Justin

"தெரிவிப்பது நாங்கள், தீர்மானிப்பது நீங்கள்!" என்ற சக்தி செய்திகள் கோசத்தை அடிப்படையாகக் கொண்டு தான் நுணா இணைத்திருக்கிறார் போல! அதாவது கொலை செய்தவர் பக்கம் நியாயம் கொஞ்சூண்டு இருக்காம்! அது மட்டுமல்ல, இனி கணவர் மார் மனங்கோணாத படி பவ்வியமாக இருக்க வேணுமெண்டு மணமான பெண்களுக்கு அறிவுரை சூசகமாகச் சொல்லவும் படுகுது! யாழ் களம் "நல்ல திசையில" தான் போகுது கொஞ்ச நாட்களாக!

ஜூட், மன்னிக்க வேண்டும். நீங்கள் சரியாக பையனின் பதிவுகளை கண்டுகொள்ளவில்லை என நினைக்கிறேன்! அவர் இலங்கையில் இல்லை, ஒரு வெளிநாட்டில் பாதுகாப்பாக இருக்கிறார். மேலும், அவருக்கு அறிவுரை சொல்ல முயன்றோருக்கு அவர் மேலே எழுதிய பதில்கள் பார்த்தீர்களானால் அந்த வேலைக்குப் போக எவரும் முனையார்! என்னைப் பொறுத்தவரை இவர் போன்றோருக்கு வெற்றிகரமாக அறிவுரை சொல்பவர் கறுப்பு அங்கி அணிந்து gavel ஓடு இருப்பவாராகத் தான் இருப்பார் என நினைக்கிறேன்! அது நடக்காமலிருக்க இப்போதைக்குப் பிரார்த்தனை மட்டுமே செய்ய முடியும் நாம்!

எனக்கு சிரிப்பை அடக்குறதா அழுகையை அடக்குறதா என்றே விளங்கேல்ல! "என்ன சட்டச் சிக்கல்?" எண்டு வேற கேக்கிறார் பாருங்களன் அப்பாவித் தனமா! அது சரி, ஊரில சாதாரண உடையில் சிலர் இருக்கிறார்களாம். உங்களுக்கு யுனிபோம் வேற இருக்கா? கொடுமை சரவணா!

பையன், நான் தான் முதலிலேயே சொன்னேனே? உங்களுக்குப் புரிய வைக்க முடியாது நீங்களும் தோஸ்துகளும் செய்தது முட்டாள் தனமென்று. எனவே தான் உங்களுக்கு எதுவும் எழுதவில்லை! ஆனால், நீங்கள் உங்கள் செயலை பொது இடத்தில் பேசு பொருளாக்கியதால் உங்கள் பெயர் சொல்ல வேண்டி வந்து விட்டது. ஏதோ மரியாதைக் குறைவாக வேறு எழுதியிருக்கிறீர்கள் போல, பரவாயில்லை. எனக்கு உங்கள் மட்டில் எதிர்பார்ப்பு அதிகம் இல்லாததால் நீங்கள் கெட்ட வார்த்தை சொன்னாலும் நான் பதகளிப்படையப் போவதில்லை! கூலாக ஒன்று சொல்ல வேண்டுமென்றால் இது தான்: உங்களுக்குக் கொம்பு சீவி விடுவோர் இருக்கிறார்கள் அல்லவா? அவர்கள் தங்கள் குடும்பங்களில் இருக்கும் தங்கள் காவலில் இருக்கும் இளையோரையும் உங்கள் போலவே கொம்பு சீவித் தான் வளர்க்கிறார்களா என்று ஒருக்காக் கேட்டு அறிந்து பாருங்கள்! பெரியொரு அதிர்ச்சி உங்களுக்குக் கிடைக்கும்!

பையனுக்கு இதை விளங்கப் படுத்த முடியாது, எனவே இது அவருக்கல்ல! குழந்தை துஷ்பிரயோகமாக இது இருந்தால் சிறி லங்காவில் மீட்சியே கிடையாத படி தண்டனை கிடைக்கும் என்பதற்கு பல உதாரணங்கள் உண்டு. அமெரிக்காவில் வந்து வருடக்கணக்காக ஓளித்திருந்த ஒருவரையே நாடுகடத்தல் மூலம் கொண்டு சென்று சிறையில் போட்டார்கள்! ஆனால் இதை ஊர்ரவுடிகள் கையாளாமல் வாழும் நாட்டின் காவல் துறையிடம் கொண்டு சென்றிருக்க வேண்டும்! அவர்களே பார்த்திருப்பார்கள் மிகுதியை. இனியும் முறையிடலாம் தான்! ஆனால் இவர்கள் என்னை மிரட்டியதால் மட்டுமே ஒப்புக் கொண்டேன் என்று சந்தேக நபர் இனி தனக்குள்ள எல்லா சட்டப் பாதுகாப்புகளையும் பயன்படுத்துவார்! எனவே இது காகம் பார்க்கிற வேலையை மாடு பார்த்ததால் இழக்கப் பட்ட நீதி என்று தான் ஆகி விட்டது! எஞ்சியிருப்பது பையனுக்கும் அவர் தோஸ்துகளுக்கும் கிடைத்த ஊர்நாட்டாமை பட்டமும் யாழில் ஒரு பச்சையும் தான்! Big achievement!

உண்மை எதுவென்று கண்டறிவதும் நம்புவதும் விடுவதும் உங்கள் உரிமை! ஆனால், கச்சான் சைஸில் மூளை கொண்ட கோழியின் கூர்ப்பிற்கும் 1300 கிராம் நிறை கொண்ட மனிதனின் மூளை கழுவப்படுவதற்கும் நீங்கள் போட்ட ரோடு இருக்கே? அது செவ்வாய்க்கு மனிதன் போய் விட்ட மாதிரியான உதாரணம் பிரதர்! கோழிக்குத் தெரிவில்லை! மனிதனுக்குத் தெரிவு இருக்கிறது. அதனால் தான் 18 வயதுக்கு மேலே சில விடயங்களைப் பார்க்கவும் அனுபவிக்கவும் அனுமதி இருக்கிறது. சரியான தெரிவுகளை நாங்கள் செய்யாமல் இருந்து விட்டு பிறகு வந்து மற்றவன் எங்கள் மூளையைக் கழுவுகிறான் என்பது ஒரு excuse மட்டுமே! தீர்வல்ல! காலாகாலமாக பெண்களை கொஞ்சம் மரியாதை குறைத்தே நடத்தி வரும் எங்கள் பிற்போக்குத் தனத்தை "கலாச்சாரம், தாற்பரியம்" என்று நாம் தூக்கிப் பிடித்துக் கொண்டு, மற்றவன் மூளையைக் கழுவுகிறான் என்பது சுத்த முட்டாள் தனம் என்று தான் நான் நினைக்கிறேன்! ஆமாம், எனக்கும் மரணதண்டனையும் மீட்சியற்ற சிறையும் ஒப்புதல் இல்லை! ஆனால், அந்த நஷனல் போஸ்ட் கட்டுரையை வாசித்தால், மீளக் குற்றமிழைக்கும் ஆபத்தைக் கூட சரியாக ஆராயாமல் மனவருத்தம் தெரிவிக்காத கொலைஞர்களைக் கூட வெளியே விட்டிருக்கிறார்கள்! இந்த விடயம் உறுத்துகிறது!

இது தற்போது வழமையாகப் பாவிக்கப் படும் "மற்றவன் தான் எங்கள் சீரழிவுக்குக் காரணம் (ஆனால், பழம்பெருமைக்கெல்லாம் நாம் மட்டுமே காரணம்!)" என்ற புளித்துப் போன வாதம் போல படுகிறது! இணைய வெளியும் வானலைகளும் திறந்தே இருக்கின்றன! இது மேற்கத்தைய வாழ்விலும் நவீன வாழ்விலும் நாம் ஏற்றுக் கொண்ட ஒரு மாற்றம்! இந்த சுயமான ஏற்றுக்கொள்ளலோடு பொறுப்பும் வர வேண்டும்! நாடகத்தை சினிமாவைப் பார்த்து விட்டு ஒருவன் தன் வாழ்வை வடிவமைத்தால் அவனைத் தான் நாம் தூற்ற வேண்டுமேயொழிய கற்பனைக் கதைகளை காசுக்காக விற்கும் மீடியாக் காரர்களை அல்ல! உங்கள் வாதப் படி பார்த்தால் தலிபான் மேற்கத்தைய இந்திய மசாலாக்களைத் தடைசெய்திருக்கும் ஆப்கானிஸ்தானில் பெண்களுக்கோ குழந்தைகளுக்கோ எதிராக வன்முறைகளே இருகக் கூடாதே? ஆனால் அங்கே தானே எல்லாம் நடக்கிறது? திருந்துவதன் முதல்படி எங்கே பிரச்சினை இருக்கிறதென்று சரியாக உணர்ந்து கொள்வதேயொழிய மற்றவன் மேல் பழி போட்டு விட்டு நம்மை அப்பாவிகளாகக் காட்டிக் கொள்வதில் அல்ல!

நான் இந்த விடயத்தில் கனேடிய சட்டம் என்ன முடிவுக்கு வருகிறது என்று அக்கறைப்படவில்லை! கொடூரமான கொலைகாரர்களே ஆயுள்தண்டனை பெற்றாலும் சராசரியாக 22 ஆண்டுகளுக்கு மேல் கனடாவில் சிறையில் இருப்பதில்லை என்று இந்த கனேடியச் செய்தி சொல்கிறது: https://nationalpost.com/news/canada/here-is-just-a-partial-list-of-the-brutal-murderers-that-canada-has-set-free இதன் படி கொடூரக் கொலைஞர்கள் பலரை கனடாவில் சாதாரணமாக வெளியே உலவ விட்டிருக்கிறார்கள். என் அக்கறையெல்லாம் இப்படியான ஒரு கொடூரக் கொலையின் பின்னர் கூட, கொலைஞருக்கு கொஞ்சமேனும் நியாயமாகப் படக்கூடிய காரணம் இருந்திருக்கலாம் என்று சமூக வலைத்தளங்களில் வந்து வாதாடும் ஆட்கள் இருப்பது பற்றித் தான்! இது இந்தச் செய்தியையும் சம்பவத்தையும் தாண்டி வியாபித்திருக்கும் ஒரு பிற்போக்கான மனவியாதி! மேலே சகாரா சொன்னதை விட நாம் எதுவும் மேலதிகமாகச் சொல்லி விடமுடியாது இது பற்றி!

விசாரித்துக் கொண்டிருந்தார்கள் என்று செய்தி வந்தது, பிடித்து விட்டார்கள் போல!

இந்த கோர்ட் நாடகமெல்லாம் நடக்கும் என்பது யாவரும் அறிந்தது தான். உணர்ச்சி வசப்பட்ட கொலை, அல்கஹோல் செய்த கொலை, என்றெல்லாம் கொலைஞர் உருப்படியான ஒரு வழக்குரைஞரை வைத்துக் கொண்டால் அவர் வாதாடி 1st degree homicide இல் இருந்து manslaughter என்று குறைத்து விடலாம்! இந்தக் கொலைகாரக் கோழையும் தன் உயிரை ஆசையுடன் கட்டிப் பிடித்துக் கொண்டு வெள்ளனவாகவே சிறையில் இருந்து மீண்டு வந்து எஞ்சிய நாட்களை கனடாவில் களிக்கலாம்! வாய்ப்புண்டு தான், ஆனால் கொலையாளிக்கு நாங்கள் வக்காலத்து வாங்கி நியாயம் சொல்லி எங்கள் ஆன்மாவில் சேற்றை நாமே வாரிக் கொட்டிக் கொள்வது தான் சகிக்க முடியவில்லை!

அம்பனை, இந்த நேரங்களில் மட்டும் தான் நீங்கள் கனேடிய தராதரத்தில் செய்தியை எதிர்பார்க்கிறீர்கள் போல! ஒரு பெண்ணை பலர் முன்னிலையில் கொன்று போட்டவரை படுகொலையாளன் என்று அழைப்பதில் திடீரென்று மேற்கத்தைய தராதரம் வந்தி விடுகிறது! நல்ல ஜோக் போங்கள்!

சக மனிதர்களோடு நடமாடவே தகுதியில்லாத ஒரு மிருகத்திற்கும் அப்பாற்பட்ட ஒரு ஜீவராசி கொலையைச் செய்து விட்டது! இதை இனி சட்டம் கொலையாகத் தான் பார்க்குமே தவிர கொலைக்கு என்ன aggravating factor இருந்தது என்று பார்க்கப் போவதில்லை! அப்படித் தான் நாங்களும் பார்க்க வேண்டிய தேவையுள்ளது. இதை விட்டு விட்டு செத்த பெண்ணைக் குற்றம் கண்டு பிடித்து கொலைமிருகத்தை victim ஆகப் பார்க்கும் மன நிலை இங்கே சிலருக்கு இருப்பது கண்டு எனக்கு ஆச்சரியமில்லை! இவர்கள் மற்ற விடயங்களிலும் இப்படி தான் என அறிந்திருப்பதால் ஆச்சரியமேயில்லை!

பல நாட்கள் கடந்து இந்தத் திரி தொடர்வதால் ஒரு முன்கதைச் சுருக்கம்: மாச்சத்தையும், கொழுப்பையும் குறைவாக எடுத்துக் கொள்ளும் போது நாம் உட்கொள்ளும் கலோரிகளின் அளவு குறைகிறது. உடல் உழைப்பை அதிகரிக்கும் போது உடல் எரிக்கும் கலோரிகளின் அளவு அதிகரிக்கிறது. இந்த இரண்டு வழிகளால் உடலின் போசணையை சமநிலையில் வைத்திருப்பதால் உடற்பருமனாதலை பெரும்பாலானோரில் தடுக்கலாம் என்பது ஐந்தாறு தசாப்தங்களாக மீள மீள நிரூபிக்கப் பட்ட மருத்துவ உண்மை. உடற்பயிற்சியின் அறியப் பட்ட நன்மைகள் எவையென்று பார்க்தால் ஒரு நீண்ட பட்டியலே இருக்கிறது. உடற்பயிற்சி: உடற்பருமனைக் குறைக்கிறது இதய குருதிக்கலன் நோய்களைக் குறைக்கிறது நீரிழிவு வரும் வாய்ப்பைக் குறைக்கிறது வயது முதிர்ச்சியால் ஏற்படும் ஞாபக மறதியையும் (dementia) மூளையின் வினைத்திறன் இழப்பையும் குறைக்கிறது பாலுணர்வை (libido) இருபாலாரிலும் அதிகரிக்கிறது மன அழுத்தம் (depression) , மனப்பதட்டம் (stress) என்பவற்றைக் குறைக்கிறது. அனேகமான இந்த நன்மைகள் உடற்பயிற்சியின் போது அதிகரிக்கும் இரத்தவோட்டம் உடலுறுப்புகளுக்கு அதிகரித்த ஒட்சிசனையும் போசணைகளையும் எடுத்துச் செல்வதால் ஏற்படுகிறது. இதை விடவும், சில நன்மைகளுக்கு அடிப்படையான சிறப்புக் காரணிகளைக் கண்டறிந்திருக்கிறார்கள்.உதாரணமாக, நாம் சந்தோசமாக இருக்கும் வேளைகளில் எங்கள் மூளையில் சுரக்கும் என்டோர்பின்கள் (endorphin) எனப்படும் சுரப்புகள் உடற்பயிற்சியின் போது அதிகம் சுரப்பதால் மன அழுத்தமும் பதகளிப்பும் குறைவதாகக் கண்டறிந்திருக்கிறார்கள். உடற்பயிற்சியினால் சிறிது அதிகரிக்கும் ரெஸ்ரோஸ்ரிறோன் எனும் ஆண் ஹோர்மோன் (இது பெண்களிலும் சிறிது இருக்கிறது), பாலுணர்வு அதிகரிப்பிற்குக் காரணமாக அறியப் பட்டிருக்கிறது. இந்த ஹோர்மோன் வெறுமனே பாலுணர்வை அதிகரிப்பதற்காகவல்லாமல், உடலின் சக்தி எரிப்பை ஊக்குவிக்கவும் தசைகளை எதிர்கால உடற்பயிற்சிக்குத் தயாராக பலப்படுத்தவுமே சுரக்கப்படுகிறது என்று நம்பப் படுகிறது. எனவே, உடற்பயிற்சி உடல்பருமன் உட்பட பல உபாதைகளுக்கு நல்ல நிவாரணி என்பது கேள்விகளுக்கிடமற்ற ஒரு தரவு. ஆனால், எவ்வளவு உடற்பயிற்சி இந்த நன்மைகளையடைய அவசியம் என்பது மட்டும் தான் கடந்த சில ஆண்டுகளில் விவாதத்திற்குரிய பொருளாக இருக்கிறது. தற்போதைய அறிவியலின் படி, வாரத்திற்கு 150 நிமிடங்கள் மிதமான அல்லது தீவிரமான சக்தி செலவழிக்கும் உடற்பயிற்சி மேற்சொன்ன நன்மைகளை பெரும்பாலான மக்களில் ஏற்படுத்தப் போதுமானது. நடை, வேகநடை மிதமான உடற்பயிற்சியாகவும், 10 நிமிடங்களில் ஒரு மைல் தூரம் ஓடுதல் தீவிர உடற்பயிற்சியாகவும் பெரும்பாலானோரில் உதாரணப் படுத்தப் படலாம். சும்பா (Zumba) போன்ற குறுகிய நேரத்தில் அதிக கலோரி எரிக்கும் பயிற்சிகளும் தீவிர உடற்பயிற்சியின் உதாரணங்கள். உடற்பயிற்சியின் தீவிரம் என்பது உங்கள் உடல் நன்கு பயிற்சிக்கு பழக்கமடையும் போது மாறுவதை நீங்கள் உணர்வீர்கள். வேகநடையை பல மாதங்களாகச் செய்து வரும் ஒருவர், ஒரு கட்டத்தில் அதனால் களைப்படையாது போகும் கட்டத்தில், ஓடுதல் போன்ற தீவிர உடற்பயிற்சிகளுக்கு மாறுவதால் கலோரி எரிப்பைப் பேணலாம். கலோரி எரிப்பிற்காக சுவாசத்தை அதிகரிக்கும் aerobic பயிற்சிகளையே மேலே நாம் பார்த்தோம். உடற்பயிற்சியின் இன்னுமொரு முக்கியமான, ஆனால் அனேகம் புறக்கணிக்கப் படும், வகை தசைகளை வலுப்படுத்தும் பயிற்சிகளாகும் (resistance or weight training). உடல் அழகுக்காக தசைகளைக் கட்டமைக்கும் பயிற்சிகள் உடல் வனப்பையும் தாண்டி எமது ஆரோக்கியத்திற்கு மிகவும் அவசியம் என்று கண்டறிந்திருக்கிறார்கள். தசைகளை முறுக்கேற்றும் பழுதூக்குதல் போன்ற பயிற்சிகள் கலோரி எரிப்பை கொஞ்சம் அதிகரிக்கின்றன. வலுவான தசைகள், குறிப்பாகக் காலின் தசைகள், வேகநடை, ஓட்டம் போன்ற உடற்பயிற்சிகளின் போது எமது மூட்டுக்கள், சவ்வுகள் அதிகம் சேதமாகாமல் காக்க அவசியமானவை என்று ஆய்வுகளில் கண்டறிந்திருக்கிறார்கள். தசைக்கட்டமைப்புப் பயிற்சிகளால் ரெஸ்ரெஸ்ரிறோன் ஹோர்மோன் நன்கு அதிகரிப்பதால், மேலே நாம் குறிப்பிட்ட நன்மைகள் கிடைக்கும். உடலில் இன்சுலின் சுரந்தாலும் உடற்கலங்கள் குழூக்கோசை உள்வாங்க இயலாத நிலை இரண்டாம் வகை நீரிழிவு (type 2 diabetes, T2D)எனப்படுகிறது. இந்த வகை நீரிழிவு தான், மிகையான போசணை, உடற்பருமன் அதிகரிப்பு, உடற்பயிற்சியின்மை என்பன அதிகரித்த மேற்கு நாடுகளில் அதிகமாகக் காணப்படுகிறது. சில ஆண்டுகளுக்கு முன்பு செய்யப் பட்ட ஒரு ஆய்வில், இந்த வகை நீரிழிவுடைய நோயாளிகளின் தொடையின் சுற்றளவை பழுதூக்கும் பயிற்சிகளால் அதிகரித்தால், அவர்களது நீரிழிவு கட்டுப் பாட்டுக்குள் வந்ததை அவதானித்தார்கள். இது எப்படி நிகழ்கிறது? எமது தொடைப்பகுதியில் உள்ளவை உடலின் பாரிய தசைகளாகும். இந்தத் தசைகளைப் பயிற்சியினால் பெருப்பித்தால் அவற்றின் குழூக்கோஸ் தேவையும் அதிகரித்து, இரத்தத்தில் இருந்து குழுக்கோசை அவை பசியோடு உறிஞ்சிக் கொள்கின்றன. இதனால் மிகக் குறைந்த மருத்துவத்துடனேயே இரத்தக் குழுக்கோஸ் கட்டுப் பாட்டில் வந்து விடுகிறது. உடலின் ஒரு பகுதியில் மட்டும் ஒரு தசையைப் பயிற்சியினால் பெருப்பித்தால் நீரிழிவு கட்டுப் பாட்டில் வருகிறதெனில், எங்கள் கைகள், தோள்கள், முதுகு என சகல தசைகளையும் பயிற்சியினால் பெருப்பித்தால் எவ்வளவு இலகுவாக உடலின் குழூக்கோசைக் கட்டுப்படுத்தலாம் என யோசித்துப் பாருங்கள். இந்த நன்மைகளைக் கருத்தில் கொண்டு தான் வாரம் 150 நிமிட கலோரி எரிப்புப் பயிற்சியோடு, வாரத்தில் இரண்டு தடவையாவது பழுதூக்குதல் போன்ற தசைப் பயிற்சிகளையும் செய்ய வேண்டுமென மருத்துவர்கள் பரிந்துரைக்கின்றனர். உள்ளெடுக்கும் கலோரியைக் குறைத்தல், எரிக்கும் கலோரியை அதிகரித்தல், இதற்கு உதவியாக உடல் தசைகளை வலுப்படுத்திப் பெருப்பித்தல் ஆகியன உடற்பருமனைக் குறைக்க உதவும் எனப் பார்த்தோம். ஆனால், இந்த உடற்பருமனாதல் சமன்பாட்டில் முக்கியமான இன்னொரு அம்சமாக மனப்பதகளிப்பு (stress) இருக்கிறது. மனப்பதகளிப்பும், தூக்கமின்மையும் எப்படி உடற்பருமனாதலை அதிகரிக்கிறது என்று அடுத்த பகுதியில் பார்ப்போம். அதைத் தொடர்ந்து, நாம் உண்ணும் கொழுப்பு வகைகள், எமக்குள் இருக்கும் குடல் நுண்ணங்கிகள் எப்படி உடற்பருமனாதலைப் பாதிக்கின்றன என்றும் பார்ப்போம். -தொடரும்

இப்பவே சரியான வரலாற்றை மறந்து விட்டு அல்லது மறைத்து விட்டு சிறுபான்மை மதங்களை ஒதுக்கி விடும் சிந்தனை இருக்கிறது. இந்த நிலையில் மதத்தை தமிழ் தேசியத்தோடும் சேர்த்து விட்டால் ஒரு முப்பது ஆண்டுகளில் நாம் குஜராத் இருக்கும் நிலையில் இருப்போம்! பிறகு தீர்வு வந்தென்ன வராமல் விட்டென்ன?

அதையே தான் நானும் இடக்கரடக்கலாகச் சொன்னேன்! பொலிஸ் பயத்தில் இருக்கிறார்கள் என்று சொன்னால் "இதை கிறிஸ்தவன் சொல்லக் கூடாது!" என்று சண்டைக்கு வந்து விடுவார்களே ஐயா? மற்றபடி "நாங்கள் எல்லாரோடையும் சேருறதில்லை!" என்று பெருமையாகச் சொன்ன ஆட்களையும் அமெரிக்காவில் கண்டிருக்கிறேன்! அதன் பிறகு அவர்கள் என் வீட்டுப் படி அண்டாதபடி செய்தும் இருக்கிறேன்.