Jump to content

Justin

கருத்துக்கள உறவுகள்
  • Posts

    4539
  • Joined

  • Last visited

  • Days Won

    27

Everything posted by Justin

  1. உண்மை. ஒரு வெள்ளைத் தோல் அடிமையாக நானும் பிளவு படாத புட்டின் எதிர்ப்பை அமெரிக்க தலைவர்களிடம் எதிர்பார்க்கிறேன், யாசிக்கிறேன். ட்ரம்ப் இல்லாமல் வேறு யாரும் வந்திருந்தால் சிவப்புக் கட்சியினர் புட்டின் காதலர்களாக இருந்திருக்க மாட்டார்களென்பதும் உண்மை. சதிக் கதைகளை நான் அதிகம் கணக்கெடுப்பதில்லையாயினும் இந்த ட்ரம்பின் புட்டின் காதலுக்குப் பின்னால் ஏதோ இருக்க வேண்டுமென நானும் ஊகிக்கிறேன். அது ஊகமாகவே இன்னும் இருக்கிறது. ஆனால், அமெரிக்க மக்கள் ஏன் அமெரிக்கா உக்ரைனில் முதலிட வேண்டுமென்பதைப் புரிந்தே இருப்பதால், சிவப்புக் கட்சி பெரிதாக உதவிக் குறைப்பைச் செய்ய முயலமாட்டார்கள். சில சமயங்களில் ட்ரம்ப் முயன்ற "பைடனை விசாரிக்க உதவினால் நிதியுதவி" என ஏதாவது செய்ய முயல்வர். ஆனால், அப்படி செய்தாலும் 2024 வெற்றியைப் பணயம் வைத்தே செய்ய வேண்டியிருக்கும்.
  2. இருக்கலாம். ஆனால், செனட் நீலக்கட்சியிடம். கீழ்சபை செனட்டுடன் ஒரு உடன்பாட்டிற்கு வராமல் தனியே எதையும் செய்ய முடியாது. என் ஆசை: சிவப்புக் கட்சி உக்ரைன் உதவியை வெட்டும் முயற்சியை எடுக்க வேண்டும், இதன் மூலம் யோசிக்கும் புத்தியுள்ள சுதந்திர வாக்காளர்கள் 2024 இல் ட்ரம்ப் வென்றால் என்ன நடக்கும் என்று யோசிக்க வைக்க முடியும்!
  3. சும்மா தகவலுக்காகத் தான் குறிப்பிட்டிருக்கிறீர்கள் என்பதை நம்புகிறேன்! பட்டியலில் இருக்கும் ஒபாமா, புட்டின், பின்னர் நான் சேர்த்த ஸ்ராலின், குருஷேவ், அல் கொமெய்னி - இவர்கள் யாவரும் ஒன்றே என்பதைக் குறிப்பிடுவதற்காக அல்ல என்பதையும் நம்புகிறேன்!
  4. 1938 இல் "ஆண்டின் மனிதர்" (TIMES Man of the Year) ஹிற்லருக்கு கொடுக்கப் பட்டிருக்கிறது. ஆனால், அது புகழ்ந்து வழங்கப் பட்டதல்ல என்பதை நீங்கள் ஆழ வாசித்தறிந்திருக்க மாட்டீர்கள்! கீழே இணைப்பில் சென்று வாசியுங்கள். மொழி மாற்றம் அவசியமில்லையென நினைக்கிறேன்! "......Hitler was chosen in 1938 because of his negative impact" Others included former Soviet Union leader Joseph Stalin, former Soviet premier Nikita Khrushchev and Iran's former supreme leader Ayatullah Khomeini" https://www.usatoday.com/story/news/factcheck/2021/08/19/fact-check-hitler-time-magazine-man-year-1938-not-honor/8149799002/ 2022 செலன்ஸ்கிக்கு ஏன் வழங்கப் பட்டதென கூறும் குறிப்பையும் வாசியுங்கள். வாசிப்பு நல்லது, அடிக்கடி உங்கள் கருத்துக்கள் மொக்கேனத்துற்குள்ளாவ்தைத் தடுக்கும் சக்தி வாசிப்பிற்குண்டு கப்ரன்! https://time.com/person-of-the-year-2022-volodymyr-zelensky/?utm_source=twitter&utm_medium=social&utm_campaign=person-of-the-year&utm_term=world_ukraine&linkId=192718440 https://twitter.com/TIME/status/1600470652363866113/photo/1
  5. தகுதியான ஆளுக்குத் தான் கொடுத்திருக்கிறார்கள். இந்த வேளையில் சொந்தக் காலுக்கும் இரவல் காலுக்கும் இடையிலான வேறுபாட்டை சுட்டிக் காட்ட வேண்டும்: 21 ஆண்டுகளில் ஆப்கானிஸ்தானில் அமெரிக்கா செலவழித்த தொகை 2.3 ட்ரில்லியன் டொலர்கள்!- ஆண்டுக்கு 100 பில்லியனுக்கும் அதிகம்! இந்த ஆண்டுக்கு 100 பில்லியன் செலவில், 750 மில்லியன் டொலர்கள் ஆப்கான் இராணுவத்தின் (அரிக்கன் ஆடுகள்?) சம்பளத்திற்கான செலவு. இறுதியில், அந்தச் சம்பளக் காசு ஊழல் தலைகளின் வங்கியில் சேர்ந்தாகக் கண்டு கொண்ட பின்னர் தான் பிளக்கைப் பிடுங்கி விட்டு வெளியேறினர். பின்னர் நடந்தது உலகப் பிரபலச் செய்தி! பெப்ரவரி 2022 முதல் இன்று வரை அமெரிக்கா உக்ரைனுக்கு வழங்கிய தொகை ஏறத்தாழ 18 பில்லியன் டொலர்கள் (மிகுதி நேட்டோ நாடுகள் இதை விட மிகக் குறைவாக வழங்கியிருக்கின்றன). இதை எடுத்துக் கொண்டு, ஊழல்களை பின் தள்ளி விட்டு உக்ரைன் புட்டின் கண்ணில் விரல் விட்டு ஆட்டிக் கொண்டிருக்கிறது. ("ஆப்கானிஸ்தான் அரிக்கன் ஆடுகளை அமெரிக்கா உக்ரைன் போல கவனிக்கவில்லை" என்று அடிக்கடி குறைப்படும் நுணாவிற்கு இது சமர்ப்பணம்!)
  6. யாழ்ப்பாணக் கிணற்றுத் தண்ணீரில் பிரச்சினைகள் இருக்கக் கூடும்: 1. மேலே சுட்டிக் காட்டியிருப்பது போல ஈ.கோலை என்னும் பக்ரீரியாவின் எண்ணிக்கை அதிகம் (coliform count) இருக்கக் கூடும். இணையவன் சொன்ன காரணம் தான். இதனை கொதிக்க வைப்பதால் அல்லது புற ஊதாக் கதிர்வீச்சினால் சுத்தம் செய்வதால் இல்லாமல் செய்ய முடியும். 2. அசேதன உரம் அதிகம் பாவிப்பதால், அதில் இருந்து உருவாகும் நைட்ரேற்றுகள் கிணற்று நீரில் சேரலாம். சுன்னாகம் எண்ணைக் கழிவுப் பிரச்சினையில் நீரைப் பரிசோதித்த போது எண்ணையின் சுவடு இல்லையென்றும், ஆனால் நைட்றேற்றுகள் அதிகம் இருந்ததாகவும் சொல்லியிருந்தார்கள். எண்ணைப் பிரச்சினை பற்றிய அரசியல் சத்தம் காரணமாக இதை யாரும் கண்டு கொள்ளவில்லை. ஈ. கோலையை விட நைட்றேற்றுகள் ஆபத்தானவை: இதனால் குடல் புற்று நோய்கள் ஏற்படலாம். சிசுக்களின் உடலில் நைட்றைற்றுகள் சேர்ந்தால் "நீலக் குழந்தைகள்" (blue baby) நிலை உருவாகலாம். நைட்றைற்றுகளை சில காபன் வடிகட்டிகளால் தான் அகற்ற முடியும், கொதிக்க வைப்பதால் அகற்ற இயலாது. 3. இதை விட, இலங்கையின் வடக்கு, வட மத்திய மாகாணங்களில் "நாள்பட்ட சிறு நீரக நோய் (chronic kidney disease -CKD)" என்ற ஒன்றை பல காலங்களாக அவதானித்திருக்கிறார்கள். இதன் உண்மையான தோற்றுவாயாக ஒன்றைக் குறிப்பிட முடியாதெனினும், தண்ணீரின் அதிக கனிமச் செறிவும், அசேதன உரங்களின் சுவடுகளும், சில பிரதேசங்களில் லெப்ரொஸ்பைறோசிஸ் (Leptospirosis) எனப்படும் பக்ரீரியாத் தொற்றுக்களும் கூட்டுக் காரணிகளாக இருக்கலாம் என்கிறார்கள்.
  7. வெண்முரசை எழுதிய போதும் சரி, கோவிட் பெருந்தொற்றின் போது ஒரு நாளுக்கு ஒரு சிறுகதை என்ற வேகத்தில் எழுதிய போதும் சரி, ஜெயமோகனின் சலிக்காத எழுத்துழைப்பு வியக்க வைத்தது. இதே போல ஆங்கிலத்தில் எழுதும் பெயர் குறிப்பிடத்தகுந்த எழுத்தாளர்கள் இருக்கிறார்களா என்பதும் சந்தேகமே! ஒரு prolific எழுத்தாளராக அறியப் பட்ட ஹருகி முறகாமி என்கிற ஜப்பானிய எழுத்தாளர் கூட, வருடத்தில் சில மாதங்கள் தான் தினசரி உட்கார்ந்து எழுதி முடிப்பாராம் என்று அறிந்திருக்கிறேன்.
  8. நாதம், சுய தணிக்கையோடு மார்ச் மாதத்தைக் கடந்து விட்டால் யாழ் களத்திற்கு மார்க்கண்டேய வரமென்று கருதுகிறேன். ஆனால், ஆட்களைப் பார்வையாளராகவேனும் அதிகம் வரவைத்தால் தான் நிர்வாகத்தினருக்கு தாம் ஒரு பயனுள்ள களத்தை நடத்துகிறோம் என்ற இன்ஸ்பிரேஷன் வரும்! என்னுடைய ஐடியா: நீங்களிருவரும் உங்கள் புறோமான்சை மெது மெதுவாக ஆரம்பியுங்கள். எல்லை மீறும் போல தெரிந்தால் நானோ யாரோ வந்து ஒரு விசில் ஊதுவோம், cue வைப் புரிந்து கொண்டு dial down செய்யுங்கள். பி.கு: எப்பவும் நான் கோசானோடு உங்களைக் கோர்த்து விடுகிறேன் என்ற சந்தேகம் உங்களுக்கிருப்பதால், உங்கள் புறோமான்ஸ் பரிமாற்றங்களில் நான் கருத்தெதுவும் பதியாமல் பல்லைக் கடித்துக் கொண்டு சும்மாயிருப்பேனென உறுதி தருகிறேன்!
  9. இது காய்ச்சல் மிஞ்சிய கருத்து கோசான் ஜீ! ஆள் வலதுசாரி தான். ஆனால், தமிழில் இன்று இருக்கும் ஒரேயொரு prolific எழுத்தாளர் என்பதை யாரும் மறுக்க முடியாதல்லவா?
  10. சிவப்பு அலை வராமல் போக பல காரணங்கள், ஆனால் இரண்டு முக்கிய காரணங்கள்: ட்ரம்பும் , அண்மையில் அமெரிக்க உச்ச நீதிமன்றம் கருக்கலைப்பு உரிமையை (Roe Vs Wade) தேசிய மட்டத்தில் நீக்கி வழங்கிய தீர்ப்பும். இந்தத் தீர்ப்பு வெளிவந்த போது கொண்டாடிய சிவப்புக் கட்சிக் காரர்கள் அடுத்த ஒரு வாரத்திலேயே "அமெரிக்க வாக்காளர்களில் 50% பேர் பெண்கள்" என்பது உறைத்த போதே அச்சத்துடன் அடங்கி விட்டனர். ட்ரம்பின் ஜனவரி 6 கலவரம், காங்கிரஸ் விசாரணையைக் கலைத்து விட்டாலும் கூட அமெரிக்க மக்களின் நினைவிலிருந்து நீங்காது. எனவே, வெல்வதற்கு அவசியமான அந்த 5% பக்கச் சார்பற்ற வாக்காளர்களின் வாக்கு ட்ரம்பின் சிவப்புக் கட்சியினருக்கு எட்டாக் கனி தான்.
  11. தமிழர்களுக்கு மட்டுமன்றி பல தீர்வு, சுயாட்சி தேடும் மக்களினங்களுக்கும் எப்போதுமே அவர்கள் 100% விரும்பும் தெரிவுகள் வெள்ளித் தட்டில் கிடைப்பதில்லை! இலங்கையை ஆளும் சிங்களக் கட்சி முதல், உலகின் வல்லரசுகள் வரை, உள்ள தெரிவுகளில் எமக்கு பாதகம் குறைந்ததைத் தெரிவு செய்ய மட்டுமே எமக்கு இயலுமையுண்டு! இதில் "எமக்கு இரு கண்ணும் போனாலும் பரவாயில்லை, இந்தியாவுக்கு ஒரு கண் போகட்டும்" என்ற உணர்ச்சிமய கோசங்களை வெளிநாட்டில் வாழும் தமிழர்கள் போடலாம் - அதற்கான luxury அவர்களுக்குண்டு! தாயக மக்கள் என்ன நினைக்கிறார்கள் என யாராவது சொல்லுங்கள். சீனா, ஆபிரிக்க நாடுகளில் சர்வாதிகாரிகளையும் ஊழல் வாதிகளையும் ஆட்சியில் ஆதரிக்கிறது - காரணம் அந்த நாடுகளின் வளங்கள். தாய்வானையும், ஹொங்கொங்கையும் கூட சுயாட்சியை விட்டு ஒற்றையாட்சிக்குள் இழுத்து வரும் பிற்போக்குத் தனமும் சீனாவுடையதாக இருக்கிறது. இந்த லட்சணத்தில் இலங்கையில் மிகச் சிறுபான்மையான தமிழர்களின் எதிர்பார்ப்பை சீனா நிறைவேற்றுமா?
  12. உங்கள் தகவல்கள் முற்றிலும் சரியானவையல்ல: 1. பாரம்பரிய தடுப்பூசியும், கோவிட் தடுப்பூசிகளும் ஒரே விஞ்ஞானத் தரத்திலான சோதனைக்குள்ளானவையே - பரிசோதனைக் காலம் மட்டும் அனுமதிக்கப் பட்ட போது 6 வாரங்களாக இருந்து இப்போது 1 வருடம் தாண்டி விட்டது! கோவிட் தடுப்பூசிகள் விரைவாக வெளிவர பரிசோதனை நிலைகள்overlap ஆனதும், முதலீடுகள் உடனே கிடைத்ததுமே காரணம். சொல்லப் போனால், போலியோ தடுப்பூசியைப் பரிசோதித்த போது இருக்காத வெளிப்படைத் தன்மை, கோவிட் தடுப்பூசிகளைப் பரிசோதித்த போது இருந்தது. 2. பைசருக்கு முழு அனுமதி கிடைத்து விட்டது அமெரிக்காவில். மொடெர்னா இன்னும் முழுதாக பரிசோதனை முடிவுகள் கிடைக்காமையால் முழு அனுமதிக்கு விண்ணப்பிக்கவில்லை. ஆனால், real world data இன் படி மொடெர்னாவின் தரம் பைசரை விட சிறிது அதிகம் என்பது கடந்த ஒரு வருடத்தில் நிரூபிக்கப் பட்டு விட்டது. 3. mRNA வக்சீன்கள் வைரசுக்கெதிராகப் பரீட்சிக்கப் பட்டது இதுவே முதல் முறை. பல வருடங்களாக ஆய்வு கூடப் பரிசோதனையில் இருந்தது சில புற்று நோய்கள் உட்பட்ட நோய்களுக்கெதிரான எம்.ஆர்.என்.ஏ சிகிச்சை முறைகள் மட்டுமே, வக்சீன்கள் அல்ல!
  13. கற்பகதரு, இவ்வாறு இயற்கை நோயெதிர்ப்பை மட்டும் நம்பி ஒமிக்ரோனைப் பரவ அனுமதிப்பது பெருந்தொற்று ஆரம்பத்தில் சுவீடன் செய்ததை விட அதிக ஆபத்தான செயல் என்பது விஞ்ஞானிகளின் கருத்து. இதன் காரணங்கள் கீழே: 1. ஒமிக்றோன் காட்டுத் தீ போல பரவுகிறது. 200 பேரில் ஒருவர் தான் மரணிப்பர் என வைத்துக் கொண்டாலும், 1000 பேருக்குத் தொற்ற அனுமதித்தால் 5 மரணங்கள். ஒரு லட்சம் பேரில் தொற்றை அனுமதித்தால் 500 மரணங்கள். இப்படி பகுதியெண் அதிகரிக்கும் அதே வேகத்தில் மரண எண்ணிக்கையான தொகுதியெண்ணும் அதிகரிக்கும். இந்த வாரம் அமெரிக்காவின் கேஸ்களின் எண்ணிக்கை ~243,000. இவர்களுள் 0.5% பேர் அடுத்த 10 நாட்களுக்குள் மரணப் பட்டியலில் சேர்வர். அவர்கள் வயதானவர்கள், உடல் பலவீனமானோர் என இருந்தாலும் - இதைத் தடுக்கக் கூடிய வழி இருக்கும் போது, தடுக்காமல் விடுவது தவறு - அந்த தடுப்பு வழி, மூன்றாவது டோஸைக் கொடுப்பதால் நோய்த்தீவிரம், பரவல் இரண்டையும் குறைப்பது தான். 2. கோவிட் தடுப்பூசிகளின் நீண்டகால விளைவுகள் பற்றி மக்கள் இன்னும் பயம் கொண்டிருப்பது எனக்கு ஆச்சரியமாகத் தான் இருக்கிறது. இலங்கை, இந்தியா போன்ற நாடுகளில் குழந்தைகளாக இருந்த போது நிஜமான நோய் தரும் வைரசுகளைக் கொன்று அல்லது வலுவற்றதாக்கி அதையே உடலினுள் தடுப்பூசியாக எடுத்துக் கொண்ட நாம், இன்று வைரசின் ஒரு பாகத்தை மட்டும் மூன்று நாட்களுக்கு உடலினுள் வைத்திருந்தால் நீண்ட காலப் பாதிப்பு வந்து விடக் கூடும் என்று அஞ்சுவது எனக்கு மிகவும் ஆச்சரியமாக இருக்கிறது.
  14. இதற்கு ஒரு இலக்கத்தைக் கொடுக்க முடியுமாவென்று தெரியவில்லை. கொரனா வைரஸ் போன்ற ஆர்.என்.ஏ வைரசுகளின் விகாரம் வேகமாகவும், எழுந்தமானமாகவும் நடப்பது. சில விகாரங்கள் வைரஸ் தப்பி வாழ உதவாது விட்டால் அவை அழியும்- மனிதர்களுக்கு அதிர்ஷ்டம். சில விகாரங்கள் வைரசை பல்கிப் பெருக அனுமதித்தால் வைரசுக்கு அதிர்ஷ்டம். ஆனால், தற்போது ஒமிக்றோன் வைரசுக்கும் மனிதர்களுக்கும் நன்மை தரும் win-win நிலைமை: வைரஸ் பல்கிப் பெருகும், ஆனால் மனிதர்களை பெருமளவில் கொல்லாத நிலை! எனவே, எந்தத் திசையில் நகரும் என்று தெரியாத வைரசின் மாற்றங்களை குறைப்பது தான் நாம் செய்யக் கூடியது. தடுப்பூசிகள் , தொற்றியவர்கள் தனிமை பேணிப் பரவலைக் கட்டுப் படுத்தல் ஆகியன மூலம், வைரசுக்கு விளைநிலமில்லாமல் செய்வது மட்டுமே நாம் செய்யக் கூடியது!
  15. ஒமிக்றோன் தரும் நோய் கோசான் சொல்வது போல, சுவாசக் குழாயின் மேற்பகுதியோடு தொடர்பான அறிகுறிகளைத் தான் (உ+ம் - மூக்கொழுகல், தொண்டைக் கரகரப்பு, தொண்டை வலி போன்றன) அனேகமானோரில் காட்டுகிறது என அமெரிக்க கேஸ்களைப் பார்க்கும் போதும் தெரிகிறது. அதிகமானோர் தடுப்பூசி எடுத்துக் கொண்டிருப்பதாலும், பலர் ஏற்கனவே இயற்கைத் தொற்றுக்குள்ளாகி நோயெதிர்ப்பைக் கொண்டிருப்பதாலும் இந்த நிலை என ஊகிக்கிறேன். ஆனால், தடுப்பூசி எடுக்காதோரில், சுவாசக் குழாயின் கீழ் பகுதி வரைச் சென்று தாக்குவதால் ஒக்சிசன் குறைதல் போன்ற தீவிர நோய் நிலை ஏற்படலாம். இப்படி சுவாசக் குழாய் மேற்பகுதி மட்டும் பாதிக்கப் படும் நிலைக்குக் காரணம், நாம் மேலே பார்த்த "ரி" வகைக் கலங்களாக இருக்கலாம். ஒமிக்றோன் அன்ரிபொடியின் பாதுகாப்பை மீறி தொண்டையில் இருக்கும் கலங்களினுள் நுழைந்து விடுகிறது. ஆனால், "ரி" வகைக் கலங்களின் கொல்லும் படையணி, இந்தத் தொற்றுக்குள்ளான கலங்களைத் தாக்கி அழிக்கிறது - இதனால் வைரஸ் அழிக்க்கப் பட்டாலும், எங்களுக்கு சிறிது அழற்சி நிலையேற்படும். இது தான் நடக்கிறது என விஞ்ஞானிகள் ஊகிக்கிறார்கள்.
  16. வாழ்த்துக்கள் சுமே. ஏற்கனவே தமிழக புத்தகக் கண்காட்சிகளில் உங்கள் புத்தகங்கள் இடம்பிடித்திருக்கின்றன. அத்துடன் சேர்த்து இதுவும் உங்களுக்கான நல்ல அங்கீகாரம். எரிச்சல் பொறாமை எங்கள் எழுத்துலகில் மிகவும் சாதாரணம் என அறிந்திருக்கிறேன்.
  17. நிழலி, ஆம். வெவ்வேறு தடுப்பூசி வகைகளைக் கலப்பதில் ஆபத்தில்லை. அது மட்டுமன்றி கலக்கும் போது உருவாகும் நோயெதிர்ப்பின் வலுவும் சிறிது அதிகமாக இருப்பதாக ஆய்வுகளில் தெரியவந்திருக்கிறது. வக்சீன்களைக் கலப்பது பற்றிய தமிழினியின் கேள்விக்கு, நெடுக்கரின் திரியில் நான் அளித்த பதில் கீழே:
  18. பிராண்ட் பெறுமதி. சம்பந்தர் விலகினால் அடுத்து கூட்டமைப்பு சார்பில் உலகத்திற்கு முகமாக இருக்கப் போகிறவர்கள் இரு வகையினர்: 1. முயற்சிகள் செய்து சர்ச்சைக்குள்ளாவோர், 2. முயற்சியெதுவும் செய்யாமல் சர்ச்சைக்குள்ளாகாமல் இருப்போர். இந்த இரு தரப்பினரையும் உலகம் தமிழர்களின் முகமாகப் பார்க்காமல் இருக்க, சம்பந்தரின் தலைமை அவசியம்!
  19. ஒமிக்றோன் உலகின் முடிவா அல்லது பெருந்தொற்றின் முடிவா? தடுப்பூசி எடுத்துக் கொள்வோரின் எண்ணிக்கை அதிகரிக்கும் போது, தனி மனிதர்கள் மட்டுமன்றி முழு உலகுமே கோவிட் பெருந்தொற்றிலிருந்து விடுதலை பெறும் வாய்ப்புகள் அதிகரிக்கின்றன. அவ்வாறு எடுத்துக் கொள்ளாதோர் வைரசைப் பல்கிப் பெருக அனுமதிக்கும் போது மேலும் மாறி வைரசுகள் உருவாவவது ஒரு பாதகமான விளைவாக இருக்கும் - இதை கோவிட் பற்றி எழுதிய எல்லாக் கட்டுரைகளிலும் சுட்டிக் காட்டி வந்திருக்கிறேன். "told you so!" என்ற தொனி இல்லாமல், இந்த ஆபத்து நிகழ்ந்தே விட்டது என்பதை இங்கே சுட்டிக் காட்ட வேண்டும்: ஒமிக்ரோன் என்ற மாறி வைரஸ் உருவான தென்னாபிரிக்காவில் தடுப்பூசி எடுத்துக் கொண்டோரின் வீதம் 25% இலும் குறைவாக இருந்திருக்கிறது. மேலும், உடலின் நோயெதிர்ப்பைப் பலவீனப் படுத்தும் எச்.ஐ.வி வைரசின் தொற்றுடையோரின் விகிதாசாரமும் தென்னாபிரிக்காவில் அதிகம் - இந்த இரு காரணிகளும் ஒமிக்ரோன் என்ற ஏராளமான விகாரங்கள் கொண்ட ஒரு வைரஸ் தடையின்றி உருவாகப் பங்களித்திருக்கலாம் என்று ஒரு சந்தேகம் பரவலாக இருக்கிறது. ஒமிக்ரோன் உருவான கதையை விட்டு விடலாம். இனி என்ன செய்யலாம்? வைரஸ் எங்களைத் தீர்த்து விடுமா அல்லது வைரசை நாம் கட்டுப் படுத்தலாமா? எதிர்காலம் (2022) எப்படியிருக்கும்? இவை மட்டும் பற்றிப் பார்க்கலாம். தடுப்பூசியின் இலக்கு மாறியிருக்கிறது மேற்கு நாடுகளில் பயன்பாட்டிலிருக்கும் நான்கு தடுப்பூசிகளின் பலம் ஒமிக்ரோனுக்கெதிராகக் குறைந்திருக்கிறது. வெறுமனே "குறைந்திருக்கிறது" என்பதை சற்று விரிவாகப் பார்ப்பது முக்கியமானது: ஒமிக்ரோன் தொற்றை தற்போதுள்ள தடுப்பூசிகளின் இரண்டு டோஸ்கள் தடுப்பது குறைந்து விட்டது. மூன்றாவது டோஸ் எடுத்துக் கொண்டோரிலும் தொற்றுத் தடுப்பு சிறிது வீழ்ச்சி கண்டிருக்கிறது. ஆனால், மிக முக்கியமானது, மூன்றாவாது டோஸ் எடுத்துக் கொண்டோரில் ஒமிக்ரோனால் தீவிர நோய் ஏற்படுவது வெகுவாகக் குறைக்கப் படுகிறது. எனவே, தான் தடுப்பூசியின் நோக்கம் தற்போது தொற்றை முற்றாகத் தடுத்தல் என்பதில் இருந்து மாறி, தொற்றினால் தீவிர நோய் ஏற்படாமல் தடுத்தல் என்று இப்போது மாறியிருக்கிறது. இதனால், மருத்துமனைகள் மீதான சுமையும், மரணங்களும் குறைக்கப் படுகின்றன. எனவே, தடுப்பூசியின் மூன்றாம் டோஸ் எடுத்துக் கொள்வதற்கு மருத்துவ ரீதியான காரணம் இருக்கிறது. எனவே ஒமிக்ரோன் தொற்றலை வேறு வழிகளால் தடுப்பது தேவையற்றதா? தற்போது பல நாடுகளில் ஒமிக்ரோன் வந்த பின்னர் உள்ளக நிகழ்வுகள், கூட்டம் கூடுதல், முகக் கவசம் என்பன பற்றிய விதிகள் இறுக்கப் பட்டிருக்கின்றன. வேகமாகப் பரவும் ஒமிக்ரோன், தீவிர நோயை உருவாக்குவதாகத் தெரியவில்லை என்ற செய்திகளின் பின்னணியில் இந்தக் கட்டுப்பாடுகள் ஏன் என்ற கேள்வி எழுகிறது. இரண்டு காரணங்கள்: 1. தீவிர நோய்க்குள்ளாகும் ஆட்களின் விகிதாசாரம் குறைவாக இருந்தாலும், மிக அதிக நோயாளிகளை ஒமிக்ரோன் உருவாக்குகிறது - அவர்களுள் தீவிர நோய்க்குள்ளாகி மருத்துவமனை வரை செல்லும் நோயாளிகளின் எண்ணிக்கை அதிகரிக்கிறது. இது சாதாரணமான தொகுதியெண் , பகுதியெண் கணக்கு. 2. வழமையான காரணம் - வைரசைப் பல்கிப் பெருக அனுமதித்தால், ஒமிக்ரோன் போல மேலும் மாறி வைரசுகள் உருவாகும் வாய்ப்புகளும் அதிகரிக்கும். எனவே, சாதாரண வாழ்க்கையைப் பாதிக்காதவாறு, முகக் கவசம், கூட்டம் கூடுதல் குறைத்தல் போன்ற தொற்றல் கட்டுப் பாடுகளை தடுப்பூசி முற்றாக எடுத்துக் கொண்டோரும் பின்பற்றுவதற்கு காரணங்களாக இவை இருக்கின்றன. இனி என்ன செய்யலாம்? விஞ்ஞானம் என்ன தீர்வை வைத்திருக்கிறது? டெல்ரா மாறி உருவாகிப் பரவிய போதே கோவிட்டுக்கெதிரான நோயெதிர்ப்பு பற்றிய ஆய்வுகளில் ஒரு திருப்பு முனை ஏற்பட்டது. கோவிட் தடுப்பில் "பிறபொருளெதிரிகள்" என அழைக்கப் படும் அன்ரிபொடிகளின் பங்கு பற்றி அனைவருக்கும் தெரிந்திருக்கும். எங்கள் உடலின் என்பு மச்சைகளில் உருவாகி, நிணநீர்க்கணுக்களிலும், மண்ணீரலிலும் வளரும் "பி" வகை நிணநீர்க்குழியங்கள் கோவிட் வைரசுக்கெதிரான அன்ரிபொடியை உருவாக்குகின்றன. ஆனால், கோவிட்டுக்கு எதிராக மட்டுமன்றி பல வைரசுகளுக்கெதிராக வேறுவழிகளில் பாதுகாப்பை வழங்கும் இன்னொரு வகை நிணநீர்க்குழியத்தின் மீது கடந்த வருடம் டெல்ரா அலையோடு கவனம் திரும்பியது. என்பு மச்சையில் பிறந்து, தைமஸ் சுரப்பியில் வளரும் நிணநீர்க்குழியங்களை "ரி" வகை நிணநீர்க்குழியங்கள் என்போம். இந்த "ரி" வகை நிணநீர்க்குழியங்களில் ஒரு பகுதி, நேரடியாகவே வைரசுகள் தொற்றிய உடற்கலங்களை தாக்கியழிக்கும் (எனவே கொலைக் குழியங்கள் -killer T-cells எனப் படுகின்றன). அது மட்டுமல்லாமல், இந்த "ரி' வகை நிணநீர்க்குழியங்களில் இன்னொரு வகை, அன்ரிபொடிகளை உருவாக்கும் "பி" வகை நிணநீர்க்குழியங்களை ஊக்குவிக்கும் தொழிலைச் செய்கின்றன (இதனால் "உதவிக் குழியங்கள்" -helper T-cells என அழைக்கப் படுகின்றன) கோவிட்டுக்கெதிரான நோயெதிர்ப்பை தடுப்பூசி மூலமோ, இயற்கையான தொற்றல் மூலமோ எமது உடல் பெறும் போது, இந்த "ரி" வகைக் கலங்களும் கோவிட் வைரஸ் குறித்த அடையாளத்தை எதிர்காலப் பாதுகாப்பிற்காகக் குறித்து வைத்துக் கொள்கின்றன. பின்னர், மீள கோவிட் வைரசை உடல் எதிர் கொண்டால், இந்த "ரி" வகைக் கலங்களும் நேரடியாக தொற்றுக்குள்ளான உடற்கலங்களைக் கொல்வதன் மூலமோ, "பி" வகைக் கலங்களைத் தூண்டுவதன் மூலமோ உடலின் நோயெதிர்ப்பை தட்டியெழுப்பும் வேலையைச் செய்கின்றன. "ரி" வகைக் கலங்களின் வைரசுகளுக்கெதிரான பணி பல காலமாகத் தெரிந்த விடயம். ஆனால், விஞ்ஞானிகள் தற்போது நவீன நுட்பங்கள் மூலம் "ரி" வகைக் கலங்களின் பணியை நீண்டகால கோவிட் தடுப்பிற்குப் பயன்படுத்த முயல்வது தான் புதிய விடயம். பல்வேறு முயற்சிகள் நடைபெற்றாலும்,"ரி" வகைக் கலங்களை, "பி" வகைக் கலங்களோடு சேர்த்துத் தூண்டும் வகையிலான தடுப்பூசிகள் பரீட்சிக்கப் படுகின்றன. இந்த முயற்சிகளின் ஒரு முக்கிய நோக்கம்: கோவிட் தொற்றை முற்றாகத் தடுக்காமல், தடுப்பூசி மூலமும், தடுக்கவியலாத தொற்றுக்கள் மூலமும் எங்கள் உடலின் நோயெதிர்ப்பை நீண்டகாலத்திற்கு நிலைத்திருக்க செய்தல். எனவே, எதிர்காலம் இப்போது உங்களுக்குத் தெளிவாகியிருக்கும்: கோவிட் எங்களோடு இருக்கப் போகிறது, ஆனால் முகக்கவசம், சமூக இடைவெளி பேணல் என்பன அவசியமில்லாத தீவிரமற்ற நோய் தரும் ஒரு வைரசாக இருக்கப் போகிறது. மேலதிக மூலங்கள்: https://www.nature.com/articles/d41587-021-00025-3 https://www.nature.com/articles/s41586-021-04232-5 சொற்பட்டியல்: நோயெதிர்ப்பு - immunity பிறபொருளெதிரிகள் - antibodies மாறி வைரஸ் – variant virus நிணநீர்க்குழியம் – lymphocyte "பி" வகை நிணநீர்க்குழியம்/ "பி" வகைக் கலம்: B-lymphocyte/ B- cell "ரி" வகை நிணநீர்க்குழியம்/"ரி" வகைக் கலம்: T-lymphocyte/T-cell என்பு மச்சை- bone marrow நிணநீர்க்கணு- lymph node மண்ணீரல் - spleen தைமஸ் சுரப்பி- thymus gland கொலைக் கலம்- Killer T-cell உதவிக் கலம் – Helper T-cell தொகுப்பு: ஜஸ்ரின்.
  20. அஷோக்பரன் நல்ல நோக்கத்தில் தான் சொல்கிறார். ஆனால், கூட்டமைப்பிற்குள் நிகழும் சாதாரண விடயங்களைக் கூட தங்கள் தீவிர தமிழ் தேசிய அரசியலை முன்னிறுத்துவதற்குப் பாவிக்க ஒரு குழு எப்பவும் காத்திருக்கும். சம்பந்தர் பாராளுமன்றம் போய் பேசுவதால் மேலதிக நன்மைகள் எதுவும் கிடைத்துவிடாது, எனவே அதனால் இழப்பில்லை. ஆனால், ஒரு figurehead ஆக அவர் தான் தமிழர்களைப் பிரதிநிதித்துவம் செய்யும் ஒரு கட்சிக்கு இருக்க வேண்டும்.
  21. நீங்கள் சொன்னது போல நீதிமன்றில் தண்டனை வழங்கப்படவில்லையென்பது தெரிகிறதா இப்போது? விளக்க மறியல் என்பது சிறைத்தண்டனை தான் என்று வாதிட மாட்டீர்களென நம்புகிறேன்!
  22. நீங்கள் ஜோர்ஜியா போன்ற ஜனநாயக நாடொன்றிலா இருக்கிறீர்கள்?: பேசவிடாமல் கூட்டம் குழப்புவது, புகைக்குண்டெறிவது, முகத்தை துணியால் மூடிக் கொண்டு ஒருமையில் திட்டுவது இவையெல்லாம் உங்கள் "ஜனநாயகம்" போல? இவற்றை யாரும் படிப்பித்திருக்க மாட்டார்கள் என்பது சரியே! தெரு முனையில் நிற்கும் றௌடிகளின் "ஜனநாயக முறைகளே" இவை!
×
×
  • Create New...

Important Information

By using this site, you agree to our Terms of Use.