கருத்துக்களையும், அனுபவங்களையும் பகிர்ந்த அனைவருக்கும் நன்றி..!
நான்கு நாட்கள் சுவிஸ்ஸில் இருந்தபோது இயற்கை கொஞ்சும் மலைப்பகுதிகள் அபாரம், ஆனால் மலையேறி ஜங்ஃபரூச்(Jungfraujoch) சென்றபோது 'எப்போடா கீழே இறங்குவோம்..?' என்றாகிவிட்டது. முதுகெலும்பை ஊடுருவும் பனிக் குளிர்..! 🙄
ஆனால் மலை அலையடிவாரத்திலுள்ள "லாட்டர்புரூனன்" கிராமம் சொல்லவே வேணாம், பனி இல்லாத நாட்களில் கொள்ளை அழகு, நடக்கவே களைப்பு தெரியாத அவ்வளவு ரசிக்கத்தக்க இடம். அடுத்த வருடம் நிச்சயம் குடும்பத்தோடு அங்கே செல்ல வேண்டும்..!
இங்கே அமீரகத்தில் இரண்டே காலம்தான். வெப்ப காலம் தோராயமாக 50 பாகையை எட்டும் அதுவும் எண்ணை வளப் பகுதியான "ருவைஸ்" பக்கம் சொல்லவே வேணாம். சூடு தாங்க இயலாது, ஆனால் எங்கு போனாலும் குளிரூட்டப்பட்டிருக்கும், பேருந்து தரிப்பிடம் முதற்கொண்டு.
மற்றது, குளிர் காலம்..இனிவரும் சனவரி முதல் மார்ச் வரை அதிக குளிர், இக்காலத்தைத்தான் தாங்க இயலாது.
இன்றும் அலுவலகம் முடிந்து வெளியே வந்தால் முகத்தில் அடித்த சில்லென்ற குளிர், தாங்க இயலாமல் பறந்துவிட்டேன் வீட்டினுள்..! 😉 ஏறக்குறைய சென்னையை ஒத்த தட்பவெப்ப நிலை, அதுவே நமக்கு பழகியது..ஏற்றது..!