Jump to content
  • advertisement_alt
  • advertisement_alt
  • advertisement_alt

கிருபன்

கருத்துக்கள உறவுகள்
  • Content Count

    22,024
  • Joined

  • Days Won

    77

Posts posted by கிருபன்

  1. பெரும்பான்மையுடன் நிறைவேற்றப்பட்டது 20 ஆவது அரசியலமைப்பு திருத்தம்!

    20 ஆவது அரசியலமைப்பு திருத்த சட்டமூலத்தின் மூன்றாம் வாசிப்பு முடிவடைந்துள்ள நிலையில் பாராளுமன்றில் இன்று  பெரும்பான்மையுடன் நிறைவேற்றப்பட்டுள்ளது.

    நிறைவேற்று ஜனாதிபதி முறைமையை பலப்படுத்தும் விதமாக அரசாங்கம் கொண்டுவந்த 20 ஆவது அரசியலமைப்பு திருத்த சட்டமூலத்தின் மூன்றாம் வாசிப்பு மீதான வாக்கெடுப்பின் போது 20 ஆவது திருத்தச் சட்டத்திற்கு ஆதரவாக 156 வாக்குகளும் எதிராக 65 வாக்குகளும் அளிக்கப்பட்டது.

    இதனையடுத்து திருத்தங்களுடன் மூன்றில் இரண்டு பெரும்பான்மை அங்கீகாரத்தை பெற்று  20 ஆவது அரசியலமைப்புத் திருத்தச் சட்டமூலம் நிறைவேற்றப்பட்டுள்ளது.

    இரண்டாம் வாசிப்பு மீதான வாக்கெடுப்பின் போது ஆதரவாக 156 வாக்குகளும் எதிராக 65 வாக்குகளும் அளிக்கப்பட்டிருந்த நிலையில் இரு வாக்கெடுப்பிலும் 08 எதிர்க்கட்சி உறுப்பினர்கள்  20 ஆவது அரசியலமைப்புத் திருத்தச் சட்டமூலத்திற்கு ஆதரவாக வாக்களித்திருந்தனர்.

    அத்துடன் இவ் இரு வாக்கெடுப்பின் போதும் முன்னால் ஜனாதிபதி மைத்திரிபால சிறிசேன கலந்து கொள்ளவில்லை என்பது குறிப்பிடத்தக்கது. 

    இதேவேளை, முதலாவது வாக்கெடுப்பு முடிவடைந்த போது, 20 ஆவது திருத்தத்தில் உள்ள இரட்டை பிரஜாவுரிமை தொடர்பான சரத்துக்கு தனி வாக்கெடுப்பு நடத்த வேண்டும் என எதிர்க்கட்சி கோரியதையடுத்து பாராளுமன்றத்தில் இரட்டை பிரஜாவுரிமை சட்டத்திற்கு தனி வாக்கெடுப்பு நடத்தப்பட்டது.

    இவ் வாக்கெடுப்பில் ஆதரவாக 157 வாக்குகளும் எதிராக 64 வாக்குகளும் அளிக்கப்பட்டது.

    இந்நிலையில் இரட்டை பிரஜாவுரிமை சரத்து மூன்றில் இரண்டு பெரும்பான்மையுடன் நாடாளுமன்ற குழு நிலை விவாதத்தின் போது நிறைவேற்றப்பட்டது.

    இவ் வாக்கெடுப்பின் போது எதிர்க்கட்சியிலிருந்து 08 பாராளுமன்ற உறுப்பினர்கள்  ஆதரவாக வாக்களித்துள்ளனர்.

    1. ஐ.ம.ச. தேசிய பட்டியல் உறுப்பினர் - டயானா கமகே 

    2. ஸ்ரீ.மு.கா. உறுப்பினர் நஸீர் அஹமட் 

    3. முஸ்லிம் தேசிய கூட்டணி உறுப்பினர் ஏ.ஏ.எஸ்.எம்.ரஹீம் 

    4. ஸ்ரீ.மு.கா. உறுப்பினர்  பைசல் காசிம் 

    5. ஸ்ரீ.மு.கா. உறுப்பினர் எச்.எம்.எம்.ஹாரீஸ் 

    6. ஸ்ரீ.மு.கா. உறுப்பினர் எம்.எஸ்.தௌபீக் 

    7. ஐ.ம.ச. உறுப்பினர் அரவிந்த் குமார் 

    8. ஐ.ம.ச. உறுப்பினர் இஷாக் ரஹ்மான் 
     

    https://www.virakesari.lk/article/92768

  2. உயர் கல்விக்கான வாய்ப்பை மேம்படுத்துதல் - பகுதி 3
    ===============================

    மாணவர்களுக்குள்ள உயர்கல்வித் தெரிவுகள் !
    -------------------------------------------------------------

    உயர்தரம் கற்கும் மாணவர்கள் அனைவரும் தமது முதல் தெரிவான பல்கலை கழக அனுமதியை நோக்கியே தமது குதிரையோட்டத்தை ஆரம்பிக்கின்றனர். அனுமதி பெற்றவர்கள் வெற்றியாளர்களாக அரசின் பல்கலைக் கழகங்களுக்குள் நுழைய வெற்றி பெறாதவர்கள் விடாமுயற்சியுடன் இன்னும் இரண்டு முறையாவது முட்டி மோதிப் போராடிப் பார்க்கிறார்கள். இவ்வாறு போராடி வெற்றிபெறாதவர்களுக்கு எஞ்சியுள்ள சில தெரிவுகளைப் பார்ப்போம்.

    1. திறந்த பல்கலைக்கழகம் 
    ----------------------------------------
    உயர்தரப் பரீட்சையில் சித்தி பெற்றும்  அரச பல்கலைக் கழகம் செல்ல முடியாத மாணவர்கள் பல்வேறு கற்கைநெறிகளை மேற்கொள்ளும் சந்தர்ப்பத்தை நீண்ட காலமாக (1978 இலிருந்து) இலங்கையின் திறந்த பல்கலைக் கழகம் வழங்கி வருகிறது. ஆனாலும் இலங்கை திறந்த பல்கலைக்கழகம் அதன் இலக்கை இன்றுவரை எட்டவில்லை என்பதுதான் உண்மை. அதனை ஒரு தோல்வி கண்ட பொறிமுறையாகவே கருத வேண்டியுள்ளது.. 

    ஒருபுறத்தில் திறந்த பல்கலைக் கழகம் வழங்கும் கற்கை நெறிகளுக்கான வெற்றிடங்கள் முழுமையாக நிரப்பப்படுவதேயில்லை. மறுபுறத்தில் அங்குள்ள சில பேராசிரியர்கள், விரிவுரையாளர்களின் முறையற்ற நடைமுறைகளினால் (Unethical Actions) மாணவர்கள் கல்வியைப் பூர்த்தி செய்து வெளியேறுவோர் வீதம் குறைவாகவே உள்ளது. உதாரணமாக ஒரு வருடத்தில் 3000 மாணவர்களை உள்வாங்கும் வளங்களை கொண்ட இலங்கை திறந்த பல்கலைக்கழக பொறியியல் பீடம் வருடாந்தம் ஒரு வீதம் அல்லது அதற்கும் குறைவானவர்களே பொறியியல் பட்டதாரிகளாக வெளியேறுகிறார்கள். 

    இலங்கையின்  பிரதான பல்கலைக்கழகங்களில் பொறியல் பட்டதாரி 121 - 140 credit பாடங்களை பூரணப்படுத்த எதிர்பார்க்கப்படும் அதேவேளை, திறந்த பல்கலைக்கழகத்தில் ஒரு மாணவன்  168 - 180 credit பாடங்களை எடுக்க வேண்டியுள்ளது. 

    அத்துடன் GPA  rate கணிப்பதில் கூட முறைசார்ந்த பல்கலைகழகத்துடன் ஒப்பிடும் போது உயர்ந்த மதிப்பீடுகளை அநீதியான முறையில் வைத்திருக்கிறார்கள் என்பது திறந்த பல்கலைக் கழகத்தில் கல்வி கற்ற மாணவர்களின் முறைப்பாடாக இருக்கிறது. இதனைத் தாண்டியும் வேறு தடைகளும் மாணவர்களுக்கு உள்ளன. 

    திறந்த பல்கலைக் கழகத்தில் பொறியியல் கற்கை நெறியை தொடர்ச்சியாக கற்கும் ஒரு மாணவன் தன் கல்வியைப் பூர்த்தி செய்ய ஆறு வருடங்கள் தேவைப்படுகிறது. இதன் ஏனைய பீடங்களிலும் இதுதான் நிலமை. இதனாலேயே பல மாணவர்கள் வெறுப்புற்று இந்தியா போன்ற நாடுகளுக்குச் சென்று கல்வியைத் தொடர்ந்த சம்பவங்களும் நடந்துள்ளன. அவ்வாறு வெளியேறிய மாணவர்கள் பலர் இலங்கைக்குத் திரும்பி தமது மனித வளத்தை தாம் பிறந்த நாட்டிற்கு பயன்படுத்தவில்லை என்பதுதான் யதார்த்தம். 

    2. தொழில்நுட்பக் கல்லூரிகள்
    ----------------------------------------
    தொழில் நுட்ப கல்லூரிகள் இலங்கையில் நீண்ட பாரம்பரியத்திற்குரியவை.. ஆனால் அவற்றின் வளர்ச்சி என்பது காலத்திற்கு ஏற்றதாக இல்லை. இலங்கையில் உள்ள தொழில் நுட்ப கல்லூரிகளில் 1990களில் பட்டப் படிப்புப் பாடநெறிகளை உருவாக்கும் திட்டம் முன்மொழியப்பட்ட போதும் அப்போது எழுந்த எதிர்ப்புகளால் அது கைவிடப்பட்டுள்ளது. இருப்பினும் Higher National Diploma in Accounting (4 years) கடந்த 25 வருட காலப்பகுதிகளில் BBA கற்கை நெறிக்கு சமனாக அங்கீகரிக்கப்பட்டுள்ளது. 

    அதே போன்று Higher National Diploma in Engineering கற்கை நெறியை Bachelor in Engineering / Bachelor Engineering Technology கற்கை நெறியாக அமுல்படுத்தும் கோரிக்கை கடந்த காலங்களில் எழுந்த கடுமையான எதிர்ப்புகளால் அமுல்படுத்தப்படவில்லை. தொழில்நுட்ப கல்லூரிகளில் வழங்கப்படும் National Certificate in Technology,  மூன்றரை வருட முழுநேர கற்கை நெறியின் பாட விதானங்கள் பிரித்தானிய பல்கலைக்கழகங்களில் வழங்கப்படும் Bachelor of Engineering க்கு சமனான பாடவிதானங்களை கொண்டிருப்பினும் இன்றுவரை National Certificate in Technology  ஒரு Certificate program ஆகவே உள்ளது (தொழில்நுட்ப கல்லூரிகள் இது தொடர்பாக பல ஆர்ப்பாட்டங்களை நிகழ்த்தி இருக்கின்றன).

    3. தொலை, தொடர் கல்வி நிலையங்கள் 
    -----------------------------------------------------
    பல்கலைக் கழகத்திற்கு தெரிவாகாத மாணவர்களுக்கு உள்ள இன்னொரு தெரிவுதான் இலங்கையின் பிரதான பல்கலைக் கழகங்கள் ஊடாக நடாத்தப்படும் தொலை, தொடர் கல்வி நிலையங்களால் வழங்கப்படும் கற்கைநெறிகள். ஆனால் பல்கலைக் கழகங்கள் அனைத்துப் பாடங்களையும் இவ்வாறு வழங்குவதில்லை. உதாரணமாக யாழ் பல்கலைக் கழகத்தின் திறந்த மற்றும் தொலைக் கல்வி நிலையம் கலை, வர்த்தகம், வணிக முகாமைத்துவம் ஆகிய துறைகளில் பட்டதாரிக் கற்கைநெறிகளை வழங்குகிறது. இங்கு விஞ்ஞான பட்டதாரி கற்கைநெறி வழங்கப்படுவதில்லை.

    4. தனியார் பல்கலைக் கழகங்கள்/சர்வதேச இணைந்த பல்கலைக் கழகங்கள் 
    -------------------------------------------------------------------
    இலங்கையில் நீண்டகால வரலாறு கொண்ட தனியார் உயர் கல்வி நிறுவனங்கள் Aquinas College (1953), Institute of Chartered Accountants of Sri Lanka (1959), National Institute of  Business Management (1968) ஆகியனவாகும். அதன் பின்னர் Institute of Technological Studies 1984 இல் ஆரம்பிக்கப்பட்டது. இவையனைத்தும் இலங்கையின் மேல் மாகாணத்திலேயே ஆரம்பிக்கப்பட்டது இங்கு குறிப்பிடத்தக்கது. பின்னர் தொண்ணூறுகளில் ஆரம்பித்த இன்றுவரை பல புதிய தனியார் பல்கலைக் கழகங்களும் சர்வதேச பல்கலைக் கழகங்களின் இணைந்த வளாகங்களும் இலங்கையில் ஆரம்பிக்கப்பட்டன. 

    பின்னர் படிப்படியாக இவை இலங்கையின் வடக்கு, கிழக்கு உட்பட இலங்கையின் பல பகுதிகளிலும் தமது கிளைகளைத் திறந்து பல்வேறு கற்கை நெறிகளை வழங்குகின்றன. முன்பே குறிப்பிட்டது போல இவை ஒப்பீட்டளவில் அதிக கட்டணம் அறவிட்டாலும் குறிப்பிட்ட காலப் பகுதியிலேயே படிப்பை முடிக்க முடிவதாலும், சித்தியடையும் வீதம் அதிகமாக இருப்பதாலும் மாணவர்களிடையே பிரபலமடைந்து வருவதாகத் தெரிகிறது.

    மறுபுறத்தில் திறந்த பல்கலைக் கழகங்களில் இணையும் மாணவர்களின் எண்ணிக்கை ஒப்பீட்டளவில் குறைந்து வருவதாகத் தெரிகிறது. இங்கு நாம் சுட்டிக் காட்ட விரும்புவது தனியார் உயர்கல்வி நிறுவனங்கள் வேண்டாம் என்றல்ல. இலங்கை திறந்த பல்கலைக்கழகம், தொழில் நுட்பக் கல்லூரிகள் போன்றவை சிறப்பாகச் செயற்பட்டால் இலங்கையில் இருந்து நூற்றுக்கணக்கான மாணவர்கள் வருடாந்தம் உயர் கல்விக்காக ரஸ்யா, சீனா, இந்தியா  போன்ற  நாடுகளுக்கு புலம்பெயரத் தேவையில்லை. அத்தோடு கல்வி கற்ற சமூகம் தனது பிரதேசத்திலேயே தங்கி தான் சார்ந்த சமூகத்தை வளப்படுத்தவும் சந்தர்ப்பம் உள்ளது.

    (தொடரும்................. )

     

     

  3. சிறீலங்கா தொடர்பாக இதுவரை நடைபெற்ற மக்கள் தீர்ப்பாயங்கள்-விராஜ் மென்டிஸ்

    October 22, 2020
    1-4.jpeg

    43 Views

    ஈழத்தமிழ் மக்கள் மீது சிறீலங்கா மேற்கொண்ட இனப்படுகொலை தொடர்பாக, போர்க்குற்றத் தீர்ப்பாயத்தை முன்னெடுப்பது என்ற எண்ணத்தின் ஆரம்பப்புள்ளி, ஜேர்மனியின் பிரேமன் (Bremen) நகரத்தில், 2009 ஜூன் மாதத்தில் நடைபெற்ற ஒரு சந்திப்பில் இடப்பட்டது. அப்போது நாங்கள் எதிர்கொண்டிருந்த மிகவும் கொடூரமான இனவழிப்பை எதிர்கொள்வதற்காக சிறீலங்காவின் அமைதிக்கான அயர்லாந்து ஆர்வலர்கள் குழாமைச் சேர்நதவர்கள் (Irish Forum for Peace in Sri Lanka), பிரேமன் பன்னாட்டு மனித உரிமைகள் அமைப்பைச் (International Human Righrs Association in Bremen) சார்ந்த ஆர்வலர்களுடன் ஒரு சந்திப்பை மேற்கொண்டார்கள்.

    இப்படிப்பட்ட ஒரு பின்புலத்தில் எதிர்காலத்தில் முன்னெடுக்கப்படக்கூடிய செயற்பாடுகள் தொடர்பாக ஆராய்வதற்கென, தமிழ் மக்களது போராட்டத்துக்கு ஆதரவை வெளிப்படுத்தியதன் காரணத்தினால், இலங்கையை விட்டு வெளியேற நிர்ப்பந்திக்கப்பட்ட, சிங்கள இனத்தைச் சார்ந்த செயற்பாட்டாளர்களும், புலம்பெயர்ந்த தமிழ் சமூகத்திலிருந்தும் அயர்லாந்து, ஜேர்மனி போன்ற நாடுகளிலிருந்தும் வந்திருந்த செயற்பாட்டாளர்களும் ஒன்றாகச் சந்தித்தார்கள். பன்னாட்டு சமூகத்தின் எந்தவிதமான எதிர்ப்பும் இன்றி நடைபெற்று முடிந்த நிகழ்வுகளைக் கண்டு புலம்பெயர்ந்த தமிழர்கள் முற்றிலும் அதிர்ச்சிக்குள்ளாகி இருந்ததை நாம் உணர்ந்து கொண்டோம்.

    மேற்கொள்ளப்பட்ட படுகொலை தொடர்பாக உலகின் முக்கிய ஊடகங்கள் அனைத்தும் அமைதி காத்தன. எட்டு மாதங்களாகப் புலம்பெயர்ந்த நாடுகளில், தமிழர்கள் தொடர்ச்சியாக முன்னெடுத்து வந்த எதிர்ப்பு ஆர்ப்பாட்டங்கள் எவையுமே கவனத்தில் கொள்ளப்படவில்லை. மிகவும் உணர்வுபூர்வமாக அமைந்திருந்த இந்தச் சந்திப்பில், இந்த இனவழிப்புப் போரின் எதார்த்தத் தன்மையை உலகின் கவனத்துக்குக் கொண்டுவர வேண்டும் என்று நாம் திடசங்கற்பம் பூண்டோம்.

    தமது மக்கள் மீது கட்டவிழ்த்து விடப்பட்ட இந்த மோசமான படுகொலையைக் கண்டும், எந்தவித கவலையையும் தெரிவிக்காது, முழு மனித குலமுமே தம்மைத் தனியே விட்டுவிட்டதாக, இன்னொரு வகையில் சொல்லப்போனால் தாம் மனித குலத்தின் ஓர் பகுதியேயல்ல என்பது போல்  நடத்தப்பட்டதாக, தாயகத்திலும் புலம்பெயர்ந்தும் வாழ்ந்த ஈழத்தமிழ் மக்கள் உணர்ந்ததை, தொடர்ச்சியாக நடைபெற்று வந்த கலந்துரையாடல்கள் மூலமாக நாம் தெளிவாகப் புரிந்து கொண்டோம்.

    அதே வேளையில், மனித குலத்தின் இன்னொரு பகுதி, அது ஒரு சிறிய குழுவாக இருந்தால் கூட, உண்மையில் ‘பாரிய அநீதி தமிழ் மக்களுக்கு இழைக்கப்பட்டிருக்கிறது’ என்ற உண்மையை ஏற்றுக்கொள்வதற்கான முதல் அடியை எடுத்து வைக்கத் தயாராக இருக்கின்றது என்ற செய்தியை நாம் முன்னெடுக்கும் செயற்பாடுகள் மூலம் தமிழ் மக்களுக்கும், பன்னாட்டுச் சமூகத்துக்கும் சொல்ல வேண்டும் என நாம் சிந்தித்தோம்.

    அந்த வகையில், புலம்பெயர்நத ஈழத்தமிழ் மக்கள் சமூகத்துக்கு முற்றிலும் வெளியே இருந்து, இந்த முயற்சி எடுக்கப்படுகிறது என்பதை நாங்கள் வலியுறுத்தினோம். சிங்கள இனத்தவர்கள் மற்றும் ஐரோப்பிய நாடுகளைச் சேர்ந்த ஆர்வலர்களால் இந்த முயற்சி முன்னெடுக்கப்பட்டது. உரோம் நகரைத் தளமாகக் கொண்டு இயங்கும் நிரந்தர மக்கள் தீர்ப்பாயத்தைத் (Permanent People’s Tribunal – PPT) தொடர்பு கொள்வதே இவ்விடயத்தில் சிறந்த முன்னெடுப்பாக இருக்கும் என்று முனைவர் அன்டி ஹிகின்பொட்டம் (Dr. Andy Higginbottom) எமக்குச் சுட்டிக்காட்டினார்.

    வியட்நாமில் முன்னெடுக்கப்பட்ட ‘ரஸல்- சாத்ர’ (Russell/Sartre) தீர்ப்பாயத்தின் பாரம்பரியத்தின் வழியில், தொடர்ந்து செயற்படும் இத்தீர்ப்பாயம், உலக அதிகார சக்திகளின் செல்வாக்குக்கு அப்பாற்பட்டது என்றும், அதேநேரம், அறநெறிக் கோட்பாடுகளை அடிப்படையாகக் கொண்டு தீர்மானங்களை மேற்கொள்ளவல்லது என்றும் முனைவர் ஹிகின்பொட்டம் வாதிட்டார். நிரந்தர மக்கள் தீர்ப்பாயத்தைச் சேர்ந்த பேராசிரியர் பிரான்சுவா ஹ_ட்டாட் (Professor Francois Houtart) என்பவரை நாம் சந்திப்பதற்கான ஒழுங்குகளை இலங்கை சமாதானத்துக்கான அயர்லாந்து மன்றத்தைச் சேர்ந்த முனைவர் ஜூட் லால் பெர்னாண்டோ செய்து தர, பேராசிரியர் ஹ_ட்டாட், நிரந்தர மக்கள் தீர்ப்பாயத்தின் மைய ஏற்பாட்டாளரைச் சந்திக்க எமக்கான ஒழுங்குகளைச் செய்து தந்தார்.

    இந்த செயன்முறைக்கு எம்மை இட்டுச்சென்ற, ஒரு மிக ஆழமான கலந்துரையாடலை மேற்கொள்வதற்காக, முனைவர் ஜான்னி தொஞ்ஞோனியைச் (Dr.Gianni Tognoni) சந்திக்கும் நோக்குடன், நானும் அஜித் ஹேரத்தும் (Ajith Herath) மிலான் நகரத்துக்குச் சென்றோம். நிரந்தர மக்கள் தீர்ப்பாயம் சுதந்திரமாகச் செயற்படுவதற்கான நம்பகமான சூழலை இலங்கை சமாதானத்துக்கான அயர்லாந்து மன்றமும், பிரேமன் பன்னாட்டு மனித உரிமைகள் அமைப்பும் இணைந்து மேற்கொண்டன. சிறீலங்காவுக்கான மக்கள் தீர்ப்பாயத்தின் முதல் அமர்வுக்கு வேண்டிய நிதியும், வளங்களும் தமிழர் அல்லாத அமைப்புகளிடமிருந்தே வரவேண்டும் என்பதை நாங்கள் வலியுறுத்தினோம்.

    ஐரோப்பிய ஒன்றியத்தின் ஒரு நடைமுறை உறுப்பினராக அயர்லாந்து இருந்ததனாலும், ஆரம்பத்தில் சிறீலங்காவில் சமாதானத்தை அது ஊக்குவித்ததாலும், காலனீயத்துக்கு எதிரான வரலாற்றை அது கொண்டிருந்ததன் காரணத்தினாலும் அதன் தலைநகரான டப்ளின் நகரத்தில் (Dublin) தீர்ப்பாயத்தின் முதல் அமர்வு நடைபெற்றது.

    தீர்ப்பாயத்துக்கான ஒழுங்குகளை மேற்கொள்ளும் பொறுப்பை முனைவர் ஜூட் லாலும் இலங்கை சமாதானத்துக்கான அயர்லாந்து மன்றமும் மேற்கொள்ள, அதற்குத் தேவையான கணிசமான அளவு ஆவணங்களை தயார் செய்யும் பொறுப்பை, பிரேமனைச் சேர்ந்த நாங்கள் எடுத்துக் கொண்டோம். இனப்படுகொலை நடைபெற்றது என்ற தீர்மானத்தை, தீர்ப்பாயத்தில் உள்ள நடுவர்கள் ஏற்றுக்கொள்ளச் செய்வதற்குப் போதியளவு ஆதாரங்கள் அந்த நேரத்தில் (2010)இல் எம்மிடம் இருக்காதபடியால், நிரந்தர மக்கள் தீர்ப்பாயத்தின் வழிகாட்டலில், இனப்படுகொலைக் குற்றச்சாட்டை முன்வைப்பதை நாங்கள் தவிர்த்திருந்தோம். ஆகவே ‘போர்க்குற்றங்களும்’, ‘மனித குலத்துக்கெதிரான குற்றங்களும்’ இழைக்கப்பட்டன என்ற குற்றச்சாட்டை முன்வைப்பதோடு, நாங்கள் நிறுத்திக் கொண்டோம். இருப்பினும், இனவழிப்பிலிருந்து உயிர் தப்பியவர்களிடமிருந்தும், ‘இனப்படுகொலைக்கு எதிரான தமிழர்கள்’ என்ற அமைப்பிடமிருந்தும் இரண்டாவது அமர்வுக்குத் தேவையான ஆதாரங்களைத் திரட்டுவது என்பதையும் உறுதி செய்தோம்.

    பிரேமனில் 2013ஆம் ஆண்டில் நடைபெற்ற இரண்டாவது அமர்வில், இனவழிப்பு
நடைபெற்றது என்ற குற்றச்சாட்டை நாங்கள் முன்வைத்ததோடு, அமெரிக்கா, பிரித்தானியா, இந்தியா ஆகிய நாடுகள் இந்த இனப்படுகொலைக்கு உடந்தையாக இருந்திருக்கின்றன என்ற குற்றச்சாட்டையும் முன்வைத்தோம்.

    பாஷனா (Bashana), அஜித், ஷிரோமன், நிக்கோ, பில் (Phil) ஆகிய மனித உரிமைச் செயற்பாட்டாளர்களின் மிகக் கடுமையான உழைப்பில் ஒழுங்கு செய்யப்பட்ட ஆவணங்கள், போரிலே உயிர் பிழைத்தவர்களால் கொடுக்கப்பட்ட மிகவும் வலுவான சான்றுகள், அன்டி ஹிகின்பொட்டம் மற்றும் கரன் பாக்கர் (Karen Parker) ஆகிய இருவரும் முன்வைத்த மிகச் சிறப்பான வழக்கு வாதங்கள் போன்றவற்றின் காரணமாக, ‘உண்மையில் இனவழிப்பு நடைபெற்றிருக்கிறது’ என்ற முடிவை மேற்படி தீர்ப்பாயம் மேற்கொண்டதுடன்; அமெரிக்கா, பிரித்தானியா, இந்தியா ஆகிய நாடுகள் இனவழிப்புக்குத் துணைபோயிருக்கின்றன என்ற குற்றச்சாட்டை நிரூபிக்க இன்னும் அதிகமான சான்றுகள் தேவை என்ற தீர்மானத்தையும் தீர்ப்பாயம் மேற்கொண்டது.

    ஆனால் இவ்வளவு செயற்பாடுகளுக்குப் பின்னரும், இனவழிப்பு நடைபெற்றது என்பதை பன்னாட்டுச் சமூகம் இன்னும் ஏற்றுக்கொள்ளவில்லை. மியன்மார் ரோகிங்யா முஸ்லிம் மக்கள் மீது இனவழிப்பு மேற்கொள்ளப்பட்டுள்ளது என்ற விடயத்தை  பன்னாட்டுச் சமூகத்தின் பெரும்பகுதி ஏற்றுக்கொள்ளும் அதே நேரத்தில், ஈழத்தமிழ் மக்கள் மீது இனவழிப்பு நடைபெற்றது என்பதை பன்னாட்டுச் சமூகம் இன்னும் என்ன காரணத்தினால் ஏற்க முன்வரவில்லை என்னும் வினாவை புலம்பெயர் தமிழர்கள் எழுப்ப வேண்டும்.

    பன்னாட்டுச் சமூகம் இனவழிப்பை ஏற்றுக்கொள்வது என்பது ஒரு அரசியல் விடயம் என்பதை புலம்பெயர் தமிழ் மக்கள் ஏற்றுக்கொள்ள வேண்டும். இதே பன்னாட்டுச் சக்திகளே சமாதானப் பேச்சுவார்த்தைகள் தோல்வியடையக் காரணமாயிருந்தன என்பதையும் தமிழ் மக்கள் சார்பில் இனவழிப்புக்கு எதிராகப் போரிட்ட தமிழீழ விடுதலைப்புலிகளை ‘பயங்கரவாதிகள்’ என முத்திரை குத்தின என்பதோடு, மக்களை அழிப்பதற்கான ஒரு போரை முன்னெடுக்க சீறிலங்கா அரசுக்கு முற்றுமுழுதான உதவிகளையும் வழங்கின என்பதையும் புரிந்துகொள்ள வேண்டும். ஆகவே இப்படியாகச் செயற்பட்ட பன்னாட்டுச் சக்திகள் தாமே ஆரம்பித்த ஒரு போர், இனவழிப்புக்கு இட்டுச் சென்றது என்ற விடயத்தை இலகுவில் ஏற்றுக்கொள்ளப் போவதில்லை.

    ஈழத்தமிழ் மக்கள் மீது மேற்கொண்ட இனவழிப்புக் கூட்டில் தம்மைக் கறைப்படுத்திக் கொள்ளாத சக்திகளை இனங்கண்டு, அவற்றின் துணையுடன் ஈழத்தமிழ் மக்கள் மீது இன்றும் தொடருகின்ற இனவழிப்பைத் தடுத்து நிறுத்த புலம்பெயர் தமிழ்மக்கள் விரைவாக முன்வரவேண்டும்.

    (தற்போது ஜேர்மனியில் வதியும் சிங்கள இனத்தவரான விராஜ் மென்டிஸ், ஒரு ஊடகவியலாளர், மனித உரிமைச் செயற்பாட்டாளர் என்பது மட்டுமன்றி தீர்ப்பாயங்களை முன்னெடுப்பதில் மிகவும் கடுமையாக உழைத்தவர் என்பது குறிப்பிடத்தக்கது).

    தமிழில்: ஜெயந்திரன்

     

    https://www.ilakku.org/சிறீலங்கா-தொடர்பாக-இதுவர/

     

  4. இன்னொருத்தரும் வெப் சீரியல் தொடங்கப்போகின்றேன். தலைவர் பிரபாகரனை சந்தித்து பேசியும் இருக்கின்றேன் என்று ஸ்ரேற்மன்ற் வேறு கொடுக்கின்றார். 

     

  5. பிரபாகரன் கேரக்டரில் விஜய் சேதுபதி: இயக்குநர் அழைப்பு!

    spacer.png

     

    இலங்கை முன்னாள் கிரிக்கெட் வீரர் முத்தையா முரளிதரனின் வாழ்க்கையைப் பேசும் '800' என்ற திரைப்படத்தில், முரளிதரனின் வேடத்தில் நடிகர் விஜய் சேதுபதி நடிக்க இருந்தார். இதுதொடர்பான போஸ்டர்களும் வெளியாகி இருந்த நிலையில், அதற்கு தமிழ் அமைப்புகள் கடும் எதிர்ப்பு தெரிவித்து, விஜய் சேதுபதி அந்தப் படத்திலிருந்து விலக வேண்டுமென கோரிக்கை வைத்தன.

    இதனால் விஜய் சேதுபதியின் கலைத் துறை எதிர்காலத்தைக் கருத்தில்கொண்டு அவர் இந்தப் படத்திலிருந்து விலகிக்கொள்ள வேண்டும் என முத்தையா முரளிதரன் கோரிக்கை வைக்க, அதற்கு நன்றி, வணக்கம் என்று சொல்லி விலகலை உறுதிப்படுத்தினார் விஜய் சேதுபதி.

    இந்த நிலையில் பிரபாகரனின் வாழ்க்கை வரலாற்றை வெப் தொடராக இயக்க இருப்பதாகவும் அதில் நடிகர் விஜய் சேதுபதியை நடிக்க வைக்கலாம் என்று இருப்பதாகவும் இயக்குநர் ஏ.எம்.ஆர்.ரமேஷ் தெரிவித்துள்ளார். இவர் வீரப்பன் வாழ்க்கை வரலாற்றை 'வன யுத்தம்' என்ற பெயரிலும் ராஜீவ் காந்தி கொலை வழக்கை 'குப்பி' என்ற பெயரிலும் இயக்கி வெளியிட்டவர்.

     

    இதுதொடர்பாக அவர், “பிரபாகரன் வாழ்க்கையை வெப் தொடராக எடுக்கிறேன். இதற்கான படப்பிடிப்பு ஜனவரியில் தொடங்கும். பிரபாகரன் கதாபாத்திரத்துக்கு விஜய் சேதுபதி பொருத்தமாக இருப்பார் என்பதால் அவரிடம் பேச்சுவார்த்தை நடத்த முடிவு செய்துள்ளேன்” என்று தெரிவித்துள்ளார்.

    மேலும், “பிரபாகரனோடு நெருக்கமாகப் பழகியவர்களுடன் பேசி திரைக்கதையை உருவாக்கி இருக்கிறேன். எனக்கும் பிரபாகரனைச் சந்தித்துப் பேசிய அனுபவம் இருக்கிறது. இலங்கைக்கு ஆறு தடவை சென்று தகவல்களைத் திரட்டி இருக்கிறேன். பிரபாகரன் வாழ்க்கை சம்பவங்கள் முழுவதும் இந்தத் தொடரில் இருக்கும்” என்றும் ரமேஷ் தெரிவித்துள்ளார்.

    பிரபாகரன் வாழ்க்கை வரலாற்றில் விஜய் சேதுபதி நடிப்பாரா என்பதைப் பொறுத்திருந்து பார்ப்போம்...

     

    https://minnambalam.com/entertainment/2020/10/22/3/prabakaran-biopic-web-series-director-invite-act-vijay-sethupathi

     

     

  6. ஐபிஎல்: இரண்டாம் இடத்துக்கு முன்னேறிய பெங்களூரு!

    spacer.png

     

    கொல்கத்தா அணிக்கு எதிரான வெற்றியின் மூலம் 14 புள்ளிகளுடன், பெங்களூரு அணி புள்ளி பட்டியலில் இரண்டாம் இடத்துக்கு முன்னேறியுள்ளது.

    துபாயில் நடைபெற்று வரும் 13ஆவது ஐபிஎல் போட்டித் தொடரின் நேற்றைய (அக்டோபர் 21) 39ஆவது லீக் ஆட்டத்தில் விராட் கோலி தலைமையிலான ராயல் சேலஞ்சர்ஸ் பெங்களூரு அணியும், இயன் மார்கன் தலைமையிலான கொல்கத்தா நைட் ரைடர்ஸ் அணியும் மோதின.

    அபுதாபியில் உள்ள சேக் சையீது மைதானத்தில் நடைபெற்ற இந்தப் போட்டியில் டாஸ் வென்ற கொல்கத்தா அணி கேப்டன் இயன் மார்கன் பேட்டிங்கைத் தேர்வு செய்தார். அணியின் தொடக்க ஆட்டக்காரர்களாக ஷுப்மன் கில் மற்றும் ராகுல் திரிபாதி களமிறங்கினர்.

    பெங்களூரு அணியின் அனல் பறக்கும் பந்து வீச்சை சமாளிக்க முடியாமல் கொல்கத்தா அணி வீரர்கள் தடுமாறினர். பவர்பிளே முடிவதற்குள்ளாகவே கொல்கத்தா அணி 14 ரன்களில் 4 விக்கெட்டுகளை இழந்து தத்தளித்தது.

     

    அடுத்து வந்த பேட்ஸ்மேன்களும் நீண்ட நேரம் நிலைக்கவில்லை. தொடர்ந்து விக்கெட்டுகளை இழந்து மிகக் குறைந்த ரன் வேகத்தில் கொல்கத்தா அணி திண்டாடியது. அணியில் அதிகபட்சமாக கேப்டன் இயன் மார்கன் 30 ரன்கள் எடுத்திருந்தார்.

    இந்த ஆட்டத்தின் மூலம் ஐபிஎல் போட்டியில் இரண்டு மெய்டன் ஓவர்கள் வீசிய முதல் பந்து வீச்சாளர் என்ற பெருமையை முகமது சிராஜ் பெற்றார். இறுதியாக 20 ஓவர் முடிவில் கொல்கத்தா அணி 8 விக்கெட்டுகளை இழந்து 84 ரன்கள் எடுத்தது. பெங்களூரு அணியில் அபாரமாக பந்து வீசிய சிராஜ் 4 ஓவர்கள் வீசி 8 ரன்களை மட்டுமே விட்டுக் கொடுத்து 3 விக்கெட்டுகளை கைப்பற்றினார்.

    இதையடுத்து, 85 ரன்கள் என்ற எளிய இலக்குடன் களம் இறங்கிய ராயல் சேலஞ்சர்ஸ் பெங்களூரு அணி, எந்த சிரமமும் இன்றி கொல்கத்தா பந்து வீச்சை எதிர்கொண்டது. 13.3 ஓவர்களில் 2 விக்கெட்டுகளை மட்டுமே இழந்து 85 ரன்கள் எடுத்து பெங்களூரு அணி 8 விக்கெட்டுகள் வித்தியாசத்தில் வெற்றிபெற்றது.

    இந்த வெற்றியின் மூலம் 14 புள்ளிகளுடன் பெங்களூரு அணி புள்ளிப் பட்டியலில் இரண்டாம் இடத்துக்கு முன்னேறியுள்ளது.

     

    https://minnambalam.com/entertainment/2020/10/22/6/ipl-kolkatta-vs-delhi

  7. உங்கள் கண்களை உங்கள் விரல்களினாலேயே குத்திக்கொள்ளாதீர்கள் - சீ.வி.விக்னேஸ்வரன்

    (ஆர்.யசி.எம்.ஆர்.எம்.வஸீம்)

    தமிழ் மக்களின் போராட்டங்களை  இரும்புக் கரம் கொண்டு நசுக்கும் திட்டம் 20 இன் பின்னால் இருக்கிறது. எமக்கு இடையேயான கட்சி வேறுபாடுகளை மறந்து 20ஆவது  திருத்தம் நிறைவேற்றபப்டுவதை தடுக்கவேண்டும் என தமிழ் மக்கள் தேசிய கட்சியின் தலைவர் நீதியரசர் விக்னேஸ்வரன்  தெரிவித்தார்.

    பாராளுமன்றத்தில் நேற்று அரசியலமைப்பின் 20ஆவது திருத்தம் மீதான விவாதத்தில் கலந்துகொண்டு உரையாற்றுகையிலேயே இவ்வாறு குறிப்பிட்டார்.

    அவர் அங்கு தொடர்ந்து தெரிவிக்கையில்,

    சிறுபான்மையினரை பயங்கரவாதிகள் என்று சிந்திப்பது பெரும்பான்மையினரிடம் இருந்து வாக்குகளைப் பெற்றுக் கொடுக்கும். ஆனால் நாட்டை முன்னேற்றவிடாது. ஆகவே இந்த 20ஆவது திருத்தச்சட்டம் மூலமாக அதிகாரத்தை தனிமனிதர் ஒருவரிடம் குவிக்கும் எண்ணத்துடன் தான் கொண்டுவரப்பட்டுள்ளது. இது ஜனநாயகத்திற்கும் மனித உரிமைக்கும் சாவு மணி அடிக்கப் போகின்றது.

    ஜனநாயகத்தில் இருந்து சர்வாதிகாரத்தை நோக்கி ஆட்சி பண்புகளின் பரிணாமம்  திசை மாறுவதற்கான காரணம் வெறுமனே பதவி மோகம் என்று மட்டும் நான் பார்க்கவில்லை. எதிர்காலத்தில் ஏற்படக்கூடிய சில அரசியல் நிகழ்வுகளுக்கான முன்னேற்பாட்டு நடவடிக்கையாக நான் இதனை பார்க்கின்றேன். தமிழ் மக்கள் தம் மீதான அடக்குமுறைகளுக்கு எதிராகவும் உரிமைகளை வென்றெடுப்பதற்கு மேற்கொண்டு வரும் ஜனநாயக ரீதியாக  போராட்டங்களை மேற்கொள்வதற்கு காணப்படும் ஒரு சில ஜனநாயக இடைவெளிகளையும் அடைத்து இரும்புக் கரம் கொண்டு எமது போராட்டத்தை நசுக்குவதற்கான  ஒரு நிகழ்ச்சி திட்டமும் இதன் பின்னால் இருப்பதாக நான் கருதுகின்றேன்.

    இந்த அரசாங்கம் கடந்த உயிர்த்த ஞாயிறு குண்டுத்தாக்குதல் ஏதோ நிறைவேற்று அதிகார ஜனாதிபதியின் அதிகாரங்கள் குறைக்கப்பட்டதனால் ஏற்பட்ட சம்பவமாக உருவகித்து ஜனாதிபதியின் அதிகாரத்தை மேலும் கூட்ட முனைகின்றது.

    நீதித்துறை, காவல்த்துறை மற்றும் பொது அலுவலர் சேவையை ஒரே நிறைவேற்று ஜனாதிபதியின் மேற்பார்வையின் கீழ் கொண்டுவருவது பாரிய எதிர்விளைவுகளை எதிர்காலத்தில் உண்டாக்கும்.

    இந்த  அரசு இன்னும் 6 மாதகாலத்தில் புதிய அரசியல் அமைப்பை கொண்டுவர உள்ளதாக தெரிவிக்கும் போது இத்தகைய ஒரு சட்ட திருத்தத்தை அவசரகதியில் கொண்டுவர முனைவதானது அவர்களுக்கு பின்னால் இருக்கும் இரகசிய நிகழ்ச்சி நிரல் ஒன்று இருப்பதையே தெட்டத் தெளிவாக காட்டுகின்றது.

    எனவே யார் யார் எல்லாம் இந்த 20 ஆவது சட்ட திருத்தத்தை கொண்டு வருவதற்கு இன்று பாடுபடுகிறார்களோ, யார் யார் எல்லாம் இதற்கு ஆதரவு அளிக்கிறார்களோ அவர்கள் எல்லோரும் எதிர்காலத்தில் இதே சட்ட திருத்தத்தை நீக்க வேண்டும் என்று வீதிகளில் இறங்கி போராடும் நிலை நிச்சயம் ஏற்படும் என்பதை நான் பொறுப்புடன் கூறிக்கொள்கிறேன். 

    இன்று நீங்கள் கொண்டுவரும் இந்த சட்ட திருத்தும், உங்கள் மீதும், உங்கள்  பிள்ளைகள் மற்றும் எதிர்கால உங்கள் சந்ததியினர் மீதும் ஒரு பூமராங் போல மாறும்.  உங்கள் கண்களை உங்கள் விரல்களினாலேயே குத்தாதீர்கள்.

     இந்த 20 ஆவது சட்ட திருத்தத்தை மூன்றில் இரண்டு பெரும்பான்மையுடன் நிறைவேற்றப்பட அனுமதிக்காதீர்கள். மனித உரிமைகள், ஜனநாயகம், நல்லாட்சி மற்றும் சமாதானம் ஆகியவற்றை நேசிக்கும் அனைவரும் எமக்கு இடையேயான கட்சி வேறுபாடுகளை மறந்து இந்த சட்ட திருத்தம் நிறைவேற்றபப்டுவதை தடுக்கவேண்டும்.  

     

    https://www.virakesari.lk/article/92682

  8. முன்னாள் வன்னி எம் பி காலமானார்

    முன்னாள் வன்னிப்பாராளுமன்ற உறுப்பினர் கே.பாலச்சந்திரன் இன்று (22.10.2020) மாரடைப்பால் காலமானார்.

    வவுனியா வைத்தியசாலையில் அனுமதிக்கப்பட்ட நிலையில் அதிகாலை 2.30 மணியளவில் இவரின் உயிர் பிரிந்துள்ளது.

    கே.பாலச்சந்திரன்

    1994 முதல் 2000 ஆம் ஆண்டு வரை தமிழீழ மக்கள் விடுதலைக்கழகத்தின் சார்பாக வன்னிப்பாராளுமன்ற உறுப்பினராக இருந்த கே. பாலச்சந்திரன் கண்டியை பிறப்பிடமாக கொண்டவராவார்  

    வவுனியாவில் வசித்து வந்த இவர் பாராளுமன்ற உறுப்பினராக இருந்தகாலப்பகுதியில் வவுனியாவில் பல்வேறு அபிவிருத்திப்பணிகளை மேற்கொண்டிருந்தார்  

    1951 ஆம் ஆண்டு பிறந்த இவர் தனது 69 ஆவது வயதில் மாரடைப்பால் காலமானார்.

     

    https://www.virakesari.lk/article/92688

     

  9. ஒக்ஸ்போர்ட் கொரோனா வைரஸ் தடுப்பூசி பரிசோதனையில் ஒருவர் உயிரிழப்பு

    பிரிட்டனின் ஒக்ஸ்போர்ட் பல்கலைக்கழகம் மற்றும் அஸ்ட்ராசெனிகா நிறுவனம் இணைந்து தயாரித்த கொரோனா தடுப்பூசியை பரிசோதனை செய்யப்பட்ட ஒருவர் உயிழந்துள்ளதாக பிரேசிலின் சுகாதார ஆணையாளர்தெரிவித்துள்ளார்.

    இந்நிலையில்,தொடர்ந்து தடுப்பு மருந்து பரிசோதனை நடைபெறும் என ஒக்ஸ்போர்ட் பல்கலைக்கழகம் உறுதிசெய்துள்ளது.

    உயிரிழந்த அஸ்ட்ராசெனிகா கொரோனா வைரஸ் தடுப்பூசியை பரிசோதனை செய்யப்பட்ட நபர் பிரேசில் நாட்டைச் சேர்ந்தவர் என்று  சாவோபோலோ பல்கலைக்கழகம் தெரிவித்துள்ளது.

    ரியோ டி ஜெனிரோ நகரில் வசித்துவந்த அந்த நபர் வயது 28 என உள்ளூர் ஊடகங்கள் தெரிவித்துள்ளன.

    மேலும், இந்த தடுப்பூசியை மனிதர்களுக்கு செலுத்தி பார்க்கும் இறுதிகட்ட மருத்துவ பரிசோதனை இங்கிலாந்து, இந்தியா, பிரேசில், தென் ஆபிரிக்கா போன்ற நாடுகளில் நடைபெற்று வருகிறது. இந்த பரிசோதனையில் ஆயிரக்கணக்கானவர்கள் ஈடுபட்டு வருகின்றனர்.

    அஸ்ட்ராசெனிகா கொரோனா வைரஸ் தடுப்பூசியின் சோதனைகளில் ஈடுபட்டுள்ள நபர்களின் ரகசியத்தன்மையை சுட்டிக்காட்டி பிரேசிலிய சுகாதார ஆணையாளர் மேலும் விவரங்களை வழங்கவில்லை, ஆனால் இது தொடர்பான விசாரணையில் இருந்து தரவைப் பெற்றதாகக் கூறினார்.

    இதற்கிடையில், ஒக்ஸ்போர்ட் பல்கலைக்கழகம் பிரேசிலில் ஒரு கொரோனா வைரஸ் தடுப்பூசி சோதனை செய்யப்பட்ட நபரின் மரணம் குறித்த மதிப்பீட்டைத் தொடர்ந்து, மருத்துவ பரிசோதனை குறித்து எந்த கவலையும் இல்லை என்ற முடிவுக்கு வந்துள்ளது.

    பிரேசிலில் கொரோனா வைரஸ் தொற்றால் 5,300,649 பேர் பாதிக்கப்பட்டுள்ளதோடு,155,459 பேர் உயிரி ழந்துள்ளார்கள்.

    அதன்படி, பிரேசில் கொரோனா வைரஸ் உயிரிழப்பில் மெரிக்காவிற்கு அடுத்தபடியாக உலகில் இரண்டாவது இடத்திலுள்ளது. அதேவேளை, கொரோனா வைரஸ் பாதிப்பில் அமெரிக்கா மற்றும் இந்தியாவுக்கு அடுத்தபடியாக  உலகின்ல் மூன்றாவது இடத்திலுள்ளது.

    இங்கிலாந்தில் ஒரு நோயாளி கடுமையாக பாதிக்கப்பட்டதையடுத்து அஸ்ட்ராசெனிகா தடுப்பூசியின் பரிசோதனைகளை அமெரிக்கா நிறுத்தியுள்ளது. அமெரிக்க உணவு மற்றும் மருந்து நிர்வாகத்தின் தடுப்பூசி குறித்த மறுஆய்வு நிலுவையில் உள்ளமை குறிப்பிடத்தக்கது.

     

     

    https://www.virakesari.lk/article/92687

  10. மூன்று நாட்களுக்கு முன்னர் தன்னைப் பிடித்த பீடை தொலைந்தது என்று முகப்புத்தகத்தில் எழுதி, இன்று போஸ் கொடுத்து போட்டோவும் போட்டிருக்கின்றார்.

    உடல்தேறி, நலமடைந்து பழைய எனெர்ஜியோடு வருவார் என்று நம்புகின்றேன்

    • Thanks 1
  11. 2014 இல் ஐரோப்பிய ஒன்றியமும் தடையை நீக்கியதாக நீதிமன்ற தீர்ப்பு வந்த ஞாபகம். ஆனால் புலிகள் இப்போதும் ஐரோப்பிய ஒன்றியத்தின் தடைசெய்யப்பட்ட அமைப்புக்களின் பட்டியலுக்குள்தான் இருக்கின்றது. 

    இந்த ஆணையத்தின் தீர்ப்பும் பிரித்தானிய அரசால் நிராகரிக்கப்படத்தான் வாய்ப்புக்கள் அதிகம்.  ஏனெனில் 2/3 பெரும்பான்மை எடுத்த ராஜபக்‌ஷக்கள் தங்கள் ராஜதந்திர நகர்வுகளால் பிரித்தானிய அரச மட்டத்த்தில் தமக்கு வேண்டியதை நடக்கச் செய்வார்கள். 

  12. யாழ். பல்கலைக்கழக கலைப்பீட மோதல் – விசாரணைகள் ஆரம்பம்!

    October 21, 2020
    1-23-696x392.jpg

     

    யாழ்ப்பாணப் பல்கலைக்கழக கலைப்பீட மாணவர்களிடையே கடந்த 8 ஆம் திகதி இடம்பெற்ற மோதல் சம்பவம் குறித்து, விசாரணைகளை மேற்கொள்வதற்காக நியமிக்கப்பட்ட தனி நபர் ஆயத்தின் விசாரணைகள் நாளை 21 ஆம் திகதி, புதன்கிழமை ஆரம்பிக்கப்படவுள்ளன.

    கடந்த 8 ஆம் திகதி கலைப்பீடத்தின் இரண்டாம், மூன்றாம் வருட மாணவர்களுக்கிடையில் ஏற்பட்ட தகறாறு முற்றி மோதலாகியிருந்தது. அன்று மாலை வளாகத்தினுள் இடம்பெற்ற மோதலின் போது சமரசம் செய்ய முற்பட்ட பல்கலைக்கழகத் துணைவேந்தர் உட்பட அதிகாரிகளுடன் முரண்பட்டுக் கொண்ட மூன்றாம் வருட மாணவர்கள், துணைவேந்தர் மற்றும் பாதுகாப்பு அதிகாரிகள் தம்மைத் தாக்கியதாக ஊடகங்களுக்குத் தெரிவித்திருந்தனர்.

    எனினும், உடனடியாகவே மாணவர்கள் மத்தியில் பேசிய துணைவேந்தர், தான் உட்பட அனைவரையும் விசாரணை செய்யும் வகையில் சம்பவம் குறித்து விசாரிப்பதற்குச் சுயாதீன விசாரணைக்குழு ஒன்று அமைக்கப்படும் என்று வாக்குறுதி வழங்கியதை அடுத்து மாணவர்கள் அன்றிரவு கலைந்து சென்றிருந்தனர்.

    மறுநாள், 9 ஆம் திகதி கூடிய பல்கலைக்கழகப் பேரவை, வணிக முகாமைத்துவ பீடத்தின் முன்னாள் பீடாதிபதி பேராசிரியர் மா. நடராஜசுந்தரத்தை விசாரணையாளராகக் கொண்டு தனிநபர் விசாரணை ஆயம் ஒன்றினை நியமித்திருந்தது.

    இதனிடையே, பல்கலைக்கழகத்துக்கும், அதன் துணைவேந்தருக்கும் அபகீர்த்தியை ஏற்படுத்தும் வகையில் நடந்து கொண்ட – மோதல் சம்பவங்களுடன் தொடர்புடைய மாணவர்கள் அனைவரையும் விசாரணைக்குட்படுத்தப்பட வேண்டும் என்றும், அதுவரை சம்பந்தப்பட்டவர்கள் வளாகத்தினுள் நுழைவதற்குத் தடை விதிக்கப்பட வேண்டும் என்றும் கோரிக்கைகளை முன்வைத்து கலைப்பீட விரிவுரையாளர்கள் அனைவரும் விரிவுரைகளைப் புறக்கணிக்கப் போவதாக கலைப்பீடச் சபை ஏகமனதாக முடிவு செய்து அறிவித்தது.

    இதனை அடுத்து, மோதல் சம்பவங்களுடன் தொடர்புடைய மாணவர்கள் என நிர்வாகத்தினால் இனங்காணப்பட்ட 21 மாணவர்கள் வளாகத்தினுள் நுழைவதற்குத் தடை விதிக்கப்பட்டது. அதன் பின் கடந்த 12 ஆம் திகதி, திங்கட்கிழமை முதல் கலைப்பீட விரிவுரைகள் வழமைக்குத் திரும்பின.

    விசாரணைக்கென நியமிக்கப்பட்ட பேராசிரியர் மா. நடராஜசுந்தரம் சத்திர சிகிச்சை ஒன்றுக்கு உட்பட்டிருந்ததனால், விசாரணையில் தாமதம் ஏற்பட்டிருந்தது. எனினும் இன்று  முதல் விசாரணைகள் முழு வீச்சில் இடம்பெறும் என சம்பந்தப்பட்ட வட்டாரங்கள் தெரிவித்துள்ளன.

    முதற் கட்டமாக சம்பவ தினத்தன்று, தாக்குதலுக்கு உள்ளாகிய விரிவுரையாளர்கள் மற்றும் பாதுகாப்புப் பணியாளர்கள் உட்பட அதிகாரிகளும் இன்று சாட்சியமளிக்கவுள்ளனர்.
     

     

    https://www.ilakku.org/யாழ்-பல்கலைக்கழக-கலைப்ப/

  13. ஜெயலலிதாவின் கூற்றை விட, முரளியின் கூற்று மோசமானதா?

    -எம்.எஸ்.எம். ஐயூப்

    கிரிக்கெட் விளையாட்டின் நட்சத்திர வீரர் முத்தையா முரளிதரனைப் பற்றி, தமிழகத்தில் ‘800’ என்ற பெயரில் தயாரிக்கப்படவிருந்த திரைப்படம் தொடர்பாக, அங்கு எழுந்திருக்கும் சர்ச்சை, இலங்கை அரசாங்கத்தை ஆதரிக்கும் தமிழ் அரசியல் தலைவர்கள், பொதுவாக எதிர்நோக்கும் பிரச்சினையே தவிர வேறொன்றும் அல்ல!  

    ‘டெஸ்ட்’ போட்டிகளில் 800 விக்கெட்டுகளுக்கு மேல் கைப்பற்றி, முரளி சாதனை படைத்தமையால் இந்தப் படத்துக்கு, அதன் தயாரிப்பாளர்கள் ‘800’ என்று பெயர் வைத்திருக்கிறார்கள். மஹிந்த ராஜபக்‌ஷவும் கோட்டாபய ராஜபக்‌ஷவும் தலைமை தாங்கும் அரசாங்கத்தை, முரளி ஆதரித்தார், ஆதரிக்கிறார் என்ற அடிப்படையிலேயே இந்தத் திரைப்படத்துக்கு எதிர்ப்புகள் தெரிவிக்கப்படுவதாகத் தெரிகிறது. ஆனால், இந்த எதிர்ப்பு வேறு பல முரண்பாடுகளைப் பற்றியும், எம்மைச் சிந்திக்கத் தூண்டுகிறது.  

    முத்தையா முரளிதரன் என்ற கிரிக்கெட் வீரருக்கு எதிராக, தமிழகத்தில் சிலர் தெரிவிக்கும் எதிர்ப்பு, எந்தளவுக்கு என்றால், திரைப்படத்தில் முரளிதரனாக நடிக்கவிருக்கும் நடிகர் விஜய் சேதுபதி மீதும் அவர்களது கோபம் திரும்பியிருக்கிறது. முரளியாக நடிக்க முன்வந்த விஜய் சேதுபதி தமிழரா என்று, சிலர் கேள்வி எழுப்பும் அளவுக்கு இந்தச் சர்ச்சை விஸ்வரூபம் எடுத்துள்ளது.  

    ஆரம்பத்தில், தமிழக அரசியல்வாதிகள் இடையே ஆரம்பித்த இந்த எதிர்ப்பு, பின்னர் தமிழகத் திரைப்படக் கலைஞர்களிடமும் பரவியுள்ளது. “ஈழப் போரின் இறுதிக் கட்டத்தில், அப்போதைய ஜனாதிபதி மஹிந்த ராஜபக்‌ஷவுக்கு,  முரளிதரன் ஆதரவாக இருந்தமையால், உலகெங்கும் தமிழர்களால் ‘தமிழினத்தை காட்டிக் கொடுத்த ஒருவராக’ அடையாளபபடுத்தப்பட்டு உள்ளார்” என்று, மறுமலர்ச்சி திராவிட முன்னேற்றக் கழகத்தின் தலைவரும் இந்திய மேலவை உறுப்பினரும் தமிழீழ விடுதலைப் புலிகளின் தீவிர ஆதரவாளருமான வைகோ கூறியிருக்கிறார்.  

    போரின் போது காணாமலாக்கப்பட்டவர்களைத் தேடித் தருமாறு கோரி, அவர்களின் தாய்மார்களும் உறவினர்களும் உண்ணாவிரதம் இருந்த போது, முரளிதரன் அதை “நாடகம்” எனக் குறிப்பிட்டதாகவும் குற்றஞ்சாட்டிய வைகோ, ‘காட்டிக் கொடுத்தோனின்’ பாத்திரத்தை ஏற்று நடிப்பதிலிருந்து தவிர்த்துக் கொள்ளுமாறு, நடிகர் விஜய் சேதுபதியிடமும் கேட்டுக் கொண்டுள்ளார்.   

    பாட்டாளி மக்கள் கட்சியின் தலைவர் டொக்டர் ராம்தாஸூம் முரளியைக் காட்டிக் கொடுப்பவனாகவே குறிப்பிட்டுள்ளார். “சேதுபதி இந்தப் படத்தில் நடிப்பதை அறிந்து, அதிர்ச்சியடைந்தேன். தமிழக நடிகர், ஒரு காட்டிக்கொடுத்தல் வரலாற்றை ஆதரிக்கக் கூடாது” என்றும் அவர் மேலும் கூறியிருக்கிறார்.   

    நாம் தமிழர் கட்சியின் தலைவர் சீமானும் இதே போன்ற வார்த்தைகளால் முரளியைச் சாடியிருக்கிறார். 

    “சேதுபதி, இந்தப் படத்தில் நடிப்பதிலிருந்து விலகிக் கொண்டால், தமிழ் மக்கள் அவரை எப்போதும் நன்றியுடன் நினைவுகூர்வர். தமிழினம் காட்டிக் கொடுப்போரை ஒரு போதும் மன்னிக்கப் போவதில்லை” என்று இயக்குநர் பாரதிராஜா கூறியிருக்கிறார். 

    சமூக வலைத்தளங்களில், இவை போன்ற பல விமர்சனங்கள் வலம்வருகின்றன.  
    ‘800’ திரைப்படத்தின் தயாரிப்பாளர்களான Dar Motion Pictures, இவற்றுக்குப் பதிலளித்து புதன்கிழமை (14) ஓர் அறிக்கையை வெளியிட்டது. ‘இது, வெளிநாட்டு தமிழ்ச் சமூகத்தைச் சேர்ந்த ஒருவரின் வாழ்க்கைப் பயணத்தைச் சித்திரிப்பதை நோக்கமாகக் கொண்ட, ஒரு விளையாட்டு வீரனின் வாழ்க்கை வரலாறு மட்டுமே’ என அந்த அறிக்கையில் குறிப்பிடப்பட்டு இருந்தது.   

    இந்தத் திரைப்படம், எந்தவொரு சமூகத்துக்கும் ஆதரவாக, எந்தவோர் அரசியல் கருத்தையும் கொண்டதல்ல; இது, தமது பயணத்தின் போது சந்திக்கும் இடையூறுகளைப் பொருட்படுத்தாது, இளைய தலைமுறையினர் தமது கனவுகளை நனவாக்கிக் கொள்வதற்கான தூண்டுதலாகும். ஈழத் தமிழர்களின் போராட்டங்களைக் கொச்சைப்படுத்தும் எந்தவொரு காட்சியும் இதில் உள்ளடங்காது என்றும் அந்த அறிக்கையில் மேலும் குறிப்பிடப்பட்டு இருந்தது.   

    இத்தகைய எதிர்ப்புகளை அடுத்து, முரளிதரனும் ஓர் அறிக்கையை வெளியிட்டு இருந்தார். ‘நான், 2009ஆம் ஆண்டுதான், என் வாழ்க்கையில் மிக மகிழ்ச்சியான நாள் என்று, 2019ஆம் ஆண்டு கூறியதை, தமிழர்களைக் கொன்று குவித்த நாள்தான் முத்தையா முரளிதரனின் வாழ்க்கையில் மகிழ்ச்சியான நாள் எனத் திரித்து எழுதுகிறார்கள். ....போர் சூழ்நிலையிலேயே இருந்த ஒரு நாட்டில், வீட்டை விட்டு வெளியே சென்றவர்கள், வீடு திரும்பினால்தான் நிஜம் என்ற சூழ்நிலையில், போர் முடிவுற்றமையைப் பாதுகாப்பாக உணர்வது மட்டுமல்லாது போர் நிறைவடைந்ததால், கடந்த 10 வருடங்களாக உயிரிழப்புகள் ஏதும் இல்லாமல் இருப்பதை மனதில் வைத்தே, 2009ஆம் ஆண்டு எனது வாழ்க்கையில் மகிழ்ச்சியான நாள் என்கிற கருத்தில் தெரிவித்தேன்’ என்று, அந்த அறிக்கையில் குறிப்பிடப்பட்டு இருக்கிறது.   

    “2009ஆம் ஆண்டு தான், என் வாழ்க்கையில் மிக மகிழ்ச்சியான நாள்” என்று, ஜனாதிபதி கோட்டாபய ராஜபக்‌ஷவின் ‘வியத் மக’ கூட்டமொன்றிலேயே முரளி கூறியிருக்கிறார். அந்த ‘வீடியோ’வையும் சமூக வலைத்தளங்களில் சிலர் இணைத்திருந்தார்கள். 

    தாம் கூறியதைப் பற்றி, முரளி தரும் விளக்கம் சரியாக இருக்கலாம். ஆனால், அந்தக் கருத்தை அவர், தெரிவித்த மேடையின் காரணமாக, அக் கருத்துக்கு வேறு வியாக்கியானங்கள் வழங்கப்படுவதும் தவிர்க்க முடியாது.   

    இந்த அறிக்கையில் முரளி, தாம் தமது மலையகத் தமிழர்களுக்குச் செய்த உதவிகளை விட, ஈழ மக்களுக்குச் செய்த உதவிகளே அதிகம் எனக் குறிப்பிட்டு இருக்கிறார். அவ்வாறு வடக்கு, கிழக்கு மக்களை, ‘ஈழத் தமிழர்’ என்று அழைத்தமை, சிங்கள மக்கள் மத்தியிலும் எதிர்ப்பை உருவாக்கலாம்.   

    இந்தக் குற்றச்சாட்டுகளை, முரளி ஏற்றுக் கொள்வது ஒரு புறமிருக்க, போர் இடம்பெற்ற மண்ணில் வாழும் தமிழ் மக்கள் ஏற்றுக் கொள்கிறார்களா என்ற சந்தேகமும் எழுகிறது. ஏனெனில், இலங்கைத் தமிழர் எவரும், முரளியைக் குறைகூறியதாக இதுவரை தெரியவில்லை. அவர்கள், தமிழக அரசியல்வாதிகள், கலைஞர்களின் குற்றச்சாட்டுகளை ஆதரித்தும், இதுவரை எதையும் கூறியதாகத் தெரியவில்லை. மாறாக, தமிழ் முற்போக்குக் கூட்டணியின் தலைவர் மனோ கணேசன், முரளியின் அரசியலைச் சாடுவதோடு, இந்தத் திரைப் பட முயற்சியை ஆதரித்து, முகநூலில் கருத்து வெளியிட்டு இருக்கிறார்.  

    ‘மஹிந்த, கோட்டாபய ஆகியோரின் பொதுஜன பெரமுனவின் சார்பில், கடந்த பொதுத் தேர்தலின் போது, பிரசாரக் களத்தில் முரளி இறங்கியிருந்தார். அப்போது அவர், எமக்கு வாக்களிக்க வேண்டாம் எனக் கூறியிருந்தார்’ எனவும் அதே பதிவில் மனோ கணேசன் குறிப்பிட்டிருக்கிறார்.  

    முரளியின் கருத்து, கொல்லப்பட்ட தமிழர்களுக்கு எதிரானது என வியாக்கியானம் தான் செய்ய முடியும். ஆனால், போர் மிகவும் மோசமாக நடைபெற்ற நாள்களில், தமிழகத் தலைவர்கள் போர் காலக் கொலைகளைத் தெளிவான வார்த்தைகளால் நியாயப்படுத்தினார்கள். புலிகளிடம் இருந்த கிளிநொச்சி நகரம், 2009ஆம் ஆண்டு ஜனவரி மாதம் இராணுவத்திடம் வீழ்ந்தமை, புலிகளின் தோல்வியைக் கோடிட்டுக் காட்டியது. அதிலிருந்து மே மாதம் வரை, வன்னி மக்கள் அனைவரும் முள்ளிவாய்க்காலில் சிக்கிக் கொண்டனர்.

    ஜனவரி மாதம் 17ஆம் திகதி, வடக்கில் அகோர போர் நடைபெறும் நிலையில்,  அப்போதைய தமிழக எதிர்க்கட்சித் தலைவி ஜெயலலிதா, இலங்கை இராணுவத்தின் செயற்பாடுகளை நியாயப்படுத்தினார். “இலங்கை இராணுவத்தின் நோக்கம், தமிழர்களைக் கொல்வது அல்ல; புலிகள் தமது கட்டுப்பாட்டுப் பகுதிகளிலிருந்து வெளியேறப் பொது மக்களுக்கு இடமளித்தால், கொலைகளைத் தவிர்க்க முடியும். போரின் போது, அப்பாவி மக்கள் கொல்லப்படுவது தவிர்க்க முடியாதது; இது எந்த நாட்டுக்கும் பொருத்தமானது” என்றும் அவர் கூறினார்.   

    இரண்டு வாரங்களுக்குப் பின்னர், அப்போதைய முதலமைச்சர் கருணாநிதியும் இதேதொனியில் கருத்துத் தெரிவித்து இருந்தார். 2009ஆம் ஆண்டு பெப்ரவரி மூன்றாம் திகதி நடைபெற்ற தி.மு.க நிறைவேற்றுக் குழுக் கூட்டத்தில் உரையாற்றிய அவர், “தமிழீழத்தில் ஒரு சர்வாதிகார ஆட்சியை நிறுவப் போவதாக, புலிகளின் தலைவர் பிரபாகரன் கூறியதை அடுத்து, 1987ஆம் ஆண்டிலேயே புலிகள் அமைப்பு, தி.மு.கவின் ஆதரவை இழந்ததாகவும், தாம் புலிகளை வெறுப்பதாகவும் கூறியிருந்தார். 

    இவை, புலிகள் அமைப்பு உயிருக்குப் போராடிக் கொண்டிருந்த காலத்தில் கூறப்பட்டவை. இவை அனைத்தும் ஊடகங்களில் பல முறை வெளிவந்த செய்திகள். முரளி, இதை விட மோசமாக எதையும் கூறிவிட்டாரா?  

    முன்னாள் இராணுவத் தளபதி சரத் பொன்சேகாவின் திறமை, அச்சமின்மை, தந்திரோபாயங்கள், தியாகம் இல்லாவிட்டால், அரச படைகள் போரில் வெற்றியடைந்திருக்காது என, போர் முடிவடைந்தவுடன், கோட்டாபய ராஜபக்‌ஷ கூறியிருந்தார். போர் முடிவடைந்து, ஒரு வருடம் கூடச் செல்வதற்கு முன் நடைபெற்ற ஜனாதிபதித் தேர்தலில், தமிழ்த் தலைவர்களின் ஆலோசனைப்படி, போர் முனையில் வாழ்ந்த தமிழ் மக்கள், சரத் பொன்சேகாவுக்கே வாக்களித்தனர். தமிழகத் தலைவர் எவரும் அதை விமர்சித்ததாகத் தெரியவில்லை.   

    மனோ கணேசன், தமது முகநூல் பதிவில் இவ்வாறு கூறுகிறார். ‘அவரது திரைப்படம், அவரது பொறுப்பற்ற அரசியலை நியாயப்படுத்தாத வரை வந்து போகட்டும்..! ஒரு தமிழரின், ஓர் இலங்கையரின், வாழ்க்கைப் போராட்டம், திரைப் படமாக வரட்டும்..!’   
     

    http://www.tamilmirror.lk/சிறப்பு-கட்டுரைகள்/ஜெயலலிதாவின்-கூற்றை-விட-முரளியின்-கூற்று-மோசமானதா/91-257219

     

  14. பல பணி இழப்புகளை ஏற்படுத்திய யாழ். பல்கலைக்கழகம்:மூதவை கூட்டத்தில் வெளிவந்த அதிர்ச்சி தகவல்

     

    வடக்கில் தொழில் வாய்ப்புகளை வழங்கக்கூடிய மிகப்பெரும் நிறுவனங்களில் ஒன்றாகிய யாழ்ப்பாணப் பல்கலைக்கழகம், வெற்றிடங்களை நிரப்புவதில் அசமந்தப் போக்குடன் இருப்பதனால் இளஞ் சந்ததிதியினர் பாதிக்கப்பட்டிருப்பதாகப் பல்கலைக்கழக மூதவையில் (செனற்) பிரஸ்தாபிக்கப்பட்டுள்ளது.

    யாழ்ப்பாணப் பல்கலைக்கழக மூதவை நேற்று  செவ்வாய்க்கிழமை துணைவேந்தர் பேராசிரியர் சி.சிறிசற்குணராஜா தலைமையில் இடம்பெற்றது.

    இந்தக் கூட்டத்தின் போதே பல்கலைக்கழகத்தில் வெற்றிடங்களை நிரப்புவதில் நிர்வாகம் காட்டும் அசமந்தப்போக்குகள் குறித்துப் பிரஸ்தாபிக்கப்பட்டுள்ளது.

    பல பீடங்கள் மற்றும் துறைகளில் வெற்றிடமாகவுள்ள பதவிகளுக்கும் விண்ணப்பங்கள் கோரப்பட்டு நேர்முகத் தேர்வுகள் நடாத்தப்படாதிருப்பதுடன், சில துறைகளில் நீண்ட காலமாக – பல வருடங்களாகப் பல பதவிகளுக்கு வெற்றிடங்கள் நிலவுகின்ற போதிலும் விண்ணப்பங்கள் கோரப்படாமல் இழுத்தடிப்புச் செய்யப்பட்டு வந்தமையையும் துணைவேந்தர் இன்றைய கூட்டத்தில் சுட்டிக் காட்டினார்.

    நூலகத்தில் நிலவும் உதவி நூலகர் பதவிக்காக 2018 ஆம் ஆண்டு விண்ணப்பங்கள் கோரப்பட்டிருந்தது. அதற்காக சுமார் 160 க்கும் மேற்பட்ட விண்ணப்பதாரிகள் விண்ணப்பித்திருந்தனர்.

    எனினும் சுமார் இரண்டு வருடங்களாக நேர்முகத் தேர்வு நடாத்தப்படாமல் இருந்து வந்துள்ளது.

    இதனால் பல்கலைக்கழக மானியங்கள் ஆணைக்குழுவின் விசேட அனுமதியின் படி, நேற்று திங்கட்கிழமை முதல் நேர்முகப் பரீட்சையை நடாத்துவதற்கு நடவடிக்கை எடுக்கப்பட்ட போதிலும், கணிசமான விண்ணப்பதாரிகள் நேர்முகத் தேர்வுக்கு சமூகமளிக்கவில்லை. இத்தகை நிலமை இனிவரும் காலங்களில் இடம்பெறாமல் பார்த்துக்கொள்ளுமாறு இன்றைய மூதவைக் கூட்டத்தில் அறிவுறுத்தப்பட்டுள்ளது.

     

    போதனை சார் வெற்றிடங்கள் மற்றும் நிர்வாக அதிகார வெற்றிடங்களை நிரப்புவதில் ஏற்படும் காலதாமதங்களைத் தவிர்க்கும் வகையில் விண்ணப்பங்களின் செல்லுபடியாகும் காலம் பல்கலைக்கழக மானியங்கள் ஆணைக்குழுவினால் நீடிக்கப்பட்டுள்ள போதிலும், பல போதனை சாரா ஊழியர் பதவிகளுக்காக நேர்முகத் தேர்வுகள் முடிந்த பின்னரும் நியமனங்களை வழங்குவதில் பல்கலைக்கழக நிர்வாகம் காட்டிய அசமந்தப் போக்கின் காரணமாகக் கடந்த வருடம் நூற்றுக்கணக்கானவர்கள் பாதிக்கப்பட்டிருந்தமையும், அதன் பின் அந்த நியமனங்களுக்கான நடைமுறைகளைப் பல்கலைக்கழக மானியங்கள் ஆணைக்குழு நிறுத்தி வைத்தமையும் குறிப்பிடத்தக்கதாகும்.
     

     

    https://www.thaarakam.com/news/8cd2b6c5-de80-4b13-b752-500bcc390b5f

  15. அரச வைத்தியசாலையிலுள்ள அறிவித்தல் பலகையில் தவறான தமிழ் சொற்பிரயோகம்: அசௌகரியத்திற்குள்ளாகும் நோயாளர்கள்..!

    பதுளை பிரதான அரசினர் மருத்துவமனையில் நோயாளர்கள் கவனத்திற் கெடுத்துக்கொள்ளப்படும் வகையிலான பல்வேறு அறிவுறுத்தல்கள் காட்சிப்படுத்தப்பட்டுள்ளன. ஆனால், அவ்வறிவுறுத்தல்கள் தவறான வார்த்தைப் பிரயோகங்களைப் குறிப்பதினால், நோயாளர்கள் பெரும் அசௌகரியங்களுக்குள்ளாகி வருகின்றனர்.

    இவ்விடயங்களை தங்களின் மேலான கவனத்திற்கு கொண்டு வருவதாக, பதுளை மாவட்ட பாராளுமன்ற உறுப்பினர் அ. அரவிந்தகுமார், பதுளை மாவட்ட சுகாதாரப் பணிப்பாளருக்கு அனுப்பியுள்ள அவசரக் கடிதமொன்றில் குறிப்பிட்டுள்ளார்.

    இக்கடிதத்தின் பிரதிகள், ஊவாமாகாண ஆளுனர் ஏ.கே.எம். முசாம்மில்,? ஊவா மாகாண சுகாதாரப் பணிப்பாளர் ஆகியோருக்கும் அனுப்பப்பட்டுள்ளன. 

    spacer.png

    தொடர்ந்து அக்கடிதத்தில், “ ஊவாமாகாணத்தில் மிகப்பிரதானஅரசினர் மருத்துமனையாக இருந்து வருவது, பதுளை அரசினர் மருத்துவமனையாகும். இம் மருத்துமனையில் பெருமளவிலான நோயாளர்கள் பல்வேறு நோய்களுக்கு சிகிச்சைகளைப் பெற்றுச் செல்லவும், கடினமான நோயாளர்கள் தங்கிச் சிகிச்சை பெற்றும் வருகின்றனர்.

    அத்துடன் பதுளை மாவட்டமென்பது தமிழ் பேசும் மக்கள் கணிசமானளவில் வாழ்ந்து வரும் ஒரு பிரதேசமாகும். இம்மாவட்டம் பெருந்தோட்டங்கள் பலவற்றை சூழ்ந்திருப்பதினால், தமிழ் மக்கள் அநேகமானளவிலும் இருந்து வருகின்றனர். இத்தகையவர்களுக்கு சிங்கள மொழியில் போதிய பரீச்சியமில்லை.  தமிழ் மொழியினை மட்டுமே, இம்மக்கள் தெரிவித்துள்ளனர்.

    ஆகவே  இம்மருத்துவமனையில்  பல்வேறு வகையிலான சிகிச்சைகள், நோய்கள், நோயாளர்கள் அனுமதிக்கப்படும் விதிமுறைகள். மருந்துவகைகளைப் பெற்றுக்கொள்ளல், நோயாளர்கள் அமர்ந்திருக்கும் இடங்கள், மருத்துவமனையில் தங்கிசிகிச்சைப் பெறும் நோயாளர்களை பார்வையிடும் நேரங்கள் மற்றும் அது தொடர்பான சுகாதாரவிதி முறைகள் ஆங்காங்கே காட்சிப்படுத்தப்பட்டிருந்த போதிலும், அவைகள் தனிச்சிங்கள மொழி மூலமும், பெரும்பாலான அறிவுறுத்தல்  காட்சிப் பலகைகளில் சிங்களம், தமிழ், ஆங்கிலம் ஆகியமொழிகளில் குறிப்பிடப்பட்டிருந்த போதிலும், சிங்கள மொழியில் மட்டும் சரியாகவும், தமிழ் மொழியில் முற்று முழுதாக தவறான வார்த்தைப் பிரயோகங்களினாலும், ஆங்கிலமொழி உச்சரிப்பிலும் பிழையாகவும் குறிப்பிடப்பட்டுள்ளன. 

    இதனால்,சிங்கள மொழி புரியாத தமிழ் மொழி மட்டும் தெரிந்தநோயாளர்கள் பல்வேறுஅசௌகரியங்களை எதிர்நோக்கியவண்ணமுள்ளனர்.  இது குறித்து மருத்துவமனை ஊழியர்களிடம் வினவினாலும் உரியபதில் கிடைக்காமல், தமிழ் நோயாளர்கள் தரக்குறைவாக நடாத்தப்பட்டு வருகின்றனர்.

    வெளிநாடுகளைச் சேர்ந்த உல்லாசபிரயாணிகள் தேவை கருதி, இம் மருத்துவமனையினை நாடினாலும் இதேநிலையினையே, அவர்களும் எதிர்நோக்கி வருகின்றனர். 

    ஆகவே தயவுசெய்து மேற்படி விடயங்களை தங்களின் மேலான கவனத்திற்கு கொண்டு வருகின்றேன். சகல நோயாளர்களும் பயன்பெறும் வகையில் இம் மருத்துவமனையை மாற்றியமைக்கும்படிகேட்டுக்கொள்கின்றேன். 

    நோயாளர் காத்திருக்கும் பகுதி என குறிப்பிடுவதற்கு 'நாயாளர்கள்' பகுதி என்றவகையிலும் ,மலசலகூடத்தை நோக்கில்  ஆண்கள் என்பதற்கு பெண்கள் பகுதியென்றும், பெண்கள் என்பதற்கு ஆண்கள் பகுதியென்றும் மிகத் தவறாக குறிப்பிடப்பட்டிருக்கும் ஒருசிலவற்றை மட்டும் தங்களின் கவனத்திற்கு முன்வைக்கின்றேன். 
     

    https://www.virakesari.lk/article/92625

     

  16. அபாயகரமான நிலையை எட்டியுள்ள இந்தியாவின் காற்றின் தரம்

    தலைநகர் டெல்லி மற்றும் ஏனைய வடக்கு நகரங்களில் கடந்த இரண்டு வாரங்களில் காற்றின் தரம் வேகமாக மோசமடைந்துள்ளமையினால் இந்தியாவில் காற்று மாசுபாடானது அபாயகரமான நிலையின‍ை எட்டியுள்ளது.

    spacer.png

    கொரோனா வைரஸுக்கு எதிரான இந்தியாவின் போராட்டத்தில் இது ஒரு மிகவும் கவலையான செய்தி என ஆய்வாளர்கள் தெரிவித்துள்ளானர்.

    காரணம் உலகெங்கிலும் பல ஆய்வுகளில் கொவிட்-19 நோயாளர்கள் உயிரிழப்பதற்கு காற்றின் தரக் குறைவும் காரணம் என்றும் கூறப்படுகிறது.

    ஒரு கியூபிக் மீட்டர் பரப்பளவில் உள்ள காற்றில் ஒரே ஒரு மைக்ரோகிராம் அளவுக்கு, மாசை உண்டாக்கும் பி.எம் 2.5 துகள்கள் அதிகரித்தாலும் கொரோனா வைரஸால் ஏற்படும் உயிரிழப்பு விகிதம் 8 சதவீதம் அதிகரிக்கும் என அமெரிக்காவின் ஹார்வர்ட் பல்கலைக்கழகத்தில் நடத்தப்பட்ட ஆய்வு ஒன்று தெரிவிக்கிறது.

    வாகனங்களில் இருந்து வெளியேறும் புகைகள், சுத்திகரிக்க முடியாத எரிபொருட்களை பயன்படுத்தும் போது வெளியாகும் புகைகள் மற்றும் வயல்களுக்கு தீ வைப்பதனால் உண்டாகும் புகைகள் உள்ளிட்டவற்றில் இருந்து வெளியாகும் ஓசோன், நைட்ரஜன் ஆக்சைடு உள்ளிட்ட மாசுகளுக்கு நீண்டகாலம் ஆளாவதற்கும், அவர்களுக்கு கொரோனா வைரஸ் தொற்றின் தாக்கம் தீவிரமாவதற்கும் தொடர்பு இருப்பதாக பிரிட்டனில் உள்ள கேம்பிரிட்ஜ் பல்கலைக்கழக ஆய்வு ஒன்றில் தெரியவந்துள்ளது.

    spacer.png

    இத்தகைய மாசுகள் மூச்சுக் குழாயை இலக்கு வைத்து பாதிக்கும் வைரஸ் தொற்றுக்களின் தீவிரத்தன்மையை அதிகரிக்கும் மற்றும் அழற்சியை உண்டாக்கும் என்று கேம்பிரிட்ஜ் பல்கலைக்கழக ஆய்வாளர்கள் கூறியுள்ளனர்.

    அண்மைய வாரங்களில் டெல்லியின் காற்றில் உள்ள பி.எம் 2.5 துகள்களின் அளவு 180 முதல் 300 மைக்ரோகிராம் வரை உள்ளது. இது உலக சுகாதார நிறுவனம் வெளியிட்டுள்ள பாதுகாப்பு வரம்பை விட 12 மடங்கு அதிகம்.

    முடக்க நிலை அமுல்படுத்தப்பட்ட காலத்தில் வாகன போக்குவரத் மற்றும் தொழில் நடவடிக்கை எதுவும் இல்லாததால் அண்மைய மாதங்களாக டெல்லியில் குடியிருப்பவர்கள் மிகவும் தூய்மையான காற்றை சுவாசித்து வந்தார்கள். ஆனால் தற்போது அந்த நிலை மாறியுள்ளது.

     

    https://www.virakesari.lk/article/92627

  17. வடமராடசி கிழக்கு மக்களை அப்பகுதியிலிருந்து வெளியேற்ற அரசு முயல்கின்றதா?

    October 21, 2020

     

    மாற்று ஏற்பாடுகள் எதுவுமின்றி மருதங்கேணி வைத்தியசாலை கொறோனா சிகிச்சை நிலையமாக மாற்றப்பட்டுள்ளது.
    கொறோனோ பாதிப்பு ஏற்படும் என்று பிரதேச மக்கள் மத்தியில் பெரும் பீதி எழுந்துள்ளது.

    மண்டைதீவில் கடற்படையினருக்காக சுவீகரிக்கப்படவிருந்த காணிகள் பொது மக்களிடம் மீளவும் கையளிக்கப்படல் வேண்டும்.

    பரந்தன் கொக்குளாய் பிரதான வீதியில் இராணுவத்தினரால் அமைக்கப்பட்டுள்ள ஒன்பது சோதனைச் சாவடிக்களும் உடனடியாக அகற்றப்படல் வேண்டும்.

    இந்த உயர்வான சபையில் வரிகளைக கூட்டுவதும் குறைப்பதும் தொடர்பாக விவாதங்கள் இடம்பெற்றுக் கொண்டிருக்கின்றது. இந்த வரிகளை கூட்டுவதும் குறைப்பதும் அனைத்துமே மக்களுடைய வாழ்க்கைத் தரத்தை உயர்த்துவதற்கும் அதன் மூலம் நாட்டைக் கட்டியெழுப்புவதனையும் பிரதான நோக்கமாகக் கொண்டே மேற்கொள்ளப்படுகின்றது. அதற்காகவே பெறுமதிமிக்க பலர் இந்த விவாதங்களில் கலந்து கொண்டு இந்த விடயங்கள் ஆழமாக விவாதிக்கப்படுகின்றது.

    அவ்வாறாயின் இந்த வரிகள் உயர்த்தப்படுவதன் ஊடாக இந்த நாட்டு மக்களின் வாழ்க்கைத் தரம் உயர்வடைகின்றதா என்பது பற்றியும் கவனம் செலுத்தப்படல் வேண்டும். நாட்டின் அபிவிருத்தியில் சுகாதாரம் என்பதும் மிகவும் அடிப்படையான ஒன்று. அனைத்து மக்களுக்கும் அடிப்படை சுகாதார வசதிகள் கிடைக்க வேண்டும். அது மிகவும் முக்கியமான ஒன்றாகும்.

    அவ்வாறிருக்கும் நிலையில் யாழ்பாணம் மாவட்டத்தில் வடமராட்சி கிழக்கு என்னும் பிரதேசம் உள்ளது. அந்தப் பிரதேசம் ஒடுங்கிய நீண்ட ஒரு பிரதேசமாகும். ஒரு பக்கம் கடலும் மறுபக்கம் களப்பும் கொண்டதும் மூன்று கிலோ மீற்றர் அகலமும் 39 கிலோ மீற்றர் நீளமும் கொண்ட பிரதேசத்திலே 12130 அங்கத்தவர்களைக் கொண்ட 4458 குடும்பத்தினர் வாழ்ந்து வருகின்றார்கள். இந்த மக்களுடைய பிரதானமான ஜீவனோபாயம் கடற்தொழிலாகும், ஒரு பகுதியினர் விவசாயத்திலும் ஈடுபடுகின்றார்கள். யுத்தம் முடிவடைந்து பத்து ஆண்டுகள் கடந்துள்ளபோதும் கடற்தொழிலை அபிவிருத்தி செய்வதற்கான உதவிகள் எதுவும் இந்த அரசாங்கத்தினால் மேற்கொள்ளப்பட்டிருக்கவில்லை. மாறாக அந்த மக்கள் தமது சொந்த முயற்சியினால் கடற்தொழிலில் ஈடுபடுகின்றபோது கடற்தொழில் அமைச்சினது அனுமதியுடனும், கடற்படையினரின் துணையுடனும், பொலிசாரின் ஒத்துழைப்புடனும் அங்கு அத்து மீறி மீன்பிடியில் ஈடுபட வருகின்ற தென்னிலங்கை பெரும்பான்மையினத்தைச் சேர்ந்த மீனவர்களின் சட்ட விரோத மீன்பிடி நடவடிக்கைகள் காரணமாக இப்பகுதி மீனவர்களின் வாழ்வாதாரம் முற்றாக தொடச்சியாக அழிக்கப்பட்டுவருகின்றது. இதனால் அவர்கள் வாழ வழிதெரியாது தவித்துக் கொண்டிருக்கின்றார்கள். அத்துடன் இப்பகுதியில் விவசாயத்தை ஜீவனோபாகமாகக் கொண்ட மக்களின் தொழிலை அபிவிருத்தி செய்வதற்கும் எந்த நடவடிக்கையும் எடுக்கப்பட்டிருக்கவில்லை. ஆதனால் அங்குள்ள ஒட்டுமொத்த மக்களதும் வாழ்க்கைத்தரம் என்பது தொடர்ந்தும் அடிமட்டத்திலேயே இருந்துகொண்டிருக்கின்றது.

    இப்படிப்பட்ட நிலையிலுள்ள இப்பிரதேசத்தில் ஒரே ஒரு வைத்தியசாலை மட்டுமே உள்ளது. இந்த வைத்தியசாலையை நம்பி 3500 மாணவர்கள் உள்ளடங்கலாக 12130 பொது மக்கள் வாழ்கின்றார்கள். இந்த வைத்தியசாலை கொறோனோ சிகிச்சைக்காகவென பொறுப்பேற்கப்பட்டுள்ளது. அதற்குப் பதிலாக அந்த மக்களது தேவைக்கு ஏற்ப பொருத்தமான வைத்தியசாலைகள் எதுவும் வழங்குவதற்கான ஏற்பாடுகள் செய்யப்பட்டிருக்கவில்லை. அவசர அவசரமாக அந்த வைத்தியசாலைக்கு அருகிலுள்ள 100 நீளமான ஒரு கட்டடத்தில் வெளிநோயாளர் பிரிவை இயக்குவதற்கான ஏற்பாடுகள் கடந்த 5 நாட்களுக்கு முன்னதாக மேற்கொள்ளப்பட்டுள்ளது. நூறு அடி நீளமுள்ள அந்தக் கட்டடத்தில் 15 அடி அளவுள்ள இரண்டு அறைகளும், அறுபது அடி அளவுள்ள ஒரு மண்டபமும் மட்டுமேயுள்ளது. அந்த மண்டபம் புறா எச்சங்கள் நிறைந்த நிலையில் அவர்களிடம் கையளிக்கப்பட்டுள்ளது. அந்த சிறிய கட்டடத்தினுள் வைத்தியசாலையிலுள்ள அனைத்துப் பொருட்களும் அங்கு கொண்டு செல்லப்பட்டு நிறைக்கப்பட்டுள்ளது. அந்த மக்களுக்குரிய மருத்துவ வசதிகளை மறுத்து, அந்;த மக்களை திட்டமிட்டு அந்தப் பிரதேசத்திலிருந்து வெளியேற்றுவதற்கு அல்லது அந்த மக்களை கடலில் குதித்து தற்கொலை செய்து கொள்வதற்கு அரசு தள்ளுகின்றதா என்ற கேள்வி அந்தப் பிரதேசத்து மக்களிடம் எழுந்துள்ளது.

    அந்தப் பிரதேசத்து மக்கள் கொறோனோ வைத்தியசாலை அங்கு வந்தால் தமக்கு கொறோனோ தொற்றிவிடுமோ என்று அஞ்சுகின்றார்கள். வடமராடசி கிழக்குப் பிரதேசம் முழுவதற்குமான மையமாக விளங்கும் மருதங்கேணிப் பகுதியில் வைத்தியசாலை உள்ளது, பிரதேச செயலகம் உள்ளது, பிரதேசசபை உள்ளது. தபாலகம் உள்ளது, கூட்டுறவுச் சங்கம் உள்ளது, கடற்தொழில் அபிவிருத்தி கூட்டுறவுச் சங்கம் உள்ளது, பனை அபிவிருத்தி கூட்டுறவுச் சங்கம் உள்ளது, இன்னும் பல முக்கிய நிலையங்கள் உள்ளன. இந்த இடத்திற்கு நாளாந்த பல ஆயிரம் பொது மக்கள் நாலாபுறமும் இருந்து வந்து செல்கின்றார்கள். இப்படிப்பட்ட மையமான இடத்தில் கொறோனோ சிகிச்சை நிலையத்தை அமைக்கும்போதும் அந்த மக்களுக்கு இயல்பாக ஏற்படக் கூடிய அச்சத்தைப் போக்குகின்ற வகையில் அந்த வைத்தியசாலையை கொறோனோ சிகிச்சைக்காக பொறுப்பேற்கும்போது அந்த மக்களுடன் கலந்துரையாடப்படவில்லை. அத்தோடு அந்த மக்களுக்கு மாற்றான எந்த வைத்திய வசதிகளைப் பெறுவதற்கான எந்த ஏற்பாடுகளும் செய்யப்பட்டிருக்கவில்லை.

    கடந்த 10 வருடங்களாக அடிப்படை வசதிகள் எதுவும் அந்தப் பிரதேச மக்களுக்கு செய்து கொடுக்கப்பட்டிருக்கவில்லை. அவ்வாறான நிலையில் வைத்தியசாலை விடுதியில் நோயாளர்கள் தங்கியிருந்து சிகிச்சை பெறுவதில்லை என்று காரணம் கூறப்பட்டு அந்த வைத்தியசாலை பொறுப்பெடுக்கப்பட்டுள்ளது. கடந்த ஐந்து நாட்களாக அங்கு வெளிநோயாளர் பிரிவு இயங்கவில்லை. அப்படியானால் இந்த மக்களின் கதி என்ன. அந்த கரையோரத்தை முழுமையாக கபளீகரம் செய்யும் நோக்கம் இந்த அரசாங்கத்திடம் இருக்கின்றதா. அந்த நோக்கத்தை அடைந்து கொள்வதற்காக அங்கிருந்து தாமாக வெளியேற வேண்டுமென்று இந்த அரசு எதிர்பார்க்கின்றதா என்று கேள்வி எழுகின்றது.

    அடுத்து மண்டைதீவில் கடற்படையினருடைய தேவைக்காக காணிகளை சுவீகரிப்பதற்கு கடந்த 28.08.2020 அன்று மேற்கொள்ளப்பட்ட முயற்சிக்கு எதிராக பொது மக்கள் திரண்டு எதிர்ப்புப் போராட்டம் நடாத்தினார்கள். அதனால் சுவீகரிப்பு நடவடிக்கை அன்று நிறுத்தப்பட்டது. ஏனினும் இன்று வரை அந்தக் காணிகளை உரியவர்களிடம் கையளிக்கும் செயற்பாடுகள் மேற்கொள்ளப்பட்டிருக்கவில்லை. சோமசுந்தரம் குகதர்சன், தியாகராசா இராசேந்திரன், சுப்பிரமணியம் இராசையா ஆகிய மூவரதும் காணிகளே இவ்வாறு சுவீகரிக்கப்படவிருந்தது. அந்தக் காணிகள் அந்த மக்களிடம் கையளிக்கப்படல் வேண்டும்.

    அத்துடன் பரந்தனில் இருந்து கொக்குளாய் செல்லும் 88 கிலோ மீற்றர் நீளமான வீதியில் ஒன்பது இடங்களில் இராணுவச் சோதனைச் சாவடிகள் அமைக்கப்பட்டு சோதனை நடவடிக்கைகள் மேற்கொள்ளப்படுகின்றது. இச் சோதனை நடவடிக்கைகளால் மக்களது வாழ்க்கை வேண்டுமென்றே சீரழிக்கப்படுகின்றது. மேற்படி சோதனை சாவடிகளில் நீண்டநேரம் பொது மக்கள் காத்திருக்க வேண்டியுள்ளது. நோயாளர் அம்புலன்ஸ் வண்டிகள் கூட அந்த இடங்களில் தாமதிக்கப்பட்டே செல்ல அனுமதிக்கப்படுகின்றன. கற்பிணித்தாய்மார்கள், பாடசாலை மாணவர்கள் என யார் சென்றாலும் படையினர் ஈவிரக்கமில்லாமல் அனைவரையும் கெடுபிடிகளுக்கு உள்ளாக்கியே அனுப்புகின்றனர். எனவே இந்த சோதனைச் சாவடிகள் அனைத்து உடனடியாக அகற்றப்படல் வேண்டுமென்பதனை இவ்விடத்தில் வலியுறுத்துகின்றேன்.

     

     

     

    https://globaltamilnews.net/2020/152106/

     

  18. DC vs KXIP: 2 நாள் இடைவெளியில் 2 சதமடித்த ஷிகர் தவான் - ஆனாலும் கிங்ஸ் லெவன் பஞ்சாபிடம் டெல்லி கேபிட்டல்ஸ் தோற்றது ஏன்?

    5 மணி நேரங்களுக்கு முன்னர்
    IPL 2020: Punjab Dhawan's innings, Delhi Capitals

    பட மூலாதாரம், BBCI / IPL

     

    ஐபிஎல் போட்டிகளில் ஷிகர் தவான் தனது முதல் சதத்தை விளாச 13 ஆண்டுகள் ஆனது. ஆனால் இரண்டாவது சதமடிக்க வெறும் இரண்டு நாட்கள் இடைவெளி மட்டும்தான் தேவைப்பட்டது. 

    கடந்த சனிக்கிழமையன்று சென்னை சூப்பர் கிங்ஸ் அணிக்கு எதிரான போட்டியில் தனது முதல் ஐபிஎல் சத்தத்தை பதிவு செய்த ஷிகர் தவான் நேற்றைய தினம் பஞ்சாப் அணிக்கு எதிரான போட்டியிலும் சதமடித்து அசத்தினார். ஆனால் அவரது அணி வெற்றி பெறவில்லை. 

    புள்ளிப்பட்டியலில் கடைசி இடங்களில் இருந்த கிங்ஸ் லெவன் பஞ்சாப் அணி கிறிஸ் கெயில் வருகைக்கு பிறகு யானை பலத்தை பெற்றுள்ளது, 

    புள்ளிப்பட்டியலில் முன்னிலையில் இருந்த பெங்களூரு அணியை எட்டு விக்கெட் வித்தியாசத்தில் வீழ்த்தி அசத்திய பஞ்சாப் அணி, கடந்த ஞாயிற்று கிழமை மும்பை அணிக்கு எதிரான போட்டியில் இரண்டு சூப்பர் ஓவர்களை சந்தித்து வென்று சாதித்தது. நேற்று புள்ளிப்பட்டியலில் முதலிடத்தில் இருந்த டெல்லி கேபிட்டல்ஸ் அணியையும் வீழ்த்தி இருக்கிறது. 

    இனி அவ்வளவுதான் என கருதப்பட்ட கிங்ஸ் லெவன் பஞ்சாப் பீனிக்ஸ் பறவையை போல எழுந்து வந்து மூன்று போட்டிகளில் அடுத்தடுத்து வென்று புள்ளிபட்டியலில் ஐந்தாம் இடத்தை பிடித்திருக்கிறது. இதன் மூலம் பிளே ஆஃப் வாய்ப்பையும் தக்கவைத்திருக்கிறது. 

    இது எப்படி சாத்தியமானது?

    டாஸ் வென்ற டெல்லி அணி பேட்டிங்கைத் தேர்ந்தெடுத்தது. ரிஷப் பந்த், ஹெட்மேயர் உள்ளிட்ட நட்சத்திர வீரர்கள் சேர்க்கப்பட்டனர். அந்த அணியின் துருப்புசீட்டு பந்துவீச்சாளர் அன்ரிச்சுக்கு ஓய்வளிக்கப்பட்டிருந்தது. 

    IPL 2020: Punjab Dhawan's innings, Delhi Capitals

    பட மூலாதாரம், BCCI /IPL

     

    டெல்லி அணியில்  ஷிகர் தவான் சதமடித்தார். ஆனால் அந்த அணி 20 ஓவர்களில் குவித்த ரன்கள் 164 ரன்கள் மட்டுமே. தவானை தவிர  மற்ற பேட்ஸ்மேன்கள் அனைவரும் சேர்ந்து  59 பந்துகளில் 58 ரன்கள் மட்டுமே எடுத்தனர். தவான் 61 பந்துகளில் 106 ரன்கள் எடுத்தார். பஞ்சாப் அணி சார்பில் ஷமி இரண்டு விக்கெட்டுகள் வீழ்த்தினார். 

    ஷ்ரேயாஸ் அய்யர், ரிஷப் பந்த், ஹெட்மேயர், ஸ்டாய்னிஸ், பிரித்வி ஷா என அதிரடி பட்டாளம் இருந்தபோதிலும் அவர்களால் மிகப்பெரிய ரன்களை குவிக்க முடியவில்ல. 

    பஞ்சாப் அணி சேசிங் செய்தபோது அந்த அணிக்கு இதுவரை நன்றாக விளையாடி வந்த தொடக்க வீரர்கள் கே.எல். ராகுல், மயங்க் அகர்வால் இருவரும் சொற்ப ரன்களில் ஆட்டமிழந்தனர். 

    ஆனால் கிறிஸ் துஷார் தேஷ்பாண்டே ஓவரில் பவுண்டரியும் சிக்ஸருமாக விளாசித்தள்ளினார். நான்கு ஓவர்கள் முடிவில் 24 ரன்கள் மட்டுமே எடுத்திருந்த பஞ்சாப் அணி தேஷ்பாண்டே வீசிய ஐந்தாவது ஓவரில் மட்டும் 26 ரன்கள் விளாசியது. அந்த ஒரே ஓவரின் முடிவில்  ஆட்டம் பஞ்சாப் பக்கம் நகரத்துவங்கியது. 

    கெயிலை ரவிச்சந்திரன் அஷ்வின் வீழ்த்தினார். ஆனால் கெயில் விட்ட இடத்தில்  இருந்து மற்றொரு வெஸ்ட் இண்டீஸ் வீரர் நிக்கோலஸ் பூரன் வெளுத்துக்கட்டத் துவங்கினார். அவர் 28 பந்துகளில் ஆறு பௌண்டரி மூன்று சிக்ஸர்  விளாசி அரை சதமடித்து ரபாடா பந்தில் அவுட் ஆனார்.  

    காணொளிக் குறிப்பு எச்சரிக்கை: வெளியார் தகவல்களில் விளம்பரங்கள் இருக்கலாம்

    YouTube பதிவின் முடிவு, 1

    பஞ்சாப் அணிக்கு இதுவரை பேட்டிங்கில் சோபிக்காமல் இருந்த மேக்ஸ்வெல் நேற்று ஓரளவு ரன்கள் சேர்த்தார். பஞ்சாப் அணியின் ரன் குவிக்கும் வேகத்தை பார்க்கும்போது 16, 17 ஓவர்களிலே சேஸிங்கை முடித்துவிடும் என்பது போன்ற சூழல் இருந்தது. ஆனால் மேக்ஸ்வெல்லை ரபாடா வீழ்த்தியதும் ஒரு சிறு பதற்றம் உருவானது. ஆனால் ஜேம்ஸ் நீஷம், தீபக் ஹூடா இணை 19வது ஓவர் முடிவில் இலக்கை எட்டி வென்றது. 

    பஞ்சாப் அணியில் மிடில் ஆர்டர் சிறப்பாக விளையாடிய விதம் அந்த அணிக்கு உத்வேகத்தை அளித்துள்ளது. இந்த போட்டியில் பஞ்சாப் வென்றாலும் தவானுக்கு ஆட்ட நாயகன் விருது வழங்கபப்ட்டது. 

    இந்த போட்டியில் வென்றால் டெல்லி அணி பிளே ஆஃப் வாய்ப்பு உறுதியாகிவிடும் என்ற சூழல் இருந்த நிலையில், மும்பை மற்றும் டெல்லி அணிகளின் சமீபத்திய தோல்விகள் இந்த ஐபிஎல்லில் இன்னும் ஏதேனும் திருப்புமுனை இருக்குமோ என்ற ஆர்வத்தை தூண்டியுள்ளது.

     

    https://www.bbc.com/tamil/sport-54625576

     

  19. இலங்கை: மஹிந்த ராஜபக்ஷவின் 2ஆவது மகன் யோஷித ராஜபக்ஷவுக்கு அரசு பதவி

    20 அக்டோபர் 2020
    புதுப்பிக்கப்பட்டது 5 மணி நேரங்களுக்கு முன்னர்
    யோஷித ராஜபக்ஷ

    பட மூலாதாரம், FACEBOOK

     

    இலங்கை பிரதமர் மஹிந்த ராஜபக்ஷவின் முதலாவது மகன், நமல் ராஜபக்ஷ, அமைச்சரவையில் இளைஞர் மற்றும் விளையாட்டுத்துறை அமைச்சராக பதவி வகித்து வரும் நிலையில், தற்போது அவரது இரண்டாவது மகன் யோஷித ராஜபக்ஷவும் அரசுப் பதவியில் நியமிக்கப்பட்டுள்ளார். 

    தற்போது, மஹிந்த ராஜபக்ஷவின் சகோதரரான கோட்டாபய ராஜபக்ஷ (71), நாட்டின் அதிபராக பதவி வகிக்கிறார். மூத்தவரான மஹிந்த ராஜபக்ஷ, நாட்டின் பிரதமராக இருக்கிறார். 

    மஹிந்த ராஜபக்ஷவின் மூத்த சகோதரர் சமல் ராஜபக்ஷ, நீர்ப்பாசனத்துறை அமைச்சராக இருக்கிறார். 

    மஹிந்த ராஜபக்ஷவுக்கு மூன்று மகன்கள். மூத்தவரான நமல் ராஜபக்ஷ, இளைஞர் மற்றும் விளையாட்டுத்துறை அமைச்சராக பதவி வகித்து வருகிறார். அவரது வரிசையில், இலங்கை கடற்படையில் அதிகாரி ஆக பணியாற்றி வந்த யோஷித ராஜபக்ஷ, பிரதமர் அலுவலகத்தில் ஊழியர் பிரிவு தலைமை அதிகாரியாக (இலங்கையில் பணியாளர் சபை பிரதானி என இப்பதவி அழைக்கப்படுகிறது) நியமிக்கப்பட்டிருக்கிறார். 

    இதற்கு ஏதுவாக தான் வகித்து வந்த இலங்கை கடற்படை அதிகாரி பொறுப்பில் இருந்து அவர் ராஜிநாமா செய்தார்.

    சில தினங்களுக்கு முன்பு, யோஷித ராஜபக்ஷவின் புதிய நியமன அறிவிப்பு தொடர்பான தகவலை, இலங்கையில் உள்ள சீன தூதர் தமது டிவிட்டர் பக்கத்தில் வெளியிட்டு அவருக்கு வாழ்த்து தெரிவித்திருந்தார். 

    இதன் பிறகு, இலங்கையில் இந்த விவகாரம் விவாதத்துக்கு உள்ளானது. இலங்கை கடற்படை அதிகாரியாக இருக்கும் யோஷித, எவ்வாறு பிரதமர் அலுவலக பொறுப்புக்கு நியமிக்கப்படுகிறார் என்று பரவலாக கேள்வி எழுந்தது. 

    இந்த நிலையில், இலங்கையில் இருந்து வெளிவரும் டெய்லி மிரர் நாளிதழுக்கு அளித்த பேட்டியில், இலங்கை கடற்படை பணியில் 14 ஆண்டுகளுக்கும் மேலாக பணியாற்றிய பிறகு தனது ராஜிநாமா கடிதத்தை சில மாதங்களுக்கு முன்பே அளித்திருந்ததாகவும் அது கடந்த 10ஆம் தேதி கடற்படை தலைமையகத்தால் ஏற்றுக் கொள்ளப்பட்டுள்ளது என்றும் யோஷித ராஜபக்ஷ தெரிவித்தார். 

    யோஷித ராஜபக்ஷ

    பட மூலாதாரம், FACEBOOK

     
    படக்குறிப்பு, 

    யோஷித ராஜபக்ஷ

    இதைத்தொடர்ந்து யோஷிதவின் புதிய பதவி நியமனத்துக்கு இலங்கை அமைச்சரவை கடந்த 12ஆம் தேதி ஒப்புதல் வழங்கியிருக்கிறது. பிரதமர் மஹிந்த ராஜபக்ஷ கேட்டுக் கொண்டதையடுத்தே தமது பதவியை ராஜிநாமா செய்து விட்டு அவரது அலுவலகத்தில் புதிய பொறுப்பை ஏற்றுள்ளதாகவும் யோஷித ராஜபக்ஷ தெரிவித்துள்ளார். 

    இலங்கை கடற்படையில் 2006 முதல் 2020ஆம் ஆண்டுவரை பணியாற்றிய யோஷித ராஜபக்ஷ, யுக்ரேனில் உள்ள தேசிய பாதுகாப்பு கல்லூரியில் முதுகலை பட்டம் முடித்தவர். 

    மஹிந்த ராஜபக்ஷ குடும்பத்தில் கிட்டத்தட்ட அனைத்து ஆண்களும் அரசுப் பதவியில் உள்ள நிலையில், அவரது இளைய மகன் ரோஹித ராஜபக்ஷ மட்டும் இன்னும் அரசுப் பதவி ஏதும் வகிக்கவில்லை. 

    பைலட் மற்றும் முன்னாள் ரக்பி விளையாட்டு வீரரான ரோஹித, திருமணமாகி தனது மனைவியுடன் வசித்து வருகிறார். அவருக்கு இரண்டாவது குழந்தை பிறக்கவுள்ளது. 

    பிரதமர் மஹிந்த ராஜபக்ஷவுக்கு விதிகளின்படி இரண்டு அலுவல்பூர்வ அரசு குடியிருப்புகள் உள்ளன. முன்னாள் அதிபர் என்ற முறையில் அவருக்கு விஜேராம பிரதேசத்தில் உள்ள ஒரு இல்லம், பிரதமர் பதவி வகித்து வருவதற்காக அலரி மாளிகையில் ஒரு இல்லம் உள்ளது.

    இதில் அலரி மாளிகையில் தங்கியிருந்த பிரதமர் மஹிந்த ராபஜக்ஷ, விஜேராம பிரதேசத்தில் உள்ள வீட்டுக்கு சென்றார். இந்த நிலையில், அலரி மாளிகையில் ரோஹித ராஜபக்ஷவும் அவரது குடும்ப உறுப்பினர்களும் வசித்து வந்தனர். பிரதமர் அலரி மாளிகையில் தங்கியிருக்காத வேளையில், அவரது மகன் குடும்பத்துடன் அங்கு தங்கியிருப்பது சர்ச்சைக்கு வழிவகுக்கும் என கருதிய அதிபர் கோட்டாபய ராஜபக்ஷ, மஹிந்த ராஜபக்ஷ தங்கியிருக்கும் இல்லத்துக்கே செல்லுமாறு ரோஹித்தவிடம் வலியுறுத்தியதாக தெரிகிறது. 

    நாட்டின் அதிபர் என்றபோதும், கோட்டாபய ராஜபக்ஷ, தனக்கு ஒதுக்கப்பட்ட அதிபர் மாளிகையில் தங்கியிருக்காமல் தொடர்ந்து மிரிஹானவில் உள்ள வீட்டிலேயே வசித்து வருகிறார்.

     

    https://www.bbc.com/tamil/sri-lanka-54617509

     

  20. குடும்ப வன்முறைகளுக்கு காரணமாகும் தொழில்நுட்ப சாதனங்கள் - தீர்வு என்ன?

    • ஷிரோமா சில்வா, தாலியா பிராங்கோ
    20 அக்டோபர் 2020
    குடும்ப வன்முறைகளுக்கு காரணமாகும் தொழில்நுட்ப சாதனங்கள்
     

    இந்தியா மட்டுமின்றி பிரிட்டன் போன்ற பல்வேறு உலக நாடுகளிலும் கொரோனா வைரஸ் பரவலை கட்டுப்படுத்துவதற்காக பொது முடக்கம் அமலானதில் இருந்து, குடும்ப வன்முறை சம்பவங்கள் அதிகரித்த வண்ணம் உள்ளன. குறிப்பாக, இதுபோன்ற நிகழ்வுகளில் தொழில்நுட்ப சாதனங்களின் பயன்பாடு முன்னெப்போதுமில்லாத வகையில் அதிகரித்து வருகின்றன.

    ஸ்மார்ட் ஸ்பீக்கர்கள், இருப்பிடத்தை கண்காணிக்கும் செயலிகள், ஒருவரது கணினி சார்ந்த செயல்பாடுகளை ரகசியமாக கண்காணிக்கும் கீ-லாகிங் மென்பொருட்கள் ஆகியவற்றை கொண்டு பாதிக்கப்பட்டவர்களை துன்புறுத்துவதுடன் அவர்களை நோட்டமிடவும் விஷமிகள் பயன்படுத்தி வருகின்றனர்.

    குடும்ப வன்முறையால் பாதிக்கப்பட்டதாக புகாரளிப்பவர்களில் 70 சதவீதம் பேர், தொழில்நுட்ப சாதனங்களை மையமாக கொண்டு துன்புறுத்தலுக்கு ஆளாக்கப்பட்டதாக "ரெபியூஜி" எனும் தன்னார்வ தொண்டு நிறுவனம் கூறுகிறது.

    இந்த நிலையில், கொரோனா பொது முடக்க காலத்தில் குடும்ப வன்முறைக்கு ஆளான இருவர், தங்களது அனுபவங்களை பிபிசியிடம் பகிர்ந்து கொண்டனர்.

    இருவரது வேண்டுகோளின்படி, அவர்களது பெயர்கள் இந்த கட்டுரையில் மாற்றப்பட்டுள்ளன.

    "அவர் வீட்டை விட்டு வெளியே சென்றபோதுதான், அவர் என்னை கண்காணிக்க ரிங் டோர் பெல் கேமராவைப் பயன்படுத்துகிறார் என்பதை நான் அறிந்தேன்," என்று கேட் கூறுகிறார். 

    அமேசானின் இணையத்துடன் இணைக்கப்பட்ட பாதுகாப்பு சாதனத்தை அவர் குறிப்பிடுகிறார். இது ஒரு வீட்டின் முன்னால் ஏதாவது நடமாட்டம் இருந்தால் உடனடியாக தகவல் அளிப்பதுடன், அதன் நேரலை அல்லது பதிவு செய்யப்பட்ட காட்சிகளை, உலகின் எந்த மூலையில் இருந்தும் காண்பதற்கு வழிவகை செய்கிறது."

     

    "நான் அந்த பாதுகாப்பு சாதனத்தை செயலிழக்க செய்ய முடியும். ஆனால், நான் அவ்வாறு செய்தால், 'நீ குழந்தைகளின் பாதுகாப்பில் சமரசம் செய்து கொள்கிறாய்' என்று அவர் கூறுவார்.

    "இது இப்படியே சென்றால், ஒரு கட்டத்தில் நான் மோசமான தாய் என்று அவர் காவல்துறையில் முறையீடு செய்துவிடுவாரோ என்று நான் அச்சமடைந்தேன்," என்கிறார் கேட்.

    இன்னொரு பெண்ணான சூ, தனது கணவர் அமேசான் வர்ச்சுவல் அசிஸ்டன்ட் கருவியை பயன்படுத்தி எங்கிருந்தோ இருந்தபடி, தனது உரையாடல்களை கண்காணித்து வந்ததாக கூறுகிறார்.

    "அமேசானின் பல்வேறுபட்ட அலெக்சா கருவிகள் எங்களது வீடு முழுவதும் இருந்தன. எனது கணவர் அவையனைத்தையும் இணைத்து ஒரே கணக்கிலிருந்து கண்காணிப்பார். மேலும், அவரால் இவற்றை பயன்படுத்தி வீட்டில் உள்ளவர்களை எளிதாக தொடர்பு கொள்ள முடியும்."

    இது ஒருபுறமிருக்க, கொரோனா பொது முடக்க காலத்தில் ஆண்களும் இதுபோன்ற பிரச்சனைகளை அதிகம் சந்தித்து வருவது தெரியவந்துள்ளது.

    குடும்ப வன்முறைகளுக்கு காரணமாகும் தொழில்நுட்ப சாதனங்கள்
     

    குறிப்பாக, பிரிட்டனில் சென்ற ஆண்டை காட்டிலும் இந்த ஆண்டு ஐந்தாயிரம் கூடுதல் அழைப்புகளை ஆண்களிடமிருந்து பெற்றதாக அந்த நாட்டை சேர்ந்த ஆலோசனை அமைப்பு கூறுகிறது.

    ஆனாலும், இன்னமும் ஆண்களை விட பெண்களே அதிகளவில் வன்முறை மற்றும் துன்புறுத்தல்களினால் பாதிக்கப்படுகின்றனர்.

    பிரிட்டனில் சென்ற ஆண்டு பதிவான 75 சதவீத குடும்ப வன்முறை சம்பவங்களில் பாதிக்கப்பட்டவர்கள் பெண்களே என்று தேசிய புள்ளிவிவர அலுவலகத்தின் சமீபத்திய தரவுகள் தெரிவிக்கின்றன.

    இந்தியாவை பொறுத்தவரை, இந்த ஆண்டின் மார்ச் மாதம் 23ஆம் முதல் ஏப்ரல் 16ஆம் தேதி வரையிலான காலகட்டத்தில் தேசிய பெண்கள் ஆணையத்தால் பெறப்பட்ட குடும்ப வன்முறை சார்ந்த புகார்களின் எண்ணிக்கை இரு மடங்காகி உள்ளதாக செய்திகள் தெரிவிக்கின்றன.

    'மேலாண்மை செய்யும் ஆண்கள்'

    "இதுபோன்ற சம்பவங்களில் குற்றவாளிகளாக இருக்கும் ஆண்களே வீட்டிலுள்ள தொழில்நுட்ப சாதனங்களை வாங்குபவராகவும் அதை நிர்வகிப்பவராகவும் இருக்கின்றனர்" என்று லண்டனை சேர்ந்த பேராசிரியர் லியோனி டான்செர் கூறுகிறார். 

    "இதன் காரணமாக அவர்கள், தங்களது சுற்றுப்புறம் மட்டுமின்றி தொழில்நுட்ப சாதனங்களின் மேலாண்மையிலும் ஆதிக்கம் செலுத்துகின்றனர்" என்கிறார் அவர்.

    பேராசிரியர் லியோனியின் கருத்தை கேட் மற்றும் சூ ஆகிய இருவரும் ஏற்றுக்கொள்கின்றனர்.

    "நான் வீட்டை விட்டு ஓரடி வெளியே சென்றாலும், அவரால் எனது ஸ்மார்ட் வாட்ச் அல்லது திறன்பேசி அல்லது ஐபாட் அல்லது வேறெதாவது தொழில்நுட்ப சாதனத்தை கொண்டு எனது இருப்பிடத்தை அறிய முடியும். எனது வாழ்க்கையிலும் குழந்தைகளின் வாழ்க்கையிலும் எனக்கு குறைவான கட்டுப்பாடு இருப்பதையும், அவர் ஆதிக்கம் செலுத்துவதையும் பார்க்கும்போது, இதிலிருந்து மீண்டுவர வேண்டுமென்று தோன்றுகிறது" என்று சூ கூறுகிறார்.

    குடும்ப வன்முறைகளுக்கு காரணமாகும் தொழில்நுட்ப சாதனங்கள்
     

    "தொழில்நுட்ப நிறுவனங்கள் தங்களது தயாரிப்புகள் எப்படி, எதற்காக பயன்படுத்தப்படுகின்றன என்பதை அறிந்திருக்க வேண்டியது அவசியம்" என்று அவர் மேலும் கூறுகிறார்.

    வாழ்க்கையின் அனைத்து கட்டங்களிலும் தொழில்நுட்பத்தின் பிடி இருப்பதால், அதை கொண்டே குடும்ப வன்முறை உள்ளிட்ட சில பிரச்சனைகளுக்கான தீர்வுகளையும் பெற முடியும்.

    ஆனால், இதுபோன்ற சேவைகளினால் குறிப்பிட்ட நபர் மென்மேலும் துன்புறுத்தலுக்கு ஆளாகும் வாய்ப்புள்ளதாக ரெபியூஜி என்ற தன்னார்வ தொண்டு நிறுவனம் கூறுகிறது.

    "குடும்ப வன்முறையால் பாதிக்கப்பட்டவர்களை பாதுகாப்பதற்காகவும், உதவுவதற்காகவும் திறன்பேசி செயலிகளை உருவாக்கும் பல்வேறு நிறுவனங்களை நாங்கள் பார்த்துள்ளோம். ஆனால், அவை எதற்காக உருவாக்கப்பட்டதோ அதற்கு எதிராக, அதாவது பாதிக்கப்பட்டவர்களின் இருப்பிடம் உள்ளிட்டவற்றை சமரசம் செய்து அவர்களுக்கு மென்மேலும் பிரச்சனைகளை ஏற்படுத்துவதும் உண்டு."

    முன்னெப்போதுமில்லாத வகையில், கொரோனா வைரஸ் நோய்த்தொற்று பரவலின் காரணமாக பலரும் அதிக நேரத்தை வீடுகளில் செலவிடுகின்றனர். இதனால், தொழில்நுட்ப சாதனங்கள் மற்றும் அவற்றிலுள்ள மென்பொருட்கள், சேவைகளை பலரும் பயன்படுத்தும் சூழ்நிலை நிலவுகிறது.

    இதுபோன்ற சூழ்நிலையில், உறவுகளில் பிளவு ஏற்பட்டால் என்னவாகும் என்று செயலிகளை உருவாக்குபவர்கள் நினைத்து பார்க்க வேண்டுமென்று கேட் கூறுகிறார்.

    "பொதுவாக தொழில்நுட்ப கருவிகளில் ஒரேயொரு மின்னஞ்சல் கணக்கை கொண்டே சேவைகள் பயன்படுத்தப்படுகின்றன. அப்படிப்பட்ட நிலையில், உறவில் பிரச்சனை ஏற்பட்டு பிளவு ஏற்படும்போது, இன்னொரு நபர் தனது கணக்கையோ அல்லது சேவைகளையோ பயன்படுத்துவதில் சிக்கல் நேரிடும்" என்று அவர் கூறுகிறார்.

    பாதுகாப்பு என்ற பெயரில் ஏற்படும் சுமை 

    குடும்ப வன்முறைகளுக்கு காரணமாகும் தொழில்நுட்ப சாதனங்கள்

    பட மூலாதாரம், GETTY IMAGES

     

    குடும்ப வன்முறைகளில் தொழில்நுட்பம் பயன்படுத்தப்படுவதற்கான சாத்தியக்கூறுகளை குறைப்பதற்கான பணியில், ஐபிஎம் நிறுவனத்தை சேர்ந்த பாதுகாப்பு வல்லுநர்கள் ஈடுபட்டனர்.

    தங்களது ஆய்வின் மூலம் தெரியவந்த விடயங்களை கொண்டு, மற்ற தொழில்நுட்ப சாதனங்கள் மற்றும் மென்பொருள் நிறுவனங்களுக்கான வடிவமைப்பு கொள்கைகளை அவர்கள் வெளியிட்டுள்ளனர்.

    தொழில்நுட்ப சாதனங்கள் மற்றும் சேவைகளை அளிக்கும் நிறுவனங்கள் தங்களது தயாரிப்பின் விளைவுகளை குறித்து சிந்திக்க வேண்டும் என்பதைவிட அவற்றால் இலக்கு வைக்கப்படுபவர்கள் அதன் இயக்கம் குறித்த விழிப்புணர்வை பெற்றிருக்க வேண்டியது அவசியமென்று அடிக்கடி வலியுறுத்தப்படுவதாக அது கூறுகிறது.

    இதுதொடர்பாக பிபிசியிடம் பேசிய ஐபிஎம்மின் லெஸ்லி நுட்டால், "தொழில்நுட்ப கருவிகள் அல்லது சேவைகளின் பாதுகாப்பில் உள்ள சுமை அதன் பயன்பாட்டாளரின் தோள்களில் இருக்கக்கூடாது என்று நாங்கள் நம்புகிறோம். எனவே, நிறுவனங்கள் தங்களது தயாரிப்புகளை வடிவமைப்புக்கும்போதே சில பொறுப்புகளையாவது ஏற்றுக்கொள்ள வேண்டும்" என்று அவர் கூறுகிறார்.

    வீட்டிலுள்ள தொழில்நுட்ப சாதனங்களை தொலைதூரத்திலிருந்து இயக்கும்போது அதுகுறித்த எச்சரிக்கை ஒலி அந்த சாதனத்திலிருந்து எழுப்பப்பட வேண்டுமென்றும், மேலும் அதன் செயல்பாட்டை நிறுத்துவதற்கான வசதியும் கொடுக்கப்பட வேண்டுமென்றும் அவர் கூறுகிறார்.

    "வீட்டிலுள்ள அனைத்து நபர்களும் ஒருவருக்கொருவர் தகவல்களைப் பகிர்ந்து கொள்வதில் மகிழ்ச்சியடைகிறார்கள் என்ற கருத்தின் அடிப்படையில் நிறைய தொழில்நுட்ப சாதனங்கள் வடிவமைக்கப்படுகின்றன. ஆனால் இந்த மகிழ்ச்சியான சூழ்நிலை குடும்ப வாழ்க்கையில் பல வேறுபாடுகள் இருப்பதை அங்கீகரிக்கவில்லை" என்று அவர் கூறுகிறார்.

    குழந்தைகளின் பாதுகாப்பை உறுதிசெய்ய பெற்றோர்கள் பலர் ஒருங்கிணைந்த செயலிகளை பயன்படுத்துகின்றனர். இதுபோன்ற செயலிகள் எண்ணற்ற தகவல்களை பகிர்வதால் சில வேளைகளில் அவை தவறாக பயன்படுத்தப்பட்டு உறவுகளில் விரிசல்களை ஏற்படுத்துகின்றன.

    "இதுபோன்ற செயலிகளை பயன்படுத்துபவர்கள் தங்களது தொழில்நுட்ப சாதனங்களில் பல சிறுசிறு தகவல்களை ஒருவருக்கொருவர் அணுக முடிவது பிரச்சனைகளுக்கும் வித்திடுகிறது. ஒருவேளை இது மற்றவர்களை துன்புறுத்தும் ஒருவரிடம் கிடைத்தால், திறன்பேசியில் பேட்டரி இல்லை என்று எளிதில் பொய் சொல்லிட்டு அவரிடமிருந்து தப்பிவிட முடியாது" என லெஸ்லி கூறுகிறார்.

     

    https://www.bbc.com/tamil/science-54599833

     

  21. கிழக்குப் பல்கலைக்கழகத்தின் கலை கலாசார பீடத்தின் ஆய்வு மாநாடு

    DicksithOctober 20, 2020
     

    watermarked-BeFunky-collage%2B%252878%2529.jpg
    (எம்.ஜி.ஏ நாஸர்)
    கிழக்குப் பல்கலைக்கழகத்தின் கலை கலாசார பீடத்தின் இவ்வருடத்திற்கான ஆய்வு மாநாடு இன்று பல்கலைக்கழக மட்டக்களப்பு- வந்தாறுமூலை வளாகத்தில் நடைபெற்றதாக எமது பிராந்திய செய்தியாளர் எம்ஜிஏ நாஸர் அறிவித்துள்ளார்.

    நாட்டின் பல்வேறு பகுதிகளையும் சேர்ந்த கிழக்குப் பல்கலைக்கழகத்தின் விரிவுரையாளர்கள் மற்றும் மாணவர்களினால் பிரதேச அபிவிருத்தி மற்றும் சமூக மேம்பாடு எனும் கருப்பொருளில் எழுதப்பட்ட 32 கட்டுரைகள் இம்மாநாட்டில் ஆய்வுக்காக சமர்ப்பிக்கப்பட்டிருந்தன.

    பீடாதிபதி கலாநிதி ஜே. கென்னடி தலைமையில் நடைபெற்ற இம்மாநாட்டில் துணைவேந்தர் பேராசிரியர் எப்.சி. ராகல் பிரதம அதிதியாகக் கலந்துகொண்டார்.

    அமெரிக்க மிஷன் இணைப்பாளர் கலாநிதி தர்சன் அம்பலவாணர் இங்கு திறப்புரையாற்றினார்.

    கலை, கலாசாரம், மொழி, சமயம் மற்றும் அரசியல் உள்ளிட்ட பல துறைகள் சார்ந்த கட்டுரைகள் இம்மாநாட்டில் சமர்ப்பிக்கப்பட்டிருந்ததாக மாநாட்டின் செயலாளர் முதுநிலை விரிவுரையாளர் எஸ். சந்திரகுமார் தெரிவித்தார்.

    watermarked-5.jpg

     

    watermarked-2.jpg

     

    watermarked-1.jpg

     

    watermarked-3.jpg

     

    watermarked-4.jpg
     
  22. புளாட் வதை முகாமில் நான் - சீலன் ("வெல்வோம்-அதற்காக" - பகுதி 9)

    spacer.png

     

    புளாட் அமைப்பை விமர்சித்த எங்களை புலி என்றனர், துரோகி என்றனர்...

    எத்தனையோ அராஜகங்கள் தவறுகள் புளாட் முகாம்களில் நடந்து கொண்டிருந்தது. நாம் அதை புளாட்டின் வளர்ச்சிக்காக, தவறுகளைக் களைவதற்காக கழக உயர்மட்டத்தினருக்கு எம் அறிக்கை மூலம் முன்வைத்தோம். அதனால் எமது உயிருக்கு ஆபத்து வரும் என்றும் உணர்ந்திருந்தோம். தீப்பொறியினரைப்போல தமது உயிர்களுக்கு பாதுகாப்புத்தேடி, கழகத்தில் இருந்து தப்பிஒடியதைப் போன்று நாம் செய்யவில்லை. மாறாக எமது உயிர்களைப் பணயம் வைத்ததே அப்போராட்டத்தை முன்னெடுத்தோம். எமது அன்றைய அரசியல் வளர்ச்சியின் அடிப்படையில் எது எமக்குச் சரியாகப்பட்டதோ, அதைச் செய்தோம்.

    இங்கு முக்கியமாகக் கவனிக்க வேண்டிய விடையம், "தீப்பொறியாக" கழகத்திலிருந்து பிரிந்து சென்றவர்கள், நாம் மகஜர் அனுப்பும் காலத்தில் அமைப்பில் உயர்ந்த பதவிகளில் இருந்தனர். அவர்கள் தமது விசுவாசத்தை, தலைமைக்கு காட்டிய வண்ணம் இருந்தனர். அத்துடன் அவர்கள் எம்முடன் சேர்ந்து போராடாது, எமது போராட்டத்தை ஒடுக்க முன்னெடுக்கப்பட்ட திட்டத்திற்கு துணைபோனர்கள். காரணம் எமக்கு அதரவு தந்தால், தாங்கள் இரகசியமாக வெளியேறத் தீட்டியிருந்த திட்டம் அம்பலப்பட்டு விடுமே என்ற சுயநல சிந்தனையேயாகும்.

    எமது மகஜரை எழுதுவதில் முன்னணியாக நின்ற தோழர்கள், ஒரே இடத்தில் படுப்பதில்லை. முன்பு எதிரிகளுக்காக முகாமைச்சுற்றி பாதுகாப்பது பணி செய்வது வழக்கம். ஆனால் இந்த போராட்டம் ஆரம்பமானவுடன், கழகத்தினரால் எமக்கு பாதிப்பு ஏற்படும் என்ற அச்சத்தினால் முகாமைச் சுற்றிப் பாதுகாப்பு போட்டோம். "பாதுகாப்பு" என்றவுடன் நாங்கள் ஆயுதங்கள் வைத்திருந்தோம் என நீங்கள் நினைக்கலாம். இல்லை, இல்லவேயில்லை. எம்மிடமிருந்தது, கொட்டான் தடிகள் மட்டுமே. எமது முகாமில் இன்னுமொரு கூடாரம் அமைப்பதற்காக, காடுகளுக்குச் சென்று மரங்கள் வெட்டி வைத்திருந்தோம். அந்த மரங்களைத் தான், நாம் கொட்டான்களாக வெட்டி வைத்திருந்தோம்.

    எமது மகஜரை எடுத்துச் சென்ற ஜிம்மி, உதயன் இருவரும் அதைக் கொடுத்து விட்டு திரும்பி வந்தால், மீண்டும் ஓரத்த நாட்டுக்கு போக அவர்களை விடமாட்டோமென அவர்களிடம் கூறினோம். எமது முகாமில் ஒரு முக்கியமான நடைமுறை கையாளப்பட்டது. எந்த விடையமாக இருந்தாலும், அது பொதுச் சபையில் பகிரங்கமாகக் கூறப்பட்டு விவாதித்து முடிவெடுப்பது என்பதுதான் அந்த நடைமுறை . இதனடிப்படையிலேயே, பொதுச் சபையின் முடிவிற்கேற்ப அவர்களிடம் திரும்பிப் போக முடியாது என்ற விடயத்தை கூறியிருந்தோம்.

    ஆனால் நடந்ததோ வேறு, மகஜரைக் கொண்டு போனவர்கள் வந்தால் தானே! இரவு வழமையாக திரும்பி வருபவர்கள், அன்று வரவில்லை. இதனால் எமக்குள் சந்தேகம் எழுந்தது. இரவு நேர ஒன்று கூடலில் இதைப்பற்றி விவாதித்தோம். மறுநாள் காலையில் கூட எந்த எதிர்ப்போ அல்லது தகவலோ தலைமையிடமிருந்து வரவில்லை.

    இதனால் ஒரு சில தோழர்கள் நாம் கொடுத்த மகஜரை இவர்கள் ஏற்றுக்கொண்டு, விவாதித்து நல்ல பதிலை தரப்போகின்றார்கள் என்று நம்பிக்கை தெரிவித்தனர். இன்னும் சிலர் இல்லை, அவர்கள் எதுவும் தரமாட்டார்கள் என்றனர். அத்துடன் அவர்கள் எமது முகாமை மூடிவிடுவார்கள் என்றனர். இப்படி கூடலின்போது இதை விவாதித்ததுடன், முகாமை மூடினால் என்ன செய்வது என்ற கோள்வியையும் முன்வைத்தனர் சிலர். தலைமை சரியான பதில் தராத பட்சத்தில், நாம் முகாமை விட்டு புறப்பட்டு ஊர்வலமாக ஓரத்த நாட்டுக்கு செல்வதென்றனர் ஒரு சிலர். மற்றவர்கள் நாம் தமிழ்நாடு காவல் துறையில் இது தொடர்பாக முறையிடுவது என்ற கருத்தை முன்வைத்தனர்.

    இதில் நான் ஊர்வலமாகப் போவது தான் நல்லது என்று விவாதித்தேன். விவாதம் நீண்டதால் வழமைக்கு மாறாக நீண்டநேரம் எல்லோரும் விழித்திருந்தோம். தொடர்ச்சியாக நடந்த விவாதத்தில், தலைமையிடமிருந்து இருந்து ஒரு கிழமைக்குள் பதில் வராத பட்சத்தில் மட்டுமே ஊர்வலம் போவது என்று முடிவிற்கு வந்தோம். நாம் வழமையான இடங்களில் படுப்பதை தவிர்த்ததால், நான் முகாமின் ஒரு மூலையில் சென்று உறங்கினேன்.

    யாரோ ஒருவர் காலால் எனது காலை மிதித்து எழும்பு என்றார். நான் எழுந்ததும், நீதானே காந்தன் என்றார். நானும் ஆம் என்றேன். அவரின் கையில் ஏ.கே-47 துப்பாக்கி இருந்தது. சரி பெனியனைப் போட்டுக் கொண்டு வா என்று கூறினார். அவரின் கையில் இருந்த துப்பாக்கியைப் பார்த்ததும் எம்முகாமை தலைமையின் அடியாட்கள் கைப்பற்றிவிட்டார்கள் என உணர்ந்தேன். எனது பெனியனைக் தேடத் தொடங்க, மறுபடியும் அந்த நபர் கத்தினான். அருகில் இருந்த தோழர் டிஸ்கோவின் பெனியனை எடுத்து போட்டுக்கொண்டு அவருடன் பின் தொடர்ந்தேன். அந்த நபர் என்னை ஒரு வண்டி நிறுத்தியிருந்த இடத்திற்கு அழைத்துச் சென்றார். அங்கு சென்றபோது சில தோழர்கள் தரையில் குப்புறப்படுக்க வைக்கப்பட்டிருந்தனர். என்னையும் அவர்களுடன் அதில் போய்ப்படு என்றதுடன், ஒருவருடனும் கதைக்கப்படாது, எனவும் மிரட்டினான் கையில் ஏ.கே-47 துப்பாக்கி வைத்திருந்தவன்.

    அப்போது யார் யாரெல்லாம் எனக்கு அருகில் வரிசையாகப் படுத்திருந்தனர் என மட்டுக்கட்ட முடியவில்லை. கொஞ்சம் தலை அசைத்தாலும், பெரிய சத்தத்துடன் தலையை அசைக்க வேண்டாம் என்றனர் அங்கு எம்மை துப்பாக்கி முனையில் குப்புறப்படுக்க கட்டளையிட்டோர் . இன்னும் ஒருசிலரையும் எமக்கு அருகில் குப்புறப்படுக்குமாறு கட்டளையிட்டார்கள். சில மணித்தியாலங்களின் பின்னர் எம்மை அங்கே நின்ற வண்டியில் ஒவ்வொருவராக ஏற்றினர். முதலில் குப்புறப்படு எனக் கூறியவர்கள், இப்போது வாகனத்தில் இடப்பற்றாக் குறையால் எழுந்து அமர்ந்திப்பதுடன் தலையைக் குனிந்தபடி இருக்க வேண்டும் என பணித்தார்கள்.

    வண்டி புறப்படத் தொடங்கியது. எம்மைச் சுற்றி நால்வர் ஆயுதங்களுடன் காவலுக்கு நின்றனர். அவர்கள் அனைவரும் பாலஸ்தீன விடுதலை இயக்கம் ஒன்றில் பயிற்சி முடித்துவிட்டு வந்திருந்தவர்கள். நான் ஒருவாறு என்னுடன் யார் யாரெல்லாம் கைது செய்யப்பட்டிருகிறார்கள் எனத் தெரிந்து கொள்ள முயன்றேன் .எனக்கு அருகாமையில் விஜி என்ற தோழர் இருந்தார். அவர் தேனி முகாமில் பயிற்சி எடுத்தவர். வண்டி குறிப்பிட்ட நேரம் ஓடியபின் ஓர் இடத்தில் நிறுத்தப்பட்டது. எங்களை ஒவ்வொருவராக ஒரு அறைக்குள் அழைத்துச் சென்றனர்.

    அப்போதுதான் யார் யார் என்னுடன் வந்தார்களென முழுமையாக அறியமுடிந்தது. அதாவது மகஜர் எழுதுவதற்கு முன்னின்றவர்களும், அது பற்றிய விவாதத்தில் அதிகமாக கதைத்தவர்களும் தான் கைது செய்யப்பட்டிருந்தனர். எம்முடன் தோழர் தங்கராஜாவும் இணைக்கப்பட்டிருந்தார்.

    அங்கே எம்மை மீரான் மாஸ்டர் விசாரித்தார். மீரான் மாஸ்டர் என்ற பிரபலமான கொம்மியுனிஸ்ட் தலைவரின் மகன் அன்றைய காலத்தில் புளொட்டின் வெளி உளவுப்படைக்கு பொறுப்பாக இருந்தார். என்னிடம் அவர் கேட்ட கேள்வி, உனக்கும் புலிக்கும் தொடர்பு இருக்கிறதா?

    நான் பயந்தவாறு இல்லை என்றேன். அப்படியானால் யாருடைய தூண்டுதலில் இதைச் செய்தாய் என்றார். இது வெளியார் ஒருவருடைய சதியும் அல்ல. இது எமது முகாமில் நாம் கூட்டாக எடுத்த முடிவு என்றேன். 

    நீ எமது இயக்கத்தை ஒழிக்க வந்திருக்கின்றயா? இல்லை என்றேன்.

    உனக்கும் சந்ததியாருக்கும் என்ன தொடர்பு? நான் ஒன்றும் இல்லை என்றேன். 

    என்னைப் பக்கத்துக்கு அறைக்குப் போகும்படி மீரான் மாஸ்டர் கட்டளையிட்டார். எமது முகாமில் கைது செய்யப்பட்டவர்களில் ஒன்பது பேர். நான், விஜி, அன்ரனி, கே.ஆர். விஜயன், சோசலிசம் சிறி, ஆனந்தன், சண், சலா, ஜெகன் ஆகியோர் ஓர் அறைக்குள் தள்ளப்பட்டோம். ஏனையோர் அந்த அறைக்குள் வரவில்லை. சிறிது நேரத்தில் எம்மை ஏற்றி வந்த வண்டி ஓட்டுனர், அந்த அறைக்குள் பொருட்கள் எடுப்பதற்காக வந்தார். அவரை வெள்ளை அண்ணை என்று அழைப்போம். அவரை எனக்கு நன்கு தெரியும். அவர் என்னைக் கண்டதும், ஒரு பரிதாபமாக என்னைப் பார்த்தார். "ஏன் உனக்கு உந்தத் தேவையில்லாத வேலை" எனக் கூறியபடி, தனக்கு தேவையான பொருட்களை எடுத்துச் சென்றார்.

    தொடரும்

     

    http://poovaraasu.blogspot.com/2020/10/9_18.html

     

  23. திருமணம் செய்தவர்க்கான காதல் கவிதைகள்

     -ஜோன் கென்னி

    (தமிழாக்கம்: டிசே தமிழன்)

     

    நீ அதற்கான மனோநிலையில் இருக்கின்றாயா?
    ………………………………….

    நான் இருக்கின்றேன்.
    பிள்ளைகளை நித்திரைக்கு அனுப்பு.
    இலேசான ஓர் இரவுணவு.
    குளியல்.
    அவ்வளவு போதையேறாத குடி.
    அத்துடன் வேறு எவருடனும் செய்வதைவிட உன்னோடு செய்ய விரும்பும்அந்த 'விடயம்'
    படுக்கையில் சாய்ந்தபடி எங்களின் -போன்களைப் பார்ப்பது.

     

    http://kanali.in/john-kenney-poems/?fbclid=IwAR1HWFpg-uTF2Dtg1QHtQNtyEkD_KNTXwSETDaYd_LPYOVDGDlqBoOejNW4

     

     

     

  24. 2 hours ago, goshan_che said:

    இங்கேயும் இப்படி ஒரு விசித்திர கூட்டம் தெற்காசியர்கள், கறுப்பர்கள் பிரெக்சிற்றுக்கு வோட் போட்டது.

    நானும் பிரெக்சிற்றுக்குத்தான் வோட் போட்டேன்.🤗

    டேவிட் கமரோன் தேவையில்லாமல் referendum வைத்ததற்கு எதிர்ப்பைக் காட்டவும், எப்பவும் “வெல்லாத பக்கம்” 😱 வோட் போடவேண்டும் என்ற “கொள்கை”க்காகவும், கிழக்கு ஐரோப்பியர் போனால் இலண்டனில் வீடு விலை குறையலாம் என்ற நம்பிக்கையும் காரணங்கள். ஆனால் கிடைத்தது பொரிஸ் ஜோன்சனும், ஜேக்கப் ரீஸ்மொக்கும்😱😱😱

    மீசையில் மண்படக்கூடாது என்பதற்காக வேலைத்தளத்தில் ஜேக்கப் ரீஸ்மொக்தான் எனது அரசியல் ஆசான் என்று சொல்லிவைத்துள்ளேன்😜😜😜 எங்கள் கம்பனியில் COO ஆக இருந்தவர் பொரிஸ் வெல்ல முக்கிய பங்காற்றியவர் என்பதால் சிலர் திருப்பி ஒன்றும் சொல்லவில்லை. ஆனால் ஒரு இந்திய நண்பர் “கார்டியன் வாசிக்கும் நீ எப்படி பிரெக்சிற்க்கு வோட் பண்ணினாய்” என்று அடிக்கடி சிரிப்புடன் கேட்பார்😂🤣

     

     

  25. மொழிபெயர்ப்புச் சிறுகதை : மூன்று வேண்டுகோள்கள் – குமாரி (தமிழில் – எம். ரிஷான் ஷெரீப்)

    Poster-2.jpg

     

    ஒவ்வொரு விதமாக வேண்டுகோள்களை முன் வைக்க முடியும். அவற்றுக்கான மறுமொழிகள் – அவை மிகவும் மாறுபட்டதாகவும் அமையலாம் இல்லையா? வேண்டுமென்றால் கைவிட்டுவிடவும், கண்டு கொள்ளாமலிருக்கவும் கூட முடியும்.

    இவை மூன்று தாய்மார்களின் வேண்டுகோள்கள்…

    I

    spacer.png

    என்டயா? என்ட பேர் ஸ்ரீநாச்சி. காவன்னா ஸ்ரீநாச்சி. என்ட பேர்ல என்ன இருக்கப் போகுது? மனுஷனா வாழச்சுதந்திரம் இல்லண்டா பேருல மட்டும் என்ன பயனிருக்கப் போகுது? மண்ணோட முட்டி மோதி ஏலுமான விதத்தில எதையாவது வேக வச்சுத் திண்டுபோட்டு யாருக்கும் எந்தத் தீங்குமில்லாம சீவிச்சு வந்த சனங்கள் நாங்கள். தெரிஞ்ச காலத்துல இருந்து யுத்தத்தால அடி வாங்குறம். ஆனா எல்லாரும் எங்களுக்காகத்தான் யுத்தம் செய்யுறமெண்டு சொல்றாங்கள். வீடு வாசல், பயிர் பச்சைகள், ஆடு மாடுகள் எல்லாம் எத்தனை தடவைதான் இல்லாமப் போச்சுது. உடுத்திருந்த உடுப்புகள் மட்டும் மிஞ்சியிருந்த நேரங்களும் இருந்தது.

    ஆனா நாங்க யாரிட்டயும் எதையும் கேட்டுப் போனதில்ல. யாரையும் குத்தம் குறை சொல்லேல்ல. எங்களால இயலுமான விதத்துல எங்கட காரியங்களைச் செஞ்சு கொண்டம். வளர்ந்து கல்யாணம் கட்டி பிள்ளை பெத்தம். பிள்ளைகள நல்லாப் படிக்க வச்சு நல்லொரு இடத்துக்கு அனுப்ப வேணுமெண்டது மட்டும்தான் எங்கடை வாழ்க்கைல இருந்த ஒரே ஆசை. ஆனா, பார்க்கப் போனா பிள்ளையளுக்கெண்டு இருந்தது எங்களோடதையும் விட மோசமான காலம்.

    எனக்கு நாலு பிள்ளையள். ஒரேயொரு மகன். அந்தப் பெடியனும் படிக்க நல்லாப் பாடுபட்டான். ஐயோ… எண்டாலும் என்ன செய்யுறது? எல்லாம் கரைஞ்சு போச்சுது. பெடியனை பலவந்தமாக் கடத்திக் கொண்டு போயிட்டினம். கொண்டு போய் இப்ப ஒரு வருஷத்துக்கும் மேலாகுது. காலையிலேயே ஸ்கூலுக்குப் போயிட்டு வந்தவன், பகலைக்கு போட்டு வச்சிருந்த சோத்தைக் கூடச் சாப்பிடாம ‘அம்மா நான் ட்யூஷனுக்குப் போயிட்டு வந்து சாப்பிடுறன்’ எண்டு சொல்லிட்டு மாலை வகுப்புக்குப் போனான். களுவாஞ்சிக்குடிக்குத் திரும்புற இடத்துல ஒரு ட்யூஷன் வகுப்பு இருக்கல்லோ? அதுக்குத்தான். அந்த வகுப்பு முடிஞ்சு இன்னொரு பெடியனோட சைக்கிள்ல வீட்டுக்கு வர வந்தானாம். அந்தி நாலரைக்குப் போல ரெண்டு பேரையுமே சைக்கிளோட கொண்டு போயிட்டினம். மற்றப் பெடியனையெண்டா கொஞ்ச நாட்கள்லயே திருப்பி அனுப்பிட்டினம். அந்தப் பெடியனோட அம்மா, அப்பாக்குத் தெரிஞ்சவையள் பெரிய பதவிகள்ல இருக்கினமாம். எங்கடை பெடியன எனக்குத் திரும்பக் காணக் கிடைக்கவேயில்ல.

    அதுதான் உங்களிட்ட ஒரு உதவி கேட்டு வந்தனான். முடியாதெண்டு மட்டும் சொல்லிடாதீங்கோ. அந்த உதவியை எனக்கு எப்படியாவது செஞ்சு தாங்கோ. பெடியனைப் பார்க்கப் போக காசு கொஞ்சம் தாங்கோ. சும்மா வேண்டாம். கடனாத் தாங்கோ. நான் முடிஞ்சளவு கெதியா திருப்பித் தருவன். நானே காசுழைச்சுச் சேமிச்சுப் பார்க்கப் போறதெண்டால் அதுக்கு கனக்க நாளாகும். நிறைய யோசிச்சுப் பார்த்துத்தான் கடைசியா நான் இந்த முடிவை எடுத்தனான். நாங்க ஒருக்கிலும் ஒருத்தரிட்டையும் கையேந்திய ஆட்களில்ல. பெடியன்ட முகத்தைப் பார்க்குறதுக்குத்தான்… இல்லாட்டி பட்டினி கிடந்து செத்தாலும் கூட இப்படிக் கேட்டு வர மாட்டன். தப்பா நினைக்காதீங்கோ. ஊரில ஒருத்தரிட்டயும் இப்படிக் கேட்க என்னவோ மாதிரிக் கிடக்கு… அடுத்தது, ஊரிலையும் எல்லாரும் எங்களைப் போலத்தான். எல்லாரும் ஒரே நிலைமைக்கு விழுந்துட்டினம்.

    பெடியனை இஞ்சயே கண்டிருந்தா பிரச்சினை ஒண்டுமில்லதான். ஆனா அதைச் செய்ய முடியாமப் போயிட்டுது. கொண்டு போன நாள்லருந்து ஓரோரிடமா அலைஞ்சு திரிஞ்சனான். பேரைச் சொல்லிக் கேட்டால் அப்படியொருத்தரை எங்களுக்குத் தெரியாதெண்டுதான் எல்லாரும் சொன்னவங்கள். பிறகுதான் காரணம் தெரிஞ்சது. பிள்ளையளக் கொண்டு போன உடனே பேரை மாத்தி புதிய புதிய பேர்களை வைப்பாங்களாம். அதனால புதுசா சந்திக்குற ஆட்களெல்லாருக்குமே அந்தப் பிள்ளையள புதிய பேர்களக் கொண்டுதானே தெரியும்? என்ட பெடியனுக்கு ஒரு அழகான பேர் இருந்துச்சுது. அந்தப் பேரைக் கூட நாந்தான் வச்சனான். எண்டாலும் பெடியன் உசிரோட இருக்கும்போதே அந்தப் பேரால ஒரு பிரயோசனமும் இல்லாமப் போயிட்டுது. அதனாலதான் பேரால என்ன பயனிருக்கப் போகுதெண்டு நான் உங்களக் கேட்டனான். அதாலதான் என்ட பெடியனை இன்னும் கண்டுபிடிக்க முடியேல்ல. பெடியன் இருந்த இடங்களுக்கும் போயிருப்பன். ஆனா முகத்தைக் கூடப் பார்க்கக் கிடைக்கேல்ல. அம்மாவும் கை விட்டுட்டாளெண்டு பெடியன் நினைச்சுக் கொண்டிருப்பானோ தெரியாது. அதனாலதான் பெடியனுக்கு ஏதெண்டாலும் பிரச்சினை வர முன்ன அவனைப் பார்க்க வேணும்.

    spacer.png

                   யாருக்குத் தெரியும்? போர் வன்னிக்கும் போகப் போகுதெண்டு எல்லாரும் சொல்றவங்கள். அப்படியெண்டால் என்ட பெடியனும் யாருமில்லாத அநாதை மாதிரிதானே சாக வேண்டி வரும். என்ட பெடியன் புலியில்ல. இஞ்ச போர்க்காலத்துல பிள்ளையள் எல்லாரையும் பிடிச்சு வன்னிக்குக் கொண்டு போயிட்டினமாம். என்ட பெடியனை மாதிரி பலவந்தமா பிடிச்சுக் கொண்டு போன, அம்மா வாற வரைக்கும் காத்துக் கொண்டிருக்கிற பிள்ளையள் எத்தனை இருப்பினம் அங்க? செத்துக் கூடப் போயிருப்பினம். கடைசில புலியெண்டு சொல்லி டீவிலயும் காட்டியிருப்பினம். எங்கட தூரத்துச் சொந்தங்காரப் பதினெட்டு வயசுப் பெடியனொருத்தன கடத்தி வன்னிக்குக் கொண்டு போனவங்களாம். அந்தப் பெடியன் அங்க செத்துப் போயிட்டான். அநாதைப் பொணம் மாதிரி மண்ணுல புதைச்சுப் போட்டிருக்கினம். ஐயோ… அந்த அம்மா எப்படித் தாங்குவாள்? கஷ்டம் துன்பங்கள் அனுபவிச்சு பிள்ளைகளைப் பெத்து வளர்க்குறது இப்படி ஊர் பேர் தெரியாத இடங்கள்ல அநாதைப் பொணம் மாதிரி புதைக்கப்படுறதுக்கா? எனக்குக் கெதியாப் போக வேணும். ஒரு தடவை பெடியனோட முகத்தப் பார்த்து அம்மா அவனுக்கெண்டு இருக்குறத அவன் உணர்ந்தது எனக்கு விளங்கினா… எனக்கு அது போதும்.

    பிள்ளையளப் பெத்து வளர்த்து ஆளாக்கி கடைசி காலத்துல நிம்மதியா இருக்கலாமெண்டு பார்த்தா, இப்ப நடக்குறதையெல்லாம் கனவுல கூட நெனச்சுப் பார்த்திருந்தமா? இப்ப இந்தப் பகுதியில புலி இல்லாததால எல்லாரும் சுதந்திரமா நிம்மதியா இருக்குறமெண்டு டீவியில பெரிய பெரிய ஆட்களெல்லாம் சொல்லினமாம். அப்படி எப்படி எங்களுக்கு நிம்மதி கிடைக்கும்? நிம்மதி கிடைக்க எங்கடை பிள்ளையள் வீட்ட திரும்பி வர வேணுமே. எங்கட பிள்ளையளப் பத்தி யாருமே எங்கேயுமே கதைக்கேல்ல. பிள்ளையள வந்து சரணடையச் சொல்லியெண்டா சொன்னவங்களாம். அத அவ்வளவு லேசாச் செய்ய ஏலுமெண்டாத்தான் எத்தனை பேர் அங்க எஞ்சியிருப்பினமோ தெரியாது. அடுத்தது… இஞ்ச நாங்க நிம்மதியா இருக்க வேணுமெண்டா பிள்ளையள பலவந்தமா பிடிச்சுக் கொண்டு போறது நிறுத்தப்பட வேணும்தானே? அதுவும் நடக்கேல்ல. போன கிழமையும் எங்கடை ஊரிலயே மூணு பிள்ளையளக் கடத்திக் கொண்டு போயிட்டினமாம். இந்தத் தடவை கருணா பார்ட்டியாம். இனி எங்க நிம்மதியோ, விடுதலையோ இருக்குது? அந்த டீவியில கதைக்குற ஐயாக்களுக்கு இதெல்லாம் தெரியாதோ? இல்லையெண்டா தெரிஞ்சு கொண்டு தெரியாத மாதிரி இருக்கினமோ? எங்களுக்கு எப்படி இதெல்லாம் விளங்கும்? இதைத் தேடிப் பார்க்கிறதாலயும் பிரயோசனமும் ஒண்டுமில்ல. நாங்க பாடுபட்டு உழைச்சாத்தான் எங்கடை பிள்ளையளுக்கு ஒரு வேளையாவது சாப்பாடு கொடுக்கலாம்.

    பெடியனைப் பார்க்க வேணுமெண்டால் வவுனியாவுக்குப் போய் சில நாட்கள் தங்க வேண்டி வரும். அனுமதி கிடைக்குற வரைக்கும் லொட்ஜொண்டுல இருக்க வேணும். கடையிலதான் சாப்பிட வேண்டி வரும். எல்லாத்துக்கும் காசுதானே தேவை. வன்னிக்குப் போனாலும் ‘இதோ இருக்குறார் அம்மாட பிள்ள. பார்த்துட்டுப் போங்கோ’ எண்டு யாரும் பிள்ளையை என்கிட்ட கொண்டு வந்து காட்டுவினமோ? இல்லையே. பிள்ளை இருக்குற இடத்தத் தேடிக் கண்டுபிடிக்க நானேதான் அங்க இஞ்ச அலைய வேண்டியிருக்கும். எண்டாலும் எப்பவாவது பிள்ளைய இந்த ரெண்டு கண்ணாலயும் கண்ட பிறகுதான் நான் திரும்பி வருவன். அதுக்கு ஏழெட்டு நாளாவது எடுக்குமெண்டு நினைக்குறன். அதுக்குக் கூடவும் ஆகலாம். எல்லாத்துக்கும் தயாராத்தான் போக வேணும். அதுக்கு நிறையக் காசு கையில வச்சிருக்க வேணுமே. அத்தோட பிள்ளைக்கு சாப்பிடப் பிரியமான எதையாவது கொஞ்சக் காலம் கெடாமல் வச்சுக் கொள்ற மாதிரி சமைச்சு எடுத்துக் கொண்டும் போக வேணும். அதனாலதான் இஞ்ச வாறதுக்கு மனச தயார் படுத்திக் கொண்டனான். தானமா மட்டும் காசைக் கொடுக்காதேயுங்கோ எனக்கு. அடுத்தவங்களோட உழைப்புல சம்பாதிச்ச காச தானமா வாங்கிப் பழக்கமில்ல எங்களுக்கு ஒருக்கிலும். கடனாக் கொடுங்கோ. கெதியாத் திருப்பிக் கொடுப்பன்.

    இப்பயெண்டா எனக்கும் தோணுதுதான். கடவுளே! எதுக்கு நாங்க பிள்ளையளப் பெத்து வளர்த்தமெண்டு. 

    spacer.png

    புட்டத்தைத் தனியாக் கழுவிக் கொள்ளத் தெரிஞ்ச காலத்துலேந்து பிள்ளையளெல்லாம் பயத்துல நடுங்கிக் கொண்டுதானே இருக்கினம். நிஜமாவே நிம்மதியில்ல. நாங்கள் செத்துப் போய் புதைச்சாலும் கூட நிம்மதியிருக்காதெண்டுதான் தோணுது இப்பல்லாம். வாகரை மயானத்துக்கு நடந்திருக்கிறதப் பார்த்தீங்கதானே. சுனாமி வந்தப்ப ஒரு பக்கத்த கடல் கொண்டு போச்சுது. போர் வந்தாப் பிறகு எஞ்சிய பக்கமெல்லாத்தையும் புல்டோசர் போட்டு, மொத்த மயானத்திலேயும் தென்னம்பிள்ளையளை நட்டிருந்தினம். தென்னைகள் திணைக்களமெண்டோ என்னமோ போட் ஒண்டையும் நட்டிருந்தவங்கள். அங்க தென்னைகளெல்லாம் வெயிலில வாடிப் போய்ச் செத்துக் கிடக்கிறத போன கிழமை கண்டன். என்னண்டாலும் அங்க புதைக்கப்பட்டிருந்தது எங்கடை பிள்ளையளல்லோ எண்டுதான் நான் கேட்குறனான். அதைக் கண்டதும் என்ட மனசு சரியா நொந்து போயிட்டது. தாயொருத்தியால எத்தனையத்தான் தாங்கிக் கொள்ள ஏலும்?

    நாங்க யாருமே புலிகளப் பெத்துப் போடேல்ல. நாங்க பிள்ளையளத்தான் பெத்து வளர்த்தம். எங்கட கையாலாகாத்தனத்துக்கு நாங்க யாருக்கும் சாபம் கொடுக்கவுமில்ல. நாங்க மனுஷனா வாழத்தான் பாடுபட்டம். ஆனா கடசில என்ன நடந்தது? எங்கடை பிள்ளையள் புலிகளாக ஆகிட்டாங்களெண்டு வையுங்கோ. ஆனா யார் அப்படி அவங்களை ஆக வச்சது? நாங்களா? பாவப்பட்ட நாங்களா?

    அங்க புதையுண்டு கிடந்ததெல்லாம் என்னைப் போலவே பாவப்பட்ட தாய்மாரோட பிள்ளையள்தான். என்ட பிள்ளையைப் போலவே கஷ்டத்துல பிறந்து வாழப் பாடுபட்ட பிள்ளையள்…!

    ஹ்ம்ம்… நான் போறன். வன்னிக்குப் போறதுக்கு முன்ன பொம்பிளைப் பிள்ளையள் மூணு பேர்டயும் குறை நிறைகளப் பூர்த்தி செஞ்சுட்டுப் போக வேணும். இந்தக் காலகட்டத்துல பொம்பிளைப் பிள்ளையளப் பிடிச்சுக் கொண்டு போறதில்லன்றதால நிம்மதி. அதனாலதான் அந்தளவு பயமில்லாமக் கிடக்கு. சரி… அடுத்த தடவை வரும்போது இங்காலேயே வன்னிக்குப் போகத் தயாராத்தான் வருவன். சரி தானே?

    II

    நான் வந்திருக்குறது ஒரு உதவி கேட்டு. தப்பா நினைக்காதீங்கோ. யாரையும் குறை சொல்ல வந்த பயணமல்ல இது. என்ன நடந்தாலும் நாங்க ஒரு நாளும் யாருக்கும் குற்றம் குறை சொன்னதில்ல. இனிமேல சொல்லப் போறதுமில்ல. தரையில ஒரு காலையும், குழியில ஒரு காலையும் வச்சுக் கொண்டு யாரையும் கோவிச்சுக் கொண்டு என்னதான் செய்றது? போகேக்க கொண்டு போகப் போறமா? இது எங்கட விதி. தமிழனாப் பொறந்த பாவத்தை நாங்க வாழ்ந்துதான் தீர்க்க வேண்டியிருக்குது…

    நான் கண்ண மூட முன்ன இதோ இந்தப் பிள்ளையள் ரெண்டு பேரையும் வீட்டுக்குக் கொண்டு வந்து தந்தாப் போதும். வேற ஒண்டும் வேணாம். நாங்க ஏலுமான எல்லா இடங்களுக்கும் அலைஞ்சு திரிஞ்சம். செய்ய முடிஞ்சதெல்லாம் செஞ்சம். இதுக்குப் பிறகு நாங்க செய்றதுக்கு ஒண்டும் மிச்சமில்ல. எங்கட கடவுள் இல்லையோ தெரியாது. வெலிகந்தைக்குப் போகட்டுமாம், கொழும்புக்குப் போகட்டுமாம், அமைச்சர சந்திக்கட்டுமாம், ஜனாதிபதிக்கு எழுதிப் போடட்டுமாம், செஞ்சிலுவைக்குப் போகட்டுமாம்… ஐயோ தாங்கேல்ல. மகள் அந்த சில இடங்களுக்குப் போனவள்தான். அவளும் அவள்ட புருஷனும் இன்னமும் அலைஞ்சு திரிஞ்சு கொண்டுதான் இருக்குதுகள். இண்டைக்கும் வெலிகந்தைக்குப் போயிருக்கினம். எங்க…? எங்கேயும் ஒண்டுமே நடக்கேல்லயே.

    எனக்கெண்டால் இதையெல்லாம் செய்ய இப்ப உடம்புல பலமே இல்ல. என்ட புருஷனும் இப்ப ஏலாமக் கிடக்கார். இப்ப கை கால்ல சீவனெல்லாம் ஓய்ஞ்சு போயிருக்குது. எவ்வளவு பாடுபட்ட மனுஷன்? மகளுக்கும் இப்ப போதுமாப் போயிருக்கும். ஒழுங்கான சாப்பாடில்ல. எப்படியும் அலைஞ்சு திரிஞ்சு மட்டும் போதாதே. பிறகு மற்றப் பிள்ளைகள் என்னத்த சாப்பிடுறது?

    spacer.png

                  எங்களாலயும் இப்ப பிள்ளையளுக்கு உதவி செய்ய வழியில்ல. இருந்த எல்லாத்தையும் இழந்துட்டம்.  நாங்க குடும்பிமலையில முருதான கிராமத்தில இருந்தம். நாங்க பொறந்து வளர்ந்ததெல்லாம் அங்கதான். முந்தி எங்களிட்ட பெரிய வீடு இருந்தது. ரெண்டு பக்கமும் பெரிய மண்டபம் வச்ச வீடு. எங்களிட்ட நிறைய ஆடு மாடுகள் இருந்துச்சுது. எண்பதுகள்ல தொடங்கின போருல எங்கட வீட்டுக்கு மட்டும் நாலு தடவ தீ வச்சாங்கள். ராணுவம் வந்தா வீடுகளுக்குத் தீ வச்சுட்டு வயல் பயிர் பச்சைகளுக்கு மேலால டோஸர் பண்ணிக் கொண்டு போகும். ஒண்டுமே மிஞ்சாது. நாங்க ஒவ்வொரு தடவையும் கையில கிடைக்குறத எடுத்துக் கொண்டு ஓடுவம். பிறகு ஒவ்வொரு தடவையும் நாங்க வீடு வாசல்களை நல்லாக் கட்டிக் கொண்டம். ஒவ்வொரு தடவையும் இனி ஒண்டும் நடக்காதெண்டுதானே நினைச்சம். அத்தோடு அந்தக் காலத்துல எங்க ரெண்டு பேருட்டயும் மனசுலயும் சக்தியும், தைரியமும் இருந்தது.

    இப்ப இனிமேல அங்க போக ஏலாது. போனாலும் அங்க போய்ப் பாடுபட இப்ப எங்க ரெண்டு பேருட்டையும் சக்தியுமில்ல. எல்லாத்தையும் புதுசாத் தொடங்க வேணுமே!

    அதோ… கேட்குதா? அதோ… அதோ… தொடர்ந்து அடிக்கிறாங்கள். ராத்திரி பகலெண்டு வித்தியாசமில்ல. தொடர்ச்சியா இப்படித்தான். அடிக்குற அடியில எதுவும் மிஞ்சுமெண்டு சொல்ல முடியாது. நாங்க கடைசியா வரும்போது நல்லாக் காய்க்குற நாப்பது தென்னை மரம் இருந்துச்சுது. இன்னும் ஒவ்வொரு விதமான பயிர் பச்சைகள், மரங்கள். எங்களிட்ட வயலெண்டால் இருக்கேல்ல. அதனால அவர் வேற ஆட்களிட வயலை குத்தகைக்கு எடுத்து விதைச்சு வந்தார். ஒரு குறையில்லாம வாழ்ந்து வந்தம். இடைக்கிடை யுத்தத்தால வந்த வினையில்லாம இருந்திருந்தா… மிகவும் அமைதியான வாழ்க்கையொண்டுதான் எங்களிட்ட இருந்தது.

    இனி மிச்சக் காலத்தை பிள்ளையள்ட தயவுலதான் ஓட்ட வேணும். இன்னும் கன காலம் இருக்கப் போறதில்ல. காலம் நெருங்கிடுச்செண்டுதான் எனக்கு அடிக்கடி தோணுது. பிள்ளையள் ரெண்டு பேரையும் கண்ணால கண்டால் நிம்மதியாச் சாக ஏலும் எங்க ரெண்டு பேராலயும்.

    அரசாங்கத்துல பெரிய இடங்களுக்கு, அந்த மனித உரிமைகள் பத்தியெல்லாம் கதைக்குற கொழும்பாட்களிட்டச் சொல்லி எங்களுக்கு இந்தப் பிள்ளையள் ரெண்டு பேரையும் எப்படியாவது கொண்டு வந்து தர உங்களுக்கு ஏலாதா? வெளிநாட்டுலருந்து பெரிய பெரிய அம்மாக்களும், ஐயாக்களும் பல தடவைகள் இஞ்ச வந்து பிள்ளையளக் கடத்திக் கொண்டு போறதப் பத்திக் கதைச்சவங்களெண்டு மகள் சொன்னவள். யார்கிட்ட சொன்னாலும் பரவாயில்ல பிள்ளையைக் கொண்டு வர ஏலுமெண்டால்.

    என்ட மகனையும் கொண்டு போனவங்கள். அது தொண்ணூறாம் ஆண்டுல. போர்ல பாதிக்கப்பட்டதால பிள்ளையளக் கூட்டிக் கொண்டு இஞ்ச வந்து அவையள இஞ்ச ஸ்கூல்ல சேர்த்திருந்தம். ஆடு மாடுகளப் பார்த்துட்டு வருவமெண்டு நானும் அவரும் முருதானக்குப் போயிருந்தம். அண்டைக்கு ராத்திரிதான் அவையள் இந்தப் பக்கம் வந்து கனக்கப் பிள்ளையளக் கொண்டு போயிருந்தவங்கள். என்ட மகனையும் கொண்டு போயிருந்திச்சினம். எங்களுக்கு ஏழு பிள்ளையள். ஆறாவது பிள்ளையத்தான் அவையள் கொண்டு போனவையள். அவனுக்கு அப்ப பதினாலு வயசு. விருப்பத்தோட ஸ்கூலுக்குப் போனது அந்தப் பிள்ளை மாத்திரம்தான். அப்பாவைப் போல நல்ல அழகா இருப்பான்… என்னைப் போல கருப்பில்ல.

    spacer.png

    என்ட மகனும் உயிரோடிருக்கானெண்டு ஒவ்வொத்தரும் சொல்றவையள்தான். எண்டாலும்… எனக்கு நம்பிக்கையில்ல. இருந்திருந்தா இவ்வளவு காலத்துக்கும் அம்மா அப்பாவைப் பார்க்க வராம இருந்திருப்பானா? இருப்பானெண்டால்… ம்ம்… நல்ல இளந்தாரியா இருப்பான் இப்ப. ஹ்ம்ம்… இப்ப அதையெல்லாம் கதைச்சு வேலயில்ல. அந்தக் காலத்தில நான் ஒவ்வொரு நாளும் சோற்றையும் போட்டு வச்சுட்டு கதவத் திறந்து வச்சுக் கொண்டு பார்த்துக் கொண்டிருந்தனான்தான். எப்பண்டாலும் ‘அம்மா’ எண்டு கூப்பிட்டுக் கொண்டு மகன் வருவானெண்டு… அந்தக் காலத்தில அவர் என்ட மனசைத் தேற்றுவார். கவலைப்பட்டுக் கவலைப்பட்டே எனக்கு விசர் பிடிக்குமெண்டு அவர் பயந்து போயிருந்தவர். கண்கள் பூத்துப் போற வரைக்கும் பார்த்துக் கொண்டிருந்தும் அவன் வரேல்ல. இப்ப பதினேழு வருசமாச்சுது. அந்த மகனைப் பற்றியெண்டால் இப்ப ஒரு எதிர்பார்ப்புமில்ல. இருந்தாலும் அவன் எல்.டீ.டீ.ஈ காரனில்லண்டு என்னால சொல்ல ஏலுமா என்ன?!

    சின்னப் பிள்ளையள் ரெண்டு பேரையும்தான் எப்படியாவது கூட்டிக் கொண்டு வர வேணும். மூத்த மகளிண்ட பெடியனுக்கு இப்ப இருபது வயசு. அந்தப் பெடியனெண்டால் காரைதீவுல இருக்குறானாம். மகள் பார்க்கப் போயிருந்தவள். மகன் ஒரே அழுகையாம். ‘ஐயோ அம்மா என்னால இருக்கேலாது. எப்படியாவது என்னை வீட்டுக்குக் கூட்டிக் கொண்டு போங்கோ’ எண்டு. எப்படிக் கூட்டிக் கொண்டு வாரது? இஞ்ச இருந்த மகளோட பெடியனுக்கு இப்பதான் பதினஞ்சு வயசு. அவனைக் கொண்டு போன காலத்திலயே கேள்விப்பட்டம் வாகரைப் போருல அவனுக்கு குண்டு பட்டுச்சுதெண்டு. நெஞ்சுல பட்டிருந்தது. செஞ்சிலுவையில இருந்தும், இன்னம் சின்னப் பிள்ளையளுக்காக வேல செய்ற ஒரு குழுவிலருந்தும் ஐயாக்கள் வந்தவங்கள். எல்லாரும் அந்தப் பெடியன வீட்ட கூட்டிக் கொண்டு வரப் பாடுபட்டினம். எண்டாலும் அதைச் செய்ய முடியாமப் போச்சுது. அங்கயே இருக்குறதுதான் பாதுகாப்பு, நல்லா மருந்து மாத்திரையெல்லாம் கொடுத்து குணப்படுத்துறம் எண்டு அவையள் சொன்னவங்களாம். ஆனா கிட்டடியிலருந்து அவனிட்ட இருந்து ஒரு தகவலுமில்ல. அவனிருந்த முகாமை மூடிப் போட்டுப் போயிட்டினமாம். வெலிகந்தையில, சிங்களப் பகுதியில இருக்கிறதா வந்த தகவல நம்பித்தான் இண்டைக்கு மகளும், மகள்ட புருஷனும் பார்க்கப் போயிருக்கினம்.

    ஐயோ… எப்படியாவது இந்தப் பிள்ளையள் ரெண்டு பேரையும் கொண்டு வந்து தாங்கோ. பிள்ளையளக் கொண்டு போயும் இப்ப ஒரு வருஷம் கடந்துட்டுது. சரியாச் சொன்னால் அண்டைக்கு ஜூன் பதிமூண்டு. பதினாலாம் தேதி எண்ட இளைய மகன் கல்யாணம் முடிக்கவிருந்தவன். பதிமூண்டாம் தேதி ராத்திரி இந்த அயலட்டைப் பிள்ளையள், எங்கடை பேரப் பிள்ளையளெல்லாரும் இஞ்ச இருந்தவங்கள். அடுத்த நாள் கல்யாணத்துக்கு வேலைகள் இருந்துச்சுதே. ஒருத்தருக்கும் தெரியாம அண்டைக்கு ராத்திரி வீட்ட சுத்தி வளைச்சு இஞ்ச இருந்த ஒன்பது பெடியன்களைக் கடத்திக் கொண்டு போயிட்டினம் கருணா பார்ட்டியாட்கள். அடுத்த நாள் கல்யாணம் கட்டவிருந்த பெடியனையும் கொண்டு போயிட்டினம். அந்தப் பெடியனையும், இன்னும் சுகமில்லாமக் கிடந்த வேறொரு பெடியனையும் ரெண்டு மூண்டு நாளைக்குப் பிறகு வீட்டுக்கு அனுப்பி வச்சிருந்தாங்கள்.

    ஐயோ… என்ட பேரப் பிள்ளையளிரண்டும்… என்ட கண்ணுல இப்ப கண்ணீரில்ல பிள்ள. நிம்மதியாக் கண்ண மூடுறதுதான் என்ட தேவை இப்ப. இவ்வளவு காலமும் சீவிச்சது போதும். அம்பத்தஞ்சு வயசாகுது இப்ப. அவருக்கு இப்ப அறுபதெண்டு நினைக்குறன்…!

    III

    இல்ல… இல்ல… எதையும் ஏத்துக் கொள்ள நான் விருப்பமெண்டு சொல்லேல்ல. அது வேற கதை. கனத்த இருட்டோட பெரிய மழையொண்டு வரேக்க நான் நல்லாப் பயந்து போனன். பெய்ஞ்சுதெண்டால்… ஐயோ… எங்கடை வீட்டுக்குள்ள நிண்டுகொண்டிருக்கவாவது ஒரு இடமில்ல. அவரும் நோயாளி. எங்களுக்கெண்டால் இஞ்ச என்ன நடந்தாலும் பரவாயில்ல. ஆனா அவருக்கு என்னவாவது நடந்தால்? அதுக்குத்தான் நான் நல்லாப் பயந்து போயிருந்தன். அதனாலதான் நான் ‘முருகா… மழை பெய்யக் கூடாது’ எண்டு கத்தினனான். அப்பதான் உண்மையில எனக்குத் தோணுச்சு எத்தன பேர் இந்த மழையை எதிர்பார்த்துக் கொண்டிருப்பினமெண்டு. அதனால சுயநலமா நான் மட்டும் மழை வேணாமெண்டு பிரார்த்திக்கிறது சரியா? எண்டாலும் ‘மழை பெய்யணும் முருகா… நல்லாப் பெய்யணும்’ எண்டு வேண்டுற மனசும் எனக்கிருக்கேல்ல. அதனாலதான் நான் ‘முருகா… எனக்கெண்டா ஒண்டும் விளங்கேல்ல. உனக்கு நல்லதெண்டு படுறதச் செய்’ எண்டு சொன்னனான்.

    spacer.png

                   மழையெண்டாலென்ன? மழைக்கு மேல மழையா ஏழு அடை மழை பெஞ்சாலும் தாங்கிக் கொள்றது பெரிசில்ல. ஆனா உலகத்துல நடக்குற அக்கிரமங்களைப் பார்த்துக் கொண்டு சீவிக்கிறதுதான் கஷ்டமாக் கிடக்கு. அதுகளைச் சும்மா விடவும் ஏலாது. அதனாலதான் எல்லாரிட்டயும் சொல்றனான். வாயை மூடிக் கொண்டிருந்தால்… பிள்ளையள மட்டுமில்ல தலையில இருக்குற முடியையும் பிடுங்கிக் கொண்டு போவாங்கள். அந்தளவுக்கு இந்தக் கால கட்டத்துல ஒண்டையுமே நம்பேலாமக் கிடக்கு உலகத்துல நடக்குறதையெல்லாம் பார்க்கேக்க. யாராவது வந்து பிள்ளையளக் கொண்டு போவினமோ, சுட்டுப் போடுவினமோ, சித்திரவதை செய்வினமோ, காணாமலாக்குவினமோ எண்டு பயந்து பயந்தே இப்பல்லாம் ராத்திரில எனக்குக் கொஞ்சம் கூட கண்ணசர முடியாமக் கிடக்கு. கண்ணசந்த உடனே ‘அம்மா’ என்டொரு குரல் கேட்கும். அதனால விடியும்வரைக்கும் உட்கார்ந்து கொண்டிருப்பன்.

    தென்னோலை பின்னுறத விடுவம்… தேங்காயொண்டு வாங்கக் கூட வழியில்லாம நாங்க இருக்குறம் இப்ப. எண்பத்தொன்பதுக்குப் பிறகு பிள்ளையள் அஞ்சு பேருக்கும் அவருக்கும் சாப்பாடு தேடி உழைச்சுக் கொண்டிருக்குறது நான்தான். அவருக்கு வேலையொண்டும் செய்யேலாம முதுகெலும்பு உடைஞ்சு போயிருக்குது… உடையேல்ல… உடைச்சவங்கள். ட்ரக்டர்ல இயக்கத்துக்குச் சாமான்கள் கொண்டு போகேக்க காட்டுக்குள்ள வச்சு ராணுவம் பிடிச்சு அடிச்சவங்கள். அதுக்குப் பிறகு ரெண்டாவது மகன் களப்புல வலை வீசப் போனவன். வீட்ட எல்லாருக்கும் சாப்பிடக் கொடுக்க, சின்னவங்கள் மூண்டு பேருக்கும் ஸ்கூல் தேவைகளச் செஞ்சு கொடுக்க எல்லாத்துக்கும் நான் மட்டும் தனியாக் கஷ்டப்பட்டாக் காணாதுதானே. ஆனா நான் அவனை ஸ்கூலுக்குப் போகாம நிக்கச் சொல்லிச் சொல்லவேயில்ல. அவனே முடிவெடுத்துப் போனவன். அது பெரிய உதவியா இருந்ததுதான். பொம்பிளை எவ்வளவுதான் வேல செஞ்சாலும் ஆம்பிளை போல உழைக்க ஏலாதே. இப்ப அவனும் வீட்ட விட்டு வெளிய இறங்கிறதில்ல. அவன் மற்றவங்களப் போல இல்ல… சரியான பயம். என்ன செய்யுறது அஞ்சு விரலும் ஒண்டு போல இல்லயே. எண்டாலும் அவன்ட மனசு நல்லம். நல்ல பாசம்.

    நான் இப்ப வேலைக்குப் போறதுமில்ல. பிள்ளையளப் பாதுகாக்குறதுக்கே அங்கே இங்கேயெண்டு அலைஞ்சு கொண்டிருக்குறன். தென்னோலையும் இப்ப இருபத்தஞ்சு, முப்பது ரூவாவாமே. கூரைக்குக் குறைஞ்சது இருநூறு தென்னோலையாவது தேவைப்படும். அதுக்கு எங்க போறது? நனையுற மாதிரி நனையட்டும். எனக்கு மூத்தவனையும், மூண்டாமவனையும் பாதுகாப்பா வைக்க ஒரு இடத்தைத் தேடித் தாங்கோ. இனியும் என்னால அதைச் செய்யேலாமக் கிடக்கு. அதனாலதான் நான் இப்ப யாரிட்டயாவது சொல்லிப் பார்க்கலாமெண்டு இஞ்ச வந்தனான். எங்கண்டாலும் பரவாயில்ல பாதுகாப்பு இருக்குமெண்டால்.

    spacer.png

    மகன்களைப் பெத்ததுக்குப் பதிலா அஞ்சு மகள்களைப் பெத்திருந்தா நல்லா இருந்திருக்குமெண்டு இப்பல்லாம் தோணுது. அப்படிச் சொல்லவும் ஏலாது. போன தடவை ஒப்பந்தம் வந்த உடனே எல்லா இடத்திலயும் ஒஃபீஸ் போட்டு பெடியன்களையும், பெட்டையளையும் கொண்டு போனவங்கள். அது வன்னி ஆட்கள். கருணா ஆட்களெண்டா அவ்வளவா பெட்டையளத் துரத்திப் பிடிக்கேல்ல. பாதுகாக்க முடியாதெண்டதால இருக்கும். அந்த நீலமணியோட ரெண்டாவது மகளையெண்டால் வீட்டுக்கே வந்து கேட்டவங்களாம். ‘வீட்டுல கஷ்டம் எண்டதால நாங்களே செலவழிச்சு ஹொஸ்டல்ல போட்டுப் படிப்பிக்கிறம்’ எண்டாங்களாம். ஒன்பதாம் வகுப்பெண்டாலும் நல்லா வளர்த்தியா வடிவா இருந்த பெட்டை. ‘வெட்டிக் கடல்ல போட்டாலும் கொடுக்க மட்டும் வேண்டாம்’ எண்டு நான் சொன்னனான். ‘இப்படி ஏமாத்திக் கூட்டிக் கொண்டு போறது உள்ள இருக்குற யாருக்காவது கல்யாணம் கட்டி வைக்க’ எண்டு நீலமணியும் சொன்னவள். இப்ப அந்தப் பெட்டையும் ஸ்கூலுக்குப் போக ஏலாதெண்டு சொல்றவளாம் பயத்துல. நீலமணியின்ட மகனையும் அவையள் கொண்டு போனவையள்தானே. மகனைப் பெத்தாலும், மகளைப் பெத்தாலும் கடைசில எல்லாம் ஒண்டுதான்.

    பிள்ளையளிட்ட இருந்து நான் ஒண்டுமே எதிர்பார்க்கேல்ல. எங்களுக்கு ஒண்டும் வேண்டாம். அவையள் நிம்மதியா இருந்தாக் காணும்.

    எப்படியாவது எனக்கு இந்தப் பிள்ளையள் ரெண்டு பேரையும் பாதுகாப்பா எங்கயாவது அனுப்பித் தாங்கோ. ஒரே இடத்துல இல்லண்டாலும் பரவாயில்ல. ரெண்டாமவனையும், இளையவனையும், பெட்டையையும் எப்படியாவது என்னால வீட்ட வச்சுப் பாதுகாத்துக் கொள்ள ஏலும். அவையள் மேல யாராவது கைய வச்சால்… நெசமாச் சொல்றன்… நான் எல்லாரையும் கொன்னுட்டுச் சாவன். ஆனா இவையள் ரெண்டு பேரும் தப்பிச்சு வந்தவையள்தானே. அதுதான் எனக்குப் பயமாக் கிடக்கு. யார் எங்கிருந்து பார்த்துக் கொண்டிருப்பினமோ தெரியேல்ல.

    மூத்தவனைக் கொண்டு போனப்பவும் நான் பின்னாலயே ஓடினனான். அவனும் ஸ்கூலுக்குப் போய்க் கொண்டிருந்தவன். அவன் நல்லாப் படிக்கிறதக் கண்டுட்டு நானும் பூரிச்சுப் போயிருந்தனான். அவனைத் தேடி எல்லா இடங்களுக்கும் அலைஞ்சு திரிஞ்சு போய் அவையளத் திட்டினன். பெடியனைத் திருப்பிக் கொடுங்கோவெண்டு கேட்டனான். ‘எங்களிட்ட ஆட்கள் இல்லையெண்டா செடிகொடிகள வச்சுக் கொண்டா நாங்க யுத்தம் செய்றது?’ எண்டு அவையள் என்னிட்ட கேட்டவங்கள். ‘நீங்கள் யாரை வேணுமெண்டாலும் கொண்டு போய் யுத்தம் செய்யுங்கோ. எண்ட பிள்ளையத் திருப்பிக் கொடுங்கோ’ எண்டு கேட்டனான். அப்ப ‘முந்தி மாதிரி ராணுவம் வந்து துப்புரவாக்கிக் கொண்டு போற வரைக்கும் பார்த்துக் கொண்டிருக்க விருப்பமோ?’ எண்டு கேட்டவங்கள். ‘முருகா… அப்படியொரு அழிவையெண்டா என்ட இந்தக் கண் ரெண்டாலயும் நான் திரும்பக் காணக் கூடாது’ எண்டு சொன்னனான். இயக்கமும் ஒரு குடும்பத்திலிருந்து கட்டாயம் ஒரு பிள்ளைய இயக்கத்துக்குத் தர வேணுமெண்டு சொன்னது. அதனால நான் வாய மூடிக் கொண்டு திரும்பி வந்தனான். என்ன செய்யுறது? எங்களுக்கெண்டு கதைக்கவோ வாயைத் திறக்கவோ கூட யாரிருக்கினம்? எண்டாலும் மகன் எப்பவாவது என்னைத் தேடிக் கொண்டு வருவானெண்டு எனக்குத் தெரியும். அவன் தைரியசாலி. என்னை மாதிரியே நல்ல பொறுமசாலி.

    இந்தத் துவக்குகள நீட்டிக் கொண்டு போற வாற பெடியன்களைக் காணேக்க எல்லாம் எந்நாளும் என்ட மனசு பாடுபடும். ‘முருகா… எங்கடை பிள்ளையள்… எங்கடை பிள்ளையளுக்கு பிள்ளையளாவே வாழக் கூடிய ஒரு உலகத்தை உண்டாக்கித் தா’ எண்டே எப்பவும் நான் எந்நாளும் பிரார்த்திச்சனான்.

    திருக்கோயில் தீர்த்தம் நாள்ல கோயில் தோட்டத்திலயும் குறுக்குத் தெருக்கள்லயும் பெரிய பெரிய துவக்குகளை ஏந்திக் கொண்டு அங்கயிங்க தைரியமாப் பெடியன்கள் திரிஞ்சதைக் கண்டீங்கள்தானே. அங்க இருந்த சில பெடியன்களால நேராப் பிடிச்சு மூத்திரம் பெய்யக் கூட ஏலாம இருக்கும். ஆனா சுமந்து கொண்டு திரியுறது ரொக்கட்டுகளுக்கும் அடிக்கிற துவக்காம். முருகா… அதால யாரச் சுடுறம், எதுக்குச் சுடுறமெண்டாவது அவையளுக்கு விளங்குமாவெண்டுதான் நான் கேட்குறனான். பூனை மயிர் மீச கூட முளைக்காதவையளுக்குக் கல்யாணம் பேசுறது பெரியவனுங்களோட ஆசாபாசங்களத் தீர்த்துக் கொள்றதுக்குத்தான் இல்லையா? அதனாலதான் நான் சொல்றனான். இது சரிப்பட்டு வராது.

    துவக்கைத் தோளில தூக்கி வச்சுக் கொண்டா, அவையள்ட தைரியத்தப் பார்க்க வேணுமே. முடியை அளவா வெட்டி பவுடர் தேய்ச்சு, தோய்ச்ச களிசான் சூட்டை அணிஞ்சு கொண்டால் என்னமோ ராஜாக்கள் நகர்வலம் போற மாதிரித்தான் அவையள்ட நடையும் பாவனையும். எண்டாலும் றோட்டில போற ஒருத்தன் கூட, ஒருத்தி கூட அவையளத் திரும்பியும் பார்க்கிறேல்ல. பயத்துக்கில்ல. அருவெறுப்பா இருக்கும்தானே. அவையள் அவையளிண்ட உலகத்துல… வாழ்க்கை முழுக்க இப்படியே துப்பாக்கியைத் தூக்கிக் கொண்டு திரியுறதா? பெரியவங்களா ஆனாப் பிறகு இவையள் என்ன செய்வாங்கள்…. இப்படித் துவக்கோடே சீவிச்சுக் கொண்டு திரிஞ்சால் தலை வீங்குமே தவிர மூளை வளருமா?  எல்லாத்தையும் துவக்கைக் கொண்டே செய்ய வேண்டி வரும்.

    spacer.png

     

                   மூண்டாம் மகனைக் கொண்டு போனப்ப நான் கை விடவேயில்ல. இப்படி தெரு முழுக்க அங்க இங்க நிண்டுகொண்டு சுத்தியிருக்குற ஆட்களிட்டயிருந்து தப்ப, கோழைகள மாதிரி வீட்டுக்குள்ளயே பிள்ளையள சீவிக்க விட ஏலுமா? நான் பின்னாலயே ஓடினனான். ‘இயக்கத்துக்கு ஒரு பிள்ளையக் கொடுக்க ஏலுமெண்டா ஏன் எங்களுக்கு ஒரு பிள்ளையத் தரேலாது?’ எண்டு என்னட்டக் கேட்டவங்கள். ‘ஒருத்தனைக் கொடுத்தது யுத்தத்துக்கெண்டுதானே? இப்ப இன்னொருத்தன் என்னத்துக்கு?’ எண்டு அவையளிட்டக் கேட்டனான். கருணா குழுவோட பெரிய இடங்களுக்கெல்லாம் போய்ச் சொன்னனான். பதினெட்டு வயசுக்குக் கீழ உள்ள பிள்ளையள இப்படிக் கொண்டு போகத் தடை விதிச்சிருக்கினமாமே. அங்க இருந்தவையள் பிள்ளைய விரைவாத் திருப்பியனுப்ப ஏற்பாடு செய்றதாச் சொன்னவங்கள். சாதாரண தரப் பரீட்சை எழுதக் கூட இன்னும் ஒன்றிரண்டு வருஷம் படிக்க வேண்டியிருந்த பெடியன் இவன். எண்டாலும் ஒருத்தருடைய வாக்குறுதியாலும் ஒரு பயனுமிருக்கேல்ல.

    பெடியன் வந்தான். ஒருத்தரும் கொண்டு வந்து விடேல்ல. அவனாவே தப்பிச்சு வந்தவன். அடுத்த நாளே வீட்ட ஆட்கள் வந்திட்டினம் ‘பெடியனெங்க? தப்பி வந்தவன்தானே?’ எண்டு கேட்டுக் கொண்டு. ‘இஞ்ச… என்ட பெடியனை நீங்கதானே கடத்திக் கொண்டு போனனீங்கள். எண்டால் நீங்கதானே பாதுகாப்பா வச்சிருந்து இஞ்ச கொண்டு வந்து விட வேணும்? இஞ்ச என்ட பெடியன் வரேல்ல’ எண்டு சொன்னன். அவையள் திரும்பிப் போனாலும் கூட என்னை நம்பேல்ல எண்டது எனக்கு விளங்கிட்டுது. அந்த நேரம் பார்த்து வலை வீசப் போயிருந்த என்ட ரெண்டாவது மகன் அங்க வந்திட்டான். அவையள் பாய்ஞ்சு அவனைப் பிடிச்சிட்டினம். கொல்லக் கொண்டு போற கன்னுக்குட்டி போல அவன் என்னப் பார்த்தான். நானும் அவையள்ட பின்னாலேயே ஓடி அவனைக் கொண்டு போன இடம் வரைக்கும் போனனான். பிள்ளைய வெளிய விடும்வரைக்கும் அங்கயே குந்திக் கொண்டிருந்தன். பெடியனக் கையோடு கூட்டிக் கொண்டுதான் வீட்ட வந்தன். எண்டாலும் அவையள் திரும்ப வருவினமெண்டு நான் பயந்தனான். பயந்தது போலவே அடுத்த நாள் திரும்பவும் வந்தாங்கள்.

    இந்த நேரம் சின்னவனைப் பிடிச்சுக் கொண்டாங்கள். அவனுக்கு இப்பதான் ஒன்பது வயசு. மனசுல கருணை, பாசம் இருக்குறவை இப்படியெல்லாம் செய்வாங்களா எண்டு யோசிச்சுப் பாருங்கோ. சின்னவன் சத்தம் போட்டுக் கதறிக் கொண்டிருந்தான். எண்டாலும் நான் பின்னால துரத்திக் கொண்டு போகேல்ல. இந்தத் தடவையும் நான் அழுதுகொண்டு பின்னாலேயே ஓடி வருவனெண்டு நினைச்சிருப்பினம். இருங்கோ… இவனுகளுக்கு நல்ல பாடம் படிப்பிக்கிறனெண்டு நான் டெலிபோன் நம்பர்களத் தேடியெடுத்துக் கொண்டு எல்லா இடங்களுக்கும் கதைச்சன். நல்ல வேளையா நான் முன்னாடி போய் சந்திச்ச அதே ஆட்கள் அங்க இருந்தாங்க. நான் விஷயத்தச் சொன்னதும் அவையளுக்கும் திகைப்பா இருந்தது. ‘இதென்ன விளையாட்டாப் போச்சுதா? நாங்க ஒண்டும் இல்லாதவையள்தான். எண்டாலும் ஆயிரமாயிரம் கஷ்டங்கள் பட்டு பிள்ளையள வளர்க்குற அம்மாமாரோட இப்படி விளையாட விடக் கூடாதுதானே’ என்டு அவையளிட்ட கேட்டன்.

    பிறகு நான் கொடுத்த நம்பருக்குக் கூப்பிட்டு பிள்ளையப் பொறுப்பேற்க டவுணிலிருக்குற ஒஃபீஸுக்கு வரச் சொன்னவங்கள். நான் சொன்னன் எனக்கு அங்க வர ஏலாது. பிள்ளையளுக்காக செயற்படுற அமைப்பொண்டு அங்க இருக்கு. பிள்ளைய அங்க கொண்டு வந்து விடுங்கோ… நான் அங்க வாறனெண்டு சொன்னனான். சொன்ன நேரத்துக்கு பிள்ளையைக் கூட்டிக் கொண்டு அங்க வந்தாங்கள். கையைப் பிடிச்சுக் கூட்டிக் கொண்டு வந்து என்ட கையில தந்து ‘இந்தாங்கோ உங்கடை பிள்ளை’ எண்டு சொல்லிட்டுத் திரும்பிப் போனவங்கள். ஆனா முகங்கள்ல கடும்கோபம் இருந்துச்சுது. எனக்கு அது முன்பே தெரிஞ்சதுதான். இப்ப கோபம் அதிகமாக இருக்கும் நான் பெரிய இடங்களோட கதைச்சு சின்ன இடங்களக் கஷ்டத்துல போட்டுட்டேனெண்டு. அதுக்குச் செய்ய ஒண்டுமில்ல. எனக்கு வேற வழியுமில்ல. அதனாலதான் இப்ப எனக்கு இந்த மூண்டாமவனைக் குறிச்சு சரியான பயமாக் கிடக்கு. கண்டுபிடிச்சாக் கொண்டு போயிடுவினம். கொண்டு போய் கோபத்துல என்ன செய்வாங்களெண்டு யாருக்குத் தெரியும்?!

    spacer.png

    அங்க நிறையப் பிள்ளையள் தப்பி வரப் பயத்துலதான் அங்கயே இருக்கினம். வந்தாங்களெண்டால் திரும்ப குடும்பத்துல வேற யாரையாவது கொண்டு போவாங்கள்தானே. கொண்டு போக பிள்ளையள் இல்லையெண்டா அம்மா, அப்பாவையாவது கொண்டு போவினம். அவர் படுத்த படுக்கையா வீட்டிலிருக்குறதால நல்லவேளையா தப்பிச்சார். இல்லாட்டி அவரைக் கொண்டு போய்க் கொடுமைப்படுத்துவாங்களோ எண்டு பயந்து நானும் அமைதியா இருப்பேன்தானே. எண்டாலும் பிள்ளையளப் பார்க்க அம்மாமார் போகேக்க எல்லாப் பிள்ளையளுமே அழுவாங்களாம்… எப்படியாவது யார்கிட்டயாவது சொல்லி வீட்டுக்குக் கூட்டிக் கொண்டு போங்கோ… ஸ்கூலுக்கு அனுப்புங்கோ எண்டு சொல்லிச் சொல்லி. அதனாலதான் பிடிச்சுக் கொண்டு போன பிள்ளையளை ஒரு மாதம் ட்ரெய்னிங் கொடுத்து தூர எங்காவது அனுப்பி விடுறவை. அப்ப அம்மாமாரால அடிக்கடி போய்ப் பார்க்க ஏலாதுதானே. பிள்ளையளுக்கும் மெதுமெதுவா அழுதழுது வேண்டாமெண்டு போயிடும். அந்த வாழ்க்கை பழகிப் போயிடும். சில பேர் இப்படியே இருக்குறது நல்லதெண்டு நினைக்கத் தொடங்கி விடுவினம். ஏனெண்டால் துவக்கு கையிலிருந்தால் மத்தவங்களை விட ஒரு படி மேல எண்டுதானே தங்களை நினைச்சுக் கொள்வாங்கள். அடுத்தது கையில சம்பளக் காசும் கிடைக்குமே. எப்போவாவது அம்மாமார் வந்தால் கூட நல்ல தைரியத்தோடு ‘இந்தாங்கோ அம்மா காசு… தம்பி, தங்கச்சியளுக்கு ஏதாவது வாங்கிக் கொடுங்கோ’ எண்டு சொல்ல ஏலும்தானே? ஆனா எனக்குத் தெரிஞ்ச நிறைய அம்மாமார் அந்தக் காசைக் கையாலயாவது தொடுறேல்ல. வீட்டு எல்லைக்குக் கூடக் கொண்டு வாரதுமில்ல. ‘எங்களுக்கு வேண்டாம். உனக்குப் பிடிச்சதை அதைக் கொண்டு செஞ்சு கொள்’ எண்டே சொல்வாங்கள்.

    என்னோட நல்ல நேரத்துக்கு என்ட பிள்ளையளெல்லாரையும் முருகன் எனக்குத் திருப்பிக் கொடுத்துட்டான். எண்டாலும் இப்பதான் கஷ்டமான காலம்.

    மூண்டாமவனுக்கெண்டால் இப்பவும் படிக்கத்தான் ஆசை. அப்படியேதாவது வழி செஞ்சால் பெரிய உதவியாயிருக்கும். மூத்தவனுக்கெண்டால் படிக்கவோ, பரீட்சை எழுதவோ அவ்வளவா விருப்பமில்லாதது போலத்தான் தெரியுது. ஏதாவது கைத்தொழிலொண்டைக் கத்துக் கொண்டால் போதும். இதொண்டுமில்லாட்டிலும் பரவாயில்ல. எப்படியாவது என்ட பிள்ளையளிண்ட உசுரைக் காப்பாத்திக் கொடுங்கோ. அது போதும்… முருகா… எப்படியாவது எனக்கு விரைவா உதவி கிடைக்க வழி செய்…

    ஆசிரியர் குறிப்பு

    குமாரி

                    இலங்கையில் சிங்களம், ஆங்கிலம் ஆகிய மொழிகளில் எழுதி வரும் சிங்களப் பெண் எழுத்தாளர் குமாரி, கவிஞர், பத்திக் கட்டுரையாளர், தெரு நாடகக் கலைஞர் என பன்முகம் கொண்ட படைப்பாளியும், கலைஞரும், சமூக செயற்பாட்டாளரும் ஆவார். இவரது தெரு நாடகங்களும், நூல்களும் சர்வதேச அளவில் வரவேற்பைப் பெற்றவை. இச்சிறுகதையானது, சிங்கள மொழியில் வெளியாகியுள்ள இவரது  சிறுகதைத் தொகுப்பிலிருந்து தமிழில் மொழிபெயர்க்கப்பட்டுள்ளது.
     

     

    https://uyirmmai.com/literature/translated-stories/a-sri-lankan-short-story-of-kumari-translated-by-rishan-sherif/

     

×
×
  • Create New...

Important Information

By using this site, you agree to our Terms of Use.