஐக்கியப் படுவதென்பது சாத்தியமில்லை என்ற புரிதலுடன் தமிழ் தேசத்தில் புரையோடிப் போயிருக்கும் அனைத்து அகமுரண்பாடுகளையும் பேசு பொருளாக்குவோம். அக ஒடுக்கு முறைக்குள்ளாகும் மக்கள் மத்தியில் எழும் போராட்டங்கள் எமது சமூகத்தை அடுத்த நிலைக்கு வளர்த்துச் செல்லும் பண்புகளைக் கொண்டிராத பட்சத்தில் அவை பேரினவாதிகளின் நிகழ்ச்சி நிரலுக்குள் விழக் கூடிய ஆபத்தையும் இங்கு குறித்துக் கொள்வது பொருத்தமாக இருக்கும். நன்றி புதிய திசைகள் 25 - 09 -2017