ragunathan

கருத்துக்கள உறவுகள்
  • Content Count

    5,354
  • Joined

  • Last visited

  • Days Won

    35

ragunathan last won the day on January 10

ragunathan had the most liked content!

Community Reputation

1,342 நட்சத்திரம்

About ragunathan

  • Rank
    Advanced Member
  • Birthday 12/05/1973

Contact Methods

  • ICQ
    0
  • Yahoo
    anton_devaranjith@yahoo.com

Profile Information

  • Gender
    Male
  • Location
    Sydney
  • Interests
    Politics, music, sports.

Recent Profile Visitors

6,483 profile views
  1. இது சுத்த மொள்ளமாரித்தனம். பாவிக்கக் கூடிய எல்லாவகை அழிவாயுதங்களையும் ஏவி, தமிழர்களை நரவேட்டையாடியபின்னர், ஆயுதங்களைக் களைந்தால் என்ன இல்லாவிட்டாலென்ன? எதுவுமே எமக்கு மீளக் கிடைக்கப்போவதில்லை. சர்வதேச ஆயுதக் களைவு ஒப்பந்தத்தில் இடம்பெறுவதன் மூலம் நற்பெயரைச் சம்பாதிக்க முடியுமென்றால், இழைக்கப்பட்ட மனித நாகரீகத்திற்கெதிரான கொடூரங்களுக்கு சர்வதேச நீதியுடன் தண்டனை வழங்கலாமே? இது உங்களின் நற்பெயரை இன்னுமல்லவா மெருகூட்டும்?
  2. ஆணையாளரின் இந்தக் கூற்றின் மூலம் தெளிவாவது என்னவெனில், போர்குற்றவாளிகள் தப்பிக்க விடப்பட்டால் அவர்கள் மேலும் மேலும் இவ்வாறான குற்றங்களில் ஈடுபடக்கூடும் அல்லது இவர்களின் தப்பித்தல் என்பது எதிர்காலத்தில் அரச படைகளில் இருக்கும் ஏனையோருக்குப் பிழையான முன்மாதிரியாக இருக்கும் என்பதைத்தான். தண்டனைகள் ஏதுமற்ற பாரிய மனிதவுரிமை மீறல்களைச் செய்ய இது அவர்களுக்கு உதவியாகவிருக்கும். இதற்கு இன்னொரு யுத்தம் தேவையென்பதில்லை. மக்களின் அடிப்படை உரிமைகளுக்கான ஜனநாயக எழுச்சிப் போராட்டங்கள் கூட அரச படைகளினால் கொடூரமான மனிதவுரிமை மீறல்கள் மூலம் முடிவிவிற்குக் கொண்டுவரப்படலாம் என்பது இங்கே கவனிக்கத் தக்கது. இது வடக்குக் கிழக்கில் வேற்றுமொழிபேசும் மக்களுக்கெதிராக மட்டும் அல்லாமல், தமது மொழிபேசும் சிங்களவருக்கெதிராகக் கூட நடத்தப்படலாம். சில வருடங்களுக்கு முன்னர் சிங்களப் பகுதியொன்றில் சுத்தமான குடிநீர் கேட்டு ஆர்ப்பாட்டத்தில் ஈடுபட்ட ஊர்மக்களை வன்னி இனவழிப்புப் போரில் பங்குகொண்ட பிரிகேடியர் ஒருவனும் அவனுக்குக் கீழிருந்த ராணுவத்தினரும் சுட்டுக் கொன்றது நினைவிருக்கலாம். மக்களைக் கேள்விகளின்றிக் கொல்லலாம் என்று அவனுக்கு வன்னி இனவழிப்புப் போரில் வழங்கப்பட்ட ஆணையை அப்படியே ஏற்று சிங்களவர்கள் மீதும் காட்டியிருந்தான். முதலாவது அப்பாவித்தமிழனைக் கொல்லும்போதே அந்தச் சிங்களச் சிப்பாய்மீது நடவடிக்கை எடுத்திருந்தால் இன்று ஒன்றரை லட்சம் தமிழர்களை இழந்திருக்க மாட்டோம். ஆகவேதான், மனிதகுலத்திற்கெதிரான பாரிய குற்றங்களைப் புரிந்த இந்த மிருகங்கள் தப்பிக்க விடக் கூடாது என்று அம்மையார் நினைக்கிறார். இதில் தூண்டிவிடுதல் எதுவும் இருப்பதாகத் தெரியவில்லை.
  3. இல்லை, நான் அப்படியான அர்த்தத்தில் சொல்லவில்லை. சிறிலங்கா அப்படித்தான் மக்களை வைத்திருக்கிறது என்று சொல்கிறேன். அவர்கள கவலைப்படவேண்டும் என்று நான் ஏன் ஆசைப்படுகிறேன்?
  4. எங்களைவிடவும் தென்னமெரிக்க, வடக்கு ஆப்பிரிக்கர்கள் மகிழ்ச்சியாக இருக்கிறார்கள்! ஆனால் இந்தியாகூட எங்களைப்போலதான். எப்போதுபோல கனடாவும் அவுஸ்த்திரேலியாவும், ஸ்கண்டிநேவியாவும் மகிழ்வுடன் இருக்கிறார்கள்.
  5. தமிழின உணர்வென்பது சிறிதாவது இருக்கிறதா உங்களுக்கு ? எம்மில் லட்சக்கணக்கானோரைக் கொன்று ஏப்பம் விட்ட கட்சியுடன் சேர்ந்துகொண்டு, அதை நியாயப்படுத்த உங்களால் எப்படி முடிகிறது ?
  6. அப்போ, மிகவும் கவலையான நாடுகளின் பட்டியலில் எத்தனையாவது இடம்? முதலாவது ???
  7. கிறீஸ்த்தவர்களின் பைபிளில் மிகவும் பழமையானது ஆதியாகமம். சொல்லப்பட்டிருக்கும் கதைகளில் பெரும்பாலானவை எழுதியவர்களால் ஊகிக்கப்பட்டவை அல்லது, இப்படித்தான் எல்லோரும் நம்பவேண்டும் என்பதற்காக எழுதப்பட்டவை. இதில் சொல்லப்பட்டிருக்கும் விடயங்களை விஞ்ஞான ரீதியில் நிறுவுவதற்கு எந்த சான்றும் இல்லை. அதிலொன்றுதான் ஆதாமினதும் ஏவாளினதும் கதை. எனது கடவுள்கள் பற்றிய விளக்கத்தை இதற்குமேல் தொடர விரும்பவில்லை. கூர்புக் கொள்கை பற்றி முன்னர் எனக்குத் தெளிவு இருக்கவில்லை. குரங்கலிலிருந்து மனிதன் வந்திருந்தால், குரங்குகள் இன்னும் ஏன் இருக்கின்றன என்பதே அந்தத் தெளிவின்மைக்குக் காரணம். ஆனால், இப்போது அதுபற்றி நன்கு விளங்கிவிட்டது. கூர்பென்பது அதன் மூலத்திலிருந்து இன்றுவரைக்கும் நடந்துகொண்டுதான் இருக்கிறது. இருக்கும் ரெண்டு அல்லது மூன்று உயிரினங்களிலிருந்து உருவாகும் ஒரு புதிய உயிரினம் தனது மூதாதையர்களை அழித்துத்தான் உருவாகவேண்டிய தேவையில்லை என்பது தெளிவாகிறது. இதுவே மனிதர்களாகிய நாமும் சிம்பான்ஸிகளும் மச்சான்கள் எனும் விளக்கத்திற்குக் காரணம். இன்னுமொருமுறையில் விளங்கப்படுத்தினால், பூனைக்குடும்பத்தில் உள்ள வீட்டுப்பூனை, சிறுத்தை, புலி, சிங்கம் ஆகிய அனைத்துமே இன்று சமாந்தரமாக உயிர்வாழ்கின்றன என்பது. கல்வியறிவும், உலகறிவும் இல்லாத காலத்தில் மக்களுக்கு தாம்விரும்பும் ஒரு விடயத்தைக் கடவுள் எனும் நாமத்தைப் பாவித்துப், பயப்படுத்திப் புகட்டினார்கள். ஆனால், இன்று எதையுமே கேட்டு அறிந்து, புரிந்துகொள்ளுகிறோம். மதம் சொல்லும் விடயங்கள் கேள்விக்குள்ளாக்கப்படுவதும், பொய்யென்று நிரூபிக்கப்படுவதும் தடுக்கமுடியாததாகிவிடுகிறது. அப்படியானால், மதமும் கடவுளும் எதற்கு ? தெரியவில்லை, அப்படியொன்று இருந்தால் நன்றாக இருந்திருக்கும் என்று அங்கலாய்க்கும், அறிவில்லாத மனத்திற்கு மட்டும்.
  8. இந்த கொன்ஸ்பிரஸி தியரியை நானும் கேட்டிருக்கிறேன். இதுபோலவே பரனைட் 911 என்றும் ஒன்று வந்தது. அநேகமாக இவர்கள் வாதத்திற்காக முன்வைக்கும் விடயங்கள் எவராலும் கேள்விக்குள்ளாக்கப்படுவதில்லை. உதாரணத்திற்கு, விமானம் இடித்த கட்டிடங்களுக்கு அருகிலிருந்த கட்டிடங்கள் எந்தவிதமான தாக்குதலுக்கும் முகம் கொடுக்காமலேயே வெடிகுண்டுகளை நேர்த்தியாக வைத்து கட்டம் கட்டமாக விழுந்து நொருங்குகிறதென்பது. அதேபோல, உயர் வெப்பநிலைகளுக்குத் தாக்குப் பிடிக்கக் கூடிய உருக்கிரும்பினால் ஆன கட்டிட தூண்கள் வெறுமனே 800 டிகிரீ செல்ஸியஸில் உருகியதென்பது. அவ்வாறே, கட்டிடங்களுடன் மோதும் விமானங்களில் ஒன்று பயணிகள் விமானம் போல் அல்லாது பொதிவிமானமாக இருப்பதென்பதும், விமானம் கட்டிடத்துடம் மோதுவதற்கு முன்னமே விமானத்தின் அடியில் நெருப்புப் பிழம்பு தென்படுவதும், அது ஒரு ஏவுகணையாக இருக்கலாம் என்பதும். அவ்வாறே, பென்ரகன் தளத்திற்கருகில் இருந்த எந்தக் கமராவிலும் விமானம் ஒன்று தாழ்வாகப் பறப்பது பதியப்படவில்லை என்பதும், அண்மையில் அமைந்திருந்த எரிபொருள் நிரப்பு நிலையம் ஒன்றின் சி சி டீவீ கமெராவின் ஒளிப்படங்கள் இதுவரை வெளியிடப்படவில்லை என்பது. நெடுநாட்களுக்காக கொடுக்கப்பட்ட மக்களின் அழுத்தத்திற்குப் பின்னர், அரசு வேண்டா வெறுப்பாக வெளியிட்ட பென்ரகன் தாக்குதல் சம்பவத்தில் சடுதியாகத் தோன்றி மறையும் பொருள் விமானம் அல்ல, மாறாக ஏவுகணையென்பது. இப்படி, தாம் முன்வைக்கும் கேள்விகளுக்கு பல நிபுணர்களையும் பேட்டி கண்டு தாம் கூறுவதன் நம்பகத்தன்மையை அதிகரிக்க முற்படுகிறார்கள். ஆனால், இறுதியில், நீங்களே சிந்தித்துப் பாருங்கள் என்று உங்கள் தலைக்குள் போட்டுவிடுகிறார்கள். அமெரிக்காவின் தலைவராக இருந்த புஷ் மற்றும், டிக் செனி, டொனால்ட் ரம்ஸ்பீல்ட் ஆகியோர் பற்றிய நம்பகத்தன்மையும் இந்த கொன்ஸ்பிரஸி தியரிகள் வேகமாகப் பரவுவதற்கு இன்னுமொரு காரணம். ஏனென்றால், தாக்குதல் நடந்தவேளை, புஷ் ஒரு சிறுவர் பள்ளியில் சிறார்களுடன் உரையாடிக்கொண்டிருக்கிறார். அவரது உதவியாளர் தாக்குதல்பற்றி அவரின் காதில் மெதுவாகச் சொல்லும்போது, அவரது முகத்திலுள்ள உணர்ச்சிகள் பற்றிப் பலரும் விமர்சிக்கிறார்கள். அதாவது, தாக்குதல்பற்றி முன்னமே தெரிந்திருந்ததினால்த்தான், அவரது முகத்தில் எந்தவித அவசரமோ, அதிர்ச்சியோ இருக்கவில்லை என்பது. ஆனால், சிறுவர்கள் முன்னால் தனது அதிர்ச்சியை வெளிப்படுத்த அவர் முனையவில்லை என்று மற்றவர்கள் சொல்கிறார்கள். அதேபோன்று, ஆயுத உற்பத்தி நிறுவனங்கள், மசகு எண்ணெய் வியாபாரக் கம்பெனிகள் என்பவற்றில் முதலீட்டாளர்களாக அல்லது பங்குதாரர்களாக இருந்த டிக் செனி மற்றும் ரம்ஸ்பீல்ட் போன்றவர்கள் புஷ்ஷுடன் தமக்கிருந்த நெருக்கத்தைப் பாவித்து இத்தாகுதலை நடத்தி ஒரே நேரத்தில் ஈராக்கிலும், ஆப்கானிஸ்த்தானிலும் இரு சண்டைகளை நடத்தத் தீர்மானித்தார்கள் என்று சொல்பவர்களும் உண்டு. ஒஸாமாவின் தோழர்களால் இத்தாக்குதல் நடத்தப்பட்டதாகவே நான் நம்புகிறேன். சொந்தச் செலவில் சூனியம் வைப்பதுபோல தனது சொந்த மக்களில் 3000 பேரைக் கொல்லவேண்டிய தேவையோ அல்லது அதற்கான கொடூரக் குணம்கொண்டவர்களாகவோ நான் புஷ்ஷையோ அல்லது அவரது சகாக்களையோ பார்க்கவில்லை. ஆனால், பதில்த்தாக்குதல்களாக புஷ்ஷும் அவரது சகாக்களும் ஆரம்பித்த இரு யுத்தங்களில் கொல்லப்பட்ட மில்லியன்கணக்கான பொதுமக்கள், இதுவரையுமே கண்டுபிடிக்கமுடியாமல்ப் போன சதாமின் பாரிய அழிவைக் கொடுக்கும் ஆயுதங்கள் என்று பார்க்கும்போது, காகம் இருக்கப் பனம் பழம் விழுந்த கதைதான் எனக்கு நினைவிற்கு வருகிறது. ரெட்டைக் கோபுரத் தாக்குதல் அமெரிக்கர்களால் திட்டமிடப்பட்டது அல்ல. ஆனால், அதற்குப் பின்னர் நடந்த அனைத்துமே அமெரிக்கர்களால், ரெட்டைக் கோபுரத் தாக்குதலிற்கு முன்னமே தீர்மானிக்கப்பட்டவை. சரியான தருணம் வரும்வரை பார்த்திருந்தார்கள் என்பதுதான் எனது கருத்து.
  9. இறுதிக்கட்டபோரில் கொல்லப்பட்ட மக்களை வேண்டுமென்றே குறைத்து மதிப்பிட்டது முதல், "அடித்து முடிக்கட்டும், எல்லாம் முடிந்தபின் செத்தவர்களை எண்ணிக்கொள்ளலாம்" என்று பேசாமல் இருந்ததுவரை ஐ. நா வின் கைங்கரியம் மிகப் பிரமாதம். 2008 இல், மக்களைச் சாவு துரத்தியபோது, அவர்களை அம்போ என்று விட்டு விட்டு தப்பிக்கொண்டவர்கள் தான் ஐ நா வினர். இவர்களின் கண் முன்னாலேதான் 1994 இல் ருவாண்டாவில் மில்லியன் கணக்கான டுட்சிகளை ஹூட்டூக்கள் வெட்டிக் கொன்றார்கள். இவர்களால் கஷ்ட்டப்படும் மக்களுக்கு எதுவுமே கிடைக்கப்போவதில்லை. ஆக்கிரமிப்பாளனையும், ஆள்பவனையும் கண்ணை மூடிக்கொண்டு ஆதரிக்கும் ஈவு இரக்கமற்ற கனவான்களின் குழுதான் ஐ. நா.
  10. இப்படியொன்று இடம்பெறுவது தமிழ்ப் பிரதிநிதிகளுக்குத் தெரியுமா? இதைத் தடுக்க இதுவரை இவர்கள் என்ன செய்திருக்கிறார்கள்? அல்லது, இவை அவர்களது செயற்பாட்டுப் பட்டியலில் இல்லையா? ரணிலின் அரசைத் தக்கவைப்பதுடன் ஒப்பிடும்பொழுதோ அல்லது ஐ. நா வில் இலங்கைக்கு மேலும் கால அவகாசம் கேட்கும் தீர்மானத்திற்கு ஆதரவாக குரல்கொடுப்பதுடன் ஒப்பிடும்பொழுதோ, இது முக்கியமானதாகத் தெரியவில்லையா? இவற்றைத் தடுப்பது இவர்களின் கடமையில்லை என்றால், இவர்கள் கடமைதான் என்ன? அரசியல்க் கைதிகளின் விடுதலைக்கான போராட்டம், காணாமல் ஆக்கப்பட்டோருக்கான தேடுதல்ப் போராட்டம், ராணுவம் ஆக்கிரமித்து நிற்கும் தமது காணிகளிலிருந்து வெளியேற்றும் போராட்டம் என்று மக்கள் தாமே செய்துவரும் போராட்டங்களுடன் சேர்த்து, இந்த சிங்கள ஆக்கிரமிப்பிற்கெதிராகவும் போராடவேண்டுமென்று இந்தப் பிரதிநிதிகள் எதிர்பார்க்கிறார்களா? இப்படியே மக்களே தமக்கான போராட்டங்களை முன்னெடுத்தால், இவர்கள் எதற்கு ? மக்கள் போராடிப் பெற்றுக்கொள்ளும் சிறிய சிறிய வெற்றிகளையும் தமது தலையில் சூடிக்கொள்வதற்கா? சர்வதேசமே திரண்டிருக்கும் ஐ. நா வில் இன்று மொத்தப் பிரதிநிதிகளும் நிற்கிறீர்களே, ஒருவருக்காவது இந்த திட்டமிட்ட சிங்களப் பேரினவாதிகளின் குடியேற்றம் தொடர்பாகப் பேச வேண்டும் என்கிற எண்ணம் வந்ததா? சர்வதேசத்திற்குக் கொண்டுபோகிறோம், சர்வதேசத்திற்குக் கொண்டுபோகிறோம் என்று அடிக்கடி சொல்வீர்களே, அதை இப்போதாவது செய்யலாமே? எமதுவிடுதலைப் போராட்டத்திற்கான முக்கிய பிரச்சினைகளில் ஒன்றான எமது தாயகம் திட்டமிட்ட முறையில் சிங்கள பெளத்த பேரினவாதத்தால் ஆக்கிரமிக்கப்படுவது தெரிந்தும் மெளனமாகவிருந்தால், நீங்களிருப்பதில் தமிழர்கள் கண்ட பயன் என்ன?
  11. ஐ நா மனிதவுரிமைகள் ஆணையாளரின் முக்கிய கோரிக்கைகளை நிராகரித்தது சிறிலங்கா தற்போது நடைபெற்று வரும் ஐ நா மனிதவுரிமைகள் ஆணைக்குழு அமர்வுகளில் இலங்கை தொடர்பாக ஐ நா மனிதவுரிமைகள் ஆணையாளர் மிச்செல் பச்சிலெட் முன்வைத்த இரு முக்கிய கோரிக்கைகளான இலங்கையில் ஐ நா மனிதவுரிமைகள் ஆணைக்குழுவின் அலுவலகம் ஒன்றினை ஆரம்பித்தல் மற்றும் கால வரையறைக்கு உற்பட்ட முழுமையான விசாரணைப் பொறிமுறை ஒன்றினை நிறுவுவது ஆகியவற்றை இலங்கை முற்றாக நிராகரித்திருக்கிறது. இதுதொடர்பாக விளக்கமளித்த ஐ நா விற்கானவிற்குச் சென்றிருக்கும் சிறிலங்காப் பிரதிநிதியும் அந்நாட்டின் வெளிவிவகார அமைச்சருமான திலக் மாறப்பன, "எமக்கும் முடிவுகள் தொடர்பான ஆர்வம் இருக்கிறது, ஆனால் பல்லாண்டு காலப் பழமை வாய்ந்த, உணர்வுபூர்வமான, சிக்கலான ஒரு பிரச்சினைக்கு காலவரையறை வகுத்துத் தீர்வு வழங்குவதென்பது தோல்வியிலேயே முடிவடையும். ஆகவே, கால வரையறை ஒன்றை எம்மால் ஏற்றுக்கொள்ள முடியாது". "அதேபோல , போரின் இறுதிக்கட்டத்தில் நடைபெற்றதாகக் கூறப்படும் மனிதவுரிமை மீறல்களை விசாரிப்பதற்கு சர்வதேச நீதி விசாரணைப் பொறிமுறை ஒன்றினை நிறுவுவதனை நாம் முற்றாக நிராகரிக்கிறோம். எமது அரசியல் யாப்பின்படி, இலங்கையின் பிரஜை அல்லாத ஒருவரை நீதிபதியாக அங்கீகரிக்க முடியாது, ஆகவே இவ்வாறான விசாரணையென்பது எமது அரசியல் யாப்பின்படி செல்லுபடியாகாது". "இறைமையுள்ள நாடு என்னும் அடிப்படையில், இலங்கையில் வாழும் பல்லின பல்கலாசார மக்கள் அனைவரினதும் நலன்களைக் கருத்திற்கொண்டு, அவர்களுக்கு உகந்தவாறே முற்றான அமைதியை நோக்கிய நடைமுறைகளை, தனது சொந்த நேர அட்டவணை ஒன்றின்மூலம் மட்டுமே உருவாக்கிக்கொள்ளும்" என்றும் கூறியுள்ளார்.
  12. நிழலி, இவருடன் நேரடியாகத் தொடர்புகொள்ளும் வழி உங்களுக்கு இருக்கிறதா? முடிந்தால்ச் சொல்லுங்கள். நன்றி
  13. சுமந்திரன் பேசுவதற்கும், சம்பந்தன் மாவை போன்றோர் பேசுவதற்குமிடையே அதிகளவு வித்தியாசம் இருப்பது ஏன்? சம்பந்தன் அண்மையில்க் கூட தமிழர்கள் அவர்களது விருப்பத்திற்கு எதிராகச் சிங்களவர்களால் பலவந்தமாக ஆளப்படுகிறார்கள் என்று ஐ. நா பிரதிநிதி ஒருவரிடம் கூறியிருக்கிறார். மாவையோ, தீர்மானத்தைப் பிற்போடுவதற்கோ கால அவகாசத்திற்கோ இடமில்லை என்று கூறியிருக்கிறார். ஆனால், சுமந்திரனோ கால அவகாசம் இருப்பதாக இன்னொரு பெயரில் கூறுகிறார். இதில் எவர் கூறுவது சரி? கூட்டமைப்பிற்கு எத்தனை தலைவர்கள்? எவர் கூறுவதை தமிழர்கள் ஏற்றுக்கொள்வது?
  14. போர்க்குற்றவாளிகளைக் கைதுசெய்வதற்கு இந்தியா ஏன் தயங்குகின்றது என்று ஏன் யாருமே கேட்கவில்லை? தமிழகத்தில் 7 கோடித் தமிழர்கள் வசிக்கிறோம், ஒருவருக்குக் கூடவா இதுபற்றிக் கேள்வி எழவில்லை? உங்களின் உறவுகளில் 150,000 பேரைக் கொன்று வேட்டையாடிய மிருகங்களை உங்கள் நாட்டில் கைதுசெய்யுங்கள் என்று ஐ. நா கேட்கின்றபொழுது, உங்கள் நாடு முடியாதென்கிறதே, அது ஏன் உங்களுக்கு ஒரு பிரச்சினையாகத் தெரியவில்லை? குறைந்தபட்சம் இவ்விடயம் பற்றி பொதுத் தளங்களிலோ அல்லது தேர்தல் மேடைகளிலோ பேசலாமே?