• advertisement_alt
  • advertisement_alt
  • advertisement_alt

nunavilan

கருத்துக்கள நிர்வாகம்
  • Content Count

    43,220
  • Joined

  • Days Won

    31

Everything posted by nunavilan

  1. இரட்டைப் பிரஜாவுரிமை விவகாரம் – சுரேன் ராகவனுக்கு எதிராக முறைப்பாடு இரட்டைப் பிரஜாவுரிமை குறித்து ஶ்ரீலங்கா பொதுஜன பெரமுனவின் தேசிய பட்டியலில் பெயரிடப்பட்டுள்ள முன்னாள் வடக்கு மாகாண ஆளுனர் கலாநிதி சுரேன் ராகவனுக்கு எதிராக தேர்தல்கள் ஆணைக்குழுவில் முறைப்பாடு பதிவு செய்யப்பட்டுள்ளது. இரட்டைப் பிரஜாவுரிமை உள்ளதாக, தமக்கு கிடைத்த தகவலின் பிரகாரமே இந்த முறைப்பாடு பதிவு செய்யப்பட்டுள்ளதாக முறைப்பாட்டினை பதிவு செய்த சிவில் அமைப்பு உறுப்பினர் அலுத்கம இந்ர ரத்ன தேரர் குறிப்பிட்டுள்ளார். எனவே இந்த விடயம் குறித்து தேர்தல்கள் ஆணைக்குழு விசாரணைகளை முன்னெடுக்கும் என நம்புவதாகவும் அவர் குறிப்பிட்டுள்ளார். இதேவேளை, சுரேன் ராகவனுக்கு தேசிய பட்டியல் வழங்கப்பட்ட விதம் குறித்து ஶ்ரீலங்கா சுதந்திரக் கட்சியினர் அதிருப்தி அடைந்துள்ளதாக, சுதந்திரக் கட்சியின் மூத்த உறுப்பினர் பேராசிரியர் ரோஹண லக்‌ஷ்மன் பியதாச தெரிவித்துள்ளார். சுரேன் ராகவனுக்கு தேசிய பட்டியல் வழங்கப்படுகின்றமை குறித்து, சுதந்திரக் கட்சியின் பொதுச் செயலாளர் தயாசிறி ஜயகேரவிடமோ அல்லது வேறு உறுப்பினர்களிடமோ வினவப்படவில்லை எனவும் அவர் குறிப்பிட்டுள்ளார். by : Jeyachandran Vithushan http://athavannews.com/இரட்டைப்-பிரஜாவுரிமை-விவ/
  2. மாகாணசபை தேர்தலில் தமிழ்க்கட்சிகள் ஓர் தலைமையில் போட்டியிட வேண்டும் – இரா.துரைரெத்தினம் எதிர்வருகின்ற மாகாணசபை தேர்தலில் தமிழ்க்கட்சிகள் அனைத்தும் ஓர் தலைமையில் போட்டியிடுவதற்கான வேலைத்திட்டங்களை முன்னெடுக்க வேண்டும் பத்மநாபா மன்றம் ஈ.பி.ஆர்.எல்.எப், முன்னாள் கிழக்கு மாகாணசபை சிரேஸ்ட உறுப்பினரான இரா.துரைரெத்தினம் தெரிவித்துள்ளார் தேர்தல் தொடர்பாக ஊடகங்களுக்கு கருத்து தெரிவிக்கும் போதே அவர் இவ்வாறு குறிப்பிட்டுள்ளார். அங்கு தொடர்ந்து கருத்து தெரிவித்த அவர் “மாவட்டத்திலுள்ள நான்கு இலட்சம் வாக்குகளில் அண்ணளவாக ஒரு இலட்சம் வாக்குகள் முஸ்லிம் வாக்குகளாகவும். மூன்று இலட்சம் தமிழ் வாக்குகளில் இரண்டேகால் இலட்சம் தமிழ் வாக்குகளை அளித்து சிறப்பான திறமை மிகுந்த நான்கு தமிழ் பிரதிநிதிகள் தெரிவு செய்துள்ளமை எம் தமிழினத்திற்கு கிடைத்த ஒரு வெற்றியாகும். எமது தமிழ் மக்கள் வாக்களிப்பின் ஊடாக தங்களது உரிமைகளை நிலைநாட்டுவதற்கு முயற்சிக்க ஆரம்பித்து விட்டார்கள் என்னும் செய்தி இத்தேர்தல் மூலம் சொல்லப்பட்டுள்ளது. ஆயுதப் போராட்டத்தில் நம்பிக்கை வைத்து அதன் ஊடாக எமது உரிமைகளைப் பெற முடியும் என்பதற்காக அனைத்து தமிழினமும் ஓன்று சேர்ந்து போராட்டத்தை வலுவூட்டியதே வரலாறாகும். இந்த நிலையில் ஆயுதப்போரட்டம் நடந்த கால கட்டத்தில் தேர்தலில் வாக்களிப்பில் நம்பிக்கை இழந்த நமது சமூகம் ஆயுதப் போரட்டம் மௌனிக்கப்பட்டதற்குப் பிற்பாடு ஜனநாயக ரீதியான போராட்டத்தை அரசியல் வெகுஜன ரீதியான உரிமைகளைப் பெறுவதற்கு தங்களிடமுள்ள ஒரு வாக்கை ஒவ்வொருவரும் பயன்படுத்தி வெற்றி கொள்ள முடியும். என்ற முன்னேற்றகரமான செயற்பாட்டுக்கு வந்ததென்பது ஜனநாயகத்தில் நம்பிக்கை வைத்த எமக்கு கிடைத்த பெரிய வெற்றியாகும். அவைமட்டுமின்றி பன்முகத்தன்மை கொண்ட நான்கு தமிழ் பிரதிநிதிகளைத் தெரிவு செய்தமை எமது சமூகத்திற்கு நன்மையே தவிர தீமை அல்ல. தமிழ்த்தேசியம் தொடர்பாகவும்,அபிவிருத்தி தொடர்பாகவும் கடந்த காலங்களில் மௌனமாக இருந்தாலும் இன்றைய மாறிவரும் உலகு ஓழுங்கிற்கு அமைவாகஇன்றைய சூழ்நிலையில் தமிழ்த்தேசியமும் பாதுகாக்கப்படுவதோடு அபிவிருத்தி தொடர்பாகவும் ஆளுமை செலுத்துவதற்குரிய அதிகார அரசியலை அமுல் படுத்துவதற்காகவும் மக்கள் முன் வந்தது ஒரு ஆரோக்கியமான சூழலாகும். கடந்த காலத்தில் தமிழ்த்தேசியக் கூட்டமைப்பிற்குள் இருந்த பலம், பலவீனம் காரணமாகவும், சரியான முறையில் திட்டமிட்டு செயல்படாததன் காரணமாகவும் கடந்த நாடாளுமன்ற தேர்தலில் எடுத்த வாக்குகளை விட 45ஐயாயிரத்திற்குக் குறைந்த வாக்குகள் பெறப்பட்டுள்ளன. ஆனால் கடந்த உள்ளூராட்சி சபையில் அண்யளவாக எடுக்கப்பட்ட 80.000ஆயிரம் வாக்குகளுக்குச் சமனாக இம் முறையும் அண்ணளவாக 80,000ஆயிரம் வாக்குகள் பெற்றுக்கொண்தென்பது கடினமான உழைப்பாளிகளுக்கு கிடைத்த வெற்றியாகும்.இந்த விடயத்தை முன்னிறுத்தி கடந்த காலங்களில் செய்த தவறுகளை சுயவிமர்சனம் செய்து கொண்டு எதிர் காலத்தில் அத் தவறுகளை விடாமல் இருப்பதற்கு தமிழ்த்தேசியக் கூட்டமைப்பு நம்பிக்கையுடன் நடவடிக்கைகளை மேற்கொள்ள வேண்டும். இம் மாவட்டத்தில் மக்கள் பிரதிநிதிகளாக தெரிவு செய்யப்பட்ட நான்கு தமிழ் நாடாளுமன்ற பிரதிநிதிகளும் ஆற்றலுடையவர்கள்,பண்பானவர்கள், செயற்திறன் மிக்கவர்கள் என்ற வகையில் தமிழ்சமூகம் சார்ந்த பொதுவான விடயங்களில் இணக்கப்பாட்டுடன் செயற்படுவதற்கான செயல்வடிவங்களை முன்னிறுத்தி செயற்பட வேண்டும். இத்தோடு எதிர்வருகின்ற மாகாணசபை தேர்தலில் கூட தமிழ்க்கட்சிகள் அனைத்தும் ஓர் தலைமையில் போட்டியிடுவதற்கான வேலைத்திட்டங்களை முன்னெடுக்குமாறு தமிழ்த்தேசியக் கூட்டமைப்புக்கு கட்சி தோழர்களுடன் உரையாற்றும் போது அறைகூவல் விடுத்தார். by : Vithushagan http://athavannews.com/மாகாணசபை-தேர்தலில்-தமிழ/
  3. மனோவின் நம்பிக்கை J.A. George ஐக்கிய மக்கள் சக்தியின் தேசியப் பட்டியல் உறுப்பினர்கள் தொடர்பில் அந்தக் கட்சிக்குள் தற்போது சர்ச்சைக்குரிய நிலையொன்று தோன்றியுள்ளது. அது தொடர்பில் நேற்று முன்தினம் இடம்பெற்ற கலந்துரையாடல் வெற்றிப்பெறாத நிலையில் கூட்டணி கட்சிகளில் தலைவர்களில் ஒருவரான மனோ கணேசன் கருத்து வெளியிட்டிருந்தார். வாக்குறுதி அளிக்கப்பட்டவாறு தேசியப் பட்டியல் ஆசனமொன்று வழங்கப்படாவிட்டால், ஐக்கிய மக்கள் சக்தியின் கூட்டணி கட்சிகள் மூன்றின் 15 உறுப்பினர்களுடன் நாடாளுமன்றில் சுயாதீனமாக செயற்படபோவதாக தெரிவித்திருந்தார். குறித்த பிரச்சினைக்கு தீர்வினை பெற்றுக்கொடுக்க இன்று வரை கால அவகாசம் வழங்குவதாகவும் அவர் கூறியிருந்தார். இந்த நிலையில், தற்போது டுவிட்டரில் பதிவொன்றை இட்டுள்ள மனோ கணேசன், ஐக்கிய மக்கள் சக்தியின் தலைவர் மற்றும் கூட்டணி கட்சிகளுடன் இன்று நடைபெறும் கூட்டத்தில் பிளவு ஏற்படாது என, தான் நம்பிக்கை கொண்டுள்ளதாக கூறியுள்ளார். http://www.tamilmirror.lk/செய்திகள்/மனவன-நமபகக/175-254116
  4. ரணில் ராஜினாமா; புதனன்று புதிய தலைவர் ஐக்கிய தேசிய கட்சியின் தலைவரும் முன்னாள் பிரதமருமான ரணில் விக்கிரமசிங்க அக்கட்சியின் தலைவர் பதவியிலிருந்து விலக தீர்மானித்துள்ளதாக அறிவித்துள்ளரென ஐ.தே.க செயலாளர் அகில விராஜ் காரியவசம் தெரிவித்தார். அதன்படி கட்சியின் அடுத்த தலைமைத்துவத்துக்காக ரவி கருணாநாயக்க, தயா கமகே, வஜிர அபேவர்தன ஆகியோர் உட்பட தனது பெயரும் முன்மொழியப்பட்டுள்ளதென அவர் தெரிவித்துள்ளார். சிறிகொத்தவில் இன்று (10) இடம்பெற்ற கட்சியின் விசேட கூட்டத்தின் போது இந்த தீர்மானத்தை ரணில் அறிவித்துள்ளதாக அவர் குறிப்பிட்டுள்ளார். புதிய தலைவராக யாரை தெரிவு செய்வது என்பது தொடர்பான தீர்மானம் எதிர்வரும் புதன்கிழமை எடுக்கப்படவுள்ளதாக அறிய முடிகின்றது. http://www.tamilmirror.lk/பிரசித்த-செய்தி/ரணில்-ராஜினாமா-புதனன்று-புதிய-தலைவர்/150-254121
  5. தமிழினத்தின் கூட்டு ஆன்மாவான தமிழ்த்தேசியம் நெருக்கடிக்குள் சிக்கியிருக்கிறது – பொ.ஐங்கரநேசன் நாடளாவிய ரீதியில் தேர்தல் முடிவுகள் ஒருபுறம் சிங்கள பௌத்த பேரினவாதம் திரட்சி பெற்று ராஜபக்ஷ சகோதரர்கள் அசுரப்பலம் பெற்றிருப்பதை வெளிப்படுத்தியுள்ளது. இன்னொருபுறம் தமிழினத்தின் கூட்டு ஆன்மாவான தமிழ்த்தேசியம் நெருக்கடிக்குள் சிக்கியிருப்பதையும் வெளிப்படுத்தியிருக்கிறது. தமிழ்த் தேசியக் கூட்டமைப்பின் வாக்கு வீழ்ச்சி, அதில் வெற்றி பெற்றுள்ளவர்களின் விடுதலைப்போராட்டம் தொடர்பான கருத்து நிலைப்பாடு, பேரினவாதக் கட்சிகளின் ஒத்தோடித் தமிழ்க்கட்சிகள் மற்றும் பேரினவாதக் கட்சிகள் பெற்றிருக்கும் வாக்குப்பலம் வருங்காலத்தில் தமிழ்த் தேசியம் பன்முகத் தாக்குதலுக்கு ஆளாகவிருப்பதைக் கட்டியங்கூறி நிற்கின்றன என்று தமிழ்த் தேசியப்பசுமை இயக்கத்தின் தலைவரும் பாராளுமன்ற வேட்பாளருமான பொ.ஐங்கரநேசன் தெரிவித்துள்ளார். தமிழ்த் தேசியப் பசுமை இயக்கம் சுயேச்சைக்குழுவாக யாழ்ப்பாணம்-கிளிநொச்சித் தேர்தல் மாவட்டத்தில் போட்டியிட்டிருந்தது. இது தொடர்பாகப் பொ.ஐங்கரநேசன் ஊடகங்களுக்கு அனுப்பிவைத்திருக்கும் அறிக்கையிலேயே இவ்வாறு தெரிவித்துள்ளார். அந்த அறிக்கையில் மேலும், ”தமிழ்த் தேசியப் பசுமை இயக்கம் ஒரு அரசியல் கட்சியாகப் பதிவு செய்வதற்குத் தேர்தல் ஆணையத்திடம் விண்ணப்பித்திருக்கும் சூழ்நிலையிலேயே நாடாளுமன்ற தேர்தலை எதிர்கொள்ள நேரிட்டது. இதற்கு முன்பிருந்தே தேர்தல் கூட்டாக மாத்திரம் அமையாமல் தமிழ்த்தேசியக் கொள்கை மீது பற்றுறுதி கொண்ட கூட்டு முன்னணி ஒன்றை உருவாக்கும் முயற்சியில் நானும் பங்கு கொண்டிருந்தேன். அது கைகூடாத நிலையிலேயே, சுயேச்சை அணியாகப் போட்டியிடுவதிலுள்ள சவால்களை நாம் தெரிந்து கொண்டிருந்தும், இத்தேர்தலில் யாழ்ப்பாணம் தேர்தல் மாவட்டத்தில் சுயேச்சை அணியாகப் போட்டியிடும் தவிர்க்க முடியாத முடிவை நாம் எடுக்க நேரிட்டது. எனினும், சுயேச்சைகளுக்கு வழங்கும் வாக்குகள் வீணானது என்ற பலத்த பரப்புரைகளுக்கு மத்தியிலும் கணிசமான மக்கள் தொகையினர் எங்களை ஆதரித்து வாக்களித்துள்ளனர். இத்தேர்தலில் கட்சிகள், சுயேச்சைகள் என்று போட்டியிட்ட 33 அணிகளில் 11ஆவது இடத்தை எங்களுக்கு வழங்கியுள்ளனர். யாழ்ப்பாணத்தில் ஸ்ரீலங்கா சுதந்திரக்கட்சியின் வேட்பாளர் ஒருவர் தமிழ்த் தேசியக் கட்சிகளின் வேட்பாளர்களைவிடக் கூடுதலான விருப்பு வாக்குகளைப் பெற்றுப் நாடாளுமன்ற உறுப்பினராகத் தெரிவாகியிருக்கிறார். இங்கு பணநாயகம் வென்றிருக்கிறது என்பது வெள்ளிடைமலை. ஆனால், இதனைச் சலுகை அரசியலுக்கான வெற்றியாக மாத்திரமே குறுக்கிப் பார்த்துவிட முடியாது. தமிழ்த் தேசிய விடுதலைப் போராட்டம் முளைவிட்டு எழுச்சி பெற்றமைக்கான காரணங்கள் தெரியாத, போரின் வலியை அனுபவித்திராத ஒரு இளைய தலைமுறை இன்று வாக்காளர்களாகியிருக்கிறார்கள். இவர்களில் கணிசமானோர் தமிழ்த் தேசிய நீக்கத்திற்கு இலகுவில் வயப்பட்டு வருகிறார்கள் என்பதும் ஒரு காரணமாகும் இதற்கான கூட்டுப்பொறுப்பை தமிழ்த் தேசியம் பேசுகின்ற அனைத்துக் கட்சிகளும் ஏற்றுக்கொண்டாகவேண்டும். யாழ்ப்பாணத்தில் மாம்பழம் சின்னத்தில் போட்டியிட்ட எமது அணிக்கு 2128 வாக்குகள் கிடைத்திருக்கின்றன. ஆனால், இதைவிடப் பன்மடங்கு அதிகமாக மாம்பழம் சின்னத்துக்கு அளிக்கப்பட்ட வாக்குகள் நிராகரிக்கப்பட்டிருந்ததாக வாக்கு எண்ணும் நிலையங்களில் இருந்த எமது முகவர்கள் எமக்குத் தெரியப்படுத்தியுள்ளனர். படித்த மாவட்டம் எனப் பெருமை கொள்ளும் யாழ்ப்பாணம் மாவட்டத்தில் சரியான முறையில் வாக்களிக்காததன் காரணமாக 35000 வாக்குகள் வரையில் நிராகரிக்கப்பட்டுள்ளன. தபால்மூல வாக்குகளும் இதில் அடக்கம். விருப்புவாக்கு முறையால் குழப்பம் அடைந்திருக்கும் மக்களுக்கு வாக்களிக்கும் முறை தொடர்பாக தெளிவுபடுத்தியிருக்க வேண்டிய பொறுப்பும் எங்கள் எல்லோரையுமே சாரும். எவ்வாறெனினும், இத்தேர்தலில் தமது நெஞ்சங்களில் எமக்கு ஆசனங்களை வழங்கிய ஆயிரக்;கணக்கானவர்களுக்கும், இத்தேர்தலில் எமக்காக உழைத்த பசுமை உறவுகள் அனைவருக்கும் எமது நன்றிகளைத் தெரிவித்துக்கொள்ளுகிறோம். அத்தோடு, தமிழ்த் தேசியப் பசுமை இயக்கம்; தொடர்ந்தும்; தமிழ்த் தேசியப் பயணத்தில் தடம்மாறாது பயணிக்கும் என்பதையும், தேவைகளின் அடிப்படையில் ஏனைய தமிழ்த் தேசியக் கட்சிகளுடன் இணைந்து பணியாற்றும் என்பதையும் உறுதிபடத் தெரிவிக்கின்றோம்” என்றும் குறிப்பிடப்பட்டுள்ளது. by : Vithushagan http://athavannews.com/தமிழினத்தின்-கூட்டு-ஆன்ம/
  6. சலுகையா உரிமையா என்ற போராட்டத்தில் நாம் சலுகைக்கு இடமளித்து விட்டோம் – சி.வீ.விக்னேஸ்வரன் சலுகையா உரிமையா என்ற போராட்டத்தில் இப்பொழுது நாம் சலுகைக்கு இடமளித்து விட்டோம். எங்கோ இருந்தவர்கள் வந்து இரவிரவாக மக்களுக்கு சலுகைகளைக் கொடுத்து இன்று மக்களால் தெரிவு செய்யப்பட்டிருக்கின்றார்கள் என நீதியரசர் சி.வீ.விக்னேஸ்வரன் தெரிவித்துள்ளார். யாழில் நேற்று மாலை நடைபெற்ற மக்கள் சந்திப்பில் கலந்து கொண்டு கருத்து தெரிவிக்கும் போதே அவர் இவ்வாறு தெரிவித்துள்ளார். அங்கு தொடர்ந்து உரையாற்றிய அவர் ” எமது உரிமைக்காக போராடிய இளைஞர்கள் மடிந்த காலம் போய் வெறும் களியாட்ட நிகழ்வுகளிலே எமது இளைஞர்களுடைய மனம் லயிக்கக் கூடியதான சூழலை ஏற்படுத்துகின்றார்கள். தமிழ்த் தேசியக் கூட்டமைப்பின் அங்கத்தவர்கள் அரசாங்கத்தின் கையாற்களாக மாறினார்கள். அது எதற்காக என்றால் வட கிழக்கு மாகாண தமிழ் மக்களினுடைய மனதை மெல்ல மெல்லமாக மாற்றி உரிமைகளை விட்டு சலுகைகளை நோக்கி செல்ல வைப்பதற்கான சதித்திட்டத்தின் விளைவுதான் இந்த தேர்தலில் ஒரு தீர்மானம் மக்களால் கொடுக்கப்பட்டிருக்கின்றது. இப்பொழுது இருக்கும் இளைஞர்களுக்கு போரினுடைய வலிகள், துன்பங்கள் தெரியாது. ஏனென்றால் போர் நடைபெற்ற காலத்தில் அவர்கள் சிறுவர்களாக இருந்திருப்பார்கள் இப்பொழுதுதான் வாக்களிக்கும் உரிமையைப் பெற்று இளைஞர்களாக உள்ளனர். அவர்களுக்கு என்ன தேவை களியாட்ட நிகழ்வுகளும் போதைப் பொருள் பாவனை போன்ற தற்காலிக சந்தோகங்களில் இருக்கின்றார்களே தவிர வருங்காலத்திலே தமிழ் மக்களுக்கு என்ன நடைபெறப் போகின்றது, தமிழனின் கலாசாரம், பண்பாடு, மொழி இவை அனைத்தையும் அழிக்க துடிக்கின்றார்கள் போன்றவை பற்றிய எந்த சிந்தனையும் கிடையாது. இவ்வாறான ஒரு நிலையிலேயே மக்கள் தீர்மானம் தரப்பட்டிருக்கின்றது. ஆகவே, எமது இளைஞர்கள் இதிலிருந்து விடுபட வேண்டுமாக இருந்தால் பல விதமான நடவடிக்கைகள் எடுக்க வேண்டும். இளைஞர்களுடைய குறிக்கோள்களை மாற்ற வேண்டும். சமூக புரட்சி ஒன்றை ஏற்படுத்த தவறுவோமாக இருந்தால் நாங்கள் அழிந்தவராகிவிடுவோம். வெகுவிரைவிலே இந்த நாட்டிலே சர்வதிகாரம் திளைக்கப் போகின்றது. அதற்குரிய சகல விதமான நடவடிக்கைகளும் எடுக்கப்பட்டு வருகின்றன. அதற்குரிய அத்திவாரம் இடப்பட்டு விட்டது. ஆனாலும் எமது உரிமைகளை நாம் கேட்டே தீருவோம். ஆனால் சிலர் நினைக்கின்றார்கள் அதிகார பலம் அவர்களிடம் சென்றதன் பின்னர் கிடைப்பதைப் பெற்றுக் கொண்டு நாங்கள் வாயை மூடிக் கொண்டு இருந்தால் என்ன என்ற நினைக்கின்றார்கள். சலுகையா உரிமையா என்ற போராட்டத்தில் இப்பொழுது நாம் சலுகைக்கு இடமளித்து விட்டோம். எங்கோ இருந்தவர்கள் வந்து இரவிரவாக மக்களுக்கு சலுகைகளைக் கொடுத்து இன்று மக்களால் தெரிவு செய்யப்பட்டிருக்கின்றார்கள். ஆகவே, கட்சியின் வெற்றிக்காக உழைத்த அனைவரும் இனிவரும் காலங்களில் மக்களின் எழுச்சிக்காக, புரட்சிக்காக பாடுபட வேண்டும் என்று கேட்டுக் கொள்ளுகின்றேன்.” என்றார். by : Vithushagan http://athavannews.com/சலுகையா-உரிமையா-என்ற-போர/
  7. தேசிய பட்டியல் தொடர்பில் முடிவு எடுக்க ஒன்றுகூடும் கட்சிகள் இம்முறை தேர்தல் தேசிய பட்டியல் ஆசனங்களை பெற்றுக்கொண்ட சில கட்சிகள் அது தொடர்பில் முடிவு எடுப்பதற்காக இன்று ஒன்றுகூடவுள்ளனர். பொதுத் தேர்தலில் ஶ்ரீலங்கா பொதுஜன பெரமுன கட்சிக்கு 17 ஆசனங்களும், ஐக்கிய மக்கள் சக்திக்கு 7 ஆசனங்களும், தேசிய மக்கள் சக்தி, ஐக்கிய தேசிய கட்சி, அபே ஜனபல கட்சி, இலங்கை தமிழரசு கட்சி மற்றும் அகில இலங்கை தமிழ் காங்கிரஸ் என்பவற்றிற்கு தலா ஒரு ஆசனமும் வழங்கப்பட்டிருந்தது. ஶ்ரீலங்கா பொதுஜன பெரமுன, அபே ஜனபல கட்சி மற்றும் இலங்கை தமிழரசு கட்சி ஆகிய தேசிய பட்டியல் உறுப்பினர்களின் பெயர்களை வெளியிட்டுள்ளனர். அதனடிப்படையில் ஐக்கிய மக்கள் சக்தியின் தேசிய பட்டியல் தொடர்பில் இன்று இறுதி தீர்மானம் எடுக்கப்படவுள்ளதாக கட்சியின் பொதுச் செயலாளர் தெரிவித்துள்ளார். தேசிய மக்கள் சக்தி மற்றும் ஐக்கிய தேசிய கட்சியின் தேசிய பட்டியல் தொடர்பிலும் இன்று தீர்மானம் எடுப்பதாக தெரிவிக்கப்படுகின்றது. http://tamil.adaderana.lk/news.php?nid=132061
  8. கிளவ்டியா பிரபாகரன்/ Miss England2020
  9. மனோ கணேசன் அவர்கள் கடந்த தேர்தல் பற்றி என்ன கூறுகிறார்??
  10. இதனை இக்களத்தில் எத்தனை பேர் சொல்லி இருப்பார்கள். எத்தனை உறுப்பினர்களை கூட்டமைப்பு இழந்தது என்பதற்கு நல்ல உதாரணம். ஜனநாயகம் என்று சொல்லி விட்டு வாய் கிழிய கத்துவதில் பிரயோசனம் இல்லை. அம்பாறைக்கு ஒரு தமிழ் உறுப்பினர் (இப்போதைய நிலையில்) கிடைத்தால் அளவிலா மகிழ்ச்சி. கருணாவுக்கும் நல்ல ஒரு பதவி கிடைக்க இருப்பதாக கதை உலாவுகிறது. இதன் மூலம் முஸ்லிம்களின் கொட்டத்தை அடக்கலாமா தெரியவில்லை. தமிழ் மக்கள் அரசியல் அனாதைகள் ஆகாமலாவது இருப்பார்கள்.
  11. ஈழவேந்தன் என்பவரும் கனடாவில் (அதிக காலம்) இருந்து பாரளுமன்ற உறுப்பினர் பதவியை இழந்தவர்.
  12. கூட்டாக எவரும் பொறுப்பில்லை என்கிறீர்கள். பிறகெப்படி கஜேந்திரகுமாரும், கஜேந்திரனும் உங்களுக்கு நக்கலாக தெரிந்தார்கள்?? சிங்களவர் தமிழரின் தோலில் செருப்பு செய்து போடுவோம் என்ற சிங்கள பாராளுமன்ற உறுப்பினருக்கு சர்வதேசம் என்ன தண்டனை கொடுத்தது என நீங்கள் எண்ணாதது எனக்கு விந்தையிலும் விந்தையாக உள்ளது. லட்சக்கணக்கில் கொன்ற சிங்கள இனவாதிகளை தத்தமது நாடுகளின் தூதரகங்களில் அனுமதிப்பவர்கள் தமிழர் என்ன சொல்கிறார்கள் என்பதை மட்டும் கவனிக்கிறார்களா?? தாடிமாம்ஸ் தெரிவு செய்யப்பட்டது பற்றி ஒரு சிறு வரி எழுதுங்கள் பார்க்கலாம்
  13. அதை விட தமிழ் மக்களை விற்பவர்கள் பற்றி ஒரு வரியையும் நீங்கள் எழுத கானவில்லையே ஏன்? இதே பாராளுமன்றத்தில் கெகலிய றம்புக்கல கூறிய இனவாத கருத்துக்கு கஜேந்திரன் கூறிய கருத்து பிழையாக உங்களுக்கு தெரிகிறதோ??
  14. ஒரு தேர்தலில் யாழ் மாவட்டத்தில் அதி கூடிய விருப்பு வாக்குகளை எடுத்தவர். கஜேந்திரன் என்னத்தை நாசப்படுத்தியவர்? உங்களுக்கு தமிழ் எழுத வராதா?? அல்லது நக்கலா?? மக்கள் முன்னணி பின்லாந்து 19h · தமிழ்த்தேசிய மக்கள் முன்னணியின் தேசியப் பட்டியல் ஆசனம் தொடர்பான தீர்மானங்களை எடுப்பதற்காக, இன்று இரவு 9.30 மணியளவில் முன்னணியின் பொதுக்குழு கூடியது. இக்குழுவில் 8 மாவட்டங்களின் அமைப்பாளர்கள், உறுப்பினர்கள் ,மற்றும் பிரதிநிதிகள் அங்கம் வகிக்கின்றனர். சுமார் 3 மணிநேரம் நடைபெற்ற கலந்துரையாடலில் அனைத்து மாவட்டப் பிரதிநிதிகள், மத்தியகுழு உறுப்பினர்களின் பேராதரவுடன், கட்சியின் செயலாளர் செல்வராசா கஜேந்திரன் அவர்களை தேசியப் பட்டியலூடாக நியமித்து பாராளுமன்றம் அனுப்புவதென்று ஏகமனதாக தீர்மானம் நிறைவேற்றப்பட்டது. வன்னி. மட்டக்களப்பு, திருமலை, அம்பாறை மாவட்டங்களைப் பிரதிநிதித்துவப் படுத்தி தனது பணிகளை செல்வராசா கஜேந்திரன் மேற்கொள்ள வேண்டும் என்று பொதுக்குழு பரிந்துரை செய்தது. இது தொடர்பாக நாளை பத்திரிகையாளர் மாநாடொன்று நடாத்துவது என்றும் தீர்மானிக்கப்பட்டது. மேலதிக தகவல்களை நாளைக்கு அறியத்தருகிறோம்.
  15. கூட்டமைப்பின் வீழ்ச்சி (யாழ் மாவட்டம்) 2013 மாகாணசபை தேர்தல் 213,907 - 84% 2015 பாராளுமன்றத் தேர்தல் 297,463 - 78% 2018 உள்ளூராட்சித் தேர்தல் 178,321 - 35% 2020 பாராளுமன்றத் தேர்தல் 112,967 - 31%
  16. மாமனிதர் இரவிராஜ் அண்ணர் அவர்களின் உருவச்சிலைக்கு அஞ்சலி செலுத்திய பின் திருமதி. சசிகலா இரவிராஜ் அவர்களை அவருடைய இல்லத்தில் சந்தித்து அவருக்கு அநீதி இழைக்கப்பட்டிருக்குமானால் நியாயம் கிடைக்கும் வரையில் அவருடன் கட்சிபேதமின்றி குரல் கொடுத்து முன்னிற்பேன் என உறுதி கூறினேன்..