Jump to content

கிருபன்

கருத்துக்கள உறவுகள்
  • Posts

    28109
  • Joined

  • Days Won

    125

Posts posted by கிருபன்

  1. மக்களை மேலும் சுமைக்குள் தள்ள அரசாங்கம் முயற்சிக்கின்றது – சரத் பொன்சேகா குற்றச்சாட்டு

    spacer.png

    அரசாங்கம் இந்த மக்களை மேலும் சுமைக்குள் தள்ளவே விரும்புகின்றது என ஐக்கிய மக்கள் சக்தியின் நாடாளுமன்ற உறுப்பினர் பீல்ட் மார்ஷல் சரத் பொன்சேகா தெரிவித்துள்ளார்.

    நேற்று இடம்பெற்ற நிகழ்வொன்றின் பின்னர் ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.

    நாட்டின் தற்போதைய பாதகமான பொருளாதார நிலைமைக்கு இந்த அரசாங்கமே பொறுப்பு என்றும் அவர் தெரிவித்தார்.

    வெளிநாட்டுக் கடன்களைப் பெற்று, அதில் சிலவற்றினை தமது பைகளுக்குள் போட்டுகொண்டு நாட்டின் சொத்துக்களை விற்பனை செய்துவருவதாகவும் அவர் குற்றம் சாட்டினார்.

    நாட்டில் காணப்படும் பொருளாதார பிரச்சினைகளுக்கு தீர்வுகளை வழங்குவதற்கு பதிலாக தமது அபிவிருத்தி பணிகளையே வியாபாரப்படுத்தி வருவதாக சரத் பொன்சேகா குறிப்பிட்டார்.
     

     

     

    https://athavannews.com/2022/1262300

  2. 6 hours ago, nedukkalapoovan said:

    அடிப்படையில் நெடுக்ஸ் பெண்களை வெறுத்தார் என்ற பொத்தாம் பொதுவான பார்வை முதலில் தவறு.

     

    இந்த கட்டுரையை வாசித்தபோது நெடுக்ஸின் நினைவு வந்தது உண்மைதான்😁

    👇🏾

    Quote

    இப்படிப்பட்ட ஆண்கள் எல்லா பெண்களையும் வெறுப்பதில்லை. அவர்களுக்கு தாய், மகள், தங்கை, துணைவி என உறவுகள் உண்டு.

    Quote

    ஆணாதிக்க சமூக கட்டமைப்பில் பெண்களுக்கான பாத்திரம் அடிபணிதலாகவே உள்ளது. பெண்களது சமூக பாத்திரங்களாக கருதப்படும் வீட்டுவேலைகள், ஆண்களின் பாலியல் தேவையை நிறைவு செய்தல், குழந்தைவளர்ப்பு போன்றவற்றை மறுக்கும் பெண்கள், அதாவது ஆணாதிக்க ஒழுங்கை சீர்குலைக்கும் பெண்களை கட்டுக்கடங்காதவர்கள், கீழ்படியாதவர்கள் அடங்காபிடாரிகள் என்று இழிவு செய்வதை காணலாம்.

     

  3. தமிழ் முஸ்லிம்களின் பொங்கல் கொண்டாட்டம் கொண்டிருக்கும் சேதி

    கோம்பை அன்வர்

    நீங்களும் - அதாவது முஸ்லிம்களும் - பொங்கல் கொண்டாடுவீர்களா?

    சந்தேகமும் ஆச்சர்யமும் கலந்த பல நண்பர்களின் கேள்விகள், எனக்கோ அல்லது என் குடும்பத்தினருக்கோ புதிதல்ல. ஒன்றல்ல, இரண்டல்ல; 16 வகை காய்கறிகளுடன் காலகாலமாகப் பொங்கலைக் கொண்டாடிவரும் எங்களுக்கு இது போன்ற கேள்வி வேடிக்கையாக இருக்கும் என்றால் மிகையாகாது.

    spacer.png

    கோம்பை அன்வர் தன் குடும்பத்துடன், பொங்கல் விருந்தில்

    spacer.png

    இருப்பினும் இந்தக் கேள்விக்குப் பல காரணங்கள் உள்ளதை மறுக்க முடியாது. அவற்றில் மிக முக்கியமானது இஸ்லாம் மற்றும் தமிழக இஸ்லாமியர் குறித்த தட்டையான புரிதல் ஆகும். இஸ்லாம் குறித்த தட்டையான புரிதலுக்கு பல இஸ்லாமியர்களும் விலக்கல்ல. அதுபோலவே இந்து - முஸ்லிம் வரையறைகளைக் கடந்த தமிழ்ப் பண்பு ஒன்று பொங்கலுக்கு உண்டு என்பதை இந்துக்களிலும் பலர் அறிந்திருப்பதில்லை.

    டெல்லி சுல்தான்களையும் முகலாயரையும் வைத்துப் பெரும்பாலும் கட்டமைக்கப்பட்ட இந்திய வரலாற்றில் தமிழைத் தாய்மொழியாகக் கொண்ட ஓர் இஸ்லாமிய சமூகம் தமிழகம், இலங்கை மற்றும் தென் கிழக்கு ஆசியா வரை பரவிக் கிடப்பதும், அது தனக்கென்று பல தனித்துவக் கூறுகளைக் கொண்டிருப்பதும் பலருக்கும் தெரியாது.

    வரலாறு தெற்கில் ஆரம்பிக்கிறது

    சங்க காலம் தொட்டே தமிழகத்திற்கும் அரேபியா உட்பட்ட மேற்கு ஆசியாவிற்கும் இடையே கடல்வழி வணிகத் தொடர்புகள் இருந்ததைப் பல சங்கப் பாடல்களும், சமீபத்திய அகழ்வாராச்சிகளும் நமக்கு உறுதிப்படுத்துகின்றன. அரேபிய பாலைவனத்தில் 7ஆம் நூற்றாண்டில் இஸ்லாம் பரவத் தொடங்கிய சமகாலத்திலேயே அது வணிகர்கள் மூலமாக தமிழகத்தை வந்தடைந்தது. இங்கு நிலவிய சமூகச் சூழல், இறைநேசர்கள் எனப்படும் சூபிக்களின் பரப்புரை மற்றும் தமிழக அரசர்களின் ஆதரவுடன் இஸ்லாம் தமிழகத்தில் வேரூன்றியது. இதற்குக் கிட்டதட்ட 500 வருஷங்களுக்குப் பிறகே வட இந்தியாவில் இஸ்லாம் ஒரு வலுவான மதமாகப் பரவியது என்ற தகவல் இங்கே முக்கியமானது. அதிலும், அங்கே போர்கள், படையெடுப்புகள் இதில் முக்கியப் பங்கு ஆற்றின. இங்கே வாணிபரீதியிலான உறவு மிக இணக்கமான ஓர் உறவை உருவாக்கியிருந்தது.

    spacer.png

    திராவிடக் கட்டிடக் கலையில் கட்டப்பட்ட கீழக்கரை  பள்ளிவாசல்

    திராவிடக் கட்டிடக் கலையில் கட்டப்பட்ட ஆயிரத்துக்கும் மேற்பட்ட பழமையான பள்ளிவாசல்கள், பிற சமயங்களுக்கு இணையாக தமிழ் இலக்கியத்திற்கு இஸ்லாமியரின் பங்களிப்பு, சிலம்பம் என்று தமிழ் மண்ணோடு இஸ்லாம் ஐக்கியமானது. பன்மைத்துவம் இறைவாக்காக திருக்குரானில் (சூரத்துல் ஹுஜுராத் 49.13) அமைந்திருக்கையில், இது இயல்பானதுதான்.

    ஆகவே, தமிழர் திருநாளான பொங்கலையும் தமிழ் முஸ்லிம்கள் இஸ்லாமிய நெறிகளுக்கு உட்பட்டு கொண்டாடிவருகின்றனர். இங்கே இன்னொன்றையும் குறிப்பிட வேண்டும். தமிழகம் முழுக்கப் பிராந்தியத்திற்கும், சாதிக்கும் ஏற்ப சின்னச் சின்ன வேறுபாடுகளுடனேயே பொங்கல் கொண்டாட்டங்கள் நடைபெறுகின்றன. உதாரணமாக, சிவகங்கை, புதுக்கோட்டை மாவட்டங்களைச் சார்ந்த நாட்டுக்கோட்டை செட்டியார்கள் மற்றும் சைவ பிள்ளைமார் சமூகத்தினர் சங்கு ஊதி பொங்கலைக் கொண்டாடுவார்கள்.  

    ஊருக்கேற்பக் கொண்டாட்டம்

    இதுபோலவே விவசாயத்தைச் சார்ந்து வாழும் தமிழ் இஸ்லாமியரிடையே பொங்கல் கொண்டாட்டங்கள் பிராந்தியத்திற்கு ஏற்றவாறு மாறும். தேனி மாவட்டத்தில் உள்ள எங்கள் வீட்டில் சர்க்கரைப் பொங்கலுடன் ஆரம்பிக்கும் திருநாள் மதிய விருந்தில் 16 வகை காய்கறிகளுடன் களை கட்டும். அன்று மட்டும் கவிச்சி கிடையாது. பரிமாறப்படும் பெரும்பாலான காய்கறிகள் வயலிலிருந்து வந்தவையாக இருக்கும். மாட்டுப் பொங்கல் அன்று பண்ணை மாடுகள் குளிப்பாட்டி அலங்கரித்து, கொம்புக்கு வர்ணம் பூசி ஊரை வலம் வரும்.

    மதுரை மேலூர் அருகே உள்ள நாவினிப்பட்டி கிராமத்தில் பொங்கல் கொண்டாட்டத்தில் பரம்பரை பரம்பரையாக, பங்காளிகளாக, மஞ்சு விரட்டு இன்றும் பங்கேற்கும் முஸ்லிம் குடும்பங்களும் (நாலு வீட்டுக்காரங்க குடும்பம்) உண்டு.  

    spacer.png

    நாவினிப்பட்டி முஸ்லிம்கள் கொண்டாட்டம்

    சுமார் 50/60 ஆண்டுகளுக்கு முன் மேலத்தஞ்சை - கீழத்தஞ்சை என அழைக்கப்பட்ட ஒன்றிணைந்த தஞ்சை மாவட்டத்தின் கீழ்ப்பகுதியின் பெரும்பாலான கிராமங்கள் முஸ்லிம் மிராசுதாரர்களை கொண்டது.

    மிராசுதாரர்கள் என்பவர்கள் நிலச்சுவான்தார்கள், இவர்களின் வாழ்வாதாரமே விவசாயம். “பொங்கல் வருவதற்கு முன்பே, வயலிலிருந்து ஒரு மூட்டை நெல் மட்டும் அறுவடைசெய்து மிராசுதார் வீட்டுக்கு வரும். மூட்டையுடன் ஒரு பெரிய கட்டு அடிக்கப்படாத நெற்கதிர்கள் வரும். சிட்டுக்குருவிகள் சாப்பிடுவதற்காக நெற்கதிர்களை முற்றத்தில் தலைகீழாகக் கட்டித் தொங்கவிடுவார்கள். நெல்லை அவித்துக் காயவைத்து தை முதல் நாள் சமைப்பதற்கு ஏதுவாக கைக்குத்தல் அரிசியாக மாற்றி, தை முதல் நாள் அதாவது பொங்கலன்று அதை சமைத்து விருந்துண்டு கொண்டாடுவார்கள். இந்தக் கொண்டாட்டத்துக்கு ‘புது அரிசிச் சோறு விருந்து’ என்று பெயர். அக்கம் பக்கம் வீட்டார்களையும் உறவினர்களையும் அழைத்து இந்த விருந்தோம்பல் நடக்கும்.

    spacer.png

    கீரனூர் முஸ்லிம்கள் கொண்டாட்டம்

    கிட்டத்தட்ட கூட்டாஞ்சோறுபோலத்தான் இதுவும். இதுதான் தஞ்சை ராவுத்தர் வீட்டு பொங்கல்” என்று நினைவுகூர்கிறார் கூத்தாநல்லூரைச் சார்ந்தவரும், ‘முஸ்லிம் முரசு’ இதழின் முன்னாள் ஆசிரியருமான சடையன் அமானுல்லா.

    “ராவுத்தர் வீட்டுப் பொங்கல் என்றால், கவிச்சி இல்லாமலா? ஆகையால், புது அரிசிச் சோறு விருந்துக்கு இறைச்சி ஆணமோ அல்லது தால்ச்சாவோ சமைத்துப் பரிமாறுவார்கள். அனைத்து மிராசுதாரர்களின் வீட்டிலும் புது அரிசிச் சோறு விருந்து ஏற்பாடுசெய்யப்பட்டிருந்தாலும், ஒரே நாளில் விருந்து வைத்தால் யாரும் சாப்பிட வர மாட்டார்கள் என்பதால், முதல் மூன்று நாட்களோ அல்லது ஏழு நாட்களோ தங்களுக்குள் கிழமையைப் பிரித்துக்கொண்டு விருந்துபசாரம் நடக்கும்.

    வீட்டில் விருந்து நடப்பதற்கு முன்னால் அந்த முஹல்லாவில் இருக்கும் பள்ளிவாசல் இமாமிற்கும் மோதியாருக்கும் மற்ற பள்ளிவாசல்களின் ஊழியர்களுக்கும் மறக்காமல் தூக்குச் சட்டியில் சாப்பாடு அனுப்பிவைப்பார்கள். இதுதான் தஞ்சை முஸ்லிம்கள் கொண்டாடும் பொங்கல்” என்று அடுக்குகிறார் சடையன் அமானுல்லா.  

    மாட்டுப் பொங்கலும் உண்டு

    அடுத்த நாள் மாட்டுப்பொங்கல் நாளன்று, மிராசுதார் வீட்டு உழவு மாடு, கறவை மாடு வில் வண்டி இழுக்கும் மாடுகள் அனைத்தும் வீட்டுக்கு கொண்டுவரப்பட்டு, மதுரை - தேனி மாவட்ட முஸ்லிம்களைப் போல் மாடுகளைக் குளிப்பாட்டி வண்ணச் சாயங்கள் பூசி, நெட்டியால் (pith) செய்யப்பட்ட மாலைளை கழுத்து, கால், நெற்றி என அணிவித்து, மாட்டுக்குப் பொங்கல், வாழைப்பழம், கரும்பு கொடுத்து சுதந்திரமாக விட்டுவிடுவார்கள். சிறுவர்கள் மாடுகளை ஊர்வலமாக அழைத்து சென்று, வீட்டுக்கு வீடு மாட்டுக்காகக் கொடுக்கப்படும் வாழைப்பழம், கரும்பு, அகத்தி கீரைகளை வாங்கி மாடுகளுக்குக் கொடுப்போம். அது ஒரு காலம்” என்கிறார் சடையன் அமானுல்லா. 

    மிராசுதாரர்களோ இல்லையோ, குமரி மாவட்ட முஸ்லிம்களிடம் ‘புது அரிசிச் சோறு விருந்து’ போன்றவை புழக்கத்தில் இருந்துள்ளன.

    கிழக்கு ராமநாதபுரம் வட்டார முஸ்லிம்களின் பொங்கல் கொண்டாட்டங்கள் சற்றே மாறுபடுகின்றன. “விளைந்தது வீட்டிற்கு வருவதை வரவேற்க போகி நாளில் வீட்டைக் கழுவி சுத்தம்செய்து வைப்பார்கள். தை முதல் நாளன்று புது நெல்லை குத்தி அரிசியாக்கி அதைப் பொங்கல் வைப்பர். இதன் பெயர் பாச்சோறு. புத்தரிசியை உரலில் இடித்து துள்ளும் பக்குவம் வந்தவுடன் அத்தோடு கருப்பட்டி அல்லது வெல்லம் கலந்து அதைக் கொழுக்கட்டைபோல் பிடித்து வைப்பர். இதன் பெயர் துள்ளுமாவு. பாச்சோற்றுடன் துள்ளுமாவு வைத்து ஏழு அல்லது பதினோரு கன்னி வைத்து கட்டப்பட்ட மரிக்கொழுந்தையும் வைத்து இறைவனுக்கு நன்றி சொல்லி பிரார்த்துவிட்டு அதனை அனைவருக்கும் பகிர்ந்துண்ணக் கொடுப்பர்.

    வீட்டில் நெல்லைச் சேமித்து வைக்கும் மரசலின் நான்கு மூலைகளிலும் சிறிது பாலை ஊற்றி ஊதுபத்தி கொளுத்தி வைத்து இறைவனிடம் வேண்டியபின் புது நெல்லைக் கொட்டி சேமித்து வைப்பர். வீட்டில் மாடு கன்று வைத்திருப்போர் அவற்றைக் குளிப்பாட்டி செந்துருக்கப் பொட்டு வைத்து கொம்பிற்கு வர்ணம் பூசி, படைத்த பாச்சோறில் அதற்கான பங்கையும் வாழை இலையில் வைத்து கொடுத்து மகிழ்வர் என்கிறார் முதுகுளத்தூரைப் பூர்விகமாக கொண்ட வரலாற்று ஆய்வாளர் ஜாகிர் ஹுசைன்.

    இது போன்று ஊர் ஊருக்கு, சிறு மாற்றங்களுடன் விவசாயத்தோடு ஒன்றிப்போன தமிழ் முஸ்லிம் சமுதாயம் பொங்கலை இஸ்லாமிய நெறிக்குள் கொண்டாடிவருகின்றது. பல நூற்றாண்டுகளுக்கு முன்னர் கடல் கடந்து தென் கிழக்கு ஆசியாவில் வணிகம்செய்தவர்கள் தமிழ் முஸ்லிம்கள். இப்படி வெளிநாடு சென்ற இடத்திலும் கொண்டாட்டம் தொடரும். மலேசியாவின் ஈப்போ நகரில் உள்ள தமிழ் முஸ்லிம் சமுதாயம் பொங்கலைக் கொண்டாடிவருகின்றனர்.

    spacer.png
    மலேசிய தமிழ் முஸ்லிம்கள் கொண்டாட்டம்

    மாறும் தவறான புரிதல்கள்

    இவ்வாறு பரவலாக தமிழ் முஸ்லிம்கள் பொங்கல் கொண்டாடினாலும் இதிலிருந்து மாறுபட்டவர்களும் உண்டு. கட்டுரையின் ஆரம்பத்தில் குறிப்பிட்டபடி, தட்டையான புரிதலுடன், அரபுக் கலாச்சாரத்தை இஸ்லாமிய வழிமுறைகளாக குழப்பிக்கொள்ளும் இயக்கவாதிகளின் பிரச்சாரத்தால் இத்தகு கொண்டாட்டங்கள் அந்தந்த வீட்டோடு முடங்கியதும் உண்டு. ஆனால், காலம் மாறுகிறது. திராவிட இயக்கமும், தமிழக அரசும் அதனை மதம் கடந்த தமிழர்த்  திருவிழாவாக முன்னிறுத்துவதும் இந்த மாற்றத்திற்கான முக்கியமான காரணம் ஆகும்.

    வரலாற்று ஆய்வாளர் ஜாஹிர் ஹுசைன் கூற்றுப்படி, “மார்க்கத்தை ஏற்ற பின்னே எங்களுக்குக்  கிடைத்தவைதான் நோன்புப் பெருநாளும் தியாகத் திருநாளும். அதற்கும் மூத்த எங்களின் பண்பாட்டுத் திருநாள் பொங்கல் என்பதை நாம் மறந்துவிட முடியாது. பொங்கல் தமிழர்கள் நம் அனைவருக்குமான திருநாள். எங்களின் பண்பாட்டு வேர்களை எதன் பெயராலும் பட்டுப்போகச்செய்ய முடியாது.”

    அரசியல் சூழலில் ஏற்படும் மாற்றங்களும் பண்பாட்டுத் தளத்தில் மாற்றங்களைக் கோருகின்றன. முன்னெப்போதையும்விட பொதுச் சமூகத்துடன் பிணைந்து நிற்பதை விரும்பும் முஸ்லிம் சமூகம் தனக்கான பண்பாட்டு வேர்களை மீண்டும் தேடிப் பிடிக்கிறது. மதரீதியிலான பிளவுகளைப் பரப்பப்படும் அரசியலுக்கு மொழிரீதியிலான ஒற்றுமை மூலம் அது பதில் கொடுக்கிறது. தமிழ்ப் பொங்கல் இனி கூடுதலாகத் தித்திக்கும்!

    படங்கள் :

    முகம்மது காசிம், ஜாஹிர் ஹுசைன் திவான், புர்ஹான் முகம்மது, கோம்பை அன்வர் 

     

    https://www.arunchol.com/kombai-anwar-article-on-tamil-muslims-pongal

     

  4. 4-0 என்ற கணக்கில் இங்கிலாந்‍தை தோற்கடித்து ஆஷஸ் கிண்ணத்தை கைப்பற்றிய ஆஸி.

    ஹோபார்ட்டில் நடந்த ஐந்தாவது இறுதியுமான டெஸ்ட் போட்டியில் 146 ஓட்டங்களினால் இங்கிலாந்தை தோற்கடித்த அவுஸ்திரேலிய அணி ஆஷஸ் தொடரை 4-0 என்ற கணக்கில் கைப்பற்றியது.

    Image

    அவுஸ்திரேலியாவுக்கு சுற்றுப்பயணம் மேற்கொண்டுள்ள ஜோ ரூட் தலைமையிலான இங்கிலாந்து அணி 5 போட்டிகள் கொண்ட ஆஷஸ் தொடரில் விளையாடி வருகிறது. 

    4 போட்டிகள் முடிவில் அவுஸ்திரேலியா 3-0 என தொடரைக் கைப்பற்றி இருந்தது. இதில் ஒரு போட்டி சமனிலையில் முடிந்தது.

    இந்நிலையில், இரு அணிகளுக்கு இடையிலான 5 ஆவதும் இறுதியுமான டெஸ்ட போட்டி ஹோபர்ட்டில் வெள்ளிக்கிழமை ஆரம்பமானது.

    நாணய சுழற்சியில் வெற்றி பெற்ற இங்கிலாந்து பந்துவீச்சை தேர்வு செய்தது. முதலில் களமிறங்கிய அவுஸ்திரேலியா முதல் இன்னிங்சில் 303 ஓட்டங்களுக்கு சகல விக்கெட்டுகளையும் பறிகொடுத்தது.

    டிராவிஸ் ஹெட் சிறப்பாக ஆடி சதமடித்து 101 ஓட்டங்களை அணிக்காக பெற்றுக் கொடுத்து ஆட்டமிழந்தார்.

    இங்கிலாந்து சார்பில் பந்து வீச்சில் பிராட், மார்க் வுட் ஆகியோர் தலா 3 விக்கெட்டுகளையும், ரோபின்சன் மற்றும் கிறிஸ் வோக்ஸ் ஆகியோர் தலா 2 விக்கெட்டுகளையும் கைப்பற்றினர்.

    பின்னர் தனது முதல் இன்னிங்ஸுக்காக துடுப்பெடுத்தாடிய இங்கிலாந்து 47.4 ஓவர்களில் அனைத்து விக்கெட்டுகளையும் பறிகொடுத்து 188 ஓட்டங்களை மாத்திரம் எடுத்தது.

    அணி சார்பில் அதிகபடியாக கிறிஸ் வோக்ஸ் 36 ஓட்டங்களையும், ஜோ ரூட் 34 ஓட்டங்களையும் எடுத்தனர்.

    பந்து வீச்சில் அவுஸ்திரேலியா சார்பில் பேட் கம்மின்ஸ் 4 விக்கெட்டுகளையும், மிட்செல் ஸ்டார்க் 3 விக்கெட்டுகளையும், ஸ்காட் போலண்ட் ஒரு விக்கெட்டினையும் மற்றும் கேமரூன் கிரீன் ஆகியோர் தலா ஒரு விக்கெட்டினையும் வீழ்த்தினர்.

    இதனால் 123 ஓட்ட முன்னிலையுடன் இரண்டாவது இன்னிங்சுக்காக துடுப்பெடுத்தாடிய அவுஸ்திரேலியா 155 ஓட்டங்களுக்கு சகல விக்கெட்டுகளையும் பறிகொடுத்தது.

    இங்கிலாந்து சார்பில் மார்க் வுட் 37 ஓட்டங்களுக்கு 6 விக்கெட்டுகளையும், பிராட் 3 விக்கெட்டுகளையும் மற்றும் கிறிஸ் வோக்ஸ் ஒரு விக்கெட்டினையும் வீழ்த்தினர்.

    இதையடுத்து, 271 ஓட்டங்கள் எடுத்தால் வெற்றி என்ற இலக்குடன் இங்கிலாந்து அணி இரண்டாவது இன்னிங்சை ஆரம்பித்தது.

    தொடக்க ஆட்டக்காரர்கள் ரோரி பேர்ன்ஸ், ஜாக் கிராலி ஆகியோர் நிதானமாக ஆடினர். முதல் விக்கெட்டுக்கு இந்த ஜோடி 68 ஓட்டங்களை சேர்த்தது. 

    பின்னர் ரோரி பேர்ன்ஸ் 26 ஓட்டங்களில் ஆட்டமிழந்தார். அடுத்து கிராலி 36 ஓட்டங்களுடன் ஆட்டமிழந்தார். 

    இதன்போது இங்கிலாந்து 2 விக்கெட் இழப்புக்கு 82 ஓட்டங்களை எடுத்திருந்தது. அதன் பின்னர் களமிறங்கிய இங்கிலாந்து வீரர்கள் நீண்ட நேரம் தாக்கு பிடிக்காமல் அடுத்தடுத்து ஆட்டமிழந்து வெளியேறினர்.

    இறுதியில் இங்கிலாந்து இரண்டாவது இன்னிங்சில் 124 ஓட்டங்களுக்கு அனைத்து விக்கெட்டுகளையும் பறிகொடுத்து 146 ஓட்டங்கள் வித்தியாசத்தில் தோல்வியைத் தழுவியது.

    Image

    இதனால் அவுஸ்திரேலியா 4-0 என்ற கணக்கில் ஆஷஸ் தொடரை கைப்பற்றியது.

    ஆட்ட நாயகன் விருதும் தொடர் நாயகன் விருது டிராவிஸ் ஹெட்டுக்கு வழங்கப்பட்டது.

    Image
     

     

    https://www.virakesari.lk/article/120824

  5. சந்திரிகா, வெல்கம, அர்ஜுண, சுசில், அநுரவின் பங்கேற்பில் உருவாகின்றது புதிய அரசியல் அணி

    (ஆர்.ராம்)

    தென்னிலங்கை அரசியல் களத்தில் புதிய அரசியல் அணியொன்று எதிர்வரும் மார்ச் மாதம் ஐந்தாம் திகதியளவில் ஆரம்பிக்கப்படவுள்ளது.

    இந்த அரசியல் அணியில் மையப்புள்ளியாக முன்னாள் ஜனாதிபதி சந்திரிகா பண்டாரநயக்க குமாரதுங்க இருக்கவுள்ளதோடு, குமார் வெல்கம, அர்ஜுண ரணதுங்க, சுசில் பிரேமஜயந்த, அநுர பிரியதர்சன யாப்பா ஆகியோரும் ஒருங்கிணையவுள்ளனர்.

    இந்த அணியானது குமார வெல்கம தலைமையில் பதிவு செய்யப்பட்டுள்ள புதிய அரசியல் கட்சியான புதிய லங்கா சுதந்திரக் கட்சியை மையப்படுத்தி பரந்துபட்ட கூட்டணியொன்றை அமைக்கும் வகையில் இந்த அணி செயற்படவுள்ளது.

    இதுதொடர்பாக பாராளுமன்ற உறுப்பினர் குமாரவெல்கம வீரகேசரியிடத்தில் தெரிவிக்கையில்,

    எமது கட்சியின் தலைமைக்காரியாலயத்தினை எதிர்வரும் மார்ச் மாதம் ஐந்தாம் திகதி பத்தரமுல்லையில் திறப்பதற்கு தீர்மானித்துள்ளோம். குறித்த நிகழ்வில் எமது கட்சியை மையப்படுத்திய பரந்து பட்ட அணியொன்றை ஸ்தாபிப்பதற்கு திட்டமிட்டுள்ளோம்.

    ஜனநாயகம், மனிதாபிமான பண்புகள் நிறைந்த அரசியல் கலாசாரமொன்றையும் அனைவரும் சமத்துவமாக வழும் அமைதியான சூழல் ஒன்றையும் கட்டியெழுப்புவதற்கு சமூகத்தினை வழிநடத்தக்கூடிய அரசியல் கட்சியொன்று அவசியமாகின்றது.

    அந்த வெற்றிடத்தினைப் பூர்த்தி செய்யும் நோக்கத்திற்காகவே இப்புதிய அரசியல் கட்சியை முன்னெடுத்துச் செல்வதற்கு தீர்மானித்துள்ளோம்.

    இந்தக் கட்சியின் போசகராகவும் எம்மை வழிநடத்துபவராகவும் முன்னாள் ஜனாதிபதி சந்திரிகா பண்டாரநாயக்க செயற்படவுள்ளார். அத்துடன் அவருடைய வழிகாட்டலில் மாற்றத்தினை ஏற்படுத்துவதை நோக்கி நகரவுள்ளோம்.

    இந்த நிகழ்விற்கு அனைத்து தலைவர்களையும் அழைப்பதற்கு தீர்மானித்துள்ளோம்.

    மேலும், எமது கொள்கைகளையும், இலக்குகளையும் ஏற்றுக்கொள்பவர்கள் எம்முடன் இணைந்து பயணிப்பதற்கு முடியும். அவ்விதமானவர்களுக்காக எமது கதவுகள் திறந்தே இருக்கும்.

    அண்மையில் சுசில் பிரேமஜயந்தவுடனும் பேச்சுவார்த்தைகளை மேற்கொண்டுள்ளேன். 

    அதேநேரம், ஏனைய தலைவர்களையும் இணைத்துக் கொண்டு பயணிப்பதில் எமக்கு தயக்கங்கள் இல்லை.

    மைத்திரிபால சிறிசேன, அரசாங்கத்தின் பங்காளியாக இருக்கின்றார். அவர் அதிலிருந்து வெளியேறி எம்முடன் இணைந்து கொள்வது பற்றி தீர்மானித்தால் பேச்சுக்களை முன்னெடுப்பதற்கு தயாராகவே உள்ளோம் ஏனைய எதிரணிகளையும் இணைத்துப் பயணிப்பதற்கும் தயாரகவே உள்ளோம் என்றார்.
     

     

    https://www.virakesari.lk/article/120810

  6. ஆதிவாசிகளின் பொங்கல் விழா இன்று நடைபெற்றது

    ShanaJanuary 16, 2022
     

    AVvXsEh9SzOq3yCta4AqIE6W7UYtH8O6CeYq-95oCWebo1sExwddb4NQWo7brElo9BEV9VmTUMcqUZubZpsZTQNKB3dPN3YoFey87KysEakujVcTc_QHEwoSjwT0BdAtuiJmmAKrCDSBmOSKqv2rereet9rwQnTQlSkTOL767zdwXibybmdQ1YKA3451T_o3Pw=s16000

    (ரூத் ருத்ரா)

    ஆதிவாசிகளின் பொங்கல் விழா இன்று வாகரை குஞ்சங் கல் குளத்தில் அவர்களுக்குரிய கலாச்சார நிகழ்வுகளுடன் இன்று நடைபெற்றது.

      ஆதிவாசிகளின் தலைவர் நல்லதம்பி வேலாயுதம் தலைமையில் நடைபெற்ற நிகழ்வில் பிரதேச மக்கள் பங்கு கொண்டு தங்களது கலாச்சார ரீதியில் மண் பானையில் பொங்கல் இட்டு சூரிய பகவானுக்கு நன்றி தெரிவித்தனர்.
    இதன்போது சிறுவர்கள் மற்றும் பொற்றோர்களுக்கான மரபு ரீதியான விளையாட்டு நிகழ்வுகளும் நடைபெற்று போட்டி நிகழ்சிகளில் பங்கு கொண்டு வெற்றி பெற்வர்களுக்கு பரிசுப் பொருட்களும் வழங்கி வைக்கப்பட்டது.

     

    நீண்ட காலத்திற்குப் பின்னர் மேற்படி கிராம மக்கள் இவ் பொங்கல் விழாவினை மகிழ்சியுடன் கொண்டாடினார்கள். குறித்த நிகழ்வினை லவன் உதவும் கரங்கள் நற்பணி மண்றத்தினர் ஏற்பாடு செய்திருந்தனர்.

     

    இந் நிகழ்வில் கலந்து கொண்ட அமைப்பின் தலைவர் குருசுமுத்து வி.லவன் உரையாற்றும் போது தெரிவித்ததாவது ஆதிவாசிகள் எமது இனத்தின் மூத்த தமிழ் குடிமக்களாகும். இப் பகுதிகளில் இருந்து 3000 வருடங்களுக்கு முன்பு மன்னர் காலத்தின் அரச படைகளில் போர் வீராகளாக இருந்துள்ளனர்.

     

    அப்போது அவர்களுக்கு கிடைத்த பரிசுப் பொருட்களை அவர்களின் மரணத்திற்கு பின்னர் மரணித்த போர் வீரர்களது உடலுடன் முதுமக்கள் காழிகளாகவும் ,நடுகை கற்கள், பண்பாடுகளாகவும் இன்று கூறப்படும் தொல் பொருட்களாகவும் இறுதி எச்சங்களாகும் இன்று காணப்படுகிறது. எனவே இவர்கள் எம்மவர்களால் போற்றப்படவேண்டும் இவர்களது காலச்சாரங்களும் பண்பாடுகளும் எம்மால் பாதுகாக்கப்படவேண்டும் என்றார்.

     

    AVvXsEgMZuB_JGYx___hc66b6t1q5gspGiYBGKjBcy6JejKG6iDwHgdkJcXf_8cFO96_UUMgkyUSYOFAGy2pGEU9x1Z97j38Ghvi3u-XHJKTcvHlB8ZSHJ9gvaJh3VVE2aJqiaXlsxeJcV6jLDWDTvI4xF6Lg1p7xoZXKjWE_N65IZeHt4Tfo4EoJgtQEweLng=s16000

     

    AVvXsEiD3HrhxSdy9GFIkO3-3jOUXJ944pGcbAMP9acfFtdhyG3VVkTTI42px3DbLckz3ZSvCOQXiTM_5VsZlnFCyLZsb7zXQ96M9C7Ibsb_ZlmWOzQ5ZLWdP5AzgmZxr-hJPR8EuDNh0xUaeJ3UWWTgJ0T0h8i7wat89d3tfMELXtJgBQT5GB7c644YUivsUQ=s16000

     

    AVvXsEhd9SCkMDmdLBD58nkBScjiiH5B1WVgVsdojHjZsGS16ovErLA76UM1bBZOHMNglcT1QdQq4VwGx0REJr4TnuEJYY0FLY40qorOdVJKd0VFJu3E2J9027hQxlQ83qXoYp3jKKNAj-5Uzio76vU7bL3St0jD-begN0mn7M4qTpQQYd_yfg4hRDj2uwqQrA=s16000

     

    AVvXsEhSyicBFnhB76tpixf9y9TvpmaclAy3LkeKt4BFrRIeQUwGUTcGY6fbIYL-Bjyd2cBsbcnTxBkfU_ExpIC1bz-1K1PHFrywSffx71oOPYcdhDBGeM8iReDtuF2jq1BYTmcUX5shgeRN_FcCH-29y89qcggkLgkAnhkQLZ1Ax9dFVnPtXQcYdkDvyBna_w=s16000

     

    AVvXsEgKSz-LvKmbDZfkKHAxeY1-k3_1QqPIPBN169975qPZL66J5yxaKIpbLL6f27DNM_fyPaYY9eq9MyjfGsaV2wKW21JQz2-D2kG_X7HlgSdGJXmATVOWoPFoDQIpWTPuM95O9ikRrX306IX3wnm9jekjRj3r3zscw3-KwV9dPYz-QrCztnutcAtCEgQDfw=s16000

     

    AVvXsEjE_5Vgy5C3_muVmcHeQeBPZPpuLgQ-QHi6r3bpyCZBfEnmbOHdhiBlk2jKKIIV1yIZs_4C--tZeYYyWYfKRPv7jW18YVcuuhgYI7f1P_6H2BrZNiaAKeHB7cTTjXaIUqA-UUJ8QY6alWY1TN5givdTMdxb1JjotYqs8g9nz3EmzGLfyUvYKoWYUW8B6w=s16000

     

    AVvXsEinX5YJy-CM3U5SDtLIIbzyELWcBhvWjOh2LB_pQbioMWBbhVAQNd-nJo1J4vbU0k3fqyiE9AgONJOB0QsJQsmY2iwa5lR3Pw8bfg1JQNrpRB6oO0y1uMoHNblKmnfb6lEcHKdmYYSDcrpcTtVqMQc0L556tHEIY5qeZafYY-j7fVcvJBKx69_64Y1rCg=s16000

     

    AVvXsEi3xGVSeqmu3MXx_v1a9EWvBXBo4ASBzWBb9qPG-gu7jibhoz2pMuKbr13po8w_nUOAuE1RblL5rS7eMTB0_lAoFqKQ6FgFe3UxWFy8FKzK7Vf7ILQTo_Of1XhMxJi-_HsjI5HLtcu1cTQL0BcJ0TbgBctvpc1qExqZOdmQuwtQIZjXCKL4Afj2ShZQ8A=s16000

     

    AVvXsEgr3Z9VELUXvTBZnegYkIThOWq9QmUZ69W9HMuf9ZaZjA9oTFx5hbUNEJhMDxzKyFA8YOPPMxrF2MD95G5IrwDRydQzKc_3pSUzEOuv4doX-J8Giu3JYfjbfn8J4aGKy6pymMQGytiT-qfxM9p1CQkxujIrlFSakBSjdRRnDNiXJVIlsey6TkhOC4WrZQ=s16000
     
     
    • Like 1
  7. மோடிக்கான தமிழ்க் கட்சிகளின் கடிதம் ஏற்படுத்தப் போகும் தாக்கங்கள் என்ன? – பேராசிரியர் கே.ரி.கணேசலிங்கம்

    January 16, 2022
     
     

    மோடிக்கான தமிழ்க் கட்சிகளின் கடிதம்: ஏழு தமிழ்த் தேசியக் கட்சிகள் இணைந்து இந்தியப் பிரதமருக்கான கடிதம் ஒன்றைத் தயாரித்துள்ளன. பலத்த இழுபறிகளுக்கு மத்தியில் தயாரான இந்தக் கடிதம் எதிர்வரும் 18 ஆம் திகதி கொழும்பிலுள்ள இந்திய உயர் ஸ்தானிகர் மூலமாக இந்தியப் பிரதமருக்கு அனுப்பப்படவுள்ளது. இந்தப் பின்னணியில் இந்தக் கடிதத்தின் உள்ளடக்கம் அது ஏற்படுத்தக் கூடிய தாக்கங்கள் குறித்து யாழ். பல்கலைக்கழக பேராசிரியர் கே.ரி.கணேசலிங்கம் லண்டன் அனைத்துலக உயிரோடைத் தமிழ் வானொலியின் தாயகக் களம் நிகழ்வில் தெரிவித்த கருத்துக்களில் முக்கிய பகுதிகள்

    கேள்வி: 
    தமிழ்த் தேசியக் கட்சிகள் இணைந்து இந்தியப் பிரதமருக்கான கடிதம் ஒன்றைத் தயாரித்திருக்கின்றன. இந்தக் கடிதத்தின் உள்ளடக்கம் சில தினங்களுக்கு முன்னர் ஊடகங்களில் வெளிவந்திருந்தது. இன்றைய கால கட்டத்தில் இது குறித்த உங்கள் பார்வை என்ன?

    பதில்
    கடிதத்தின் உள்ளடக்கங்களை அவதானிக்கின்ற போது, ஈழத் தமிழர்களின் அரசியல் பிரச்சினையின் மையக்கருவைத் தழுவியும் அதே நேரம் முதன்மைப்படுத்தப்பட்ட விடயங்கள் பற்றிய முன்னோக்கிய எண்ணங்களை முன்வைக்காது என்ற குறைபாடும் அந்தக் கடிதம் சார்ந்து எல்லோர் மத்தியிலும் ஏற்படுத்தியுள்ளது.

    அது முன்வைக்கின்ற மிக முக்கியமான ஒரு விடயமாக இலங்கை இந்திய உடன்பாடு சார்ந்த 13 பற்றிய உரையாடலை அமுல்படுத்துவது தொடர்பான ஒரு உரையாடல் ஒன்று தான் அதில் கூறப்பட்டுள்ளது.

    இது தொடர்பாக என்னுடைய பார்வை என்னவென்றால், இவ்வாறான ஒரு முயற்சி என்பது 35 வருடங்களின் பின்னர் இதை எடுக்கின்ற போது இந்த 35 வருட இடைவெளியில் தமிழர்களின் பிராந்திய ரீதியான அரசியல், உலகளாவிய அரசியலில் ஏற்பட்ட முன்னோக்கிய நகர்வுகளை திட்டமிட்டு மேற்கொண்டிருக்கலாம். நீண்டகாலக் கோரிக்கையான சமஷ்டி என்பதையும் கடந்து சில விடயங்களை முன்னிறுத்திக் கொண்டு இந்தியாவிற்கு வெளிப்படுத்துவதற்கு இந்தத் தலைமைகள் முயன்றிருக்கலாம் என்றதொரு எண்ணம் என்னிடம் மேலோங்கியிருக்கின்றது. இதை நான் நிராகரிக்க மாட்டேன். இந்த மாதிரியான முயற்சிகள் புவிசார் ரீதியான அரசியல் ரீதியான எண்ணப்பாங்குகளைக் கொண்டிருக்கின்ற உறவை வைத்திருக்கக் கூடிய ஒரு முனைப்பை நாங்கள் உருவாக்கிக் கொண்டு செயற்படுத்துவது ஆரோக்கியமானது.

    spacer.png

    இது இப்போதல்ல. 2009 போர் முடிந்த பிற்பாடே தொடங்கியிருக்க வேண்டியது. இருந்தாலும், தமிழ் அரசியல் தலைமைகள் தங்களுக்கிடையே ஒரு ஒருங்கிசைவை ஏற்படுத்துவதற்கு முயற்சித்திருக்கிறார்கள். இந்தக் கடிதத்தை வரைவதற்கு இவ்வளவு காலப்பகுதி இழுபறி என்பது தமிழ் அரசியல் கட்சித் தலைமைகள் மீது இருக்கின்ற குறைபாடு. இப்போதும் பாராளுமன்றில் 2 ஆசனங்களைக் கொண்ட ஒரு கட்சி வெளியில்தான் இருக்கின்றது. இந்த 13 பற்றிய பார்வையை நிராகரிக்கும் தளத்தில் இருக்கின்றது. இந்த ஒரே திட்டத்திற்குள் சமூகத்தைக் கொண்டு செல்வதற்கு ஒருவரும் முயற்சிப்பதாகத் தெரியவில்லை.

    கேள்வி
    13 ஆவது திருத்தத்தையும் தாண்டி பல விடயங்கள் அல்லது கோரிக்கைகள் இந்தக் கடிதத்தில் வலியுறுத்தப்பட்டிருக்கின்றது. இருந்த போதிலும், இது 13 க்குள் தீர்வை முடக்கிவிடும் ஒரு சதி என முன்வைக்கப்படும் குற்றச்சாட்டுக்கள் குறித்து உங்கள் கருத்து என்ன?

    பதில்
    13இற்குள் இந்தத் தீர்வை முடக்குவது என்பதைவிட 13ஐ அடிப்படையாகக் கொண்டு இந்தத் தீர்வை நோக்கி நகர்வதற்குரிய விடயமாகத்தான் இதை பார்க்கிறேன். இது ஒரு தீர்வல்ல. இது தீர்விற்கான ஒரு முயற்சி மட்டுமே. இவ்வாறான முயற்சிகள் பல தமிழ் சமூகப் பரப்பில் முன்வைக்கப்பட்டுள்ளது. இந்த முயற்சிகளில் முழுமையை அடைவதற்குரிய ஒரு உபாயம் நமக்கு வேண்டும். 2009இற்கு முன் இருந்த களம் என்பது வேறு. அந்தக் களத்தோடு இந்தக் களத்தை நாங்கள் ஒப்பீடு செய்து பார்க்க முடியாது. இன்றைய நிலையில் ஒரு நடைமுறை சார்ந்திருக்கக்கூடிய விடயத்தை, அதற்கான உபாயங்களை, அதற்கான செயல் வடிவங்களை புலம்பெயர் தேசத்தில் முன்வைத்துக் கொண்டிருக்கிறார்கள்.

    ஆனால் அவர்களை 2009இற்குப் பின்னர் எண்ணற்ற போராட்டங்கள் இந்தத் தலைமைகளால் முன்னெடுக்கப்பட்டது. 13ஓடு முடக்கி விடுவதற்கான சதி நிச்சயமாக நிகழும். அதற்கான வாய்ப்புகள்  அதிகம் உள்ளது. பிராந்திய அடிப்படையிலும் உலக அடிப்படையிலும் ஒரு மாற்றம் நிகழ்ந்து கொண்டிருக்கின்றது. இந்தப் பிராந்தியத்தை நோக்கி மேற்கு நாடுகளின் பார்வை உயர்ந்திருக்கிறது. அதைப் பல இடங்களில் நான் குறிப்பிட்டிருக்கிறேன். இந்தப் பிராந்தியத்தை நோக்கி சீனாவிற்கு எதிரான உபாயம் வகுக்கப்பட்டிருக்கின்றது.

    1991இல் சோவியத் யூனியனை உடைத்தது. அதேபோன்று  மத்திய அரசுக் குடியரசுகள், சோவியத் குடியரசுகள் போன்று அந்தக் களத்திலிருந்த அந்தக் காலப்பகுதி போன்றே இந்தோ – பசுபிக் எல்லையோரங்களில் இருக்கின்ற நாடுகளுக்கும், அரசுகளுக்கும், தேசிய இனங்களுக்கும் ஒரு சூழல் கிடைத்திருக்கின்றது. அதை வாய்ப்பாக்குவது, பலவீனப்படுத்துவது, அல்லது முற்றாகவே அழிப்பது போன்ற ஒரு மாதிரிக்குள் கொண்டு செல்வது என்பது எங்களுடைய உபாயங்களில் தான் இருக்கின்றது.

    நான் நினைக்கிறேன். அதற்கான திட்டமிடல் இருக்கும். அதை முறியடியுங்கள். அதற்காக நாங்கள் அச்சமடைகின்றோம் என்பதற்காக அதை வெளியிலிருந்து பார்த்துக் கொண்டிருக்க முடியாது. அரசியல் தலைமைகள் அதற்கான கருத்தைச் சொல்லிக் கொண்டிருக்கின்றார்கள். அதனை செயற்பாட்டிற்குக் கொண்டு வருவதற்கு ஒரு போராட்டத்தை, ஒரு அணுகுமுறையை, அதற்கான உபாயத்தை சொல்லுகிறார்கள்.

    spacer.png

    13இற்குள் ஈழத்தமிழர்களின் பிரச்சினையைச் சுருக்குவதற்கு, முடிவை எட்டுவதற்கான ஒரு நிர்ப்பதந்தம் எல்லாத் தளத்திலும் உள்ளது. அதற்கு இலங்கை அரசாங்கம் நிறைய உபாயங்களை வகுக்கும். அது ஒரு நீண்டகால அனுபவமும், திட்டமிடலும் கொண்டிருக்கின்ற ஒரு நாடு என்ற அடிப்படையில்  இயங்குகின்ற போது நிச்சயமாக அது செயற்படும்.  இலங்கை அரசாங்கத்துடன் சேர்ந்து பயணிக்கின்ற சக்திகள் எல்லோருமே அவ்வாறான ஒரு அணுகுமுறைக்குள்ளாகத் தான் அவர்கள் செயற்பட முயற்சிப்பார்கள்.

    ஆனால் எதுவானாலும் இந்த செயல் வடிவத்திற்குப் போவதற்கு, எங்களுடைய தரப்பு இந்த இடத்தில் முயலாமல், குற்றச்சாட்டுக்கள், ஒரு சாதாரண பத்தி எழுத்தாளன் போன்று, ஒரு ஊடக எழுத்தாளன் போன்று அல்லது ஊடகம் போன்று கருத்துச் சொல்வது தான் அவர்கள் அரசியல் என்ற நிலைக்குள் அவர்கள் இருக்கின்றார்கள்.

    இந்தக் குற்றச்சாட்டை நான் நிராகரிக்கவில்லை. அது யதார்த்தமானது. உலகத்தில் எல்லா தேசிய இனங்களும் எதிர்கொள்ளுகின்ற ஒரு யதார்த்தம். அதை தோற்கடித்து, அதை முறியடித்து அதற்கு மேல் உங்களுடைய உபாயங்களை வெற்றி கொள்வதற்கு ஏன் முடியவில்லை என்பது தான் என்னுடைய வாதம்.

    இவ்வாறான செயற்பாடுகளுக்குள் நாங்கள் செல்லாமல் இருக்கவோ, அல்லது அவற்றிற்குரிய நகர்வுகளுக்குள் எங்களை ஈடுபடுத்தாமல் இருப்பது என்பது ஏமாற்றுத் தனமான, மிகப் போலியான, தங்களுடைய இருப்பை மட்டும், கட்சி சார்ந்தும், தங்களுடைய கொள்கை சார்ந்தும், தாங்கள் சாரந்திருக்கின்ற எண்ணங்கள் சார்ந்தும் மட்டும் அவர்கள் மையப்படுத்தப்படுவார்களே அன்றி அவர்கள் இந்த மக்களோடு சேர்ந்து மக்களின்  அடிப்படை நியமங்களுக்கு என்ன மாற்றத்தைச் செய்வது அல்லது வாய்ப்புக்கள் கிடைக்கின்ற போது இவ்வாறான வாதங்களைத் தானே மீள மீள வைக்கின்றார்கள். அவ்வாறு முன்வைப்பதனால் இது நகர முடியாது ஓரிடத்தில் இருக்கின்றது. 35 வருடங்களில் மாற்றங்கள் நிகழாமல் இருக்கின்ற காரணங்களில் அரசியல் தலைமைகளும், அரசியல் தலைமைகளின் கூட்டு உடன்பாடுகளும் இதில் பங்களித்திருக்கின்றன.

     

    https://www.ilakku.org/what-are-implications-tamil-parties-letter-modi/

  8. தமிழீழ தேசியத் தலைவரின் முதல் பெரும் தளபதி கேணல் கிட்டு அவர்களின் சிந்தனையிலிருந்து...

    spacer.png
    தமிழீழம் நோக்கி எம்.வி அகத் எனும் கப்பலில் பயணித்த வேளை வங்கக்கடலில் வைத்து இந்திய கடற்படையால் முற்றுகையிட்ட வேளை பாரத அரசின் நயவஞ்சகத்தால் 16.01.1993 அன்று கப்பலுடன் தம்மைத் தாமே தீயிட்டு அழித்து வீரச்சாவைத் தழுவிக்கொண்ட கேணல் கிட்டு உட்பட பத்து மாவீரர்களின் 29ம் ஆண்டு வீரவணக்க நாள் இன்றாகும்.

     

    தமிழீழ தேசியத் தலைவரின் முதல் பெரும் தளபதி கேணல் கிட்டு அவர்களின் சிந்தனையிலிருந்து...

     

     

    2rZASSDXM4QUPOBF7xLy.jpg

     

    ஒவ்வொரு மனிதனுடைய வாழ்க்கைக்கும் அா்த்தம் இருக்கிறது ஆனால் எம்முடைய வாழ்க்கையின் அர்த்தத்தை நாம்தான் தேடிக்கொள்ள வேண்டும்


    Lphp5BCxZWnfdNQDJwYF.jpg

     

    உமது படிப்பையும் வேலையும் ஒரு வேலைக்கூரிய கடமையாகச் செய்யாமல் அதற்கு முமு அர்த்தம் கொடுக்கக் கூடிய மாதிரியாக செய்க

     


    Jgc2csYBTGtUdYjNJtFQ.jpg

     

    நான் உல்லாச விரும்பி அல்ல அது என் இயல்பு அல்ல உல்லாசத்தை விரும்பினால் உல்லாசமாக இருக்கலாம் அஃது என்னால் முடியாது


    QQ7zRu1C876LYFooNpNM.jpg

     

    அறிவும் வயதும் அனுபவமும் உயர்வும் கிடைக்கும் பொமுது நாம் பணியவேண்டும் பணிவு என்பது உலகையும் மக்களையும் புரிந்துந்துகொண்டு அவர்களுக்காக உழைத்தல் என்பதையே குறிக்கும்.


    nAdSnSBEnD3ZqIz3imlr.jpg

    சிந்தனையில் எளிமையாக வாழவும் மனித சேவையும் எப்பொமுதும் முக்கியமாகக் கருத வேண்டும்

     

     

     

    மூலம் -தமிழீழ ஆவணக்காப்பகம்

     
     
  9. இருவேறு வெளியுறவு அணுகுமுறைகள்? நிலாந்தன்.

    spacer.png

    தமிழ் கட்சிகள் இந்தியாவை நோக்கி தயாரித்த ஆவணம் இனிமேல்தான் இந்திய தூதரகத்திடம் கையளிக்கப்படும் என்று தெரிகிறது. அது கையளிக்கப்படுவது என்பது ஒரு சம்பிரதாயபூர்வ நிகழ்வு. இங்கு அதைவிட முக்கியமானது என்னவெனில் பெரும்பாலான தமிழ் கட்சிகள் ஒன்றுகூடி இந்தியாவை தமிழ் மக்களுக்கு ஆதரவாக தலையிட வேண்டும் என்று கேட்டிருப்பது தான்.

    இதில் தமிழ் தேசிய மக்கள் முன்னணி வெளியே நிற்கிறது. அக்கட்சியானது கூட்டுக் கோரிக்கை முன் வைக்கப் பட வேண்டும் என்பதனை எதிர்க்கிறதா? அல்லது அக்கோரிக்கையாக 13 ஆவது திருத்தம் முன்வைக்கப்படுவதை எதிர்க்கிறதா ? என்பதனை உத்தியோகபூர்வமாக தெளிவுபடுத்த வேண்டும். அதாவது இந்தியாவுடன் என்கேஜ் பண்ண வேண்டும் என்ற வெளியுறவு நிலைப்பாடு அக்கட்சியுடன் உண்டா ?

    இவ்வாறாக கடந்த சுமார் இரு மாத கால தமிழ் அரசியலை தொகுத்துப் பார்த்தால் இந்தியாவுக்கு ஒரு கூட்டுக் கோரிக்கையை முன்வைக்கும் விடயத்தில் தமிழ்ப் பரப்பில் உள்ள கட்சிகள் மத்தியில் இரண்டு துலக்கமான வெளியுறவு நிலைப்பாடுகள் வெளித்தெரிய காணலாம்.

    ஒரு மக்கள் கூட்டத்தின் மத்தியில் இயங்கும் எல்லா கட்சிகளும் ஒருமித்த வெளியுறவு தரிசனத்தை கொண்டிருக்க வேண்டும் என்றில்லை. ஒரு ஜனநாயக பரப்பில் பல்வகைமை இருக்கும். உதாரணமாக தென்னிலங்கை அரசியலில் ஐக்கிய தேசிய கட்சி ஆட்சிக்கு வரும் பொழுது அமெரிக்க சார்பு வெளியுறவு நிலைப்பாட்டை கடைப்பிடிக்கும். ஸ்ரீலங்கா சுதந்திரக் கட்சி ஆட்சிக்கு வரும் பொழுது அதிகம் தேசிய தன்மைமிக்க ஒரு வெளியுறவுக் கொள்கையை கொண்டிருக்கும். எனவே ஆட்சிக்கு வரும் கட்சிகள் மாறும் பொழுது வெளியுறவு அணுகுமுறைகளிலும் மாற்றங்கள் ஏற்படுவதுண்டு. இந்த அடிப்படையில் பார்த்தால் தமிழ் அரசியல் பரப்பில் இந்தியாவை நோக்கி ஒரு கூட்டுக் கோரிக்கையை முன்வைக்கும் விடயத்தில் துலக்கமான இரண்டு போக்குகள் மேலெழுந்திருக்கின்றன.

    இதில் இந்தியாவை நோக்கி கூட்டு கோரிக்கையை முன்வைக்கும் கட்சிகள் பிராந்திய பேரரசான இந்தியாவை இனப்பிரச்சினையில் தமிழ் மக்களுக்கு சாதகமாக தலையிட வைப்பதை இறுதி இலக்கை கொண்டிருப்பதாகக் கூறுகின்றன. இந்த இடத்தில் ஒரு அடிப்படை ராஜீய நடைமுறையை சுட்டிக்காட்ட வேண்டும். இந்தியா இனப்பிரச்சினையில் இனிமேல்தான் தலையிட வேண்டும் என்றில்லை. ஏற்கனவே தலையிட்டுக் கொண்டுதான் இருக்கிறது. அரசுக்கும் அரசுக்கும் இடையிலான உறவின் அடிப்படையில் தலையீடு இருக்கிறது. ஆனால் தமிழ் மக்களுக்கு சாதகமாக இந்தியா தலையிட வேண்டும் என்பதே மேற்படி கட்சிகளின் உள்நோக்கமாக காணப்படுகிறது.

    இந்தியா மட்டுமல்ல அமெரிக்காவும்சரி சீனாவும் சரி இலங்கைத் தீவை கையாள்வது என்று வரும்பொழுது கொழும்பிலிருக்கும் அரசைத்தான் கையாண்டு வருகின்றன. கொழும்பை கையாள முடியாத போது அமெரிக்காவும் இந்தியாவும் தமிழ் மக்களை ஒரு கருவியாகக் கையாண்டு கொழும்பை பணிய வைக்கின்றன. இவ்வாறு கொழும்பை கையாளும் ஒரு அணுகுமுறையில் மாற்றம் ஏற்படும் பொழுதுதான் இந்தியா தமிழ் மக்களின் பக்கம் நின்று இனப்பிரச்சினையில் தலையிடும். இதை இன்னும் கூர்மையாக சொன்னால் கொழும்புடனான உறவுகளை நெருக்கடிக்குள்ளாக்கும் விதத்தில் தமிழ் மக்களை நெருங்கிவர இந்தியா தயாரா? அவ்வாறு இந்தியாவை தமிழ் மக்களுக்கு ஆதரவாக தலையிட வைப்பதற்கு 13ஆவது திருத்தம் ஒரு பொருத்தமான கொழுக்கியா?

    தமிழரசுக் கட்சி இம்முயற்சியில் உள்ளே நுழைந்ததும் கோரிக்கையின் வடிவம் மாற்றப்பட்டுள்ளது. எனினும் இந்தியாவின் நலன்களுக்கும் ஈழத் தமிழர்களின் நலன்களுக்கும் இடையிலான பொதுப் புள்ளிகளைக் கண்டுபிடித்து அவற்றை வைத்து பேரம் பேசத்தக்க தலைமைகள் தங்கள் மத்தியில் உண்டு என்பதை மேற்படி கட்சிகள் இனிமேல்தான் நிரூபிக்க வேண்டியிருக்கிறது.

    அடுத்ததாக தமிழ் தேசிய மக்கள் முன்னனியின் நிலைப்பாட்டை பார்க்கலாம். கடந்த 12 ஆண்டுகளில் தமிழ் அரசியலில் பூகோள அரசியலைப் பற்றியும் புவிசார் அரசியல் பற்றியும் அதிகமாகப் பேசிய கட்சி தமிழ் தேசிய மக்கள் முன்னணிதான். இனப்பிரச்சினைக்கான தீர்வு என்பது அவ்வாறு பூகோள புவிசார் அரசியலை வெற்றிகரமாக கையாள்வதன் மூலமே கிடைக்கும் என்று கூறிவந்த கட்சியும் அதுதான். எனவே ஒப்பீட்டளவில் ஏனைய தமிழ் கட்சிகளை விடவும் துலக்கமான புத்திஜீவித்தனமான ஒரு வெளியுறவுத் தரிசனத்தை கொண்டிருப்பதாக தோற்றமளித்த அக்கட்சியானது அதன் புவிசார் அரசியல் அணுகுமுறை மற்றும் பூகோள அரசியல் அணுகுமுறை தொடர்பான வழி வரைபடத்தை தெளிவுபடுத்த வேண்டும்.

    இந்தியாவை நோக்கி ஒரு கூட்டு கோரிக்கையை முன் முன்வைப்பதை அக்கட்சி எதிர்க்கின்றதா? அல்லது அக்கோரிக்கையாக 13வது திருத்தம் முன் வைக்கப்படுவதை அக்கட்சி எதிர்க்கிறதா? 13தான் பிரச்சினை என்றால் இந்தியாவை நோக்கி என்கேஜ் பண்ணுவதற்கான அக்கட்சியின் வழி வரைபடம் என்ன?

    ஏனைய கட்சிகளின் ஒருங்கிணைப்பு முயற்சிகள் தொடர்பாக அக்கட்சி பகிரங்கமாக தெரிவித்து வரும் கருத்துக்களை தொகுத்து பார்த்தால் இந்தியாவுடன் என்கேஜ் பண்ண வேண்டும் என்ற ஒரு வெளியுறவு நிலைப்பாடு அக்கட்சியிடம் உண்டா என்ற கேள்வி எழுகிறது. ஏனெனில் மேற்படி கூட்டு கோரிக்கையை ஒன்றுகூடி தயாரித்த கட்சிகளை இந்தியாவின் கைக்கூலிகள் என்று அக்கட்சியின் முக்கியஸ்தர்கள் வர்ணிக்கிறார்கள். தமது அரசியல் எதிரிகளை இந்தியாவின் ஆட்கள் என்று சொன்னால் அதன் பொருள் இந்தியாவும் எதிரி என்பதுதான். எனவே இந்தியாவோடு என்கேஜ் பண்ண வேண்டும் என்ற வெளியுறவு நிலைப்பாடு அக்கட்சியிடம் இருக்கிறதா என்ற கேள்வி மேலும் பலமடைகிறது. தவிர அக்கட்சியின் ஆதரவாளர்கள் என்று கருதப்படும் லண்டனில் வசிக்கும் தமிழர்கள் தெரிவிக்கும் கருத்துக்களை தொகுத்து பார்த்தாலும் அக்கட்சி இந்தியாவை கையாள வேண்டும் என்ற வெளியுறவு நிலைப்பாட்டை கொண்டிருப்பதாக தெரியவில்லை.

    ஆயின், வேறு எந்தத் தரப்புக்களோடு என்கேஜ் பண்ண வேண்டும் என்று அக்கட்சி நம்புகிறது? அது தொடர்பான வெளியுறவு வழிவரைபடத்தை அக்கட்சி முன்வைக்குமா? இந்தியாவை தவிர்த்துவிட்டு பூகோள அரசியலையும் புவிசார் அரசியலையும் எப்படி கையாளப் போகிறது என்பதனை தெளிவாக வெளிப்படுத்த வேண்டும்.கடந்த 12 ஆண்டுகளில் அந்த வெளியுறவுத் தரிசனத்தை நோக்கி அக்கட்சி என்னென்ன நடவடிக்கைகளை முன்னெடுத்திருக்கிறது என்பதனையும் வெளிப்படுத்த வேண்டும். பிராந்தியத்துக்கு வெளியில் உள்ள பேரரசுகளை கையாள்வதன்மூலம் கடந்த 12 ஆண்டுகளில் அக்கட்சி தமிழ் அரசியலில் ஏற்படுத்திய மாற்றங்களையும் மக்களுக்கு வெளிப்படுத்த வேண்டும்.

    இப்பொழுது தொகுத்து பார்க்கலாம். இந்தியாவுக்கு கூட்டுக் கோரிக்கை ஒன்றை அனுப்பும் விடயத்தில் தமிழ் கட்சிகள் இரண்டு போக்குகளை வெளிக்காட்டியுள்ளன. ஒரு ஜனநாயக பரப்பில் ஒன்றுக்கு மேற்பட்ட போக்குகள் இருக்கும். வெவ்வேறு நிலைப்பாடுகள் உள்ள காரணத்தால்தான் கட்சிகள் ஒன்றுபடாமல் பிரிந்து நிற்கின்றன. எனவே வெளியுறவுக் கொள்கை பொறுத்து வெவ்வேறு நிலைப்பாடுகள் இருப்பது யதார்த்தம். ஆனால் அவை நிலைப்பாடுகளாக மட்டும் இருக்க முடியாது. ஓர் அரசற்ற தரப்பாகிய தமிழ் மக்களைப் பொறுத்தவரை; அதுவும் நீதிக்காகப் போராடும் தமிழ் மக்களைப் பொறுத்தவரை; இனப்பிரச்சினைக்கான தீர்வை பெறுவதற்காக கிடைக்கக்கூடிய எல்லா வாய்ப்புகளையும் பயன்படுத்த வேண்டிய நிலையில் இருக்கும் தமிழ் மக்களைப் பொருத்தவரை ; வெளியுறவு நிலைப்பாடு என்பது இலட்சிய வாசகங்கள் அல்ல. அல்லது குழந்தைப் பிள்ளைகளுக்கு நிலவை கண்ணாடியில் காட்டும் விவகாரமும் அல்ல. மாறாக அது தேசத்தை கட்டியெழுப்பும் நடவடிக்கைகளில் இன்றியமையாத ஒரு பகுதி. எனவே அது கற்பனையல்ல. விருப்பங்களும் அல்ல. மாறாக நடைமுறைப்படுத்த வேண்டிய இலட்சியங்கள். எனவே இந்தியாவை நோக்கி கோரிக்கைகளை முன்வைக்கும் கட்சிகளும் சரி தமிழ் தேசிய மக்கள் முன்னணியும் சரி தமது வெளியுறவு நிலைப்பாடுகளை நோக்கி உழைக்கத் தேவையான கட்டமைப்புகளை உருவாக்க வேண்டும். செய்வார்களா?

     

     

    https://athavannews.com/2022/1262140

  10. வெளிநாட்டுக் கடன்களை மீளச் செலுத்துதல் போன்ற பாரிய பல சவால்களை இலங்கை எதிர்நோக்கியுள்ளது – ஐக்கிய நாடுகள் சபை

    spacer.png

    கொரோனா வைரஸ் தொற்று காரணமாக இலங்கை பாரிய பல சவால்களை எதிர்நோக்கும் நிலை ஏற்பட்டுள்ளதாக ஐக்கிய நாடுகள் சபை தெரிவித்துள்ளது.

    உணவு பற்றாக்குறை, வெளிநாட்டு நாணய கையிருப்பு மற்றும் வெளிநாட்டுக் கடன்களை மீளச் செலுத்துதல் போன்ற பெரும் பிரச்சினைகளை இலங்கைஎதிர்கொண்டுள்ளதாக ஐக்கிய நாடுகள் சபையினால் விடுக்கப்பட்ட அறிக்கையில் சுட்டிக்காட்டப்பட்டுள்ளது.

    அதிகரித்து வரும் பணவீக்கம் மற்றும் நடப்பு கணக்கு பற்றாக்குறை பாரிய அளவில் உள்ள போதும், இலங்கை மற்றும் பாகிஸ்தான் மத்திய வங்கிகள் கடந்த ஆண்டின் இரண்டாம் அரையாண்டு பகுதியில் வட்டி விகிதத்தை அதிகரித்தன என அந்த அறிக்யைில் தெரிவிக்கப்பட்டுள்ளது.

    இதன் காரணமாக நிதி மற்றும் விலைகளின் ஸ்திரத்தன்மையினை பேணுவது கடினமான விடயமாக இந்த நாடுகள் எதிர்கொள்ள வேண்டிய நிலை ஏற்படும் எனவும் குறிப்பிடப்பட்டுள்ளது.

     

    https://athavannews.com/2022/1262135

     

  11. அடுத்த முறையாவது பொங்கலை மகிழ்வுடன் கொண்டாடவேண்டுமானால் முதலில் நாங்கள் விழிப்படைய வேண்டும் – சாணக்கியன்

    spacer.png

    பொங்கலை அடுத்த முறையாவது நாங்கள் மகிழ்வுடன் கொண்டாடவேண்டுமானால் முதலில் நாங்கள் விழிப்படைய வேண்டும் என மட்டக்களப்பு மாவட்ட நாடாளுமன்ற உறுப்பினர் இரா.சாணக்கியன் தெரிவித்தார்.

    மட்டக்களப்பு மண்முனை தென் மேற்கு பட்டிப்பளை பிரதேச செயலாளர் பிரிவுக்குட்பட்ட அம்பிளாந்துறையில் அம்பிலாளந்துறை திசைகாட்டி மையம் நடாத்திய பொங்கல் விழாவும் சாதனையாளர் கௌரவிப்பும் இன்று (ஞாயிற்றுக்கிழமை) நடைபெற்றது.

    இந்த நிகழ்வில் கலந்துகொண்டு உரையாற்றியபோதே அவர் இவ்வாறு தெரிவித்தார்.

    இதன்போது தொடர்ந்தும் உரையாற்றிய அவர், “பெரும்பாலான மக்களுக்கு பொங்கலானது இந்தவருடம் கஷ்டமாகத்தான் இருந்திருக்கும். நாளைய தினம் தமிழ்த் தேசிக் கூட்டமைப்பால் கறுப்புப் பொங்கல் என்ற தலைப்பிலே பொங்கல் நிகழ்வொன்றை பதுளை வீதியிலே செய்யவிருக்கின்றோம்.

    பட்டிப்பளை பிரதேசத்தின் நிலைமை மோசமானதாக இருக்கின்றது. ஒருசிலரினால் இரண்டு ஆட்டுக்குட்டிகளை கொடுத்து மக்களை திசைதிருப்புகின்ற செயற்பாடுகளை காணக்கூடியதாக இருக்கின்றது.

    ஒரு சிலரினால் 2016, 2017, 2018ஆம் ஆண்டுகளில் கொண்டுவரப்பட்ட அபிவிருத்தித் திட்டங்களை தாங்கள்தான் கொண்டு வந்ததாகக்கூறி மக்களை ஏமாற்றுகின்ற செயல்களை காணமுடிகின்றது. மறுபக்கம் கெவிலியாமடு கச்சக்கொடி சுவாமிமலை பகுதியில் காடுகளை பாதுகாக்க வேண்டிய இராஜாங்க அமைச்சர் அவர்களே தமிழ் பேசும் சமூகத்தைச் சேர்ந்தவர்கள் அல்லாத தன்னுடைய ஆதரவாளர்கள் 500 பேரை சிவில் பாதுகாப்பு அமைப்பு என்ற பெயரிலே இங்கு கொண்டு வந்து தலா மூன்று ஏக்கர் காணிகளைக் கொடுத்து 500 பேரை இங்கு குடியமர்த்தியிருக்கின்றார்.

    பொலன்னறுவை, அனுராதபுரம், ஹம்பாந்தோட்டை, மொனராகலை பிரதேசத்திலே விளைச்சலானது வழமையானது போலவே இருக்கின்றது. அவர்களும் கூடியவிலை கொடுத்தே வாங்கினார்கள். ஆனால் எங்களுடைய பிரதேசத்தில் விஞ்ஞானம் இல்லாமல் போய்விட்டது. அதை நாங்கள் மாற்றியமைக்க வேண்டும்.

    நாங்கள் மட்டக்களப்பு மாவட்டத்திற்கு பசளை வேண்டும் என்று ஒரு ஆர்ப்பாட்டத்தை செய்திருந்தோம். மாவட்ட செயலகத்தை முடக்குமளவிற்கு ட்ரக்டர்கள் ஆர்ப்பாட்டத்திற்கு வந்திருந்தன. ஆனால் எத்தனையோ விவசாயிகள் இங்கிருந்தும் பட்டிப்பளையிலிருந்து ஒரு ட்ரக்டர்கூட வரவில்லை.

    சிங்களவர்கள் போராடி எப்படியாவது பசளையை எடுப்பார்கள், அப்போது எங்களுக்கும் கிடைக்கும் என்ற மனநிலை எங்கள் மக்கள் மத்தியில் இருக்கின்றது. அடுத்த முறையாவது நாங்கள் பொங்கலை மகிழ்வுடன் கொண்டாடவேண்டுமானால் முதலில் நாங்கள் விழிப்படைய வேண்டும்” என அவர் மேலும் தெரிவித்துள்ளார்.

    https://athavannews.com/2022/1262150

     

  12. கொரோனா வைரஸ்: கோவிட் தொற்றுநோய் பேரிடர் அதன் இறுதி ஆட்டத்திற்குள் நுழைகிறதா?

     

    கோவிட் தொற்றுநோய் பேரிடர்

    Getty Images

    "கோவிட் பெருந்தொற்றுப் பேரிடர் முடிந்துவிட்டதா?", "நான் எப்போது என் வாழ்க்கையை இயல்பாகத் தொடர முடியும்?" கடந்த இரண்டு ஆண்டுகளில் இத்தகைய மனப்போக்கு யாருக்குத்தான் ஏற்படவில்லை. எனக்கு ஏற்பட்டது என்று எனக்குத் தெரியும்.

    அந்தக் கேள்விகளுக்கான பதில், மிக விரைவில்...

    பெருந்தொற்றுப் பேரிடரின் இறுதி ஆட்டத்தில், ஒமிக்ரான் அதிகமாகக் காயப்படுத்தக்கூடும் என்ற கணிப்பு வளர்ந்து வருகிறது.

    ஆனால், அடுத்ததாக என்ன வரும்?

    ஒரு விரல் சொடுக்கில் கொரோனா வைரஸை மறையச் செய்யமுடியாது. அதற்குப் பதிலாக, "எண்டெமிக் (ஆண்டு முழுவதுமே பரவக்கூடிய நோய்)" என்ற புதிய வார்த்தைக்குப் பழகியாக வேண்டும். அதாவது, சந்தேகத்திற்கு இடமின்றி கோவிட் இங்கேயேதான் இருக்கப் போகிறது.

    ஆக, ஒரு புதிய கோவிட் சகாப்தம் உண்மையிலேயே நெருங்கிவிட்டதா, நம் வாழ்க்கைக்கு அது உண்மையில் என்ன மாதிரியான அர்த்தத்தைக் கொடுக்கிறது?

    லிவர்பூல் பல்கலைக்கழகத்தின் தொற்று மற்றும் உலகளாவிய சுகாதார துறைக்கான தலைவரான பேராசிரியர் ஜூலியன் ஹிஸ்காக்ஸ், "நாம் கிட்டத்தட்ட நெருங்கிவிட்டோம். குறைந்தபட்சம் இங்கிலாந்தில், இது முடிவுக்கான தொடக்கம்," என்கிறார்.

    "2022-ல் நம் வாழ்க்கை, தொற்றுநோய்க்கு முன்பிருந்த நிலைக்குத் திரும்பும் என்று நினைக்கிறேன்."

    நம்முடைய நோய் எதிர்ப்பாற்றல் மாறி வருகிறது. இரண்டு ஆண்டுகளுக்கு முன்பு சீனாவின் வூஹானில் முதன்முதலாக புதிய கொரோனா வைரஸ் பரவல் தொடங்கியது. நாம் அதற்குப் பாதிக்கப்படக்கூடியவர்களாக இருந்தோம். நம்முடைய நோய் எதிர்ப்பாற்றல் அமைப்பு இதுவரை எதிர்கொண்டிராத, முற்றிலும் புதிய வைரஸாக இது இருந்தது. அதற்கு உதவ நம்மிடம் மருந்துகள், தடுப்பூசிகள் எதுவுமே இருக்கவில்லை.

    ஒரு பட்டாசு ஆலைக்குள் நெருப்பைக் கக்கும் இயந்திரத்தை எடுத்துச் செல்வதைப் போல அதன் விளைவு இருந்தது. உலகம் முழுவதும் கோவிட் வெடித்துப் பரவியது. ஆனால், அந்த நெருப்பு தொடர்ச்சியாக அதி தீவிரமாகவே எரிந்துகொண்டிருக்க முடியாது.

    மேற்கு ஆப்ரிக்காவில் இபோலா பரவலின்போது செய்ததைப் போல் கோவிட் பரவலைத் தடுப்பது அல்லது இந்தப் பேரிடரின் தாக்கம் அதுவாகவே அழிந்துவிடும், ஆனாலும் நீண்டகாலத்திற்கு நம்மிடையே இருக்கும் என இரண்டு விதமான சாத்தியக்கூறுகள் அப்போது இருந்தன.

    சாதாரண சளி, எச்.ஐ.வி, தட்டம்மை, மலேரியா, காசநோய் போன்ற இப்போதுள்ள நோய்களின் வரிசையில் இதுவும் எப்போதும் இருக்கும்.

    பலருக்கும், இது ஒருவர் நோய்வாய்ப்பட்டிருப்பதை அறியும் முன்பே காற்றில் பரவும் வைரஸின் தவிர்க்க முடியாத விதி. லண்டன் பல்கலைக்கழகத்தின் செயிண்ட் ஜார்ஜஸில் நச்சுயிரியல் வல்லுநர் மருத்துவர்.எலிசபெட்டா க்ரோப்பெல்லி, "வைரஸ்களைப் பொறுத்தவரை, எண்டெமிசிட்டி, அதாவது தொடர்ந்து பரவுவது, என்பது எழுதப்பட்டது."

    spacer.png

    "நான் மிகவும் நம்பிக்கையுடன் இருக்கிறேன். நம்மிடையே வைரஸ் சுற்றிக்கொண்டே இருக்கும். பாதிக்கப்பட்டவர்களைக் கவனித்துக்கொண்டு இருக்கக்கூடிய சூழ்நிலையில் இருப்போம். மற்ற நபர்கள் சாதாரணமாக இருப்பார்கள்," என்று கூறுகிறார்.

    நோய்களின் பரவலைப் பற்றி ஆய்வு செய்யும் தொற்றுநோயியல் வல்லுநர்கள், தொற்றுநோய்களில் இதுவரை இருந்த "தீவிரமாவது மற்றும் வெடிப்பது," போன்ற அலைகளைப் போலன்றி, பொதுவான நோய்களைப் போல் சீரான நிலையிலும் யூகிக்கக்கூடியதாகவும் இருக்கும் என்று கருதுகின்றனர்.

    ஆனால், லண்டனின் இம்பீரியல் கல்லூரியின் தொற்றுநோயியல் வல்லுநர் பேராசிரியர் அஸ்ரா காணி, கோவிட் காலம் முழுக்க நம்முடனேயே இருக்கும் என்ற அர்த்தத்தில் மற்றவர்கள் இதைப் பொருள் கொள்கிறார்கள். ஆனால், நாம் இனி வாழ்க்கையைக் கட்டுப்படுத்த வேண்டியிருக்காது என்று கூறுகிறார்.

    நாம் "விரைவாகவே" அந்த இடத்தை அடைவோம் என்று அவர் நினைக்கிறார். மேலும், "இது நீண்ட காலம் எடுத்ததைப் போல் தெரிகிறது. ஆனால், ஓராண்டுக்கு முன்புதான் நாம் தடுப்பூசி போடத் தொடங்கினோம். அதனால், நாம் ஏற்கெனவே சுதந்திரமாக இருக்கிறோம்."

    ஒரே திருப்பமாக இருக்கக்கூடியது, ஒமிக்ரானைவிட குறிப்பிடத்தக்க அளவில் கடுமையான நோயை ஏற்படுத்தக்கூடிய ஒரு புதிய திரிபு வருவது தான்.

    எவ்வளவு மோசம்?

    ஆண்டு முழுவதும் வழக்கமாக இருக்கும் எண்டெமிக் என்று கூறுவதாலேயே அது வீரியம் குறைவான, லேசானதாக இருக்கும் என்றில்லை. அதை நினைவில் கொள்வது அவசியம். "உயிரைப் பறிக்கக்கூடிய நோய்களும் எண்டெமிக் வகைப்பாட்டில் நம்மிடையே இருக்கின்றன," என்கிறார் பேராசிரியர் கானி.

    பெரியம்மை ஆயிரக்கணக்கான ஆண்டுகளாகப் பரவிக் கொண்டிருந்தது. அதனால் பாதிக்கப்பட்டவர்களில் மூன்றில் ஒரு பங்கு மக்கள் உயிரிழந்தனர். மலேரியா ஓராண்டுக்கு 600,000 மரணங்களை ஏற்படுத்துகிறது.

    spacer.png

    ஆனால், கோவிட் தொற்று வீரியம் குறைவானதாக மாறி வருவதற்கான அறிகுறிகளை நாம் ஏற்கெனவே பார்க்கிறோம். நம் உடல் அதைக் கண்டறிந்து எதிர்த்துப் போராடுகிறது.

    இங்கிலாந்தில் தடுப்பூசி பிரசாரம், பூஸ்டர் பிரசாரம் மற்றும் கோவிட் அலைகள், ஆகியவை கோவிட் வைரஸின் நான்கு வெவ்வேறு திரிபுகளை உள்ளடக்கியது.

    எடின்பரோ பல்கலைக்கழகத்தின் நோய் எதிர்ப்பு வல்லுநரான பேராசிரியர் எலினோ ரிலே, "ஒமிக்ரான் பரவல் முடிவடைந்து, அதிலிருந்து நகர்ந்து வந்தால், இங்கிலாந்தி நோய் எதிர்ப்பாற்றல் அதிகமாக இருக்கும்.

    இந்த நோய்த்தொற்றுக்கு இங்கிலாந்தில் 150,000-க்கும் அதிகமான உயிரிழப்புகள் ஏற்பட்டுள்ளன. ஆனால், அது நம்முடைய நோய் எதிர்ப்பு அமைப்புகளில் ஒரு பாதுகாப்பு மரபை விட்டுச் சென்றுள்ளது. அந்த நோய் எதிர்ப்பாற்றல் குறையும். எனவே எதிர்காலத்தில் கோவிட் தொற்று ஏற்படும் என்று எதிர்பார்க்கலாம். ஆனால், அது இன்னும் தீவிரமாக நோய்வாய்ப்படுவதற்கான வாய்ப்புகளைக் குறைக்கவேண்டும். 

    பேராசிரியர் ஹிஸ்காக்ஸ் - அரசின் புதிய மற்றும் வளர்ந்து வரும் சுவாசம் தொடர்பான வைரஸ் அச்சுறுத்தல்கள் குறித்த ஆலோசனைக் குழுவில் இருக்கிறார். அவர், இதன்மூலம் பெரும்பாலான மக்கள் மோசமாக பாதிக்கப்பட மாட்டார்கள் என்று கூறுகிறார்.

    "ஒரு புதிய திரிபு அல்லது பழைய திரிபு வந்தால், நம்மில் பெரும்பாலோருக்கு, மற்ற பொதுவான கொரோனா வைரஸ் சளியைப் போலவே, மூக்கடைப்பு மற்றும் தலைவலியைப் பெறுவோம், பின்னர் சரியாகிவிடும்.

    காய்ச்சல் பருவம் கொரோனா வைரஸ் பருவமாகவும் இருக்கும்

    ஆண்டு முழுவதும் வரும் நோயாக கோவிட் இருக்கையில், அதனால் உயிரிழக்கும் நபர்கள், முதியவர்கள் மற்றும் எளிதில் நோய்வாய்ப்படக் கூடியவர்களாகவும் இருப்பார்கள். எனவே அதோடு நாம் எப்படி வாழ்கிறோம் என்பது குறித்து இன்னும் முடிவு எடுக்கவேண்டியுள்ளது.

    "ஒரு மோசமான காய்ச்சல் பருவத்தில், குளிர்காலத்தில் நாளொன்றுக்கு 200-300 பேர் உயிரிழக்கின்றனர். யாரும் முகக்கவசம் அணிவதில்லை, சமூக இடைவெளியைப் பின்பற்றுவதில்லை.

    ஊரடங்குகள் மற்றும் வெகுஜனக் கூட்டங்களுக்கான கட்டுப்பாடுகள் மீண்டும் வராது. மேலும் கோவிட்டுக்கான பெரும் எண்ணிக்கையிலான மக்களுக்கு சோதனை இந்த ஆண்டு முடிவடையும் என்று அவர் எதிர்பார்க்கிறார்.

    குளிர்காலத்தில் தங்கள் பாதுகாப்பை அதிகரிக்க இலையுதிர் காலத்தில், பாதிக்கப்படக்கூடிய அளவுக்கு உடல்நிலை உள்ளவர்களுக்கு பூஸ்டர் தடுப்பூசிகள் இருக்கும் என்பதைக் கிட்டத்தட்ட உறுதியாகச் சொல்லமுடியும்.

    "காய்ச்சல் பருவமும் கொரோனா வைரஸ் பருவமாக இருக்கும் என்ற உண்மையை நாம் ஏற்றுக்கொள்ள வேண்டும். அது நமக்கொரு சவாலாக இருக்கும்," என்று மருத்துவர். க்ரோப்பெல்லி கூறுகிறார்.

    ஆயினும், காய்ச்சல் மற்றும் கோவிட் ஆகியவற்றால் உயிரிழக்கும் நபர்கள் ஒரே மாதிரியாக இருப்பதால், குளிர்காலம் எவ்வளவு மோசமாக இருக்கும் என்பது இன்னும் உறுதியாகத் தெரியவில்லை. ஒரு விஞ்ஞானி சொன்னதைப் போல், "நீங்கள் இரண்டு முறை உயிரிழக்க முடியாது."

    spacer.png

     

    ஒமிக்ரானுக்குப் பிறகு முக்கவசம் அணியவேண்டிய கட்டாயம் இல்லை என்று பேராசிரியர் ரிலே நினைக்கிறார். ஆனால், மக்கள் நெரிசலான இடங்களில் அவற்றை அணிந்துகொள்ளலாம் என்று முடிவெடுப்பதால், ஆசியாவின் சில பகுதிகளில் அவை, "மிகவும் பொதுவான காட்சியாக" மாறும்.

    அவர் மேலும், "வாழ்க்கை, 2019-ஆம் ஆண்டு இலையுதிர் காலத்தில் நாம் அனைவரும் காய்ச்சல் தடுப்பூசிகளுக்குத் திரும்பியபோது இருந்ததைவிடப் பெரியளவில் வித்தியாசமாக இருக்காது," என்றும் கூறினார்.

    உலகின் மற்ற பகுதிகளின் நிலை?

    தடுப்பூசிகள் மற்றும் நோய்த்தொற்றுகளின் எண்ணிக்கை ஆகியவற்றின் காரணமாக, உலகின் பெரும்பாலான பகுதிகளைவிட இங்கிலாந்து முன்னணியில் இருந்தாலும், தொற்றுநோயின் முடிவைக் காணும் தொலைவில் உலகம் இல்லை.

    பிந்தங்கிய நாடுகள் தங்களின் மிகவும் பாதிக்கப்படக்கூடிய உடல்நிலையைக் கொண்டுள்ள மக்களுக்கு தடுப்பூசிகளை வழங்குவதற்காக இன்னும் காத்திருக்கின்றன. இதற்கிடையே, கோவிட் நோய்த்தொற்றை மிகக் குறைவான எண்ணிக்கையில் வைத்திருக்கும் நாடுகளில் மிகக் குறைவான உயிரிழப்புகள் ஏற்பட்டுள்ளன. ஆனால், அவற்றின் மக்கள்தொகையில் குறைவான நோய் எதிர்ப்பாற்றலும் உள்ளது.

    உலக சுகாதார நிறுவனம், கோவிட் தொற்றுநோயை எண்டெமிக் நோய் என்று வரையறுக்கப்படும் காலம் வெகுதொலைவில் இருக்கிறது என்பதில் தெளிவாக உள்ளது.

    இறுதியாக, "உலகத்தைப் பொறுத்தவரை இது மற்றுமொரு தொற்றுநோய் மற்றும் கடுமையான அவசரநிலை," என்று மருத்துவர் க்ரோப்பெல்லி கூறினார்.

    https://www.bbc.com/tamil/science-60009012

  13. பொங்கல் பொதியோடு வந்தீரோ தம்பி ? நிலாந்தன்!

    January 16, 2022

     

    spacer.png

    கடந்த செவ்வாய்க்கிழமை யாழ்ப்பாணத்தில் சஜித் பிரேமதாச ஒரு சந்திப்பை ஒழுங்குபடுத்தியிருந்தார். ஐக்கிய மக்கள் சக்தி கூட்டணிக்கு ஆதரவான தொழில்சார் வல்லுநர்களுக்கான தேசிய அமைப்பும் புத்திஜீவிகள் மன்றமும் மேற்படி சந்திப்பை ஒழுங்குபடுத்தியிருந்தன. யாழ்ப்பாணத்தில் உள்ள டில்கோ உல்லாச விடுதியில் இரவு உணவுடன் நடந்த அச்சந்திப்பில் புத்திஜீவிகள் மன்றத்தைச் சேர்ந்த பேராதனை பல்கலைக் கழகத்துப் புலமையாளர்கள் பங்குபற்றினார்கள். அவர்களுடைய நண்பர்களான யாழ் பல்கலைக்கழகத்தின் அரசறிவியல் துறையைச் சேர்ந்த புலமையாளர்களும் அதில் பங்குபற்றினார்கள்

    சஜித் பிரேமதாச தற்போதுள்ள பொருளாதார நெருக்கடிகளை முன்னிறுத்தியே முதலில் உரையாடினார். ஐக்கிய மக்கள் சக்தியை அவர் ஒரு புதிய கூட்டணியாக ஒரு புதிய தொடக்கமாக உருவகித்தார். அங்கு கூடியிருந்தவர்களில் ஒருவர் இனப்பிரச்சினைக்கான ஐக்கிய மக்கள் சக்தியின் தீர்வு என்ன என்று கேட்ட போது சஜித் 13வது திருத்தத்தை முன்வைத்தார். 13வது திருத்தம் தோல்வியுற்று விட்டது என்பதனை யாழ் பல்கலைக்கழகத்தின் அரசறிவியல் துறையைச் சேர்ந்த ஒரு புலமையாளர் சுட்டிக்காட்டியிருக்கிறார். தமிழ் மக்கள் 13ஐக் கடந்து சமஸ்டி போன்ற தீர்வு முன்மொழிவுகளை மேசையில் வைத்து விட்டார்கள். என்று மேற்படி புலமையாளர் சுட்டிக்காட்டிய போது இனங்களுக்கிடையே நம்பிக்கையின்மைதான் பிரச்சினைகளுக்கு காரணம் என்றும் அந்த நம்பிக்கையை கட்டியெழுப்பினால் சரி என்றும் சஜித் கூறியிருக்கிறார். இனங்களுக்கிடையே நல்லிணக்கத்தைக் கட்டியெழுப்புவதே இனப்பிரச்சினைக்கான தீர்வு என்றும் வலியுறுத்தியுள்ளார். உரையாடலின் போக்கில் அவர் 13ஆவது திருத்தத்தை பற்றித் தெரிவித்த கருத்துக்களைத் தொகுத்துப் பார்த்தால் நாட்டின் எல்லா பகுதிகளுக்கும் உரிய பொருளாதாரப் பிரச்சினைகளை தீர்ப்பதற்குரிய ஒரு வழியாக அதை அவர் முன்வைப்பதாகத் தெரிகிறது என்று அச்சந்திப்பில் பங்குபற்றிய ஒருவர் கூறினார்.

    இதற்கும் சில கிழமைகளுக்கு முன்பு சம்பிக்க ரணவக்க வடபகுதிக்கு வந்திருந்தார். கிளிநொச்சியில் கைக்கடக்கமான ஆட்களோடு நடந்த ஒரு தேனீர் சந்திப்பில் அவர் கூறியிருக்கிறார் சமஸ்டி என்ற சொல் சிங்கள மக்கள் மத்தியில் அச்சத்தை ஏற்படுத்த கூடியது என்று. ஆனால் ஒரு சமஸ்டி தீர்வை தான் ஏற்றுக் கொள்வதாகவும் கூறியிருக்கிறார். சமஸ்ரி என்று தலைப்பு வைக்காமல் ஒரு தீர்வை தமிழ் மக்களுக்கு வழங்கலாம் என்ற தொனிப்பட கருத்துக் கூறியுள்ளார்.

    அவர் வருவதற்கு சில கிழமைகளுக்கு முன்பு உதய கமன்பில யாழ்ப்பாணத்துக்கு வந்திருந்தார். ”கடந்த காலத்தில் நடந்த இரத்தம் சிந்திய நிகழ்வுகளை மறக்க முடியாவிட்டாலும், அவற்றை மறந்து அவற்றிற்கு மன்னிப்புக் கொடுத்து தற்போது உள்ள பிரச்சினைகளை எவ்வாறு தீர்க்க முடியும் என்பதை நாங்கள் சிந்திக்க வேண்டும்” என்று கூறியுள்ளார்.

    சஜித் பிரேமதாச,உதய கம்மன்பில, சம்பிக்க ரணவக்க,அனுரகுமார திஸாநாயக்க போன்றோர் ராஜபக்சேவுக்கு எதிராக முன்னிறுத்தப்படக்கூடிய எதிர்த்தரப்பு ஆளுமைகளாக பார்க்கப்படுகிறார்கள். ஆனால் அவர்களிடம் ராஜபக்சவுக்கு எதிராக மூவினத்து மக்கள் ஆணையைப் பெறத்தக்க வழிவரைபடங்கள் எவையும் கிடையாது என்பதைத்தான் இனப்பிரச்சினை தொடர்பான அவர்களுடைய தீர்வுகள் நமக்கு காட்டுகின்றன. சிங்கள பௌத்த பெருந் தேசியவாதத்தை பகைத்துக் கொண்டு தமிழ் மக்களுக்கு ஒரு தீர்வை தர அவர்கள் தயாரில்லை. அதற்காக சிங்கள வாக்காளர்கள் மத்தியில் இறங்கி வேலை செய்யவும் அவர்கள் தயாரில்லை. எனவே அவர்களால் ராஜபக்சக்களுக்கு எதிராக நின்றுபிடிக்க முடியுமா என்பது சந்தேகம்தான்.

    ராஜபக்சக்கள் அடுத்த முறையும் ஜனாதிபதியாக வருவது பற்றிச் சிந்திக்கத் தொடங்கி விட்டார்கள். சில நாட்களுக்கு முன் ஜனாதிபதி தெரிவித்த ஒரு கருத்தை இங்கு கவனிக்க வேண்டும்… “நான் கொவிட்டினால் இழந்த இரண்டு வருடங்களை சர்வஜன வாக்கெடுப்பின் மூலம் பெற்றுக்கொள்ளவேண்டும் என பொதுமக்களிடமிருந்து எனக்கு வேண்டுகோள் விடுக்கப்பட்டுள்ளது. கண்டியை சேர்ந்த இளைஞர் ஒருவர் இந்த யோசனையை முன்வைத்துள்ளார் ” என ஜனாதிபதி தெரிவித்துள்ளார். “கண்டி தலதாமாளிகைக்கு வழிபாட்டிற்காக சென்றவேளை நான் மக்களுடன் உரையாடிக்கொண்டிருந்தேன். அவ்வேளை இளைஞர் ஒருவர் முன்வந்து சேர் நீங்கள் கொவிட்டினால் இரண்டு வருடங்களை இழந்துள்ளீர்கள் சர்வஜன வாக்கெடுப்பின் மூலம் ஏன் அதனை பெற்றுக்கொள்ள முடியாது என்று கேட்டார்” என்று ஜனாதிபதி தெரிவித்துள்ளார்.

    அதாவது நாடு இப்பொழுது எதிர்கொள்ளும் நெருக்கடிகளுக்கான பழியை வைரஸின் மீது போட்டுவிட்டு மீண்டும் ஒரு ஆட்சிக்காலத்தை பெறுவதற்கு கோத்தாபய தயாரகி வருகிறாரா? என்று அவரை எதிர்ப்பவர்கள் சந்தேகிக்கிறார்கள். ஜெயவர்த்தன செய்ததைப் போல ஒரு பொதுசன வாக்கெடுப்பை நடத்தி அவர் தன்னுடைய ஆட்சிக் காலத்தை நீடித்துக் கொள்ளலாம் என்றும் தென்னிலங்கையில் ஊகிக்கப்படுகிறது.

    நாடு இப்பொழுது எதிர்கொள்ளும் பொருளாதார நெருக்கடிகளை ஒரு குறிப்பிட்ட காலம் வரை சமாளித்துவிட்டு அதன்பின் சீனாவிடமிருந்து உதவியை பெற்று பொருளாதாரத்தை நிமிர்த்தி விட்டால் மக்கள் தாங்கள் பட்ட கஷ்டங்கள் அனைத்தையும் மறந்து விடுவார்கள் என்று ராஜபக்சக்கள் எதிர்பார்க்கிறார்களா? அந்த அடிப்படையில் அடுத்த தேர்தலை நோக்கி அவர்களிடம் ஏதோ ஒரு திட்டம் இருக்கக்கூடும் என்ற ஒரு விளக்கமும் ஒரு பகுதி விமர்சகர்களால் முன் வைக்கப்படுகிறது. இலங்கையின் பொருளாதாரம் மிகவும் சிறியது. சீனா போன்ற ஒரு பெரிய நாடு உதவுமாக இருந்தால் இலங்கைத் தீவு வெகு சுலபமாக பொருளாதார நெருக்கடிகளிலிருந்து நிமிர்ந்து விடும். எனவே கோத்தாபய ராஜபக்ச தன்னுடைய அடுத்த பதவி காலத்திலும் கண் வைத்திருப்பதாக ஊகிக்கப்படுகிறது.

    இப்படிப்பட்டதோர் அரசியல் சூழலில் எதிர்க்கட்சிகள் மேலும் துடிப்பாகவும் ஒன்று திரண்டும் செய்யற்பட வேண்டி இருக்கிறது. ஆனால் அண்மை வாரங்களாக வடக்குக்கு வருகை தந்த தென்னிலங்கைத் தலைவர்கள் தெரிவிக்கும் தகவல்களை தொகுத்துப் பார்த்தால் மூன்று இனத்தவர்களையும் கவரத்தக்க ஜனவசியம் எதிர்க் கட்சித் தலைவர்கள் மத்தியில் பெரும்பாலானவர்களுக்கு இல்லை என்று தெரிகிறது. இனப்பிரச்சினைக்கு துணிச்சலான ஒரு தீர்வை முன்வைத்து அதற்காக சிங்கள மக்கள் மத்தியில் ரிஸ்க் எடுத்து உழைக்க தயாரற்ற எல்லா சிங்கள தலைவர்களும் சிங்கள பௌத்த பெருந்தேசியவாதத்தை ஏதோ ஒரு விதத்தில் பாதுகாப்பவர்கள்தான். சிங்கள பௌத்த பெருந்தேசியவாதத்தை பாதுகாப்பதுதான் அவர்களுடைய அரசியல் இலக்கு என்றால் அவர்களால் ராஜபக்சக்களை எதிர்கொள்வது கடினம்.

    ஏனென்றால் சிங்கள பௌத்த பெருந்தேசிய வாதத்தின் 2009க்கு பின்னரான வளர்ச்சிதான் யுத்த வெற்றி வாதமாகும். 2018 ஈஸ்டர் குண்டுவெடிப்போடு அது தன்னை அடுத்த கட்டத்துக்கு முஸ்லீம்களுக்கு எதிரானதாகவும் அப்டேட் செய்துவிட்டது. எனவே யுத்த வெற்றிவாதத்தை எதிர்கொள்வதற்கு ஒப்பீட்டளவில் மூன்று இனத்தவரின் வாக்குகளையும் கவரத்தக்க ஒரு தலைவர் தேவை. தனிச் சிங்கள வாக்குகளால் அதை சாதிக்க முடியாது. அதை நன்கு விளங்கி வைத்திருக்கும் காரணத்தால்தான் சஜித்தும் உதய கமன்பிலவும் சம்பிக்க ரணவக்கவும் வடக்கை நோக்கி வருகிறார்கள். சரிக்கும் பிழைக்கும் அப்பால் ரணில் விக்கிரமசிங்க 2015இல் அப்படி ஒரு தலைவராக தோன்றினார். ஆனால் அவர் தானும் தோற்று தான் பெற்றெடுத்த குழந்தையான நிலைமாறுகால நீதியையும் தோற்கடித்து விட்டார்.

    இப்பொழுது சஜித் பிரேமதாசவும் உதய கம்மன்பிலவும் சம்பிக்க ரணவக்கவும் தமிழ் வாக்காளர்களை குறிவைத்து வடக்கு கிழக்கிற்கு வந்து போகிறார்கள். அவர்கள் மறுபடியும் ஒரு தேர்தல் நாடகத்தை ஆடப் போகிறார்கள் என்று தெரிகிறது. சஜித்தின் வடக்கு விஜயத்தின்போது தமிழ் மக்களை கவர்வதற்கு அவர் கையாண்ட வழிமுறைகள் ஏற்கனவே கடந்த பொதுத் தேர்தலின்போது அங்கஜன் பயன்படுத்திய உத்திகள்தான். வடமராட்சியில் கூட்டத்தில் பங்கு பற்றுமாறு ஒலிபெருக்கியில் ஊர்ஊராக அழைப்பு விடுக்கப்பட்டது. அந்த அழைப்பின் போது பொங்கல் பொதி ஒன்று தரப்படும் என்று உறுதி கூறப்பட்டிருக்கிறது. அதேபோல சில கிராமங்களில் வீடுகள் தோறும் ஆண்களுக்கான சேர்ட்கள் வழங்கப்பட்டுள்ளன. பொங்கல் பொதியோடு வந்த சஜித் பிரேமதாச இனப்பிரச்சினைக்கான தீர்வுப் பொதியோடு வரவில்லை. பொங்கல் பொதியைக் காட்டி தமிழ் மக்களைக் கவரலாம் என்று அவர் நம்புகிறாரா? இனப்பிரச்சினையைத் தீர்ப்பதற்கு அவரிடம் விசுவாசமான, துணிச்சலான திட்டங்கள் உண்டு என்பதனை அவர் இன்றுவரையிலும் நிரூபித்திருக்கவில்லை.

    அவரைப் போன்று யாரோ ஒருவரை முன்னிறுத்தி தமிழ், சிங்கள், முஸ்லிம், மலையக வாக்குகளை திரட்டுவதன்மூலம் ஒரு ஆட்சி மாற்றத்தை ஏற்படுத்தி விடலாம் என்று சில மேற்கு நாடுகளும் நம்பக்கூடும். ஆனால் தமிழ் மக்களுக்கு தேவையாக இருப்பது ஆட்சி மாற்றம் அல்ல. இலங்கைத்தீவின் நான்கு தேசிய இனங்களின் இருப்பையும் ஏற்றுக்கொண்டு ஒரு கூட்டாட்சிக் கட்டமைப்பை வாக்குறுதி அளிக்கத் தேவையான துணிச்சலை கொண்ட ஒரு சிங்களத் தலைவர்தான் ராஜபக்ஷக்களுக்கு எதிராக இப்பொழுது தேவை. மூன்று ஆண்டுகளில் தோல்வுயுற்ற 2015இன் ஆட்சி மாற்றம் அதைத்தான் தமிழ் மக்களுக்கு கற்றுக் கொடுத்திருக்கிறது.

     

    https://globaltamilnews.net/2022/171888

  14. கடலில் மூழ்கி காணாமல் போன இரு சிறுவர்களும் சடலங்களாக மீட்பு

    January 16, 2022
     

    மட்டக்களப்பு – கல்குடா, கும்புறுமூலை கயுவத்தை கடலில் நேற்றைமுன்தினம் (14) நீராடிய ஏழு சிறுவர்களில் கடலில் மூழ்கி காணாமல் போன சிறுவா்கள் இருவரதும் சடலங்கள் மீட்கப்பட்டுள்ளதாக காவல்துறையினா் தொிவித்துள்ளனா்.

    மட்டக்களப்பு – கிரான் பகுதியைச் சேர்ந்தச.அக்சயன் (வயது 16), ஜீவானந்தா சுஜானந்தன் (வயது 16)  (வயது 16) ஆகிய இரு சிறுவர்களது சடலங்களே இவ்வாறு மீட்கப்பட்டுள்ளன.

    காணாமல் போன இரு சிறுவர்களையும் தேடும் பணிகள் வெள்ளிக்கிழமை மாலை முதல் சனிக்கிழமை மாலை வரை தீவிரமாக இடம்பெற்று வந்த நிலையில், நேற்று (15) பிற்பகல் சடலங்களாக மீட்கப்பட்டுள்ளதாக காவல்துறையினா் தெரிவித்தனர்.

    நீரில் மூழ்கி மரணமடைந்த இரு சிறுவர்களின் சடலங்களும் பிரேத பரிசோதனைக்காக வாழைச்சேனை ஆதார வைத்தியசாலையில் வைக்கப்பட்டுள்ளன.
     

    https://globaltamilnews.net/2022/171882

     

    • Sad 1
  15. டோங்காவில் எரிமலை வெடிப்பு காரணமாக சுனாமி

    January 15, 2022
    spacer.png

    பசிபிக் ஒசியானா பகுதியில் அமைந்துள்ள குட்டிதீவு நாடான டோங்கா நாட்டில் எரிமலை வெடித்ததன் காரணமாக சுனாமி ஏற்பட்டுள்ளதாகத் தகவல் வெளியாகியுள்ளது. இங்கு நீருக்கு அடியே உள்ள எரிமலை ஒன்று வெடித்துச் சிதறியதனால் சுமார் 20 கிலோமீட்டர் வரையிலும் சாம்பல் மற்றும் புகை மண்டலம் பரவியுள்ளதனையடுத்து சுனாமி எச்சரிக்கை விடுக்கப்பட்டிருந்த நிலையில் சில பகுதிகளில் ஏற்கனவே சுனாமி தாக்கத் தொடங்கிவிட்டதாகத் தகவல் வெளியாகியுள்ளது.

    மேலும், எரிமலை வெடிப்பு காரணமாக அங்கு அமில மழை பெய்யவும் வாய்ப்புள்ளதாக எச்சரிக்கை விடுக்கப்பட்டுள்ளது. டோங்கா நாடு. மொத்தம் 177 சிறு தீவுகளைக் கொண்டதாகும். இந்த நாட்டின் மொத்த மக்கள் தொகை 1.03 லட்சம் என்பது குறிப்பிடத்தக்கது

    spacer.png

     

    https://globaltamilnews.net/2022/171838

  16. நோவாக் ஜோகோவிச் ஆஸ்திரேலியாவில் தங்க அனுமதி மறுப்பு; கொரோனா தடுப்பூசி போடாததால் வெளியேற்றப்படுவார்

    16 ஜனவரி 2022, 07:12 GMT
     

    நோவாக் ஜோகோவிச்

    பட மூலாதாரம், GETTY IMAGES

     

    படக்குறிப்பு, நோவாக் ஜோகோவிச்

    ஆண்கள் தரவரிசையில் உலகின் முதல்நிலை டென்னிஸ் வீரர் நோவாக் ஜோகோவிச் ஆஸ்திரேலியாவில் தங்க அந்நாட்டு நீதிமன்றம் அனுமதி மறுத்துள்ளது. இதனால் அவர் ஆஸ்திரேலியாவில் இருந்து விரைவில் வெளியேற்றப்படுவார்.

    இதன்மூலம் ஆஸ்திரேலிய ஓபன் டென்னிஸ் போட்டியின் நடப்பு சாம்பியனான அவர் நாளை திட்டமிட்டபடி விளையாட முடியாது. 

    34 வயது ஜோகோவிச் டென்னிஸில் 20 கிராண்ட் ஸ்லாம் பட்டங்களை வென்றுள்ளார். ரோஜர் ஃபெடரர் மற்றும் ரஃபேல் நடால் மற்றும் நோவாக் ஜோகோவிச் ஆகியோர் அதிகபட்ச ஆண்கள் சிங்கிள் கிராண்ட் ஸ்லாம் பட்டங்களை வென்றவர்களாக உள்ளனர். 

    இன்னும் ஒரு கிராண்ட் ஸ்லாம் பட்டம் வென்றால் மற்ற இருவரையும் இரண்டாம் இடத்துக்குத் தள்ளி, அதிக தனிநபர் கிராண்ட் ஸ்லாம் வென்ற ஆண் டென்னிஸ் வீரர்கள் பட்டியலில் முதலிடம் பிடிப்பார் நோவாக் ஜோகோவிச்.

    ஆஸ்திரேலிய ஓபனில் நடப்பு சாம்பியனான அவர் இந்த முறை கிராண்ட் ஸ்லாம் வென்று 21 பட்டங்கள் என்ற சாதனையை செய்வார் என்று எதிர்பார்க்கப்பட்டது. அது இப்போது நடக்காது என்பதை நீதிமன்றத் தீர்ப்பு உணர்த்தியுள்ளது.

    நோவாக் ஜோகோவிச் ஆஸ்திரேலியா விசா ரத்து ஏன்?

    கொரோனா தடுப்பூசி செலுத்தாததால் அவருக்கு அளிக்கப்பட்ட விசா குடிவரவுத் துறையால் ரத்து செய்யப்பட்டது. 

    வெளிநாட்டவர்கள் ஆஸ்திரேலியாவில் நுழைய கொரோனா தடுப்பூசி கட்டாயம் என்று தெரிவிக்கப்பட்டது. கொரோனா தடுப்பூசி போடாத ஒருவருக்கு விசா கொடுத்ததற்கு ஆஸ்திரேலியாவிலும் பரவலான எதிர்ப்பு எழுந்தது.

    விசா ரத்து செய்யப்பட்டபின் நோவாக் ஜோகோவிச் தடுப்பு மையம் ஒன்றில் தங்க வைக்கப்பட்டிருந்தார்.

    பின்னர் நீதிமன்றத்தை நாடிய நோவாக் ஜோகோவிச் ஆஸ்திரேலியாவில் தங்க அனுமதி பெற்றார்.

     

    Novak Djokovic

    பட மூலாதாரம், GETTY IMAGES

    எனினும் தமது சிறப்பு அதிகாரத்தைப் பயன்படுத்தி ஆஸ்திரேலிய குடிவரவுத் துறை அமைச்சர் அலெக்ஸ் ஹாக் ஜோகோவிச்சின் விசாவை மீண்டும் வெள்ளியன்று ரத்து செய்தார். அவர் அந்நாட்டில் இருப்பது தடுப்பூசிக்கு எதிரான உணர்வைத் தூண்டும் விதமாக உள்ளது என்றும் தெரிவித்தார். 

    இதை எதிர்த்து ஜோகோவிச் ஆஸ்திரேலியாவின் உச்சபட்ச நீதிமன்றங்களின் ஒன்றான, மெல்பர்னில் உள்ள ஃபெடரல் நீதிமன்றத்தை நாடினார். டென்னிஸ் வீரர் தரப்பில் 268 பக்க பிரமாண பத்திரமும் நீதிமன்றத்தில் தாக்கல் செய்யப்பட்டது.

    முன்னதாக, ஜோகோவிச் தடுப்பூசிக்கு எதிராக குரல் கொடுப்பவர்களுக்கு முன்மாதிரியாக உள்ளதாக ஆஸ்திரேலிய அரசு தரப்பு வாதிட்டது. ஆனால், இதற்கான ஆதாரங்கள் மிகவும் குறைவாகவே உள்ளதாக ஜோகோவிச் தரப்பு தனது வாதத்தை முன்வைத்தது. 

    அரசு மற்றும் ஜோகோவிச் தரப்பு வாதங்களை கேட்ட நீதிமன்றம் இன்று தீர்ப்பை வழங்கியுள்ளது. அமர்வில் இருந்த மூன்று நீதிபதிகளும் ஒருமனதாக இந்தத் தீர்ப்பை வழங்கியுள்ளனர்.

    https://www.bbc.com/tamil/sport-60013357

  17.  

    இலங்கையில் இந்திய வம்சாவளித் தமிழர்களின் அவலம்

    on January 12, 2022

    20190124_124512-scaled-e1641972363714.jp

    Photo, Selvaraja Rajasegar

    இலங்கையில் ஆட்சிக் கட்டிலில் வீற்றிருக்கும் ராஜபக்‌ஷ சகோதரர்கள் எடுத்த மிகவும் பாராட்டத்தக்க நடவடிக்கை, ஏற்றுமதி ஊக்குவிப்பு வலயங்களிலும் ஆடைத்தொழிற்சாலைகளிலும் தேயிலைத் தோட்டங்களிலும் வேலை செய்யும் மக்கள் மற்றும் புலம்பெயர்ந்தவர்கள் போன்ற சமூகத்தின் மிகவும் சுரண்டப்படும் பிரிவினரின் வாழ்க்கை நிலைமைகளை ஆராய்வதற்காக அடிமைத்தளையின் நவீன வடிவங்கள் தொடர்பாக நடவடிக்கை எடுக்கும் ஐ.நா. மனித உரிமைகள் கவுன்சிலை இலங்கைக்கு வருமாறு அழைப்பு விடுத்தமையாகும். இச்சிறப்பான முன்னெடுப்பினைத் தெற்காசியாவில் எடுத்த முதலாவது நாடு இலங்கையாகும். பிராந்தியத்தில் ஏனைய நாடுகள் இலங்கை உதாரணத்தினைப் பிரதிசெய்ய முடியுமா?

    பிரச்சினைகளை ஸ்தலத்தில் கண்டறிவதற்காக ஐ.நா. விசேட தூதுவரான டொமொயா ஒபொகடா நவம்பர் 26 இற்கும் டிசம்பர் 3 இற்கும் இடையில் இலங்கைக்கு விஜயம் செய்தார். விஜயம் செய்த தூதுவர் பல்வேறு பிரிவுகளைச் சேர்ந்த தொழிலாளர்களையும் அரசாங்க அதிகாரிகளையும் தொழிற்சங்கத் தலைவர்களையும் விடயத்தில் சம்பந்தப்பட்டுள்ள அரச சார்பற்ற நிறுவனங்களையும் சந்தித்தார். தான் கண்டறிந்த விடயங்களின் பூர்வாங்க அறிக்கையினைத் தூதுவர் நவம்பர் 26ஆம் திகதி நடைபெற்ற ஒரு கூட்டத்தில் சமர்ப்பித்தார். இறுதி அறிக்கையானது 2022 செப்டெம்பரில் ஐநாவில் சமர்ப்பிக்கப்படும்.

    தேயிலைத் தோட்டங்களில் உள்ள தொழிலாளர்கள் இந்திய வம்சாவளித் தமிழர்களாவர். தனிநபர் வருமானம், வாழ்க்கை நிலைமைகள், நீண்ட ஆயுள், கல்வி அடைவுகள் மற்றும் பெண்களின் நிலை – இவற்றைக் கணிப்பிட எந்த அளவுகோலையும் பிரயோகியுங்கள்  – அவர்கள் ஏணியின் அடியிலேயே இருக்கின்றனர். ஐ.நா. விசேட தூதுவர் பின்வருமாறு கோடிட்டுக்காட்டியுள்ளார்: “நவீன அடிமை முறைகள் இனத்துவப் பரிமாணங்களைக் கொண்டுள்ளன. குறிப்பாக, 200 வருடங்களுக்கு முன்னர் தேயிலைத் தோட்டங்களில் வேலை செய்வதற்காக இந்தியாவில் இருந்து அழைத்துவரப்பட்ட மலையகத் தமிழர்கள் அவர்களின் வம்சாவளியின் அடிப்படையில் பல்வேறு வடிவிலான பாகுபாடுகளுக்கு இன்னும் முகங்கொடுத்து வருகின்றனர்.”

    2017ஆம் ஆண்டில், இலங்கை தேயிலைத் தொழிற்துறையின் 150ஆவது வருடப் பூர்த்தியினைக் கொண்டாடியது. பொருளாதாரத்தில் தேயிலைத் தொழிற்துறையின் வகிபாத்திரத்தினைக் கோடிட்டுக்காட்டுவதற்கும், துறையின் உற்பத்தியினை எவ்வாறு உயர்த்துவது என்பது பற்றியும், துறையினை எவ்வாறு நவீனமயப்படுத்துவது என்பது பற்றியும் அரசாங்கமும் தோட்ட உரிமையாளர்களும் பல கருத்தரங்குகளையும் மாநாடுகளையும் ஏற்பாடு செய்திருந்தனர். ஆனால், கண்டியிலுள்ள சமூக அபிவிருத்தி நிறுவனம் மட்டுமே, உலகம் முழுவதிலும் பல லட்சக்கணக்கானவர்களுக்கு அதிகாலைக் களிப்பினை வழங்கும் இரண்டு இலைகளையும் ஒரு கொழுந்தினையும் (கலாநிதி முல்க் ராஜ் ஆனந்தினால் எழுதப்பட்ட நாவல்) உற்பத்திசெய்பவர்கள் பற்றிய ஒரு கருத்தரங்கினை ஏற்பாடு செய்திருந்தது. தோட்ட உரிமையாளர்களினதும் தொழிலாளர்களினதும் மாறுபடும் வாழ்க்கைகள் கட்டாயம் கோடிட்டுக்காட்டப்பட வேண்டும். கீழேயுள்ள இரண்டு மேற்கோள்கள் மாறுபாட்டினை விபரிக்கின்றன. 

    பிரித்தானியர்கள் எவ்வாறு அடிமைமுறையினை மீளக் கண்டுபிடித்தனர் என்ற தலைப்பில் ஒரு ஆவணத்தொகுப்பினை பிபிசி 2005ஆம் ஆண்டு ஒலிபரப்பியது. தோட்ட உரிமையாளரின் வாழ்வினை ஆவணத்தொகுப்பு பின்வருமாறு சித்தரிக்கின்றது: “நீங்கள் உங்கள் வராந்தாவில் அமர்ந்திருக்க, வேலைக்காரன் விசிறிவீச, லெமனெடைப் பருகிக்கொண்டிருக்க, உங்கள் கால் நகங்களை யாரோ ஒரு கூலி நறுக்கிக்கொண்டிருக்க, நீங்கள் தொழிலாளர்கள் வேலை செய்வதைப் பார்க்கலாம், நீங்கள் விரும்பிய எந்தப் பெண்ணுடனும் உல்லாசமாக இருக்கலாம், காலையில் எழுந்தது முதல் படுக்கைக்குச் செல்லும் வரை ஏறக்குறைய அனைத்துமே உங்களுக்காகச் செய்யப்படுகின்றன. மக்கள் உங்களைக் கவனித்துக்கொண்டனர், மக்கள் உங்களுக்கு அடிபணிந்தனர், மக்கள் உங்களுக்குப் பயப்படுகின்றனர், தோட்ட உரிமையாளர் என்ற ரீதியில் உங்களின் ஒற்றை வார்த்தை வாழ்வையே மறுக்கலாம்.”

    இனப் பிரச்சினைகளின் போது தனது மக்களின் உள்ளார்ந்த உணர்வுகளை மலையகத்து இளங்கவிஞரான வண்ணச்சிறகு வெளிப்படுத்துகின்றார். விடியல் என்ற அவரின் கவிதையில் கவிஞர் பின்வருமாறு எழுதுகின்றார்: “எங்கள் இரவுகள் நிச்சயமற்றவை, அன்பே, தூங்குவதற்கு முன் நாம் ஒருவரை ஒருவர் பார்த்துக்கொள்வோம். இதுவே எமது அர்த்தமுள்ள இறுதிக் கணமாக இருக்கலாம். கடைசியாக எம் செல்வங்களின் கன்னங்களில் உன் இதழ்களைப் பதி. ஒரு கணம் நம் உறவுகளை நினைத்துக்கொள்வோம். கடைசியில் எம் விழிநீரைத் துடைத்துக்கொள்வோம்.”

    மலையகத் தமிழ் மக்களின் மிக முக்கியமான அம்சம் அவர்களின் சனத்தொகையில் ஏற்பட்டுள்ள கணிசமான வீழ்ச்சியாகும். 1948 இல் சுதந்திரம் கிடைத்தபோது, அவர்கள் இலங்கைத் தமிழர்களை விட எண்ணிக்கையில் அதிகமானவர்களாக இருந்தனர். கொழும்புக்கும் புதுடெல்லிக்கும் இடையில் 1964ஆம் ஆண்டும் 1974ஆம் ஆண்டும் கைச்சாத்திடப்பட்ட இரண்டு ஒப்பந்தங்களின் காரணமாகப் பெரும் எண்ணிக்கையில் இந்தியப் பிரசைகள் என்ற ரீதியில் இம்மக்கள் இந்தியாவுக்கு மீண்டும் அனுப்பப்பட்ட காரணத்தினால், இவர்களின் எண்ணிக்கை வீழ்ச்சியடைந்தது. இன்று, தொகைமதிப்புப் புள்ளிவிபரத்தின் படி, இவர்கள் சனத்தொகையில் வெறும் 5.5% ஆகவே இருக்கின்றனர்.

    சுதந்திரத்தின் பின்னரான முதல் சில தசாப்தங்களில் இந்தியத் தமிழ் மக்கள் எதிர்நோக்கிய பாரிய பிரச்சினை நாடற்றநிலை எனும் பிரச்சினையாகும். நாடாளுமன்றத்திற்கு உள்ளேயும் நாடாளுமன்றத்திற்கு வெளியேயும் என நடாத்தப்பட்ட சாதுர்யமிக்க கலப்புப் போராட்டங்களுடன், சௌமியமூர்த்தி தொண்டமானின் தலைமையின் கீழ் இந்தச் சமுதாயம் பிடிவாதமிக்க சிங்கள ஆதிக்க அரசாங்கத்திடம் இருந்து பிரசாவுரிமைக்கான உரிமைகளைப் பெற்றுக்கொள்ளக்கூடியதாக இருந்தது. 1964 ஒக்டோபர் மாதத்தின் பின்னர் இலங்கையில் பிறந்த அனைவருக்கும் பிரசாவுரிமை வழங்கப்பட்டது. இது சிறிமா – சாஸ்திரி ஒப்பந்தத்தின் கீழ் இந்தியாவுக்குத் திருப்பி அனுப்பப்படுவதற்கென எஞ்சியிருந்தவர்களையும் உள்ளடக்கியது. 1978ஆம் ஆண்டின் குடியரசு அரசியலமைப்பின் கீழ் அறிமுகப்படுத்தப்பட்ட விகிதாசார முறைமையினால் இச்சமுதாயம் அதிக பிரதிநிதிகளைப் நாடாளுமன்றத்திற்கு அனுப்பக்கூடியதாக இருந்தது.

    இப்போது இந்தச் சமுதாயம் சமத்துவத்திற்கும் கௌரவத்திற்காகவும் போராடி வருகின்றது. வாழ்க்கை நிலைமைகள் முன்னேறியிருந்தாலும், செம்மையான சமத்துவம் எனும் அந்தஸ்தினை இம்மக்கள் அனுபவிப்பதற்கு இன்னும் அதிக விடயங்கள் செய்யப்படவேண்டியுள்ளன. மிகவும் முக்கியமான முதல் விடயமாக, மனித உரிமைகள் மீறல்கள் தொடர்ந்து இடம்பெறுவது குறிப்பிடப்படவேண்டும். மலையகத் தமிழ் மக்களைப் பிரதிநிதித்துவம் செய்யும் அரசியல் கட்சிகள் ஒருபோதும் தனிநாடொன்றுக்கான கோரிக்கையினை முன்வைக்கவில்லை என்ற போதிலும், 1977, 1981 மற்றும் 1983ஆம் ஆண்டுகளில் இந்தச் சமுதாயத்தினர் சிங்களக் காடையர்களின் வெறித்தனமும் மிருகத்தனமும் கொண்ட தாக்குதலுக்கு உட்பட்டனர். 2006ஆம் ஆண்டு நடைபெற்ற பிந்துனுவெவ படுகொலையின் பின்னர் நான் ஹட்டனில் இருக்க நேரிட்டது. இந்திரா எனும் ஓர் இளம் பெண் பாதுகாப்பின்மை காரணமாக தன்னால் ஹட்டன் நகரில் நடமாட முடியாதிருப்பதாக என்னிடம் நம்பிக் கூறினார். சென்னையில் பெரம்பூரில் இருக்கும் தனது சகோதரனுடன் தன்னை ஒப்பிட்டு அங்கே தன்னால் பின்னிரவுச் சினிமாக் காட்சிக்குக் கூடப் பயமின்றிச் செல்ல முடியும் எனக் கூறினார். இரண்டாவதாக, தேயிலைத் தொழிலாளர்களின் நாளாந்த ஊதியம் 1000 ரூபாவாகும். இது இம்மக்களின் நாளாந்தத் தேவைகளைப் பூர்த்திசெய்வதற்கே போதாது. இதனால் பலரும் தோட்ட வேலைகளுக்குப் போகாமல் மரக்கறித் தோட்டங்களில் வேலை செய்யச் செல்கின்றனர். அங்கே இவர்களுக்கு காலையுணவும் மதிய உணவும் வழங்கி இதைவிட இரண்டு மடங்கு ஊதியம் வழங்கப்படுகின்றது. இறுதியாக, எல்லாச் சிறுவர் சிறுமிகளும் பாடசாலைக்குச் சென்றாலும் பலர் பாடசாலையில் இருந்து இடைவிலகுகின்றனர். மிகவும் சொற்பமானவர்களே பல்கலைக்கழக மட்டம் வரை கல்வி கற்கின்றனர். சர்வதேச உறவுகளுக்கான சார்க் பேராசிரியராக நான் 2006ஆம் ஆண்டில் பேராதனைப் பல்கலைக்கழகத்துடன் இணைந்து பணியாற்றினேன். கலைமானி இறுதியாண்டு வகுப்பில், தமிழ் மொழி மூலத்தில், 10 மாணவர்கள் இருந்தனர். இந்தப் பத்து மாணவர்களில் எட்டுப் பேர் முஸ்லிம் மாணவிகள். இவர்களுடன் மட்டக்களப்பைச் சேர்ந்த ஒரு மாணவனும் பெருந்தோட்டப் பிரதேசத்தினைச் சேர்ந்த ஒரு மாணவியும் இருந்தனர். அதே வருடம், பல்கலைக்கழகத்தில் இருந்த இந்தியத் தமிழ்ச் சமுதாயத்தினைச் சேர்ந்த ஆசிரியர்களின் எண்ணிக்கை 10 ஆகவே இருந்தது.

    இலங்கை உயர் ஸ்தானிகரான மிலிந்த மொரகொட அவரின் மூன்று வருடங்களுக்கான செயற்திட்டத்தில் இரண்டு நாடுகளுக்கும் இடையில் அதிகளவு கல்விப் பரிமாற்றங்கள் இருக்கவேண்டும் என்பதைக் கோடிட்டுக்காட்டியுள்ளார். உதாரணமாக, உலகளாவிய கற்கைகளுக்கான சென்னை நிலையம், தமிழ் மாணவர்கள், குறிப்பாக மலையக மாணவர்கள் இரண்டாம் நிலைக் கல்விக்காகவும் பல்கலைக்கழகக் கல்விக்காகவும் இந்தியாவுக்கு வருவதற்கு உதவிசெய்து அவர்களின் அனைத்துச் செலவுகளையும் ஏற்றுக்கொள்வதற்கும் அவர்களுக்குப் புலமைப் பரிசில்களை வழங்குவதற்கும் ஆர்வமாக இருக்கின்றது. ஒரு சமுதாயத்திடம் சிறந்த விழுமிய அடிப்படையிலான கல்வி இருக்கையில் மாத்திரமே அச்சமுதாயத்தினால் முன்னேற முடியும். இந்த விடயத்தில் தமிழ்நாட்டினால் ஒரு நன்மையளிக்கும் வகிபாத்திரத்தினை வகிக்க முடியும்.

    யாழ்ப்பாண வெள்ளாளர்களால் பயன்படுத்தப்பட்ட அவமதிப்புக்குள்ளாக்கும் தோட்டக்காட்டான் என்ற சொற்பதத்தில் இருந்து மலையகத் தமிழர் எனும் உயர்வான இடுபெயருக்கு நிலைமாற்றம் அடைந்தமை மலைநாட்டில் இடம்பெற்றுள்ள பண்புசார்ந்த மாற்றத்தின் ஓர் எடுத்துக்காட்டாகும். இருப்பினும், வாய்ப்புக்களின் சமத்துவத்தினை அனுபவிக்கும் சமமான பிரசைகளாக இவர்கள் மாறுவதற்கு முன்னர் நிறைய விடயங்கள் இன்னும் நிறைவேற்றப்பட வேண்டியுள்ளன.

    பேராதனைப் பல்கலைக்கழகத்தில் நான் சந்திக்கும் சிறப்புரிமை கிட்டிய முனைவர் எம்.ஏ.நுஹ்மான் அவர்கள் எழுதிய கவிதையுடன் இதனை நான் நிறைவுசெய்ய விரும்புகின்றேன்: “எங்கே சமத்துவம் இல்லையோ, அங்கே சமாதானம் இல்லை, எங்கே சமாதானம் இல்லையோ, அங்கே சுதந்திரம் இல்லை, இவைதான் எனது இறுதி வார்த்தைகள், சமத்துவம், சமாதானம் மற்றும் சுதந்திரம்.”

    வி.சூர்யநாராயணன் (suryageeth@gmail.com)

    ஓய்வுபெற்ற சிரேஷ்ட பேராசிரியர், தெற்கு மற்றும் தெற்காசியக் கற்கைகளுக்கான நிலையம், மெட்ராஸ் பல்கலைக்கழகம் (ஆசிரியர், மெட்ராஸ் பல்கலைக்கழகத்தில் நிலையத்தின் ஸ்தாபகப் பணிப்பாளராவார்)

    The plight of Tamils of Indian origin in Sri Lanka என்ற தலைப்பில் ‘த நியூ இண்டியன் எக்ஸ்பிரஸ்’ தளத்தில் 22 டிசம்பர் 2021 திகதி வெளியான கட்டுரையின் தமிழாக்கம்.

     

    https://maatram.org/?p=9843

    குறிப்பு: இணைத்தவர் சில வரிகளை தடித்த அடிக்கோடுகளில் காட்டியுள்ளார்.


  18.  

    AVvXsEis5Gdv--vZ4-stZ6HRdyMRl9jST23yLQpIKB3KMiV-uH_2MkHHhsxWnhttqr9bu76ThbaE-u1tICMGIrfQR-Q7EXH4VQHEa8h037z_0R6Ireqo8YqwnuCCIig89zaCL8xnqX7JMToDZM8PxymlVXNFVmK9PIjIhlJJW3Df0pXLFrnNEFL3GTej3ic7ug=s320
     
    AVvXsEjuYde1XwPzUAO4ADDPu-6Xs4gJlV5uqDrwdZiF9Nr6otEBLMRhhC8pft8DIJXys32Fiw5rknV_jUb7MFm-YFk6eLoGLwh3l-LqNBXhJKZgZFnrabrQ2rniEVHBBTGnERmUGSV7q5p-BkgrFIaO1z-eT2jBmQN7WeddAJEaOmbwjWiQ18NhSDMg4Pt2HA=s320
     

     

    இதென்ன கேள்வி என உங்களுக்குத் தோன்றலாம். ஆனால்கதையின் ஆன்மா காலத்தினுள் புதைந்திருக்கிறது என்றுஅரிஸ்டாட்டில் துவங்கி இன்றைய விமர்சகர்கள் பலர்கருதுகிறார்கள். தமிழ் நாவல்கள், சிறுகதைகளின் வடிவத்தைபுரிந்து கொள்ளவும் இந்த கேள்வி மிகவும் உதவும். நாம்காலத்தைப் பற்றி பேசும் முன்பு காரண-விளைவு தர்க்கம் நம்வாழ்வில் எப்படி செயல்படுகிறது எனப் பார்ப்போம்.

     

     பேருந்தில் நின்று கொண்டு வரும் போது பக்கத்தில் நிற்பவர்என் காலை மிதித்து விடுகிறார். நான் கோபமாக திரும்பிப்பார்க்கும் முன்பே அவர் சாரி சார், தெரியாம மிதிச்சிட்டேன் என்கிறார். “பரவயில்லை”, நான் அமைதியாகிறேன். ஆனால்இதுவே அவர் கண்டும் காணாதது போல நின்றால் என் கோபம்அதிகமாகிக் கொண்டே செல்லும். ஏன்? அந்த மன்னிப்பில் என்னஇருக்கிறது? அந்த மன்னிப்பில் காரண-விளைவை ஏற்கும்கோரல் இருக்கிறது. அது நமக்கு தேவையாக இருக்கிறது. அதுஇல்லாவிடில் எனக்கு ஏன் இந்த வேதனை ஏற்பட வேண்டும்எனும் கேள்வி வருகிறது. அவர் பொறுப்பேற்காவிடில் நான்அதற்கு பொறுப்பேற்க வேண்டும். (ஏன் இவ்வளவு கூட்டமானபேருந்தில் ஏறினோம்? ஏன் என் பைக் ரிப்பேர் ஆனது? அல்லதுஎனக்கு சொந்தமாக ஒரு பைக் இருந்தால் இப்படி மிதிபடநேரிடுமா? எனக்கு ஏன் ஒரு பைக் வாங்கும் அளவுக்கு கூடவக்கில்லாமல் போனது? நான் என் வாழ்க்கையை வீணடித்துவிட்டேனா? இப்படி பல கேள்விகளை அடுத்த சில வினாடிகளைநாம் சிந்திக்க வேண்டி வரலாம்.) அல்லாவிடில் காரணமற்ற ஒருதண்டனையைப் பெற்றது நமக்கு மிதிபட்டதை விட அதிகவலியளிக்கலாம். .எம். பாஸ்டர் தனது Aspects of the Novel புத்தகத்தில் நாம் ஒருநாள் தூங்கி விழித்ததில் இருந்தேபல்வேறு காரண-விளைவுகளை மனதுக்குள் உருவாக்கியபடியேதான் காலத்தை புரிந்து கொள்கிறோம் என்கிறார். நான்இத்தனை மணிக்கு எழுந்தேன், அதனால் எனக்கு இன்றுபல்துலக்கி குளித்து சாப்பிட்டு வேலைக்கு கிளம்ப அவகாசம்இருக்கிறது. பல்துலக்கியதால் வாய் சுத்தமாகியது, குளித்ததால்உடம்பு சுத்தமாகி, புத்துணர்ச்சி வருகிறது, சாப்பிட்டதால்பசியாறி தெம்பு வருகிறது  இப்படி திட்டமிடாமலே நாம்காரண விளைவுகளைக் கொண்டே தொடர்பற்ற செயல்களைதொகுத்து நம்முடைய காலத்துக்கு ஒரு அர்த்தத்தை, நேர்கோட்டு வடிவை அளிக்கிறோம். அதனாலே கடிகாரம்இருப்பதற்கே ஒரு நியாயம் உண்டாகிறது இதனாலே ஒருநாவலை எழுதும் போது நாம் காலத்தை உருவாக்குவதில்கவனமாக இருக்க வேண்டும், காலத்துக்கு வெளியே ஒருநாவலை எழுதவே முடியாது, அப்படி முயன்றால் அதுவாசிக்கத்தக்கதாக இருக்காது என .எம். பாஸ்டர் கோருகிறார். அவர் கெர்டிரூட் ஸ்டெயின் அப்படி காலத்துக்கு அப்பால், காரண-விளைவு தர்க்கத்துக்கு அப்பால் தன் நாவலைகட்டமைக்க முயன்று தோல்வி உற்றார் என நம்மைஎச்சரிக்கிறார்.

     

     நீங்கள் வெர்ஜீனியா வூல்பின் நாவல்களில் (Mrs Dalloway; To the Lighthouse) வரும் நனவோடை உத்தியைப் பற்றிகேள்விப்பட்டிருப்பீர்கள். இதை தமிழில் நகுலனும்வெற்றிகரமாக பயன்படுத்தினார். இது வாசிக்க மிகவும்சுவையானது; நமது மனத்தின் காலம், அதன் போக்குக்கு, நமதுபிரக்ஞையின் செயல்பாடு குறித்த ஆர்வம் கொண்டோருக்குஇந்த உத்தியிலான புனைவுகள் படிக்க உவப்பாக இருக்கும். “மிஸஸ் டேலோவேய்” நாவலில் உதாரணமாக டேலோவேய்எனும் பெண்மணி தன் வீட்டில் இருந்து வெளியே நடப்பதற்காகவருகிறார். அதற்கு அவரது பார்வையிலும், புலன்களிலும் பலவிசயங்கள் பட்டு பாதிப்பை ஏற்படுத்துகின்றன, இவை பலநினைவுகளை முன்னுக்குப்பின்னாய் கிளர்த்துகின்றன. ஐந்தேவினாடிகளில் நம் மனம் நாமே அறியாமல் ஐம்பது விசயங்களைபரிசீலித்து விடுகிறது என்பதை இந்த வகை எழுத்து காட்டுகிறது. ஆனால் நான் லீனியரும் சரி நனவோடையும் சரி நேர்கோட்டுகாலத்தை மறுக்கின்றனவே ஒழிய காரண-விளைவு தர்க்கத்தைமறுப்பதில்லை என்பதை நாம் கவனிக்க வேண்டும்.

     

    காரண-விளைவு தர்க்கத்தை கடுமையாக மறுபரிசீலனை செய்யமுயன்ற நாவல் ஆல்பர்ட் காமுவின் அந்நியன்”. இதில் ஒருஅட்டகாசமான ஆரம்ப காட்சி வருகிறது. மெர்சால்ட்டின் தாய்இறந்து போகிறார். அவனுக்கு செய்தி வருகிறது. ஆனால் என்றுசரியாக அவர் இறந்து போனார் என்பதில் செய்தியில் இல்லை. அவனுக்கு குழப்பமாகிறது - மிக அண்மையில் இறந்துபோயிருந்தால் அவனுடைய துக்கமும் மிக அதிகமாக் இருக்கவேண்டும். முன்னரே இறந்து போய் அவனுக்கு தெரியாமல்போயிருந்தால் அதற்காக மனம் உடைந்து அழ முடியாது, ஏனென்றால் காலம் செல்ல செல்ல மரணத்தின் தாக்கத்தில்இருந்து விடுபட்டு நிதானமாகி விட வேண்டும் என்பதே உலகஇயல்பு என்று அவன் ஒரு விளக்கத்தை அதற்கு தருகிறான். இதில் மெர்சால்ட் சுட்டிக் காட்டுவது உலக நடப்பின்அபத்தத்தை அல்ல, காரண-விளைவு தர்க்கத்தில் காலத்துக்குஉள்ள இடத்தைக் காட்டி அது எவ்வளவு அபத்தமானது என்றுஅவன் நம்மை நோக்கி எள்ளி நகையாடுகிறான். நாவல் முழுக்ககாமு மெர்சால்ட்டின் நடவடிக்கைகளில் ஒரு தர்க்க ஒழுங்குஇல்லாதவாறு பார்த்துக் கொள்கிறார், அதுவே அவனை அபத்தநாயகனாக்குகிறது. அவன் தன் மரணத்தறுவாயிலும் மனம்வருந்துவதில்லை. ஆனால் இவ்வளவையும் செய்யும் போதுஅன்றாட நிகழ்வுகளின் போக்கில் ஆல்பர்ட் காமு ஒரு காரண-விளைவு சங்கிலியை தக்க வைக்கவே செய்கிறார் - அம்மாகாலமானது குறித்து அவனுக்கு வரும் கடிதமே அவனுடையவாழ்வின் அடுத்தடுத்த செயல்கள் நிகழ துவக்கப் புள்ளியாகிறது; ஒன்று மற்றொன்றுக்கு இட்டுச் செல்வதான வழக்கமான கதைஉத்தியை தான் காமுவும் பயன்படுத்துகிறார். ஒரே வித்தியாசம்மெர்சால்ட்டின் பார்வையில் எந்த சம்பவங்களுக்கும் காரண-விளைவு சார்ந்த ஒரு அர்த்தம் இல்லை. காமு தன் நாவலின்நிகழ்வுகளை காரண-விளைவு தர்க்கப்படி அடுக்கி விட்டுமெர்சால்ட்டின் பார்வையில் அவற்றை மீள்நோக்கு செய்யும்படிநம்மைக் கோருகிறார். இந்த நுட்பமான உத்தியே நாவலின்வெற்றிக்கு காரணம்”. ஆனால் .எம். பாஸ்டர் கோருவதைப்போல முழுமையாக காரண-விளைவு தொடர்ச்சியை தூக்கிகுப்பைத் தொட்டியில் போட்டு விட்டு காலத்துக்கு வெளியேநாவலை எழுதுவது விமானம் பறந்து கொண்டிருக்கும் போதேஇறங்கி அந்தரத்தில் நடக்க முயல்வது போலத்தான்.    

     

    காலத்தை நேர்கோட்டில் சொல்லாமல் கையாண்ட நாவல்கள்பல உண்டு. நான் லீனியர் பாணியில் உருவாக்கப்பட்டசுவையான நாவல்கள், கதைகள், சினிமாக்கள் உண்டு ஆனால்அவற்றிலும், நான்-லீனியர் பாணிக்குள்ளும், காலம் ஒருஒழுங்குக்குள் ஒரு செயலினால் நிகழும் மற்றொரு செயல் என்றேஎழுத்தாளன் / இயக்குநர் காலத்தை கட்டமைத்திருப்பான்என்பதை நுட்பமாக கவனித்தால் நாம் அறிந்து கொள்ளலாம். .தா., Pulp Fiction படத்தை எடுத்துக் கொள்வோம். சம்மந்தமில்லாத மூன்று கதைகள் முன்னுக்குப் பின்னால்கூறப்பட்டு தனித்தனியே வளர்ந்து முடிவில் ஒன்றாகபொருந்துகின்றன. இதில், ஆல்பர்ட் காமுவைப் போன்றே, இயக்குநர் டரண்டினோ நமக்கு காட்டுவது சம்பவர்க்கோர்வைக்குள் அர்த்தம் என்று ஒன்றில்லை, அபத்தமேஎஞ்சுகிறது என்பதே. மற்றபடி அவரும் காலத்தின் இருப்பைமுழுக்க மறுப்பதில்லை

     

    [எதார்த்த கதைகூறலுக்கு வெளியே இருக்கிற மெட்டாபிக்‌ஷன், புனைவின் தோரணையே இல்லாத பரீட்சார்த்தமான பின்நவீனகதைகள், எதிர்-கதைகள் (The Beach), கவிதையைப் போன்றுதுண்டுத்துண்டான பிம்பங்கள், உருவகங்களை சித்தரித்துநகரும் கோணங்கியின் பாழி போன்ற படைப்புகளை நாம்இந்த விதிமுறைக்கு விதிவிலக்காக சொல்ல முடியும். ஆனால்இங்கே நமது விவாத இலக்கு அந்த வகை கதைகள் அல்ல.]

     

     அரிஸ்டாட்டில் தனது “Poetics” (கவிதையியல்”) நூலில்காரண-விளைவு தொடர்ச்சி இன்றி கதையே இல்லை என்பதைவலியூறுத்துகிறார். அவர் அத்துடன் நிற்பதில்லை; ஒரு முக்கியபாத்திரத்தின் அமைப்புக்குள் காரண-விளைவு எப்படி செயல்படவேண்டும் என்றும் விளக்குகிறார். அதாவது கதைக்குள் காரண-விளைவு தர்க்கப்படி சம்பவங்கள் நாமே நகர்வதில்லை, அவைஒரு பிரதான பாத்திரத்தின் செயல்களின் ஊடாகத் தான்உயிர்பெறுகின்றன, ஆகையால் காரண-விளைவு என்பதன்மையமே இந்த பாத்திரம் தான் என்று வலியுறுத்துகிறார்அரிஸ்டாட்டில். இங்கிருந்து தான் அவர் ஒரு மனிதனின்அடிப்படையான கோளாறு, பிரச்சனை, தவறான புரிதல் (துன்பியல் வழு - tragic flaw) என்பது துன்பியல் கதைகளைமுன்னகர்த்த அவசியமான ஒன்று எனும் ஒரு முடிவுக்கு வந்து சேருகிறார். 

     

     துன்பியல் நாடகத்தின் அடிப்படையே ஒரு மகத்தான மனிதனின்வீழ்ச்சி என்பது அவருடைய நம்பிக்கை. ஏன் மகத்தானவனின்வீழ்ச்சி என்றால் சல்லிப்பயல்களின்’ வீழ்ச்சியைப் பற்றியாருக்கும் பெரிய அக்கறை இல்லை என்று அரிஸ்டாட்டில்கூறுகிறார். இது ஓரளவுக்கு நிஜம் தான். வீழ்ச்சி என்றாலேஉயரத்தில் இருந்து கீழே விழுவது தானே. நான் என்படுக்கையில் புரண்டு படுத்தால் அது வீழ்ச்சி ஆகாது, ஆனால்புரளும் போது தரையில் பொத்தென விழுந்தால் அது வீழ்ச்சி. ஆனால் அது போதாது. வீழ்ச்சியின் தீவிரத்தன்மையே அதைபொருட்படுத்தத் தக்கதாக்குகிறது. நான் படுக்கையில் இருந்துவிழாமல் பால்கனியில் நிற்கும் போது ஏதோ ஒரு ஆர்வத்தில்கீழே எட்டிப்பார்க்கும் போது கால்வழுக்கியோ வேறெப்படியோதடுமாறி கீழே விழுந்து விடுகிறேன். அதுவும் எட்டாவது மாடியில்இருந்து. இப்போது இது செய்தியாகிறது. போலீஸ்விசாரிக்கிறது. அது கொலையா, தற்கொலையா அல்லதுவிபத்தா என நீங்கள் யோசிக்கிறீர்கள், அலசுகிறீர்கள், அனுமானிக்கிறீர்கள். இதுவே வாழ்வில் நேர்கிற பிரச்சனைகள், அவற்றின் விளைவான அழிவுக்கும் பொருந்துகிறது. பேருந்தோஆட்டோவோ கிடைக்காமல் அலுவலகத்துக்கு தாமதமாகப்போவது ஒரு எரிச்சலான அனுபவம் தான், ஆனால் அது ஒருகதைக்குரிய வீழ்ச்சி அல்ல. அந்த தாமதத்தால் வேலை இழப்பு, அதனால் குடும்பத்தில் பல நெருக்கடிகள், தாமதத்தால் ஒருஉறவு முறிவது, உங்களைப் பற்றி நிர்வாகத்தில் மோசமானஅபிப்ராயம் ஏற்படுவது, அதனால் ஒரு இழப்பு ஏற்படுவதுஅல்லது  நட்பொன்று முறிந்து அதன் விளைவாக உங்கள்வாழ்க்கையை புரட்டிப் போடுகிற பிரச்சனைகள் ஏற்பட்டால அதுவீழ்ச்சியாகிறது. ஆனால் இது மட்டும் போதாது என்கிறார்அரிஸ்டாட்டில்.

     

    வீழ்பவர் உயர்ந்தவராக இருக்க வேண்டும் எனும் ஒரு குண்டைத்தூக்கி போடுகிறார் அவர். நாம் நவீன இலக்கியம் தோன்றியதற்குமுன்பிருந்தே இந்த உயர்ந்த மனிதன் எனும் கருத்தமைவு மீதுஅவநம்பிக்கை கொள்ளத் தொடங்கி விட்டோம் என்பதை உலகஇலக்கியத்தின் வரலாற்றை கவனிக்கும் போது அறிகிறோம். 1605-1615இல் வெளியிடப்பட்ட செர்வாண்டெஸின் Don Quixote எனும் மகத்தான பகடி நாவல் ஒரு சிறந்த உதாரணம். பத்தொன்பதாம் நூற்றாண்டில் சார்லஸ் டிக்கன்ஸ் போன்றோர்சாமான்யர்களின் வீழ்ச்சியையே நாவலாக்கினார்கள். மகத்தானகனவுகளின், விழுமியங்களின் வீழ்ச்சி தரும் ஏமாற்றத்தையேடிக்கன்ஸ் தனது மகத்தான எதிர்பார்ப்புகள்” (Great Expectations) எனும் நாவலில் விவாதித்தார். நவீன இலக்கியம்உருக்கொண்ட பின் விழுமியங்கள், எதிர்பார்ப்புகள், முன்னேற்றம், மரபு எதிலும் பிடிப்பு கொள்ள முடியாத ஒருதலைமுறையின், சாமான்யர்களின் கதைகள் எழுதப்பட்டன. தமிழில் புதுமைப்பித்தன் துவங்கி இன்று எழுதுகிறவர்கள் வரைநன்மை-தீமை எனும் இருமைகளில் அகப்படாத, நடுவில்இருக்கிற இலக்கிய பாத்திரங்களையே படைக்கிறார்கள். நவீன, பின்நவீன பண்பாட்டு விழுமியங்களுடன் உடன்படாத நவ-செவ்வியல் (new-classical) நாவல்களை உருவாக்க முயலும்ஜெயமோகன் மட்டுமே இதற்கு விதிவிலக்கு (“விஷ்ணுபுரம்”-“வெண்முரசு”). இப்போதும் இலக்கிய வாசகர்கள் லட்சியமனிதர்களை பிரதான பாத்திரங்களாக ஏற்றுக் கொள்ளசிரமப்படுகிறார்கள். அப்படியான பாத்திரங்களைசெயற்கையானவர்கள், சினிமாத்தனமாவர்கள் என்றே அவர்கள்கருதுகிறார்கள். இந்த பின்னணியில் இருந்து நாம்அரிஸ்டாட்டிலின் கூற்றை எதிர்கொள்ளக் கூடாது என்பது இங்குமுக்கியம். அரிஸ்டாட்டில் தனது நூலிலேயே உயர்ந்தமனிதனை ஒரு தங்க பதக்கம் எஸ்.பி சௌத்ரியாக அல்லதுராஜ்பாட் ரங்கதுரையாக மட்டும் முன்வைக்கவில்லை. அவர்கள்லட்சிய மனிதர்கள் அல்ல, மாறாக தமது பணியில் உயர்ந்ததிறனுடன் விளங்குகிறவர்கள், சமூகத்தில் தம் செயல்பாட்டால்நல்ல மரியாதையுடன் விளங்குகிறவர்கள் என்று தான்வரையறுக்கிறார். (அந்த விதத்தில் மேற்சொன்ன சிவாஜிபாத்திரங்கள் கச்சிதமான அரிஸ்டாட்டிலிய நாயகர்கள்.) .தா., அவர் ஒரு நல்லாசிரியராக இருக்கலாம். மாணவர்களிடமும், பள்ளியிலும் மதிப்பு பெற்றவராக இருக்கலாம். அவர் ஒரு சிறந்தகவிஞராக, பாடகராக, சமூக சேவகராக இருக்கலாம். அல்லதுதன் வேலையில் மிகுந்த ஈடுபாட்டுடன் இருந்து தன்னுடையசிறிய வட்டத்தில் நல்ல பெயர் பெற்ற ஒரு குமாஸ்தாவாக கூடஇருக்கலாம். அவர் திறமையளவில் குறைபட்டவராகஇருந்தாலும் தன்னுடைய விழுமியங்களைக் கொண்டுமதிக்கத்தக்கவராக இருக்கலாம். ஒரு அன்பான தாயாக, அக்கறையான மனைவியாக, உறவுகளிடம் பரிவாக இருக்கும்பெண்ணாக இருக்கலாம், தியாக மனப்பான்மை கொண்டவராகஇருக்கலாம். அங்கிருந்து அவருடைய அகந்தை அல்லது ஆசைஅல்லது காமம் காரணமாக ஒரு சரிவு வரும் போது அதுபார்வையாளர்கள் / வாசகர்களின் பச்சாதாபம் மற்றும் அச்சத்தைதூண்டும் என்று அரிஸ்டாட்டில் கூறுகிறார். பரிதாபம் மற்றும்அச்சத்தையே அவர் ஒரு படைப்பனுபவத்தின் பிரதானமானஉணர்ச்சிகளாக வரையறுக்கிறார்.

     

    ஒரு பிரதான பாத்திரத்தின் அமைப்பு எப்படி இருக்க வேண்டும்என்பதற்கு தமிழ் நவீன இலக்கியத்தில் சு.ராவின் ஜெ.ஜெ சிலகுறிப்புகள் நாவலை ஒரு தோதான உதாரணமாக எடுத்துக்கொள்ளலாம் ஜெ.ஜெ கேரளத்தை சேர்ந்த ஒரு லட்சியநாயகன். அவன் தன் இளமையில் ஒரு சிறந்த கால்பந்தாட்டவீரனாக விளங்கி, பின்னர் இலக்கிய விமர்சகனாக மாறி ஒருமுக்கிய இலக்கிய ஆளுமையாக உருப்பெறுகிறான். அவனைதமிழகத்தை சேர்ந்த ஒரு இளம் எழுத்தாளன் சென்றுசந்திக்கிறான். அவனுடைய வாழ்க்கைப் போக்கில் ஆர்வம்கொண்டு பின் தொடரும் இந்த தமிழ் எழுத்தாளனின் ஆய்விலும்பார்வையிலும் ஜெ.ஜெயின் வாழ்க்கை நாட்குறிப்புகளாகதொகுக்கப்படுகிறது. வெளியான போது அதன் வடிவபுதுமைக்காகவும், லட்சிய தெறிப்புகளுக்காகவும் பெரியஅலைகளை தோற்றுவித்த ஜெ.ஜெ சில குறிப்புகளை இப்போது படிக்கும் போது சிறப்புகளும் குறைகளும்துலங்குகின்றன. என்னதான் நான்லீனியராகஎழுதப்பட்டிருந்தாலும் ஜெ.ஜெயின் சமரசம் செய்யாததுணிச்சலும், இலக்கிய விழுமியங்களின் மகத்துவம் மீது அவன்வைக்கும் நம்பிக்கையும், தன்னை அழித்து இலக்கியத்தைவளர்க்க அவன் தயங்காததும் நம்மை கவர்கின்றன. தன்னுடையசூழலுடன் பொருந்திப் போக, சாமான்ய ஆத்மாக்களை புரிந்துகொள்ள அவன் முனையாத ஒருவித பிடிவாதமும் அவனுடையதுன்பியல் வழுவாகிறது (tragic flaw). அவனுடைய வீழ்ச்சியின்வேகம், மிக உயர்ந்த இடத்தில் இருந்து மிக மோசமானஇடத்துக்கு அவன் துரிதமாக வந்து சேர்வதாக நான்லீனியர்கதைமொழி நமக்கு உணர்த்துகிற பாங்கு, ஒரு அச்சத்தை, அதனாலே பச்சாதாபத்தை அவன் மீது ஏற்படுத்துகிறது. ஆனால்இந்த துன்பியல் வீழ்ச்சியை ஜெ.ஜெ ரொம்ப சீக்கிரமாகவேஅடைந்து விடுவதால் ஒரு கட்டத்துடன் நாவல்தொய்வடைகிறது. அதே நேரம் அரிஸ்டாட்டில் துன்பியல்படைப்பு முழுமையும் ஆழமும் பெறுவதற்கு முக்கியமாகஅறிந்தேற்றலை (recognition) கருதுகிறார். அறிந்தேற்றல்என்றால் ஒரு பாத்திரம் தன் வழுவை அறிந்து கொள்ளுதல், பெரும்பாலும் மீட்சியடைவதற்கு சாத்தியம் இல்லாதநிலையிலோ அல்லது வீழ்ச்சிக்கு சற்று முன்போ தன் குற்றத்தைமுழுமையாக உணர்வது. இந்த அறிந்தேற்றல் ஜெ.ஜெயிடம்நிகழ்வதை அவனுடைய நாட்குறிப்புகள் சிலவற்றில் நாம்உணர்கிறோம். அப்போது அவன் எப்படியாவது தன்னை மீட்டுவிடமாட்டானா என ஏங்கிறோம், ஆனால் அது நிகழாத போது நமதுஏமாற்றம் ஒரு இருத்தலிய பரிமாணம் பெறுகிறது

     

    தி.ஜாவின் மோகமுள்ளின் துன்பியல் வழு அதன்தலைப்பிலேயே உள்ளது - மோகம், அதாவது காமம். சூழல்மற்றும் இசையின் காரணமாக தொடர்ந்து தள்ளிப் போடப்படும்காமம். இது சதையில் ஆழமாக தைக்கப்பட்டு அங்கே இருந்துஉறுத்துகிற முள்ளாகிறது. பாபுவின் பிரச்சனை  அவனுடையகாம விழைவு ஒரு அசாத்தியம் நோக்கியதாக ஆரம்பத்திலேயேஉருக்கொள்கிறது என்பது. அவன் தன்னை விட வயதில் மூத்தயமுனவை காமுறுகிறான், நேசிக்கிறான் என்பதல்ல பிரச்சனை, அந்த உறவு சாத்தியமாக எந்தளவுக்கு அவன் விரும்புகிறானோ, முயல்கிறானோ அந்தளவுக்கு அதை தள்ளிப்போடவும் அவன்மனம் விரும்புகிறது என்பதே பிரச்சனை. ஏனென்றால் அந்ததள்ளிப்போடுதலிலே அவனுடைய காதலில் ஒருகாவியத்தன்மையை, உயர்வை கிடைக்கிறது. அன்றாடவாழ்க்கைக்கு தோதுபடாத ஒரு லட்சிய இலக்காக காதலைஅவன் மாற்றுவதே அவனுடைய குறைபாடு, அதுவே அவனுடையதுன்பியல் வழு. மகத்தான பாடகனாக இருந்தாலும் இதுவேஅவனை வீழ்ச்சியை நோக்கித் தள்ளுகிறது. பிறகு யமுனாஅவனை சென்னையில் வந்து சந்தித்ததும் அவன் திரும்பஇசைப்பயிற்சியை ஆரம்பித்து தன் வீழ்ச்சியில் இருந்துமீள்கிறான். யமுனாவை அவன் நாவலின் முடிவில் உடலளவில்அடையும் போது அந்த மகத்தான காதல் சிறகொடிந்து தரையில்வீழ்ந்து மடிகிறது - “இவ்வளவு தானா? இதற்குத் தானா இத்தனைஆண்டுகள் காத்திருப்பு?” என்பதே அவன் மனம் எழுப்பும்வினாவாக இருக்கிறது (அறிந்தேற்றல்). அவனுடைய தற்காலிகமீட்சிக்குப் பின்பான இந்த ஏமாற்றம் ஒரு உளவியல் வீழ்ச்சியாகஇருந்தாலும் அவள் அவனுடனே தொடர்ந்து இருப்பாள், அவன்இசைப்பயிற்சியில் தொடர்ந்து ஈடுபடுவதற்காக வடக்கேபயணிக்கப் போகிறான் என்பது அவன் காப்பாற்றப்படுவான்என்பதை நமக்குக் காட்டுகிறது. முக்கியமாக வீழ்ச்சியின்போதான இந்த அறிந்தேற்றலே ஒரு அற்புதமான நகைமுரணானமுடிவை நாவலுக்கு அளிக்கிறது. அவளை அடைந்தாலும்முழுமையாக அடைய முடியாத நிலை நாவலின் துவக்கம் முதல்முடிவு வரை நிலைப்பது அதற்கு (பல கவனச்சிதறல்களையும்தாண்டி) ஒரு வடிவ ஒழுங்கை அளிக்கிறது.

     

    ஜி.நாகராஜனின் நாளை மற்றுமொரு நாளை நாவலின் எதிர்-நாயகனான கந்தன் வழக்கமான ஜி.நாகராஜனின்பாத்திரங்களைப் போன்று எந்த உயர்பண்புகளிலும் நம்பிக்கைவைக்காதவன் என்றாலும் அவனுடைய உறுதி, துணிச்சல், வாழ்க்கை மீதான அலட்சியம் நமக்கு ஒருவித மரியாதையைஅவன் மீது ஏற்படுத்துகிறது. ஜி.நாகராஜனின் பாத்திரங்களில்உள்ள இருத்தலிய தன்மை காரணமாக அவர்கள் காலத்துடனேமோதுகிறவர்கள் என்பதால் துன்பியல் வழு (சமூகத்தின் தாம்எதிர்திசையில் செல்வதால் ஏற்படும் பிரச்சனைகளை அறியாதபாசாங்கற்ற குணம்) அறிந்தேற்றல் சாத்தியமாவதில்லை.

     

    எஸ்.ராவின் உறுபசி”  நாவலின் சம்பத் இதே போலஅறிந்தேற்றல் சாத்தியப்படாத ஒரு துன்பியல் நாயகன் எனலாம். ஜெ.ஜெயின் லட்சிய சிறகுகளை உதிர்த்த, ஜி.நாகராஜனின்பாத்திரங்களின் சாயலில் தோன்றிய ஒரு பலவீனமானதேவனைப் போல இந்த சம்பத் இருக்கிறான்.  

     

    லட்சிய சாயல்களை அண்ட விடாத சாமான்யத்தின் பலபரிமாணங்களை இருத்தலியல் கோணத்தில் சித்தரித்தஅசோகமித்திரனின் நாயக, நாயகி பாத்திரங்களும் கூடஅரிஸ்டாட்டிலின் துன்பியல் நாயக வகைமைக்குள்வருகிறவர்கள் என்பதே ஆச்சரியம். “தண்ணீர் நாவலின் ஜமுனாவிழுமியங்களும், நம்பிக்கைகளும் பொய்த்துப் போன ஒருசமூகத்தின் மத்திய வர்க்க பிரதிநிதி. சினிமாவின் நாயகி ஆகும்ஆசை பொய்த்துப் போன நிலையிலும் அவள் போராடுகிறாள், தொடர்ந்து ஏமாற்றப்படும் நிலையிலும் அவளிடம் மனிதர்களின்நல்லியல்புகளில் உள்ள நம்பிக்கை முழுக்க மறைவதில்லை. ‘தண்ணீர் இந்நாவலில் மனித மனத்தின் ஈரத்துக்கான உருவகம். ஆக தண்ணீர்ப் பற்றாக்குறை மட்டும் ஜமுனாவையும் அவளுடையஅண்டை வீட்டாரையும் பாதிப்பதில்லை, ஈரமில்லாத மனிதமனத்தின் நடவடிக்கைகளில் உள்ள குரூரமும் தான் அவர்களைஅலைகழிக்கிறது. ஆல்பர்ட் காமுவின் நாவலில் வரும்பாத்திரங்களைப் போல, கிரேக்க தொன்மமான சிஸிபஸைப்போல, ஜமுனா தோல்வியின் விளிம்பில் நின்றபடி வெற்றியைப்பற்றி கவலையின்றி தன் இருத்தலை தக்க வைக்கிறாள். இதுவேஅவளுடைய பாத்திரத்தில் உள்ள உயர்வான அம்சம். இத்தகையவள் தன்னை ஏமாற்றுகிறவரிடம் வைக்கும்அபத்தமான நம்பிக்கையால் துயரும் போது அந்த பலவீனமேஅவளுடைய துன்பியல் வழுவாகிறது. அப்போது வாசகர்கள்உணர்வதே அவள் மீதான பச்சாதாபமும் அவளுடைய நிலைகுறித்த அச்சமும். ஒரு கச்சிதமான துன்பியல் படைப்பைப் போலநாவலின் இறுதிப்பகுதியில் ஜமுனா தன் குணச்சித்திரத்தில்உள்ள குற்றத்தை அறிகிறாள், பாடம் கற்றுக்கொள்கிறாள். அத்துடன் நாவல் முடிவும் பெறுகிறது

     

    அசோகமித்திரனின் ஒற்றன் நாவல் இவ்விதத்தில் சற்றுவித்தியாசமான படைப்பு: கதைசொல்லி அமெரிக்காவின்அயோவா பல்கலையின் சர்வதேச எழுத்தாளர் முகாமில் கலந்துகொண்டு சில மாதங்கள் தங்கி நாவலை எழுத முயலும் ஒரு தமிழ்படைப்பாளியின் பார்வையில் பிற நாட்டு படைப்பாளிகளின்வாழ்வின் அபத்தங்களை ஒருவித கருணையுடன் அணுகிசித்தரிக்கும் படைப்பு அது. இதில் கதைசொல்லியின் துன்பியல்வழுவிற்குப் பதில் அவருடைய நண்பர்களின் பாத்திரங்களின்குற்றங்களே பிரதானமாகிறது. மற்றமையின் துன்பியல்போராட்டங்களை சித்தரித்து, மற்றமை எனும் எதிர்மை மறைந்துஅன்பும், கனிவுமே வெல்லுகிற சித்திரத்தை அசோகமித்திரன்தருகிறார். படைப்பாளிகளான இந்த துன்பியல்பாத்திரங்களுக்கு மிதமிஞ்சிய தன்னம்பிக்கை, நடைமுறைஞானம் இல்லாதது, தவறாக தன் இணைகளை எடைபோடுதல்ஆகியவை துன்பியல் வழுக்களாக இருக்கின்றன, இவர்களைகரைத்தேற்றும் வழிகாட்டியாக கதைசொல்லி வருகிறார். இந்தஎழுத்தாள பாத்திரங்களிடம் (நாம் ஜெ.ஜெயிடம் காணும் அதே) லட்சிய மயக்கங்கள், களங்கமின்மை, கனவுகளின் ஆவேசம்உள்ளன - இவை அவர்களுடைய உயர்ந்த குணங்களாக இருந்துநம்மை ஈர்க்கின்றன, இங்கிருந்து அவர்களுடைய வீழ்ச்சிநம்மிடம் அதிர்ச்சியையும் பச்சாதாபத்தையும் ஏற்படுத்துகின்றன. ஒரு விட்டேந்தியான, கருணை மிக்க கதைசொல்லியின்பார்வையில் கதையை சொல்லுவதன் வழி ஒரு ஆரோக்கியமானதொலைவை உண்டு பண்ணி இந்த பாத்திரங்களின் அபத்தமானபோராட்டங்கள் நாவலை நாடகீயமாக சினிமாத்தனமாக மாற்றிவிடாமல் இருக்க செய்கிறார் அசோகமித்திரன்.

     

    தன் பிரச்சனையை (துன்பியல் வழுவை) உணர்ந்து சரியானநேரத்தில் நாயகனோ நாயகியோ தன்னை மீட்டுவிட்டால் அதுகதையை பலவீனமாக்கி விடும் என்று அரிஸ்டாட்டில் தன்கவிதையியல் நூலில் ஓரிடத்தில் சொல்லுகிறார். இதுஉண்மையா? எல்லா நாயகர்களும் மீளமுடியாதபடி வீழ்ந்து தான்ஆக வேண்டுமா? இது தான் எதார்த்த உலகில் நடக்கிறதா? இல்லையே! இங்கு தான் அரிஸ்டாட்டில் கதையை வாழ்க்கையைபோலச்செய்தல், ஆனால் வாழ்க்கை அல்ல என்று சொல்லுவதைநாம் கவனிக்க வேண்டும். கதை வாழ்க்கையை விடவசீகரமானது, சுவாரஸ்யமானது (நான் வாழப்படும் வாழ்க்கையைசொல்லுகிறேன், கதையாக மீளநினைக்கப்படும் வாழ்க்கையைஅல்ல.) அதனாலே சரியான நியாயங்கள் இல்லாமல் திடீர்திருப்பமொன்றின் மூலம் ஒரு பாத்திரம் மீட்கப்படுமானால் அதுகதையின் தீவிரத்தை மழுங்கடித்து விடும், கதையின் அமைப்பேபாத்திரங்கள் போக்கை தீர்மானிக்க வேண்டும், பார்வையாளர்களுடைய (வாசகர்கள்), எழுத்தாளனுடையவிருப்பம் அல்ல என்று அவர் வலியுறுத்துகிறார். தல்ஸ்தாயின்அன்னா கரெனினா நாவலில் வரும் இரு முக்கியபாத்திரங்களான லெவின் மற்றும் கிற்றி (Levin, Kitty) இதற்குசிறந்த உதாரணங்கள். தங்களுடைய மிகையான கற்பனாவாதம்மற்றும் சுய-ஆட்கொள்ளல் காரணமாக இருவருமே வீழ்ச்சியைநோக்கி செலுத்தப்பட்டு பின்னர் சந்தர்பங்களால் மீண்டு வந்துகாதலித்து திருமணம் செய்து லட்சிய தம்பதிகள் ஆகிறார்கள். ஆனால் அன்னா கரெனினா அளவுக்கு நம் மனத்தை கிற்றியோலெவினோ ஆட்கொள்வதில்லை. ஏனென்றால் அன்னாதன்னுடைய தவறான தேர்வுகளால் குடும்பத்தை, குழந்தையைபறிகொடுத்து விட்டு, ஒரு இளைஞனைக் காதலித்து அவனுடன்ஓடிப் போகிறாள். அந்த உறவு விரைவில் கசந்து விட அவளால்திரும்ப பழைய வாழ்க்கைக்கு திரும்ப செல்ல முடிவதில்லை. அதே நேரம் அவளுடைய காதலின் உண்மைத்தன்மையும்அவளை கட்டிப்போடுகிறது. இருதலைக்கொள்ளி எறும்பாகஅவள் பரிதவிக்கிறாள். நாவலின் இறுதிக்கட்டத்தில் தன்துன்பியல் வழுவை அறிந்தேற்றம் செய்கிற ஒரு அன்னாவை நாம்காண்கிறோம். அவள் எப்படியாவது தன் துன்பியல் முடிவில்இருந்து தப்பிக்க வேண்டும் என நாம் மனதார விரும்புகிறோம், ஆனால் அன்னா போக்கிடம் இல்லாமல் தன் குற்றவுணர்வாலும்குழப்பத்தாலும் உந்தப்பட்டு ரெயிலுக்கு தலையைக் கொடுத்துதற்கொலை பண்ணிக் கொள்கிறாள். இந்த முடிவே இன்றும்அன்னாவை நிறைய வாசகர்களால் மறக்க முடியாத பாத்திரமாக்கிஇருக்கிறது. அதற்கு இந்நாவலுக்கு தல்ஸ்தாய் கொடுத்தகச்சிதமாக துன்பியல் முடிவும் ஒரு காரணம்.

     

    தஸ்தாவஸ்கியின் பெரும்பாலான நாவல்கள் இந்த துன்பியல்வடிவத்தில் வீழ்ச்சியின் விளிம்பில் நாயகனைக் கொண்டு போய்விட்டு அவன் தன் குற்றத்தை உணர வாய்ப்பளித்து அவனைக்காப்பாற்றி விடக் கூடியவை. “குற்றமும் தண்டனையும் இதற்குசிறந்த உதாரணம் - ரஸ்கோல்நிக்கோவ் தன் முன் நிகழ்கிறசமூக ஏற்றத்தாழ்வுகள், வறுமை, அதனால் ஏற்படும்அநீதிகளுக்கு தீர்வு என்ன என்று யோசிக்கிறான். பணம் படைத்தகெட்டவர்களை அழித்தால் என்ன என்று யோசிக்கிறான்? அவன்களங்கமற்ற, லட்சியவாத இளைஞனே. அதுவே அவனுடையஉயர்ந்த குணம். (அதுவே அவன் வீழ்ச்சியடையும் போது நமக்குஅவன் மீது நமக்கு பச்சாதாபம் தோன்றக் காரணம்.) ஆனால்அவனுடைய வாழ்க்கைப் பார்வையின் பிறழ்வு அவனைவீழ்ச்சிக்கு இட்டு செல்கிறது. அதே நேரம் சோனியா எனும்பதின்வயது பாலியல் தொழிலாளியின் கருணை மிக்க சுபாவம்அவனை மீட்கிறது, தன்னுடைய துன்பியல் வழுவை உணர்ந்துஅவன் தன்னை காவல் துறையிடம் ஒப்புக்கொடுக்கிறான்; தான்செய்த கொலையைப் பற்றி வாக்குமூலம் அளித்து தன்குற்றவுணர்வில் இருந்து மீள்வதற்காக ஒரு புனித பயணம் போலசைபீரிய சிறைக்கு செல்கிறான். அத்துடன் நாவல் முடிகிறது.  

     

    ஆக, காலம் இல்லாமல் கதை சாத்தியமா? .எம். பாஸ்டர்சொல்வது போல காலத்துக்கு வெளியே கதை சாத்தியமில்லைதான். கதை என்பதே காரண-விளைவு சங்கிலியில் தோன்றும்ஒரு இடையூறினால், அதனால் ஏற்படும் வீழ்ச்சியினால்தோன்றுவது எனலாம். ஒரு சிறந்த ஓவியன் ஒரு சிறந்தஓவியத்தை வரைய முயல்கிறான். வரைந்தும் விடுகிறான். காரணம் - முயற்சி; விளைவு - ஓவியம். இதில் கதையே இல்லை. ஆனால் அவனால் எவ்வளவு முயன்றும் ஒரு சிறந்த ஓவியத்தைதீட்ட முடியவில்லை எனும் போதே அது கதையாகிறது. காரணத்துக்கும் விளைவுக்கும் இடையே ஒரு தடை வருகிறது; இந்த தடை ஒரு சுபாவ பிழையினால், தவறான புரிதலினால், கோளாறான பார்வையால் (துன்பியல் வழு) வருகிறது எனும்போது இக்கதைக்கு ஆழம் கிடைக்கிறது; வாசகர்கள்உணர்வுரீதியாக கதையுடன் ஒன்றுகிறார்கள். தன் சிக்கல்என்னவென பாத்திரம் புரிந்து கொள்ளும் போது (அறிந்தேற்றம்) காலம் தாழ்ந்து விடுகிறது, ஆனால் இப்போது அவனுடையவீழ்ச்சி இன்னும் மகத்தானதாகிறது என்கிறார் அரிஸ்டாட்டில். இந்த கதையின் வளர்ச்சியானது காலம் இல்லாமல்சாத்தியமில்லை. இது பிரதான பாத்திரத்தின் வாழ்க்கையின்வழியாகவே காட்டப்பட வேண்டும் என்பதால் அவன் (அல்லதுஅவள்) செயல்பட வேண்டியது அவசியமாகிறது. அதனாலேஅரிஸ்டாட்டில் செயல்கள் இன்றி துன்பியலே இல்லை என்கிறார் (“கவிதையியல்”, பக். 12). செயல் என்பது காலத்திற்குபுறவடிவம் கொடுக்கிற சங்கதி. ஆக காலமின்றி கதையேஇல்லை

     

    ஆனால் இதற்கு விதிவிலக்காக உள்ளவை பின்நவீனநாவல்களும் சிறுகதைகளுமே (ஏனென்றால் அவை காலத்தினுள்உள்ள ஒரு அகாலத்தை சித்தரிக்க முயல்கின்றன.) அதே நேரம்பின்நவீன கதைகளிலே ஒரு கதையம்சம் தோன்றியதும் அங்குகாலம் ஒரு முக்கிய சங்கதியாகிறது, அங்கு அரிஸ்டாட்டிலின்துன்பியல் வழுவும், வீழ்ச்சியும் உயிர்ப்பெறுகின்றன. பிஞ்ச்செயலியில் சாரு நிவேதிதா எழுதி வரும் நான் தான்ஔரங்கசீப் இதற்கு ஒரு நல்ல உதாரணம்.

     

    நன்றி: காலச்சுவடு, டிசம்பர் 2021

     

    http://thiruttusavi.blogspot.com/2022/01/blog-post_16.html

    • Like 1
  19. சினம் கொள் எப்படி?

     

    spacer.png

    ஸ்கை மேஜிக் பட நிறுவனம் சார்பில் காயத்ரி ரஞ்சித் மற்றும் பாக்யலட்சுமி டாக்கீஸ் நிறுவனம் சார்பில் ஈழத்தமிழர்கள் பங்களிப்பில் பாக்ய லட்சுமி வெங்கடேஷ் ஆகியோர் இணைந்து தயாரித்துள்ள படம் சினம் கொள். 1983 ஜூலையில் இலங்கையில் ஏற்பட்ட இனக்கலவரம் அரசியல் ரீதியாக தமிழர்களுக்கு என தனி நாடு கேட்கும் போராட்டமாக மாறியது.

    spacer.png

    பல கட்டங்களை கடந்து அது ஆயுதப்போராட்டமாக மாறி நடைபெற்று வந்த தமிழ் ஈழ யுத்தம் 2009 இல் முடிவுக்கு வந்தது. ஈழப் போராட்டம் நின்றுபோன பின், ஈழத்தமிழ் மக்கள் நிம்மதியான வாழ்க்கை வாழ்ந்து வருகிறார்கள் என்கிற பிம்பத்தை இலங்கை அரசாங்கம் கட்டமைக்க முயற்சித்து வருகிறது.

    இல்லை, அது பொய் என சர்வதேச அரங்கில் உரத்து குரல் கொடுத்து வருகின்றனர் இலங்கைத் தமிழர்கள். யுத்தம் முடிவுக்கு வந்த பின், அது சம்பந்தமாக ஏராளமான திரைப்படங்கள் வணிக நோக்குடன் தயாரிக்கப்பட்டு வெளியாகியுள்ளது.

    ஆனால், இன்றைய இலங்கையில் வாழும் தமிழ் மக்கள் நிலை என்ன என்பதை சமரசமின்றி யதார்த்தமாக பதிவு செய்திருக்கும் முதல் படமாக இலங்கைத் தமிழர்களால் வழிமொழியப்பட்ட படமாக உள்ளது ‘சினம்கொள்’.

    தனிநாடு கேட்டு போராடிய தமிழர்களின் ஆயுதப்போராட்டம் முறியடிக்கப்பட்ட பின் தமிழர்கள் நிம்மதியாக, சுபிட்சமாக இருக்கிறார்கள் என்பது கட்டுக்கதை என்பதை முகத்தில் அறைந்து கூறுகிறது சினம்கொள் திரைப்படம்.

    இலங்கையில் தமிழ் மக்கள் நுட்பமான இன அழிப்பு,பாரம்பரிய நிலம் பறிப்பு ஆகியவற்றுக்கு உள்ளாகி சொல்லொணாத் துயரத்தை அனுபவித்து வருகிறார்கள் என்பதை ஆழமாகவும் அழகியலுடன் கூடிய கலைப்படைப்பாக சொல்லியிருக்கிற படம் தான் சினம்கொள்.

    spacer.png

    ஈழ ஆய்வாளர் பரணி கிருஷ்ணரஜனி, புற்று நோயால் பாதிக்கப்பட்டு இறந்த விடுதலைப் புலிகள் இயக்கத்தின் முன்னணி பொறுப்பாளரான தமிழினி அவர்களின் சாவு இயற்கையானது அல்ல என குறிப்பிட்டிருந்தார். அத்துடன், இலங்கைச் சிறையிலிருந்து “விடுதலை“யான போராளிகள் அனைவருமே வெளி வந்து குறுகிய காலத்தில் நோய்வாய்ப்பட்டு இறப்பதைப் பற்றியும், அத்துடன் 2009 ஆம் ஆண்டு முடிவுக்கு வந்த ஆயுதம் ஏந்திய போருக்குப் பின்னர், தமிழீழப்பகுதிகளில் தமிழ்மக்களுக்கு சொந்தமான பல்லாயிரக்கணக்கான ஏக்கர் பாரம்பரிய நிலங்களை பாதுகாப்பு வலயம் என்கிற பெயரில் சிங்கள இராணுவம் ஆக்கிரமித்து வைத்துள்ளது எனக் குறிப்பிட்டிருந்தார். இவற்றை அடிப்படை திரைக்கதையாக கொண்டுள்ளது சினம்கொள்.

    சிறையிலிருந்து எட்டாண்டுகளுக்குப் பின் வெளியே வருகிற போராளி அமுதனின் பார்வையில் விரியும் திரைக்கதை அடுத்தடுத்துப் பல அதிர்வுகளை படம் பார்க்கும் பார்வையாளனுக்கு ஏற்படுத்திக்கொண்டேயிருக்கிறது.

    அமுதனாக நடித்திருக்கும் அரவிந்தன் சிவஞானம், அசல் போராளியாகவே படத்தில் வாழ்ந்திருக்கிறார். கண்களில் அவர் காட்டும் சோகமும் உறுதியும் ஈழ போராளிகளை நினைவூட்டுகிறது. கடத்தப்பட்ட பெண்ணை மீட்கப் படகில் செல்லும் காட்சியில் நெஞ்சு நிமிர்த்தி அவர் நிற்பதும் அண்ணனின் தம்பி(பிரபாகரன்) என அடித்துப் பேசுவதும் அவருக்குப் பெருமை சேர்க்கின்றன.

    அவருடைய மனைவியாக நடித்திருக்கும் நாவினி டெரி, பல்லாண்டுகளுக்குப் பிறகு கணவன் முகம் கண்டதும் கதறிக்கொண்டு ஓடிவரும் காட்சியில் கலங்காத கல்நெஞ்சையும் கலங்கடித்து விடுகிறது. போராளி யாழினியாக நடித்திருக்கும் லீலாவதி பேசும் வசனங்கள் ஒட்டுமொத்த தமிழ் மக்களுக்கான அறிவுரை. பிரேம், தீபச்செல்வன், தனஞ்செயன், பாலா,மதுமிதா, பேபி டென்சிகா உட்பட படத்தில் நடித்திருக்கிற அனைவரும் யதார்த்தம் மீறாத நடிப்பால் படத்துக்குப் பலம் சேர்த்திருக்கிறார்கள்.

    எம்.ஆர்.பழனிக்குமாரின் ஒளிப்பதிவு ஈழத்தின் இயற்கை எழிலையும் ஈழத்து மக்களின் அவல வாழ்வையும் ஒருங்கே காட்சிப்படுத்தியிருக்கிறது. என்.ஆர்.ரகுநந்தன் இசையில் பாடல்கள் உருக வைக்கின்றன. பின்னணி இசை திரைக்கதைக்குப் பக்க பலமாக அமைந்திருக்கிறது.

    spacer.png

    படத்தின் வசனங்களையும் பாடல்களையும் எழுதியதோடு ஒரு போராளி வேடத்திலும் நடித்திருக்கிறார் தீபச்செல்வன். அவர் பொறுமையாகத் தெரிகிறார். அவருடைய வசனவரிகள் ஒவ்வொன்றும் அனலாய் தெறிக்கிறது. ஒரே படத்தில் இவ்வளவு விசயங்களை, அதுவும் நுட்பமான அரசியல் விசயங்களையும் ஒரு வசனம் ஒரு காட்சி மூலம் பார்வையாளனுக்கு கடத்தி விட முடியும் என்பதற்குச் சான்றாக விளங்குகிறார் இயக்குநர் ரஞ்சித் ஜோசப். ஆயுதம் ஏந்தியபோருக்குப் பின்னர் தமிழ் நிலங்களில் சிங்களர்களின் ஆக்கிரமிப்பு, போர்க்காலத்தில் இயக்கம் உருவாக்கிய தொழில்களின் மேற்பார்வையாளராக இருந்தவர்களே அதற்கு தனி உரிமையாளர்களாகி ஒதுங்கியது, தமிழினத்துக்குள்ளேயே இருக்கும் எட்டப்பன்கள், ஈழமக்களின் இன்றைய கையறு நிலை, குறிப்பாக போராளிகளின் நிலை ஆகிய எல்லாவற்றையும் சமரசம் இன்றி நேர்மையாக காட்சிப்படுத்தியிருக்கிறார் இயக்குநர்.

    ஜெயிலில் இருந்து வருகிற பொடியன்கள் எல்லாம் கொஞ்ச நாள்ல இப்படி திடீர்னு, செத்துப்போயிடுதுகள் என்கிற ஒற்றைவரி வசனத்துக்குள் ஓராயிரம் செய்திகள் சொல்லப்பட்டிருக்கின்றன.

    எல்லாவற்றையும் தாண்டி அன்றாட வாழ்வுக்கே அல்லாடும் நிலை என்றாலும் மனம் தளராமல், குழப்பம் இல்லாமல் அண்ணன் சொன்ன அறமே நம்மைக் காக்கும், நம் இனத்தைக் காக்கும் என்று ஆணித்தரமாக அடித்துச் சொல்லியிருக்கும் ரஞ்சித் ஜோசப் இருளில் இருக்கும் ஈழத்தமிழர்களுக்கு கலை வெளிச்சமாக மின்னுகிறார்.

    திரையரங்குகளில் வெளியிடக் கூடிய சர்வதேச தரத்துடன் சினம்கொள் படம் தயாரிக்கப்பட்டு இருந்தாலும் தணிக்கை சான்றிதழ் பெற போராட வேண்டியிருக்கும் என்பதால் படத்தை ஜனவரி 14 பொங்கல் முதல் Eelam play என்ற ஓ.டி.டி தளத்தில் வெளியிட்டுள்ளனர்.

    நடிகர்- நடிகைகள்

    அரவிந்தன் சிவஞானம்

    நர்வினி டெரி

    லீலாவதி

    பிரேம்

    தீப செல்வன்

    தனஞ்ஜெயன்

    பாலா

    மதுமிதா

    பேபி டென்சிகா

    தொழில் நுட்பக் கலைஞர்கள்:

    ஒளிப்பதிவு : எம்.ஆர்.பழனிக்குமார்

    இசை : என்.ஆர்.ரகுநந்தன்

    வசனம் மற்றும் : தீபச் செல்வன்.

    எடிட்டிங் - அருணாசலம் சிவலிங்கம்.

    கலை - நிஸங்கா ராஜகரா.

    தயாரிப்பு:காயத்ரி ரஞ்சித், பாக்யலட்சுமி வெங்கடேஷ்.

    கதை, திரைக்கதை,

    இயக்கம்: ரஞ்சித் ஜோசப்

     

     

    https://minnambalam.com/entertainment/2022/01/15/4/how-is-sinam-kol-kovie

     

    • Like 1
  20. மரணத்தின் விளிம்பில் ஆப்கான் மக்கள் : தலிபான்களுக்கு அவசர வேண்டுகோள் - ஐ.நா.எச்சரிக்கை

    ஆப்கானிஸ்தான் மக்கள்  தற்போதைய சூழ்நிலையில்  மரணத்தின் விளிம்பில் உள்ளனர்.  

    8.7 மில்லியன் ஆப்கானிஸ்தான் மக்கள் பட்டியினால் வாடி வருகின்றனர் என ஐக்கிய நாடுகள் சபையின்  பொதுச்செயலாளர் அன்டோனியோ குட்டெரெஸ்  தெரிவித்துள்ளார்.

    ஆப்கானிஸ்தானின் தற்போதைய நிலைவரம் குறித்து கருத்து வெளியிடும் போதே இதனைத் தெரிவித்த ஐ.நா. பொதுச்செயலாளர் அன்டோனியோ குட்டெரெஸ்,

     அமெரிக்க மற்றும் நேட்டோ துருப்புக்கள் விலகலுக்கு பிறகு, தலிபான் அதிகாரத்தைக் கைப்பற்றியபோது ஆப்கானிஸ்தானின் உதவி சார்ந்த பொருளாதாரம் ஏற்கனவே தடுமாறிக் கொண்டிருந்தது.

    சர்வதேச சமூகம் ஆப்கானிஸ்தானின் வெளிநாடுகளில் உள்ள சொத்துக்களை முடக்கியது. பொருளாதார ஆதரவை நிறுத்தியது, தலிபான்களுடன் இணைந்து பணியாற்ற விரும்பவில்லை.  

     பொருளாதாரத்தை காப்பாற்ற பணம் பயன்படுத்தப்படுவதைத் தடுக்கும் விதிகள் மற்றும் நிபந்தனைகள் இந்த அவசர சூழ்நிலையில் நிறுத்தப்பட வேண்டும்.

    உலகின் பெரும்பாலான நிதி அமைப்பு டொலரில் செயற்படுவதால் அமெரிக்காவிற்கு மிக முக்கிய பங்கு உள்ளது. முக்கியமாக அமெரிக்காவில் உள்ள ஆப்கானிய வெளிநாட்டு இருப்புகளில் 7 பில்லியன் டொலர்களை அமெரிக்கா முடக்கியுள்ளது.

    ஆப்கானிய பொருளாதாரத்தில் பணப்புழக்கத்தை விரைவாக மீட்பது மிகவும் முக்கியமானது.

    பசியால் உயிரிழக்கும் ஆப்கானிஸ்தானியர்களை காப்பாற்ற  ஐந்து பில்லியன் அமெரிக்க டொலர் நிதி உதவி அந்த நாட்டிற்கு வழங்கப்பட வேண்டும்.

    தற்போதைய சூழ்நிலையில் ஆப்கானியர்கள் மரணத்தின் விளிம்பில் உள்ளனர்.  8.7 மில்லியன் ஆப்கானியர்கள் பட்டியினால் வாடி வருகின்றனர்.

    வைத்தியர்கள், துப்புரவுத் தொழிலாளர்கள், மின் பொறியாளர்கள் மற்றும் பிற அரச ஊழியர்களுக்கு சம்பளத்தை வழங்க சர்வதேச நிதி அனுமதிக்கப்பட வேண்டும்.

    ஆப்கானிஸ்தான் மக்களுக்கு ஆதரவளிக்குமாறு சர்வதேச சமூகத்திற்கு வேண்டுகோள் விடுக்கிறேன்.

    அதேவேளையில், அடிப்படை மனித உரிமைகளை அங்கீகரித்து பாதுகாக்கவும், குறிப்பாக பெண்கள் மற்றும் சிறுமிகளின் உரிமைகளை பாதுகாக்கவும், தலிபான் தலைவர்களுக்கு அவசர வேண்டுகோளை விடுக்கிறேன் என அன்டோனியோ குட்டெரெஸ் தெரிவித்தார்.

     

     

    https://www.virakesari.lk/article/120782

  21. எமது முயற்சியை குழப்பும் வகையில் சுமந்திரன் செயற்படுகிறார்; சுரேஸ் குற்றச்சாட்டு

    January 15, 2022
     
    spacer.png
     

    ‘நாங்கள் இந்திய அரசிடம் தமிழ் மக்களின் உரிமைகளை முழுமையாகப் பெற்றுக்கொடுப்பதற்கான வழி முறையைப் பற்றிச் சிந்தித்துச் செயற்படும்போது அதனைக் கேள்விக்குள்ளாக்கக்கூடிய வகையில் வடிவேலு பாணியில் சுமந்திரன் தொடர்ந்து செயற்படுவது என்பது நல்ல விடயமல்ல.’

    இவ்வாறு கூறியிருக்கிறார் ஈ.பி.ஆர்.எல்.எப். அமைப்பின் தலைவர் சுரேஸ் பிறேமச்சந்திரன். யாழ்ப்பாணத்தில் ஊடகவியலாளர்களிடம் பேசிய அவர் மேலும் தெரிவித்தவை வருமாறு:

    அரசமைப்பின் 13ஆவது திருத்தத்தை நடைமுறைப்படுத்தும்படி ஆவணம் கொடுப்பது தொடர்பாகக் கடந்த சில மாதங்களாகப் பல்வேறுபட்ட அரசியல் கட்சிகள் பேச்சுளை நடத்தி ஆவணத்தைத் தயார்படுத்தி இருக்கின்றார்கள். இந்த ஆவணத்தை மிக அவசரமாக இந்தியாவுக்குத் தூதுவர் சென்றதன் காரணமாகக் கொடுக்க முடியாத சூழல் ஏற்பட்டுள்ளது. இந்தியத் தூதுவர் வந்தவுடன் அந்த ஆவணம் கொடுக்கப்படும் என்று நாங்கள் எதிர்பார்க்கின்றோம்.

    ஆனால், அநாகரிகமானதொரு விடயம் தொடர்ச்சியாக நடைபெற்று வருகின்றது. சுமந்திரன் ஊடகவியலாளர்களைச் சந்திக்கின்றபோது நாங்கள் இந்த ஆவணத்தை முற்று முழுதாக மாற்றிவிட்டோம். இது தமிழரசுக் கட்சியினுடைய ஆவணமாக மாறிவிட்டது என்று ஒரு விடயத்தைத் தொடர்ந்து சொல்லி வருகின்றார்.

    உண்மையாகவே சுமந்திரனைப் பொறுத்தவரை இந்த 13ஆவது திருத்தத்தை நடைமுறைப்படுத்தும் ஆவணத்தை கொடுப்பதற்கு விரும்பவில்லை என்பது யாழ்ப்பாணத்தில் நடந்த பொதுக் கூட்டத்தில் தெளிவாகக் கூறி இருக்கின்றார். ஆனால், சம்பந்தன் உட்பட ஏனைய கட்சிகள் அனைத்தும் இப்போது 13ஜ நடைமுறைப்படுத்தும்படி கூறும்போது வடிவேலு பாணியில் நாங்கள் மாற்றி விட்டோம் என்று சுமந்திரன் கூற ஆரம்பித்திருக்கின்றாரா என்ற கேள்வி எழுகின்றது.

    உண்மை என்னவென்றால் 13ஆவது திருத்தத்தை நடைமுறைப்படுத்தும்படி நாங்கள் கூறிய கோரிக்கையில் எந்த மாற்றமும் இல்லை. அந்த ஆவணத்தில் 13ஆவது திருத்த வரலாற்றை சேர்த்திருக்கலாம். அந்த வரலாற்றைச் சேர்த்தால் கூட கோரிக்கை 13ஆவது திருத்தத்தை நடைமுறைப் படுத்துவதுதான்.

    ஆகவே, நாங்கள் இந்திய அரசிடம் தமிழ் மக்களின் உரிமைகளை முழுமையாகப் பெற்றுக்கொடுப்பதற்கான வழி முறையைப் பற்றிச் சிந்தித்துச் செயற்படும்போது அதனைக் கேள்விக்குள்ளாக்கக்கூடிய வகையில் வடிவேலு பாணியில் சுமந்திரன் தொடர்ந்து செயற்படுவது என்பது நல்ல விடயமல்ல.

    தன்னை ஒரு புத்திஜீவியாகவும் அனைத்தும் தெரிந்தவனாகவும் கூறிக் கொண்டு இவ்வாறான கருத்துக்களை கூறுவதை கைவிட்டு செயற்பட வேண்டும்’ என்றார்.

     

    https://www.ilakku.org/எமது-முயற்சியை-குழப்பும்/

  22. தமிழர்களுக்கு வணக்கம் சொல்லி தைப்பொங்கல் வாழ்த்து தெரிவித்த பிரிட்டன் பிரதமர் -காணொளி

    breaking

    தமிழர் திருநாளாம் தைப்பொங்கல் திருநாளை உலகம் முழுவதும் உள்ள கோடிக்கணக்கான தமிழர்கள் இன்று (14.01.2022) கொண்டாடுகின்றனர். இந்நிலையில் பிரிட்டன் பிரதமர் போரிஸ் ஜான்சன் அவர்கள் உலக தமிழர்கள் அனைவருக்கும் பொங்கல் வாழ்த்துக்களை தெரிவித்துள்ளார்.

     

    காணொளி காட்சி :-

     

    https://www.thaarakam.com/news/949677bf-da1c-443f-9adb-e7c67e420de6

  23. முள்ளிவாய்காலில் தமிழீழ விடுதலை புலிகளின் ஆவணங்கள் மீட்பு.

    வட தமிழீழம் 

    spacer.png

    தமிழீழ விடுதலை புலிகளின் முக்கிய ஆவணங்கள் சில முள்ளிவாய்கால் மேற்கு பகுதியில் புதைக்கப்பட்டிருந்த நிலையில் மீட்கப்பட்டுள்ளதாக கூறப்படுகின்றது. 

     மக்கள் வழங்கிய தகவலுக்கமை படையினர் நடத்திய ஆய்வுகளில் இவை மீட்கப்பட்டுள்ளதாக கூறப்படுவதுடன்,  தமிழீழ விடுதலை புலிகளின் முக்கிய ஆவணங்களே மீட்கப்பட்டுள்ளதாகவும், அதனுள் அடையாள அட்டைகளும் உள்ளடங்கியுள்ளதாகவும் கூறப்படுகிறது. 

    சம்பவம் தொடர்பாக  பேரினவாத சிங்கள அரசுக்கான பொலிஸாருக்கு இது தொடர்பான தகவல் வழங்கப்பட்டுள்ளதாகவும், நந்திக்கடல் களப்பு பகுதியில்  குறித்த ஆவணங்கள் புதைக்கப்பட்டிருந்ததாகவும் கூறப்படுகின்றது. 

     

     

    https://www.thaarakam.com/news/494a6b01-c486-46b8-8d48-469a727a0328

  24. தமிழர் திருநாளில் "மேதகு 2" இரண்டாவது முன்னோட்டக் காட்சி 

     

    breaking

    தைப்பொங்கல் தமிழர் திருநாளில் தலைவரின் காவியம் உலகத்தமிழர்களின் படைப்பான  “மேதகு-II”

    ஒப்பாரும்...மிக்காருமில்லா தமிழீழ தேசியத்தலைவரின் தியாக வரலாற்றின் சிறுதுளியான "மேதகு 2"  இரண்டாவது  முன்னோட்டக் காட்சியை,தைப்பொங்கல் தமிழர் திருநாளில்  வெளியிடுவதில் பேருவுவகை அடைகின்றோம்...

     

     

    spacer.png

     

    https://www.thaarakam.com/news/9c796ea1-3298-4b5c-9461-04bdc1f25e89

  25. “2021”உலகின் கடும் வெப்பமான ஆண்டாக பதிவு!

    January 15, 2022

    spacer.png

     

    உலகில் மிக அதிக வெப்பம் மிகுந்த ஆறாவது ஆண்டாக 2021 வகைப்படுத்தப்பட்டுள்ளது. புதிய தகவல்கள் அதற்குச் சான்றாய் அமைந்திருப்பதாக, அமெரிக்கப் பருவநிலை ஆய்வாளர்கள் குறிப்பிட்டுள்ளனர்.

    உலக மக்கள் தொகையில் சுமார் கால்வாசிப் பேர் கடந்த ஆண்டு கடுமையான வெப்பத்தால் பாதிக்கப்பட்டனர். தெற்காசியா, வட அமெரிக்கா, தென்னமெரிக்கா ஆகிய வட்டாரங்களில் கடந்த ஆண்டு சூரியன் சுட்டெரித்தது.

    ஆர்டிக்கில் மீண்டும் அதிகமான பனி உருகியது. உலக சாராசரியை விட ஆர்டிக், மும்மடங்கு அதிகம் சூடாவதாக நாசா ஆய்வு நிறுவனம் கூறியது.

    காடுகளை அழித்தல், படிம எரிபொருள் பயன்பாடு போன்ற நடவடிக்கைகளைக் குறைக்காவிட்டால் நிலைமை மேலும் கடுமையாகலாம் என்று ஆய்வாளர்கள் எச்சரித்தனர்.

    கடந்த ஆண்டைப் போலவே இந்த ஆண்டும் வெப்பம் அதிகமாக இருக்கலாம் என்று எதிர்வுகூறப்பட்டுள்ளது.

    https://globaltamilnews.net/2022/171821

×
×
  • Create New...

Important Information

By using this site, you agree to our Terms of Use.