nochchi

முன்பள்ளிகளின் மேம்பாட்டுக்காக செயலாற்றும் சிறுவர் கல்வி மேம்பாட்டு அமைப்பு Posted on December 16, 2022 by தென்னவள் 23 0 நிலைத்து நீடிக்கத்தக்க சமுதாயத்தை கட்டியெழுப்புவதற்கு கல்வி முக்கியமாகும். அதன் வெளிப்பாடாக உருவாக்கப்பட்ட அமைப்பாக சிறுவர் கல்வி மேம்பாட்டு அமைப்பு காணப்படுகின்றது. இந்த அமைப்பின் தலைவராக ஆறுமுகம் சத்தியமூர்த்தி செயற்பட்டுவருகின்றார். இவர் தமது அமைப்பு தொடர்பாகவும் அதன் செயற்பாடுகள் தொடர்பாகவும் கருத்துத் தெரிவிக்கையில்… கொவிட்- 19 காலத்தில் உலகமே திகைத்துக் போயிருந்தபோது எமது மக்களுக்கு எத்தகைய உதவிகள் செய்யலாம் என அறிமுகமான நண்பர்களை இணைத்து குறிப்பாக பாதிக்கப்பட்டுள்ள மக்களுக்கு எவ்வாறு உதவலாம் என்பது தொடர்பில் நாங்கள் கலந்துரையாடினோம். அவ்வாறான கலந்துரையாடலின் மூலம் கல்வியே தனி நபருக்கும் சமுதாயத்திற்கும் உதவியாக இருக்கும் அதிலும் முன்பள்ளிதான் எமக்கு சரியானதாக தென்பட்டது. தரம் ஒன்று முதல் பல்கலைக்கழகம் வரை ஏதோ ஒரு வகையில் மாணவர்கள், ஆசிரியர்களுக்கு அரசாங்கம் உதவி செய்து வருகின்றது. ஆனால் முன்பள்ளிகளுக்கு எத்தகைய உதவிகளும் இல்லை. முன்பள்ளிகளை கண்டுக்கொள்வதில்லை. இவ்வாறான நிலையில்தான் நாங்கள் முன்பள்ளிகளுக்கு உதவி செய்ய வேண்டும் என தோன்றியது. மனித வாழ்க்கையில் சிறுபிள்ளைப் பராயம் மிக அவசியமான ஒன்று. இந்தப் பராயத்தை நாம் முறையாக கையாள வேண்டும். எதிர்கால சமுதாயத்தை வளமுள்ளவர்களாக மாற்றமுடியும் என்ற நம்பிக்கையில் நாங்கள் முன் பள்ளிகளை தெரிவு செய்தோம். நகர்பகுதிகளைப் பார்த்தால் முன்பள்ளிகளை ஏதாவதொரு அமைப்பு பொறுப்பெடுத்து அதனை முன்னெடுக்கின்றனர். கிராமத்தைப் பொறுத்தவரையில் அங்குள்ள மக்கள் பொருளாதாரம், கல்வி, அடிப்படைத் தேவைகள் இல்லாத நிலையில் இருக்கின்றனர். மலையகத்தைப் பொறுத்தவரையில் முன்பள்ளி ஆரம்பிப்பதற்கான அடிப்படை வசதிகள் கூட இல்லாத நிலையே காணப்படுகின்றது. தோட்டத்தொழிலாளர்கள் தமது பிள்ளைகளை சிறுவர் பராமரிப்பு இல்லத்திலேயே விட்டுச் செல்கின்றார்கள். அது சிறுவர்களுக்கான கல்வி கற்கும் இடமாக இல்லை. அதுவும் சிறுவர்களை பராமரிப்பவர்கள் பெரும்பான்மை இனத்தைச் சேர்ந்தவர்களாக உள்ளார்கள். தாய்மொழி இல்லை. அங்கு முன்பள்ளி ஒன்றை ஆரம்பிப்பதானால் தோட்டத்துறை முதலாளிகளிடமே கேட்கவேண்டும். எல்லோரும் சம்மதிக்கமாட்டார்கள். ஆனால் தோட்டத்தொழிலாளர்களிடம் விழிப்புணர்வு காணப்படுவதை நாங்கள் அறிந்து கொண்டோம். இவ்வாறான காரணங்களினால்தான் இலங்கையின் முதுகெலும்பாகவுள்ள மலையகத்தையும் யுத்தத்தால் பாதிக்கப்பட்ட வடக்கு, கிழக்கையும் நாங்கள் தெரிவு செய்தோம். அடுத்த கட்டமாக ஏனைய மாகாணங்களையும் இணைத்துக் கொள்வதற்கு கருத்துப் பரிமாற்றங்களை ஏற்படுத்தி வருகின்றோம். எமது முன்பள்ளித் தெரிவுகளாக ஏற்கனவே ஆரம்பித்து இயங்கமுடியாதவை, முன்பள்ளிகளை உருவாக்குவதற்கு சிரமப்படுகின்ற, முன்பள்ளி தேவை என உணர்ந்த கிராமங்களை நாங்கள் அடையாளப்படுத்தினோம். இவற்றில் 39 முன்பள்ளிகளை தெரிவு செய்துள்ளோம் அம்பாறை – 2, மட்டக்களப்பு 11, திருகோணமலை 14, மலையகத்தில் 2, வவுனியாவில் 05, முல்லைத்தீவு 04, மன்னார் 1 ஆகியவற்றைத் தெரிவு செய்து எமது செயற்றிட்டத்தை முன்னெடுத்து வருகின்றோம். குறித்த முன்பள்ளிகளுக்கு மாதாந்த வேதனம் வழங்கி வருவதுடன் போக்குவரத்துக்கான கொடுப்பனவுகளையும் வழங்குகின்றோம். இது மட்டுமன்றி மாணவர்கள் பூரண திருப்தியுடன் கற்கவேண்டும் என்பதற்காக சத்துணவுகளை வழங்கிவருவதுடன் ஆசிரியர், மாணவர்களுக்கு சீருடைகளையும் வழங்கியுள்ளோம். முன்பள்ளிகளின் அடிப்படைத் தேவைகளையும் குறிப்பாக நீர், தளபாடம், மின்சாரம் தேவைகளுக்கு ஏற்ப வழங்கிவருவதுடன் கட்டடத் தேவைகளையும் நிறைவேற்றி வருகின்றோம். பெற்றோர் ஆசிரியர்களின் உறவை வளர்ப்பதற்காக மாதாந்த ஒன்று கூடல்களையும் சமூக மட்ட அமைப்புக்களை இணைத்து ஒன்றுகூடலையும் மேற்கொண்டு வருகின்றோம். எமது மேற்பார்வையின் கீழ் உள்ள முன்பள்ளிகள் ஒவ்வொரு வாரமும் எத்தகைய விடயங்களை மேற்கொண்டுள்ளார்கள் என்பது தொடர்பிலும் செலவீனங்கள் தொடர்பிலும் குறிப்பேடுகள் தயாரிக்கப்படவேண்டும். இந்த அமைப்பில் மாவட்ட ரீதியாக கண்காணிப்பாளர்கள், செயற்பாட்டாளர்கள் கொண்ட குழுவினரையும் மற்றும் நிர்வாக சபை, நிறைவேற்று சபை போன்ற கட்டமைப்புகளும் உள்ளன. நிர்வாக சபையில் ஆறு நாடுகளைச் சேர்ந்தவர்கள் பிரதிநிதிகளாக இருப்பார்கள் .அவர்கள் அந்தந்த நாட்டில் நிதி திரட்டக்கூடிய செயற்பாடுகளை முன்னொடுப்பார்கள். ஒவ்வொரு நாடுகளிலும்முறைப்படியான அங்கீகாரத்தைப் பெற்றே செயலாற்றி வருகின்றோம். குறிப்பாக ஐக்கிய அமெரிக்கா, கனடா, பிரான்ஸ், நோர்வே, அவுஸ்திரேலியா, இலங்கை ஆகிய நாடுகளைச் சேரந்தவர்கள் அங்கம் வகிக்கின்றார்கள் இவ் அமைப்பானது இன, மத வேறுபாடுகளைக் கடந்து செயற்பட்டு வருவதுடன் அனைத்து மாவட்டங்களிலும் பின்தங்கிய நிலையிலுள்ள முன்பள்ளி மாணவர்களை இணைத்துச் செயற்படுவதே எமது அடுத்த கட்ட இலக்காகவுள்ளது. எங்கள் அமைப்புடன் அனுசரணையாளர்கள் இணைந்துகொள்ள முடியும், இவ் அமைப்பின் மலையகத்தின் பிரதிநிதியாக செயற்பட்டு வரும் பாலையா பாலசுப்பிரமணியம் கருத்துத் தெரிவிக்கையில், மலையகத்தைப் பொறுத்தவரையில் நகர்ப்புறங்கள் மற்றும் அதனை அண்டிய பிரதேசங்களில் முன்பள்ளிகள் செயற்பட்டு வருகின்றன. ஆனால் தோட்டங்களில் முன்பள்ளி என்பது இல்லை, சிறுவர் பராமரிப்பு நிலையங்களே காணப்படுகின்றன. தரம் ஒன்று ஆரம்பிக்கும்போதுதான் அவர்கள் கல்விக்காக இணைத்துக் கொள்ளப்படுவார்கள். இவ்வாறான நிலை மாற்றி அமைக்கப்படல் வேண்டும் என்பதற்காகத்தான் சிறுவர் கல்வி மேம்பாட்டு அமைப்பு இயங்கி வருகின்றது. இத்தகையவர்களுக்கு மலையகத்தில் உள்ள கல்விச் சமூகம், அரசியல் பிரதிநிதிகள் ஒத்துழைப்பு வழங்கி மாணவர்களின் எதிர்காலத்தை வளப்படுத்தவேண்டும் என்றார். இவ் அமைப்பின் நேர்வே செயற்பாட்டாளராக செயற்பட்டு வரும் மகா சிற்றம்பலம் தெரிவிக்கையில், முன்பள்ளிகளில் ஆசிரியைகளே உள்ளார்கள். அதுபோல முன்பள்ளிகளின் பெற்றோர் சந்திப்பின்போதும் தாய்மார்களே கலந்துகொள்கின்றனர். குறிப்பாக பெண் தலைமைத்துவத்தில் உள்ளவர்களே இத்தகைய சந்திப்புக்களில் கலந்துகொள்கின்றார்கள். அவ்வாறான பெண்களை சமுதாயத்தில் முன்னிலைப்படுத்தவேண்டும் என்பதே எனது எண்ணமாக இருப்பதால் இந்த அமைப்புடன் சேர்ந்து அவர்களுக்கு எவ்வாறான உதவிகளைச் செய்யமுடியுமோ அத்தகைய உதவிகளை அவர்களுக்கு செய்து வருகின்றேன். குடும்பத்தில் ஒரு தாய் முன்னிலைக்கு வருவாராக என்றால் ஒரு சமுதாயத்தை சிறப்பாக நல்வழிப்படுத்தலாம் என்பது எனது நம்பிக்கை அத்தகைய நம்பிக்கையை வளப்படுத்துவதே எனது நோக்கமாகக்கொண்டு செயற்படுகின்றேன் என்றார். எம்.நியூட்டன் முன்பள்ளிகளின் மேம்பாட்டுக்காக செயலாற்றும் சிறுவர் கல்வி மேம்பாட்டு அமைப்பு – குறியீடு (kuriyeedu.com)

ரணிலின் சுதந்திர தின ‘வெற்றி’ உரைக்கு தமிழர் தரப்புடனான பேச்சு வழிவகுக்கும் Posted on December 18, 2022 by தென்னவள் 16 0 இனப்பிரச்சனைக்கு தீர்வு காணவென ஆரம்பிக்கப்பட்டிருக்கும் தமிழர் தரப்புடனான பேச்சுவார்த்தை ஜெனிவாவை ஒதுக்கிவிட ரணில் வகுத்திருக்கும் திட்டத்தில் முக்கியமானது. அதேசமயம், இனப்பிரச்சனைக்குத் தீர்வுகாண ஏற்பாடாகி விட்டதாக தமது சுதந்திர தின உரையில் அவர் குறிப்பிடுவதற்கும் இந்தப் பேச்சுவார்த்தை வாய்ப்பளிக்கப் போகிறது. வடக்கு தமிழ் எம்.பிக்களுடன் அந்த மக்களின் பிரச்சனைகள் குறித்து பேச்சு நடைபெறுமென்று ஜனாதிபதி ரணில் விக்கிரமசிங்க கடந்த மாதம் பத்தாம் திகதி நாடாளுமன்றத்தில் ஓர் அறிவிப்பை விடுத்தார். தமிழர் பிரச்சனையை அல்லது இனப்பிரச்சனையை வடக்கு மக்களின் அல்லது அந்தப் பிரதேசத்தின் பிரச்சனையாக மாற்றும் குறளிவித்தை அரசியலை தமக்கேயுரிய பாணியில் ரணில் ஆரம்பித்ததை இந்த அறிவிப்பு வெளிப்படுத்தியது. பல்வேறு அரசியல் கட்சிகளிலிருந்தும் பலமாக எழுந்த குரல்கள் காரணமாக இறுதியில் நாடாளுமன்றத்தைப் பிரதிநிதித்துவப்படுத்தும் சகல அரசியல் கட்சிகளையும் இணைத்த கூட்டமாக இது மாற்றம்பெற்றது. சிங்கள அரசியல் கட்சிகளும், முஸ்லிம் மற்றும் மலையக மக்களின் கட்சிகளும் இந்த மாதம் 13ம் திகதி இடம்பெற்ற முதலாவது கூட்டத்தில் பங்குபற்றினர். சமவேளையில், மற்றொரு அரசியல் வெடிகுண்டையும் ரணில் விக்கிரமசிங்க தூக்கி வீசினார். பெப்ரவரி 4ம் திகதி இடம்பெறவுள்ள 75வது சுதந்திர தினத்துக்கு முன்னர் தீர்வு காணக்கூடியதாக இப்பேச்சுவார்த்தை இடம்பெறுமென்பது இந்த அறிவிப்பு. கடந்த வாரப் பத்தியில் குறிப்பிட்டது போன்று, 65 ஆண்டுகளாக பேச்சுவார்த்தைகள் – உடன்படிக்கைகள் – பங்களிப்புகள் – ஒத்துழைப்புகள் மூலம் தீர்வு காணப்பட முடியாது, பல்லாயிரம் உயிர்களைப் பலியெடுத்த போர்களையும் கண்ட இப்பிரச்சனையை 75 நாட்களுக்குள் ரணிலால் எவ்வாறு தீர்க்க முடியுமென்ற கேள்வி பலர் மனதிலும் உள்ளது.சின்னச் சின்ன இழுபறிகளுக்குப் பின்னர், திட்டவட்டமாக என்ன முடிவு எடுக்கப்பட்டதென்று எவருமே விபரிக்க முடியாத நிலையில் 13ம் திகதிய கூட்டம் முடிவுபெற்றது. இலங்கையின் சிங்கள, ஆங்கில பத்திரிகைகள் இந்தக் கூட்டம் பற்றி உப்புச் சப்பில்லாத வகையில் இதுவரை செய்திகளை வெளியிட்டுள்ளன. ஓர் ஆங்கிலப் பத்திரிகை, வடக்கு கிழக்கு இணைப்புக்கு முஸ்லிம்கள் எதிர்ப்பு என்ற தலைப்பில் ஒரேயொரு முஸ்லிம் எம்.பியின் கருத்துக்கு முக்கியத்துவம் கொடுத்தது. ஆனால், தமிழ்ப் பத்திரிகைகளைப் பொறுத்தளவில் இந்தப் பேச்சுவார்த்தை முன்பக்கத் தலைப்புச் செய்தி (கொட்டை எழுத்துச் செய்தி என்றும் சொல்லலாம்). உதாரணத்துக்கு மூன்று தமிழ்ப் பத்திரிகைகளின் 14ம் திகதிய பதிப்பின் முதற்பக்க செய்திகளின் தலைப்புகள் பின்வருமாறு அமைந்திருந்தன: 1. எழுபத்தைந்தாவது சுதந்திர தினத்துக்கு முன்னர் இனப்பிரச்சனைக்குத் தீர்வு. 2. 2023 சுதந்திர தினத்துக்கு முன்னர் இனப்பிரச்சனைக்குத் தீர்வு. 3. பெப்ரவரி 4க்கு முன்னர் தீர்வின்றேல் நல்லிணக்கம் சாத்தியமில்லை! வெளிப்படையாக அறிவிப்பேன் என்கிறார் ஜனாதிபதி. ஆனால், இந்தக் கூட்டம் தொடர்பாக ஜனாதிபதி அலுவலகத்தினால் தயாரிக்கப்பட்ட ஆவணத்தில், ‘2023 சுதந்திர தின கொண்டாட்டத்துக்கு முன்னர் இனப்பிரச்சனைக்குத் தீர்வுகாண சகல அரசியற் கட்சிகளும் ஒன்றிணைந்து உடன்பாட்டுக்கு வரவேண்டுமென ஜனாதிபதி ரணில் விக்கிரமசிங்க வலியுறுத்தினார்” என்று குறிப்பிடப்பட்டுள்ளது. தேசிய நல்லிணக்கத்தினூடாக இனப்பிரச்சனைக்குத் தீர்வு காணும் நோக்கில் இந்த மாநாட்டை ஜனாதிபதி கூட்டினாரென்று மேலும் இந்த ஆவணம் கூறுகிறது. ஆனால், இந்த மாநாட்டில் உரையாற்றிய ரணில் குதர்க்கமான ஒரு கருத்தை முன்வைத்தார்: ‘நாம் தீர்க்க விரும்பும் பிரச்சனை இனப்பிரச்சனையா அல்லது வேறு ஏதாவது பிரச்சனையா என்பது முக்கியமல்ல. பிரச்சனைக்கு நாங்கள் தீர்வுகளை வழங்க விரும்புகிறோம். அதற்கு இணைந்து சகல அரசியல் கட்சிகளும் நாடாளுமன்றத்தில் ஓர் உடன்பாட்டை எட்டின. அதற்காகவே இந்தக் கூட்டம்” என்பது எடுத்த எடுப்பில் ரணில் முன்வைத்த விடயம். தற்போதுள்ள பிரச்சனை இனப்பிரச்சனையா அல்லது வேறு பிரச்சனையா என்ற சந்தேகம் ரணிலிடம் இருப்பதுபோல் தெரிகிறது. நாடாளுமன்றத்தின் சகல அரசியல் கட்சிகளும் எட்டிய உடன்பாட்டின் அடிப்படையிலேயே இந்தக் கூட்டம் நடைபெறுவதாக அவர் தெரிவித்ததானது மறைபொருளைக் கொண்டது. எதிர்காலத்தில் இந்தப் பேச்சுவார்த்தை வெற்றியளிக்காது போகுமானால் அதனை மற்றைய கட்சிகளின் தலையில் சுமக்க வைப்பதற்கு முன்னேற்பாடாக இக்கருத்தை அவர் முன்வைத்திருப்பது போலவே தெரிகிறது. 1987ம் ஆண்டின் இலங்கை – இந்திய ஒப்பந்தத்தின் கீழான 13வது திருத்தம், அதன் வழியாக அமைந்த மாகாண சபை முறைமை பற்றி பல தரப்பாலும் இங்கு கருத்துரைக்கப்பட்டது. 13ம் திருத்தத்தை நடைமுறைபடுத்துவதன் மூலமாகவே நல்லிணக்கம் தொடங்கப்பட வேண்டுமென்றும், உள்;ராட்சிச் சபைத் தேர்தல்கள் தாமதமின்றி நடத்தப்பட வேண்டுமென்றும் கோரப்பட்டது. (இத்தேர்தலுக்கு இந்த மாத இறுதியில் வேட்புமனுத் தாக்கல் கோரப்படுமென்று ஒரு செய்தி தெரிவிக்க, ஆறு மாதங்களுக்கு தேர்தல் பின்போடப்படலாமென்று இன்னொரு செய்தி சொல்கிறது). இராணுவம் தமிழர் நிலங்களை ஆக்கிரமிப்பது, வழிபாட்டுத்தலங்களை அச்சுறுத்தலின் கீழ் கொண்டு போகிறது என்ற முறைப்பாடுகளுக்கு தீர்க்கமான பதிலை ஜனாதிபதி தெரிவிக்கவில்லை. வழிபாட்டுத் தலங்களுக்கு அச்சுறுத்தல் இருந்தால் தனக்கு தெரிவிக்குமாறு அவர் இங்கு வேண்டுகோள் விடுத்துக் கொண்டிருக்க, வடக்கிலும் கிழக்கிலும் படையினரும் தொல்பொருள் திணைக்களத்தினரும் பொதுமக்கள் காணிகளையும் வழிபாட்டுத்தல நிலங்களையும் அளவிடும் பணியை மக்கள் எதிர்ப்பையும் மீறி மூர்க்கத்தனமாக மேற்கொண்டிருந்தனர். தமிழ் தேசியக் கூட்டமைப்பு ஏற்கனவே தீர்மானித்திருந்த மூன்று அம்சங்களை இங்கு முன்வைத்தது. அபகரிக்கப்பட்ட காணிகளை அரசாங்கம் விடுவிக்க வேண்டும். தமிழ் அரசியல் கைதிகள் விடுதலை செய்யப்பட வேண்டும், மாகாண சபைக்கான தேர்தல்களை விரைந்து நடத்த வேண்டுமென்பவையே இவை. இனப்பிரச்சனைக்கு நிரந்தரத் தீர்வாக சம~;டி அடிப்படையிலான தீர்வு தேவையென்பதையும் கூட்டமைப்பு இங்கு சுட்டியது. கூட்டமைப்பின் தலைவர் இரா.சம்பந்தன் முக்கிய விடயமொன்றை இங்கு மிகத் துணிச்சலாக வெளிப்படுத்தினார். காணாமலாக்கப்பட்டோர் அனைவரையும் கொன்று விட்டீர்கள் என்று தலைமை மேசையில் ரணிலுக்கு அருகிலிருந்த முன்னாள் ஜனாதிபதி மகிந்தவை நோக்கி சம்பந்தன் கூறியபோது கூட்டத்தில் சிறிது அதிர்ச்சி ஏற்பட்டது. இதற்கு எவரும் பதிலளிக்க முன்வரவில்லை. அதுமட்டுமன்றி, கூட்டம் தொடர்பாக ஜனாதிபதி அலுவலகம் விடுத்த அறிக்கையிலும் சம்பந்தனின் அறிவிப்பு தவிர்க்கப்பட்டிருந்தது. பிரச்சனைக்குத் தீர்வுகாண ஏற்பாடான இக்கூட்டத்தில் எந்தத் தீர்வும் எட்டப்படவில்லை. மாறாக, சகல கட்சிகளையும் ஒன்றிணைந்து தீர்வைக்காண முன்வருமாறு கூறி, பந்தை லாவகமாக அவர்கள் தரப்புக்கு அடித்துவிட்டார் ரணில். இக்கூட்டத்தில் முன்வைக்கப்பட்ட மற்றைய நடவடிக்கைகளுக்கு ஏற்கனவேயுள்ள சட்டங்களை நடைமுறைப்படுத்துவது தொடர்பில் ஜனவரி மாதத்தில் தமிழ் கட்சிகளுடன் பேசுவதாக அறிவித்த ரணில், ஜனவரி 31க்கு முதல் அனைத்துக் கட்சிகளின் இணக்கப்பாட்டையும் கோரியுள்ளார். வடமாகாண முன்னாள் முதலமைச்சர் சி.வி.விக்னேஸ்வரன் வடக்கு கிழக்கு தமிழர்களின் பூர்வீக மண் என்பதை இக்கூட்டத்தில் வலியுறுத்தினார். மூவாயிரம் ஆண்டுகளுக்கு மேலான வரலாற்று ரீதியாக தமிழருக்கான சொந்த நிலம், மொழி, கலாசாரம் ஆகியவற்றோடு நாட்டின் மற்றைய நிலப்பரப்புகளிலிருந்து வேறுபட்டது என்பதையும், 1833ம் ஆண்டில் ஆங்கிலேயர் இந்நாட்டை நிர்வாக ரீதியாக ஒன்றிணைத்ததன் பின்னரே தமிழ் மக்களின் உரிமைகள் மறுக்கப்படுவதையும் தெளிவாகத் தெரிவித்தார். இக்கூட்டத்தில் முன்வைக்கப்பட்ட பல்வேறு விடயங்களுக்கும் முடிவுரை கூறுவது போன்ற பாணியில் கூட்டமைப்பின் சுமந்திரன் தமது கருத்தை கூறினார்: ‘இப்போது அரசியலமைப்பை நிறைவேற்ற முடியாது. ஜனவரி 31ம் திகதிக்கு முன்னர் நிறைவேற்றக்கூடியதாக ஜனாதிபதிக்கு சமாந்தரமாக மூன்று வழிகள் இருந்தால் நாங்கள் அதனை செய்வோம். தேர்தல் நடத்த ஒப்புக்கொண்டுள்ளோம். அனைத்துச் சட்டங்களையும் செயற்படுத்துவோம். இறுதித் தீர்வுக்கு ஒப்புக் கொண்டுள்ளோம். அப்போதுதான் 75வது சுதந்திர தின விழாவில் ஜனாதிபதி எதிர்பார்ப்பது போன்று அமையும்”. ரணில் கூட்டிய சர்வகட்சி மாநாட்டின் பொழிப்பு என்று சொல்லக்கூடியதாக சுமந்திரன் கூறியவை அமைந்துள்ளன. நல்லாட்சிக் காலத்தில் எவ்வாறு ரணிலை காப்பாற்றினாரோ அதுபோன்று இனிமேலும் காப்பாற்றக்கூடியதாக இவரது அறிவிப்பு காணப்படுகிறது. ‘தமிழ் மக்களின் இனப்பிரச்சனைக்கான தீர்வை வெளிச்சக்திகளின் பங்கேற்பின்றி, உள்நாட்டில் எமக்குள் நாமே பேசித் தீர்க்க முடிவு கண்டுள்ளோம்” என்று ரணில் விக்கிரமசிங்க பெப்ரவரி 4ம் திகதி சுதந்திர தின உரையில் எடுத்துக்கூறுவதற்கு சுமந்திரன் அடியெடுத்துக் கொடுத்துள்ளார். ஜெனிவா தீர்மானம் இலங்கையின் கழுத்தை நெரிக்க ஆரம்பி;த்துள்ளது. சர்வதேச நிதியுதவிகளுக்கு உள்நாட்டு அரசியல் தீர்வு அவசியமாகிறது. போர்க்குற்ற பொறுப்புக்கூறலுக்கு சர்வதேச நீதி விசாரணை பொறிமுறையிலிருந்து தப்பவும், அனைத்து உலகத்தை ஏமாற்றவும் ரணில்தரப்புக்கு இந்தப் பேச்சுவார்த்தை அவசியம். மறுபுறத்தில். சிங்கள ஆட்சித்தரப்புகள் மீண்டும் தமிழர் தரப்பை பேச்சுவார்த்தை என்று சொல்லி ஏமாற்றி விட்டன என்று சர்வதேசத்துக்கு எடுத்துக்காட்ட தமிழ் கட்சிகளுக்கும் பேச்சுவார்த்தை தேவைப்படலாம். இருதரப்பினரும் இதனை நன்கு புரிந்து கொண்டே பேச்சுவார்த்தை மேசைக்குச் சென்றுள்ளனர். ஆனதால் இப்பேச்சுவார்த்தையையிட்டு அதிகம் அலட்டிக் கொள்வதும், எதனையும் எதிர்பார்ப்பதும் உசிதமானதல்ல. இருப்பினும், ரணிலின் இருப்புக்கும் கதிரையின் பாதுகாப்புக்கும் நிச்சயமாக இது உதவும். பனங்காட்டான்ரணிலின் சுதந்திர தின ‘வெற்றி’ உரைக்கு தமிழர் தரப்புடனான பேச்சு வழிவகுக்கும் – குறியீடு (kuriyeedu.com)

நம்பி விமானத்திலை ஏறேலாது போல இருக்கு!

சர்வதேச மனித உரிமை பிரகடனம் இலங்கையில் தாக்கம் செலுத்தியிருக்கிறதா? Posted on December 13, 2022 by தென்னவள் 22 0 ஒரு அரசியல் தீர்வை எட்டுவதற்கு அக்கறையுள்ள எவருக்கும், எழுபத்து நான்கு வருடங்கள் குறுகிய காலம் அல்ல! வேறு வார்த்தைகளில் கூறுவதானால், இலங்கையின் ஆட்சியாளர்கள், இனப்பிரச்சினைக்கு அரசியல் தீர்வு காண்பதற்கு மேலாக தமிழர்களையும், சர்வதேச சமூகத்தையும் முட்டாளாக்குவதற்கான வழிகளை மட்டுமே தேடுகிறார்கள் என்பதே யதார்த்தம்-உண்மை. உலகெங்கிலும் உள்ள கொடூரமான மனித உரிமை மீறல்களுக்கான முக்கிய காரணங்களில் ஒன்று, சுயநிர்ணய உரிமையைப் பயன்படுத்துவதற்கான போராட்டங்களுக்கு எதிரான ஒடுக்குமுறையாகும். சர்வதேச மனித உரிமை பிரகடனத்தின் எழுபத்தி நான்காவது (74) ஆண்டு நிறைவு – டிசம்பர் 10 ஆம் திகதி அன்று கொண்டாடப்படும். இந்த கொண்டாட்டம் நடைபெறும் அதேவேளையில், எழுபத்தைந்தாவது (75) ஆண்டின் கொண்டாடத்திற்காக – ஐக்கிய நாடுகள் சபை முதல் நாடுகள் ரீதியாக, அரசு சார்பற்ற நிறுவனங்கள், கல்வி நிறுவனங்கள் மற்றும் தனிப்பட்ட நபர்கள் கொண்டாடுவதற்கு ஒழுங்குகள் நடைபெற்று வருகின்றது. மனித உரிமைகள் பற்றிய கருத்து மேலை நாடுகளில் பிறக்கவில்லை என்பதை வரலாற்றாசிரியர்களும் அறிஞர்களும் வெளிப்படுத்துகிறார்கள்! பண்டைய கிரீஸ் மற்றும் ரோமில் அதன் தோற்றத்தை பலர் கண்டறிய முயற்சிக்கின்றனர். இருப்பினும், “சைரஸ் மனித உரிமைகள் சாசனம்” 1878 இல் பாபிலோன் நகரில் அகழ்வாராய்ச்சியின் போது கண்டுபிடிக்கப்பட்டதையே இன்று உலகின் முதல் மனித உரிமைகளின் முதல் பிரகடனமாகக் கருதுகின்றனர். கி.மு 539 அக்டோபர் 4ல், ஈரானிய (பாரசீக) வீரர்கள் அப்போது ஈராக் தலைநகரான பாபிலோனுக்குள் நுழைந்தனர் (பாபிலோனியா). இந்த இரத்தமில்லாத போர் பாபிலோனில் தலைமுறை தலைமுறையாக அடிமைகளாக இருந்த அனைவர்களையும் விடுவித்தது என்று கூறப்பட்டது. நவம்பர் 9 ஆம் திகதி ஈரானின் சைரஸ் அரசர் (பாரசீகம்) பாபிலோனுக்குச் சென்று, “மனித உரிமைகளின் சைரஸ் சாசனம்” என்று அழைக்கப்படும் சுடப்பட்ட களிமண் பீப்பாயில் (சிலிண்டர்) பொறிக்கப்பட்ட ஒரு பிரகடனத்தை வெளியிட்டார். ஈரானில் முகமது ரெசா பலாவி என்று அழைக்கப்படும் ஷா அரசர் காலத்தில், சைரஸ் சிலிண்டர் பிரபலமடைந்தது.1968 ஆம் ஆண்டு தெஹ்ரானில் நடைபெற்ற ஐக்கிய நாடுகள் சபையின் முதலாவது மனித உரிமைகள் மாநாடு நடைபெற்ற வேளையில் ஈரான் அரசனான ஷா “சைரஸ் சிலிண்டர் மனித உரிமைகளின் நவீன உலகளாவிய பிரகடனத்தின் முன்னோடி” என்று அறிவித்தார்.இன்றும், இங்கிலாந்தில் லண்டனில் உள்ள பிரிட்டிஷ் கண்காட்சி கூடத்தில் இது காட்சிப்படுத்தப்பட்டுள்ளது. (படம் – சைரஸ் சிலிண்டர் லண்டன் பிரிட்டிஷ் கண்காட்சி கூடத்தில் ) ஐ.நா.வும் மனித உரிமை பிரகடனமும் ஐ. நா. சாசனம் 26 ஜூன் 1945 அன்று சான் பிரான்சிஸ்கோவில் நடந்த ஐ.நா மாநாட்டில் 50 நாடுகளால் கையெழுத்திடப்பட்டது. ஆனால் ஐ.நா அதிகாரபூர்வமாக 24 அக்டோபர் 1945 அன்று ஐந்து பெரிய நாடுகளான பிரான்ஸ், ஐக்கிய இராச்சியம், அமெரிச்கா, சோவியத் யூனியன் (இன்று ரஷ்யா) மற்றும் சீனா (இன்றைய சீனக் குடியரசு அல்லது தைவான்) ஐ. நா. சாசனத்தை அங்கீகரித்தது. ஐக்கிய நாடுகள் சபை அக்டோபர் 24ஐ ஐ.நா.தினமாகக் கொண்டாடுகிறது. சர்வதேச மனித உரிமை பிரகடனம் அல்லது சாசனம் 1948 ஆம் ஆண்டு டிசம்பர் 10 ஆம் திகதி ஐக்கிய நாடுகள் சபையால், பாரிஸில் ஏற்றுக்கொள்ளப்பட்டது. அன்றிலிருந்து இந்த நாள் “சர்வதேச மனித உரிமைகள் தினமாக” உலகம் முழுவதும் கொண்டாடப்படுகிறது. சர்வதேச மனித உரிமை பிரகடனம் அல்லது சாசனம் முப்பது சாரங்களைக் கொண்டுள்ளது.சாரம் 1 மற்றும் 2 இன் தத்துவக் கோரிக்கையை கோடிட்டுக் காட்டுகின்றன.மேலும் மனிதர்கள் சமமான கண்ணியத்தில் சுதந்திரமாக பிறக்கிறார்கள் மற்றும் எந்தவிதமான பாகுபாடும் இல்லாமல் அனைத்து உரிமைகள் மற்றும் சுதந்திரங்களுக்கு உரிமையுடையவர்கள் என்பதை வலியுறுத்துகின்றன. சாரம் 3 முதல் 21 வரையிலான குடிமை மற்றும் அரசியல் உரிமைகள் மற்றும் சாரம் 22 முதல் 27 வரை பொருளாதார, சமூக மற்றும் கலாசார உரிமைகள் பற்றி கூறுகின்றன.28 மற்றும் 29 சாரம்களின் முடிவு ஜனநாயக சமூகத்தில் தனிநபரின் கடமைகள் மற்றும் பொறுப்புகளை வலியுறுத்துகிறது.இறுதியாக, சாரம் 30ல் குறிப்பிடப்பட்டுள்ள உரிமைகள் மற்றும் சுதந்திரங்களை அழிக்கும் நோக்கில் எதையும் செய்ய ஒரு நபர் அல்லது குழுவிற்கு எந்த உரிமையும் உள்ளது என்று விளக்கப்படக்கூடாது என்று எச்சரிக்கை அறிவிப்பு கொடுக்கிறது. சிறிலங்காவில் மனித உரிமை தினம் ஒவ்வொரு வருடமும் வந்து செல்கிறது.ஆனால் சர்வதேச மனித உரிமை பிரகடனம் சிறிலங்காவில் ஏதேனும் தாக்கத்தை ஏற்படுத்தியிருக்கிறதா? 2009 மே மாதப் போரின் இறுதி நாட்களில் கொல்லப்பட்ட மற்றும் காணாமல் போனவர்களுக்காக விசாரணை மற்றும் பொறுப்புக்கூறல் அடிப்படையில் அரசாங்கம் என்ன செய்துள்ளது? யுத்தத்தால் பாதிக்கப்பட்ட வடக்கு, கிழக்கில் இன்று என்ன நடக்கிறது? தெற்கில் – 1971 மற்றும் 80களின் பிற்பகுதியில் ஜே.வி.பி.யின் எழுச்சியின் போது இடம்பெற்ற காணாமல் போனவர்கள் – ஜே.வி.பி.யின் தலைவர் ரோஹண விஜேவீர உட்பட பலர் தன்னிச்சையாக கொல்லப்பட்டது பற்றி என்ன செய்துள்ளார்கள். யுத்தம் முடிவடைந்து பதின்மூன்று வருடங்களுக்குப் பின்னரும் – நில அபகரிப்பு, கட்டாய மத நினைவுச்சின்னங்களை நடுதல், கட்டாயக் குடியேற்றம் மற்றும் பல அழிவுகள் வடக்கு மற்றும் கிழக்கில் தற்பொழுதும் தொடர்கின்றன. சிலர் கூறுவது போல், தமிழ் மக்கள் பயங்கரவாதத்தின் பிடியில் இருந்து காப்பாற்றப்பட்டிருந்தால், இன்றும் ஏன் இந்த மோதலும், பாகுபாடும், துன்பமும் தொடர வேண்டும்? போர் உச்சகட்டத்தில் இருந்த காலத்தில் சர்வதேச சமூகத்திற்கு வழங்கப்பட்ட வாக்குறுதிகள் என்னவாயிற்று? மனித உரிமைகளைப் பாதுகாப்பதில் தலைமைத்துவம் தொலைநோக்குப் பார்வையும் அர்ப்பணிப்பும் இல்லாதபோது, இலங்கையில் உள்ள மக்களின் இதயங்களிலும் மனங்களிலும் அதை ஊக்குவிக்காதபோது, குடிமக்கள் தங்கள் பிறப்புரிமைகளை நிலைநிறுத்துவதற்கு எந்த விலை கொடுத்தாலும் குரல் எழுப்புவார்கள் என உறுதியளிக்கப்பட்டுள்ளது.மனித உரிமைகள் வயது, பாலினம், இனம், இனம், மதம், தேசியம் மற்றும் பிராந்திய வேறுபாடுகள் ஆகியவற்றைப் பொருட்படுத்தாமல் அனைவருக்கும் சுதந்திரம், கண்ணியம், சமத்துவம் மற்றும் நீதியை உத்தரவாதம் செய்கிறது. புத்த பகவான் இந்துவாகவே பிறந்தார் என்பதை இலங்கையில் சிலர் இன்றுவரை உணரவில்லை.ஒரு கடற்படை அரசியல் பிரமுகர் தன்னை புத்த சாசனத்தின் பாதுகாவலராக சித்தரிக்க முயற்சிப்பது முற்றிலும் அரசியல் நோக்கத்திற்காகவே. சமத்துவத்திற்கு மதிப்பு கொடுக்காது, மதுவின் சுவை உட்பட மாட்டுக்கறியையும் மற்ற அசைவத்தையும் சாப்பிடுபவர்,எப்படியாக புத்த சாசனத்தின் கற்பனையான பாதுகாவலராகதன்னும் இருக்க முடியும்? புத்தபெருமானின் பெயரால் பலர் சிறிலங்காவில் கபட நாடகம் ஆடுகிறார்கள் என்பதே உண்மை. நெல்சன் மண்டேலாவின் வாழ்க்கை தென்னாபிரிக்காவின் முன்னாள் தலைவர் நெல்சன் மண்டேலாவின் வாழ்க்கை உலக அரசுகளிற்கு ஓர் அருமையான ஊதாரணமாக இருந்து வருகிறது.எண்ணிக்கையில் பெரும்பான்மையாக உள்ள ஒரு மக்கள் எவ்வாறு எண்ணியல் சிறுபான்மையினரை திருப்திப்படுத்தலாம், மற்றும் இணைந்து வாழலாம் என்பதை உலகுக்கு முன்னுதாரணமாக விளங்கியவர் நெல்சன் மண்டேலா. இவ்வாறான அரசியல் – சகவாழ்வு சிறிலங்காவின் அரசியல் தலைவர்களுக்கு நியாயமானதும், சமத்துவமானதுமான, தீர்வைக் காண்பதற்கான மனவலிமை இல்லாதது மட்டுமன்றி, இலங்கையில் உள்ள பௌத்த மேலாதிக்கம் சகவாழ்வை திட்டவட்டமாக நிராகரிக்கிறது. தென்னாபிரிக்காவில் – 2001ல், இனவெறிக்கு எதிரான ஐ.நா. உலக மாநாட்டின் போது, எங்கள் அமைப்பான ‘தமிழ் மனித உரிமைகள் மையம் – TCHR’ தென்னாபிரிக்க அமைச்சர்களையும் முக்கிய புள்ளிகளையும் சந்திக்கும் வாய்ப்பு கிடைத்தது.அவர்கள் எம்மினால் ஒழுங்கு செய்யப்பட்ட கண்காணிப்பில் எங்களுடனான ஐக்கியத்தையும் ஒற்றுமையையும் வெளிப்படுத்தினர் அன்றைய தென்னாபிரிக்காவிற்கான இலங்கைத் தூதரக ஊழியர்கள் மற்றும் இன்றைய எதிர்க்கட்சியின் பிரதம கொறடா லக்ஷ்மன் கிரியெல்லவும் எமது கண்காணிப்பை பார்வையிட்டனர்.அவர்கள் வடக்கு, கிழக்கு நிலைமைகள் பற்றிய விடயத்தில் என்னுடன் வாக்குவாதத்தில் ஈடுபட்டனர். ஒரு கட்டத்தில், கிரியெல்ல, தான் தமிழர்களுக்கான ஒரு அரசியல் தீர்வொன்றை முன்னெடுப்பதாக அன்று என்னிடம் கூறியது இன்றும் எனக்கு நினைவிருக்கிறது.இப்போது இருபத்தி இரண்டு வருடங்கள் கடந்தும் இவ் இனப்பிரச்சினைக்கான தீர்வு எங்கே? ஒரு அரசியல் தீர்வை எட்டுவதற்கு அக்கறையுள்ள எவருக்கும், எழுபத்து நான்கு வருடங்கள் குறுகிய காலம் அல்ல! வேறு வார்த்தைகளில் கூறுவதானால், இலங்கையின் ஆட்சியாளர்கள், இனப்பிரச்சினைக்கு அரசியல் தீர்வு காண்பதற்கு மேலாக தமிழர்களையும், சர்வதேச சமூகத்தையும் முட்டாளாக்குவதற்கான வழிகளை மட்டுமே தேடுகிறார்கள் என்பதே யதார்த்தம்-உண்மை. சுயநிர்ணய உரிமை உலகெங்கிலும் உள்ள கொடூரமான மனித உரிமை மீறல்களுக்கான முக்கிய காரணங்களில் ஒன்று, சுயநிர்ணய உரிமையைப் பயன்படுத்துவதற்கான போராட்டங்களுக்கு எதிரான ஒடுக்குமுறையாகும். சிவில் மற்றும் அரசியல் உரிமைகள் மீதான சர்வதேச உடன்படிக்கையிலும் ICCPRல் – மற்றும் பொருளாதார மற்றும் சமூக உரிமைகளுக்கான சர்வதேச உடன்படிக்கை – ICESCR சாரம் 1 (ஒன்று) கூறுவது என்னவெனில், “எல்லா மக்களுக்கும் சுயநிர்ணய உரிமை உள்ளது.அந்த உரிமையின் மூலம் அவர்கள் தங்கள் அரசியல் அந்தஸ்தை சுதந்திரமாக நிர்ணயம் செய்து, தங்கள் பொருளாதார, சமூக மற்றும் கலாசார வளர்ச்சியை சுதந்திரமாகப் பின்பற்றுவார்கள். நடைமுறையில் படிப்படியாக சாரம் 1 வலுவிழந்து வருகிறது. இது மனித உரிமை சபையின் நிகழ்ச்சி நிரலில் அறவே கிடையாது, ஏனெனில், பாதுகாப்பு சபையின் ஐந்து நிரந்தர உறுப்பினர்களான அமெரிக்கா, ஐக்கிய இராச்சியம், பிரான்ஸ், ரஷ்யா மற்றும் சீனா ஆகிய நாடுகளுக்கு இந்த சாரம் ஒன்று பல சர்ச்சைகளை ஏற்படுத்துகிறது. அமெரிக்காவில் அலாஸ்கா, ஹவாய் மற்றும் போர்ட்டோ ரிக்கோ மக்கள் சுயநிர்ணய உரிமைக்காக போராடுகிறார்கள். ஐக்கிய இராச்சியத்தில் – வட அயர்லாந்து அரசியல் நெருக்கடி இன்னும் தீர்க்கப்படவில்லை.இதேவேளை, ஸ்கொட்லாந்து வேல்ஸ் ஆகியவை தமது சுயநிர்ணய உரிமைக்காக போராடுகிறார்கள்.பிரான்சில் கோசிக்கா மற்றும் பிரித்தான் மக்கள் தங்கள் அரசியல் உரிமைகளைக் கோருகின்றனர். ரஷ்யா மற்றும் சீனாவில் – சேச்சீனிய, தீபேத், ஊகீர் (கிழக்கு துர்கெஸ்தான்) மக்கள் போன்று பலர் தங்கள் சுயநிர்ணய உரிமைக்காக போராடுகிறார்கள்.இத்தகைய சூழ்நிலைகளில், சுயநிர்ணய உரிமை பற்றிய கேள்வி தொடர்பான சர்வதேச சட்டம் சக்தியற்று காணப்படுகிறது. சில ஆண்டுகளுக்கு முன்பு ஐ.நா.வின் தீர்மானங்கள் மூலமாக எரித்தேரியா, கிழக்கு-திமோர், தெற்கு சூடான் ஆகிய நாடுகள் புதிதாக உருவாகின. கொசோவோ நாட்டின் தோற்றம் என்பது, வெற்றிகரமான ராஜதந்திரம் மட்டுமல்லாது, பெரிய வல்லரசு அல்லது பலம் படைத்த நாடுகள் மூலம் கிடைக்க பெற்ற வெற்றியாகும். இத்தனை தடைகளையும் மீறி, மனித உரிமைகளை மீறும் நாடுகளை “பெயரிட்டு வெட்கப்படுதல்” என்ற செயற்திட்டம் மூலம் மனித உரிமைக்காக உண்மையில் உழைக்கும் நிறுவனங்களும் செயற்பாட்டாளர்களும் வெற்றி கண்டுள்ளனர் என்பது குறிப்பிடத்தக்கது. சிலர் அரசாங்கங்களின் நிகழ்ச்சி நிரலுக்கு ஏற்றால் போல், மிகவும் கபடமாக பாதிக்கப்பட்டவர்களை மனித உரிமை வேலையென கூறி, ஏமாற்றி பெரும் தொகையான பணம் சம்பாதிப்பதையும் நாம் காணக்கூடியதாகவுள்ளது.இது ஒரு சர்வதேச கிறீமினல் குற்றம். இப்படியாக சில வருடங்களாக ஐ.நா.மனித உரிமை சபையில் வேலைகளை மேற்கொண்ட ஒரு தமிழ் நபர், ஜெனிவா ஐக்கிய நாடுகள் மனித உரிமை சபையினால், சில வருடங்களிற்கு முன்பு வெளியேற்றப்பட்டுள்ளார் என்பது இங்கு குறிப்பிடத்தக்கது. சிறிலங்காவில் தமிழர்களின் ஆள் கடத்தலை ஆய்வு செய்யும் போது, இவை யாவும் சிறிலங்காவில் தமிழர் சனத்தொகையைக் குறைக்கும் அரசியல் நிகழ்ச்சி நிரல் என்பது தெளிவாகிறது.இது ஒரு சர்வதேச கிறீமினல் குற்றம். இவற்றின் அடிப்படையில், முதற்கட்டமாக, காவல்துறையும் மற்ற அரசு படைகளும் இடைத்தரகர்களாக தமிழர்களை எந்தவித காரணமுமின்றி அன்றாடம் துன்புறுத்துகின்றனர்.அவர்கள் தினசரி துன்புறுத்தலை எதிர்கொள்ளும் அதேவேளையில், ஆள்கடத்தல்களை புரியும் தொழிலதிபர்களின் மற்றொரு குழு, பெருமளவிலான வெளிநாட்டு அல்லது உள்ளூர் பணத்துடன் மக்களை ஆட்கடத்தலை நோக்கி வேட்டையாடுகிறன்றனர்.இவ்வேளை அரசின் மறைமுறை உதவியோடு, அரசிற்கு நெருக்கமாகப் பணிபுரியும் நபர்கள், போக்குவரத்தை ஏற்பாடு செய்து, தமிழர்களை நடுக்கடலில் கைவிடுகின்றனர்.இவ் நிலையில் மனிதாபிமான அடிப்படையில் சில நாடுகள் அவர்களை காப்பாற்றுகிறது. தமிழர்கள் சம்பந்தப்பட்ட ஒவ்வொரு ஆள் கடத்தலிலும் இது நிரூபணமாகியுள்ளது. தமிழர்களை தங்கள் குடிமக்களாகக் சிறிலங்கா அரசு கருதினால், இந்த விவகாரத்தில் இலங்கை அரசு ஏன் கவனம் செலுத்தவில்லை என்பதுதான் பதில் காணமுடியாத ஒரு கேள்வி. ச. வி. கிருபாகரன், பிரான்ஸ் சர்வதேச மனித உரிமை பிரகடனம் இலங்கையில் தாக்கம் செலுத்தியிருக்கிறதா? – குறியீடு (kuriyeedu.com)

மொழி மற்றும் அரசியற் புலமையுள்ள,கடமைஉணர்வோடு இனநலன் நோக்கிச் சிந்திப்போரை இனங்கண்டு ஒருங்கிணைத்துச் சமகாலத்தில் புலத்திலே ஒரு அழுத்தக்குழுவாகச் செயற்பட வைத்தல் குறித்தும் சிந்திக்க வேண்டும். சாதாரண மக்களாக இருந்து யாழிலாவது நாம் உரையாடுகின்றோமே. இது குறைந்தபட்சம் களஉறவுகளிடையேயாவது இது குறித்த வாதப்பிரதிவாதங்களை(எழுதாவிட்டாலும்) மனதளவிலாவது ஏற்படுத்தினாற்கூட நன்றே.

கோசான் - சே மற்றும் சசிவர்ணம் ஆகியோரால் சுட்டப்படும் சமகால அரசியற் கருத்தாய்வு விடயங்கள் சிறப்பு. ஏனையவர்களது கருத்துகளும் ஏமாற்றங்கள் மற்றும் பட்டறிவின் வழியே மனங்களை ஊடறுத்து நிற்பவையே. யாழ் களத்தினது நோக்குநிலையிலானதொரு திரியாக நகர்கிறது. இவை வெவ்வேறாகவும் தனித்தனியாகவும் பேசப்பட்டாலும், ஒரு விழிப்பு நிலைக்கானதும், கூட்டிணைந்த கருத்தாடலுக்கும், சமகால அரசியற் புரிதலுக்கும் தமிழரது எதிர்கால நலன் நோக்கிலான குறைந்தபட்சத் தெளிவை அடையவும் இதுபோன்ற கருத்தாடல்கள் அவசியமானது. அனைவருக்கும் நன்றி. தமிழர்கள் நூறு ஆண்டுகளாகச் சிங்களத் தலைமைகளால் ஏமாற்றப்பட்டுவருகிறார்கள்.

என்ன வெளிநாட்டில் துணிவுள்ள பெண் என்றபடியால் இந்தவிடயம் வெளியில் வந்துள்ளது. எத்தனை தமிழ்ப் பெண்கள் சிறிலங்காவின் சிங்களப்படைகளால் சீரழிக்கப்பட்டு கொன்றொழிக்கப்பட்டுவிட்டார்கள். ஏற்கெனவே 10க்கு மேற்பட்டு சிங்களப் படைப்பிரிவுகளோடு இப்போது இந்த விளையாட்டுப் படையும் இணைந்துள்ளது. நன்றி

தமிழ்சிறியவர்களே இணைப்புக்குநன்றி. மூன்று லட்சம் உக்ரெனியருக்காக இன்று அழுகிறது உலகு அது சரியாதும் கூட. ஆனால் ஒரே இரவில் 5இலட்சம் மக்களது இடப்பெயர்வுகுறித்து எங்காவது மேற்குலக ஊடகங்கள் பேசியுள்ளனவா?

ரஞ்சித் அவர்களே காலத்தேவைகருதியதும், நாம் அறியாத பகுதிகளையும், உரையாடல்களையும் உள்ளடக்கியதாக உள்ளன. இது எமது இளைய தலைமுறை படித்தறிய வேண்டிய விடயமுமாகும். உங்கள் முயற்சிக்கும் உழைப்புக்கும் பாராட்டுகள். தமிழ்த்தலைவர்களில் பெரும்பகுதியானோர் இனத்துக்கான பேரம்பேசல்களில் ஈடுபடுவதில்லைத்தானே. அவர்கள் தமக்கான பெட்டிகளுக்கான பேரம்பேசல்களில் இருப்பதால் இனமாவது நிலமாவது....... தேவையேற்பட்டால் அவர்கள் பெயரைக்கூட மாற்றிக்கொண்டு வாழ்ந்துவிடுவர். அப்படியான சுயநலமிகளிட நீங்கள் எதிர்பார்க்கலாமா?

நல்லவிடயம். தொடருங்கள். காலத்தேவைகருதியதாக அமையும் . நன்றி

கருத்துக்கள நிர்வாகத்தினருக்கு வணக்கம், "கோட்டாவின் நிழல் அரசாங்கமே தற்போதும் நாட்டை ஆட்சி செய்கிறது : எதிர்க்கட்சி தலைவர் சஜித் " என்ற புதினத்தை இணைத்தபோது இருமுறை பதிந்துவிட்டது. எனவே ஒன்றை நீக்கி உதவவும். நன்றி

விசுகு அவர்களே, நலமும் வளமும் எழிலும் துணையாக இனிதாக இன்னும் பல்லாண்டு வாழ்கவென்று வாழ்த்துகிறேன்!

யேர்மனியில் திரையிடப்படவுள்ள மேதகு 2 திரைப்படம்..

கிருபன். குமாரசாமி ஐயா. மற்றும் புத்தன் ஆகியோருக்கு நலம்கூடி நல்வளம் செழிக்க..

இணைப்புக்கு நன்றி👌

சுமந்திரா மகாத்தயா போன்ற ஐயாமாருக்கு ரணிலாரோடை டீல்போடவே நேரம் போதாமையிருக்கேக்க எப்பிடி இதுகளை யோசிக்கிறதாம்! நன்றி

உண்மைதான், சிங்களத்திடம் எந்த மாற்றமும் நிகழாது என்பதையே இதுபோன்ற நிகழ்வுகள் வெளிப்படுத்தி நிற்கின்றன. தமிழ் அரசியல்வாதிகள் பொருளாதார மற்றும் அரசியல் ரீதியாக சிங்களத்துக்கு முண்டுகொடுப்பதையும், பிணையெடுப்பதையும் விடுத்து ஆக்கிமிக்கப்பட்ட, ஆக்கிரமிக்கப்படும் தமிழர் நிலங்களையும், அத்துமீறி பெனத்தரல்லாத தமிழரது வாழ்விடங்களில் அமைக்கப்படும் பௌத்த சின்னங்களையும் அடையாளப்படுத்துவதோடு, ஆவணப்படுத்தி சிங்கள முற்போக்கு சக்திகளுட்படத் தூதுவராலயங்கள், ஐநா போன்றவற்றுக்கு அனுப்புகின்ற ஒரு தொடர்வேலைத்திட்டத்தை செய்வதனூடாக இவற்றைத் தடுப்பதற்கான செயற்பாடுகளை ஏன் செய்கிறார்களில்லை.

உண்மை. சிறப்பான வெளிப்பாடு.பாராட்டுகள்! முதலிலே பார்த்திருந்தால் நேரிலேயே பாராட்டியிருக்கலாம். இந்த சிந்தனையும் சிறப்பாக உள்ளது. ஒரு கவிதையோ, கட்டுரையோ மனதில் ஏற்படுத்தும் தாக்கத்தைவிட ஓவியம் மொழிகளைக் கடந்து தாக்கத்தைத் தரவல்லது.

நிர்வாகத்தினருக்கு வணக்கம், என்னால் 'விருப்பு' சுட்டியையையோ அல்லது வேறுவகைப் பிரதிபலிப்பகளையோ சொடுக்க முடியவில்லை. ஏனென்று அறியவிரும்புகிறேன். நன்றி

முதலில் கதிகலங்கவைத்த செய்தியினூடாக யாழ்களத்தின் இவ்வாண்டுக்கான சிறந்த பதிவாளராகிவிட்ட தமிழ்சிறியவர்களுக்குப் பாராட்டு. ஊடக நிறுவனங்கள் மற்றும் ஊடக ஜம்பவான்களெனத் தமக்குத் தாமே நாமம் சூட்டியவர்களின் வண்டவாளமும் வாய்வீச்சும் தண்டவாளத்தில் ஏறித் தடாலடியாகக் கடலுள் வீழ்ந்த நிலை ஒன்று. அதேவேளை ஊடகங்கள் தனது பணியைத் தனது மக்களது நலன்கருதி செயற்பட்டால் எவளவு மாற்றங்களை கொண்டுவர முடியும் என்பது இரண்டு. யாழ்க்களமானது அனைத்துலகிலும் எப்படி அவதானிக்கப்படுகிறது என்பதற்கான அளவுகோலாகவும் அமைந்துள்ளது மூன்று. இதனை நாம் பத்தோடு பதினொன்றாகக் கடந்துபோக முடியாதென்பதையும் மனம்கொள்ளல் நன்று. கருத்துகளிலே பகிரும் விடயங்கள் எப்போதும் ஒரேமாதிரி இருக்கவேண்டும் என்றில்லையானபோதும், இனமாக ஒரு பொதுமைப்பண்பியலைக் கட்டியமைக்க வேண்டிய அவசியத்தையும் இது உணர்த்துவதாவே தோன்றுகிறது. எனவே இனநலன் சார்ந்து பதியப்படும் பதிவுகள் உற்றுநோக்கி உறவுகளை வளர்த்தெடுக்கும் புள்ளிகளாக அமைய வேண்டுமென்பதே எனது பார்வையாகும். மொழியால் ஒன்றித்து, மதங்களோடு ஒத்திசைவாக அணுகி எமது அவலத்தைக் களைந்து தமிழீழத்தை மீட்டெடுகச் சிந்திக்கும் பொறுப்புணர்வோடு, யாழ் களத்தின் நோக்கத்தை மெய்நிலையாக்கிட இந்தச் செய்தித்திரியும் சுட்டுகிறது. அன்பார்ந்த நன்றியுடன் நொச்சி

ஏப்பிரல் 1 என்பதற்காக இப்படிப் பீதியைக்கிளப்பி விடுகிறீங்களே ஐயா!

வருகைக்கும் கருத்துக்கும் நன்றி விருப்பையும் நன்றியையும் வழங்கி உற்சாகமூட்டும் கள உறவுகள் அனைவருக்கும் நன்றி.

வருகைக்கும் கருத்துக்கும் நன்றி. நாம் நாமாக இருப்பதே எமக்கு நன்மை. அதேவேளை மனித உயிர்களின் அழிவினை யார் ஏற்படுத்தினாலும் கண்டித்தல் அவசியம். மேற்குலகின் நகர்வுகளனைத்தும் தலைமைப்பாத்திரம் மாறிவிடுமோ என்ற ஐயத்தின் வெளிபாடே. யூகோசிலாவியாவை மேற்குத் துண்டாடியதபோல்(அதற்கான கரணியங்களும் இருந்தன) உக்கிரேன் துண்டாடப்படுமானால் மேற்கின் பாத்திரம் ஆட்டம்காணலாம். வருகைக்கும் கருத்துக்கும் நன்றி. ஒருவேளை நாங்களும் மதவாதக் கண்ணாடியூடாக நோக்கியதன் விளைவாகவும் இருக்கலாம்.

படித்துப் பாராட்டியமைக்கு நன்றி. படித்தமைக்கும் கருத்துப்பகிர்வுக்கும் நன்றி.இன்றைய சூழலை கையாளும் திறனற்ற தலைமைகளால் ஒன்றும் செய்யமுடியாது. மக்கள் போராடினால் மட்டுமே மாற்றம்வரும்.