கவிதை

மிக்க நன்றி செந்தமிழாளன்...!

மிக்க நன்றி செயோன் யாழ்வேந்தன்!

தம்பி இரா.விஷ்வா...! ரொம்ப நன்றி ரொம்பப்பேர் பல வ(டை)ரிகளை சுட்டு....தாங்களே சுட்ட வடைபோல பேஸ்புக் அங்க இங்க எண்டு சுடச்சுட வித்திடுறாங்கள்! எதுக்கும் © இதப் போட்டு வைப்பம் எண்டுதான். © ஒருவன்

சுடும் மழைக் காலம்... குளிர் வெயிலாய் நீ வந்தாய் ! இலையுதிர்கால.... வெளிர்ப் பூவை நீ தந்தாய் !! மனதிழை ஓடும்.... மெல்லிசையாய் உன் பெயரை, இதழிடை பாடும்.... இன்னிசையாய் நீ அமைந்தாய் !!! கனதரம் நினைத்திடும்... கணங்களும் இனித்திடும்...! நிரந்தர வதிவிடம்... மனங்களும் கொடுத்திடும்...!! சிலதரம் பார்த்திடும்... நால்-விழிகளும் கலந்திடும்...! வெண்ணிலா வெட்கத்தில்... மெல்லமாய்ச் சிவந்திடும்...!! எங்கே நீ சென்றாலும்... என் நினைவும் பின்னால் அலையுமடி..! அங்கே வானவில் வீடு கட்டி... உனக்காய் வாசல் வரையுமடி... !! உந்தன் குரலைக் கேட்டு... மெல்லப் பூக்கள் பூக்காதா... ? பூமொட்டு விரியும் தாளம் எந்தன்..... காதில் கேக்காதா... ?? என் கைகள் தொட்டுச் செல்லும் மேகம்.... கொஞ்சம் நிக்காதா..? உன் புன்னகை சொட்டும் தேநீர்க் கிண்ணம்.... எனக்காய் இனிக்காதா...?? எனக்கே எனக்கென எனக்காக... உனையே தந்தாய் எனக்காக! உயிரென உணர்வென உனக்காக.... என் காதலை தந்தேன் உனக்காக!! வருவாய் தருவாய் வரமாக .... உனதாய் எனதாய்... எமதாக ! உனக்கே உனக்கென உனக்காக... எனையே தருவேன் எமக்காக...!! ************ ************ *********** ************ ************ © ஒருவன்

மிக்க நன்றி கு.சா அண்ணை , நெடுக்ஸ் மற்றும் நந்தன்! இது எமது முதல் முயற்சிதான். அங்கங்கே, கொஞ்சம் குறைகள் இருக்கின்றன என்பதை அறிவோம்! பொறுத்துக்கொள்க! அடுத்த பாடலில் அவற்றை இயன்றளவுக்கு தவிர்ப்போம். முக்கியமாக பாடலில் ஒரு "கள்ளி"யைக் கூட காட்டலயே.... என்ற குறையை தவிர்க்க முழு முயற்சி நடக்கிறது. அடுத்த தடவை ஒரு அழகான கள்ளியைக் கண்ணில காட்டுவம் எண்டு நினைக்கிறன்! பார்க்கலாம்!

"கள்ளி" 01 - பெண்ணே பெண்ணே.... CAMP Production என்ற எமது குழுவின் முதல் முயற்சியில்.... எனது வரிகளில் உருவான இந்த காதல் பாடலை காதலை உண்மையாக நேசிக்கும் அனைத்து இதயங்களுக்கும் அர்ப்பணிக்கிறோம். :wub:

இசை : மது ( பருத்தித்துறை - இலங்கை ) பாடல் வரிகள் : ஒருவன் ~ கவிதை ( மெல்பேர்ண் - அவுஸ்ரேலியா ) பாடி நடித்தவர் : பிரசாத் ( மெல்பேர்ண் - அவுஸ்ரேலியா ) ஒளிப்பதிவு : சாள்ஸ் ( மெல்பேர்ண் - அவுஸ்ரேலியா )

என் கண்களுக்கேனடி... அழச்சொல்லிக் கொடுத்தாய் ? நம் காதலுக்கேனடி.... பிரிவை அளித்தாய் ? எரிமலைக் குழம்பினை அள்ளித் தெளித்தாய்....! உயிரோடு இதயத்தைக் கிள்ளி எடுத்தாய்...!! பட்டாம் பூச்சி போல... என் இதயத்தில் நீவந்து அமர்ந்தாய்! காதல் தேனைப் பருகி... ஏன் தூரப் பறந்து மறைந்தாய்? காத்தில பறக்கிற பஞ்சாய் என்னை ஏனடி அலைய விட்டாய்? சேத்தில விழுந்த கல்லாய் ஏனடி என்னை புதையவிட்டாய்? உயிரது தன் உணர்வினைத் தேடும் உண்மைக்குப் பெயர்தான் காதல் ! உன் பொய்மைக்குள் புதைந்த அன்பினைத் தேடி அலைவதுதானா சாதல் ? என்னை மறுத்தாய்... உறவை அறுத்தாய்...! காதலை மறந்தாய்.... பாதியில் மறைந்தாய்...! வானத்தில வந்துபோற மின்னலைப்போல என் வாழ்வில ஏனடி வந்து போனாய்? அளவில்லாக் காதலை நான் தந்ததாலா... ஆறாத வலிகளை நீ தந்து போனாய்! வேரை விழுங்கும் மண்ணாய் என்னை உனக்குள் இழுத்தாய் பெண்ணே..! இன்று... பட்ட மரமாய் நானும் பாலை வனத்தில் தானே...!! வெள்ளை மனசென நினைச்சேதான் கொள்ளை போனதென் மனசு!! உன்னை உசிரென நினைச்சேதான் தடுமாறிப்போனதே.....வயசு ! என்னை மறுத்தாய்... உறவை அறுத்தாய்...! காதலை மறந்தாய்.... பாதியில் மறைந்தாய்...! குறிப்பு : "கள்ளி" - கண்களால் களவாடுவாள்....... இசைத் தொகுப்புக்கான இரண்டாவது பாடலின் வரிகளில் இருந்து........

பத்து ஆண்டுகள் பறந்தோடிவிட்டது...! ஆனாலும், இப்பொழுது நினைத்துப் பார்த்தாலும்.... இன்னும் நெஞ்சு பதைக்கிறது! "சுனாமி" என்ற ஆழிப்பேரலை தந்த அவலத்தின் நினைவுநாள்...... டிசெம்பர் 26 ஆழிப்பேரலைக்குள் கரைந்துபோன அத்தனை உயிர்களுக்கும் நினைவஞ்சலிகள்...!!!

மிக்க நன்றி ரதி அக்கா...! வெகுவிரைவில் முழுமையான பாடல் வெளிவரும். "ஒருவன்" என்பது.... நான் என்றுதான் நினைக்கிறேன்! ( யாழில் என்னுடைய கையெழுத்துப் பகுதியினைப் பார்த்தால் புரியும் )

Camp Production வழங்கும் கள்ளி இசைத் தொகுப்பின் முதல் பாடலான "பெண்ணே பெண்ணே... " பாடலின் இசை முன்னோட்டம் (Music Preview) இது. வெகுவிரைவில் முழுமையான பாடல் வெளிவர இருக்கிறது. முற்று முழுதாக ஈழக் கலைஞர்களின் பங்களிப்பில் உருவாகும் இக்கன்னி முயற்சிக்கு தங்களது நடுநிலையான, ஆக்க பூர்வமான விமர்சனங்கள் வரவேற்கப்படுகின்றன.

வலைப்பூவெனும் வலையால், இணையத்தின் துணையால், கடலலைபோல் எழுந்தேகி... எண்ணக்கடலின் கரை தேடலாம்! வண்ண வண்ண வடிவங்களாய்... எண்ணமெல்லாம் வடிக்கலாம்! சின்னச் சின்னச் சித்திரமாய்... எழுத்துக்களைச் செதுக்கலாம்! காகிதத்தில் எழுதி, கடிதங்களாய் அனுப்பி, காத்திருந்து காத்திருந்து... பார்த்திருக்கத் தேவையில்லை! இணையச் சுவரில் கிறுக்கிட... வலைப்பதிவொன்று போதுமே! உலகமெல்லாம் பகிர்ந்திட... வலைப்பூவுலகும் விரிந்திடுமே! விசைப்பலகை தடவி விரலால், வலைப்பூவில் தூவி வினாடிகளில்... உலகமெங்கும் மலர்ந்திடுமே - உங்கள் எண்ணங்கள் வண்ணங்களாய்...! எண்ணங்களை எழுத்துக்களாய்... படைப்பவனும் பிரம்மன்தான் ! வண்ணம் தரும் வார்த்தைகளை... வடிப்பவனும் ரவிவர்மன்தான் !! வலைப்பூவை உருவாக்கி எண்ணங்களை வலையாக்கி எழுத்துக்களைத் துணையாக்கி ஆக்கங்கள் படைத்திடுவோம்! எம் தாய்த்தமிழை வளர்த்திடுவோம் !! ******** ******** ******** ******** ******** உங்கள் எண்ணத்துக்கு: தமக்குத் தோன்றும் எண்ணங்களை, உணர்வுகளை , அனுபவங்களை கதையாய்,கவிதையாய், கட்டுரையாய் , ஏனைய எழுத்துக்களாய் வடிக்கும்போது அதுவே எழுத்தாக்கங்கள், படைப்புக்கள் ஆகிறது. அப்படி எழுதும் படைப்புக்களை பலர் மற்றவர்களுடன் பகிர்ந்துகொள்வதில்லை. காகிதங்களில் எழுத்தப்படும் அவை பெரும்பாலும் வெறும் கிறுக்கல்களாகவே கிழிந்து பின் யாருமறியாமல் அழிந்து போய்விடுகின்றன. ஆனால் அவை ஒரு காலத்தின் அடையாளங்கள் என்பதனையும் அவற்றின் மதிப்பையும் அப்போது உணராமல் விடுவதே அதற்குக் காரணமாகும். தற்காலத்தில்......இணையத்தின் உயரிய வளர்ச்சி எமக்கு பல இலவச வசதிகளை வழங்கியிருக்கிறது. அதில் மிக முக்கியமான ஒன்று... 'வலைப்பதிவு' அல்லது 'வலைப்பூ' என அழைக்கப்படும் "Blog" வசதியாகும். இலவசமாக ஒரு வலைப்பக்கத்தினை உருவாக்கி அதில் உங்கள் எண்ணங்களை எழுத்துக்களாய் பகிர்வதன்மூலம் உலகமெங்கும் உங்கள் எழுத்துக்களை மிளிரச் செய்யலாம். உங்கள் எழுத்துக்கள் வெறும் கிறுக்கல்களாக காகிதங்களில் கிழிந்து அழிந்துபோகாமல் உலகமெல்லாம் பரவ வலைப்பூவெனும் வலைப்பக்கங்கள் உங்களுக்கு கைகொடுக்கும்! தமிழ் வளர்ப்போம்... தமிழனாய் தலை நிமிர்வோம்! - ஒருவன் (கவிதை) - அவுஸ்ரேலியா ..... விக்டோரியா மாநில கேஸி தமிழ்மன்றத்தினால் இங்குள்ள தமிழ் இளையோருக்காக வெளியிடப்படும் "இளவேனில்" தமிழ் சஞ்சிகைக்காக பல மாதங்களுக்கு முன்னர் எழுதிய கவிதை

முதல்ல... உங்கள் கருத்துக்கு மிக்க நன்றி ரதி அக்கா. நேரமில்லை... வேலைப்பழு.... என வேறு எந்தக் காரணமும் நான் யாழுக்கு முன்னர்போல் வராமல் இருப்பதற்கான காரணமில்லை. அதற்கான காரணத்தையும் காரணமானவர்களையும் வெளிப்படையாக இங்கு சொன்னால், எழுதிய இக்கருத்தும் காணாமல் போகடிக்கப்படலாம். முன்பெல்லாம்.... ஒருநாளைக்கு 100 தடவைக்கு மேல்கூட யாழுக்கு வந்து போனதுண்டு. ஆனால் இப்பொழுது, என் "Book mark" இல் கூட யாழ் இல்லாமல் போய்விட்டது. இது எனக்கு மட்டுமல்ல, இப்படி பல பழைய உறவுகள் யாழுக்கு முன்புபோல் வருவதில்லை. ஏன் ??? எதற்கு...??? யாரால்...??? இதற்கான உண்மையான காரணம் என்ன? அதனை நிவர்த்தி செய்ய வேண்டியது நான் அல்ல.... அப்படி நடப்பதற்கு அடித்தளமிட்டவர்கள் தான். யாழ் முன்னர்போல் ஒரு சூடான கருத்தாடும் களமாக , உறவுகள் மகிழ்வோடு கருத்துக்கள் பரிமாறி ஆரோக்கியமான கருத்துக்களை முன்வைக்கும் தளமாக மீண்டும் மாற வேண்டுமாயின்.... அதை உரியவர்களால் மட்டுமே செய்ய முடியும். இல்லை.... நாம் இப்படித்தான் என்று அடம்பிடித்தால், பரவாயில்லை. அது அவர்களைப் பொறுத்தது.... அவர்கள் விருப்பம். நான் என்ன சொல்ல வருகின்றேன் என்பதை புரிந்திருப்பீர்கள் என நம்புகின்றேன் ரதி அக்கா. தொடர்ந்தும் இணைந்திருக்கிறேன். நன்றி வணக்கம்.

நெடுக்ஸ்.... இது லண்டனில இப்ப பரவலா நடக்கிற சம்பவம். காதலிக்க முன் ஒரு லட்சம் தடவைகூட யோசிக்கலாம். ஆனால் காதலிச்சா பிறகு ஒரு தடவை கூட" நாம் தெரிவு செய்தது சரியா தவறா?" என யோசிக்கக் கூடாது. ஆனால் பெண்களின் அல்லாடும் மனது அப்படித்தானே யோசிக்குது. என்ன பண்ணுறது??? சிலருக்கு காலம் கடந்துதான் புரிகிறது. கிட்டத்தட்ட....நான் எழுதிய "விற்றுத்தீர்ந்த காதல் கதை"யின் முடிவினை உங்கள் கதையில் சொல்லிவிட்டீர்கள். நன்றி நெடுக்ஸ்...!

ஆம்... இது ஒரு கன்னி முயற்சிதான். ஆனாலும்....முடிந்தவரை சிறந்த ஒரு பாடலைத்தர முயற்சிக்கிறோம். வெகுவிரைவில் பாடல் வெளியாகவிருக்கிறது. பாடல் வெளியாகும்போது யாழிலும் பகிர்வேன். கேட்டுவிட்டு உங்கள் நடுநிலையான விமர்சனங்களை முன்வையுங்கள். எமது அடுத்த படைப்புக்கு அது பெரும் உதவியாக இருக்கும். நன்றி இரா.விஷ்வா