Jump to content

nunavilan

கருத்துக்கள நிர்வாகம்
  • Posts

    47782
  • Joined

  • Days Won

    33

Posts posted by nunavilan

  1. இக்கலவரத்தின் காரணமாக அமெரிக்கா மோதியை தடை செய்தது. பிரதமர் ஆகியதும் அத்தடையை எடுத்தது. பிபிசி தெரிந்தே இதனை மறைத்து எழுதுகிறது.

  2. 12 முறை அவகாசம் எதற்கு? 
    காலம் நிறைய தேவை எனில் ஒரு தடவையில் எடுத்திருக்கலாம்.எதையோ மூடி மறைக்கத்தான் இவ்வளவு கால அவகாசம் எடுக்கிறார்களா?

  3. உக்ரேனுக்கு அள்ளி கொடுக்கும் நாடுகள் மருத்துவ உதவிக்காவது கிள்ளி கொடுத்து உதவலாம்.

  4. ஒரு அரசு வேலைகளை மெக்சிக்கோவுக்கு நகர்த்தியது. மற்ற அரசு வந்து வேலி போட்டது. 30 மில்லியனுக்கு மேற்பட்டவர்கள்  சட்டவிரோதமாக அமெரிக்காவில் வாழ்கிறார்கள்.  அகதிகள் இப்படி பரிதாபகரமாக இறப்பது மட்டும் நிற்கவில்லை.

  5. அபாயகரமான கட்டத்தை நோக்கிச் செல்கிறது இலங்கையின் பொருளாதாரம்

     

     

     

    புதிய மேலாளர்கள் போதுமான மனிதாபிமான உதவிகளை உருவாக்குவதற்கும் பற்றாக்குறையைக் குறைப்பதற்கும் தவறினால் , நாடு குழப்பமாகவும் அராஜகமாகவும் மாறும். மக்களின் சகிப்புத்தன்மைக்கும் எல்லை உண்டு. முல்லைத்தீவில் எரிபொருளைப் பெறுவதற்காகக் காத்திருக்கும் தமிழ்க் கூட்டத்தைக் கலைப்பதற்காக இராணுவத்தினர் வானத்தை நோக்கிச் சுட்டதை ஏற்கனவே கேள்விப்பட்டிருக்கிறீர்களா? தெற்கில் பொலிஸார் பொறுப்பேற்கும் போது வடக்கில் இராணுவம் ஏன்? ஏன் இந்தப் பாகுபாடு? நெருக்கடியை தவறாக சித்திரித்து அதை ஓர் இனவாதப் பிரச்சினையாக மாற்றுவதற்கு திரைக்குப் பின்னால் ஏதாவது தீய மற்றும் கொடூரமான செயற்பாடுகள் உள்ளனவா?

    கலாநிதி அமீர் அலி

    எதிர்மறையான பொருளாதார வளர்ச்சி மற்றும் நுகர்வோருக்கான அத்தியாவசியப் பொருட்களுக்கான பற்றாக்குறையுடன், கண்டறிப்படாததும் அபாயகரமானதுமான பகுதிக்குள் இலங்கை நகர்ந்து கொண்டிருக்கிறது. பொருளாதார நெருக்கடி இப்போது மனிதாபிமான நெருக்கடியாக மாறியுள்ளது. விநியோகத் தட்டுப்பாடு தளர்த்தப்படாவிட்டால் மற்றும் நுகர்வோர் வரிசைகள் குறைக்கப்படாவிட்டால் நிலைமை விரைவில் சட்டம்-ஒழுங்கு தொடர்பான நெருக்கடியாக உருவாகலாம். இரண்டு மடங்கு பின்னடைவான விளைவுகளை நாடு எதிர்கொள்கிறது.

    B-3-300x169.jpg

    உள்நாட்டில் சுயமாக ஏற்படுத்திக்கொள்ளும் பேரழிவு, தொழில் துறை பொருளாதாரங்களால் ஏற்றுக்கொள்ளப்பட்ட பணவீக்க எதிர்ப்பு நடவடிக்கைகளால் எழும் பாதகமான சந்தை எதிர்வினையுடன் ஒத்துப்போகிறது. முதன்முதலில் பேரழிவைக் கொண்டு வந்த ஒரு பிரபலமற்ற ஆனால் எதேச்சதிகார ஜனாதிபதியான கோத்தாபய ராஜபக்ஷவுடன் இணைந்து பணியாற்ற வேண்டிய ஒரு தேவைப்பாட்டை திருப்திப்படுத்தும் பிரதமரின் தலைமையில் மாற்றியமைக்கப்பட்ட மேலாளர்கள் குழுவுக்கு குறைந்தபட்சம் கூறுவது ஒரு கனவாக இருக்கும். இலங்கை மத்திய வங்கியின் ஆளுநரின் பதவிக்காலம் குறித்த மோதல் வெளிப்படுவதால், இரு தலைவர்களுக்கிடையிலான தொழில் ரீதியான உறவுகள் மோசமடைந்துள்ளதாக தெரிவிக்கப்படுகிறது.

    உக்ரைனில் நடந்த போரினால் ஏற்பட்ட பொருளாதார நடவடிக்கைகளில் விநியோக இடையூறுகளும் மந்த நிலையும் தொழில்மயமான உலகில் பணவீக்கத்தின் தீமை மற்றும் அதன் அவலட்ச ணமான தலையை உயர்த்த இடமளித்ததுடன் பணவீக்கத்துக்கு எதிரான போராட்டம் வட்டி வீதங்களை உயர்த்துவதற்கான வழக்கமான பாதையை எடுத்துள்ளது. 1994 க்குப் பிறகு முதல் முறையாக அமெரிக்கா அதை 0.75% உயர்த்தியது, அவு ஸ்திரேலியாவும் அதையே செய்தது, பிரிட்டன் 1.75% மாக உயர்த்தியது மற்றும் ஐரோப்பிய ஒன்றியம் எதிர்வரும் நாட்களில் 50 அடிப்படைப் புள்ளிகள் உயரும் என்று யோசனை செய்து வருகிறது. இந்த அதிகரிப்புகள் பொருட்களின் விலைகளில் தாக்கத்தை ஏற்படுத்தும். மேலும் இலங்கை போன்ற இறக்குமதி சார்ந்த பொருளாதாரத்துக்கு இது இறக்குமதி பொருட்களின் விலைகளில் அதிகரிப்பு மற்றும் ரூபாவின் பெறுமதி மேலும் குறைவடைதல் வாழ்க்கைச் செலவை உச்சகட்டமாக அதிகரிக்கச் செய்யும் உணவு, எரிபொருள், மருந்து மற்றும் ஏனைய தேவைகளில் பற்றாக்குறையுடன் ஏற்கனவே உயிர் வாழப் போராடிக்கொண்டிருக்கும் மக்களுக்கு இது மிகவும் வேதனையான வாழ்க்கையை ஏற்படுத்தும். நல்ல நிலைக்கு வருவதற்கு முன் விட யங்கள் மோசமாகி விடும் என்ற ரணில் விக்கிரமசிங்கவின் எச்சரிக்கை ஒப்புவமையற்ற தீவிரத்தன்மையை உணரவைக்கப் போகிறது.

    SL-Economy.png
    கடன் மறுசீரமைப்புடன் கூடிய ஆவலுடன் எதிர்பார்க்கப்படும் சர்வதேச நாணய நிதிய ஸ்திரப்படுத்தல் பொதி மற்றும் அதன் விபரங்கள் இன்னும் தாமதமாகி உள்ளன. நடைமுறைக்கு வர ஒரு வருடம் இல்லையென்றால் குறைந்தது மாதங்களாவது ஆகும். அப்படியிருந்தும், குறைந்த வருமானம் பெறுபவர்கள் மற்றும் ஏழைகளுக்கு உடனடி நிவாரணத்துக்கான தாராளமான ஏற்பாடுகளுடன் அந்தப் பொதி வராத வரை, பெரும்பான்மையான மக்களின் வாழ்க்கை வசதியாக இருக்காது.

    சர்வதேச நாணய நிதியத்தின் தீர்வு நீண்ட காலத்துக்கு சிறப்பாக செயற்படுகிறது மற்றும் மக்கள் எதிர்கொள்ளும் உடனடி பிரச்சினைகளைத் தீர்க்க உதவாது. சர்வதேச நாணய நிதியத்தின் சீர்திருத்தங்கள் செயற் பாட்டுக்கு வருவதற்கு முன் உலக வங்கி மற்றும் ஆசிய அபிவிருத்தி வங்கியிடம் இருந்து நிதி திரட்டுவது விரைவுபடுத்தப்பட வேண்டும்.

    ரணில் விக்கிரமசிங்கவும் இலங்கை மத்திய வங்கியின் தலைவரும் ஏற்கனவே நாணய நிதிய ஆலோசகர்களுக்கு ஏற்றுக்கொள்ளக்கூடிய வகையில் சில நிதி மற்றும் பண நடவடிக்கைகளை அறிமுகப் படுத்தியுள்ளனர். இந்த நடவடிக்கைகள், பரும்படியாக்க பொருளாதார ஸ்திரத்தன்மையை அடைவதற்கு அவசியமானவை என்றாலும், அவை நுகர்வோரின் பொருளாதார வலியை கணிசமாக அதிகரிக்கும். இந்தச் மறுசீரமைப்புகள் தற்போது குடும்பங்களை முடக்கும் விநியோகத் தட்டுப்பாட்டைக் குறைக்கப் போவதில்லை. எனவே, அடுத்த பன்னிரண்டு மாதங்களில், உலகில் எங்கிருந்தும் உணவு, எரிபொருள், மருந்து மற்றும் இதர அத்தியாவசியப் பொருட்கள் மூலம் நாட்டுக்கு நேரடி மனிதாபிமான உதவி தேவைப்படுகிறது. குறிப்பிட்ட வட்டத்துக்கு வெளியே சிந்திக்க வேண்டிய தருணம் வந்துவிட்டது.

    அத்தகைய உதவி இல்லாவிட்டால், ஐ.நா. வின் மனிதாபிமான விவகாரங்களுக்கான ஒருங்கிணைப்பு அலுவலகத்தின் செய்தித் தொடர்பாளர் ஜென்ஸ் லற்கே கருத்துப்படி, இலங்கை “முழு நிலையில் மனிதாபிமான அவசரநிலை”யில் இருக்கும். பதிவு செய்யப்பட்ட வரலாற்றில் இது போன்ற மோசமான சூழ்நிலையை ஒருபோதும் எதிர்கொள்ளாத ஒரு தீவுக்கு எத்தகைய அதிர்ஷ்டங்கள் அல்லது துரதிர்ஷ்டங்கள் வருகின்றன . இந்தப் பேரிடருக்கு உடனடிக் காரணமான பொருளாதார மேலாளர்கள் இப்போதும் ஆட்சியில் இருப்பதுதான் வேடிக்கை.

    இதுவரை இந்தியாவும், குறைந்தளவில் சீனாவும் மட்டுமே கைகொடுக்க முன் வந்துள்ளன. உதவி செய்ய அவர்கள் தயாராக இருப்பதற்கான காரணம் பரோபகாரத்திலும் பார்க்க புவிசார் அரசியலின் எல்லை வீச்சுக்குள் விழுகிறது. ஜப்பானும் உதவுவதாக உறுதியளித்துள்ளது. அவசர கால உணவுத் திட்டத்துக்கு 50 மில்லியன் டொலர்களை வழங்க அவுஸ்திரேலியா முடிவு செய்துள்ளது. எவ்வாறாயினும், ஒரு சிலரைத் தவிர, மற்றவர்களிடமிருந்து உதவிகள் அவ்வளவு எளிதாகவும் தாராளமாகவும் கிடைக்காது. இது இலங்கையின் வெளியுறவுக் கொள்கை சரியான பாதையில் அமைக்கப்பட்டுள்ளதா என்று சிந்திக்க வைக்கிறது.

    எரிபொருள் நெருக்கடியானது பொருளாதாரத்தின் கிட்டத்தட்ட அனைத்து துறைகளின் இயல்பான செயல்பாட்டை சீர்குலைத்துள்ள நிலையில் ஒபெக் (அரபு பெற்றோலிய ஏற்றுமதி நாடுகளின் அமைப்பு) நாடுகளுடன் இலங்கை தனது மிகவும் நட்புறவைப் பேணியிருந்தால் நிலைமை என்னவாக இருந்திருக்கும் என்று ஒருவர் ஆச்சரியப்படுகிறார். சில காலங்களுக்கு முன்பு, ஜே.ஆர். ஜனாதிபதியாக இருந்த தருணத்தில் இதே போன்ற நெருக்கடி ஏற்பட்டபோது, அவர் உடனடியாக தனது வெளியுறவு அமைச்சர் ஹமீதை லிபியாவுக்கு அனுப்பினார், மேலும் கடாபி தனது விருந்தினரை வெறுங்கையுடன் திருப்பி அனுப்பவில்லை. ஜே.ஆருக்கு முன்னர், சிறிமாவோவின் இடதுசாரிக் கூட்டணி அரசாங்கத்தின் போது அந்நியச் செலாவணி நெருக்கடி ஏற்பட்டபோது, அவரது கல்வி அமைச்சர் மஹ்மூத் தான் மத்திய கிழக்கு நாடுகளுக்கு உதவியைப் பெற அனுப்பப்பட்டார். இது அந்த நெருக்கடியை தற்காலிகமாக குறைக்க உதவியது. இன்றும், இலங்கையின் மேலதிகமாக இருக்கும் தொழிலாளர்களுக்கு வேலைவாய்ப்பை வழங்குவது மத்திய கிழக்கு நாடுகள் தான். அந்த உழைப்பில் இருந்து உழைத்து சம்பாதித்த டொலர்கள்தான் திறைசேரியின் கஜானாவை குறைந்த பட்சம் ஒரு குறிப்பிட்ட அளவுக்கு நிரப்புகிறது. எரிபொருள் தட்டுப்பாடு நிலவும் இவ்வேளையில் புதிய பொருளாதார முகாமையாளர்கள் மத்திய கிழக்கிற்கான முஸ்லிம் பிரதிநிதிகள் குழுவைப் பற்றி ஏன் சிந்திக்கவில்லை?

    உண்மையைச் சொல்வதென்றால், தற்போதைய வெளிவிவகார அமைச்சர் உலகின் அந்தப் பகுதிக்கு அனுப்பப்படுவதற்கு சரியான ஆள் அல்ல, அவர் ஒரு முஸ்லிம் இல்லை என்பதற்காக அல்ல, மாறாக அவரின் உணர்திறன் இல்லாமை மற்றும் ஜி.ஆரின் தலைமைத்துவத்தின் கீழ் உள்ளூர் முஸ்லிம் சமூகத்துக்கு இழைக்கப்பட்ட அநீதிகளுக்கு இணங்குவதால். முஸ்லிம் உலகத்துடன் சிறப்பாக இல்லை . 2020 இல் ஜெனிவாவில் ஐ. நா. மனித உரிமைகள் பேரவையின் கூட்டத்துக்கு முன்னதாக இலங்கைக்கு எதிரான இஸ்லாமிய ஒத்துழைப்பு அமைப்பின் தீர்மானம் அரபு நாடுகளுடன் உறவு சீர் செய்யப்பட வேண்டும் என்று அரசாங்கத்தை எச்சரித்திருக்க வேண்டும். இது முஸ்லிம்கள் அல்லது இஸ்லாத்தின் குறுகிய நலன்களுக்காக கடந்த காலத்தை மீண்டும் எழுப்புவதற்காக அல்ல, மாறாக அவசர காலத்தில் அந்தப் பிராந்தியத்தின் கலாசார நுணுக்கங்களை கவனத்தில் கொள்ள வேண்டும். அரபு மத்திய கிழக்கு நாடுகளுடனான இலங்கையின் உறவுகளை மீளச் சிந்திப்பதற்கு எரிபொருள் நெருக்கடி ஒரு நல்ல வாய்ப்பை வழங்குகிறது. ஒரு பழைய தமிழ் பாடல் வரி உள்ளது: ஆடுகிற மாட்டை ஆடி கறக்கணும், பாடுகிற மாட்டை பாடிக் கறக்கணும்…
    அணிசேரா அமைப்பிலிருந்து ராஜபக்ஷ ஆட்சி விலகி இருப்பதும், இந்தியா, மேற்கு நாடுகள் மற்றும் ஏனைய நாடுகளின் இழப்பில் சீனாவின் பக்கம் சாய்வதும் தற்போது விலை உயர்ந்தது என்பது நிரூபணமாகியுள்ளது. இந்தியா நெருங்கி வருகிறது என்பதில் சந்தேகமில்லை. ஏனென்றால் அது மறைமுகமான நோக்கங்களைக் கொண்டுள்ளது. இந்தியாவை விஞ்ச சீனாவும் தொடர்ந்து உதவி செய்யும். ஆயினும்கூட, இலங்கையின் வெளியுறவுக் கொள்கை ஆட்சிக்கு புதிய ஏற்பாடு தேவை. குறிப்பாக கடந்த மூன்று வருடங்களில் அரபு-இலங்கை உறவுகளில் கணிசமான பாதிப்புகள் ஏற்பட்டுள்ளன. அதற்கு தீவிரமான பரிகாரம் தேவை. அதற்கு அவர்கள் பணியமர்த்தப்பட்ட பகுதியின் மொழியில் சரளமாகத் தெரிந்திருக்கக்கூடிய உயர் தகுதி வாய்ந்த மற்றும் தொழில் முறை இராஜதந்திரிகளின் குழு தேவைப்படுகிறது. நாட்டில் தற்போது ஆங்கிலம் தவிர எத்தனை வெளிநாட்டு மொழி பேசும் தூதர்கள் உள்ளனர்? முழு வெளியுறவுக் கொள்கைத் துறையிலும் ஒரு மறுசீரமைப்பு தேவை.

    அரசியலையோ, சித்தாந்தத்தையோ பொருளாதாரத்துடன் கலப்பதற்கான நேரம் இதுவல்ல. உடனடியாக, மக்கள் மற்றும் குறிப்பாக பிள்ளைகளின் வாழ்க்கை ஆபத்தில் உள்ளது. யுனிசெப் பேச்சாளரின் கூற்றுப்படி, தெற்காசியாவிலேயே பிள்ளைகள் ஊட்டச்சத்தின்மையில் இலங்கை இரண்டாவது இடத்தில் உள்ளது. இந்தச் சிறுவர்கள் நாட்டின் எதிர்கால சொத்து. புதிய மேலாளர்கள் போதுமான மனிதாபிமான உதவிகளை உருவாக்குவதற்கும் , பற்றாக்குறையைக் குறைப்பதற்கும் தவறினால் , நாடு குழப்பமாகவும் அராஜகமாகவும் மாறும். மக்களின் சகிப்புத்தன்மைக்கும் எல்லை உண்டு. முல்லைத்தீவில் எரிபொருளைப் பெறுவதற்காகக் காத்திருக்கும் தமிழ்க் கூட்டத்தைக் கலைப்பதற்காக இராணுவத்தினர் வானத்தை நோக்கிச் சுட்டதை ஏற்கனவே கேள்விப்பட்டிருக்கிறீர்களா? தெற்கில் பொலிஸார் பொறுப்பேற்கும் போது வடக்கில் இராணுவம் ஏன்? ஏன் இந்தப் பாகுபாடு? நெருக்கடியை தவறாக சித்திரித்து அதை ஓர் இனவாதப் பிரச்சினையாக மாற்றுவதற்கு திரைக்குப் பின்னால் ஏதாவது தீய மற்றும் கொடூரமான செயற்பாடுகள் உள்ளனவா?

    சில காலத்துக்கு முன்னர், நியூயோர்க்கில் உள்ள ஐ.நா.செயலாள ர் நாயகத்தை சந்தித்தபோது , புலம்பெயர்ந்த தமிழ் உறுப்பினர்களை சந்தித்து தமிழர் பிரச்சினைகள் பற்றிப் பேசுவதாக ஜி.ஆர். உறுதியளித்தார். அது நடக்கவே இல்லை. அண்மையில், தமிழ் தேசியக் கூட்டமைப்பு பாராளுமன்ற உறுப்பினர் ஒருவர் நாட்டுக்கு எந்த ஒரு பயனாளியிடமிருந்தும் உதவி தேவைப்படும் வேளையில், புலம்பெயர் தமிழர்களிடம் பொருளாதார அல்லது நிதி உதவியைப் பெற இலங்கை அரசாங்கம் தயாராக இல்லை என்று தனது ஏமாற்றத்தை சுவிட்சர்லாந்திலிருந்து வெளிப்படுத்தியிருந்தார் . ஆட்சியாளர்கள் தரப்பில் ஏன் இந்தக் குறுகிய மனப்பான்மை?

    இலங்கை வங்கியின் 14ஆவது ஆளுநர் கலாநிதி இந்திரஜித் குமாரசுவாமி, வங்கியால் ஏற்பாடு செய்யப்பட்ட ஒரு குழுநிலை கலந்துரையாடலில் , தற்போதைய பேரழிவின் தோற்றத்தை சுருக்கமாகக் கூறிய துடன்,சர்வதேச நாணய நிதியத்தின் கட்டமைப்பு சீர்திருத்தங்களின் வெற்றியில் நம்பிக்கையையும் வெளிப்படுத்தினார். அரசாங்கங்களால் உருவாக்கப்பட்ட அதிகப்படியான தேவை திறைசேரியின் கஜானாவுக்கு வடிகாலை ஏற்படுத்தியது என்ற கசப்பான உண்மையை அவர் சுட்டிக்காட்டினார். பொருளாதார மேம்பாடு என்ற பெயரில் வெள்ளை யானைகளை உருவாக்கி பராமரிக்கும் திட்டங்களால் அந்தக் கோரிக்கை உருவாக்கப்பட்டது – ஆளுநர் இராஜதந்திர ரீதியில் குறிப்பிடுவதைத் தவிர்த்தார். ராஜபக்ஷ ஆட்சி இந்த வீண் விரயத்துக்கு பெயர் போனது. இப்போதும் கூட, பட்ஜெட் செலவின சம்பளத்தில் கிட்டத்தட்ட 50 சதவீதத்தை உட்கொள்ளும் 300,000 இராணுவத்தை பராமரிப்பதில் என்ன பயன்? இந்தத் தேவையற்ற ஊதாரித்தனத்துக்கு மக்கள் தங்கள் குறைந்தபட்ச வசதியைப் புறக்கணிப்பதன் மூலம் விலை செலுத்து கிறார்கள். சர்வதேச நாணய நிதியத்தின் கட்டமைப்பு சீர்திருத்தங்கள் மூழ்கும் கப்பலை நிலைநிறுத்துவதற்கு காலத்தை எடுக்கும். உடனடி கவலை என்னவென்றால், குடும்பங்களின் அன்றாடத் துன்பங்களுக்கு நிவாரணம் வழங்க வேண்டும். அதனால்தான் வழமைக்கு மாறாக சிந்திக்க வேண்டும்.

    கொழும்பு டெலிகிராப்

    https://thinakkural.lk/article/186398

    • Like 1
  6. 21’ எதிர்பார்ப்புகள் ஏமாற்றங்கள்; துரோகங்கள்!

     

     

     

    நஜீப் பின் கபூர்

    “இங்கு அரசியல் மற்றும் கட்சி யாப்புக்கள்; தலைவர்கள்

    தன்னலத்தை மையமாக வைத்தே உருவாக்கப்படுகின்றன”

    பொதுவாக நாடுகளின் அரசியல் யாப்பு என்பது அந்த நாட்டு மக்களினதும் தேச நலனையும் மையமாக வைத்து வடிவமைக்கப்படுகின்ற வழிகாட்டலாகத்தான் இருக்க வேண்டும். இதற்குச் சமாந்திரமான இன்னும் பல விளக்கங்கள் சொல்லப்படலாம். அவை என்ன வார்த்தைகளில் உச்சரிக்கப்பட்டாலும் பொதுவான கருத்து இப்படியாகத்தான் அமைய முடியும்.

    அரசர்கள் நம்மை ஆட்சி செய்த காலத்தில் அவர்களின் விருப்பு-வெறுப்புக்கு ஏற்றவாறு சட்டங்கள் நாட்டில் அமுலில் இருந்திருக்கலாம்.ஆனால் அவர்கள் கூட நாட்டு நலன்களையும் குடிகளின் நலன்களையும் மையமாக வைத்துத்தான் நாட்டை முன்னெடுத்திருக்கலாம்.நாம் படித்த வரலாற்றுப் புத்தகங்களில் தன்னலத்தையும் தனது குடும்ப நலன்களையும் மட்டுமே மையமாக வைத்து ஆட்சி செய்தவர்கள் என்ற குற்றச்சாட்டு நாட்டில் எந்த அரசருக்கும் இருந்ததாக நம் காணவில்லை.அப்படி இருந்திருந்தால் உதாரணத்துக்கு அவர்களது நாமங்கள் இன்று நாட்டில் உதாரணமாக உச்சரிக்கப்பட்டிருக்கும்.

    ஐரோப்பியர் நம்மை ஆட்சி செய்த காலங்களில் அவர்கள் தங்களது தேச நலன்களுடன் உள்நாட்டு மக்களின் சமூக நலன்களையும் கருத்தில் கொண்டுதான் இங்கு சட்டங்களை அமுல்படுத்தி இருக்கின்றார்கள்.இதற்கு டச்சு ரோமனியச் சட்டங்கள் குறிப்பாக பிரித்தானிய காலத்தில் ஆங்கிலச் சட்டங்களை கூறலாம். அதே நேரம் தமது மதங்களை குடியேற்ற நாடுகளில் பரப்புகின்ற நோக்கிலும் அவர்கள் சட்டத்துறையில் நெளிவு சுளிவுகளை ஏற்படுத்தி ஊக்குவித்தார்கள் என்பதையும் மறுக்க முடியாது.

    ஆனால் முற்று முழுதாக தன்னலத்தையும் குடும்ப நலத்தையும் கருவாகக் கொண்டு உலகில் அரசியல் யாப்புக்கள் உருவாக்கப்பட்டிருக்கின்றன என்று நாம் ஆபூர்வமாகத்தான் பார்க்க முடியும்.அதுவும் மன்னராட்சி காலத்தில்-நாடுகளில் தான் அது நடந்திருக்கும்.! நவீன சிந்தனையும் எண்ணக்கருவும் ஆதிக்கம் செலுத்துகின்ற இந்த காலத்தில் தன்னலத்தையும் குடும்ப நலத்தையும் மையமாக வைத்து ஆட்சியாளர்கள் யாப்புக்களை உருவாக்கி தேசத்தை பாதாளத்துக்கே இட்டுச் சென்ற வரலாறு நமது நாட்டில்தான் அமைந்திருந்ததை நாம் பார்க்க முடியும்.

    இதற்கு நாம் தற்போதைய ஆட்சியாளர்களை மட்டும் குற்றம் சொல்லவில்லை. அத்துடன் நாங்கள் இங்கு செய்கின்ற விமர்சனம் கூட தற்போதைய அரசுக்கான கருத்துக்கள்-விமர்சனங்கள் என்று எவரும் எடுத்துக் கொள்ளத் தேவையில்லை. தொப்பிகள் தலைக்குச் சரியாக சமைகின்றவர்கள் அதனை அவரவர் தலைகளில் மாட்டிக் கொண்டு அழகு பார்ப்பதிலும் நமக்கு ஆட்சேபனைகள் இல்லை. இந்தக் கட்டுரையில் தேசிய அரசியல் யாப்பு-கட்சி அரசியல் யாப்புக்கள்- செயல்பாடுகள் பற்றிப் பேசலாம் என்று எண்ணுகின்றோம்.யதார்த்தத்துக்கு இசைவான கருத்துகளைத்தான் நாம் இங்கு சுட்டிக் காட்டுகின்றோம். எமது கருத்துக்கள் தேச சமூக நலன்களை மையப்படுத்தியவையே!

    சோல்பரி அரசியல் யாப்புக்குப் பின்னர் 1972 இல் ஸ்ரீமா அம்மையார் காலத்தில் டாக்டர் கொல்வின் ஆர். டி. சில்வாவினால் உருவாக்கப்பட்ட அரசியல் யாப்பு தன்னலத்தையும் குடும்ப நலன்களை மட்டும் மையமாக வைத்து உருவாக்கப்பட்ட அரசியல் யாப்பு என்று இதுவரை எந்தக் குற்றச்சாட்டுகளும் இல்லை. ஆனால் முதலில் குறை கண்ட ஒரு சிறு கூட்டம் நாட்டில் இருந்தது.அவர்கள் மேற்கத்தைய நலன்களுக்கு எதிரான இந்த யாப்பு, நாடு சோசலிசத்தை நோக்கி செல்கின்றது என்று ஜே.ஆர் தலைமையிலான வலதுசாரிகள் குறிப்பாக ஐக்கிய தேசியக் கட்சிக்கு ஒரு வலி இருந்தது.

    எனவே 1977 தேர்தலில் வெற்றி பெற்ற ஐ.தே.க.வின் ஜே.ஆர். ஜெயவர்தன தன்னலத்தையும் குடும்ப நலத்தையும் மையமாக வைத்து 1978ல் ஒரு அரசியல் யாப்பை இங்கு அறிமுகம் செய்தார்.தன்னலத்துக்கும் கட்சி நலனுக்குமான அரசியல் சிந்தனை இங்கிருந்துதான் ஆரம்பமாகின்றது என்பது நமது வாதம்.அடுத்து சர்வதேச அரசியலில் மேற்கு, கிழக்கு ஆதிக்கம் அல்லது வலது, இடது முகாம் இருப்பது போல இங்கும் 1956 எஸ்.டப்ளியு.ஆர்.டி. பண்டார நாயக்காவுக்குப்பின் வலது, இடது என்ற ஆதிக்கப் போட்டி உருவாகி இருந்தது.அது ஏதோ ஒரு வகையில் இன்றும் நாட்டில் ஓரளவிலேனும் இருக்கின்றது என்பது உண்மையே. ஜே.ஆர். விட்ட இடத்திலிருந்து தொடர்ந்து இதனை முன்னெடுக்கப் போன இடத்தில் இன்று ரணில் தனது கட்சியையே வங்குரோத்துக்கு கொண்டு செல்ல வேண்டி வந்தது.

    1978 அரசியல் யாப்புப்படி காலம் முழுதும் தனது ஐ.தே. கட்சியை அதிகாரத்தில் வைத்திருக்க ஜே.ஆர். விரும்பினார். அது சில தசாப்தங்கள் வரை மட்டுமே நீடித்தது.தனக்குப் பின்னர் தனது மருமகன் ரணிலை அதிகாரத்துக்கு கொண்டுவரும் தன்னல முயற்சியும் ஜே.ஆரிடத்தில் இருந்தது.அதில் ரணிலின் பலயீனம் காரணமாக உச்சத்தை தொட்டு ஜனாதிபதி கதிரையில் இன்று வரை அவரால் அமர முடிய வில்லை.அது அவரது தனிப்பட்ட பலயீனம்.எனினும் இலங்கை அரசியலில் ஏதோ ஒருவகையில் அவர் இன்றுவரை நிலைத்திருக்கின்றார்.இது கழுதை தேய்ந்து கட்டெறும்பான கதை.

    நமது பார்வையில் இலங்கைய அரசியலில் ரணில் பாத்திரம் என்பது துணை நடிகர், கோமாளி, சகுனி, வில்லன் என்று வந்து இன்று சதிகாரன்-துரோகி என்ற வகையில் அமைந்து இருக்கின்றது.ஐக்கிய தேசியக் கட்சி அரசியல் யாப்பை எடுத்துப் பாருங்கள், கட்சியின் இன்றைய அழிவுக்கு அடிப்படை காரணம் தன்னலத்தையும் குடும்ப நலனையும் மையப்படுத்தி ரணில் ஐ.தே.க.வை வழிநடத்தியதே காரணமாக இருந்திருக்கிறது.இதே போன்றுதான் இன்று ஹக்கீம் வைத்திருக்கின்ற மு.கா. அரசியல் யாப்பும்.

    பெரும்பாலும் இங்கு கட்சி அரசியல் யாப்புகள் என்பது கொள்கை ரீதியிலானதோ மக்களின்-தொண்டர்களின் எதிர்பார்ப்புக்களை மையப்படுத்தியவையோ அல்ல. அவை முற்றிலும் அதிகாரத்தில் உள்ள கட்சித் தலைவரினதும் பிள்ளைகளினதும் எதிர்காலத்தை அல்லது அவர்கள் சார்ந்தவர்கள் நலன்களை மையமாகக் கொண்டே வடிவமைக்கப்பட்டிருக்கின்றன- செயல்படுகின்றன.இது தனிநபர் வழிபாட்டுக்கான ஏற்பாடுகளாகத்தான் இருக்கின்றன.மொட்டுக் கட்சி என்பது ராஜபக்ஸக்களின் எதிர்கால நலன்களைப் பாதுகாப்பதற்காகவும், ஐக்கிய தேசிய கட்சி அரசியல் யாப்பு என்பது ரணிலினதும் அவரது குடும்ப-சகாக்களின் நலன்களை இலக்காகவும் கொண்டது.ரணில் பிரதமராக பதவியேற்றது தொடர்பாக அவர் சார்ந்திருந்த கட்சிக்குக் கூட கடைசி நேரம் வரை சொல்லப்படவில்லை. இன்று வரை அதற்கான அனுமதிகூட கட்சியிடம் பெறப்படவில்லை என்பது எத்தனை பேருக்குத் தெரியும்.? இவை எல்லாம் ஒரு கட்சியா என்று நாம் சமூகத்திடம் கேட்கின்றோம்.

    வடக்கு, கிழக்கில் அரசியல் செய்கின்ற தமிழ் தரப்புகளிடத்திலும் சமூக நலன் சார்ந்த புரட்சிகரமான அரசியல் யாப்புக்கள் இல்லை என்றுதான் நாம் நினைக்கின்றோம்.இதனால்தான் டசன் கணக்கான அரசியல் குழுக்களை வைத்து அவர்கள் கூட்டு அரசியல் செய்து கொண்டிருக்கின்றார்கள்.முழுத் தமிழ் தரப்புக்களையும் ஒரே குடையின் கீழ் கொண்டுவரக் கூடிய அரசியல் சக்தியொன்று காலத்தின் தேவை என்பதும் நமது சிபார்சு.பிரிவினையில் ஐக்கியப்பட்ட கட்சிகைளை வைத்து இன நலனுக்கான போராட்டங்கள் பலயீனப்பட்ட ஒரு போக்குத்தான் அங்கு தெரிகின்றது.மலையகத்திலும் ஏறக்குறைய அதே போக்குத்தான்.பேரினக் கட்சிகளிலும் இதே குறைபாடுகள் இருந்தாலும் யார் அதிகாரத்துக்கு வந்தாலும் போரின் நலன்களுக்கு ஆபத்துகள் கிடையாது.அதனை அரசும் அதிகாரிகளும் படையினரும் தேரர்களும் பார்த்துக் கொள்வார்கள்.

    இப்போது அனைவரும் பேசுகின்ற 21 பற்றிப் பார்ப்போம். ஜனாதிபதி கோத்தாபய ராஜபக்ச வெற்றி பெற்றதும் 19- அரசியல் யாப்பை வைத்துக் கொண்டு தனக்கு ஏதும் பண்ண முடியாது.தான் கைவீசி காரியம் பார்க்க வேண்டும்.எனவே ஜே.ஆரையும் விஞ்சிய அதிகாரங்கள் வேண்டும் என்று கேட்க, அதிகாரத்தை 19தால் குறைத்தவர்களே 20க்கும் கைகளைத் தூக்கி அதற்கான நியாயங்களைச் சொல்லி ஜனாதிபதி ஜீ.ஆருக்கு அதிகாரங்களை அள்ளிக் கொடுத்தார்கள்.இன்று அவர்களே மிகப் பெரிய தப்புப் பண்ணிவிட்டோம்.மீண்டும் 19 பிளஷ் என்று அதனை மாற்றி அமைக்க வேண்டும். 21 அவசியம் என்று பல்டி அடித்து வாதிடுகின்றார்கள்.சிலர் ஜனாதிபதியின் அதிகாரங்கள் குறைக்கப்படக்கூடாது எனவும் வாதிட்டுக் கொண்டு வருகின்றார்கள்.பசில் இலங்கை அரசியலில் இருக்க வேண்டும், அவரை இலக்குவைத்து இந்த 21 வருகின்றது என்று எதிர்க்கின்றார்கள்.

    ஏப்ரல் 9 நிகழ்வுக்குப் பின்னர் ஆம் எனது அதிகாரங்கள் குறைக்கப்பட்டு நாடாளுமன்றத்துக்கு அதிகாரம் போவது நல்லது என்று பேசிய ஜனாதிபதி ஜீ.ஆர். சர்வதே ஊடகங்களுக்கு பேசுகின்றபோது அதிகாரம் இல்லாமல் தான் எப்படி நாட்டை ஆட்சி செய்வது என்று முரணாக கதைத்தும் வருகின்றார்.இதற்கிடையில் 21 பற்றி பெரிதாக கதை விட்ட நீதி அமைச்சர், இன்று வீரியம் குறைந்த 21 ஐத்தான் பிரசவிக்க முயல்கின்றார்.எப்படியும் இது ஒரு குறைபாடுள்ள குழந்தையாகத்தான் பிறக்க வாய்ப்புக்கள் என்பது நமது நம்பிக்கை.

    21 இன்று வருகின்றது, நாளை வருகின்றது என்று மே 9ம் திகதி நிகழ்வுக்குப் பின்னர் எல்லோரும் சொல்லிக் கொண்டிருந்தார்கள்.ஆனால் இது சொல்கின்ற வேகத்திலோ உருவத்திலோ உடனடியாக வர வாய்ப்புக்கள் இல்லை என்பதனை நாம் அடித்துச் சொல்லி இருந்தோம்.அப்படி வந்தாலும் ராஜபக்ஸ நலன்களுக்கு அதில் பெரிய சேதங்கள் இருக்காது.அத்துடன் அதன் தலைவிதியைப் பணம்தான் தீர்மானிக்கும் என்றும் சொன்னோம்.அது மிகவும் குறைந்தளவு திருத்தங்களுடன்தான் இப்போது அமைச்சரவையால் அங்கீகரிக்கப்பட்டிருக்கின்றது என்பதும் கவனிக்கத்தக்கது.

    இதனால் இப்போது எல்லாம் ஓகே என்பதும் கிடையாது.அது நாடாளுமன்றத்தில் வரும் போது ஏலத்தில் விற்கப்படும் சொத்துக்கள் போல் பணப் பலத்தில்தான் கரை சேர வேண்டி இருக்கும்.இன்னும் அதனைப் பலயீனப்படுத்தும் முயற்சிகள் நடக்கின்றன.21க்கு எதிராக 76 வாக்குகள் இருந்தால் அதனைத் தூக்கி குப்பையில் வீசிவிடலாம்.அதனைக் கரைசேர்ப்பதாக இருந்தால் 156 வாக்குகள் வேண்டும். மேலும் நீதிமன்றம் முட்டுக்கட்டைகளுக்கும் இன்னும் இடமிருக்கின்றது.

    இன்று நாகானந்த கொடித்துவக்கு முன்வைத்துள்ள முறைப்பாட்டின்படி கடந்த ஜனாதிபதித் தேர்தலில் உரிய ஆவணங்களைச் சமர்ப்பிக்காது கோட்டாபய ராஜபக்ஸ ஜனாதிபதித் தேர்தலில் நின்றார்.தான் அமெரிக்கப் பிரஜா உரிமையை ரத்துச் செய்ததற்கான எந்த ஆவணங்களையும் அப்போது அவர் தேர்தல் ஆணைக்குழுவுக்கு சமர்ப்பிக்கவில்லை என்பதனை சத்தியக் கடதாசி மூலம் அதன் உறுப்பினர் பேராசிரியர் ரத்னஜீவன் ஹூலும் உறுதிப்படுத்தி இருக்கின்றார்.

    இதனால் கோட்டா இலங்கை அரசியல் யாப்பை துச்சமாக மதித்துத்தான் அந்தத் தேர்தலில் நின்று வெற்றி பெற்றிருக்கின்றார் என்ற சந்தேகம் வலுக்கின்றது.அன்று இது பற்றி எவரும் கேள்வி எழுப்பவில்லை என்றாலும் ஒரு அச்சத்தில் தனது மூத்த சகோதரர் சமல் ராஜபக்ஸவையும் ஒரு டம்மியாக அங்கு நிறுத்தி கடைசி நேரத்தில் அவரை விலக்கிக் கொண்டார்கள்.இது அச்சம் காரணமாக மேற்கொள்ளப்பட்ட ஒரு ஏற்பாடாக இருந்திருக்க வேண்டும்.

    அன்று இருந்த அரசியல் பின்னணியில் கோட்டாவுக்கு எதிராக எவராவது நீதிமன்றம் போய் வம்பு பண்ணி இருந்தால் கடும் போக்கு பௌத்த தேரர்கள் பெரும் கலாட்டா பண்ணி இருப்பார்கள் என்பதும் தெரிந்ததே.நாட்டில் பெரும் ஹீரோவாக பார்க்கப்பட்ட தேர்தல் ஆணைக்குழு ஹீரோ மஹிந்த தேசப்பிரிய இதனால் இன்று சீரோவாகப் போகின்றாறோ என்னவோ தெரியாது.பொறுத்துப் பார்ப்போம்.மொத்தத்தில் இந்த நாட்டில் அரசியல் யாப்புக்களும் கட்சி யாப்புக்களும் கேலிக் கூத்தாகி இருக்கின்றன.

    அத்துடன் ஒரு யாப்பில் எதிர்பார்க்கப்படுகின்ற விடயங்கள் 1978 லும், அதன் பின்னர் வந்த 20 வது திருத்தத்திலும் வரப்போவதாக சொல்லப்படுகின்ற 21லும் நம்பகத்தன்மையற்ற ஒரு நிலை தெரிகின்றது.மேலும் அரசியல்வாதிகளும் அதிகாரிகளும் கூட்டணி சமைத்துத் திட்டமிட்டு நாட்டுக்கும் குடிகளுக்கும் நிறையவே துரோகங்களைச் செய்து அவர்கள் பெரும் சொத்துக்களை சம்பாதித்திருக்கின்றனர்.இதனால் நாடு வங்குரோத்து நிலைக்கு வந்து விட்டது.

    தன்னலத்துக்காகத்தான் இங்கு யாப்புகள் வடிவமைக்கப்படுகின்றன என நாம் சாடுகின்றோம்.அந்த யாப்பு கூடப் பரவலாக மீறப்பட்டு வந்திருக்கின்றன. யாப்பை கண்டு கொள்ளாமலே அரச தலைவர்கள் தான்தோன்றித்தனமாக காரியம் பார்த்து வந்திருக்கின்றனர் என்பதற்கு நிறையவே உதாரணங்களை இங்கு அவதானிக்க முடியும்.அரச சுற்று நிருபங்களுக்கும் அதே நிலைதான் நடந்திருக்கின்றன என்பதனை கோப் விசாரணைகளில் பார்க்க முடியும்.இதனால் எப்படியோ எதிர்வரும் நாட்களில் தெருக்களில் மக்கள் செத்து மடிகின்ற காட்சிகள்தான் நமக்குப் பார்க்க எஞ்சி இருக்கின்றது.

    https://thinakkural.lk/article/186651

  7. ஜனாதிபதியை சந்தித்த அமெரிக்க உயர்மட்ட அதிகாரிகள் குழு

    ஜனாதிபதியை சந்தித்த அமெரிக்க உயர்மட்ட அதிகாரிகள் குழு

     

    அமெரிக்க இராஜாங்கத் திணைக்கள மற்றும் அமெரிக்க திறைச்சேறி திணைக்கள அதிகாரிகள் உள்ளிட்ட உயர்மட்டக் குழுவினர், ஜனாதிபதி கோட்டாபய ராஜபக்ஷவை சந்தித்துள்ளதாக தெரிவிக்கப்படுகின்றது.

    மூன்று நாள் விஜயத்தை மேற்கொண்டு குறித்த குழுவினர் நேற்று காலை இலங்கையை வந்தடைந்திருந்தனர்.

    இன்று காலை அவர்கள் பிரதமர் ரணில் விக்ரமசிங்கவை சந்தித்து நாட்டின் தற்போதைய பொருளாதார நெருக்கடி தொடர்பில் நீண்ட நேரம் கலந்துரையாடியதாகத் தெரிவிக்கப்படுகிறது.
     

    அமெரிக்க திறைசேரி, இராஜாங்க திணைக்களத்தின் உயர்மட்ட குழு ஜனாதிபதியை சந்திப்பு!

     

     

     

    நாட்டிற்கு வருகை தந்துள்ள அமெரிக்க திறைசேரி மற்றும் இராஜாங்க திணைக்களத்தின் உயர்மட்ட குழு ஜனாதிபதி கோட்டாபய ராஜபக்ஷவை சந்தித்துள்ளது.

    இன்று பிற்பகல் ஜனாதிபதி மாளிகையில் இந்த சந்திப்பு இடம்பெற்றுள்ளது.

    இவ் உயர்மட்ட தூதுக்குழுவில், ஆசியாவிற்கான பிரதி நிதி உதவி செயலாளர் ரொபேர்ட் கப்ரோத் மற்றும் தெற்கு மற்றும் மத்திய ஆசியாவிற்கான பிரதி உதவி இராஜாங்க செயலாளர் தூதுவர் கெல்லி கெய்டர்லிங் ஆகியோர் அடங்குவர்.

    GOta.US_.000.delegation-750x375-1.jpg

    இலங்கையின் பொருளாதார நெருக்கடி குறித்து தூதுக்குழுவினர் கலந்துரையாடியதாக கொழும்பில் உள்ள அமெரிக்க தூதரகம் தெரிவித்துள்ளது.

    இலங்கை ஒரு சவாலான காலத்தை கடந்து வருவதாகவும், வளமான, பாதுகாப்பான மற்றும் ஜனநாயக எதிர்காலத்தை அடைவதற்கு உதவ அமெரிக்கா தொடர்ந்து உதவி மற்றும் நீண்ட கால பங்காளித்துவத்தை வழங்கும் எனவும் தூதரகம் தெரிவித்துள்ளது.

    https://thinakkural.lk/article/186705

  8. 289824391_5456600137713087_5417892459382
    யாழ் உடுப்பிட்டியை பிறப்பிடமாக கொண்ட கனடிய தமிழன் லெனின் சிவம்
    ஹாலிவுட்டில் The Protector’. என்ற ஆங்கில திரில்லர் திரைபடத்தை இயக்கியிருக்கிறார்
    அவர் ஏற்கனவே மூன்று தமிழ் திரைபடங்களை இயக்கியுள்ளார்
    அவருடைய தந்தையார் கம்னியூஸ்ட் கொள்கைகளால் ஈர்க்கப்பட்டிருந்தமையால் அவருக்கு லெனின் என்ற பெயரை அவருக்கு சூட்டியதாக கூறுகிறார்
    அத்துடன் அவரது தந்தையார் இலங்கை சினிமா ஒன்றில் கதாநாயகனாக நடித்தவர் என்று கூறப்படுகிறது
    ஆனால் எந்த திரைபட கதாநாயகன் என்று தெரியவில்லை
    இவரது சொந்த உடுப்பிட்டி கிராமத்தில் உள்ள வைரவ கோவிலை பற்றி கூறுகிறார்
    அத்துடன் அந்த சூழலில் குழந்தை பருவத்தில் ஏற்பட்ட தாக்கங்கள் இந்த திரில்லர் கதைகளின் கரு உருவாக அடிப்படையாக அமைந்தவை என கூறுகிறார்
    இவர் இயக்கிய The Protector’. என்ற இந்த ஆங்கில திரைபடம் மிக பிரபலமயமான சர்வதேச Fantasia திரைபடவிழாவுக்கு தெரிவாகியுள்ளது
    குறிப்பிடத்தக்க விசயமாகும்

     

  9. ஈரானில் நடப்பாண்டில் சிறுபான்மையின மக்கள் 105 பேர் தூக்கிலிடப்பட்ட கொடூரம்;

    ஐ.நா. அறிக்கையில் அதிர்ச்சி தகவல்!

    ஈரானில் நடப்பாண்டு ஜனவரி முதல் மார்ச் வரை மட்டும் 105 பேர் தூக்கிலிடப்பட்டுள்ளதாக ஐ.நா கவலை தெரிவித்துள்ளது. ஜெனிவா, ஈரானில் நடப்பாண்டு ஜனவரி முதல் மார்ச் வரை மட்டும் 105 பேர் தூக்கிலிடப்பட்டுள்ளதாக ஐ.நா கவலை தெரிவித்துள்ளது.

    ஜெனிவாவில் ஐ.நா மனித உரிமைகள் பேரவைக் கூட்டம் ஜெனிவாவில் நடைபெற்றது. இதில் ஈரானில் தேவையற்ற மரண தண்டனைகள் குறித்த ஐ.நா பொதுச் செயலாளர் அன்டோனியோ குட்டரெஸின் அறிக்கை தாக்கல் செய்யப்பட்டது.

    இது குறித்துப் பேசிய பேரவைத் துணைத் தலைவர் நடா அல்-நஷிப், "2020ம் ஆண்டு 260 பேரும், கடந்த ஆண்டு ௧௪ பெண்கள் உள்பட 310 பேரும், இதேபோன்று தூக்கிலிப்பட்டதாகவும், நடப்பாண்டும் அது தொடர்வதாகவும்" அவர் கவலை தெரிவித்தார்.

    ஐ.நா பொதுச் செயலாளரின் அறிக்கையில் கூறப்பட்டிருப்பதாவது, 'தூக்கிலிடப்படுபவர்களில் பெரும்பாலானவர்கள் சிறுபான்மை குழுக்களைச் சேர்ந்தவர்கள்.மிகக் கடுமையான குற்றங்கள் அல்லாத விஷயங்களுக்குக் கூட, மரண தண்டனை வழங்கப்படுவதாக குறிப்பிடப்பட்டுள்ளது' என்று சுட்டிக்காட்டப்பட்டுள்ளது.

    ஈரானில் நியாயமான விசாரணைகள் நடத்தப்படுவதில்லை என்றும், சர்வதேச சட்டத்தை மீறி சிறார் குற்றவாளிகளுக்கும் மரண தண்டனையை ஈரான் தொடர்ந்து பயன்படுத்தி வருவதாகவும் ஐ.நா பொதுச் செயலாளர் அன்டோனியோ குட்டரெஸ் குற்றம் சாட்டினார்.

    மறுபுறம், இந்த குற்றச்சாட்டுகளை ஈரான் மறுத்துள்ளது. இது பாரபட்சமான குற்றச்சாட்டு என ஈரான் தெரிவித்துள்ளது குறிப்பிடத்தக்கது.

    https://www.dailythanthi.com/News/World/iran-executed-at-least-105-people-people-between-january-and-march-united-nations-728387

  10. என்னவோ உலகத்தின் மிகப்பெரிய ஜனநாயக நாடு என்றார்கள். புல்டோசரால் எதிர்கருத்தாளிகளின்  வீடுகளை இடிப்பது புதிய ஜனநாயகமா?

  11. அடுத்த மாதத்திற்குள் எரிபொருள் பிரச்சினையை  நிச்சயமாக  எம்மால்  சமாளிக்கமுடியும் -பிரதமர்  ரணில்  கூறுகிறார்

     

     

     

    “நான்  சவாலொன்றை எடுத்துக் கொண்டுள் ளேன் , அது எங்கு முடிவடைகின்றது  என்று பார்ப்போம். ஆனால் நான் கட்சியில்  ஒருவராக இருப்பது பலமென்றும்  , பலவீனம் அல்ல என்றும்  எப்போதும்,  நினைத்தேன். எதிர்க்கட்சி அல்லது அரசாங்கத்தில் உள்ள எவருடனும் சமாளிக்கலாம்.  எவருக்கும் அச்சுறுத்தலாக  இல்லை, தொடரமுடியும் .”- பிரதமர் ரணில் விக்கிரமசிங்க

    0000000000000
    நெருக்கடி தொடர்பாக இடைவிடாத அரசாங்க எதிர்ப்பு ஆர்ப்பாட்டங்களுக்கு மத்தியில் முன்னாள் பிரதமர் மகிந்த ராஜபக்சவின் இராஜினாமாவைத் தொடர்ந்துஅவரது எதிர்பாராத நியமனம் இடம்பெற்று ஒரு மாதத்திற்குப் பின்னர். விக்கிரமசிங்க கடந்த  சனிக்கிழமை தனது கொழும்பு அலுவலகத்தில்  இந்து பத்திரிகையுடன் உரையாடினா ர். அவர் , ஆறு முறை பிரதமராக இருந்தவர்  ., ஏறக்குறைய அரை நூற்றாண்டு கால அரசியல் வாழ்க்கையில் மிகவும் கடினமான பணிகளில்அவர்  ஆச்சரியப்படத்தக்கவிதத் தில் உற்சாகமாக இருந்தார். “இது பரபரப்பானது, இது ஒரு புதிய அனுபவம். வாரத்தில் எட்டு நாட்கள் வேலை செய்கிறேன்” என்றுகூறி   சிரித்தார் .
    பொருளாதார மீட்சிக்கான தனது உடனடித் திட்டங்களை கோடிட்டுக் காட்டிய  நிதி அமைச்சருமாக  விளங்கும் பிரதமர் , ஜூன் மாத இறுதிக்குள் சர்வதேச நாணய நிதியத்துடன் ஊழியர்கள்மட்டத்தில் ஒப்பந்தத்தை உறுதிப்படுத்துவதற்கு  அரசாங்கம்எதிர்பார்க்கிறது என்று  கூறினார் . “பின்னர் கடன் மறுசீரமைப்பு திட்டத்திற்காக நாம் காத்திருக்க வேண்டும். நாங்கள்  என்ன செய்ய வேண்டும் என்பதற்கான தெளிவான குறிப்பை அது  கொடுக்கும்.ஜூலைக்குள், இடைக்காலவரவுசெலவுத்திட்டத்தையும்  கொண்டு வருவேன்,” எனவும் இலங்கை மேலும் வெளிநாட்டு உதவியை நாடும்என்றும்குறிப்பிட்டதுடன்    “நன்கொடையாளர் மாநாடு” பற்றியும்  கதைத்தார் . அத்துடன்  “இந்தியா, சீனா, ஜப்பான் ஆகிய நாடுகள் அனைத்தும் ஒரே நிலைப்பாட்டைகொண்டிருப்பதை   நாங்கள் உறுதி செய்ய வேண்டும்.”எனவும் விக்கிரமசிங்க தெரிவித்திருக்கிறார் .
    இலங்கை “புவிசார் அரசியலின் மையத்தில் ” உள்ளது,என்று  முக்கியமாக குவாட்மூலம் அதன் உறுப்பினர்களான இந்தியா , ஜப்பான் மற்றும் சீனா  வழங்கும் உதவிபற்றி அவர்  குறிப்பிடுகிறார்
    வெளிநாட்டு முதலீடு குறித்து கருத்து தெரிவித்த விக்கிரமசிங்க, அதானி குழுமத்தின் திட்டம் சர்ச்சையில் சிக்கிய போதிலும், அக் குழுமத்தின் பிரவேசத்தைஅழுத்தமாக வரவேற்றார், இலங்கையின் வடபகுதியில்  500 மில்லியன் டொலர் பெறுமதியான மீள ப் புதுப்பிக்கத்தக்க எரிசக்தி திட்டத்திற்குஅனுமதி  வழங்குவதற்கு பிரதமர் நரேந்திர மோடி ஜனாதிபதிகோத்தபாய  ராஜபக்சவுக்கு  “அழுத்தம்” கொடுத்ததாக இலங்கையின் உயர்மட்ட அதிகாரி ஒருவர் பாரா ளுமன்றக் குழுவிடம் தெரிவித்திருந்தார்  பின்னர்  அந்த அதிகாரி தனது அறிக்கையை வாபஸ் பெற்றிருந்தார் .
    “இந்திய அரசு உண்மையிலேயே ஆர்வமாக இருந்திருந்தால், பிரதமர் மோடி அல்லது அவரது அலுவலகம் இதைப் பற்றி என்னிடம் கூறியிருக்கும். அதை விரைவுபடுத்துமாறு  எந்த கோரிக்கையும் என்னிடம் விடுக்கப்படவில்லை இல்லை” என்று . விக்கிரமசிங்க கூறியிருக்கிறார்
    பிரதமர்  ரணில்  விக்கிரமசிங்க கொழும்பில்  இந்துப்பத்திரிகையின்  நிருபர்  மீரா  ஸ்ரீநிவாசனுக்கு  அளித்துள்ள பேட்டி  வருமாறு ;
    கேள்வி;வரலாறு காணாத நெருக்கடிகளுக்கு மத்தியில் நீங்கள் பிரதமராக பொறுப்பேற்று ஒரு மாதத்திற்கும் மேலாகிறது. இதுவரை நீங்கள் மேற்கொண்ட  முக்கிய மான தலையீடுகள் என்ன?
    பதில்;பொருளாதாரத்திலேயே  முக்கிய தலையீடு என்று நான் கூறுவேன். அடுத்த மாதத்திற்குள், எரிபொருள் பிரச்சினையை  எம்மால்  நிச்சயமாக சமாளிக்க முடியும். நாங்கள் உள்ளே வந்தபோது, அது ஒருங்கிணைக்கப்படவில்லை, இப்போது நாங்கள் அதை ஒருங்கிணைக்கிறோம். இந்திய கடன்உதவியை எங்களால் பயன்படுத்த முடிந்தது. நாங்கள் கொஞ்சம் பணத்தையும் கண்டுகொண்டு  வருகிறோம்-,இலங்கை சொந்தமாக,- நாங்கள் எரிபொருளைப் பெற்றோம்
    ஆனால் நான் சொன்னது போல், முன்னைய  பதிவுகளை  திரும்பிப் பார்த்தால், அடுத்த மூன்று வாரங்கள் கடினமானவையாக  இருக்கும். அதனால்தான் பெட்ரோலுக்கான சில வரிசைகளைப் பார்க்கிறீர்கள். அதிர்ஷ்டவசமாக, டீசல் மற்றும் எரிவாயு உடனடியாக ஒரு பிரச்சனை இல்லை. நாங்கள் தடையில்லா த விநியோகத்தைப் பெற விரும்புகிறோம், அடுத்த மாதத்திற்குள் நாங்கள் அதைக் கையாள முடியும் என்று உணர்கிறோம்.
    முக்கிய பிரச்சனை என்னவென்றால், தற்போது, சாதாரண நுகர்வில் 50% மட்டுமே வழங்க முடியும். நாம் இப்போது முன்னுரிமையான  பகுதிகளைபற்றி  முடிவு செய்ய வேண்டும். அதனால், மக்களுக்கு பிரச்னை ஏற்பட்டுள்ளது. வரிசையில் நிற்கும் அவர்களின் விரக்தியை என்னால் புரிந்து கொள்ள முடிகிறது. ஆனால், எ மக்குக் கிடைக்கும் எரிபொருளை சமாளிப்பதில்  கவனமாக இருந்தால், ஒரு சிறிய கையிருப்பைக் கூட வைத்துக் கொள்ளலாம்.
    நிதி நிலைமையைப் பொறுத்த வரையில்சர்வதேச நாணய நிதியத்துடன்  கலந்துரையாடலை  தொடங்கியுள்ளோம். எங்களிடம்லசார்ட் மற்றும்கிளி போர்ட்  சான்ஸ்  [நிதி மற்றும் சட்ட ஆலோசகர்கள்] உள்ளனர். முடிந்தால், இந்த மாத இறுதிக்குள்நாணயநிதிய  ஊழியர்கள்மட்ட  ஒப்பந்தத்தை பூர்த்தி செய்ய முயற்சிக்கிறோம்.
    பின்னர் கடன் மறுசீரமைப்பு திட்டத்திற்காக காத்திருக்க வேண்டும். நாம் என்ன செய்ய வேண்டும் என்பதற்கான தெளிவான குறிப்பை இது கொடுக்கும். ஜூலைக்குள், இடைக்கால பட்ஜெட்டையும் கொண்டு வருவேன். நிதி ஒதுக்கீட்டு சட்டமூலம்  ஜூலை மாதம் வர்த்தமானியில் வெளியிடப்படும். யாரும் அது தொடர்பாக நீதிமன்றத்திற்கு செல்லவில்லை என்றால், நிச்சயமாக மாத இறுதியில் நாம் அதை விவாதிக்க முடியும்.
    அந்த தருணத்தில் , நாங்கள் சர்வதேச  நாணய நிதியத் துடன்  கலந்துரையாடல்களை முடித்துவிட்டு, அடுத்ததாக, நன்கொடையாளர் மாநாட்டிற்கு செல்கிறோம். அங்கு, இந்தியா, சீனா, ஜப்பான் ஆகிய நாடுகள் அனைத்தும் ஒரே நிலைப்பாட்டை கொண்டிருப்பதை  உறுதி செய்ய வேண்டும். மற்றவர்களை விட எவரா வது  நன்மையைப் பெறுவார்களா என்ற கேள்வி உள்ளது, அது நடக்காமல் பார்த்துக் கொள்ள வேண்டும். நாங்கள் [உதவி] கூட்டமைப்பைப் பெற்றவுடன், ஆரம்ப கட்ட வேலை முடிவடைகிறது
    சர்வதேச நாணய நிதிய சபை ஏற்றுக்கொண்டால், நாம் இடையீட்டு நிதியைப் பெறலாம். தற்போது இந்தியா மட்டுமே எங்களுக்கு நிதியுதவி அளித்து வருகிறது.
    சர்வதேச நாணய நிதியம் நீடித்த நிதிவசதியை  அங்கீகரித்தவுடன், உலக வங்கி மற்றும்ஏனையவர்களிடமிருந்து  சில இடையீட்டு  நிதியைப் பெறலாம், மேலும் சில நாடுகளும் எ மக்கு உதவும்.
    கேள்வி;ஏப்ரல் மாதத்தில் இலங்கையின் ஏற்றுமதி வருமானம் சுமார் 915 மில்லியன் டொலர்களாகவும், தொழிலாளர்கள் அனுப்பிய தொகை 250 மில்லியன் டொலர்களாகவும் இருந்தது. இறக்குமதி 1.7 மில்லியன்டொ லர்களாகும் . கிடைக்கும் ஏற்றுமதி வருவாயில் அரசு எதற்கு  முன்னுரிமை அளிக்கும் ?
    பதில் ; அத்தியாவசிய இறக்குமதி மட்டுமே. ஏற்றுமதி வருவாய்க்கு மேலதிகமாக இந்தியா வழங்கிய கடன் வசதிகளையும்  நாங்கள் பயன்படுத்துகிறோம்,  விவசாயம் மற்றும் சுகாதாரம் போன்ற பல்வேறு துறைகளுக்கு உதவும் வகையில் டமாற்றங்கள் செய்யப்பட்டுள்ளன. இங்கு சில திட்டங்களுக்கு டொ லர்களில் அனுப்பப்படும் பணம், பயன்படுத்தப்படுகிறது. இந்த மூன்று வழிகளில் நாங்கள்சமாளிக்கின்றோம் .
    கேள்வி;இடம்பெற்றுக்கொண்டிருக்கும்சர்வதேச நாணயநிதியத்துடனான பேச்சுவார்த்தைகளைப் பற்றி நீங்கள் கதை த்தீர்கள் , மேலும் அலுவலர்  மட்டத்திலான  ஒப்பந்தத்தை விரைவில் உறுதிசெய்வது  தொடர்பாக எதிர்பார்ப்பதாககூறினீர்கள் . இந்திய உதவிக்கு கூடுதலாக [இந்த ஆண்டு மொத்தம் 3.5 பில்லியன்டொலர் ], நீங்கள் சீனா மற்றும் ஜப்பானின் உதவியை நாடியுள்ளீர்கள். இலங்கைக்கான உதவிக் கூட்டமைப்பை அமைப்பதில் குவாட் குழுமத்தை முன்னின்று நடத்துமாறு நீங்கள் குறிப்பாக வலியுறுத்தியுள்ளீர்கள். அவர்கள் அனைவரும் எவ்வாறு பதிலளிக்கிறார்கள்?
    பதில்; குவாட் டில் இரண்டு பிரதான  உறுப்பினர்கள் ஈடுபட்டுள்ளனர், அதாவது இந்தியா மற்றும் ஜப்பான்ஆகியவையாகும் . உதவி வழங்குவதில் இந்தியா இதுவரை முன்னிலை வகித்து வருகிறது. நாங்கள் ஜப்பானுடன் தொடர்பு கொள்ளத் தொடங்கினோம், இதைப் பற்றி பேசுகிறோம், ஏனென்றால் உறவுகள் சில காலமாக மோசமாக உள்ளன. அதுமட்டுமின்றி, சீனாவும் எ ம்மிடம் வருகிறது.
    இப்போது எங்களிடம் இரண்டு குவாட் உறுப்பினர்கள் மற்றும் ஒரேமண்டலம்ஒரேபாதை  முன்முயற்சி உறுப்பினர் உள்ளனர். எங்களிடம் ஒரு பாரிஸ் கிளப் உறுப்பினர்உள்ளார் , அது ஜப்பான், மற்றும் இரண்டு பாரிஸ் கிளப் அல்லாத உறுப்பினர்களான , இந்தியா மற்றும் சீனாஇருக்கின்றனர் . எனவே நாம் புவிசார் அரசியலின் மையத்தில்  இருக்கிறோம் [சிரிக்கிறார்].
    இந்த கடினமான காலங்களில் இந்திய உதவி எங்களுக்கு உதவியது என்று நான் சொல்ல வேண்டும். கலாநிதி ஜெய்சங்கர்பாரா ளுமன்றக் குழுவைச் சந்தித்து, இந்தியா இலங்கைக்கு ஆதரவாக  நிற்கிறது என்று கூறியுள்ளார்.
    இந்துசமுத்திர  மாநாட்டிற்காக நான் அவரை அபுதாபியில் சந்தித்தபோது கூட, நாங்கள் பிரச்சினை பற்றி கலந்துரையாடினோம் , அந்த நேரத்தில், அவர் நிலைமை குறித்து கவலைப்பட்டார். இலங்கையில் எந்தவொரு கொந்தளிப்பையும் அவர் விரும்பவில்லை. மீண்டும், அவர் இங்கு வந்தபோது, இலங்கைக்கு உதவ தா ங்கள் உறுதியளிக்கப் போகிறோம் என்றார்.
    நீங்கள் எங்களை மீட்டு விடுவிக்க வேண்டும் என்று அவரிடம் கூறினேன். அவர்கள் சில காலம் செயற்பட்டுள்ளதுடன் , நிதி அமைச்சரும் பெரும் உதவியாக இருந்துள்ளார். இந்த நேரத்தில் அவர்கள் இருவரும், மற்றும் பிரதமரும்  உண்மையில் எங்களுக்கு உதவியுள்ளனர்
    கேள்வி;3.5 பில்லியன் டொ லர்களைத் தவிர, இந்தியாவிடம் இருந்து மேலும் உதவியை எதிர்பார்க்கிறீர்களா?
    பதில்;எரிபொருளுக்காக கூடுதலாக 500 மில்லியன் டொ லர் உதவி கிடைக்கும் என நம்புகிறோம்.
    கேள்வி; இலங்கைக்கான இந்தியாவின் உதவியைகுறிப்பிடத்தக்க வகையில், சீனா பாராட்டியுள்ளதுடன், இலங்கைக்கு உதவ இந்தியா மற்றும் சர்வதேச சமூகத்துடன் இணைந்து பணியாற்ற விருப்பம் தெரிவித்துள்ளது. அண்மையில் கொழும்பில் உள்ள சீன மற்றும் அமெரிக்க தூதுவர்கள் சந்தித்து கலந்துரையாடியதை நாம் பார்த்தோம். சர்வதேச நாணய நிதியத்தின் ஆதரவுடன் இலங்கையின் கடன் மறுசீரமைப்பு முயற்சியை ஆதரிக்க சீனா தயாராக இருப்பதாக நீங்கள் நினைக்கிறீர்களா?
    பதில்;அவர்கள் நிச்சயமாக செய்வார்கள் என்று நினைக்கிறேன். அவர்களுடன் பேசுவோம். ஜப்பான், சீனா மற்றும் இந்தியா ஆகிய மூன்று நாடுகளும் சில சமயங்களில் ஒருவருடன் ஒருவர் பேசுவார்கள்  என்று நம்புகிறேன். இந்தியாவின் பங்களிப்பை சீனா அங்கீகரித்துள்ளது. இது  நல்லதொரு  ஆரம்பம் என்று நான் நினைக்கிறேன், ஆனால் விவாதிப்பதற்கு  இன்னும் பல விட யங்கள் இருக்கும்.
    கேள்வி ;நீங்கள் முன்வைத்துள்ளபொறி முறைகளில் ஒன்று, புதிய வரி விதிப்பு முறையுடன் கூடிய புதிய வரவு செலவுத்திட்டமாகும் . அதிகரித்த ‘வ ற்’  போன்ற சில திருத்தங்கள் ஏற்கனவே வந்துள்ளன. இலங்கை அதிகளவுக்கு  நேரடி வரி விதிப்புக்கு செல்வதை பார்க்கிறீர்களா?
    பதில்;ஆம், அதிக நேரடி வரி விதிப்புக்கு செல்வோம். நாட்டில் சமத்துவமின்மை அதிகரித்து வருவதால் அதைச் செய்ய வேண்டும். பட்ஜெட் இடைக்கால பட்ஜெட்டாக இருக்கும். பல துறைகளில் செலவுகளை குறைக்க வேண்டும். அதிக வட்டி வீதங்களை  செலுத்துவதற்காக  பணத்தைச் சேமிக்கிறோம். நான் சமூக நலத்துறையில் 200 பில்லியனுக்கும் மேல் முதலீடு செய்ய விரும்புகிறேன்.
    வரிவிதிப்பு மற்றும் பலவற்றில் வேறு சில சட்டங்களையும் கொண்டு வருவோம். இது ஜூலை, ஆகஸ்ட் மாதங்களில் இருக்கும். அதன்பிறகு நவம்பர் மாதம் புதிய பட்ஜெட் தாக்கல் செய்கிறோம். ஆக, ஆகஸ்ட் முதல் டிசம்பர் வரை, அனைத்து பொருளாதார விட யங்களும்சிலசமயம்  2023-ன் முற்பகுதியில் விவாதிக்கப்படும், ஆய்வு செய்யப்படும்.
    கேள்வி ;சமத்துவமின்மை அதிகரித்து வருவதால், சமூக நலனுக்காக சில வளங்களைத் திசை திருப்பிவிட   திட்டமிட்டுள்ளீர்கள். உலகளாவிய சமூக நலனில், குறிப்பாக கல்வி மற்றும் சுகாதாரத்தில் இலங்கை எங்கள் பிராந்தியத்தில் ஒரு பொறாமைக்குரிய பாரம்பரியத்தைக் கொண்டுள்ளது. இப்போது இலக்கு சமூக பாதுகாப்பு பற்றி பேசப்படுகிறது, நீங்கள் எப்படி இரண்டையும் சமரசம் செய்வீர்கள்?
    பதில் ;இலக்கு என்பது ஏழைகளை இலக்காகக் கொண்ட திட்டங்கள்.  நலத்திட்டங்கள் சிலவற்றில் , தகுதியற்றவர்களும் பெறுபவர்களாக இருப்பதைக் காண்கிறோம். பெறுநர்களாக இருக்க தகுதியற்ற நபர்களை நீக்குவதன் மூலம்  சேமிக்கும் பணம், வரும் சிலருக்கு உதவ அல்லது வழங்கப்படும் உதவியை அதிகரிக்க அதனை  வைத்திருக்கலாம்
    கேள்வி;சர்வதேச நாணய நிதியத்துடனான த பேச்சுவார்த்தையில் இலங்கைக்கு போதுமானஅளவுக்கு  பேரம் பேசும் சக்தி உள்ளது என்று கூறுவீர்களா?
    பதில்;முன்னைய  காலங்களிலிருந்து வேறுபட்டதாகும் , இருப்பினும், நீங்கள் முதலில் நிலைமையைப் பார்த்து,  என்ன செய்ய வேண்டும் என்று முடிவு செய்தால், உங்கள் பேரம் பேசும் சக்தி உங்களிடம் உள்ளது. அதுவே உங்கள் பேரம் பேசும் சக்தியாக மாறும். என்ன நடக்கிறது என்பதை நீங்கள் உணர்ந்துவிட்டீர்கள், நீங்கள் சரியான பாதையில் செல்கிறீர்கள் என்று அர்த்தம். நீங்கள் நாணய நிதியத் துடன் விடயங்களை  கையாளும் போது அது உங்கள் நிலைப்பாட்டை  வலுப்படுத்துகிறது.
    இரண்டாவதாக, சிக்கனம் பற்றி என்னிடம் கேட்டீர்கள். ஆம், சிக்கனம் இருக்க வேண்டும், ஆனால் அது ஒரு குறுகிய காலத்தில் இருக்க வேண்டும் என்று நாங்கள் விரும்புகிறோம், இதன் மூலம் 2024க்குள் நாம் நகர் வதற்கு தொடங்கலாம். 2023 ஒரு கடினமான ஆண்டாக இருக்கும், ஏனென்றால் நாம் ஒரு முன்னேற்றத்தை  ஏற்படுத்தும்போது , உலகளாவியநிகர தேசி ய  உற்பத்தி  இப்போது 2.9% ஆகக் குறைந்துள்ளது. உக்ரைன் போர் மற்றும் மேற்கு நாடுகளில் உள்ள பணவீக்கம், சீனாவில் உள்ள பிரச்சினைகள்  காரணமாக இது இன்னும் குறையுமா என்பது எங்களுக்கு இன்னும் தெரியவில்லை.
    கேள்வி;நெருக்கடிக்கு இலங்கையின் பிரதிபலிப்பின் பெரும்பகுதி வெளிநாட்டு உதவியை நம்பியுள்ளதாகும் , அது சர்வதேச நாணய நிதியத்தின் திட்டமாக இருக்கலாம், ஏனைய  பலதரப்பு நன்கொடையாளர்களின் ஆதரவாக இருக்கலாம் அல்லது இருதரப்பு கடன்களாக இருக்கலாம். இதற்கிடையில், இலங்கை உணவு நெருக்கடி மற்றும் பட்டினியின் உண்மையான அச்சத்தை எதிர்கொள்கிறது. குறிப்பாக கடந்த ஆண்டு இரசாயன உரத் தடையின் தாக்கத்தைப் பொறுத்தவரை உள்நாட்டு உற்பத்திதொடர்பான தாக்கம்  என்ன?
    பதில்;உக்ரைன் நெருக்கடி மற்றும் உலகளாவிய உணவு நெருக்கடிகள் காரணமாக பெரும்பாலான நாடுகள் உணவை ஏற்றுமதி செய்யாது என்பதால், உணவுப் பற்றாக்குறை இருக்கும் என்ற அடிப்படையில் நாங்கள் இப்போது உள்நாட்டு உற்பத்தியைப் பார்க்கிறோம். எனவே நாம் அடிப்படை உணவுப் பொருட்களில் பாதுகாப்பாக இருப்பதை உறுதிசெய்யும் உணவுப் பாதுகாப்புத் திட்டத்தைக் கொண்டிருப்போம்.  அரிசி கிடைக்காவிட்டால், பயறு மற்றும் பலவற்றை எடுத்துக் கொள்ள வேண்டும்.
    மக்களுக்குத் தேவையான குறைந்தபட்ச கலோரிகள் இருப்பதை உறுதிசெய்ய வேண்டும், மேலும் அதற்கான வசதி இல்லாதவர்களுக்கு  உணவளிக்க வேண்டும். எனவே, இது 336 உள்ளூராட்சி ப் பிரிவுகளுக்கு பரவலாக்கப்பட்டு, நாங்கள் தொடங்கவிருக்கும் போராட்டமாகும் .
    கேள்வி;நெருக்கடிக்கு அதன்பதிலின்  ஒரு பகுதியாக,சக்தி  போன்ற பல்வேறு முக்கியமான துறைகளில் வெளிநாட்டு  நேரடி முதலீட்டை இலங்கை நாடுகிறது. அதானி குழுமம்  இந்தத் துறையில் நுழைவது சர்ச்சைக்குரியதாக மாறியுள்ளது, சர்வதேச கேள்விமனுக்கோரல்  முறை இல்லாத நிலையில், அவர்கள் எப்படி உள்ளே நுழைந்தார்கள் என்று இலங்கையில் பலர்கேட்கிறார்கள். இந்த நடவடிக்கைக்கு எதிர்ப்பு தெரிவித்து போராட்டங்கள் நடைபெற்று வருகின்றன. இது மற்ற முதலீட்டாளர்களைத் தடுப்பதுடன் , நாட்டின் பிரதிமையை  பாதிக்காதா?
    பதில்;அதானி குழுமம் தற்போது எ மக்கு தேவையான 500 மில்லியன் டொ லர்களை கொண்டு வந்துள்ளது. முதலீட்டாளர்கள் வருவதற்கு இது ஒரு நல்ல அறிகுறியாகும்.மீளப்  புதுப்பிக்கத்தக்க சக்தி , காற்றாலை மின்சாரம் ஆகியவற்றுக்கான இலங்கையின் சாத்தியபாடு  பா ரியது. இங்கு வரும் அனைத்து பெரிய நிறுவனங்களும் அதை முழுமையாகப் பயன்படுத்திக் கொள்ள முடியாது என்று நினைக்கிறேன். இது நாட்டின் பல பகுதிகளில்இது  உள்ளது. மன்னாரின் நன்மை என்னவென்றால், நீங்கள் இந்தியாவிற்கும் வழங்கலாம். எனவே, அதானி வருவதில் எங்களுக்கு எந்த பிரச்சனையும் இல்லை.
    கேள்வி ;யாழ் குடாநாட்டில் மூன்று தீவுகளில் இடம்பெறவிருக்கும் மீளப்  புதுப்பிக்கத்தக்க சக்தி  திட்டங்கள் பற்றி?
    பதில்;முன்னர் , ஆசிய அபிவிருத்தி வங்கி ஆதரவு கோமானு மூலம்   சீனா ஒப்பந்தத்தை வென்றது, ஆனால் இந்தியாவின் தெற்கு கடற்கரைக்கு ஒரு சீன திட்டம் நெருக்கமாக இருப்பது குறித்து கவலைகள் எழுந்ததையடுத்து, அதே திட்டத்தை செயற் படுத்த இலங்கை அரசாங்கம் இப்போது இந்தியாவுடன் இணைந்துள்ளது. சீனா தனது திட்டம் கைவிடப்பட்டதற்கு ஏமாற்றம் தெரிவித்துள்ளது. எனவே இந்த முதலீடுகளுக்கு ஒரு புவிசார் அரசியல் பரிமாணம் இருக்கிறது, இல்லையா?
    பதில்;அது சர்ச்சைக்குரியதாக இருந்தது, ஆனால் அரசாங்கம் இப்போது இந்திய அரசாங்கத்துடன் [திட்டம்] முன்னேறியுள்ளது. நான் அங்கு இல்லாததால் அதைப் பற்றி பேச முடியாது. இவை உணர்திறன் வாய்ந்தவை என்பதுடன்  கவனமாகக் கையாள வேண்டிய பிரச்சினைகள்.
    கேள்வி;அச்சுறுத்தும் பொருளாதார நெருக்கடியைத் தவிர, அரசாங்கம் நம்பகத்தன்மைதொடர்பாக  கடுமையான நெருக்கடியை எதிர்கொள்கிறது, ஜனாதிபதி, நீங்கள்,மற்றும்  இந்த அரசாங்கத்திற்கு எதிராக பொது மக்களின் போராட்டங்கள் இடம்பெற்று  வருகின்றன. நெருக்கடியைச் சமாளிக்க கடுமையான நடவடிக்கைகளை எடுக்க வேண்டியிருக்கும் போது, பொது மக்கள் மத்தியில் அரசாங்கம் எப்படி நம்பிக்கையை மீட்டெடுக்கும்?
    பதில்;முதலாவதாக, 21வது திருத்தம் அனைத்துக் கட்சிகளாலும், அரசாங்கத்தாலும், வெளியிலும்  விவாதிக்கப்பட்டு, எதிர்வரும் திங்கட்கிழமை அமைச்சரவையில் முன்வைக்கப்படவுள்ளது. சில பின்வரிசை பாராளுமன்ற உறுப்பினர்கள் தீர்க்க விரும்பிய சில பிரச்சினைகள் இருந்தன. இரண்டு அல்லது மூன்று நாட்களுக்கு முன்னர் இவ்விடயங்கள் விவாதிக்கப்பட்டு இறுதி உடன்பாடு எட்டப்பட்டதாக நான் புரிந்துகொள்கிறேன். எனவே இந்த வரைவு திங்கள்கிழமை அமைச்சரவைக்கு வரும்.
    பின்னர், செவ்வாயன்று, எதிர்க்கட்சித் தலைவர் மீதானஉயர்  நீதிமன்றத் தீர்மானத்தையும்,அத்  தீர்மானத்துடன் அது எவ்வாறு தொடர்பு கொள்கிறது என்பதைப் பார்க்க, ஐக்கிய மக்கள் சக்தியின்  வரைவு திருத்தத்தையும் பார்க்க வேண்டும்.
    கேள்விபொது மக்களின் பார்வையில் அரசியல் நம்பகத்தன்மை என்னமாதிரி ?
    பதில்;அதுவே அரசியல் நம்பகத்தன்மையை கட்டியெழுப்புவதற்கான முதல் படியாக இருக்கும். இரண்டாவதாக, பாரா ளுமன்றத்தில் குழு முறைமைகள்  குறித்து சில முன்மொழிவுகளை முன்வைத்துள்ளேன். அவற்றை முன்னாள் சபாநாயகர்  கரு ஜயசூரியவிடம் கையளித்துள்ளேன். அந்த அறிக்கை வந்தவுடன் பாரா ளுமன்றத்தில் விவாதித்து திருத்தங்களைச் செய்வோம். எனவே இது ஒருபடிப்படியான  செயற் பாடு, ஆனால் இவை இரண்டும் பெரியதாக இருக்கும் என்று நான் நினைக்கிறேன். மேலும் அவர்கள் செய்யும் செயல்களில் வெளிப்படைத்தன்மையுடன் இருக்குமாறு அனைவரையும் கேட்டுக் கொண்டுள்ளோம்.
    கேள்வி ;பொருளாதாரத்தை ஒழுங்கமைக்க  முக்கியமானதருணத்தில்  நீங்கள் கொண்டு வரப்பட்டீர்கள். ஜனாதிபதி மற்றும் ஆளும் கட்சியின் அரசியல் ஆதரவு உங்களுக்கு உள்ளதா? உதாரணமாக, பாராளுமன்றத்தில் துணை சபாநாயகர் தேர்ந்தெடுக்கப்பட்டபோது உங்கள் முன்மொழிவுக்கு கட்சியின் ஆதரவு இல்லை.
    பதில்;என்னைப் பொறுத்தமட்டில், மே மாதம் 9ஆம் திகதி, பின்வரிசை எம்.பி.க்கள் சிலர் நான் பிரதமராக வேண்டும் என்று விரும்பினர் [மகிந்த ராஜபக்ச ராஜினாமா செய்த பின்னர்]. எதிர்க்கட்சித் தலைவர் .சஜித் பிரேமதாசவுக்கு அழைப்பு விடுக்கப்பட்டிருந்ததால் வேண்டாம் என்று கூறினேன். இதனையடுத்து, ஜனாதிபதி பதவி விலக வேண்டும் என நிபந்தனை விதித்த போது, ஜனாதிபதி சரத் பொன்சேகாவை (எதிர்க்கட்சி எம்.பி.) அழைத்தார். பின்னர் ஆளுங்கட்சி எம்.பி.க்கள் சென்று என்னை ஜனாதிபதிக்கு பரிந்துரை செய்திருந்தனர். ஜனாதிபதி உங்களை அழைத்தால், அங்கு செல்லுங்கள், வேண்டாம் என்று சொல்லாதீர்கள் என்று என்னிடம் சொன்னார்கள்.
    பின்னர் ஜனாதிபதி என்னை அழைத்தார், நான் சென்று அவரை சந்தித்தேன். நிலைமை தீவிரமாக இருந்தது, யாராவது அதை எடுத்து வேலையைச் செய்ய வேண்டும் என்று நினைத்தேன். அதனால் நான் உள்ளே வரும்போது சில பின்வரிசை உறுப்பினர்களின் ஆதரவு எனக்கு இருந்தது.
    அதன்பிறகு, ஆதரவு பெருகி, ஜனாதிபதியும் கட்சியும் எனக்கு ஆதரவளித்தனர். தமிழ்த் தேசியக் கூட்டமைப்பினரிடையேயும், ஐக்கியமக்கள் சக்தியில்  உள்ள சிலரிடமும் கூட, நீங்கள் மீண்டும் போராடத் தொடங்குவதற்கு முன், நாம் இருக்கும் குழப்பத்தில் இருந்து நாட்டை மீட்டெடுக்க ஒன்றிணைய வேண்டும் என்ற அங்கீகாரம் உள்ளது.
    மேலும் பிரதி சபாநாயகரின் விடயத்தில் ஆளும் கட்சி எம்.பி.க்களுக்கு  எனது பிரேரணை பற்றி தெரியாது அல்லது அதற்கு ஆதரவாக இருப்போம் என தெரிவித்தனர்.
    கேள்வி; எனவே, உங்களுக்கு போதுமான அரசியல் ஆதரவு இருப்பதாக நீங்கள் உறுதியாக நம்புகிறீர்கள்.
    பதில் சரி, நான் எப்படியாவது சமாளிப்பேன்[சிரிக்கிறார்]. வேறு யாரும் இல்லாததால் நான் இங்கு வந்தேன். வேறு யாரும் [வேலைக்காக] வர முடியாத அளவுக்கு நிலைமை தற்போது மோசமாக உள்ளது.
    பதில்;நான் அளவோடு செல்கிறேன். எதிர்க்கட்சியும், அரசும் இணைந்து செயற் பட வேண்டும் என விரும்புகிறேன். வேறுபாடுகளை மறந்து விடுங்கள்.பிரிட்டனில்  இரண்டாம் உலகப் போரின் கொள்கைக்கு நாம் எப்பொழுதும் திரும்பிச் செல்லலாம், எதிர்க்கட்சித் தலைமை தொழிலாளர் கட்சியில் இருந்தது  அவர்கள் விரும்பியவரை பரிந்துரைக்கலாம். அதே நேரத்தில், அவர்களின் உறுப்பினர்கள் வின்ஸ்டன் சர்ச்சிலின் அமைச்சரவையில் பணியாற்ற சுதந்திரமாக இருந்தனர். எனவே நாமும் அதையே செய்யலாம், அதே நடைமுறையில் முன்னேறலாம். இது ஒரு நெருக்கடி, உங்களுக்கு புதிதாக எதுவும் தேவையில்லை. அப்போது பிரதான எதிர்க்கட்சி எதிர்க்கட்சியாக இருப்பதும், ஆட்சியில் இருப்பதும் சாதகமாகும். ஆனால் இந்த நிலையில் இருந்து நாட்டை மீட்டெடுக்க அனைவரும் ஒன்றுபட வேண்டும்.
    கேள்வி;இந்த எதிர்பாராத பணி உங்கள் அரசியல் வாய்ப்புகளை மாற்றிவிட்டதா? 2020 பொதுத் தேர்தலில் உங்கள் கட்சி அழிக்கப்பட்டது, நீங்கள் தோல்வியடைந்து ஐக்கிய தேசியக் கட்சியின் தனி  பாராளுமன்ற உறுப்பினராக தேசியப்பட்டியல் மூலம் வந்தீர்கள். உங்கள் அரசியல் வாழ்க்கை முடிந்துவிட்டதாகத் தோன்றியது.
    நான் ஒரு சவாலை ஏற்றுக்கொண்டேன், அது எங்கு முடிகிறது என்று பார்ப்போம். ஆனால் நான் எப்போதும் கட்சியில்  ஒருவராக இருப்பது பலமெனவும் , பலவீனம் அல்ல என்றும்  நினைத்தேன். எதிர்க்கட்சி அல்லது அரசாங்கத்தில் இருக்கும் யாருடனும் நீங்கள் சமாளிக்கலாம் [சிரிக்கிறார்]. நீங்கள் யாருக்கும் அச்சுறுத்தல் இல்லை. உங்களிடம் ஐந்து பேர் இருந்தால், நீங்கள் ஒருவருக்கு அச்சுறுத்தலாக இருந்திருப்பீர்கள், ஆனால் நீங்கள் ஒரு உறுப்பினராக இருக்கும்போது, நீங்கள் யாருக்கும் அச்சுறுத்தலாக இல்லை, உங்களால்  தொடரமுடியும் .

    ஆனால் உண்மையில், அரசியல் கட்சிகளைப் பொறுத்தவரை, பாராளுமன்றத்தில் இந்த நேரத்தில் நிலைமை மிகவும் மென்மையானது. எல்லாக் கட்சிகளிலும் வெவ்வேறு குழுக்கள் உருவாகி வருவதைக் காணலாம். நீங்கள் அவர்களை எவ்வாறு கையாள்வது மற்றும் அடுத்த வருடம்  அல்லது அதற்கு மேல் நாங்கள் கடந்து செல்வதை  உறுதி செய்வது பற்றியதாகும் .

    https://thinakkural.lk/article/185758

  12. பிரித்தானியா செல்லும் கிளிநொச்சி வீரர்!

    பிரித்தானியா செல்லும் கிளிநொச்சி வீரர்!

     

    பிரித்தானியா - பர்மிங்ஹாமில் நடைபெறவுள்ள 2022ம் ஆண்டுக்கான கொமன்வெல்த் விளையாட்டு போட்டியில் பங்குபெற்றும் குத்துச்சண்டை அணியில் கிளிநொச்சியைச் சேர்ந்த வீரர் ஒருவர் தெரிவாகியுள்ளார்.

    கிளிநொச்சி - கண்டாவளை பிரதேச செயலாளர் பிரிவிற்குட்பட்ட நாதன் குடியிருப்பு பகுதியைச் சேர்ந்த விட்டாலிஸ் நிக்லஸ் என்னும் வீரரே இவ்வாறு தெரிவு செய்யப்பட்டு சர்வதேச போட்டிகளில் பங்குகொள்ள பயணமாகவுள்ளார்.

    இவர் தேசியப் போட்டிகளில் வட மாகாணத்தினை பிரதிநிதித்துவப்படுத்தி பல பதக்கங்களை வடமாகாணத்திற்காக பெற்றுக்கொடுத்துள்ளதுடன், இராணுவ அணிக்காக விளையாடி தேசிய அணியில் இடம்பிடித்திருந்தார்.

    குடும்ப நிலையை கருத்திற்கொண்டு ஆடைத்தொழிற்சாலை ஒன்றில் வேலைக்கு சேர்ந்த இவரின் அதித திறமை காரணமாக இலங்கை தேசிய குத்துச்சண்டை அணிக்குள் உள்வாங்கப்பட்டு பல தகுதிகாண் போட்டிகளில் வெற்றியீட்டியதுடன் கொமன்வெல்த் போட்டிக்கு தெரிவு செய்யப்பட்டுள்ளார்.

    இப்போட்டியானது எதிர்வரும் ஜூலை மாதம் 28ம் திகதி தொடக்கம் ஆகஸ்ட் 08 ஆம் திகதி வரை லண்டனில் நடைபெறவுள்ளது.

    இந்த போட்டிகளில் முதல் மூன்று இடங்களைப்பெறும் வீரர்கள் ஒலிம்பிக் தகுதிகாண் போட்டிகளில் பங்குபெறும் வாய்ப்புக்களை பெறவுள்ளனர்.

    ஒலும்பிக் போட்டியில் பங்குகொள்ளும் குத்துச்சண்டை அணியில் இடம்பிடித்த இலங்கைத் தமிழர் என்ற செய்தியை உலகறிய செய்வதுடன், நாட்டிற்கும், கிளிநொச்சி மாவட்டத்திற்கும் பெருமை சேர்த்து கொடுப்பதே தனது இலட்சியம் என அவர் தெரிவிக்கின்றார்.

    தனது சாதனை பயணத்திற்கு சகோதரியும், பெற்றோருமே காரணம் என தெரிவிக்கும் அவர், இதுவரை எந்த அரசியல்வாதியும் திரும்பி பார்த்ததில்லை என தெரிவித்திருந்தார்.

    இந்த பயணம் வரை பயிற்சிக்காக வாகன ரயர் ஒன்றையே பயன்படுத்தி வருவதாகவும், தொடர் முயற்சியே இலக்கை அடைய வழி வகுப்பதாகவும் அவர் தெரிவிக்கின்றார்.
     

    -கிளிநொச்சி நிருபர் சப்தன்-

     

    http://tamil.adaderana.lk/news.php?nid=162701

    • Like 1
  13. விவசாய அமைச்சின் அதிரடி தீர்மானம்!

    விவசாய அமைச்சின் அதிரடி தீர்மானம்!

     

    எதிர்வரும் ஜூலை மாதம் 06 ஆம் திகதி முதல் விவசாய அமைச்சின் கீழ் உள்ள அனைத்து ஊழியர்களினதும் விடுமுறைகள் இரத்துச் செய்யப்பட்டுள்ளது.

    இந்தியாவிடம் இருந்து கிடைக்கப்பெறவுள்ள யூரியா உரத்தை வினைத்திறனான முறையில் விநியோகிப்பதற்காக இவ்வாறு விடுமுறைகள் ரத்துச் செய்யப்பட்டுள்ளதாக விவசாய அமைச்சு தெரிவித்துள்ளது.
     
  14.  3 பில்லியன் பெறுமதியான பொருட்களுடன் நாட்டை வந்தடைந்த கப்பல்!

    3 பில்லியன் பெறுமதியான பொருட்களுடன் நாட்டை வந்தடைந்த கப்பல்!

     

    இந்திய மக்களால் இலங்கைக்கு வழங்கப்பட்ட மனிதாபிமான உதவித்தொகையுடன் கூடிய கப்பல் இன்று (24) இலங்கையை வந்தடைந்துள்ளது.

    அவற்றில் 14,712 மெட்ரிக் தொன் அரிசி, 250 மெட்ரிக் தொன் பால் மா மற்றும் 38 மெட்ரிக் தொன் மருந்துகள் அடங்குவதாக தெரிவிக்கப்படுகிறது.

    இந்த மனிதாபிமான உதவியின் மொத்த பெறுமதி 3 பில்லியன் இலங்கை ரூபா என தெரிவிக்கப்படுகிறது..

    இந்திய மக்களால் வழங்கப்பட்ட முதல் மனிதாபிமான உதவித்தொகை கடந்த மாதம் 22 ஆம் திகதி நாட்டை வந்தடைந்ததுடன் அதில் 9,000 மெட்ரிக் தொன் அரிசி, 50 மெட்ரிக் தொன் பால்மா மற்றும் 25 மெட்ரிக் தொன் மருந்துகள் அடங்கியிருந்தமை குறிப்பிடத்தக்கது.
×
×
  • Create New...

Important Information

By using this site, you agree to our Terms of Use.