Justin

இப்பவே சரியான வரலாற்றை மறந்து விட்டு அல்லது மறைத்து விட்டு சிறுபான்மை மதங்களை ஒதுக்கி விடும் சிந்தனை இருக்கிறது. இந்த நிலையில் மதத்தை தமிழ் தேசியத்தோடும் சேர்த்து விட்டால் ஒரு முப்பது ஆண்டுகளில் நாம் குஜராத் இருக்கும் நிலையில் இருப்போம்! பிறகு தீர்வு வந்தென்ன வராமல் விட்டென்ன?

அதையே தான் நானும் இடக்கரடக்கலாகச் சொன்னேன்! பொலிஸ் பயத்தில் இருக்கிறார்கள் என்று சொன்னால் "இதை கிறிஸ்தவன் சொல்லக் கூடாது!" என்று சண்டைக்கு வந்து விடுவார்களே ஐயா? மற்றபடி "நாங்கள் எல்லாரோடையும் சேருறதில்லை!" என்று பெருமையாகச் சொன்ன ஆட்களையும் அமெரிக்காவில் கண்டிருக்கிறேன்! அதன் பிறகு அவர்கள் என் வீட்டுப் படி அண்டாதபடி செய்தும் இருக்கிறேன்.

நிறைய கல்லெறி வாங்கப் போறீங்கள்! என்றாலும் பேச வேண்டிய விடயம்! அமெரிக்காவில் பதின்ம வயது வெள்ளையின ஆண்கள் இனத் துவேசம் பற்றி மனந்திறந்து பேச இயலாமல் போகும் போது, தமக்குள் மட்டுமே பேசிக் கொள்வதும் 4 chan, 8 chan போன்ற இருண்ட இணையங்களில் பேசிக் கொள்வதும் நடக்கிறதாம். அவர்களிடையே இருந்து தான் இந்த வெள்ளையின வெறி கொண்ட கொலைகாரர்கள் உருவாகிறார்கள், இப்படியொரு கருத்தை ஒரு ஆசிரியர் கூறியிருந்தார். நாம் கொலைவெறி வரையில் போக சாதி புலத்தில் காரணம் இல்லையாயினும், பிற்போக்கு தனங்களில் ஊறிக்கிடக்கும் அடுத்த சந்ததியை உருவாக்கும் ஆபத்து இருக்கிறது. பேசுவதால் தீருமா என்று பார்ப்பதில் ஒரு தவறும் இல்லை! தொடருங்கள்!

உண்மையில் இந்த விடயத்தில் நீள நீளமாக எழுத ஒன்றும் இல்லை! சிறுவர் துன்புறுத்தல் சட்ட ரீதியிலும் தவறு தார்மீக ரீதியிலும் தவறு! இதை இன மத பேதமில்லாமல் யாரும் சுட்டிக்காட்டவும் கண்டிக்கவும் வேண்டும். அந்தக் கண்டனம் வரமுதல் மனதில் "ஐயோ என் மதநம்பிக்கை!" என்ற கணநேரத்தயக்கம் ஒருவருக்கு வந்தால், அப்படிப்பட்டவருக்கு ஆழமான பிரச்சினைகள் இருக்கின்றன என்று அர்த்தம்! அமெரிக்க கிளிஷேயில் சொல்வது போல: I do not envy them! அவ்வளவு தான் இந்தத் திரிக்கு என் நேரக் கோட்டா!

யாரும் தான் தனக்கு முக்கியம் என்று கருதும் ஒரு காரணத்திற்காக மதம் மாறலாம் என்பது என் நிலைப்பாடு! மதங்கள் ஒன்றும் சட்டத்தால் பிறந்த நிலையிலேயே இருக்க வேண்டும் என்று நிர்ணயிக்கப் பட்ட கூறு அல்ல! இதை ஒரு அமைப்பு ஊக்குவித்தால் அதில் தவறில்லை! தலையில் துவக்கு வைத்து ஐசிஸ் போல செய்தால் தவறு, குற்றம்! மாறுபவன் சொல்லும் காரணம் வலுவான காரணமா இல்லையா என்று மதிப்பிடும் உரிமை யாருக்கும் கிடையாது! இது கறுப்பு வெள்ளை நிலைமை, இதில் உங்களுக்குக் குழப்பம் இருப்பது என் தவறல்ல!

பணம் இருக்கட்டும் இல்லாமல் இருக்கட்டும், சாதிவாதத்தினால் ஒரு பக்கம் கிறிஸ்துவக் குழுக்களுக்கும், முஸ்லிம் மதத்திற்கும் மக்கள் மாறுவது உண்மையல்லவா? மக்கள் நல்லது என்று (அது என்ன நல்லதாக இருந்தாலும்) வருவது ஒரு மதத்திற்கு என்ன தீமையைத் தரும்? எல்லாம் இறுதியில் தனிபட்ட மனிதனின் முயற்சியேயொழிய கடவுள் தூக்கிக் கொடுப்பதல்லவே? அது பிரச்சினையிலையென்றால் ஏன் மதமாற்றம் பற்றி ஒப்பாரி வைக்க வேண்டி வருகிறது?

மேலே இருப்பது மட்டுமல்ல, சாதி ஒதுக்கல், பெண் தீட்டு என்ற கருத்து போன்ற மத அனுஷ்டானங்கள் அன்பின் அடையாளங்கள் அல்ல! அவை கோதுகள் மட்டுமே என்பதை நான் கிறிஸ்தவனாக இருந்தாலும் சொல்வேன், இந்துவாக இருந்தாலும் சொல்வேன்! பின்பற்றுபவர் தவிர ஏனையோரைப் பாதிக்கும் பிற்போக்குத் தனத்தைச் சுட்டிக் காட்டும் உரிமையை மனிதனாக இருப்பவன் யாரும் கொண்டிருக்கிறான்!

எங்கே அப்படி எழுதியிருக்கிறேன் என்று காட்டுங்கள்! மல்லிகை வாசம், எங்கே நான் பாதிரிமாரின் பாலியல் குற்றத்திற்கு வக்காலத்து வாங்கினேன் என்று காட்டுங்கள்? குறைந்த சாதி என்று ஒதுக்கப் பட்டவர்களால் ஏனைய மதங்கள் நிறைவதும், இந்துமதம் ஆட்களை இழப்பதும் தீமைகள் அல்ல என்று நீங்கள் சொன்னால், நான் மகிழ்ச்சியோடு ஏற்றுக் கொள்கிறேன்!

இதே குறிப்புத் தான் நானும் இங்கே தரப் போகிறேன்: எனக்கு இந்துக்கள் மீது மட்டுமல்ல, எந்த மதத்தினர் மீதும் கோபம் கிடையாது. என் கோபமெல்லாம் உங்கள் போன்ற tunnel vision உடைய பேர்வழிகளிடம் தான்., மேலே படத்தில் இருப்பது போன்ற ஒரு பிழையை பிழை என்று சொல்ல உங்கள் போன்ற ஒருவருக்கு நேர்மை இல்லை! வேறு இரண்டு மதங்களை இழுத்து அதிலேயும் பொய் செய்தியைக் கலந்து தான் சமாளிபிகேசன் செய்ய வேண்டியிருக்கிறது! அப்படியானால் உங்கள் தனிப்பட்ட உள்ளக நேர்மையை விட ஒரு மதத்தின் சடங்கு தான் உங்களை பெருமைக்குள்ளாக்குகிறது! இப்படியான ஒரு பக்தன் தன் மதத்தை பெருமைப்படுத்துகிறானா? இல்லை என்று தான் நினைக்கிறேன்.

பெயர் முகவரி எதற்கு? தரமான ஆங்கிலம் படிக்க வேண்டுமென்று போய் விட்டு திரும்பி வந்து பெற்றோர் சொன்னார்கள் போனேன் என்போர் இருக்கிறார்கள். நான் வாத்தியாருக்கு எழுதிய பதிலில் விபரம் இருக்கிறது. ஆனால், திரும்பி வந்தவரை கூப்பிட்டு அலகு குத்தி விட்டார்களா? அல்லது சிறையில் போட்டு விட்டார்களா? அது தான் சுதந்திரம் என்பது. பிக்குச் சிறுவர் போல மொட்டை போட்டு விகாரை கூட்ட விடும் வேலையை விட இது எவ்வளவு சுதந்திரமானது? பச்சிளம் பாலகர்களை அலகு குத்தி அழ விடுவதை விட எவ்வளவு கொடுமை குறைந்தது? இப்படி மதகுருவாக விரும்பியோ விரும்பாமலோ வந்தவரைத் திரும்பிச் செல்ல அனுமதிக்கும் மதத்தின் மீது இருக்கும் "காண்டு", கோயிலுக்குள் குறைந்த சாதி என்று முத்திரை குத்தியோரை வரவிடாமல் தடுக்கும் மதத்தின் மீது உங்களுக்கு வரவே வராதே? எப்படி வரும்?

மல்லிகைவாசம், இதில் மதவாதம் பேசவும் கோபம் கொள்ளவும் எதுவும் இல்லை! ஜோர்ஜ் பெல்லும், அவர் போன்ற குற்றவாளிகளும் நீண்ட காலத்திற்கு முதலே பொலிசில் கொடுக்கப் பட்டிருக்க வேண்டியவர்கள். அவரைப் போன்றோர்களைக் கவனிக்காமல் விட்டதால் தான் ரட்சிங்கர் போப் பதவியிலிருந்து விலகிப் போனதை பல கத்தோலிக்கர்கள் கொண்டாடினர். நான் இவர்கள் செய்ததை குற்றம் என்று சொல்லும் நேர்மையுடன் இருக்கிறேன்! சின்னக் குழந்தைகளை வலிக்குள்ளாக்கும் சடங்குகள் பற்றி உங்கள் கண்டனம் எங்கே? தாயகத்தில் மிசினில் கட்டி தேரிழுத்தவர்கள் மீதான கண்டிப்பு எங்கே? கோதுகளான மத அனுஷ்டானங்களைக் கட்டிக் கொண்டு மாரடிப்பதை விட்டு விட்டு, அன்பையும் நேர்மையையும் பின் தொடரப் பாருங்கள்! மதமே தேவையில்லை!

கத்தோலிக்க சமயத்தில் வாத்தியார், இது பைபிளில் எழுதப் படவில்லை, நிறுவனமயமான கத்தோலிக்க மதத்தில் canon law இருக்கிறது. உயர்தரம் படிக்க முதல் போனால், போடிங்கில் வைத்து உயர்தரம் படிக்க வைத்து, பல்கலை போனால் பல்கலை அனுப்புவர். பல்கலை போகவில்லையெனில் ஜூனியர் செமினாறியில் தத்துவம் 3 வருடம் (யாழ் பிரதான வீதியில் இருந்தது). அடுத்து பெரிய செமினாறியில் 3 வருடம் இறையியல் என்கிற தியோலொஜி (கொழும்புத்துறையிலும் அம்பிரியாவிலும் இருந்தன). போய் ஏ.எல் எடுத்த பிறகு ஒரு குறூப் விட்டுக்கு வரும். பல்கலை கிடைத்தால் ஒரு குறூப் வீட்டுக்கு வரும். ஏன், கடைசி வருடம் வரை போய் விட்டு தியாக்கோன் பட்டம் பெறும் தருவாயில் திரும்பி வந்தோரும் உள்ளனர். சரி, இப்ப என் வாய்ப்பு: உயர்தரம் படிக்காமலே கத்தோலிக்க பாதிரியானவரின் பெயரைத் தருகிறீர்களா?

பிக்குகள் சிறுவர்களாக சேர்க்கப் படுவதும், குழந்தைகள் சுன்னத் செய்யப்படுவதும் நடப்பவை, அதனால் கேட்க வேண்டிய தேவை இல்லை! கிறிஸ்தவ சபைகள் எதிலும் பிள்ளைகளை கொண்டு போய் சிறுவயதிலேயே பாதிரியாக விடுவதில்லை என்பது கிறிஸ்தவ மதத்தை அறிந்தோருக்குத் தெரியும். உங்களுக்கோ தனிக்கோ தெரியாது என்று எங்களுக்குத் தெரியும்! ஒருவர் ஒன்றை விமர்சிக்க முதல் அது உண்மையா என்று உறுதி செய்ய வேண்டும்! இது போன்ற என்ன மதம் எந்த ஆலயம் என்றே தெரியாமல் நீங்களும் கடந்த காலங்களில் சில விடயங்களைச் சொல்லி நான் விபரம் கேட்ட பின்னர் பேசாமல் இருந்து விட்டீர்கள்.

நோக்கமே தெரியாத போது ஏன் சொன்னார்கள் என்று எப்படி ஆராய முடியும்? எனக்கு யாரும் சொல்லி நான் கேள்விப் படவில்லை, ஏனெனில் அப்படியொரு விளக்கம் கிறிஸ்தவத்திற்கு எதிரான விளக்கமேயொழிய கிறிஸ்தவம் வளர்க்கும் விளக்கம் அல்ல! இருவரும் வேறாகத் தான் விளங்கிக் கொண்டிருக்கிறோம் என நினைக்கிறேன்! ஆனால், அப்படியான விளக்கங்கள் பல போலியானவை என்பதையும் நீங்கள் கவனிக்க வேண்டும்: உதாரணமாக சுப்பர் மூளை யோகா தோப்புக்கரணம் என்பவை ஒரு சில இந்தியர்களால் தாங்கள் செய்ததாகக் குறிப்பிட்டு வெளியிடப்பட்ட தகவல்கள் மட்டுமேயொழிய அதில் உண்மையான மருத்துவ பயன்கள் இருப்பதாக சுயாதீனமான ஆய்வுகள் இல்லை! இருந்தால் இங்கே இணையுங்கள் பேசலாம்! இந்த யூரியூப் வீடியோக்கள் ஆதாரம் என்று வராதீர்கள். பெண்கள் தனியாகப் போக முடியாத நிலையை வெள்ளையர்கள் ஆயுர்வேதம் என்ர போலி மருத்துவத்தை நாடிப் போவது எப்படி மாற்றும்? ஒரு பெண் ஜனாதிபதி வந்தே மாறாத தேசம் அது. எங்கிருந்து இந்த பெண் விரோதப் போக்கு இந்தியாவுக்கோ அல்லது மத்திய கிழக்கின் முஸ்லிம் நாடுகளுக்கோ வந்தது என நினைக்கிறீர்கள்? அதையே நான் குறிப்பிட்டேன்!

இப்படி எந்த சபைக்கு சிறு பிள்ளைகள் பெற்றோரால் வழங்கபடுவதாகக் கண்டீர்கள்? பிரம்மச்சரியம் பேணவேண்டிய கத்தோலிக்க மதத்திலேயே உயர்தரம் முடித்த பிரகு தான் எடுக்கிறார்கள் உள்ளே. இது எங்கே நடக்கிறது?