போல்

தேர்தல்களின் போது செலவிடுவதற்காக இலங்கைத் தமிழரசுக் கட்சிக்குக் கனடா உட்பட வெளிநாடுகளில் இருந்து கோடிக் கணக்கான ரூபா பணம் கொட்டுகின்றது. அக்கட்சியின் பொறுப்புள்ள பிரமுகர்களே இந்த தகவலை பகிரங்கமாக வெளியிட்டுள்ள நிலையில் சட்ட திட்டங்களுக்கு அமைவாக இந்த நிதி வெளிநாடுகளில் இருந்து அரசியல் கட்சி ஒன்றுக்கு வந்து சேருகின்றதா? அது உரிய முறையில் தணிக்கைக்கு உட்படுத்தப்படுகின்றதா என்பது பற்றிய விசாரணைகளை அதிகார வர்க்கம் ஆரம்பிக்கும் சூழல் இருப்பதாக அறிய வருகின்றது. தமிழரசுக் கட்சியின் திருகோணமலை மாவட்டக் கிளையின் தற்போதைய தலைவர் கதிரவேலு குகதாசன். மூன்று ஆண்டுகளுக்கு முன்னர் வரை கனடாவில் உயர்பதவியில் இருந்தவர். கனடா தமிழ்த் தேசியக் கூட்டமைப்பு தலைவர் உட்படப் பல பொறுப்பு வாய்ந்த பதவிகளை வகித்தவர். இப்போது தமிழ்த் தேசியக் கூட்டமைப்பின் தலைவர் இரா.சம்பந்தனின் வலதுகரமாக திருகோணமலையில் செயற்படுபவர். அவர் 2009இல் யுத்தம் முடிந்த பின்னர் தமிழரசுக் கட்சியினரின் தேர்தல் செலவுகளுக்காகத் தானே சில கோடி ரூபாக்களை கொடுத்தார் என தெரிவித்துள்ளார். அதில் அவர் 2009இற்குப் பின்னர் நடந்த அனைத்து நாடாளுமன்றத் தேர்தல்கள், மாகாணத் தேர்தல்கள், உள்ளூராட்சித் தேர்தல்கள் ஒவ்வொன்றிற்கும் அனைத்துத் தமிழரசுக் கட்சியினருக்கும் தேர்தல் செலவுகளுக்காக சில கோடி ரூபாக்கள் நிதியை வழங்கியுள்ளேன் என்று கூறியிருந்தார். இதே சமயம் இலங்கைத் தமிழரசுக் கட்சியின் உத்தியோகபூர்வ இணையத்தளமான புதிய சுதந்திரன் இந்தத் தகவலை தற்போது உறுதிப்படுத்தியுள்ளது. அதில் குகதாசன் சொல்லியது போல 2009ஆம் ஆண்டு யாழ்ப்பாண மாநகர சபை, வவுனியா நகர சபை போன்றவற்றுக்கு நடந்த தேர்தல் தொடங்கி இற்றைவரை நாடாளுமன்ற, மாகாண சபை, உள்ளூராட்சி மன்ற தேர்தல் செலவுக்கு கனடா தமிழ்த் தேசியக் கூட்டமைப்பு சில கோடிகளைக் கொடுத்து உதவியிருக்கின்றது . அதில் குகதாசனின் முற்சி அளப்பரியது. தேர்தலுக்கு மட்டுமல்ல வட, கிழக்கில் வாழும் தமிழ் மக்களது பொருளாதார மேம்பாட்டுக்கும் சில கோடிகளை இது வரை கனடா த.தே.கூ திரட்டிக் கொடுத்துள்ளது என்று கட்சியின் பிரமுகர் நக்கீரன் என்பவர் சுட்டிக்காட்டியுள்ளார். இதேசமயம் நேற்று முன்தினம் கிளிநொச்சியில் நடைபெற்ற தமிழரசுக் கட்சியின் மத்திய செயற்குழுக் கூட்டத்தில் இந்த விடயத்தையொட்டிப் பேசப்பட்ட விவகாரங்களை இணையத்தளம் ஒன்று விளாவாரியாக வெளியிட்டது. அதன் விபரங்களாவன, இலங்கைத் தமிழ் அரசுக் கட்சிக்கு தேர்தல் காலத்தில் வழங்கப்படும் நிதி தொடர்பாக மத்திய செயற்குழு கூட்டத்தில் பெரும் களேபரம் ஏற்பட்டுள்ளது. இதன் உச்சக்கட்டமாக கட்சித் தலைவர் மாவை சேனாதிராசா, தனது மகன் கலையமுதனை நோக்கி “உன்னை வெளியாலே கலைப்பேன்” என எச்சரித்த சுவாரஷ்ய சம்பவமும் இடம்பெற்றதை குறித்த இணையம் அறிந்துள்ளது. இலங்கைத் தமிழ் அரசுக் கட்சியின் மத்திய செயற்குழு கூட்டத்தில் இந்த சம்பவம் நடந்தது. அந்த சம்பவத்தைக் குறிப்பிட முன்னர் ஒரு பின்னணித் தகவல்... கனடாவிலுள் சில நபர்கள் பணத்தை வீசியெறிந்து இலங்கையில் கூலிப்படை அரசியல் செய்ய முனைவது தொடர்பாக குறித்த இணைய பக்கத்தில் ஏற்கனவே பல முறை சுட்டிக்காட்டப்பட்டுள்ளது. பல புலம்பெயர் அமைப்புக்கள் பணத்தை வீசியெறிந்து பல குழுக்களை இயக்குவதை போல கனடாவிலுள்ள சிறிய குழுவொன்றும் தமிழ் அரசுக் கட்சியின் ஒரு சிறிய குழுவிற்குப் பணத்தை வீசியெறிந்து இயக்க வருவதைப் பற்றிய பல தகவல்களை குறித்த இணையம் பல முறை சுட்டிக்காட்டியிருந்தது. அந்தக் குழுவின் அனுசரணையிலேயே வடமாகாணசபையில் குழப்பம் ஏற்படுத்தப்பட்டு விக்னேஸ்வரனிற்கு எதிரான நம்பிக்கையில்லாப் பிரேரணை கொண்டு வரப்பட்டது. அஸ்மின், சயந்தன், ஆர்னோல்ட், சத்தியலிங்கம், சாணக்கியன் ஆகியோரை அந்த குழு போஷித்து பலப்படுத்த முயற்சித்து வருகின்றது. தேர்தல் காலத்தில் இந்த குழு கனடாவில் பணம் சேகரித்து சுளையாக அனுப்புவது வழக்கம். அந்த குழுவின் கனடா செயற்பாட்டாளராக இருந்த குகதாசன் என்பவர் இறக்குமதியாகி தற்போது திருகோணமலை நாடாளுமன்றத் தேர்தலில் களமிறங்கவுள்ளார். பணம் பாதாளம் வரை பாயுமென்ற நம்பிக்கையில் திருகோணமலையில் பழைய கட்சி செயற்பாட்டாளர்களையெல்லாம் தூக்கி வீசிவிட்டு தனித்து வில் வாசிக்க முயன்று தற்போது சிக்கிப் போயுள்ளார். அவருக்கும் திருகோணமலையில் கட்சி செயற்பாட்டாளர்களுக்குமிடையே இணக்கப்பாட்டை ஏற்படுத்தும் சந்திப்பு சம்பந்தன் தலைமையில் இன்று நடக்கவுள்ளது. அவர் அண்மையில், தானே கேள்வியெழுப்பி தானே விடையளித்து ஒரு கேள்வி பதில் அறிக்கையை பத்திரிகைகளில் வெளியிட்டிருந்தார். அதில் நான் சில கோடி ரூபாயை கட்சிக்காக வழங்கியிருக்கின்றேன் என குறிப்பிட்டுமிருக்கின்றார். இந்த அறிக்கையை படித்த கட்சியின் நிர்வாகிககள் அப்படி சில கோடி ரூபாக்கள் அவரால் கட்சிக்கு வழங்கப்பட்டதா என வினவியுள்ளனர். இந்த விவகாரம் கட்சியின் பொருளாளர் வரைப் போனது. குகதாசனிடமிருந்து ஒரு சதமும் கட்சியின் பொருளாளரிடம் வரவில்லை. பொருளாளரிற்கு வராமல் கட்சிக்குப் பணம் வர சாத்தியமில்லையே. இதையடுத்து கட்சியின் செயலாளர் மற்றும் பல பிரமுகர்களிற்கு பொருளாளர் தரப்பிலிருந்து இந்த விடயத்தைச் சுட்டிக்காட்டிக் கடிதம் அனுப்பப்பட்டிருந்தது. கட்சி செயலாளரும் கனடா குரூப் ஆள்தான். கடிதத்தைப் பார்த்து விட்டு அவரும் கப்சிப்பாக இருந்து விட்டார். இதையடுத்தே இந்த விவகாரம் நேற்று கட்சியின் மத்திய செயற்குழுவில் எழுப்பப்ட்டது. கட்சியின் பொருளாளர் கனகசபாபதி இந்த அறிக்கையை சுட்டிக்காட்டி அப்படி கட்சிக்கு பணம் வழங்கினீர்களா? யாரிடம் வழங்கினீர்கள் எனக் கேட்டார். நான் பணம் வழங்கினேன் என சுயதம்பட்டம் அடித்தே தேர்தலில் வெற்றிப் பெறலாமென நினைத்தோ என்னவோ குகதாசன் சொன்னது இப்படி மாறுமென அவர் எதிர்பார்க்கவில்லை. விக்கித்துப் போனார். கேள்விக்கு பதில் சொல்ல முடியாமல் திண்டாட சுமந்திரன் அவருக்கு ஆதரவாக களமிறங்கி அந்த பணத்தை நான்தான் வாங்கினேன் என்றார். அப்படியென்றால் அந்த பணம் எங்கே, அதற்கான கணக்கு என்ன? என கூட்டத்திலிருந்த பலரும் கேள்வியெழுப்பினர். கட்சியின் பொருளாளர் இருக்க தனிநபர்கள் ஊடாக இப்படியான பணக் கொடுக்கல் வாங்கலின் தேவை என்ன, இதன் நேர்மைத் தன்மையை எப்படி ஏற்றுக் அகொள்வது என கேள்வி எழுப்பினார். கனேடிய தமிழ் காங்கிரஸ் வழங்கிய பணத்தை தான் வழங்கியதாக குகதாசன் பாவனை பன்னுகிறார், பகிரங்க அறிக்கை விடுகின்றார், அவர்மீது ஒழுக்காற்று நடவடிக்கை எடுங்கள் என்றும் வலியுறுத்தினார். முறையற்ற நிதி பரிமாற்றத்திற்கு மாவை சோனாதிராசாவின் மகன் கலையமுதன் கடும் எதிர்ப்பை தெரிவித்து அனைத்தும் முறைப்படி கணக்கு நடவடிக்கைக்கு ஊடாக நடைபெற வேண்டுமென வலியுறுத்தினார். இதன்போது எம்.ஏ.சுமந்திரனுக்கும் அவருக்கும் வாய்த்தர்க்கம் ஏற்பட்டது. அது நாங்கள் கனடாவில் திரட்டிய பணம் என சுமந்திரன் குறிப்பிட்டார். தர்க்கம் பலமடைய கலையமுதனை உட்காரும்படி மாவை சேனாதிராசா பலமுறை குறிப்பிட்டார். எனினும் கலையமுதன் உட்காராமல் நியாயத்தை சுட்டிக்காட்டியபடி இருந்தார். இதனால் ஆத்திரமடைந்த மாவை சேனாதிராசா நீ இப்பொழுது இருக்காவிட்டால் உன்னை வெளியில் அனுப்புவேன் என எச்சித்தார். அந்தப் பணத்தில் மாகாண சபை தேர்தலில் ஒவ்வொரு வேட்பாளருக்கும் 6 இலட்சம் படி வழங்கியதாகவும் பங்காளிக் கட்சிகளிற்கும் வழங்கியதாகவும் சுமந்திரன் தெரிவித்தார். இறுதியில் ஏனையவர்கள் தலையிட்டு பழைய கதையை விடுவோம். இதை கிளறினால் கட்சிக்குத் தான் பாதிப்பு எனக் கூறி சமரசப்படுத்தி அந்தவிவகாரத்தை மூடி வைத்தனர். இதேபோல முல்லைத்தீவு இளைஞரணி பிரமுகர் பீற்றர் இளஞ்செழியன் நீதி விவகாரம் தொடர்பில் பேசி கட்சியின் வேட்புமனுக் குழுவிலுள்ள குறைப்பாட்டை சுட்டிக்காட்டினார். அனைத்து மாவட்டங்களின் பிரதிநிதிகளும் வேட்புமனு குழுவில் உள்வாங்கப்பட்டிருக்க மன்னார் மாவட்டத்தின் சார்ள்ஸ் நிர்மலநாதனை இணைக்காதமை தவறு, மன்னாரில் மத ரீதியான மோதல்கள் நடந்து வரும் நிலையில் அந்த பிரசேதத்தின் பிரதிநிதியும் குழுவில் இணைக்கப்பட வேண்டுமென அவர் கருத்து தெரிவித்த போது, நீ இரு. பேஸ்புக்கில் எல்லாம் கட்சியைப் பற்றி எழுதுகிறாய். உனக்கு எதிராக ஒழுக்காற்று நடவடிக்கை இருக்கிறது என மாவை குறிப்பிட, பீற்றர் இளஞ்செழியன் பொங்கியெழுந்தார். அவர் சரமாரியாக பேசியதில் மாவை திண்டாடி தனது 10 தம்பிகளையும் துணைக்கழைத்தும் பலன் கிட்டவில்லை. இறுதியில் ஏனையவர்கள் தலையிட்டு பீற்றர் இளஞ்செழியனை சமரசப்படுத்தி உட்கார வைத்தனர். இதேவேளை வடமராட்சியை சேர்ந்த தமிழ் அரசுக் கட்சியின் மகளிர் அணி பிரமுகர் ஒருவர் சில அதிர்ச்சித் தகவல்களை வெளியிட்டிருந்தார். கடந்த வாரம் திருகோணமலைக்கு தாம் பயணம் மேற்கொண்டதாகவும் இதன்போது 221 மில்லியன் ரூபா கனடாக் கிளை ஊடாக வழங்கப்பட்டதாக சில ஆவணங்களை பிரமுகர் ஒருவர் காண்பித்ததாகவும் தெரிவித்தார். https://www.tamilwin.com/politics/01/239473?ref=home-feed

முன்னாள் முதலமைச்சர் சி.வி.விக்னேஸ்வரன் தலைமையிலான தேசிய மக்கள் கூட்டணியின் பிரதிநிதிகள் மட்டக்களப்பு பிரஜைகள் குழுவை அண்மையில் மட்டக்களப்பு, மாமாங்கம் பிரதேசத்தில் வைத்து சந்தித்து பேச்சுவார்த்தை நடத்தியுள்ளார்கள். சுரேஸ் பிரேமச்சந்திரன், சிவசக்தி ஆனந்தன் உட்பட பலர் கலந்துகொண்ட அந்தச் சந்திப்பில், பிள்ளையானுடன் இணைந்து அடுத்த நாடாளுமன்றத் தேர்தலைச் சந்திக்க தமக்கு உதவுமாறு தமிழ் தேசிய மக்கள் கூட்டணியினர் கோரிக்கை முன்வைத்துள்ளார்கள். சிறைக்குச் சென்று பிள்ளையானை சந்திக்க தாம் தயார் என்றும் அவர்கள் அங்கு உறுதியளித்துள்ளார்கள். வடக்கும், கிழக்கும் இணைந்த ஆட்சி, 'தமிழ் தேசியம்' எனக் கூறி வரும் விக்னேஸ்வரன் தலைமையிலான அணி, வடக்கு கிழக்கு பிரிவுற்று , வெறுமனே தனிக் கிழக்கு மாகாணம் என்ற கொள்ளையில் அரசியல் செய்துவரும் பிள்ளையானுடன் எப்படி சேரமுடியும் என்று கேள்வி எழுப்புகின்றார்கள் தமிழ் தேசியவாதிகள். தேர்தல் வெற்றி, ஆசனம் என்று வருகின்றபோது கொள்கைகளைக் காற்றில் பறக்கவிடும் போக்கை, விக்னேஸ்வரன் தலைமையிலான த.தே.ம.கூட்டணியும் கடைப்பிடிப்பது கவலையளிப்பதாக கூறுகின்றார்கள் கிழக்கில் உள்ள பிரஜைகள் குழு பிரதிநிதிகள். https://www.tamilwin.com/politics/01/239501?ref=home-feed

சகல சிங்கள-பௌத்த போர்க்குற்றவாளிகளும் முழுமையாக தண்டிக்கப்படும் வரை, தமிழர்களுக்கு முழுமையான நீதி நியாயம் கிடைக்கும் வரை, தமிழீழ தனிநாடு அவசியம் என்ற ஏக்கம் தமிழ் மக்கள் மனதில் பெருகிக்கொண்டே போகும்.

அடுத்தடுத்த இரண்டு வருடங்களில் சிறுபோக நெற்செய்கை வாய்ப்பு கிடைத்தமை அங்கு வாழும் மக்களின் பொருளாதாரத்தை பலப்படுத்தும்.

அமைச்சு நாற்காலி கிடைக்கும் என்ற நப்பாசையில் போர்க்குற்றவாளிகள் மீது விதிக்கப்பட்ட பயணத்தடையை கண்டித்தவர் மனோ!

போர்க்குற்றவாளிகளின் சிங்கள-பௌத்த அரசாங்கம் தேர்தலில் வெற்றிபெற வற்புறுத்தி செய்யும் முன்னேற்பாடுகள்!

காணாமலாக்கப்பட்ட சங்கத்தின் பிரதிநிதிகள் மற்றும் தமிழ்த் தேசியக் கூட்டமைப்பின் யாழ்.மாவட்ட பாராளுமன்ற உறுப்பினர் சிவஞானம் சிறிதரன் உள்ளிட்டவர்கள் ஜெனீவா கூட்டத்தொடரில் பங்கேற்பதற்காக செல்லவுள்ளனர். வடக்கு கிழக்கு வலிந்து காணாமலாக்கப்பட்ட சங்கங்களின் தலைவி கலாஞ்சனி, செயலாளர் லீலா, மற்றும் அனந்த நடராஜா, மட்டக்களப்பு மாவட்ட வலிந்து காணாமலாக்கப்பட்ட உறவுகளின் சங்கத்தலைவி அமலநாயகி ஆகியோரும் ஜெனீவா நோக்கிச் செல்லவுள்ளனர். அடுத்துவரும் நாட்களில் ஜெனீவா செல்லும் இவர்கள் வலிந்து காணாமலாக்கப்பட்ட உறவுகளுக்கான பொறுப்புக்கூறலை இலங்கை அரசாங்கம் செய்வதற்கு சர்வதேச நாடுகள் அழுத்தங்களைப் பிரயோகிக்க வேண்டும் என்ற கோரிக்கையை முன்வைத்து ஐ.நா அரங்கினுள் கருத்துக்களை முன்வைக்கவுள்ளனர். அதேநேரம், பாராளுமன்ற உறுப்பினர் சிவஞானம் சிறிதரன் செவ்வாய்க்கிழமை ஜெனீவா நோக்கிச் செல்லவுள்ளதோடு தமிழ் மக்கள் சமகாலத்தில் முகங்கொடுக்கும் பிரச்சினைகள் உட்பட பாதிக்கப்பட்ட தரப்பினரின் கோரிக்கைகளை முன்னிலைப்படுத்தி கருத்துக்களை வெளிப்படுத்தும் வகையில் உரையாற்றவுள்ளமை குறிப்பிடத்தக்கது. https://www.virakesari.lk/article/76253

இலங்கை அரசாங்கத்தினை குற்றவியல் நீதிமன்றத்தின் முன் நிறுத்துவதற்கு உரிய நடவடிக்கைகளை புலம்பெயர் அமைப்புக்களின் ஒருங்கிணைந்து தீவிரமாக முன்னெடுத்துள்ளன. பிரித்தானியா, சுவிஸ்,கனடா ஆகிய நாடுகளில் உள்ள சட்டவல்லுநர்கள் மற்றும் துறைசார் நிபுணர்களின் பங்கேற்புடன் முதற்கட்ட பொறிமுறைகளை தயாரிக்கும் பணிகள் ஆரம்பிக்கப்பட்டுள்ளன. இலங்கை அரசாங்கம் ஜெனீவா தீர்மானத்திலிருந்து விலகுவதற்கு உத்தியோக பூர்வமாக தீர்மானித்துள்ளது. இந்த அறிவிப்பினை நாளை ஆரம்பமாகும் 43ஆவது கூட்டத்தொடரில் பகிரங்கமாக அறிவிக்கவுள்ளது. இந்நிலையில் தொடர்ந்தும் இலங்கை அரசாங்கத்தினை பொறுப்புக்கூறவைக்கும் செயற்பாட்டினை ஜெனீவா மனித உரிமைகள் பேரவையினுள் மட்டுப்படுத்தி வைப்பதானால் எவ்விதமான பயனும் பாதிக்கப்பட்ட மக்களுக்கு கிட்டப்போவதில்லை என்ற நிலைப்பாட்டிற்கு மேற்படி புலம்பெயர் அமைப்புக்கள் வந்துள்ளன. இந்நிலையில் இலங்கையின் பொறுப்புக்கூறல் செய்வதற்குரிய அழுத்தங்களை வழங்குவதற்கு போதிய அதிகாரம் ஜெனீவா அரங்கிற்கு காணப்படாமையினால் இலங்கை விவகாரத்தினை மனித உரிமைகள் பேரவையினுள் முடக்குவதானது பாதிக்கப்பட்ட மக்களுக்கான நீதி கிடைப்பதற்கு தொடர்ந்தும் தாமதங்களே நீடிக்கும் சூழலையே ஏற்படுத்தும் என்பதன் காரணமாக இலங்கையை சர்வதேச குற்றவியல் நீதிமன்றின் அல்லது விசேட தீர்ப்பாயம் ஒன்றின் முன் நிறுத்துவதற்கு முயற்சிகளை அப்புலம்பெயர் அமைப்புக்கள் ஒருங்கிணைந்து எடுத்திருந்தன. எனினும் பாதுகாப்புச் சபையில் தீர்மானம் நிறைவேற்றப்படுகின்ற பட்சத்தில் இலங்கையை குற்றவியல் நீதிமன்றில் நிறுத்தமுடியும் என்ற முதலாவது முறைமை ஆராயப்பட்டபோதும் அதற்கு வீட்டோ அங்கீகாரத்தினைக் கொண்டிருக்கும் சீனா இலங்கை அரசின் சார்பாக தீர்மானங்களை எடுக்கின்றபோது அம்முயற்சிகள் வெற்றியளிக்காது என்று கருதி கைவிடப்பட்டது. அடுத்து, ரோஹிங்கியா விவகாரத்தில் மியன்மாருக்கு எதிராக சர்வதேச நீதிமன்றின் முன் சாட்சியங்களுடன் அவ்விடயத்தினை கம்பியா நாடு முன்மொழிந்தமையை பின்பற்றி இலங்கையில் இடம்பெற்றதாக கூறப்படும் போர்க்குற்றங்கள் உள்ளிட்ட விடயங்களின் சாட்சியங்களை திரட்டி சர்வதேச நாடொன்றின் மூலமாக குற்றவியல் நீதிமன்றுக்கு கொண்டு செல்வது பற்றி ஆராயப்பட்டது. எனினும் அந்த செயற்பாடு உடனடியாகச் சாத்தியமாகாதபோதும் அம்முயற்சிகளை தொடர்வதென அப்புலம்பெயர் அமைப்புக்களால் தீர்மானிக்கப்பட்டுள்ளது. இந்நிலையில் இறுதியாக, பொதுவழக்கறிஞர் ஒருவர் ஊடாக குற்றவியல் நீதிமன்றத்தினை நாடுவதற்குரிய நடவடிக்கைள் தற்போது முன்னெடுக்கப்பட்டுள்ளன. சுமார் இரண்டு மாதகாலத்திற்கு முன்னதாக பொதுவழக்கறிஞர் ஒருவர் ஊடாக இலங்கை விடயத்தினை நகர்த்தவது தொடர்பில் கனடா, சுவிஸ் மற்றும் பிரித்தானியாவில் உள்ள சட்ட வல்லுநர்கள் மற்றும் துறைசார் நிபுணர்களை உள்ளீர்த்து பொறிமுறைகளை தயாரிக்கும் செயற்பாடுகளை குறித்த புலம்பெயர் அமைப்புக்கள் முன்னெடுத்த வண்ணமுள்ளன. அத்துடன் இலங்கையில் நடந்ததாக கூறப்படும் மனித உரிமைகள், மனிதாபிமாச்சட்ட மீறல்கள், போர்க்குற்றங்கள் மற்றும் இனஅழிப்பு போன்றவற்றுக்கான சான்றுகளையும் சேகரிக்கும் செயற்பாடுகளையும் முன்னெடுத்துள்ள இப்புலம்பெயர் அமைப்புக்கள் குற்றவியல் நீதிமன்றை நாடும்போது தமது மனுத்தாக்கலுக்கு வலுச்சேர்க்கும் முகமாகவே இந்த செயற்பாட்டினை கையிலெடுத்துள்ளதாகவும் தெரிவித்துள்ளன. இதேவேளை, வடக்கு கிழக்கில் உள்ள அரசியல் கட்சிகள் மற்றும் சிவில் அமைப்புக்கள் உட்பட பாதிக்கப்பட்ட மக்களுக்கு நீதியைக் கோரும் செயற்பாட்டில் பங்கேற்றுவரும் அனைத்து தரப்புக்களும் இலங்கையை சர்வதேச குற்றவியல் நீதிமன்றின் முன் நிறுத்துவதற்கு புலம்பெயர் அமைப்புக்களால் எடுக்கப்படும் முயற்சிகளுக்கு வலுச்சேர்ப்பதோடு பொதுவான வேலைத்திட்ட பொறிமுறையில் ஒன்றிணைந்து பயணிக்க வேண்டிய தருணம் ஏற்பட்டுள்ளதாக ஈழமக்கள் புரட்சிகர விடுதலை முன்னணியின் தலைவர் சுரேஸ் பிரேமச்சந்திரன் கோரியுள்ளார். இந்த விடயத்தில் அனைத்து அரசியல் கட்சிகளும் மக்களை மையப்படுத்தி தீர்மானங்களை எடுக்க வேண்டும் என்றும் அவர் பகிரங்க கோரிக்கை விடுத்துள்ளதோடு தற்போதைய சூழலில் இலங்கை அரசாங்கத்தினை கையாள்வதற்கு இதனை விட வேறொரு வழி இல்லையென்றும் சுட்டிக்காட்டியுள்ளார். மேலும், தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலமும் அவருடைய கட்சியுடன் இணைந்து பணியாற்றும் புலம்பெயர் அமைப்புக்களும் இலங்கையை சர்வதேச குற்றவியல் நீதிமன்றின் முன் நிறுத்துவதற்கான செயற்பாடுகளையே முன்னெடுத்து வருவதாகவும் குறிப்பிட்டுள்ளமை குறிப்பிடத்தக்கது. https://www.virakesari.lk/article/76246

இலங்கை தமிழரசுக் கட்சியின் மத்திய குழுக்கூட்டம் இன்று (ஞாயிற்றுக்கிழமை) கிளிநொச்சியில் உள்ள அக்கட்சியின் மாவட்ட கிளைக்காரியாலயமான அறிவகத்தில் இடம்பெறுகிறது. தமிழ்த் தேசியக் கூட்டமைப்பின் தலைவரும் தமிழரசுக் கட்சியின் சிரேஷ்ட தலைவருமான இரா.சம்பந்தன் தலைமையில் நடைபெறுகின்ற இக்கூட்டத்தில், ஜெனீவா தீர்மானத்திலிருந்து அரசாங்கம் முழுமையாக வெளியேறுகின்றமை மற்றும் நாடாளுமன்ற தேர்தலுக்கு முகங்கொடுப்பது குறித்து ஆராயப்படவுள்ளது. இதேவேளை, இன்று மாலை 5மணிக்கு நாடாராளுமன்ற தேர்தலுக்கான வேட்பாளர்கள் நியமனம் தொடர்பான கலந்துரையாடல் இடம்பெறவுள்ளது. இதன்போது மாவட்ட ரீதியாக தமிழரசுக் கட்சியின் வேட்பாளர் பட்டியல்கள் பெரும்பாலும் இறுதி செய்யப்படும் என்று எதிர்பார்க்கப்படுகின்றது. யாழ், வன்னி, மட்டக்களப்பு, திருமலை ஆகிய மாவட்டங்களில் தமிழரசுக் கட்சியின் ஊடாக இளம் புதிய முகங்களுக்கு வாய்ப்புக்கள் வழங்கப்படுவது தொடர்பாக தமிழரசுக் கட்சியின் தலைமை ஆராய்ந்து வருவதாக தெரிவிக்கப்படுகிறது. இதேவேளை, இம்முறை நாடாளுமன்றத் தேர்தலில் தமிழரசுக் கட்சியின் மூத்த தலைவரான சம்பந்தன் தேர்தல் களத்தில் களமிறங்காது தேசியப்பட்டியல் ஊடாக நாடாளுமன்றத்திற்கு பிரசன்னமாகவுள்ளதாக அறிவிக்கப்பட்டுள்ளமை குறிப்பிடத்தக்கது .http://athavannews.com/தமிழரசுக்-கட்சியின்-மத்த/

மனித உரிமைகள் பேரவையின் தீர்மானங்களிற்கு இலங்கை ஒத்துழைக்க மறுத்ததாலேயே, சவேந்திர சில்வா மீதான தடையை அமெரிக்கா விதித்தது. அமெரிக்காவை பின்பற்றி ஏனைய நாடுகளும் தடைகளை விதிக்குமென எதிர்பார்க்கிறோம். ஒருவருக்கல்ல, இன்னும் பலரிற்கு தடைகள் வரலாமென எதிர்பார்க்கிறோம் என தெரிவித்துள்ளார் தமிழ் தேசிய கூட்டமைப்பின் பேச்சாளர் எம்.ஏ.சுமந்திரன். யாழில் இன்று நடந்த செய்தியாளர் சந்திப்பில் அவர் இதனை தெரிவித்தார். தொடர்ந்தும் பேசிய அவர் “ஏற்கனவே நிறைவேற்றப்பட்ட தீர்மானங்கள் இலங்கை விலகுவதால் வலுவிழக்காது. இந்த தீர்மானங்கள் இலங்கையும் இணை அனுசரணை வழங்கியதால் வாக்கெடுப்பு நடத்தப்படவில்லை. ஏற்கனவே இலங்கை எதிர்ப்பு தெரிவித்தபோதும், மூன்று தீர்மானங்கள் நிறைவேற்றப்பட்டுள்ளன. இலங்கை எதிர்த்ததால் வாக்கெடுப்பிற்கு விடப்பட்டது. இலங்கை எதிர்த்தது என்பதால், அவை வலுவிழக்கவில்லை. 2014ம் ஆண்டு வாக்கெடுப்பினால் நடத்தப்பட்ட தீர்மானத்தில், சர்வதேச விசாரணை நடத்தும்படி குறிப்பிடப்பட்டிருந்தது. இலங்கை எதிர்ப்பு தெரிவித்தபோதும், சர்வதேச விசாரணை நடந்து முடிந்து, அதன் அறிக்கை சமர்ப்பிக்கப்பட்டது. நாம் ஒத்துழைக்க மாட்டோம் என இலங்கை விலகலாம். மனித உரிமைகள் பேரவையில் நிறைவேற்றப்படும் தீர்மானங்கள் எதுவும் அரசுகளை கட்டுப்படுத்தாது. அதனால் விலகுகிறோம் என சொல்லத் தேவையில்லை. அதற்கு அர்த்தம் கிடையாது. நாம் ஒத்துழைக்க மாட்டோம் என குறிப்பிடலாம். அரசாங்கம் இப்படி நடக்கலாமென எதிர்பார்த்து சில நடவடிக்கைகள் மேற்கொண்டுள்ளோம். அரசு அந்த அறிவித்தல் விடுத்தால் என்ன செய்வதென தீர்மானிக்கப்பட்டுள்ளது. ஒத்துழைக்க மாட்டோம் என இலங்கை சொன்னால், தீர்மானத்தின் உண்மையான நிலைப்பாட்டை- சிங்கள மக்களும் புரியும் விதமாக வெளிப்படுத்த வேண்டுமென கேட்டுள்ளோம். இலங்கை தீர்மானத்தை முன்னெடுக்கும் 5 நாடுகளும் சேர்ந்து எழுத்து மூலமாக கூட்டறிக்கையை வெளியிடுவதாக சொல்லியுள்ளனர். சம்பந்தப்பட்ட நாடு பொறுப்பெடுத்த விடயங்களை செய்யாவிட்டால் அடுத்தது என்னவென்ற கேள்வியுள்ளது. புதிய அரசு பிரேரணையுடன் ஒத்துழைக்க மாட்டோம் என கூறியதால், மாற்று வழிகள் பற்றியும் பேசியுள்ளோம். முன்னாள் ஆணையாளர் இளவரசர் செய்ட் சில மாற்று வழிகளை பரிந்துரைத்துள்ளார். அதிலொன்றாக, உலகளாவிய நியாயாதிக்கத்தை உறுப்பு நாடுகள் பிரயோகிக்க வேண்டுமென குறிப்பிட்டிருந்தார். அதைத்தான் அமெரிக்கா தற்போது சவேந்திர சில்வாவின் பயணத்தடை மூலம் செய்துள்ளது. அதை பின்பற்றி ஏனைய நாடுகளும் பலருக்கு தடை விதிக்குமென நம்புகிறோம் என்றார். https://www.tamilwin.com/politics/01/239293?ref=home-feed

வடக்கு, கிழக்கில் பொருத்து வீடுகள்: சீனாவில் இருந்து வரும் கொங்கிரீட் யாழ்ப்பாணத்தில் அமைக்கப்படவுள்ள கொங்கிரீட் பொருத்து வீடுகளுக்கான, கொங்கிரீட்கள் சீனாவிலிருந்து கொண்டு வரப்படவுள்ளன. அவற்றை பொருத்தும் பணியில் இந்தியப் பணியாளர்கள் ஈடுபடுத்தப்படவுள்ளனர். சமூகவலுவூட்டல் மற்றும் தோட்ட உட்கட்டமைப்பு அமைச்சால் கொங்கிரீட் பொருத்து வீடுகள் வடக்கு மற்றும் கிழக்கு மாகாணங்களில் அமைக்கப்படவுள்ளன. வடக்கு மாகாணத்தில் கொங்கிரீட் வீடுகளே அமைப்பதற்கு திட்டமிடப்பட்டிருந்தாலும், ஆட்சி மாற்றத்தின் பின்னர் நிதி ஒதுக்கப்படவில்லை. இந்த நிலையில், கொங்கிரீட் பொருத்து வீடுகள் அமைக்கும் திட்டம் முன்மொழியப்பட்டு செயற்படுத்தப்பட்டுள்ளது. கொங்கிரீட் பொருத்து வீடுகளுக்கான கொங்கிரீட் சுவர்கள் சீனாவிலிருந்து கொள்கலனில் கொண்டுவரப்படவுள்ளது. இப்போது இவை ஏற்றப்பட்டு வருவதாகவும் விரைவில் இலங்கைக்கு கொண்டுவரப்படும் என்று தெரிவிக்கப்படுகின்றது. சீனப் பணியாளர்களைப் பயன்படுத்தியே கட்டுமானத்தை முன்னெடுக்க திட்டமிடப்பட்டிருந்த போதிலும், இலங்கைக்கான இந்தியத் தூதுவர் அதனை விரும்பியிருக்கவில்லை என்று தெரிவிக்கப்படுகின்றது. வடக்கு மற்றும் கிழக்கு மாகாணங்களில் சீனப் பணியாளர்கள் பணியாற்றுவதை இந்திய அரசு விரும்பவில்லை. இதனையடுத்து, இந்தியப் பணியாளர்களைப் பயன்படுத்தியே கொங்கிரீட் பொருத்து வீடுகளை வடக்கு மற்றும் கிழக்கு மாகாணங்களில் அமைக்கத் தீர்மானிக்கப்பட்டுள்ளது. https://www.tamilwin.com/community/01/239319?ref=home-feed

அண்மைக் காலமாக பாதிரியார்கள் சிலர் மக்கள் மத்தியில் பாதிரியார்களுக்குள்ள மதிப்பை குலைக்கும் வகையில் வன்முறைகளை தூண்டுவதில், மக்களை வன்முறையாளர்களாக மாற்றுவதில் ஈடுபட்டு வருகின்றனர். கயவர்கள் சிலர் பாதிரியார்களாக தொழில் செய்ய அனுமதிக்கப்பட்டதும் இது போன்ற சமூக விரோதிகளை ஆதரிப்பதும் நல்ல விளைவுகளை தரப்போவதில்லை.

மன்னார் மாவட்டத்தில் 2 ஆயிரத்து 26 தமிழ் பெண்கள் முஸ்லிம் இளைஞர்களைத் திருமணம் செய்துள்ளனர். 12 தமிழ் இளைஞர்கள் முஸ்லிம் பெண்களைத் திருமணம் செய்துள்ளனர். மன்னார் மாவட்டத்தில் 2018ஆம் ஆண்டு மாவட்டச் செயலகம் பிரதேச செயலக ரீதியாக திரட்டிய தரவுகளின்படி இந்த விடயம் கண்டறியப்பட்டுள்ளது. மன்னார் மாவட்டத்தில் 71 ஆயிரத்து 868 முஸ்லிம்கள் வாழ்கின்றனர். அவர்களில் 34 ஆயிரத்து 494 பேர் ஆண்கள். 37 ஆயிரத்து 374 பேர் பெண்கள். 71 ஆயிரத்து 868 முஸ்லிம்களில் 69 ஆயிரத்து 854 பேரே இஸ்லாமியர்கள். அவர்களில் 34 ஆயிரத்து 506 பேர் ஆண்கள். 35 ஆயிரத்து 348 பேர் பெண்கள். 2 ஆயிரத்து 26 தமிழ்ப் பெண்கள் முஸ்லிம் இளைஞர்களை திருமணம் செய்துள்ளனர். 12 தமிழ் இளைஞர்கள் முஸ்லிம் பெண்களைத் திருமணம் செய்துள்ளனர் என்று அந்தத் தரவுகள் கூறுகின்றன. மன்னார் மாவட்டத்தில் சைவ சமயத்தவர்கள் மதமாற்றம் செய்யப்படுகின்றனர் என்ற குற்றச்சாட்டு நீண்டகாலமாக முன்வைக்கப்படுகின்றது. இந்தநிலையில் இஸ்லாமியர்களைத் திருமணம் செய்வதன் ஊடாக இனம் ஒன்றே மாற்றப்படுகின்றது என்று பல தரப்பினரும் சுட்டிக்காட்டுகின்றனர். https://www.tamilwin.com/community/01/239302?ref=home-imp-parsely

அழிவுச் சிந்தனை நிறைந்த ஹிந்தியனின் கனவுகளில் எதுவும் உருப்படியாக நடந்ததில்லை.

மாவை சேனாதிராஜாவின் கூற்றிலிருந்தும் வரலாற்றிலிருந்தும் இரண்டு விடயங்களை முடிவு செய்யலாம். (1) தமிழரசுக் கட்சிக்கோ, கூட்டமைப்புக்கோ தமிழ் மக்களின் இனப்பிச்சினைக்கான தீர்வுக்கு தேவையான முன்னெடுப்புக்களை முன்நகர்த்தும் பலமும் தகுதியும் அறவே இல்லை என்பது. (2) தமிழரசுக் கட்சி, கூட்டமைப்பு தொடர்ந்து மக்களை ஏமாற்றி சுயநல, சுயலாப அரசியல் செய்ய மேலும் வாய்ப்புக்கள் கிடைக்கிறது என்பது

விசாரணைகள் முறையாக நடத்தப்பட்டு குற்றவாளிகள் மிகக் கடுமையாக தண்டிக்கப்பட வேண்டும்!

நல்ல விடயம்! வடமாகாணசபையின் முயற்சியால் கிடைத்த உதவி. தற்போது நடைபெறுகிறது. இதற்கும் ராஜபக்ச கும்பலுக்கு 10 வருடங்களாக முட்டாள் தொழில் செய்யும் அங்கஜனுக்கும் எந்தத் தொடர்பும் இல்லை. வடமாகாணத்திலிருந்து தென்பகுதிக்கு வருபவர்களை கடந்த ஒரு மாதமாக 2, 3 இடங்களில் இறக்கி சித்திரவதை செய்கிறது போர்க்குற்றவாளிகள் கைகளில் சிக்கியுள்ள சிங்கள-பௌத்த அரச பயங்கரவாத இயந்திரம். இதை தட்டிக்கேட்கும் வக்கில்லாத ராஜபக்ச கும்பலுக்கு 10 வருடங்களாக முட்டாள் தொழில் செய்யும் அங்கஜனுக்கும் டக்ளசுக்கும் ஏனைய தமிழ் அரசியல்வாதிகளுக்கும் தாங்கள் தமிழ் மக்களின் பிரதிநிதிகள் என்று சொல்லும் உரிமை இல்லை.

மட்டக்களப்பில் 200 கிராமங்கள் ஆக்கிரமிக்கப்பட்டுள்ளன என்று முதன்முதலில் பகிரங்கமாக கூறியவர் விக்னேஸ்வரன். சில வருடங்கள் அரசியல் அனுபவமுள்ள விக்னேஸ்வரன் அரை நூற்றாண்டு அரசியல் அனுபவமுள்ள சம்மந்தனைப் போல தான்தோன்றித்தனமாக, அரசியல் கத்துக்குட்டியாக செயற்பட்டாலும் அவ்வப்போது பல உண்மைகளை வெளிப்படையாக தெரிவிக்கும் நல்ல குணமும் அவரிடம் உண்டு.

மொத்தத்தில் பலர் போர்க்குற்றவாளிகள் எனவும், அவர்கள் தூக்கிலிடப்பட்ட வேண்டியவர்கள் எனவும் ஒப்புதல் வாக்குமூலம் அளிக்கப்பட்டுள்ளது.

சகாறான் குழுவினருக்கு சம்பளம் கொடுத்து வளர்த்துவிட்ட போர்க்குற்றவாளியாக கோட்டாபய ராஜபக்ச பற்றிய விசாரணைகள் இப்போதைக்கு முன்னெடுக்கப்படாது.

விக்னேஸ்வரன் வட மாகாண நிதி முகாமைத்துவத்தை கடைநிலைக்கு கொண்டுவரவில்லை என்பது தான் சுமந்திரன் கூட்டத்தின் கவலை.

சுமந்திரனின் சகுனி வேலைகளுக்கு உதவ ஒரு கூனி தேவைப்படுகிறது.

ஈழத் தமிழரும் இனிமேல் போர்க்குற்றவாளிகள் கைகளில் சிக்கியுள்ள சிங்கள-பௌத்த அரச பயங்கரவாதத்தின் ஆட்சியில் பங்குதாரராக இல்லாமல் தனியாக ஆட்சியமைக்க வேண்டிய நிலை ஏற்பட்டுள்ளது.

சச்சி ஐயா! இது போன்ற அகிம்சை போராட்டங்களுக்கு இப்போது யாரும் மரியாதை கொடுப்பதில்லை. அதை மதிக்கக்கூடிய நாகரிக சமூகமும் இப்போது இல்லை. குறிப்பாக, அகிம்சை பற்றி பெரிதாக மார்தட்டிக்கொள்ளும் இந்தியர்களுக்கும் அகிம்சை என்றால் என்னவென்றே தெரியாது. தெரிந்திருந்தால் திலீபன் இறந்திருக்க முடியாது அல்லது இன்று காந்திக்கு மேலாக போற்றப்பட்டிருக்க வேண்டும். மேலும் இப்படி போராடுபவர்களை இம்சைப்படுத்தம் சமூகம் நிறையவே உண்டு.

சில வரலாற்று உண்மைகளை அவ்வப்போது சுட்டிக்காட்டுவது அவசியம் தான். ஆனால், தங்களைத் தாமே மாற்றுத் தலைமைகளாக கருதுபவர்கள் இவ்வாறான அறிக்கை அரசியலுக்கு அப்பால் ஈழத் தமிழினத்தின் அடிப்படைப் பிரச்சினைகளுக்கான நீண்டகால தீர்வை நோக்கி காத்திரமான செயற்பாடுகளை முன்னெடுக்க வேண்டியது அவசியம் என்பதை உணர வேண்டும்.