Jump to content

நவீனன்

வரையறுக்கப்பட்ட அனுமதி
  • Posts

    85545
  • Joined

  • Last visited

  • Days Won

    480

Posts posted by நவீனன்

  1. பச்சிளம் பருவத்திலேயே நீரழிவு நோயைத் தடுக்க பிரிட்டனில் மருத்துவர்கள் புது ஆய்வு

    முதல் வகை நீரழிவு நோய் வர அதிக வாய்ப்புள்ள குழந்தைகளுக்கு அதை வராமல் தடுக்க வழி இருக்கலாம் என நிபுணர்கள் நம்புகிறார்கள்.

    diabetes from birthபடத்தின் காப்புரிமைGETTY IMAGES

    பச்சிளம் பருவத்திலிருந்தே இன்சுலின் பவுடரை அளிப்பது மூலம் அவர்களின் நோய் எதிர்ப்புத் திறனை அதிகரித்து ஆயுள் கால பாதுகாப்பை அளிப்பதே நிபுணர்களின் இலக்காக உள்ளது.

    ரத்தத்தில் சர்க்கரை அளவை கட்டுப்படுத்தும் ஹார்மோனே இன்சுலின் எனப்படுகிறது. சர்க்கரை அளவு நீரழிவு நோய் உள்ளவர்களுக்கு கட்டுக்கடங்காமல் பெருகக் கூடியது

    பெர்க்‌ஷயர், பக்கிங்ஹாம்ஷயர், மில்டன் கெயின்ஸ், ஆக்ஸ்ஃபோர்டு ஷயர் ஆகிய இடங்களில் உள்ள மகப்பேறு மருத்துவமனைகளுக்கு வரும் கர்ப்பிணிகள் சர்க்கரை நோய் தடுப்புக்கான பரிசோதனை முயற்சியில் பங்குகொள்ளுமாறு கேட்டுக்கொள்ளப்ப பட்டார்கள்.

    குழந்தைக்கு ஆறாவது மாதம் ஆகும்போதிருந்து மூன்று வயது ஆகும் வரை தினமும் இன்சுலின் பவுடர் தருமாறு அந்த கர்ப்பிணிகளிடம் முன்கூட்டியே அறிவுறுத்தப்படுகிறது.

    அக்குழந்தைகளின் ஆரோக்கியத்தை ஆராய்ச்சியாளர் குழு அவ்வப்போது சென்று பார்த்துவரும். இந்த சோதனையில் பங்குபெறும் சரிபாதி குழந்தைகளுக்கு உண்மையான இன்சுலின் தரப்பட்டது. மறுபாதி குழந்தைகளுக்கு எந்த மருந்தும் இல்லாத சாதாரண பவுடர் வழங்கப்பட்டது.

    சோதனை முடியும் வரை யாருக்கு எது தரப்பட்டது என யாருக்குமே தெரியாமல் வைக்கப்பட்டது. சோதனையின் முடிவுகள் பாதிக்கப்படாமல் இருக்க இவ்வாறு செய்யப்பட்டது.

    நீரிழிவுபடத்தின் காப்புரிமைGETTY IMAGES

    முதல் வகை சர்க்கரை நோய் ஒவ்வொரு நூறு குழந்தைக்கும் ஒரு குழந்தையிடம் முதல் வகை சர்க்கரை நோயை ஏற்படுத்த அதிக வாய்ப்புள்ள மரபணுக்கள் இருப்பதாக நம்பப்பட்டது.

    பிறந்த குழந்தைகளின் மரபணுவில் வேறு எதாவது கோளாறுகள் இருக்கிறதா என கண்டறிய ரத்தப்பரிசோதனைகளும் நடத்தப்பட்டன. ஆக்ஸ்ஃபோர்டு பல்கலைகழகத்தை சேர்ந்த ஆராய்ச்சியாளர்கள் 30 ஆயிரம் குழந்தைகளிடம் இது போன்ற சோதனை நடத்தி தகுதி வாய்ந்த ஒருவரை தேர்வு செய்ய விரும்பினர்.

    இன்சுலின் பவுடர் அளிப்பதால் முதல் வகை சர்க்கரை நோய் ஏற்படுவதை தடுக்க முடியும் என நம்பப்பட்டது. தற்போதைய நிலையில் முதல் வகை நீரழிவு நோயை தடுக்க எந்த வழியும் இல்லை.

    மெட்ஃபார்மின் என்ற மருந்தை குழந்தைப் பருவத்தில் அளிப்பதால் நீரழிவு நோயை தடுக்க முடியும் என்ற யூகத்தில் இன்னொரு சாரார் ஆய்வுகளை மேற்கொண்டனர்.

    நீரிழிவுபடத்தின் காப்புரிமைGETTY IMAGES

    முதல் வகை நீரழிவு நோய் என்பது ஒரு முறை வந்தால் ஆயுளுக்கும் தொடரக்கூடிய ஒரு குறைபாடாகும். இந்த பிரச்சனை இருப்பவர்களுக்கு கணையம் இன்சுலினை சுரக்காத நிலை இருக்கும். இதனால் ரத்தத்தில் சர்க்கரை அளவு கடுமையாக அதிகரிக்கும். இதன் விளைவாக கண் பார்வை இழப்பு, இதய நோய்கள், பக்கவாதம் என பல பிரச்னைகள் நீண்டகால அளவில் ஏற்பட வாய்ப்பு உள்ளது.

    குழந்தைகளையும் அவர் குடும்பத்தையும் நீரழிவு நோய் ஏற்படாமல் தடுத்து அதனால் பார்வை இழப்பு, சிறுநீரக நோய், இதய நோய் ஏற்படாமல் பார்த்துக்கொள்வது அற்புதமான ஒன்று என கூறுகிறார் ஆக்ஸ்ஃபோர்டு பல்கலைகழகத்தில் இது குறித்த ஆய்வுகளை மேற்கொண்டு வரும் குழுவின் தலைவர் டாக்டர் மேத்யூ ஸ்நேப்.

     

     

    இந்த ஆய்வுகளுக்கு தேவையான நிதியை சுகாதார ஆராய்ச்சிக்கான தேசிய மையம் வழங்குகிறது. இது தவிர JDRF தொண்டு நிறுவனம், Diabetes UK என்ற அமைப்பு, வெல்கம் டிரஸ்ட், லியோனா எம் மற்றும் ஹாரி பி ஹெல்ம்ஸ்லி தொண்டு நிறுவனம் ஆகியவையும் ஆய்விகளுக்கு தேவையான நிதியை வழங்குகின்றன.

    "இந்த ஆய்வுகள் ஒரு மிக நீண்ட நெடிய பயணம்" என வர்ணிக்கிறார் Diapetes UK ஆராய்ச்சி மையத்தின் இயக்குநர் டாக்டர் எலிசபெத் ராபர்ட்சன்.

    எனவேதான் தென்கிழக்கு பகுதியில் வசிக்கும் பெண்களை இதில் ஈடுபட ஊக்குவிக்கிறோம் என்கிறார் டாக்டர் எலிசபெத் ராபர்ட்சன். இது போன்ற பெண்கள் இல்லாமல் சர்க்கரை நோய்க்கான ஆய்வுகள் சாத்தியமே இல்லை என்கிறார் டாக்டர் எலிசபெத் ராபர்ட்சன்.

    https://www.bbc.com/tamil/science-44834236

  2. தயிர் சாதத்திற்கு சூப்பரான வெங்காய ஊறுகாய்

     
    அ-அ+

    வெங்காய ஊறுகாய் தயிர் சாதம், எலுமிச்சை சாதம், தோசைக்கு தொட்டுக்கொள்ள அருமையாக இருக்கும். இன்று இந்த ஊறுகாய் செய்வது எப்படி என்று பார்க்கலாம்.

     
     
     
     
    தயிர் சாதத்திற்கு சூப்பரான வெங்காய ஊறுகாய்
     
    தேவையான பொருட்கள் :

    சின்ன வெங்காயம் - கால் கிலோ,
    காய்ந்த மிளகாய் - பத்து,
    புளி - எலுமிச்சை அளவு,
    உப்பு - தேவையான அளவு,
    நல்லெண்ணெய் - 100 மில்லி,
    பெருங்காயம் - தேவையான அளவு,
    வெல்லம் - நெல்லிக்காய் அளவு,
    கடுகு - அரை டீஸ்பூன்.

    201807141130184257_1_onion-pickle._L_styvpf.jpg

    செய்முறை :

    வெங்காயத்தை தோல் உரித்து வைக்கவும்.

    கால் டீஸ்பூன் கடுகை வெறும் கடாயில் வறுத்து பொடித்து கொள்ளவும்.

    மிக்ஸியில் காய்ந்த மிளகாய், ஊற வைத்த புளி, உப்பு ஆகியவற்றை போட்டு விழுதாக அரைக்கவும்.

    அடுப்பில் கடாயை வைத்து நல்லெண்ணெய் ஊற்றி சூடானதும் கால் டீஸ்பூன் கடுகு, பெருங்காயம் போட்டு தாளித்த பின்னர் வெங்காயத்தை போட்டு வதக்கவும்.

    அடுத்து அதில் அரைத்த விழுதை சேர்த்து அடுப்பை சிம்மில் வைத்து நன்றாக கொதிக்க விடவும்.

    ஊறுகாய் அடிபிடிக்காமல் அடிக்கடி கரண்டியால் கிளறிக்கொள்ளவும்.

    ஊறுகாய் சுண்ட சுருள வதங்கி எண்ணெய் பிரிந்து வெங்காயம் நல்ல மணம் வந்தவுடன் வறுத்து பொடித்த கடுகை போட்டு ஊறுகாயில் கலந்து ஆறிய பின் ஊறுகாயை காற்று புகாத டப்பாவில் வைக்கவும்.

    சூப்பரான வெங்காய ஊறுகாய் ரெடி.

    குறிப்பு - சின்ன வெங்காயத்தை அரைத்து சேர்க்கலாம்.

    https://www.maalaimalar.com

    • Like 1
  3.  

    வாழை இலை ஃபிஷ் ஃப்ரை

     

    என்னென்ன தேவை?

    மீனை பொரிக்க...

    நெய் மீன் அல்லது வஞ்ஜர மீன் - 200 கிராம்,
    லெமன் ஜூஸ் - சிறிது,
    மிளகாய்த்தூள் - 1/2 டீஸ்பூன்,
    உப்பு, சோம்புத்தூள், மஞ்சள் தூள் - தலா 1/4 டீஸ்பூன்,
    பொரிக்க எண்ணெய் - தேவைக்கு.

    கிரேவி செய்ய...

    பொடியாக நறுக்கிய வெங்காயம், தக்காளி - தலா 1/2 கப்,
    டொமேட்டோ சாஸ் - 1/4 கப்,
    பொடியாக நறுக்கிய இஞ்சி, பூண்டு - 2 டீஸ்பூன்,
    எண்ணெய் - 2½ டீஸ்பூன்,
    கடுகு, வெந்தயம் - சிறிது,
    மிளகாய்த்தூள் - 1 டீஸ்பூன்,
    உப்பு - தேவைக்கு.

    வாழை இலையில் வைத்து மடிக்க...

    பெரிய வாழை இலை - 1,
    பொடியாக நறுக்கிய பச்சைமிளகாய் - 2,
    இஞ்சி பூண்டு - 2 டீஸ்பூன்,
    எண்ணெய் - சிறிது.
    20.jpg

     
    எப்படிச் செய்வது?


    மீன் பொரிக்க கொடுத்த பொருட்களை கலந்து மீனில் பிரட்டி 10 நிமிடம் ஊற வைக்கவும். பிறகு எண்ணெயில் பொறித்தெடுக்கவும். மொறு  மொறுவென்று பொரிக்கத் தேவையில்லை. கிரேவிக்கு கடாயில் எண்ணெயை காயவைத்து கடுகு, வெந்தயம் தாளித்து இஞ்சி, பூண்டு, வெங்காயம்,  தக்காளி சேர்த்து வதக்கி டொமேட்டோ சாஸ், உப்பு, மிளகாய்த்தூள், சிறிது தண்ணீர் சேர்த்து அனைத்தும் ஒன்றாக சேர்ந்து சுருண்டு வந்ததும்  இறக்கவும்.

    வாழை இலையை தீயில் வாட்டிக் கொள்ளவும். பின் இலையின் மேல் இஞ்சி, பூண்டு, பச்சைமிளகாய் மற்றும் கிரேவியை வைத்து அதன் மேல் மீனை  வைத்து மீனின் மேல் கிரேவி, பச்சைமிளகாய், இஞ்சி, பூண்டு வைத்து இலையை நன்றாக மடித்துக் கொள்ளவும். தோசைக்கல்லில் எண்ணெய் விட்டு  வாழ இலையுடன் கூடிய மீனை வைத்து மூடி போட்டு இருபுறமும் பிரவுன் கலர் வரும் வரை மிதமான தீயில் சுட்டு எடுக்கவும்.

    http://www.kungumam.co.in/

  4. ரத்தமகுடம்

     

     

    பிரமாண்டமான சரித்திரத் தொடர்

    கே.என்.சிவராமன் - 10


    ‘‘சண்டையிட வரவில்லை. சிவகாமியின்
    சபதம் குறித்து பேசவே
    வந்திருக்கிறேன்!’’
    29.jpg
    சொன்ன அந்த மனிதன் சிவகாமியின் கழுத்தில் பதித்திருந்த தன் குறுவாளை எடுத்துவிட்டு அவளை கரிகாலனை நோக்கித் தள்ளினான். தனது வாள் வீச்சை அநாவசியமாகத் தடுத்து நிறுத்திவிட்டு எதுவும் நடக்காததுபோல் தனது சபதம் குறித்து அந்த மனிதன் அறிந்திருப்பதாகக் குறிப்பிட்டதால் ஏற்பட்ட அதிர்ச்சியினாலும், மிதமான வேகத்தில் அவன் தள்ளியதாலும், பரந்து விரிந்திருந்த கரிகாலனின் மார்பில் வந்து சிவகாமி விழுந்தாள். என்றாலும் சமாளித்து அவன் தோளை உரசியபடி அருகில் நின்றாள்.

    பலவித உணர்ச்சிகளும் கேள்விகளும் அலைக்கழித்ததால் கரிகாலன் அவளைத் தாங்கிப் பிடிக்கவுமில்லை. தோளோடு உரசிய அவள் தோளுக்கு ஆறுதலோ செய்தியோ சொல்லவும் முற்படவில்லை. தன் முன்னால் அலட்சியமாக நின்றிருந்த அந்த மனிதனை உச்சி முதல் உள்ளங்கால் வரை அலசினான். நாற்பது வயதிருக்கும். விடாமல் உடற்பயிற்சி செய்பவன் என்பதற்கு அறிகுறியாக அவன் உடல் உருண்டு திரண்டு கட்டுக்கோப்புடன் காணப்பட்டது. வயிறு ஒட்டியிருந்தது. அது பசியினால் அல்ல என்பதைக் குறித்துக் கொண்டான். அதிக உயரமில்லை. அதேநேரம் உயரம் குறைவுமில்லை. கை மணிக்கட்டில் வாள் காயங்கள் தென்பட்டன. அக்காயங்கள் வேறு இடங்களில் படராததால் வாள் வீச்சில் அந்த மனிதன் சளைத்தவனில்லை என்பது புரிந்தது. கூர்மையான நாசி. நாடி, நரம்பை ஊடுருவும் தீட்சண்யமான பார்வை. முகம் மட்டும் எங்கோ பார்த்தது போலவும் நெருக்கமாகவும் தோன்றியது.

    பார்வையை இடுக்கி அம்முகத்தை கரிகாலன் உள்வாங்கினான். மனதுக்குள் பதிந்திருந்த பல்வேறு முகங்களின் பிம்பங்களோடு அதை சரசரவென ஒப்பிட்டான். சட்டென்று அவன் கண்கள் விரிந்தன. இந்த மனிதன்... தவறு... ஒருமையில் விளிக்கக் கூடாது. இந்த மனிதர்... அவரா..? கரிகாலன் தன்னை இனம் கண்டுகொண்டான் என்பதை உணர்ந்த அந்த மனிதரும் ஆமோதிக்கும் வகையில் கண் சிமிட்டினார். கம்பீரமும் எதிர்க்கும் உணர்வும் மறைந்து தன் உடல் முழுக்க மரியாதை பரவுவதையும் அது தன் உடல்மொழியில் வெளிப்படுவதையும் அறிந்துகொள்ள கரிகாலனுக்கு அதிக நேரம் பிடிக்கவில்லை.

    அவ்வுணர்வுக்குக் கீழ்ப்படிந்து தன் முன்னால் நிற்பவருக்கு வணக்கம் தெரிவிக்க அவன் முற்பட்டபோது சிவகாமியின் குரல் அச்சூழலை வேறு தளத்துக்கு அழைத்துச் சென்றது. ‘‘யார் நீ? எனது சபதம் குறித்து உனக்கு என்ன தெரியும்..?’’ ‘‘பரவாயில்லையே... கரிகாலனுடன் இணைந்து இயைந்து பயணப்பட்டதில் பக்குவப்பட்டு விட்டாயே..?’’ முகம் மலர அந்த மனிதர் புன்னகைத்தார். கரிகாலன் மெளனமாக இருப்பதைக் கவனித்துவிட்டு குழப்பத்துடன் தானே உரையாடலைத் தொடர்ந்தாள். ‘‘எதைக் குறிப்பிடுகிறாய்?’’ ‘‘மல்லைக் கடலுக்கும் இந்த வனத்துக்குமான இடைப்பட்ட தூரத்தை!’’ தடங்கலின்றி அந்த மனிதர் பதிலளித்தார்.

    ‘‘என்ன சொல்கிறாய்..?’’ சிவகாமியின் குரலில் மெல்ல மெல்ல கோபம் படர ஆரம்பித்தது. ‘‘உண்மையை!’’ அலட்சியமாக விடையளித்த அந்த மனிதர் நிதானமாக சிவகாமியை நெருங்கினார். ‘‘மல்லைக் கடலில் கரிகாலனுக்குச் சமமாக மூழ்கியும் மூழ்காமலும்; நீந்தியும் நீந்தாமலும் ஒரு மனிதனை நெருங்கினாய். வாள் சண்டையிட்டு அவனை வீழ்த்தினாய். அப்போது அந்த மனிதனும் உனது சபதத்தைக் குறித்துத்தான் குறிப்பிட்டான். உன்னை நம்ப வேண்டாமென்றும் கரிகாலனிடம் அழுத்திச் சொன்னான். பல்லவ அரச குடும்பத்தை வீழ்த்த வந்திருக்கும் கோடரி என உன்னைச் சுட்டினான். அப்போது நீ கோபம் கொண்டு உன் வாளை உயர்த்தி அவனைத் தாக்க முற்பட்டாய். கரிகாலன் அதைத் தடுத்தான்!’’
    நேரில் பார்த்தது போல் நடந்த சம்பவங்களை அப்படியே விவரித்த அந்த மனிதர் கரிகாலனையும் சிவகாமியையும் மாறி மாறிப் பார்த்தபடியே தொடர்ந்தார்.

    ‘‘கதம்ப இளவரசரை உனக்கு அறிமுகப்படுத்தினான்! அதே நிகழ்வுதான் இங்கும் அரங்கேறியிருக்கிறது. என்ன... உனது சபதத்தை மட்டுமே நான் குறிப்பிட்டேன். மற்றபடி பல்லவ அரச குடும்பத்தைச் சிதைக்க வந்தவளாக உன்னைக் கருதவில்லை! ஒருவேளை அதனால்தான் கதம்ப இளவரசன் இரவிவர்மனுக்குக் கொடுத்த வாள் மரியாதையை இப்போது எனக்கு நீ வழங்கவில்லையோ என்னவோ! என்றாலும் நீ பக்குவப்பட்டிருப்பதாக நான் நினைப்பது பொய்யாக இருந்தாலும் அதில் எனக்கு ஆனந்தமிருக்கிறது! எனவே அப்படியே கருதிக் கொள்கிறேன்! என்ன கரிகாலா, நான் சொல்வது சரிதானே? சரியாகத்தான் இருக்கும்.

    சற்று நேரத்துக்கு முன் நீங்கள் இருவரும் நெருக்கமாக இருந்ததை என் கண்ணால் கண்டேனே! பக்குவப்படுத்தித்தான் இருக்கிறாய்! உன் தீண்டல் வாள் மகளைக் குழைத்து வைத்திருக்கிறது!’’ வாய்விட்டுச் சிரித்த அந்த மனிதரை நேருக்கு நேர் சந்திக்க முடியாமல் சிவகாமி தன் பார்வையைத் தாழ்த்தினாள். எவரிடமும் பகிர்ந்து கொள்ள முடியாத ஆனந்தத்தை அல்லவா சற்று நேரத்துக்கு முன் கரிகாலனுடன் அனுபவித்தாள்..? அது அவளுக்கு மட்டுமே உரியதல்லவா..? அதைப்பற்றி முன்பின் அறியாத ஒரு மனிதர் அவளிடமே விவரிக்கும்போது அர்த்தங்களுக்கு அப்பாற்பட்ட உணர்வுதானே பூக்கும்? சிவகாமிக்குள்ளும் அதுவேதான் பூத்தது. குனிந்த தலையை அவள் நிமிர்த்தவில்லை.

    இதற்கு மேலும், தான் அமைதியாக இருப்பது அழகல்ல என்பதை கரிகாலன் உணர்ந்தான். எனவே எதிரிலிருந்த மனிதரை அவளுக்கு அறிமுகப்படுத்தினான். ‘‘இவர் உன்னை ஒருமையில் அழைத்ததற்காக வருத்தப்படாதே சிவகாமி. அந்த உரிமை இவருக்கு இருக்கிறது!’’ ‘‘என்ன உரிமை?’’ சட்டென பார்வையை உயர்த்தி கரிகாலனை ஊடுருவினாள். ‘‘தகப்பன் உரிமை!’’கரிகாலன் இப்படிச் சொன்னதுமே சிவகாமியின் உணர்வுகள் தாண்டவமாடின. ‘‘புரியவில்லை...’’‘‘பல்லவ மன்னர் உன்னைத் தனது மகளாகக் கருதுகிறார் அல்லவா?’’
    ‘‘ஆம். அவர் என் தந்தைக்குச் சமமானவர்..!’’‘‘எனில், இவர் உன் சிறிய தந்தை!’’‘‘என்ன..?’’‘‘பல்லவ மன்னர் பரமேஸ்வர வர்மரின் சித்தப்பா மகன்தான் இவர்!’’ என்று சொன்ன கரிகாலன் முறைப்படி அவரை வணங்கினான்.

    அதை ஏற்று தலையசைத்த அந்த மனிதர் சிவகாமியை வாஞ்சையுடன் பார்த்தார். ‘‘அடியேனை ஹிரண்ய வர்மன் என்பார்கள்! ஹிரண்யன் என என்னை பெயர் சொல்லியும் நீ அழைக்கலாம்! தந்தையை பெயர் சொல்லி மகள் அழைப்பது உலக வழக்கம்தானே!’’ மறுகணம் முன்னால் வந்து ஹிரண்ய வர்மரின் காலைத் தொட்டு சிவகாமி வணங்கினாள். ‘‘மனம் போல் மாங்கல்யம் அமையட்டும் மகளே! உனக்கு ஏற்ற மணமகனைத்தான் தேர்ந்தெடுத்திருக்கிறாய்!’’ தோளைத் தொட்டு அவளை நிமிர்த்தினார் ஹிரண்ய வர்மர்.

    ‘‘எந்தக் காரணத்தைக் கொண்டும் கரிகாலனை விட்டுவிடாதே! உன்னைப்பற்றிய சந்தேகங்களை கதம்ப இளவரசன் இரவிவர்மன் கிளப்பியபிறகும் புலவர் தண்டியின் சொல்லுக்குக் கட்டுப்பட்டு உன்னிடம் எதையும் விசாரிக்காமல், முழுமையாக நம்புகிறானே... இப்படி ஒருவன் கிடைக்க நீ கொடுத்து வைத்திருக்க வேண்டும்! பரஸ்பர நம்பிக்கைதான் வாழ்க்கைப் பயணத்தை எல்லா சிரமங்களிலும் கடக்க வைக்கும்! இவன் உன்னை தன் கைகளில் ஏந்திக் கடக்கவும் வைப்பான்; உன் சபதம் நிறைவேறவும் துணை புரிவான்!’’

    சிறிய தந்தை சொல்லச் சொல்ல தன் கன்னங்கள் சூடாவதை சிவகாமி உணர்ந்தாள். ஓரக் கண்ணால் கரிகாலனைப் பார்த்துவிட்டு நிலத்தை அளந்தாள். கண்கொள்ளாக் காட்சியாக ஹிரண்ய வர்மருக்கு இது அமைந்தது. மகளின் மலர்ந்த வெட்கம் எப்போதும் தந்தையை மகிழ்விக்கும்! ‘‘உங்கள் இருவரது வீரத்தை அளவிடத்தான் சற்று முன் என் வீரர்களை வைத்து நாடகமாடினேன். எதிர்பார்த்ததுக்கு மேலாக இருவரும் அதில் வெற்றி பெற்றுவிட்டீர்கள். இனி நாம் காலத்தைக் கடத்த வேண்டாம். வாருங்கள்..!’’‘‘எங்கு மன்னா!’’ என்று கரிகாலன் கேட்கவில்லை.

    மாறாக சிவகாமி ‘‘எங்கு தந்தையே!’’ என்று கேட்டாள். ‘‘ஆயுதச் சாலைக்கு மகளே! கரிகாலா... நாம் எதிர்பார்த்தது போலவே எல்லாம் நடந்திருக்கிறது. காஞ்சியும் பல்லவ நாடும் இப்போது சாளுக்கியர்களின் வசம். போருக்கு இன்னும் சில திங்களே இருக்கின்றன. அதற்குள் பல்லவ இளவலை நீங்கள் அழைத்து வர வேண்டும். இடையில் உங்களைச் சந்தித்து ஆயுதச் சாலை இருக்கும் இடத்தை உங்களுக்குக் காட்டும்படி புலவர் தண்டி உத்தரவிட்டிருக்கிறார்.

    அதனால்தான் இங்கு வந்தேன். புரவிகள் வேண்டாம். நடந்தே செல்லலாம் வாருங்கள்...’’ என்றபடி ஹிரண்ய வர்மர் வனத்துக்குள் புகுந்தார். ‘‘இதற்காகவா கடல் கடந்து உங்கள் நாட்டிலிருந்து வந்தீர்கள்?’’ சிவகாமியுடன் அவரைப் பின்தொடர்ந்தபடி கரிகாலன் கேட்டான். ‘‘அண்ணனுக்கு உதவ வேண்டியது என் கடமையல்லவா? நரசிம்ம வர்மர் வாதாபியைத் தீக்கரையாக்கியபின் சாளுக்கியர்கள் எப்போது வேண்டுமானாலும் பழிக்குப் பழி வாங்க முற்படுவார்கள் என்று தெரியும். அதை எதிர்கொள்ள வேண்டுமென்று வணிகர்கள் வழியாக அவ்வப்போது ஆயுதங்களை அனுப்பி மறைவிடத்தில் சேகரித்து வருகிறேன்...’’ அதன்பிறகு மூவரும் எதுவும் பேசிக்கொள்ளவில்லை. மெளனமாக நடந்தார்கள். அரை நாழிகை பயணத்துக்குப் பின் மலையடிவாரத்தை அடைந்தார்கள்.

    ‘‘இதற்குள்தான் ஆயுதங்கள் இருக்கின்றன!’’ கம்பீரமாக அறிவித்தார் ஹிரண்ய வர்மர். ‘‘மலைக்குள்ளா..?’’ கரிகாலன் புருவத்தை உயர்த்தினான். ‘‘ஆம். மலையின் கர்ப்பத்தில் பாதுகாப்பாகக் குடிகொண்டிருக்கிறது!’’‘‘சுரங்கத்தின் திறவுகோல் எங்கிருக்கிறது தந்தையே!’’ பரபரப்புடன் சிவகாமி கேட்டாள். ‘‘புத்திசாலிப் பெண்!’’ மெச்சிய ஹிரண்ய வர்மர், ஆளுயரப் பாறைகளுக்கு மேல் இருந்த உச்சியை தன் ஆள்காட்டி விரலால் சுட்டிக் காட்டினார். ‘‘அங்கு!’’மறுகணம் மடமடவென்று பாறை மீது சிவகாமி ஏறத் தொடங்கினாள்.

    கரிகாலன் அவளையே பார்த்துக் கொண்டிருந்தான். மாலைச் சூரியன் அவளை ஒளியால் நீராட வைத்தான். இதனைத் தொடர்ந்து செண்பக மலர் இதழ்களின் மஞ்சள் நிறத்தையும் வழுவழுப்பையும் பெற்று பொன் அவிழ்ந்து கொட்டுவது போல் அவள் மேனி தங்கத் தகடாகப் பளபளத்தது. அந்தக் கணத்தில் அவள் சரீரமே ஸ்ரீசக்கரமாக ஜொலித்தது. பார்வை ஊசியால் மடமடவென்று பிசிறின்றி அவள் மேனியென்னும் தகட்டில் ஸ்ரீசக்கரத்தை வரைய ஆரம்பித்தான்.

    கால்களை உயர்த்தி உயர்த்தி அவள் ஏறியபோது பிரஹ்ம ரந்தரம், பிந்துஸ்தானமாகவும்; சிரசு, திரிகோணமாகவும்; நெற்றி, அஷ்டகோணமாகவும்; புருவ மத்தி, அந்தர்த்தசாரமாகவும்; கழுத்து, பஹிர்த்தசாரமாகவும்; ஸ்தனங்கள், மந்வச்ரமாகவும்; நாபி, அஷ்டதள பத்மமாகவும்; இடுப்பு, ஷோடசதள பத்மமாகவும்; தொடைகள், விருத்தத்ரயமாகவும்; பாதங்கள், பூபுரமாகவும் மாறி முழுமை பெற்றன. ‘‘பார்வையைத் திருப்பாமல் சொல்வதை மட்டும் கேள் கரிகாலா!’’ஹிரண்ய வர்மரின் குரல் அவனை நடப்புக்குக் கொண்டு வந்து நிறுத்தியது.

    ‘‘சொல்லுங்கள் மன்னா!’’ ‘‘புலவர் தண்டியிடம் பாடம் கற்றதால் நீயும் சாக்த உபாசகனாகி இருக்கிறாய்! அதனாலேயே மனம் கவர்ந்த பெண்ணின் உடல், ஸ்ரீசக்கரமாக உனக்குக் காட்சியளிக்கிறது!’’ ‘‘இதை தவறென்று சொல்கிறீர்களா?’’‘‘ஆண் / பெண் விஷயத்தில் சரி / தவறு என மூன்றாம் மனிதர் கருத்து சொல்ல முடியாது. தன்னை ஆவாஹனம் செய்யச் சொல்லி ஆணிடம் தன்னையே ஒரு பெண் ஒப்படைத்தபின் தந்தையானாலும் அவன் அந்நியன்தான்...’’‘‘மன்னா!’’‘‘சொல்ல வந்தது வேறு. சிவகாமி விஷயத்தில் புலவர் தண்டி சொல்வதை எந்தளவுக்கு நம்புகிறாயோ அதே அளவுக்கு கதம்ப இளவரசன் இரவிவர்மன் சொன்னதையும் நம்பு!’’ ‘‘...’’ ‘‘பல்லவ குலத்தை அழிக்கத்தான் சிவகாமி வந்திருக்கிறாள்! உன்னையும் அதற்குப் பயன்படுத்தத்தான் திட்டமிடுகிறாள்! புலவரையும் என்அண்ணனையும் போல் நீயும் இவளிடம் ஏமாந்துவிடாதே! எச்சரிக்கையாக இரு. எங்கள் குலத்தைக் காக்கும் பொறுப்பு உனக்கிருக்கிறது!’’
     

    (தொடரும்)

    http://www.kungumam.co.in/

  5. மைக்ரேன் தலைவலிக்கான காரணமும் - தீர்வும்

     
    அ-அ+

    இப்போதைய மைக்ரேன் தலைவலியினால் அவதிப்படுபவர்கள் எண்ணிக்கையும் கூடியுள்ளது. சில தகவல்களையும் அறிந்தால் மைக்ரேன் தலைவலியினை முடிந்தவரை தவிர்த்து விடலாம்.

     
     
     
     
    மைக்ரேன் தலைவலிக்கான காரணமும் - தீர்வும்
     
    இப்போதைய மைக்ரேன் தலைவலியினால் அவதிப்படுபவர்கள் எண்ணிக்கையும் கூடியுள்ளது. பொதுவில் அதிக பளீர் வெளிச்சம், தூக்கமின்மை, காபி, கேபின், சாக்லெட் இவையெல்லாம் மைக்ரேன் தலைவலியினை தூண்டிவிடும் என்பது பலரின் அனுபவம்.

    ஆயினும் மேலும் சில தகவல்களையும் அறிந்தால் மைக்ரேன் தலைவலியினை முடிந்தவரை தவிர்த்து விடலாம். தூக்கமின்மை மைக்ரேன் தலைவலியினைத் தூண்டும் குறைந்தது அன்றாடம் 8 மணிநேர தூக்கம் என்பது அவசியம். முறையான குறிப்பிட்ட நேரத்திற்கு தூங்க சென்று குறைவான குறிப்பிட்ட நேரத்திற்கு எழுவதும் மைக்ரேன் தலைவலியினைத் தவிர்க்க மிக அவசியம். சனி, ஞாயிறு போன்ற விடுமுறை நாட்களில் பகலில் தூங்குவது, இரவில் வெகுநேரம் விழித்து காலையில் வெகுநேரம் சென்று எழுவது போன்றவற்றினைச் சொல்வார்கள். மைக்ரேன் பாதிப்பு ஏற்கனவே உடையவர்கள் மேற்கூறியவாறு செய்யும் பொழுது மைக்ரேன் பாதிப்பு உடனடி அதிகமாக ஏற்படுகிறது.

    * பலரும் ஸ்மார்ட் போன், லேப்டாப், டேப்ளெட் போன்றவை இல்லாது வாழ்வே இல்லை என்று நினைக்கின்றார்கள் தூங்கச் செல்வதற்கு முன்கூட அல்லது படுத்துக் கொண்டே தூங்கும் வரை நீல ஒளி உபயோகிப்பவருக்கு மைக்ரேன் பாதிப்பினை ஏற்படுத்தும் வாய்ப்புகள் அதிகம்.

    * சிலருக்கு சில வகை சோபாக்கள், உடைகள், போர்வைகள் அதிலுள்ள டிசைன்கள், வரிகள், வட்டங்கள் போன்றவை மூளையிலுள்ள கார்டெக்ஸ் பகுதியினைக் தூண்டி மைக்ரேன் வலியினை உருவாக்குகின்றன என ஆய்வுகள் நிரூபித்துள்ளன. எனவே எளிமையான டிசைன் கொண்ட உடைகள், சோபாக்கள், படுக்கை விரிப்புகளை உபயோகிப்பது நல்லது.

    * திடீரென தட்பவெட்ப நிலையில் ஏற்படும் மாற்றம் மைக்ரேன் பாதிப்பினை ஏற்படுத்தும். ஆக மேற்கூறிய குறிப்புகளை அறிந்து மைக்ரேன் தலைவலி தாக்குதலை தவிர்ப்போம்.

    அதிக வியர்வை: வெய்யில் கொளுத்தும் நேரத்தில் மிக அதிக வியர்வை என்பது சாதாரணமாக ஏற்படும் நிகழ்வுதான். அடிக்கடி சிறிதளவு தண்ணீர் குடித்துக் கொண்டே இருங்கள். என்பதுதான் அறிவுரையாக இருக்கும். இதனால் உடலின் நீர்சத்து சீராய் இருக்கும். பல பாதிப்புகள் இதனால் தவிர்க்கலாம்.

    வியர்வை இயற்கையான ஒன்று. தேவையான ஒன்று. உங்கள் உடலை குளுமை செல்கிறது. உடலில் அதிக உஷ்ணம் ஏற்படும் பொழுது நரம்பு மண்டலம் வியர்வை சுரப்பிகளை தூண்டி வியர்வை மூலம் உடல் உஷ்ணத்தினை வெளியேற்றுகிறது. 99 சதவீதம் வியர்வை நீர் தான் சிரிதளவு உப்பும். தாது உப்புகளும் வெளியேறுகின்றன. அதிக நச்சு (அ) கழிவுகள் கல்லீரல், நுரையீரல், சிறு நீரகம் மூலமாகவே வெளியேறுகின்றன.

    201807130838038003_1_migraine-headache._L_styvpf.jpg

    இது சாதாரண சூழ்நிலையில் நிகழும் ஒன்று. ஆனால் மிக அதிக அளவில் வியர்வை வெளியேறும் பொழுது உடலில் உள்ள சத்து குறைந்து தாது உப்புகள், உள்ள இவற்றிலும் குறைபாடு ஏற்படுகிறது.

    உஷ்ணம், கோடை, ஸ்ட்ரெஸ் போன்ற நேரங்களில் அதிக வியர்வை ஏற்படும். கை மடிப்பு, கால்கள், கைகள், முகம் இந்த இடங்களில் வியர்வை அதிகம் ஏற்படும்.

    * பரம்பரை
    * உடல் அளவு
    * தொடர் உடற்பயிற்சி இவையும் அதிக வியர்வைக்கு காரணம் ஆகின்றன.
    * காபி, ஆல்கஹால் இவை உடலின் உஷ்ணத்தினை உயர்த்தி வியர்வையினை உருவாக்கும்.
    * காரசாரமான உணவுகளில் வியர்வை கொட்டும் ஆயினும் அதிக வியர்வை கொட்டுவதனை நீங்கள் உணர்ந்தால் மருத்துவ ஆலோசனை பெறவும்.
    * சிறிது நேரம் ஷவரில் இருப்பது.

    * டீ, காபி, மது இவற்றினைத் தவிர்ப்பது.
    * கார, சார மசாலா உணவுகளைத் தவிர்ப்பது ஆகியவை சங்கடமான அதிக வியர்வையினைத் தவிர்க்கும்.
    * அதிக எடையினைக் குறைத்தல் நீரிழிவு நோயாளிகள் சர்க்கரையினை கட்டுப்பாட்டில் வைத்திருத்தல்.
    * கொழுப்பு உணவுகளைத் தவிர்த்தல்.
    * மருத்துவ உதவியோடு மட்டுமே மருந்துகளை எடுத்துக் கொள்ளுதல் போன்றவை பல விதங்களில் உடல் நலனை பாதுகாக்கும்.

    https://www.maalaimalar.com/Health/GeneralMedicine/2018/07/13083803/1176165/reason-for-migraine-headache-solution.vpf

  6. பெண்களுக்கு பித்தப்பையில் கற்கள் உண்டாவதற்கான காரணங்கள்

     
    அ-அ+

    இளம்பெண்களுக்குப் பித்தப்பையில் கற்கள் உண்டாவதன் காரணமே பட்டினி ஃபேஷன்தான். இதற்கான தீர்வு என்னவென்று விரிவாக அறிந்து கொள்ளலாம்.

     
     
     
     
    பெண்களுக்கு பித்தப்பையில் கற்கள் உண்டாவதற்கான காரணங்கள்
     
    இன்றைய தலைமுறையில் குறிப்பாக பெண்கள் பலர், பித்தப் பையிலே கல் இருக்கு, டாக்டர் ஆபரேஷன் பண்ணணும்னு சொல்றாரு என்று என்னவோ சர்வ சாதாரணமாக சொல்ல கேட்டிருப்போம். என்னவோ வயிற்றுக்குள் 'வைர கல்' வைத்துள்ளதை போல் அசால்ட்டாக சொல்லுவார்கள். இந்த பித்தகற்கள் யாருக்கெல்லாம் ஏற்படுகிறது? எதனால் ஏற்படுகிறது என்பதனை பார்ப்போம்...   

    பித்தக் கற்கள் யாருக்கு, ஏன் ஏற்படுகின்றன?

    * உடல் பருமன் உள்ளவர்களுக்கு
    * கருத்தடை மாத்திரைகளை அதிகமாகச் சாப்பிடும் பெண்களுக்கு
    * செக்ஸ் ஹார்மோன் மாற்றங்களால்
    * இரத்த சோகை நோய் உள்ளவர்களுக்கு
    * பரம்பரை காரணமாக
    * சிறுகுடல் பாதையில் ஏற்படும் வியாதிகள் காரணமாக
    * விரதம் இருப்பதால்

    வேளாவேளைக்குப் போதுமான உணவு கிடைக்காத போது, பித்தநீர் அளவுக்கு அதிகமாகச் சுரந்து கற்களாக உறைந்துவிடும் அபாயமிருக்கிறது. தீவிர டயட் செய்யும் இளம்பெண்களுக்குப் பித்தப்பையில் கற்கள் உண்டாவதன் காரணமே பட்டினி ஃபேஷன்தான்!

    பித்தக் கற்களின் அறிகுறி என்ன?

    விதவிதமான வலிகள் ஏற்படும். மாரடைப்பு வலியோ என்று கூட பயம் ஏற்படும். மார்பு எலும்புக்கும் தொப்புளுக்கும் இடையே வலிக்கும் முதுகிலும் தோள் பட்டையிலும் கடுப்பெடுக்கும் வாந்தியும் குமட்டலும் அவஸ்தை தரும். ஒரு சிலருக்கு சிறிது கூட வலி இருக்காது. ஆனால் பாதிப்புகள் அதிகரித்துக் கொண்டே இருக்கும்.

    தீர்வு தான் என்ன?

    பித்தப்பை கற்களைக் கரைப்பதற்கென்றே மருந்துகள் உள்ளன. இவை, பித்தநீர் பைக்குள் அதிர்வலைகளைப் பாய்ச்சி, கற்களைப் பொடியாக்கி, மலத்துடன் வெளியேற்றி விடும். இம்முறை கணையத்தில் வீக்கம், பித்தப்பையில் அழற்சி உள்ளவர்களுக்கும் கருவுற்ற பெண்களுக்கும் ஏற்றதல்ல!
    லேப்ரோஸ்கோபி அறுவை சிகிச்சை முறையில் பித்தக் கற்களை, வலியின்றி மிகச் சுலபமாக நீக்கிவிடலாம். சில சமயம், குடல் ஒட்டுதல், அதிகம் இருந்தாலோ, பொது பித்த நாளத்தில் கட்டிகள் இருந்தாலோ, ஓப்பன் சர்ஜரி தேவைப்படலாம். பித்தப் பையைக் கற்களுடன் நீக்காவிட்டால், மஞ்சள்காமாலை நோய் ஏற்பட வாய்ப்புகள் அதிகம்.

    பித்தக் கற்கள் வராமலிருக்க என்ன செய்யணும்?

    ரொம்ப ஸிம்பிள்! கொழுப்புக் கூடுதலாக உள்ள உணவைத் தவிர்க்க வேண்டும். பட்டினி, விரதம் என வயிற்றைக் காயப் போடாமல், வேளா வேளைக்கு மிதமான நார்ச்சத்துள்ள உணவைச் சாப்பிட்டு, மிதமான உடற்பயிற்சி செய்து வந்தாலே கற்களுக்கு கல்தா கொடுக்கலாம்!
     
     
  7. சூப்பரான முட்டை வெஜிடபிள் ஆம்லெட்

     
    அ-அ+

    வெறும் ஆம்லெட் மட்டும் சாப்பிட்டு பழகிய குழந்தைகளுக்கு காய்கறிகள் சேர்த்து கொடுத்தால் வைட்டமினும் நார்ச்சத்தும் கிடைக்கும். இந்த ஆம்லெட் செய்முறையை பார்க்கலாம்.

     
     
     
     
    சூப்பரான முட்டை வெஜிடபிள் ஆம்லெட்
     
    தேவையான பொருட்கள் :

    முட்டை - 3,
    துருவிய கேரட், கோஸ், பொடியாக நறுக்கிய பீன்ஸ் சேர்ந்த கலவை - கால் கப்,
    கொத்தமல்லி - 2 டீஸ்பூன்,
    மிளகுத்தூள் - கால் டீஸ்பூன்,
    சீரகத்தூள் -கால் டீஸ்பூன்,
    பொட்டுக்கடலை பொடி - 2 டீஸ்பூன்,
    பால் - 2 டீஸ்பூன்,
    நெய் - ஒரு டேபிள்ஸ்பூன்.

    201807111208332870_1_egg-vegetable-omelet-1._L_styvpf.jpg

    செய்முறை :

    கொத்தமல்லியை பொடியாக நறுக்கி கொள்ளவும்.

    ஒரு பாத்திரத்தில் நறுக்கிய காய்கறிகள், மிளகுத்தூள், சீரகத்துள், முட்டை, பொட்டுக்கடலை, பால் சேர்த்து நன்றாக அடித்துக் கொள்ளவும்.

    தோசைக்கல்லை அடுப்பில் வைத்து சூடானதும் கரைத்த மாவை சிறிய ஆம்லெட்டுகளாக ஊற்றி சுற்றிலும் நெய் விடவும்.

    ஒருபுறம் வெந்ததும் மறுபுறம் திருப்பிப் போட்டு நன்றாக வேக விட்டு எடுக்கவும்.

    சூப்பரான முட்டை வெஜிடபிள் ஆம்லெட் ரெடி.

    வெறும் ஆம்லெட் மட்டும் சாப்பிட்டு பழகிய குழந்தைகளுக்கு இப்படி காய்கறிகள் கலந்து செய்து கொடுப்பதால் வைட்டமினும் நார்ச்சத்தும் அதிகமாக கிடைக்கும். சுவையும் வித்தியாசமாக இருக்கும்.

    https://www.maalaimalar.com

  8. பச்சிளங்குழந்தைகளுக்கு ஏற்படும் பாதிப்பிற்குரிய சிகிச்சை முறைகள்

     

     
     

    தெற்காசிய நாடுகளில் நிர்ணயிக்கப்பட்ட திகதிகளுக்கு முன் பிறக்கும் அல்லது குறைமாத பிரசவங்களில் பிறக்கும் குழந்தைகளில் Neonatal Sepsis என்ற பாதிப்பு ஏற்பட்டு மரணத்தை சந்திக்கும் குழந்தைகள் 40 சதவீதமாக அதிகரித்துள்ளது என அண்மைய ஆய்வு தெரிவிக்கிறது.

    baby.jpg

    குறைமாதங்களில் அதிலும் 28 நாட்களுக்கு முன்பாக பிறக்கும் குழந்தைகளை பச்சிளங்குழந்தைகளுக்கான விசேட தீவிர சிகிச்சைப் பிரிவில் வைத்து சிகிச்சையளிக்கப்படும். இதன் போது அந்த பச்சிளங்குழந்தைகளின் நோயெதிர்ப்பு ஆற்றல் முழுமையாக வளர்ச்சியடையாத காரணங்களால் நோயுற்று மரணத்தை எதிர்கொள்கிறது. 

    இதற்கு Escherichia Coli, Listeria மற்றும் Streptococcus போன்ற பாக்றீரியாக்களின் தாக்கங்களே காரணம் என அறியப்படுகிறது.  அதே வேளை இத்தகைய பாதிப்புகள் ஒவ்வொரு குழந்தையும் தாயின் வயிற்றில் கருவுற்றிருக்கும் போது ஏற்படுகிறது.

    இதன் காரணமாகவே பெண்கள் கருவுற்றிருக்கும் போது தவறாமல் வைத்திய ஆலோசனையைப் பெறவேண்டும் என்று வைத்தியர்கள் வலியுறுத்துகிறார்கள். 

    இது போன்ற பாதிப்பிற்கு ஆளாகும் என அவதானிக்கப்படுகின்ற குழந்தைகளுக்கு கருவில் இருக்கும் போதே, தாய்மார்களுக்கு உரிய சிகிச்சையையும் சத்தான உணவின் அவசியத்தையும் உணர்ந்து கொள்ளவேண்டும். இதற்குரிய சிகிச்சையை பெறாவிட்டால் அந்த குழந்தைக்கு ஆயுள் முழுவதும் ஏதேனும் ஆரோக்கிய பாதிப்புகள் தொடரும்.

    பச்சிளங்குழந்தைகளின் உடல் சீதோஷ்ண நிலையில் மாற்றம் உண்டாகுதல், மூச்சு திணறல் அல்லது சுவாசிப்பதில் சிரமப்படுதல், வயிற்று போக்கு , இரத்த சர்க்கரையின் அளவு குறைதல், உடலியக்கம் குறைதல், வாந்தி, கண்களின் நிறம் மாறுபடுதல் போன்ற அறிகுறிகள் ஏற்படும். இதற்கான சிகிச்சையின் போது ஒரு சில குழந்தைகளுக்கு Septic Shock எனப்படும் இரத்த அழுத்தம் குறைந்துவிடக்கூடிய அபாயமும் உண்டு. 

    இதனை தடுக்கவேண்டும் என்றால் பெண்கள், கருவுற்றிருக்கும் காலங்களில் வைத்திய நிபுணர்களால் பரிந்துரைக்கப்பட்ட சத்தான சரிசமவிகித உணவை உட்கொள்ள வேண்டும். இத்தகைய சிக்கல் வரக்கூடாது என்பதற்காக வைத்தியர்கள் அறிவுறுத்தும் சில மருந்துகளையும் உட்கொள்வதோடு சுற்றுப்புறத்தை தூய்மையாக வைத்திருக்கவேண்டும்.

    டொக்டர்  ராஜேஷ்

    தொகுப்பு அனுஷா.

    http://www.virakesari.lk/article/36346

     

     

    அதிகரித்து வரும் குடல் அழற்சி நோய்

     

     
     

    இன்றைய நிலையில் தெற்காசிய நாடுகளில்  குடல் அழற்சி நோய் மற்றும் அஜீரன நோய்கள் அதிகளவில் ஏற்பட்டுள்ளன.

    kudal.jpg

    சந்தையில் தற்போதுவிற்பனையில் இருக்கும் பக்கற்றுகளில் அடைக்கப்பட்ட உணவுப் பொருள்களையோ அல்லது பிளாஸ்ரிக் போத்தல்கள் மற்றும் பிளாஸ்ரிக் டப்பாக்களில் அடைக்கப்பட்டு விற்பனையாகும் உணவுகளையும், குளிர்பானங்களையும் நாம் சாப்பிடுவதாலும், அருந்துவதாலும் எம்மில் பெரும்பாலானவர்களுக்கு குடல் அழற்சி நோய் ஏற்படுகிறது. 

    தெற்காசிய நாடுகளில் இத்தகைய பாதிப்பிற்கு ஆளாகுபவர்களின் எண்ணிக்கை நாளுக்கு நாள் அதிகரித்துக் கொண்டே செல்கிறது. இதனை சாப்பிடுவதால் அஜீரணக் கோளாறுகளுக்கு ஆளாகி குடல் அடைப்பு நோய் மற்றும் குடல் பாதிப்பிற்கு ஆளாகிறோம்.

    இத்தகைய உணவுப்பொருள்களில் எமக்கும் அறியாமலேயே  பிஸ்பெனோல் ஏ  எனப்படும் வேதியல் பொருள்கள் இடம்பெற்றிருக்கிறது. இவை எண்டோகிரைன் எனப்படும் நாளமில்லா சுரப்பிகளின் செயல்பாடுகளில் தடையை ஏற்படுத்துகின்றன.

    இதனை உரிய நேரத்தில் பரிசோதித்து கொள்ள தவறிவிட்டால் அவர்களுக்கு பெருங்குடல் புண் மற்றும் கிரோன் நோய் எனப்படும் நோய் உண்டாகும். குறிப்பாக தெற்காசிய நாடுகளில் குரோன் நோயை விட பெருங்குடல் புண் பாதிப்பிற்கு ஆளாகுபவர்கள் அதிகம் என்று அண்மைய ஆய்வில் தெரிவிக்கப்பட்டிருக்கிறது.

    இதனை உரிய நேரத்தில் கண்டறியாவிட்டால் மலக்குடல் மற்றும் பெருங்குடல் ஆகிய பகுதிகளில் ஃபிஸ்டுலா குடல் அடைப்பு, குடல் பாதிப்பு, பெருங்குடல் புற்றுநோய் போன்ற நோய்கள் உருவாகும்.

     அடிவயிற்றில் வலி, கடுமையான வயிற்று போக்கு, காய்ச்சல், உடல் எடையிழப்பு, பசியின்மை, சோர்வு, முறையற்ற மாதவிடாய் சுழற்சி ஆகியவை அறிகுறிகளாகும். குடல் அழற்சி நோய்களின் தொடக்க நிலைகளை குணப்படுத்த தற்போது மருந்துகள் கண்டறியப்பட்டுள்ளன. இருப்பினும் ஒரு சிலருக்கு சத்திர சிகிச்சை அவசியப்படலாம்.

    பால்மா பொருட்களை மிகுந்த எச்சரிக்கையுடன் பயன்படுத்தவேண்டும். பீன்ஸ், முட்டை கோஸ், காலிப்ளவர் போன்ற வாயு உருவாக்கும் காய்கறிகளை சாப்பிடுவதை வதை்தியர்களின் கண்காணிப்பில் மேறகொள்ளவேண்டும். 

    ஓமேகா =3 சத்துள்ள உணவுகளை அதிகமாக சாப்பிடவேண்டும். ஜீரணத்திற்கேற்ற அளவே சாப்பிடவேண்டும். அஜீரண கோளாறு ஏற்படாமல் சாப்பிடும் அளவையும், நேரத்தையும் மாற்றியமைத்துக் கொள்ளவேண்டும். மது, கோப்பி, செயற்கையாக தயாரிக்கப்படும் குளிர்பானங்கள் ஆகியவற்றை முற்றாக தவிர்க்கவேண்டும்.

    டொக்டர் சந்திரசேகர்

    தொகுப்பு அனுஷா.

    http://www.virakesari.lk/article/36283

  9. ‘கிழட்டு நரி’ தந்திரம்
     
     

    தமிழ் மக்களின் அபிலாஷைகள் என்ன? (பகுதி - 151)

    “மெத்தப் பழையதோர் இல்லம்,   
    நீ நுழைந்ததும் தரை மட்டமானது.   
    உந்தன் நரித்தந்திரம் கொண்டு   
    பல நிலங்களை ஆக்கிரமித்துக் கொண்டாய்.   
    பலநூறு பொறிகளிலுமிருந்தும்   
    நீ தப்பித்துக் கொண்டாய்,   
    ஒரு கிழட்டு நரியைப் போல!”  

    செய்யத் அஹ்மட் அதிப் பிஷாவாரி என்ற கவிஞன், பாரசீக மொழியில், பிரித்தானிய ஏகாதிபத்தியத்தைச் சுட்டி எழுதிய கவிதை இது. இன்றும் ஈரானியர்கள், பிரித்தானியாவைக் ‘கிழட்டு நரி’ என்று வர்ணிக்கிறார்கள்.  

     ஜனாதிபதி ஜே.ஆர். ஜெயவர்தனவையும் ‘கிழட்டு நரி’ என்று, பொதுவௌியில் பலரும் விளித்திருக்கிறார்கள். சிலர் ‘ஆசியாவின் நரி’ என்றும், சிலர் ‘இருபதாம் நூற்றாண்டின் நரி’ என்றும் விளித்திருக்கிறார்கள். ‘நரி’ என்பதன் முன்னுள்ள அடைமொழி மாறுபட்டாலும், ‘நரி’ என்பது மட்டும் ஜே.ஆரோடு தொடர்ந்து ஒட்டிக் கொண்டிருந்தது.

    இந்தச் சொற்பயன்பாடானது, வௌிப்பார்வையில் எதிர்மறையான தோற்றத்தைக் கொடுப்பினும், அதிகார அரசியல் பார்வையில், இதை மிகப்பெரியதொரு புகழாரமாகவே கொள்ளலாம். 

    ‘சிங்கத்தால் தன்னைப் பொறிகளிலிருந்து காப்பாற்றிக் கொள்ள முடியாது. நரியால், ஓநாயிடமிருந்து தன்னைக் காப்பாற்றிக் கொள்ள முடியாது. ஆகவே ஒருவன் பொறிகளை அடையாளம் காண நரியாகவும், ஓநாய்களைப் பயமுறுத்த, சிங்கமாகவும் இருக்க வேண்டும்’ என்று, தனது ‘இளவரசன்’ என்ற நூலில், நிக்கோலோ மக்கியாவலி எழுதுகிறார்.   

    1970ஆம் ஆண்டுத் தேர்தலில், டட்லி சேனாநாயக்கவின் தலைமையின் கீழ், வெறும் 17 ஆசனங்களை மட்டுமே பெற்றுப் படுதோல்வி அடைந்திருந்த ஐக்கிய தேசியக் கட்சியை, 1977 தேர்தலில் 5/6 என்ற வரலாறு காணாத, பெரும்பான்மைப் பலத்தை வென்றெடுக்கச் செய்ததில், ஜே.ஆரின் பங்கு மறுக்கப்பட முடியாதது.  

     அதேபோல, இரண்டாவது குடியரசு அரசமைப்பின் அறிமுகமாகட்டும், அதனூடாக நிறைவேற்று அதிகார ஜனாதிபதி முறைமையின் அறிமுகமாகட்டும், மீண்டும் நாடாளுமன்றத் தேர்தலை நடத்தாது, சர்வஜன வாக்கெடுப்பினூடாக 5/6 பெரும்பான்மைப் பலத்தை கொண்டிருந்த நாடாளுமன்றத்தின் ஆயுளை நீடித்ததாகட்டும், இனப்பிரச்சினை விவகாரத்தில் நடந்துகொண்ட விதமாகட்டும், தன் முன்னாலிருந்த பொறிகளை ஜே.ஆர், இதுவரை நேர்வழியிலோ, சூழ்ச்சியாலோ வெற்றிகரமாகக் கடந்துகொண்டிருந்தார்.  

     ஆனால், இதுவரை அவரால் தாண்ட முடியாத பொறியாக இருந்தது இந்திராவும் இந்தியாவும். இந்திரா காந்தியின் அகால மரணம், அந்தப் பொறியைத் தகர்த்திருந்தது. இப்போது, ஜே.ஆருக்கு முன்பிருந்தது அரியதொரு வாய்ப்பு.  

     அரசியலில் முதிர்ந்த அனுபவம் கொண்டிருந்த இந்திரா காந்தியின் இடத்தில், இப்போது அரசியல் குழந்தையான ராஜீவ் காந்தி. இது, ஜே.ஆருக்கு மிகச் சிறந்த சந்தர்ப்பம். அவர் அதை, இந்தப் பொழுதில் சிறப்பாகவே கையாண்டிருந்தார் எனலாம்.  

    இறுதிச் சடங்கில் புதியதோர் ஆரம்பம்  

    இந்திரா காந்தியின் இறுதிச் சடங்கில் கலந்துகொள்வதற்காக, இந்தியா சென்றிருந்த ஜே.ஆர், புதிய பிரதமராகப் பதவியேற்றிருந்த ராஜீவ் காந்தியுடன் மிகச் சுருக்கமான சந்திப்பொன்றை நடத்தியிருந்தார். 

    குறித்த சந்திப்புப் பற்றிய, பல பதிவுகளையும் பார்க்கும் போது, தானறிந்த அரசியல் கலையின் அனைத்து உத்திகளையும் ஜே.ஆர் பயன்படுத்தினார் என்றே கூறலாம்.   

    தன்னை, இந்தியாவினதும் நேரு குடும்பத்தினதும் நண்பனாக ராஜீவிடம் அறிமுகப்படுத்திய ஜே.ஆர், தன்னை ஒரு கருணைமிக்க, சிறந்த பௌத்தன் என்றும் காட்டிக்கொள்ளத் தவறவில்லை. மகாத்மா காந்தியையும் நேருவையும் புகழ்ந்த ஜே.ஆர், 1940களில் இந்திய காங்கிரஸ் நடாத்திய மாநாடொன்றில் தான் கலந்துகொண்டதையும் குறிப்பிட்டிருந்ததுடன், ஜவஹர்லால் நேருவுடன், தான் தொடர்ந்து தொடர்புகளைப் பேணியதையும் ராஜீவிடம் எடுத்துரைத்தார்.

    இந்த ஆலாபனைகளில், இந்திரா காந்தியுடனான உறவு பற்றிக் குறிப்பிடுவதை ஜே.ஆர், இலாவகமாகத் தவிர்த்துவிட்டார் என்று தோன்றுகிறது.   

    ஆலாபனைகளைத் தொடர்ந்து, முக்கிய விடயத்துக்குள் நுழைந்த ஜே.ஆர், தான் இலங்கைத் தமிழ் மக்களுக்கு, நியாயத்தை வழங்கவே விரும்புவதாகவும், ஆனால் தன்னைச் சூழ, சிங்களத் தீவிரப்போக்குடைய அமைச்சர்கள் இருப்பதால், தன்னால் அதைச் செய்யமுடியவில்லை என்று குறிப்பிட்டதுடன், தமிழ் ஆயுதக் குழுக்களின் தாக்குதல்கள், தன்னுடைய நிலைப்பாட்டை இன்னும் அதிகமாகப் பாதிப்பதாகவும் தெரிவித்தார்.  

     ஆகவே, தன்னுடைய நிலைப்பாட்டை ஸ்திரப்படுத்த இந்தியா உதவ வேண்டும் என்று வேண்டினார். 

    அதாவது, தான் தமிழ் மக்களுக்கு அரசியல் தீர்வை வழங்கவே விரும்புகி‌றார். ஆனால், தமிழ் இளைஞர் ஆயுதக் குழுக்கள், வன்முறையை முன்னெடுக்கும் போது, தன்னால் அரசியல் தீர்வொன்றை எட்ட முடியாது. ஆகவே, அரசியல் தீர்வை எட்டுவதற்கு, தமிழ் இளைஞர் ஆயுதக் குழுக்களைக் கட்டுப்படுத்த, இந்தியா உதவவேண்டும். அதாவது இந்தியா, தமிழ் இளைஞர் ஆயுதக் குழுக்களுக்கு ஆதரவளிப்பதை நிறுத்த வேண்டும் என்பதுதான், ஜே.ஆர் சொன்னதற்குள் பொதிந்திருந்த உட்பொருள் ஆகும்.  

     அடுத்ததாக, இந்திரா காந்தியின் நிலைப்பாடு பற்றிக் கருத்துரைத்த ஜே.ஆர், இந்திரா காந்தியைத் தமிழ்த் தீவிரப் போக்காளர்கள் சூழ்ந்திருந்தனர். அவர்களே இந்திரா காந்தியைப் பக்கச்சார்புடன் நடந்துகொள்ளத் தூண்டியதாகவும், அதில் கோபால்சாமி பார்த்தசாரதியின் பங்கு முக்கியமானது என்றும், சிங்கள மக்கள், கோபால்சாமி பார்த்தசாரதி மீது நம்பிக்கை இழந்துவிட்டார்கள் என்றும் தெரிவித்ததுடன், வேறோர் இந்திய அதிகாரியை நியமித்தால், சிங்கள மக்கள் ஏற்றுக்கொள்ளக் கூடும் என்றும் தெரிவித்தார்.  

     அதாவது, இந்திரா காந்தியின் மகனிடம், தாயாரைப் பற்றிக் குறை கூற முடியாது; ஆகவே, இந்திரா காந்தியைச் சூழ்ந்தவர்கள் தான் தவறானவர்கள் என்று ஜே.ஆர், இந்திரா காந்தியை நேரடியாகக் குறைசொல்லாது தவிர்த்ததுடன், சர்வ கட்சி மாநாடு, வெற்றி அளிக்காததற்கான பழியை, இலாவகமாக கோபால்சாமி பார்த்தசாரதி மீது திருப்பி விட்டிருந்தார்.   

    அதாவது, பார்த்தசாரதி ஒரு தமிழர் என்பதால், அவர் தமிழர்களுக்குச் சார்பாகச் செயற்படுகிறார் என்று சிங்கள மக்கள் நினைக்கிறார்கள்; ஆகவே, அவருடைய மத்தியஸ்தத்தைச் சிங்கள மக்கள் ஏற்கத் தயாரில்லை என்றும், ஆளை மாற்றினால், இந்த முயற்சி வெற்றியளிக்கும் என்றும் கருத்துரைக்கிறார். 

    இறுதியாக ஜே.ஆர், இந்தியா இராணுவ ரீதியாகத் தலையீடு செய்யுமோ என்ற அச்சம், இந்திய மத்தியஸ்தத்தின் நிமித்தம், இலங்கை மக்களுக்கு ஏற்பட்டிருக்கிறது என்று, தன்னுடைய நீண்டநாள் அச்சத்தை ராஜீவிடமும் பதிவுசெய்தார்.   

    அதாவது, இந்தியா இராணுவ ரீதியில் தலையிடாது என்ற உறுதிமொழியை, இந்திரா காந்தியிடம் பெற்றுக்கொண்டதைப் போல, ராஜீவிடமும் பெற்றுக்கொள்ள, ஜே.ஆர் விரும்பினார். சுருக்கமாக, புதியதோர் ஆரம்பத்தை ஜே.ஆர், ராஜீவிடம் வேண்டி நின்றார்.  

    வென்றது தந்திரம்  

    ஜே.ஆரின் ‘கிழட்டு நரி’த் தந்திரம், அரசியல் குழந்தையான ராஜீவ் காந்தியிடம், இந்தச் சந்தர்ப்பத்தில் வெற்றிபெற்றது என்றே கூறலாம். இதற்குச் சில அரசியல் விமர்சகர்கள், இராஜதந்திரம், சர்வதேச, பூகோள அரசியல் தொடர்பிலான ராஜீவ் காந்தியின் அனுபவக் குறைவே காரணம் என்கிறார்கள்.   

    மறுபுறத்தில் சில விமர்சகர்கள், இந்திரா காந்தியின் மறைவைத் தொடர்ந்து, பிரதமரான ராஜீவ் காந்தியின் முன், இலங்கை விவகாரத்தை விட முக்கியமான பல காரியங்கள் இருந்ததால், அவர் இலங்கை விவகாரத்தில், அப்போது பெரும் சிரத்தை கொண்டிருக்கவில்லை என்று குறிப்பிடுகிறார்கள். 

    எவ்வாறிருப்பினும், ஜே.ஆரின் வேண்டுகோள்களுக்குச் செவிசாய்த்த ராஜீவ் காந்தி, சில உறுதிமொழிகளை ஜே.ஆருக்கு வழங்கினார்.   

    இலங்கை மீது, ஆக்கிரமிப்பு நடவடிக்கையை இந்தியா முன்னெடுக்காது; இலங்கையின் ஒற்றுமையும் ஆட்புல ஒருமைப்பாடும் பாதுகாக்கப்படும்; இலங்கை விவகாரத்தில் இந்தியா சார்பில் மத்தியஸ்தராகச் செயற்படும் கோபால்சாமி பார்த்தசாரதிக்குப் பதிலாக, வேறொரு நபரை நியமித்தல் ஆகிய உறுதிமொழிகளை வழங்கியதுடன், புதியதோர் ஆரம்பத்துக்கும் இணக்கம் தெரிவித்திருந்தார்.  

     ஆனால், தமிழ் மக்களின் அபிலாஷைகளைப் பூர்த்தி செய்யும் அடிப்படையில், அரசியல் தீர்வு அமையவேண்டும் என்றும், அது அவ்வாறு நடக்காவிட்டால், நீளும் முரண்பாடு இலங்கையைப் பிளவடையச் செய்யும் என்றும் ராஜீவ் குறிப்பிட்டிருந்தார். 

    தன்னுடைய விருப்பம் நிறைவேறியதில் மகிழ்ச்சி கொண்ட ஜே.ஆர், ராஜீவுக்கு வாழ்த்துரைத்து விடைபெற்றார்.   

    கொழும்பு திரும்பிய ஜே.ஆர், ஊடகங்களை உற்சாகத்தோடு எதிர்கொண்டார். 

    இந்தியாவின் இளைய பிரதமர், இலங்கை விவகாரம் தொடர்பில் புதியதோர் ஆரம்பத்துக்குச் சம்மதித்துள்ளார் என்று ஊடகங்களுக்கு மகிழ்ச்சியுடன் சொன்ன ஜே.ஆர், இலங்கையின் பிரிவினையை  ஒருபோதும் இந்தியா ஆதரிக்காது என்றும் அவர் உறுதியளித்துள்ளதாகவும் தெரிவித்திருந்தார்.   

    ராஜீவ் காந்தியுடனான சந்திப்பைச் சாதகமான மாற்றமாகவே ஜே.ஆர் பார்த்தாரெனச் சில ஆய்வாளர்கள் பதிவு செய்கிறார்கள். 

    ராஜீவ் காந்தியைத் தன்னால் கட்டுப்படுத்த முடியும் என்று, ஜே.ஆர் நம்பியதாகவும் சிலர் கருத்துரைக்கிறார்கள். குறிப்பாக, ராஜீவ் காந்தியினதும், அவரது வௌிவிவகார அமைச்சரான றொமேஷ் பண்டாரியினதும் அரசியல் அனுபவக் குறைவை, தனக்குச் சாதமானதாக ஜே.ஆர் கருதியிருந்தார்.  

    மீண்டும் ஒத்திவைக்கப்பட்டது சர்வகட்சி மாநாடு  

    மறுபுறுத்தில், ராஜீவ் காந்திக்கு இலங்கையை பற்றி யோசிக்கும் அவகாசம் இருக்கவில்லை. இந்திரா காந்தியின் மறைவைத் தொடர்ந்து, அவர் இந்தியாவின் பிரதமராகவும், ஆளும் காங்கிரஸ் கட்சியின் தலைவராகவும் பதவியேற்றிருந்தாலும், நாடாளுமன்றத் தேர்தலைச் சந்தித்து, தன்னுடையை அரசியல் நிலையைப் பலப்படுத்தவே அவர் விரும்பினார்.  

     1984 டிசெம்பர் மாதத்தின் இறுதியில், இந்திய நாடாளுமன்றத் தேர்தல் நடைபெறவிருந்த நிலையில், ராஜீவின் கவனம் முழுவதும் அதிலேயே இருந்தது. 

    இது, ஜே.ஆருக்குத் தேவையான இடைவௌியை வழங்கியது. இந்த இடைவௌியின் முழுப் பயனையும் பெற்றுக் கொள்ள விரும்பிய ஜே.ஆர், 1984 நவம்பர் 14ஆம் திகதி, மீளத் தொடரவிருந்த சர்வகட்சி மாநாட்டை, ஒரு மாதகாலம், அதாவது டிசெம்பர் 14ஆம் திகதிக்கு ஒத்தி வைத்தார்.   

    இதற்கு அவர் சொன்ன காரணம், “அரசாங்கக் கட்டமைப்பு பற்றி, சட்டமூல முன்மொழிவுகள் தயாராகவில்லை” என்பதுதான். 

    மறுபுறத்தில், பாதுகாப்புக் கெடுபிடிகளை ஜே.ஆர் அரசாங்கம் பலப்படுத்திக் கொண்டிருந்தது. குறிப்பாக, 1984 நவம்பரில், இலங்கையின் வடக்கு, வடமேற்குக் கடற்பரப்பில் கண்காணிப்பு அதிகரிக்கப்பட்டது.   

    தமிழ் இளைஞர் ஆயுதக் குழுக்களின் தமிழ்நாட்டுடனான கடற்போக்குவரத்து, ஆயுதக் கடத்தலைத் தடுக்கும் வகையில் இது முன்னெடுக்கப்பட்டது. 

    ஆயினும், இக்காலப்பகுதியில் இச்செயற்பாடு, வினைத்திறனுடன் முன்னெடுக்கப்படவில்லை என்று, கே.எம்.டி சில்வா குறிப்பிடுகிறார். 

    அதற்கு, இலங்கைக் கடற்படையின் வளக்குறைபாடு, ஒரு காரணமாக இருக்கலாம்.  

     இப்போது, 1984 டிசெம்பர் 14ஆம் திகதி, ஜே.ஆர் சர்வகட்சி மாநாட்டில் சமர்ப்பிக்கவிருந்த அரசாங்கக் கட்டமைப்பு முறை தொடர்பிலான சட்ட முன்வரைவு மட்டும்தான், தமிழர்களுக்கு ஜனநாயக அரசியல் பாதையின் தொலைவில் தெரிந்த, மெல்லிய ஒளியாக இருந்தது.  

    (அடுத்த திங்கட்கிழமை தொடரும்)    

    http://www.tamilmirror.lk/சிறப்பு-கட்டுரைகள்/கிழட்டு-நரி-தந்திரம்/91-218713

  10. மூட்டுவலி, முதுகுவலி, கணுக்கால்வலி... செருப்பும் காரணமாகலாம், கவனம்! #FootCare

     

    உடல் எடை அதிகம் உள்ளவர்களுக்குப் பாதத்தின் ஒரு பகுதி உள்பக்கமாக ஒடுங்கியிருக்கும். புவியீர்ப்பு விசையால் உடல் எடை முதுகு, மூட்டுப் பகுதிகளின் உள்பக்கம் அதிக அழுத்தத்தை ஏற்படுத்தும். இந்த அழுத்தம், கணுக்கால், முட்டிவரை நீடிக்கும்.

    மூட்டுவலி, முதுகுவலி, கணுக்கால்வலி... செருப்பும் காரணமாகலாம், கவனம்! #FootCare
     

    ம்மில் பெரும்பாலானோர் முக அழகுக்குக் கொடுக்கிற அக்கறையில் பாதியைகூடக் காலுக்குக் கொடுப்பதில்லை. டூவீலர் பயணத்தில் தலையைக் காக்க ஹெல்மெட் எவ்வளவு அவசியமோ, அதேபோல நடக்கும்போது கால்கள் பாதுகாப்புக்கு செருப்புகள் அவசியம். அதிலும், ஒவ்வொருவரும் அவரவர் பாதங்களுக்கு ஏற்ற, பொருத்தமான செருப்புகளைத்தான் அணிய வேண்டும். செருப்பு பொருத்தமானதாக இல்லாவிட்டால்,  முதுகுவலி, கணுக்கால்வலி போன்றவை ஏற்படலாம்.   

    கால்வலி

    ``சரியான செருப்புகளை அணியவில்லையென்றால் என்னென்ன பிரச்னைகளை ஏற்படும், அவற்றைத் தவிர்ப்பது எப்படி?’’ பிசியோதெரபிஸ்ட் கோதண்டனிடம் கேட்டோம்.பிசியோதெரபிஸ்ட் கோதண்டன்

     

     

    ``குதிகால்வலி ஏற்பட  முக்கியக் காரணம், தரமற்ற செருப்புகளை அணிவதுதான்.  தரமற்றச் செருப்புகளைத் தொடர்ந்து பயன்படுத்தினால் கணுக்காலுக்கு மேல் எலும்பும் சதையும் இணையும் இடத்தில் அழுத்தம் ஏற்பட்டு, அந்த இடமே இறுகிப்போய்விடும். இதை ‘கால்கேனியல் பர்சிட்டிஸ்' (Calcaneal bursitis) என்று மருத்துவத்தில் குறிப்பிடுவோம். குதிகால்வலி ஏற்படாமல் தவிர்க்க, எம்.சி.ஆர் (Microcellular rubber), எம்.சி.பி ( Microcellular polymer) செருப்புகளை அணிய வேண்டும். 

     

     

    குதிகால் எலும்பு வளர்வதை ‘கால்கேனியல் ஸ்பர்’ (Calcaneal spur) என்போம். நம் உடலில் இருக்கும் கால்சியம் சத்து, சில நேரங்களில் குதிகால் எலும்பில் போய் சேர்ந்துவிடும். இது ஓர் ஊசி மாதிரி மாறி, கால்களைக் குத்திக்கொண்டே இருக்கும். இதனாலும் வலி ஏற்படலாம். இதைத் தவிர்க்க சற்று உயரமான எம்.சி.ஆர்  செருப்புகளைப்  பயன்படுத்த வேண்டும். 

    உடல் பருமனாக இருப்பவர்களுக்கு, நாளடைவில் பாதம் தட்டையாகிவிடும். இதை ‘ஃபிளாட் ஃபுட்’ (Flat foot) என்போம். இந்த வகைப் பாதம் உள்ளவர்களுக்குக் காலில் வலி ஏற்படும். இதைச் சரிசெய்வதற்கு ‘ஃபுட்வேர் மாடிஃபிகேஷன்’ என்ற முறை இருக்கிறது. இவர்கள் ‘மீடியல் ஆர்ச் சப்போர்ட்’ (Medial arch support) ஷூ, மீடியல் ஆர்ச் சப்போர்ட் இன்சோல் ஜெல்லி (Medial arch support insole jelly) செருப்புகளைப் பயன்படுத்த வேண்டும். 

    மூட்டுவலி

    உடல் எடை அதிகம் உள்ளவர்களுக்குப் பாதத்தின் ஒரு பகுதி உள்பக்கமாக ஒடுங்கியிருக்கும். புவியீர்ப்பு விசையால் உடல் எடை முதுகு, மூட்டுப் பகுதிகளின் உள்பக்கம் அதிக அழுத்தத்தை ஏற்படுத்தும். இந்த அழுத்தம், கணுக்கால், முட்டிவரை நீடிக்கும். இதன் காரணமாக மூட்டுவலி, முதுகு வலி, கணுக்கால்வலி உண்டாகலாம். கால்களுக்கு ஏற்ற, சரியான செருப்புகளை தேர்ந்தெடுத்து உபயோகித்தால் வலி குறையும். `சாண்டல் மாடல் எம்.சி.ஆர் வித் ஆர்ச்’ (Sandal model MCR with arch) செருப்புகளை அணியலாம்; கட் ஷூ, ஆர்ச் வைத்த ஜெல்லி ஃபுட் செருப்புகளைப் பயன்படுத்தலாம். 

     

     

    ‘ஹை ஹீல் செப்பல்ஸ்’ (High heel chappals) பயன்படுத்துபவர்களுக்கு முதுகுவலி ஏற்படும். இவர்கள், ஹை ஹீல்ஸுக்குப் பதிலாக, எம்.சி.ஆர் செருப்புகளைப் பயன்படுத்தினால் முதுகுவலி குறையும். 

    ஹை ஹீல் செப்பல்ஸ்

    சில சர்க்கரை நோயாளிகளுக்குப் பாதம் மரத்துப் போகும். அவர்களுடைய பாதத்தில் சுரணை இருக்காது. இதை ‘பெரிபெரல் நியூரோபதி’ (Peripheral neuropathy) என்று மருத்துவத்தில் சொல்வார்கள். இவர்களுக்கு அடிபடும்போது வலி தெரியாது. கால் புண்ணாகிவிடும். இதனால், சர்க்கரைநோய்ப் புண் ஏற்படும். இவர்கள் ‘எம்.சி.ஆர்’, ‘எம்.சி.பி’ (MCR / MCP Diabetic Orthopaedic Gel Footwear) செருப்புகளைப் பயன்படுத்த வேண்டும். இந்தச் செருப்புகளை அணிந்தால், கால்களில் ரத்த ஓட்டம் அதிகரிக்கும்; புண் ஏற்படாது. பாதத்தைப் பாதுகாப்பாக வைத்துக்கொள்ளவும் முடியும். 

    சர்க்கரை நோயாளிகள்

    பொருத்தமான, நல்ல செருப்புகளை அணிந்தால், பாதவெடிப்பு ஏற்படாது. பாதவெடிப்பைச் சரிசெய்ய, வட்ட வடிவ பெரிய பிளாஸ்டிக் டப்-பில் வெதுவெதுப்பான தண்ணீரை நிரப்பி, அதில் கொஞ்சம் மஞ்சளைக் கரைத்துவிட வேண்டும். 20 நிமிடங்களிலிருந்து 30 நிமிடங்கள் வரை கால்களை அந்த நீரில் வைத்திருக்க வேண்டும். பிறகு, கைகளால் பாதத்தைத் தேய்த்தால், அதிலிருந்து மாவு போன்ற ஒரு பொருள் உதிரும். தொடர்ந்து இரண்டு வேளை என்ற கணக்கில், இதை ஒரு வாரம் செய்தால், பாதவெடிப்பு குணமாகும்; ரத்த ஓட்டம் சீராகும். 

    சில சர்க்கரை நோயாளிகளுக்குக் காலில் அடிப்பட்டால், அதில் புண்ணாகிவிடும்; எளிதில் புண் ஆறாது. சில நேரங்களில் காலையே எடுக்கவேண்டிய சூழ்நிலைகூட ஏற்படும். இந்த அறுவை சிகிச்சையை ‘ஃபுட் ஆம்ப்யுடேஷன் ’ (Foot amputation) என்போம். எம்.சி.ஆர்., எம்.சி.பி செருப்புகளைப் பயன்படுத்தினால், இந்த அறுவை சிகிச்சையைத் தவிர்க்கலாம். சர்க்கரை நோயாளிகள் இதயத்தைப் பாதுகாப்பதுபோல, கால்களையும் பாதுகாக்க வேண்டும். 

    பாதத்துக்கும் இதயத்துக்கும் தொடர்பு இருக்கிறது. பாதத்துக்கு அழுத்தம் கொடுக்கும் சில இடங்கள் (புள்ளிகள் - Foot Pressure points) இருக்கின்றன. இவை சரியாக இருந்தாலே போதும்... இதயம் சீராக இயங்கும். 

    ஆணிக்கால் உள்ளவர்கள், எம்.சி.ஆர் செருப்புகளைத்தான் பயன்படுத்த வேண்டும். 

    சிலருக்கு விபத்தின்போது எலும்பு முறிவு ஏற்பட்டு, அது சரியாகாமல் கால் குட்டையாக மாறிவிடும். இவர்கள், தங்களுக்கு ஏற்ற எம்.சி.ஆர் செருப்புகளை அணிந்தால், நடையைச் சரி செய்துகொள்ளலாம்" என்றார்.

    https://www.vikatan.com

  11. முருங்கைக் கீரையில் இவ்வளவு மருத்துவ பலன்களா!

     

     
    Murungai_Keerai

    ஓர் அவுன்ஸ் முருங்கைக்கீரையின் சாற்றில் ஓர் அவுன்ஸ் தேன் கலந்து படுக்கைக்குப் போகும் முன் சாப்பிட வயிற்றிலுள்ள எல்லாவிதமான பூச்சிகளையும் வெளியேற்றும்.

    ரத்த அழுத்தம் உள்ளவர்கள் இக்கீரையின் சாறு ஓர் அவுன்ஸ் எடுத்து காலையில் வெறும் வயிற்றில் குடித்து வர வேண்டும். இது இரத்தத்தோடு சேரும் கொழுப்பையும் குறைக்கும்.

    இக்கீரையின் சாற்றோடு தேனும், சுண்ணாம்பும் சேர்த்துத் தொண்டையில் தடவ, குரல்கம்மல், இருமல், நாவறட்சி நீங்கும்.

    இலையை மட்டும் சுத்தமாக அரைத்துப் பிழிந்து இச்சாற்றை கண்களில் விட்டுக்கொண்டால் மெட்ராஸ் ஐ என்று சொல்லும் கண்வலி குணமாகும்.

    keerai_drumstick.jpg

    குழந்தை பிறந்து பால்சுரப்பு இல்லாத தாய்மார்களுக்கு முருங்கைப் பிஞ்சை, மிளகுடன் சேர்த்து சமைத்துச் சாப்பிட கொடுத்து வந்தால் பால் சுரப்பு மிகுதிப்படும்.

    முருங்கைக்கீரையின் சாற்றுடன், உப்பு மற்றும் வசம்புத் தூளையும் சேர்த்து குழைத்து வயிற்றின் மேல் பற்றாகப் போட வயிற்று வலியுடன் கூடிய உப்பிசம் சரியாகும்.

    keerai.jpg

    முருங்கைக்கீரையை தொடர்ந்து சாப்பிட்டு வந்தால் கண் தொடர்பான கண்வலி, கண்எரிச்சல், கண்களிலிருந்து நீர்வடிதல் போன்றவை குணமாகும். பார்வை மங்கல் மற்றும் மாலைக்கண் நோய் குறையிலிருந்தும் நிவாரணம் பெறலாம்.

    முருங்கைக்கீரையை ஆய்ந்து மிளகு, சீரகம், பூண்டு, பெருங்காயம் சேர்த்து ரசம் வைத்து சாப்பிட்டால் கைக்கால் அசதி, உடல்வலி நீங்கும். சிறுநீரைப் பெருக்கும்.

    உதிரப்போக்கைக் கட்டுப்படுத்த முருங்கைப்பிஞ்சை அடிக்கடி சமையலில் சேர்த்துக் கொள்ள வேண்டும்.

    http://www.dinamani.com

    • Like 1
  12. அதென்ன புடலங்காய் விதை சட்னி? ருசிக்கலாமா?

     

     
    images_(2)

     

    தேவையான பொருள்கள்:
    புடலங்காய் உள்ளே உள்ள விதை - 2 கிண்ணம்
    வெங்காயம் பெரியது - 2
    தக்காளி - 2
    பூண்டு - 3 பல்
    காய்ந்த மிளகாய் - 4
    உப்பு - தேவைக்கேற்ப
    தாளிக்க:
    கடுகு - 1 தேக்கரண்டி
    வெள்ளை உளுந்து - 1தேக்கரண்டி
    கறிவேப்பிலை - சிறிது

    snake_gourd_chutney.jpg


    செய்முறை: முதலில் புடலங்காயை இரண்டாக கீறி உள்ளே உள்ள பஞ்சு போன்று உள்ளதை தனியே எடுத்து வைத்து கொள்ளவும்.

    வாணலியில் எண்ணெய் ஊற்றி வெங்காயம், தக்காளி, காய்ந்த மிளகாய், புடலங்காய் விதை இவைகளை நன்கு வதக்கவும்.

    ஆறிய பின் மிக்ஸியில் போட்டு நன்கு அரைக்கவும். வாணலியில் எண்ணெய் ஊற்றி தாளிக்க கொடுக்கப்பட்டுள்ள பொருட்களை தாளித்து அரைத்த விழுதைச் சேர்க்கவும்.

    நன்கு கொதித்த பின் உப்பு சேர்த்து இறக்கவும். சுவையான புடலங்காய் விதை சட்னி ரெடி.

    http://www.dinamani.com

  13. கீரை, வெஜிடபிள் சப்பாத்தி... யம்மி ப்ளஸ் ஹெல்த்தி!

     

     

     

    தினம்தோறும் நம் சமையலில் முடிந்த வரை காய்கறிகள் மற்றும் கீரைகளைச் சேர்க்க முயல்கிறோம். இருப்பினும் குழந்தைகளைத் தினமும் கீரை மற்றும் காய்கறிகள் சாப்பிட வைப்பது அவ்வளவு எளிதல்ல. இவற்றைச் சப்பாத்தியுடன் சேர்த்துக் கொடுப்பதன் மூலம் குழந்தைகள் முதல் பெரியவர்களின் மனதைக் கவர்வதோடு மட்டுமல்லாமல், உடம்புக்கும் ஆரோக்கியத்தை அளிக்க முடியும்.

    கோதுமையுடன் காய்கறிகள், கீரைகள், சோயா, ஓட்ஸ் சேர்த்துச் செய்யும் சப்பாத்திகள் உடல் எடையைக் குறைக்க உதவுவதோடு, நீரிழிவு உள்ளவர்களுக்குச் சர்க்கரையின் அளவைக் கட்டுப்பாட்டினுள் வைக்கவும் உதவுகின்றன. மேலும், வளரும் குழந்தைகளுக்கு மிகவும் சிறந்தவை. இவற்றில் புரதம், நார்ச்சத்து, இரும்புச்சத்து இருப்பதுடன் வைட்டமின்களும் நிறைந்திருக்கின்றன சென்ற இதழ் `கிச்சன் பேஸிக்ஸ்’ பகுதியில் நாம் கோதுமையில் இருந்து பேஸிக் மாவு தயாரித்து அதை உபயோகித்து விதவிதமான சப்பாத்தி மற்றும் ரொட்டிகள் தயாரிப்பது எப்படி என்று பார்த்தோம். இந்த இதழில் கீரைகள், காய்கறிகளைச் சேர்த்து சூப்பர் சுவையுடன் பல்வேறு வகையிலான சப்பாத்தி மற்றும் தேப்லாக்களை எளிதாகத் தயாரிப்பது பற்றி அறிவோம். நம் குடும்பத்தின் ஆரோக்கியத்தைப் பாதுகாத்துக்கொள்வோம்.

    p68f_1529664025.jpg

    மேத்தி தேப்லா, சோயா - மேத்தி தேப்லா, ஓட்ஸ் - மேத்தி தேப்லா: வெல்லத்தைக் கால் கப் தண்ணீரில் கரைத்து வைத்துக்கொள்ள வும். வெந்தயக்கீரையை ஆய்ந்து, நன்கு கழுவி, பொடியாக நறுக்கிக்கொள்ளவும்.

    மூலி தேப்லா: துருவிய முள்ளங்கியில் இருந்து தண்ணீரைப் பிழிந்துகொள்ளவும். பிழிந்த தண்ணீரைக் கீழே ஊற்றிவிடவும்.

    p68c_1529663808.jpg

    மூலி தேப்லா வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

     

    தூதி தேப்லா: துருவிய சுரைக்காயுடன் உப்பு சேர்த்துப் பிசிறி வைத்துக்கொள்ளவும்.

    முட்டைகோஸ் தேப்லா: முட்டைகோஸை கேரட் துருவியில் பொடியாகத் துருவிக் கொள்ளவும்.

    பப்பாளிக்காய் தேப்லா: தோல் மற்றும் உள்ளிருக்கும் விதைகளை நீக்கிவிட்டு, துருவிக்கொள்ளவும்.

    கத்து (Kaddu) பாலக் தேப்லா: துருவிய பறங்கிக்காய், பாலக் கீரையை அரிந்து நன்கு கழுவி, பொடியாக நறுக்கிக்கொள்ளவும்.

    கரேலா தேப்லா: பாகற்காய்த் தோலைத் துருவி, உப்பு சேர்த்துப் பிசிறி வைத்துக்கொள்ளவும். பத்து நிமிடங்கள் கழித்துப் பாகற்காயில் இருந்துவரும் தண்ணீரைப் பிழிந்து எடுக்கவும். பிழிந்த தண்ணீரைக் கீழே ஊற்றிவிடவும். இப்படிச் செய்வதன் மூலம் பாகற்காயில் இருக்கும் கசப்பு போய்விடும்.

    வெங்காயச் சப்பாத்தி: பொடியாக நறுக்கிய வெங்காயத்தை உப்பு சேர்த்துப் பிசிறி வைத்துக்கொள்ளவும்.

    p68e_1529663977.jpg

    கேரட் வெங்காயம் சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

    p68ee_1529663987.jpg

    சோயா தால் சப்பாத்தி: பருப்பை மலர வேக வைத்துக்கொள்ளவும்.

    கீரை சப்பாத்தி : ஏதாவது ஒரு வகை கீரையை உபயோகித்து சப்பாத்தி செய்யவும். கீரையை நறுக்கி, நன்கு கழுவி, பொடியாக நறுக்கிக்கொள்ளவும்.

    அரைக்கீரை / சிறுகீரை / முளைக்கீரை / வல்லாரைக்கீரை / மணத்தக்காளிக்கீரை: நறுக்கிய கீரையை மாவு மற்றும் இதர பொருள்களுடன் சேர்க்கவும்.

    பசலைக்கீரை / முடக்கத்தான் கீரை/ பொன்னாங்கண்ணிக்கீரை/ அகத்திக்கீரை / முருங்கைக்கீரை / தூதுவளை / முள்ளங்கிக்கீரை: வாணலியில் சிறிது எண்ணெய் ஊற்றிச் சற்று சூடு ஏறியதும் நறுக்கிவைத்துள்ள கீரையைச் சேர்த்து வதக்கவும். சிறிது வதங்கியதும் சீரகத்தூள், ஓமம், மஞ்சள்தூள், மிளகாய்த்தூள் சேர்த்துச் சற்று வதக்கி இறக்கி ஆறவிடவும்.

    p68d_1529663852.jpg

    பொன்னாங்கண்ணி கீரை சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

    p68dd_1529663861.jpg

    சோயா - புதினா - சதகுப்பி சப்பாத்தி, ஓட்ஸ் - சதகுப்பி சப்பாத்தி: சதகுப்பி கீரையை ஆய்ந்து  நன்கு கழுவி, பொடியாக நறுக்கிக்கொள்ளவும். ஒரு வாணலி யில் சிறிது எண்ணெய் ஊற்றி, சற்றுச் சூடு ஏறியதும் நறுக்கிவைத்துள்ள கீரையைச் சேர்த்து வதக்கவும். சிறிது வதங்கியதும் சீரகத்தூள், ஓமம், மஞ்சள்தூள், மிளகாய்த்தூள் சேர்த்து, சற்று வதக்கி இறக்கி ஆறவிடவும்.

    p68a_1529663751.jpg

    ஓட்ஸ் சதகுப்பி சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

    p68aa_1529663772.jpg

    ஆலு சப்பாத்தி: உருளைக் கிழங்கைத் தோல் உரித்து, உப்பு சேர்த்த தண்ணீரில் குழைய வேகவைத்துக்கொள்ளவும்.

    p68ff_1529664059.jpg

    உருளைக்கிழங்கு சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

    பீட்ரூட் சப்பாத்தி: துருவிய பீட்ரூட் மற்றும் வெங்காயத்துடன் பச்சை மிளகாய், உப்பு சேர்த்துப் பிசிறி வைத்துக் கொள்ளவும்.

    p68b_1529663678.jpg

    கான்டினென்டல் சப்பாத்தி வீடியோவைக் உங்கள் மொபைலில் இந்த QR code-ஐ ஸ்கேன் செய்து காணலாம்.

    p68bb_1529663689.jpg

    கான்டினென்டல் சப்பாத்தி: காய்கறிகளை நன்கு பொடியாக நறுக்கி வைத்துக் கொள்ளவும்.

    சோயா - மேத்தி - கார்லிக் நான் / கார்லிக் நான்: வெந்தயக்கீரையை ஆய்ந்து, நன்கு கழுவி, பொடியாக நறுக்கிக் கொள்ளவும். மாவைப் பிசையும்போது பூண்டு சேர்க்க வேண்டாம். ஓர் உருண்டை கோதுமை மாவைச் சற்று கனமான நாண்களாக இடவும். ஒரு டீஸ்பூன் பொடியாக நறுக்கிய பூண்டை நாண் மேல் தூவி லேசாக அழுத்தி விடவும். நாணின் பின்புறம் தண்ணீர் தடவி, ஈரமான பக்கத்தை நன்கு சூடான தோசைக்கல்லில் போட்டு லேசாக அழுத்தி வேக வைக்கவும். மேல்பக்கம் லேசாக வெந்ததும் தவாவைத் திருப்பி ரொட்டியை நேரடியாக தீயில் காட்டி வேக வைக்கவும். மீண்டும் தவாவை அடுப்பில் வைத்து கீழ் பாகத்தை நான்கு வேக வைத்து பரிமாறவும்.

    பட்டாணி சப்பாத்தி: வேகவைத்த பட்டாணி மற்றும் பச்சை மிளகாயைக் கொரகொரப்பாக அரைத்து வைத்துக்கொள்ளவும்.

    பொங்கல் சப்பாத்தி: பொங்கலை நன்கு மசித்து வைத்துக்கொள்ளவும்.

    பருப்புக்கீரை சப்பாத்தி: மாவில் தண்ணீர் தேவைப்பட்டால் மட்டுமே ஊற்றவும்.

    உப்புமா சப்பாத்தி: உப்புமாவை நன்கு மசித்து வைத்துக் கொள்ளவும்.

    சர்க்கரைவள்ளிக்கிழங்கு சப்பாத்தி: சர்க்கரைவள்ளிக் கிழங்கைத் தோல் உரித்து, பச்சை மிளகாய், உப்பு சேர்த்த தண்ணீரில் குழைய வேகவைத்துக் கொள்ளவும்.

    பனீர் சப்பாத்தி: திரண்ட பாலை வடிகட்டி அரை மணி நேரம் துணியில் கட்டித் தொங்கவிடவும். வடிகட்டிய தண்ணீரைத் தனியாக எடுத்துவைத்து, மாவு பிசையும்போது இந்தத் தண்ணீரைப் பயன்படுத்தவும்.

    செய்முறை: கோதுமை மாவில் உப்பு, கொடுத்துள்ள அனைத்துப் பொருள்களையும் சேர்த்துப் பிசறிக்கொள்ளவும். அதில் கொஞ்சம் கொஞ்சமாகத் தண்ணீர் சேர்த்துக் கெட்டியான மாவாகப் பிசைந்து அரை மணி நேரம் மூடிவைத்து ஊறவிடவும். பிறகு, சம அளவு உருண்டைகளாக உருட்டி வைத்துக்கொள்ளவும். ஓர் உருண்டையை எடுத்து மைதா அல்லது கோதுமை மாவில் தொட்டுக்கொண்டு ஆறு அங்குலம் அகலம் உள்ள மெல்லிய சப்பாத்தியாகத் திரட்டவும். சூடான தோசைக்கல்லில் சப்பாத்தியைப் போட்டு லேசாக வெந்தவுடன் திருப்பிப் போட்டு சிறிது எண்ணெய்விடவும். இருபுறமும் நன்றாக வெந்ததும் சூடாகப் பரிமாறவும். ஸ்கூல் மற்றும் ஆபீஸ் லஞ்ச் பாக்ஸிலும் கொடுத்துவிடலாம்.

    பொதுவாக இந்த வகைச் சப்பாத்தி மற்றும் தேப்லாவுக்குத் தனியாக சைடிஷ் எதுவும் தேவைப்படுவதில்லை. தயிர், தயிர்ப் பச்சடி, மாங்காய் சுண்டா, நெல்லிக்காய் சுண்டா, மாங்காய்த் தொக்கு, தக்காளித் தொக்கு இவற்றில் ஏதேனும் ஒன்றுடன் பரிமாறலாம்.

    p70a_1529664100.jpg

    p70b_1529664109.jpg

    p70c_1529664119.jpg

    எண்ணெய், உப்பு - தேவையான அளவு

    தேப்லா வகைகளைப் பொதுவாக 15 நாள்கள் வரை ஃப்ரிட்ஜில் வைத்துக்கொள்ளலாம். தேவையானபோது தோசைக் கல்லில் சூடுபடுத்திச் சாப்பிடலாம்.

    குறிப்பு: உப்பு சேர்த்துப் பிசிறி வைக்கும் காய்கறிகள் தண்ணீர்விட்டுக்கொள்ளும். இந்தத் தண்ணீருடன் காய்கறிகளைக் கோதுமை மாவில் சேர்க்கவும். மேலும் தண்ணீர் சேர்ப்பதற்கு முன்னர், மாவில் சேர்த்திருக்கும் அனைத்துப் பொருள்களையும் நன்கு அழுத்திப் பிசிறவும். இவ்வாறு செய்யும்போது காய்கறி மற்றும் கீரைகளில் இருந்து மேலும் தண்ணீர் கசிந்து வரும் வாய்ப்பு உள்ளது. பிறகு, தேவைப்படும் தண்ணீரைச் சிறிது சிறிதாக ஊற்றி நன்கு கெட்டியான மாவாகப் பிசையவும். அரை மணி நேரம் ஊறிய பிறகு, மாவில் சேர்த்திருக்கும் காய்கறிகள், கீரைகளில் இருந்து மீண்டும் தண்ணீர் கசியலாம். அதனால் கெட்டியாகப் பிசைந்து வைத்து இருக்கும் மாவு சற்றுத் தளர்த்தியாகி இருக்கும். கையில் ஒரு டீஸ்பூன் எண்ணெயைத் தொட்டுக்கொண்டு மீண்டும் மாவைப் பிசைந்து உபயோகிக்கவும்.

    சப்பாத்தி, பராத்தா மற்றும் தேப்லாவைப் பதப்படுத்தும் முறை: ஓர் உருண்டையை எடுத்து மைதா அல்லது கோதுமை மாவில் தொட்டுக்கொண்டு ஆறு அங்குலம் அகலம் உள்ள மெல்லிய சப்பாத்தியாகத் திரட்டவும். சூடான தோசைக்கல்லில் சப்பாத்தியைப் போட்டு லேசாக வெந்தவுடன் திருப்பிப் போட்டு சிறிதளவு எண்ணெய்விட்டு லேசாக வேகவைக்கவும். இரண்டு புறமும் பாதி வெந்ததும் எடுத்து ஆறவைக்கவும். பட்டர் பேப்பரை ஆறு அங்குலம் அகலம் உள்ள சதுரத் துண்டுகளாகக் கிழித்து வைத்துக்கொள்ளவும். ஆறிய சப்பாத்தி ஒன்று பட்டர் பேப்பர் ஒன்றும் என மாறி மாறி அடுக்கவும். ஒரு வேளை சாப்பாட்டுக்குத் தேவையான அளவு சப்பாத்தி அடுக்கை ஒரு `ஜிப்லாக்' பையில் வைத்து, காற்றை நன்கு வெளியே தள்ளிவிட்டு, பையைச் சீல் செய்யவும். பையின் மேல், உள்ளே வைத்திருக்கும் சப்பாத்தி, பராத்தா, தேப்லாவின் பெயர் மற்றும் அதைச் செய்த தினம் ஆகியவற்றை எழுதவும். இப்போது இந்தப் பையை ஃப்ரீஸ் செய்யவும். இப்படி ஃப்ரீஸ் செய்த சப்பாத்தி, தேப்லா, பராத்தாக்களை மூன்று மாதங்கள் வரை பயன்படுத்தலாம்.

    ஃப்ரீஸ் செய்த சப்பாத்தி, தேப்லா, பராத்தாக்களைத் தேவையானபோது எடுத்து பத்து நிமிடங்கள் வெளியே வைக்கவும். பட்டர் பேப்பரை எடுத்துவிட்டுச் சூடான தோசைக்கல்லில் போட்டு வெந்தவுடன் திருப்பிப் போட்டு வேகவைக்கவும். இருபுறமும் நன்றாக வெந்ததும் பரிமாறவும்.

    https://www.vikatan.com

  14. அதிகரித்து வரும் Multiple Sclerosis பாதிப்பு

     

     
     

    எம்முடைய இல்லங்களுக்கு ஆண்டுகொரு முறையாவது வண்ணம் பூசுவோம். அதன் போது பயன்படுத்தப்படும் வரணப்பூச்சி மற்றும் சில கரைப்பான்களை சுவாசிப்பதால் அல்லது சுவாசிக்க நேர்வதால் Multiple Sclerosis என்ற பாதிப்பு ஏற்படுவது ஐம்பது சதவீதம் அதிகரிப்பதாக அண்மையில் மருத்துவ ஆய்வுகள் தெரிவிக்கிறது.

    hjftnghfgh.jpg

    Multiple Sclerosis என்பது மூளை மற்றும் முதுகு தண்டுவடத்தில் உள்ள நரம்பு செல்கள் உறைந்துவிடும் நிலை. பொதுவாக சிகரெட் புகைப்பவர்களை விட அவருக்கு அருகில் நின்று அவர்கள் வெளியிடும் புகையை சுவாசிப்பவர்களுக்கும் இத்தகைய பாதிப்பு 30 சதவீதம் அதிகரிப்பதாகவும் அந்த ஆய்வில் தெரிவிக்கப்பட்டிருக்கிறது.

    வடக்கு ஐரோப்பியே நாடுகள் மற்றும் அமெரிக்காவில் மட்டும் இத்தகைய பாதிப்பு அதிகமாக காணப்பட்ட நிலையில் தற்போது தெற்காசியாவிலும் இத்தகைய பாதிப்பிற்கு ஆளானவர்கள் இருக்கிறார்கள் என்பது கண்டறியப்பட்டிருக்கிறது.

    இந்த நோயால் பாதிக்கப்பட்டவர்களின் மூளை மற்றும் முதுகு தண்டுவடம் முழுமையாக முடக்கப்பட்டுவிடும். இதற்கான சிகிச்சைக்கு அதிக கட்டணம் செலவாகிறது என்பதையும் மனதில் கொள்ளவேண்டும்.

    உடலிலுள்ள மூட்டுகள் ஒன்றோ அல்லது அதைவிட அதிகமான மூட்டுகளிலோ உணர்வு குறையும். பார்வைத்திறன் பகுதியளவு அல்லது முழுமையாக பாதிக்கப்படும். ஒரு சிலருக்கு பார்ப்பது இரட்டையாகத் தோன்றக்கூடும். 

    கூச்ச உணர்வு அல்லது மயிர் கூச்செறியும் சம்பவங்கள் அடிக்கடி நிகழலாம். நா குழறல், சோர்வு, லேசான மயக்கம், குடல் மற்றும் சிறுநீர் பையின் செயல்பாட்டில் மாற்றம் என ஏதேனும் அறிகுறிகளின் மூலம் இதனை கண்டறியலாம்.

    இதனை குணப்படுத்துவதற்கான சிகிச்சை இருக்கிறதே தவிர இதனை தடுப்பதற்கான சிகிச்சை இன்றும் ஆய்வு நிலையிலேயே உள்ளது.

    உடலின் நோயெதிர்ப்பு சக்தியை அதிகரித்துக் கொள்வதே இதற்கான சிறந்த மாற்று. சத்தான உணவுகள், உடற்பயிற்சி, நடைபயிற்சி, மனதை இயல்பாக வைத்திருப்பது போன்றவற்றில் கவனம் செலுத்தினால் இதனை தவிர்க்கலாம்.

    டொக்டர் சைமன்

    தொகுப்பு அனுஷா.

     

     

    கர்ப்ப காலத்தில் மூச்சு முட்டுவது போல் உணர்வது ஏன்?

     

    கர்ப்ப காலத்தில் அடிக்கடி மூச்சு நின்று போவதுபோல சிலர் உணர்வார்கள். இது இயல்பானதுதான். கருப்பையிலுள்ள குழந்தையானது கார்பன் டை ஒக்சைடை உருவாக்கி, பனிக்குடம் வழியாக அதை இரத்த ஓட்டத்துக்குள் கடத்துகிறது.

    அதை வெளியேற்றுவதற்காக கர்ப்பிணியின் உடல் மிகவும் சிரமப்பட வேண்டியிருக்கும், கர்ப்ப காலத்தின் கடைசி நாட்களில், கருப்பையானது உதர விதானத்தை மேல் நோக்கித் தள்ளுவதால், நுரையீரல் விரிவடைவதற்குப் போதுமான இடமில்லாமல் போய்விடும். இதனால் குறிப்பிட்ட அளவு காற்றை சுவாசிக்க இயலாத நிலை ஏற்படுவதாலும் சுவாசத் தடை ஏற்படுகிறது.

    இருமல், மார்பில் வலி அல்லது தொடர்ச்சியான களைப்பு போன்றவற்றுடன் மூச்சு நின்றுபோகிற உணர்வும் ஏற்படுமானால் கர்ப்பிணிகள் வைத்தியருடன் கலந்தாலோசிக்க வேண்டியது அவசியம். அஸ்மா இருந்தால், அது நன்றாகக் கட்டுப்படுத்தப்பட்டு விட்டதா என்பதை உறுதி செய்துகொள்ள வேண்டியதும் அவசியம்.

    கர்ப்ப காலம் முழுவதும் வைத்தியரின் ஆலோசனையுடன் இன்ஹேலர்களைப் பயன்படுத்தலாம். அஸ்மா பாதிப்பு தீவிரமடைந்தால் அது குழந்தைக்குத் தேவையான ஒக்சிஜன் அளவைக் குறைத்து விடுவதோடு, ஆபத்தாகவும் முடியும். எனவே, இந்த விடயங்களில் கர்ப்பிணிகள்தான் கவனமாக இருக்க வேண்டும்.

    http://www.virakesari.lk/article/36163

  15. ரத்தமகுடம்-பிரமாண்டமான சரித்திரத் தொடர்

     

     

    கே.என்.சிவராமன்-9

    ‘‘மொத்தம் ஏழு பேர்...’’ தன்னைச் சுற்றிலும் பார்வையால் அலசியபடியே திரும்பிப் பார்க்காமல் சிவகாமி சொன்னாள். ‘‘இல்லை எட்டு. தென்மேற்கு  மூலையில் சருகுகள் மிதிபடும் ஓசை கேட்கிறது...’’ கரிகாலன் பதிலளித்தான். ‘‘ஆம். அந்தப் பக்கமாக பறவைகள் படபடத்து கிளைகளில் இருந்து  பறக்கின்றன...’’ சொன்னபடியே நின்றவாக்கில் மெதுவாக வட்டமடிக்கத் தொடங்கினாள். சிவகாமியின் முதுகுடன் தன் முதுகை ஒட்டியும் ஒட்டாமல்  வைத்திருந்த கரிகாலன், அவளுக்கு சமமாக தானும் வட்டமாக நகரத் தொடங்கினான்.
    29.jpg
    நான்கு விழிகளும் எட்டுத் திசைகளிலும் இருந்த மொத்தக் கோணத்தையும் சலித்தன. ‘‘சூழ்பவர்கள் சாளுக்கியர்களல்ல!’’ சிவகாமியின் குரலில்  நிதானம் வழிந்தது. ‘‘முக அமைப்பும் உடல் வாகும் தமிழர்களையும் நினைவுபடுத்தவில்லை...’’ கரிகாலனின் புருவங்கள் முடிச்சிட்டன.  ‘‘நண்பர்களுக்கான இலக்கணமும் தட்டுப்படவில்லை...’’ மந்தகாசத்துடன் சிவகாமி பதிலளித்தாள். ‘‘கால்களைக் குறுக்குவாட்டில் வைத்தபடி நம்மைச்  சூழ்கிறார்கள்...’’ கரிகாலன் குரலைத் தாழ்த்தினான். ‘‘கவனித்தேன்.

    நேர்கோட்டில் அவர்கள் அடியெடுத்து வைக்காதது நம் அதிர்ஷ்டம்...’’ உதட்டைப் பிரிக்காமல் சிவகாமி புன்னகைத்தாள். ‘‘நம் இருவரையும்  எதிர்நோக்கியபடி நால்வர் வருகிறார்கள்...’’ ‘‘மற்ற நால்வர் பக்கவாட்டில்...’’ ‘‘பதினாறு விழிகளும் நம் உடலைத்தான் குறி வைக்கின்றன...’’ எதையோ  உணர்த்துவதுபோல் கரிகாலன் இதை அழுத்திச் சொன்னான். ‘‘அசுவங்கள் போலவே!’’ உணர்ந்து கொண்டதற்கு அறிகுறியாக சிவகாமி பதிலளித்தாள்.  ‘‘அசுவ சாஸ்திரத்தை நீ கசடறக் கற்றவள்...’’ ‘‘உங்களைப் போலவே!’’ ‘‘பக்கவாட்டை இப்போதைக்கு மறந்துவிடுவோம்!

    அவர்கள் உடனடியாக நம்மைத் தாக்க மாட்டார்கள்...’’ சொன்ன கரிகாலன் நின்றான். தன் கரங்களால் தனக்குப் பின்னால் முதுகைக் காண்பித்தபடி  நின்றிருந்த அவளையும் நிறுத்தினான். நிறுத்திய கைகளின் மொழி சிவகாமிக்குப் புரிந்தது. கால்களை அழுத்தமாக ஊன்றினாள். ‘‘நேருக்கு நேர்  சந்திக்கும் புரவிகள் ஒரு புள்ளியில் விலகும்...’’ ‘‘சட்டென்று பாய்ந்து மற்றொன்றை வீழ்த்த முற்படும்...’’ வாக்கியத்தை முடித்தாள் சிவகாமி.  கரிகாலனின் நயனங்கள் சந்துஷ்டியை வெளிப்படுத்தின. சாதுர்யமான பெண்.

    எண்ணெய்யில் ஊறிய திரியாக கப்பென்று தீயைப் பற்றிக் கொள்கிறாள். கொழுந்து விட்டு எரியத் தயாராக இருக்கிறாள். இவளைப் போல் இன்னும்  இருவர் படைகளை நடத்தக் கிடைத்தால் போதும். பல்லவர்களை ஒருவராலும் வீழ்த்த முடியாது. ‘‘என்னிடம் வாள் இருக்கிறது...’’ ‘‘எனக்கான வாள்  அவர்களிடம் இருக்கிறது!’’ சிவகாமியின் உதடுகள் பதிலளித்தன. வேண்டுமா? நீளம் தேவையா..?’’ ‘‘நீளம் எனில் கூடுதலாகப் பாய முடியும்!’’ ‘‘என்னை  நோக்கி வருபவர்களிடம் உனக்குத் தேவையானது இருக்கிறது!’’ முணுமுணுத்த கரிகாலன், அவளைப் பிடித்திருந்த தன் கரத்தை எடுத்தான்.

    வலது காலை முன்னோக்கி நகர்த்தி கால் கட்டை விரலால் தரையில் அரைவட்டம் இட்டான். தன் வாளை இரு கைகளாலும் கெட்டியாகப் பிடித்தான்.  எதற்காக இப்படிச் செய்கிறான் என்பது அவனை நோக்கி வந்த இருவருக்கும் புரியவில்லை. முன்னேறுவதை சற்றே தாமதப்படுத்தினார்கள். தரையில்  அவர்கள் பாதங்கள் நிலைகொள்ளாமல் அலைபாய்ந்தன. இதற்காகவே காத்திருந்தது போல் கரிகாலன் தன் வாளை முன்னோக்கிச் சுழற்றி காற்றைக்  கிழித்தான். அறுபட்ட காற்று ஒன்று சேர்வதற்குள் தன் இடக்கையால் சிவகாமியின் இடுப்பை அழுத்திப் பிடித்து அவளை வட்டமாகத் தன் பக்கம்  இழுத்தபடியே தூக்கினான்.

    காலை அழுத்தமாக ஊன்றியிருந்த சிவகாமி, வாகாக அந்த வேகத்துக்கு எழும்பினாள். கணக்கிட்டது போலவே கரிகாலன் அவளைத் தன் தலைக்கு  மேல் தூக்கினான். சுழன்ற வேகத்தில் சிவகாமியின் பாதங்கள், நீளமான வாட்களைப் பிடித்திருந்த இருவரது தாடையையும் வேகமாகப் பெயர்த்தன.  இதைச் சற்றும் எதிர்பார்க்காத அவ்விருவரும் நிலைதடுமாறி விழ... பிடித்திருந்த அவர்களது வாள்கள் நழுவ... இமைக்கும் நேரத்தில் சிவகாமி அதைக்  கைப்பற்றினாள்! கணங்களில் நடைபெற்ற இந்தச் சம்பவங்கள் மற்ற அறுவரையும் அதிர்ச்சியடைய வைத்தன.

    நிலைகுலைந்த புரவிகளை அடக்குவது அவ்விரு அசுவ சாஸ்திரிகளுக்கும் சுலபமாக இருந்தது! இருவர் இருவராக இருந்த அறுவர் கூட்டணியை  கரிகாலனும் சிவகாமியும் தகர்த்தார்கள். கரிகாலனின் வாள் அதிக நீளமில்லை; குட்டையுமில்லை. பட்டையாகவும் இல்லை; மெல்லியதாகவும்  இல்லை. நடுவாந்திரமாக, கச்சிதமாக இருந்தது. தனக்கென அவன் வடிவமைத்த வாள் என்பதால் அவன் அசைவுக்கு அது கட்டுப்பட்டது. அவன் பேச  நினைத்ததை இம்மி பிசகாமல் உரையாடியது. கால்களை முன்னோக்கி நேராகவும் பக்கவாட்டிலும் மாறி மாறி நகர்த்தி எதிராளியைத் திணறடித்தான்.

    கால்களின் நர்த்தனத்துக்கு நேர் மாறாக வாளின் நடனம் இருந்ததால் எந்த முறையில் வாளைப் பாய்ச்சுகிறான் என்பதை அவனைச் சூழ  முற்பட்டவர்களால் புரிந்துகொள்ள முடியவில்லை. முன்னோக்கிப் பாய்ந்தும், பின்னோக்கி நகர்ந்தும், பக்கவாட்டில் வாளை வீசியும் சுழல்காற்றைப்  போல் சுழன்ற கரிகாலன், அவ்வப்போது சிவகாமி என்ன செய்கிறாள் என்றும் கவனித்தான். ஆச்சர்யமே ஒவ்வொரு அணுவையும் சூழ்ந்தது. தன்னிரு  கரங்களிலும் இரு நீளமான வாட்களையும் ஏந்தியிருந்த அந்தப்பாவை, பாய்ந்து பாய்ந்து தாக்குவதிலேயே அதிக கவனம் செலுத்தினாள்.

    அது முரண்டு பிடிக்கும் அரபிக் குதிரைகளை அடக்க அதன் மீது பாய்ந்து ஏறி அமர முற்படுவது போலவே இருந்தது. போலவே, பாய்ந்தவளின்  கரங்களில் இருந்த வாட்கள் கீழ் நோக்கி வீசப்படும்போதெல்லாம் இடியாக இறங்கி அவளைத் தாக்க முற்பட்டவர்களின் தோளை நொறுக்கின. அந்தச்  சூழலிலும் கச்சையிலிருந்து வெளிப்பட முயற்சித்த பிறைகளின் ஜொலிப்பு கரிகாலனை இம்சிக்கவே செய்தது. மின்னலென அவ்வப்போது தோன்றி  மறைந்த நாபிக் கமலத்தின் சுழியும், ஆழமும் மலர்ந்தும் மறைந்தும் காண்பித்த காட்சிகள் ஊகங்களுக்கே அதிகம் வழிவகுத்தன.

    வாழையும், தந்தங்களும் வெட்கித் தலைகுனியும் அளவுக்கு வழுவழுப்புக்குப் பெயர்போன அவளது கரங்களும் கால்களும் ஊர்த்துவ தாண்டவமாடி  எதிராளிகளைப் பந்தாடின. விரிந்தும் குறுகியும் அகன்றும் சேர்ந்தும் மாயாஜாலங்களை நிகழ்த்திய கால்களும், அவை உடம்புடன் சேர்ந்த இடமும்,  அவ்விடத்தின் கனமும் கணத்தில் கரிகாலனைப் பித்து நிலைக்கு அழைத்துச் சென்றன. காமமும் வன்மமும் ஒரு நாணயத்தின் இரு பக்கங்கள்  என்பதை எந்தத் தத்துவஞானி சொன்னாரோ... அவர் வாயில் சுத்தமான தேனைப் பிழிந்து ஊற்ற வேண்டும்.

    சில கணங்களுக்கு முன் தன் விரல்களில் நெகிழ்ந்து குழைந்த அங்கங்கள் இந்தளவு பாறையாக மாறி எதிராளியைப் பெயர்க்கும் என கரிகாலன்  துளியும் எதிர்பார்க்கவில்லை. நாணமும் மடந்தையும் பெண்களின் இயல்பல்ல. தேவையான சமயத்தில் வெளிப்படும் அவர்களது ஆபரணங்கள்.  எல்லோர் கண்களுக்கும் அவை தட்டுப்படுவதில்லை. தகுந்தவர்களைக் காணும்போதே அவை வெளிப்பட்டு ஜொலிக்கின்றன. குழையத்  தெரிந்தவர்களுக்கு குடலை உருவி மாலையாக அணியவும் தெரியும். நெகிழ்பவர்கள்தான் கடினப்படுகிறார்கள்.

    வாழ்க்கையின் மகத்தான இந்தத் தத்துவத்தை அந்தக் கணத்தில் தன் அசைவின் வழியே கரிகாலனுக்கு போதித்துக் கொண்டிருந்தாள் சிவகாமி.  அன்னையின் நடனம் ஈசனை உத்வேகம் அடையச் செய்தது. சக்தியுடன் போட்டி போடுவதற்காகவே சிவன் நடனமாடினான். அதனாலேயே  சக்தியில்லையேல் சிவனில்லை என்ற சொற்றொடர் பிறந்தது. இது உண்மையா அல்லது கற்பனையா என்று தெரியாது. ஆனால், சிவகாமியின் வாள்  வீச்சுக்கு ஏற்ப கரிகாலன் தன் வாளைச் சுழற்றி எதிராளியைப் பந்தாடினான் என்பது மட்டும் நிஜம். வண்டை அழைக்க மொட்டு மலர்ந்தது.

    மொட்டு மலர வண்டு ரீங்காரமிட்டது. ஈசனின் நடனத்தில் சக்தி தன் மனதைப் பறிகொடுத்தது போலவே கரிகாலனின் வாள் நர்த்தனத்துக்கு சிவகாமி  மயங்கினாள். திரண்ட அவனது புஜங்களும், கடினப்பட்ட அவனது முழங்கையும் முழங்காலும், சுற்றி வளைத்த வீரர்களை மட்டுமல்ல, தன் மனதையும்  பந்தாடுவதை சிவகாமி உணர்ந்தாள். ஒடிசலான அந்த தேகத்தில் மலைக் குன்றே குடியிருக்கும் என்பதை அவள் கற்பனைகூட செய்து  பார்க்கவில்லையே! வீசும் காற்று மட்டுமல்ல, வீசப் போகும் காற்றும் அவனது வாள் வீச்சுக்கு ஏற்பவே தங்கள் போக்கை அமைத்தன; அமைக்க  நிர்ப்பந்திக்கப்பட்டன.

    இப்படிப்பட்ட வீரன் ஒரு நாழிகைக்கு முன் தன் முன்னால் தழையத் தழைய மண்டியிட்டு அமர்ந்திருந்தான் என்பதை நினைக்க நினைக்க அவள்  உள்ளம் பொங்கியது. நரம்புகள் யாழாகி சப்தஸ்வரங்களையும் மேனி எங்கும் இசைத்தன! அதிர்ந்த உடல் உற்சாகக் கடலில் முத்துக் குளித்தது.  அவளது வாள் அசைவில் அவை இறுமாப்புடன் வெளிப்பட்டன. இருவர்தானே... வளைத்துவிடலாம்... என்ற மிதப்பில் அவர்களை நெருங்கிய எட்டு  வீரர்களும் கொஞ்சம் கொஞ்சமாக நிலைகுலைந்தார்கள். அவர்களது உடலில் இடைவெளியின்றி இருவரது வாட்களும் மாறி மாறி கோடுகளை  இழுத்தன.

    கோடிட்ட இடங்களில் இருந்து பூர்த்தி செய்ய முடியாத அளவுக்கு குருதி பெருகி அவர்களது உடலை நனைத்தன; குளிப்பாட்டின. வாட்களைப்  பறிகொடுத்தார்கள். மணிக்கட்டை பெயர்த்துக் கொண்டார்கள். வெட்டுப்பட்ட மரங்களாகத் தரையில் சாய்ந்தார்கள். கரிகாலனும் சிவகாமியும் முன்பு  போலவே ஒருவர் பின்னால் மற்றவர் நின்றார்கள். இம்முறை அவள் முதுகில் தன் முதுகு பட்டும் படாமல் இருப்பது போல் கரிகாலன் நிற்கவில்லை.  மாறாக, முதுகோடு முதுகு உராயும்படி நின்றான்; நின்றாள்; நின்றார்கள். சொற்கள் மெளனம் காக்க அவர்களது உடல்கள் உரையாடின.

    பரஸ்பரம் அடுத்தவரது வீரத்தை மெச்சிக்கொண்டன. தழுவித் தழுவி உச்சி முகர்ந்தன. பெருக்கெடுத்த வியர்வை திரிவேணி சங்கமம் போல் இருமேனி  சங்கமமாகி இரண்டறக் கலந்தன. முன்பு போலவே நின்றவாக்கில் மெதுவாக சிவகாமி வட்டமடிக்கத் தொடங்கினாள். அவளுக்குச் சமமாக கரிகாலனும்  வட்டமாக நகரத் தொடங்கினான். தங்களை எதிர்க்க யாருமில்லை எனப் புரிந்ததும் இருவரும் விலகினார்கள். போர் முடிந்ததும் இரு வீரர்கள் தேகம்  இணைய நிற்பார்களே... அப்படி அருகருகில் நின்றார்கள். சுழன்று சுழன்று வட்டமடித்ததால் ஏற்பட்ட பெருமூச்சுகள் இருவரது நாசிகளையும் அதிர  வைத்து வெளியேறின.

    சிவகாமியின் கையடக்க கொங்கை எழுவதும் தாழ்வதுமாக இருந்ததை கரிகாலன் கவனித்தான். அவன் பார்க்க வேண்டும் என்பதற்காகவே மூன்றாம்  பிறையை ஐந்தாம் பிறையாக்கினாள் சிவகாமி! வீரத்தின் பக்கமிருந்த நாணயம் காதலின் மறுபக்கத்தை நோக்கித் திரும்ப ஆரம்பித்தது. எப்படி ஊசி  முனையில் தள்ளாடிய உணர்ச்சிகளை சில நாழிகைகளுக்கு முன் சருகுகளின் சப்தங்கள் கலைத்தனவோ அப்படி சிருங்கார ரசத்தை விட்ட  இடத்திலிருந்து பருக முற்பட்ட இருவரையும் ஒரு குரல் இயல்புக்குக் கொண்டு வந்தது.‘‘வாள் மகளே வா! வாள் மகனுடன் வா!’’ கடைக்கண்ணால்  ஒருவரையொருவர் பார்த்தபடியே இருவரும் வாட்களை இறுக்கிப் பிடித்தார்கள்.

    எவ்வித சலனமும் இன்றி குரல் வந்த திசையை நோக்கித் திரும்பினார்கள். இமை மூடித் திறப்பதற்குள் கரிகாலனின் தொடை மீது தன் இடது காலை  வைத்து எம்பிய சிவகாமி வாளை ஓங்கியபடி அங்கு நின்றிருந்த மனிதன் மீது பாய்ந்தாள். அடுத்த கணம் அவள் கையில் இருந்த வாள் பறந்தது.  குழந்தையைத் தரையில் இறக்குவதுபோல் சிவகாமியை இறக்கிய அந்த மனிதன் தன் குறுவாளை அவள் கழுத்தில் வைத்தான். நிதானமாகக்  கரிகாலனை ஏறிட்டான். இதனையடுத்து அந்த மனிதன் உச்சரித்த சொற்கள், வாளை உயர்த்தி நின்ற கரிகாலனை மட்டுமல்ல, சிவகாமியையும்  உலுக்கியது. ‘‘சண்டையிட நான் வரவில்லை. சிவகாமியின் சபதம் குறித்துப் பேசவே வந்திருக்கிறேன்!’’  
     

    (தொடரும்) 

    http://www.kungumam.co.in

    • Thanks 1
  16. நாரத்தங்காய் ஊறுகாய் செய்வது எப்படி?

     
    அ-அ+

    வ‌யி‌ற்‌றி‌ல் ஏ‌ற்ப‌ட்ட பு‌ண்‌ணி‌ற்கு நா‌ர்‌த்த‌ங்கா‌ய் ஊறுகா‌ய் ந‌ல்ல மரு‌ந்தாக அமை‌கிறது. இன்று நாரத்தங்காய் வைத்து சுவையான ஊறுகாய் செய்வது எப்படி என்று பார்க்கலாம்.

     
     
     
     
    நாரத்தங்காய் ஊறுகாய் செய்வது எப்படி?
     
    தேவையான பொருட்கள் :      

    நாரத்தங்காய் - 3,  
    மஞ்சள்தூள் - கால் டீஸ்பூன்,
    வெந்தயம் - அரை டீஸ்பூன்,  
    காய்ந்த மிளகாய் - 8,  
    கடுகு, பெருங்காயத்தூள் - தலா அரை டீஸ்பூன்,  
    நல்லெண்ணெய் - 2 டேபிள்ஸ்பூன்,
    உப்பு - 2 டேபிள்ஸ்பூன்.

    201807051146261887_1_citron-pickle._L_styvpf.jpg

    செய்முறை :     

    நாரத்தங்காயை நன்றாக கழுவிய துடைத்த பின்னர் துண்டுகளாக வெட்டி விதைகளை நீக்கி விடவும்.

    வெட்டிய நாரத்தங்காய் துண்டுகளை ஜாடியில் போட்டு அதனுடன் உப்பு, மஞ்சள்தூள் சேர்த்துக் கலக்கவும்.

    இதை பத்து நாள்கள் வரை தினமும் கிளறிவிடவும்.

    வெறும் வாணலியில் வெந்தயம், காய்ந்த மிளகாயைத் தனித்தனியாகச் சேர்த்து வறுத்து மிக்ஸியில் பொடித்து கொள்ளவும்.

    நன்கு ஊறிய நார்த்தங்காயுடன் அரைத்த பொடியைச் சேர்த்து நன்றாகக் கலக்கவும்.

    வாணலியில் எண்ணெய் விட்டுச் சூடாக்கி கடுகு, பெருங்காயத்தூள் தாளித்து ஊறுகாயுடன் சேர்த்துக் கலந்து பரிமாறவும்.

    குறிப்பு : நாரத்தங்காய் ஊறுவதற்கு 10 நாள்களாகும். தேவைப்படும்போது தாளித்துக்கொண்டால் ஊறுகாய் ஃப்ரெஷ்ஷாகவும், மேலும் சுவையாகவும் இருக்கும்.

    https://www.maalaimalar.com/

  17. முதுகு வலி ஏன்..?

     

     
     

    அலுவலகத்தில் பணியாற்றுபவர்களில் பெரும்பாலானவர்களுக்கு முதுகு வலி ஏற்படும். இது ஏன் உருவாகிறது? இதற்கான நிவாரணம் என்ன? இந்த வலியை வருமுன் தடுக்க இயலுமா? என கேட்டால் முடியும் என்கிறார்கள் வைத்தியர்கள்

    தகவல் தொழில் துறையாகட்டும் அல்லது அரசு மற்றும் தனியார் துறையாகட்டும் அங்கு பணியாற்றும் ஆண்களும், பெண்களும் குறைந்த பட்சம் மூன்று மணித்தியாலத்திற்காவது அசையாமல் ஒரே இடத்தில் அமர்ந்து பணியாற்றுபவர்கள் இப்படி ஒரேயிடத்தில் அசையாமல் வேலை செய்யும் போது, முதுகில் உள்ள தசைகள் தங்களின் இயல்பான இயக்கத்திற்கு வாய்ப்பு கிடைப்பதில்லை. அதனால் முதுகு பகுதியில் உள்ள தசைகள் செயலிழந்து இறுக்கமற்றதாக மாறிவிடுகிறது. இதனால் முதுகு தண்டு பகுதியில் பாதிப்பு ஏற்படத் தொடங்குகிறது.

    health_news.jpg

    ஒரு சிலருக்கு இந்த பாதிப்பு தீவிரமடைந்து முதுகு தண்டு தன்னுடைய இயல்பான அமைப்பிலிருந்து விலகி, வளையத் தொடங்குகிறது. இதன் தொடர்ச்சியாக நரம்புகள் சேதமடைந்து மூட்டு வலி, முதுகு வலி, தொடைப்பகுதி வலி, கால் கெண்டைச் சதை வலி போன்ற பாதிப்புகள் ஏற்படுகின்றன. அத்துடன் இதன் காரணமாகவே சிறுநீர் பைக்கு செல்லவேண்டிய சிறுநீரக செயல்பாட்டிலும் மாற்றம் உண்டாகிறது. இதனால் சிறுநீரகக் கல் கூட உருவாகும் வாய்ப்பிருக்கிறது. பெண்களுக்கு இதன் காரணமாக இயல்பான அளவில் சுரக்கும் எண்டார்கார்பின் என்ற ஹோர்மோன் சுரப்பியின் சுரப்பிலும் மாற்றம் உருவாகி, கருப்பைத் தொடர்பான சிக்கல்களை தோற்றுவிக்கிறது.

    இதற்கு என்ன செய்யலாம்? என்றால் ஒரு நாளைக்கு இரண்டு லீற்றர் அளவிற்கு சிறுநீர் கழிக்கவேண்டும். அதற்கு ஏற்ற வகையில் தண்ணீர், பழச்சாறு, தேநீர், கோப்பி ஆகிய பானங்களை அருந்தலாம். அத்துடன் காலையில் எழுந்தவுடன் ஸ்கிப்பிங் எனப்படும் ஒரேயிடத்தில் குதிக்கும் பயிற்சியை மேற்கொள்ளவேண்டும்.

    இதன் மூலம் வயிற்றில் ஆங்காங்கே தேங்கியிருக்கும் கழிவுகள் வெளியேறும். வலது மற்றும் இடது மணிக்கட்டை ஒரே சமயத்திலோ அல்லது இரண்டு வெவ்வேறு தருணங்களிலோ ஒன்பது முறை வலது இடதாக சுற்றவேண்டும். இதனால் எம்முடைய உடலில் சுரக்கும் எண்டார்பின் என்ற ஹோர்மோன் சுரப்பியின் செயல்பாட்டை சமநிலைப்படுத்தலாம்.

    இதற்கு பின்னரும் முதுகு வலி நீடித்தால் வைத்தியர்களை சந்தித்து ஆலோசனைப் பெற்று, அவர்களின் வழிகாட்டலின் படி இயன்முறை மருத்துவ பயிற்சியை மேற்கொண்டால் முழுமையான நிவாரணம் கிடைக்கும்.

    வைத்தியர் ராஜ்கண்ணா.

    http://www.virakesari.lk/article/36006

     

     

    Eosinophilic Esophagitis என்ற பாதிப்பிற்கான சிகிச்சை

     

     

    குழந்தைகளுக்கு மூச்சு விடுதலிலோ அல்லது உணவு வகைகளிலோ அல்லது தோலிலோ ஏதேனும் ஒவ்வாமை இருந்தால் அதனை உடனடியாக கண்டறிந்து சிகிச்சை பெற்று கொள்ளவேண்டும். 

    இல்லையில் Eosinophilic Esophagitis என்ற பாதிப்பிற்கு ஆளாக நேரிடும். இதன் காரணமாக வாயிற்கும் வயிற்றிற்கும் இடையே உள்ள உணவுக்குழாயில் வீக்கமோ அல்லது கட்டியோ ஏற்படும். 

    இதனை தொடக்க நிலையிலேயே கண்டறிந்து சிகிச்சைப் பெற்றால் குணமடையலாம். ஆனால் முற்றிய நிலையிலிருந்தால் இதனை கட்டுப்படுத்தி நிவாரணம் மட்டுமே பெற இயலும். ஒவ்வாமை இருக்கும் குழந்தைகளுக்கு ஒவ்வாமையின் காரணமாகவே Eosinophilic Esophagitis என்ற பாதிப்பு ஏற்படும்.

    callout-eosinophilic-esophagitis.jpg

    Eosinophilic Esophagitis என்ற பாதிப்பிற்கு ஆளாகும் குழந்தைக்கு சிகிச்சையளிக்காமல் இருந்தால், அவர்கள்  உணவு உட்கொள்ளும் போதும், சுவாசிக்கும் போது ஈஸினோஃபில்ஸ் என்ற ஒரு வகையினதான இரத்த வெள்ளை அணுக்கள் உணவுக்குழாயில் சேரத் தொடங்கும்.

     இதனால் அடிவயிற்றில் வலி உண்டாகும். வாந்தி மற்றும் உணவு விழுங்குவதில் சிரமம் ஏற்படும். இதனால் ஓஸ்துமா, கோலியாக் நோய் போன்ற பாதிப்புகளும் ஏற்படும். ஒரு சில குழந்தைகளுக்கு தொண்டை அடைத்துக்கொள்ளும் நிலை கூட உருவாகும்.

    இதனை எண்டாஸ்கோப்பி மற்றும் பயாப்சி மூலமாகத்தான் கண்டறிந்து அதன் வீரியத்தை அறிந்து கொள்ள இயலும். அதன் பிறகு மேலும் பாதிப்பு தொடராமல் இருப்பதற்கான சிகிச்சை வழங்கப்படுகிறது. 

    அத்துடன் இந்த பாதிப்பு மேலும் பரவாமல் இருப்பதற்கான தடுப்பு சிகிச்சையும் அளித்து இதனை கட்டுப்பாட்டிற்குள் வைத்திருக்க இயலும்.

    http://www.virakesari.lk/article/35765

     

     

     

    Chronic Obstructive Pulmonary Disease ( C O P D) என்ற நோயிற்கான சிகிச்சை

     

     
     

    இளந்தலைமுறையினர் பெசனுக்காகவும், மற்றவர்களை கவர்ந்திழுக்கவும் புகைபிடிக்கிறார்கள். அதே போல் பணியிடங்களில் விரைவாக பணி செய்து முடிக்கவேண்டும் என்ற நிபந்தனைக்கு ஆளாகி மன அழுத்தத்தையும் எதிர்கொள்கிறார்கள்.

     ஒரு சிலர் இந்த மன அழுத்தத்திலிருந்து விடுபட நிவாரணமாக மருந்துகளையும் மாத்திரைகளையும் வைத்தியர்களின் ஆலோசனையுடனும், ஆலோசனையில்லாமலும் எடுக்கிறார்கள்.

    வேறு சிலர் உறக்கமின்மை காரணமாகவும், பயணத்தின் போதும், பயணம் அல்லாத போதும் ஏற்படும் வாந்தி காரணமாகவும் மருந்து மாத்திரைகளை உட்கொள்கிறார்கள். ஆனால் இவற்றிற்கான கால எல்லையை வைத்தியர்களின் ஆலோசனையின்றி தொடர்வதால் Chronic Obstructive Pulmonary Disease எனப்படும் நாள்பட்ட நுரையீரல் அடைப்பு நோயிற்கு ஆளாகிறார்கள். அதாவது இவர்கள் எடுத்துக் கொள்ளும் மருந்துகள் எம்முடைய உடலில் உள்ள நோயெதிர்ப்பு செல்களின் வளர்ச்சியையும், வலிமையையும் சிதைத்துவிடுவதால் இத்தகைய பாதிப்பு உண்டாகிறது.

    health.jpg

    தெற்காசியா முழுமைக்கும் இந்த பாதிப்பால் மரணமடைவர்களின் எண்ணிக்கை 20 சதவீதமாக உயர்ந்திருப்பதாக ஆய்வில் கண்டறியப்பட்டிருக்கிறது. இந்த நோயிற்கு ஆளானவர்கள் நுரையீரல் பாதிப்பிற்கு ஆளாகிறார்கள். அத்துடன் உணவு குழாய் அழற்சி மற்றும் சுவாச கோளாறுகளுக்கும் ஆளாகிறார்கள்.

    புகைபிடிப்பது, மரபியல் காரணம் போன்றவற்றாலும் இந்த நோய் ஏற்படுகிறது. ஒரு சிலருக்கு ஆல்பா =1அன்ட்டிரிப்சின் என்ற புரத சத்து குறைபாட்டின் காரணமாகவும் இவை ஏற்படலாம். இதனால் கல்லீரலும், நுரையீரலும் பாதிக்கப்படுகிறது. இந்த பாதிப்பு நான்கு நிலைகளாக வரையறைக்கப்பட்டிருக்கிறது. பெரும்பாலானவர்கள் மூன்றாவது மற்றும் நான்காவது நிலையில் தான் சிகிச்சைப் பெற வைத்தியர்களை நாடுகிறார்கள். இந்த நோய் தொற்று நோய் அல்ல என்பதையும் நினைவில் கொள்ளவேண்டும்.

    தொடர் இருமல், சளியுடன் கூடிய இருமல், மூச்சு திணறல், பெருமூச்சு அடிக்கடி விடுதல், நெஞ்சு இறுக்கமாக இருப்பது போன்ற உணர்வு ஆகியவை இதன் அறிகுறிகளாக எடுத்துக் கொள்ளலாம். இத்தகைய அறிகுறிகள் தெரிந்தவுடன் வைத்தியர்களை சந்தித்து ஆலோசனைப் பெற்றால் அவர்கள் பரிசோதனை செய்து சிகிச்சையளிப்பார்கள். இதற்கு பிரிவென்டிவ் தெரபி என்ற சிகிச்சை அளித்து குணப்படுத்துவார்கள். ஒரு சிலருக்கு சத்திர சிகிச்சை செய்யவேண்டியதிருக்கும்.

    புகைபிடிப்பதை முற்றாக கைவிடவேண்டும். போஷாக்கான உணவை உட்கொள்ளவேண்டும். மனதை இயல்பாக வைத்திருக்கவேண்டும். இதற்காக யோகா பயிற்சியோ அல்லது தியானமோ அல்லது மூச்சு பயிற்சியோ செய்வதும் சிறந்தது.

    http://www.virakesari.lk/article/35709

×
×
  • Create New...

Important Information

By using this site, you agree to our Terms of Use.