Jump to content
  • advertisement_alt
  • advertisement_alt
  • advertisement_alt

பிழம்பு

கருத்துக்கள பார்வையாளர்கள்
  • Posts

    10709
  • Joined

  • Last visited

  • Days Won

    2

Everything posted by பிழம்பு

  1. கனகராசா சரவணன் மட்டக்களப்பு தலைமையக பொலிஸ் பிரிவிலுள்ள பிரதேசத்திலுள்ள வர்த்தக நிலையம் ஒன்றில் கட்டுப்பாட்டு விலையை மீறி 60 ரூபாவுக்கு முட்டை விற்பனை செய்த வர்த்தகரை ஒரு இலட்சம் ரூபாயைஅபதாரமாக செலுத்துமாறு மட்டக்களப்பு நீதவான் நீதிமன்ற நீதவான் பீற்றர்போல், உத்தரவிட்டு தீர்ப்பளித்துள்ளார். மட்டக்களப்பு மாவட்ட நுகர்வேர் அதிகாரசபை உதவி பணிப்பாளர் ஆர்.எப்.அன்வர் சதாத் தலைமையிலான குழுவினர் சம்பவதினமான வியாழக்கிழமை (24) திகதி திடீர் சோதனை நடவடிக்கையினை முன்னெடுத்தனர். இதன்போது அரசாங்கம் அறிவித்த முட்டையின் விலை 50 ரூபாயாக இருந்தபோது அதனை மீறி வர்த்தகர் ஒருவர் 60 ரூபாய்க்கு முட்டை விற்பனை செய்து வந்த நிலையில் அவரை பிடித்ததுடன் அவருக்கு எதிராக உடனடியாக அன்றைய தினம் மட்டக்களப்பு நீதவான் நீதிமன்ற நீதவான் பீற்றர்போல் முன்னிலையில் ஆஜர்படுத்தியதையடுத்து அவரை அபதாரமாக ஒரு இலட்சம் ரூபாய் செலுத்துமாறு உத்தரவிட்டு தீர்ப்பளித்தர்;. இதேவேளை முட்டையின் கட்டுப்பாட்டுவிலை 50 ரூபாயாக அரசாங்கம் அறிவித்துள்ள நிலையில் மொத்த வியாபரிகளிடமிருந்து 58 ரூபாய்குத்தான் முட்டையை கொள்வனவு செய்ய வேண்டியுள்ளதுடன் அதனை 60 ரூபாய்க்கு விற்கவேண்டியுள்ளதுடன் அதில் இலாபமாக 50 சதம் மட்டும் பெற்றுக் கொள்ள முடியும். இவ்வாறான நிலையில் வடிக்கையாளர்களுக்கு 60 ரூபாய்க்கு முட்டையை விற்கும் போது கட்டுப்பாட்டு விலையை மீறி கூடிய விலைக்கு முட்டையை விற்றதாக நுகர்வோர் அதிகாரசபை எமக்கு எதிராக வழக்கு தொடருகின்ற போது ஒரு முட்டைக்கு ஒரு இலட்சம் ரூபாய் அபதாரம் விதித்தால் என்ன செய்வது. எனவே முட்டை வியாபாரம் வேண்டாம் என முட்டை வியாபாரத்தில் ஈடுபட்ட பல வர்த்தகர்கள் முட்டை வியாபாரத்தை நிறுத்தியுள்ளனர். இதனால் முட்டைக்கு மாவட்டத்தில் பலத்த தட்டுபாடு நிலவி வருகின்றமை குறிப்பிடத்தக்கது Tamilmirror Online || ஒரு முட்டைக்கு ரூ. 1 இலட்சம் அபராதம்
  2. அடுத்த வருடம் ஜூலை, ஓகஸ்ட் மற்றும் செப்டம்பர் மாதங்களில் இலங்கை வரலாற்றில் பாரிய மின்வெட்டுக்கு முகம்கொடுக்க நேரிடும் என்று இலங்கை மின்சார சபையின் பொறியியலாளர் சங்கம் எச்சரித்துள்ளது. போதிய நிலக்கரி கிடைக்காவிடின் இந்த நிலை ஏற்படும் என்றும் அக்காலப்பகுதியில் பல மணித்தியாலங்கள் மின்சாரம் துண்டிக்கப்படும் எனவும் சங்கத்தின் தலைவர் நிஹால் வீரரத்ன தெரிவித்துள்ளார். நுரைச்சோலை நிலக்கரி மின் நிலையத்தின் தொடர்ச்சியான செயற்பாட்டிற்காக 60,000 மெற்றிக் தொன் நிலக்கரி கொண்ட 38 கப்பல்கள் இறக்குமதி செய்யப்பட வேண்டும் என்று தெரிவித்த அவர், எனினும் இதுவரை 4 கப்பல்களே இறக்குமதி செய்யப்பட்டுள்ளதாகவும் சுட்டிக்காட்டினார். Tamilmirror Online || இலங்கை வரலாற்றில் பாரிய மின்வெட்டு?
  3. உலகளாவிய ரீதியில் உணவுப் பணவீக்கம் அதிகமாக உள்ள நாடுகளின் பட்டியலில் இலங்கை 6 ஆவது இடத்தைப் பிடித்துள்ளதாக உலக வங்கியின் அண்மைய மதிப்பீட்டு அறிக்கையில் குறிப்பிடப்பட்டுள்ளது. இலங்கையில் உணவுப் பணவீக்கம் 86 சதவீதமாக உள்ளதுடன், கடந்த ஓகஸ்ட் மாதம் வெளியான அறிக்கையில் இலங்கை 5ஆவது இடத்தில் இருந்தமை குறிப்பிடத்தக்கது. 321 சதவீத உணவுப் பணவீக்கத்துடன் சிம்பாப்வே முதலாம் இடத்திலும் முறையே 208 மற்றும் 158 சதவீத பணவீக்கத்துடன் லெபனான் மற்றும் வெனிசுவேலா ஆகிய நாடுகள் இரண்டாம் மற்றும் மூன்றாம் இடங்களிலும் உள்ளன. 99 சதவீத பணவீக்கத்தைக் கொண்டுள்ள துருக்கி ஐந்தாம் இடத்திலும் 87 சதவீத பணவீக்கத்தை கொண்டுள்ள ஆர்ஜன்டீனா ஆறாம் இடத்திலும் உள்ளதாக அறிக்கை சுட்டிக்காட்டுகிறது. 7ஆம் 8ஆம் 9ஆம் 10ஆம் இடங்களை முறையே ஈரான், ருவாண்டா, சுரினாம், லாவோஸ் ஆகியவை பிடித்துள்ளமை குறிப்பிடத்தக்கது. Tamilmirror Online || உணவு பணவீக்க பட்டியலில் முன்னேறியது இலங்கை
  4. புனரமைப்பு பணிகள் காரணமாக ஜனவரி 15 ஆம் திகதி தொடக்கம் 5 மாதங்களுக்கு மஹiவயிலிருந்து யாழ்ப்பாணம் வரையிலான ரயில் சேவைகள் இடம்பெறாது என அமைச்சர் பந்துல குணவர்தன இன்று (28) பாராளுமன்றத்தில் தெரிவித்தார். இது தொடர்பில் வன்னி மாவட்ட சபை உறுப்பினர் செல்வம் அடைக்கலநாதன் எழுப்பிய கேள்விக்கு பதிலளிக்கையிலேயே அவர் மேற்கண்டவாறு தெரிவித்தார். தொடர்ந்து பேசிய அமைச்சர் பந்துல குணவர்தன, உங்கள் கோரிக்கை தொடர்பில் நாங்கள் விசேட கவனம் செலுத்துவோம். மஹவையிலிருந்து யாழ்ப்பாணம் வரையான ரயில் சேவைகள் ஜனவரி 15ஆம் திகதி முதல் ஐந்து மாதங்களுக்கு நிறுத்தப்படும். இந்தக் கால பகுதியில் குறித்த பாதை முழுமையாக சீரமைக்கப்படும். இதன் மூலம் யாழ்ப்பாணத்துக்கு சிறந்த ரயில் சேவையை வழங்க முடியும் என்றார். மஹவையிலிருந்து யாழ்ப்பாணம் வரையிலான ரயில் சேவைகள் 5 மாதங்களுக்கு இடம்பெறாது - அமைச்சர் பந்துல குணவர்தன | Virakesari.lk
  5. (ரொபட் அன்டனி) நாட்டின் தேசிய இனப் பிரச்சினைக்கு தீர்வு காண வேண்டும் என்று ஜனாதிபதி தலைமையிலான அரசாங்கம் உண்மையான நோக்கத்துடன் எண்ணினால் ஒரே நாளில் பேச்சுவார்த்தை நடத்தி இந்த பிரச்சினைக்கு தீர்வு காண முடியும். காரணம், கடந்த காலங்களில் பேச்சு நடத்தப்பட்டு உருவாக்கப்பட்ட பல தீர்வு விடயங்கள் உள்ளடங்கிய ஆவணங்கள் காணப்படுகின்றன. அவற்றில் சரியானதை பயன்படுத்த முடியும் என்று தமிழ் தேசிய கூட்டமைப்பின் பேச்சாளரும் பாராளுமன்ற உறுப்பினருமான எம்.ஏ. சுமந்திரன் தெரிவித்தார். பாராளுமன்றத்தில் அண்மையில் ஜனாதிபதி ரணில் விக்ரமசிங்க இனப் பிரச்சினைக்கான தீர்வு தொடர்பாக பேச்சுவார்த்தை நடத்துவதற்கு சகல கட்சிகளுக்கும் அழைப்பு விடுத்திருந்தார். அந்த கலந்துரையாடலின்போது சுமந்திரன் எம்.பியும் பாராளுமன்றத்தில் பிரசன்னமாகி இருந்தார். இந்நிலையில் அது தொடர்பில் வினவியபோதே சுமந்திரன் இந்த விடயங்களை குறிப்பிட்டார். வரவு - செலவுத் திட்ட விவாதம் முடிவடைந்ததும் எதிர்வரும் டிசம்பர் 11ஆம் திகதி அல்லது அதற்கு அண்மித்த ஒரு தினத்தில் சகல அரசியல் கட்சிகளுடனும் தேசிய பிரச்சினைக்கான தீர்வுத் திட்டம் தொடர்பில் பேச்சுவார்த்தை நடத்துவதற்கு ஜனாதிபதி எதிர்பார்ப்பதாக அறிவிக்கப்பட்டிருக்கிறது. மேலும், அதிகாரப் பகிர்வு தொடர்பான இந்த பேச்சுவார்த்தையில் கலந்துகொள்ள ஐக்கிய மக்கள் சக்தி தயாராக இருப்பதாக அறிவித்து இருக்கிறது. 13ஆம் திருத்தச் சட்டத்துக்கு உட்பட்ட அதிகாரப் பகிர்வுக்கு முழுமையான ஆதரவை வழங்குவதாக எதிர்க்கட்சித் தலைவர் சஜித் பிரேமதாசவும் தெரிவித்திருந்தார். அதேபோன்று பொதுஜன பெரமுனவிலிருந்து பிரிந்து சுயாதீனமாக சுதந்திர மக்கள் காங்கிரஸ் என்ற கட்சியை ஸ்தாபித்து செயற்படுகின்ற டலஸ் அழகப்பெருமவும் இந்த பேச்சுவார்த்தைகளில் பங்கேற்க தயாராக இருப்பதாகவும், ஒற்றையாட்சியின் கீழ் அதிகாரப் பகிர்வுக்கு ஒத்துழைப்பதாகவும் அறிவித்துள்ளார். இந்நிலையில் இது தொடர்பில் தமிழ் தேசிய கூட்டமைப்பின் பேச்சாளர் சுமந்திரன் மேலும் குறிப்பிடுகையில், 75ஆவது சுதந்திர தினத்தின்போது தேசிய பிரச்சினைக்கு தீர்வு காண முடியும் என்று ஜனாதிபதி ரணில் அறிவித்திருந்தார். அது தொடர்பாக நான் சில விடயங்களை பாராளுமன்றத்தில் அவரது கவனத்துக்கு கொண்டுவந்தேன். தேசிய பிரச்சினைக்கு தீர்வு காண வேண்டும் என்றால் ஒரே நாளில் சகல தரப்பினரும் அமர்ந்து பேச்சுவார்த்தை நடத்தினால், இந்த பிரச்சினையை தீர்த்துக்கொள்ள முடியும். ஆனால், அதற்கு நேர்மையுடன் ஆளுந்தரப்பும் முன்வர வேண்டும். இங்கு அந்த நேர்மைத்தன்மையே அவசியமாகின்றது. அதாவது இந்த பிரச்சினையை தீர்க்க வேண்டும் என்று நேர்மையாக எண்ணினால் அல்லது நினைத்தால் அதனை ஒரே நாளில் அமர்ந்து பேச முடியும். அதனடிப்படையில் தீர்வு காண முடியும். காரணம், இதற்கு முன்னர் பேச்சுவார்த்தை நடத்தி வரையப்பட்ட பல தீர்வுத்திட்ட ஆவணங்கள் காணப்படுகின்றன. 2000ஆம் ஆண்டு முன்னாள் ஜனாதிபதி சந்திரிக்கா பிராந்தியங்கள் ஒன்றியம் என்ற அடிப்படையிலான தீர்வுப் பொதியை கொண்டு வந்தார். அதனை கொண்டு வரும்போது அவருடன் மகிந்த ராஜபக்ஷ, மைத்திரிபால சிறிசேன, நிமால் சிறிபால டி சில்வா உள்ளிட்ட பல அரசியல் தலைவர்கள் இருந்தனர். அன்று ஐக்கிய தேசிய கட்சி அந்த தீர்வுப் பொதியை முழுமையாக எதிர்க்கவில்லை. மாறாக, அதில் காணப்பட்ட ஒரு நிலைமாறுகால ஏற்பாட்டை மட்டுமே எதிர்த்தது. எனவே, அந்த திட்டத்தை வேண்டுமானால், பயன்படுத்தலாம். அதேபோன்று 2017ஆம் ஆண்டு ரணில் விக்ரமசிங்கவின் அரசாங்கத்தில் ஒரு தீர்வு முன்மொழியப்பட்டது. அதுமட்டுமன்றி, 2010ஆம் ஆண்டுக்குப் பின்னர் திஸ்ஸ விதாரண தலைமையில் அனைத்து கட்சிப் பிரதிநிதிகள் குழு இணைந்து ஒரு தீர்வுத் திட்டத்தை உருவாக்கியது. இவ்வாறு கடந்த காலங்களில் பல பேச்சுவார்த்தைகளில் முன்னெடுக்கப்பட்ட யோசனைகள் அடங்கிய ஆவணங்கள் காணப்படுகின்றன. அவற்றில் சரியானதை நடைமுறைப்படுத்த முடியும். எனவே, இதற்கு மூன்று மாதங்கள் தேவை இல்லை. அதிக நாட்களும் தேவையில்லை. ஒரு நாள் முழுவதும் அமர்ந்து பேச்சுவார்த்தை நடத்தினால், இந்த பிரச்சினைக்கு பொருத்தமான தீர்வுத் திட்டத்தை அமுல்படுத்த முடியும். எனவே, அதற்கு எதிர்பார்ப்பு அவசியமாகிறது. அதாவது ஆளும் தரப்பு இதனை இதயசுத்தியுடன் நேர்மையான முறையில் செயற்படுத்த வேண்டும். அவ்வாறு ஆளும் தரப்பு எண்ணினால், நினைத்தால், நிச்சயமாக இந்த பிரச்சினையை தீர்க்க முடியும் என்றார். அரசியல் தீர்வினை ஒரே நாளில் காணலாம் - சுமந்திரன் | Virakesari.lk
  6. இவ்வருடம் ஜூலை 15ஆம் திகதி அத்துமீறி நுழைந்து ஆர்ப்பாட்டக்காரர்களால் சேதமாக்கப்பட்ட அப்போதைய ஜனாதிபதி கோட்டாபய ராஜபக்ஷவின் உத்தியோகபூர்வ இல்லத்தில் உள்ள அலுவலகத்தை 2022ஆம் ஆண்டின் சிறந்த 100 புகைப்படங்களில் ஒன்றாக டைம்ஸ் சஞ்சிகை குறிப்பிட்டுள்ளதுடன், அதன் புகைப்படத்தையும் வெளியிட்டுள்ளது. 100 புகைப்படங்களை டைம்ஸ் இதழின் 8 புகைப்பட ஆசிரியர்கள் தேர்ந்தெடுத்துள்ளனர். இந்த ஆண்டு பல்வேறு நிகழ்வுகள் நிறைந்த ஆண்டாக உள்ளதனைக் காட்டவே இந்த 100 புகைப்படங்களை தேர்ந்தெடுத்ததன் நோக்கம் என டைம்ஸ் இதழ் தெரிவித்துள்ளது. 100 புகைப்படங்களில் ஒன்றாக தெரிவாகியுள்ள கோட்டாபயவின் அலுவலக அறை! | Virakesari.lk
  7. 2024 ம் ஆண்டிற்கு முன்னதாக இலங்கையில் தேர்தல்கள் இடம்பெறும் என பிரிட்டனின் த எக்கனமிஸ்ட் எதிர்வுகூறியுள்ளது. இலங்கையின் பொருளாதாரம் வீழ்ச்சியை சந்திக்கும் ஆனால் 2022போல அது மோசமானதாகயிருக்காது என எக்கனமிஸ்ட் தெரிவித்துள்ளது. 2023 இன் முன்னால் உள்ள உலகம் என்ற தனது புதிய வெளியீட்டில் த எக்கனமிஸ்ட் இதனைதெரிவித்துள்ளது. 2022 ஜூலையில் ஜனாதிபதியாக பதவியேற்ற ரணில் விக்கிரமசிங்க மக்களின் அதிருப்தியை கட்டுப்படுத்துவதற்கு சிரமப்படுவார் என எக்கனமிஸ்ட் தெரிவித்துள்ளது. ராஜபக்ச குடும்பத்தி;ன் சகாவான தினேஸ் குணவர்த்தனவை ரணில் விக்கிரமசிங்க பிரதமராக தெரிவு செய்துள்ளதை சுட்டிக்காட்டி ஆர்ப்பாட்டக்காரர்கள் ரணில் விக்கிரமசிங்கவை ராஜபக்ச குடும்பத்தி;ன் விசுவாசி என தெரிவிக்கின்றனர் ஆர்ப்பாட்டங்களும் போராட்டங்களும் அரசாங்கத்திற்கு அழுத்தத்தை கொடுக்கும் 2024 முன்னர் தேர்தல்கள் இடம்பெறும் என எக்கனமிஸ்ட் தெரிவித்துள்ளது 2023 இல் இலங்கையின் நிலை எவ்வாறானதாக காணப்படும்- எக்கனமிஸ்ட் தெரிவித்துள்ளது என்ன? | Virakesari.lk
  8. கட்டுநாயக்க விமான நிலையத்திலிருந்து இன்று (28) பகல் இந்தியாவின் மதுரை நோக்கிப் புறப்பட்ட இலங்கை விமானம் ஒன்று தொழில்நுட்பக் கோளாறு காரணமாக புறப்பட்டு 5 நிமிடங்களில் மீண்டும் கட்டுநாயக்க விமான நிலையத்தில் தரையிறக்கப்பட்டதாக விமான நிலையப் பொறுப்பதிகாரி உறுதிப்படுத்தினார். இந்த விமானம் பிரான்ஸில் தயாரிக்கப்பட்ட Airbus-321 Neo ரக விமானமாகும். இதில் 41 பயணிகள் மற்றும் 8 பணியாளர்கள் பயணம் செய்துள்ளனர். இந்த விமானம் கட்டுநாயக்க விமான நிலையத்திலிருந்து பகல் 2.02 மணியளவில் மதுரைக்கு புறப்பட்ட நிலையில் 5 நிமிடங்களுக்குப் பின்னர் மீண்டும் கட்டுநாயக்க விமான நிலையத்தில் பிற்பகல் 2.07 மணிக்கு தரையிறங்கியது. விமானப் பயணிகள் மற்றும் பணியாளர்கள் தங்க வைக்கப்பட்டுள்ளதுடன் விமானம் பழுது பார்க்கப்பட்டு வருவதாகவும் அவர் தெரிவித்தார். இருப்பினும் மதுரைக்கு இந்த விமானம் மீண்டும் புறப்படும் சரியான நேரத்தை விமான நிலையம் அறிவிக்கவில்லை. கட்டுநாயக்கவிலிருந்து புறப்பட்டு 5 நிமிடங்களில் மீண்டும் தரையிறங்கிய விமானம்! | Virakesari.lk
  9. (இராஜதுரை ஹஷான்,எம்.ஆர்.எம்.வசீம்) வடக்கில் மாகாண அரசியல் தலைவர்கள் உண்மையான இணக்கப்பாட்டோடு கிழக்கு மக்களையும் இணையாக நடத்தக்கூடிய திட்டமிடலோடு தெளிவான அரசியல் தீர்வோடு பயணிக்கும் திட்ட வரைபை எமக்கு முன்வைத்தால் நாம் நிச்சயம் அவ்வாறான தீர்வு முயற்சிக்கு தடையாக இருக்க மாட்டோம். அப்படியான சூழல் வந்து தென்பகுதியின் எழுச்சிக்கு முகம் கொடுக்கக்கூடிய சூழலை உருவாக்க வேண்டுமென்றால் நாம் இப்போதிருக்கின்ற நிலைமையிலிருந்து விடுபட்டு மாற்று சிந்தனையை கூட பரிசீலிப்பதற்குத் தயார் என தமிழ் மக்கள் விடுதலைப்புலிகள் கட்சியின் தலைவரும் இராஜாங்க அமைச்சருமான சிவநேசத்துரை சந்திரகாந்தன் தெரிவித்தார். பாராளுமன்றத்தில் திங்கட்கிழமை (28) இடம்பெற்ற 2023 ஆம் ஆண்டுக்கான வரவு செலவுத் திட்டத்தில் வெளிநாட்டலுவல்கள்இபோக்குவரத்து மற்றும் நெடுஞ்சாலைகள் மற்றும் ஊடகத்துறை அமைச்சு ஆகியவற்றுக்கான நிதி ஒதுக்கீடுகள் மீதான குழுநிலை விவாதத்தில் உரையாற்றும் போது மேற்கண்டவாறு குறிப்பிட்டார். அவர் மேலும் குறிப்பிட்டார். அரசியல் தீர்வுக்கு அனைத்து கட்சிகளுக்கும் அழைப்பு விடுப்பதாக தமிழரசுக்கட்சி கூறியது.ஆனால் பேச்சுவார்த்தையில் என்ற நடந்தது என்பதில் வெளிப்படைத்தன்மை இல்லை.நீண்ட அழிவுகள் ,இழப்புக்கள் தொடர்பில் நாம் விமர்சனங்களை முன்வைத்து வருகின்றோம். முன்னாள் ஜனாதிபதி மஹிந்த ராஜபக்ஸ சொன்னது போல் 13 பிளஸிலிருந்து தான் ஆரம்பிக்கப் போகின்றோமா ?அது தொடர்பில் கட்சிகளிடம் ஒற்றுமை வந்துள்ளதா?அல்லது வைரமுத்து சொன்னதுபோல் பட்டு வேட்டி கனவில் இருக்கின்ற போது கட்டியிருக்கின்ற கோவணமும் களவாடப்பட்ட கதையாக மாற போகின்றதா? தமிழ் தேசிய கூட்டமைப்பு நல்லாட்சி காலத்தில் அதிகாரப்பகிர்வு தொடர்பாக கேட்டுக்கொண்டிருக்கும் போதுதான் அரசியலமைப்பில் உறுதிப்படுத்தப்பட்டுள்ள மாகாண சபை முறைமைகள் கை நழுவி போனது. இந்த அரசும் தேர்தல் நடத்தக்கூடிய சூழல் இல்லையென்கின்ற விடயம் இருந்தாலும் அந்த நேரத்தில் இது பெரும் பிரச்சினையாக எழும் என்று சரியாக ஆராய்ந்து பார்க்கப்படாது எடுக்கப்பட்ட முடிவு காரணமாக மாகாணசபைத்தேர்தல் இன்று வரை நடக்கவில்லை. அதிகாரம், அதிகாரம் என்கின்றோம்.ஆனால் அரசியலமைப்பில் உறுதிப்படுத்தப்பட்ட மாகாண சபை அதிகாரத்தை தக்கவைத்துக்கொண்டு அதைத்தாண்டி 13 பிளஸ் பற்றி பேசக்கூடிய ஒற்றுமை தமிழ் கட்சிகளிடம் வந்தால் தான் அது பெரும் பலம் என்பது எனது நிலைப்பாடு. இல்லையென்றால் கட்சிகளுக்குள் பிளவுகளையும் பிரச்சினைகளையும் ஏற்படுத்திக்கொண்டு ஊடகங்களுக்கான கருத்துக்களையும் அடுத்த தேர்தலில் வெல்லக்கூடிய கருத்துக்களையும் கூறிக்கொண்டிருப்போம். இறுதியில் தற்போதுள்ள சூழலையும் பயன்படுத்தாமல் விடவேண்டியேற்படும்.70 ஆண்டுகளாக நீடிக்கின்ற இந்த பிரச்சினையில் அரசியலுக்காக அல்லது அடுத்த ஆட்சியை பிடிப்பதற்காக வருகின்ற தலைவர்கள் அதனை சரியாக பயன்படுத்தி இனவாதத்தை கிளப்பி விட்டால் அதன் மூலம் மீண்டும் பிரச்சினைகள் எழும் நம்பிக்கை தரக்கூடிய தீர்வுகளை நாம் தெளிவான பார்வையோடு சிங்கள மக்களுக்கு முன் வைக்க வேண்டும்.சிங்கள மக்களோடு ,சிங்கள தலைவர்களோடு பேச வேண்டுமெனக்கூறிக்கொண்டு கடந்த கால கசப்புகளை அதனூடாக வரும் வெறுப்புகளை மோசமான வார்த்தைகளினால் உணர்வுகளைத் தட்டி எழுப்பி பேசி சிங்கள மக்கள் மத்தியில் காயங்களை ஏற்படுத்தக்கூடாது . அதுபோன்று அவ்வாறான கருத்துக்களுக்கு இங்குள்ள அரச தரப்பினர் பதிலளிப்பதாக கூறிக்கொண்டு தமிழ் மக்களின் மனங்களில் காயங்களை ஏற்படுத்தக்கூடாது.ஆனால் அப்படியான உரையாடல்கள் தான் இடம் பெறுகின்றன. வடக்கில் உள்ள தலைவர்கள் உண்மையான இணக்கப்பாட்டோடு கிழக்கு மக்களையும் இணையாக நடத்தக்கூடிய திட்டமிடலோடு தெளிவான அரசியல் தீர்வொடு பயணித்தால் அதற்கான திட்ட வரைபை எமக்கு முன்வைத்தால் நாம் நிச்சயம் அவ்வாறான தீர்வு முயற்சிக்கு தடையாக இருக்க மாட்டோம். அப்படியான சூழல் வந்து தென்பகுதியின் எழுச்சிக்கு முகம் கொடுக்கக்கூடிய சூழலை உருவாக்க வேண்டுமென்றால் நாம் இப்போதிருக்கின்ற நிலைமையிலிருந்து விடுபட்டு மாற்று சிந்தனையை கூட பரிசீலிப்பதற்குத்தயார்.திட்டமிட்டு நாம் காய் நகர்த்தினால் தமிழ் மக்களுக்கு நல்ல தீர்வைப்பெற பெற முடியும் என்றார். கிழக்கு மக்களையும் இணையாக வைத்தால் நாம் தடையாக இருக்கமாட்டோம் - பிள்ளையான் | Virakesari.lk
  10. (இராஜதுரை ஹஷான், எம்..ஆர். வசீம்) மாவீரர் தின நிகழ்வுகளுக்கு நெருக்கடிகள் கொடுக்காது அவற்றை நடத்திச் செல்ல இடமளித்தமை நல்லிணக்கத்திற்காக ஜனாதிபதி வழங்கிய சமிக்ஞை ஆகும் என்றும் இதற்கு அவருக்கு நன்றி கூறுவதாகவும் தமிழ்த் தேசியக் கூட்டமைப்பின் பாராளுமன்ற உறுப்பினர் செல்வம் அடைக்கலநாதன் தெரிவித்தார். பாராளுமன்றத்தில் இன்று (28) திங்கட்கிழமை நடைபெற்ற 2023 ஆம் ஆண்டு வரவு செலவுத் திட்டத்தின் போக்குவரத்து, வெளிவிவகார மற்றும் ஊடகத்துறை ஆகிய அமைச்சுக்கள் மீதான விவாதத்தில் உரையாற்றுகையிலேயே அவர் மேற்கண்டவாறு குறிப்பிட்டார். அவர் மேலும் குறிப்பிட்டதாவது, மக்கள் தங்கள் மனங்களில் நினைவு கூரும் தமது உறவுகளுக்கு அஞ்சலி செலுத்தும் நிகழ்வுகள் மக்கள் வெள்ளத்துடன் 27 ஆம் திகதி ஞாயிற்றுக்கிழமை இடம்பெற்றது. இந்த விடயத்தில் நல்லிணக்க சமிக்ஞையாக ஜனாதிபதி செயற்பட்டமை வரவேற்கத்தக்கது. சில இடங்களில் தடங்கல்கள் ஏற்படுத்தப்பட்ட போதும், பெரியளவில் நெருக்கடி கொடுக்காது நல்லிணக்க அடிப்படையில் நடந்துகொண்ட ஜனாதிபதிக்கு நன்றியை தெரிவித்துக் கொள்கிறோம். வரவு செலவு விவாதத்தில் சில முக்கிய விடயங்களை கூற வேண்டியுள்ளது. வடக்கு மற்றும் கிழக்கில் இலங்கை போக்குவரத்து சேவைகளில் நிலவும் பிரச்சினைகளுக்கும் மன்னாருக்கான ரயில் சேவையில் காணப்படும் பிரச்சினைகளுக்கு விரைவான தீர்வு காண வேண்டும். அத்துடன் வெளிநாடுகளில் மீனவர்கள் இலங்கை மீனவர்கள் கைதாகியுள்ளனர். இந்திய மீனவர்கள் இங்கு கைதாகும் போது அவர்களை விடுதலை செய்யும் நடவடிக்கைகள் உயர்ஸ்தானிகராலயம் செய்கிறது. அதேபோன்று இலங்கை மீனவர்கள் பிடிபடும் போது அவர்களை விடுவிக்க நடவடிக்கை எடுக்க வேண்டும். இதேவேளை சட்டத்திற்கு முரணான வகையில் வெளிநாடு செல்லும் நோக்கில் சென்று இந்தியா போன்ற நாடுகளில் பல வருடங்களாக சிறையில் இருப்பவர்கள் தொடர்பிலும் கவனம் செலுத்த வேண்டும் என்று கோரிக்கை விடுகின்றேன் என்றார். மாவீரர் தின நிகழ்வுகளுக்கு இடமளித்தமை நல்லிணக்கத்திற்கான ஜனாதிபதியின் சமிக்ஞை - நன்றி தெரிவித்த கூட்டமைப்பு | Virakesari.lk
  11. தமிழ் மக்கள் பல முறை ஏமாற்றப்பட்டவர்கள், இந்த நிலையில் ஜனாதிபதி ரணில் விக்ரமசிங்கவின் கதைகள் என்பது எவ்வளவு தூரம் உண்மையானது? இதனை நாம் சரியான முறையில் கையாள வேண்டும். மீண்டும் ஒரு முறை தமிழ் மக்கள் ஏமாற்றப்படுவதற்கு நாங்கள் காரணகர்த்தாவாக இருந்து விடக் கூடாது என முன்னாள் பாராளுமன்ற உறுப்பினர் சுரேஸ் பிறேமச்சந்திரன் தெரிவித்தார். யாழ். ஊடக அமையத்தில் நேற்று இடம்பெற்ற ஊடக சந்திப்பிலேயே அவர் இதனை தெரிவித்தார். மேலும் தெரிவிக்கையில், நேற்றைய தினம் பாராளுமன்ற விவாதத்தில் ஒரு செய்தி முன்வைக்கப்பட்டிருந்தது. சுமந்திரன், இந்த அரசாங்கம் ஏமாற்றிக்கொண்டு போக வேண்டிய அவசியம் இல்லை, இழுத்தடிக்க வேண்டிய அவசியமில்லை, குறிக்கப்பட்ட சில நாட்களுக்குள் பேச வேண்டிய விடயங்கள் சில இருக்கின்றன அதனை பேசி பிரச்சனைகளுக்கு தீர்வு காண வேண்டும் எனக்கூறிய போது, அதற்கு ஜனாதிபதி தயாராக இருப்பதாகவும் தமிழ் தரப்பினர் ஒருமித்து வந்தால் பேசலாம் என்று கூறியிருந்தார். இந்த விடயத்தில் அவர்கள் உறுதியாக இருப்பார்களா என்பது எதிர்காலத்தில் தான் தெரியவரும். மைத்திரி, ரணில் இருந்த கடந்த பாராளுமன்றத்தில் தமிழ் மக்களுடைய பிரச்சனைகள் 4 வருடங்களாக பேசப்பட்டது. அது எதுவும் நடைமுறைக்கு வரவில்லை. அதற்கு முன்னர் மகிந்த ராஜபக்ஸ காலத்தில் சர்வகட்சி உருவாக்கப்பட்டு பேசியும் அரசாங்கத்திற்கு தீர்வு திட்டத்தினை கொடுத்து இருந்தார்கள். அதனை மகிந்த ராஜபக்ஸ கண்டுகொள்ளவில்லை. பின்பு மகிந்த ராஜபக்ஷ்வுக்கும் தமிழ் தரப்பினருக்கும் 18 சுற்று பேச்சுவார்த்தைகள் இடம்பெற்றன. அதிலும் எதுவும் நடக்கவில்லை. தற்போது இவர்களே இந்த விடயங்களை பேசி முடிவுக்கு கொண்டு வரலாம் என்று கூறுகிறார்கள். நேற்றைய தினம் தமிழ் பாராளுமன்ற உறுப்பினர்கள் வடக்கு, கிழக்கு இணைந்த மாகாணத்திற்கான ஒரு சமஸ்டி அரசியலமைப்பு தொடர்பாக பேச வேண்டும் என்று தாங்கள் எடுத்திருப்பதாக ஊடகங்கள் கூறுகின்றன. இதனை யாரும் வெளிக்காட்டிக்கொள்ளவில்லை. இந்நிலையில் தமிழர் தரப்பு நிலைப்பாடு என்பது சமஸ்டி சம்மந்தமாக உள்ளது. அரசாங்கத்தை பொறுத்த வரையில் 13 க்கு மேலே போக தயாராக இருப்பார்களா அல்லது பேசுவதற்ககு முன்வருவார்களா என்ற கேள்வியும் இருக்கிறது. மாகாண தேர்தல் ஒத்திவைக்கப்பட்டிருப்பது மாத்திரம் அல்ல அரசாங்கம் தான் விரும்பியவாறு நியமனங்களை செய்கின்றது. வடக்கு மாகாணத்திற்கு சிங்கள உத்தியோகத்தர்களை நியமிப்பதனை தவிர்த்துக்கொண்டு தமிழ் உத்தியோகத்தர்களை நியமிக்கலாம். இவ்வாறு செய்தால் தமிழ் மக்கள் மத்தியில் நல்ல அபிப்பிராயத்தை உருவாக்கும். தமிழர்களோடு உறவாடுவது போல் இவர்கள் காட்டிக்கொண்டாலும் திருகோணமலை, முல்லைத்தீவு, வவுனியா ஆகியவற்றில் யுத்தத்திற்கு பிற்பாடு எத்தனை பௌத்த கோயில்கள் வந்திருக்கின்றன, எத்தனை இந்து கோயில்கள் உடைக்கப்பட்டிருக்கின்றன. இந்த இடங்களில் எத்தனை சிங்கள மக்கள் குடியேற்றப்பட்டிருக்கிறார்கள். இவர்களது இந்த நிகழ்ச்சி நிரல் தொடர்ந்து இடம்பெற்றுக் கொண்டிருக்கின்றன. இது நிறுத்தப்படவில்லை என்பது முக்கிய விடயமாகும். எனவே நல்லிணக்கத்தை உருவாக்க விரும்பினால் காணிகள் அபகரிப்பதனை ஜனாதிபதி நிறுத்த முடியும். இதற்கு குழுக்களை அமைப்பதாக கூறுகிறாரே தவிர நிறுத்துவதாக கூறவில்லை. பாதிக்கப்பட்ட மக்கள் ஏற்றுக்கொள்ளும் வகையில், இனி இவ்வாறான பாதிப்புக்கள் ஏற்படாத வகையிலான தீர்வுக்கு இவர்கள் ஒத்துக்கொள்வார்களா? என்பது தான் தற்போது இருக்கக்கூடிய விடயம். ஜனாதிபதி தேர்தல்களை நடத்த மாட்டேன் பாராளுமன்றத்தை கலைக்க மாட்டேன் என்று கூறுகிறார். அடுத்த 1, 2 வருடங்கள் தேர்தல்களை நடத்தாமல் பொருளாதாரத்தை கட்டியெழுப்ப போகிறோம் என்று மக்களை ஏமாற்றக்கூடிய விடயம் தான் தற்போது நடைபெற்றுக்கொண்டிருக்கிறது. ஆனால் இவர்களால் பொருளாதாரத்தை கட்டியெழுப்ப முடியுமா என்பது பெரியதொரு கேள்வியாக இருக்கிறது. ஏற்கனவே தமிழ் மக்கள் பல முறை ஏமாற்றப்பட்டவர்கள், இந்த நிலையில் ரணில் விக்கிரமசிங்கவின் கதைகள் என்பது எவ்ளவு தூரம் உண்மையானது? இதனை நாம் சரியான முறையில் கையாள வேண்டும். மீண்டும் ஒரு முறை தமிழ் மக்கள் ஏமாற்றப்படுவதற்கு நாங்கள் காரணகர்த்தாவாக இருந்து விட கூடாது.- என்றார். R Tamilmirror Online || ரணிலின் கதைகள் எவ்வளவு தூரம் உண்மையானது?
  12. By T. SARANYA 25 NOV, 2022 | 01:11 PM (வாஸ் கூஞ்ஞ) அமெரிக்கா புளோரிடா நிறுவனத்துக்கு காபன் பரிசோதனைக்காக கொண்டு செல்வதற்கு மனித புதைகுழி எச்சங்களை அனுராதபுரம் நீதவான் முன்னிலையில் பகுப்பாய்வுக்கு தெரிவு செய்ய அனுமதிப்பதற்கான விண்ணப்பத்தில் மன்னார் நீதிமன்றம் நீதவான் கையொப்பம் இட்டுள்ளார். மன்னார் திருக்கேதீஸ்வரம் மனித புதைகுழி வழக்கு நேற்று (24) மன்னார் மாவட்ட நீதவான் நீதிமன்றத்தில் நீதவான் அப்துல் சமட் கிப்துல்லா முன்னிலையில் விசாரணைக்காக எடுக்கப்பட்டது. இது தொடர்பாக காணாமல் ஆக்கப்பட்டவர்களின் பாதிக்கப்பட்ட உறவினர்கள் சார்பாக மன்றில் ஆஜராகி வரும் சிரேஷ்ட சட்டத்தரணி வீ.எஸ்.நிரஞ்சன் இவ் வழக்கு தொடர்பாக தெரிவிக்கையில், மன்னார் மாவட்ட நீதவான் நீதிமன்றத்தில் திருக்கேதீஸ்வரத்தின் மனித புதைகுழி வழக்கு இல. பி768 – 2013 ஆம் ஆண்டுக்கான வழக்கு நீதவான் அப்துல் சமட் கிப்துல்லா முன்னிலையில் விசாரனைக்காக நேற்று வியாழக்கிழமை எடுக்கப்பட்டபோது இவ் வழக்கில் ஏற்கனவே கட்டளை விடுக்கப்பட்டிருந்தது. அதாவது மன்னார் திருக்கேதீஸ்வரத்தில் கண்டுபிடிக்கப்பட்டு மனித புதைகுழியிருந்து மீட்கப்பட்ட மனித எச்சங்கள் ஏற்கனவே அனுராதபுரம் வைத்தியசாலையில் பாதுகாப்புக்காக வைக்கப்பட்டிருக்கின்றன. இதன் எச்சங்களின் மாதிரிகளை எடுத்து சீ 14 காபன் பரிசோதனைக்கு அமெரிக்கா புளோரிடா நிறுவனத்துக்கு காபன் பரிசோதனைக்காக கொண்டு செல்வதற்கு மாதிரி தெரிவு செய்வதற்கான கட்டளை விடுக்கப்பட்டிருந்தது. அத்துடன் அனுப்புவதற்கான முயற்சிகள் மேற்கொள்ளப்பட்டு வருவதாக வழக்கு தொடுனர்களால் மன்றில் தெரிவிக்கப்பட்டது. இதற்கமைவாக கண்டு பிடிக்கப்பட்ட மனித எச்சங்களிலிருந்து மாதிரிகளை தெரிவு செய்வதற்கான நடைமுறைகளை அனுராதபுரம் நீதவான் முன்னிலையில் மேற்பார்வை செய்து அதற்கான மாதிரிகளை மன்னார் மாவட்ட நீதவான் நீதிமன்ற நீதிபதியின் முன் பாரப்படுத்தப்பட வேண்டும் என்ற கோரிக்கைக்கு அமைவாக வழக்கு எடுத்துக் கொள்ளப்பட்டபோது அரச தரப்பினரால் ஒரு கோரிக்கை முன்வைக்கப்பட்டது. அதாவது இதற்கான அனுமதியை நீதிபதி வழங்க வேண்டும் என்று கோரிக்கை முன்வைக்கப்பட்டது. இதற்கமைய இதன் அனுமதிக்கான விண்ணப்பத்தில் நீதவான் கையொப்பம் இட்டுள்ளார். இதன் அடிப்படையில் அனுராதபுரம் நீதவான் முன்னிலையில் அரச தரப்பு சட்டதரணிகளால் மார்கழி மாதம் 5 ஆம் திகதி சமர்ப்பணம் ஒன்று சமர்பிக்கப்பட இருக்கின்றது. அத்தோடு இவ் வழக்கானது இதன் நடவடிக்கைக்காக மன்னார் மாவட்ட நீதவான் நீதிமன்றத்தில் அடுத்த ஆண்டு பெப்ரவரி 9 ஆம் திகதி மீண்டும் அழைக்கப்பட இருக்கின்றது என்றார். இவ் வழக்கில் அரசு தரப்பு சார்பாக சமந்த விக்கிரமசிங்க , இவ் மனித புதைகுழி அகழ்வுக்கு தலைமைதாங்கி ஈடுபட்ட சட்ட வைத்திய அதிகாரி வைத்தியரத்தின மற்றும் ஹேவகே ஆகியோருடன் கொழும்பிலிருந்து வருகை தந்திருந்த குற்ற புலனாய்வு பிரிவினரும் மன்றில் ஆஜராகி இருந்தனர். அத்தோடு காணாமல் ஆக்கப்பட்ட அலுவலகம் சார்பில் சட்டத்தரணி எஸ் புராதினியும் காணாமல் ஆக்கப்பட்டவர்களின் பாதிக்கப்பட்ட உறவினர்கள் சார்பாக முன்னிலையாகி வரும் சிரேஷ்ட சட்டத்தரணி வீ.எஸ்.நிரஞ்சன் ஆகியோரும் மன்றில் முன்னிலையாகி இருந்தனர். மன்னார் திருக்கேதீஸ்வர ஆலயப் பகுதியிலிருந்து மாந்தை பகுதிக்கு நிலத்தடியின் ஊடாக குழாய் மூலம் குடிநீர் வழங்கும் திட்டத்தில் ஆலய வீதிக்கு அருகாமையில் 2013 ஆம் ஆண்டு நீர் வழங்கல் சபையினால் குழாய்கள் பதித்துச் சென்றபோதே இவ் மனித புதைகுழி கண்டு பிடிக்கப்பட்டது என்பதும் குறிப்பிடத்தக்கது. மனித புதைகுழி எச்சங்களை பகுப்பாய்வுக்கு தெரிவு செய்ய மன்னார் நீதிமன்றம் அனுமதி | Virakesari.lk
  13. வியட்நாம் முகாமில் தற்கொலை செய்து கொண்ட கணவரின் உடலை 4 பிள்ளைகளுக்கும் காட்ட உதவுமாறு தாயார் உருக்கம் By T. SARANYA வியட்நாமில் இறந்த எனது கணவரின் உடலையாவது அனுப்பிவையுங்கள். நான் எனது பிள்ளைகளுக்கு அப்பா இறந்து விட்டார் எனக் காட்டவேண்டும் என வியட்நாம் முகாமில் தற்கொலை செய்து கொண்ட யாழ்ப்பாணம் சாவகச்சேரியைச் சேர்ந்த நான்கு பிள்ளைகளின் தந்தையான சுந்தரலிங்கம் கிரிதரனின மனைவி வேணுகா உருக்கமான வேண்டுகோள் ஒன்றை விடுத்துள்ளார். தமது கணவர் வியட்நாம் அகதி முகாமில் வைத்து தற்கொலை செய்துகொண்டதாக வியாழனன்று காலை தூதரகத்திலிருந்து தமக்கு அறிவிக்கப்பட்டதாகத் தெரிவித்த அவர், தமது பிள்ளைகள் இறுதியாக தந்தையின் உடலைப் பார்க்கும் வகையில் இலங்கைக்கு அனுப்பிவைக்க சகலரும் உதவ வேண்டும் என்றும் அவர் தெரிவித்தார். ஊடகம் ஒன்றுக்கு அவர் மேலும் கூறுகையில், 'எனது கணவர் கனடா செல்லவேண்டும் என்று மிகவும் ஆவலோடு இருந்தார். அதற்காக 18 இலட்சம் ரூபாவரை செலவாகும் என அவர் கூறினார். அவர் எவ்வளவு பணம் செலுத்தினார் என்பது எனக்குத் தெரியாது. அவர் எங்களிடம் இருந்த அனைத்து பொருட்களையும் விற்றுவிட்டார். அத்துடன் தான் கனடா சென்றதும் அனைத்துக் கடன்களையும் கட்டிவிடுவதாகக் கூறினார். 'எனக்கு நான்கு பிள்ளைகள் உள்ளார்கள். இவர்களை எப்படி வளர்த்து ஆளாக்குவேன் என்று எனக்கு தெரியாது. இப்படி ஒரு நிலைமை ஏற்படும் என நான் ஒருபோதும் எண்ணவில்லை. அப்படி என்றால் நான் எனது கணவரை அனுப்பியிருக்க மாட்டேன். 'நான்கு தினங்களுக்கு முன்னர் தூதரகத்திலிருந்து கதைப்பதாகக் கூறி, அவர் தொடர்பான விபரங்களையும் ஆவணங்களையும் கேட்டனர். நான் எதற்கு கேட்கிறீர்கள் என கேட்டபோது, அவர் ஏதோ உட்கொண்ட நிலையில் அவசர சிகிச்சைப் பிரிவில் அனுமதிக்கப்பட்டுள்ளார். எனவே அவர் இலங்கையர் தானா என்பதை உறுதிசெய்ய வேண்டும் எனத் தெரிவித்தனர். அதனால், அவர் தொடர்பான விபரங்களைக் கொடுத்தேன். 'அதைத் தொடர்ந்து, அவர் இறந்துவிட்டார் என்பது தெரியுமா என வியாழக்கிழமை காலை தூதரகத்தில் இருந்து கேட்டார்கள். நான் தெரியாது என்று கூறினேன். நான் அனைவரிடமும் மன்றாட்டமாக கேட்டுக்கொள்வது என்னவென்றால் இறந்த எனது கணவரின் உடலை அனுப்பிவையுங்கள் என்பதாகும். எனது பச்சிளம் குழந்தைகளுக்கு இறந்த அவரது உடலைக் காட்டவேண்டியது அவசியம்' என கண்ணீர்மல்க கூறினார். இதேவேளை, தற்கொலை செய்துகொண்டதாகத் தெரிவிக்கப்படும் 37 வயதான சுந்தரலிங்கம் கிரிதரன் ஆபத்தான நிலையில் வியட்நாம் வைத்தியசாலை ஒன்றில் அனுமதிக்கப்பட்டிருந்ததாகவும் இறுதியில் சிகிச்சை பலனின்றி மரணமானதாகவும் தெரிவிக்கப்படுகிறது. கடந்த 8ஆம் திகதி கனடா செல்லும் நோக்கில் தென் சீன கடலில் படகில் தத்தளித்துக்கொண்டிருந்தபோது மீட்கப்பட்ட அகதிகள் வியட்நாம் அகதி முகாம் ஒன்றில் தங்கவைகப்பட்டுள்ளனர். அவர்களில் 303 பேர் இலங்கையைச் சேர்ந்தவர்கள் ஆவர். இந்நிலையிலேயே சுந்தரலிங்கம் கிரிதரன் தற்கொலை செய்துகொண்டுள்ளதாகக் கூறப்படுகிறது. வியட்நாம் முகாமில் தற்கொலை செய்து கொண்ட கணவரின் உடலை 4 பிள்ளைகளுக்கும் காட்ட உதவுமாறு தாயார் உருக்கம் | Virakesari.lk
  14. மாவீரர் தினத்தை முன்னிட்டு முல்லைத்தீவில் இரத்ததான முகாம் மாவீரர் தினத்தை முன்னிட்டு இரத்ததான முகாமொன்று முல்லைத்தீவு இளைஞர்களால் முன்னெடுக்கப்பட்டுள்ளது. முல்லைத்தீவு மாவட்ட பொது வைத்தியசாலையில் உள்ள இரத்த வங்கியில் இன்று வெள்ளிக்கிழமை (நவ 25) காலை 9 மணி முதல் இரத்ததான முகாம் இடம்பெற்றுள்ளது. சமூக வலைத்தளம் மூலம் விடுக்கப்பட்ட அறிவித்தலின் அடிப்படையில் தன்னார்வத்தோடு இணைந்த இளைஞர்கள் பலர் இரத்ததான முகாமில் ஆர்வத்துடன் பங்கேற்றிருந்தனர். இந்நிலையில் இரத்ததானம் வழங்கப்பட்டுக்கொண்டிருந்தபோது இரத்த வங்கிக்கு வருகைதந்த புலனாய்வாளர்கள், தாமும் இரத்தம் வழங்கப்போவதாக பாசாங்கு செய்து, இரத்ததானம் வழங்கிய இளைஞர்களை புகைப்படம் எடுக்கும் செயற்பாட்டில் ஈடுபட்டுள்ளனர். அத்தோடு இரத்ததானம் தொடர்பில் கார்த்திகைப்பூ பொறித்த இலட்சனை ஒன்றினை தமது ஆடையில் அணிந்தவாறு இரத்ததான முகாமில் பங்கேற்ற இளைஞர்களை அங்கு வந்த பொலிஸார் அழைத்து விசாரணை மேற்கொண்டுள்ளனர். மாவீரர் தினத்தை முன்னிட்டு முல்லைத்தீவில் இரத்ததான முகாம் | Virakesari.lk
  15. வலிகாமம் வடக்கு தெல்லிப்பளை பிரதேச செயலர் பிரிவுக்குட்பட்ட J/247 தையிட்டி கிழக்கு வள்ளுவர் புரம் கிராம சேவையாளர் பிரிவில் உள்ள திருவள்ளுவர் சன சமூக நிலையத்தினரால் நேற்று வியாழக்கிழமை (நவ 24) திருவள்ளுவர் சிலை திறந்துவைக்கப்பட்டது. 1990ஆம் ஆண்டு நாட்டில் ஏற்பட்ட அசாதாரண சூழ்நிலை காரணமாக வலி வடக்கு பகுதியில் இருந்து மக்கள் இடம்பெயர்ந்து சென்ற பின், அப்பிரதேசம் உயர் பாதுகாப்பு வலயமாக பிரகடனப்படுத்தப்பட்டது. வலி வடக்கிலிருந்து இடம்பெயர்ந்து சென்ற மக்கள் முகாம்களில் வசித்துவந்த நிலையில் தற்போதைய ஜனாதிபதி ரணில் விக்ரமசிங்க பிரதமராக பதவி வகித்த காலப்பகுதியில் வலி வடக்கு பகுதியில் உள்ள பொது மக்களின் இடங்கள் கட்டங்கட்டமாக விடுவிக்கப்பட்டு, பொதுமக்கள் மீள்குடியேற்றப்பட்டனர். அதனை தொடர்ந்து அந்த மக்கள் தமது சொந்த இடங்களை அபிவிருத்தி செய்வதற்கான பல்வேறு வேலைத்திட்டங்கள் அரசாங்கத்தினால் முன்னெடுக்கப்பட்டது. அதன்படி வலி வடக்கில் வீதி புனரமைப்பு, வீட்டுத்திட்டம், குடிநீர் வசதி, மின்சார வசதி, மேலும் சில அத்தியாவசிய சேவைகள் பூர்த்தி செய்யப்பட்டு, அப்பகுதி மக்கள் தமது அன்றாட செயற்பாடுகளை முன்னெடுத்து வந்தனர். எனினும், வள்ளுவர் புரம் பகுதியில் காணப்பட்ட திருவள்ளுவர் சிலை நாட்டில் ஏற்பட்ட அசாதாரண சூழலால் அழிவடைந்திருந்தது. அதன் பின்னர் அக்கிராம மக்களது முயற்சியினால் சுமார் 7 லட்சம் ரூபா செலவில் அதே இடத்தில் கருங்கல்லினால் நிறுவப்பட்ட 4 அடி உயரமான புதிய திருவள்ளுவர் சிலை இன்றைய தினம் திறந்துவைக்கப்பட்டது. இந்த சிலை திறப்பு நிகழ்வில் தெல்லிப்பளை பிரதேச செயலக உதவி பிரதேச செயலர், அபிவிருத்தி உத்தியோகத்தர்கள், சமுர்த்தி உத்தியோகத்தர்கள், கிராம சேவையாளர், வலி வடக்கு பிரதேச சபையின் தவிசாளர், செயலாளர், வலி வடக்கு மீள்குடியேற்ற சங்க உறுப்பினர்கள், பொதுமக்கள் என பலரும் கலந்துகொண்டனர். வலி வடக்கில் 30 வருடங்களுக்குப் பிறகு புதிதாக நிறுவப்பட்ட திருவள்ளுவர் சிலை நேற்று திறப்பு | Virakesari.lk
  16. (இராஜதுரை ஹஷான்,எம்.ஆர்.எம்.வசீம்) உலக வங்கியின் நிதியுதவி திட்டத்தின் கீழான நீர் வழங்கல் சுகாதார மேம்பாடு திட்டத்தின் கீழான செயற்திட்டத்தை ஏனைய மாவட்டங்களுக்கு 2024 ஆம் ஆண்டுவரை நீடிக்க முடியுமாயின். கரும்புள்ளியான் குடிநீர் திட்டத்தை 2023 ஆம் ஆண்டுடன் எவ்வாறு இடைநிறுத்த முடியும். முல்லைத்தீவு மாவட்ட மக்கள் சுத்தமான குடிநீரை பெற்றுக்கொள்ள பெரும் போராட்டத்தை எதிர்கொள்கிறார்கள். ஆகவே முல்லைத்தீவு மாவட்ட குடி நீர் அபிவிருத்தி திட்டத்தை துரிதமாக நிறைவு செய்யுமாறு தமிழ் தேசிய கூட்டமைப்பின் பாராளுமன்ற உறுப்பினர் எஸ்.சிறிதரன் சபையில் வலியுறுத்தினார். பாராளுமன்றத்தில் வெள்ளிக்கிழமை (25) இடம்பெற்ற 2023 ஆம் ஆண்டுக்கான வரவு செலவுத்திட்டத்தில் மின்சக்தி மற்றும் வலுசக்தி அமைச்சு, நீர் வழங்கல் அமைச்சு ஆகியவற்றிற்கான நிதி ஒதுக்கீடுகள் தொடர்பான குழு நிலை விவாதத்தில் உரையாற்றும் அவர் மேற்கண்டவாறு குறிப்பிட்டார். அவர் மேலும் குறிப்பிட்டதாவது, வடக்கு மாகாணத்தில் யுத்தத்தினால் மோசமாக பாதிக்கப்பட்ட முல்லைத்தீவு மாவட்டம் தொடர்பில் கருத்துரைக்க அவதானம் செலுத்துகிறேன். யுத்தத்தினால் பாதிக்கப்பட்ட முல்லைத்தீவு மாவட்டம் தற்போம் வறுமை கோட்டில் முன்னிலையில் உள்ளது. மாவட்ட அபிவிருத்திக்காக ஒதுக்கப்படும் நிதியை முல்லைத்தீவு மாவட்டத்திற்கு ஒதுக்குவதை பல்வேறு காரணிகளினால் முடக்குவது முற்றிலும் மோசமானது. உலக வங்கியின் நிதி வழங்கலில் நீர் வழங்கல் சுகாதாரம் மேம்பாட்டு திட்டம் கடந்த 2015ஆம் ஆண்டு ஆரம்பிக்கப்பட்டது. இந்த திட்டத்தின் கீழ் இலங்கையில் வறுமை நிலையில் உள்ள 7 மாவட்டங்கள் தெரிவு செய்யப்பட்டன. கிளிநொச்சி, முல்லைத்தீவு மாவட்டங்கள் முதன்மையாக கொள்ளப்பட்டன. இந்த திட்டத்தின் கீழ் முல்லைத்தீவு மாவட்டத்தில் 2000 மில்லின் ருபா ஒதுக்கப்பட்டது. பின்னர் ஏனைய மாவட்டங்களுக்கு 1000 மில்லியன் ரூபா ஒதுக்கப்பட்டது. முல்லைத்தீவு திட்டத்தில் மாந்தை கிழக்கு பிரதேசத்தில் உள்ள கறுப்புள்ளியான் குடிநீர் திட்டம் ஆரம்பிப்பதற்காக மனுகோரல் கடந்த ஜனவரி மாதம் 12 ஆம் திகதி பத்திரிகைகளில் பிரசுரிக்கப்பட்டன.ஆனால் இதுவரை கறும்புள்ளியான் குடிநீர் திட்டம் ஆரம்பிக்கப்படவில்லை.இதற்கு குறிப்பிடும் காரணிகள் நகைப்புக்குரியதாகும். செயற்திட்டத்தை முன்னெடுக்க நிதி இல்லை என்கிறார்கள்,உலக வங்கி இந்த திட்டத்தை 2023 ஆம் ஆண்டுக்குள் நிறைவு செய்ய வேண்டும், ஆகவே தற்போது திட்டத்தை தொடர முடியாது, கொவிட் தாக்கம் என்ற காரணிகளை பொறுப்பான தரப்பினர் குறிப்பிடுகிறார்கள். குறிப்பிடும் காரணிகள் நடைமுறைக்கு சாத்தியமற்றதாக உள்ளது.இந்த காரணிகள் ஏனைய மாவட்டங்களுக்கு தாக்கம் செலுத்தவில்லை. கறும்புள்ளியான் திட்டத்திற்கு கேள்வி கோரல் விடுக்கப்பட்டதன் பின்னரான காலப்பகுதியில் கடந்த ஒக்டோபர் மாதம் கம்பஹா,குரநாகல் மற்றும் மொனராகலை ஆகிய மாவட்டங்களில் உலக வங்கியின் நிதியுதவியுடன் அபிவிருத்தி செயற்திட்டத்தை ஆரம்பிக்க பத்திரிகைகளில் கேள்வி மனு பிரசுரிக்கப்பட்டுள்ளன. கம்பஹா,குருநாகல் மாவட்டங்களின் அபிவிருத்தி செயற்திட்டத்தின் காலம் 2024 ஆம் ஆண்டு வரை நீடிக்கப்பட்டுள்ள நிலையில் முன்லைத்தீவு மாவட்டத்தின் அபிவிருத்தி பணியின் முடிவுறு காலம் 2023 ஆம் ஆண்டுக்கு வரையறுத்துள்ளமை எந்தவிதத்தில் நியாயமாகும். ஜனாதிபதி ரணில் விக்கிரமசிங்க அண்மையில் வடக்கு மாகாணத்திற்கு விஜயம் செய்த போது இவ்விடயம் தொடர்பில் அவரிடம் எடுத்துரைக்கப்பட்டது. இவ்விடயம் தொடர்பில் ஆராயுமாறு ஜனாதிபதி செயலாளருக்கு ஆலோசனை வழங்கினார், ஆகவே விடயதானத்திற்கு பொறுப்பாக அமைச்சர் முல்லைத்தீவு மாவட்டத்தின் குடிநீர் செயற்திட்டம் தொடர்பில் அவதானம் செலுத்த வேண்டும். முல்லைத்தீவு மாவட்டத்தில் கிழக்கு மாந்தை பிரிவு, துணுக்காய் பிரதேச மக்களில் பெரும்பாலானோர் நீரழிவு நோயால் பாதிக்கப்பட்டுள்ளார்கள். சுத்தமான குடிநீரை பெற்றுக்கொள்வது பெரும் போராட்டமாக உள்ளது. மாந்தை கிழக்கு பிரதேச செயலக பிரிவுக்கு உட்பட்ட வன்னிவிலான குளம், அம்பாள் குளம்,கொள்ளவலவன் குளம்,ஒற்றடுத்தன் குளம், பாலை நகர்,சிவநகர்,செல்வ நகர்,பாண்டியன்குளம், கரும்புள்ளியான் குளம்,பூசரசன் குளம், விநாயக புரம் உள்ளிட்ட 15 கிராமங்களை சேர்ந்த 3040இற்கும் அதிகமான குடும்பங்களை சேர்ந்த 9000 ஆயிரத்திற்கும் அதிகமானோர் சுத்தமான குடி நீர் பாதிப்பை எதிர்க்கொண்டுள்ளார்கள் அதேபோல் துணுக்காய் பிரசேத செயலகத்திற்கு உட்பட்ட 12,139 பேர் சுத்தமான குடிநீர் தட்டுப்பாட்டை எதிர்க்கொண்டுள்ளார்கள்.இந்த குடிநீர் திட்டம் பாதிக்கப்பட்டுள்ளதால் முல்லைத்தீவு மக்கள் பாதிக்கப்பட்டுள்ளார்கள். முல்லைத்தீவு மாவட்டம் யுத்தத்தால் மிக மோசமாக பாதிக்கப்பட்டுள்ளது. உலக வங்கியால் நிதியுதவி வழங்கப்பட்ட திட்டம் மறுக்கப்பட்டுள்ளமை நியாயமற்றது. ஏனைய மாவட்டங்களுக்கான திட்டங்களை முன்னெடுத்து செல்ல முடியுமாயின் ஏன் முல்லைத்தீவு மாவட்டத்தில் செயற்திட்டத்தை ஆரம்பிக்க முடியாது, ஆகவே நீதியுடன் செயற்படுங்கள். இந்த மக்கள் பாதிக்கப்பட்ட மக்கள் நாட்டில் ஏனைய மாவட்டங்களில் மேற்கொள்ளப்படும் அபிவிருத்தி திட்டங்கள் வடக்கு மாகாணத்தில் மேற்கொள்ளப்படுவதில்லை. வட்டக்கட்சி குடிநீர் திட்டத்தில் 14 கிராம அலுவலர் பிரிவு உள்வாங்கப்பட்டன. ஆனால் இப்பிரதேச நிலத்தடி கிணறு ஆழமாக காணப்படுவதால் குடிநீர் தரமாதான இல்லை கண்டாரவளை குடிநீர் திட்டம் கடற்பகுதியை அண்மித்துள்ளதால் நீர் உவர்தன்மையில் உள்ளதால் அப்பிரதேச மக்கள் சுத்தமான குடிநீரை பெற்றுக்கொள்ள நீண்ட தூரம் செல்ல வேண்டியுள்ளது. வடக்கு மாகாணத்தில் தற்போது ஆரம்பிக்கப்பட்டுள்ள குடிநீர் திட்டங்களை துரிதப்படுத்துமாறு வினையமாக கேட்டுக் கொள்கிறோம்;.மக்கள் எதிர்க்கொண்டுள்ள பிரச்சினையின் பாரதூரத்தன்மையை விளங்கிக் கொள்ளுங்கள்.மாகாண அபிவிருத்தி திட்டங்களில் பாரபட்சம் பார்க்க வேண்டாம் என்பதை கேட்டுக் கொள்கிறோம். முல்லைத்தீவு மாவட்ட குடி நீர் அபிவிருத்தி திட்டத்தை துரிதமாக நிறைவு செய்யுங்கள் - சிறிதரன் | Virakesari.lk
  17. வருடாந்தர வால்டாய் டிஸ்கஷன் கிளப்பில் சர்வதேச வெளியுறவுக் கொள்கை நிபுணர்கள் மாநாடு நடைபெற்றது. அதில் கலந்துகொண்டு பேசிய ரஷ்ய அதிபர் விளாடிமிர் புதின், "பிரதமர் மோடி இந்திய நாட்டின் தேசபக்தர். அவரது 'மேக் இன் இந்தியா' யோசனை பொருளாதாரரீதியாக முக்கியமானது. அவர் தலைமையில் நிறைய முன்னேற்ற ஏற்பாடுகள் செய்யப்பட்டிருக்கின்றன. எதிர்காலம், உலகின் மிகப்பெரிய ஜனநாயக நாடான இந்தியாவுக்குச் சொந்தமானது. புதின் மற்றவர்கள் இந்திய நாட்டின் மீதான எந்தவொரு தடையையோ அல்லது கட்டுப்படுத்துதலையோ விதிக்க முயன்றாலும், தனது தேசத்தின் நலனுக்காக சுதந்திரமான வெளியுறவுக் கொள்கையை மேற்கொள்ளும் திறன்கொண்டவர்களில் மோடியும் ஒருவர். பிரிட்டிஷ் காலனியாக இருந்து, நவீன நாடாக இந்தியாவின் வளர்ச்சி மகிழ்ச்சியளிக்கிறது. கிட்டத்தட்ட 1.5 பில்லியன் மக்களின் உறுதியான வளர்ச்சி முடிவுகள், இந்தியா மீதான அனைவரின் மரியாதைக்கும் அபிமானத்துக்கும் காரணமாகும். இந்தியாவுடன் எங்களுக்கு பல தசாப்தங்களாக இருக்கும் நெருங்கிய நட்புறவால் பிணைக்கப்பட்டிருக்கிறது. நாங்கள் ஒருபோதும் கடினமான பிரச்னைகளுக்கு ஆதரவளித்ததில்லை. எதிர்காலத்திலும் இதுவே தொடரும் என்று நான் உறுதியாக நம்புகிறேன். இந்திய விவசாயத்துக்கு மிகவும் முக்கியமான உரங்களின் விநியோகத்தை அதிகரிக்குமாறு, பிரதமர் மோடி என்னிடம் கேட்டுக்கொண்டார். அதனால் நாங்கள் உரம் உற்பத்தி அளவை 7.6 மடங்கு அதிகரித்திருக்கிறோம். அதனால், விவசாய வர்த்தகம் கிட்டத்தட்ட இரு மடங்காக அதிகரித்திருக்கிறது. மோடி, புதின் இந்தியாவுக்கு ஒரு சிறந்த எதிர்காலம் இருக்கிறது. மேலும், உலகளாவிய விவகாரங்களில் அதன் பங்கு முக்கியமானது என்று நான் நம்புகிறேன். உக்ரைன் மீதான அணு ஆயுதத் தாக்குதல் என்ற எச்சரிக்கையின் மூலம் ரஷ்யா எவ்வளவு பலமாக இருக்கிறது என்பதைக் காட்ட விரும்பினோம். மற்றபடி அணு ஆயுதங்களால் உக்ரைன் மீது ரஷ்யா தாக்குதல் நடத்துவது அர்த்தமற்றது. அதற்கான தேவை இல்லை என்று எங்களுக்குத் தெரியும். அத்தகைய தாக்குதலில் எந்த அர்த்தமும் இல்லை" எனத் தெரிவித்திருக்கிறார். ரஷ்யா: ``மோடி இந்திய நாட்டின் தேசபக்தர்; எதிர்காலம், இனி இந்தியாவுக்கானது" - அதிபர் புதின் | ‘Future belongs to India’: Russian President Putin praises PM Modi's governance (vikatan.com)
  18. திமுகவுக்கு எதிராக மிகக் கடுமையாக விமர்சனங்களை முன்வைத்துவரும் சீமான், ஆ.ராசாவுக்கு ஆதரவாக இப்போதும் கருத்துத் தெரிவித்திருப்பது சமூக வலைதளங்களில் பல்வேறு விவாதங்களை உருவாக்கியுள்ளது. ``மனுதர்மத்தைச் சாடியதற்காக, அண்ணன் ஆ.ராசா அவர்களைக் குறிவைத்து, மதவாதிகள் இனியும் தாக்குதல் தொடுத்தால் அமைதியாக வேடிக்கைப் பார்த்துக்கொண்டு இருக்க மாட்டோம்'' என நாம் தமிழர் கட்சியின் தலைமை ஒருங்கிணைப்பாளர் சீமானின் தெரிவித்திருக்கும் கருத்து பல்வேறு விவாதங்களை உருவாக்கியுள்ளது. ஒருபுறம், `திமுக தலைமையே ஆதரவு தெரிவிக்காத நேரத்தில் எங்கள் அண்ணன் எப்படி துணிச்சலாகப் பேசியுள்ளார்' என நாம் தமிழர் தம்பிகள் சமூக வலைதளங்களில் கருத்துத் தெரிவித்து வருகின்றனர். மறுபுறம், சீமானின் கருத்துக்கு திமுகவுக்குள்ளேயே ஆதரவும் எதிர்ப்பும் கிளம்பியிருக்கிறது. வீரமணி, ஆ.ராசா கடந்த செப்டம்பர் ஆறாம் தேதி, சென்னை பெரியார் திடலில், `60 ஆண்டுகால விடுதலை ஆசிரியருக்கு கழகத் தோழர்கள் விடுதலை சந்தா வழங்கும் விழா' என்கிற தலைப்பில் திராவிடர் கழகத்தால் கூட்டம் ஒன்று ஏற்பாடு செய்யப்பட்டிருந்தது. இந்தக் கூட்டத்தில் முன்னாள் மத்திய அமைச்சரும் திமுக துணைப் பொதுச் செயலாளருமான ஆ.ராசா கலந்துகொண்டு பல்வேறு விஷயங்கள் குறித்துப் பேசினார். அதில், யாரெல்லாம் இந்துக்கள் என அவர் தெரிவித்த சில கருத்துகள் சர்ச்சையானது. உனடியாக, பா.ஜ.கவினரும், இந்து அமைப்புகளைச் சேர்ந்தவர்களும் அவருக்கெதிராக மிகப்பெரிய அளவில் போர்க்கொடியை உயர்த்தினர். ஆ.ராசாவுக்கு எதிராக காவல்நிலையங்களில் புகாரளிக்கப்பட்டது. திருநெல்வேலி மாவட்ட பாஜக பொதுச்செயலாளரான வழக்கறிஞர் வெங்கடாச்சலம் மாவட்ட குற்றவியல் நடுவர் நீதிமன்றத்தில் வழக்குத் தொடர்ந்தார். `ஆ.ராசா எம்.பி பதவி விலகவேண்டும், அவர் மன்னிப்புக் கேட்கவேண்டும்' என ஒருசில இடங்களில் இந்து அமைப்புகள் ஆர்ப்பாட்டம் நடத்தின. இந்தநிலையில் ராசாவுக்கு ஆதரவாக அறிக்கை ஒன்றை வெளியிட்டார் சீமான். அதில், ``மனு தர்மத்தின் கொடுங்கோன்மையை எடுத்துரைத்து, சூத்திரர் எனும் இழிவை தமிழர்கள் சுமக்கக்கூடாதெனக் கூறியதால், திமுகவின் துணைப்பொதுச்செயலாளர் அண்ணன் ஆ.ராசா அவர்களைக் குறிவைத்து மதவாதிகள் தனிநபர் தாக்குதல் தொடுப்பதும், அவதூறு பரப்புரை செய்வதுமானப் போக்குகளை இனியும் சகித்துக்கொண்டு இருக்க முடியாது. பிறப்பின் வழியே பேதம் கற்பிக்கும் வருணாசிரமக் கோட்பாட்டால் விளைந்த சமூக அநீதியை அறச்சீற்றத்தோடு முன்வைத்த அண்ணன் ஆ.ராசாவின் கருத்து மிக நியாயமானது. அதனை நாம் தமிழர் கட்சி முழுமையாக ஆதரிக்கிறது. அக்கருத்துக்குப் பக்கபலமாகத் துணைநிற்கிறது'' எனக் குறிப்பிடப்பட்டிருந்தது. தொடர்ந்து பத்திரிகையாளர்கள் சந்திப்பிலும் ராசாவுக்கு ஆதரவாகக் கருத்துத் தெரிவித்து வருகிறார் சீமான். இப்போது மட்டுமல்ல, இதற்கு முன்பாகவும் பலமுறை ஆ.ராசாவுக்கு ஆதரவாக பலமுறை பேசியிருக்கிறார் சீமான். திமுகவின் முதல்வர் வேட்பாளராக ஆ.ராசாவை முன்னிறுத்தினால் நான் கட்சியைக் கலைத்து திமுகவில் சேர்ந்துவிடுகிறேன் உள்ளிட்ட பல்வேறு கருத்துகளைத் தெரிவித்திருக்கிறார். திமுகவுக்கு எதிராக மிகக் கடுமையாக விமர்சனங்களை முன்வைத்துவரும் சீமான், ஆ.ராசாவுக்கு ஆதரவாக இப்போதும் கருத்துத் தெரிவித்திருப்பது சமூக வலைதளங்களில் பல்வேறு விவாதங்களை உருவாக்கியுள்ளது. இடும்பாவனம் கார்த்தி டிவிட்டரில் நாம் தமிழர் கட்சியினர் ரியாக்‌ஷன் : ஆ.ராசாவின் பேச்சை ஆதரிக்காமல் திமுகவினர் ஒதுங்கிச் செல்வதாகவும் சீமான் மிகத் துணிச்சலாக அவருக்கு ஆதரவாகப் பேசியதாகவும் சமூக வலைதளங்களில் நாம் தமிழர் கட்சியினர் பதிவிட்டு வருகின்றனர். பத்திரிகையாளர் சந்திப்பில், ஆ.ராசாவின் பேச்சு குறித்து, நாடாளுமன்ற உறுப்பினர் தயாநிதி மாறன், அறநிலையத்துறை அமைச்சர் சேகர்பாபு இருவரிடம் நிருபர்கள் கேள்வியெழுப்ப, காதில் விழவில்லை என்கிற தொனியில் பிரஸ்மீட்டை முடித்துக்கொண்டு இருவரும் கிளம்பிய வீடியோவை சமூக வலைத்தளங்களில் நாம் தமிழர் கட்சியினர் பரப்பி வருகின்றனர். அதேபோல, அமைச்சர் பொன்முடியும் பதிலளிக்காமல் சென்ற வீடியோவையும் பகிர்ந்து வருகின்றனர். மேலும், `ஆ.ராசா மீது அளிக்கப்படும் புகார்கள் குறித்து காவல்துறை நடவடிக்கை எடுக்கட்டும். வழக்கை அவர் பார்த்துக்கொள்வார்' என திமுக அமைப்புச் செயலாளர் ஆர்.எஸ்.பாரதி தெரிவித்த கருத்தையும் சீமான் தெரிவித்த கருத்தையும் ஒப்பிட்டும் பதிவிட்டு வருகின்றனர். திமுகவுக்குள்ளேயே ஆதரவும் எதிர்ப்பும் ; திமுகவுக்குள்ளேயே ஒருசிலர் ராசாவுக்கு ஆதரவாகப் பேசியிருக்கும் சீமானை ஆதரித்துக் கருத்துத் தெரிவித்து வருகின்றனர். `அவரின் அரசியல் மீது மாற்றுக் கருத்துகள் இருந்தாலும் சீமானின் இந்தக் கருத்துகளை ஆதரிக்கிறோம்' என சீமான் பத்திரிகையாளர் சந்திப்பில் பேசிய வீடியோவை பதிவிட்டு வருகின்றனர். அதேவேளை, சீமானுக்கு ஆதரவாக திமுகவினர் ஃபயர் விடுவது ஆபத்தான போக்கு எனவும் சிலர் கருத்துக்களைப் பதிவிட்டு வருகின்றனர். 2ஜி வழக்கில் விடுதலையான பிறகும், தன் கட்சியின் வரைவில் இன்னும் அதை நீக்காமல் வைத்திருக்கிறார் என ஒருசிலரும், சீமான் நித்தியானந்தாவுக்கு பாஜகவைச் சேர்ந்த பலருக்கும்தான் ஆதரவாகப் பேசியிருக்கிறார். சீமானின் கருத்து என்பது ஆட்டுத்தாடி மாதிரி எனவும் ஒருசிலர் கருத்துத் தெரிவித்திருக்கின்றனர். சீமான் ஆதரித்துப் பேசுவதே திமுக ஆதரிக்கவில்லை என அரசியல் செய்யத்தான் என்கிற ரீதியிலும் ஒருசிலர் கருத்துத் தெரிவித்து வருகின்றனர். நாம் தமிழர் கட்சியில் பயணித்தவரும் தற்போது திமுக செய்தித் தொடர்பு இணைச் செயலாளருமான இராஜிவ் காந்தி, ``பெரியாரின் கொள்கைகளைத்தான் ராசா பேசுகிறார். ஆனால், பெரியாரை எதிர்த்துவிட்டு ராசாவை ஆதரிப்பது என்பது சாதி அடிப்படையிலானது'' என கருத்துத் தெரிவித்துள்ளார். ராஜீவ் காந்தி டிவிட்டரில் திமுக, நாம் தமிழர் கட்சியைத் தவிர்த்து பொதுவாக அரசியல் இயக்கங்களில், அமைப்புகளில் செயல்பட்டுவரும் பலரும் சீமானை ஆதரித்தும் எதிர்த்தும் கருத்துகளைத் தெரிவித்து வருகின்றனர். `மநு ராஜாவிற்கு எதிராகவும், ஆ ராசாவுக்கு ஆதரவாகவும் வலுவாக அறிக்கை வெளியிட்டுள்ளார் நாம் தமிழர் கட்சித் தலைவர் சீமான். அவருக்கு எனது அன்பான பாராட்டு' மார்க்சிஸ்ட் கம்யூனிஸ்ட் கட்சியைச் சேர்ந்த அருணன் பாராட்டி கருத்துத் தெரிவித்துள்ளார். அதேபோல, சீமானுக்கு இருக்கும் தைரியம் திமுக தலைமைக்குத் தேவை எனவும் ஒருசிலர் கருத்துத் தெரிவித்துள்ளனர். அதேவேளை, ராசாவை சீமான் ஆதரிப்பது ஆர்.எஸ்.எஸ் அஜென்டா. அது திமுகவை டேமேஜ் செய்வதற்காகவே ஆதரிக்கிறார் என்றும் ஒருசிலர் கருத்துத் தெரிவித்து வருகின்றனர். ஆகமொத்தம், ராசாவுக்கு ஆதரவாக சீமான் பற்றவைத்த நெருப்பு சமூக வலைதளங்களில் பற்றியெரிந்து கொண்டிருக்கிறது. ஆ.ராசாவுக்கு ஆதரவாக களமிறங்கிய சீமான் - ரியாக்‌ஷன்கள் என்னென்ன? | Seeman support A. Raja - what were the reactions? (vikatan.com)
  19. போதைப்பொருள் பாவனையும் அது தொடர்பான சமுதாய சீர்கேடுகளும் இலங்கையின் ஏனைய பிரதேசங்களைப் போன்று வடமாகாணத்திலும் துரிதமாகப் பரவி வருவது அண்மைய நாட்களில் மிக வேதனையுடன் அவதானிக்கப்படுகிறது என யாழ்ப்பாணம் போதனா வைத்தியசாலையின் அரச வைத்திய அதிகாரிகள் சங்கத்தினர் தெரிவித்துள்ளனர். யாழ்ப்பாணம் போதனா வைத்தியசாலையின் அரச வைத்திய அதிகாரிகள் சங்கத்தினர் வெளியிட்டுள்ள ஊடக அறிக்கையிலேய இந்த விடயம் தெரிவிக்கப்பட்டுள்ளது. மேலும் அந்த அறிக்கையில், போதைப்பொருள் பாவனை பாடசாலைகளினுள் மாத்திரமன்றி, வைத்தியசாலைகள் வளாகங்ககளினுள்ளும் உள்நுழைய தொடங்கி உள்ளது. காலத்தில் தனிமனித ஒழுக்கத்திலும் நற்பண்புகளிலும் இலங்கையின் ஏனைய பகுதிகளுக்கு முன்னுதாரணமாய்த் திகழ்ந்த வடபிரதேசம் இன்று போதை அரக்கனின் கோரப்பிடியில் சிக்குண்டு தனது சுயத்தையும் மாண்புகளையும் இழந்து நிற்கின்றது. போதைப்பாவனையின் நேரடி மற்றும் மறைமுக விளைவுகளால் வைத்தியசாலைகளில் அனுமதிக்கப்படுவோரின் எண்ணிக்கை சடுதியாக அதிகரித்துச் செல்கிறது. உடல்ரீதியான பாதிப்புக்களுக்கு மேலதிகமாக உளரீதியான மற்றும் சமூக ரீதியான பாதிப்புக்கள் நீண்டகாலத் தாக்கத்தை ஏற்படுத்த வல்லதாய் உணரப்படுகின்றன. போரினால் சிதைவடைந்த வட இலங்கையின் மீள் உருவாக்கத்தின் ஆன்மாவாய் கருதப்படும் இளம் சமுதாயம் போதையின்பால் அடிமையுண்டு தானும் அழிந்து தன் நாட்டையும் அழிவிற்குட்படுத்துவது வேதனையின் உச்சம். போதையுடன் தொடர்புடைய குற்றங்களில் நாளாந்தம் அடையாளப்படுத்தப்படும் பாடசாலை மாணவர்களின் எண்ணிக்கை நாளைய பிரளயத்தை கட்டியம் கூறி நிற்கின்றது. இது நாம் விரைந்து செயற்படவேண்டிய தருணம்.போதைப்பொருள் பாவனைக்கு எதிரான பரந்துபட்ட கட்டமைப்பை உருவாக்கி விழிப்புணர்வை ஏற்படுத்துவது எமது அனைவரினதும் கடமையாகும். போதைப்பொருள் பாவனையை தடுத்தல் என்பது தனியே போதைப்பொருள் பாவனையாளர்களை இனங்கண்டு சிகிச்சை அளிப்பதுடன் முடிந்து விடுவதில்லை. போதைப்பொருள் நுகர்வோரை இனங்காணுதல், அவர்களுக்கு சிகிச்சை அளித்தல், அவர்கள் மீண்டும் தமது பழைய வாழ்க்கைக்குத் திரும்புவதை உறுதிசெய்தல், மீளவும் போதைப் பழக்கத்துக்குற்படாத வகையிலான அகப்புறச் சூழ்நிலைகளை உருவாக்குதல் மற்றும் தொடர் கண்காணிப்பு வலையமைப்பை ஏற்படுத்துதல் உள்ளடங்கலான ஓர் பல்பரிமாணப் பொறிமுறையாகும்.இப் பொறிமுறைகளை உருவாக்கி வெற்றிகரமாகச் செயற்படுத்துவதன் மூலம் மாத்திரமே போதைப்பொருள் பாவனைக்கு எதிரான நிலைபேறான வேலைத்திட்டங்களை முன்னெடுக்க முடியும். இதனை நிறைவேற்றுவதில் வைத்தியர்களாகிய எமக்குள்ள தார்மீகக் கடைமையை உணர்ந்துள்ள நாம், தனியே சிகிச்சை அளிப்பதுடன் மாத்திரம் நின்றுவிடாது ஏனைய அனைத்துப் பொறிமுறைகளினூடும் எமது நேரடியான பங்களிப்பை நல்குவதென்னும் தீர்க்கமான முடிவினை மேற்கொண்டுள்ளோம். இதற்கு அனைத்து பொறுப்புமிக்க அதிகாரிகள், பெற்றோர் பொதுமக்கள் மற்றும் ஊடகத் துறையினரின் மேலான ஒத்துழைப்பையும் வேண்டி நிற்கின்றோம் – என்றுள்ளது. வடமாகாணத்தில் துரிதமாகப் பரவிவரும் போதைப்பொருள் பாவனை | Virakesari.lk
  20. யாழ்ப்பாணம் காரைநகர் கடற்பரப்பில் வைத்து எட்டு தமிழக மீனவர்களை கடற்படையினர் கைது செய்துள்ளதுடன் , அவர்களின் படகினையும் மீட்டுள்ளனர். ஒரு படகில் 8 தமிழக மீனவர்கள் எல்லை தாண்டி காரைநகர் கடற்பரப்பினுள் நுழைத்து மீன் பிடியில் ஈடுபட்டிருந்த வேளை , அப்பகுதியில் சுற்றுக்காவல் பணியில் ஈடுபட்டிருந்த கடற்படையினாரால் கைது செய்யப்பட்டுள்ளனர். கைது செய்யப்பட்ட 08 மீனவர்களையும் அவர்களின் படகினையும் மேலதிக நடவடிக்கைகளுக்காக யாழ்.மாவட்ட கடற்தொழில் நீரியல் வளத்துறை அதிகாரிகளிடம் கையளிக்கப்படவுள்ளனர். யாழில் 8 தமிழக மீனவர்கள் கைது | Virakesari.lk
  21. By T. SARANYA 20 SEP, 2022 | 05:02 PM தனுஷ்கோடி அடுத்த இரண்டாம் மணல் திட்டில் உணவின்றி குழந்தைகளுடன் தஞ்சமடைந்த இலங்கை தமிழர்கள் 12 பேரை இன்று செவ்வாய்க்கிழமை காலை பத்திரமாக மீட்ட இந்திய கடலோர காவல்படையினர் மீட்டுள்ளனர். நாட்டில் ஏற்பட்டுள்ள கடும் பொருளாதார வீழ்ச்சி காரணமாக தமிழர்கள் தனுஷ்கோடி கடல் வழியாக தமிழகத்திற்குள் அகதிகளாக சென்ற வண்ணம் உள்ளனர். தனுஷ்கோடி அடுத்துள்ள இரண்டாம் மணல் திட்டில் குழந்தைகளுடன் இலங்கை தமிழர்கள் உணவின்றி தவித்து வருவதாக மீனவர்கள் அளித்த தகவலின் அடிப்படையில் இந்திய கடலோர காவல் படைக்கு சொந்தமான ஹோவர் கிராப்ட் ரோந்து கப்பலில் இந்திய கடலோர காவல்படை வீரர்கள் விரைந்து சென்று மணல் திட்டில் தஞ்சமடைந்திருந்த இலங்கை தமிழர்களை பத்திரமாக மீட்டு அரிச்சல்முனை அழைத்து வந்து ராமேஸ்வரம் மரைன் காவல் நிலைய பொலிஸாரிடம் ஒப்படைத்தனர். மரைன் பொலிஸார் நடத்திய விசாரணையில் இலங்கை யாழ்ப்பாணம் பகுதியை சேர்ந்த கலைக்குமார், ஆனந்தினி, தில்லையம்மாள் மற்றும் மட்டக்களப்பை சேர்ந்த சசிகரன், கலை செல்வி உள்ளிட்ட 12 பேரும் தமிழகத்தில் உள்ள அகதிகள் முகாமில் தங்கியிருந்து பின் 2019 ஆம் ஆண்டு மீண்டும் இலங்கை சென்ற நிலையில் பொருளாதார நெருக்கடி காரணமாக மீண்டும் இன்று செவ்வாய்க்கிழமை அதிகாலை (20) அதிகாலை ஒரு படகில் புறப்பட்டு தனுஷ்கோடி இரண்டாம் மணல் திட்டில் சென்று இறங்கியதாக தெரிவித்துள்ளனர். பட்டினி சாவில் இருந்து உயிரை காப்பாற்றி கொள்ள இலங்கையை சேர்ந்த ஒருவரிடம் வீட்டில் உள்ள நகைகளை விற்று பணம் 2 இலட்சம் ரூபாய் கொடுத்து படகில் தமிழகத்திற்கு அகதிகளாக வந்ததாக தெரிவித்துள்ளனர். தங்களை அழைத்து வந்த படகு தனுஸ்கோடி முதல் திட்டில் இறக்கிவிட்டு சென்றதாகவும், காலை முதல் உணவின்றி தவித்து வந்த நிலையில் அருகில் மீன் பிடித்து கொண்டிருந்த மீனவர்களிடம் காப்பாற்றுமாறு உதவி கோரிய நிலையில்; எங்களை இந்திய கடலோர காவல் படை வீரர்கள் பத்திரமாக மீட்டதாக தெரிவித்தனர். பாதுகாப்பு வட்டார அதிகாரிகள் நடத்திய விசாரணைக்கு பின் இவர்கள் அனைவரும் மண்டபம் அகதிகள் முகாமில் தங்கவைக்கப்பட்டனர். கடந்த மார்ச் மாதம் 22 ஆம் திகதி முதல் இன்று (20) வரை இலங்கையில் இருந்து 169 இலங்கை தமிழர்கள் அகதிகளாக தமிழகம் வந்துள்ளது குறிப்பிடத்தக்கது. மேலும் 12 இலங்கையர்கள் தமிழகத்தில் தஞ்சம் | Virakesari.lk
  22. By T. SARANYA 20 SEP, 2022 | 03:11 PM 3 ஆம் சார்ள்ஸ் மன்னருடன் ஜனாதிபதி ரணில் விக்கிரமசிங்க சிநேகபூர்வமாக சந்தித்து உரையாடினார். இரண்டாம் எலிசபெத் மகாராணியின் இறுதிச் சடங்கில் கலந்துகொள்வதற்காக லண்டன் சென்றுள்ள உலக தலைவர்களுக்கும் மூன்றாம் சார்ள்ஸ் மன்னருக்கும் இடையிலான சந்திப்பு பக்கிங்ஹாம் அரண்மனையில் கடந்த 18 ஆம் திகதி நடைபெற்றது. இதில் கலந்துகொண்ட ஜனாதிபதி ரணில் விக்ரமசிங்க, மூன்றாம் சார்ள்ஸ் மன்னருடன் சிநேகபூர்வமாக உரையாடலில் ஈடுபட்டார். இந்நிகழ்வில் முதல்பெண்மணி சிரேஷ்ட பேராசிரியர் மைத்திரி விக்ரமசிங்கவும் கலந்துகொண்டார். 3 ஆம் சார்ள்ஸ் மன்னருடன் ஜனாதிபதி ரணில் சிநேகபூர்வ சந்திப்பு | Virakesari.lk
  23. தற்போதுள்ள நெருக்கடிக்களை வெற்றிகொண்டு, வளமான தேசத்தைக் கட்டியெழுப்ப அனைவரும் ஒன்றிணைந்து போராட வேண்டும் என்று பிரித்தானிய வாழ் இலங்கையர்களிடம் ஜனாதிபதி ரணில் விக்ரமசிங்க தெரிவித்துள்ளார். அத்துடன், புலம்பெயர் அலுவலகப் பணிகள் உள்ளிட்ட இலங்கையில் உள்ள புதிய முதலீட்டு வாய்ப்புக்களைப் பயன்படுத்திக் கொள்ளுமாறும் ஜனாதிபதி அழைப்பு விடுத்துள்ளார். வடக்கில் காணப்படும் காணிப்பிரச்சினை, காணாமற்போனவர்கள் தொடர்பான பிரச்சினை ஆகியவற்றுக்குத் தீர்வு காண வேண்டும் என்றும் அதிகாரப் பகிர்வின் சில அடிப்படைகள் குறித்து கவனம் செலுத்தப்பட வேண்டும் என்றும் ஜனாதிபதி இதன்போது சுட்டிக்காட்டினார். இரண்டாம் எலிசபெத் மகாராணியின் இறுதிச் சடங்கில் கலந்துகொள்ள பிரித்தானியாவிற்கு சென்றுள்ள ஜனாதிபதி ரணில் விக்ரமசிங்க அவர்களுக்கும் பிரித்தானிய வாழ் புலம்பெயர் இலங்கையர்களுக்கும் இடையில் நேற்று (19) பிற்பகல் சந்திப்பொன்று நடைபெற்றது. பிரித்தானியாவிலுள்ள இலங்கை உயர்ஸ்தானிகராலயத்தினால் ஏற்பாடு செய்யப்பட்டிருந்த இந்தக் கூட்டத்தில் பிரித்தானிய வாழ் இலங்கை வர்த்தகர்கள், முதலீட்டாளர்கள், தொழில் வல்லுநர்கள் உட்பட பலரும் கலந்துகொண்டனர். புதிய அரசாங்கத்தின் எதிர்கால திட்டங்கள் குறித்து இதன்போது விளக்கமளித்த ஜனாதிபதி ரணில் விக்ரமசிங்க, இலங்கையில் உள்ள புதிய முதலீட்டு வாய்ப்புகளில் இணைந்து கொள்ளுமாறு பிரித்தானிய வாழ் இலங்கையர்களுக்கு அழைப்பு விடுத்தார். பிரித்தானியாவின் புதிய மன்னரின் தலைமையில் பொதுநலவாய நாடு என்ற வகையில், எதிர்கால சவால்களை இலங்கை வெற்றிகொள்ளும் என்றும் ஜனாதிபதி நம்பிக்கை வெளியிட்டார். இங்கு மேலும் குறிப்பிட்ட ஜனாதிபதி, எதிர்காலத்தில் நாம் எவ்வாறு செயற்படுவது என்பது குறித்து பொதுநலவாய செயலாளர் நாயகத்துடன் கலந்துரையாடவுள்ளோம். பொதுநலவாய அமைப்பு வலுவடைந்து முன்னேறிச் செல்ல வேண்டும் . அதேபோன்று இங்கிலாந்திற்கு உள்ள பிரச்சனைகளை அவர்கள் வெற்றிகரமாக தீர்த்துக் கொள்வார்கள். இங்கிலாந்து எங்களுடன் நீண்டகால நட்பு கொண்டுள்ளது. எமது நாடு ஐக்கிய இராச்சியத்தின் ஆட்சியின் கீழ் இருந்தபோதும், சுதந்திர நாடாக நாம் இங்கிலாந்துடன் சிறந்த உறவுகளை பேணி வருகிறோம். எங்கள் உறவு நீண்ட காலமாக தொடர்கிறது. இங்கிலாந்துடன் உடன்படும் சந்தர்ப்பங்களைப் போன்றே, உடன்படாத சந்தர்ப்பங்களும் இருக்கின்றன. ஆட்சியில் இருப்பது தொழிற்கட்சி அல்லது கன்சர்வேடிவ் கட்சி அல்லது கூட்டணியென எதுவாக இருந்தாலும் , நாங்கள் இங்கிலாந்துடனான எமது உறவை தொடர்ந்து பேணவே விரும்புகிறோம். எமது நாடு பொருளாதார ரீதியாக வீழ்ச்சியடைந்துள்ளது என்பது இரகசியமல்ல. இந்தப் பிரச்சினையை நாமே தீர்க்க வேண்டும். சர்வதேச நாணய நிதியத்துடனான பேச்சுவார்த்தைகள் ஏற்கனவே ஆரம்பிக்கப்பட்டுள்ளன. IMF உடனான அதிகாரிகள் மட்ட ஒப்பந்தத்தில் ஏற்கனவே கையெழுத்திட்டுள்ளோம். நாம் இந்தியா, சீனா, ஜப்பான் ஆகிய நாடுகளுடனும் தனியார் கடன் வழங்குநர்களுடனும் பேச்சு நடத்த வேண்டும். நாம் பெற்றுள்ள கடன்களையும் அடைக்க வேண்டும். கடனை அடைப்பதற்கு இன்றிலிருந்து 25 ஆண்டுகள் வரை செல்லும். அதாவது 2048 இல், இலங்கை சுதந்திரம் பெற்று 100 ஆண்டுகள் நிறைவடையும் சந்தர்ப்பத்தில் இலங்கை சுபீட்சமான நாடாக உருவாக முடியும். அச்சமயத்தில் நம்மில் பலர் உயிருடன் இருக்கமாட்டோம். ஆனால் அதற்கு பங்களித்தவர்களாக இருப்போம். அரசியல் செயற்பாடுகளில் இளைய தலைமுறையினரின் கருத்துக்களை எப்படி உள்வாங்குவது என்பதில் கவனம் செலுத்த வேண்டும். உங்களுக்கு ஜனநாயகம் வேண்டும் என்றால் நிலையான ஆட்சி, ஒழுக்கம் மற்றும் சட்டத்தின் ஆட்சி என்பன இருக்க வேண்டும். வீடுகளை எரிப்பதா அல்லது அலுவலகங்களைக் கைப்பற்றுவதா என்பதை நீங்கள் தீர்மானிக்க முடியாது. அது ஜனநாயகம் அல்ல. ஜனநாயகம் என்பது சட்டத்தின் ஆட்சியின் கீழ் செயல்படுவதாகும். கடந்த மார்ச் மற்றும் ஏப்ரல் மாதங்களில் சில தரப்பினர் வன்முறையில் ஈடுபட்டனர். நாம் அவர்களின் கருத்துக்களை கண்காணிப்புக் குழுக்களில் சேர்த்துள்ளோம். பாராளுமன்றத்தில் 19 கண்காணிப்புக் குழுக்கள் உள்ளன. அவற்றில் ஐந்து இளைஞர் பிரதிநிதிகளை நியமிக்க இருக்கிறோம். வேறு எந்த நாடும் அவ்வாறு செய்தது கிடையாது. கண்காணிப்புக் குழுவால் அனுப்பப்படும் எந்த அறிக்கைக்களுடனும் மேலதிக ஆவணமாக இளைஞர்களின் கருத்துக்களை சமர்ப்பிக்கலாம். எதிர்காலத்தை கருத்திற் கொண்டு அவர்களின் தேவைகளின் பிரகாரம் நாட்டை மாற்றி அமைத்துக் கொள்ள வேண்டும். அவர்களை இணைத்துக் கொள்ளக் கூடிய பல்வேறு வழிகளைக் கண்டறிய வேண்டும். கரு ஜயசூரிய மற்றும் விக்டர் ஐவன் ஆகியோர் கிராம சேவகர் மட்டத்தில் மக்கள் சபைகளை உருவாக்கும் முயற்சியில் ஈடுபட்டுள்ளனர். வடக்கில் காணப்படும் காணிப்பிரச்சினை, காணாமற்போனவர்கள் தொடர்பான பிரச்சினை, அவர்களுக்கு உரிய நட்டஈடு வழங்குவது தொடர்பில் எழுந்துள்ள பிரச்சினை என்பவற்றுக்கு தீர்வு வழங்க வேண்டும். அதிகாரப் பகிர்வின் சில அடிப்படைகளைக் கவனிக்க வேண்டும். 2018ஆம் ஆண்டு அரசியலமைப்பை திருத்த நாம் நடவடிக்கை எடுத்தபோது வடக்கு கிழக்குக்கு வெளியில் உள்ள ஏழு முதலமைச்சர்களும் எதிர்க்கட்சித் தலைவரும் யோசனைகளை முன்வைத்தது மகிழ்ச்சியளிக்கிறது. வடக்கு, கிழக்கு பாராளுமன்ற உறுப்பினர்களும், முதலமைச்சர்களும் அதற்கு உடன்பட்டுள்ளதால் எமக்கு அதனை தொடர முடியும். அதனை நிறைவேற்ற முடியும் என்றும் நம்புகிறேன். நாம் அனைவரும் ஒன்றிணைந்து வளமான தேசமாக எமது நாட்டை மாற்ற வேண்டும். இங்கே வாழ்வதால் நீங்கள் வெற்றி அடைந்திருப்பீர்கள். இங்கு வாழும் சுமார் 500,000 இலங்கையர்கள், தங்களை முதல் அல்லது இரண்டாம் தலைமுறை இலங்கையர்களாக அடையாளப்படுத்துகின்றனர். வெளிநாட்டில் வாழும் இலங்கையர்கள், புலம்பெயர் மக்களாக அழைக்கப்படுகின்றனர். புலம்பெயர் அலுவலகம் ஒன்றை ஆரம்பிப்பதற்கான பணி முன்னெடுக்கப்படுகிறது. வெளிவிவகார அமைச்சு அதைச் செயல்படுத்தி வருகிறது. அது ஜனாதிபதியின் அலுவலகத்தின் கீழ் இருக்கும். சில காலங்களின் பின்னர் அது வெளிவிவகார அமைச்சின் கீழ் கொண்டுவரப்படும். ஆனால் இந்த அலுவலகம் வெற்றிபெற வேண்டும் என்று நாங்கள் விரும்புகிறோம். நாம் அனைவரும் இதில் கைகோர்க்க வேண்டும். வடக்கில் மட்டுமல்ல தெற்கிலும் முதலீடு செய்ய முடியும். உங்களில் சிலருக்கு தெற்கு அல்லது கிழக்கில் தொடர்புகள் இருக்கலாம். அவர்களுக்கு உதவியளிக்க விரும்பலாம். அதில் எந்த பிரச்சினையும் இல்லை. உங்களால் முடிந்த விதத்தில் இலங்கைக்கு உதவுங்கள்’’ என்று ஜனாதிபதி தனது உரையில் தெரிவித்தார். ஐக்கிய இராச்சியத்திற்கு தனிப்பட்ட விஜயமொன்றை மேற்கொண்டுள்ள ஜனாதிபதியின் ஆலோசகரும் ஐக்கிய தேசியக் கட்சியின் பிரதித் தலைவருமான ருவன் விஜேவர்தன, முதற் பெண்மணி சிரேஷ்ட பேராசிரியர் மைத்திரி விக்ரமசிங்க, இலங்கை உயர்ஸ்தானிகர் சரோஜா சிறிசேன ஆகியோரும் இந்நிகழ்வில் கலந்துகொண்டனர். பிரித்தானிய வாழ் புலம்பெயர் இலங்கையருக்கு ஜனாதிபதி விடுத்துள்ள அழைப்பு | Virakesari.lk
  24. தமிழகம் – திண்டுக்கல்லில் உள்ள இலங்கைத் தமிழர் மறுவாழ்வு முகாமை மாதிரியாகக் கொண்டு, தமிழகம் முழுவதும் வீடுகளை நிர்மாணிக்க நடவடிக்கை எடுக்கப்படும் என அமைச்சர் செஞ்சி கே.எஸ். மஸ்தான் தெரிவித்துள்ளார். திண்டுக்கல் அடுத்துள்ள தோட்டனூத்து ஊராட்சிப் பகுதியில், முகாம்களில் வசிக்கும் இலங்கை தமிழர்களுக்காக 17.17 கோடி இந்திய ரூபா செலவில் 321 வீடுகளை நிர்மாணிக்கும் பணிகள் முடிவடையும் நிலையில் உள்ளதாக தெரிவிக்கப்பட்டுள்ளது. இந்தநிலையில், கட்டுமானப் பணிகளை, தமிழக சிறுபான்மையினர் நலம் மற்றும் வெளிநாட்டு வாழ் தமிழர்கள் நலத்துறை அமைச்சர் செஞ்சி கே.எஸ்.மஸ்தான் கண்காணித்துள்ளார். இதன்போது செய்தியாளர்களிடம் கருத்து வெளியிட்ட அவர், திண்டுக்கலில் நிர்மாணிக்கப்பட்டுவரும் 321 வீடுகளை மாதிரியாகக் கொண்டு, தமிழகத்தின் பிற பகுதிகளிலுள்ள முகாம்களில் வசிக்கும் இலங்கைத் தமிழர்களுக்கும் வீடுகள் நிர்மாணிக்கப்பட உள்ளதாக குறிப்பிட்டுள்ளார். கட்டுமானப் பணிகள் முடிவடைந்ததும், தமிழக முதல்வர் மு.க. ஸ்டாலின், இந்தக் குடியிருப்புகளை இலங்கைத் தமிழர்களின் பயன்பாட்டிற்காக திறந்து வைக்கவுள்ளதாகவும் அவர் கூறியுள்ளார். தமிழகம் முழுவதும் இலங்கை தமிழர்களுக்கு வீடுகள்! (newuthayan.com)
  25. விடுதலைப்புலிகளை மீண்டும் தாலாட்டுவதற்கு முற்படும் விக்னேஸ்வரன் பைத்தியமாகத் தான் இருக்க வேண்டும் என சரத் பொன்சேகா கடுமையாக சாடியுள்ளார். புலம்பெயர் தமிழ் அமைப்புக்கள் மீதான தடை நீக்கப்பட்டது போல், தமிழீழ விடுதலைப்புலிகள் மீதான தடையும் நீக்கப்பட வேண்டும் என்று தமிழ் மக்கள் தேசியக் கூட்டணியின் தலைவர் சி.வி.விக்னேஸ்வரன் கூறிய கருத்துக்கு பதில் கருத்துத் தெரிவிக்கும் போதே அவர் இவ்வாறு தெரிவித்துள்ளார். இது தொடர்பில் ஊடகங்களுக்கு தொடர்ந்தும் கருத்துத் தெரிவித்த அவர், “தமிழீழ விடுதலைப்புலிகளுக்காகக் குரல் கொடுக்கும் விக்னேஸ்வரன் பைத்தியக்காரனாகவே இருக்க வேண்டும்” என ஐக்கிய மக்கள் சக்தியின் நாடாளுமன்ற உறுப்பினர் பீல்ட் மார்ஷல் சரத் பொன்சேகா தெரிவித்துள்ளார். மேலும் அவருக்கு வயதுபோய் விட்டது. முன்னர் நீதியரசர் பதவியை வகித்தவரே விக்னேஸ்வரன். அப்படியிருந்தும் எதற்காக அவர் இப்படிக் கதைக்கின்றார். அவர் கூறும் வழியில் எமக்கு டொலர் தேவையில்லை” எனவும் தெரிவித்துள்ளார்.. விக்னேஸ்வரன் பைத்தியக்காரனாகத் தான் இருக்க வேண்டும் - கடும் சீற்றத்தில் பொன்சேகா! (newuthayan.com)
×
×
  • Create New...

Important Information

By using this site, you agree to our Terms of Use.