Jump to content

nochchi

கருத்துக்கள உறவுகள்
  • Posts

    4816
  • Joined

  • Last visited

  • Days Won

    5

Everything posted by nochchi

  1. ஈரானில் மாஷா அமீனி ஆர்ப்பாட்டக்காரர் ஒருவருக்கு முதல் தடவையாக மரண தண்டனை நிறைவேற்றம் By SETHU 08 DEC, 2022 | 02:06 PM ஈரானில், மாஷா அமீனி எனும் யுவதியின் மரணம் தொடர்பில் அண்மைக்காலமாக நடைபெற்ற ஆர்ப்பாட்டங்கள் தொடர்பில் குற்றவாளியாக காணப்பட்ட ஒருவருக்கு முதல் தடவையாக இன்று மரண தண்டனை நிறைவேற்றப்பட்டுள்ளது. மோஹ்சென் ஷேகாரி என்பவரே தூக்கிலிடப்பட்டதாக அறிவிக்கப்பட்டுள்ளது. பாதுகாப்புப் படை அங்கத்தவர் ஒருவருக்கு காயமேற்படுத்திய குற்றச்சாட்டில் அவருக்கு மரணதண்டனை விதிக்கப்பட்டிருந்தது. செப்டெம்பர் 25 ஆம் திகதி, தெஹ்ரானிலுள்ள சத்தார் கான் வீதியை மறித்து, பாதுகாப்புப் படை அங்கத்தவர் ஒருவருக்கு கத்தி மூலம் காயம் ஏற்படுத்திய மோஹ்சென் ஷேகாரி எனும் ஆர்ப்பாட்டக்காரருக்கு இன்று காலை மரண தண்டனை விதிக்கப்பட்டது என ஈரானிய நீதித்துறையின் இணையத்தளத்தில் தெரிவிக்கப்பட்டுள்ளது. மேற்படி நபருக்கு மரண தண்டனை விதித்து கடந்த நவம்பர் முதலாம் திகதி தீர்ப்பளிக்கப்பட்டது. இத்தீர்ப்புக்கு எதிராக அவர் மேன்முறையீடு செய்திருந்தார். ஆனால், அத்தீர்ப்பை நவம்பர் 20 ஆம் திகதி ஈரானிய உச்ச நீதிமன்றம் உறுதிப்படுத்தியது எனவும் மேற்படி இணையத்தளத்தில் தெரிவிக்கப்பட்டுள்ளது.ஈரானில் மாஷா அமீனி ஆர்ப்பாட்டக்காரர் ஒருவருக்கு முதல் தடவையாக மரண தண்டனை நிறைவேற்றம் | Virakesari.lk
  2. புலம்பெயர் தமிழர்கள் இலங்கையில் முதலீடு செய்ய வேண்டுமாயின் நாட்டில் நியாயமான அரசியல் தீர்வு வழங்கப்பட வேண்டும் - சித்தார்த்தன் By DIGITAL DESK 2 08 DEC, 2022 | 01:34 PM (இராஜதுரை ஹஷான், எம்.ஆர்.எம்.வசீம்) வெளிநாடுகளில் உள்ள தமிழர்கள் இலங்கையில் முதலீடு செய்ய வேண்டுமாயின் நாட்டில் நியாயமான அரசியல் தீர்வு வழங்கப்பட வேண்டும். தமிழ் தரப்பினர் அரசியல் கட்சி பேதங்களை விடுத்து அரசியல் தீர்வு விடயத்தில் ஒன்றுபட வேண்டும் என தமிழ் தேசிய கூட்டமைப்பின் பாராளுமன்ற உறுப்பினர் தர்மலிங்கம் சித்தார்த்தன் தெரிவித்தார். பாராளுமன்றத்தில் வியாழக்கிழமை (டிச.08) இடம்பெற்ற 2023ஆம் ஆண்டுக்கான வரவு - செலவுத் திட்டத்தில் நிதி, பொருளாதார உறுதிப்பாடு மற்றும் தேசியக் கொள்ளைகள் அமைச்சு, முதலீட்டு மேம்பாடு ஆகிய அமைச்சுகளுக்கான நிதி ஒதுக்கீடு மீதான குழுநிலை விவாதத்தில் உரையாற்றுகையில் மேற்கண்டவாறு குறிப்பிட்டார். அவர் மேலும் குறிப்பிட்டதாவது, நாடு பொருளாதார ரீதியில் மோசமாக பாதிக்கப்பட்ட பின்னணியில் பாராளுமன்றத்தின் ஊடாக ஜனாதிபதி ரணில் விக்கிரமசிங்க அரச தலைவராக தெரிவு செய்யப்பட்டார். ஜனாதிபதியாக ரணில் விக்கிரமசிங்க தெரிவு செய்யப்பட்ட போது, பொருளாதார நெருக்கடிக்கு ஓரளவு தீர்வு எட்டப்பட்டு, வரிசை யுகம் கட்டம் கட்டமாக முடிவுக்கு கொண்டு வரப்படும் என மக்கள் எதிர்பார்த்தார்கள். மக்களின் எதிர்பார்ப்பு நிறைவேறியுள்ளது. நடைமுறையில் உள்ள பிரச்சினைகளுக்கு தீர்வு காண பிரதமர் உட்பட அமைச்சரவை ஒத்துழைப்புடன் செயற்படுகிறது என்பதை குறிப்பிட வேண்டும். நிலையான பொருளாதார மீட்சிக்கான திட்டங்கள் முறையாக செயற்படுத்தப்படவில்லை. நாட்டில் பணவீக்கம் தற்போது குறைவடைந்துள்ளது, இருப்பினும் அத்தியாவசிய பொருட்களின் விலை சடுதியாக உயர்வடைந்துள்ளது. பூகோள ரீதியான காரணிகள் தற்போதைய பொருளாதார பாதிப்புக்கு ஒரு காரணம் என்று குறிப்பிடுவதை மறுக்க முடியாது. தேசிய கொள்கை வகுத்தலில் வடக்கு மற்றும் கிழக்கு மாகாண மக்களின் பங்களிப்பு கிடையாது. தேசிய கொள்கை வகுப்பில் தெற்கு அரசியல் கட்சிகள் முன்னிலையில் இருந்து செயற்படுகின்றன.வடக்கு மற்றும் கிழக்கு மக்கள் பிரதிநிதிகளின் ஆலோசனைகள் கோரப்படுவதில்லை. வடக்கு மாகாணத்தில் ஒருகாலத்தில் மீன்பிடி மற்றும் உற்பத்தி கைத்தொழில் முன்னேற்றமடைந்திருந்தது. மொத்த மீன்பிடியில் மூன்றில் இரண்டு பங்கு நாட்டின் ஏனைய பகுதிகளுக்கு விநியோகிக்கப்பட்டது. இந்த முன்னேற்றம் யுத்தத்தினால் பாதிக்கப்பட்டது. இருப்பினும் யுத்தம் முடிவடைந்ததன் பின்னரும் இந்த துறைகள் மீள கட்டியெழுப்பப்படவில்லை. நாட்டின் உற்பத்தி துறைகள் முறையாக மறுசீரமைத்தால் பொருளாதார ரீதியில் முன்னேற்றமடையும். பொருளாதார பாதிப்புக்கு தீர்வு காண வேண்டுமாயின் நாட்டு மக்கள் அனைவரையும் ஒன்றிணைத்த வகையில் தேசிய கொள்கை வகுக்கப்பட வேண்டும் என்றார். புலம்பெயர் தமிழர்கள் இலங்கையில் முதலீடு செய்ய வேண்டுமாயின் நாட்டில் நியாயமான அரசியல் தீர்வு வழங்கப்பட வேண்டும் - சித்தார்த்தன் | Virakesari.lk
  3. ஜேர்மனியில் கத்திக்குத்து தாக்குதல் மாணவிபலி - புகலிடக்கோரிக்கையாளர் மீது குற்றச்சாட்டு By RAJEEBAN 06 DEC, 2022 | 12:29 PM ஜேர்மனியில் இடம்பெற்ற கத்திக்குத்து சம்பவத்தில் பாடசாலை மாணவியொருவர் கொல்லப்பட்டுள்ளார். ஜேர்மனியின் தென்பகுதியில் பாடசாலைக்கு சென்றுகொண்டிருந்த 14 மற்றும் 13 வயது மாணவிகள் மீது நபர் ஒருவர் கத்திக்குத்து தாக்குதலை மேற்கொண்டுள்ளார். இல்லர்கிர்ச்பேர்க் என்ற கிராமத்தில் உள்ள அகதிகளிற்கான நிலையமொன்றிலிருந்து வெளியே வந்த நபர் ஒருவர் இந்தகத்திக்குத்து தாக்குதலை மேற்கொண்டுள்ளார். இதன்போது 14 வயது மாணவி உயிரிழந்துள்ளார். எரித்திரியாவை சேர்ந்த புகலிடக்கோரிக்கையாளர் ஒருவரே இந்த கத்திக்குத்தில் ஈடுபட்டார் என பொலிஸார்தெரிவித்துள்ளனர். அருகில் உள்ள கட்டிடமொன்றை சோதனையிட்டவேளை கத்தியுடன் நபர் ஒருவர் கைதுசெய்யப்பட்டார் இந்த கத்தியை அவர் தாக்குதலிற்கு பயன்படுத்தியிருக்கலாம் என தெரிவித்துள்ள பொலிஸார் வேறு இருவரும் கைதுசெய்யப்பட்டுள்ளனர் என தெரிவித்துள்ளனர். இதேவேளை விசேட அறிக்கையொன்றை வெளியிட்டுள்ள பொலிஸார் இந்த சம்பவத்தை பயன்படுத்தி வெளிநாட்டவர்கள் அல்லது புகலிடக்கோரிக்கையாளர்களிற்கு எதிராக பதற்றத்தை அதிகரிக்கவேண்டாம் என வேண்டுகோள் விடுத்துள்ளனர். இந்த சம்பவத்துடன் தொடர்புடைய பல விடயங்கள் தெளிவற்றவையாக காணப்படுகின்றன என பொலிஸார் தெரிவித்துள்ளனர்.ஜேர்மனியில் கத்திக்குத்து தாக்குதல் மாணவிபலி - புகலிடக்கோரிக்கையாளர் மீது குற்றச்சாட்டு | Virakesari.lk
  4. ஓர் இனம் வாழவேண்டுமாயின் அந்த இனத்தின் இருப்பையும் பரம்பலையும் உறுதிசெய்ய வேண்டும் - வைத்தியர் பாலகோபி By VISHNU 06 DEC, 2022 | 08:45 PM ( எம்.நியூட்டன் ) ஓர் இனம் வாழவேண்டுமாயின் அந்த இனத்தின் இருப்பையும் பரம்பலையும் உறுதிசெய்ய வேண்டும் என யாழ்ப்பாணப் பல்கலைக்கழக மருத்துவ பீட விரிவுரையாளரும் சிறுநீரக தொகுதி அறுவை சிகிச்சை நிபுணருமான பா.பாலகோபி யாழ் பல்கலைக்கழக மருத்துவ பீட கூவர் அரங்கில் நடைபெற்ற நூல் வெளியீட்டின் போது உரையாற்றுகையிலே அவர் இதனை தெரிவித்தார். அவர் மேலும் தெரிவிக்கையில், யாழ்ப்பாணத்தில் இன்று (6)குழந்தையின்மைப் பிரச்சினை தீவிரம் பெற்றுள்ளது. குழந்தையின்மைக்கான மருத்துவத் தேவைப்பாடுடையவர்களாக 50 வீதம் பெண்களும் 50 வீதம் ஆண்களும் காணப்படுகின்றனர். ஆனால், சமூகத்தில் பெண்களை மட்டுமே குறைகூறுகின்றோம். பெண்களை மட்டுமே மருத்துவத் தேவைப்பாடுடையவர்களாகப் பார்க்கின்றோம். இந்த நிலைமை மாற்றம் பெறவேண்டும். குழந்தையின்மைப் பிரச்சினைக்காக ஆண்கள் உண்மையில் சிறுநீரக சனனித் தொகுதி மருத்துவரைத்தான் நாட வேண்டும். ஆனால், இது தொடர்பான போதிய அறிவு விழிப்புணர்வு எவரிட மும் இல்லை. அத்துடன், இந்தத் துறை உலகளாவிய ரீதியில் வளர்ச்சியடை யாத துறையாகவே இருக்கின்றது. இந்ததுறையை விருத்தி செய்ய வேண்டியது காலத்தினுடைய கட்டாயமாகக் காணப்படுகின்றது. ஆண்களினுடைய விந்து உருவாக்கத் திலிருந்து விந்து கடத்தப்படுகின்ற பாதையிலிருந்து கருத்தங்காமை பிரச்சினை ஏற்படுகின்றது. முட்டையைத் தேடி மில்லியன் கணக்கான விந்தணுக்கள் செல்ல வேண்டிய நிலை காணப்படுகின்றது. விந்தணுக்களின் எண்ணிக்கைகள் குறைகின்றபொழுது பிரச்சினை ஏற்படுகின்றது. வால்களற்ற விந்துக்களால் முன்னோக்கிச் செல்ல முடியாது. இவற்றாலும் கருக்கட்டலில் பிரச்சினைகள் ஏற்படுகின்றன. உடல் வெப்பநிலை கூடுகின்றபொழுது அல்லது சுற்றாடல் வெப்பநிலை கூடு கின்றபொழுது அல்லது எம்மிடம் இருக்கின்ற புகைத்தல், மது உள்ளிட்ட தீய பழக்கவழக்கங்களாலும் இந்த விந்தணுக்களின் பிரச்சினைகள் ஏற்படுகின்றது. இன்று எமது இளைஞர்கள் நீண்ட நேரம் வேலை செய்கின்றார்கள். பலர் சாரதிகளாகப் பணிபுரிகின்றார்கள். பத்து மணித்தியாலங்கள் தொடர்ந்து அந்த இருக்கையில் இருக்கின்ற பொழுது விந்துகள் இறந்து விடுகின்றன. எனவே இது தொடர்பில் கூடுதல் அவதானம் செலுத்தி போதிய மருத்துவ அறிவுறுத்தல்களை பின் பற்றவேண்டும். விந்துக்களையும் முட்டைகளையும் சேர்க்கின்ற பொறிமுறை தனியார் மருத்துவமனைகளில் மாத்திரமே காணப்படுகிறது. அரச மருத்துவமனைகளில் இல்லை. இதனால் ஏழைக்குடும்பங்கள் பெரும் பாதிப்பை எதிர்கொள்கின்றன. ஆதலால், தனியார் மருத்துவமனைகளில் இருக்கும் அத்தனை வசதி வாய்ப்புக்களும் அரச மருத்துவமனைகளிலும் ஏற்படுத்தப்படவேண்டும். எமது சமுதாயத்துக்காக எம் இனத்தின் இருப்பை உறுதிப்படுத்துவதற்காக நாம் அர்ப்பணிப்பானதும் ஆக்கபூர்வமான துமான பல திட்டங்களைச் செயற்படுத்த வேண்டும் என்றார். இந்நிகழ்வில் யாழ்ப்பாண பல்கலைக்கழக துணைவேந்தர் பேராசிரியர் சி.சிறீசற்குணராஜா, மருத்துவ பீட பீடாதிபதி ரா.சுரேந்திரகுமாரன், செஞ்சொற்செல்வர் ஆறுதிருமுருகன், யாழ் போதனா வைத்தியசாலை பணிப்பாளர் த.சத்தியமூர்த்தி யாழ் மாவட்ட மேலதிக செயலாளர் ம.பிரதீபன், யாழ்ப்பாண பிராந்திய சுகாதார சேவைகள் பணிப்பாளர் ஆ.கேதீஸ்வரன் உள்ளிட்ட மருத்துவ நிபுணர்கள், மருத்துவர்கள், விரிவுரையாளர்கள், ஆர்வலர்கள் எனப்பலரும் கலந்துகொண்டனர். வைத்தியர் பா. பாலகோபி வைத்தியர் சி.இரகுராமன் இருவரும் இணைந்து "குழந்தையின்மை விளக்கங்களும் தீர்வுகளும்" என்ற நூலை எழுதி வெளியிட்டமை குறிப்பிடத்தக்கது. ஓர் இனம் வாழவேண்டுமாயின் அந்த இனத்தின் இருப்பையும் பரம்பலையும் உறுதிசெய்ய வேண்டும் - வைத்தியர் பாலகோபி | Virakesari.lk
  5. யாழை மீட்டெடுத்து மீண்டும் உறவுகள் மீட்டும் வகையிற் கடின உழைப்பினை நல்கிய நிர்வாகத்தினர் மற்றும் மோகன் அவர்களுக்கும் நன்றி.
  6. நீங்கள் கூறியிருப்பது மிகவும் சரியானதொரு யோசனை. புலம்பெயர் தமிழர்கள் தயங்கமாட்டார்கள் என்றே நினைக்கின்றேன். கேரளாவிலிருந்து 'பூநகரி மொட்டைக்கறுப்பன்' என்ற பெயரில் அரிசி வருகிறது. எங்கள் மண்ணிற்குரிய பாரம்பரிய நெல்லினம் எப்படி எடுத்தாளப்படுகிறது. எனவே எமது தாயக உற்பத்திகளைகளை உரியமுறையிற் களஞ்சியப்படுத்துவதோடு, புலத்திலே சரியான முறையிலான சந்தைப்படுத்தலை மேற்கொண்டால் தாயகம் பொருளாதார பலத்தைப்பெறுவதோடு, புலத்துக்கும், தாயகத்துக்கும் ஒரு நெருக்கமான உறவு வளர்வதோடு, மற்றவர்களது கையை எதிர்பார்க்கும் நிலையையும் மாற்றலாம். நன்றி
  7. நிலத்தொடர்பற்ற சமூகம் - சிரேஷ்ட விரிவுரையாளர் யசோதரா கதிர்காமர் தம்பி 14 NOV, 2022 | 12:25 PM முன்னாள் பிரதியமைச்சா் பீ.பீ. தேவராஜ் எழுதிய ‘இலங்கை மலையகத் தமிழா் வரலாற்றின் சில துளிகள்’ நுால் வெளியீட்டு நிகழ்வு கடந்த சனிக்கிழமை 13ஆம் திகதி கொழும்பு 7 இல் அமைந்துள்ள இந்திய கலாச்சார நிலையத்தில் நடைபெற்றது. நிகழ்வில் இலங்கைக்கான இந்திய உயர்ஸ்தானிகர் கோபால் பாக்லே, கல்வி அமைச்சின் பெருந்தோட்ட பாடசாலைகளுக்கான அபிவிருத்திகள் கிளையின் பணிப்பாளர் எஸ். முரளிதரன், கொழும்பு, நாவல திறந்த பல்கலைக்கழக சட்டக்கல்விப்பிரிவின் தலைவரும் சிரேஷ்ட விரிவுரையாளருமான யசோதரா கதிர்காமர் தம்பி மற்றும் கொழும்பில் வாழும் மலையக வர்த்தக சமூகத்தினா், மலையக புத்திஜீவிகள் உட்பட 100 என மட்டுப்படுத்தப்பட்ட எண்ணிக்கையிலானோ கலந்து கொண்டனர். நூல் வெளியீட்டின் ஆரம்ப நிகழ்வாக வரவேற்புரையை அடுத்து கல்வி அமைச்சின் பெருந்தோட்ட பாடசாலைகளுக்கான அபிவிருத்திகள் கிளையின் பணிப்பாளர் எஸ். முரளிதரன் உரையாற்றினார். அவரது உரையில்… கல்வி இன்றி வேறெதுவும் இல்லை இன்று தோட்ட அமைப்புகளில் பெரும்பாலான மாணவர்கள் ஆசிரியர்களாக தங்களை சமூகத்தில் உயர்த்திக் கொண்டுள்ளனர். நாம் இன்று கலை பிரிவில் உயர்ச்சியடைந்துள்ள அளவில் விஞ்ஞானம் மற்றும் கணித பிரிவுகளின் உயர்ச்சி அடையும் வீதம் குறைவாகவே உள்ளது. மலையகத்தை பொருத்தவரையில் நுவரெலியா மாவட்டத்தினை தவிர்ந்த ஏனைய மாவட்டங்களில் விஞ்ஞானம் மற்றும் கணித துறையில் மாணவர்களை உருவாக்கும் வல்லமை குறைவாகவே உள்ளது. எமக்கும் விஞ்ஞானம், ஆங்கிலம், கணிதம் போன்ற பாடங்களை கற்பிப்பதற்கான ஆசிரியர்கள் பற்றாக்குறை காணப்படுகின்றது. இது தவிர மக்களின் வாழ்க்கை அமைப்பு கூட அவர்களுக்கு எதிராகவே காணப்படுகின்றது. எம்மவர்களுக்கு கல்வி இன்றி வேறெதுவும் இல்லை எனவே மாணவர்களின் கல்விக்கு உதவுமாறு கேட்டுக் கொள்கிறேன் என தெரிவித்த அவர்… பீ.பீ. தேவராஜ் எழுதிய ‘இலங்கை மலையகத் தமிழா் வரலாற்றின் சில துளிகள்’ நுால் பற்றி கூறும்போது… மலையகத்தில் வாழும் மாணவர்கள் தங்கள் வரலாற்றினை தெரிந்துக் கொள்ள இந்நூலை கட்டாயம் படிக்க வேண்டும். இந்நூல் மாணவர்களை சென்றடைய அனைத்துவிதமான உதவிகளையும் மேற்கொள்கிறேன் என தெரிவித்தார். நிகழ்வில் நூலுக்கான ஆய்வுரையினை கொழும்பு, நாவல திறந்த பல்கலைக்கழக சட்டக்கல்விப்பிரிவின் தலைவரும் சிரேஷ்ட விரிவுரையாளருமான யசோதரா கதிர்காமர் தம்பி வழங்கியிருந்தார். நூலுக்கான ஆய்வுரையில்… நிலத்தொடர்பற்ற சமூகம் ‘இலங்கை மலையகத் தமிழா் வரலாற்றின் சில துளிகள்’ நுாலினை நூலின் ஆசிரியர் 2015ஆம் ஆண்டு எழுத ஆரம்பித்தார். அதனை நிறைவு செய்ய கடந்த 7 வருடங்களை எடுத்துக் கொண்டுள்ளார். நூல் பற்றி… மலையக மக்கள் தொடர்பான அவருடைய ஆழ்ந்த நோக்கு புலப்படுவதை காண முடிகின்றது. நூலில் இலங்கை வாழ் நான்கு பிரதான சமூகம் பற்றி குறிப்புகளை கொண்டுள்ளதுடன் இந்திய வம்சாவளி மக்கள் என இனங்காட்டப்படும் மக்கள் இன்றும் நிலத்தொடர்பற்ற சமூகமாக விளங்குவதாக குறிப்பிடுகின்றார். அத்துடன் உரிமைக்கான போராட்டம் தொடர வேண்டும். அரசியல் தீர்வு, மலையக மக்களுக்கான உரிமைகள் குறித்த பார்வை. பாராபட்சமற்ற உரிமை மறுப்பு, தமிழ் மொழி மூல இலவச கல்வி போன்ற விடயங்களுடன் மலையக மக்கள் தொடர்பான தூர நோக்கி பார்வையினை காண முடிகின்றது. 200 ஆண்டுகளை எட்டும் மலையக மக்களின் வரலாற்றில் அவர்கள் தங்கள் கல்வி கலாசாரம் பண்பாடுகளை இன்று காத்துவருகின்றமை காணமுடிகின்றது. எது எவ்வாறாயினும் தாம் நிலத்தொடர்பற்ற சமூகம் என்பதை மக்கள் எப்போதும் தங்களுக்கான மந்திர வார்த்தையாக கொள்ள வேண்டும் என தெரிவித்தார். இவரது உரையினை தொடர்ந்து நூலின் பிரதியை ஆசிரியரிடமிருந்து இலங்கைக்கான இந்திய உயர்ஸ்தானிகர் கோபால் பாக்லே பெற்றுக் கொண்டார். எதிர்கால சந்ததியினர் இலங்கை மலையகத் தமிழா்களின் வரலாற்றைஅறிந்து கொள்ள வேண்டும் இதனையடுத்து உரையாற்றிய பி.பி. தேவராஜ் தன் உரையில்… இந்த நுாலை எழுதியதன் முக்கிய நோக்கம் தற்போதைய எதிர்கால சந்ததிகள் இலங்கை மலையகத் தமிழா்களின் வரலாறுகளை, அறிந்து கொள்ள வேண்டும். இந் நுாலில் மலையக மக்கள் பற்றி பல்வேறு தலைப்புக்களில் பதிவுகள் இடம்பெற்றுள்ளன. பெருந்தோட்ட உருவாக்கமும் நெருக்கடிகள், இலங்கைத் மலையகத் தமிழா் உள்ள பிரதேசங்கள், மாவட்ட ரீதியாக இந்திய வம்சாவலித் தமிழா்கள் விகிதாசாரங்கள், மலையகத் தமிழா்களது அடையாளச் சின்னங்கள், பரிமாணங்கள், ஆலயங்கள், தமிழ் நெறிக் கல்வி, மனித இடம்பெயா்வு ஒரு வரலாற்று பின்னனி. ஜரோப்பியா் காலத்தில் இந்தியா் இலங்கை வருகை, இறப்பா் தேயிலை பயிற்செய்கை ஜரோப்பியா் காலம், இந்தியா சுதந்திரமடைந்து மகாத்மாக் காந்தியின் செயற்பாடுகள், டொனமூர் முதல் சோல்பரி அரசியல் சட்டங்கள் வரை, மலையக மக்கள் 24 மாவட்டங்களில் வாழும் மலையக முஸ்லிம் மக்கள், மலையக அரசியல் பிரநிதிகள் போன்ற பல்வேறு தலைப்புக்களில் இலங்கை மலையகத் தமிழா் வரலாறுகள் எழுதப்பட்டுள்ளதாகஅவர் தெரிவித்தார். பல்கலைக்கழகத்தில் வருடாந்தம் 700 பேர் பட்டதாரிகளாக நுழைவதென்பது ஒர் சிறந்த கல்வி முன்னேற்ற வளா்ச்சியாகும் இந்திய உயா்ஸ்தாணிகரின் உரையில்… இவ்வாறானதொரு நூலின் உருவாக்கம் என்பது சிறப்பானதொரு விடயமாகும். இது மலையக வாழ் மக்களின் வரலாறு மட்டுமல்ல அடையாளமும் கூட. இந்தியாவில் இருந்து இலங்கைக்கு அழைத்துவரப்பட்ட இந்திய வம்சத்தினா்கள் வாழ்வதாரம், கல்வி, வீடமைப்புகள் அவா்களது மேம்பாட்டுக்கு உதவுவது இந்தியாவின் கடமையாகும். இலங்கையில் மலையகத்தில் வாழும் மாணவா்களது கல்வி வளா்ச்சியில் க.பொ.த. உயார் தரத்தில் சித்தியடைந்து இலங்கையில் உள்ள ஜந்து பல்கலைக்கழகத்தில் வருடாந்தம் 700 பேர் பட்டதாரிகளாக நுழைவதென்பது ஒர் சிறந்த கல்வி முன்னேற்ற வளா்ச்சியாகும். மலையக வாழ் மாணவா்களது. கல்வி மேம்பாட்டுக்காக மலையக மக்கள் வாழும் மலையகப் பிரதேசங்களில் உள்ள பிள்ளைகளின் எதிர்காலத்தில் சிறந்த முன்னேற்றத்தினை ஏற்படுத்துவதற்கு. ஆரம்பக் கல்வி, சாதாரண தரம், உயா்தரம் மற்றும் உயா்கல்விக்கு இந்திய அரசாங்கம் எமது உயா்ஸ்தாணிகர் ஊடக உதவும். நமது பொருளாதார வளா்ச்சிக்கு நாம் கல்வியிலேயே மட்டுமே முன்னேறுவது சிறந்ததாகும். கண்டியில் உள்ள இந்தியத் துாதரகம் ஆரம்பிக்கப்பட்டு 100 வருடங்களாகும். அத்துடன் 200 வருடங்கள் முன்பு இந்தியத் தமிழா்களை இலங்கையின் தேவைக்காகவே அழைத்து வந்தமை குறிப்பிடத்தக்கதாகும் எனவும் இந்திய உயா்ஸ்தாணிகா் அங்கு தெரிவித்தார். நிகழ்சி ஒருகமைப்பாகளர் பாலசுப்பிரமணியத்தின் நன்றியுரையுடன் நிகழ்வு நிறைவடைந்தது. இந்நிகழ்வின் சிறப்பம்சமாக நூலின் ஆசிரியர் பீ. பீ. தேவராஜின் பேத்தி அஹானா நூல் வெளியீட்டுக்கு வந்தவர்களுக்கு நன்றி தெரிவித்தமை குறிப்பிடத்தகது. நிலத்தொடர்பற்ற சமூகம் - சிரேஷ்ட விரிவுரையாளர் யசோதரா கதிர்காமர் தம்பி | Virakesari.lk
  8. திருக்கோணேஸ்வரம் நூல் பற்றி... By PONMALAR 16 NOV, 2022 | 02:40 PM திருக்கோணேஸ்வரம் பற்றி ஆங்கிலத்திலும் தமிழிலும் பல நூல்கள் வெளிவந்துள்ளன. பல ஆய்வுகள் மேற்கொள்ளப்பட்டன. பல நாடுகளில் கோணேஸ்வரம் பற்றிய தகவல்கள் ஆவணப்படுத்தப்பட்டுள்ளன. போர்த்துக்கீசர், ஒல்லாந்தர், ஆங்கிலேயர், பிரான்ஸியர் என்ற அன்னியரின் ஆதிக்கத்துக்குள் திருக்கோணமலை கொண்டுவரப்பட்டமை அதற்குரிய காரணங்களாக இருக்கலாம். இதனால் தான் என்னவோ 17ஆம் நூற்றாண்டில் வாழ்ந்தவரான போர்த்துக்கீச பாதிரியார் குவைறோஸ் தன் குறிப்பொன்றில் ‘கீழைத்தேயத்தில் கிறிஸ்தவர்கள் அல்லாத மக்களின் ரோமாபுரி திருக்கோணேஸ்வரம்’ என வர்ணித்துள்ளார் என்ற தொடரும் திருக்கோணேஸ்வரம் பற்றிய மேன்மையுரையுடன் நூல் வடிவம் பெற்றுள்ளது. இலங்கையின் தலைசிறந்த வரலாற்று ஆசிரியர்களுள் ஒருவரான பேராசிரியர் சி. பத்மநாதன் எழுதிய திருகோணேஸ்வரம் நூல். புராணங்களில் இடங்கொண்ட புராதன தலம், திருக்கோணமலையிற் சோழரின் திருப்பணிகள், குளக்கோட்டனும் ஆலய தருமங்களும், கஜபாகு மன்னனின் திருப்பணிகள் போன்ற 11 தலைப்புகளுடன் வெளியாகியுள்ளது திருகோணேஸ்வரம். குறித்த 11 தலைப்புக்களின் இறுதியிலும் அதற்கான அடிக்குறிப்புகளும் விளக்கவுரைகளும் இடம்பெற்றுள்ளன. இதுதவிர நூலின் இறுதி பக்கங்களில் திருக்கோணேஸ்வர ஆலயத்தின் தோற்றம், சுவாமியின் சிலைகள், அகழ்வில் கிடைத்த நந்தி போன்றனவற்றின் வண்ணப்படங்கள் இணைக்கப்பட்டுள்ளன. நூலின் அணிந்துரையில் கோணேஸ்வர ஆலய பரிபாலன சபையின் தலைவர் கணபதிப்பிள்ளை அருள்சுப்பிரமணியம் நூலின் ஆசிரியர் பற்றி மேற்கண்டவாறு குறிப்பிட்டுள்ளார்… மரியாதைக்குரிய பேராசிரியர் உயர்திரு சிவசுப்பிரமணியம் பத்மநாதன் அவர்களுடைய தகைமைகளை – சாதனைகளை பட்டியலிடுவதானால் பக்கம் பக்கமாக வரிகள் நீண்டுக் கொண்டே போகும். அவைகளைத் தனித்தனியாக குறிப்பிட்டுச் சொல்வதை தவிர்க்க முயன்றபோதும் அதுவே நீண்டு விடப்பார்க்கிறது. உயரிய கல்வியாளர் தன் பட்டங்களால் அப்பட்டங்களுக்குப் பெருமை சேர்த்தவர், உயரிய பதவிகளை வகித்தவர், எல்லாவற்றிற்கும் மேலாக தான் பிறந்த மண்ணை மக்களை மொழியை ஆன்மீகத்தை ஆலயங்களை கலையை கலாசாரத்தை அளவு கடந்து நேசித்தவர். எண்பத்தியொரு வயதினை எட்டிவிட்ட போதும் இன்றும் ஆராய்ச்சியையும் அது சார்ந்த நூல்களை ஆக்குவதையும் பேராசிரியர் நிறுத்தவில்லை. பேராசிரியர் திருக்கோணேஸ்வரத்தைப் பற்றி அவ்வப்போது எழுதிய ஆராய்ச்சிக் கட்டுரைகளை இணைத்து அளித்திருக்கிறார். இப்போதுள்ள சூழ்நிலையில் இந்நூலின் முக்கியத்துவம் பற்றி அடியேன் சொல்ல வேண்டிய அவசியமில்லை. தொன்மை வாய்ந்த எமது ஆலயத்தின் சிறப்பினை கேள்விக்குள்ளாக்கக்கூடிய விதங்களில் வேற்று சமயத்தைச் சேர்ந்த குருமார்களே இப்போது செயற்படுகிறார்கள். இத்தகைய சூழ்நிலையில் திருகோணேஸ்வரம் நூல் ஆலயத்தின் தொன்மையையும் சிறப்புகளையும் காலங்கடந்தும் நிறுவிக் கொண்டேயிருக்கும் வல்லமை கொண்டது என்பதை கூற விரும்புகிறேன். என்பதாக தொடர்கிறது. நூலின் ஆசிரியர் பேராசிரியர் சி, பத்மநாதன் தனது முன்னுரையில் திருக்கோணேஸ்வரம் பற்றி தனது ஆராய்ச்சிகள் தொல்பொருள் சின்னங்கள் கல்வெட்டுக்கள் பற்றி குறிப்பிட்டுள்ளதுடன் இந்நூலின் உருவாக்கத்திற்கு துணை நின்றவர்களுக்கு தனது பாராட்டுகளையும் இந்நூலானது கொழும்பு – 6, குமரன் அச்சகத்தில் அச்சிடப்பட்டு திருக்கோணேஸ்வர ஆலய பரிபாலன சபை மற்றும் குமரன் புத்தக இல்லம் இணைந்து வெளியிடப்பட்டுள்ளது. திருக்கோணேஸ்வர ஆலயத்தின் வண்ணப்படத்தினை அலங்கரிக்கும் முன்னட்டையுடன் கைக்கு அடங்கலாக உருவாகியுள்ள இந்நூலின் அணிந்துரை, மேன்மையுரை, முன்னுரை, பொருளடக்கம் தவிர்ந்து 206 பக்கங்களை கொண்ட நூலின் விலை 950.00 மட்டுமே. திருக்கோணேஸ்வரம் நூல் பற்றி... | Virakesari.lk
  9. இராஜேந்திரசோழன் பொலனறுவையில் நிறுவிய 7 சிவாலயங்கள் By DIGITAL DESK 2 15 NOV, 2022 | 03:05 PM இலங்கையில் 77 ஆண்டுகள் சோழராட்சி நிலவியது. அதில் இராஜேந்திரசோழன் பொலனறுவையில் ஏழு சிவாலயங்களை நிறுவினான். இன்றும் அதன் எச்சங்கள் பொலன்னறுவையில் காணப்படுகின்றன. அன்று இலங்கை முழுவதும் நிருவாக மொழியாக தமிழ் மொழியே இருந்தது. நம்புவீர்களா? ஆனால் அதுதான் உண்மை. வரலாற்றை நோக்குகின்ற போது பத்தாம் நூற்றாண்டில் இறுதிக் காலத்தில் இந்தியாவில் இருந்து படையெடுத்த இராஜராஜ சோழன் இலங்கை தலைநகராக இருந்திருந்த அனுராதபுரத்தை கைப்பற்றி ஆட்சி செலுத்தினான். பின்னர் போரில் அனுராதபுரம் வீழ்ச்சியுற தெற்கே உள்ள பொலனறுவையை கைப்பற்றி தலைநகரமாக்கினான். 1007 காலப் பகுதியில் இராஜராஜ சோழனின் மகனான இராஜேந்திர சோழன் இலங்கையை கைப்பற்றி முழு இலங்கையையும் கட்டுப்பாட்டில் கொண்டு வந்தான். அக் காலத்தில் ராஜேந்திர சோழன் அங்கு ஏழு சிவன் ஆலயங்களை உருவாக்கினான். அது மாத்திரம் அல்ல இலங்கையின் பல பாகங்களிலும் ஆலயங்களை அமைத்ததில் ராஜேந்திர சோழனுக்கு பெரும் பங்கு இருக்கின்றது. 1070 ஆண்டு வரை ராஜேந்திரசோழன் அதனை சிறப்பாக பராமரித்து வந்தான். இலங்கையில் 77 ஆண்டுகள் சோழர் ஆட்சி காலம் மிகச் சிறப்பாக நடைபெற்றது. அதன் போது இலங்கையில் நிர்வாக மொழியாக தமிழ் மொழி இருந்ததும் இங்கு குறிப்பிடத்தக்கது. இன்றும் அந்த ஆலயங்களின் எச்சங்கள் பொலன்னறுவை நகரில் காணப்படுகிறது. கடந்த வாரம் சித்தர்கள் குரல் அமைப்பின் ஆஸ்தான குரு சிவசங்கர் ஜி தலைமையிலான குழுவினர் அங்கு சென்ற பொழுது அதனை காண முடிந்தது. அதன் சில பாகங்களை இங்கு நீங்கள் காணலாம். சோழர்கள் ஆட்சிகாலத்தில் "ஜனநாதமங்கலம் " என பொலனறுவை அழைக்கப்பட்டது. அந்தளவிற்கு இலங்கையில் சைவசமயம் மேலோங்கி இருந்தது. விபுலமாமணி வி.ரி.சகாதேவராஜா இராஜேந்திரசோழன் பொலனறுவையில் நிறுவிய 7 சிவாலயங்கள் | Virakesari.lk
  10. மக்களாட்சிக்(ஜனநாயக)கோட்பாட்டில் இவையொன்றும் புதியவையல்ல. ஆனால் சில நாடுகள் மக்களாட்சிக் கோட்பாட்டின் பேரால் செய்யும் அழிவுகளே பாதகமானவை.
  11. தமிழர்களென்றால் அழியவேண்டும் என்பதே கிந்தியாவின் திட்டம். அதனை அனைத்துவிடயங்களிலும் எந்தப் பிசகுமின்றிக் கடைப்பிடித்துவருகிறது. கிந்தியா இல்லாமற்போனாற்றான் ஈழத்தமிழருக்கு விடிவுவரும்போல் உள்ளது.
  12. வளங்கள் நிறைந்த மட்டக்களப்பில் வறுமை ஏன் ? - ஒரு தேடல் By DIGITAL DESK 2 14 NOV, 2022 | 09:37 AM வ.சக்திவேல் முல்லை, மருதம், குறிஞ்சி, நெய்தல் ஆகிய நால்வகை நிலங்களும் நிலவளம், நீர்வளம், வனவளம், கடல்வளம், ஆகியவையும் ஒருங்கே அமையப்பெற்ற மிகவும் வளம் பொருந்தியதும் செழிப்பானதுமான மாவட்டம் மட்டக்களப்பு என்று துறைசார்ந்தோர் தெரிவிக்கின்றனர். இலங்கையில் இயற்கையின் கொடையாக எல்லா வளங்களும் ஒருங்கே அமையப் பெற்ற மாவட்டம் மட்டக்களப்பு என்பது நோக்கர்களின் கருத்தாகும். 2610 சதுர கிலோமீற்றர் பரப்பளவைக் கொண்ட மட்டக்களப்பு மாவட்டத்தில் சுமார் 103 கிலோ மீற்றர் நீளம் கொண்ட வாவியும்,139 கிலோ மீற்றர் நீளம் கொண்ட கடற்கரையோரமும் காணப்படுகின்றன. இதில் சுமார் 56 கிலோ மீற்றர் நீளமான கடற்பரப்பு மாத்திரம்தான் மீன்பிடிக்குப் பயன்படுத்தப்படுகின்றது. மொத்தமாக இம்மாவட்டத்தின் நீர் நிலைகளின் பரப்பளவு 244 சதுரக்கிலோ மீற்றர்களாகும். நாட்டின் மொத்த நிலப்பரப்பின் 4.35 வீதம் பரப்பளவைக் கொண்டமைந்துள்ள பிரதேசம் இது. இங்கு 14 பிரதேச செயலாளர் பிரிவுகளும், 345 கிராம சேவர்கள் பிரிவுகளும் அமைந்துள்ளன. மாவட்டத்தில் 51,959 ஹெக்டேயர்கள் வயல் நிலப்பரப்பாக உள்ளன. இதன் மூலம் இங்கு மேற்கொள்ளப்படும் இருபோக நெற்செய்கை களிலுமிருந்தும் அண்ணளவாக வருடாந்தம் 349,895 மெற்றிக் தொன் நெல் அறுவடை கிடைக்கின்றது. மட்டக்களப்பு மாவட்டச் செயலகத்தினால் 2020 ஆம் ஆண்டு வெளியிடப்பட்ட புள்ளிவிபரவியல் கையேட்டின் தகவல்களின்படி மாவட்டத்தில் 574,836 பேர் வாழ்கின்றார்கள். இவர்களில் 98,773 குடும்பங்கள் சமூர்த்தி பயனாளிகளாக உள்ளனர். சமூர்த்திப் பயனாளிகளின் சேமிப்பின் மூலம் திரட்டப்பட்ட 6,200.19 மில்லியன் ரூபாய் நிதி சமூர்த்தி வங்கிகளில் உள்ளது. அந்த நிதியில் 29,951 பேருக்கு 2,181.93 மில்லியன் ரூபாய் நிதி கடன்களாக வழங்கப்பட்டுள்ளன. குறைந்த கடன் தொகையாக 5,000 ரூபாவும் கூடியகடன் தொகையாக 2 மில்லியன் ரூபாய் வரையும் கடன்கள் வழங்கப்பட்டுள்ளன. வறியவர்களின் சேமிப்பாக சமூர்த்தி வங்கிகளில் உள்ள பணம் சமூர்த்திப் பயனாளிகளுக்கு மாத்திரமன்றி ஏனையோருக்கும் கடன்களாக வழங்கப்படுகின்றன. இந்நிலையிலும் இம்மாவட்டத்தில் 8.1 வீதமாக வறுமைச் சுட்டி கட்டுவதாக மட்டக்களப்பு கச்சேரியில் இருந்து தகவல் அறியும் சட்டத்தின் மூலம் பெற்றுக் கொள்ளப்பட்ட தகவல்களிலிருந்து அறிய முடிகின்றது. இது இவ்வாறு இருக்க மட்டக்களப்பு மாவட்டத்தில் மாதம் ஒன்றுக்கு தனி நபர் ஒருவரின் வாழ்வாதாரத்துக்கு கடந்த ஆகஸ்ட் மாத புதிய தகவலின்படி 13,534 ரூபா செலவாகின்றது என “தொகை மதிப்பு மற்றும் புள்ளி விபரத் திணைக்களம்” அதன் உத்தியோக பூர்வ இணைத்தளத்தில் குறிப்பிட்டுள்ளது. அந்த வகையில் இலங்கையிலுள்ள 25 மாவட்டங்களிலும், மட்டக்களப்பு மாவட்டதில் இவ்வாறு வளங்கள் அமைந்திருந்தாலும், தொடர்ந்தும் வறுமையான மாவட்டமாகத்தான் காணப்பட்டு வருவதாக தெரியவருகின்றது. கணக்கெடுப்பின்படி 2016 ஆம் ஆண்டு 11.3 வீதமானோர் அதாவது 60,912 பேர் வறுமைக் கோட்டுக்குட்பட்டவர்களாகவும், 2019 ஆம் ஆண்டில் நூற்றுக்கு 20.8 வீதமானோர் அதவது 117,500 பேர் மாட்டத்தில் வறுமைக்குட்பட்ட மக்களாகக் காணப்படுவதாக “தொகை மதிப்பு மற்றும் புள்ளி விபரத் திணைக்களத்தின்” மாவட்ட அலுவலகத் தகவல்கள் உறுதிப்படுத்துகின்றன. போஷாக்கின்மை மட்டக்களப்பில் 10 சத வீதமாக காணப்பட்ட நிறை குறைந்த பிள்ளைகளின் எண்ணிக்கை தற்போது 20 சத வீதமாக அதிகரிக்கும் நிலை காணப்படுகின்றதாக மட்டக்களப்பு மாவட்ட பிராந்திய சுகாதார வைத்திய அதிகாரி வைத்தியர் கு.சுகுணன் தெரிவிக்கின்றார். கடந்த ஒரு வருட காலமாக இலங்கையில் ஏற்பட்ட திடீர் பொருளாதார சீர்குலைவால் கர்ப்பிணித் தாய்மார்களுக்கும், நிறை குறைந்த சிறுவர்களுக்கும் அரசாங்கத்தினால் வழங்கப்பட்டு வந்த திரிபோஷா மா இவ்வாண்டு ஜனவரி மாதம் தொடக்கம் நிறுத்தப்பட்டுள்ளது. கடந்த எட்டு மாத கால தரவுகளின் அடிப்படையில் பிள்ளைகளின் வளர்ச்சி வீதத்தில் பாரிய தொய்வு நிலை காணப்படுகிறது. இந்த அடிப்படையில் ஒரு சந்ததி அல்லது ஒரு பரம்பரை இந்த காலப்பகுதியில் வளர்கின்ற பின்னடைவில் புத்திகூர்மை குறைந்தவர்களாக இந்த நாட்டில் உருவாக வாய்ப்புள்ளன. சத்து மாவை நாங்கள் வெளி இடத்திலிருந்து பெற்றுக் கொடுத்திருந்தாலும் நமது மாவட்டத்தில் ஒரு தொழிற்சாலையை ஏற்படுத்தி நமது சொந்த தயாரிப்பாக திரபோஷாவிற்குப் பதிலாக “தேனகபோஷா” எனும் ஒரு சத்துமாவை வழங்கவுள்ளோம். என வைத்திய அதிகாரி மேலும் தெரிவிக்கின்றார். அரசியல் தலைவர்களும், அதிகாரிகளும், மட்டக்களப்பு மாவட்டத்தின் வளங்களின் பயன்பாடுகளை முறையாக பயன்படுத்துவதற்கு தகுந்த திட்டமிடல்களை மேற்கொள்ள வேண்டுமே தவிர வேலியே பயிரை மேயும் செயற்பாடுகளுக்கு அவர்கள் இட்டுச் செல்லக்கூடியதாக இனிமேலும் அவர்களின் செயற்பாடுகள் இருந்து விடக்கூடாது. மக்கள் இன்னுமின்னும் கடன்படும் நிலமைக்கும், பிறரிடம் கையேந்தும் நிலமைக்கும் தள்ளப்படுவதைக் இல்லாதொழிக்க வேண்டும். காகித உற்பத்தியை ஊக்குவிக்க வேண்டும். பிரம்பு, பனை, பன், மட்பாண்ட உற்பத்திகளும் உள்ளன. எனவே கிராமங்களிலுள்ள ஒவ்வொரு வீடுகளிலும், வீட்டுத்தோட்டங்களையும், உற்பத்திகளையும், சிறு கைத்தொழில் முயற்சிகளையும், ஏற்படுத்தப்படல் வேண்டும். உள்நாட்டு உற்பத்தியில் செல்வாக்குச் செலுத்துவதற்கு மாவட்டத்தில் கணிசமான வாய்ப்புக்கள் இருந்தும், 0 5 சத வீதமான பங்களிப்பில்தான் உற்பத்திகள் இங்கு இடம்பெறுகின்றது என்று துறைசார்ந்தோர் சுட்டிக்காட்டுகின்றனர். தொகை மதிப்பு மற்றும் புள்ளிவிபரத் திணைக்கள மட்டக்களப்பு அலுவலகத்தின் தகவலின் அடிப்படையில் இம் மாவட்டத்தின் பொருளாதாரத்தில் விவசாயமே முக்கிய இடம் வகிக்கின்றது. 26,767 ஹெக்ரேயர் நிலப்பரப்பு நீர்ப்பாசன நெற்காணியும், 42,457 ஹெக்ரேயர் மழை வீழ்ச்சி பெறக்கூடிய நெற்காணியும் உள்ளன. மாவட்டத்தில் 2,610 கிலோமீற்றர் நிலப்பரப்பும், 244 கிலோமீற்றர் நீர் நிலைகளின் பரப்பளவும், மொத்தமாக 2,854 கிலோமீற்றர் நிலப்பிரதேசம் உள்ளன. மாவட்டத்தில் கடந்த 2,020 ஆம் ஆண்டு 9,565 சிசுக்கள் பிறந்துள்ளன, 2,703 மரணங்கள் நிகழ்ந்துள்ளன, 16.8 வீதம் குறைப்பிரசவமும், 4.7 குறைப்பிரசவ இறப்பு வீதமுமாகக் காணப்படுகின்றது. இங்கு 54.5 வீதமானோர் தங்கி வாழ்கின்றார்கள். 9,562 குடும்பங்களுகள் இன்னும் குடிசை வீடுகளிலேயே வழ்ந்து வருகின்றனர். 20,425 குடும்பங்கள் மண் வீடுகளிலும், 11,147 குடும்பங்கள் கிடுகு மற்றும் வைக்கோல் வேயப்பட்ட வீடுகளிலும், வாழ்ந்து வருகின்றார்கள். இதுபோன்று 1,724 இடங்களில் இம்மாவட்டத்திலுள்ள மக்கள், இன்னும் ஆறு மற்றும் குளங்களில் நீர் பெற்று வருகின்றனர். அதேபோன்று தற்போதைய நவீன யுகத்திலும், 43,671 குடும்பங்கள் மண்ணெண்ணெய் விளக்குளைப் பயன்படுத்துபவர்களாகவும், 16,925 குடும்பங்கள் மலசலகூடம் பாவிக்காத மக்களுமாக உள்ளனர். 2020 ஆம் ஆண்டில் மாத்திரம் 4.6 வீதமானோர் வேலைவாய்ப்பின்றி உள்ளனர். அதே ஆண்டில் 3452 பேர் வெளிநாடுகளுக்கு தொழில்வாய்ப்புக்களுக்காகச் சென்றுள்ளனர் என்று அறியமுடிகின்றது. எனவே 2012,2013 ஆம் ஆண்டுகளின் 19.4 வீதமாகவிருந்து, 2016 ஆம் ஆண்டு 11.3 வீதமாகவும், காணப்பட்ட வறுமை வீதம் 2019 ஆம் ஆண்டு 20.8 வீதமாகவும் உயர்ந்துள்ளதை மாவட்டத்தின் “வறுமையின் வளர்ச்சி” என்றுதான் கூறவேண்டும். கிழக்கு பகுதியில் அதிக சூரிய ஒளி, காற்று, கடல் அலை, கழிவுகள், உள்ளிட்ட வளங்கள் அதிகமுள்ளன இவற்றைப் பயன்படுத்தி மின்சாரம் உற்பத்தி செய்யலாம். களுகங்கையில் இருந்து பாவிக்கும் நீரைவிட மட்டக்களப்பில் 19 மடங்கு நீர் கடலுடன் கலக்கின்றது. அதபோல் மாவட்டத்தில் வருடாந்தம் கிடைக்கும் மழை வீழ்ச்சி நீரில் கூடுதலான நீர் கடலைச் சென்றடைகின்றது, இந்நீரைத் திசை திருப்பினால் அல்லது தூர்ந்துபோயுள்ள குளங்களைப் புனருத்தாரணம் செய்து மழை நீரைத் தேக்கினால், இன்னும் பல ஏக்கர் நிலங்களில் நெல்லுற்பத்தியை மேற்கொள்ள முடியும். மட்டக்களப்பின் வறுமையைக் குறைப்பதற்காக கடந்த காலங்களிலிருந்து மாறி மாறி வந்த அரசாங்கங்களால் சமூர்த்தி நிவாரண வேலைத்திட்டம், சமூகப்பாதுகாப்பு வேலைத்திட்டம், சிப்தொர புலமைப் பரிசில் வேலைத்திட்டம், வாழ்வாதார அபிவிருத்தி வேலைத்திட்டம், வீட்டுத்தோட்ட அபிவிருத்தி, சௌபாக்கியா வீடமைப்பு, திரிய பியச வீடமைப்பு, மற்றும் வங்கிக்கடன் உள்ளிட்டவை அமுல்படுத்தப்பட்டுள்ளன. மேலும் வறுமை ஒழிப்புக்காக கடந்த காலத்தில், மட்டக்களப்பு மாவட்டத்தில் ஜனசக்தி, டேர்பா, நேர்ப், நியாப், நெக்டெப், போன்ற பல அரச செயற்றிட்டங்கள் நடைமுறைப்படுத்தப்பட்டிருந்தன. இதனைவிட அரச சார்பற்ற நிறுவனங்களான ஐ. நா. உதவித் திட்டம், யூ.எஸ்.எயிட், ஐ.சி.ஆர்சி, வேர்ள்ட் விஷன் உள்ளிட்ட இன்னும் பல சர்வதேச நிறுவனங்களும் பல உள்நாட்டு உதவி அமைப்புக்களும் களத்தில் இறங்கிப் பணியாற்றிருக்கின்றன. எனினும் இற்றைவரையில் மட்டக்களப்பு மாவட்டத்தில் வறுமை குறைந்தபாடில்லை. மட்டக்களப்பு மாவட்டத்தில் 1957 ஆம் ஆண்டு ஏற்பட்ட பெருவெள்ளம், தொடர்ந்து 30 வருடங்களாகப் பீடித்த கோர யுத்தம், வரட்சி, சுனாமி, மற்றும் வெள்ளம், சமீபத்திய கொரோனா வைரஸ் உலகாளவிய தொற்று, உள்ளிட்ட பல இடர்களினால் மக்களின் வாழ்க்கை நிலைமையில் தொடரான தாக்கங்களும், பாதிப்புக்களும் தொடர் கதையாகிப் போனதால் வறுமையும் மக்களை விட்டபாடில்லை. அதேவேளை மக்களைக் காரணம்காட்டி வடிவமைக்கப்படும் செயற்றிட்டங்களும், அதற்காக ஒதுக்கீடு செய்யப்படும் நிதியும் மக்களுக்கே செலவு செய்யப்பட்டிருந்தால் இம்மாவட்ட மக்கள் தற்போது இத்தகைய வறுமை நிலையை எதிர்கொண்டிருக்க மாட்டார்கள் என்று ஆர்வலர்கள் ஆதங்கம் வெளியிடுகின்றனர். மாவட்டத்தின் அரிசித் தேவையின் 3 மடங்கு நெல் இங்கு உற்பத்தி செய்யப்படுகின்றது. ஆனால் மட்டக்களப்பில் உற்பத்தி செய்யப்படும் நெல்லின் விலையை அயல் மாவட்டங்களான, பொலான்னறுவை மற்றும் அம்பாறை, மாவட்ட நெல் வர்த்தகர்களும், அதுபோல் இங்கு விழைகின்ற மரக்கறிகளின் உற்பத்திகளை கல்முனை மொத்த வியாபாரிகளும், தீர்மானிக்கிறார்கள் என்று மட்டக்களப்பு மாவட்ட விவசாயிகள் தெரிவிக்கின்றனர். மட்டக்களப்பு மாவட்டத்திலுள்ள கிராமங்களிலும் மக்கள் கிராமிய பொருளாதாரத்தைக் கட்டியெழுப்ப வேண்டும். இலங்கையில் எங்குமில்லாத வளங்கள் ஜொலித்துக் கொண்டிருக்கும் மட்டக்களப்பு மாவட்டத்தில் இன்னும் வறுமை ஊசலாடுகின்றது என்பதை எவராலும் ஜீரணிக்க முடியாது. வளங்களை முறையாகப் பகிர்ந்து, முறையாகப் பயன்படுத்தி அதன் உச்சப் பயன்களை மக்கள் பெறும் பட்சத்திலேயே வறுமையை முற்றாக மட்டக்களப்பிலிருந்து விரட்டமுடியும்.வளங்கள் நிறைந்த மட்டக்களப்பில் வறுமை ஏன் ? - ஒரு தேடல் | Virakesari.lk
  13. மகாவலி அதிகார சபைக்கு சொந்தமான காணிகளை தனியாருக்கு வழங்கும் தீர்மானம் இரத்து செய்யப்பட வேண்டும் - சரத் வீரசேகர By DIGITAL DESK 2 17 NOV, 2022 | 04:05 PM (இராஜதுரை ஹஷான்,எம்,ஆர்.எம்.வசீம்) பிரபாகரனினால் 30 வருடகால போர் ஊடாக அடைய முடியாத இலக்கை ஒரு வாக்கியத்தின் ஊடாக வழங்குவது முழு நாட்டையும் காட்டிக் கொடுப்பதாக கருதப்படும். மகாவலி அதிகார சபைக்கு சொந்தமான காணிகளை தனியார் தரப்பினருக்கு விவசாய நடவடிக்கைக்கு வழங்கும் தீர்மானம் இரத்து செய்யப்பட வேண்டும் என பாராளுமன்ற உறுப்பினர் சரத் வீரசேகர தெரிவித்தார. பாராளுமன்றத்தில் வியாழக்கிழமை (நவ.17) இடம்பெற்ற 2023ஆம் ஆண்டுக்கான வரவு - செலவுத் திட்டத்தின் இரண்டாம் வாசிப்பு மீதான விவாதத்தில் உரையாற்றுகையில் மேற்கண்டவாறு குறிப்பிட்டார். அவர் மேலும் குறிப்பிட்டதாவது, முன்னாள் ஜனாதிபதி கோட்டபய ராஜபக்ஷவின் ஆட்சி காலத்தில் நடுநிலையான வெளிவிவகார கொள்கை பேணப்பட்டிருந்தால் பொருளாதார நெருக்கடிக்கு தீர்வு கண்டிருக்க முடியும். ரஷ்யாவிடமிருந்து எரிபொருளை பெற்றுக் கொள்ளுமாறு பலமுறை எடுத்துரைத்தோம். ரஷ்யாவிடமிருந்து எரிபொருளை பெற்றுக்கொண்டால் அமெரிக்காவை பகைத்துக் கொள்ள நேரிடும் என்ற காரணத்தினால் எமது கருத்துக்கு மதிப்பளிக்கப்படவில்லை.ரஷ்யாவிடமிருந்து எரிபொருளை கொள்வனவு செய்திருந்தால் போராட்டம் (அரகலய) தோற்றம் பெற்றிருக்காது,தற்போதைய பொருளாதார பாதிப்பும் ஏற்பட்டிருக்காது. தேசிய பாதுகாப்பை உறுதிப்படுத்த வேண்டுமாயின் உணவு பாதுகாப்பை உறுதிப்படுத்த வேண்டும். விவசாயத்திற்காக மகாவலி அதிகார சபைக்கு சொந்தமான காணிகளை விடுவிக்க வரவு - செலவுத் திட்டத்தில் பரிந்துரைக்கப்பட்டுள்ளமைக்கு கடுமையான எதிர்ப்பு வெளிப்படுத்துவேன். அரச காணிகளை ஒரு தனிநபருக்கு வழங்குவது அவதானமிக்கது, இவ்விவகாரத்தில் அரசியல் தலையீடு காணப்படும். பிரபாகரனினால் 30 வருடகால போர் ஊடாக அடைய முடியாத இலக்கை ஒரு வாக்கியத்தின் ஊடாக வழங்குவது முழு நாட்டையும் காட்டிக் கொடுப்பதாக கருதப்படும். அரச காணிகளை விவசாய நடவடிக்கைக்கு வழங்குவது தொடர்பில் வரவு - செலவுத் திட்டத்தில் முன்வைக்கப்பட்டுள்ள யோசனை மறுசீரமைக்கப்பட வேண்டும். அரச நிறுவனங்களை தனியார் மயப்படுத்தும் முயற்சியை அரசாங்கம் கைவிட வேண்டும் என்றார்.மகாவலி அதிகார சபைக்கு சொந்தமான காணிகளை தனியாருக்கு வழங்கும் தீர்மானம் இரத்து செய்யப்பட வேண்டும் - சரத் வீரசேகர | Virakesari.lk
  14. தமிழர் தொடர்பான ரணிலின் நடவடிக்கையில் மறைந்திருக்கும் இரகசியத் திட்டம்! பகிரங்கப்படுத்தப்பட்ட விடயம் தமிழ் அரசியல் கைதிகளை விடுவிப்பதாகவும், அரசியல் தீர்வினைப் பெற்று தருவதாகவும் ஜனாதிபதி ரணில் விக்ரமசிங்க திடீரென கூறியிருப்பது சர்வதேசத்தின் நன்மதிப்பைப் பெற்றுக்கொள்வதற்கான இரகசிய நோக்கமாக கூட இருக்கலாம் என்று பேராதனை பல்கலைக்கழகத்தின் அரசியல் விஞ்ஞானத்துறை சிரேஷ்ட விரிவுரையாளர் கலாநிதி ரமேஷ் தெரிவித்துள்ளார். ஊடகம் ஒன்றுக்கு வழங்கிய நேர்காணலில் அவர் இதனை குறிப்பிட்டுள்ளார். ஜனாதிபதி ரணில் வெளியிட்ட கருத்தின் உண்மைத் தன்மை என்ன? 75ஆவது சுதந்திர தினத்திற்கு முன் வடக்கின் அனைத்துப் பிரச்சினைக்கும் தீர்வைப் பெற்றுத் தருவதாகவும், எவரும் எமது நாட்டின் மீது கை நீட்டி குற்றம் சுமத்தக்கூடாது எனவும் கடந்த நாட்களில் ஜனாதிபதி ரணில் விக்ரமசிங்க தெரிவித்திருந்தார். இந்தநிலையில் தமிழர் பிரச்சினை தொடர்பில் ஜனாதிபதியின் திடீர் கருத்து எவ்விதத்தில் உண்மைத் தன்மை உடையது என கலாநிதி ரமேஷ் பதிலளிக்கையில், அண்மையில் ஜனாதிபதி ரணில் விக்ரமசிங்க அவர்கள் நாட்டின் தேசிய இனப்பிரச்சினை தொடர்பாகவும், தேசிய இனப்பிரச்சினையோடு தொடர்புடைய காணாமல் போனோருக்கான நீதி, அரசியல் கைதிகளுடைய விடுதலை தொடர்பாகவெல்லாம் வெளியிட்ட கருத்துக்கள் இன்று அரசியல் பரப்பில் ஒரு வகையான கரிசனையை ஏற்படுத்தியுள்ளது. ஆனால் அந்த கூற்று, குறிப்பாக அடுத்த சுதந்திர தினத்திற்கு முன்னர் பிரச்சினைகள் தீர்க்கப்படும் என்ற விடயம் எந்த அளவுக்கு நம்பக்கூடியதாக இருக்கும், எந்த அளவுக்கு அதில் உண்மைத் தன்மை ஒன்று இருக்கின்றது என்ற கேள்வியையும் அது தோற்றுவித்திருக்கின்றது. காரணம், கடந்த காலங்களிலே பல்வேறு சந்தர்ப்பங்களிலே ரணில் விக்ரமசிங்கவினுடைய அரசாங்கம் பதவியில் இருந்திருக்கின்றது. இப்படியான சந்தர்ப்பங்களில் எல்லாம் அவர்களால் இந்த பிரச்சினையை தீர்ப்பதற்கு முடியாமல் போயுள்ளது. ஆனால் இன்று தேசியப் பட்டியல் உறுப்பினராக உள்ளே வந்து, மொட்டுக் கட்சியின் செல்வாக்கிலே ஜனாதிபதியாக பதவியேற்று, அந்த குடும்பத்திற்கும் அந்த கட்சிக்கும் ஆதரவாக இருக்கின்ற ஒரு சூழலில், குறிப்பாக அந்தக் கட்சியின் நிலைப்பாடு எங்களுக்கு தெரியும், எந்தவொரு முற்போக்கான செயற்பாடுகளுக்கும் ஒத்துழைப்பு வழங்காத ஒரு தரப்பினரோடு இருந்து கொண்டு இவர் தமிழ் மக்களினுடைய பிரச்சினைகளை தீர்ப்பது பற்றி பேசியிருப்பது எந்த அளவுக்கு சாத்தியமாகும். எந்த அளவுக்கு நடைமுறைக்கு இது பொருத்தமானது என்று கேள்வியையும் ரணிலின் கருத்து எழுப்பியிருக்கின்றது. சர்வதேச சமூகத்தின் நன்மதிப்பை வென்றெடுக்கும் நோக்கம் அரசியல் கைதிகளைப் பற்றியும், காணாமல் ஆக்கப்பட்டோர் பற்றியும் இன்று ரணில் விக்ரமசிங்க பேசிக் கொண்டிருப்பது சர்வதேச சமூகத்தின் நன்மதிப்பை வென்றெடுப்பதன் நோக்கமாகக் கூட இருக்கலாம். எங்களுக்குத் தெரியும் நாட்டில் தற்போது மிக மோசமான பொருளாதார நெருக்கடி நிலவிக் கொண்டிருக்கின்றது. மிக இக்கட்டான நிலையில் பதவியேற்றாலும், ரணில் பதவியேற்றதில் இருந்து எந்தவொரு நாடும் பொருளாதார ரீதியான உதவிகளை வழங்க முன்வரவில்லை என்பதை நாங்கள் புரிந்து கொள்ள வேண்டும். ரணில் விக்ரமசிங்க என்ற ஒரு தனி நபரால் இந்த உதவிகளை எல்லாம் பெற்று நாட்டை மீட்டெடுக்க முடியுமா என்பது நாங்கள் சிந்திக்க வேண்டிய ஒரு விடயம். இவ்வாறான பின்னணியில், தமிழர்கள் குறித்து ரணில் விக்ரமசிங்க தற்போது முன்வைக்கும் கருத்துக்கள், சர்வதேச சமூகத்தின் பார்வையை திருப்புவதற்கும், சர்வதேச சமூகம் இலங்கை தொடர்பாக கொண்டுள்ள அந்த இறுக்கமான நிலைமையினை தளர்த்துவதற்கு ரணில் விக்ரமசிங்க இப்படியான காரியங்களிலே ஈடுபடுகின்றார் என நான் நினைக்கின்றேன். ஏனென்றால் அதன் உண்மைத் தன்மை எந்தளவுக்கு இருக்கும் என்று எங்களுக்கு நம்ப முடியாமல் உள்ளது. தற்போதை நெருக்கடியை தளர்த்துவதற்கு, சர்வதேச சமூகத்தை மகிழ்ச்சிப்படுத்தும் வகையிலான கருத்துக்களாகவே நான் இதனைப் பார்க்கின்றேனே தவிர இதில் உண்மைத் தன்மை இருப்பதாக கருதவில்லை என குறிப்பிட்டுள்ளார். தமிழர் தொடர்பான ரணிலின் நடவடிக்கையில் மறைந்திருக்கும் இரகசியத் திட்டம்! பகிரங்கப்படுத்தப்பட்ட விடயம் - தமிழ்வின் (tamilwin.com)
  15. பிரான்ஸில் இரண்டு இலங்கை தமிழர்கள் அதிரடி கைது! பிரான்ஸின் வடபகுதியிலிருந்து இல் து பிரான்ஸிற்கு சென்று கொண்டிருந்த இரண்டு இலங்கை தமிழர்கள் கைது செய்யப்பட்டுள்ளதாக பொலிஸார் தெரிவித்துள்ளனர். வேர்தன் (Verdun) சுங்க அதிகாரிகள் மேற்கொண்ட திடீர் சுற்றிவளைப்பின் போது கடந்த 8ஆம் திகதி அவர் கைது செய்யப்பட்டுள்ளதாக தெரியவந்துள்ளது. லக்சம்பேர்க்கில் வாங்கிய 3,000 மதுசார போத்தல்களை வைத்திருந்த குற்றச்சாட்டில் குறித்த இரண்டு இலங்கையர்களும் கைது செய்யப்பட்டுள்ளதாக பொலிஸார் தெரிவித்துள்ளனர். அந்த பகுதியில் மேற்கொண்ட பாரிய சுற்றிவளைப்பாக உள்ளதென அதிகாரிகள் கூறியுள்ளனர். கார் ஒன்றில் மறைத்து வைத்த நிலையில் இந்த மதுபானம் கொண்டு வரப்பட்டுள்ளது. காரில் காணப்பட்ட அதிக நிறையும் அதிக புகையை வெளியேற்றிய நிலையில் பயணித்தமையினால் பொலிஸாருக்கு சந்தேகம் ஏற்பட்டுள்ளது. அதற்கமைய, அந்த காரை பொலிஸார் சுற்றிவளைத்து சோதனையிட்ட போது சரியாக 2,976 மதுபான போத்தல்கள் பதுக்கி வைக்கப்பட்டிருந்தது. இல் து பிரான்ஸ் பிராந்தியத்தில் உள்ள சுப்பர் மார்க்கெட்கள் மற்றும் கடைகளில் அதிக விலையில் விற்பனை செய்வதற்காக இந்த மதுபான போத்தல்களை கொண்டு வந்துள்ளனர். எனினும் பொலிஸார் மேற்கொண்ட விசாரணைகளில் அவர்கள் லக்சம்பேர்க்கில் இருந்து இந்த மதுபான போத்தல்கள் கடத்தி வரப்பட்டுள்ளதாக கண்டுபிடிக்கப்பட்டுள்ளது. அதற்கமைய, இரண்டு இலங்கையர்களும் பொலிஸாரால் கைது செய்யப்பட்டு தடுத்து வைக்கப்பட்டு விசாரணைக்குட்படுத்த நீதிமன்றம் அனுமதி வழங்கியுள்ளது. தமிழ் குழுவொன்றினால் பிரயோகிக்கப்பட்ட அழுத்தத்திற்கு மத்தியில் இவர்கள் இந்த மதுபானங்கள் சட்டவிரோதமாக கடத்தி செல்லப்பட்டுள்ளதாக தெரியவந்துள்ளது. இந்த நிலையில் இந்த இலங்கையர்கள் தொடர்பான மேலதிக விசாரணைகள் முன்னெடுக்கப்பட்டு வருகின்றது.பிரான்ஸில் இரண்டு இலங்கை தமிழர்கள் அதிரடி கைது! - கனடாமிரர் (canadamirror.com)
  16. தமிழ்ப்படகு மக்கள் 15 NOV, 2022 | 01:31 PM படகு மக்கள் என்று சொன்னால் ஒரு காலத்தில் வியட்நாமியர்களே நினைவுக்கு வருவர்.வியட்நாம் போரில் 1975 ஆம் ஆண்டு அமெரிக்கா தோற்கடிக்கப்பட்டதன் பிறகு ஆயிரக்கணக்கான வியட்நாமியர்கள் (பெரும்பாலானவர்கள் சீன வம்சாவளியினர்) தங்களது சொந்த நாட்டை விட்டு வெளியேற நிர்ப்பந்திக்கப்பட்டனர்.பலவீனமான படகுகளில் பயணம் செய்த அவர்கள் ஆழ்கடலில் அனுபவித்த அவலங்கள் தொடர்பான விபரங்கள் நடுக்கம் தருபவை. ஆபிரிக்காவில் இருந்தும் மத்திய கிழக்கில் இருந்து ஐரோப்பாவுக்கு மத்திய தரைக்கடலின் ஊடாக படகுகளில் சென்ற படகு மக்களின் அவலங்கள் தனியான வரலாறு. உலகின் படகு மக்களின் வரலாற்றுக்கு இலங்கைத் தமிழர்களும் தங்கள் சொந்தத்தில் அத்தியாயங்களை சேர்த்துவந்திருக்கிறார்கள்.1983 கறுப்பு ஜூலைக்கு பிறகு இலங்கையில் இருந்து தீவிரமடையத்தொடங்கிய தமிழர்களின் வெளியேற்றம் இன்னும் முடிவுக்கு வருவதாக இல்லை. பாக்கு நீரிணையைக் கடந்து படகுகளில் தமிழகத்துக்கு அகதிகளாக செல்லத்தொடங்கிய தமிழர்கள் நடுக்கடலில் அனுபவித்த அவலங்களை விபரிப்பின் அது பெருகிக்கொண்டே போகும்.சொந்த மண்ணில் உயிருக்கு பாதுகாப்பு இல்லாத நிலையில் புகலிடம் தேடிச் செல்கையில் கடலில் மாண்டுபோன தமிழர்களின் சரியான எண்ணிக்கை இதுவரையில் எவருக்கும் தெரியாது. பழைய றோமானியர்களினால் இஸ்ரேலில் இருந்து விரட்டப்பட்டதன் பின்னர் உலகம் பூராவும் அலைந்து திரிந்த புராதன யூதர்கள் போன்று இன்று இலங்கைத் தமிழர்கள் உலகின் பல நாடுகளிலும் பரந்து வாழ்ந்துகொண்டிருக்கிறார்கள்.மூன்று தசாப்தகால உள்நாட்டுப் போரின்போது பாதுகாப்புத் தேடி இலட்சக்கணக்கான தமிழர்கள் வெளிநாடுகளுக்கு அகதிகளாக புலம்பெயர்ந்தனர்.அதிகப் பெரும்பான்மையான தமிழர்கள் ஐரோப்பாவிலும் அமெரிக்காவிலுமே வாழ்கிறார்கள். உலகில் புலம்பெயர் தமிழர்களைக் கூடுதல் எண்ணிக்கையில் கொண்ட நாடாக இன்று கனடா விளங்குகிறது.நான்கு தசாப்தங்களுக்கும் அதிகமான கால புலம்பெயர்வை அடுத்து தற்போது வெளிநாடுகளில் வாழும் இலங்கைத் தமிழர்களின் எண்ணிக்கை 15 இலட்சத்துக்கும் அதிகமானதாகும் என்பதில் சந்தேகமில்லை. போர் முடிவுக்கு வந்த பின்னரும் கூட தமிழர்களின் அகதி வாழ்க்கை முடிவுக்கு வரவில்லை.படகுகளில் அவுஸ்திரேலியா நோக்கி பயணித்த பல தமிழர்கள் இந்தோனேசியாவினதும் அவுஸ்திரேலியாவினதும் கடற்படைகளினால் இடைமறிக்கப்பட்டு தீவுகளில் அடைத்துவைக்கப்பட்ட சம்பவங்கள் ஏராளம். இப்போது மீண்டும் தமிழ்ப்படகு மக்கள் பற்றிய செய்திகள் சர்வதேச ஊடகங்களை ஆக்கிரமித்திருக்கின்றன.தென்கிழக்காசிய நாடான மியன்மாரில் இருந்து கனடா நோக்கி பலவீனமான கப்பலில் பயணம் செய்தவேளையில் வியட்நாமுக்கும் பிலிப்பைன்ஸுக்கும் இடையிலான ஆழ்கடலில் தத்தளித்த குழந்தைகள்,சிறுவர்கள், பெண்கள் உட்பட 300க்கும் அதிகமான இலங்கைத் தமிழர்கள் கடந்தவாரம் சிங்கப்பூர் மற்றும் ஜப்பானிய கப்பல்களினால் காப்பாற்றப்பட்டு வியட்நாமிடம் ஒப்படைக்கப்பட்டிருக்கிறார்கள். வியட்நாமில் மூன்று முகாம்களில் தங்கவைக்கப்பட்டிருக்கும் இந்த அகதிகள் புலம்பெயர்வுக்கான சர்வதேச அமைப்புடன் (International Organisation for Migration) தொடர்பில் இருப்பதாகவும் தங்களை இலங்கைக்கு திருப்பயனுப்பவேண்டாம் என்றும் மூன்றாவது நாடொன்றில் அகதிகளாக தங்கவைக்குமாறும் அவர்கள் அகதிகளுக்கான ஐக்கிய நாடுகள் அலுவலகத்திடம் வேண்டுகோள் விடுத்திருப்பதாகவும் செய்திகள் வெளியாகியிருக்கின்றன. தங்களது விவகாரத்தில் ஐக்கிய நாடுகளின் தலையீட்டையே இந்த அகதிகள் நாடி நிற்கிறார்கள் என்று தெரிகிறது. வியட்நாமிய அதிகாரிகளுடனும் அந்த நாட்டில் உள்ள இலங்கை தூதரகத்துடனும் ஒருங்கிணைந்து அகதிகளை சோதனை செய்யும் நடவடிக்கைகளை புலம்பெயர்வுக்கான சர்வதேச அமைப்பு மேற்கொள்ளும் என்றும் இலங்கை வெளியுறவு அமைச்சு சிங்கப்பூர், பிலிப்பைன்ஸ் மற்றும் வியட்நாமில் உள்ள எமது தூதரகங்களுடன் தொடர்புகொண்டு இந்த விவகாரம் குறித்து தொடர்ந்து ஆராய்ந்துவருவதாகவும் அறிவிக்கப்பட்டிருக்கிறது. வியட்நாம் அகதிகளை ஏற்றுக்கொள்கின்ற ஒரு நாடு அல்ல. மியன்மார் கரையில் தங்களை கப்பலில் ஏற்றியவர்கள் கனடாவுக்கு கூட்டிச்செல்வதாக றுதியளித்தார்கள் என்று அகதிகள் கூறியதற்காக கனடா அவர்களைப் பற்றி கவனத்தில் எடுக்கும் என்று எதிர்பார்க்கமுடியாது.கனடிய கரையோரத்தில் இருந்து ஆயிரக்கணக்கான மைர்களுக்கு அப்பால் நடந்திருக்கின்ற சம்பவம் இது. புலம்பெயர்வுக்கான சர்வதேச அமைப்பும் அகதிகளுக்கான ஐக்கிய நாடுகள் உயர்ஸ்தானிகர் அலுவலகமும் சம்பந்தப்பட்ட நாடுகளும் இந்த விவகாரத்தை எவ்வாறு கையாளப்போகின்றன என்பதை எல்லோரும் பார்த்துக்கொண்டிருக்கிறோம். அகதிகள் இலங்கைக்கு திரும்புவதற்கு மறுத்தால் அவர்கள் விசாரணைகளின் முடிவில் பலவந்தமாக நாடுதிருப்பியனுப்பப்படக்கூடிய சாத்தியத்தையும் மறுப்பதற்கில்லை.மூன்றாவது நாடொன்றில் தங்களை அகதிகளாக தங்கவைக்குமாறு அகதிகள் கேட்கிறார்கள் என்பதற்காக எந்தவொரு நாடும் தானாக முன்வந்து அவர்களை ஏற்றுக்கொள்ளக்கூடிய சூழ்நிலை உருவாகும் என்பது சந்தேகமே.அவுஸ்திரேலியாவுக்கு படகுகளில் சென்ற இலங்கையர்கள் இடைமறிக்கப்பட்டு திருப்பியனுப்பப்பட்டதைப் போன்ற கதியே வியட்நாமில் உள்ள தமிழர்களுக்கும் ஏற்படுமோ? வியட்நாம் கடலில் கடந்த வாரம் இடம்பெற்ற சம்பவம் எமக்கு 1980 களின் நடுப்பகுதியில் கனடாவின் நியூபவுண்ட்லாந்து கரையோரமாக ஆண்களும் பெண்களும் குழந்தைகளுமாக 155 இலங்கைத் தமிழர்கள் இரு படகுகளில் நெருங்கியடித்துக்கொண்டு சென்ற சம்பவத்தை நினைவூட்டுகிறது. அன்றைய மேற்கு ஜேர்மனியில் இருந்து கனடாநோக்கிய பயணத்தில் அகதிகள் ஐந்து நாட்கள் கடலில் தத்தளித்தனர்.அந்த படகு மக்களின் விவகாரம் உலகம் பூராவும் பெரும் பரபரப்புச் செய்தியாகியது. இலங்கையில் உள்நாட்டுப் போர் தீவிரமடையத் தொடங்கிய காலகட்டம் அது.இலங்கையின் நிலைவரங்கள் வெளியுலகிற்கு அம்பலமாகிவிடக்கூடாது என்பதில் அக்கறை கொண்டிருந்த சிங்கள இனவாத சக்திகள் அந்த படகு மக்களுக்கு கனடிய அரசாங்கம் தஞ்சம் வழங்கக்கூடாது என்று கோரிக்கை விடுத்தன.அன்பு , கருணை பற்றி உபதேசம் செய்யும் பௌத்த பிக்குமார் கூட அதற்கு விதிவிலக்காக இருக்கவில்லை. கனடாவிலும் படகுமக்கள் விவகாரம் ஒரு அரசியல் சர்ச்சையாக மாறியது.ஆனால்,கனடாவின் அன்றைய பிரதமர் பிறையன் மல்றோனி மிகவும் நிதானமான அணுகுமுறையை கடைப்பிடித்தார். " கனடா குடியேற்றவாசிகளினால் கட்டியெழுப்பப்பட்ட ஒரு நாடு. படகுகளில் வந்துசேர்ந்த மக்களுக்கு நாம் தவறிழைப்போமேயானால், நாம் கருணை தரப்பிலும் தவறிழைத்தவர்களாவோம் " என்று கூறிய அவர் அந்த படகு மக்களுக்கு தனது நாட்டில் தஞ்சம் வழங்கினார்.இன்று அப்படி ஒரு மல்றோனி எந்த நாட்டிலாவது இருக்கிறாரா?தமிழ்ப்படகு மக்கள் | Virakesari.lk
  17. வலிந்து காணாமலாக்கப்பட்டோரது உறவுகள் தெரிவித்த எதிர்ப்பை திசைத்திருப்ப நீதியமைச்சர் சபையில் தெரிவித்த விடயம் பொய்யானது - செல்வராஜா கஜேந்திரன் By VISHNU 16 NOV, 2022 | 10:36 PM (இராஜதுரை ஹஷான்,எம்.ஆர்.எம்.வசீம்) காணாமல் போனோர் அலுவலகம், இழப்பீட்டு அலுவலகத்திற்கு எதிராக வலிந்து காணாமலாக்கப்பட்டோரது உறவுகள் தெரிவித்த எதிர்ப்பை மறைத்து நாங்கள் நடமாடும் சேவைக்கு எதிர்ப்பு தெரிவித்ததாக நீதியமைச்சர் சபையில் குறிப்பிட்ட விடயம் முற்றிலும் பொய்யானது. இவரது கருத்தை முற்றாக கண்டித்து, நிராகரிக்கிறேன் என தமிழ் தேசிய மக்கள் முன்னணியின் பாராளுமன்ற உறுப்பினர் செல்வராஜா கஜேந்திரன் தெரிவித்தார். தோல்வியடைந்த ஒற்றையாட்சி முறைமையை நீக்கி சுய நிர்ணயத்தை அங்கிகரிக்கும் வகையில் சமஷ்டியாட்சி முறைமை உருவாக்கப்பட வேண்டும். பூகோள அரசியல் செயற்பாட்டை இனவாதத்தை விடுத்து அரசாங்கம் விளங்கிக் கொள்ள வேண்டும். சமஷ்டியே பொருளாதார மீட்சிக்கான இறுதி தீர்வு எனவும் குறிப்பிட்டார். பாராளுமன்றத்தில் புதன்கிழமை (16) இடம்பெற்ற 2023ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான விவாதத்தில் உரையாற்றுகையில் மேற்கண்டவாறு குறிப்பிட்டார். அவர் மேலும் குறிப்பிட்டதாவது, நீதியமைச்சர் விஜயதாஸ ராஜபக்ஷ கடந்த வாரம் எனது பெயரை குறிப்பிட்டு சபையில் உண்மைக்கு புறம்பான பொய் ஒன்றை முன்வைத்துள்ளார். கடந்த மாதம் 31ஆம் திகதி யாழ்ப்பாண மாவட்டச் செயலகத்தில் நடமாடும் சேவை ஒன்று இடம்பெற்றது. காணாமல் போனோர் தொடர்பான அலுவலம், இழப்பீட்டுக்கான அலுவலகம் ஆகியவற்றை உள்ளிடக்கிய வகையில் இந்த நடமாடும் சேவை இடம்பெற்றது. காணாமல் போனோர் தொடர்பான அலுவலகம் மற்றும் இழப்பீட்டுக்கான அலுவலகத்தின் செயற்பாடுகளை வலிந்து காணாமல் ஆக்கப்பட்டோரின் உறவுகள் விமர்சிக்கிறார்கள், புறக்கணிக்கிறார்கள். நீதியமைச்சர் வருகை தந்த போது 'எமது உறவுகள் எங்கே' என வலிந்து காணாமல் ஆக்கப்பட்டோரின் உறவுகள் போராட்டத்தில் ஈடுப்பட்டார்கள். போராட்டத்தில் கலந்துக் கொள்ளுமாறு எமக்கு அழைப்பு விடுத்தார்கள், அதற்கமைய நானும் போராட்டத்தில் கலந்துக் கொண்டேன். நீதியமைச்சர் யாழ்ப்பாண செயலக பிரிவில் ஒரு நிகழ்வில் கலந்துக் கொண்டதை அறிந்த வலிந்து காணாமலாக்கப்பட்டோரது உறவுகள் அங்கு சென்று அவரிடம் சில கேள்விகளை கேட்க முற்பட்டார்கள். அவர்களுடன் நானும் சென்றேன். இவ்விடத்தில் காணாமல் போனோர் அலுவலகத்திற்கு எதிராகவும், இழப்பீட்டு அலுவலகத்திற்கு எதிராக மாத்திரமே எதிர்ப்பு கோஷங்கள் எழுப்பப்பட்டதே இந்தியாவில் இருந்து வருகை தந்த இலங்கையர்களை மீள்குடியமர்த்தும் செயற்பாடுகளுக்கும், நடமாடும் சேவைக்கும் இடையூறு விளைவிக்கும் வகையில் எவரும் போராட்டத்தில் ஈடுப்படவில்லை. வலிந்து காணாமலாக்கப்பட்டோரின் உறவுகள் அவதானத்துடன் போராட்டத்தில் ஈடுப்பட்டார்கள். காணாமலாக்கபட்டோர் தொடர்பான அலுவலகம், இழப்பீட்டுக்கான அலுவலகத்திற்கு எதிரான உறவுகளின் எதிர்ப்பை மறைத்து நீதியமைச்சர் நடமாடும் சேவைக்கு நாங்கள் எதிர்ப்பு தெரிவித்ததாக தென்னிலங்கை மக்களிடமும், வடக்கு மக்களிடமும் அப்பட்டமான பொய்யுரைத்துள்ளார். நீதியமைச்சர் விஜயதாஸ ராஜபக்ஷ இன நல்லிணக்கத்தை உறுதிப்படுத்த முயற்சிப்பாராயின் அவர் பொய்களை விடுத்து உண்மை தன்மையுடன் செயற்பட வேண்டும். தமிழ் மக்களின் எதிர்பார்ப்புக்கள் என்ன என்பது குறித்து அவதானம் செலுத்தி அதற்கமைய செயற்பட வேண்டும், இல்லாவிடின் இந்த நாடும் மென்மேலும் பாதிக்கப்படும் ஆகவே நீதியமைச்சரின் பொய்யான கருத்தை வன்மையாக கண்டித்து நிராகரிக்கிறேன். ஜனாதிபதியின் பிரதிநிதியாக செயற்படும் வடக்கு மாகாண ஆளுநர் ஜீவன் தியாகராஜா வடக்கு மக்களின் காணிகளை இராணுவத்தினருக்கு சுபீகரித்துக் கொடுக்க முயற்சிக்கிறார். தேவையற்ற பிரச்சினையை தோற்றுவிக்கும் வகையில் வடக்கு மாகாண ஆளுநர் செயற்படுகிறார். யுத்தத்தினால் பாதிக்கப்பட்டுள்ள தமிழ் மக்களுக்கு சாதகமாக 2023 ஆம் ஆண்டுக்கான வரவு செலவுத் திட்டம் சமர்ப்பிக்கப்படவில்லை. பாதுகாப்பு அமைச்சுக்கு இந்த வருடத்தை காட்டிலும் 50 பில்லியன் ரூபா நிதி ஒதுக்கப்பட்டுள்ளது. 2010ஆம் ஆண்டிலிருந்து இன்று வரை பாதுகாப்பு அமைச்சுக்கு அதிக நிதி ஒதுக்கப்பட்டுள்ளது. பாதுகாப்பு படைகளில் நான்கில் மூன்று பகுதியினர் வடக்கில் அமர்த்தப்பட்டுள்ளார்கள். இராணுவத்தினரால் வடக்கு மற்றும் கிழக்கு பொருளாதாரம் முற்றாக இல்லாதொழிக்கப்பட்டுள்ளது. வடக்கில் இராணுவத்தினர் அதிகம் சேவையில் ஈடுப்படுத்தப்பட்டுள்ள பின்னணியில் போதைப்பொருளின் மையமாக யாழ்ப்பாணம் மாற்றியமைக்கப்பட்டுள்ளது. மகாவலி அபிவிருத்தி அதிகார சபை இன முரண்பாடுகளுக்கு வித்திட்டுள்ளது. ஆகவே மகாவலி அபிவிருத்தி அதிகார சபை முழுமையாக இரத்து செய்யப்பட வேண்டும். தமிழ் மக்களின் விவசாய உரிமைகளும் தொடர்ந்து மறுக்கப்படுகிறது. போரினாலும், இன அழிப்பினாலும் பாதிக்கப்பட்டுள்ள தமிழ் மக்களுக்கு சார்பான எவ்வித திட்டங்களும் அரசாங்கத்திடம் கிடையாது. புலம் பெயர் அமைப்புக்களின் முதலீடுகளை பெற்றுக்கொள்ள முயற்சிக்கும் அரசாங்கம் அதிகார பகிர்வு குறித்து அவதானம் செலுத்தவில்லை. தோல்வியடைந்துள்ள ஒற்றையாட்சி முறைமையை இல்லாதொழித்து சமஷ்டியாட்சி முறைமை உருவாக்கப்பட வேண்டும் என்பதில் எவ்வித மாற்றுக் கருத்தும் கிடையாது. சுயநிர்ணய உரிமைக்கு அங்கிகாரத்திற்கு ஒத்துழைப்பு வழங்கினால் பொருளாதாரத்தை முன்னேற்ற முழுமையான ஒத்துழைப்பு வழங்க தயாராகவுள்ளோம். பூகோள போட்டி தன்மை தீவிரமடைந்துள்ள போது இனவாதம் தவிர்த்து அரசாங்கம் பொறுப்புடன் செயற்பட வேண்டும்.இந்த ஆட்சியில் வடக்கில் இராணுவ மயமாக்கல் தீவிரப்படுத்தப்படுகிறது. தமிழ் தேசத்தை அழிக்கும் முயற்சியை அரசாங்கம் கைவிட வேண்டும் என்றார்.வலிந்து காணாமலாக்கப்பட்டோரது உறவுகள் தெரிவித்த எதிர்ப்பை திசைத்திருப்ப நீதியமைச்சர் சபையில் தெரிவித்த விடயம் பொய்யானது - செல்வராஜா கஜேந்திரன் | Virakesari.lk
  18. அதிகரிக்கின்றது கடவுச்சீட்டுக்கான கட்டணங்கள் 16 NOV, 2022 | 10:37 PM கடவுச் சீட்டு கட்டணங்கள் நாளை வியாழக்கிழமை (17) முதல் அமுலுக்கு வரும் வகையில் அதிகரிக்கப்பட்டுள்ளன. இதன்படி, கடவுச் சீட்டுக்கான சாதாரண சேவைக் கட்டணம் 5,000 ரூபாவாக உயர்த்தப்பட்டுள்ளது. ஒரு நாள் சேவை கடவுச் சீட்டுக்கான கட்டணம் 20,000 ரூபாவாக அதிகரிக்கப்படவுள்ளதாக குடிவரவுத் திணைக்களம் தெரிவித்துள்ளது. அதிகரிக்கின்றது கடவுச்சீட்டுக்கான கட்டணங்கள் | Virakesari.lk
  19. தமிழீழத் தேசியத் தலைவர் மேதகு வே. பிரபாகரன் அவர்களின் 68 ஆவது அகவைத் திருநாள்-யேர்மனி. Posted on November 16, 2022 by சமர்வீரன் 10 0 தமிழீழத் தேசியத் தலைவர் மேதகு வே. பிரபாகரன் அவர்களின் 68 ஆவது அகவைத் திருநாள்-யேர்மனி. – குறியீடு (kuriyeedu.com)
  20. பேச்சுவார்த்தைக்கான நாடகங்களை நடத்திக் கொண்டு காணிகளை சுவீகரிக்க முயற்சி Posted on November 16, 2022 by தென்னவள் 7 0 தென்னிலங்கையில் ரணில் – ராஜபக்ச அரசாங்கம் பேச்சுவார்த்தைக்கான நாடகங்களை நடத்திக் கொண்டு வடக்கு கிழக்கில் தமிழ் மக்களின் பூர்வீக காணிகளை சுவீகரிக்க முயற்சிப்பதாக தமிழ் தேசிய மக்கள் முன்னனியின் ஊடகப் பேச்சாளர் சட்டத்தரணி க.சுகாஸ் தெரிவித்துள்ளார். வடக்கு ஆளுனர் அலுவலகம் முன் நேற்று இடம்பெற்ற முற்றுகைப் போராட்டம் தொடர்பில் ஊடகங்களுக்கு அனுப்பி வைத்துள்ள அறிக்கையிலேயே இவ்வாறு தெரிவிக்கப்பட்டுள்ளது. அதில் மேலும் தெரிவிக்கப்பட்டுள்ளதாவது, “தமிழ் மக்களினுடைய விருப்பங்களை மீறி தமிழ் மக்களினுடைய காணிகளை சுவீகரித்து முப்படையினருக்கும் வழங்குவதற்காக வடக்கு ஆளுனரால் கூட்டப்பட இருந்த கூட்டத்தை மக்களை திரட்டி மக்களினுடைய எதிர்ப்போடு முறியடித்து இருகின்றோம். ஆளுனருடைய சதி முயற்சி தற்காலிகமாக முறியடிக்கப்பட்டுள்ளது. தமிழ் மக்களின் விருப்பங்களுக்கு மாறாக தென்னிலங்கையில் ரணில் – ராஜபக்ச அரசு பேச்சுவார்த்தைக்கான நாடகங்களை நடத்திக் கொண்டு வடக்கு- கிழக்கில் தமிழ் மக்களின் பூர்வீக காணிகளை சுவீகரிக்க எடுத்த முதல் கட்ட முயற்சியை தடுத்து நிறுத்தியிருக்கின்றோம். இதற்கு ஒரு போதும் நாங்கள் அனுமதிக்கப்போவது கிடையாது. ஆளுனர் அவர்கள் இடையில் போராட்டக்காரர்களை சந்தித்து மிரட்டுகின்ற, எச்சரிக்கின்ற தொனியில் அடாவடியாக எமது போராட்டத்தை நிறுத்த முற்பட்டார். ஆனால் ஆளுனருக்கும் நாங்கள் காத்திரமான ஒரு செய்தியை சொல்லியிருக்கின்றோம். அச்சுறுத்தலுக்குக்கும், மிரட்டல்களுக்கும் ஒரு போதும் அஞ்சமாட்டோம் என்ற செய்தியை ஆளுனருக்கு சொல்லியிருக்கின்றோம். ஆளுனர் பல பொய்யான தகவல்களை கூறி எங்களை தவறாக வழிநடத்த முற்பட்டார். கடந்த ஆண்டில் இருந்து சுவிகரிக்கப்பட இருக்கின்ற காணிகள் தொடர்பாக மக்களின் வீடுகளுக்கு கடிதங்களை அனுப்பிவிட்டு இன்று தாங்கள் அவ்வாறு அனுப்பவில்லை என அப்பட்டமான பொய்யைக் கூறி போராட்டத்தை நிறுத்த முற்பட்டார். ஆனால், இவர்களது சதி நயவஞ்சக வார்த்தைகளுக்கு மயங்காது தமிழ் மக்களும், நாங்களும் தெளிவாக இருந்தமையினால் இன்றைய தினம் கூட்டப்பட இருந்த கூட்டம் தடுத்கப்பட்டது” என அதில் மேலும் தெரிவித்துள்ளார்.பேச்சுவார்த்தைக்கான நாடகங்களை நடத்திக் கொண்டு காணிகளை சுவீகரிக்க முயற்சி – குறியீடு (kuriyeedu.com)
  21. சனாதிபதி மாளிகைக்குள் என்று மக்கள் புகுந்தார்களோ, அன்றே ராயபக்ச அன்ட் கோ வின் சிங்களக் கதாநாயகப் பிம்பம் சுக்குநூறாக நொருங்கிவிட்டது. இவர் ஒருகாலத்தில் அவர்களோடு உலாவந்ததை வசதியாக மறந்துவிட்டுச் செத்தமாட்டுக்கு லாடன் கட்டமுனைகிறார். தங்கள் அரசியலுக்காக எதையும், எப்படியும் பேசும் கூட்டம் தமிழினத்தில் மட்டுமல்லச் சிங்களத்திலும் வளர்ந்துவருகிறது. நன்றி
  22. உண்மைதான், ஆனால் பாவம் வயதுபோன நேரத்திலை ஐயாவை இழுத்துக்கொண:டு திரியேக்கை ஏதாவது நடந்துவிட்டால் என்ன செய்வது என்ற பயமாக இருக்கலாம். சந்திப்பை அவரது இல்லத்தைவிடுத்து ஒரு பொது இடமாக வைத்திருந்தால் ஒருவேளை 90வீதமான வெற்றியை பெற்றிருக்கலாம். இந்த ஒன்றிணைப்பு முயற்சியும் இவர்களது சொந்த சிந்தனையாக இருக்க வாய்ப்பில்லை.அண்மைய சந்திப்புக்களின் பெறுபேறாகவே இருக்க வாய்ப்புள்ளது. அதேவேளை இங்கு கருத்தெழுதிய பலரது வினாக்கள் நியாயமானதே. அவை கடந்த காலப் பட்டறிவின் விளைவு.
  23. எங்கோ சில புள்ளிகளை இணைத்து யாரையோ பலிக்கடாவாக்கிவிட்டு நகருவதற்கான முயற்சியாகவே பார்க்கலாம். போர்க்குற்றம் நடைபெற்றது. அதற்கான தண்டனை கொடுத்தாயிற்று. நீங்கள் சேர்ந்து வாழலாம் என்ற இலக்குக்கான பரப்புரைக்கான முன் ஆயத்தம். தமிழினத்தினது இன அழிப்பை ஏற்க மறுக்கும் உலக வல்லாதிக்க சக்திகளின் நிகழ்ச்சி நிரலுக்கு அப்படியே பொருந்திப்போகும் செயற்பாடாக இருக்கிறது இந்தப்போட்டியின் இதுவரையான மொழிபெயர்ப்பு. மிகுதியையும் பார்ப்போம். ரஞ்சித் அவர்களே, உங்கள் நேரத்திற்கும் முயற்ச்சிக்கும் நன்றி.
  24. அந்தளவுக்குத் தொலைநோக்கிருந்திருப்பின் 70ஆண்டுகளைக் கடந்தும் இன அழிப்புத் தொடர்ந்திருக்குமா? அருணாசலம் முதல் தேசியத்தலைவர் வே. பிரபாகரன் வரை ஏமாற்றப்பட்டிருக்கமாட்டார்கள். நூறு ஆண்டுகளின் முன்தான் தெளிவில்லை. நூற்றாண்டின் பின்னான அனைத்துலக தரப்பினது அனுசரணையில் உருவாகிய அமைதி முயற்சியையே தூக்கியெறிந்தவர்களா தமிழரைப் பிரதமாராக ஏற்பார்கள். தமிழன் எதிர்கட்சியில் அமர்வதையே விரும்பாத சிங்களத் தலைமைகள் உள்ளவரை வெறும் கனவே.
  25. உலக தமிழ் நீதிமன்றம் என்ற பெயரில் ஆயுதமேந்தி போராட திட்டம்: 3 பேர் மீது என்ஐஏ குற்றப்பத்திரிகை தாக்கல் Posted on November 13, 2022 by தென்னவள் 8 0 சேலத்தில், நாட்டு கைத்துப்பாக்கிகள் வைத்திருந்த வழக்கில் கைது செய்யப்பட்ட 3 பேர், உலகத் தமிழ் நீதிமன்றம் என்ற அமைப்பை ஏற்படுத்தி டாஸ்மாக் மதுக்கடைகள், குவாரிகள் உள்ளிட்டவற்றின் மீது தாக்குதல் நடத்த திட்டமிட்டிருந்தனர் என்று என்ஐஏ தாக்கல் செய்துள்ள குற்றப்பத்திரிகையில் தெரிவிக்கப்பட்டுள்ளது. சேலம் மாவட்டம் ஓமலூரை அடுத்த புளியம்பட்டியில், கடந்த மே 19 -ம் தேதி ஓமலூர் போலீஸார் மேற்கொண்ட வாகன சோதனையின்போது, இரு சக்கர வாகனத்தில் வந்த 2 இளைஞர்களிடம் இருந்து, நாட்டு ரக கைத்துப்பாக்கிகள் 2, வெடிமருந்து, முகமூடி உள்ளிட்டவற்றை பறிமுதல் செய்தனர். விசாரணையில், சேலம் சன்னியாசிகுண்டு பகுதியைச் சேர்ந்த நவீன் சக்ரவர்த்தி (25), செவ்வாய்பேட்டை சஞ்சய் பிரகாஷ் (24) என்பதும், பொறியியல் பட்டதாரிகளான இருவரும் விடுதலைப் புலிகள் இயக்கத்தின் மீது பற்று கொண்டு, ஆயுதப் போராட்டத்தில் ஈடுபட திட்டமிட்டிருந்ததும் தெரியவந்தது. சேலம் செட்டிச்சாவடி பகுதியில், அவர்கள் வீடு ஒன்றை வாடகைக்கு எடுத்து, கைத்துப்பாக்கிகளை தயாரித்திருப்பதும் கண்டுபிடிக்கப்பட்டது. இவர்களுடன் தொடர்பில் இருந்த சேலத்தைச் சேர்ந்த கபிலர் என்பவரையும் போலீஸார் கைது செய்தனர். மூவர் மீதும் ஆயுதச் சட்டம், வெடிபொருட்கள் சட்டம் ஆகியவற்றின் கீழ் வழக்கு பதியப்பட்டது.உலக தமிழ் நீதிமன்றம் என்ற பெயரில் ஆயுதமேந்தி போராட திட்டம்: 3 பேர் மீது என்ஐஏ குற்றப்பத்திரிகை தாக்கல் – குறியீடு (kuriyeedu.com)
×
×
  • Create New...

Important Information

By using this site, you agree to our Terms of Use.