கிருபன்

கருத்துக்கள உறவுகள்
  • Content Count

    18,059
  • Joined

  • Days Won

    71

கிருபன் last won the day on August 31

கிருபன் had the most liked content!

Community Reputation

3,147 நட்சத்திரம்

2 Followers

About கிருபன்

  • Rank
    வலைப்போக்கன்

Contact Methods

  • Website URL
    http://
  • ICQ
    0

Profile Information

  • Gender
    Male
  • Location
    முடிவிலி வளையம்
  • Interests
    போஜனம், சயனம்

Recent Profile Visitors

  1. மாற்றமடையும் பாதுகாப்பு உறவுகள் புதினப்பணிமனைSep 15, 2019 | 4:03 by in கட்டுரைகள் இலங்கையுடன் நெருக்கமான பாதுகாப்பு உறவுகளை ஏற்படுத்திக் கொள்வதில், கடந்த நான்கரை ஆண்டுகளாக, தீவிரமான முனைப்புக் காட்டி வந்த அமெரிக்கா, வரும் நாட்களில் அவ்வாறான தீவிர முனைப்பைக் காட்டுமா என்ற சந்தேகம் தோன்றியிருக்கிறது. இலங்கையின் முன்னாள் கடற்படைத் தளபதி அட்மிரல் ஜெயந்த கொலம்பகே, அண்மையில் ஒரு செவ்வியில், பாதுகாப்பு உறவுகள் ரீதியாக அமெரிக்காவுக்குத் தான் இலங்கை முக்கியமே தவிர, இலங்கைக்கு அமெரிக்கா முக்கியம் அல்ல என்ற தொனியில் கருத்து வெளியிட்டிருந்தார். ஒரு வகையில் இது முற்றிலும் உண்மையான கருத்து தான். இப்போது இந்தோ- பசுபிக் பாதுகாப்புக் கொள்கையும், அதற்கான மூலோபாயமும் தான், அமெரிக்காவின் முதன்மையான பாதுகாப்பு வியூகமாக இருக்கிறது. அமெரிக்காவின் பெரும்பகுதி படைகளும், தளங்களும், போர்க்கலங்களும் இங்கேயே தரித்து நிற்கின்றன. அவ்வாறானதொரு பிராந்தியத்தின் – கேந்திர முனையில் அமைந்திருக்கின்ற இலங்கைத்தீவு அமெரிக்காவுக்கு மிகமிக முக்கியமானது. அதனை உணர்ந்தே 2015ஆம் ஆண்டுக்குப் பின்னர் இலங்கையுடனான உறவுகளை அமெரிக்கா வலுப்படுத்தி வந்தது. ஆனால், இப்போது அந்த உறவுகளில் ‘விக்கல்’ நிலை வந்திருக்கிறது. இலங்கையுடன் அமெரிக்கா கைச்சாத்திட விரும்பிய ‘சோபா’(SOFA) அல்லது ‘விஎவ்ஏ’ (VFA) உடன்பாடு விடயத்தில் இலங்கை அரசாங்கம்- குறிப்பாக ஜனாதிபதி மைத்திரிபால சிறிசேன- எடுத்துள்ள முடிவு, அமெரிக்காவுக்கு திருப்தியளிக்கவில்லை. இது முதலாவது விடயம். நம்பகமான போர்க்குற்றச்சாட்டுக்கு உள்ளாகியிருக்கும், லெப்.ஜெனரல் சவேந்திர சில்வா இராணுவத் தளபதியாக நியமிக்கப்பட்டுள்ளதையும் அமெரிக்காவினால் ஏற்றுக்கொள்ள முடியவில்லை. இது இரண்டாவது விடயம். இந்த இரண்டு விடயங்களும், இலங்கைக்கும் அமெரிக்காவுக்கும் இடையில் அண்மைக் காலங்களில் நீடித்து வந்த நெருங்கிய இராணுவ உறவுகளுக்கு சவாலாக மாறியிருக்கின்றன. முதலாவது விடயமான ‘சோபா’ அல்லது ‘விஎவ்ஏ’ உடன்பாடு விடயத்தில் அமெரிக்கா தனது எதிர்ப்பை பகிரங்கமாக வெளிப்படுத்தவில்லை. ‘விழுந்தும் மீசையில் மண் ஒட்டவில்லை’ என்பது போலவே கருத்து வெளியிட்டுக் கொண்டிருக்கிறது. ஏனென்றால், இலங்கையுடன் ஒரு உடன்பாட்டுக்கு அமெரிக்காவினால் ஓரளவுக்கு மேல் அழுத்தம் கொடுக்க முடியாது. அவ்வாறு செய்தால் அது ஒரு நாட்டின் இறைமையை – சுதந்திரத்தை மீறுகின்ற செயல் என்று பார்க்கப்படும். அவ்வாறான நிலை ஏற்படுவதை தவிர்க்கவே, “இதுகுறித்துப் பேசிக் கொண்டிருக்கிறோம், எப்போது என்றில்லை. உடன்பாடு ஏற்படும் போது, இன்றோ நாளையோ, அடுத்த ஆண்டோ கையெழுத்திடுவோம்” என்ற தொனியில் அமெரிக்க அதிகாரிகள் கருத்து வெளியிடுகிறார்கள். ஆனால், இராணுவத் தளபதியாக லெப்.ஜெனரல் சவேந்திர சில்வா நியமிக்கப்பட்ட விவகாரத்தில், அமெரிக்காவின் நிலைப்பாடு அவ்வாறானதான இருக்கவில்லை. இலங்கை அரசாங்கத்தின்- குறிப்பாக ஜனாதிபதி மைத்திரிபால சிறிசேனவின் அந்த முடிவை அமெரிக்கா ஏற்கவில்லை. அதற்கு கவலையை எதிர்ப்பை வெளிப்படுத்தியிருக்கிறது. இராணுவத் தளபதி நியமன விடயத்தில் தலையிடவில்லை என்று அமெரிக்கா கூறுகின்ற அதேவேளை, குற்றச்சாட்டுக்கு உள்ளாகிய ஒருவர் உயர் பதவிக்கு நியமிக்கப்படுவதால், இலங்கையுடனான அமெரிக்காவின் பாதுகாப்பு உறவுகள் பாதிக்கப்படும் என்றும் எச்சரிக்கை செய்திருக்கிறது. வொசிங்டனில் அமெரிக்க இராஜாங்கத் திணைக்களப் பேச்சாளர் ஒருவர் வெளியிட்டிருந்த இந்த எச்சரிக்கையை இலங்கை அரச தரப்பு அவ்வளவாக கண்டுகொள்ளவில்லை. அவ்வாறான ஒரு சந்தர்ப்பத்தில் தான், அட்மிரல் கொலம்பகேயிடம் இருந்து, இலங்கைக்கு அமெரிக்கா முக்கியம் இல்லை, அமெரிக்காவுக்கே இலங்கை முக்கியம் என்ற தொனியிலான கருத்து வெளிவந்திருந்தது. அமெரிக்காவுக்கு பாதுகாப்பு ரீதியாக – பூகோள அரசியல் ரீதியாக, இலங்கை முக்கியமானதாக இருந்தாலும், இலங்கையின் இப்போதைய அணுகுமுறைக்கேற்ப அமெரிக்கா வளைந்து நெகிழ்ந்து கொடுக்கும் என்ற எதிர்பார்ப்பு தவறான ஒன்றாகவே தெரிகிறது. இலங்கை இராணுவத்தின் ஏற்பாட்டில், கடந்த மாத இறுதியில் நடத்தப்பட்ட கொழும்பு பாதுகாப்புக் கருத்தரங்கில், அதற்கான அறிகுறிகள் வெளிப்பட்டிருந்தன. அந்தக் கருத்தரங்கில், அமெரிக்கா, கனடா மற்றும் ஐரோப்பிய ஒன்றிய நாடுகளின் தூதுவர்கள், இராஜதந்திரிகள், பாதுகாப்பு ஆலோசகர்கள் பங்கேற்கவில்லை. கடந்த ஆண்டு 87 நாடுகள் பங்கேற்ற கொழும்பு பாதுகாப்புக் கருத்தரங்கில், இந்த ஆண்டு 42 நாடுகளே பங்கேற்றன. 2011ஆம் ஆண்டில் இந்தப் பாதுகாப்புக் கருத்தரங்கை இலங்கை இராணுவம் நடத்த ஆரம்பித்தபோது, அதற்கு கடுமையான எதிர்ப்புகள் கிளம்பின. குறைந்தளவு நாடுகளே அதில் பங்கேற்றன. ஆனாலும், அமெரிக்கா 2011ஆம் ஆண்டில் இருந்து தொடர்ச்சியாக ஒவ்வொரு ஆண்டும் பிரதிநிதிகளை அனுப்பியது. அமெரிக்க தூதுவர், பாதுகாப்பு ஆலோசகர் ஆகியோர் பங்கேற்று வந்துள்ளனர். இந்த ஆண்டும் அமெரிக்க தூதரகத்துக்கு அழைப்பு விடுக்கப்பட்டது. ஆனால் யாரும் பங்கேற்கவில்லை. “எமக்கு அழைப்பு வந்தது, ஆனால் வேறு கடமைகள் இருந்தன” என்று அமெரிக்க தூதரகப் பேச்சாளர் ஒருவர் மிக அலட்சியமாக கூறியிருக்கிறார். கொழும்பு பாதுகாப்புக் கருத்தரங்கை விட, வேறு முக்கியமான பணிகள் இருந்தன- அதனைக் கவனித்தோம் என்று கொழும்பு தூதரக அதிகாரிகள் கூறியது, எதனைக் காட்டுகிறது? அமெரிக்காவுக்குத் தான் இலங்கை முக்கியம், அதனால் பாதுகாப்பு உறவுகள் பாதிக்கப்படாது என்ற நம்பிக்கைக்கு விழுந்த முதல் அடி இது. இலங்கையுடன் பாதுகாப்பு உறவுகள் தான் முக்கியமானது, முதன்மையானது என்றால், இந்தக் கருத்தரங்கில் அமெரிக்கா விழுந்தடித்துக் கொண்டு பங்கேற்றிருக்க வேண்டும். ஆனால் அப்படி நடக்கவில்லை. அதுபோலவே, புதிதாக நியமிக்கப்பட்ட இராணுவத் தளபதி லெப்.ஜெனரல் சவேந்திர சில்வாவை பல்வேறு நாடுகளின் தூதுவர்கள், பாதுகாப்பு ஆலோசகர்கள் சந்தித்து வாழ்த்துக் கூறியுள்ள போதும், இதுவரை அமெரிக்க தூதுவரோ பாதுகாப்பு ஆலோசகரோ, அவரைச் சந்திக்கவில்லை. இந்த இரண்டு விடயங்களில் இருந்தும் ஒரு விடயத்தைப் புரிந்து கொள்ள முடிகிறது. இலங்கையுடனான பாதுகாப்பு உறவுகள் விடயத்தில், முன்னரைப் போன்ற நெகிழ்வுத்தன்மையை அமெரிக்கா கடைப்பிடிக்காது என்பதே அது. “இலங்கையுடனான பாதுகாப்பு உறவுகள் முக்கியமானது. அதனை மேலும் வலுப்படுத்துவோம்” என்று அமெரிக்க இராஜாங்கத் திணைக்களத்தின், பாதுகாப்புத் திணைக்களத்தின் அதிகாரிகள் அனைவரும் பகிரங்கமாகவே கூறி வந்திருக்கிறார்கள். ஆனாலும், அவ்வாறான ஒரு உறவு தேவையானதாக இருந்தபோதும், தனக்கு உடன்பாடாக இல்லாத விடயத்தில் விட்டுக்கொடுக்க அமெரிக்கா தயாரில்லை என்பதை வெளிப்படுத்தி வருகிறது. அதற்காக, ஒட்டுமொத்தமாக இலங்கையுடன் பாதுகாப்பு உறவுகளைத் துண்டித்துக் கொள்ளும் என்று எதிர்பார்க்க முடியாது. அது நடக்கப் போவதும் இல்லை. ஆனால், இலங்கையுடனான பாதுகாப்பு உறவுகள் விடயத்தில் அமெரிக்கா சில வடிகட்டல்களை மேற்கொள்ளக் கூடும். இலங்கை இராணுவத்துடனான உறவுகள் தொடர்புகளை குறிப்பிட்ட காலத்துக்கு இடைநிறுத்தி வைக்கும், அல்லது மட்டுப்படுத்தி வைக்கும் முடிவை அமெரிக்கா எடுக்கலாம். அமெரிக்க இராஜாங்கத் திணைக்களம், நாடுகளின் மனித உரிமைகள் நிலை தொடர்பான ஆண்டு அறிக்கையை வெளியிடுவது வழக்கம். , சில ஆண்டுகளுக்கு முன்னர் வரை, அமெரிக்கா வெளியிட்ட அறிக்கையில், , ‘மனித உரிமை கரிசனைகளால், இலங்கையுடனான இராணுவ உறவுகள் மட்டுப்படுத்தப்பட்டளவில் பேணப்படுகின்றன” என்றொரு வாக்கியம் இடம்பெற்று வந்தது. கடந்த ஓரிரு ஆண்டுகளாகத் தான் இந்த வாக்கியம், அந்த அறிக்கையில் இடம்பெறுவதில்லை. இலங்கையுடனான இராணுவ உறவுகளை அமெரிக்கா மட்டுப்படுத்தியிருந்த போது, பெரும்பாலும் இராணுவத்தினருக்குத் தான், பாதிப்பு ஏற்பட்டது. ஏனென்றால் இராணுவம் மீதே மனித உரிமை மீறல் குற்றச்சாட்டுகள் அதிகளவில் இருந்தன. அதனால் இராணுவத்தை தவிர்த்து, கடற்படைக்கான மனிதாபிமான உதவிகளையும், கண்ணிவெடி அகற்றுவதற்கான உதவிகள் பயிற்சிகளையுமே அப்போது அமெரிக்கா வழங்கி வந்தது. 2015ஆம் ஆண்டுக்குப் பின்னரும் கூட, அமெரிக்கா இலங்கை கடற்படைக்கான உதவிகள், பயிற்சிகளையே அதிகளவில் வழங்கி வந்தது. ஒரு கட்டத்தில் இராணுவத்துக்கும் உதவிகள் பயிற்சி வசதிகளை வழங்கத் தொடங்கியது. இப்போதைய நிலையில், மீண்டும், இராணுவத்துடனான தொடர்புகள், உறவுகளை மட்டுப்படுத்திக் கொள்ள அமெரிக்கா முடிவு செய்தாலும், கடற்படையுடனான உறவுகள், உதவிகளை அமெரிக்கா நிறுத்திக் கொள்ளுமா என்பது சந்தேகம் தான். ஏனென்றால், இலங்கைக் கடற்படையை பலப்படுத்துவதில் அமெரிக்கா மிகப்பெரிய பங்களிப்பை வழங்கியிருக்கிறது. போர்க்கப்பல்களைக் கொடுத்தும், கடற்படையின் மரைன் கொமாண்டோ படைப்பிரிவை உருவாக்குவதற்றகான உதவிகள், பயிற்சிகளை அளித்தும், அமெரிக்கா பெரும் பங்களிப்பை செய்திருந்தது, அதற்குக் காரணம், இந்தியப் பெருங்கடலின் பாதுகாப்புக்கான ஒரு பங்காளியாக இலங்கை கடற்படையை வைத்திருப்பதேயாகும். அவ்வாறான நிலையில், இந்தளவுக்கு கட்டியெழுப்பப்பட்ட இலங்கை கடற்படையுடன் உறவுகளை திடீரென முறித்துக் கொள்ள அமெரிக்கா விரும்பாது, ஆனால் இலங்கை இராணுவத்துடன் அவ்வாறான உறவுகளை முறிப்பது அமெரிக்காவுக்கு பெரிய விடயமாக இருக்காது. ஏனென்றால், இலங்கை இராணுவத்துக்குத் தான், அமெரிக்காவின் தயவு தேவையே தவிர, அமெரிக்காவுக்கு அல்ல. -சுபத்ரா வழிமூலம்- வீரகேசரி வாரவெளியீடு http://www.puthinappalakai.net/2019/09/15/news/40018
  2. எழுக தமிழில் பங்கேற்க சம்பந்தனுக்கு அழைப்பு – வருவார் என விக்கி நம்பிக்கை சிறப்புச் செய்தியாளர்Sep 15, 2019 | 3:55 by in செய்திகள் யாழ்ப்பாணத்தில் நாளை நடைபெறும் எழுக தமிழ் பேரணியில் பங்கேற்குமாறு தமிழ்த் தேசியக் கூட்டமைப்பின் தலைவர் இரா.சம்பந்தனுக்கும் அழைப்பு விடுக்கப்பட்டுள்ளதாக, தமிழ் மக்கள் பேரவையின் இணைத் தலைவர் சி.வி.விக்னேஸ்வரன் தெரிவித்துள்ளார். தமிழ் மக்கள் பேரவையில் தமிழ்த் தேசியக் கூட்டமைப்பு பங்கேற்காத போதும், அனைத்துக் கட்சிகளையும், அமைப்புகளையும், அரசியல் சார்பின்றி இந்தப் பேரணியில் பங்கேற்குமாறு தமிழ் மக்கள் பேரவை சார்பில் அழைப்பு விடுக்கப்பட்டுள்ளது. இதுவரை தமிழ்த் தேசியக் கூட்டமைப்பு எழுக தமிழ் நிகழ்வுக்கு எதிர்ப்பு வெளியிடவோ, அல்லது ஆதரவு தெரிவிக்கவோ இல்லை. எனினும் கூட்டமைப்பின் பங்காளிக் கட்சியான ரெலோ மாத்திரம், இந்தப் பேரணிக்கு ஆதரவு தெரிவித்துள்ளது. இந்த நிலையில் கொழும்பு ஆங்கில ஊடகம் ஒன்றுக்கு கருத்து வெளியிட்டுள்ள சி.வி.விக்னேஸ்வரன், “ தமிழ்த் தேசியக் கூட்டமைப்பின் தலைவர் இரா.சம்பந்தனை இந்த நிகழ்வில் பங்கேற்குமாறு தமிழ் மக்கள் பேரவை அழைத்துள்ளது என்று தெரிவித்துள்ளார். இரா.சம்பந்தனை இந்த நிகழ்வில் பார்க்க முடியும் என்று நம்புவதாகவும் அவர் கூறியுள்ளார். எனினும், இன்னமும் அழைப்பு விடுக்கப்படவில்லை என்று, தமிழ்த் தேசியக் கூட்டமைப்பின் பிரமுகர்களில் ஒருவரான சிவஞானம் தெரிவித்துள்ளார். http://www.puthinappalakai.net/2019/09/15/news/40015
  3. கிளிநொச்சியில் சட்டவிரோதமாக அமைக்கப்படும் தென்னிலங்கையரின் உப்பளம் கிளிநொச்சியின் உருத்திரபுரம் பகுதியின் செருக்கன் பகுதியில் தென்னிலங்கையைச் சேர்ந்த நிறுவனத்தால் சட்டவிரோதமான முறையில் உப்பளம் அமைக்கப்பட்டு வருகின்றது. இந்த விடயம் தொடர்பாக மேலும் தெரியவருவதாவது, தென்னிலங்கையைச் சேர்ந்த நிறுவனம் ஒன்று சட்டவிரோதமான முறையில் உப்பளம் ஒன்று அமைக்கப்படுவதாக பாராளுமன்ற உறுப்பினர் சிவஞானம் சிறீதரனுக்கு பொது மக்களால் கிடைத்த முறைப்பாட்டின் அடிப்படையில் அங்கு சென்றார். குறித்த பகுதியில் அமைக்கப்படும் உப்பளமானது பிரதேச செயலாளர் பிரதேச சபை மற்றும் மாவட்ட செயலாளர் ஆகியோரின் அனுமதி இன்றி அமைக்கப்பட்டு வருகின்றது. குறித்த உப்பளம் குறித்த பகுதியில் அமைக்கப்பட்டு வருவதால் பல்லாயிரக்கணக்கான ஏக்கர் வயல் நிலங்கள் பாதிக்கப்படும் நிலையிலும் செருக்கன், பெரியபரந்தன் சாலம்பன் நீவில் பொறிக்கடவை உருத்திரபுரம் சிவநகர் இன்னும் பல கிராமங்களின் நீர் உவர் நீராகும் நிலையிலும் சுமார் 3000 மக்களின் வாழ்வு பாதிக்கப்படும் நிலையிலும் உள்ளது. ஏற்கனவே கிளிநொச்சியில் ஆணையிறவு சர்வதேச தரத்தில் வெள்ளை உப்பிற்கு பெயர் பெற்ற குறிஞ்சா தீவு உப்பளம் போன்றவை உள்ள நிலையில் இந்த உப்பளம் இந்தப் பகுதிக்கு தேவையற்ற வகையில் அமைக்கப்பட்டு வருகிறது. இந்த விடயம் தொடர்பாக அங்கு வேலை செய்யும் மக்களிடம் வினாவியபோது குறித்த வேலைகள் ஆரம்பிக்கப்படும் முன்பு யாழ்ப்பாணத்தைச் சேர்ந்த சிறீலங்கா சுதந்திரக் கட்சியின் தேசியப்பட்டியல் பாராளுமன்ற உறுப்பினர் ஒருவர் குறித்த நிறுவனத்தின் தலைவர்களுடன் வருகை தந்து கிராமத்தில் கூட்டம் ஒன்றை நடத்தியதாகவும் அந்த கூட்டத்தில் 35 பேருக்கு வேலைவாய்ப்பு தருவதாகவும் தமக்கு வழங்கிய வாக்குறுதியின் படியே தாங்கள் வந்து வேலை செய்வதாகவும் குறிப்பிட்டனர். கிராம மக்களின் முறைப்பாட்டை அடுத்து பாராளுமன்ற உறுப்பினர் அந்த கிராம மக்கள் கரைச்சி பிரதேச சபையின் தவிசாளரும் கலந்து கொண்டார். https://www.virakesari.lk/article/64802
  4. சஜித்தை ஆதரிப்பதாக மைத்திரி கூறவேயில்லை: வீர­கு­மார திஸா­நா­யக்க செவ்வி ஸ்ரீலங்கா சுதந்­தி­ர­கட்சி சஜித் அணி­யுடன் இணை­வது பற்­றியோ பொது­வேட்­பா­ள­ராக சஜித் பிரே­ம­தா­ஸவை கள­மி­றக்­கு­வது பற்­றியோ எந்­த­வொரு சந்­தர்ப்­ப­திலும் சஜித் பிரே­ம­தா­ஸ­வு­டனோ அல்­லது அவர் தரப்­பி­ன­ரு­டனோ எந்­த­வி­த­மான கலந்­து­ரை­யா­டல்­களும் நடை­பெ­றவே இல்லை. அதே­நேரம், ஜனா­தி­பதி மைத்­தி­ரி­பா­லவும் எந்­த­வொரு சந்­தர்ப்­பத்­திலும் சஜித்தை ஆத­ரிப்­ப­தா­கவும் கூறவே இல்லை என்று ஸ்ரீலங்கா சுதந்­தி­ரக்­கட்சியின் பேச்­சா­ளரும் பாரா­ளு­மன்ற உறுப்­பி­ன­ரு­மான வீர­கு­மார திஸா­நா­யக்க வீர­கே­சரி வார­வெ­ளி­யீட்­டுக்கு வழங்­கிய செவ்­வியில் இவ்­வாறு தெரி­வித்தார். அச்­செவ்­வியின் முழு­ வ­டிவம் வரு­மாறு, கேள்வி:- பொது­ஜன பெர­மு­ன­வு­ட­னான பேச்­சு­வார்த்தை எந்­தக்­கட்­டத்­தினை அடைந்­துள்­ளது? பதில்:- பொது­ஜன பெர­மு­ன­வு­ட­னான பேச்­சு­வார்த்தை முன்­னேற்­ற­க­ர­மா­ன­தா­கவே நடை­பெற்று வரு­கின்­றது. எமக்கு இடையில் கொள்கை ரீதி­யான பிரச்­சி­னைகள் இல்லை. ஆகையால் நாம் பரந்துபட்ட கூட்­ட­ணியில் இணை­வ­தற்கு அது­வொரு தடை­யாக இல்லை. கூட்­டணி செயற்­றிட்­டங்கள் தொடர்பில் கலந்­து­ரை­யா­டல்கள் இடம்­பெற்று தற்­போது சின்னம் சம்­பந்­த­மான பேச்­சுக்­களை ஆரம்­பித்­துள்ளோம். இரண்டு கட்­சி­க­ளுக்கும் பொது­வா­ன­தொரு சின்­னத்­தினை தெரிவு செய்­வது தொடர்­பாக ஆராய்ந்து வரு­கின்றோம். கேள்வி:- பொது­ஜன பெர­மு­ன­வா­னது தாம­ரை­மொட்டு சின்­னத்தில் உள்­ளூ­ராட்சி மன்­றத் தேர்­தலில் கள­மி­றங்கி வெற்­றி­யையும் கண்­டுள்ள நிலையில் அச்­சின்­னத்­தினை கைவி­டு­வ­தற்கு முன்­வ­ரு­வார்­களா? பதில்:- கூட்­ட­ணி­யொன்று பரந்து பட்­ட­ளவில் ஏற்­ப­டுத்­து­கின்­ற­போது பொதுச்­சின்னம் அவ­சி­ய­மா­கின்­றது. இது புதிய விட­ய­மல்ல. கடந்­த­ கா­லத்தில் இவ்­வா­றான இணக்­கப்­பா­டுகள் ஏற்­பட்ட அனு­பவங்கள் இரு­ த­ரப்­பி­ன­ருக்­குமே இருக்­கின்­றன. கேள்வி:- பொது­ஜ­ன பெ­ர­மு­னவின் முக்­கி­யஸ்­தர்கள் தாம­ரை­மொட்­டு சின்­னத்­தி­லேயே அடுத்­து­வரும் தேர்­தல்­க­ளுக்கு முகங்­கொ­டுக்­க­வுள்­ள­தாக உறு­தி­யாக கூறி­யுள்­ளார்­களே? பதில்:- தற்­போது பேச்­சு­வார்த்தை ஆரம்­பிக்­கப்­பட்­டுள்­ளது. அது நிறை­வ­டை­வ­தற்கு முன்­ன­தாக எமது நிலைப்­பாட்­டினை கூற­மு­டி­யா­தல்­லவா? கேள்வி:- வேட்­பாளர் தொடர்பில் பேச்­சு­வார்த்­தைகள் இடம்­பெற்­றி­ருக்­கின்­ற­னவா? பதில்:- வேட்­பாளர் விடயம் சம்­பந்­த­மாக நாம் எந்­த­வொரு கருத்­துப் ப­ரி­மாற்­றத்­தி­னையும் மேற்­கொண்­டி­ருக்­க­வில்லை. கேள்வி:- பொது­ஜ­ன­ பெ­ர­முன ஜனா­தி­பதி வேட்­பா­ள­ராக முன்னாள் பாது­காப்புச் செய­லாளர் கோத்­தா­பய ராஜ­ப­க் ஷவை அறி­வித்து விட்ட நிலையில் நீங்கள் கூட்­ட­ணியில் இணை­கின்­ற­போது அவ­ரையே வேட்­பா­ள­ராக ஏற்­றுக்­கொள்­வீர்­களா? பதில்:- பொது­ஜ­ன பெ­ர­முன தனது தரப்பு வேட்­பா­ளரை அறி­வித்­துள்­ளது. நாம் பரந்­து­பட்ட கூட்­ட­ணிக்­கான அடிப்­படை விட­யங்­களை தற்­போது பேசிக்­கொண்­டி­ருக்­கின்றோம். அவை நிறை­வ­டை­கின்­ற­போது இத்­த­கைய பிர­தான விட­யங்கள் பற்றி கவனம் செலுத்­துவோம். கேள்வி:- ஜனா­தி­பதி மைத்­தி­ரி­பால சிறி­சே­ன­வையே ஜனா­தி­பதி வேட்­பா­ள­ராக மீண்டும் கள­மி­றக்க வேண்டும் என்ற நிலைப்­பாட்டில் இருக்­கின்ற நிலையில் பொது­ஜ­ன­ பெ­ர­மு­ன­வு­ட­னான பேச்­சு­வார்த்தை வெற்­றி­ய­ளிக்கும் என்று எவ்­வாறு கருத முடியும்? பதில்:- சுதந்­தி­ரக்­கட்­சியின் மத்­தி­ய­க் குழு ஜனா­தி­பதி வேட்­பா­ள­ராக ஜனா­தி­பதி மைத்­தி­ரி­பால சிறி­சேன கள­மி­றங்க வேண்டும் என்று தீர்­மானம் எடுத்­துள்­ளது. அதே­போன்று சுதந்­தி­ரக்­கட்­சியின் பாரா­ளு­மன்­றக்­ கு­ழுவும் ஜனா­தி­பதி மைத்­தி­ரி­பா­லவே மீண்டும் ஜனா­தி­பதி வேட்­பா­ள­ராக கள­மி­றங்க வேண்டும் என்ற கோரிக்­கையை முன்­வைத்­துள்­ளது. பொது­ஜ­ன பெ­ர­மு­ன­வு­ட­னான பேச்­சு­வார்த்­தை­களின் அடிப்­ப­டையில் இந்த முடி­வுகள் தொடர்­பாக மீண்டும் மறு­ப­ரி­சீ­ல­னைகள் இடம்­பெ­று­வ­தற்கு வாய்ப்­புக்கள் உள்­ளன. கேள்வி:- பொது­ஜ­ன­ பெ­ர­மு­ன­வுடன் பேச்­சுக்­களை நடத்­து­கின்ற ஏக காலத்தில் சுதந்­தி­ரக்­கட்சி ஜனா­தி­பதி வேட்­ப­ாளரை நிறுத்தும் என்று தேர்­தல்கள் ஆணைக்­கு­ழுவின் தவி­சா­ள­ருக்கும் அறி­வித்­தி­ருக்­கின்­றீர்­களே? பதில்:- ஜனா­தி­பதித் தேர்­தலில் வேட்­பா­ளர்­களை நிறுத்தும் கட்­சிகள் தமது அறி­விப்­புக்­களை செய்­யு­மாறு தேர்­தல்கள் ஆணைக்­கு­ழுவின் தவி­சாளர் அறி­வித்­தி­ருந்தார். அதற்­க­மை­வா­கவே நாம் அறி­விப்­பினை செய்­துள்ளோம். பொது­ஜ­ன பெ­ர­மு­ன­வுடன் முன்­னெ­டுக்­கப்­படும் பேச்­சுக்கள் தோல்­வி­ய­டைந்தால் சுதந்­தி­ரக்­கட்சி தனது வேட்­பா­ளரை கள­மி­றக்கும். சுதந்­தி­ரக்­கட்சி தனித்து போட்­டி­யி­டவும் தயா­ரா­கவே உள்­ளது. சுதந்­தி­ரக்­கட்சி ஜனா­தி­பதித் தேர்­தலில் போட்­டி­யிடும் என்ற அறி­விப்பால் பேச்­சு­வார்த்­தைகள் பாதிக்­கப்­ப­டாது. கேள்வி:- ஜனா­தி­பதி மைத்­தி­ரி­பால சிறி­சே­ன­வி­டத்தில் மீண்டும் ஜனா­தி­பதி வேட்­பா­ள­ராக கள­மி­றங்­கு­மாறு கோரிக்கை விடுத்­த­போது அவ­ரு­டைய பிர­தி­ப­லிப்பு எவ்­வாறு இருந்­தது? பதில்:- அவர் அதனை நிரா­க­ரிக்­க வில்லை. எனினும், ஜனா­தி­பதி பத­வி­யை­வி­டவும் சுதந்­திரக் கட்சி தலை­மையில் சிறந்­த­தொரு அர­சாங்­கத்­தினை அமைக்­க­வேண்டும் என்­ப­தி­லேயே உறு­தி­யாக இருக்க வேண்­டு­மென அவர் கரு­து­கின்றார். கேள்வி:- தேசிய பட்­டியல் மூலம் நிய­மிக்­கப்­பட்ட உறுப்­பி­னர்­க­ளுக்கு எதி­ராக மட்டும் ஒழுக்­காற்று நட­வ­டிக்­கை­களை முன்­னெ­டுக்க தீர்­மா­னித்­துள்­ள­மைக்­கான காரணம் என்ன? பதில்:- தேசிய பட்­டியல் உறுப்­பு­ரி­மை­யா­னது கட்­சிக்­கு­ரி­ய­தொன்­றாகும். அதன் ஊடாக நிய­மிக்­கப்­பட்ட எஸ்.பி.திஸா­நா­யக்க, பௌசி, டிலான் பெரேரா, லக் ஷ்மன் யாப்பா, விஜித் விஜி­த­முனி ஆகியோர் வேறு கட்­சி­க­ளுடன் இணைந்து செயற்­ப­டு­வதால் முதற்­கட்­ட­மாக அவர்­க­ளுக்கு எதி­ராக ஒழுக்­காற்று நட­வ­டிக்கை எடுப்­ப­தற்கு நாம் தீர்­மா­னித்து அதற்­கான எழுத்­து­மூல ஆவ­ணத்­தி­னையும் அவர்­க­ளுக்கு அனுப்­பி­யுள்ளோம். அவர்­களின் பதிலை அடுத்து, அடுத்த கட்ட நட­வ­டிக்­கை­களை முன்­னெ­டுப்போம். கேள்வி:- மேற்­படி உறுப்­பி­னர்­க­ளுக்கு முன்­ன­தா­கவே எதிர்க்­கட்சித் தலைவர் மஹிந்த ராஜ­பக் ஷ உள்­ளிட்­ட­வர்கள் பொது­ஜ­ன­ பெ­ர­மு­னவின் உறுப்­பு­ரி­மையை பெற்­றுள்ள நிலையில் அவர்­க­ளுக்கு எதி­ராக ஒழுக்­காற்று நட­வ­டிக்கை எடுப்­பது பற்றி தீர்­மா­னங்கள் எடுக்­கப்­பட்­டி­ருக்­க­வில்லை? பதில்:- இது நியா­ய­மா­ன­வொரு கேள்­வி­யா­கத்தான் இருக்­கின்­றது. அடுத்து தேர்­தல்கள் இடம்­பெ­ற­வுள்­ளன. அத் த­ரப்­பி­ன­ருடன் கூட்­டணி தொடர்­பிலும் பேச்­சுக்­களை ஆரம்­பித்­துள்ளோம். ஆகவே இப்­பி­ரச்­சி­னையை பூத­ாக­ர­மாக்கி நீதி­மன்­றத்­திற்கு செல்­வதை விடவும் இரு­த­ரப்பு இணக்­கப்­பாட்டின் அடிப்­ப­டையில் செயற்­ப­டு­வ­தென தீர்­மா­னித்தோம். எனினும் தேசிய பட்­டியல் உறுப்­பு­ரிமை தொடர்பில் அவ்­வாறு செயற்­பட முடி­யாது என்றும் தீர்­மா­னித்­தி­ருந்தோம். மேலும் எமது கட்­சி­யி­லி­ருந்து வேறு கட்­சி­களில் இணைந்த அனை­வ­ரி­னதும் உறுப்­பு­ரி­மைகள் நீக்­கப்­பட்­டுள்­ளன. கேள்வி:- 19ஆவது திருத்­தச்­சட்டம் சம்­பந்­த­மாக மீண்டும் உயர்­நீ­தி­மன்­றத்தில் வியாக்­கி­யானம் கோரு­வ­தற்கு ஜனா­தி­பதி தயா­ரா­கி­வ­ரு­வ­தாக கூறப்­ப­டு­கின்­றதே? பதில்:- அவ்­வி­டயம் சம்­பந்­த­மாக மத்­தி­ய­கு­ழுவில் எவ்­வி­த­மான பேச்­சுக்­களும் இடம்­பெற்­றி­ருக்­க­வில்லை. ஏற்­க­னவே ஜனா­தி­பதி தனது பத­விக்­காலம் தொடர்பில் உயர்­நீ­தி­மன்­றத்­தினை நாடி­யி­ருந்தார். ஆகவே மீண்டும் அதே விட­யத்­திற்­காக செல்­வாரா என்று நான் கரு­த­வில்லை. இது எனது தனிப்­பட்ட கருத்­தாகும். கேள்வி:- அர­சி­ய­ல­மைப்பில் 19ஆவது திருத்­தச்­சட்டம் உள்­வாங்­கப்­பட்­ட­மையால் மூன்று அதி­கா­ர­மை­யங்கள் தோற்­று­விக்­கப்­பட்­டி­ருப்­ப­தாக ஜனா­தி­பதி பகி­ரங்­க­மா­கவே கூறி­யுள்ளார். இந்­நி­லையில் அடுத்த ஜனா­தி­பதித் தேர்­த­லுக்கு முன்­ன­தாக அதில் மாற்­றங்­களை செய்­வ­தற்கு பிர­தமர், எதிர்க்­கட்­சித்­த­லைவர் ஆகி­யோ­ருடன் கலந்­து­ரை­யா­டல்­களை ஆரம்­பித்­துள்­ளாரா? பதில்:- அவ்­வா­றான கலந்­து­ரை­யா­டல்கள் எவையும் முன்­னெ­டுக்­கப்­ப­ட­வில்லை. ஆனால் நாம் நிறை­வேற்று அதி­கார ஜனா­தி­பதி முறைமை மற்றும் 19ஆவது திருத்­தச்­சட்டம் சம்­பந்­த­மாக மத்­திய குழுவில் தீர்­மா­னங்­களை எடுத்­துள்ளோம். குறிப்­பாக நிறை­வேற்று அதி­கார ஜனா­தி­பதி முறைமை நீக்­கப்­பட வேண்டும். அத்­துடன் மூன்று அதி­கார மையங்கள் உரு­வாக்­கப்­பட்­டுள்­ள­மையால் செயற்­பாட்டு ரீதி­யான சவால்கள் ஏற்­பட்­டுள்­ளன. மோதல் நிலை­மை­களும் ஏற்­ப­டு­கின்­றன. குறிப்­பாக சபா­நா­ய­க­ருக்கு ஆணைக்­கு­ழுக்கள் தொடர்­பான அதி­காரம், பிர­த­ம­ருக்­கான அதி­கா­ரங்கள் சம்­பந்­த­மாக கவனம் செலுத்­தி­யுள்ளோம். எதிர்­கா­லத்தில் இப்­பி­ரச்­சி­னை­க­ளுக்கு முற்­றுப்­புள்ளி வைக்கும் வகை­யிலும் நாட்­டினை பிள­வ­டையச் செய்­யாத நடை­மு­றைச்­சாத்­தி­ய­மான அர­சி­ய­ல­மைப்பு உரு­வாக்­கப்­பட வேண்டும். அவ்­வாறு உரு­வாக்­கப்­ப­டு­கின்­ற­போது அதற்கு நாம் ஆத­ர­வ­ளிப்போம் என்ற நிலைப்­பாட்டில் உள்ளோம். மேலும் அர­சி­ய­ல­மைப்பு திருத்­தங்கள் மூலம் இப்­பி­ரச்­சி­னைக்கு முற்­றுப்­புள்ளி வைக்க முடி­யாது என்­ப­திலும் உறு­தி­யாக இருக்­கின்றோம். கேள்வி:- அடுத்த ஆட்­சியில் பிர­த­மரே அதி­காரம் மிக்­க­வ­ராக இருப்பார் என்­பதால் சரி­யான பிர­த­மரை மக்கள் தெரிவு செய்­ய­வேண்டும் என்று ஜனா­தி­பதி மைத்­திரி பகி­ரங்­க­மாக கூறி­யுள்ள நிலையில் நிறை­வேற்று அதி­கார ஜனா­தி­பதி முறை­மையை முழு­மை­யாக நீக்­கு­வ­தற்­கான முயற்­சிகள் தற்­போது முன்­னெ­டுக்­கப்­பட்­டுள்­ளனவா? பதில்:- நிறை­வேற்று அதி­கார ஜனா­தி­ப­திக்­கான அதி­கா­ரங்­களில் 19ஆவது திருத்­தச்­சட்­டத்தின் ஊடாக அதி­க­பட்­ச­மான அதி­கா­ரங்கள் குறைக்­கப்­பட்­டுள்­ளன. 19ஆவது திருத்­தச்­சட்­ட­மூலம் சம்­பந்­த­மாக உயர்­நீ­தி­மன்றம் வழங்­கிய தீர்ப்பில் ஜனா­தி­ப­திக்­கான சில நிறை­வேற்று அதி­கா­ரங்­களை நீக்­கு­வ­தற்கு சர்­வ­ஜன வாக்­கெ­டுப்பு அவ­சி­ய­மெனக் குறிப்­பிட்­டி­ருந்­தது. அந்த விட­யங்கள் நீக்­கப்­பட்ட பின்­னரே 19ஆவது திருத்­தச்­சட்ட மூலம் நிறை­வேற்­றப்­பட்­டது. அத­ன­டிப்­ப­டையில் நிறை­வேற்று அதி­கா­ரங்­களை முழு­மை­யாக நீக்­கு­வ­தாயின் சர்­வ­ஜன வாக்­கெ­டுப்­பொன்று நடத்­தப்­பட வேண்டும். தற்­போ­தைய அர­சியல் சூழலில் அது சாத்­தி­ய­மில்லை என்றே கரு­து­கின்றேன். கேள்வி:- 19ஆவது திருத்­தச்­சட்டம் நிறை­வேற்­றப்­பட்­ட­போது உங்­க­ளு­டைய கட்­சி­யி­னரும் ஆத­ர­வாக செயற்­பட்­டி­ருந்­தீர்கள். மத்­தி­ய­குழு, பார­ாளு­மன்றக் குழுவில் எடுக்­கப்­பட்ட தீர்­மா­னத்­திற்கு அமை­வா­கவே அவ்­வாறு செயற்­பட்­டி­ருந்­த­தா­கவும் கூறு­கின்­றீர்கள். அவ்­வாறு கட்­சி­யினுள் கலந்­து­ரை­யா­டப்­பட்ட சந்­தர்ப்­பங்­களில் ஜனா­தி­ப­தியோ அல்­லது உங்­க­ளது கட்சி பாரா­ளு­மன்ற உறுப்­பி­னர்­களோ 19ஆவது திருத்­தச்­சட்­டத்தில் தற்­போது நீங்கள் கூறும் குறை­பா­டு­களை கண்­ட­றிந்­தி­ருக்­க­வில்­லையா? பதில்:- ஜனா­தி­பதித் தேர்­தலில் போட்­டி­யிட்­ட­போது நிறை­வேற்று அதி­கா­ரங்­களை குறைப்­பதாக கூறி­யி­ருந்தார். அத்­துடன் சுயா­தீன கட்­ட­மைப்­புக்­க­ளையும் உரு­வாக்க வேண்­டி­யி­ருந்­தது. ஜன­நா­யக ஆட்­சி­மு­றை­மையை ஏற்­ப­டுத்த வேண்­டி­யி­ருந்­தது. 19ஆவது திருத்­தச்­சட்­டத்தில் இந்த விட­யங்கள் உள்­வாங்­கப்­பட்­டி­ருந்­தன. ஆனால், அர­சி­ய­லுக்காக ஜனா­தி­ப­தியின் அதி­கா­ரங்கள் இலக்கு வைக்­கப்­பட்டு பிர­த­ம­ருக்கு அதி­கா­ரங்கள் வலுப்­ப­டுத்­தப்­பட்­டன என்­ப­தையும் நாம் கூறி­யி­ருந்தோம். எனினும் அச்­சட்டம் நடை­மு­றை­ரீ­தி­யாக வரு­கின்­ற­போது மூன்று அதி­கார மையங்­களை உரு­வாக்­கி­ய­தோடு மோதல் நிலை­மை­க­ளையும் தோற்­று­வித்­துள்­ள­மையை அனு­ப­வ­ரீ­தி­யாக தற்­போதே உணர்­கின்றோம். ஆகவே அர­சி­யலை விடுத்து நாட்­டுக்காக இந்த சட்­டத்­தினை நீக்க வேண்டும் என்­ப­தையே நாம் குறிப்­பிட்டு வரு­கின்றோம். இந்த நிலை­மைகள் நீடித்தால் வினைத்­தி­ற­னான அர­சாங்­கத்­தினை முன்­னெ­டுக்க முடி­யாத நிலை­மையே தொடரும். ஆகவே அவ்­வா­றா­ன தொரு நிலைமை தொடர்ந்து நீடித்தால் அது நாட்­டினை பின்­னோக்­கியே நகர்த்திச் செல்லும். கேள்வி:- இடை­வெ­ளிக்கு பின்னர் முன்னாள் ஜனா­தி­பதி சந்­தி­ரிகா பண்­டா­ர நா­யக்க மீண்டும் கட்­சியின் செயற்­பா­டு­களில் பங்­கெ­டுத்­துள்ள நிலையில் அடுத்­து­வரும் காலத்தில் அவ­ரு­டைய வகி­பாகம் என்­ன­வாக இருக்­கப்­போ­கின்­றது? பதில்:- அவர் கட்­சியின் போச­க­ரா­கவே உள்ளார். அண்­மையில் எமது தலை­மை­ய­கத்­திற்கு வருகை தந்­தி­ருந்­த­தோடு 68ஆவது தேசிய மாநாட்­டிலும் பங்­கெ­டுத்­தி­ருந்தார். அத­னைத்­தொ­டர்ந்து மத்­தி­ய­குழுக் கூட்­டத்­திலும், இறு­தி­யாக நடை­பெற்ற நிறை­வேற்று சபைக் குழுக் கூட்­டத்­திலும் பங்­கெ­டுத்­தி­ருந்தார். அவர் மீண்டும் கட்­சியின் செயற்­பா­டு­களில் பங்­கெ­டுத்­துள்ள நிலையில் தொடர்ந்தும் கட்­சியை முன்­னோக்கி கொண்டு செல்­வதில் அனை­வ­ரு­டனும் இணைந்து பணி­யாற்­றுவார் என்றே கரு­து­கின்றேன். கேள்வி:- அவ­ருக்கும் (சந்­தி­ரிகா)கட்­சியின் தலைவர் ஜனா­தி­பதி மைத்­தி­ரி­பால சிறி­சே­ன­வுக்கும் இடை­யி­லான உற­வு­நி­லை­மைகள் எவ்­வா­றி­ருக்­கின்­றன? பதில்:- இரு­வ­ருக்கும் இடையில் எவ்­வி­த­மான பிரச்­சி­னை­களும் இல்லை. இரு­வரும் சுமு­க­மான கலந்­து­ரை­யா­டல்­களை மேற்­கொண்டு வரு­கின்­றார்கள். இரு­வரும் இணைந்து கட்­சியை வலு­வாக்கும் செயற்­றிட்­டங்­களை முன்­னெ­டுக்­கின்­ற­போது அது மிகப்­பெரும் நன்­மை­யான விளை­வு­க­ளையே ஏற்­ப­டுத்தும். கேள்வி:- இலங்கை மத்­திய வங்கி ஊழல் மோச­டிகள் மற்றும் மஹிந்த ராஜ­பக் ஷ ஆட்­சிக்­கா­லத்தில் நடை­பெற்ற சட்­ட­வி­ரோத விட­யங்கள் சம்­பந்­த­மான விசா­ர­ணைகள், ஆணைக்­கு­ழுக்­களின் அறிக்­கை­களின் பிர­காரம் குறிப்­பிட்ட காலத்­திற்கு பின்னர் ஜனா­தி­பதி முன்­னெ­டுக்கும் நட­வ­டிக்­கை­களின் பின்­ன­ணியில் அர­சியல் இருப்­ப­தாக தெரி­விக்­கப்­படும் விமர்­ச­னத்­தினை எவ்­வாறு பார்­க்கின்­றீர்கள்? பதில்:- 2015இல் புதிய அர­சாங்கம் ஏற்­ப­டுத்­தப்­பட்­ட­போது இந்த பிரச்­சினை கோப் குழுவின் முன்­னி­லையில் வந்­தது. அச்­ச­ம­யத்தில் நானும் குழுவின் அங்­கத்­த­வ­ராக இருந்தேன். அந்த விசா­ர­ணைகள் நடை­பெற்­றுக்­கொண்­டி­ருந்த சம­யத்தில் ஜனா­தி­பதி ஆணைக்­கு­ழுவை அமைத்தார். ஆணைக்­கு­ழுவின் விசா­ர­ணை­களின் பிர­காரம் நீதி­மன்ற நட­வ­டிக்­கைகள் எடுக்­கப்­பட்டு ஒரு தரப்­பினர் தண்­டிக்­கப்­பட்­டனர். பிர­தான சூத்­தி­ர­தா­ரி­யாக இருக்கும் அர்ஜுன் மகேந்­தி­ரனை நாட்­டுக்கு கொண்­டு­வ­ரு­வதற்­கான நட­வ­டிக்­கைகள் முன்­னெ­டுக்­கப்­பட்­டுள்­ளன. அது­போன்­றுதான் ஏனைய வழக்கு விசா­ர­ணை­களும் இடம்பெற்று வருகின்றன. ஆகவே தொடர்ச்சியாக நடைபெற்று வரும் விடயமொன்றாகவே இருக்கின்றதே தவிர, தேர்தலுக்காக முன்னெடுக்கும் விடயமொன்றாக கூறமுடியாது. கேள்வி:- அர்ஜுன் மகேந்திரனை இலங்கைக்கு அழைத்து வருவது சாத்தியமா? பதில்:- அர்ஜுன் மகேந்திரன் சிங்கப்பூர் பிரஜையாவார். சிங்கப்பூருடன் எமக்கு உடன்படிக்கைகள் காணப்படாமையால் அவரை அழைத்துவருவதில் சட்டரீதியான சவால்கள் காணப்படுகின்றன. ஜனாதிபதி எழுத்து மூலமான ஆவணங்களை அந்தநாட்டுக்கு அனுப்பியுள்ளார். ஆகவே விரைவில் அதற்கான பதில்கள் கிடைக்கும் என்ற நம்பிக்கை உள்ளது. கேள்வி:- ஜனாதிபதி மைத்திரிபால சிறிசேனவின் பதவிக்காலத்திற்குள் அர்ஜுன் மகேந்திரன் அழைத்துவரப்படுவதற்கு சாத்தியமுண்டா? பதில்:- ஜனாதிபதியின் காலத்திற்குள் கொண்டுவரமுடியாது விட்டால் அடுத்துவருகின்ற ஜனாதிபதி அர்ஜுன் மகேந்திரனை அழைத்து சட்டத்தின் முன் நிறுத்தவேண்டும். ஜனாதிபதி மைத்திரிபாலவை சார்ந்தவொரு விடயமாககொள்ளாது நாட்டின் எதிர்காலத்தின் அடிப்படையில் தீர்மானம் எடுக்க வேண்டும். கேள்வி:- ஐக்கிய தேசியக் கட்சியினுள் ஜனாதிபதி வேட்பாளர் தொடர்பில் முரண்பாடுகள் வலுத்துள்ள நிலையில் சஜித் பிரேமதாஸவுக்கான வாய்ப்பு மறுக்கப்பட்டு அவர் கட்சியிலிருந்து வெளியேறும் பட்சத்தில் ஜனாதிபதி மைத்திரிபால தலைமையிலான சுதந்திரக்கட்சி அவரை பொதுவேட்பாளராக களமிறக்குவதற்கு முயற்சிக்குமா? பதில்:- நடைமுறை ரீதியாக இவ்வாறு நிகழ முடியும் என்று கருதப்படுகின்றது. பொதுமக்கள் மத்தியிலும் அவ்வாறானதொரு எண்ணப்பாடு தோற்றம்பெற்றுள்ளது. இவ்வாறான விடயங்களை எம்மால் கட்டுப்படுத்த முடியாது. ஜனநாயக நாட்டில் இவ்வாறான சிந்தனைகள் பொதுமக்களால் வெளிப்படுத்தப்படுவதற்கு அவர்களுக்கு சுதந்திரம் உள்ளது. ஆனால், தற்போது வரையில் சஜித் பிரேமதாஸவுடன் அவ்வாறான எந்தவிதமான கலந்துரையாடல்களும் நடைபெறவே இல்லை. அதேநேரம், ஜனாதிபதி மைத்திரிபாலவும் எந்தவொரு சந்தர்ப்பத்திலும் சஜித்தை ஆதரிப்பதாகவும் கூறவே இல்லை. https://www.virakesari.lk/article/64807
  5. நாளை எழுக தமிழ் – நிலாந்தன்… September 15, 2019 யாழ்ப்பாணம் தந்தை செல்வா கலையரங்கில் இம்மாதம் மூன்றாம் திகதியிலிருந்து பதினோராம் திகதி வரை ஓர் ஒளிப்படக் காட்சியோடு ஒரு விவரணப்படமும் திரையிடப்பட்டது.ஒளிப்படங்கள் ஸ்டீபன் சாம்பியனுடையவை.விவரணப்படத்தின்பெயர் குடில். தயாரித்தவர் கண்ணன் அருணாசலம். இப்படம் காணாமல் ஆக்கப்பட்டவர்களுக்கான போராட்டம் பற்றியது. முல்லைத்தீவு மாவட்டத்தில் காணாமல் ஆக்கப்பட்டவர்களுக்காகப்போராடும் அமைப்பினால் தற்காலிகமாக கட்டப்பட்டிருக்கும் ஒரு சிறு குடிலை மையமாக வைத்து இப்படம் எடுக்கப்பட்டிருக்கிறது. குடிலில் கிட்டத்தட்ட மூன்று பெண்கள் இருக்கிறார்கள.; ஒரு மேசை இருக்கிறது. தவிர குடிலின் உட்சுவர்களில் காணாமல் ஆக்கப்பட்டவர்களுடைய ஒளிப்படங்கள் ஒட்டப்பட்டுள்ளன. கமரா குடிலின் உட்பகுதிக்குள் இருந்து வீதியை பார்க்கிறது. இதன் மூலம் அம்மூன்று பெண்களின் அன்றாட அசைவுகளையும் குடிலுக்கு வெளியே பிரதான வீதியில் நிகழும் போக்குவரத்தையும் கமரா ஒரே நேரத்தில் கவனிக்கிறது.சில சமயங்களில் கமரா குடிலுக்கு வெளியே வருகிறது. அதில் அமர்ந்திருக்கும் பெண்களில் ஒருவர் தேநீர் தயாரிப்பதற்காக விறகு கொத்துவது,குடிலின் சுற்றுப்புறத்தைக் கூட்டுவது போன்ற காட்சிகளும் வருகின்றன. மூன்று பெண்களும் குடிலுக்குள் அதிகாலையிலிருந்து இரவு வரையிலும் என்ன செய்கிறார்கள் என்பதனை படம் வெளிக்கொண்டு வருகிறது.அவர்கள் தேநீர் தயாரிக்கிறார்கள். பத்திரிகை வாசிக்கிறார்கள.; மேசையைச் சுற்றி இருந்து கதைக்கிறார்கள்.இரவில் குடிலுக்குள் உறங்குகிறார்கள். குடிலுக்குள் இம்மூன்று முதிய பெண்களும் என்ன செய்கிறார்கள்?எதற்காக காத்திருக்கிறார்கள்? அவர்கள் ஏன்தமது வீடுகளில் தங்களுடைய குடும்பங்களோடு சேர்ந்து இருக்காமல் இப்படி வீதியோரமாக பாதுகாப்பற்ற ஒரு குடிலுக்குள் நாள் முழுக்க இருக்கிறார்கள்? போன்ற கேள்விகள் எதனாலும் தீண்டப்படாத ஒரு வாழ்க்கை குடிலுக்கு வெளியே பிரதான சாலையில் தன்பாட்டில் அசைகிறது. கண்ணன் அருணாச்சலம் படத்தின் திரையை இரண்டாக பிரித்திருக்கிறார். ஒரு பகுதியில் கமரா குடிலுக்குள் நடப்பவற்றை காட்டுகிறது. இன்னொரு பகுதி பெருமளவுக்கு இருட்டாகவே காணப்படுகிறது. இடைக்கிடை அப்பகுதியில் காணாமல் ஆக்கப்பட்டவர்களுக்கான போராட்டங்கள் எழுச்சிகள் காட்டப்படுகின்றன. அவ்வாறான எழுச்சிகளின் போது தொகையான மக்கள் அங்கே பங்கு பற்றுகிறார்கள். ஊடங்கள் அவர்களை மொய்த்து நிற்கின்றன. ஆனால் அது ஒருநாள் போராட்டம் அல்லது சில நாட் போராட்டங்கள். மற்றும்படி மேற்படி பாதித்திரை இருளாகவே காணப்படுகிறது. இதன் மூலம் காணாமல் ஆக்கப்பட்டவர்களின் போராட்டம் ஏறக்குறைய சோர்ந்து போய்விட்டதை கண்ணன் வெளிக்கொண்டு வருகிறார். சில நாட்களில் நடக்கும் எழுச்சிகளை தவிர எல்லா நாட்களிலும் குடில் தனித்து விடப்பட்டிருக்கிறது. மூன்று புதிய பெண்களே அதற்குள் சுற்றிச் சுற்றி வருகிறார்கள். குடிலை ஊடகங்களும் கவனிப்பதில்லை. காலவரையறையற்ற அவர்களுடைய காத்திருப்புக்கும் குடிலுக்கு வெளியே அக்காத்திருப்பினால் தீண்டப்படாத ஒரு சகஜ வாழ்க்கைக்கும் இடையேயான முரண்பாட்டில் காணப்படும் அபத்தத்தை கண்ணன் வெளிக் கொண்டு வருகிறார். அந்தப் பெண்கள் அரசாங்கத்தால் மட்டுமல்ல அனைத்துலக நிறுவனங்களால் மட்டுமல்ல மனித உரிமை நிறுவனங்களால் மட்டுமல்ல ஊடகங்களால் மட்டுமல்ல தமது சொந்த கட்சிகளால் மட்டுமல்ல தமது சொந்த மக்களாலும் கைவிடப்பட்டு விடடார்களா ? என்ற ஒரு கேள்வி படத்தைப் பார்த்து முடிக்கும்போதுஎழுகிறது. அக் கேள்வியில் நியாயம் உண்டு. காணாமல் ஆக்கப்பட்டவர்களின் போராட்டம் 900 நாட்களை கடந்து விட்டது. ஆனால் உருப்படியான தீர்வு எதுவும் கிடைக்கவில்லை. காணாமல் ஆக்கப்பட்டவர்களுக்காக போராடிய பெற்றோர்களின் 54 பேர் இதுவரை இறந்து விட்டார்கள.; குறிப்பிட்ட தினங்களில் காணாமல் ஆக்கப்பட்டவர்களை நினைவுகூர்ந்து போராட்டங்கள் எழுச்சிகள் ஒழுங்கு செய்யப்படும். ஆனால் அதற்குப் பின் கண்ணன் அருணாச்சலத்தின் படத்தில் காட்டப்படுவது போல குடிலில் குந்தி யிருப்பது ஒரு சடங்கு போல் ஆகிவிட்டது. அது ஏன் ஒரு சடங்காக மாறியது ? இதுபோன்ற போராட்டங்களை ஏன் மக்கள் மயப்படுத்த முடியவில்லை? இதுபோன்ற போராட்டங்கள் பெரும்பாலும் பாதிக்கப்பட்ட மக்களை மையமாகக் கொண்டவை. போராட்டத்தை அரசறிவியல் ஒழுக்கமாக விளங்கிக் கொண்ட செயற்பாட்டு இயக்கங்களும் மக்கள் அமைப்புகளும் ஏன் இதுபோன்ற போராட்டங்களுக்கு தலைமை தாங்க முடியவில்லை? குறிப்பாகத் தமிழ் மக்கள் பேரவை போன்ற அமைப்புகள் ஏன் இப் போராட்டங்களுக்கு தலைமை தாங்க முடியவில்லை? காணாமல் ஆக்கப்பட்டவர்களின் போராட்டம் மட்டுமல்ல காணிக்கான போராட்டம், அரசியல் கைதிகளுக்கான போராட்டம், மகாவலி எல் வலையத்துக்கு எதிரான போராட்டம், மரபுரிமைச் சொத்துக்களை கவரும் நகர்வுகளுக்கு எதிரான போராட்டம், பௌத்த மயமாக்கலுக்கு எதிரான போராட்டம் போன்ற எல்லா போராட்டங்களையும் ஒரு பொது வேலைத்திட்டத்தின் கீழ் ஒருங்கிணைத்து ஒரு பொது வழி வரைபடத்தின் படி அவற்றை முன்னெடுக்கவல்ல ஒரு அமைப்புக் கூட தமிழ் மக்கள் மத்தியில் இல்லையா? இதுபோன்ற பல கேள்விகளின் மத்தியில்தான் நாளை எழுத தமிழ் நடக்கவிருக்கிறது. இக்கேள்விகளுக்கு ஒருநாள் எழுக தமிழ் பதில் அல்ல. ஆனால் இக்கேள்விகளை முன்வைத்து பொருத்தமான ஒரு போராட்ட வடிவத்தை கண்டுபிடிப்பதற்கு அது ஒரு தொடக்கமாக இருக்கும்.இக்கேள்விகளுக்கு பதில் கண்டுபிடிக்கத் தேவையான ஒரு வளர்ச்சியை பேரவை பெறவேண்டும், அல்லது பேரவையின் இடத்தில் ஒரு புதிய மக்கள் இயக்கம் உருவாக்கப்பட வேண்டும் என்று கருதும் அனைத்து தரப்புக்களும் எழுக தமிழை ஆதரிக்க வேண்டும். ஏனெனில் எழுக தமிழ் பேரவைக்குரியதல்ல. ஒரு கட்சிக்கு மட்டும் உரியதல்ல. அது தமிழ் மக்களுக்கு உரியது. தமிழ் மக்களின் நியாயமான கோரிக்கைகளின் பக்கம் நிற்கும் கட்சிகள் எழுக தமிழின் கனிகளை அறுவடை செய்யக்கூடும்.அது தவிர்க்க முடியாதது. அதற்காக எழுக தமிழ்இரு கட்சிகளுக்குரியதாக இருக்கக்கூடாது. யாழ் பல்கலைக்கழக மாணவர்கள் மற்றும் ஆசிரியர்கள் அப்படித்தான் முடிவெடுத்திருக்கிறார்கள். அதேசமயம் பேரவையை புனரமைப்பது என்பதனை எழுக தமிழை ஆதரிப்பதற்கான ஒரு முன்நிபந்தனையாக பல்கலைக்கழக மாணவர்கள் முன்வைக்கவில்லை.இது மிகவும் முதிர்ச்சியான ஓர் அணுகுமுறை.மக்கள் நேய அணுகுமுறை. இதுபோலவே மக்கள் மைய நோக்கு நிலையிலிருந்து எழுக தமிழை அணுகும் ஒரு போக்கை கிளிநொச்சியிலும் காணமுடிகிறது. கடந்த வாரம் கூட்டமைப்பின் நாடாளுமன்ற உறுப்பினரான சிறிதரன்கிளிநொச்சி மாவட்டத்தில் உள்ள அதிபர்களோடு எழுக தமிழ் ஏற்பாட்டு குழுவைச் சேர்ந்த இருவரை சந்திக்க வைத்திருக்கிறார். அது எழுத தமிழுக்கான ஒரு சந்திப்பாக முன்னறிவிக்கப்படவில்லை. எனினும் நடைமுறையில் எழுக தமிழுக்கு பலம் சேர்க்கும் ஒரு சந்திப்பு அது. நாளை நடக்கவிருக்கும் எழுக தமிழில்ரெலோ பங்கேற்கும் என்று கூறப்படுகிறது. ஆனால்தமிழரசுக் கட்சி கலந்து கொள்ளுமா?; சிறீதரனைப்போன்ற நாடாளுமன்ற உறுப்பினர்கள் பலருக்கும் எழுக தமிழை மக்கள் மைய நோக்கு நிலையில் இருந்து பார்க்க வேண்டிய தேவை உண்டு. பல்கலைக்கழக மாணவர்களே பேரணியை ஒழுங்கமைப்பார்களாக இருந்தால் அது கட்சி அடையாளங்களைக் குறைத்து விடும். எவ்வளவுக்கெவ்வளவு அதிக தொகை மக்களைத் திரட்டப் போகிறார்கள் என்பது எந்த அளவுக்கு முக்கியமானதோ அதே அளவுக்கு முக்கியமானது பேரணியில் ஆகக் கூடிய பட்சம் கட்சி அடையாளங்களைப் பின்தள்ள வேண்டும் என்பதும். இது விடயத்தில் பல்கலைக்கழக மாணவர்கள் பேரணியை முன்னெடுப்பது பொருத்தமாக இருக்குமா?ஏனெனில் அது ஒரு கட்சிக்கு வாக்களிக்கும் மக்களுக்கு மட்டும் உரியது அல்ல. அது கட்சி பேதங்களுக்கு அப்பால் தமிழ் மக்களுக்குரியது. ஓர் அரசியல் கைதியின் பெற்றோர் எந்தக் கட்சிக்கும் வாக்களிக்கலாம். ஆனால் அரசியல் கைதிகளுக்கான போராட்டம் என்பது பொதுவானது. கட்சி கடந்தது. அதைப்போலவே காணாமல் ஆக்கப்பட்டவர்களுக்கான போராட்டமும் கட்சிகளுக்கு உரியதல்ல. காணாமல் ஆக்கப்பட்டவர்கள் எந்தக் கட்சிகளை சேர்ந்தவர்களாகவும் இருக்கலாம். அவர்களுடைய உறவினர்கள் எந்தக் கட்சிக்கும் வாக்களிக்கலாம். ஆனால் காணாமல் ஆக்கப்பட்டவர்களுக்கான போராட்டம் என்பது பொதுவானது.அப்படித்தான் மகாவலி எல் வலையத்துக்கு எதிரான போராட்டம், கன்னியா போராட்டம், செம்மலை பிள்ளையாருக்கான போராட்டம் போன்றவையும். இப்போராட்டங்களில் ஈடுபடும் மக்கள் எந்த கட்சிக்கும் ஆதரவாக இருக்கலாம். ஆனால் போராட்டம் ஒரு கட்சிக்குரியதல்ல.அது தமிழ் மக்களின் நீண்ட எதிர் காலத்துக்குரியது. அப்படித்தான் எழுக தமிழும்.அது முன்வைக்கும் கோரிக்கைகள் பொதுவானவை. அக் கோரிக்கைகள் தமிழ் மக்கள் பேரவைக்கு மட்டும் உரியவை அல்ல. விக்னேஸ்வரனின் கட்சிக்கு மட்டும் உரியவை அல்ல. பிரதான தமிழ்க் கட்சிகளின் கோரிக்கைகள் அவை. சில தமிழ் கட்சிகள் அவற்றை விக்னேஸ்வரனின் கோரிக்கையாக பார்க்கக்கூடும். ஆனால் சிங்களத் தலைவர்களும் கட்சிகளும் சிங்கள ஊடகங்களும் அவற்றை தமிழ் மக்களின் கோரிக்கைகளாகவே பார்க்கும். எழுக தமிழ் பொருத்தமான வெற்றிகளைப் பெறத்தவறினால் தமிழ் கட்சிகள் அதைப் பேரவையின் தோல்வியாக அல்லது விக்னேஸ்வரனின் வீழ்ச்சியாக கருதக்கூடும். ஆனால் தென்னிலங்கையில் அது தமிழ் மக்களின் தோல்வியாகவே பார்க்கப்படும். அனைத்துலக அளவிலும் அது அப்படித்தான் பார்க்கப்படும். 2009க்கு பின் தமிழ் மக்களை ஒரு பெருந்திரளாக திரட்டுவதில் சவால்கள் அதிகம். பொங்குதமிழ்களை நடத்திய ஒரு மக்கள் கூட்டம் சிறிய அளவில் எழுக தமிழ்களை நடத்தவேண்டி இருப்பது என்பது ஒருவிதத்தில் வீழ்ச்சி. தென்னிலங்கையில் கோத்தபாயவும் சஜித் பிரேமதாசவும் அனுரகுமார திசநாயக்கவும் திரட்டும் பெரும் கூட்டத்தோடு ஒப்பிடுகையில் எழுக தமிழ் மிகவும் சிறியது. ஆனால் 2009 க்குப் பின்னரான வெற்றிடத்தில் வைத்துப்பார்த்தால் எழுக தமிழ் ஒரு முன்னேற்றம் அது தமிழ் மக்களைத் திரள் ஆக்குகிறது. தேசியம் எனப்படுவது அதன் பிரயோக நிலையில் மக்களைப் பெருந் திரள் ஆக்குவதுதான். ஜனநாயக அடிச்சட்டத்தின் மீது தமிழ் மக்களைப் பெருந்திரள் ஆக்குவதுதான். தேசம் என்றால் ஒரு பெரிய மக்கள் திரள் என்று பொருள். ஒரு மக்கள் கூட்டத்தை நிலம், இனம், மொழி,பண்பாடு, பொதுப் பொருளாதாரம் போன்றவைதிரள்ஆக்குகின்றன. இவ்வாறு மக்கள் ஒரு திரளாக இருப்பதை அதாவது தேசமாக வாழ்வதை அழிப்பதுதான் இனப்படுகொலை. ஒரு மக்கள் கூட்டத்தைத் திரளாக்கும் அடிப்படை மூலக்கூறுகளான நிலத்தை அபகரித்து சனங்களை,பண்பாட்டைச் சிதைத்து அந்த மக்களைக் கூறுபோடும் எல்லா அம்சங்களும்திரளாகத்துக்கு எதிரானவை.அதாவது தேசமாக வாழ்வதற்கு எதிரானவை. இப்படிப் பார்த்தால் எழுக தமிழ் ஆனது தமிழ் மக்களைத்திரள் ஆக்குகிறது. அது பொங்கு தமிழ் போல மிகப்பெரும் திரள் இல்லைத்தான். ஆனாலும் 2009 க்குப் பின்னரான கூட்டுச்சோர்வு மனப்பான்மை, கூட்டுத் தோல்வி உணர்வு, கூட்டுக் காயங்கள், கூட்டு மனவடுக்கள் என்பவற்றின் பின்னணியில் கூறின் எழுக தமிழ் ஒரு முன்னோக்கிய அடிவைப்பு. இனப் படுகொலையின் சாம்பலிலிருந்தும், எஞ்சியிருப்பவர்களின் கூட்டுக் காயங்கள், கூட்டு மனவடுகள், கூட்டு அவமானம் என்பவற்றிலிருத்து தமிழ் மக்கள் திரும்பத் திரும்ப எழுவார்கள் என்பதை அது உலகத்திற்குக் காட்டும். அதில் எவ்வளவுக்கு எவ்வளவு ஜனங்கள் திரள்கிறார்களோ அவ்வளவுக்கு அவ்வளவு அது கூறும் அரசியல் செய்தியின் தாக்கமும் அதிகரிக்கும். காணாமல் ஆக்கப்பட்டவர்களின் போராட்டம் உட்பட பாதிக்கப்பட்ட மக்களின் அனைத்துப் போராட்டங்களும் அவற்றின் அடுத்த கட்டக் கூர்ப்பை அடைவதற்கு அது உந்து விசையாக அமையும். http://globaltamilnews.net/2019/130554/
  6. பால் நிலை பாகுபாட்டில் சமூக விடுதலை கிடைக்காமல் பெண்களுக்கு நாட்டில் அரசியல் விடுதலை கிடைத்துவிடப் போவதில்லை-நிலவன். September 15, 2019 உலகில் பிறந்த ஒவ்வொரு மனிதனுக்கும் ஒரு பாலினம் இருக்கிறது. தனிமனிதனுக்கு தன்னுடைய பாலினத்தை தேர்வு செய்ய உரிமை உள்ளது, தனி நபரின் அந்தரங்க வாழ்கையில் தலையிட எந்த நபருக்கும் , அரசுக்கும் உரிமையில்லை. மனித இனம் என்பதற்கு அப்பால் பால் நிலை பாகுபாடு இனம் தோன்றிய காலத்திலிருந்தே தோற்றம் பெற்றிருக்கிறது . உலகளவில் பரவலாக பேசப்படும் ஆண், பெண் சமவுரிமை என்ற பாகுபாடு இனம் தோன்றிய காலத்திலிருந்தே பார்க்கப்பட்டு வருகிறது. இவர்களுக்கென்ற பண்புகள், குணாதிசயங்கள் இருபாலாராலும் ஏற்றுக்கொள்ளப்பட்டவையாகவே நடைமுறைச் சமூகங்களில் காண முடிகிறது. சமத்துவம் என்பது கேள்விக்குரியதாகவே உள்ளமை கசப்பான உண்மையாகும். மனித இனத்தில் உடல் ரீதியான வேறு பாட்டை குறித்துக் காட்டுவதும் உயிரியல் விஞ்ஞானத்தின் அடிப்படையில் பார்த்தால் ஹோர்மோன்கள் தான் எமக்கான குணாம்சங்களைத் தீர்மானிப்பவையாக நிரூபிக்கப்பட்டுள்ளன. ஆணுக்கும் பெண்ணுக்கும் உயிரியல் ரீதியாக கொடுக்கப்படும் அந்தஸ்த்து பால் எனப்படும். காலத்திற்குக் காலம் நோக்குகைகள் வித்தியாசப்பட்டாலும் இலிங்க வேறுபாடு, தொழிற்பாடுகள், ஓமோன் சுரப்புகள் ஆணுக்கும் பெண்ணுக்குமான வேறுபாடு பேணப்பட்டு வருகின்றது. சமூக உயிரியல் ஆய்வு முடிவுகள் இதற்கு எதிர்மாறானவை. நடத்தை வழி தான் ஹோர்மோன் சுரப்புக்களேயன்றி ஹோர்மோன் வழி நடத்தைக் கோலங்கள் உருவாக மாட்டா என கட்டியம் கூறுகின்றன. எனவே இதிலிருந்து நிச்சயம் சமூகமயமாக்கல் செயற்பாடு தான் பால்நிலைப் பாகுபாடுகளை சமூகத்தில் உருவாக்குகின்றன என்ற முடிவுக்கு எம்மால் வர முடியும். இதில் இனம் , மதம் , சாதி வேறுபாடு தெரிவதில்லை. ஆணுக்கும் பெண்ணுக்கும் சமூக ரீதியாக கொடுக்கப்படும் அந்தஸ்த்து பால்நிலை எனப்படும். (சமத்துவம், இடத்திற்கு இடம் மாறுபடுவது) சமூகம்,குடும்பம், கலாசாரம், விழுமியம், மூடநம்பிக்கைகள், நடத்தைகள், மனப்பாங்குகள், பாரம்பரியம், புத்தகம், நாவல்கள், அரசியல் தொழில், ஊடகம்,சட்டம்,சமயம்,இலக்கியம், கல்வி அமைப்பு அபிவிருத்தி ஒழுங்கமைப்புகள். இவர்களுக்கென்று ஒதுக்கப்பட்ட பண்புகள், குணாதிசயங்கள் இருபாலாராலும் ஏற்றுக்கொள்ளப்பட்டவையாகவே நடைமுறைச் சமூகங்களில் காண முடிகிறது. ஒரு குழந்தை பிறக்கும் போது, அதன் பிறப்புறுப்பை வைத்து அது ஆணா பெண்ணா என தீர்மானிக்கிறோம். ஒருவர் தன்னுணர்வுடனும் ஆணாக அல்லது பெண்ணாக இருக்கும் உணர்வுடனும் தொடர்புடைய பாலின அடையாளம், பாலியல் போக்கிலிருந்து வேறுபட்டது. சமூகம் உருவாக்குகின்ற பாலினம் குறித்த பல மெய்யியல் மற்றும் சமூகவியல் கோட்பாடுகளில் இடம் பெறுகின்றது. இக்கருத்தியலின்படி சமூகமும் பண்பாடும் பாலினச் செய்கைகளை உருவாக்குகின்றன,அதுவும் சட்டக்கோவையின் கீழ் பாதுகாக்கப்படுகிறது. ஆணும் பெண்ணும் சமநிலையிலிருக்க வேண்டும். சலுகைகள் வேண்டாம், உரிமைகளே வேண்டும். பெண்ணின் பங்கு இல்லையென்றால், குடும்பம் மட்டுமல்ல சமூக முன்னேற்றமும் தடைப்படும் என்று பெண்ணியத் திறனாய்வு கூறுகிறது. பெண், தன் உடல் உறுப்புகளின் வலிமையையும் மேன்மையையும் முதலில் அறிந்துகொள்ள வேண்டும் என்று பெண்ணியம் சொல்லுகிறது. பாலின வேறுபாடு, உடல் மொழி ஆகியவற்றைக் கொண்டு பெண் ஒடுக்கப்படுவதையும், இதன் பின்னால் அதிகார அரசியல் செயல்படுவதையும் வெளிப் படுத்துகிறார், கேட் மில்லட் என்ற பெண்ணியத் திறனாய்வாளர். மாற்றங்கள் ஒவ்வொருவரின் மனதில் இருந்து துவங்க வேண்டும். வீட்டை விட்டு வெளியே போகும் பெண்ணை கவனமாக இரு, யாரிடமும் அனாவசியமாக பேசாதே, ஒழுங்காக உடையணி என்று ஆயிரம் அறிவுரைகளைக் கூறும் சமூகம், வீட்டை விட்டு வெளியே செல்லும் ஆணைப் பார்த்து, ஒழுங்காக, யோக்கியமான ஆண் மகனாக நடந்துகொள் என்று அறிவுரை சொல்லும் காலம் வந்தால்தான் இந்தப் பாலின பாகுபாட்டுக்குத் தீர்வு ஏற்படும். சமுதாய மாற்றங்களுக்குத் தேவையான விதைகள் ஆண்களிடமிருந்தும் பெண்களிடமிருந்தும் மட்டும் வருவது இல்லை. பாலினம் என்றதும் ஆண் – Male, பெண் – Female, என்ற இரு பிரிவு மட்டும் தான் நம் கண்களுக்கும் முன் வருகிறது. சமீபக்காலமாக திருநர்(Transgender) திருநர் என்பவர்கள் தங்களின் பாலியல் உறுப்புக்களினடிப்படையில் ஒரு பாலினத்திலிருந்து மற்றொரு பாலினத்திற்கு மாறியவர்கள். ஆணாக பிறந்து பெண்ணாக மாறியவர்களை திருநங்கைகள்( Transwoman) என்றும் பெண்ணாக பிறந்து ஆணாக மாறியவர்களைத் திருநம்பிகள் (Transman) என்றும் அழைக்கப்படுகின்றனர். பற்றிய கருத்துக்கள் மக்களிடம் பரவத் தொடங்கியுள்ளது. உண்மையில் இவர்களைத் தவிர பால் புதுமையினர் (Gender Queer) பொது பாலினம் மற்றும் திருநர்களை தவிர்த்து மற்ற அனைத்துப் பாலினத்தவர்களும் பால் புதுமையினராக கருதப்படுகின்றனர் பாலிலி (Agender) எந்தப் பாலினத்தையும் ஏற்றுக்கொள்ளாதவர்கள் (பாலினமற்றவர்கள்) பாலிலி என அழைக்கப்படுகின்றனர். பால் நடுநர் (Androgyny) ஆணாகவோ, பெண்ணாகவோ அல்லது எந்தப் பாலினமாகவும் தம்மைக் கருதி கொள்ளாதவர்கள். ஆனால், இவர்களுக்கு பொதுவாகவே ஆண் பெண் என்ற இரு பாலினத்தவர்களின் தன்மைகளும் குணங்களும் இருக்கும். முழுனர் (Pan gender) அனைத்துப் பாலினம் அல்லது ஓரே சமயத்தில் ஒன்றுக்கும் மேற்பட்ட பாலினத்தை ஏற்றுக்கொள்ளுபவர்கள் இருனர் (Bi-gender) ஆண் பெண் என்ற இரு பாலினத்தவராகவும் தம்மை நினைத்துக் கொள்பவர்கள். திரினர் (Tri-gender) தம்மை மூன்று வித்தியாசமான பாலினங்களாகக் கருதி கொள்பவர்கள். திருனடுனர் (Neutrois) பாலினமற்றவர்கள். பாலிலி, இருமையின்மை பாலினம் மற்றும் பால் நகர்வோர் ஆகியோரைக் குறிப்பதாகும். தோற்றப் பாலினத்தவர் (Appearance gendered) உடல் மொழி மற்றும் வெளித்தோற்றம் (உடை, அணிகலன்கள்) அடிப்படையில் மட்டும் தம்மை மற்றொரு பாலினத்தவராக மாற்றிக் கொள்பவர்கள் இருமை நகர்வு (Binary butch) உடல் ரீதியாகவோ, மனோ ரீதியாகவோ மற்றும் உணர்ச்சி ரீதியாகவோ ஆண்களைப் போல் இருக்கும் பெண் அல்லது அகனளை (Lesbian) குறிப்பது. இடைபாலினம் (Intergender) ஆண் மற்றும் பெண் பாலினத்திற்கு இடையே இருப்பவர்கள். முழுமையான ஆணுமில்லை. முழுமையான பெண்ணுமில்லை. அரை பெண்டிர் (Demi girl) தம்மை 50 சதவீதம் பெண்ணாகவும் 50 சதவீதம் மற்றொரு பாலினமாகவும் அடையாளப்படுத்திக் கொள்பவர்கள். இவர்கள் பிறப்பால் ஆணாகவோ அல்லது பெண்ணாகவோ இருக்கலாம். நம்பி ஈர்ப்பனள் ( Girl fags) திருநம்பிகள் மீது பாலின ஈர்ப்புடைய பெண்கள். நங்கை ஈர்ப்பனன் (Guy dykes) திருநங்கைகள் மீது பாலின ஈர்ப்புடைய ஆண்கள். பால் நகர்வோர் (Gender fluid) ஒரு நாள் ஆணாகவும் மற்றொரு நாள் பெண்ணாகவும் தம்மை நினைத்து கொள்பவர்கள். ஆணியல் பெண் (Tomboy) ஆண்களைப் போல் தோற்றம் மற்றும் உடல் செய்கைகளுடைய பெண்கள். இவர்கள் அகனள் (Lesbian) அல்லது ஆண் மீது பாலின ஈர்ப்புடைய பெண்ணாகவும் இருக்கலாம். பெண்ணன் (Sissy) பெண்களை போல் தோற்றம் மற்றும் உடல் செய்கைகளுடைய ஆண்கள். இவர்கள் அகனன் (Gay) அல்லது பெண் மீது பாலின ஈர்ப்புடைய ஆணாகவும் இருக்கலாம். இருமையின்மை ஆணியல்/ இருமையின்மை பெண்ணியல் (Non-binary butch/femme) ஆணாகவோ அல்லது பெண்ணாகவோ தம்மை அடையாளப்படுத்தி கொள்ள மாட்டார்கள். ஆனால், எதிர்பாலின வெளிப்பாட்டை அதிகமாக காட்டுபவர்கள். பெண் ஆண்மையாகவும்/ ஆண் பெண் குணாதிசயங்களுடன் இருப்பது.பிற்பால் உடை அணிபவர் (Cross dresser) இவர்கள் உடையணிவது மட்டுமே எதிர்பாலினத்தவர்களை போல் இருக்கும். இவர்களின் பாலின ஈர்ப்பிற்கும் உடையணிவதற்கும் எந்தத் தொடர்புமில்லை. மேற்கூறிய மக்களாலும் மக்களின் வளர்ச்சிக்குப் பெரும் பங்காற்ற முடியும். இதற்கு பல எடுத்துக்காட்டுகளை வரலாறு நமக்குக் காட்டுகிறது. சமூகத்தால் வரையறுக்கப்பட்ட பாலின அடையாளத்திற்குப் பொருந்தாமல் தங்களின் உணர்ச்சிகளின் பிடியில் சிக்கிக் கொண்டு இன்றும் பல இளைஞர்கள் தத்தளிக்கின்றனர். பொதுவான பாலின கட்டமைப்பு விதிமுறைகளிலிருந்து விடுபட்டவர்களாக இருக்கும் இந்த பால் புதுமையினர் உடல்ரீதியாகவும், உணர்வுரீதியாகவும் பல பிரச்சனைகளை எதிர்கொள்கின்றனர் இதை நாம் சமூகவியல் , சட்டம் , மருத்துவம் , மதம் மற்றும் அறிவியல் என்று பல்வேறு தளம் சார்ந்து அணுகினால் மட்டுமே புரிந்துகொள்ள முடியும். மேலும் இதைப் பற்றி விரிவான ஆராய்ச்சிகள் 25வருடங்களுக்கு முன்னரே ஈவ் செட்விக் (Eve Sedwick ) என்பவரால் கோணல் கோட்பாடு (queer theory) மற்றும் LGBTQI படிப்பு (Lesbian, Gay, Bisexual, Transgender, Queer & Intersex studies) என்ற ஆராய்ச்சித் துறை 15ஐரோப்பிய மற்றும் அமெரிக்க பல்கலைகழகங்களில் பாடமாக துவக்கப்பட்டது. குழந்தைகள் வளரும் போது தங்களைப் பற்றியும் சமூகத்தைப் பற்றியும் புரிந்து கொள்கிறார்கள். இட், ஆளுமை, பேராளுமை ஆகிய மூன்று நிலைகளினூடாகவும் இதனைச் செய்கின்றார்கள். ஆண்மை பெண்மை நிலைகளைப் பற்றி மேலும் புரிந்து கொள்ள அடித்தளமாக தனிமனித உணர்வு நிலை பற்றிய புரொய்டின் கருத்தாக்கம் உள்ளது. பால்நிலையில் பாகுபாடு காட்டப்படுகின்ற தன்மையானது உலகினில் பரவலாகவே காணப்படுகிறது. தனியனின் ஆளுமை உருவாக்கத்தில் சமூகப் புலத்தின் இன்றிமையாமையும் புரொய்டின் உளப்பகுப்பாய்வுக் கொள்கையூடாகத் தெளிவுபெறும். நனவிலியை அறியும் வழிமுறையாகவும், சிகிச்சை முறையியலாகவும் அமைகின்றது, ஆளுமையின் கூறுகளையும் விருத்தியையும் விளக்கும் ஒரு கோட்பாடாகவும் விளங்குகின்றது, சமூகம் பற்றிய பிரதான நிறுவனங்களைப் பற்றியதுமான சில முக்கிய கூற்றுக்களையும் முன்வைக்கின்றது. இலங்கை, இந்தியா பேன்ற நாடுகளில் இதை பற்றி எந்த விழிப்புணர்வும் இல்லை. மேலும் பெரும்பாலான மக்களுக்கு திருனருக்கும் (Transgender) சமபாலீர்புடையோருக்கும் (Gay , Lesbian ) உள்ள வித்தியாசம் கூட தெரிவதில்லை. இலங்கையில் இன்னும் இதை பற்றி யாரும் வெளிப்படையாக பேசத் தயாரும் இல்லாத நிலை தொடர்பதுதான் கவலை தரும் விடயம். குடும்பத்தில் ஆண், பெண் பாகுபாட்டை ஏற்படுத்துவது தாய், தந்தை, சகோதரி ,சகோதரன், உறவுகள் சந்தர்ப்பத்திற்கேற்ப இருவருமே பாகுபாட்டை காட்டுகின்றனர். குடும்பத்தில் அதிக வேலைகளைச்செய்கின்ற பெண்களே அனேகமான வீடுகளில் அதிகமான வேலைகளை பொறுப்புக்களை சுமக்கின்றனர் அல்லது செய்கின்றனர். சமூகத்தால் வேலைப்பாகுபாடு ஆணுக்குரிய வேலைகள் பெண்ணுக்குரிய வேலைகள் என பிரித்துக் காட்டுகிறது . ஆண் வர்க்கம், பெண் வர்க்கம் என்ற நோக்கில் ஆண்கள் செய்ய வேண்டிய கடைமைகள், பெண்கள் செய்ய வேண்டிய கடைமைகள் எனப் பிரித்துச் செயற்படுத்தப்பட்டனர். அடுப்பங்கரை பெண்களுக்கான இடம் என ஒதுக்குகின்றனர். சமையல் பெண்கள் தான் வீட்டில் செய்ய வேண்டும். என வலியுறுத்துகின்றனர். ஆனால் நட்சத்திர ஹோட்டல்களில் வேலை செய்கின்ற பிரதான சமையல்காரர்கள், சமையல் உதவியாளர்கள் அனைவருமே ஆண்களாகவே உள்ளனர். தொழில்நுட்ப முன்னேற்றத்தால் மனிதன் உயர்வடைந்திருக்கின்ற இன்றைய காலத்திலுமா பால் நிலையினை இறுக்கிப் பிடித்துள்ளது சமூகம். பெண்கள் வேலையில் பங்குபற்றும், அதிக வேலை, வேதனக் குறைவு, பாகுபாடு பார்த்தல், அலட்சியம் செய்தல்,சமுதாயத்தின் எதிர்பார்ப்பு, வீட்டு வேலைப்பழு, தன்னம்பிக்கையின்மை, வேலைத்தளத்திலும் வெளியிலும் தொந்தரவுகள் ஏற்படுதல், திறமைகள் புதைக்கப்படுதல், வாய்ப்புகள் வழங்காதிருத்தல், தொழில்நுட்ப வசதிகளுடன் கூடிய தொழில்களை வழங்காதிருத்தல், இதனை மாற்றவே முடியாதா? மாற்றம் ஒன்று தான் வாழ்வில் மாறாதது. உலக நாடுகள் எங்கும் பெண்களுக்கெதிரான வன்முறைகள் நடைபெற்று வந்துள்ள போதிலும் ஐக்கிய நாடுகளின் மனித உரிமைகள் பிரகடனத்தையும், பெண்களுக்கு எதிரான சகலவிதமான பாரபட்சங்களுக்கும் எதிரான பிரகடனத்தையும் பல நாடுகள் ஏற்றுக்கொண்டுள்ள நிலையிலும், பெண்கள் மீதான துன்புறுத்தல்கள், துஷ்பிரயோகங்கள் எழுந்த வண்ணமே காணப்படுவதை தினமும் காணலாம். 1949ல் ஜெனீவா பிரகடனத்தின் படி உயிர்வாழும் உரிமையும் சித்திரவதைக்குள்ளாக்கப்பட முடியாமைக்கான உரிமையும் காணப்படுவதுடன் பெண்களுக்கு எதிரான சகலவிதமான பாரபட்சங்களும் உடனடியாக நிறுத்தப்பட வேண்டும் என்பதை வலியுறுத்தும் அமைப்பு பெண்களின் தனித்துவமான பண்புகளைப் பேணிப் பாதுகாக்கின்றவர்கள் என்பதை சுட்டிக்காட்டி அதன் அடிப்படையில் பெண்கள் தொடர்பான உரிமைகள் பற்றிய எண்ணக்கரு தோற்றம் பெற்று 1993ம் ஆண்டில் ஐ. நா. பொதுச் சபையின் அறிவித்தலின்படி பெண்களை ஒரு தனிப்பிரிவாக ஏற்று அவர்களுக்கான உரிமைகளை மட்டுமே முற்றுமுழுதாக கையாளும் வகையில் சர்வதேச பெண்கள் சமவாயம் விளங்குகிறது. 1956ம் ஆண்டின் 47ஆம் இலக்கச் சட்டத்தின்படி பெண்கள் கைத்தொழிற்சாலைகளில் இரவு வேளைகளில் சேவையில் ஈடுபடுவது தடைசெய்யப்பட்டது. 1984ம் ஆண்டின் 32ம் இலக்க திருத்தச் சட்டத்தின் பிரகாரம் பெண்கள் இரவு வேளைகளிலும் சேவை செய்யலாம் எனச் சட்டமாக்கப்பட்டுள்ளது. அதில் சில நிபந்தனைகளை முன்னிறுத்தியே இராக்காலங்களில் வேலைகளில் ஈடுபடலாம் என்பதையும் கவனத்திற் கொள்ளப்பட்டுள்ளது. ஐக்கிய நாடுகளின் பொதுச்சபையானது பெண்களுக்கு எதிராக ஏற்படுத்தப்படுகின்ற வன்முறைகள் இன்று பரவலாகப் பேசப்படும் ஒரு விடயமாகும். இதனை விளங்கிக் கொள்ளுமுன் வன்முறை என்பதன் முழு அர்தத்ததை நாம் விளங்கிக் கொள்ள வேண்டும். அகராதிகளின் படி பாதிக்கப்படக் கூடிய மோசமான தாக்கம், காயம், உணர்வுகளின் பாதிப்பு, இப்படிப் பல விடயங்கள் தரப்பட்டுள்ளன. தனி நபர் வாழ்க்கையில் உடலியல், உளவியல், பாலியல், ரீதியாக அவர்களுக்கு பால்நிலையினை அடிப்படையாக வைத்து இழைக்கப்படுன்ற அநீதிகள் தொந்தரவு என்பவற்றுடன் வெறும் உடல் தொடர்பான புறத்தாக்கம் என்று மட்டும் நினைக்காமல் சுய கௌரவம் வாழ்க்கைச்சுதந்திரம் என்பவற்றுக்கு ஏற்படுகின்ற அகத்தைப் பாதிக்கக் கூடிய நீண்ட கால நிரந்தர மனக் காயங்களைத் தரக் கூடிய உளவியல் ரீதியான அச்சுறுத்தல்கள் தாக்கங்களையும் மனதில் கொள்ள வேண்டும். வன்முறைகள் உடலியல் ரீதியானவை, உளவியல் ரீதியானவை என்று வகைப்படுத்தப்படும். பெண்களுக்கு எதிரான வன்முறைகள் சமூக மட்டத்தில் பரவலாக காணப்படுவதுடன் உடல் தாக்கங்கள், அடிதடி, மாமியார் கொடுமை, பாலாத்காரம் என்ற கட்டாய உடலுறவுக்கு வற்புறுத்தல், பாலியல் துன்புறுத்தலாகிய பல பிரச்சினைகள், பாலியல் ரீதியாக கொடுமை. பெண்களை அவமரியாதை செய்து அவர்களைப் பற்றி அவதூறு பேசி பெண்கள் துன்புறுத்தப்பட்டாலும் பெண்ணின் உடலும் மனமும் பாதிப்படைகின்றன.அத்தகைய பாதிப்பு மனதில் வடுக்களையும், துயரத்தையும் உருவாக்கக் கூடியன. உடலியல், பாலியல், ரீதியான வன்முறைகள், இலங்கையில் பால் நிலை சமத்துவமின்மை பிரச்சினையே தற்பொழுது அதிகரித்து கொண்டிருக்கிற பிரச்சினையாகும். கடந்த சில ஆண்டுகளாக பெண்களுக்கு எதிரான குற்றச்செயல்கள் அதிகரித்துக் கொண்டேதான் இருக்கின்றன. நாளிதழ்களிலும், தொலைக்காட்சிகளிலும் பாலியல் வன்முறை பற்றிய செய்திகள் வராத நாட்கள் அரிது என்கிற அளவுக்கு நிலைமை அபாயமாகி இருக்கிறது. யுத்தம், சுனாமி போன்ற அனர்த்தங்கள் பெண்களை அவர்களின் பால் நிலை பாத்திரங்களால் அதிகம் பாதிக்கின்றன. அனர்த்தங்களின் பின்னர் மீள் கட்டுமான பணிகளிலும், வாழ்வாதார திட்டங்களிலும் பெண்களின் உரிமைகள் தொடர்பான தெளிவான கொள்கைகள் இல்லை என்பது உண்மையாகும். பெண்களுக்கு எதிராக ஏற்படுத்தப்படுகின்ற வன்முறைகளாக நோக்கும்போது பெண்களுக்கு எதிரான உடல் ரீதியான வன்முறை, பாலியல் வன்முறை, மனவெழுச்சி மூலமான வன்முறை, உளவியல் ரீதியான வன்முறை, பொருளாதாரவியல் ரீதியான வன்முறை, சமூக பண்பாட்டுக் காரணிகளின் காரணமாகவும் இலங்கை மட்டுமன்றி உலகிலும் பெண்களின் வேலைவாய்பபுக்கள் இரண்டாம் இடத்திற்கே நிர்ணயப்படுத்தப் படுகினறன. கல்வி, திறமை, அனுபவம் அனைத்துமே பால் அடிப்படையில் பதவிகள் தீர்மானிக்கப் படுகின்ற காரணத்தினால் பெண்கள் சந்திக்கும் சிக்கல்கள் அதிகமாகும். அரசியலிலம் சரி பணிப்பாகுபாடு காட்டி பெண்களை அச்சுறுத்தி உடல் ரீதியான தாக்கங்களை உண்டுபண்ணக் கூடிய ஆபத்துக்களை பெண்களின் மீது திணிக்கிறார்கள். பணியில் ஆணும் பெண்ணும் சரியாக சமமாக நடாத்தப்படாமை பெண்கள் செய்யும் பணிகளில் குற்றங்கண்டு பிடித்தல், பெண்களின் நடத்தையைத் தூற்றுதல், ஊதியத்தில் சமமின்மை போன்ற பல தீமைகள் பெண்களுக்கு எதிராக இழைக்கப்படுகின்றன. இவை அனைத்துமே பெண்களை உள ரீதியாகப் பாதிக்கின்றன. குறிப்பாகப் பெண்களை தரக்குறைவாகப் பேசும் கொடுமை பெரியளவு பாதிப்புக்களை ஏற்படுத்துகின்றன. உலகில் பெண்களுக்கு சமவுரிமை கொடுத்து, அவர்களையும் இனவிடுதலைக்காக ஆயுதம் ஏந்தி களத்திற்கு கொண்டுவந்து பாரதியின் கனவை நனவாக்கிய தமிழீழ விடுதலைப் புலிகளின் காலத்தில் வடக்குக் கிழக்கில் அனைத்துக் கட்டமைப்புக்களிலும் பெண் போராளிகள் தனியான படைப்பிரிவுகளைக் கொண்டு அரசியல், நிதி ,நிர்வாகம், இராணுவம், மருத்துவம், கல்வி, உட்பட பல துறைகளில் தமது பங்களிப்பினைச் செலுத்தியிருந்தனர். சிறீலங்கா படையினருடன் பல்வேறு சண்டைகளையும் பெண் போராளிகள் தனியே தங்கள் படையணிகளைக் கொண்டு மேற்கொண்டு வெற்றி பெற்றிருந்தார்கள். இவ்வாறு தமிழீழ விடுதலைப்புலிகள் மகளிர் பிரிவானது விடுதலைப்புலிகளின் சகல வேலைத் திட்டங்களிலும் படையணிகளிலும் பெண்களும் இடம்பெற்றுள்ளனர். கடல் மற்றும் தரை, கரும்புலிகளாகவும் பெண்புலிகள் பலர் வீரச்சாவடைந்துள்ளனர். இலங்கையில் பெண்களுக்கு சர்வஜன வாக்குரிமை கிடைத்து 80 ஆண்டுகளின் பின்பும் அப்படிப்பட்ட குறைந்தபட்ச கோட்டாவுக்காக பெரும் போராட்டத்தை நடத்த வேண்டியிருக்கிறது. தென்னாசியாவிலேயே குறைந்தளவு பெண்களின் பிரதிநிதித்துவம் கொண்ட ஒரே நாடு இலங்கை மட்டுமே.ஆங்கிலேயே காலணித்துவத்தின் கீழ் இருந்த நாடுகளில் முதன் முதலில் பெண்களுக்கும் வாக்குரிமை வழங்கப்பட்ட நாடு இலங்கை. இலங்கையில் 1931இல் சர்வஜன வாக்குரிமை அறிமுகப்படுத்தப்பட்டபோது ஆண்களுக்கும் பெண்களுக்கும் ஏக காலத்தில் வழங்கப்பட்டது. தேர்தல் காலங்களிலும், அரசியல் கோரிக்கைகளாக முனைப்பு பெரும் போதும் அவை பருவ கால வாக்குறுதிகளாக பரிமாணம் பெறுகிறது. கட்சிகளின் தேர்தல் விஞ்ஞாபனத்தில் அரசியல் பிரதிதித்துவத்தை அதிகரிப்பதற்கான பெண்கள் அமைப்புகளின் தொடர்ச்சியான கோஷங்களாகிவிட்டுள்ளன. தீர்மானமெடுக்கும் அங்கங்கங்களில் பெண்களின் பங்களிப்பு அத்தியாவசியமாகியுள்ளது. இதற்காக போராடும் சிவில் அமைப்புகள் புதிய தந்திரோபாயங்களை வகுப்பது அவசியம். வன்முறைகளில் வீட்டு வன்முறை என்பது ஒரு மன்னிக்கப்பட முடியாத ஒரு வன்செயலாகவே இருந்து வருகின்றது. வேலியே பயிரை மேய்வது போல்தான் இந்த வீட்டு வன்முறை என்பதும். அதாவது நெருங்கிய வாழ்க்கை துணைவரால் ஏற்படுத்தப்படுகின்ற வன்முறைகளாக இது விளங்குகின்றது. இவ்வன்முறை வடிவ வெளிப்பாடானது வன்முறைக்கு உள்ளாக்கப்பட்டவர்கள் வாழ்வுக்கு அச்சுறுத்தலாகவும், பாதிப்பை ஏற்படுத்தும் விடயமாகவும் காணக்கூடியதாக இருக்கின்றது. வீட்டு வன்முறை என்பது ஒரு குடும்பத்தின் அங்கத்தவர் வேறொரு குடும்பத்தின் அல்லது அதே குடும்பத்தை சேர்ந்த உறுப்பினரொருவரை உடலியல், பாலியல், மனவெழுச்சி, உளவியல், சமூகவியல் மற்றும் பொருளாதாரவியல் ரீதியில் கட்டுப்படுத்தல், ஆக்கிரமித்தல் அல்லது துஷ்பிரயோகம் செய்தலைக் குறிக்கும். சாதியை, இனத்தைக் கருத்தில் கொள்ளாது குடும்பங்களில் சம்பவிக்கின்றது. பெண்கள் அவர்களின் கணவர்கள், ஆண் நண்பர்கள், தகப்பன்மார்கள், சகோதாரர்கள், மாமன்மார்கள் அல்லது மகன்கள் ஆகியோரினால் இலக்கு வைக்கப்படக்கூடும். பெண்பிள்ளைகளும் வீட்டிலான வன்செயல்களுக்கு ஆளாக்கப்படக்கூடியவர்களே. வன்முறையானது பாதிக்கப்பட்டவரிடமிருந்து சுய கௌரவத்தை முற்றாக இல்லாமற் செய்வதுடன் உயிருக்கு அச்சுறுத்தலை ஏற்படுத்தக்கூடியதாக அமைகின்றது. இல்ல வன்முறை என்பது பிரதானமாக ஆண்கள் தமது அதிகாரத்தைப் பிரயோகிக்கும் பொருட்டு பெண்களுக்கு எதிராக மேற்கொள்ளும் ஒரு நடவடிக்கையாகும். இல்லங்களில் இடம் பெறும் இல்ல வன்முறையானது, உடலியல். பாலியல், வன்முறை அச்சுறுத்தல், பயமுறுத்திக் கட்டாயப்படுத்தல் என பொதுவாக ஏற்றுக்கொள்ளப்பட்டுள்ளது. புதிதாக அங்கீகரிக்கப்பட்ட இல்ல வன்முறைச்செயல் தடுப்புச்சட்டம், இல்லங்களில் ஆண்/பெண் இருவருக்கிடையில் ஏற்படும் உடலியல் துஷ்பிரயோகம், அல்லது மனவெழுச்சி சார்ந்த வன்முறைச் செயலைத் தடுக்கும் சட்டமாகும். இல்லத்து வன்முறை: 2005 வரை வீட்டு வன்முறைக்கு என்று சட்டம் ஒன்றும் இல்லை. பெரியதோர் போராட்டத்தின் விளைவாக 2005 ஒக்டோபர் பாராளுமன்றத்தினால் வீட்டு வன்முறைக்கு எதிரான சட்டம் கொண்டுவரப்பட்டது. 2005 இன் 34ம் இலக்க வன்முறைத் தடுப்புச் சட்டம் என இது அறிமுகப்படுத்தப்பட்டது. பெண்ணுரிமைக்கான சீடோ சமவாயம்: சீடோ சமவாயத்தில் உள்ளடக்கப்பட்டு இருக்கும் விடயங்கள் 30 உறுப்புரைகள் ஆகும். இதன் முதலாம் உறுப்புரையில் பெண்களுக்கு இழைக்கப்பட்டு வரும் பாரபட்சங்கள் எவை என்பது பற்றிக் குறிப்பிடப்பட்டுள்ளது. பெண்களின் உரிமைகள் வழங்குவது தொடர்பாக அரசாங்கம் கொண்டு இருக்கும் பொறுப்பு உறுப்புரை 2 இல் இருந்து 6 வரையில் குறிப்பிடப்பட்டுள்ளது. உறுப்புரை 7-16 வரையில் பெண்களுக்கு உள்ள உரிமைகள் எடுத்து விளக்கப்பட்டுள்ளன. உறுப்புரை 17-26 வரையில் பெண்களின் உரிமை மீறல்கள் தொடர்பாகக் கண்டறியும் சீடோ சமவாயம் பற்றிக் குறிப்பிடப்பட்டுள்ளது. பெண்களுக்கு இழைக்கப்படும் பராபட்சங்கள்: உறுப்புரை 1: பெண்களுக்கு இழைக்கப்படும் பாரபட்சங்கள்- தமது குடும்பத்தின் உள்ளும் பாடசாலையிலும் பாதையிலும் என பல்வேறு இடங்களிலும் பெண்கள் பெருந்தொகையான துன்பதுயரங்களை அனுபவிக்க வேண்டியவர்களாக இருந்து வருகின்றனர். இதன் காரணமாக அவர்களால் சுதந்திரமான விதத்தில் தமது வாழ்க்கையை நடாத்த முடியாது உள்ளது. பெண்களின் முன்னேற்றத்துக்கு இடையூறு விளைவிக்கும் அல்லது அவர்களுடைய சுதந்திரத்தை பறிக்கும் எந்தவொரு நடவடிக்கை காரணமாகவும் பெண்களுக்க எதிரான பாரபட்சங்களைத் தடுக்கும் உரிமை. அரசாங்கத்தின் பொறுப்பு: உறுப்புரை 2 – 6: அரசாங்கத்தின் பொறுப்பு – பெண்களின் உரிமைகள் தொடர்பான சீடோ சமவாயத்தை அங்கீரித்து, அதில் கைச்சாத்திட்ட நாடுகளில் எமது நாடும் ஒன்றாகும். அதன் காரணமாக சீடோசமவாயத்தில் குறிப்பிடப்பட்டிருக்கும் உரிமைகளை இலங்கை வாழ் பெண்களுக்கு பெற்றுக் கொடுப்பதற்கு ஏற்ற சூழலை அமைப்பது அரசாங்கத்தின் பொறுப்பாகும். பெண்களுக்கு நியாயம் வழங்கும் விதத்தில் மற்றும் புதிய சட்டங்களை உருவாக்குதல் போன்ற பல்வேறு நடவடிக்கைகளையும் மேற்கொள்வதற்கான பொறுப்பினை அரசாங்கம் கொண்டுள்ளது. பெண்களின் உரிமைகளுக்குச் செயல் வடிவம் கொடுக்கும் பொருட்டு அரசாங்கத்தின் மீது அழுத்தங்களைப் பிரயோகிக்கும் உரிமை பெண்களுக்குள்ளது. அரசியல் செயற்பாடுகளில் பங்கேற்கும் சம உரிமை: உறுப்புரை 7: அரசியல் செயற்பாடுகளில் பங்கேற்கும் சம உரிமை- அரசியல் செயற்பாடுகளில் பங்கேற்பதற்கு ஆண்களைப் போலவே பெண்களும் சமமான ஒரு உரிமை உள்ளது. ஆனால் பெரும்பாலான பெண்களின் அரசியல் உரிமை வாக்களிப்பதற்கு மட்டும் வரையறுக்கப்பட்டுள்ளது. அரசாங்கத்தில் பதவிகளை வகிக்கும் உரிமையை பெண்கள் கொண்டிருந்த போதிலும் அத்தகைய பதவிகளை மிகக் குறைந்த எண்ணிக்கைணிலான பெண்களே வகித்து வருகின்றனர். நாட்டை நிர்வகிக்கும் சட்டங்களை உருவாக்குவதிலும் அவற்றை அமுல்செய்வதிலும் பங்குபற்றும் உரிமையை பெண்கள் கொண்டுள்ளார்கள். அதுமட்டுமல்ல அரசியல் அமைப்புக்கள் மற்றும் சங்கங்கள் என்பவற்றில் இணைந்து செயற்படுவதற்கு ஆண்களைப் போலவே பெண்களுக்கும் சமமான உரிமை உள்ளது. அரசாங்கத்தைப் பிரதிநிதித்துவம் செய்யும் சம உரிமை: உறுப்புரை 8: அரசாங்கத்தைப் பிரதிநிதித்துவம் செய்யும் சம உரிமை- உலகெங்கிலும் பல்வேறு நாடுகளில் நடத்தப்பட்டுவரும் பல்வேறு விதமான கூட்டங்கள் பற்றியும் கேள்விப்பட்டு இருப்பீர்கள். இத்தகைய கூட்டங்களில் உலகில் யாரோ ஒருவர் பங்கேற்கின்றார். இக் கூட்டங்களில் பெரும்பாலான சந்தர்ப்பங்களில் ஆண்களே எமது நாட்டைப் பிரதிநிதித்துவப்படுத்துகின்றார்கள். இது தொடர்பாகப் ஒரு சமமான உரிமை பெண்களுக்கும் உண்டு. பெண்கள்; நாட்டைப் பிரதிநிதித்துவம் செய்வதற்கும் உரிமையை பாதுகாத்துக் கொள்வதற்கும் நடவடிக்கைகளை மேற்கொள்ள முடியும். இனத்துவத்திற்கான சம உரிமை: உறுப்புரை 9: இனத்துவத்திற்கான சம உரிமை- உங்கள் தேசிய அந்தஸ்தைத் தக்கவைத்துக் கொள்வதற்கும், மாற்றியமைத்துக் கொள்வதற்கும் மற்றும் உங்கள் குழந்தைகளுக்கு அதனை வழங்குவதற்கும் நீங்கள் கொண்டிருக்கும் உரிமையைப் பாதுகாத்துக் கொள்வது உங்களுடைய பொறுப்பாகும். கல்வியைப் பெறுவதற்கான சம உரிமை: உறுப்புரை 10: கல்வியைப் பெறுவதற்கான சம உரிமை- கல்வியைப் பெற்று ஒரு நல்ல அந்தஸ்தைப் பெற்றுக் கொள்வதற்கான உரிமை பெண்களுக்குண்டு. தொழில் செய்வதற்கான சம உரிமை: உறுப்புரை 11: தொழில் செய்வதற்கான சம உரிமை- ஒரு தொழிலைச் செய்வதற்கும் வருமானம் ஈட்டுவதற்கும் உங்களுக்கு இருக்கும் உரிமையைப் பயன்படுத்துவதன் மூலம் உங்கள் தாழ்ந்த அந்தஸ்தை இல்லாதொழிக்கலாம். சேவைகளைப் பெற்றுக் கொள்வதற்கான உரிமை: உறுப்புரை 12: சேவைகளைப் பெற்றுக் கொள்வதற்கான உரிமை- இலவச வசதிகளைப் பெற்றுக் கொள்வதற்கான உரிமை பெண்களுக்குண்டு. பொருளாதார மற்றும் சமூக உரிமை: உறுப்புரை 13: பொருளாதார மற்றும் சமூக உரிமை- வளங்கள் மற்றும் வாய்ப்புக்கள் என்பனவற்றை பெற்று உங்கள் சமூக அந்தஸ்தை மேம்படுத்திக் கொள்வதற்கான உரிமைகள் பெண்களுக்குண்டு. கிராமியப் பெண்களின் உரிமை:உறுப்புரை 14: கிராமியப் பெண்களின் உரிமை- கிராமத்தில் வாழும் பெண்கள் பின்வாங்கும் குணத்தில் இருந்து விடுபட்டு தமது உரிமைகளைப் பெற்றுக் கொள்ள வேண்டும். சட்டத் துறை சார்ந்த சமத்துவம்: உறுப்புரை 15: சட்டத் துறை சார்ந்த சமத்துவம்- சட்டத்தின் முன் நீங்கள் கொண்டிருக்கும் சமத்துவ நிலையினைப் பெறப் பெண்களுக்கு உரிமையுண்டு. திருமணத்திலும் குடும்பத்துள்ளும் சமத்துவம்: உறுப்புரை 16: திருமணத்திலும் குடும்பத்துள்ளும் சமத்துவம்- குடும்பத்துள் பெண்களுக்கு கிடைக்க வேண்டிய கண்ணியம் மற்றும் ஒத்துழைப்பு என்பவற்றைப் பெற்றுக் கொள்வதற்குத் தேவையான உரிமைகள் உண்டு. பெண்ணுரிமையைப் பாதுகாப்பதற்கான சட்டத்தினால் செய்யப்பட்டுள்ள பிற ஏற்பாடுகள்: இலங்கை அரசியல் அமைப்பின் 12(2) உறுப்புரையானது ஆண்கள், பெண்கள் என்று எல்லோருக்கும் சட்டத்தின் முன் சமத்துவத்தை விளம்புகின்றது. பாலடிப்படையில் பாரபட்சம் எதுவும் செய்யக் கூடாது. 1956 ஆம் ஆண்டின் 47 ஆம் இலக்கப் பெண்கள், இளம் நபர்கள் மற்றும் சிறுவர்கள் ஊழியச்சட்டத்தின் கீழ் பெண்களையும் 18 வயதிற்குக் குறைந்தோரையும் இரவில் வேலைக்கு அமர்த்தக் கூடாது. பாலியல் வல்லுறவு: தண்டனைச்சட்டக் கோவையின் 364 ஆம் பிரிவு பாலியல் வல்லுறவுக்கான தண்டனையினை ஏற்பாடு செய்கின்றது. இயற்கைக்கு மாறான உடலுறவு: தண்டனைச் சட்டக் கோவையின் 345ஆம் பிரிவு எவரேனும் ஒருவர் தாக்குதலின் மூலம் அல்லது குற்றமுறைப்பலாத்காரத்தின் மூலம் தொல்லைப்படுத்துவதற்கு உடைய சட்டம். இக்குற்றத்திற்கு இயற்கைக்கு மாறான உடலுறவு தொடர்பான தண்டனைச்சட்டத்தின் கோவை 365 ஆம் இலக்கச் சட்டம் கூறுகின்றது. விபச்சாரம், பெண் வியாபாரம்: விபச்சாரம் என்பது பாலியல் ரீதியாகச் சுரண்டும் இன்னுமொரு வடிவமாகும். விபச்சார விடுதியின் கட்டளைச் சட்டத்தின் 2ஆம் பிரிவு இதனைக் கூறுகின்றது. உலகம் முழுவதிலும் வருடாந்தம் ஐம்பது இலட்சத்துக்கும் மேற்பட்ட கருக்கலைப்புகள் நடைபெறுகின்றன. பல நாடுகளில் கருக்கலைப்பை அங்கீகரித்து சட்டம் இயற்றப்பட்டுள்ளது. பல நாடுகளில் கருக்கலைப்பும் தாய், சேய் மரண வீதமும் பொது சுகாதார பிரச்சினையாக உள்ளது. இலங்கையில் பிரித்தானியர் காலத்தில் 1885ம் ஆண்டு முதல் கருக்கலைப்பு குற்றமாக இருப்பினும் தாய் மரண வீதத்தில் மூன்றாம் இடத்தில் கருக்கலைப்பு காணப்படுகிறது. இலங்கையில் கருக்கலைப்பு தொடர்பாக நடைமுறையில் உள்ள சட்டம் மிகவும் பலமானது. கருவினால் தாயின் உயிருக்கு ஆபத்து ஏற்படும் சந்தர்ப்பங்களில் மாத்திரமே கருக்கலைப்புச் செய்யலாம் என குற்றவியல் நடைமுறைச் சட்டத்தின் 303 ஆம் பிரிவு கூறுகிறது. இலங்கையில் உள்ள சட்டத்தின்படி தாயின் உயிருக்கு ஆபத்தை ஏற்படுத்தக்கூடிய கருவைக் கலைப்பதற்கு அனுமதிக்கப்பட்டிருப்பது அதில் ஒன்றாகும். இலங்கையில் கருக்கலைப்பு சட்டத்துக்கு முரணான அம்சம் என்ற போதிலும் ஒரு நாளைக்கு 750 –1000 வரையான சட்ட விரோத கருக்கலைப்புகள் நடைபெறுவதாக அண்மைய ஆய்வுகள் தெரிவிக்கின்றன. கருக்கலைப்பு செய்து கொள்ளும் பெண்களில் 90% ஆனவர்கள் திருமணமான பெண்களாவர். கர்ப்பிணிப் பெண்களின் மரண வீதத்தில் 12.5% மரணங்கள் சட்டவிரோத கருக்கலைப்பினால் ஏற்படுகிறது. வருடாந்தம் 18 வயதிற்கு குறைந்த சுமார் 24000 சிறுமிகள் கருக்கலைப்பு செய்வோருள் அடங்குவதாக சுகாதார அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது. இவர்களிடத்தில் வாழ்வை சிறப்பாக அமைக்க முடியாமல்விரும்பத்தகாத கர்மம் , பல திருமணம் , தவறான பாலியல் தொடர்புகள் , விவாகரத்து , முறைகேடான உறவு , பாலியல் கொடுமைக்குட்பட்டவர்கள், சித்தரவதைக்கு ஆளானவர்கள், போதைப் பொருளுக்கு அடிமையானவர்கள் என பல உளச்சமூகப் பிரச்சினைகளுக்கும் உட்பட்டு வருகின்றார்கள். இலங்கை சிங்கள அரசு போரினால் மட்டுமன்றி பல்வேறு வழிகளில் தமிழர் இனத்தையும் வளர்ச்சியையும் முடக்கி தமிழர்களை முற்றிலுமாக அழித்தொழிக்கும் இனவழிப்பு நடவடிக்கைகளை மேற்கொண்டு வருகின்றது. இதற்கான பல்வேறு உத்திகளைத் திட்டமிட்டு மிகத் தந்திரோபாயமாகக் கையாண்டு வருகின்றது. திருமணமான பெண்கள் எதிர்கொள்ளும் பாரிய பிரச்சினை சட்டவிரோதக் கட்டாயக் கருக்கலைப்பு . பெண்களை கருத்தடை செய்து தமிழ் இன பிறப்பு வீதத்தை குறைப்பதற்க தமிழ்ப் பெண்கள் மத்தியில் அதிகம் மேற்கொள்ளப்படுகிறது. பெண்கள் கட்டாயக் கருத்தடை மேற்கொள்வதற்கு ஒத்துழைக்காவிட்டால் அவர்களின் கணவன்மாருக்கு கருத்தடைச் சிகிச்சை செய்யப்படும் என எச்சரிக்கப் படுகின்றார்கள் இராணுவத்தினராலும் அச்சுறுத்தப் படுகின்றார்கள் . இலங்கையில் போர் நடைபெற்ற பகுதிகளில் தமிழர்களில் கருவுற்றிருக்கும் தாய்மார்களின் கருக்களைக் கலைக்குமாறு மருத்துவமனை அதிகாரிகளுக்கு சிறிலங்கா படை உயரதிகாரிக ளு ம் அரச ஊழியர்களும் இணைந்து சிறுபான்மை இனமான தமிழர்களை அழிக்கும் நோக்குடன் திட்டமிட்டு மேற்கொள்ளப்படும் நடவடிக்கையின் விளைவாக தமிழ்ப் பெண்கள் தொடர்ந்தும் மரணிக்கின்றனர். இவ்வாறான குற்றங்களை உள்ளூர் சுகாதார அதிகாரிகள் தொடர்ந்தும் மறைக்க முயற்சிக்கின்றனர். இதில் பல இளம் பெண்கள் ஆரம்ப சுகாதார நிலையங்களுக்கு செல்லத் தயங்கும் மனநிலை காணப்படுகிறது . இதனால் ஏற்படக்கூடிய பல உளத்தாக்கங்களுக்கு எமது சமூகப் பெண்கள் வலிந்து தள்ளப்படுகின்றார்கள் . சிங்கள மொழியில் அச்சிடப்பட்ட அனுமதிப் படிவங்களில் வற்புறுத்தி கையொப்பமிட வைத்தும் கருக்கலைப்பு செய்யப்பட்டு தமிழர்களின் வருங்காலச் சந்ததியினர்களும் இலங்கைத் தீவில் இருக்கக் கூடாது என்பதற்கான திட்டமிடப்பட்ட நடவடிக்கையாகும். ஒரு இனத்தைக் கருவிலேயே அழித்தொழிக்கும் செயலாகும். தமிழ் மக்களின் எதிர்கால நலன் என்ற ஓர் இலக்கை நோக்கி பயணிப்பதற்காக போராடப் புறப்பட்ட பெண்களில் ஒரு பகுதியினர் இறுதியில் உறவுகளை இழந்து கால்கள், கைகள் இன்றி, கண்கள் தெரியாமல், முள்ளந்தண்டு பாதிக்கப்பட்டு நிரந்தரமாக நடக்க முடியாமல், உடம்பில் இரும்புத் துண்டுகளை சுமந்துகொண்டு 2009ஆம் ஆண்டு விருப்பமின்றி இராணுவத்திடம் சரணடைந் தார்கள். ஈழத்தில் நடந்த இனப்படுகொலைகள், போர்க்குற்றங்களுக்கு சிங்களப் இராணுவம் அரசின் படைகள் குற்றவாளிகளாக இருந்துள்ளனர். பெண் போராளிகள், சிறிலங்கா இராணுவத்தால் பாலியல் வல்லுறவுக்கு உட்படுத்தப் பட்டு படுகொலை செய்யப் பட்டனர். ஒரு ஊடகவியலாளராக பணியாற்றிய இசைப்பிரியாவின் கொலை, போர்க்குற்ற ஆவணமாக உலகை உலுக்கியது. யுத்தத்தினால் கடுமையாக பாதிக்கப்பட்ட பெண்கள் யுத்தம் முடிவுற்று 10 வருடங்கள் கடந்த நிலையிலும் இவர்கள் பலவித சமூகப் பிரச்சினைகளுக்குள்ளாகின்றனர். பெண்கள் எப்பொழுதும் அரச புலனாய்வு உத்தியோகத்தர்களால் கைத்தொலைபேசி மூலம் மிரட்டப்பட்டுக்கொண்டு இருக்கின்றனர். யுத்தத்தினால் பாதிக்கப்பட்டு வடக்கிலும் கிழக்கிலும் இன்று 90,000கும் மேற்பட்ட குடும்பத் தலைவரை இழந்து உள்ளார்கள். வலிந்து காணாமற்போனோர், கடத்தல் மற்றும் படுகொலைகள், அரசியல் கைதுகள் பயங்கரவாதத் தடைச் சட்டத்தின் கீழ்த் தொடரும் வரையறையற்ற கட்டுப்பாடில்லாத தடுத்துவைப்பு, சட்டத்திற்குப் புறம்பான தடுத்துவைப்புக்கள் என தமிழர் பிரதேசங்களில் பெருமளவிலான பாதுகாப்புப் படைகள் நிலைகொண்டுள்ள நிலையில் ஆயிரக்கணக்கான குடும்பப் பெண்கள் மற்றும் பிள்ளைகள் யுத்தத்தின் பின்னர் பல ஆயிரக்கணக்கான குடும்பங்கள் வாழ்வாதார நிர்க்கதி நிலையில் வாழ்கின்றனர். பெண்களின் மீதான இரட்டைச் சுமை அதிகரித்திருக்கிறது. பெண்கள், சிறுவர்கள் மீதானா பாலியல் பிரச்சினைகள் மோசமாகிவருகிறது. கணவரை இழந்த பல பெண்கள் பெண் என்ற வகையிலும் பல அச்சுறுத்தல்களுக்கும் பிரச்சினைகளுக்கும் சமூகத்தில் முகம் கொடுத்து வருகின்றார்கள் . போரில் பாதிக்கப்பட்ட பெண்கள். முகம் கொடுக்கும் சவால்களைவிட பன்மடங்கு அதிகமாகப் போராளிப் பெண்கள். அதிலும் தனது உடல் அவயங்களை இழந்த பெண் போராளிகள் படும் துன்பம் பன்மடங்கு. போர்க்களத்தில் இறந்த பின்னர் பெண்களைப் பாலியல் ரீதியாகப் இராணுவத்தினர்கள் துன்புறுத்தியமை என்பது நம்முடைய காலத்தின் மிகப் பெரிய மனிதாபிமானப் பிரச்சினைகளில் ஒன்று. ஆகவே இவ்விடயத்தில் விசேட கவனமெடுத்து தீர்வு காணவேண்டிய பொறுப்பு சமூகத்தில் உள்ள ஒவ்வொரு தனிநபருக்கும் உண்டு . உடல் நலம் ,உளநலம் , வாழ்க்கை நிலைகள், இனப்பெருக்க நிலை உட்பட, என்றும்தீவிர மனநலக் குறைபாடுடைய பல பெண்களுக்கு நீண்ட காலச் சிகிச்சை மற்றும் மருத்துவப் புனர்வாழ்வும் தேவைப்படுகின்து. MeToo இயக்கம் பெண்களுக்கு உளவியல் ரீதியான வெற்றியைத் தரும்.அதே வேளை, பாலியல் துன்புறுத்தல் மற்றும் அத்துமீறல்களுக்கு எதிரான முயற்சி இது நிச்சயம் ஒரு நல்ல தொடக்கமாகும். ஆண்களின் பாலியல் அத்துமீறல்களை பெண்கள் ட்விட்டரில் MeToo என்ற பதத்தை பயன்படுத்தி வெளிக்கொணரும் நிகழ்வு கடந்த ஒருவருட காலமாக சமூகவலைத் தளங்களை ஆக்கிரமித்துள்ளது. பெண்கள் இது போன்ற துன்புறுத்தலை சந்தித்தால் அதை எளிதாக கூற இயலுமா என்று தெரியவில்லை இந்த கடுமையான சூழலை எப்படி கடந்து செல்வது? இதுபோன்ற ஏற்றுக்கொள்ள முடியாத நடத்தைகள் சமூகத்தில் எப்படி ஆழ வேரூன்றியுள்ளது என்பதையும் சட்டரீதியாகப் பார்க்கும்போது தற்போது வெளிவந்துள்ள குற்றச்சாட்டுகளில் எத்தனை உண்மையான குற்றச்சாட்டுகள் என்பதில் தெளிவில்லாமல் பலர் சமூக ஊடகங்களில் போரிட்டு வருகிறார்கள். வன்முறைகள் உலகுக்கு உணர்த்தப்பட வேண்டியதாகும். இது தொடர்பான சமூக விழிப்புணர்வு உருவாக்கப்பட வேண்டும். பெண்களுக்கு உயர்தரக் கல்வி கற்க வாய்ப்பளிக்க வேண்டும்.அதனால் சமூக அணுகுமுறைகள் மாற்றப்பட வேண்டும். பெண்களிடம் அவர்களுடைய உரிமை பற்றிய விழிப்புணர்வை ஏற்படுத்த வேண்டும். பெண் கல்வி கட்டாயமாக்கப்பட வேண்டும். பெண் வயதுக்கு வருமுன்பு திருமணம் செய்து கொடுக்கக் கூடாது. அவர்களுக்கு விருப்பமில்லாத ஒருவனை மணம் செய்து கொள்ள வற்புறுத்தக் கூடாது. திட்டமிட்ட குடும்பக் கட்டுப்பாட்டு முறைகள் பெண்களைப் பலப்படுத்தக் கூடிய அவர்களின் தொழில் பொருளாதார மேம்பாட்டிற்கு வழிவகுப்பதாக மாற்றப்பட வேண்டும். பெண் குழந்தைகளுக்குச் சொத்தில் சமபாகம் கொடுக்க வேண்டும். யுத்தத்தினால் பாதிக்கப்பட்ட பெண்களை வலுப்படுத்தலுடனான உளச்சமூகப் பணி என்பது முக்கியமானதாக அமைகின்றது. அவர்கள் முகங்கொடுக்கும் ஆற்றலை வளர்ப்பதற்கான கல்வி, தொழிற்கல்வி போன்றவற்றினூடான நலச்சேவை மற்றும் புனர்வாழ்வு என்பது வழங்கப்பட வேண்டும். தான் வாழும் சமூகத்துடன் , அமைப்புடன் போராடும் பெண்களை தாயாக, சகோதரியா எம்மைச் சூழ்ந்திருக்கும் பெண்களின் ஆரோக்கியத்திலும் மன நலத்திலும் மொத்த சமூகமும் அக்கறை கொண்டு பாதுகாக்க வேண்டிய பொறுப்புணர்வுடன் நாம் செயற்பட வேண்டும். பெண்களிடையே தன்னம்பிக்கையையும் சுயநிர்ணயத்தையும் உருவாக்க முயற்சிகள் எடுக்கப்பட வேண்டும். கணவன் இறந்த பின்பு மறுவிவாகம் செய்ய அனுமதிக்க வேண்டும். பெண்கள் தொடர்பான புதிய புரிந்துணர்வையும் புதிய நோக்குகளையும் பயற்சிகளையும் மேற்கொள்ள வேண்டும். விவாகம் செய்யாமல் கைத்தொழில் முதலியன செய்து கௌரவமாக வாழ விரும்பும் பெண்களை அங்ஙனம் வாழ இடம் கொடுக்க வேண்டும். குறிப்பாக பெண்கள் பிரச்சினைகள் பற்றி பெண்கள் சரியாகப் புரிந்து கொள்ள வழிகளைத் திறந்து விட வேண்டும். பெண்கள் கணவனைப் பிரிந்து வாழ விரும்பினால் அதற்கு இடமளிக்க வேண்டும். அவளை அவமானப் படுத்தக்கூடாது. இந்த முயற்சி முதலில் பெண்களிடையேயும் பின்னர் குடும்பங்கள் இடையேயும் அதன் பின் சமூகத்திலும் அறிமுகப்படுத்தப்பட வேண்டும். உடல்,உள ரீதியாக வன்முறைகளுக்கும் சித்திரவதைகளுக்கும் உள்ளாக்கப்படாமல் நடாத்துதல். விருப்பமில்லாத செயற்பாடுகளுக்கு வார்த்தைகளாலும் செயற்பாடுகளாலும் தூண்டாதிருத்தல் கடத்துதல், மிரட்டுதல், தன்புறுத்தல், அடிமைப்படுத்துதல், கொலை செய்தல் பேன்றவற்றில் இருந்து பாதுகாக்க வேண்டும் . ஆற்றல், திறன், பதவிநிலை வளர்ச்சிகளை வெளிப்படுத்த முடியாமல் முடக்கி அடிமைத்தனமாக நடாத்தும் சிந்தனையில் மாற்றம் கொண்டுவர வேண்டும் . குடும்ப, சமூக, பொருளாதார, கல்வி, அரசியல், கலாசார, நிலைகளில் இரண்டாந்தரப் பிரஜையாக நடாத்ததுதலை நிறுத்த வேண்டும். பெண்கள் தொடர்பான இயக்கங்கள் பெண்களை நம்பிக்கையூட்டும் பாதைக்கு இட்டுச் செல்லும் புதிய படிமுறைகளை அறிமுகப்படுத்தவும் பெண்கள் தொடர்பான புதிய அணுகுமுறைகள் சார்ந்த கருத்துப் பரப்பலுக்கு வழிசெய்ய வேண்டும். சுதந்திரமற்ற குடும்பச்சுமைதாங்கியாக கலாசாரம் என்ற சமூகக் கொடுமைக்குள் உட்படுத்தாது சமூக, பொருளாதார, கல்வி, கலாசார, சகல அபிவிருத்தி நிலைகளில் தேசிய ரீதியாகவும் சர்வதேச ரீதியாகவும் வளர்ச்சி வேண்டும். திட்டங்கள் செயற்பாடுகள் அறிவூட்டல் பணிகள் அனைத்துமே பெண்களைப் பற்றிய சரியான ஒரு புரிந்துணர்வை வெளிப்படுத்தக் கூடிய நோக்கத்தை மையமாகக் கொண்டே செயற்பட வேண்டும். தமிழ் மக்கள் குறித்தும் இலங்கை வரலாறு குறித்தும் கட்டமைக்கப்பட்டுள்ள கருத்தியல்களை மாற்றியமைக்காமல் எதையும் செய்ய முடியாது.சமூகத்தில் பெண்களின் விடுதலை எது என்பதை மிகச் சரியாக, சமரசமின்றி சுதந்திர எண்ணம், அரசியல் மறுமலர்ச்சி, சமூகச் சீர்திருத்தம், பெண் விடுதலை பற்றிய அக்கறை யாவும் பெண்ணுக்குச் சமூக விடுதலை கிடைக்காமல் நாட்டிற்கு அரசியல் விடுதலை கிடைத்துவிட போவதில்லை கொள்கைகள் மூலமே சமூக விடுதலையினை உறுதி செய்து உழைக்கும் பெண்களின் விடுதலையினை முன்னிலைப்படுத்தி தமிழ்த்தேசியம் என்ற உறுதிமொழியுடன் பயணத்தைத் தொடர்வோம்’ – நிலவன். http://globaltamilnews.net/2019/130534/
  7. மன்னாரில் தியாக தீபம் திலீபனின் 32ஆவது ஆண்டு நினை வேந்தல்… September 15, 2019 மன்னார் நிருபர் (15-09-2019) தியாக தீபம் திலீபனின் 32 ஆவது ஆண்டு நினைவேந்தல் நிகழ்வு இன்று ஞாயிற்றுக்கிழமை (15.09.19) காலை மன்னாரில் இடம் பெற்றது. மன்னார் மாவட்ட தமிழ் தேசிய வாழ்வுரிமை இயக்கத்தின் ஏற்பாட்டின், அதன் தலைவர் வி.எஸ்.சிவகரன் தலைமையில் இடம் பெற்றது. குறித்த நினைவேந்தல் நிகழ்வின் போது தீபச்சுடரினை மன்னார் நகர முதல்வர் ஞானப்பிரகாசம் அன்ரனி டேவிட்சன் ஏற்றி நினைவேந்தல் நிகழ்வை ஆரம்பித்து வைத்தார். அதனைத் தொடர்ந்து மனித உரிமைகள் செயற்பாட்டாளர் அருட்தந்தை ஜெயபாலன் குரூஸ் அடிகளார் தியாக தீபம் திலீபனின் படத்துக்கு மலர் மாலை அணிவித்தார். மேலும் அங்கு வந்திருந்தவர்களும் திலீபனின் நினைவு படத்திற்கு மலர் தூவி அஞ்சலி செலுத்தினர். குறித்த நினைவேந்தல் நிகழ்வில் மதத்தலைவர்கள்,சமூக செயற்பாட்டாளர்கள் உயிரிழந்த போராளிகளின் உறவுகள், என பலர் கலந்து கொண்டமை குறிப்பிடத்தக்கது. http://globaltamilnews.net/2019/130528/
  8. மெக்ஸிகோவில் கிணறு ஒன்றிலிருந்து 44 உடல்கள் மீட்பு September 15, 2019 மெக்ஸிகோவின் ஜலிஸ்கோ மாநிலத்தில் கிணறு ஒன்றிலிருந்து 44 உடல்கள் மீட்கப்பட்டுள்ளன. அந்நாட்டுத் தடயவியலாளர்களால் இவை மீட்கப்பட்டுள்ளன. அதேவேளை கறுப்புப் பைகளில் மறைத்துவைக்கப்பட்டிருந்த நிலையில், குவாடலஜாரா என்னும் நகருக்கு வெளியே 119 மனித எச்சங்களும் கண்டுபிடிக்கப்பட்டுள்ளதாகவும் அந்நாட்டு செய்திகள் தெரிவித்துள்ளன. துர்நாற்றம் வீசுவதாக பிரதேச மக்களால் வழங்கப்பட்ட முறைப்பாட்டிற்கு அமைய இம்மாத ஆரம்பத்தில் இந்த மனித எச்சங்கள் கண்டுபிடிக்கப்பட்டுள்ளதாக தெரிவிக்கப்பட்டுள்ளமை குறிப்பிடத்தக்கது #மெக்ஸிகோ #கிணறு #உடல்கள் #மீட்பு http://globaltamilnews.net/2019/130556/
  9. எழுக தமிழ்-2019 – நாடு தழுவிய உலகம் தழுவிய ஆதரவுக் குரல்கள்… ஒரே பார்வையில்… September 14, 2019 எழுக தமிழ் பேரணி தொடர்பில் தமிழ் சிவில் சமூக அமையத்தின் அறிக்கை 14.09.2019 தமிழ் மக்கள் பேரவையால் ஒழுங்குபடுத்தப்பட்டிருக்கும், 16 201செப்டம்பர் 2019 அன்று நடைபெறவிருக்கும் ‘எழுக தமிழ்’ பேரணிக்கு தமிழ் சிவில் சமூக அமையம் தனது ஆதரவை வழங்குகின்றது. எழுக தமிழ் பேரணி இன்று தமிழ் மக்கள் எதிர்நோக்கும் அடக்குமுறைகள் தொடர்பில் எமது எதிர்ப்பை காட்டுவதற்கும் நீதிக்கான அவாவை வெளிப்படுத்தும் நோக்கத்திற்காகவும் ஒழுங்குபடுத்தப்பட்டுள்ளதாலும் அரசியலில் வெகுசன அணிதிரட்டலை சாதித்தியப்படுத்துவதன் முக்கியத்துவம் கருதியும் நாம் மனப்பூர்வமாக எமது ஆதரவை இம்முயற்சிக்கு அளிக்கின்றோம். தேர்தல் அரசியல் தொடர்பிலும் அதில் இயங்கும் தரப்புக்களின் செல்நெறி தொடர்பிலும் தமிழ் மக்கள் மிகவும் சோர்வடைந்து போய் உள்ளனர். மக்கள் பிரதிநித்துவ அரசியலை தாண்டிய ஓர் ஒழுங்கமைக்கப்பட்ட அரசியல் இயக்கத்தையும் நிகழ்ச்சித்திட்டத்தையும் தமிழ் மக்கள் எதிர்பார்க்கிறார்கள். இந்த நோக்கங்களுக்காகவே தமிழ் சிவில் சமூக அமையம் பேரவையின் உருவாக்கத்தில் பங்கெடுத்தது. தமிழ் மக்கள் பேரவை ஒரு மக்கள் இயக்கமாக பரிமாணிப்பதும் தேர்தல் அரசியல் கடந்து அரசியல் பணி ஆற்றுவதுமே அதனது வரலாற்று வகிபாகமாக இருக்க முடியும். அதற்கு பேரவை தன்னை முழுமையாக அர்ப்பணித்துக் கொள்ள வேண்டும் என்றும் அத்தகைய முயற்சிக்கு எமது முழு ஆதரவுண்டு என்பதையும் ஆணித்தரமாக வெளிப்படுத்துகிறோம். எழுக தமிழின் வெற்றிக்கும் அதனைத் தாண்டிய அணிதிரட்டலுக்கும் எமது முழுமையான ஆதரவும் தோழமையும். கலாநிதி. கு. குருபரன், அருட்பணி. வீ. யோகேஸ்வரன் இணைப் பேச்சாளர்கள், தமிழ் சிவில் சமூக அமையம் தமிழினமாக’எழுகதமிழ்’பேரணியில் பேதங்கள் மறந்துபேரெழுச்சியுடன் பங்கேற்போம்! ஸ்ரீ மாமாங்கேஸ்வரர் சிக்கனகடனுதவு கூட்டுறவுச் சங்கம் தமிழ் மக்கள் பேரவையால் வரும் 16ஆம் திகதியாழ் மண்ணில் முன்னெடுக்கப்படவிருக்கும் ‘எழுகதமிழ்’எழுச்சிப் பேரணியில் தமிழ் இனம் என்றரீதியில் எழுகதமிழ் பேரணியில் பேதங்கள் மறந்துபேரெழுச்சியுடன் பங்கேற்கவேண்டுமென,ஸ்ரீ மாமாங்கேஸ்வரர் சிக்கனகடனுதவு கூட்டுறவுச் சங்கம் அழைப்புவிடுத்துள்ளது. தமிழ் சமுகத்தின் இருப்பினை இழந்துசொல்லொனாத் துயரைஅனுபவித்தபடிகொண்டிருக்கின்ற இத்தருணத்திலேயாழ் மண்ணில் ‘எழுகதமிழ் – 2019’பெருநிகழ்வுநடைபெறவுள்ளது. எல்லாத் தமிழர்களும் தமிழ் இனம் என்றரீதியிலேநாங்கள் ஒற்றுமைஉணர்வுடன் சகலபேதங்களையும் மறந்துபேரெழுச்சியுடன் பங்குபற்றவேண்டியதுதமிழர்களாகியஎமதுகடமையாகும். வடகிழக்கில் வாழும் தமிழ் மக்கள் எதிர்கொள்கின்றதுன்பகரமற்றும் தீர்க்கப்படவேண்டியவாழ்வாதாரபிரச்சினைகளைமுன்வைத்துநடாத்தவிருக்கின்றபொதுமக்கள் எழுச்சிப் பேரணியிலேதமிழன் என்றசொல்லிற்குஅர்த்தம் கொடுக்கநினைக்கும் ஒவ்வொருதமிழனும் இந்நிகழ்விலேபங்கேற்கவேண்டும். எங்களதுவருங்காலசந்ததியின் இருப்பினைஉறுதிப்படுத்த இந்நிகழ்விலேபங்குபற்றவேண்டும் எனவேண்டுகோள் விடுக்கின்றது. தமிழினமாக’எழுகதமிழ்’பேரணியில் பேதங்கள் மறந்துபேரெழுச்சியுடன் பங்கேற்போம்! மட்டக்களப்புமாவட்டசிவில் சமூகம் அழைப்பு! தமிழ் மக்கள் பேரவையால் வரும் 16ஆம் திகதியாழ் மண்ணில் முன்னெடுக்கப்படவிருக்கும் ‘எழுகதமிழ்’எழுச்சிப் பேரணியில் தமிழ் இனம் என்றரீதியில் எழுகதமிழ் பேரணியில் பேதங்கள் மறந்துபேரெழுச்சியுடன் பங்கேற்கவேண்டுமென,மட்டக்களப்புமாவட்டசிவில் சமூகம் அழைப்புவிடுத்துள்ளது. தமிழ் சமுகத்தின் இருப்பினை இழந்துசொல்லொனாத் துயரைஅனுபவித்தபடிகொண்டிருக்கின்ற இத்தருணத்திலேயாழ் மண்ணில் ‘எழுகதமிழ் – 2019’பெருநிகழ்வுநடைபெறவுள்ளது. எல்லாத் தமிழர்களும் தமிழ் இனம் என்றரீதியிலேநாங்கள் ஒற்றுமைஉணர்வுடன் சகலபேதங்களையும் மறந்துபேரெழுச்சியுடன் பங்குபற்றவேண்டியதுதமிழர்களாகியஎமதுகடமையாகும். வடகிழக்கில் வாழும் தமிழ் மக்கள் எதிர்கொள்கின்றதுன்பகரமற்றும் தீர்க்கப்படவேண்டியவாழ்வாதாரபிரச்சினைகளைமுன்வைத்துநடாத்தவிருக்கின்றபொதுமக்கள் எழுச்சிப் பேரணியிலேதமிழன் என்றசொல்லிற்குஅர்த்தம் கொடுக்கநினைக்கும் ஒவ்வொருதமிழனும் இந்நிகழ்விலேபங்கேற்கவேண்டும். எங்களதுவருங்காலசந்ததியின் இருப்பினைஉறுதிப்படுத்த இந்நிகழ்விலேபங்குபற்றவேண்டும் எனவேண்டுகோள் விடுக்கின்றது. நமக்கான தலைவிதியை நாமே தீர்மானிக்க தேசமாக எழுவோம் ! எழுகதமிழ் எழுச்சிக்கு நாடுகடந்த தமிழீழ அரசாங்கம் அறைகூவுகின்றது !! நீதிக்கும் அரசியல் இறைமைக்குமான எமது போராட்ட வேட்கையில் நமக்கான தலைவிதியை நாமே தீர்மானிக்கும் வகையில், நமது அறவலிமையினை அரசியல் வலிமையாக மாற்ற, எழுகதமிழாய் எழுவோம் என நாடுகடந்த தமிழீழ அரசாங்கம் அறைகூவல் விடுக்கின்றது. எதிர்வரும் செப்ரெம்பர் 16ம் நாள், யாழ்ப்பாணம் முற்றவெளியில் இடம்பெறுகின்ற எழுகதமிழ் எழுச்சி நிகழ்வில் தேசமாக தாயக உறவுகள் பங்கெடுத்து, மக்கள் சக்தியின் வலிமையினை உலகிற்கு உரத்து ஒலிக்க வேண்டுகின்றோம். தாயக மக்களின் போராட்டத்திற்கு வலுவூட்ட நியு யோர்க்கில் அமைந்துள்ள ஐக்கிய நாடுகள் சபையின் முன்னேயும், தமிழ்நாட்டிலும் எழுகதமிழாக அணிதிரளும் நாம், சமவேளை ஜெனீவா ஐ.நா மனித உரிமைச்சபை முன்றலிலும் ஒன்றுகூடுகின்றோம். தமக்குள்ள ஜனநாயக வெளியில் தமக்கான கோரிக்கைகளுடன் உலக மக்கள் உறுதியுடன் ஜனநாயகப் போராட்டங்களை மேற்கொண்டு வருகின்றனர். பிரான்சின் மஞ்சள் அங்கிப் போராட்டம், அரபு வசந்தத்தின் மக்கள் போராட்டம், சமகாலத்தில் கொங் கொங்கில் எழுந்துள்ள மக்கள் போராட்டம் என யாவுமே மக்கள் போராட்டங்களுக்கு வலிமையுண்டு என்பனை உலகிற்கு மீண்டுமொருமுறை வெளிக்காட்டி வருகின்றன. தேர்தல் ஜனநாயகப்பாதையில் ஏற்படும் குறைகளைக், களையும் வகையில் மக்களின் நேரடி ஜனநாயகப் போராட்டங்களினால் அரசின் தீர்மானங்களின்மேல் காத்திரமான அழுத்தம் கொண்டுவர முடியும் என்பதையும் இப்போராட்டங்கள்; உணர்த்தி நிற்கின்றன. ஈழத்தமிழர் தேசமும், தனது நீதிக்கும் அரசியல் இறைமைக்குமான போராட்டத்தினை வென்றடைய, நேரடி ஜனநாயகப் போராட்டங்களில் தன்னை எழுச்சியுடன் ஈடுபடுத்த வேண்டிய காலமாக இது உள்ளது என நமது புத்தாண்டுச் செய்தியில் அறைகூவியிருந்தோம். முள்ளிவாய்க்காலின் பின்னரான இப்பத்து ஆண்டுகளில் அனைத்துலக அரசுகளின் உதவியுடன் தனது தமிழின அழிப்புக்கான பொறுப்புக்கூறலில் இருந்தும், அதற்கான பரிகாரநீதியினை வழங்குவதில் இருந்தும் சிறிலங்கா அரசு தப்பித்து வருவதோடு, தமிழர்களின் நீதிக்கும், அரசியல் இறைமைக்குமான போராட்டத்தினை நீர்த்துப் போகச் செய்கின்ற பல்வேறு தந்திரங்களை கையாண்டு வருகின்றது. சிறிலங்கா அரசாங்கங்கள் எவையாக இருந்தாலும் தமிழின அழிப்பையோ, அல்லது தமிழ் மக்கள் ஒரு தனித்துவமான தேசம் என்பதனையோ ஏற்றுக் கொள்ளப் போவதில்லை. இதனால் தமிழ் மக்கள் சிங்கள அரசாங்கங்களின் நிலைப்பாட்டை எதிர்த்து தொடர்ச்சியாக விட்டுக் கொடுப்பற்ற போராட்டத்தை நடாத்துவது தவிர்க்க முடியாத வரலாற்று நிரப்பந்தமாக ஈழத்தமிழர் தேசத்துக்குள்ளது. நாம் ஒன்றுபட்டவர்களாக, ஒருமித்தவர்களாக ஒற்றுமையுடன் அணிதிரளும் போது, இலங்கைத்தீவினை மையப்படுத்திய சர்வதேச புவிசார் அரசியலில் நம்மையும் ஒரு தரப்பாக வலுப்படுத்துவதற்குரிய அரசியல் சக்தியினைப் பெறமுடியும். தாயக மக்கள், புலம்பெயர் மக்கள், தமிழ் நாட்டு உறவுகள் என உலகத்தமிழர்கள் அனைவரும் ஒற்றைக்குரலாக அணிதிரண்டு எமக்கான சக்தியினை வலுப்படுத்த வேண்டிய காலமாகவுள்ளது. சிறிலங்காவின் அரசியலமைப்புக்கு உட்பட்ட தேர்தல் அரசியல் பாதையில் பயணித்து வரும் தாயக தமிழர் அரசியற்தரப்புக்களது முரண்பாடுகளுக்கு அப்பால், ஈழத்தமிழ் மக்களின் போராட்டத்தின் அற வலிமையினை அரசியல் வலிமையாகவும், அறிவு வலிமையாகவும் மாற்ற, நாம் அனைவரும் ஒற்றைக்குரலாக ஒலிப்போம். தேசமாக நாம் அனைவரும் எழுகதமிழில் பங்கெடுத்து நமக்கான தலைவிதியை நாமே தீர்மானிக்க, நீதிக்கும் சக்தியாக மாறுவோம். தமிழர்களின் தாகம் தமிழீழத் தாயகம் அரசியல் விவகாரங்களுக்கான அமைச்சு அனைத்து தமிழ் மக்களும், ஓரணியாய் அலைகடலென திரண்டு எழுக தமிழில் பங்கேற்க அழைக்கின்றோம் ———————————————————————- எழுக தமிழ் காலத்தின் தேவை அதை வெல்ல வைக்க வேண்டியது தமிழர்களின் கடமை எனவே அனைத்து தமிழ் மக்களும் ஓரணியாய் அலைகடலென திரண்டு எழுக தமிழில் பங்கேற்க அழைக்கின்றோம். எக்காலத்திலும் மாறாத சிங்கள பௌத்த பேரினவாதத்தின் ஆதிக்க மனப்பான்மை ஆயுதங்கள் மௌனிக்கப்பட்ட நிலையிலும் கட்டமைக்கப்பட்ட இனவழிப்பினை வேறு வடிவங்களில் முன்னெடுத்து தமிழர் நிலங்களையும், கடலையும், வளங்களையும் கபளீகரம் செய்வதோடு தமிழர் தேசம் எங்கும் அரச இயந்திரத்தின் துணையுடன் திட்டமிட்ட குடியேற்றங்களையும் சிங்கள பௌத்த மயமாக்கலையும் முன்னெடுத்து வருகின்றது. தமிழர் கல்வி, கலாச்சாரம், பண்பாடு என்பவற்றை சிதைக்கும் மறைமுக நிகழ்ச்சிநிரல்களிற்கு அரச இயந்திரம் துணைநிற்கின்றது. வேலைவாய்ப்புக்களில் பிரதேச மக்களிற்கு முன்னுரிமை வழங்காது இனப்பரம்பலை மாற்றியமைக்கும் மறைமுகத் திட்டத்தில் உரிய தகுதிகள் இன்றி மாற்றினத்தவரை தமிழர் பிரதேசங்களில் வேலைகளில், பதவிகளில் அமர்த்தும் கைங்கரியங்களில் மத்திய அரசு செயற்படுகின்றது. போர் காரணமாக சொந்த இடங்களைவிட்டு இடம்பெயர்ந் தமிழர்களை அவர்களின் பூர்வீக நிலங்களில் குடியமர்த்த முற்படாது அப்பூர்வீக நிலங்களில் இராணுவ பௌத்த நிலைகளை நிறுவுவதில் அக்கறைகாட்டுகின்றது. எனவே இவற்றையெல்லாம் எதிர்க்கவும், சர்வதேசத்திற்கும், ஜனநாயக போர்வையில் கண்மூடி மௌனித்திருக்கும் ஸ்ரீலங்கா ஆட்சியாளர்களிற்கும் தமிழர் அனைவரும் ஒன்றுபட்டு ஒரே குரலில் உரத்துச் சொல்ல வேண்டியது காலத்தின் அவசியமும், தமிழரின் இருப்பிற்கு அவசியமும் ஆகும். அந்த வகையில் தமிழ் மக்கள் பேரவையால் வரும் செப்டம்பர் 16 ஆம் திகதி யாழ் மண்ணில் முன்னெடுக்கப்படவிருக்கும் எழுக தமிழ்-2019 எழுச்சி நிகழ்விற்கு அனைவரையும் அணிதிரண்டு பங்கேற்க பல்கலைக்கழக ஊழியர் சங்கம் அழைப்பு விடுக்கின்றது. அத்துடன் செப்டம்பர் 16 எழுக தமிழ் நிகழ்வில் அனைவரும் பங்கேற்கும் வகையில் தமிழர் தாயகம் தழுவிய ரீதியில் விடுக்கப்பட்டுள்ள வழமை மறுப்பிற்கும் பல்கலைக்கழக ஊழியர் சங்கம் ஆதரவு வழங்குகின்றது. பல்கலைக்கழக ஊழியர் சங்கம் யாழ்ப்பாணப் பல்கலைக் கழகம் எங்கள் ஒற்றுமையை உலகிற்கு எடுத்துக்காட்டும் வகையில் எழுக தமிழில் ஒன்றிணைவோம்! சுவாமி சிதாகாசானந்தா! தமிழ் மக்கள் பேரவை ஏற்பாடு செய்திருக்கும் எழுக தமிழ் நிகழ்வில் பங்கேற்று எங்கள் ஒற்றுமையை உலகிற்கு எடுத்துக்காட்டும் வகையில் எழுக தமிழில் ஒன்றிணைவோம் என யாழ் சின்மயா மிஷன் வதிவிட ஆச்சாரியார் பிரம்மச்சாரி சிதாகாசானந்தா சுவாமி அவர்கள் எழுக தமிழுக்கு ஆதரவாக விடுத்துள்ள பதிவில் தெரிவித்துள்ளார். அப்பதிவில் மேலும் தெரிவிக்கையில், தமிழ் மக்கள் பேரவை ஏற்பாடு செய்திருக்கும் எழுக தமிழ் நிகழ்வு சிறப்பாக நடைபெறுவதற்கு எல்லாம்வல்ல இறைவனைப் பிரார்த்திக்கின்றோம். தமிழர்களாகிய எங்களுடைய தேவைகளையும், எங்களுடைய உரிமைகளுக்கான குரல்களையும் எடுத்துச் செல்லுகின்ற ஒரு நிகழ்வாக மக்கள் இயக்கமாகிய தமிழ் மக்கள் பேரவை எதிர்வரும் 16 ஆம் திகதி திங்கட்கிழமை முன்னெடுத்திருக்கின்ற இந்த எழுக தமிழுக்கு அனைத்து தமிழர்களும் எந்தவித கட்சி பேதமுமின்றி வேறு எந்த பேதங்களுமின்றி இந்த நிகழ்விலே கலந்துகொள்ள வேண்டும். நாங்கள் அனைவரும் ஒன்று சேர்ந்து எங்களுடைய தேவைகளையும், வேண்டுதல்களையும் முழு உலகத்திற்கும் தெரியப்படுத்தும் பொழுதான் நிச்சயமாக எங்கள் இலக்கை அடைய முடியும். மக்கள் எழுச்சியின் மூலமாகத்தான் உரிமைகள் வென்றெடுக்கப்பட்டிருக்கின்றன. அந்த வகையிலேயே தமிழ்த்தேசிய சிந்தனையிலேயே இந்த எழுக தமிழ் நிகழ்வில் அனைவரும் வந்து பங்குபற்றவேண்டிய நிகழ்வாக இருக்கின்றது. எழுக தமிழ் நிகழ்வில் பங்குபற்றுவதன் ஊடாக எங்களுடைய விடுதலையை, எங்களுடய உரிமைகளை உலகிற்கு வெளிப்படுத்த முடியும். அந்தவகையில் அரசியல் தலைவர்கள் மற்றும் ஆன்மீகத் தலைவர்களாகிய நாங்களும் இவ் எழுக தமிழ் மக்கள் எழுச்சிப் பேரணியில் முழுமையாக இணைந்திருக்கின்றோம் என மேலும் தெரிவித்துள்ளார். ஊடகப்பிரிவு எழுக தமிழ்-2019 தமிழ் மக்கள் பேரவை எழுக தமிழ் பேரணியில் ஒன்றாய் அணிதிரள உரிமையுடன் கேட்டுக் கொள்கின்றோம் – கிழக்குப் பல்கலைக்கழக கலை கலாசார பீட மாணவர் ஒன்றியம் இன்றைய அரசியல் சூழலில் தமிழ் மக்களின் எழுச்சிப் போராட்டங்கள் முதன்மையடைய வேண்டியது காலத்தின் தேவையாகும். கிழக்குப் பல்கலைக்கழக கலை கலாசார பீட மாணவர் ஒன்றியமானது தமிழ் தேசிய நீதிப் போராட்டங்களிற்கு தன்னாலான பங்களிப்பை என்றுமே வழங்கி வருகின்றது. ஈழத் தமிழர்களின் மிகப் பெரும் நீதிக்கான குரலான எழுக தமிழிற்கு காலத்தின் தேவை உணர்ந்து நாம் பரிபூரண ஆதரவும், ஒத்துழைப்பும் வழங்குகின்றோம். யுத்தத்திற்கு முன்னரும், தற்போதும்; இலங்கை அரசாங்கம் தமிழர்களுக்கு எதிராக அரங்கேற்றுகின்ற துரோகங்களுக்கு ஈழத்தமிழர்கள் நாம் ஒன்றாய் குரல் கொடுக்காமையே இன்றைய எமது இந்நிலைக்குக் காரணமாகும். தமிழ்த் தேசியத்தில் பல கட்சிகளாய் பிளவுபட்டு நிற்கையில் நாம் நீதியினை வென்றெடுப்பது எட்டாக் கனியாகத்தான் இருக்கின்றது. தமிழர்களாகிய எங்களுக்குள் இருக்கும் நீண்ட இடைவெளிகளை தகர்த்தெறிவதாக எழுக தமிழ் நிகழ்வில் தமிழர்கள் நாம் அனைவரும் ஒரே தமிழ்த்தாய் பிள்ளைகளாய் ஒன்றிணைவோம். மூலை முடுக்குகளில் வாழும் தமிழர் மனங்களில் உறங்கிக் கிடக்கும் நீதிக்கான உணர்வுகளுக்காக, தட்டிக் கேட்கும் தன்மைக்காக அனைத்து தமிழர்களும் குரல் கொடுக்கும் அறவழிப் போராட்டமாய் எழுக தமிழ் பரிணமிக்க காத்திருக்கிறது. இலங்கை அரசாங்கத்தின் திட்டமிடப்பட்ட தமிழர்களுக்கு எதிரான செயற்பாடுகளில் எம் தமிழ் தலைமைகள் விலை போவது வேதனையளிக்கிறது. மாற்றத்தினை வேண்டி நிற்கும் எழுக தமிழில் நாம் கேட்பது தமிழர்களுக்கான நீதியைத்தான். வட கிழக்கில் திட்டமிடப்பட்ட வகையில் மேற்கொள்ளப்படும் நில ஆக்கிரமிப்புக்கள், தமிழ்களின் இன்றைய மற்றும் எதிர்கால இருப்பினைக் கேள்விக்கு உள்ளாக்கியுள்ளது;, காணாமல் ஆக்கப்பட்டோருக்கான நீதி, போர் குற்ற விசாரணை, அரசியல் கைதிகளின் விடுதலை என பல விடயங்களில் இன்றும் இலங்கை அரசாங்கம் நீதியைத் தர மறுக்கின்றது. மாணவர் நாம் மிகப் பெரும் சக்தியாய் எழுக தமிழில் பங்கேற்க கடமைப்பட்டுள்ளோம். பேரணியின் சாதகமான பெறுபேறு, தமிழனின் விடியலுக்கானது. எமக்கு இழைக்கப்பட்ட துரோகங்களை மீண்டும் ஒரு முறை சர்வதேசத்திற்கு கூறிட இதுவே தகுந்த தருணமாகும். எனவே தமிழர்களின் உரிமைகளினை வென்றெடுக்க கரம் சேர்க்கக் காத்திருக்கும் அனைத்து தமிழ் உறவுகளையும் புரட்டாதி 16 அன்று யாழ்ப்பாண பல்கலைக்கழக முன்றலில் இருந்து ஆரம்பமாகும் எழுக தமிழ் பேரணியில் ஒன்றாய் அணிதிரள உரிமையுடன் கேட்டுக் கொள்கின்றோம். நன்றி. தமிழர் தாயகத்தில் செப்டம்பர் 16ம் தேதி நடக்கும் எழுக தமிழ்2019 நிகழ்வை, வெறும் அரசியல் நிகழ்வாக நாங்கள்பார்க்கவில்லை. ஒட்டுமொத்தத் தமிழினத்தின் உரிமைக்குரலை உலகதிர எடுத்துரைக்கும் அரிய நிகழ்வாகவேபார்கிறோம். எந்த மண்ணில் இன அழிப்பு நடந்ததோ அந்த மண்ணிலிருந்து நீதிக்கான முழக்கம் எழுவது, ஒட்டுமொத்த உலகையும் திரும்பிப் பார்க்க வைக்கும் என்று உறுதியாக நம்புகிறோமென என தமிழ்நாடு வணிகர் சங்கங்களின் பேரவை தலைவர் த.வெள்ளையன் விடுத்துள்ள அறிக்கையில் தெரிவித்துள்ளார். அவ்வறிக்கையில் மேலும் குறிப்பிடுகையில், 10 ஆண்டுகள் இழுத்தடித்துவிட்டால், தமிழினம் நம்பிக்கையிழந்து விடும் என்று தப்புக் கணக்குப்போட்டவர்களுக்குப் பாடம் கற்பிப்பதாக யாழ் முற்றவெளியில் நடக்கும் எழுக தமிழ் நிகழ்வு அமைய வேண்டும். எழுக தமிழ்பேரணியின் வெற்றி, ஒட்டுமொத்தத் தமிழினத்தின்வெற்றியாகத் திகழ வேண்டும். நாம் பீனிக்ஸ் பறவைகள். சாம்பலிலிருந்து கூட உயிர்த்தெழுகிற வல்லமை படைத்தவர்களென்பதை எழுக தமிழ் வாயிலாக அதை உறுதி செய்வோம்! கோடானு கோடி தமிழரின் நெஞ்சங்களிலிருந்து, முள்ளிவாய்க்கால் நினைவு மறையவேயில்லை. அது ஒருக்காலும் மறையாது. நீறுபூத்த நெருப்பாக நீதிக்கானஅறஞ்சார் சினம் நமக்குள் கனன்றுகொண்டே இருக்கிறது. தமிழரின் தாய்மண் அதை நிரூபிக்கும் என்ற முழுமையான நம்பிக்கையோடுதான், சென்னையிலும் எழுக தமிழ் நிகழ்வை எழுச்சியுடன் நடத்த முழுமூச்சில் வேலை செய்து வருகிறோம். யாழ் மண்ணில் பேரணி நடக்கிற அதே நாளில் அதே நேரத்தில்சென்னை வள்ளுவர் கோட்டத்தில், எழுக தமிழ் ஒன்று கூடலை, இனப்படுகொலைக்கு எதிரான பொதுவானஅமைப்புகளுடன் இணைந்து தமிழ்நாடு வணிகர் சங்கங்களின்பேரவை நடத்துகிறது. எங்கள் தொப்புள் கொடி உறவுகளின் போர்க்குரலோடு சேர்ந்து எங்கள் குரலும் ஒலிக்க வேண்டும், தமிழகம் தமிழீழ மக்களுடன் இணைந்தே நிற்கிறது என்பதை உலகுக்குஉணர்த்த வேண்டும் என்கிற நோக்கத்துடன்தான் களத்தில் இறங்கியிருக்கிறோம் நாங்கள். அரசியல் மாறுபாடுகளைக் கடந்து, சென்னை எழுக தமிழ் நிகழ்வில் பல்வேறு கட்சிகளின் தலைவர்கள் பங்கேற்கஇருப்பதைப் பெருமையுடன் சுட்டிக்காட்ட வேண்டியது எனதுகடமையாகிறது. எங்கள் தொப்புள்கொடி உறவுகளுக்காக, சென்னையில்நாங்கள் வீதிக்கு வருகிறோம்! ஒன்றுபட்டு ஒலிக்கிற தமிழினத்தின் குரல், இனப்படுகொலைக்கான நீதியைப் பெற்றுத் தருமென்ற நம்பிக்கையோடு கை கோர்க்கிறோம்! தமிழர் தாயகமான தமிழீழத்தில் நடந்த அகிம்சைப்போராட்டங்களிலும் சரி, ஆயுதப் போராட்டங்களிலும் சரி, அறம்சார் நெறிகளுடன்தான் தமிழினம் களம் கண்டிருக்கிறது. இப்போது, நீதி கோரி நிகழ்த்தும் போரிலும் நெறி பிறழாமல்தான் நிற்கிறோம் உறுதியுடன்! நீதியும் நேர்மையும் நிரந்தரமாகத் தோற்றதாய் வரலாறில்லை…. குனிந்து வளைந்தது நிமிர்ந்து எழுவதற்காகத் தான் என்பதைநாம் பறைசாற்றியாக வேண்டும்….. தமிழர் தாயகத்தின் குரல் செப்டம்பர் 16ம் தேதி யாழ்முற்றவெளியில் ஓங்கி ஒலிக்கட்டும்! அரசியல் பிழைத்தோருக்கு அறம் கூற்றாகும் – என்கிற காப்பியவரிகளுக்கு உயிரூட்டுவதாக, ஓங்கி ஒலிக்கிற முழக்கங்கள்அமையட்டும்! யாழ் மண்ணில் மட்டுமல்ல…. தமிழகத்தின் தலைநகரிலும் எழுகிறோம் தமிழராய்! தமிழைத் தொழுவோம்; தமிழராய் எழுவோம்! இவ்வாறு தமிழ்நாடு வணிகர் சங்கங்களின் பேரவை சார்பில் அதன் தலைவர் த.வெள்ளையன் விடுத்துள்ள அறிக்கையில் மேலும் குறிப்பிட்டுள்ளார். ஊடகப்பிரிவு எழுக தமிழ்-2019 தமிழ் மக்கள் பேரவை http://globaltamilnews.net/2019/130512/
  10. நூறு கதை நூறு படம்: 22 – தலைவாசல் May 18, 2019 - ஆத்மார்த்தி · இலக்கியம் / சினிமா / தொடர் தொண்ணூறுகளுக்கு முன்பிருந்த தமிழ் சினிமாவுடன் ஒப்பிடுகையில் தொண்ணூறுகளின் ஆரம்பத்திலேயே வித்யாசமான மடைமாற்றும் நோக்குடனான திரைக்கதை முயல்வுகள் உருவாக்கப் படத் தொடங்கின. உதாரணமாகச் சொல்வதானால் ஒற்றைக் கதா முறையுடனான போலீஸ் படங்களும் கிராமத்துப் படங்களும் ஆங்காங்கே தொடக்கம் பெற்றன. இரண்டாயிரம் வரையிலான திசைவழிக்கான தொடக்கத் திருப்பங்களாக இவை அமைந்தன. காதல் படங்கள் என்ற எப்போதைக்குமான வணிக நிர்ப்பந்த சினிமாவின் பின்புலமாக அதுவரை கையாளப்பட்ட கல்லூரி என்ற களனை முன்பில்லாத அளவுக்கு நிஜத்துக்கு நெருக்கமாய்ச் சென்று அவதானித்து எடுக்கப்பட்ட சொற்ப திரைப்படங்கள் காலம் கடந்து இன்றும் ரசிக்க வைக்கின்றன. அந்தவகையில் தமிழ் சினிமாவின் கல்லூரிக் களத்தினை மையப்புலமாக்கி எடுக்கப்பட்ட படங்களில் தலையாயதென்று தலைவாசல் திரைப்படத்தினை முன் வைக்கலாம்.தொலைக்காட்சியில் செல்வாக்குப் பெற்ற நீலா மாலா தொடரின் மாந்தர்கள் அதே ஹன்சாலயா பேனரில் சோழா பொன்னுரங்கம் விமலாரமணன் ஆகியோர் இணைந்து உருவாக்கிய முதல் படம் தலைவாசல். தென் தமிழகத்தின் புதியவர்களான செல்வா பாலபாரதி சந்தானம் தொடங்கிப் பலரும் ஒன்றிணைந்து உருவான படம் இது. இதன் மூலம் அறிமுகமான செல்வா தன் அடுத்த படமான அமராவதியில் இதே பேனருக்காக அறிமுகம் செய்த நாயகன் தான் அஜீத் குமார். செல்வா அதன் பிற்பாடு பல வணிகப் படங்களை இயக்கினார். தலைவாசல் தமிழின் கலை அடையாளங்களில் ஒன்றாக தனித்ததற்கு ஒன்றல்ல பல காரணங்கள் உண்டு.கானா எனப்படுகிற பாடல்வகைமையை முன்பு அங்குமிங்கும் அதன் நீர்த்த வடிவங்கள் மாத்திரமே பயன்படுத்தப்பட்டு வந்த தமிழ் சினிமாவில் முன்பில்லாத வகையில் இந்தப் படத்தின் ஒரு அரூபப் பாத்திரமாகவே சித்தரித்திருந்தார் செல்வா. பாலபாரதி சந்திரபோஸ் அஷோக் ஆகியோர் பாடிய கானா பாடல்கள் அன்றைக்கு எல்லோரின் விருப்பங்களாக மாறின. இந்தப் படத்தின் வசனங்கள் அன்றைய காலத்தில் பெரும் பிரசித்தி பெற்றன.திரும்பத் திரும்ப உச்சரிக்க வைத்தன. போறியா போறதுக்கு முந்தி ஒரு கானா வுட்டுட்டு போ என்று விட்டில்பூச்சிகளின் விட்டேற்றி மனங்களை அத்தனை அழகாக முன்வைத்தது தலைவாசல் படம். இளையராஜாவின் இசைமீது பெரும் பற்றுக்கொண்ட பாலபாரதி தனித்துவம் மிக்க இசையமைப்பாளராக இதன் மூலம் அடையாளம் காட்டப் பட்டார். அமராவதி உள்ளிட்ட வேறு படங்களுக்கும் இசை அமைத்தார் என்றாலும் முதல் படத்தின் அதே ஒளிர்தலைப் பற்றிக்கொண்டு மாபெரும் இசைமனிதனாக வந்திருக்க வேண்டியவர். இந்தப் படத்தில் அதிகாலைக் காற்றே நில்லு பாடலை புதியவர் சந்தானம் எழுதினார். கானா பாடல்களை எழுதிய மூர்த்தி ரமேஷின் கைவண்ணத்திலேயே இந்தப் படத்தின் வசனங்களும் அமைந்தன. மற்ற பாடல்களை எல்லாம் வைரமுத்து எழுதினார்.வாசல் இது வாசல் தலைவாசல் பாடலையும் வாழ்க்கை என்பது பள்ளிக்கூடமா இல்லை பாடலையும் உன்னைத் தொட்ட தென்றல் இன்று என்னைத் தொட்டுச் சொன்னதொரு சேதி பாடலையும் எஸ்.பி.பாலசுப்ரமணியம் பாடினார். அந்தப் பாடலை அவரோடு இணைந்து பாடியவர் சித்ரா.அதிகாலைக் காற்றே நில்லு பாடல் எஸ்.ஜானகியின் அடைமழைக்குரலால் பெருகிற்று.வான் நிலவே என்றாரம்பிக்கும் பாடல் அஷோக் குரலில் மின்னிற்று.இந்தப் படத்தின் இசைப்பேழை இன்றளவும் தன் ஒலித்தலை நிறுத்தாத நல்லிசைப் பறவையாய் ஜொலிக்கிறது.நாச்சியப்பன் கல்லூரியில் இரு தரப்பு மாணவர்கள் வெளியிலிருந்து வந்து அவர்களுக்கு கஞ்சா சப்ளை செய்யும் மனிதர்கள் அவர்களை இயக்கும் நகரத்தின் பயங்கர மனிதன் பீடாசேட் அவனது பேச்சிற்கு எதிர்ப்பேச்சு பேச திராணியற்ற அவன் மனைவி சாரதா அவர்களது ஒரே மகன் சிறுவன் சித்தார்த். கல்லூரி மாணவர்களின் உபசரிப்பில் வாழ்வை ஓட்டும் பழைய மாணவன் கானா பாபு அந்த ஊரில் விலைமகளிர்கூடம் ஒன்றை நடாத்தி வரும் பெண் அம்சா அவளுக்கு பாபு மீது ஒருதலையாய்க் காதல் இரு தரப்பு மாணவர்களில் ஒரு தரப்பின் நாயகன் சுதாகர் எனும் வேடத்தில் ஆனந்த் என இந்தப் படத்தின் மனிதர்கள் அனைவருமே நம்பகத்தின் வரம்புகளுக்குள் சுழல்பவர்கள் என்பது பெரும் ஆறுதல்.எப்படியாவது ப்ரின்சிபால் ஆகிவிட வேண்டுமென்று துடிக்கும் வைஸ் பிரின்சிபல் வேடத்தில் நெப்போலியன் அவரது இம்சை தாங்காமல் பழைய பிரின்சிபல் விலக மாணவர்கள் பிரச்சினைகளை சமாளித்து கல்லூரியைப் புத்தாக்கம் செய்யப் புறப்பட்டு வரும் புதிய பிரின்சிபல் சண்முக சுந்தரமாக எஸ்.பி.பாலசுப்ரமணியம் அவர் மகள் அந்தக் கல்லூரியிலேயே படிக்க சேர்கிறாள்.அவரது தம்பி அசிஸ்டெண்ட் கமிஷனர்தன் சுயநலனுக்காக மாணவர்களைப் பயன்படுத்திக் கொள்ளும் இரக்கமற்ற பீடாசேட்டின் பிடியிலிருந்து நாச்சியப்பன் கல்லூரி எப்படி மீள்கிறதென்பதே தலைவாசல் படத்தின் கதை. ராஜூவின் எடிடிங்கும் ராயின் ஒளிப்பதிவும் படத்திற்கு உறுதுணையாகின.பாடியறிந்த பாலுவை நடிப்பின் மூலமாக அறிவதற்கான சிறந்த வாய்ப்பாகவே இந்தப் படம் அமைந்தது. வஸந்த் ஆனந்த் தலைவாசல் விஜய் சபீதா ஆனந்த் வைஷ்ணவி விசித்ரா சீனுமோகன் பரதன் தொடங்கிப் பலரும் சிறப்பாக மிளிர்ந்திருந்தார்கள் என்றாலும் இந்தப் படத்தின் மொத்த அறுவடையும் நாஸருக்குப் பின்னால் தான் சகலருக்கும் என்றானது. மனிதர் நம் கண்முன் பீடா சேட்டாகவே தோன்றினார் நம்பச் செய்தார். இன்றளவும் மனசுக்குள் பீடா சேட் என்று உச்சரித்தாலே நாஸரின் சகல பரிமாணங்களும் வந்து செல்கின்றன.அந்த அளவுக்கு ஸ்கோர் செய்தார் நாசர்.கல்லூரி என்ற பதத்தை இத்தனை அழகாக முன்வைத்த படம் இன்னொன்றைச் சொல்வது அரிது என்ற அளவில் தொண்ணூறுகளின் தேவகானம் தலைவாசல் படம். https://uyirmmai.com/இலக்கியம்/நூறு-கதை-நூறு-படம்-22-தலைவா/
  11. பேரவையின் எழுக தமிழ் எந்த வகையில் முக்கியமானது? Sep 14, 20190 யதீந்திரா தமிழ் மக்கள் பேரவை எழுக தமிழ் தொடர்பிலான அறிவிப்பை வெளியிட்ட நாளிலிருந்து அதன் அரசியல் பெறுமதி தொடர்பில் ஒரு சிலர் மாறுபட்ட அபிப்பிராயங்களை முன்வைத்து வருகின்றனர். இந்த எழுக தமிழ் விக்கினேஸ்வரன் தலைமையிலான தமிழ் மக்கள் கூட்டணியை பலப்படுத்துவதற்கான ஒரு முயற்சி என்பதே அவ்வாறானவர்களின் வாதமாக இருக்கிறது. விக்கினேஸ்வரன் தொடர்ந்தும் பேரவையின் இணைத்தலைவர்களில் ஒருவராக இருக்கின்ற நிலையில், இவ்வாறானதொரு எழுக தமிழ் அவரை பல்படுத்துவதற்கான ஒரு மறைமுக முயற்சி என்பதே மேற்படி வாதங்களின் சாராம்சமாகும். அது உண்மைதானா? ஒரு வேளை எழுக தமிழால் விக்கினேஸ்வரனது கட்சி பலமடைவதால் தமிழ் மக்களுக்கு ஏதாவது இடர்கள் ஏநற்படுமா? அல்லது எதாவது ஒரு கட்சியின் தேர்தல் திட்டங்களை மட்டும் பாதிக்கப்படுமா? விக்கினேஸ்வரன் பலமடைவதால் தமிழ் மக்களின் நலன்களுக்கு ஏதும் இடர்கள் ஏற்பட்டால் நிச்சயமாக அது எதிர்க்கப்பட்ட வேண்டிய ஒன்றுதான் ஆனால் அவ்வாறானதொரு நிலைமை இல்லை. ஒரு வேளை விக்கினேஸ்வரனை முன்னிலைப்படுத்தி தங்களின் கட்சிகளை பலப்படுத்திக்கொள்ளலாம் என்று கணக்குப் போட்டவர்களுக்கு அது ஒரு இடராக இருக்கக் கூடும். மேலும் விக்கினேஸ்வரன் ஒரு அரசியல் மையமாக எழுச்சிகொள்ள வேண்டும் அதன் மூலம்தான் ஒரு மாற்றுத் தலைமையை ஏற்படுத்தலாம் என்பதே பலரதும் எதிர்பார்ப்பாக இருந்தது. ஆனால் அந்த மாற்றுத் தலைமைக்கு, தலைமை தாங்கப் போகும் கட்சியும் சின்னமும் எது என்பதில்தான் பேரவையின் அங்கத்துவ கட்சிகள் மேதிக்கொள்ள நேர்ந்தது. இதில் முக்கியமாக மேதிக் கொண்டது அகில இலங்கை தமிழ் காங்கிரஸ்தான். மேற்படி முரண்பாடுகளின் போது, பேரவையால் கட்சிகளை கட்டுப்படுத்த முடியவில்லை. அதற்கான வல்லமையை பேரவை கொண்டிருக்கவில்லை. இது விளங்கிக் கொள்ளக் கூடிய ஒன்றே – ஏனெனில் 2009இற்கு பின்னரான தமிழ் அரசியல் பரப்பில், எவர் மீதும் எவரும் அழுத்தங்களை பிரயோகிக்கக் கூடிய நிலைமை இருந்திருக்கவில்லை. இவ்வாறானதொரு சூழலில்தான் ஒரு மக்கள் இயக்கத்தின் தேவை தொடர்பில் உணரப்பட்டது. அதற்கு ஓரளவு வடிவம் கொடுக்கும் ஒரு பணியைத்தான் தமிழ் மக்கள் பேரவை முன்னெடுத்தது. ஆனாலும் அதனால் ஒரு கட்டத்திற்கு மேல், ஒரு மக்கள் இயக்கம் எவ்வாறிருக்க வேண்டும், அதில் கட்சிகளின் இடம் என்ன? கட்சிகளை உள்வாங்கும் போது அதற்கான எல்லைக்கோடு எது? என்பதில் பேரவையாலும் சரி, கொள்கைசார்ந்து பேரவை போன்ற ஒரு அமைப்பின் தேவை தொடர்பில் சிந்தித்தவர்களாலும் சரி அதற்கான சரியானதொரு வரையறையை முன்வைக்க முடியவில்லை. இவ்வாறானதொரு பின்புலத்தில்தான் பேரவையின்; அங்கத்துவ கட்சிகளுக்கிடையிலான தேர்தல் அரசியல் முரண்பாடுகளால் பேரவை பலவீனமடைந்தது. பேரவை ஒப்பீட்டளவில் முன்னரை விடவும் பலவீனமடைந்திருந்தாலும் பேரவை முற்றிலுமாக செயலிழிந்துவிடவில்லை. இதற்கு விக்கினேஸ்வரனே காரணம். அவர் தொடர்ந்தும் பேரவையின் பாதுகாவலராக இருந்தார். பேரவையின் அங்கத்துவ கட்சிகளான அகில இலங்கை தமிழ் காங்கிரசுக்கும் ஈழ மக்கள் புரட்சிகர விடுதலை முன்னணி மற்றும் ஜனநாயக மக்கள் விடுதலை முன்னணி (புளொட்) ஆகியவற்றுக்குமிடையிலான அறிக்கை போர்கள், பொது வெளியில் காட்சிப்படுத்தப்பட்ட போது, விக்கினேஸ்வரன்தான் பேரவையை பாதுகாத்தார். அதனை முற்றிலுமாக செயலிழந்து போகாமல் காத்தார். ஒரு வேளை விக்கினேஸ்வரனும் அந்த முரண்பாடுகளால் வெளியேறியிருந்தால் அப்போதே பேரவை செத்திருக்கும். இதன் காரணமாகத்தான், விக்கினேஸ்வரன் தனக்கானதொரு கட்சியை அறிவித்த பின்னரும் கூட அவரை தொடர்ந்தும் பேரவையின் இணைத் தலைவராக இருக்குமாறு அனைவருமே நிர்பந்திருந்தனர். இன்று அவ்வாறானவர்களே பேரவை விக்கினேஸ்வரன் மைய அமைப்பாக இருப்பதாக குற்றம்சாட்டுகின்றனர். பேரவை விக்கினேஸ்வரன் மைய அமைப்பாக இருந்தமைதான் இதுவரை பேரவையின் பலமாக இருந்தது என்பதை, இன்று ஆய்வுகள் செய்யும் பலரும் தங்களின் வசதிக்காக, மறந்திருக்கலாம் அனால் அது உண்மையல்ல என்பது பேரவையுடன் தொடர்புடைய அனைவருமே நன்கறிந்த சங்கதி. இன்றும் கூட அதுதான் நிலைமை. பேரவையை விக்கினேஸ்வரன் உட்பட சிலர், ஒரு மக்கள் இயக்கமாக கட்டியெழுப்ப விரும்பம் கொண்டிருந்தாலும் கூட, பேரவையால் வடக்கு கிழக்கை இணைத்தவாறு அவ்வாறானதொரு மக்கள் இயக்கமாக மேலெழ முடியவில்லை. அதற்கான உட்கடைப்புக்களையும் விரிவான உரையாடல்களையும் பேரவையால் சரியான வகையில் இதுவரை முன்னெடுக்க முடியவில்லை. இவ்வாறான சில குறைபாடுகள் இருந்தாலும் கூட, பேரவை இன்று முன்னெடுக்கும் எழுக தமிழுக்கான ஆதரவை கொடுக்க வேண்டியது கட்சி நிறங்களை கடந்த ஒரு கடப்பாடாகும். இதில் எவ்வாறு உடன்படலாம் என்னும் ஒரு கேள்வியை சிலர் முன்வைக்கலாம். அது மிகவும் இலகுவானது – பேரவை ஆறு பிரதான கோரிக்கைகளின் அடிப்படையில்தான், இந்த எழுக தமிழுக்கான அறிவிப்பை வெளியிட்டிருக்கிறது. அதாவது, சிங்கள பௌத்த மயமாக்கலை உடனடியாக நிறுத்து, சர்வதேச போர்க்குற்ற விசாரணையை நடத்து, தமிழ் அரசியல் கைதிகள் அனைவரையும் விடுதலை செய், வலிந்து காணாமல் ஆக்கப்பட்டவர்கள் தொடர்பில் உடனடி விசாரணை நடத்து, வடக்கு – கிழக்கில் இராணுவ மயமாக்கலை நிறுத்து, இடம்பெயர்ந்த அனைவரையும் அவர்களது பாரம்பரிய இடங்களில் மீளக்குடியமர்த்து – அகியவையே மேற்படி அறு கோரிக்கைகளாகும். எனவே எழுக தமிழை ஒருவர் எதிர்க்கிறார் என்றால் அவருக்கு மேற்படி கோரிக்கைகளுடன் உடன்பாடில்லை என்று நாம் எடுத்துக் கொள்ளலாம். மேற்படி கோரிக்கைகளுடன் உடன்படக் கூடிய அனைவரும் பேரவையின் எழுக தமிழ் நிகழ்வில் கலந்துகொள்ளலாம் அல்லது அதற்கு ஆதரவான தங்களின் நிலைப்பாடுகளை வெளிப்படுத்தலாம். தாங்கள் சார்ந்த அமைப்புக்களின் அங்கத்தவர்களை இதில் பங்குகொள்ளுமாற கோரலாம். பேரவையின் எழுக தமிழக்கான ஆதரவையும் எதிர்ப்பையும் அதன் கோரிக்கைகளின் அடிப்படையில்தான் நோக்க வேண்டுமேன்றி, அதில் பங்குகொள்பவர்கள் யார், அதனால் அவர்களது கட்சிகள் பெறப்போகும் நன்மை என்ன – என்னும் கேள்விகளால் இந்த நிகழ்வை அணுகக் கூடாது. எழுக தமிழ் மட்டுமல்ல – எந்தவொரு அரசியல் நோக்கம் கொண்ட நிகழ்வுகளிலும் கட்சிகள் பங்குகொள்ளும் போது, அதிலிருந்து அந்தக் கட்சிகளும் நன்மை பெறலாம். அதனால் தமிழ் மக்களுக்கு எந்தவொரு தீங்கு ஏற்படப் போவதில்லை. அந்த வகையில் எழுக தமிழால் விக்கினேஸ்வரன் நன்மையடந்தால் அது தமிழ் மக்களுக்கும் நன்மைதான். எனெனில் இறுதி யுத்தத்தில் இடம்பெற்றதாக, கூறப்படும் மனித உரிமை மீறல்கள் தொடர்பில் தொடர்ச்சியாக சமரசமின்றி குரல் கொடுத்துவரும் ஒய்வு பெற்ற ஒரு உச்சநீதிமன்ற நீதிபதியின் கரங்கள் பலமடைகின்றன. அதனால் தமிழ் மக்களுக்கு எப்படி தீங்கு ஏற்படும்? பேரவை இதற்கு முன்னர் முன்னெடுத்த எழுக தமிழும் சரி, தற்போது முன்னெடுக்கவுள்ள எழுக தமிழும் சரி, வடக்கு கிழக்கு நிலைமைகளில் மட்டும் வைத்து, நோக்க வேண்டிய ஒன்றே அன்றி, அதனை ஏனைய நாட்டு உதாரணங்களுடன் பொருத்தி நோக்க வேண்டியதில்லை. உதாரணமாக கொங்கொங்கில் காணப்படும் அரசியல் நிலைமை வேறு வடக்கு கிழக்கில் காணப்படும் நிலைமை வேறு. அவசரமான ஆய்வுலக கற்பனைகளால் இந்த நிலைமைகளை எடைபோட முடியாது. இதன் காரணமாகத்தான் இந்த பத்தியாளர் கடந்த வாரம் எழுதிய கட்டுரையில் மக்கள் எழுச்சி என்பது வார விடுமறையில் நடைபெறும் மாத கோவில் ஆராதனையல்ல என்று குறிப்பிட்டிருந்தார். தமிழ் மக்களின் மனோநிலை, அவர்களின் அரசாங்க வேலைத்தன மனோபாவம் ஆகிய பல விடயங்களை கருத்தில்கொண்டுதான் மக்கள் பேராட்டங்கள் தொடர்பில் சிந்திக்க வேண்டும். இன்றைய சூழலில் ஆகக் குறைந்தது அவ்வப்போது மக்களை முடிந்தவரையில் அணிதிரட்டி, சில விடயங்களை நாம் மறக்கவில்லை என்பதை கூறினாலே போதுமானது. இந்த எழுக தமிழ் மூலம் அதனைத்தான் நாம் எதிர்பார்க்கலாம். இன்றைய சூழலில் பேரவை போன்றதொரு அமைப்பால் முன்னெடுக்கக் கூடிய ஆக உச்சமானதொரு நிகழ்வுதான் இந்த எழுக தமிழ். அதனை ஆதரிக்க வேண்டிய ஒரு தமிழ் தேசிய நிலைப்பாடாகும். http://www.samakalam.com/blog/பேரவையின்-எழுக-தமிழ்-எந்/
  12. எழுக தமிழை ஆதரிக்க வேண்டியது ஈழத் தமிழர்களின் கடமையாகும் ஒரு மக்கள் இயக்கம் என்னும் வகையில், தமிழ் மக்கள் பேரவையானது, 2016இல் வடக்கிலும் கிழக்கிலும் ‘எழுக தமிழ்’ நிகழ்வுகளை முன்னெடுத்திருந்தது. முள்ளிவாய்க்கால் பேரவலத்திற்கு பின்னர் எமது மக்களை, ஓர் அரசியல் நிலைப்பாட்டின் அடிப்படையில் அணிதிரளச் செய்ததில் எழுக தமிழ் நிகழ்வுகளுக்கு ஒரு வரலாற்று முக்கியத்துவம் உண்டு. ஏனெனில், இறுதி யுத்தத்தின் விளைவுள் ஏற்படுத்திய அச்சம், பதட்டம் மற்றும் தாழ்வு மனப்பாண்மை என்பவற்றால் எமது மக்கள் வெறுமனே தேர்தல்கால வாக்குறுதிகளுடன் கட்டுண்டு கிடந்த ஒரு சூழலில்தான், ”எழுக தமிழ்’ இடம்பெற்றது. இந்த எழுச்சியானது, தமிழ் புலம்பெயர் சமூகத்திற்குள்ளும் புதிய உத்வேகத்தையும் நம்பிக்கையும் ஏற்படுத்தியது. ஒரு பெரும் விடுதலைப் போராட்டத்தின் இராணுவ ரீதியான தோல்வியானது, அந்தப் போராட்டம் முன்னிலைப்படுத்திய தேசத்தின் அரசியல் தோல்வியல்ல என்பதை பறைசாற்றும் வகையில், மக்களை விழிப்பூட்டுவதும், அணிதிரளச் செய்வதும் தமிழ் மக்களின் விடுதலைக்கான பாதையாகும். 2009இற்கு பின்னரான அரசியல் சூழலில் தென்னிலங்கை எதைச் செய்ய முயற்சிக்கின்றது என்பதை தெளிவாக புரிந்துகொண்டால்தான் ‘எழுக தமிழ்’ போன்ற நிகழ்வுகளின் முக்கியத்துவத்தையும் நம்மால் புரிந்துகொள்ள முடியும். தமிழீழ விடுதலைப் புலிகளின் இராணுவரீதியான வீழ்ச்சியுடன் தமிழர் தேசத்தின் தனித்துவமான அரசியல் கோரிக்கைகளும் முற்றிலுமாக இறந்துவிட்டன என்றவாறான ஒரு தோற்றப்பாட்டையே தென்னிலங்கையின் ஆட்சியாளர்கள் திட்டமிட்டு முன்னெடுத்துவருகின்றனர். இந்த விடயத்தில் தென்னிலங்கையின் ஆட்சியாளர்கள் மத்தியில் கட்சி வேறுபாடுகள் எதுவுமில்லை. ஆட்சி மாற்றம் இந்த விடயத்தில் சில அடிப்படையான மாற்றங்களை ஏற்படுத்தலாம் என்றவாறான, நம்பிக்கைகள் ஊட்டப்பட்ட போதிலும் கூட, அதுவும் மிக மோசமான தோல்வியையே சந்தித்திருக்கிறது. தமிழ் மக்களின் பங்களிப்புடன் ஏற்படுத்தப்பட்ட ஆட்சி மாற்றத்திற்கு பின்னரும் கூட, தமிழர் தாயகப்பகுதியின் மீதான நில மற்றும் இராணுவ ஆக்கிரமிப்புக்கள் நிறுத்தப்படவில்லை. அது பல்வேறு வழிகளில் தொடர்ந்துகொண்டே இருக்கிறது. தமிழ் மக்களை பிரதிநிதித்துவம் செய்துவரும் கட்சிகளால் சிங்கள ஆட்சியாளர்களின் திட்டமிட்ட ஆக்கிரமிப்புக்கள் எதனையும் தடுத்துநிறுத்த முடியவில்லை. இவ்வாறானதொரு பின்புலத்தில், தமிழ் மக்களுக்கு முன்னாலுள்ள தெரிவுகள் என்ன? தேர்தல் அரசியலால் இந்த நிலைமையை தடுத்து நிறுத்த முடியாதென்பது தெட்டத்தெளிவான நிலையில், சாத்வீக வழியில் போராடுவதைத் தவிர தமிழ் மக்களுக்கு முன்னால் வேறு தெரிவுகள் எதுவும் இல்லை. இவ்வாறானதொரு சூழலில்தான் தமிழ் மக்கள் பேரவை மீண்டுமொரு எழுக தமிழுக்கான அழைப்பை விடுத்திருக்கிறது. ஈழத் தமிழ் மக்களின் நலனை முன்னிறுத்தி சிந்திப்பவர்கள் எவராலும் இதனை ஆதரிக்காமல் இருக்க முடியாது. அந்த வகையில், பேரவையின் எழுக தமிழில், ஈழத் தமிழர் நலனுக்காக போராடும் அனைத்து கட்சிகளும் ஓரணியில் திரள வேண்டியதும், அதன் வெற்றிக்காக உழைக்க வேண்டியதும் காலத்தின் தேவையாகும். எனவே ஈழத்-தமிழ் மக்களின் நலனை முனிறுத்தி இயங்கிவரும் அரசியல் கட்சிகள், சிவில் சமூக அமைப்புக்கள், பெண்கள் அமைப்புக்கள் தமிழ் தொழிற்சங்கங்கள், இளைஞர் அமைப்புக்கள் மற்றும் ஏனைய முற்போக்கு அமைப்புக்கள் – அனைவரும் ஓரணியாக திரண்டு, எழுக தமிழை வெற்றிபெறச் செய்ய வேண்டும். இதில் கடந்தகால பேதங்கள் மற்றும் தனிநபர் முரண்பாடுகளை முதன்மைப்படுத்துவதானது, எழுக தமிழ் நிகழ்வுகளை பலவீனப்படுத்துவதற்கே வழிவகுக்கும். அவ்வாறான செயற்பாடுகள் அதன் இறுதி அர்த்தத்தில் சிங்கள ஆக்கிரமிப்புக்களையே பலப்படுத்தும். குறுகிய தேர்தலரசியல் நலன்களையும், கட்சிப் போட்டிகளையும் முன்னிலைப்படுத்தி, எழுக தமிழை பேரம்பேச முற்படுவதானது அடிப்படையிலேயே தவறான ஒன்றாகும். அது எந்த வகையிலும் தமிழ் மக்களுக்கு நன்மை சேர்க்காது. 2009இற்கு பின்னர் களத்திலும் புலத்திலும் நன்கு நிறுவனமயப்பட்ட கட்சிகளோ அல்லது அரசியல் இயக்கங்களோ இல்லாமல் இருப்பதான் காரணமாகவே இவ்வாறான முரண்பாடுகள் தொடர்க்கின்றன. இந்த நோயை குணப்படுத்துவதும் நம் அனைவரதும் பொறுப்புத்தான். தமிழர் தாயகப் பகுதியில் எவ்வாறு அனைத்து தரப்பினரும் ஒன்றுபட்டு எழுக தமிழின் வெற்றிக்காக உழைக்க வேண்டியது கட்டாயமான ஒன்றோ, அவ்வாறே நாடுகடந்த சூழலில் செயலாற்றும் அனைத்து ஈழத் தமிழர் அமைப்புக்களும், பாரபட்சங்களையும் கருத்து முரண்பாடுகளையும் புறம்தள்ளி, எழுக தமிழின் வெற்றிக்காக பாடுபட வேண்டியதும் கட்டாயமான ஒன்றாகும். தாயகத்திலுள்ள தமது அரசியல் மற்றும் சமூக அமைப்புக்கள்சார் தொடர்புகளை பயன்படுத்தி, எழுக தமிழின் வெற்றிக்காக அனைத்து புலம்பெயர் அமைப்புக்களும் தங்களது முழுமையான ஆதரவை நல்கவேண்டும். இது நமது மக்களுக்கான உரிமைப் போராட்டத்தை மேலும் பலப்படுத்தவும் நமக்குள் நிலவும் அமைப்புசார் இடைவெளிகளை புறம்தள்ளி செயலாற்றவும் உதவும். உண்மையில் எழுக தமிழ் நிகழ்வின் வெற்றியானது, ஈழத் தமிழ் மக்களின் நலனுக்காக உழைத்துவரும் நம் அனைவரதும் வெற்றியாகும். நிமால் விநாயகமூர்த்தி புலம்பெயர் அரசியல் செயற்பாட்டாரும் தமிழ் உணர்வாளரும் http://www.samakalam.com/செய்திகள்/எழுக-தமிழை-ஆதரிக்க-வேண்ட/
  13. யாழ் நல்லூரில் தியாக தீபம் திலீபனின் நினைவேந்தல் ஏற்பாடுகள் தீவிரம் தியாக தீபம் திலீபனின் 32ஆவது நினைவேந்தல் நிகழ்வுகள் நல்லூரில் அமைந்துள்ள தியாக தீபம் திலீபன் நினைவாலயத்தில் இடம்பெற ஏற்பாடுகள் மேற்கொள்ளப்பட்டுள்ளன. ஆரம்ப நாள் நிகழ்வுகள் 15.09.2019 ஞாயிற்றுக்கிழமை காலை 9.30 மணிக்கு ஆரம்பமாகும். 16.09.2019 – 25.09.2019 ஆம் திகதி வரையான நிகழ்வுகள் தினமும் காலை 9.00 மணிக்கு நடைபெற ஏற்பாடுகள் மேற்கொள்ளப்பட்டுள்ளது. எம் தேசத்திற்காக மெழுகாய் தன்னை உருக்கி தன்னுயிரை இம் மண்ணுக்காய் ஈகம் செய்த மாவீரனை நினைவு கூரும் நிகழ்வில் அனைத்துத் தமிழ் மக்களையும் கலந்து கொள்ளுமாறு அன்புடன் அழைக்கின்றோம் என நினைவேந்தல் ஏற்பாட்டுக் குழு அழைப்பு விடுத்துள்ளது.இறுதி நாள் நிகழ்வுகள் 26.09.2019 ஆம் திகதி தியாக தீபம் வீரச்சாவடைந்த நல்லூரின் வடக்கு வீதியில் காலை 10.48 மணிக்கு ஆரம்பமாகும் எனவும் தெரிவிக்கப்பட்டுள்ளது.(15) http://www.samakalam.com/செய்திகள்/யாழ்-நல்லூரில்-தியாக-தீப/
  14. “அரசியலாய்ப் பார்க்காது தமிழர்களின் அடையாளமாக எழுக தமிழைப் பாருங்கள்” ஒட்டு மொத்த தமிழ் மக்களின் அடையாளமாக தமிழ் மக்களின் இருப்புக்காண பிரதிபலிப்பாக எழுக தமிழை பாருங்கள் என மன்னார் நகர சபை உறுப்பினர் ஜோசப் தர்மன் தெரிவித்துள்ளார். வருகின்ற 16 ஆம் திகதி யாழ்பாணத்தில் இடம் பெறவுள்ள எழுக தமிழ் பற்றி இன்று (14.09.2019) கருத்து தெரிவிக்கும் போதே அவர் மேற்கண்டவாறு தெரிவித்துள்ளார். அவர் மேலும் தெரிவிக்கையில், யாரும் அரசியல் இலாபம் கருதியோ மக்களை திசை திருப்பும் நோக்கிலோ எழுக தமிழ் நிகழ்வை பார்ப்பது எவ்விதத்திலும் பொருத்தமற்றது. தொடர்ச்சியாக எமது தமிழ் மக்களின் இருப்பை இவ்வாறான நிகழ்வுகள் போராட்டங்கள் புறக்கணிப்புக்கள் மாத்திரமே சர்வதேச ரீதியில் கொண்டு சேர்க்கின்றது. எமக்குள் இருக்கும் பிரிவுகளை ஒரு கணம் மறந்து சர்வதேசத்திற்கு மாத்திரம் அல்ல எமது நாட்டு அரசியல் தலைமைகளுக்கும் எமது இருப்பை காட்ட வேண்டிய தேவை எமக்கு ஏற்பட்டுள்ளது. எனவே எமக்குள் ஆயிரம் ஆயிரம் மனக் கசப்புகள் இருக்களாம். ஆனாலும் ஒட்டு மொத்த சமூகத்தின் பிரதிபலிப்பாக எமது கரங்கோர்த்து எழுக தமிழ் எழிச்சி நிகழ்வுக்கு ஒன்று திரண்டு ஒத்துழைப்பை வழங்குவோம் என அவர் மேலும் தெரிவித்துள்ளார். https://www.virakesari.lk/article/64756
  15. தெற்காசிய விளையாட்டு விழாவில் பளுதூக்கல் போட்டியில் பங்கேற்கவுள்ள தமிழ் வீராங்கனை..! தெற்காசிய விளையாட்டு விழா போட்டி வரலாற்றில் இலங்கை சார்பாக பளுதூக்கல் போட்டியில் பங்கேற்கவுள்ள முதல் தமிழ் வீராங்கனையாக விஜயபாஸ்கர் ஆர்ஷிக இடம்பெறவுள்ளளார். எதிர்வரும் டிசம்பர் மாதம் நேபாளத்தில் தெற்காசிய விளையாட்டு விழா ஆரமமாகவுள்ளதாகவும், இதில், யாழ்ப்பாணத்தைச் சேர்ந்த விஜயபாஸ்கர் ஆர்ஷிக, தனது 13 ஆவது வயதில் பளு தூக்கல் விளையாட்டை ஆரம்பித்தார். இவருக்கு தந்தையே பயிற்றுவிற்பாளராக செயற்பட்டு வருகின்றார். 2014 ஆம் ஆண்டில் தனது 13 ஆவது வயதில் பாடசாலை மட்ட பளு தூக்கல் போட்டிகளில் தங்கப்பதக்கம் வென்ற ஆர்ஷிகா, அன்று முதல் பாடசாலை மட்ட சகல போட்டிகளிலும் தங்கப்பதக்கத்தை சுவீகரித்துள்ளமையும் குறிப்பிடதக்கது. கனிஷ்ட பிரிவில் 2014 ஆம் ஆண்டு முதல் 2017 ஆம் ஆண்டு வரை 4 தங்கப்பதக்கங்களையும் சிரேஷ்ட பிரிவில் 3 வெள்ளி 2 தங்கப்பதக்கங்களையும் ஆர்ஷிகா வென்றுள்ளார். அகில இலங்கை பாடசாலைகள் மட்ட 20 வயதிற்குட்பட்ட மகளிருக்கான பளுதூக்கல் போட்டிகளில் மூன்று தேசிய சாதனைகளுடன் வெற்றியீட்டியவர். இப்படி பல சாதனைகளை ஆர்ஷிகா படைத்து வருகின்றமையும் குறிப்பிடதக்கது. https://www.virakesari.lk/article/64765