Jump to content

நிலாமதி

கருத்துக்கள உறவுகள்
  • Posts

    10211
  • Joined

  • Last visited

  • Days Won

    12

Posts posted by நிலாமதி

  1. பேருந்தில் இறங்க விடாது  சித்திரவதை 

    காணாமல் ஆக்க படடோரின் உறவுகள் , பேரூந்தில் இருந்து   இறங்க விடாமல் காவல் துறை  கட்டுப்படுத்தினர். 

  2.  எல்லோரும் மூளையை கசக்கி யோசித்தாயிற்று இன்னும் சொல்லவே இல்லை அது என்ன கடி என்று   .அலர்ஜி அல்லது   மனப்பிரமை என்று தான் எண்ணுகிறேன். 

  3.  உன்னை நினைச்சு நினைச்சு உருகி போனேன் மெழுகா 
    நெஞ்ச  உதைச்சு  உதைச்சு பறந்துபோனா அழகா 

    உன்னை நினைச்சு நினைச்சு உருகி போனேன் மெழுகா 
    நெஞ்ச  உதைச்சு  உதைச்சு பறந்துபோனா அழகா 

    உன்னை நினைச்சு நினைச்சு உருகி போனேன் மெழுகா 
    நெஞ்ச  உதைச்சு  உதைச்சு பறந்துபோனா அழகா 

    யாரோ அவளோ என்னை தீண்டும் காற்றின் விரலோ 
    யாரோ அவளோ எனைத்தீண்டும் தாயின் குரலோ 

    • Like 2
  4. ஈழப்பிரியன் அண்ணா  நான் பெரிய திரையில் தான் எழுதுகிறேன். மோகனின் விளக்கத்துக்கு பின் தெளிந்தேன். எனக்கு கருத்து எழுதும் பகுதியில் சின்ன திரையும்   புதியபதிவு போடும்பகுதியில் பெரிய திரையும் இரண்டும் இருக்கின்றன. இவ்வாறுதான் அமைக்க பட்டு இருக்கிறது. 

  5. ஈழத்திருநாடே  என் அருமைத் தாயகமே,
    உன்  நிலைகண்டு  வருந்துகிறேன் கொடிய 
    நோய் கொடுத்த துயர் மறையும்  முன்னே 
    கொடும் பசி வாட்டுகிறதே  
    பொருட்களின் விலையேற்றத்தால் 
    மக்கள் துயர் கூடுகிறதே.  

    கோல் உயர்ந்தால் குடி உயரும் கோலேந்திய 
    ராஜ பக்சேக்களின்  சுயநலமும் சொத்து சேர்ப்பும்
    தமிழ் ஈழத்தின் மீதான கொடும் போரும் 
    உலகை துணைக்கழைத்து சாம்பல் மேடாக்கிய  
     ஈழ விளைநிலமும் மக்களின் சாபமும் கண்ணீரும்  
    அளவுக்கு மீறிய கடனும் கடனுக்கு 
    வட்டி கட்டிட மேலும் கடனும்  
    சீனனுக்கு கொடுத்த தாரை வார்ப்பும்  
    என் நில மக்களை வாட்டி வதைக்கிறதே  

    தலைநகரில், கடையில் வாங்கி உலையில் போடும் மக்கள் 
    பேப்பர் கட்டுக்களாய் பணத்தை வாரி வீசினாலும் 
    அரைவயிறு நனைகிறதா ? பதுக்கி வைத்த 
    சொத்துக்களையெல்லாம் உனது கூட்டுக குழுவுடன்  
    சற்று தானம் செய்தல் ஓரளவு உயர்வாய். 
    மனசு வருமா ? நாட்டை நடத்த தெரியாமல் வீண் வீம்பும் , 
    ராணுவத்துக்கு செலவிடட பணமும்  
    அளவுக்கு மிஞ்சிய ராணுவ படையும் பலமும் (?) ..
    உன் சொந்த மக்களை  இந்நிலைக்கு கொண்டு சென்றது 

    உன்னை தேர்வு செய்த சிங்க( ள)இனமே உன்னை  
    வெறுக்கையில்  உன் ஆடசியின் நீட்ச்சி தேவையா ?
    வரலாற்றில் இல்லாத வறுமையும்  துயரமும்  ஏன்?  
    உன் அடக்குமுறை போரில் அடிமைபட்டுக் கிடந்த
    என் ஈழத்தமிழினம்  எப்படியாவது வாழ்க் கற்று விட்ட்து .

    மண்ணை கிண்டி  வலையை வீசி  விறகடுப்பில் வெந்து 
    வாழ்க்கையை ஓட்டும் ஆனால் தற்பெருமைத் 
    தலைநகரில் கட்டிடக் கூடுகளில் சஞ்சரிக்கும் 
    புறாக்களாக வாழும் கொலோம்போ மக்கள் தான் பாவம்.
     கிராமத்தான் ஓரளவு வாழ்ந்து விடுவான் ஏனையவ்ர்  

    நீண்ட கியூ வரிசையில்  விரக்தியின் விளிம்பில் 
    ஒவ்வொரு பொருட்களுக்கும் வரிசையில்  நிற்கும் 
    மனிதனின் மனதில்  உதிக்கும் ஒரு வெறுப்பு  
    அது ராஜபக்சேக்களின்கொடுங்கோல் சுயநல 
    ஆடசியை  மன்னிக்காது. வரலாறாய் வரிப்படுத்தப்படும்.  

     

     நான் புலம்பெயர்ந்து ஆண்டுகள் முப்பது ஆனாலும் என் நாட்டு மக்களை எண்ணும்போது ஏற்படட துக்கம்

    என்னை மேலுள்ளவாறு கிறுக்க வைத்துவிட்ட்து.  . 

    • Like 11
  6. வணக்கம் மோகன் .  

     நிலாமதி பணிவுடன் எழுதுவது ..எனக்கு பதிவு எழுதும் பக்கத்தில்  எழுத்துக்களை பெரிது   சிறிது ஆக்கும்  பொத்தானும் (button ) நிறமூட்டும் அடையாளமும்  வருவது இல்லை. அதை மீட்டேடுக்க என்ன செய்யலாம் ?எங்கு சென்று திருத்த வேண்டும். என அறியத்தரவும்.

  7. ஒரு மனிதனின் வாழ்க்கைச்  சக்கர சுழற்சியின்போது  இன்பமும் துன்பமும் மாறி மாறி வரும். ஒரு  அழகிய கிராமத்திலே சற்று வசதி படைத்த  குடும்பத்தில்  ஒரு கணவனும் மனைவியும் ,அவர்களது  இல் வாழ்வின் வசந்தமாக வந்துதித்தாள் கவினா ...காலம் உருண்டோட அவள்  பள்ளி செல்லும் காலம் வந்தது .  இனிய பள்ளிக் காலம் தன் ஓடடத்தில்  அவளை பத்தாம்   வகுப்புக்கு நகர்த்தியது.  இவர்களின் வீட்டுக்கு  உதவிக்கு வரும்  வேலப்பனின்  சகோதரி  மாணிக்கம் குடும்பத்துக்கு  அழகான ஐந்து குழந்தைகள் .  வேலப்பன் தூரத்து  உறவென்றாலும் கஷ்டத்தின் நிமித்தம் தன்  வயல் வேலைகளோடு  இவர்களுக்கும் உதவி செய்பவன்.  

    மாணிக்கம்,கணவன்  கதிரேசனின் ,  வாத்தியார்  சம்பளத்தோடு  ஐந்து குழந்தைகளுக்கு அன்பான தாயக பராமரிப்பவள்.  இவர்களும்  கவினா வோடு  ஒரே பள்ளிக் கூ டத்தில்   படிப்பவர்கள்.  கவினா  ஒற்றைப் பெண்  குழந்தையாதலால்  இவர்களுடனே பள்ளிக்கு செல்வாள். மாணிக்கத்தின் மூத்தமகன்   கிருபாகரன்  இவளை விட மூன்று வயது கூடியவன்.  கல்லூரியில் படித்துக்கொண்டிருந்தான்.  

    கவிதா கணக்கில் படு மக்கு . பாடம் சொல்லிக் கொடுக்க  வேலப்பன் மூலம்  கவினா வின் தாய் செய்தி  சொல்லி அனுப்பி,  அவனும்  பாடம் சொல்லிக் கொடுக்க  முன் வந்தான்.  அந்த வருடம் கவினா  கணக்கு பாடத்தில் நல்ல புள்ளிகள் பெற்றாள்   .  ஆசிரியரின் பாராட்டும் பெற்றாள் .அடுத்த வருடம்  பத்தாம் வகுப்பு  முக்கியமான  வருடம்.  தொடர்ந்தும்  கணக்கில் முன்னேறினால் தான்  உயர்தரம் விஞ்ஞானம்   பிரிவில் படிக்க முடியும்.  தொடர்ந்தும்   கிருபன் வந்து பாடம் எடுக்க ஒழுங்கு செய்தனர்.  அந்த சிறு பண உதவி  அவனுக்கு  பஸ் போக்குவரத்து  போன்ற செலவுக்கு  உதவியது .  பத்தாம்  வகுப்பு  இறுதி பரீடசையும் வந்தது ...கவனமாக படிக்க வேண்டும்  என இடைக்கிடை  கிருபன்   பாடம் சொல்லிக் கொடுக்கும் போது தாயார் வந்து போவார்.சில சமயம் தேநீரும்  சிற்றுண்டியும்   பரிமாறுவாள்.  பரீடசை முடித்து . நல்ல   பெறுபேறு   கிடைத்தது .  கணித்துக்கு டி.. சித்தியும் மற்றும் 4சீ 3 எஸ் .எடுத்தாள் . அவர்கள் உயர்கல்விக்கு எங்கே சேர்ப்பது என்  யோசித்து கொண்டு இருந்தார்கள்.   கவினா வுக்கு கிருபன்  வீட்டுக்கு வராதது பெரும் ஏக்கமாக  எதோ ஒன்றை  இழந்தவள் போல இருந்தாதாள் . வழக்கம்போல  அவ்வூர்   கோவில் திருவிழா காலம் வரவே  ..பெற்றோருடன்  சென்றவள் ,கிருபனிடம் தான்  அவனை  விரும்புவதாக யாருக்கும்  தெரியாமல் கடிதம்  ஒன்றைக்   கொடுத் தாள். மறு நாள்  பதிலாக அவன்  உங்கள்  வீட்டு   நிலைமையும்.  எங்களுக்கும் சரிவராது . நாங்கள் நட் ப்பாகவே  இருப்போம் என்றான். 

     காலம் மெல்ல நகர்ந்து சென்றது  கிருபன்  கல்லூரி   முடித்து  ஒரு   வேலை யில்  சேர்ந்தான் .  அதற்காக தினமும்  பஸ் பயணம்  செல்வதுண்டு .  கவினா வும் உயர் கல்விக்காக  பஸ் வண்டியில் செல்ல விரும்பி வீட்டில் கார் வசதி  இருந்தாலும் சாக்கு போக்கு சொல்லி  கிருபனை காண்பதற்காகவே  பஸ் இல்  பாடசாலைக்கு  சென்று  விடுவாள். ஆனாலும்  கிருபன் இல்லாத வாழ்க்கையை  கற்பனை பண்ண  முடியவில்லை .  அவன் நினைவாகவே  இருப்பாள். ." என்ன பிரச்னை என்றாலும் நான் பார்த்து கொள்வேன். எனக்கு  உன்  பதில் என்ன?  என்றாள்" .அவனும் இளைஞன் தானே  ...இருவரும் காதலின்  சங்கீதம் பாட  ஆரம்பித்தனர்.  

    சில நாடகள் சென்றன  கவினா வின் போக்கில் சில மாறுதலைக் கண்டு  கண்டித்தார்.  தாயார் . அப்படி ஏதுமில்லை என்று  சாதித்தாள் கணவனிடம் கூறிய  போது    பெண் பிள்ளைக்கு படிப்பும் வேண்டாம் ஒன்றும் வேண்டாம் . கலியாணத்தை கட்டி வைப்போம் என்கிறார்.  இதை  மெதுவாக பேச்சு  வாக்கில் சொன்னாள்  தாயார் .  அதற்கு அவள்  "நான் சின்ன  வயசிலே இருந்து  அவனைத் தான்   என்  மனதில் நினைத்து இருக்கிறேன்    எனவே வேறு எதற்கும் சம்மதிக்க மாடடேன்" என்றாள் .  மகளின் பிடிவாதத்தை எண்ணியவாறு ...ஒரு நாள் கிருபனை     தன்னை வந்து சந்திக்கும்படி  வீட்டுக்கு அழைத்தார்கள் .  

     

    அவனும் எதோ நடக்க போகிறது .  என் எண்ணியவாறு  அங்கு சென்றான்.  அவனைக் கண்டதும்  கதிரையில் உடகாரும் என்றார்.  கேள்வி க்கணைகளாக  தொடுத்தார் ... "உமக்கு என்ன  வருமானம் இருக்கிறது?  ".." என் பிள்ளையை எப்படி  காப்பாற்று வீர்? .". என் பணத்தின்  மீது  ஆசை இருந்தால்   ஏதாவது , பிச்சை  போடுகிறேன் எடுத்து கொண்டு  சென்று விடும் "  ....  உமக்கு இரு தங்கைகள் இருக்கிறார்கள் அவர்களை எப்படி கரை சேர்ப்பீர் ? . இதெல்லாம்  சரிவராது  ..உமது வேலையைப்பாரும் ..உமது பெற்றோருக்கு  ஒரு நல்ல நிலையை அமைத்து கொடும்.   என்று  அதட்டியவாறே   மகள் கவிதாவை அழைத்தார்.  அவளும்  பயத்துடன் தேநீரைக் கொண்டு வந்து   கொடுத்தாள்  அவன் மறுத்து விடடான்.  அவ்வளவு நேரமும்  பொறுமையாக ,  எல்லாவற்றையும் பொறுமையாக கேடடான் .   எந்த வித பிரச்சினை வந்தாலும் நான் உன்னைக் கைவிடேன் என்றவள் மெளனமானாள் .    நீ யாருடா?  என்பதுபோல் பார்த்தாள் . நா நுனி வரை   உங்கள் மகள் தான் என்னை பின்னும் முன்னும்  துரத்தி காதலித்தாள் . என்னோடு பார்க்கில்  வந்து  சந்திப்பாள்   முதலில் உங்கள் மகளை   எச்சரியுங்கள் என்று சொல்ல நினைத்து  மெளனமானான் . சரி நீர் போகலாம்"  என்றதும் திருப்பியும் பாராமல்  வீடு வந்து சேர்ந்தான். 

     அன்று இரவே கொழும்புக்கு ..நேர்முக தேர்வு  இருப்பதாக  சொல்லி , செல்ல ஆயத்த மானான்.  விடிந்ததும்   தனக்கான ஆடைகளை யும் முக்கிய பொருட்களை யம்  எடுத்துக் கொண்டு முதல் ரயில் வண்டியில் பயணமானான் . தன்னுடன் ப டித்த ஒரே ஒரு நண்பனை நம்பி, ...கொழும்பை  அடைந்ததும் நண்பனைத் தொடர்பு கொண்டு அவர்கள் வீட்டுக்கு  ...வந்து  அவனது தந்தையின் அனுமதியுடன் ...அவர்களது தென்னந்தோப்பில்  தொழிலாளி யாக சேர்ந்தான்.  இயந்திரத்தில்  தேங்காய் மடடையை    தும்பாக்கி  கயிறு தயாரிப்பது ...கால்  விரிப்பு ..மெத்தை போன்ற பொருட்களை தயாரிப்பது என்று, எல்லாத தொழில்களையும் கற்று  தனது   நேர்மையாலும்  கடும் உழைப்பினாலும்   நண்பனின்  தந்தைக்கு அடுத்த முதலாளியாக இருந்தான். நண்பனுக்கு  வெளி நாட்டு ஆசை வரவே  ..தந்தை படிக்க லண்டனுக்கு அனுப்பி விடடார் . நண்பனின் குடும்பத்தில் அவனும் ஒருவனாக வாழ்ந்தான். நண்பனின் தங்கை திருமணமாகி  அமெரிக்காவில்  வாழ்ந்து  கொண்டிருந்தார் .    அக்காலத்தில்  அவனுக்கு  கீழே  நாற்பது  பேர் வேலை செய்யும்  தொழிலாளர்களுக்கு அதிகாரியானான்.   முதலாளிக்கு அடுத்த படியாக  அவர்களுக்கு ஊதியம் கொடுப்பது, வேலையைப்பிரித்து கொடுப்பது  போன்ற  ஒரு சின்ன  முதலாளியாக  வலம் வந்தான்.  அவனது நேர்மை  ஓயாத உழைப்பு  நாணயம்  வேலையாட்களிடம் பண்பாக வேலை வாங்குவது,  என்பவை  அவருக்கு அவனிடம் மிகவும் பிடித்த குணங்கள் .  அவர்க ளின்   பொருட்களை  தொகையாக வாங்கி விற்கும்  வாடிக்கையாளர்களை  இவனுக்கும் நண்பராக் கினான். ஒரு நாள் நண்பனின்  அப்பாவிடம்   நாங்களே  ஒரு உற்பத்தி பொருட்களை  விற்கும் ஒரு கடையை  ஆரம்பித்தால்  என்ன என அறிவுரை  கேடடான்  . அதற்கும் அவர் எனக்கும் வயதாகிறது . ஒரே ஒரு மகனும் லண்ட னில்    படிக்குபோது  நட் ப்பான   பிள்ளையைக் கட்டி விடடான் .  ஒரு தொகைப்பணம் தருகிறேன் நீரே அதை  முதலீட்டு உம்மிடம் காசு உள்ள  போது திருப்பி தாரும் என்று சொன்னார்.   கிருபனின்   நாணயம், விடாமுயற்சி  தொழில் பற்று,   நுட்பம்  .வேலையாட்கள் இடம் பழகும் விதம் என்பன  அவனை மேலுயர்த்தியது.  இரண்டு  பெரிய   ஸ்டோர் களுக்கு  அதிபதியானான்.  வெளிநாடடவர் சுற்றுலாவில்  வரும்  போது இவனின்  பொருட்களை   விரும்பி வாங்கவும் ,  தென்னையின் ஒவ்வொரு பகுதியும்  செதுக்க பட்டு  வடிவமைத்து  விற்பனை .பொருளாயின.  தனது   தாய் தந்தையின் வீடடை  ஒரு அழகான வீடாக்கினான்.  ..தங்கைகளுக்கு  திருமணம்  என எல்லாக்  கடமையும் முடித்து  ..சற்று தன்னை  எண்ணி பார்த்தான் .  வயதும் 35  ஐ தாண்டி ண்டி விட்ட்து. 

    கவினா குடும்பத்தின் பணத்திமிர்த்தனம் கண் முன்னே வந்தது . தான் பாவிக்கும்  வாகனத்தை  விட  அழகான இன்னொரு காரை வாங்கி கொண்டு , தன்  கிராமத்து நோக்கி பயணமானான் . மீண்டும் கொழும்புக்கு தன்  தாய் தந்தையை தன்னோடு தலைநகருக்கு  கூட்டி வர நினைத்து சென்றான். நீண்ட பயணத்தில்  கவினா   அவர்களது  வீட்டில் தனக்கு நடத்த அவமரியாதையை எண்ணினான். உனது  நிலையை உயர்த்தியப்பின்,  உன் கடமைகள் முடிந்த பின் , பெண் தருகிறோம் என்றாவது ஒரு  நம்பிக்கையை தரவில்லை . எவ்வ ளவு இழிவாக பேசி னர்கள்.  காலம் உருண்டோடியது . கவினா வும் திருமணமாகி  இரண்டு குழந்தைகளுக்கு தாயானதாக கேள்விபட்டுருந்தான். கணவன்  ஒரு புடவைக்கடை,உரிமையாளராக  இருந்தான்.  

    மார்கழி  மாதத்து  இளம் மழைத்துளிகள்  ஆரம்பித்த ஒரு நாளில்   வந்திறங்கினான் ஊருக்கு .  தாய் தந்தையரை அழைத்து கொண்டு  ஒரு வாரத்தில்  தான் புதிதாக  வாங்கிய வீட்டுக்கு கூ ட்டிச்  சென்று குடிபுக  நினைத்து  அழைத்து வர  எல்லா ஏ ற்பாடுகளுடனும் வந்து  இருந்தான்.  பயண களைப்பில்  அயர்ந்து தூங்கி கொண்டிருந்தவனை ,தயார் தேநீருடன்  உறக்கம் கலைத்தாள்.  அவர்  தமது ஊர் கோவிலில்  அவனுக்காக நேர்த்தி வை த்தாகவும்  அதை அவனைக் கொண்டு செலுத்துவதாக வேண்டி இருந்த்தாவும் கூறி கோவிலுக்கு  சென்றார்கள் . அருகே கிராமத்து சிறுவர்கள்  புதிதாக  ஒரு கார் நிற்பதை பார்க்க வென்று  கூடடமாய்  வந்தார்கள்.

     மதிய வேளை க்கு அண்மித்த நேரம்  சூரியன் தன்  கொடும் கதிர்களால்  அனல் வீசிக் கொண்ட பொழுதில்  அவ்வழியே  தாயுடன் கவினா   இரண்டவது குழந்தைக்கு  தடுப்பூசி போடச் சென்று வந்து கொண்டிருந்தாள். தூரத்தே  , இவனைக்  கண்டதும்  மலைத்து நின்றாள். அவன் இவளைக் கண்டதும்   வந்து  நலம் விசாரித்தான். தாயார் முன்னையை  பொலிவிழந்து வயதானவராய்  தோன்றினார்.  கொடிய வெய்யிலாக இருக்கிறது.  வீடு வரை  கொண்டுவந்துவிட கேட்டும்  மறுத்து விடடாள்.  அவள்  கண்கள் நீர்கோர்த்து கொண்டது.  இன்னும் கொஞ்சக் காலம் இவனுக்காக காத்திருக்கலாமோ ..? என  எண்ணியவாறு நடக்க தொடங்கனாள் . கடந்த காலம் அவளுக்கு திரைப்  படம் பார்ப்பதுபோல் மனதில்  தோன்றியது .   

    கவினாவின்  பெற்றோர்களின்   வசதி வாய்ப்பு காரணமாக , வந்த தற்பெருமை , அவன் கேடட ஏளனபேச்சு அதனால் வந்த  மன வைராக்கியம்   தன்னை  இவ்வ்ளவு தூரம்  உயர வைத்திருக்கிறதே என்  எண்ணிக் கொண்டே  வீடு நோக்கி விரைந்தனர்.  அவ்னது பெற்றோர்களும் மகனின்  வேண்டுகோளுக்கு  மறுப்புத் தெரிவிக்காமல் தமது மகனின் கனவு  இல்லத்தை  நோக்கி பயணமானார்கள். 

     மனித வாழ்க்கை பல ஏற்றத்   தாழ்வுகளைக் கொண்டிருக்கும்.   சந்தர்ப்பங்கள் தான் ஒருவனை திசை திரும்புகின்றன. அந்த திசைகள் பல  சமயங்களில் உயர்ச்சியையும்  ஒரு  சில சமயங்களில்  வீழ்ச்சியையும் தருவதுண்டு.  மனதில் உளி என  விழும் வார்த்தைகள் தான் இலட்சியம்   எனும் சிலையை செதுக்கும் கற்கள். கொண்ட கொள்கையில் பிடிப்பிருந்தால்  என்றும் எதையும் சாதிக்கலாம்  

     

     

    • Like 11
  8. ஏதோ பொருள் தட்டுப்பாடு என்று சொல்லுகிறார்கள். நாங்கள் பார்க்காத #பொருள்_தட்டுப்பாடு.
    அரிசி, மா--> நெல்லு தாராளமா இருக்கு
    சீனி --> பனங்கட்டி இருக்கு,
    மரக்கறி --> முருங்கை காய் இருக்கு , இலை
    இருக்கு, மாங்காய் இருக்கு , புளியம் பழம் இருக்கு , உப்புக்கு கடல் இருக்கு ( 2 லிட்டர் உப்பு தண்ணியை கொதிக்க வைத்து வற்ற வைத்தால் தரமான உப்பு )
    கொச்சி மிளகாய் கன்று 10 இருக்கு , மிளகாய் விதை இருக்கு இப்ப போட்டாலும் 2 மாதத்தில் பச்சை மிளகாய் , எல்லா மரக்கரியும் அப்படி தான் , வாழை மரம் இருக்கு பழம் சாப்பிட்டு , காய் எடுத்து கறி வைப்பாம்,பொரிப்பம், தென்னை மரம் இருக்கு தேங்காய் இருக்கு, தேங்காய் திருவி பால் புளிந்து காய்சினால் தேங்காய் எண்ணெய் , வெங்காயம் இரண்டு துக்கு இருக்கு , 1 கிலோ வெங்காயத்தை இண்டைக்கு முளைக்க போட்டாலும் 15 நாளில் நல்ல தடல்,30 நாளில் 5 kg வெங்காயம் வரும் முறையே தரமான வறை, கறிக்கு பாவிக்கலாம்,தேசி மரம் 2 இருக்கு தினமும் 4-8 காய் வரும் (உப்பு கொஞ்சம் போடு கரைச்சு குடிப்பம் தரமான பானம் ,)
    மாடு ஒண்டும் , ஆடு இருக்கு பால் குடிப்பம்,மிஞ்சினால் தயிர் பொடுவம், கடைந்து மோர் எடுப்பம், நெய் எடுப்பம்.
    25 கோழி இருக்கு , தினமும் 5 முட்டை வந்தாலும் , முட்டை பிரச்சனை இல்ல, 21 நாள் காத்திருந்தா ல் கோழி குஞ்சு , இன்னும் 2 மாசம் காத்திருந்தாள் கோழி இறைச்சி .
    காட்டு கானிக்குள் தடம் வைத்தால் முயல், உடும்பு , கவுதாரி, கொக்கு ,புறா, காடை பிடிப்பம் ,
    இன்னும் சிக்கல் என்றால் தூண்டில் இருக்கு பக்கத்தில குளம் இருக்கு மீன் பிடிப்பம்.
    கிணறு இருக்கு வாளி இருக்கு தண்ணீர் பிரசனையே இல்ல,
    பெட்ரோல் மண்எண்ணெய் தேவையே இல்ல, பிரயானத் துக்கு சைக்கிள் இருக்கு, வெளிச்சத்துக்கு சூல் இருக்கு, ஜாம் பொத்தல் விளக்கு இருக்கு ( பொரித்து கழித்த தேங்காய் எண்ணெய் வீணாக ஊற்ற மாடோம் , அதை பழைய ஏதனம் ஒன்றில் சேகரித்து வைப்போம் இப்படியான தேவைகளுக்கு ) விறகு இருக்கு ,
    போதைக்கு தரமான ஒருபணை கள்ளு இருக்கு , இன்னும் போதை வெனுமெண்டால்
    கள்ளை போத்தலில் அடைத்து வாய்க்காலில் தாட்டு விடுவம் 10 நாளில் தரமான அடை , 5 பெக் பெரும் குடிகார நையும் படுத்தும் .
    புகைக்கிறதுக்கு போயிலை இருக்கு , காப்பரெட் காரண்ட சிகரெட் கிட்ட நிக்க ஏலாது.
    ( இப்ப ஒரு கூட்டம் கிளம்பும் பார் போனுக்கு என்ன செய்வாய் பிட்டு படம் எப்பிடி பார்ப்பாய் என்று கொண்டு , அதுக்கும் வழி இருக்கு உயரமான மரம் இருந்தா போதும் சுத்தி 4 வீடு கவர் பண்ணலாம் [மடையன் மாதிரி கேக பிடது] )
    இப்பிடி யே 2 வருசத்துக்கு தாங்கும். அதுக்குள்ள அரசு ஒரு முடிவுக்கு வந்து விடும். மகிழ்ச்சியான குடும்ப வாழ்க்கைக்கு தற்சார்பு பொருளாதாரம் இன்றியமையாத ஒன்று.
    அனுபவம்
    ஜீவா
     
    Thanks face book 
    • Like 1
    • Thanks 1
×
×
  • Create New...

Important Information

By using this site, you agree to our Terms of Use.