suvy

யாத்திரை .....(10). அன்று மாலை டவுனுக்கு போய் வருவோமா அப்பா என்று மகன் கேட்டார். நானும் சரி என்று சொல்லி இருவரும் நடந்தே சென்றோம்.அவரும் அங்கு தனக்கும் தனது நண்பர்களுக்கும் தேவையான பொருட்களை வாங்கிக் கொண்டார். நானும் அடுத்தநாள் நயினாதீவுக்கு கொண்டு போவதற்காக கோயிலுக்கு தேவையான எல்லாச் சாமான்களும் வாங்கிக் கொண்டேன். சில்லறை கடைகளில் கற்பூரம், தேங்காய் எல்லாம் சரியான விலை. பின் மாலயன் கஃபேக்கு சென்று சிற்றுண்டிகள் சாப்பிட்டு விட்டு, வீட்டுக்கும் பார்சல்கள் கட்டிக்கொண்டு வீடு வந்து சேர்ந்தோம். ஞாயிற்றுகிழமை அதிகாலையில் கிளம்பி வானில் நயினாதீவுக்கு புறப்பட்டோம். பண்ணைப்பாலம் வழியாக வண்டி செல்கின்றது. அப்போது அந்த போக்குகளின் (விதிக்கு கீழிருக்கும் நீரின் போக்குவரத்துக்கு உரிய குழாய்கள்) அருகே நண்பர்களுடன் அமர்ந்திருந்து தூண்டிலில் மீன் பிடித்தது நினைவில் ஓடியது. விதியின் அருகே கடலில் தூண் போட்டு குழாய்கள் பொருத்துகின்றார்கள். குடிதண்ணி விநியோகத்திற்காக இருக்கலாம். மண்கும்பான் பிள்ளையார் கோயிலடியில் இறங்கி தரிசித்துவிட்டு மீண்டும் பயணத்தை தொடர்ந்தோம். செல்ல செல்ல வீதியும் குண்டும் குழியுமாய் போகிறது. நல்ல வெய்யில். குறிகாட்டுவானை அடைந்ததும் படகுக்காக வரிசையில் காத்திருக்கின்றோம். அதிகளவிலான சிங்கள மக்கள் நாக விகாரைக்கு செல்வதற்காக கையில் தாமரை பூக்களுடன் இருக்கின்றார்கள். படகு வந்ததும் பயணத்துக்கான பணத்தை பெற்றுக்கொண்டு எல்லோருக்கும் நீரில் மிதக்கும் பாதுகாப்பு உடை தருகின்றார்கள். அதை அணிந்துகொண்டு படகில் செல்கிறோம். அந்த ஏழாற்று பிரிவு வரும் இடத்தில் ஒரு ஆட்டம் ஆடி குலுங்கி நிமிர்ந்துதான் செல்கிறது. தூரத்தில் அம்பாளின் கோபுரம் அபயக்கரம் நீட்டி அழைக்கின்றது.சற்று நேரத்தில் படகு விகாரைக்கு முன் உள்ள படகுத்துறையில் நிற்கிறது. சிங்களமக்கள் ஆரவாரத்துடன் இறங்கி செல்கின்றனர்.பின்பு கோவிலின் முன்பாக படகு வந்து நின்றதும் நாங்களும் ஜாக்கட்டை கழற்றி வைத்துவிட்டு இறங்குகின்றோம். பின்பு கோவிலுக்கு செல்கின்றோம்.முகப்பில் பென்னம்பெரிய நந்தி அம்மனை பார்த்தவாறு படுத்திருக்கு. கனபசுக்கள் அங்கும் இங்குமாய் திரிகின்றன. நாமும் உள்ளே சென்று அம்பாளுக்கு பட்டுப்புடவை நிவேதித்து அர்ச்சனை செய்து உள்வீதி சுற்றி கும்பிட்டுவிட்டு வெளியே வருகின்றோம்.சில பசுக்கள் விடாமல் பின்தொடர வாழைப்பழம் வெற்றிலைகளை உணவாகத் தருகிறோம். அவை அந்நியபொருட்களைப் புறக்கணிப்பதுபோல் வெற்றிலையை தவிர்க்கின்றன. ஏன் ....ஏன் .....ஏன் ......! மத்தியானம் ஆகிறது.அன்னதான மடத்துக்கு செல்கின்றோம். அன்று தொடக்கம் இன்றுவரை அணையா அடுப்புடன் அன்னம் வழங்கிக் கொண்டிருக்கும் திவ்யமடம் அது. பிரார்த்தனை வைத்து தலைமுடி காணிக்கை செய்வதும் நடைபெறுகின்றது. மடத்துக்குள் எல்லோரையும் அமரச்செய்வதற்குரிய ஏற்பாடுகள் நடைபெறுகின்றன. நானும் உள்ளே சென்று அவர்களுடன் தொண்டுகள் புரிகின்றேன்.பின்பு அமிழ்தினும் இனிய அந்த அன்னத்தை பயபக்தியுடன் சாப்பிட்டோம். இலைகளை எடுத்து வந்து வெளியே போடும்போதுதான் பார்க்கிறேன் எல்லா மாடுகளும் மூச்சு விடாமல் ரவுண்டுகட்டி சாப்பிடுகின்றன. ஓ ...அதுதான் வெற்றிலையை அவை சீண்டவில்லை. பின்பு அங்கிருந்து ஒரு ஆட்டொவில் எமது உறவினர்கள் வீடுகளுக்கு சென்றுவிட்டு வரும்பொழுது நாகவிகாரையில் இறங்கி உள்ளே சென்று நன்றாக சுற்றி பார்த்து புத்தர் பெருமானை வணங்கினோம். எல்லா இடமும் மிகவும் சுத்தமாக வைத்திருக்கின்றார்கள்.சிறு சத்தம் கூட கிடையாது. இயற்கையான கடலின் ஓசையும், காற்றின் ஓசையும் துல்லியமாய் கேட்கின்றன.... மீண்டும் கோவிலடிக்கு வந்து சில பல சாமான்கள் வாங்கிக் கொண்டு படகில் குறிகாட்டுவான் வந்து வானில் வீடு வந்து சேர்ந்தோம்.......! யாத்திரை தொடரும்......! சம்பவம்: அப்போது நான் கல்லூரி படிப்பை முடித்துவிட்டு எனது வீட்டின் அருகேயுள்ள கராஜில் வேலை செய்கின்றேன்.எனது நண்பனும் நானும் எமக்கு டிப்ஸ் ஆக வரும் பணத்தில் தினமும் இரவில் கடைகளில் சாப்பிடுவதும் இரண்டாவது ஷோ படம் பார்ப்பதும் வழக்கம்.இதை எனது தாயார் மாமாவிடம் (தமையன்) சொல்லிவிட்டார். அவரும் ஒருநாள் காத்திருந்து பிடித்து வழக்கம் போல் பூசை பண்ணிவிட்டு அடுத்தநாள் வேலைக்கு போக வேண்டாம் என்று மறித்து என்னை கூட்டிக் கொண்டுபோய் பண்ணையில் இருக்கும் சில்வா கராஜில் சேர்த்து விட்டார்.அப்போது யாழ்ப்பாணத்தில் அங்கும் சிவன்கோவிலுக்கு அருகில் சைமன் கராஜிலும்தான் டீசல் வாகனங்கள் வேலை செய்வார்கள். எம்மிடம் டீசல் வாகனம் இருந்தபடியால் (மேலே படத்தில் உள்ளது.கொம்பனியில் இருந்து புத்தம்புதிதாய் செசியாய் வாங்கியது) அங்கேதான் வேலை செய்வது வழக்கம். அவரிடம் , இவனுக்கு கையில காசு குடுக்க கூடாது என்று கண்டிப்பாய் சொல்லிவிட்டார்.கராஜுக்கு முன் ஒரு பெட்டிக்கடை இருக்கு.தேனீர், பழம், வடை என்று. அங்கு ஒரு கணக்கு திறந்து என்ன கேட்கிறானோ குடு ஆனால் காசு மட்டும் குடுத்து போடாதை என்று அவரிடமும் சொல்லி விட்டார். ஒரு ரேஸிங் சைக்கிள் கையில். அதனால் சில நாட்கள் பாஸய்யாவின்(சில்வா) மருமக்களுடன் பண்ணை கடலுக்கு போய் துண்டில் போட்டு மீன் பிடிப்பது என்று பழக்கமாயிட்டுது.அப்போது இடிமின்னலுடன் மழை வரும் நாட்களில் ஓரா,ஒட்டி மீன்கள் கூட்டம் கூட்டமாய் கிளம்பி வந்து கல்லுகளில் மோதி வீதியில் கூட வந்து விழும். அப்போது வெட்டு துண்டில் போட்டு(அதில் இரை கொழுவுவதில்லை) மீன் கூட்டத்துக்குள் தூண்டிலை எறிந்து ஒரு வெட்டு வெட்டி இழுக்க வேண்டும்.பிடிப்போம். சில நாளில் எனக்கு டிப்ஸ் காசுகள் நிறைய வர தொடங்கிட்டுது.நான் நன்றாக வேலை செய்ய தொடங்கி விட்டன். பக்கத்தில் ரீகல் தியேட்டர். அங்கு ஆங்கில படங்கள் 4 : 45 க்கு தொடங்கி 6 : 30 க்கு முடியும். அந்த தியேட்டரில் சீஸும் உப்பு பிஸ்கட்டும் கோலாவும் விசேஷம்.அந்நாட்களில் அப்படி வேறு தியேட்டர்களில் இல்லை. எந்தப் படமாக இருந்தாலும் மூன்று நாள் தான் ஓடும். ஒருமாதம் ஓடும் படங்களின் அட்டவனையை 30ம் தேதியே குடுத்து விடுவார்கள். நான் படம் பார்த்து விட்டு ஏழு மணிக்கு வீட்டில் இருப்பேன். இந்த நேர வித்தியாசம் அம்மா,மாமா யாருக்கும் தெரியாது. மற்ற தியேட்டர்களில் காலை 10:30, 2:30, 6:30, 9:30.காட்சிகள். அது அவர்களுக்கு தெரியும். விதி யாரை விட்டது. அங்கும் பிரச்சினை வந்து முள்ளியவளைக்கு அக்கா வீட்டுக்கு வந்து சேர்ந்தேன்......!

புரியுது புரியுது சாமியோவ் .....இன்று வெள்ளிக் கிழமை என்று எழுதியதை அழிசிட்டு அடக்கி வாசித்திருக்கிறம் , அதுகூட பொறுக்கவில்லை போலிருக்கு.....! 😒

கடலோரம் வாங்கிய காற்று குளிராக இருந்தது நேற்று, கதகதப்பாய் மாறிடுமோ காதலித்தால் ஆறிடுமோ .....! 😊

பிருந்தாவனமும் நந்தகுமாரனும் ......! 😁

தவமே வரமாய் வந்த தெய்வம்.....! 🌺

நான் எந்தப்படத்தையும் தெரிந்தெடுத்து பார்ப்பதில்லை.....பரிசுக்கு போகும்போது எந்த படம் ஓடுதோ அதை பார்ப்பது.......நாங்கள் எல்லாம் தெரிந்து படம் பார்த்தால் மோசமான படம் எடுத்தவர்களின் மனநிலை மோசமாகாதா....இப்ப யூப்டிவியில் வரும் படங்களையும் பார்ப்பதுண்டு. தலைகீழா நின்றாலும் தமிழ் ராக்கர்ஸில் மட்டும் பார்ப்பதில்லை, வேறொன்றுமில்லை அதை எடுத்து பார்க்க தெரியாது ..! 😁

வணக்கம்.....வாங்கோ........வாழ்த்துக்கள் .........!

பயனுள்ள தகவல்கள் நன்றி தமிழ்சிறி .....! 😁

யாத்திரை.....(9). மீண்டும் பயணப்பட்டு செல்வச்சந்நிதி முருகன் ஆலயத்துக்கு வந்தோம். அது திருவிழா சமயமாதலால் நிறைய கூட்டம். தொன்டமானாறு படித்துறையில் இறங்கி கை கால் அலம்பி வந்து அர்ச்சனை செய்து முருகனை சேவித்து உள்வீதி சுற்றி வள்ளியம்மன் சந்நிதி எல்லாம் வணங்கி விட்டு வெளியே வந்தால் மடத்தில் இருந்து அன்னதான வரிசை ஒரு மைல் நீளத்துக்கும் மேலாக நீண்டு இருக்கு.அதில் நிண்டிருந்தால் அன்று மாலையானாலும் சாப்பிடுவது சந்தேகமே. இது தெரிந்துதான் பெருமாள் தன்னிடமே எங்களை பசியாற்றி அனுப்பி வைத்திருக்கிறார் என்று நினைத்தோம்.....! பின்பு பிள்ளைகளுக்கு விளையாட்டு சாமான்கள் எல்லாம் வாங்கிக்கொண்டு திரும்பி வருகையில் அச்சுவேலியை அண்மிக்கும்போது தெல்லிப்பளை துர்க்கை அம்மன் கோவிலுக்கும் போயிட்டு போவோம் என்றார் பெறாமகன். அப்படியே அந்த சந்தியால திரும்பி தெல்லிப்பளை நோக்கி வான் போகுது. வீதியின் இரு மருங்கிலும் தோட்டங்கள் பச்சபசேல் என்று. செந்தூரம் போன்ற அந்த கருஞ்சிகப்பு செம்மண்ணில் கால் புதைய நடக்க வேண்டும்போல் இருக்கு. துர்க்கையம்மன் கோவிலுக்கு வந்து சேர்ந்தோம்.சனம் குறைவாக இருந்தது.கொஞ்ச பக்தர்களே இருந்தார்கள்.கோவில் பெரிதாகவும் அழகாகவும் இருக்கு. முன் வாசலில் காராம்பசு கன்றுடன் நின்று வரவேற்கிறது. சிறப்பாக அம்பாளை தரிசனம் செய்து அர்ச்சனையும் செய்து விட்டு வெளியே வருகிறோம். எனக்கு மாவிட்டபுரத்தில் எங்கள் வீட்டையும் அருகே இருக்கும் காளிகோவிலையும் பார்க்கும் ஆவல் ஏற்பட்டது. சில மாதங்களுக்கு முன் சென்று வந்த எனது தங்கை சொன்னார், வீடெல்லாம் உடைத்துக்கொண்டு போட்டார்கள். ரோட்டில் இருந்து ஒரே காடாய் கிடக்கு.போகும் வழியெல்லாம் மரங்களாலும் பற்றைகளாலும் மறைந்து போய் கிடக்குது என்று. முன்பு லொறி போன பாதை இப்போது வான் போகவும் சிரமப்பட்டுக்கொண்டு போகுது. வீட்டின் சுவடே இல்லை.கிட்டவே போக முடியவில்லை.பாம்பு பூச்சி இருக்கும் என்ற பயம் ஒரு பக்கம், வெடி கிடி கிடந்தது தொலைக்க போகுது என்ற பயம் வேறு. எவ்வளவு பேர் புழங்கிய பெரிய ஒட்டு வீடு. எட்டத்தில் இருந்து பார்க்கிறேன்.கிணறு எல்லாம் முற்றாக மண்ணும் குப்பைகளும் போட்டு மூடிக் கிடக்கு. மனவேதனையுடன் பார்த்துவிட்டு கோவிலுக்கு வந்தால் ஒரு சின்ன தகர கொட்டிலுக்குள் அம்பாள் இருக்கிறாள்.அருகில் பிள்ளையாருக்கும் அம்பாளுக்கும் தனித்தனி சந்நிதிகள் கட்டி வேலைகள் முடியாமல் அரைகுறையாய் கிடக்கு. ஒரு ஆளரவம் இல்லை.யாரோ தினமும் வந்து விளக்கேற்றி வணங்கி விட்டு செல்கின்றனர். கிணற்றில் தண்ணீர் அள்ளி குடித்து விட்டு அங்கிருந்து கிளம்பினோம். வழியில் மருதனாமடத்தில் ஆஞ்சநேயர் கோவிலும் வானுயரத்துக்கு ஆஞ்சநேயரின் சிற்பமும் நின்று அருள் பாலிக்கின்றார். எல்லா இடமும் பரவலாக அனுமன் கோவில்கள் இருக்கின்றன. வானில் வரும்போது சித்தப்பா நாளைக்கு உங்களுக்கு நேரமிருந்தால் நயினாதீவு போகலாம் என்கிறார். நானும் சரி என்று சொல்கிறேன்.அப்படியே மாலை வீடு வந்து சேர்ந்தோம்......! யாத்திரை தொடரும்.....! சம்பவம்: என்னுடன் வேலை செய்யும் வேலைநேரத்தில் என் நண்பன் மிகவும் கவலையாய் இருந்தான்.என்ன விடயம் என்று கேட்க, சுவி நான் விஜயாவுடன்(பெயர் மாற்றம்) வீட்டை விட்டு வந்திட்டன். தங்குவதற்கு விடு வேண்டும் அதுதான் யோசிக்கிறேன் என்கிறார். மாலை வேலை முடிந்ததும் என்னோடு அவரை அழைத்து வந்து கார் எடுத்து கொண்டுபோய் பெண்ணையும் கூட்டி வந்து எனது உறவினர் வீட்டில் ஒரு அறையில் வாடகை எல்லாம் பேசி தங்க வைக்கிறேன்.அவர்கள் ஏற்கனவே ரகசியமாய் பதிவுத்திருமணம் செய்திருந்தனர். ஒருநாள் இருவரும் என்னிடம் தாலி கட்டி கல்யாணம் செய்யவேணும் என்ன செய்யலாம் என்று கேட்டார்கள். நாங்கள் மூவருமாய் ஆலோசித்து அடுத்தநாள் எனது மோட்டார் சைக்கிளில் சந்நிதிக்கு சென்று அங்கு உரியவர்களுடன் கதைத்து கோவில் மேளத்துடன் தாலி கட்டுவதற்கும் ஒரு சின்ன அன்னதானத்திற்கும் பணம் கட்டி ஏற்பாடுகள் செய்து விட்டு வீட்டுக்கு வருகின்றோம். அந்த நாளன்று காரில் மாப்பிள்ளைத்தோழனாக நானும் பொம்பிளைத் தோழியாக எனது தங்கை (ஐந்து ஆறு வயதிருக்கும்)யுமாக நான்குபேரும் சன்னதிக்கு சென்றோம். அன்று அங்கு வள்ளியம்மன் சந்நிதியில் ஏழு எட்டு கல்யாணங்கள்.எல்லோரும் நிறைய பந்து மித்திரர்களுடன் வந்திருந்தனர். எமது கல்யாணத்தில்தான் ரொம்ப சிக்கனமாக நான்குபேர் மட்டும்.அப்போது வேறு கல்யாணத்துக்கு படம் எடுக்க வந்த நண்பனொருவன் என்னைக்கண்டு என்ன சுவி யாருடைய கல்யாணம் என்று கேட்க நானும் அவனிடம் விடயத்தை சொல்லி எங்களுக்கும் நாலைந்து படம் எடுக்குறியா என்று கேட்க, அட இதுக்கேன் யோசிக்கிறாய் என்று சொல்லி எமது முறைவந்து தாலி கட்டும்போது சும்மா சுட்டுத்தள்ளி விட்டான். பின் மடத்தில் எல்லோரும் சாப்பிட்டு விட்டு யாழ்ப்பாணம் வர இரவாகி விட்டது. அவரது அறையில் அன்று அவரது முதலிரவுக்கு வேண்டிய ஒழுங்குகளை எனது வீட்டாரும் நண்பர்களும் செய்து வைத்திருந்தனர்......! (தந்தையுமானவன் கதையில் இதை நினைத்து எழுதியிருக்கிறேன்).

ஆகாயம் நோக்கி அண்ணாந்து பார்த்தேன் அன்னாசி என்று சொல்லி விட்டார்கள்......! 🍍

கர்சிக்கிற சிங்கத்தை கதற வைச்சுட்டியேடி சிங்கி ......! 🐩

எனக்கும் இதே கருத்து உண்டு...... சில சமயம் மூன்றாம் நபராலேயே பிரச்சினைகள் ஏற்படுவதுண்டு.அவற்றை இனங்கண்டு தவிர்க்க வேண்டும்.......! 😁

இனிய காதலர் தின வாழ்த்துக்கள்.....! 🌺