யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு

பிழம்பு

கருத்துக்கள உறவுகள்
  • Content Count

    7,375
  • Joined

  • Last visited

  • Days Won

    2

பிழம்பு last won the day on May 7 2015

பிழம்பு had the most liked content!

Community Reputation

255 ஒளி

1 Follower

About பிழம்பு

  • Rank
    கருடன்
  • Birthday January 1

Contact Methods

  • Website URL
    http://

Profile Information

  • Gender
    Male
  • Location
    ஈர்பற்ற திசை
  • Interests
    வாழ்தல்

Recent Profile Visitors

  1. தேவையான பொருட்கள்: சாதம் - 2 கப், துருவிய மாங்காய் - 1 கப் தேங்காய்த் துருவல் - 1/2 கப் கடுகு - 1/2 டீஸ்பூன் உளுத்தம் பருப்பு - 2 டீஸ்பூன் கடலைப் பருப்பு - 1 டீஸ்பூன் வறுத்த வேர்க்கடலை -1 டேபிள்ஸ்பூன் காய்ந்த மிளகாய் - 4 உப்பு - தேவைக்கு ஏற்ப கறிவேப்பிலை - சிறிதளவு பெருங்காயத் தூள் - ஒரு சிட்டிகை எண்ணெய் - 2 டேபிள் ஸ்பூன் செய்முறை: மாங்காயை தோல் நீக்கி துருவிக் கொள்ளவும். அரிசியை கழுவி தண்ணீர் சேர்த்து சாதமாக, உதிர் உதிராக வடித்துக் கொள்ளவும். பின்பு 1 டீஸ்பூன் எண்ணெய் விட்டு கலந்து ஆற விடவும். கடாயில் எண்ணெய் விட்டு கடுகு, உளுத்தம் பருப்பு, கடலைப் பருப்பு தாளிக்கவும். சிவந்து வந்ததும் காய்ந்த மிளகாயை கிள்ளி போட்டு, கறிவேப்பிலை, பெருங்காயத் தூள் சேர்த்து வதக்கி, மாங்காய்த் துருவல், தேங்காய்த் துருவலை சேர்த்து லேசாக வதக்கி உப்பு சேர்த்து இறக்கவும். இத்துடன் சாதம், வேர்க்கடலை சேர்த்து கலந்து பரிமாறவும். குறிப்பு: சாதம் மஞ்சள் நிறத்தில் வேண்டுமென்றால் வதக்கும் பொழுது மஞ்சள்தூள் சேர்த்து வதக்கவும். மாங்காயை குழைய வதக்கக் கூடாது http://tamil.webdunia.com/article/vegetarian-recipes/மாங்காய்-சாதம்-எப்படி-செய்வது-119062000053_1.html
  2. ஆர்.யசி, எம்.ஆர்.எம்.வஸீம்) கல்முனை வடக்கு உப பிரதேச செயலகப்பிரச்சினையை தமிழ் தேசியக்கூட்டமைப்பினால் மட்டுமே தீர்க்க முடியும். வேறு எந்தவொரு சக்தியாலும் அதனை மேற்கொள்ளமுடியாது என அகில இலங்கை மக்கள் காங்கிரஸ் உறுப்பினர் அமீர் அலி பாராளுமன்றில் தெரிவித்தார். அவர் அங்கு தொடர்ந்து தெரிவிக்கையில், காவியுடை தரித்தவர் எல்லாம் இன்று ஐ.ஜி.பி.க்களாகி விட்டனர்.இவர்கள்தான் இன்று அமைச்சர்களை பதவி நீக்குவது, வீட்டுக்கு அனுப்புவது, பிரதேச சபைகளைப்பிரித்துக்கொடுப்பது போன்ற வேலைகளை செய்கின்றனர். கல்முனை பிரதேச செயலகம் விவகாரத்தை சுமுகமாக தீர்த்துக்கொள்ள தமிழ் கூட்டமைப்பு மற்றும் முஸ்லிம் காங்கரஸ் கட்சிகளுக்கிடையில் கலந்துரையாடல்கள் இடம்பெற்று வருகின்றன. ஆனால் வியாழேந்திரன், கருணா அம்மான் போன்றவர்கள் இந்த விடயத்தில் தலையிட்டு எம்.ஜி.ஆர்.,சிவாஜிகளாகி விட்டனர். அதேவேளை மட்டக்களைப்பு தமிழ் சமூகம் செய்த மிகப்பெரிய அநியாயம் வியாழேந்திரனை எம்.பி.யாகத்தெரிவு செய்தது. படித்தவர்களை தெரிவு செய்யுமாறு கேட்டபோது படிப்பித்தவர்களை தெரிவுசெய்து விட்டனர் என்றும் குறிப்பிட்டார். https://www.virakesari.lk/article/58701
  3. இலங்கையைச் சேர்ந்த ஒப்பந்தத் தோட்டத் தொழிலாளர்கள் வம்சாவளியைச் சேர்ந்த 65 தமிழர்கள் இந்தியக் குடியுரிமை கேட்டு செய்திருந்த மனு மீதான விசாரணையில் உயர் நீதிமன்ற மதுரைக் கிளை மாவட்ட ஆட்சியரிடம் புதிதாக குடியுரிமைக்காக விண்ணப்பம் செய்ய அனுமதி வழங்கியுள்ளது. மாவட்ட ஆட்சியர் இது தொடர்பாக உடனடியாகத் தாமதிக்காமல் மத்திய அரசுக்கு குடியுரிமை விண்ணப்பத்தை அனுப்பி வைக்க நீதிபதி ஜி.ஆர்.சுவாமிநாதன் அறிவுறுத்தினார். மத்திய அரசு இதன் மீது 16 வாரங்களில் முறையான உத்தரவுகளைப் பிறப்பிக்கலாம். அதாவது மனுதாரர்கள் இருக்கும் ஒரு தனிப்பட்ட சூழ்நிலையைக் கருத்தில் கொண்டு மத்திய அரசு பரிசீலிக்க வேண்டும் என்று நீதிபதி கேட்டுக் கொண்டார். இது தொடர்பாக நீதிபதி ஜி.ஆர்.சுவாமிநாதன் கூறும்போது, “நான் இது தொடர்பாக ரிட் மனுதாரர்களுக்கு குடியுரிமை வழங்குமாறு ஒரு நேர்மறையான உத்தரவை வழங்கவியலாது. காரணம், இது மத்திய அரசின் செயலுரிமைப் பகுதியில் உள்ள விஷயமாகும். மனுதாரர்களுக்காக என் இதயம் ரத்தம் சிந்தலாம் ஆனால், நீதியதிகாரத்தின் வரம்பு எனும் லஷ்மண ரேகை குறித்து நான் கவனமேற்கொள்ள வேண்டியதும் அவசியமாகிறது. இந்த லஷ்மண ரேகை எனும் வரம்பைக் கடந்து செல்வது ஆக்கிரமிப்பாகும். ஆக்கிரமிப்பு எந்த வடிவத்திலிருந்தாலும் அது மோசமானதே. ஆகவே நீதித்துறை அரசின் செயலுரிமை தளத்துக்குள் தலையிடுவதும் ஆக்கிரமிப்பு என்பதிலிருந்து விதிவிலக்காக முடியாது. சிலர் இதனை ஆட்சேபிக்கலாம்” என்றார். இந்த மனு தொடர்பாக மத்திய, மாநில அரசுகள் இருதரப்பினரும் மனுதாரர்கள் முறையான அனுமதி பெற்று இவர்கள் இந்தியாவுக்குள் வரவில்லை என்றும் சட்டவிரோதமாகக் குடியேறியவர்கள் என்பதால் இந்தியக் குடியுரிமைச் சட்டாம் 1955-ன் பிரிவுகளின்படி இந்தியக் குடியுரிமை பெறுவதற்கு தகுதியற்றவர்களாகிறார்கள் என்று வாதிட்டது. ஆனால், மனுதாரர்கள் இந்திய அரசமைப்புச் சட்டம் 21-ம் பிரிவை அழைக்கலாம். இது குடிமக்கள், குடிமக்கள் அல்லாதோர் அனைவருக்கும் பொருந்துவதே என்று நீதிமன்றம் குறிப்பிட்டது. மனுதாரர்கள் வம்சாவழியாக இந்த மண்ணைச் சேர்ந்தவர்கள் நம் மொழியைப் பேசுகின்றனர். நம் பண்பாட்டைச் சேர்ந்தவர்கள் இந்தியாவை தங்கள் நிரந்தர நாடாக்கிக் கொள்ள தயாராக இருப்பவர்கள் என்றும் நீதிமன்றம் தெரிவித்தது. மத்திய அரசும் முன்னதாக இவர்களை இலங்கைக்கு வலுக்கட்டாயமாக அனுப்ப மாட்டோம் என்று உறுதி அளித்துள்ளது குறிப்பிடத்தக்கது. இவர்கள் 35 ஆண்டுகளாக முகாம்களில் இருந்து வந்துள்ளனர். மனுதாரர்களின் பெரும்பாலானோர் திருச்சி கொட்டப்பட்டு முகாமில் தற்போது தங்கியுள்ளனர். காலனியாதிக்க காலகட்டங்களில் தேயிலைத் தோட்ட தொழிலாளர்களாக இலங்கையில் செட்டில் ஆனவர்களின் வம்சாவளியினர் என்று மனுதாரர்கள் தங்களை அடையாளப்படுத்திக் கொண்டனர். மேலும் இவர்கள் தங்களை வடக்கு, கிழக்கு மாகாண இலங்கைத் தமிழர்களாகக் கருதக் கூடாது என்றும் தாங்கள் இந்தியாவிலிருந்து சென்று காலனியாதிக்க காலகட்டத்தில் தேயிலைத் தோட்டங்களில் வேலை செய்த இந்திய வம்சாவளியினர். எனவே தங்களுக்கு இந்தியக் குடியுரிமை வழங்க வேண்டும் என்றும் மனுதாரர்கள் தங்கள் மனுக்களில் கோரியுள்ளன https://tamil.thehindu.com/tamilnadu/article28085774.ece?utm_source=HP&utm_medium=hp-epick
  4. (ஆர்.யசி, எம்.ஆர்.எம்.வஸீம்) தமிழர்களின் நிர்வாகத்துக்கு எதிராக முஸ்லிம்கள் ஒருபோதும் செயற்படவில்லை. இவ்வாறான நிலையில் பௌத்த தேரர் உண்ணாவிரதமிருந்து அனாவசியமான பிரச்சினையை ஏற்படுத்துகின்றார் என பாராளுமன்ற உறுப்பினர் எச்.எம்.எம்.ஹரீஸ் தெரிவித்தார். பாராளுமன்றத்தில் இன்று பெயற்பாடு குறைவாகவுள்ள தொழில் முயற்சிகளுக்கும் அல்லது குறைவாக பயன்படுத்தப்படுகின்ற சொத்துக்களுக்கும் புத்துயிரளித்தல்(நீக்கல்) சட்டமூலம் மீதான விவாதத்தில் கலந்துகொண்டு உரையாற்றுகையிலேயே இவ்வாறு குறிப்பிட்டார். அவர் அங்கு தொடர்ந்து தெரிவிக்கையில், கல்முனை பிரதேசத்தில் 73 வீதமான முஸ்லிம்களும், 23 வீதமான தமிழர்களும் வாழ்கின்றனர். 1989 இல் யுத்தம் நடைபெற்றபோது எல்.ரி.ரி.ஈ. யினால் பலவந்தமாக உப பிரதேச செயலகம் அமைக்கப்பட்டது. தமிழ் மக்களின் நிர்வாகம் இதனூடாக மேற்கொள்ளப்பட்டது. இதில் கல்முனையில் உள்ள முஸ்லிம் மக்களின் கிராமங்கள், வர்த்தக நிலையங்கள், காணிகள், பெறுமதியான சொத்துக்கள் பலவந்தமாக இந்தப் பிரிவுக்குள் உள்ளடக்கப்பட்டன. இதனால் முஸ்லிம்களுக்கு அநீதி இழைக்கப்பட்டது. முப்பது வருடங்களாக ஆட்சிசெய்த ஜனாதிபதிகள் மற்றும் அரசாங்கங்களிடம் கல்முனை முஸ்லிம்களுக்கான அநீதியை நீக்கி நீதியை வழங்குமாறு கோரினோம். இது தொடர்பில் கடந்த இரண்டு மாதத்துக்கு முன்னர் அமைச்சர் வஜிர அபேயவர்த்தன, முஸ்லிம் காங்கிரஸ் குழுவினர், தமிழ்த் தேசியக் கூட்டமைப்பினருடன் பேச்சுவார்த்தை நடத்தி எல்லை நிர்ணய குழுவை நியமித்து அதனூடாக நிரந்த தீர்வைப் பெற்றுத் தருவதாக உறுதியளித்தனர். அமைச்சரின் நிலைப்பாட்டுக்கு தமிழ்த் தேசியக் கூட்டமைப்பு எம்.பிக்களும், முஸ்லிம் காங்கிரஸ் உறுப்பினர்களும் இணங்கியிருந்தோம். இந்தக் குழு இது தொடர்பான வேலைகளைச் செய்துவருகிறது. அப்படியிருக்கையில் கல்முனையில் தமிழ்த் தேசியக் கூட்டமைப்பினரால் உண்ணாவிரதப் போராட்டம் நான்கு நாட்களுக்கு முன்னர் ஆரம்பிக்கப்பட்டது. சுபத்திராராம தேரர் கலந்துகொண்டு இதுவரை உண்ணாவிரதத்தை நடத்தி வருகின்றார். கல்முனை நகரில் அங்குள்ள முஸ்லிம்கள் தமக்கு நீதி வழங்கப்பட வேண்டும் எனக் கோரி அவர்களும் ஒரு போராட்டத்தை ஆரம்பித்துள்ளனர். அதனால் இனரீதியாக நிறுவனங்கள் செயற்பட்டால் நாட்டின் ஒற்றுமைக்கு பாதிப்பாக அமையும். நிலத்தொடர்பற்ற இடங்களை ஒன்றிணைத்து உப காரியாலயம் அமைக்கப்பட்டுள்ளது. தமிழர்களின் நிர்வாகத்துக்கு எதிராக முஸ்லிம்கள் ஒருபோதும் செயற்படவில்லை. இவ்வாறான நிலையில் பௌத்த தேரர் உண்ணாவிரதமிருந்து அனாவசியமான பிரச்சினையை ஏற்படுத்துகின்றார். இனரீதியாக பிரதேச செயலகம், மாவட்ட செயலகங்களை அமைக்க முடியுமா? நிலத்தொடர்புள்ள இடங்களை அடிப்படையாகக் கொண்டு உப பிரதேச செயலகத்தை அமைப்பதில் எந்தப் பிரச்சினையும் இல்லை. ஆனால் தமிழ்தேசியக்கூட்டமைப்பு, சஹ்ரானின் பயங்கரவாத தாக்குதல் சம்பவத்தை சந்தர்ப்பமாக பயன்படுத்தி எம்மை அழுத்தத்தினுள் தள்ளுகின்றது. கல்முனை முஸ்லிம் மக்கள் பயங்கரவாதத்துடன் தொடர்புபட்டவர்கள் அனைவரையும் காட்டிக்கொடுத்துள்ளனர் என்றார். https://www.virakesari.lk/article/58685
  5. கல்முனை வடக்கு தமிழ் பிரிவு பிரதேச செயலகம் தரமுயர்துவது தொடர்பான இரு சமூகங்களுக்கிடையிலான பேச்சுவார்த்தை எந்தவித தீர்வின்றி நிறைவடைந்துள்ளது. கல்முனை வடக்கு தமிழ்பிரிவு பிரதேச செயலகத்தினை தரமுயர்த்தக் கோரி சாகும் வரையிலான உண்ணாவிரத போராட்டம் பிரதேச செயலகம் முன்பாக நான்காம் நாளாகவும் இன்று முன்னெடுக்கப்பட்டு வருகின்றது. இதன் போது இன்று அத்துரலிய ரத்தின தேரரும் அவருடன் மட்டக்களப்பு பாராளுமன்ற உறுப்பினர் ச.வியாழேந்திரனும் சென்றிறுந்தனர். மேற்படி பிரதேச செயலகம் தரம் உயர்த்து தொடர்பில் இருக்கின்ற சிக்கல் நிலை தொடர்பிலும், சமரசமான முறையில் பிரச்சினையை தீர்த்துக் கொள்வதற்கான வழிவகைகளைக் கண்டறியும் நோக்கிலும், உண்ணாவிரதிகள் சார்பான குழுவொன்றும் கல்முனை முஸ்லிம் மக்கள் சார்பான குழுவொன்றுக்குமிடையில் பேச்சுவார்த்தை ஒன்று கல்முனை நகர சபை மண்டபத்தில் வருகைதந்திருந்த பாராளுமன்ற உறுப்பினர் வியாழேந்திரன் மற்றும் ரத்தின தேரர் அகியொரின் பங்கு பற்றுதலுடன் நடைபெற்றது. இதன் போது இருதரப்பு நியாங்களும் முன்வைக்கப்பட்டது அந்தவகையில் கலந்து கொண்ட முஸ்லிம் தரப்பிப்பிலான குழுவினர் தங்களது நியாங்களை முன்வைக்கையில் இந்த பிரதேச செயலகமானது தரமுயர்த்துவதில் எங்களுக்கு எவ்வித அட்சேபனையும் இல்லை. அனால் இதில் சில சிக்கல் நிலை நிலவுகின்றது. அதாவது நிலத்தொடர்பற்று காணப்படுதல், மற்றும் கடைத்தொகுதிகள் பாதிக்கப்படுதல், எல்லை நிர்ணயம் முரண்பாடாக காணப்படுதல், மற்றும் இனத்துவேசத்தினை உண்டுபண்ணுவதாக அமைதல் போன்ற விடயங்களை இதன் போது தங்கள் தரப்பு நியாயங்களாக முன்வைத்திருந்தனர். மேற்படி தெரிவிக்கப்பட்ட விடயங்களை செவிமடுத்த உண்ணாவிரதாரிகள் சார்பாக சென்ற கல்முனை தமிழ் மன்றக் குழுவினர் இவ்விடயங்கள் தொடர்பில் தங்கள் தரப்பு நியாயம் சார்ந்த வகையிலான கருத்துக்களை முன்வைத்தனர். இவ்வாறாக ஒரு மணித்தியாலத்திற்க்கு மேல் பேச்சுவார்த்தை நடைபெற்றிருந்தது இதனை செவிமடுத்திருந்த ரத்தின தேரர் மிகவும் விரைவாக பிரச்சினைகளை தீர்ப்பதற்கான வழிவகைகளை கண்டுபிடியுங்கள் உண்ணாவிரதம் இருப்போரின் உடல் நிலையானது பாதிக்கப்பட்டுள்ளது என தெரிவித்திருந்தார். இவ்வாறு பேச்சுவார்த்தையானது எந்த தீர்வின்றி இழுபறியில் முடிவடைந்துள்ளதாக அறியமுடிகின்றது. https://www.virakesari.lk/article/58686
  6. படத்தின் காப்புரிமை Getty Images முல்லைத்தீவு - முள்ளிவாய்க்கால் என்பது தமிழர் வரலாற்றில் என்றுமே மறக்க முடியாத ஒரு இடம். 2009ஆம் ஆண்டு மே மாதம் 18ஆம் திகதி பல லட்சக்கணக்காக தமிழர்கள் கொல்லப்பட்ட ஒரு இடமாக முள்ளிவாய்க்கால் வரலாற்றில் பதிவாகியுள்ளது. முள்ளிவாய்க்கால் என்றாலே அங்கு இரத்த கறைகள் மாத்திரமே மக்கள் மத்தியில் நினைவுக்கு வருகின்றது. கறுப்பு சரித்திரமாக பதிவாகியுள்ள முள்ளிவாய்க்காலின் இன்றும் பெரும்பாலானோர் அறியாத அழகிய இடங்கள் காணப்படுகின்றன. குறிப்பாக முள்ளிவாய்க்கால் கடற்கரையை அண்மித்த ஓர் அழகிய கிராமமாகும். யுத்தம் நிறைவடைந்து 10 வருடங்கள் நிறைவடைந்துள்ள போதிலும், அந்த பகுதி இன்றும், ஆள்; நடமாட்டமற்ற பகுதியாகவே காணப்படுகின்றது. முள்ளிவாய்க்கால் பகுதியிலிருந்து கடற்கரையை நோக்கி செல்லும் மணல் வீதி... தூரத்தில் இரு மருங்கிலும் பனை மரங்கள்... பனை மரங்களுக்கு இடை நடுவில் கடற்கரை தென்படும் அழகிய காட்சி. கடற்கரையை நோக்கி சென்றால், அங்கு ஆள் நடமாட்டம் என்பதை எம்மால் காண முடியவில்லை. சிறிய ரக மீன்பிடி படகுகள் மாத்திரம் கரையோரங்களில் நிறுத்தி வைக்கப்பட்டுள்ள போதிலும், கடற்றொழிலாளர்களையும் எம்மால் காண முடியவில்லை. எந்தவித அசுத்தமும் இன்றி, மிகவும் சுத்தமாக இந்த கடற்கரை காணப்படுவதை பார்த்த எமக்கு ஆச்சரியம் ஏற்பட்டது பல கிலோமீற்றர் தொலைவிற்கு நேரான கடற்கரையை கொண்ட இந்த அழகிய முள்ளிவாய்க்கால் கடற்கரை, இன்றும் எந்தவொரு அதிகாரியின் கவனத்திற்கும் செல்லவில்லை. குறிப்பாக சுற்றுலாத்துறையை இலங்கை பெயர் பெற்றுள்ள பின்னணியில், இவ்வாறான கடற்கரைகளை பிரசித்திப்படுத்துவதன் ஊடாக மேலும் சுற்றுலாத்துறையை வளர்ச்சி அடைய செய்ய முடியும். இறுதிக்கட்ட யுத்தம் இடம்பெற்ற பகுதியோ என்னவோ, அரசாங்கம் இந்த அழகிய கடற்கரையை வெளிகொணராது இருக்கின்றது. முல்லைத்தீவு இலங்கையின் மிகவும் பின்தங்கிய பகுதியாக காணப்படுகின்ற பின்னணியில், குறித்த கடற்கரை சுற்றுலாத்துறைக்கான திறக்கப்படும் பட்சத்தில், அந்த பகுதி மக்களின் வாழ்வாதாரத்தை முன்னோற்றுவதற்கான இயலுமை கிடைக்கும் என அந்த பகுதி மக்கள் நம்பிக்கை தெரிவிக்கின்றனர். முள்ளிவாய்க்கால் கடற்கரை பகுதியை மக்கள் பாவனைக்கு வழங்க முன்பாக, அந்த பகுதியில் பாதுகாப்பு பிரிவினரால் மக்களுக்கு ஏற்பட்டுள்ள அச்ச நிலைமையை தீர்க்க வேண்டும் என அந்த பகுதி மக்கள் கேட்டுக்கொள்கின்றனர். https://www.bbc.com/tamil/sri-lanka-48697130
  7. June 20, 2019 சென்னையில் வீசும் காற்றில் விசம் காணப்படுவதாக தெரிவிக்கப்பட்டுள்ளது. தமிழ்நாடு மாசுக்கட்டுப்பாட்டு வாரியம் வெளியிட்டுள்ள சென்னையின் வருடாந்த காற்று மாசு குறித்த அறிக்கையிலேயே இந்த விடயம் சுட்டிக்காட்டப்பட்டுள்ளது பொதுவாக சென்னையில் மரங்கள், கடற்கரைக்கு அருகே இருக்கும் பகுதி போன்ற காரணங்களால் ஏனைய பகுதிகளைவிட காற்றின் தரநிலை சற்று சிறப்பாகவே இருக்கும். எனினும் 2018ஆம் ஆண்டின் ஏப்ரல் மாதத்துக்கும் கடந்த மார்ச் மாதத்துக்கும் இடைப்பட்ட காலத்தில் அடையாற்றிலும் காற்றின் தரநிலை மிக மோசமடைந்துள்ளதாக அந்த அறிக்கை தெரிவித்துள்ளது . மேலும் தமிழ்நாடு மாசுக்கட்டுப்பாட்டு வாரியம் கண்காணித்து வரும் 28 நிலையங்களிலும் சல்பர் டையாக்சைட், நைட்ரஜன் டையாக்சைட் ஆகியவற்றின் வருடாந்திர சராசரி மதிப்புகள் கட்டுப்பாட்டுக்குள் இருந்துள்ளதாகவும் இந்த அறிக்கையில் தெரிவிக்கப்பட்டுள்ளது. சாலைகளில் வெளியாகியுள்ள மணற்துகள்கள், வாகனப் புகை போன்றவற்றால் காற்றில் துகள்களின் விகிதமும் கணிசமாக உயர்ந்துள்ளதாக இந்த அறிக்கையில் தெரிவிக்கப்பட்டுள்ளது. தேசிய காற்று தர கண்காணிப்பு திட்டத்தின் கீழ் சென்னையில் அடையார், தியாகராய நகர், கீழ்ப்பாக்கம், அண்ணா நகர், நுங்கம்பாக்கம் ஆகிய ஐந்து பகுதிகளில் காற்றின் தரம் சோதிக்கப்படுகிறது என்பது குறிப்பிடத்தக்கது. http://globaltamilnews.net/2019/124739/
  8. வடமாகாண ஆளூநரை சந்தித்து பேச்சு நடத்தும் நிலையில் தாம் இல்லை என ஆவா குழுவின் பெயரில் கடிதம் ஒன்று சமூக வலைத்தளங்களில் பகிரப்பட்டு வருகின்றன. வடமாகாண ஆளூநர் கலாநிதி சுரேன் ராகவன் கடந்த வாரம் ஆவா குழுவை சந்தித்து பேச்சு நடத்த தயார் எனவும் , அதற்காக தான் எந்தவிதமான பாதுகாப்பு ஏற்பாடுகள் இன்றி அவர்கள் கூறும் இடத்திற்கு சென்று பேச்சு நடத்த தயார் எனவும் அறிவித்திருந்தார். அந்நிலையில் ஆவா குழுவின் பெயரில் , வடமாகாண ஆளூநருக்கு 17ஆம் திகதியிடப்பட்ட கடிதம் ஒன்று எழுதப்பட்டுள்ளது. அதில் இன்றைய சூழ்நிலையில் எங்களை உங்கள் மத்தியில் அடையாளம் காட்டிக்கொள்ள முடியாமைக்கு வருந்துகிறோம். என குறிப்பிடப்பட்டு உள்ளது. #ஆவாகுழு #சுரேன்ராகவன் http://globaltamilnews.net/2019/124760/
  9. June 20, 2019 கல்முனை தமிழ் பிரதேச செயலகத்தை தரமுயர்த்துமாறு கோரி மேற்கொள்ளப்படும் உண்ணாவிரதப்போராட்டத்திற்கு பாராளுமன்ற உறுப்பினர் அத்துரலிய ரத்ன தேரர் வருகை தந்துள்ளார். இன்று(20) குறித்த இடத்திற்கு வருகை தந்த அவர் உண்ணாவிரதம் மேற்கொள்பவர்களது சுகநலன்களை விசாரித்து அறிந்து கொண்டார். மஞ்சள் சீலையால் குடைபோல பிடிக்கப்பட்டு, பெரு வரவேற்புடன் அவர் போராட்ட இடத்திற்கு அழைத்து வரப்பட்டார். மட்டக்களப்பு பாராளுமன்ற உறுப்பினர் வியாழேந்திரனும் உடன் வந்தார். அத்துடன், தமிழ் தேசிய மக்கள் முன்னணியின் செயலாளர் செ.கஜேந்திரனும் போராட்டத்தில் கலந்து கொண்டுள்ளார். மேலும் இவரது வருகையின் பின்னர் மட்டக்களப்பு விகாராதிபதியும் அவ்விடத்திற்கு சென்று உண்ணாவிரதத்தில் உள்ள கல்முனை சுபத்திராம விகாரையின் விகாராதிபதி சங்கைக்குரிய ரண்முத்துக்கல சங்கரத்ன தேரர் இகிழக்கிலங்கை இந்துகுருமார் ஒன்றிய தலைவர் ஸ்ரீ ஸ்ரீ க.கு.சச்சிதானந்தம் சிவம் குரு கல்முனை மாநகரசபை உறுப்பினர்களான சா.சந்திரசேகரம் ராஜன் மற்றும் அழகக்கோன் விஜயரத்னம் ஆகியோரையும் பார்வையிட்டு ஆறுதல் கூறினார். பெருந்திரளான மக்கள் இப்போராட்டத்தில் ஈடுபட்டவர்களை சென்று பார்வையிட்டு வருகின்றனர். http://globaltamilnews.net/2019/124790/
  10. படத்தின் காப்புரிமை Getty Images ஒரு பெருங்கடல் ஆரோக்கியமாக இருக்கிறதா என்று பார்க்க மிகப் பெரிய ஆய்வு திட்டமொன்று தொடங்கப்பட்டுள்ளது. ஆம், அட்லாண்டிக் பெருங்கடல், அதில் வாழும் உயிரினங்கள், அதிலுள்ள பவளப்பாறைகள் அனைத்தும் நலமாக இருக்கிறதா என்பதை பரிசோதிக்க ஐ-அட்லாண்டிக் திட்டம் எனும் ஒரு சர்வதேச ஆய்வு திட்டம் தொடங்கப்பட்டுள்ளது. அட்லாண்டிக் பெருங்கடல்தான் இந்த கிரகத்தின் இரண்டாவது பெரிய கடல். பருவநிலை மாற்றமும், பெருங்கடல்களும் ஐரோப்பிய ஒன்றியத்தால் நிதி அளிக்கப்பட்ட இந்த திட்டத்தில் முப்பதுக்கும் மேற்பட்ட அமைப்புகள் இணைந்துள்ளன. இதனை ஒருங்கிணைப்பது எடின்பர்க் பல்கலைக்கழகம். இதற்காக கடலுக்குள் ஆய்வு செய்யும் ரோபோக்கள் உள்ளிட்ட உயர் தொழில்நுட்பங்கள் பயன்படுத்தப்பட உள்ளன. இது ஆர்க்டிக் முதல் தென் அமெரிக்கா முதல் உள்ள கடல்பரப்பை ஆய்வு செய்யும். பருவநிலை மாற்றம் கடலுக்கடியில் உள்ள தாவரங்கள் மற்றும் பிற உயிரினங்கள் மீது எத்தகைய தாக்கத்தை ஏற்படுத்தி இருக்கிறது என்று மதிப்பிடும். இந்த் ஆய்வின் முடிவுகள் அட்லாண்டிக் குறித்த திட்டங்களை அரசு முன்னெடுக்க உதவும். மும்முனை தாக்குதல் மும்முனைத் தாக்குதலில் அட்லாண்டிக் பெருங்கடல் மூச்சுத் திணறுவதாக கூறுகிறார் ஐ-அட்லாண்டிக் திட்டத்தின் ஒருங்கிணைப்பாளர் பேராசிரியர் மர்ரி ரோபர்ட்ஸ். மேலும் அவர், "அட்லாண்டிக் பெருங்கடல் பிராண வாயுவை இழந்து வருகிறது," என்கிறார். இதற்கு முக்கிய காரணம் பருவநிலை மாற்றம். புவி வெப்பத்தில் 90 சதவிகிதத்தை பெருங்கடல்களே உறிஞ்சுகின்றன. படத்தின் காப்புரிமை Getty Images இந்த குழுவானது 12 இடங்களில் ஆய்வை மேற்கொள்ள இருக்கிறது. வளப்பாறைகளும் அழிந்து வருவதாக கூறுகிறார் பேராசிரியர் லாரண்ஸ். பவளப்பாறைகள் பல கடல்வாழ் உயிரினங்களின் வாழ்விடம். பவளப்பாறைகள் அழிவென்பது பல உயிரினங்களின் அழிவு. கடல் வெப்பம், உப்புத்தன்மை, மற்றும் பிராண வாயு ஆகியவை இந்த ஆய்வில் முதன்மையாக கருத்தில் எடுத்துக்கொள்ளப்படும் என்கிறார் பேராசிரியர் கன்னின்கம். அதுபோல எவ்வளவு சூரிய ஒளி பெருங்கடலுக்குள் நுழைகிறது என்பதையும் கருத்தில் எடுத்துக் கொள்ளப்படும் என்கிறார் அவர். 'உண்மையான சவால்' இந்த திட்டத்திற்காக ஐரோப்பிய ஒன்றியம் 10 மில்லியன் யூரோக்கள் வழங்குகிறது. படத்தின் காப்புரிமை UNIVERSITY OF EDINBURGH இந்த திட்டத்தில் இணைந்துள்ள பிற அமைப்புகள், நிதி மற்றும் இதற்கான தொழில்நுட்பத்தை வழங்குகின்றன. இதனுடைய மதிப்பு முப்பது மில்லியன் யூரோக்கள். "கடலின் இயல்பு எப்படி மாறுகிறது? எதனால் மாறுகிறது? என்பதை ஆராய்வதே எங்கள் நோக்கம். இதனை புரிந்து கொள்வதன் மூலம் எதிர்காலத்தில் என்ன சவாலை நாம் எதிர்கொள்ள போகிறோம் என்பதை புரிந்துகொள்ள முடியும். இதனை புரிந்து கொண்டபின், இதற்கு என்ன மாதிரியான நடவடிக்கைகளை எடுக்கலாமென அரசுக்கு அழுத்தம் கொடுக்க முடியும்” என்கிறார் பேராசிரியர் ராபர்ட். https://www.bbc.com/tamil/science-48683153
  11. ஹேலியர் சுயூங் பிபிசி செய்தியாளர் இதுவரை இல்லாத அளவு மிகப்பெரிய இரண்டு போராட்டங்களைக் ஓரு வாரத்திற்குள் ஹாங்காங் கண்டுள்ளது. இது கடந்த பத்தாண்டுகளில் இல்லாத அளவு மிகவும் வன்முறையான போராட்டம் ஆகும். இந்த போராட்டங்களை முன்னிறுத்தி செயல்படுத்தியது இளைஞர்கள். பெரும்பாலும் தங்கள் பதின்ம வயதை சமீபத்தில் தாண்டியவர்கள். அவர்கள் எவ்வாறு தீவிரமாக மாறினார்கள்? "மக்களை ஓடுங்கள் என்று நாங்கள் எச்சரித்தோம்." "போராட்டங்களுக்குப்பின் என் பெற்றோர் என்னை துரத்திவிட்டனர்" "கண்ணீர் புகைக்குண்டு தாக்குதலுக்கு முதன் முறையாக உள்ளானேன். என் கண்களில் இருந்து கட்டுப்படுத்த முடியாதபடி கண்ணீர் வழிந்துகொண்டே இருந்தது." "என்னுடைய உண்மையான பெயரை கொடுப்பதற்கு எனக்கு பயமாக இருக்கிறது." இந்த வார்த்தைகள் ஹாங்காங் மக்களின் வாயிலிருந்து வரும் என்று யாரும் எதிர்பார்த்திருக்க மாட்டார்கள். அதுவும் 17 முதல் 21 வயதுக்கு உட்பட்டவர்களிடமிருந்து எதிர்பார்த்திருக்க மாட்டார்கள். மிகச் சமீப காலம் வரை சாதாரணமான ஹாங்காங் பதின்ம வயது இளைஞர்களுக்கு அரசியலில் ஈடுபடும் முனைப்போ, புதுமையாக சிந்திக்க வேண்டும் என்றோ நினைக்காமல் ஒரே மாதிரியாக அனைவருக்குமே படிக்க வேண்டும் என்றோ அல்லது பணம் சம்பாதிக்க வேண்டும் என்றோதான் எண்ணம் வரும். ஆனால், கடந்த வாரம் ஹாங்காங் நாடாளுமன்றத்தை சுற்றியுள்ள வீதிகளை முகமூடி அணிந்த இளைஞர்கள் முற்றுகையிட்டு, வீதிகளில் தடைகளை ஏற்படுத்தியதையும், காவல்துறையினர் வீசிய கண்ணீர் புகைக் குண்டுகளை மீண்டும் அவர்கள் மீதே திரும்ப வீசியதையும் காண முடிந்தது. இவர்களில் பெரும்பாலானோர் கடந்த 2014 ஆம் ஆண்டு ஹாங்காங்கில் நடைபெற்ற, சர்வதேச ஊடகங்கள் குறிப்பிடும் 'குடை போராட்டத்தில்' (Umbrella protests) பங்கேற்றவர்களின் வயதைவிட மிகவும் இளையவர்களாக இருந்திருப்பார்கள். இந்த குடை போராட்டம் ஜனநாயக ரீதியாக தேர்தல் நடத்தக்கோரி பல்லாயிரக்கணக்கானோரை தெருக்களில் இறங்கிப் போராடவும் உறங்கவும் வைத்தது. சீனாவின் வருங்காலம் குறித்த அச்சம் நகர மையத்தை கைப்பற்றும் போராட்டம் என்றும் அழைக்கப்படும் 2014 போராட்டங்கள் அரசின் எவ்விதத்திலும் கோரிக்கைகளுக்கு செவிமடுக்காமலேயே முடிவுக்கு வந்தது. ஆனால் இந்தமுறை நிலைமை வேறாக இருந்தது. படத்தின் காப்புரிமை Reuters சமீபத்திய போராட்டங்கள், சர்ச்சைக்குரிய சட்ட மசோதாவிற்கு எதிராக நடைபெற்றன. இந்த சட்டம், குற்றப்பின்னணி உள்ள எந்த ஒரு ஹாங்காங் வாசியையும் விசாரணைக்காக சீனாவிற்கு நாடு கடத்த வகை செய்யும். இந்த போராட்டம் காரணமாக அரசு மன்னிப்பு கேட்டது. சர்ச்சைக்குரிய சட்டத்தை அமல்படுத்துவதை நிறுத்தியது. இது இந்த சட்டத்தை கிடப்பில் போடப்பட்டதற்கு சமம் என்கிறார்கள் ஆய்வாளர்கள். இந்த முறை மட்டும் ஏன் இப்படி ஆனது? கண்ணீர் வெடிகுண்டுகளையும் ரப்பர் தோட்டாக்களையும் எதிர்கொள்ள, ஏன் கைதாகவும் (அவர்களுக்கு வருங்கால வேலை வாய்ப்பு பிரச்சனையும் இருக்கிறது) இளைஞர்களை எப்படி தயார் செய்தது? ஹாங்காங் இளைஞர்கள் கடந்த இருபது ஆண்டுகளாக ஒருவகையான அரசியல் விழிப்புணர்வை பெற்று வருகின்றனர். 18 முதல் 35 வயதிற்குட்பட்டவர்கள் இடையேயான பதிவு செய்யப்பட்ட வாக்காளர்கள் எண்ணிக்கை 2008ல் 58% ஆக இருந்த நிலையில் 2016ல் 70% ஆக உயர்ந்துள்ளது. ஹாங்காங்கின் அரசியல் எதிர்காலம் முக்கியமான பிரச்சனை என்று நீங்கள் கருதினால், இது ஒன்றும் வியப்பில்லை. ஹாங்காங் பிரதேசம் தற்போது சிறப்பு உரிமைகளையும் சுதந்திரங்களையும் முன்பு காலனி ஆதிக்கம் செலுத்திய இங்கிலாந்திடமிருந்து சீனாவிடம் ஒப்படைக்கப்பட்ட போது இங்கிலாந்திற்கும் சீனாவிற்கும் இடையே கையெழுத்தான ஒப்பந்தத்தின் காரணமாக அனுபவித்து வருகிறது. ஆனால் 2047ல் ஹாங்காங்கிற்கு வழங்கப்பட்டுள்ள சிறப்பு அந்தஸ்து காலாவதியாகும் என்று இந்த ஒப்பந்தம் தெரிவிக்கிறது. அதன் பின் என்ன ஆகும் என்று யாருக்கும் உண்மையில் தெரியாது. இன்றைய இளைஞர்களுக்கு 2047 மிகவும் அருகில் உள்ளது. அவர்கள் போராட்டம் இந்த நிலையற்ற தன்மை மற்றும் சீன அரசும் தங்களை நெருங்கிவருகிறது என்ற உணர்வால் தூண்டப்பட்டே இருக்கிறது. இந்த அமைப்பு முறை அவர்களை ஒருபோதும் பாதுகாக்காது என்பதால் அவர்கள் தங்கள் போராட்ட உத்திகளை மாற்றி வருகிறார்கள். நவீன முறையிலான அதிருப்தியை வெளிப்படுத்தும் கலையை கற்று வருகிறார்கள். கடந்த வாரத்தில் நடைபெற்ற போராட்டத்தில் பங்கேற்றவர்களில் நான் பேட்டி கண்ட ஒவ்வொரு போராட்டக்காரரும் கைதாவதற்கு அஞ்சி தங்கள் பெயரையும் அடையாளத்தையும் பாதுகாக்குமாறு கேட்டுக்கொண்டனர். "இந்த போராட்டத்தின்போது எல்லா நேரத்திலும் நாங்கள் எங்கள் முகத்தை முகமூடி அணிந்து மறைத்திருந்தோம், அதன் பின் நாங்கள் எங்கள் ஐபோன்கள் மற்றும் கூகுள் மேம்புகளில் எங்களைப்பற்றிய தரவுகளை நாங்கள் அழிக்க முற்பட்டோம்," என்கிறார் டேன். இந்த போராட்டத்தின்போது வேலிகளால் தடைகளை ஏற்படுத்தி ஆர்ப்பாட்டக்காரர்களுக்கு உதவிய 18 வயது இளைஞர் இவர். அவர்களில் சிலர் தங்கள் பிரிபெய்டு பயண அட்டையை பயன்படுத்தாமல், ரயில் நிலையத்தில் டிக்கெட்டுகளை வாங்கி பயணம் செய்துள்ளனர். இதன் மூலம் அவர்கள் எங்கிருக்கிறார்கள் என்று அதிகாரிகளால் கண்டு பிடிக்க முடியாமல் சிரமப்பட வேண்டும் என்பதற்காக. சமூக வலைத்தளங்களில் தாங்கள் என்ன சொல்கிறோம் என்பதில் பெரும்பாலானோர் மிகவும் எச்சரிக்கையுடன் இருந்தனர். பெரும்பாலானோர், டெலிகிராம் போன்ற தரவுகளை சுயமாக அழிக்கக்கூடிய செயல்பாடுகள் கொண்ட பாதுகாப்பான செயலிகள் மூலம் தொடர்புகொள்ளவே விரும்பினர். "2014ஆம் நடந்த போராட்டத்தின்போது பெரும்பாலானோர், தங்களை பாதுகாக்க வேண்டும் என்று யோசிக்கவில்லை, நாங்கள் பேஸ்புக், இன்ஸ்டாகிராம் மற்றும் வாட்ஸ்அப் போன்றவற்றை பயன்படுத்தி தகவல்களை பரப்பினோம். ஆனால் இந்த ஆண்டு கருத்து சுதந்திரம் ஹாங்காங்கில் மிகவும் மோசமடைந்துள்ளதை நாங்கள் பார்க்கிறோம்," என்கிறார், ஜாக்கி என்ற 20 வயது நிரம்பிய மாணவர் தலைவர். நொறுங்கிய உறவு ஹாங்காங்கின் மிகவும் பெருமைக்குரிய கல்வி நிறுவனங்களைச் சேர்ந்த பெரும்பாலான மாணவர்கள் மற்றும் ஆசிரியர்கள் கைது செய்யப்பட்டுள்ளனர். சிலர் அவர்கள் சிகிச்சை பெற்றுவரும் மருத்துவமனைகளில் இருந்து கைது செய்யப்பட்டுள்ளனர். டெலிகிராம் மூலம் போராட்டம் பற்றிய தகவல் பரிமாறிக்கொள்ளும் குழு ஒன்றின் நிர்வாகி என சந்தேகிக்கப்பட்ட 22 வயது இளைஞர் ஒருவர் பொது அமைதிக்கு தொந்தரவு செய்த குற்றச்சாட்டில் கைது செய்யப்பட்டுள்ளார். கடந்த புதன்கிழமை ஆர்ப்பாட்டத்தில் பங்கேற்ற மாணவர் தலைவர்கள் அவர்கள் உயர் பொறுப்புகள் காரணமாக கைது செய்யப்படக்கூடும் என்று ஜாக்கி அஞ்சுகிறார். "நான் வீட்டிற்கு சென்றால் கைது செய்யப்படலாம் என்ற சந்தேகம் எழுந்துள்ளதால் நான் மாணவர் சங்க அலுவலகத்திலேயே உறங்கிவருகிறேன்," என்கிறார் அவர். இது சட்டம் ஒழுங்கை நிலைநாட்டும் அதிகாரிகளுடன் நொறுங்கிப்போன உறவையே காட்டுகிறது. கடந்த முறை நடைபெற்ற போராட்டத்துடன் ஒப்பிடுகையில் போராட்டக்காரர்களுக்கு காவல் துறையினர் மீதுள்ள நம்பிக்கை குறைந்துள்ளது. கடந்த வியாழக்கிழமை, போலீசார் ஹாங்காங் பல்கலைக்கழகத்தில் உள்ள மாணவர் விடுதியில் மாணவர்கள் படுக்கையறைகளை சோதனையிட திட்டமிட்டுள்ளனர் என்ற வதந்தி பரவியது. அதற்கு முன்தினம் இரு மாணவர்கள் அங்கிருந்து கைது செய்யப்பட்டிருந்தனர். இந்த பதற்றத்தின் ஊடே மாணவர்கள் துரிதமாக உள்ளூர் சட்டமன்ற உறுப்பினர்களையும் வழக்கறிஞர்களையும் தொடர்புகொண்டனர். அவர்கள் அந்த கட்டடத்தை சூழ்ந்து கொண்டதால், இறுதியில் போலீசார் விடுதியின் கூடத்திற்குள் நுழையவில்லை 2014 போராட்டங்களின்போது ஆர்ப்பாட்டக்காரர் ஒருவரை தாக்கியதால் ஏராளமான காவல்துறையினர் சிறைபிடிக்கப்பட்டதையடுத்து காவல்துறை மேற்கொண்ட நடவடிக்கை காரணமாக காவல்துறையினர் மீதான நம்பிக்கை போய்விட்டதாக டேன் சொல்கிறார். "அதற்கு முன்புவரை காவல்துறையினர் என்றால் சட்டத்தை மதித்து நடப்பவர்கள், குடிமக்களுக்கு உதவுபவர்கள் என்று நான் நம்பினேன். ஆனால் சில காவலர்கள் தங்கள் தனிப்பட்ட உணர்வுகளை வெளிப்படுத்துகிறார்கள் என்பதை நான் உணர்ந்தகொண்டேன்." முந்தைய தலைமுறை போராட்டக்காரர்களுடன் ஒப்பிடுகையில் இந்த மாணவர்கள் மற்றும் இளைஞர்கள், நல்ல காரியத்திற்காக மக்கள் ஒன்று கூடும் சட்டத்தை மீறி கைதாகத் தயாராக இருக்கிறர்கள் என்பதையே காண முடிகிறது. அவர்கள் போராட வேண்டியது இன்னும் இருக்கிறது என்று சொல்கிறார்கள். மிகவும் மோசமான அரசியல் சூழலில் அவர்கள் வளர்ந்துள்ளதாக தெரிவிக்கின்றனர். டாமின் வயது 20, இவர் கடந்த புதன்கிழமை போராட்டத்தின் போது தேவையானவற்றை வழங்க உதவினார். நான் வளர்ந்து வரும் காலகட்டம் காரணமாக தான் போராட்ட ஆதரவாளராக மாறிவிட்டதாக அவர் கூறுகிறார். சீன நாட்டுப்பற்று வகுப்புகளை மாணவர்கள் கற்கவேண்டும் என்ற 2012 ஆம் ஆண்டு திட்டமிடப்பட்ட அரசியல் அமளிகள் போன்ற சூழலில் தனது தலைமுறை வளர்ந்துவருவதாக அவர் கூறுகிறார். அரசின் அந்த திட்டம் மாணவர்களை மூளைச் சலவை செய்து சீன அரசின் மனித உரிமை மீறல்களை நியாயப்படுத்தும் விதமாக அமைந்துள்ளது என்று விமர்சகர்கள் கருத்து தெரிவிக்கின்றனர். அரசாங்கத்தின் கொள்கைகள் மற்றும் செயல்பாடுகள் நாங்கள் பெற்று வந்த சுதந்திரத்தை நசுக்கும் விதமாக இருப்பதை நான் பார்க்கிறேன். இதன் காரணமாக ஹாங்காங் தனது சட்டத்தின் ஆட்சி மற்றும் சுதந்திரங்களை இழந்துவிடக்கூடாது என்பதில் உறுதியாக இருக்கிறேன். அரசின் கொள்கைகள் மீது புகார் கூறும் இளைஞர்களில் பெரும்பாலானோர், சமீபத்தில் சீன அரசு அறிமுகப்படுத்திய புதிய சட்டமான, சீன தேசிய கீதத்தை அவமதிப்பவர்களை தண்டிக்கும் சட்டத்தை, ஜனநாயக ஆதரவு சட்டமன்ற உறுப்பினர்கள் மற்றும் விடுதலைக்கு ஆதரவான சட்டமன்ற உறுப்பினர்களை தகுதியழக்கச்செய்தல் மற்றும் விடுதலை ஆதரவு போராட்டக்காரர்களை சிறையில் அடைத்ததைக் குறிப்பிடுகிறார்கள். கைப்பற்று போராட்டம் தெளிவான- சிக்கல் நிறைந்த கொடையை இன்றைய ஆர்ப்பாட்டக்காரர்களுக்கு விட்டுச் சென்றுள்ளது. கடந்த வார போராட்டங்களில் ஈடுபட்டவர்களில் பெரும்பாலானோர். 2014 போராட்டத்தில் பங்கேற்க முடியாத அளவு மிகவும் வயது குறைந்தவர்களாக இருந்தனர். ஆனால் அவர்கள் அந்த போராட்டத்தின் போது கற்றுக்கொண்ட பாடத்தினால் உந்தப்பட்டுள்ளனர். பென், வயது 20 சொல்கிறார், தனது பெற்றோர் 2014 போராட்டத்தில் பங்கேற்க அனுமதிக்கவில்லை. ஆனால் தற்போது பல்கலைக்கழக மாணவனாக தான் போராட்டங்களை நடத்துவதிலும், கைதாகக்கூடும் என்ற அபாயத்தில் உள்ள மாணவர்களுக்க சட்ட உதவிகளை வழங்குவதில் முன்னிலை வகிப்பதாக கூறுகிறார். படத்தின் காப்புரிமை GETTY IMAGES 2014 போராட்டம் தோல்வியில் முடிந்த போராட்டம் என்று கூறும் அவர், போராட்டக்காரர்கள் போராட்டத்தின் நோக்கம் குறித்த மாறுபட்ட கருத்துகளை கொண்டிருந்ததாகவும், அனைவருக்கும் ஓட்டுரிமை என்பது மட்டுமே ஏற்றுக்கொள்ளக்கூடியது என்கிறார். ஆனால் இந்த முறை இந்த போராட்டம் மிகவும் வித்தியாசமானது. ஏனெனில் ஆர்ப்பாட்டக்காரர்கள் கூடுதல் ஜனநாயகம் கோரவில்லை, ஹாங்காங் தற்போது அனுபவித்துவரும் உரிமைகளை தக்கவைக்க போராடுவதாக அவர் கூறினார். ஒற்றுமையுடன் இருப்பதில் அதிக பலன் இருக்கிறது. ஏனெனில் போராட்டக்காரர்கள் தங்களது தற்போதைய சுதந்திரத்தை இழந்துவிடக்கூடாது என்பதற்காக போராடுவதில் உறுதியாக இருக்கிறார்கள் என்கிறார் அவர். கைப்பற்று போராட்டம் அதிக அளவு இளைஞர்களை அரசியலில் ஈடுபட தூண்டியது என்றும், தாங்களே தெருவில் இறங்கி போராட வேண்டும் என்ற நம்பிக்கையை வழங்கியுள்ளது. கடந்த புதன்கிழமை போராட்டத்தின் போது முதலுதவி மையம் ஒன்றை நடத்த உதவிய ஜாக்கி, இந்த போராட்டம் தனக்கு அரசியல் விழிப்புணர்வை ஏற்படுத்தியதாக தெரிவிக்கிறார். முன்பு தனக்கு அரசியிலில் அவ்வளவாக ஈடுபாடு கிடையாது என்று கூறும் அவர், இந்த போராட்டத்தையடுத்து, அரசியல் எவ்வளவு முக்கியம் என்பதை உணரவைத்ததாக குறிப்பிடுகிறார். இந்த போராட்டம், இன்றைய இளைஞர்களுக்கு காவல்துறையினருடன் மோதலை எதிர்கொள்ள தயார்ப்படுத்த உதவியுள்ளது. ஒரு பல்கலைக்கழக வளாகத்தில் மாணவர்கள் ஏராளமான பைகளில் மருந்துகளையும், சுவாச கருவிகளையும் வாங்கிக் குவித்து இருந்தனர். போலீசார் தாக்குதலின் போது கண்ணீர்புகைக் குண்டுகளால் பாதிக்கப்பட்டவர்களுக்கும், மிளகுத்தூள் தாக்குதலுக்கு உள்ளானவர்கள் தங்கள் கண்களைக் கழுவிக்கொள்வதற்கும் இவை உதவின. இவற்றில் பெரும்பாலானவை பொதுமக்களால் அன்பளிப்பாக வழங்கப்பட்டவை என்றும் மாணவர்கள் தெரிவித்தனர். இதன் பொருள், கடந்த புதன் கிழமை போராட்டத்தின் போது நிலைமை மோசமடைந்த நிலையிலும் கூட்டத்தினரை போராட்டக் களத்தில் இருக்க வைக்க உதவியது. இந்த போராட்டங்கள் குறித்து அவர்கள் பெற்றோர் என்ன நினைக்கிறார்கள்? கருத்தகள் மாறுபடுகின்றன. இன்கிரிட் 21, தனது வேலையை முடித்து விட்டு புதன்கிழமை போராட்டத்தில் பங்கேற்றார். போராட்டத்தின் முன்வரிசையில் இருப்பவர்களுக்கு முதல்உதவிப் பொருட்களை வழங்கும் பணியில் ஈடுபட்டிருந்தார். அவர் கூறுகிறார், அவரதுபெற்றோர் காவல்துறையினருக்கு ஆதரவாக இருந்தனர் என்றும் தன்னை வீட்டைவிட்டு துரத்திவிட்டனர் என்றும் கூறுகிறார். சில நாட்கள் கழித்து வீட்டுக்கு வர அனுமதித்தனர் என்றும் அவர் கூறுகிறார். அதே நேரம் ஜாக்கி, தன் பெற்றோரிடமோ, தாத்தா பாட்டியிடமோ, இந்த போராட்டத்தில் தனது பங்கு குறித்து சொல்லும் துணிவு தனக்கு இல்லை என்கிறார். ஆனால், செய்தியில் அவரைப்பார்த்த பின்னர் அவர்கள் ஆதரவு அளித்தனர் என்றும், பாதுகாப்பாக இருக்கும் படி கேட்டுக்கொண்டதாகவும் கூறினார். இந்த போராட்டத்தை முழுமையாக இளைஞர்களின் போராட்டம் என்று கூறினால் அது தவறு. படத்தின் காப்புரிமை AFP Image caption தலைவர் கேரி லேம் தலைவர் கேரி லேம் பல்வேறு தரப்பில் இருந்து நெருக்கடியை சந்தித்தார். வர்த்தக அமைப்புகள், அவருடைய தேவாலயம் மற்றும் அவருடைய பள்ளி மற்றும் கல்லூரியில் இருந்து நெருக்கடி வந்தது. இந்த சட்ட மசோதாவிற்கு எதிராக செயின்ட் பிரான்சிஸ் கனோசியன் கல்லூரி உள்பட நூற்றுக்கணக்கான குழுக்கள் மனுக்களை வழங்கின. ஹாங்காங்கின் முக்கியமான பள்ளிகளில் ஒன்றும் பெருமைக்குரிய பள்ளியில் இருந்து எதிர்ப்பு குரல் வந்தது. இந்த பள்ளியின் முன்னாள் மாணவர்களும் எதிர்ப்பு குரல் கொடுத்தனர். ஆப்ரே தாவ் என்ற 22 வயது பள்ளியின் முன்னாள் மாணவி தான் இந்த மனுவில் கையெழுத்திட்டார். தலைவர் லேம் பள்ளியின் குறிக்கோளை அடிக்கடி தன் உரையில் மேற்கோள் காட்டுவார்,. பிரான்கேசியனாக நீங்கள் இந்த வகையில் ஆட்சி செய்யக்கூடாது என்றார் ஆப்ரே. ஆனால், சட்ட விரோதமான, இளைஞர்கள் தலைமையில் நடைபெற்ற போராட்டம் காரணமாக, அவர்கள் முகாமிட்டு போராடியதன் காரணமாக, காவல்துறையுடன் அவர்கள் மோதியதன் காரணமாகவே அரசு இந்த விஷயத்தில் தலையிட்டு மசோதாவை நிறுத்தியதற்கு முக்கியமான காரணம். பெரும்பாலானோர், மாணவர்களை கண்டித்து இருப்பார்கள். கடந்த காலங்களில் வன்முறையாக மாறிய போரட்டங்களின் போதும் அவர்கள் இப்படித்தான் கண்டித்துள்ளனர். ஆனால் இந்த முறை காவல்துறை மிகவும் அத்துமீறியதாக அவர்கள் கருதுகின்றனர். படத்தின் காப்புரிமை Getty Images இந்த மோதல்களின் போது காவல்துறையினர் ரப்பர் தோட்டாக்களை, பீன்பேக் ஷாட்டுகளை பயன்படுத்தியுள்ளனர். 150க்கும் மேற்பட்ட கண்ணீர் புகைக் குண்டுகளை பயன்படுத்தியுள்ளனர். 79 நாட்கள் நடைபெற்ற குடை போராட்டத்தின் போது பயன்படுத்தியதை விட அதிகம் இதுவாகும். வன்முறையை கட்டுப்படுத்த இவற்றை பயன்படுத்த வேண்டியது அவசியமானது என்று காவல்துறை தனது தரப்பினை நியாயப்படுத்துகிறது. ஆர்ப்பாட்டக்காரர்கள் காவல்துறை அதிகாரிகளை செங்கற்கள் மற்றம் இரும்பு பைப்புகளால் தாக்கினார்கள் என்று அவர்கள் சொல்கிறார்கள். பிபிசியிடம் பேசிய சில ஆர்ப்பாட்டக்காரர்கள், காவல்துறையினர் மீது தண்ணீர் பாட்டிகள் கம்புகள் போன்றவற்றை பிறர் வீசியதை தாங்கள் பார்த்ததாக கூறுகிறார்கள். என்ன இருந்தாலும் மாணவர்கள் மீது மிளகுத்தூள் தூவியது மற்றும் அதிக அளவில் கண்ணீர்புகை குண்டுகளை வீசியது இன்னும் பலருக்கு அதிகாரிகள் மீது கோபத்தை ஏற்படுத்துகிறது. காவல்துறையை ஆதரித்த லேம் மீதும் கோபப்பட்டுள்ளனர். வைரலாக பரவிய ஒரு வீடியோவில் நடுத்தர வயதுடைய ஒரு பெண் காவலர்களைப் பார்த்து, நீங்களும் ஒருநாள் அப்பாவாக போகிறவர்கள் என்று அலறினார். இந்த மோதலையடுத்து, கிறிஸ்தவ தேவாலய குழுக்கள் போராட்டக்காரர்களுடன் சேர்ந்து தெருவில் இறங்கி, பல மணி நேரங்களுக்க காவல்துறையினருக்கு எதிராக அல்லேலூயா என்று பாடினார்கள். படத்தின் காப்புரிமை Reuters Image caption பெண்கள் பேரணி பெண்கள் பங்கேற்ற பேரணியில் ஆயிரக்கணக்கான பெண்கள் திரண்டனர். எங்கள் குழந்தைகளை சுடாதீர்கள் என்பன உள்ளிட்ட பதாகைகளை அவர்கள் தாங்கியிருந்தனர். மக்கள் கொந்தளிப்பு அதிகரிக்கத் தொடங்கியதும், முன்னாள் அரசு அதிகாரிகளும் வாய் திறந்தனர். தலைவர் லேம், இந்த சட்டத்தை இந்த கொந்தளிப்பான நேரத்தில் நிறைவேற்ற அவசரப்படக்கூடாது என்று அவர்கள் வலியுறுத்தினர். சீனாவிற்கு ஆதரவான சில சட்டமன்ற உறுப்பினர்களும், இந்த மசோதாவை தாக்கல் செய்வதை தாமதிக்க வேண்டும் என்று கேட்டுக்கொண்டனர். இந்த சட்ட மசோதா குறித்த மக்கள் உணர்வை தாங்கள் குறைத்து மதிப்பிட்டதாக அவர்கள் கூறினர். ஹாங்காங் சட்டமன்றத்தில் உறுப்பினர்களில் பாதிபேர் மக்களால் தேர்ந்தெடுக்கப்படுபவர்கள். சீன ஆதரவு குழுக்கள் ஆட்சி அதிகாரத்தை பகிர்ந்து கொள்கிறார்கள். இனி ஹாங்காங் என்ன செய்யும் என்று தெளிவாக தெரியவில்லை. லேம், கடந்த சனிக்கிழமை கூறுகையில் இந்த சட்ட மசோதா தற்காலிகமாக நிறுத்திவைக்கப்படுகிறது என்றார். இருப்பினும் ஏராளமான மக்கள் ஞாயிற்றுக்கிழமையன்று வீதிகளில் குவிந்தனர். இந்த சட்ட மசோதா நிரந்தரமாக நீக்கப்பட வேண்டும் என்று அவர்கள் வலியுறுத்தினார்கள். ஞாயிற்றுக்கிழமை போராட்டத்தில் பங்கேற்றவர்களில் சிலர் முதல் முறையாக போராட்டத்தில் குதித்துள்ளதாக தெரிவித்தனர். காவல்துறையினரின் அடக்குமுறையை கண்டித்து தாங்கள் போராட்டத்தில் குதித்துள்ளதாகவும், இளைஞர்களுக்கு தங்கள் ஆதரவை தெரிவிக்கும் விதமாக போராடுவதாகவும் அவர்கள் தெரிவித்தனர். ஹாங்காங் போராட்டத்தின் போக்கையே சம்பவங்கள் மாற்றிவிட்டன என்பது தெளிவாக காட்டுகிறது. நாடுகடத்துவதற்கு எதிரான இயக்கம் கடந்த 30 ஆண்டு கால போராட்ட பாரம்பரியத்தை உடைத்துள்ளது என்கிறார் டாம். காவல் துறையினர் முன் மணிக்கணக்கில் பாடல்களை பாடுவோம் என்று நாங்கள் ஒருபோதும் நினைத்து பார்த்ததில்லை என்றும் அவர் கூறினார். தாய்மார்கள் போராட்டத்தில் குதித்தது, செய்தியாளர்கள் வன்முறை உடைகளை அணிந்து அமைதியாக தங்கள் எதிர்ப்பை தெரிவித்து பலனளிக்கும் என்று நாங்கள் எதிர்பார்க்கவில்லை என்கிறார். தன் வாழ்நாளில் முதல்முறையாக கண்ணீர் வெடிகுண்டினை எதிர்கொண்டதாக இன்கிரிட் கூறுகிறார். இந்த அனுபவம் வேதனைப்படுத்தும் விதமாக இருந்தது என்றும் அவர் கூறுகிறார். படத்தின் காப்புரிமை SOPA IMAGES கண்ணீர் புகை குண்டு என்னை தாக்கியது. என்னால் பார்க்க முடியவில்லை. நான் உடை அணிந்திருந்தேன். ஆனால் உடலில் தண்ணீர் பட்டதும் எரிச்சல் ஏற்பட்டது. கண்ணீர் புகை மருந்து தண்ணீர் பட்டதும் வேதியல் மாற்றத்திற்கு உள்ளானது. கண்ணீர் புகைக் குண்டின் குமிழ் திறக்கும் ஓசையை மீண்டும் கேட்க விரும்பவில்லை " என்று அவர் கூறுகிறார். ஆனாலும் தான் தொடர்ந்து போராடப்போவதாக கூறினார். "நான் என் வீடு என்று அழைக்கும் இந்த நகரம் எப்படி மாறிவிடும் என்ற கவலை உணர்வே என் தனிப்பட்ட பாதுகாப்பைப் பற்றிய கவலையையும் விட அதிகமாக உள்ளது" *பெயர்கள் மாற்றப்பட்டுள்ளன. https://www.bbc.com/tamil/global-48676063
  12. படத்தின் காப்புரிமை Reuters சர்ச்சைக்குரிய ட்ரான்ஸ் மவுண்டைன் பைப்லைன் (குழாய்பதிப்பு) திட்ட விரிவாக்கத்துக்கு கனடா அரசு ஒப்புதல் வழங்கியுள்ளது. இந்த திட்டம் குறித்து மறுஆய்வு செய்ய வேண்டும் என மத்திய நீதிமன்றம் ஒன்று கடந்த வருடம் தெரிவித்திருந்தது. இது தற்போது கனடாவின் அதிபராக இருக்கும் ஜஸ்டின் ட்ரூடோவுக்கு தேர்தல் சமயத்தில் பெரும் சவாலாக இருக்கும். இந்த திட்டத்துக்கு சூழலியளாளர்கள் கடும் எதிர்ப்பு தெரிவித்து வந்தனர். செவ்வாயன்று இந்த திட்டத்துக்கான மறு ஒப்புதலை வழங்கிய ட்ரூடோ இந்த திட்டத்தின் மூலம் வரும் வருவாய் சூழலியல் பயன்பாட்டுக்கு ஒதுக்கப்படும் என தெரிவித்தார். எண்ணெய் மற்றும் இயற்கை ஏரிவாயு உற்பத்தியில் உலகளவில் கனடா ஐந்தாம் இடம் வகிக்கிறது. இந்த கச்சா எண்ணெய் பைப்லைன் திட்டமானது, எட்மாண்டன், அல்பெர்டா ஆகிய பகுதிகளிலிருந்து புர்னாபி, பிரிட்டிஷ் கொலம்பியா என பழங்குடி மக்கள் இருக்கும் பகுதி வரை கச்சா எண்ணெயை கொண்டு செல்லும். தற்போது 1,150 கிமீட்டர் தூரத்தில் அமைக்கப்பட்டுள்ள அந்த பைப் லைன் இரு மடங்கு தூரத்துக்கு விரிவாக்கம் செய்யப்படும். அதன் கொள் அளவு நாள் ஒன்றுக்கு 3 லட்சம் பேரல்களில் இருந்து 890,000 ஆக உயரும். பசிஃபிக் கடற்கரைகளை ஒட்டிய பகுதிகளில் ஒரு மாதத்துக்கு ஐந்து டாங்கர்கள் வந்து போன வீதியில் இனி 34 டாங்கர்கள் வந்து போகும். இந்த திட்டத்துக்கு எதிராக போராடி வந்த கனடாவின் மேற்கு பகுதியில் இருக்கும் பிரிட்டிஷ் கொலம்பியாவை சேர்ந்த பழங்குடி மக்கள் தொடர்ந்து சட்ட நடவடிக்கைகளை மேற்கொள்ளப்போவதாக தெரிவித்துள்ளனர். இந்த பைப் லைன் விரிவாக்க திட்டம் கனடாவில் இரு பிரிவினர்களை உருவாக்கியது. ஒரு தரப்பு இந்த திட்டத்தால் எண்ணெய் கசிவு போன்ற ஆபத்துக்கள் ஏற்பட்டு என்றும், பருவநிலை மாற்றத்தில் தாக்கத்தை ஏற்படுத்தும் என்றும் கூறினர். மறுதரப்பு இது கனடாவின் ஆற்றல் துறை ஸ்திரத்தன்மையற்ற நிலையில் உள்ளதால் கனடாவின் பொருளாதாரத்தை மேம்படுத்த வழிவகைக்கும் என்று கருதிகிறார்கள். அமெரிக்க சந்தையை கனடா நம்பியிருப்பது இந்த திட்டத்தால் குறையும் என ஜஸ்ட்ரூடோ தெரிவித்துள்ளார். கனடா மக்கள் சுற்றுச்சூழல் மற்றும் பொருளாதாரம் ஆகிய இரண்டில் ஏதேனும் ஒன்றை தேர்வு செய்ய வேண்டிய சூழல் ஏற்படாது என்று தெரிவித்து தேர்தலில் வெற்றி பெற்று அதிபரான ஜஸ்டின் ட்ரூடோவுக்கும் அவரின் கட்சிக்கும் அடுத்த தேர்தலில் இந்த திட்டம் பெரிய தாக்கத்தை ஏற்படுத்தும். https://www.bbc.com/tamil/global-48686316
  13. நீதேஷ் ராவத் பிபிசி மராத்தி கோயிலில் திருடியதாக ஐந்து வயது தலித் சிறுவன் மீது கூறப்பட்ட குற்றச்சாட்டில், தலித் சிறுவனின் ஆடைகளை நீக்கி சூடான கல்லில் உட்கார வைத்து தண்டனை அளித்துள்ளனர். இந்த சம்பவமானது மகாராஷ்ட்ரா மாநிலம் வர்தா மாவட்டத்தில் நடந்துள்ளது. இந்த தண்டனையின் காரணமாக அவரது பின்பகுதியில் கடுமையான தீக்காயங்கள் ஏற்பட்டுள்ளன. அவர் அரசு மருத்துவமனையில் அனுமதிக்கப்பட்டுள்ளார். அந்த சிறுவனின் பெயர் ஆர்யன் கட்சே. அந்த சிறுவனின் தந்தை அளித்த புகாரில், போலீஸார் அமோல் தோர் எனும் நபரை கைது செய்துள்ளனர். அவர் மீது குழந்தைகள் பாதுகாப்பு பிரிவிலும், வன்கொடுமை தடுப்பு சட்டத்திலும் வழக்கு பதிவு செய்துள்ளனர். பட்டியல் சமூகத்தினருக்கான தேசிய ஆணையமும் இது குறித்து விசாரித்து வருகிறது. அமோல் தோர் குற்றப் பின்னணி உடையவர். சாராயம் விற்றது தொடர்பாக அவர் மீது வழக்கு உள்ளதாக போலீஸார் தெரிவிக்கின்றனர். என்ன நடந்தது? ஆர்வி நகரத்தில் உள்ள ராணி லக்‌ஷ்மிபாய் பகுதியில் உள்ள ஜோகனா மாதா கோயிலில் மதிய நேரங்களில் பெரிதாக கூட்டம் இருக்காது. இது பிரபலமான கோயில் இல்லை. வட் பூர்ணிமா தினங்களில் மட்டுமே கூட்டம் வரும் என்கிறார் அந்த பகுதியை சேர்ந்த சமூக சேவகர் திலீப். "அந்த கோயிலில் ஆலமரம் இருப்பதால், வட் பூர்ணிமா அன்று மக்கள் அங்கு திரள்வார்கள். மற்ற நேரங்களில் அந்த ஆலமரத்தின் கீழ் அமர்ந்து சூதாடி கொண்டும், சாராயம் விற்றுக் கொண்டும் இருப்பார்கள். இப்போது குற்றஞ்சாட்டப்பட்டுள்ள அமோல் தோரும் சாராய தொழிலில் ஈடுபடுபவர்தான்" என்கிறார் திலீப். படத்தின் காப்புரிமை NITESH RAUT எப்போதும் போல், அந்த கோயில் பகுதியில் மதியம் 12 மணி அளவில் ஆர்யன் விளையாடி கொண்டு இருந்திருக்கிறான். அமோல் தோர் அங்குள்ள ஒரு தூண் அருகே அமர்ந்து இருந்திருக்கிறர். திடீரென, அந்த ஆர்யனை பிடித்து சரமாரியாக தாக்கி இருக்கிறார். பின், அந்த சிறுவனின் ஆடைகளை நீக்கி, அங்கிருந்த சூடான டைல்ஸில் அமர வைத்திருக்கிறார். வெயிலின் காரணமாக அந்த டைல்ஸின் வெப்பம் 45 டிகிரி என்ற அளவில் இருந்திருக்கிறது. ஆர்யனின் பின்பகுதியில் தீக்காயங்கள் ஏற்பட்டது. அந்த சிறுவன் அழுது கொண்டே வீட்டிற்கு ஓடி இருக்கிறார். காயங்களைன் கண்டு அதிர்ச்சி அடைந்த அந்த சிறுவனின் தாய், அந்த சிறுவனை அரசு மருத்துவமனையில் சேர்த்து இருக்கிறார். 'கடும் நடவடிக்கை' ஆர்யன் அரசு மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார். குறைந்தது பத்து நாட்களாவது அரசு மருத்துவமனையில் சிகிச்சையில் இருப்பார் என்கிறார் அவரின் தந்தை கஜனன் கட்சே. பிபிசி மராத்தி சேவையிடம் பேசிய அவர், "அந்த குற்றவாளி என்ன மாதிரியான மனநிலையில் இருந்திருப்பார் என யோசிக்கவே முடியவில்லை. திருடினான் என்று ஆர்யனை தண்டித்தார்களா அல்லது சாதிய வன்மத்துடன் தண்டித்தார்களா? ஒருவேளை ஆர்யன் ஐந்து ரூபாயோ அல்லது பத்து ரூபாயோ திருடி இருந்தால், அவனை திட்டி இருக்கலாம் அல்லது கன்னத்தில் அறைந்திருக்கலாம். ஆனால், அவனி ஆடைகளை நீக்கி 45 டிகிரி வெயிலில் உட்கார வைத்திருக்கிறார்கள். அவன் வலியில் அழுதிருக்கிறான். ஆனால் அவன் மீது எந்த கருணையும் காட்டப்படவில்லை." என்கிறார். "இதனை பார்த்த ஒரு பெண் இதனை நிறுத்தும்படி கேட்டிருக்கிறார். ஆனால், அந்த நபர் ஆர்யனை விடவில்லை. இறுதியில் அந்த பெண்தான் ஆர்யனை காப்பாற்றி இருக்கிறார். அவர் என் மகனை கொல்லப்பார்த்தாரா என்று தெரியவில்லை. கடவுள் போல வந்து அந்த பெண் என் மகனை காப்பாற்றி இருக்கிறார். அவர் மட்டும் இல்லை என்றால் என் மகனை இழந்திருப்போம்" என்று பிபிசி மராத்தி சேவையிடம் அந்த பெண் தெரிவித்தார். 'விளையாட்டுக்காக' "தினமும் மதிய வேளையில் இந்த சிறுவன் கோயில் பகுதியில் விளையாடுவான். இது அமல் தோரின் சாராய தொழிலுக்கு பாதகமாக இருந்திருக்கிறது. இதன் காரணமாக அந்த சிறுவனை அமல் தோர் தண்டித்திருக்கலாம்" என்கிறார் திலீப். இந்த வழக்கை விசாரிக்கும் பர்மேஷ் அகாசே இதனை மறுக்கிறார். சட்டத்திற்கு புறம்பான எந்த தொழிலும் அந்த கோயில் வளாகத்தில் நடைபெறவில்லை. இந்த வழக்கில் சாதிய பிரச்சனை எதுவும் இருப்பதாக தெரியவில்லை என்கிறார் பர்மேஷ். இந்த சிறுவன் எதையாவது திருடி இருக்கலாமென அந்த நபர் நினைத்திருக்கலாம். அதனால் விளையாட்டிற்காக இதனை செய்திருக்கலாம் என்கிறார் பர்மேஷ். ஆர்யனின் குடும்பம் மிகவும் ஏழ்மையான குடும்பம். தினக்கூலியில் வரும் வருமானத்தை வைத்தே அவர்கள் குடும்பத்தை நடத்துகிறார்கள். பல அமைப்புகள் இந்த வழக்கை தீவிரமாக விசாரிக்க கோரி கோரிக்கை வைத்துள்ளன. உரிய நடவடிக்கை கோரி பீம் டைகர் சேனா எனும் அமைப்பு மாவட்ட ஆட்சியரிடம் மனு அளித்துள்ளது. இதற்கு முன்பும் அந்த கோயில் அருகே விளையாடிய குழந்தைகள் தாக்கப்பட்டிருக்கிறார்கள். ஆனால், மனிததன்மையற்ற முறையில் இவ்வளவு மோசமாக யாரும் தாக்கப்படவில்லை. https://www.bbc.com/tamil/india-48682343
  14. June 19, 2019 கல்முனை தமிழ் மக்கள் வாழும் பகுதிகளில் நள்ளிரவில் ரயர் எரித்தவர்களை தேடி இராணுவத்தினர் தேடுதல் நடவடிக்கை ஒன்றை முன்னெடுத்துள்ளனர். இன்று (19) காலை நற்பிட்டிமுனை சந்தி கிட்டங்கி வீதி உள்ளடங்களாக பொதுக்கட்டடங்கள் தனியார் கல்வி நிலையங்கள் கடைகளில் குறித்த சோதனை நடவடிக்கை மேற்கொள்ளப்பட்டுள்ளது. நள்ளிரவு வேளை நற்பிட்டிமுனை கிட்டங்கி வீதிகளில் திடீரென வந்த குழு ஒன்று ரயர்கள் மரக்கட்டைகளை வீதியின் குறுக்காக இட்டு தீயிட்டு தப்பி சென்றுள்ளனர். இதனால் பொது போக்குவரத்து பாதிக்கப்பட்டிருந்ததுடன் அவசர அழைப்பின் பிரகாரம் அவ்விடத்திற்கு வந்த கல்முனை காவல்துறையினர் தீயை கட்டுப்பாட்டிற்கு கொண்டு வந்துள்ளனர். இச்செயற்பாட்டை மேற்கொண்டவர்கள் பொதுப்போக்குவரத்தை குழப்பும் நோக்குடன் செயற்பட்டுள்ளதுடன் காவல்துறையினரின் வருகையை அடுத்து அவ்விடத்தில் இருந்து தப்பி சென்றனர். இந்நிலையில் தப்பியவர்களை தேடி இராணுவம் காவல்துறையினர் சிசிடிவி காட்சிகளை வைத்து விசாரணை மேற்கொண்டு தேடி வருகின்றனர். மேலும் சம்பவம் நடைபெற்ற இடம் சாகும் வரையிலான உண்ணாவிரதப் போராட்டத்தை ஆரம்பித்துள்ள இடத்திலிருந்து 1 கிலோமீற்றர் தூரத்தில் நடைபெற்றுள்ளமை குறிப்பிடத்தக்கது. அத்துடன் குறித்த உண்ணாவிரதப்போராட்டத்திற்கு ஆதரவாக கிழக்கில் ஹர்த்தாலுக்கு அழைப்பு விடுக்கப்பட்டள்ளது. கல்முனை வடக்கு பிரதேச செயலகத்தை தரமுயர்த்தக்கோரி கல்முனையில் மூன்றாவது நாளாகவும் முன்னெடுக்கப்பட்டுவரும் உண்ணாவிரதப்போராட்டத்திற்கு ஆதரவு தெரிவிக்கும் வகையில் நாளை 20 ஆம் திகதி கிழக்கு மாகாணத்தில் கடையடைப்பு செய்து ஹர்த்தால் அனுஷ்டிக்குமாறு கிழக்கு மாகாண மாணவர் பேரவை எனும் அமைப்பால் அழைப்பு விடுக்கப்பட்டுள்ளது. #நள்ளிரவில் #ரயர் எரித்தவர்களை #இராணுவத்தினர் #தேடுதல் #கல்முனை பாறுக் ஷிஹான் http://globaltamilnews.net/2019/124654/
  15. June 19, 2019 கிளிநொச்சி கண்டாவளை ரங்கன்குடியிருப்பு மக்கள் காட்டு யானைகளின் பாதிப்புக்களிலிருந்து தங்களை பாதுகாக்குமாறு கோரி கிளிநொச்சி அரச அதிபரிடம் மகஜர் ஒன்றை கையளித்துள்ளனர்.இன்று(19) காலை பத்து மணிக்கு மேற்படி குடியிருப்பு மக்கள் கண்டாவளை பிரதேச செயலகத்திற்கு சென்ற மக்கள் அங்கு பிரதேச செயலாளரிடம் தங்களின் பிரச்சினைகளை கூறியிருந்தனர். பின்னர் அங்கிருந்து கிளிநொச்சி மாவட்ட செயலகத்திற்கு காட்டு யானைகளின் அழிக்கப்பட்ட பயிர்களின் எச்சங்களுடன் வருகைதந்த மக்கள் எதிர்ப்பு நடவடிக்கையில் ஈடுப்பட்டதோடு, மாவட்ட அரச அதிபரிடம் கோரிக்கை கடிதத்தையும் வழங்கியிருந்தனர். தங்களின் குடியிருப்புக்களுக்கு காட்டு யானைகள் தொடர்ந்தும் உள் நுழைந்து வான் பயிர்கள் உள்ளிட்ட பயிர்களை அழித்து வருவதோடு, வீடுகளுக்கும் சேதம் ஏற்படுத்தியுள்ளது. இது தொடர்ச்சியாக இடம்பெற்று வருகிறது. அண்மைய நாட்களில் தினமும் யானையின் அச்சம் நிலவி வருகிறது. எனவே இது தொடர்பில் நாங்கள் பலரின் கவனத்திற்கு கொண்டு சென்ற போது எவரும் கண்டுகொள்ளவில்லை எனத் தெரிவித்த ரங்கன்குடியிருப்பு மக்கள் யானைகள் கிராமத்திற்குள் உட்பிரவேசிக்காத வகையில் மின்சார வேலிகள் அமைத்து உயிர்களையும் உடமைகளையும் பாதுகாத்து தருமாறு கோருகி்ன்றனர். இது தொடர்பில் மாவட்ட அரச அதிபர் சுந்தரம் அருமைநாயகம் கருத்து தெரிவிக்கையில் உடனடியாக செய்ய வேண்டிய தீர்வு, நிரந்தர தீர்வு தொடர்பில் மாவட்ட வன ஜீவராசிகள் திணைக்கள் உதவிப் பணிப்பாளாருடன் கலந்தாலாசித்துள்ளோம் , அந்த வகையில் முதற்கட்ட நடவடிக்கையாக கல்மடுநகர் ரங்கன் குடியிருப்பு எல்லைகளில் யானைகளை கிராமத்திற்குள் உட்பிரவேசிக்காத வகையில் வனஜீவராசிகள் திணைக்கள் ஊழியர்களுடன் பொது மக்களும் இணைந்து கட்டுப்படுத்தும் நடவடிக்கைகளில் ஈடுப்படுவார்கள். இரண்டாம் கட்டமாக நிரந்தர தீர்வாக மின்சார வேலி அமைத்தல் பணி தொடர்பில் ஆராய்ந்துள்ளோம், கல்மடுநகர் தொடக்கம் இரணைமடுவரை குறித்த வேலி அமைக்கும் பணிகள் எதிர்காலத்தில் மேற்கொள்ளப்படும் எனவும் தெரிவித்தார். http://globaltamilnews.net/2019/124667/