Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

பகலவன்

கருத்துக்கள பார்வையாளர்கள்
  • Posts

    1,897
  • Joined

  • Last visited

  • Days Won

    22

Everything posted by பகலவன்

  1. அன்பு இந்த சந்திப்பு முடியும் வரை நகரவிடாமல் தடுப்பது உனது பொறுப்பு.தலைவரின் பேச்சுக்கு அதிக இடைவெளி கொடுக்காமல் அன்பு வாத்தி தொடர்பாடலை பொறுப்பெடுத்து கட்டளைகளை வழங்கத்தொடங்கினார். உண்டியல் சந்திக்கு அருகில் கடைசி சந்திப்பு அப்போத்தான் தொடங்கி இருந்தது. கப்பலடி, பள்ளிக்கூடத்தடி தாண்டி தலைவருக்கு 25 மீட்டருக்குள் ராணுவம் நகர்ந்திருந்தது. 50 பேர் கொண்ட அணியை கரும்புலிகளுக்கு பயற்சி வழங்கும் அன்பு வாத்தியார் தலைமையில் வழிமறித்து தாக்குதலை ஆரம்பித்து இருந்தார்கள். சண்டை தொடங்கி 10 நிமிடங்களுக்குள் 19 பேர் வீரச்சாவு. அகிலன் அன்புவாத்தியிடம் கரும்புலி தாக்குதலுக்கு அனுமதி கோரினான். அலைபேசி கெஞ்சியது. X1, 8-2 இனை பின்னகர்த்தசொல்லி அகிலன் கெஞ்சிக்கொண்டிருந்தான். தலைவர் கேட்டுக்கொண்டுதான் இருந்தார். அடுத்தது நான் என்ன செய்யவேண்டும் என்பதை நான் தான் தீர்மானிக்கவேண்டுமே தவிர என் எதிரி இல்லை. இது உனக்கு விளங்குதா அன்பு. வார்த்தைகளில் உறுதியும் தெளிவும் இருந்தது. அவர் தலைவர். மேதகு.
  2. கரும்புலிகளுக்கும் மறைமுக கரும்புலிகளுக்கும் வீர வணக்கம்
  3. காலப்பிழைக்காக காத்திருக்க முடியவில்லை. நேற்று அம்மானுக்கு இன்று சிரஞ்சீவிக்கு. கூட களமாடியவனை கொச்சைபடுத்துவதை பார்த்து சும்மா இருக்கும் மனப்பக்கும் இன்னும் வரவில்லை. புரிந்துகொள்வீர்கள் என்ற நம்பிக்கையில் பயணிக்கிறோம். இதன் பாதை போய் சேரும் இடம் என்ன என்பதை முன்கூட்டியே தெரிந்தமையால் பொறுமையாக இருக்க முடியவில்லை. மன்னிக்கவும். சிரஞ்சீவியின் பதிவை எந்த ஊடகம் வெளிப்படுத்தும் என்று தெரியவில்லை. யாழ்களம் போராடியவர்களின் பதிவை ஏற்றுக்கொள்ளும் என்ற நம்பிக்கையில் தான் பதிவிட்டேன். சிரஞ்சீவி மாஸ்ரருக்கு நிறைய நன்றி கடமைப்பட்டு இருக்கிறேன்.
  4. குறிப்பு : இந்த பதிவை இட்டமைக்காக எனது பூர்வீகம் எல்லாம் கிளறி எடுத்து பதிவிடும் உறவுகளுக்கு வணக்கம். எனது நண்பனும் கூட களமாடிய நண்பனுமான சிரஞ்சீவியின் குரல் வெளிவரவேண்டும் என்ற நோக்கத்துக்காகத்தான் இந்த பதிவே தவிர வேறெந்த உள்நோக்கம் எனக்கு இல்லை. மேலே உள்ள காணொளி கூட தடா சந்திரசேகர் என்ன பேசினார் என்பதற்காகத்தான் இணைக்கபட்டிருக்கிறது. சீமானின் பக்தி மிகுதியில் வலைத்தளங்களில் காணொளி பதிவிடும் உறவுகள், தங்கள் உயிரைக்கொடுத்து போராடிய தளபதிகளுக்கு கிட்டவும் நிற்க முடியாது, ஆனால் எழுதும் கருத்துகளில் காட்டும் தேசிய பாசம் பிழையான் பாதைக்கு இட்டுசெல்லும். சிரஞ்சீவி, பொட்டம்மானின் நிர்வாகத்தில் இந்தியாவுக்கு பொறுப்பாக இருந்த முக்கிய தளபதி. சீமானை பொட்டம்மானை சந்திக்க வைப்பதை ஒழுங்குபடுத்தியவர். அண்மையில் சீமானின் ஒலிப்பதிவில் (திராவிட கும்பலினால் மிமிக்கிரி செய்ததாக மூடி மறைத்த) குறிப்பிடப்படும் பொட்டம்மானின் தளபதி. சீமானின் வன்னி நடமாட்டங்களை ஒழுங்குபடுத்திய கண்காணித்த புலனாய்வு பொறுப்பாளர். இனி உங்கள் தெரிவுக்கே விட்டுவிடுகிறேன். யார் வேணுமென்றாலும் என்னையோ, சிரஞ்சீவி மாஸ்ரரையோ, பொட்டம்மானையோ துரோகி என்றாலும், திராவிட செம்பு என்றாலும், ரோவின் கையாள் என்றாலும், கோத்தாவின் பணத்தில் இயங்குவது என்று முழங்கினாலும் பெருமையுடன் ஏற்றுக்கொள்கிறேன். ஏனென்றால் நாங்கள் உங்களுக்காக போராடியவர்கள், இன்னும் போராடிக்கொண்டே இருப்போம். ஒவ்வொரு நாள் காலையிலும் மண்மீது ஆணையிட்டு சத்தியபிரமாணம் செய்ததை உயிர் போனாலும் விட்டுக்கொடுக்கபோவதில்லை. நன்றி பகலவன்
  5. சிரஞ்சீவியின் மறுப்பறிக்கை. 25/04/2021 பெரியவர் தடா சந்திரசேகர் ஐயா நாம் தமிழர் கட்சியின் வளர்ச்சியை பாதிக்கும் வகையில் செயற்படக்கூடாது என்று தலைமையினை கோருகின்றேன்.. நாம் தமிழர் கட்சியின் பொதுச் செயலாளர் பெரியவர் தடா சந்திரசேகர் ஐயா அவர்கள் சற்றும் உண்மை கலக்காத பொய்யினை கட்டவிழ்த்து விட்டு, சிரஞ்சீவி ஆகிய என்னைப்பற்றி அவதூறு பரப்பும்படி ஒருவருடன் உரையாடிய ஒலிப்பதிவு ஒன்றினை கேட்க நேரிட்டது. தமிழர்களின் நம்பிக்கைக்குரிய கட்சியாக கட்டமைக்கப்பட்வருகின்ற நாம் தமிழர் கட்சியின் பொதுச் செயலாளர் பெரியவர் தடா சந்திரசேகர் ஐயா பேசியிருப்பது உண்மையென எண்ணி தொடர்ந்தும் தனிப்பட்ட அழைப்புக்களில் இதன் உண்மை தன்மை குறித்து என்னிடம் கேள்வி எழுப்பி வருகின்றார்கள். தடா ஐயா பேசிய எல்லா விடயங்களுக்கும் அவரே பொறுப்பானவர். அதன் உண்மை தன்மை குறித்த விளக்கத்தினையும் அவரே வழங்க வேண்டும். ஆயினும் அவர் , என்னைப்பற்றி பரப்ப முற்பட்டுள்ள பொய்கள் குறித்து தெளிவுபடுத்த வேண்டய கடமை எனக்கு உள்ளது. , என்னைப்பற்றி அவர் பேசிய விடயத்தில் துளியளவும் உண்மையும் இல்லை என்பதனை பொதுவெளியில் தெரிவித்துக் கொள்கின்றேன். உண்ணும் உணவுத்தட்டில் அசிங்கப்படுத்தும் செயலை செய்திருக்கின்றார் என்பதே வருத்தத்துக்குரிய விடயமாக உள்ளது. என் மீதான அவதூறு பொதுவெளியில் வந்துள்ளமையால் பொதுவெளியில் விவாதிக்க நான் தயாராகவே உள்ளேன். ஐயா தடா தயாராக உள்ளாரா என்பதை மட்டும் தெரியப்படுத்தவும். பொய்களும் உண்மைகளும் பொய் 1: சத்தியமங்கலத்தில் இருபது ஏக்கர் காணி வாங்கி விவசாயம் மற்றும் பண்ணை செய்கின்றேன்.. கொளத்தூர் மணி அண்ணாவின் தயவில் வாழ்கின்றேன். உண்மை: என்னிடமோ எனது குடும்பத்தாரிடமோ பினாமியிடமோ சொந்தமாக ஒரு சதுர அடி நிலம் கூட இல்லை என்பதை தெரியப்படுத்துகின்றேன்.. கொளத்தூர் மணி அண்ணா மட்டுமல்ல வேறு எவரது தயவிலும் நான் வாழவில்லை என்பதையும் சுட்டிக்காட்ட விரும்புகின்றேன் . அவ்வாறு காணி இருப்பதை உறுதிப்படுத்தினால் பேராசை கொண்ட தடா ஐயா அவர்கள் இருபது ஏக்கார் நிலத்தையும் எடுத்துக்கொள்ளலாம். பொய் 2: RAW agent ஆக செயற்படுகின்றேன். உண்மை: பெரியவர் தடா சந்திரசேகர் ஐயாதான் அதற்கு தலைவராக இருந்து அதில் என்னையும் அவர் இணைத்துக் கொண்டிருந்தால் அவ்விடயம் உண்மையாக இருக்கலாம். அவ்வாறு இல்லாவிட்டால் அதில் எதுவித உண்மையும் இல்லை. அவர் மிகப்பெரிய வழக்கறிஞராக உள்ளார் . அவரே இவ்விடயத்தை உறுதி செய்து வெளிப்படுத்தினால் சிறப்பாக இருக்கும். ஒருவரின் உண்மைத்தன்மையினை சீர்குலைக்க வேண்டுமாயின் அவரை இந்திய உளவுத்துறை, சிங்கள உளவுத்துறை , RSS ,திராவிட கைக்கூலி என்று முத்திரை குத்தி ஒதுக்குவதை நாம்தமிழர் வழமையாக வைத்துள்ளார்கள். அதன் பிதாமகரான நீங்கள் என் மீதும் அவ்வாறான சேற்றை வாரி இறைக்க முற்பட்டுள்ளீர்கள். பொய் 3: பொட்டம்மான் உயிரோடு இருப்பதாக காவல்துறைக்கு வாக்குமூலம் கொடுத்தேன். அந்த செய்தி வார இதழில் செய்தியாக வந்தது. அதனால் RAW agent. (பொட்டம்மான் உயிரோடு இல்லை என்று செய்தி வந்திருந்தாலும், பொட்டம்மான் உயிரோடு இல்லை என்று காவல்துறைக்கு வாக்குமூலம் வழங்கியுள்ளார் . அதனை திட்டமிட்டு ஊடகங்களுக்கு பேட்டியும் கொடுத்துள்ளார் , போராட்ட சிந்தனையில் உள்ளவர்களை அதிலிருந்து விலக வைப்பதற்காக RAW சொல்லியே சிரஞ்சீவி செயற்பட்டார் என்றும் நாக்கை பிரட்டிப் பேசக்கூடிய மகாநடிகன் ஐயா நீங்கள். அது வேறு கதை. இருக்கட்டும்) உண்மை: பத்திரிக்கைச் செய்தி இணைத்துள்ளேன்- தடுப்பில் இருந்த என்னை பார்க்க வந்த வழக்கறிஞர் ஊடாகவே அந்த பேட்டி கொடுக்கப்பட்டதாக வார இதழிலில் பதிவாகி இருந்தது . என்னைப்பற்றிய உண்மைகளை அறிந்து கொள்வதற்காக , நான் கைதாகி சில நாட்களில் ஒரு தடவை பெரியவர் தடா சந்திரசேகர் ஐயா வந்து சென்றார் (என்னை சந்திக்க வந்த போது தடா ஐயா நாம் தமிழர் கட்சியில் இணைந்திருக்கவில்லை. மூத்தவர் பழ.நெடுமாறன் ஐயா அவர்களுடன் செயற்பட்டுக்கொண்டிருந்தார்.). தடா ஐயா என்னைபார்த்து சென்ற பின்னரேயே வார இதழ் ஒன்றில் மேற்குறித்த செய்தி வெளியாகி இருந்தது. எனது கைதுக்கும் செய்தி வெளியாகிய திகதிக்கும் இடைப்பட்ட காலப்பகுதியில் வேறு வழக்கறிஞர் எவரும் என்னைப் பார்க்க வரவில்லை.தடா ஐயாவின் திட்டத்தின் அடிப்படையிலேயே இந்த செய்தி வழங்கப்பட்டிருக்கலாம் என்ற எண்ணம் இப்போது தோன்றுகின்றது. இந்த செய்தி வெளிவந்த பின்னர் காவல்துறை மற்றும் புலனாய்வுத்துறையினரின் கடுமையான விசாரணைகளை எதிர்கொள்ள நேரிட்டது. . என்னுடன் தடுப்பில் இருந்தவர்கள் விசாரணை தொல்லைகளை அறிந்த சாட்சிகளாக இப்போதும் உள்ளனர். பொய் 4: எனது வழக்கினை நடாத்தி விடுதலை வாங்கி கொடுத்தாக கூறியுள்ளார். உண்மை: என் மீது பல வழக்குகள் தொடுக்கப்பட்டிருந்தது. அதில் பிரதான வழக்கு, ஒன்பது வருடங்களாக மாவட்ட நீதிமன்றத்திலும், பின்னர் உயர்நீதிமன்றத்திலும் நடைபெற்றது. எனது வழக்கறிஞர்களாக மதுரை பகத்சிங் அண்ணாவும், தம்பி ராஜீவ்காந்தியுமே செயற்பட்டார்கள். அவ்வேளைகளில் ஒரு நாள் கூட சந்திரசேகர் ஐயா எனக்காக நீதிமன்றம் வந்ததும் கிடையாது. எனது வழக்கிற்காக அவரை வழக்கறிஞராக ஒருபோதும் நான் நியமித்ததும் கிடையாது! வழக்கறிஞர் ராஜிவ்காந்தியை எனக்கு அறிமுகம் செய்து வைத்ததாக சொல்லுகின்ற விடயமும் மிகவும் பொய்யானது. நாம் தமிழர் கட்சி ஆரம்பிப்பதற்கு முன்பிருந்தே வழக்கறிஞர் பகத்சிங் அண்ணா வழக்கறிஞர் காமராஜ், வழக்கறிஞர் பாலாஜி, வழக்கறிஞர் ராஜிவ்காந்தி ஆகியோர் எனது தொடர்பில் இருந்தார்கள். நாம் தமிழர் அமைப்பாக தொடங்கப்பட்டு இரண்டு வருடங்களுக்கு பின்னர் தான் வழக்கறிஞர் பாலாஜி., வழக்கறிஞர் ராஜிவ்காந்தி போன்றோரால் தாங்கள் நாம் தமிழர் கட்சியில் இணைக்கப்பட்டீர்கள் (2011) என்பதை கூட மறந்து விட்டீர்களா ? தடா ஐயா கட்சிக்குள் வந்தால் நல்லது பேசிப்பாருங்கள் என்று வழக்கறிஞர் பாலாஜியிடம் கூறியதே நான் தான் என்பது கூட நீங்கள் அறிந்திருக்க வாய்ப்பில்லை. ராஜிவ்காந்தி மாற்று கட்சிக்கு சென்று விட்டார் அதனால் அவரிடம் கேட்க முடியாது. வழக்கறிஞர் பாலாஜி இருக்கின்றார் . அவரிடம் கேட்டு தெரிந்து கொள்ளுங்கள் ஐயா . அண்ணன் சீமான் அவர்களுடன் சேர்ந்து செயற்பட அழைத்தபோது அண்ணன் சீமான் குறித்து நீங்கள் என்ன கூறினீர்கள் என்பதை நீங்கள் மறந்திருக்கலாம். எனக்கு நினைவிருக்கின்றது. அதனை பொது வெளியில் சொல்ல விரும்பவில்லை. பொய் 5: தமிழக முதல்வர் அம்மா அவர்களின் ஆட்சி காலத்தில் சிறப்பு முகாம்கள் எல்லாம் மூடப்பட்டு என்னையும் அங்கிருந்து விடுதலை செய்தார்கள். உண்மை: சிறப்பு முகாம் நடைமுறை இன்று வரை நடைமுறையில்தான் உள்ளது. அவ்வாறு சிறப்பு முகாம் மூடப்பட்டு நான் விடுதலையாகவில்லை. வழக்கறிஞர் பிரபு அவர்களின் ஏற்பாட்டில் வழக்கறிஞர் ரூபஸ் அண்ணா மதுரை உயர் நீதிமன்றத்தில் தொடர்ந்த வழக்கின் அடிப்படையிலேயே விடுதலையானேன். பொய் 6: எனது குடும்பத்தினரை முகாமிலிருந்து வெளியே எடுத்து தங்க வைத்து பராமரித்ததாக கூறியுள்ளார். உண்மை: எனது குடும்பத்தினர் எந்த முகாமில் இருந்தார்கள்?. எங்கே வீடு எடுத்து தங்க வைத்து இருந்தீர்கள் ? என்பது குறித்து ஐயாவே விளக்கமளிக்க வேண்டும் பொய் 7 என்னைக் கண்டால் கதைக்க மாட்டாராம் . பிடிக்காதாம் . உண்மை: இவர் பெரியவர் என்ற மரியாதை மட்டுமே எனக்கிருந்தது. வழமையாகவே போதையில் இருப்பவர்களிடமிருந்து ஒதுங்கியே இருப்பது எனது வழக்கம். அந்த அடிப்படையில் ஐயாவை கண்டால் நான் ஒதுங்கிக்கொள்வது என்பது தான் உண்மை .தனது வீட்டுக்கு வரும்படியும் "நீங்களெல்லாம் எனது வீட்டுக்கு வருவது பெருமை" என்று கூறியவர்தான் ஐயா " தடா . *அது வேற வாய் இது நாற வாய்" என்பது போல் இப்போது பேசியுள்ளார். பொய் 8: ராஜிவ்காந்தி ,மற்றும் கல்யாணசுந்தரத்தை கட்சியிலிருந்து வெளியேற்றிய போது அவர்களுக்காக வக்காலத்து வாங்க வந்தேனாம். உண்மை : ஐயா பெரியவரே உங்களை போன்று வன்மத்துடன் கருத்து சொல்ல வேண்டிய அவசியம் எதுவும் எனக்கில்லை. அண்ணன் சீமான் அவர்களுக்கு அனைவரது கூட்டு செயற்பாடுகளும் இந்த தேர்தல் நேரத்தல் அவசியம் என்பதால் கட்சியிலிருந்த மாநில பொறுப்பிலிருந்தவர்கள் வெளியேறுவது அல்லது வெளியேற்றப்படுவது பொருத்தமாக அமையாது என்பதாலேயே இது குறித்து பரிசீலிக்க வேண்டுமென்ற நல்லெண்ணத்தை தெரியப்படுத்தி இருந்தேன். இந்த விடயத்தை பதிவு பண்ணும் இன்றைய நாள் வரை ராஜீவ்காந்திக்கும் கல்யாணசுந்தரத்திற்கும் அவர்களுக்காக நான் உங்களுடன் பேசிய விடயம் கூட தெரியாது என்பது தான் உண்மை. பலமான சக்தியாக இருக்க வேண்டும் என்று சிந்தித்ததில் என்ன வன்மம் இருக்கின்றது என்பதை தெரியப்படுத்தினால் அனைவரும் அறிந்து கொள்ளலாம். பொய் 9: RSS ன் கைக்கூலியாக செயற்படுகின்றேன். உண்மை : கற்பனை கலக்காத பொய் . இதனை உறுதி செய்யுங்கள் பெரியவரே . நான் உங்களுடன் பொய்களை பரப்பும் கூட்டுக் களவானியாக சேர்ந்து கொள்கின்றேன். பொய் 10: அண்ணன் சீமானுக்கெதிராக சதி செய்தேனாம் உண்மை: அண்ணன் சீமான் அவர்களை தலைமைக்கு அறிமுகம் செய்து வைத்தவன் என்கின்ற முறையில் அவருக்கும் எனக்கும் இடையில் புரிதல் இருக்கின்றது .- (இது குறித்த ஆதாரங்கள் அனைத்தும் பாதுகாப்பாகவே உள்ளது.) அவருக்கெதிராக சதி செய்ய வேண்டிய அவசியம் எதுவும் இதுவரை ஏற்படவில்லை. உங்களைப்போன்ற பெரியவர்கள் இவ்வாறான நிலைமையினை ஏற்படுத்தாமல் இருப்பதே சாலச் சிறந்தது. பொய் 11: அண்ணன் சீமான் அவர்களது வீட்டுக்கு அடிக்கடி வந்து செல்வேனாம் எனது தில்லு முல்லை அறிந்து என்னை அண்ணன் துரத்தி விட்டாராம் (ஏன் இந்த நயவஞ்சக குணம்?) உண்மை: நான் விடுதலையாகி ஒரு வருடம் மட்டுமே சென்னையில் தங்கி இருந்தேன். அக்காலப்பகுதியில் முக்கிய தேவைகளின் அடிப்படையில், அண்ணன் சீமான் அவர்கள் அழைத்தால் மட்டுமே சந்திக்க செல்வதுண்டு..!! ஒரு சில காரணங்களுக்காக நானே தான் அங்கிருந்து ஒதுங்கி இருந்தேன் என்பது அண்ணன் சீமானுக்கு தெரியும். என்னைத் தொடர்பு கொள்வதற்கு மூன்று வருடங்களாக எவ்வாறான முயற்சிகள் எல்லாம் மேற்கொள்ளப்பட்டது என்பதற்கான ஆதாரங்கள் அனைத்தும் பாதுகாப்பாகவே தற்போதும் உள்ளது. எனவே நீங்கள் செய்யும் போலிப்பிரச்சாரங்கள் எதுவும் என்னை எந்த விதத்திலும் பாதிக்காது என்பதை புரிந்து கொண்டு அண்ணன் சீமான் அவர்களின் செயற்பாடுகளுக்கு ஊறு விளைவிக்காமல் தாங்கள் ஒதுங்கி கொள்ளவதே நாம் தமிழர் கட்சியின் வளர்ச்சிக்கு பேருதவியாக அமையும்.. அண்ணன் சீமானை அமைப்பு சார்ந்து முதலில் தொடர்பு கொண்டது யார் என்பது தொடக்கம் அவருடன் தொடர்ந்து பயணித்தது வரையான ஆட்கள் எல்லோரும் தற்போதும் புலம்பெயர்ந்து வாழ்கின்றார்கள் என்பது அண்ணனுக்கு தெரியும். கட்சியின் வளர்ச்சிக்கு இடையூறு செய்யாமல் தாங்கள் இருந்தாலே இனத்துக்கு செய்கின்ற மாபெரும் செயலாக அமையும் . என்னை மிரட்டினால் உங்களின் காலடியில் இருப்பேன் என்றும் இல்லையென்றால் கடத்தி கொலை செய்வேன் என்றும் கதை அளந்துள்ளீர்கள். உங்கள் வயதுக்கேற்ப உங்கள் செயற்பாடுகளை வைத்துக்கொள்ளுங்கள். நீங்கள் வெளிப்படுத்துகின்ற வீர வசனங்களில் அல்ல உங்கள் மீதான மரியாதை . நீங்கள் பிறரை அணுகும் குணத்தில் தான் உள்ளது . நன்றி சிரஞ்சீவி
  6. அரிய புகைப்படங்களை தொடர்ந்து இணைப்பதற்கு நன்றி.
  7. காண்டீபன் வணக்கம், நீங்கள் மூன்று பதிவிகளை பதிவிட்டால், உங்களுக்கு ஏனைய பகுதிக்குள் எழுதும் அனுமதி கிடைக்கும். பயனுள்ள தகவல்களை அங்கே பதிந்தால் அனைவருக்கும் வகைப்படுத்தி வாசிக்க முடியும். நன்றி
  8. எங்கள் சங்கத்தலைவர் கொள்கைகளை கைவிட்டு மூன்றாம் இடத்தில் இருப்பதை வன்மையாக கண்டிக்கிறேன். நந்தன் கொள்கை (கப்பு) முக்கியம்
  9. மல்லாவி பகுதியில், கிளிபாதர் சென்ற வாகனம் பழுதுபட்டிருந்தது. அப்போது அவ்வழியே வந்த தமிழீழ தொலைக்காட்சி சேவையின் ஆங்கிலபிரிவு பொறுப்பாளர் யோகன், கிளிபாதரை கண்டதும் தனது வாகனத்துடன் கட்டி இழுத்து செல்ல வழி செய்தார். பேச்சுத்துணைக்காக யோகனே கிளிபாதரின் வாகனத்தின் சாரதி இருக்கையில் அமர்ந்திருக்க, கிளிபாதர் அருகில் இருந்த இருக்கையில் இருந்து யோகனுடன் பேசியபடியே ஒரு 500 - 600 மீற்றர் நகர்ந்திருப்பார்கள், ஆழ ஊடுருவும் சிங்கள இராணுவத்தின் கிளைமோர் தாக்குதலுக்கு உள்ளானார்கள். இருவரையும் தூக்கி போட்டுக்கொண்டு யோகனின் வாகனம் கிளிநோச்சிக்கு கொண்டுவரும் வழியில் கிளிபாதர் சாவை தழுவிக்கொண்டார். யோகன் படுகாயத்துடன் (தலையில்), கொண்டுவரப்பட்டு சிகிச்சையின் உயிர்பிழைத்தார். நல்லதொரு இனப்பற்றாளனை அன்று தமிழினம் இழந்தது. கிளி பாதருடனும் ஜோசெப் பாதருடனும் நெருங்கி பழகும் வாய்ப்புகள் கிடைத்தன. அவர்களின் தமிழினம் மீதான பற்று வார்தைகளில் அடங்காது. ஜோசெப் பாதரை அவர் புனித பத்திரிசியார் கல்லூரி அதிபராக இருந்தபோதே பழக்கம். என் அப்பாவுக்கு நெருங்கிய நண்பரும் கூட.
  10. போரை போராட்ட களத்தை என்ன பார்வையில் பார்க்கிறோம் என்பதை பொறுத்து ஒவ்வொரு சம்பவங்களுக்கும் ஒவ்வொரு பார்வை இருக்கும். அதில் இந்த கதாசிரியரின் பார்வையை நான் மதிக்கிறேன். அங்கே களமாடிய களத்தில் இருந்த அனைவருக்கும் அவரது பார்வையில் போரை எழுதும் தார்மீக உரிமை எல்லாருக்கும் உண்டு. அவர் கவனிக்கபடவில்லை என்று வருந்தவேண்டிய அவசியமில்லை என்று நினைக்கிறேன். போர் விட்டுச்சென்ற வரலாறை எழுதுவதில் கவனிப்பு இல்லை என்ற கருத்துக்கே இடமில்லை, காலச்சக்கரத்தில் பதிவுகளை நினைவுகள் அழியமுதல் பதிவிடுவதில் எதிர்பார்ப்புகளுக்கு இடமில்லை. போரில் 4 தரப்புகள் இருந்தன. போரிடும் இரு தரப்புகள் இராணுவம், புலிகள் மற்றும் பொதுமக்கள், சர்வதேசம். புலிகளாக போரிட்டவர்களுக்கு ஒரே எண்ணம் தான் இருந்தது, தங்களின் கடைசி மூச்சு உள்ளவரை போரிடுவது. இறுதி நாட்களில் அந்த எண்ணங்களில் தளம்பல் அடைந்தவர்கள் சரணடைவுக்கு தயாரானார்கள். போருக்குள் இருக்கும்போது இந்த காதாசிரியரின் பார்வையில் போரை பார்க்கும் மனநிலை யாருக்கும் இருக்கவில்லை. இது இறுதி யுத்தமாக நினைத்து எந்த அர்பணிப்பு எல்லைக்கும் செல்லும் மனநிலையில் தான் போராளிகள் இருந்தார்கள். அவற்றில் சில புல்லுருவிகளால் களங்கங்கள் ஏற்பட்டது உண்மை. இப்போ வெளியில் இருந்து அந்த போர் மனநிலைக்கு சென்று சரி பிழை பார்க்கும் தளம் வேறு, போராட்டகளம் வேறு என்பதை உணர்ந்தால் அவரின் எழுத்துக்களுக்கு கூடுதல் வலிமை இருக்கும் என்பது என் கருத்து. போரின் போக்கை தீர்மானித்த முடிவுகளின் ஆழங்கள் அனைவரும் அறிந்திருக்க வாய்ப்பில்லை என்பதால் சம்பவங்களின் மறுபக்கங்களை இலகுவாக எழுத முடிகின்றன.
  11. என்னால் சில கருத்துகளை மேற்கோள் காட்ட முடியவில்லை என்பதால் தனித்து எழுதுகிறேன். விசுகு அண்ணா, ஆயுதங்கள் தொடர்பான இதே கேள்விகள் மக்கள் மத்தியில் இருந்தன. எங்களிடமும் கேட்கப்பட்டன. மக்களிடம் ஆயுதங்கள் தொடர்பான புரிதல் இன்மை, புலிகள் பற்றிய மாய கற்பனைகள் கூட காரணமாக இருக்கலாம். இவை புலிகளாலேயே இராணுவ புலனாய்வுத்தேவைகளுக்காக மேற்கொள்ளப்பட்டிருக்கலாம். (புரிதல் இன்மை/மாய தோற்றம்). எதிரியின் படை வலிமையை (ஆள் மற்றும் ஆயுத) தெரிந்து கொள்வது தான் போரில் முதல் உக்தி. அதை தடுக்க புலிகள் பலவாறு முயன்றனர். சில இணையதளங்களை கூட மிகைப்படுத்தலுக்காக பயன்படுத்தினர். சரி, அப்போ ஆயுத புரிதலுக்காக மட்டும் சிலவற்றை சொல்கிறேன். சுடுகருவிகளும் குண்டுகளும்/வெடிபொருட்களும்/எறிகணைகளும் வேறு வேறானவை. போதுமான சுடுகருவிகள் ( இயந்திர துப்பாக்கிகள் முதல் நீண்ட தூர ஆட்டிலெறிகள் வரை) இருந்தாலும் அவற்றை பயன்படுத்த குண்டுகளுக்கு / வெடிமருந்துகளுக்கு / எறிகணைகளுக்கு பற்றாக்குறை இருந்தது. சில உள்ளூர் தயாரிப்பு எறிகணைகள் துல்லியமாக தாக்க தவறின. கிபிர்களில் இருந்து விழும் வெடிக்காத குண்டுகளில் இருந்து வெடிமருந்துகள் எடுக்க வேண்டிய நிலைக்கு தள்ளப்பட்டோம். மின்சார விளக்குத்தூண்களில் இருந்த இரும்புக்கம்பிகளை எடுத்து துருவி Spring ஆக மிதிவெடிகளில் பயன்படுத்த தள்ளப்பட்டோம். நீண்டதூர எறிகணைகளின் சுடுகருவிகளை எண்ணை தடவி புதைக்கும் நிலைக்கு தள்ளப்பட்டோம். காலவதியான விமான எதிர்ப்பு ஏவுகணைகளை உலங்கு வானூர்திக்கு கூட எதிராக பயன்படுத்த முடியவில்லை. கடலில் பயன்படுத்தும் ஆயுதங்களையும் சில விமான எதிர்ப்பு கனரக ஆயுதங்களையும், மொக்கன், சாரை என்ற பெயர்களில் தரைத்தாக்குதல்களில் பயம் காட்ட பயன்படுத்தமுடிந்ததே தவிர அவற்றை தொடர்சியாக பயன்படுத்தமுடியவில்லை. கடைசிகளம் கடற்கரையை அண்மித்து இருந்தமையால் சில நீண்ட தூர ஆட்டிலெறிகளை மண் அணைகளில் ஏற்றி கிடையாக வேதாளம் என்ற பெயரில் கூட பயன்படுத்தி இருக்கிறோம். தொடர்ச்சியான இடப்பெயர்வில் குறைந்த நிலப்பரப்பில் ஆட்டிலெறி எறிகணைகளை நகர்த்தும்போது பல விமான தாக்குதலிகளினால் அழிக்கப்பட்டன. அங்கிருந்த போராளிகளின் தலைமைமிதான பற்றும் மக்களைமீதான பற்றுமே குறைந்த வளத்துடன், உண்ண உணவுக்கூட இல்லாமல் மே நடுப்புகுதிவரை போராட்டத்தை கொண்டு சென்றது. இதை நீங்கள் புரிந்துகொள்ளுவீங்கள் என்று நம்புகிறேன் ஊடுவல்களை அடையாளப்படுத்த முடியவில்லை, ஆயுத வளங்கலில் இருந்த குறைபாடு, பயற்சி பெற்ற இளைஞர்களின் பயம், உணர்வான இளைஞர்கள் அடையாளம் காணப்பட்டு படுகொலைசெய்யப்படிருந்தமை, நெறிப்படுத்தல் இன்மை போன்றவை தான் அவர்களை பயன்படுத்தாமைக்கான காரணங்கள். இவைதவிர பெரும்பாலான மறைமுக/புலனாய்வு உறுப்பினர்கள் சகல மாவட்டங்களில் இருந்தும் வன்னிக்கு அழைக்கப்பட்டு இறுதி யுத்தத்தில் களமாடி மடிந்தார்கள்.
  12. அன்பின் நிர்வாகிகளுக்கு, என்னால் நான் எழுதிய கருத்துகளை திருத்தவோ, தனி மடல்கள் அனுப்பவோ, விருப்பு குறிகளை இடவோ முடியவில்லை. தயவுகூர்ந்து இதனை கவனித்தில் எடுப்பீர்களா. நன்றி, பகலவன்
  13. யாழ் இளைஞர்களுக்கு பளை எரிமலையில் வைத்து நிசாந்தன் மாஸ்ரரினால் பயிற்சி அளிக்கப்பட்டது உண்மை. மக்கள் படை, எல்லாளன் படை என்ற பெயர்களில் அவர்கள் இயங்கினார்கள். 2000 இன் ஆரம்பத்தில் சாவகச்சேரி வரை முன்னேறி இராணுவம் யாழில் முடங்கிய வேளையில் அப்படியொரு படைப்பிரிவு இருந்து உள்ளிருந்து தாக்கியிருந்தால் யாழை கைப்பற்றி இருக்கமுடியும் என்ற அடிப்படையில் உருவாக்கப்பட்டது. குறைந்தநாட்கள் கொண்ட பயிற்சி மூலம் தயார்படுத்தப்பட்ட போது சில ஊடுருவல்களும் நடந்தன. அவற்றை அப்போது கட்டுப்படுத்தமுடியவில்லை. ஆஞ்சியர், பாப்பா போன்றவர்களின் வழிநாடாத்தலில் ஏராளமான இளைஞர்கள் பயிற்சியை முடித்திருந்தும் அவர்களை ஒருங்கிணைக்கும் தொடர்பாடலை ஒழுங்காக செய்திருக்கவில்லை. 2006 ஆகஸ்டில் முகமாலை தொடக்கம் எழுதுமட்டுவாள் கிளாலி முன்னரங்கிலும், யாழ் செல்லும் படையணி பூநகரியில் இருந்து அல்லைப்பிட்டி மண்டைதீவில் தரையிறக்கப்பட்டு ஒரு பாரிய படை நடவடிக்கை முன்னெடுக்கப்பட்டது. அதேவேளை உள்ளே இராணுவநகர்வுகளை தடுக்க பயிற்சி அளிக்கப்பட்ட இளைஞர்களை நெறிப்படுத்த் தொடர்புகளை ஏற்படுத்தமுடியவில்லை. சகல கைபேசி அலைவரிசைகளும் முடக்கப்பட்டு ஊரடங்கு அமுல்படுத்தப்பட்டது. (மாற்றுவழியினை நெறிப்படுத்தாதன் விளைவு). புலனாய்வுப்பிரிவின் சில தாக்குதல்களை தவிர்த்து பயிற்சி அளிக்கப்பட்ட இளைஞர்களால் எந்த பயனுமற்றுப்போனது. - ஊடுருவல் - நெறிப்படுத்தல் தோல்வி இவைகாரணமாக அவர்களை கடைசிவரை பயன்படுத்தவே இல்லை. அவ்வாறான இளைஞர்களுக்கு சரியான ஆயுதங்கள் ஒழுங்குபடுத்தல்களையும் மேற்கொண்டிருக்கவில்லை.
  14. இவ்வளவு நாள் சென்றதா அக்கா இதை எழுதுவதற்கு. உங்கள் தன்னம்பிக்கையும் மனவுறுதியும் எனக்கு இருந்தால் இப்போ நிலமை வேறு. வாழ்த்துக்கள் இருவருக்கும். தொடர்ந்து முன்னேறுங்கள். விடியல் தொடும் தூரத்தில் தான்.
  15. அய்யா பழ.நெடுமாறனை முள்ளிவாய்க்கால் முற்றத்தில் சந்திக்கும் வாய்ப்புக் கிடைத்தது. அவரின் பலகருத்துகளோடு ஒத்துப்போனாலும் அண்ணை (தம்பி) இருக்கிறார் விரைவில் வெளிப்படுவார் என்ற கருத்தியலோடு ஒத்துப்போக முடியவில்லை. கடைசி களநிலையை விரிவாக எடுத்துசொல்லியும் அவர் அந்த நம்பிக்கையில் இருந்து வெளியில் வரவில்லை/வர விரும்பவில்லை. அவரின் நிலையில் நான் இருந்திருந்தாலும் அப்படித்தான் இருந்திருப்பேன் என்று நினைக்கிறேன். ஜவான் ஒரு நெருங்கிய நண்பர்/உறவு. மனம்விட்டு பேசக்கூடிய ஒரு உறவு. என் முழுகுடும்பத்துடனும் பழகிய உறவு. கிளிநொச்சி தமிழீழ அரசறிவியல் கல்லூரியில் வைக்கப்பட்டிருந்த என் அப்பாவின் உடலுக்கும் அஞ்சலி செலுத்த தமிழ்செல்வனுடன் வந்திருந்தார். என் தம்பியின் வீரச்சாவுக்குப் பின் அவரின் வானொலி நிலையத்துக்கு சென்றபோது கட்டியணைத்து ஆறுதல் தந்தார். பிறிதொரு நாளில் நாங்கள் சுதந்திரபுரம் களத்திற்கு நகர்ந்து கொண்டிருதபோது அவரின் வாகனம் தேவிபுரம் பின் பாதையில் சேற்றினுள் புதையுண்ட நிலையில் ஒரு 10-15 நிமிடங்கள் பேசக்கிடைத்தன. அதுதான் கடைசி சந்திப்பு. ஒருமுறை மாவீரர் நாளன்று புலிகளின் குரல் விமானத்தாக்குதலுக்கு உள்ளான போது நான் தொலைதூரத்தில் இருந்தேன். தொலைத்தொடர்பெடுத்து ஜவான் எப்படி என்று கேட்டது தான் முதல் கேள்வி. ஒற்றைக்காலுடன் தேசத்துக்காக நடமாடிய ஒரு அன்பான உறவு. இணைப்புக்கு நன்றி நந்தன். ஞாபங்கள் கிளறிக்கொண்டே இருக்கின்றன.
  16. இணைப்புக்கு நன்றி நந்தன். மனோமாஸ்ரருடன் பழகியநாட்கள் இனிமையானவை. எளிமையான தோற்றமும் வாழ்வும் அவரிடம் கற்றுக்கொண்டவை. அணியுடன் தயாராக இருந்தவேளையில் கடைசியாக சந்திக்கும் வாய்ப்புக்கிடைத்ததை இன்றைக்கும் பாக்கியமாகவே கருதுகிறேன். அது காலம் தாழ்த்திய நகர்வு என்றாலும் உங்களால் முடிந்ததை செய்யும் ஓர்மத்துடன் இருந்தீர்கள். கெரில்லா, காடு என்றாலே உங்களைத்தவிர்த்து என்னால் எழுத முடிவதில்லை. வீரவணக்கம் மனோ மாஸ்ரர். உங்கள் அறிவுரைகளையும் அன்பான வார்த்தைகளையும் என்றும் மனசில் சுமந்திருப்போம்.
  17. உங்களின் இரண்டாவது கேள்விக்கு வருகிறேன். இவ்வளவும் தெரிஞ்சும் ஏன் சண்டைக்கு போனார்கள். 1. அரசுடனான சமாதான புரிந்துணர்வு ஒப்பந்தத்தில் ஆயுத கொள்வனவு உள்ளடக்கப்படவில்லை. மாறாக இருதரப்பும் ஆயுத வல்லமையை அதிகரிக்ககூடாது என்ற நிபந்தனையே இருந்தது. அரசு தனது ஆயுதவல்லமையை (அரசு என்ற ரீதியில்) அதிகரித்துக்கொண்டிருந்த வேளையில் புலிகளின் ஆயுத கப்பல்கள் (பதிவு செய்யப்படாத பெயர்களுடனும் கொடிகளுடனும்) இலங்கைக்கு பல மைல் தொலைவுகளில் ஆயுதங்களுடன் உள்ளே வரும் கட்டளைக்காக காத்திருந்தன. போர் நிறுத்த ஒப்பந்தம் கடற்புலிகளின் கையை கட்டிப்போட்டு இருக்க அமெரிக்க இந்திய உதவியுடன் இலங்கை கடற்படை ஆழ்கடல் வேட்டையை தொடங்கி இருந்தது. இது யுத்த நிறுத்த மீறலாக புலிகளால் வகைப்படுத்த முடியாமல் இருந்தது. 3-4 கப்பல்கள் அடிபட்ட பின்னர் தான் புலிகள் சுதாரிச்சு நிலத்தில ஒரு சண்டை தொடங்கினால் தான் மிச்ச கப்பல்களையும் அதிலிருந்த அனுபவம் வாய்ந்த கடலோடிகளையும் காப்பாற்ற முடியும் என்ற நிலைக்கு புலிகள் தள்ளப்பட்டனர். இது ஒரு சர்வதேச புலனாய்வு நகர்வால் புலிகள் சண்டையை தொடங்க தூண்டப்பட்டனர். 2. பேச்சுவார்த்தையினை நிர்ணயிப்பது படைபல சமநிலை. புலிகளின் கை ஓங்கி இருந்தபோது பேச்சுவார்த்தை ஆரம்பமாகி இருந்தது. புலிகளின் படைபல வலிமை, பாலா அண்ணாவின் பேச்சுவார்த்தை வலிமை எப்பவும் புலிகளின் கையே ஓங்கி இருந்தது. பாலா அண்ணையின் தலைமையில் பேச்சுவார்த்தை குழு நீக்கத்தின் பின் பொறுப்பேற்ற தமிழ்ச்செல்வனின் தலைமை, அரசை மீண்டும் பேச்சுவார்த்தை மேசையில் பணியவைக்க அடி ஒன்று தான் தீர்வு என்று உள்ளக வெளியக அரசியலில் முழங்க, பொதுமக்களுக்கு ஒரு நாள் ஆயுத பயிற்சி, படையணிகள் தயார் நிலை, இராணுவக்கட்டுப்பாட்டு பகுதி இளைஞர்களுக்கு பயிற்சி, இடைக்கிடை கிளைமோர் தாக்குதல்கள் போன்றவை பெரிய தாக்கத்தை ஏற்படுத்தாமல் போக, ஒரு அடியைக்கொடுத்திட்டு நிறுத்துவோம் என்ற முடிவுக்கு வந்தார்கள். அது மட்டும் தான் அவர்களால் அப்போது செய்யகூடிய் வல்லமை. வெடிபொருட்களின் பற்றாக்குறையுடன் வெடிபொருட்களின் காலாவதியே மிகப்பெரும் பிரச்சனை. சில விமான எதிர்ப்பு ஏவுகணைகள் காலாவதி திகதிகளை நெருங்கி இருந்தன. புலிகளால் சைனைடுக்கு பயன்படுத்தும் நஞ்சு உட்பட. அந்த அடிக்கு அவர்கள் வேவு எடுத்த இடமும், வகுத்த திட்டமும் மாவிலாறோ அல்லது முகமாலை எழுதுமட்டுவாளோ அல்ல. அவர்கள் முழுமுடிவாக வலிந்த தாக்குதலுக்கு தேர்ந்த இடம் மன்னார். புத்தளம் வரை கைப்பற்றி கொழும்புக்கு ஒரு அழுத்தம் கொடுத்து மீண்டும் பேச்சுவார்த்தையில் கை ஓங்கவேண்டும் என்ற அவர்களுக்கு தெரிந்த ஒரே அரசியல் வழி. புலிகள் தேர்ந்தெடுத்த இடம் தான் பின்னர் நீரோட்டம் என்று பெயரிடப்படாமல் வடக்கை கைப்பற்ற ராணுவம் தாக்குதலை ஆரம்பித்த இடம். @goshan_che இப்போது உங்களுக்கு சில தெளிவுகள் கிடைத்திருக்கும் என்று நம்புகிறேன். நான் ஒரு இராணுவ பத்தி எழுத்தாளன் அல்ல. எனக்கு தெரிஞ்சதை உங்களுடன் எனக்கு தெரிந்த மொழியில் பகிர்கிறேன். இதில் மறுக்கவும் எதிர்க்கவும் அனைவருக்கும் உரிமை உண்டு.
  18. மரியாதையுடன் கூடிய அன்பும் நன்றிகளும் @goshan_che. கிழக்கு பிடிபட்ட போது, கிழக்கு காடுகளை புலிகள் பயன்படுத்தி கெரில்லா தாகுதல்களை தொடுத்து இராணுவத்தை கிழக்கில் அலைய வைப்பதற்கு பதிலாக, கிழக்கு புலிகள் படையணிகள் காடுகள் வழியாகவும் கடலாலும் வடக்கு நோக்கி நகர்த்தப்பட்டனர். பெரும் ஆயுதங்கள் கூட வடக்கை நோக்கி நகர்த்தப்பட்டன. ராம் நகுலன் தலமையில் ஒரு சிறு அணி எந்த தொல்லையும் கொடுக்காமல் வாழாவிருந்தது. இதுவே வடக்கில் இராணுவத்துக்கு தேவையான ஆளணியை கிழக்கில் இருந்து பெற்றுக்கொள்ளக்கூடியதாக இருந்தது. 2008 இல் கிழக்கில் மாகாணசபை தேர்தல் நடந்து பிள்ளையான் முதலமைச்சாராவது வரை கிழக்கு இராணுவ சாதாரண நிலை இருந்தது. மனோ மாஸ்ரர் தலைமையிலான காட்டு பயிற்சி பெற்ற அணி, அண்ணையின் அனுமதிக்காக காத்திருந்து காலம் கடந்து 2009 ஆரம்பத்தில் வன்னியில் இருந்து புறப்பட்டு இடைவழியில் அனைவரும் தாக்கி அழிக்கப்பட்டனர். நகர சண்டைக்கான பயிற்சியே கிளிநொச்சி கைப்பற்றபடுவதற்கு சில வாரங்கள் முன்னர் தான் தொடங்கப்பட்டிருந்தன. இராணுவம் அக்கராயனையும், புதுமுறிப்பையும், கோணாவில், முறுகண்டி தாண்டிய நிலையில் தான் மக்கள் வெளியேற்றப்பட்ட கிளிநொச்சி நகரில் புலிகளின் நகர்சார் தாக்குதல் அணிகள் பயிற்சியில் ஈடுபட்டன. அதை விட துன்பகரமான விடயம், ஒரு காலை இழந்த, கையை இழந்த போராளிகள், கரும்புலிகளாக புதுக்குடியிருப்பு நகரின் பதுங்கு குழிகளில் விடப்பட்டு, இராணுவம் மேவி வந்தவுடன், இரவு நேரங்களில் நகர்ந்து தனித்தனி ஆட்களாக இராணுவத்தின் மத்தியில் வெடித்தார்கள். இதுவே நான் அறிய நடந்த கெரில்லாத்தாக்குதல்கள். அவர்களிடம் 3-5 நாட்களுக்கு தேவையான உணவே இருந்தன.(பெண் போராளிகள் உட்பட). இருந்தாலும் அவர்கள் மக்கள் மீது வைத்த பாசம் 10 நாட்களுக்கும் மேலாக இரவில் இராணுவ பகுதில் பெரு வெடிப்புகள் கேட்டவண்ணமே இருந்தன. அது இராணுவத்துக்குள் பெரும் இழப்பை தோற்றுவித்ததோடு இராணுவ நகர்வுகளை தாமதப்படுத்தியது. மனது கனப்பதால் மேலும் எழுதுவதை தவிர்க்கிறேன்.
  19. @goshan_che இது குறித்து பிறிதொரு சந்தர்ப்பத்தில் விரிவாக பேசுவோம். எனக்குத்தெரிந்த வரையில் அப்போதிருந்த நிலமையை என்னால் சொல்ல முடியும். இப்போது எனக்கு இருக்கும் வேலைப்பளு காரணமாக தொடர்ச்சியாக எழுத முடியாது. உலகின் வெல்ல முடியாத, மிகச்சிறந்த கெரில்லா இயக்கமாக இருந்த விடுதலைப்புலிகள் மரபுவழி ராணுவமாக பரிமணித்ததில் இருந்து, கெரில்லா படையணி ஒன்று வைத்திருக்கவேண்டியதன் அவசியத்தை மனோ மாஸ்ரர் ஒவ்வொரு சந்திப்பிலும் வலியுறுத்தியே வந்தார். கவிஞர் ஜெயபாலன், மனோ மாஸ்ரர் போன்றோர் சொன்னது போல நாங்கள் எங்கள் பலமான காடுகளை தக்க வைக்க தவறிவிட்டோம். அதேவேளை சிங்கள ராணுவம் அந்த காடுகளை பரீட்சயமாக்கி கொண்டு வெற்றிகரமான தாக்குதல்களை திறம்பட செய்தன. சமாதானம் தொடங்க முதல் கேணல் சங்கர் அண்ணைக்கு அடித்த கிளைமோர் எங்கேயோ எல்லை கிராமத்தில் அல்ல, புலிகள் மிகவும் பலமாக இருந்தபோது அந்த வலயைத்தின் இருதயமான புதுக்குடியிருப்பை அண்மித்த மன்னாங்கண்டல் பகுதியில். அதை மையமாக வைத்தாவது சமாதான காலத்தில் ஒரு கெரில்லா படையணியை வளர்த்திருக்கவேண்டும் நடக்கவில்லை. பயிற்சி முகாம்களைத் தவிர்த்து அனைத்து முகாம்களும் மக்கள் மத்தியுலேயே இருந்தன.இது நீங்கள் குறிப்பிட்ட 87-90 காலப்பகுதியில் இருந்து முற்றிலும் மாறுபட்டது. இறுதி நாட்களில் கூட கடைசி சமர்க்களமாக விசுவமடு, உடையார்கட்டு மற்றும் வள்ளிபுனம் பகுதியை தேர்வு செய்ய வலியுறுத்தியபோதும் கடல் வழங்கலையும் வெளிநாட்டு வாக்குறுதிகளையும் நம்பி முள்ளிவாய்க்காலில் முடிந்தது இன்றும் போரியல் ஆய்வாளர்களால் நியாயப்படுத்த முடியவில்லை. இதில் இருந்து ஓரளவுக்கு உங்களால் ஊகிக்க முடியும் கள நிலவரம் எப்படிப்பட்டது என்பதை. சரி உங்கள் கேள்வியின் சில பகுதிக்கு விடையளிக்க முற்படுகிறேன். கெரில்லா யுத்தத்திற்கு தேவையானது மக்கள் ஆதரவு, நகரங்களில் இரகசிய மறைவிடங்கள், கெரில்லா பயிற்சி பெற்ற சாதாரண மக்கள் போன்ற தோற்றம் கொண்ட போராளிகள், குறைந்த வளங்களுடன் போராடக்கூடிய, தொடர்பாடல் இல்லாமல் / நெறிப்படுத்தல் இல்லாமல் முடிவெடுக்க கூடிய போராட்ட முறை. இதில் கைப்பற்றிய இடங்களில் மக்களை இல்லாமல் புனர்வாழ்வு முகாம்களில் மக்களை அடைத்துவைத்து மக்களை இல்லாமல் செய்தார்கள். ஏனைய இராணுவ கட்டுப்பாட்டு பிரதேசங்களில் நீண்ட கால ஊடுருவலில் எண்ணற்ற முகவர்களும் சவால்களும். 2006 ஆகஸ்டில் முகமாலை நோக்கிய புலிகளின் வலிந்த தாக்குதலுக்கு பக்கபலமாக இருப்பார்கள் என்று பளை எரிமலையில் 15 நாள் பயிற்சி எடுத்து அனுப்பிய எவருமே யாழ்ப்பாணத்தில் ஒரு புல்லைக்கூட புடுங்கமுடியவில்லை( மன்னிகவும் ஒரு இனம் புரியாத கோபத்தில் எழுதுகிறேன்) அது ஒரு மாயை என்று உணரவே நாட்கள் எடுத்தன. கைத்தொலைபேசி அலைவரிசைகள் யாவும் முடக்கப்பட்டு ஊரடங்கும் அமுலில் உள்ளே இருந்த புலனாய்வுபோராளிகள் கூட அசைய முடியாத நிலை. மக்களாதரவு உங்களிடமே விடுகிறேன். 87-90 ? 2006-2009? மிகுதி அடுத்த பதிவில் எழுதுகிறேன் நீங்கள் விரும்பினால். வேலை அழைக்கிறது.
×
×
  • Create New...

Important Information

By using this site, you agree to our Terms of Use.