colomban

வாழ்த்துக்கள். இவர் ஒரு முறை நடு விரலை தூக்கிகாட்டி பிரச்சினனைப்ப்ட்டார்.

நான் கருணாவையே தெரிவு செய்வேன். அவரை துரோகி என்று சொல்ல முடியாது. ஆனால் தைரியசாலி. புலி ஆதரவாளர்களுக்கு அவரை பிடிக்காது.

(எம்.எப்.எம்.பஸீர்)உயிர்த்த ஞாயி­றன்று இலங்­கையில் இடம்­பெற்ற தொடர் தற்­கொலைக் குண்­டுத்­தாக்­கு­தல்­களை நடத்­தியபிர­தான பயங்­க­ர­வா­தி­யான ஸஹ்ரான் ஹாஷிமின் பிர­தான இரு சகாக்­களை ஐக்­கிய அரபு அமீ­ரகம் சென்று கைது செய்­துள்ள சி.ஐ.டி. சிறப்­புக்­குழு அவர்­களை இலங்­கைக்கு அழைத்து வந்து சிறப்பு விசா­ர­ணை­களை ஆரம்­பித்­துள்­ளது.குறித்த தொடர் தற்­கொலைக் குண்­டுத்­தாக்­கு­தல்­களை அடுத்து நாட்­டி­லி­ருந்து தப்­பி­யோ­டி­ய­தாகக் கூறப்­படும் இரு­வரே இவ்­வாறு அழைத்து வரப்­பட்­டுள்­ள­தா­கவும் அவர்­களை 1979 ஆம் ஆண்டின் 48 ஆம் இலக்க பயங்­க­ர­வாத தடைச்­சட்­டத்தின் கீழ் சி.ஐ.டி. தலை­மை­ய­க­மான நான்காம் மாடியில் தடுத்து வைத்து விசா­ரிப்­ப­தற்­கான அனு­ம­தியை நேற்று பெற்­றுக்­கொண்­டுள்­ள­தா­கவும் சி.ஐ.டி.யின் உயர் அதி­காரி ஒருவர் தெரி­வித்தார்.நான்கு நாட்­க­ளுக்கு முன்னர், சி.ஐ.டி.யின் பொலிஸ் அத்­தி­யட்­சகர் காவிந்த பிய­சேன தலை­மையில் பொலிஸ் பரி­சோ­தகர் புஷ்­ப­கு­மார மற்றும் சார்ஜன்ட் நத்­தலால் உள்­ளிட்ட குழு­வினர் இவர்­களைக் கைது செய்ய ஐக்­கிய அரபு அமீ­ர­கத்­துக்குச் சென்­றுள்­ளனர்.இந்­நி­லை­யி­லேயே அந்­நாட்டு பாது­காப்புப் பிரிவின் ஒத்­து­ழைப்­புடன் குறித்த இரு­வ­ரையும் கைது செய்­துள்ள அவர்கள், சந்­தேக நபர்­களை துபா­யி­லி­ருந்து நாட்­டுக்கு அழைத்து வந்­தனர்.நாவ­லப்­பிட்டி – ஹப்­பு­கஸ்­த­லாவை பகு­தியைச் சேர்ந்த 30 வய­தான மொஹம்மட் சலீம் அப்துல் சலாம்,ஹம்­பாந்­தோட்டை பகு­தியைச் சேர்ந்த 37 வய­தான மொஹம்மட் சஹான் மொஹம்மட் றியாஸ்ஆகி­யோரே இவ்­வாறு கைது செய்­யப்­பட்டு துபா­யி­லி­ருந்து அழைத்து வரப்­பட்டு தடுப்­புக்­கா­வலில் விசா­ர­ணைகள் இடம்­பெ­று­வ­தாக நான்காம் மாடியின் குறித்த உயர் அதி­காரி கூறினார்.நேற்­றைய தினம் அவ்­வி­ரு­வரும் சட்ட வைத்­திய அதி­காரி ஒருவர் முன்­னி­லை­யிலும் முன்­னி­லைப்­ப­டுத்­தப்­பட்டு அறிக்­கையும் பெறப்­பட்­டுள்­ளது. ஏற்­க­னவே உயிர்த்த ஞாயிறு தாக்­கு­தலின் பின்னர் வெளி­நா­டு­களில் இருந்த பயங்­க­ர­வாத சந்­தேக நபர்கள் 6 பேர் நாட்­டுக்கு அழைத்து வரப்­பட்­டுள்ள நிலையில் இவர்கள் இரு­வ­ருடன் சேர்த்து அந்த எண்­ணிக்கை தற்­போது எட்­டாக உயர்ந்­துள்­ளது.இவர்­க­ளுக்கு மேல­தி­க­மாக சுமார் 65 பயங்­க­ர­வாத சந்­தேக நபர்கள் உயிர்த்த ஞாயிறு விவ­கா­ரத்தில் நேர­டி­யாகத் தொடர்­பு­பட்­டமை, உதவி ஒத்­தாசை வழங்­கி­யமை தொடர்பில் கைது செய்­யப்­பட்டு குற்றப் புல­னாய்வுத் திணைக்­களம் மற்றும் பயங்­க­ர­வாத தடுப்பு மற்றும் விசா­ரணைப் பிரி­வு­களின் கீழ் தடுத்து வைத்து விசா­ரிக்­கப்­பட்டு வரு­கின்­றனர்.ஏற்­கெ­னவே உயிர்த்த ஞாயிறு தாக்­கு­தலை அடுத்து, கடந்த ஜூன் 14 ஆம் திகதி 5 பயங்­க­ர­வாத சந்­தேக நபர்­களை சவூதி அரே­பி­யாவின் ஜித்தா நக­ரி­லி­ருந்து சி.ஐ.டி. நாட்­டுக்கு அழைத்து வந்­தது.30 வய­தான புதிய காத்­தான்­குடி – 2 எனும் முக­வ­ரியைச் சேர்ந்த தேசிய தெளஹீத் ஜமாத்தின் ஆயுத பிரிவுத் தலை­வ­னாக கரு­தப்­படும் ஹயாது மொஹம்மட் அஹமட் மில்ஹான் அல்­லது மொஹம்மட் மில்ஹான், 34 வய­தான மரு­த­முனை – 3 ஐச் சேர்ந்த மொஹம்மட் மர்சூக் மொஹம்மட் ரிழா, வெல்­லம்­பிட்­டியைச் சேர்ந்த 47 வய­தான மொஹம்மட் முஹிதீன் மொஹம்மட் சன்வார் சப்றி, 29 வய­தான காத்­தான்­குடி – 1 ஐச் சேர்ந்த மொஹம்மட் இஸ்­மாயில் மொஹம்மட் இல்ஹாம், , அனு­ரா­த­புரம் கெப்­பித்­தி­கொல்­லேவைச் சேர்ந்த 37 வய­தான அபு­சாலி அபூ­பக்கர் ஆகிய ஐந்து பயங்­க­ர­வாத சந்­தேக நபர்­களே சவூ­தியில் இருந்து இவ்­வாறு கைது செய்­யப்­பட்டு நாட்­டுக்கு அழைத்து வரப்­பட்­ட­வர்­க­ளாவர்.அதன் பின்னர் கடந்த ஜூலை 16 ஆம் திகதி நாடு கடத்­தப்­பட்ட மாவ­னெல்­லையைச் சேர்ந்த சமத் எம் றியாஸ் எனும் சந்­தேக நபர் சி.ஐ.டி.யால் கைது செய்­யப்­பட்­டி­ருந்தார். ஐ.எஸ். ஐ.எஸ். எனும் பயங்­க­ர­வாத அமைப்­புடன் தொடர்­பு­களைப் பேணிய இலங்­கை­யர்­களின் வலை­ய­மைப்பின் பிர­தான நப­ராகக் கரு­தப்­படும் ஒரு­வரை, 21/4 உயிர்த்த ஞாயிறு தற்­கொலைக் குண்டுத் தாக்­கு­தல்­களைத் தொடர்ந்து கத்தார் பொலிஸார் கைது செய்து தொடர்ந்தும் தடுத்து வைத்து விசா­ரித்து வரு­கின்­றனர்.மொஹம்மட் அன்வர் மொஹம்மட் இன்சாப் எனும் குறித்த சந்­தேக நபரே இவ்­வாறு கத்தார் பொலிஸ் நிலையம் ஒன்றால் கைது செய்­யப்­பட்டு தடுத்து வைக்­கப்­பட்­டுள்­ள­தா­கவும், தற்­போது சி.ஐ.டி. பொறுப்பில் விசா­ரிக்­கப்­பட்­டு­வரும் தேசிய தெளஹீத் ஜமா அத் முக்­கிய உறுப்­பினர் பஸ்ஹுல் ஸஹ்­ரானும் குறித்த சந்­தேக நபரும் கட்­டாரில் இருந்து ஐ.எஸ்.ஐ.எஸ். பயங்­க­ர­வாத அமைப்­புடன் தொடர்­பு­களை ஏற்­ப­டுத்தி பேணி­யுள்­ளமை தெரி­ய­வந்­துள்ள நிலையில், கட்­டாரில் தடுப்பில் உள்ள சந்­தேக நபரை இலங்­கைக்கு அழைத்து வந்து விசா­ரிக்கும் பணி­களை முன்­னெ­டுக்­கவும் நட­வ­டிக்­கைகள் எடுக்­கப்­பட்­டுள்­ளன.இவ்­வா­றான பின்­ன­ணி­யி­லேயே கத்­தாரில் தற்­போதும் தடுத்து வைக்­கப்­பட்­டுள்ள மொஹம்மட் அன்வர் மொஹம்மட் இன்­சாப்­புடன் தங்கியிருந்ததாகக் கூறப்படும் மாவனெல்லையைச் சேர்ந்த சமத் மொஹம்மட் றியாஸ் என்பவர் கத்தார் பொலிஸாரால் கைது செய்யப்பட்டு இரண்டரை மாதம் தடுப்புக் காவல் விசாரணைகளின் பின்னர் இலங்கைக்கு நாடு கடத்தப்பட்ட பின்னர் கடந்த ஜூலை 16 ஆம் திகதி சி.ஐ.டி. விமான நிலையத்தில் வைத்து கைது செய்து தற்போது பயங்கரவாத தடை ச் சட்டத்தின் கீழ் 90 நாள் தடுப்புக் காவலில் வைத்து விசாரித்து வருகின்றனர்.-மெட்ரோ - https://www.madawalaenews.com/2020/01/blog-post_937.html

டுபாயில் பணிபுரிய சென்ற இலங்கை இளைஞன், வீட்டு உரிமையாளரான 60 வயது பெண்மணியை காதல் வலையில் வீழ்த்தி, பெருந்தொகை நகைகளை சுருட்டிக் கொண்டு இலங்கை தப்பி வந்துள்ளார். குற்றப்புலனாய்வு பிரிவினரால் கைதான அவரை விளக்கமறியலில் வைக்க நீதிமன்றம் உத்தரவிட்டுள்ளது. நீர்கொழும்ப பகுதியை சேர்ந்த 30 வயதான திருமணமாகாத இளைஞன் ஒருவர் டுபாய்க்கு பணிபுரிய சென்றுள்ளார். அங்கு, வீட்டு உரிமையாளரான 60 வயது மூதாட்டியுடன் காதல் வயப்பட்டுள்ளார். அந்த மூதாட்டி ஏற்கனவே திருமணமானவர். இருவரும் நெருங்கிப்பழகியுள்ளனர். மூதாட்டிக்கு தெரியாமல் அவரது மூன்றரைக் கோடி ரூபா பெறுமதியான தங்க நகைகள், வெளிநாட்டு நாணயங்களை திருடிக் கொண்டு, இளைஞன் இலங்கை திரும்பியுள்ளார். இது தொடர்பான முறைப்பா, இலங்கைத் தூதரகம் ஊடாக செய்யப்பட்டதையடுத்து, இளைஞனை குற்றப்புலனாய்வு பிரிவினர் கைது செய்துள்ளனர். அவர் நீர்கொழும்பு நீதிவான் நீதிமன்றத்தில் முற்படுத்தப்பட்டபோது, விளக்கமறியலில் வைக்க உத்தரவிடப்பட்டுள்ளது. https://puttalamtoday.com/arabian-romance-60-வயது-டுபாய்-அம்மணியை-க/

“இன்ஷா அல்லாஹ் ” என்கிற அரபு வார்த்தையை ஜெர்மனியின் மிகவும் அதிகாரப்பூர்வ அகராதியான டுடென் அங்கீகரித்துள்ளதாக செய்தி வெளியாகியுள்ளது. அரபு வார்த்தையான ‘இன்ஷல்லா’ இப்போது ஜெர்மன் வார்த்தையாக கருதப்படுகிறது. இந்த வெளிப்பாடு ஜெர்மன் மொழியின் மிகவும் பிரபலமான அகராதியான டுடன் ஊடாக வெளிவந்துள்ளது.வந்துள்ளது. புதிய நுழைவு அகராதியில் “இன்ஸா அல்லாஹ் ” என்று உச்சரிக்கப்படுகிறது. இது தற்போது அதன் டிஜிட்டல் பதிப்பில் தோன்றுகிறது, மேலும் இது அச்சிலும் வெளியிடப்படுமா என்பது குறித்து எந்த தகவலும் தெரிவிக்கப்படவில்லை. இன்ஷால்லா’ என்பது ஆங்கிலத்தில் உச்சரிக்கப்படுவது போல, ‘அல்லாஹ்வின் விருப்பம்’ அல்லது ‘அல்லாஹ் நாடினால் ’ போன்ற எதிர்கால நிகழ்வைப் பற்றி பேசும்போது முஸ்லிம்களால் பயன்படுத்தப்படுகிறது. ஜெர்மன் மொழியின் மிகவும் அதிகாரபூர்வமான மற்றும் பிரபலமான அகராதி டுடென்; இது நீண்ட காலமாக ஜெர்மன் இலக்கணம் மற்றும் எழுத்துப்பிழைக்கான பரிந்துரைக்கப்பட்ட கையேடு – ஜெர்மனியின் மெரியம்-வெப்ஸ்டர் வகையான. இது 1880 முதல் வெளியிடப்பட்டது, இப்போது அதன் 27 வது பதிப்பில் உள்ளது. ஜெர்மனியில் சில சமூக ஊடக பயனர்கள் இது தங்கள் மொழியின் இயல்பான வளர்ச்சியைக் குறிப்பதாகக் கூறினாலும், மற்றவர்கள் இது உண்மையில் ஜெர்மனியின் அதிகரித்துவரும் இஸ்லாமிய மயமாக்கலைக் குறிக்கிறது என்று குரலெழுப்பியுள்ளார்கள். “இப்போது நீங்கள் அனைவரும் பள்ளிகள் / நிறுவனங்களில் இதைப் பயன்படுத்தலாம், யாராவது அதை அறியவில்லை என்றால், அவர் அதை விரைவில் கற்றுக் கொள்ள வேண்டும்” என்று ஒரு விமர்சகர் கிண்டலாக எழுதினார். “நாங்கள் ஜெர்மனியில் வசிக்கிறோம், ஜெர்மன் பேச விரும்புகிறோம்!” மற்றொருவர் கூறினார்: “இது இஸ்லாமியமயமாக்கலுடன் தீவிரமாகி வருகிறது.” மூன்றாவது பயனர் இந்த வார்த்தை வெறுமனே “ஜெர்மன் அல்ல” என்று எழுதினார். முஸ்லீம் உலகில் தோன்றிய மற்றொரு நுழைவு “ஓஹா” ஆகும், இது ஆச்சரியத்தை வெளிப்படுத்த துருக்கியர்களால் பொதுவாகப் பயன்படுத்தப்படும் ஆச்சரியம், ஆங்கில “ஹூ” போன்றது. “இன்ஷல்லா” மற்றும் “ஓஹா” இரண்டையும் மெரியம்-வெப்ஸ்டர் அகராதியிலும் காணலாம். ஏறக்குறைய 5 மில்லியனில், ஜெர்மனியின் முஸ்லீம் மக்கள் தொகை ஐரோப்பாவில் இரண்டாவது இடத்தில் உள்ளது, இது பிரான்சுக்குப் பின்னால் உள்ளது, மேலும் நாட்டின் மக்கள் தொகையில் 6 சதவிகிதம் ஆகும். ஐந்து ஜெர்மன் முஸ்லிம்களில் மூன்று பேர் துருக்கிய வம்சாவளியைக் கொண்டுள்ளனர். https://puttalamtoday.com/இன்ஷா-அல்லாஹ்-என்கிற-அரப/

நல்ல விடயம். தமிழ் அரசியல்வாதிகள் ஒன்றும் செய்யவில்லை. இவர் மூலமாவது இந்த எழைமக்களுக்கு கிடைத்தால் நல்லது.

பாறுக் ஷிஹான்--என்னை துரோகி என்று கூற ஒருவருக்கே உரிமை உள்ளது.அது எங்களுடைய தேசிய தலைவர் அவருக்கு மாத்திரமே உள்ளது. ஆனால் இறுதிவரை தலைவர் என்னை துரோகி என்று கூறவில்லை.சொல்லியிருந்தால் அதை மனப்பூர்வமாக ஏற்றுக்கொண்டிருப்பேன் என தமிழர் ஐக்கிய சுதந்திர முன்னணியின் தலைவரும் முன்னாள் பிரதியமைச்சருமான கருணா அம்மான் என்று அழைக்கப்படும் விநாயகமூர்த்தி முரளிதரன் தெரிவித்தார்.தமிழர் ஐக்கிய சுதந்திர முன்னணியின அம்பாறை மாவட்டம் பாண்டிருப்பு பிரிவிற்கான பொதுமக்கள் கலந்துரையாடல் ஞாயிற்றுக்கிழமை(12) மாலை 4 மணி முதல் இரவு 8 மணி வரை பாண்டிருப்பு கலாச்சார மண்டபத்தில் நடைபெற்ற வேளை அங்கு கலந்து கொண்டு மேற்கண்டவாறு குறிப்பிட்டார்.மேலும் தனது கருத்தில்தமிழ் தேசிய கூட்டமைப்பிற்குள் பல பிளவுகள் வந்து கொண்டு இருக்கின்றன. அண்மையில் பாராளுமன்ற உறுப்பினர் சிவஞானம் சிறிதரன் என்பவர் தெரிவித்ததாக கருத்து ஒன்று தற்போது உலா வருகின்றது. முன்னாள் இராஜங்க அமைச்சர் விஜயகலா மகேஸ்வரன் கொழும்பில் போட்டியிடுவதற்கு பெறுமதியான சொத்தை எழுதி தந்தால்தான் போட்டியிட வைப்பேன் என சுமந்திரன் எம்.பி கூறியிருக்கிறார் என.இதை நான் கூறவில்லை அவர்களே கூறுகின்றனர் இந்தளவிற்கு கேவலமான நிலைக்கு கூட்டமைப்பு தள்ளப்பட்டுள்ளது.தற்போது தமிழ் தேசிய கூட்டமைப்பில் தேசியம் பேச ஒருவருக்கு மாத்திரமே உரிமையுள்ளது .அவர்தான் இலங்கை தமிழரசு கட்சியின் தலைவர் மாவை சேனாதிராஜா. அவரைத் தவிர மட்டு அம்பாறையில் இருக்கும் தமிழ் தேசிய கூட்டமைப்பின் தலைவர்களுக்கு உரிமையில்லை. அவர்களுக்கு யுத்த களம் தெரியுமா ? யுத்த களத்திற்கு தனது பிள்ளையை வழியனுப்பி வைத்த வேதனை தெரியுமா? இல்லாவிடின் காணாமல் ஆக்கப்பட்டோரின் தாய்மார்களின் வேதனை தெரியுமா? இன்று மேதாவிகள் போல் தேசியம் பேசுகிறார்கள்.அம்பாறையில் இருகின்ற அரசியல் வாதிகள் கஞ்சிகுடியாறு காட்டில் அரைவாசியை அழித்துவிட்டார்கள். அந்த மரங்களை உருவாக்குவதற்கு தலைவர் பல்லாயிரக்கணக்கான போராளிகளை ஈடுபடுத்தினார்.கல்முனை வடக்கு பிரதேச செயலகத்தை தரமுயர்த்த கூட்டாது என கூறும் ஹரீஸ் எம்.பி இருக்கும் மேடையில்தான் கூட்டமைப்பின் பாராளுமன்ற உறுப்பினர்களும் இருக்கின்றனர் அப்போது எவ்வாறு கல்முனை பிரச்சனையை தீர்க்கப்போகிறார்கள்.இவர்கள் எம்மக்களை ஏமாற்றி வருகின்றனர். எமது போராட்ட களம் மௌனித்த பின்னர் கூட்டமைப்பினரும் திசைமாறிவிட்டனர்.மட்டக்களப்பு மாவட்டத்தில் நில தொடர்பற்ற முறையில் கல்வி வலயத்தை அரசியல் செல்வாக்கை பயன்படுத்தி உருவாக்க முடியும் எனில் ஏன் அம்பாறை மாவட்டதில் சம்மாந்துறை கல்முனைஇ நாவிதன்வெளி பிரதேசங்களை உள்ளடக்கியதாக ஒரு கல்வி வலயத்தை உருவாக்க முடியாது? இது இங்கு இருக்கின்ற அரசியல் வாதிகளின் தவறு. இந்த பிரதேசங்களை உள்ளடக்கிய கல்வி வலயம் உருவாக்க படுமானால் எமது பிள்ளைகளின் கல்வி வளர்ச்சி அதிகரிக்கும்.இன்று கருணா அம்மான் துரோகி என்கின்றனர். அதை பற்றி நான் கவலைப்படுவதில்லை அது டாக்டர் பட்டம் மாதிரிதான் எனக்கு இருக்கிறது.கடந்த கால போராட்டம் நீடித்திருந்தால் நாம் அனைவரும் கொல்லப்பட்டிருப்போம்.தற்போது அனைவரையும் காப்பாற்றியவர் நான்தான் இல்லாவிடின் இங்கு இருக்கின்ற அரசியல்வாதிகள் யாரும் வந்திருக்க மாட்டார்கள்.என்னை துரோகி என்று கூற ஒருவருக்கே உரிமை உள்ளது அது எங்களுடைய தேசிய தலைவர் அவருக்கு மாத்திரமே உள்ளது. ஆனால் இறுதிவரை தலைவர் என்னை துரோகி என்று கூறவில்லை. சொல்லியிருந்தால் அதை மனப்பூர்வமாக ஏற்றுக்கொண்டிருப்பேன். எனக்கும் தலைவருக்குமே தெரியும் என்ன பிரச்சனை என்று.இன்று பலர் அரசியற்கட்சி தலைவர்களை தேசிய தலைவர் என்று விழிக்கின்றனர் . தேசிய தலைவர் என்றால் தலைவர் பிரபாகரன் மாத்திரமே அது ஒரு வரலாற்று அத்தியாயம் அதை மீண்டும் உருவாக்க முடியாது. அங்கு இருந்துதான் நான் வந்தேன் இல்லையெனில் கருணாவை உங்களுக்கு தெரிந்திருக்க முடியாது.இப்போது இருக்கும் தமிழ் தலைவர்களை தூக்கி நிறுத்துவதற்கு நான்கு பணியாட்கள் வேண்டும் . அவர்களுக்கு காதும் கேட்பதில்லை கண் பார்வையும் இல்லை அவர்களைதான் நாங்கள் கும்பிட்டு கொண்டு இருக்கின்றோம் என குறிப்பிட்டார்.இந்த கலந்துரையாடலில் பொதுமக்கள் மற்றும் கிராம அபிவிருத்திச் சங்கங்கள் மாதர் கிராம அபிவிருத்திச் சங்கங்கள் ஆலயங்களின் பிரதிநிதிகள் அரசியல் பிரமுகர்கள் சமூக அமைப்புக்கள் விளையாட்டுக் கழகங்கள் தமிழர் ஐக்கிய சுதந்திர முன்னணியின் சிரேஸ்ட உறுப்பினர்கள் எனப் பலர் கலந்து சிறப்பித்தனர்தமிழர் ஐக்கிய சுதந்திர முன்னணியின் தலைவரும் முன்னாள் பிரதியமைச்சருமான விநாயகமூர்த்தி முரளிதரன் (கருணா அம்மான்) கடந்த நவம்பர் மாதம் பாண்டிருப்பு பிரதேசத்தின் சர்மிலன் வீதியில் வசிக்கும் இராசதுரை முத்துலிங்கம் என்பவபவருக்கு வாழ்வாதார உதவித்தொகையாக ஒரு தொகைப் பணம் வழங்கி வைத்தமை குறிப்பிடத்தக்கது. தீக்கிரையாக்கப்பட்ட குறித்த வீட்டையும் சம்பவ இடத்திற்கு நேரில் சென்று பார்வையிட்டமை குறிப்பிடத்தக்கது.அத்தோடு தமிழர் ஐக்கிய சுதந்திர முன்னணியின பாண்டிருப்பு பிரிவு அமைப்பாளர் சுதாகரன் மற்றும் யுவராஜ் ஆகியோரால் கருணா அம்மானுக்கு பொன்னாடை போர்த்திக் கௌரவிக்கப்பட்டது.தொடர்ந்து பதவி நீக்கப்பட்ட கல்முனை முன்னாள் மாநகர உறுப்பினர் சுமித்ரா ஜெகதீசன் தமிழர் ஐக்கிய சுதந்திர முன்னணியின் தலைவரும் முன்னாள் பிரதியமைச்சருமான கருணா அம்மான் என்று அழைக்கப்படும் விநாயகமூர்த்தி முரளிதரன் முன்னிலையில் கட்சியில் இணைந்து கொண்டார்.கடந்த 2018 பெப்ரவரி மாதம் இடம்பெற்ற உள்ளூராட்சித் தேர்தலில் கல்முனை மாநகர சபைக்கு தமிழர் விடுதலைக் கூட்டணி சார்பில் போட்டியிட்ட இவர் அக்கட்சியினால் மேலதிக பட்டியல் உறுப்பினர்களாக நியமனம் செய்யப்பட்டிருந்த நிலையில் அக்கட்சியினால் இடைநிறுத்தப்பட்டிருந்தார்.தற்போது இவர் மாநகர சபை உறுப்புரிமையை இழந்திருப்பதனை அடுத்து பொதுமக்களுடன் கலந்துரையாடி புதிய கட்சியான இக்கட்சியில் இணைந்து கொண்டுள்ளார். https://www.madawalaenews.com/2020/01/blog-post_553.html

மூன்று பிள்ளைகளுக்கு மேல் பெற்றால் அக்குடும்பத்திற்கு பணப் பரிசில் வழங்கவுள்ளதாக நிறைவேற்றப்பட்ட திட்டத்திற்கு இதுவரை யாரும் பதிவு செய்யப்படவில்லை என தகவல்கள் வெளியாகியுள்ளன. இது தொடர்பில் வெளியாகியுள்ள தகவல்களின்படி, வல்வெட்டித்துறை நகர சபைக்குட்பட்ட பிரதேசத்தில் தமிழ் மக்களின் இருப்பை பாதுகாப்பதற்காக 3 பிள்ளைகளுக்கு மேல் பெற்றுக்கொள்ளும் குடும்பத்தினருக்கு வல்வெட்டித்துறை நகரசபையினால் மாதாந்தம் 10ஆயிரம் ரூபா மானியமாக வழங்க முன்வந்துள்ளபோதும் எவரும் பதிவுகளை மேற்கொள்ளவில்லை என வல்வெட்டித்துறை நகர பிதா தெரிவித்துள்ளார். 3 பிள்ளைகளுக்கு மேல் பெற்றுக்கொள்ளும் குடும்பத்தினருக்கு, மாதாந்தம் 10ஆயிரம் ரூபா வழங்கும் திட்டம் நிறைவேற்றப்பட்டுள்ள நிலையில், இதுவரை எவரும் பதிவுகளை மேற்கொள்ளவில்லை என யாழ்ப்பாணம் வல்வெட்டித்துறை நகரபிதா கருணாகரமூர்த்தி தெரிவித்தார். வல்வெட்டித்துறை நகரசபையில் நிறைவேற்றப்பட்டுள்ள தீர்மானங்கள் தொடர்பில் கருத்துத் தெரிவிக்கும்போதே இவ்விடயத்தினை நகரபிதா தெரிவித்தார். http://www.jaffnamuslim.com/2020/01/3-10000.html

விஷவாயுவை சுவாசித்து அஸர்பைஜானில் உயிரிழந்த, மாணவிகளின் உடல்கள் இலங்கை வருகிறது அஸர்பைஜானில் உயிரிழந்த இலங்கை மாணவிகளின் சடலங்களை நாட்டுக்கு கொண்டு வர நடவடிக்கை எடுக்கப்பட்டுள்ளதாக வௌிநாட்டு உறவுகள் அமைச்சின் செயலாளர் தெரிவித்துள்ளார்.அஸர்பைஜானின் பக்கு தலைநகரில் அமைந்துள்ள காஸ்பியன் பல்கலைக்கழகத்தில் கல்வி கற்கும் மூன்று இலங்கை மாணவிகள் விஷ வாயுவை சுவாசித்ததால் உயிரிழந்தனர்.கடுவலை மற்றும் பிலியந்தலை பிரதேசத்தை சேர்ந்த 22 மற்றும் 23,25 வயதுடைய மல்ஷா சந்தீபனி, தருக்கி அமாயா, தவுசி ஜயவோதி ஆகிய மாணவிகளே உயிரிழந்துள்ளனர். இவர்களில் ஒரே குடும்பத்தை சேர்ந்த சகோதரிகள் இருவரும் அடங்குவதாக தெரிவிக்கப்படுகிறது.உயிரிழந்த மாணவிகளின் சடலங்களை எதிர்வரும் சில தினங்களில் நாட்டிற்கு கொண்டு வர நடவடிக்கை எடுத்துள்ளதாக வௌிநாட்டு உறவுகள் அமைச்சு தெரிவித்துள்ளது.குறித்த மாணவிகள் தங்கியிருந்த விடுதியின் கீழ் மாடியில் தீ பரவல் ஏற்பட்டுள்ள நிலையில், அதன் புகையினை சுவாசித்ததில் மூன்று மாணவிகளும் மயக்கமுற்றுள்ளனர். பின்னர் அவர்கள் வைத்தியசாலையில் அனுமதிக்கப்பட்ட பின்னர் அவர்கள் உயிரிழந்துள்ளதாக வௌிநாட்டு ஊடகங்கள் செய்தி வௌியிட்டுள்ளன. http://www.jaffnamuslim.com/2020/01/blog-post_490.html

அரபு நாடுகளிலேயே நீண்ட காலம் மன்னராக இருந்தவரான ஓமன் மன்னர் சுல்தான் காபூஸ் பின் சைத் அல் சைத் தனது 79வது வயதில் உயிரிழந்துள்ளார். இவருக்கு முன்பு சுல்தானாக இருந்த தனது தந்தையையே, பிரிட்டிஷ் உதவியுடன் ஆட்சியில் இருந்து நீக்கி, 1970இல் இவர் ஆட்சியைக் கைப்பற்றினார். அப்போது இவருக்கு வயது 29. ஓமனின் பிரதமர், பாதுகாப்பு படைகளின் தலைமை தளபதி, பாதுகாப்பு அமைச்சர், நிதியமைச்சர், வெளியுறவு அமைச்சர் ஆகிய உட்சபட்ச பதவிகளையும் இவர் தன் வசமே வைத்திருந்தார். இவரது இறப்புக்கான காரணம் தெரிவிக்கப்படவில்லை. ஓமனின் அடுத்த சுல்தானாக இவரது ஒன்று விட்ட சகோதரர் ஹைத்தம் பின் தாரிக் அல் சைத் பதவியேற்றார். கடந்த மாதம் சுல்தான் காபூஸ், பெல்ஜியம் நாட்டில் சிகிச்சைக்காக அனுமதிக்கப்பட்டிருந்தார். அவருக்கு புற்றுநோய் இருந்ததாக செய்திகள் வெளியாகியிருந்தன. யார் இந்த சுல்தான் காபூஸ்? சுமார் 50 ஆண்டுகாலம் ஓமன் நாட்டின் ஆட்சி அதிகாரத்தை தனது கட்டுப்பாட்டில் வைத்திருந்தவர் சுல்தான் காபூஸ். 46 லட்சம் மக்கள் தொகை கொண்ட ஓமனில் வசிப்பவர்களில், 43% பேர் வெளிநாட்டவர்கள். தன் 29வது வயதில் பழமைவாத ஆட்சியாளராக இருந்த தனது தந்தை சைத் பின் தைமூரை ஆட்சியில் இருந்து நீக்கி இவர் ஆட்சிக்கு வந்தார். இவரது தந்தையின் ஆட்சிக் காலத்தில் வானொலிகளில் பாடல் கேட்பது, கண்களுக்கு சன் கிளாஸ் அணிவது போன்றவை தடை செய்யப்பட்டிருந்தன. யாரெல்லாம் திருமணம் செய்துகொள்ள வேண்டும், வெளிநாடுகளுக்கு பயணிக்க வேண்டும் போன்றவற்றைக் கூட முடிவு செய்பவராக சுல்தான் சைத் பின் தைமூர் விளங்கினார். தந்தை தைமூரிடம் இருந்து ஆட்சியைக் கைப்பற்றியபின், எண்ணெய் வளம் மூலம் கிடைக்கும் வருவாயைக் கொண்டு நாட்டின் ஆட்சிமுறையையே புதுப்பிக்க போவதாக அறிவித்தார். அந்தக் காலகட்டத்தில் ஓமன் முழுவதும் மூன்றே பள்ளிகளும், 10 கிலோமீட்டர் மட்டுமே சாலை வசதி இருந்தது. மார்க்சிய சார்புடைய நாடாக இருந்த ஏமன் மக்கள் ஜனநாயக குடியரசின் ஆதரவைப் பெற்ற தோஃபார் இன மக்களின் ஆயுதப் போராட்டத்தை பிரிட்டிஷ் சிறப்புப் படைகளின் உதவியுடன் ஒடுக்கினார். வெளியுறவுக் கொள்கையில் பக்கச்சார்பற்றவராக இருந்த காபூஸ், 2013இல் அமெரிக்கா மற்றும் இரான் இடையே நடந்த ரகசியப் பேச்சுவார்த்தைக்கு ஏற்பாடு செய்தார். இந்த ரகசிய பேச்சுவார்த்தை இரான் சர்வதேச நாடுகளுடன் செய்துகொண்ட முக்கியத்துவம் வாய்ந்த அணு ஒப்பந்தத்துக்கு வழிவகுத்தது. சர்வ சக்தி வாய்ந்த ஆட்சி 'அரபு வசந்தம்' என்று பரவலாக அறியப்பட்ட எழுச்சி, அரபு நாடுகளில் 2011இல் உண்டானபோது ஓமனில் பெரிய அளவில் போராட்டங்கள் நடக்கவில்லை. எனினும், ஊழல், வேலைவாய்ப்பின்மை உள்ளிட்ட காரணங்களால் ஆயிரக்கணக்கானோர் தெருக்களில் இறங்கி போராட முற்பட்டனர். தொடக்கத்தில் அமைதியாக இருந்த பாதுகாப்புப் படைகள், கண்ணீர் புகை, துப்பாக்கிச் சூடு ஆகியவை மூலம் போராட்டத்தை அடக்கியது. இதில் இருவர் கொல்லப்பட்டனர். அனுமதியின்றி கூட்டம் கூடியது, சுல்தானை அவமதித்தது உள்ளிட்ட குற்றச்சாட்டுகளின் கீழ் தண்டனை வழங்கப்பட்டது. அதன்பின் ஊழல்வாதிகள் என்று கருதப்பட்ட, நீண்டகாலம் அமைச்சர்களாக இருந்தவர்களை பதவியில் இருந்து நீக்கிய சுல்தான் காபூஸ், வேலைவாய்ப்புக்காக கூடுதல் பொதுத் துறை நிறுவங்களை உருவாக்குவதாகவும் உறுதியளித்தார். அப்போது முதல் அரசை விமர்சிக்கும் உள்ளூர் ஊடகங்களை அதிகாரிகள் முடக்குவதாகவும், செயல்பாட்டாளர்களை தொந்தரவுக்கு உள்ளாக்குவதாகவும் மனித உரிமைகள் கண்காணிப்பகம் கூறியது. http://www.jaffnamuslim.com/2020/01/blog-post_237.html

ஒருவர் எவ்வளவு படித்தவராகவும் செல்வாக்கு கொண்டவராகவும் திகழ்ந்தாலும் தனக்கு கல்வி கற்றுத் தந்த ஆசிரியர்களை மறக்க மாட்டார்கள். கண்டால் மரியாதை செலுத்தத் தவறவும் மாற்றார்கள். சில விஷயங்கள் மாற்றம் அடைவதில்லை. ஆசிரியருக்கு கனம் பண்ணுவதும் இவ்வாறே சங்க கால முதல் நம்மிடையே நீடித்து வந்துள்ளது. இதற்கு ஒரு சமீபத்திய உதாரணமும் உண்டு. வெளிவிவகார அமைச்சர் தினேஷ் குணவர்தன சமீபத்தில் கிழக்கு மாகாணம் சென்றிருந்தபோது தனக்கு றோயல் கல்லூரியில் ஆங்கிலம் கற்பித்த ஆசிரியரைக் கண்டு அவரை கௌரவப்படுத்தி வந்திருக்கிறார். அந்த ஆசிரியர் பெயர் சிவலிங்கம் மாஸ்டர். அது பற்றி அவரிடம் பேசுவதற்காக பெரிய கல்லாற்றில் அமைந்துள்ள சிவலிங்கம் ஐயாவின் வீட்டிற்குச் சென்றோம்.பொக்ைக வாய், கபடமற்ற புன்னகை என எம்மை அவர் வரவேற்றார். பின்னர் அவருடன் உடையாடத் தொடங்கினோம். “நான் 1932 ஆம் ஆண்டு ஜூலை 31 ஆம் திகதி பிறந்தேன். எனது ஆரம்பக் கல்வியை பெரிய கல்லாற்றிலும், பின்னர் மட்டக்களப்பு மத்திய கல்லூரியிலும், பின்னர், யாழ்ப்பாணம் வட்டுக்கோட்டை யாழ்ப்பாணக் கொலேஜிலும், படித்தேன். எனது சிறிய தந்தை சோமசுந்தரம் றோயல் கல்லூரியில் பகுதித் தலைமை ஆசிரியராக இருந்தார் அவ்வாறு இருந்தும் அப்போது அங்கு சென்று படிக்க முடியவில்லை. ரோயல் கல்லூரியில் ஆரம்ப பாடசாலை 1947 ஆம் ஆண்டு ஆரம்பிக்கப்பட்டது. அதில் எனது சிறிய தந்தையார் முதலாவது பகுதித் தலைமை ஆசிரியராக இருந்தார். பின்னர் அதில் படித்துவிட்டு மகரமகயிலுள்ள ஆசிரியர் பயிற்சிக் கலாசாலைக்குச் சென்றேன். அதில் பயிற்சி முடித்த பின்னர் எனக்கு முதலாவது நியமனம் கொட்டஹேன மத்திய கல்லூரியில் கிடைத்தது.1956 ஆம் ஆண்டு நியமனம் பெற்றேன். அப்பாடசாலையில 2 வருடங்கள் கற்பித்தேன் பின்னர் றோயல் கல்லூரிக்குச் சென்றேன். அங்கு 14 வருடங்கள் (1959 – 1973 வரை) ஆங்கிலம், வரலாறு, குடியியல், போன்ற பாடங்களைக் கற்பித்தேன். பின்னர் எனக்கு அதிபர் தரம் உயர்வு கிடைத்தது. அங்கிருந்து வனாத்தமுல்ல பாடசாலைக்கு அதிபராகச் சென்றேன். 1992 ஆம் ஆண்டு ஓய்வு பெற்றேன். முதன் முதலில் எனக்கு 155 ரூபா சம்பளமும், மேலதிகக் கொடுப்பனவும் கிடைக்கும். அது அந்த நாளில் பெரிய சம்பளமாகும்.” என்று கூறி பொக்கை வாய் புன்னகை சிந்தினார் அவர். ரணில் விக்கிரம சிங்கவுக்கு வகுப்பாசிரியராக இருந்தவர் இவர். அத்துடன் தினேஸ் குணவர்த்தன, சஜித்தா ரத்பத்த, உள்ளிட்ட பல மாணவர்கள் இவரிடம் கற்றவர்கள். இவர்கள் தற்போது இலங்கையிலும், உலக அளவிலும் பிரபலமானவர்களாக உள்ளார்கள் என்பதில் இவருக்கு பெருமை. ”என்னிடம் கற்ற மாணவர்கள் இவ்வாறு பிரபலமானவர்களாக உள்ளதையிட்டு மிகவும் மகிழ்ச்சியடைகின்றேன். அவர்கள் என்னைவிட தற்போது பெரிய நபர்களாக உள்ளார்கள். அவ்வாறு இருந்தும் அவர்கள் என்னை குரு என்ற ரீதியில் என்னை மதிக்கின்றார்கள் என்பதே எனக்கு மிகப் பெரிய விடையமாக உள்ளது. சஜித்தா ரத்பத்த மட்டக்களப்புக்கு வந்தால் என்னிடம் வந்து உணவருந்தி விட்டுச் செல்வார், அதுபோல் அமைச்சர் தினேஸ் குணவர்த்தன என்னை அண்மையில் வந்து கனம் பண்ணிச் சென்றார். ரணில் விக்கிரமசிங்க எனது வீட்டு கேற்றில் காரை நிறுத்தி என்னை அழைத்து சந்தித்துச் சென்றார். மட்டக்களப்பிற்கு ஒரு தடவை ரணில் விக்கிரமசிங்க வந்தபோது என்னை அழைத்து சந்தித்தார். எனது மாணவர்கள் மிகப் பெரிய பதவிகளை வகிக்கின்றார்கள் என்பதையிட்டு மனம் மகிழ்கின்றேன்” என்று கூறுகிறார் சிவலிங்கம் மாஸ்டர்.இவருக்கு மூன்று பிள்ளைகள், மூத்த மகன் ரவிச்சந்திரன் ஜித்தாவில் கணக்காளராக உள்ளார், அடுத்த மகன் அவுஸ்ரேலியாவில் கணக்காளராக வேலை செய்கிறார், மகள் இங்கு வீட்டிலுள்ளார். ”குரு பக்தி என்பதை ஒருசிலர் தான் தற்போதும் மதிக்கின்றார்கள், உதாரணமாக என்னுடைய மாணவர் தினேஸ் என்னை வணங்கிவிட்டுச் சென்றார், ஆனால் நம்மவர்களிடத்தில் அது குறைவடைந்துள்ளது. என்னுடைய மாணவன் தினேஸ்ஸின் அப்பா பிலிப் குணவர்தன பெயர் போன அரசியல் அனுபவம் உடையவர், தினேஸ் படிப்பிலும், வகுப்பிலும், மிகுந்த கெட்டிக்காரன். எவ்வளவுதான் பெரிய இடத்துப் பிள்ளையாக இருந்தாலும் ஆசிரியரை மதிக்கும் செயல் அவர்களிடத்தில் உள்ளது.” என்று அமைச்சர் தினேஷ்குணவர்த்தனவை புகழ்ந்தார். இவ்வளவு கீர்த்தி மிக்க பின்புலம் கொண்டிருந்தாலும் ஒரு விஷயத்தில் கோட்டை விட்டிருக்கிறார். 36 வருடங்கள் அரசாங்க பாடசாலைகளில் ஆசிரிய சேவை புரிந்து பல நல் மாணாக்கர்களை உருவாக்கிய இவர் 1992 ஆம் ஆண்டு அரச சேவையிலிருந்து ஓய்வு பெற்றாலும் அவருக்கு ஓய்வூதியம் பெறுவது எப்படி என்று தெரியவில்லை. இதனால் 28 வருடங்கள் கழிந்துள்ள நிலையிலும் தான் ஓய்வூதியப் பணம் பெறவில்லை என்கிறார் சிவலிங்கம் மாஸ்டர்.எனக்கு இதுவரையில் ஓய்வூதியம் கிடைக்கவில்லை, அரச சேவையிலிருந்து ஓய்வு பெற்ற பின்னர் தாமாகவே எனக்கு ஓய்வூதியத்தை மாதாந்தம் திணைக்களத்தினர், அனுப்புவார்கள் என நினைத்தேன், அவர்களும், அனுப்பவில்லை, நானும் இதுவரையில் கேட்கவும் இல்லை. நான் ஓய்வூதியத்திற்கு விண்ணப்பித்திருக்க வேண்டும். அதைச் செய்யாதது என்னுடைய தவறுதான்.” என்று அவர் சொல்லும் போது பாவமாக இருக்கிறது. இப்போதும் கூட அவர் ஓய்வூதியத்துக்கு விண்ணப்பிக்கலாம் என்பது எமது கருத்து. இனித்தான் பட்டிருப்பு வலயக் கல்வி அலுவலகத்திற்குச் சென்று எவ்வாறு ஓய்வூதியத்திற்கு விண்ணப்பிப்பது என்பது தொடர்பில் கேட்க இருக்கின்றேன் என்கிறார். இவர் ஓய்வு பெற்ற பின்னர் அரசியலில் ஈடுபட வருமாறு அழைப்புக்கள் வந்தனவாம். ஆனால் இவர் அதனை விரும்பவில்லை, சமூகப் பணி செய்வதற்கும் தனக்குச் சந்தர்ப்பம் கிடைக்கவில்லை என்று சொல்லும் இவருக்கு இப்போதும் அரசியலில் ஆர்வமில்லை. “இலங்கையில் ஏற்பட்ட கலவரத்திற்குள் எல்லாம் நான் கொழும்பில்தான் வேலை செய்தேன் ஆனால் எனக்கு எந்தவிதமான பிரச்சனைகளும் வரவில்லை. ஏனைய இன மக்களுடன் நாங்களும் நன்றாக பழகவேண்டும், அப்போதான் எவ்வித வேறுபாடுகளும் இன்றி இந்நாட்டில் வாழலாம். அப்போதுதான் தமிழர்களும் நல்லவர்கள் என்பதை அவர்கள் அறிவார்கள். என்னைப் பொறுத்தவரையில் சிங்கள மக்கள் நல்லவர்கள், அது அவர்களுடன் இணைந்து பழகினால்தான் நன்கு தெரியும்” என்பது அவரது அனுபவப் பதிவு. தற்போது 88 வயதைக் கடந்துள்ள சிவலிங்கம் ஐயாவின் தேங்கிக் கிடக்கும் ஓய்வூதியப் பணம் விரைவில் கிடைக்க வேண்டும், ஐயா நூறாவது பிறந்தநாளைக் காணவேண்டும், அவரது நல்ல மனம் வாழவேண்டும் என்று வாழ்த்தி அவரிடமிருந்து விடை பெற்றோம். வ. சக்திவேல் - வே.பேரின்பராஜா http://www.jaffnamuslim.com/2020/01/blog-post_572.html

அஸர்பைஜான் தொடர்மாடிக் குடியிருப்பில் பரவிய தீயினால் இலங்கையை சேர்ந்த மூன்று மாணவிகள் உயிரிழந்தமை தொடர்பில், வெளிவிவகார அமைச்சு விசாரணைகளை ஆரம்பித்துள்ளது. அஸர்பைஜானின் பகூவில் உள்ள Western Caspian தனியார் பல்கலைக்கழகத்தில் கல்வி பயின்று வந்த 21, 23 மற்றும் 25வயதான இலங்கை மாணவிகள் சம்பவத்தில் உயிரிழந்தனர். குறித்த பல்கலைக்கழகத்தில் பாடநெறியொன்றை கற்பதற்காக மூன்று மாணவிகளும் கடந்த வருடம் ஆகஸ்ட் மாதத்தில் அங்கு சென்றுள்ளனர். மாணவிகள் தங்கிருந்த இரண்டு மாடிக் கட்டடத்தில் பரவிய தீயினால் வெளியேறிய விஷ வாயுவை சுவாசித்தமையால் இவர்கள் உயிரிழந்துள்ளதாக சர்வதேச ஊடகம் செய்தி வெளியிட்டுள்ளது. மின் ஒழுக்கே தீ பரவியமைக்கான காரணம் என தெரியவந்துள்ளதுடன், இது குறித்து அந்நாட்டு பொலிஸாரும் தீயணைப்புப் பிரிவினரும் விசாரணைகளை ஆரம்பித்துள்ளனர். கடுவளை மற்றும் பிலியந்தலை ஆகிய பகுதிகளைச் சேர்ந்த மாணவிகளே இந்த தீ விபத்தில் உயிரிழந்துள்ளனர். சம்பவத்தில் உயிரிழந்த பிலியந்தலை – போகுந்தர பகுதியைச் சேர்ந்த 23 வயதான மல்ஷா சந்தீபனி மற்றும் 21 வயதான தருனி அமாயா ஆகியோர் சகோதரிகளாவர். இந்த சம்பவத்தை அறிந்த மாணவிகளின் தந்தையின் சகோதரி மாரடைப்பால் உயிரிழந்துள்ளார். அஸர்பைஜானில் உயிரிழந்த 24 வயதான அமோத்யா மதுஹங்சி ஜயக்கொடி கடுவளை போமிரிய பகுதியைச் சேர்ந்தவராவார். உயிரிழந்த மாணவிகளின் பூதவுடல்களை நாட்டிற்குக் கொண்டு வருவதற்கான நடவடிக்கைகளை அஸர்பைஜான் அரசாங்கத்துடன் இணைந்து முன்னெடுத்து வருவதாக வெளிவிவகார அமைச்சு குறிப்பிட்டது. அஸர்பைஜானுக்கு இலங்கையில் தூதரகமொன்று இல்லை என்பதுடன், டெஹ்ரானிலுள்ள இலங்கைத் தூதரக அதிகாரிகள் அந்த நாட்டுடன் இணைந்து தேவையான நடவடிக்கைகளை முன்னெடுத்து வருவதாக வெளிவிவகார அமைச்சு குறிப்பிட்டது. http://www.jaffnamuslim.com/2020/01/3_22.html

சிங்களவனை இனத்துவேசி என்கிறது பிறகு தங்களுக்குள்ளே கேவலமாக சாதியை இழுத்து அடிபாடு. கோயில் ரதத்தை இயந்திரம் கொண்டு இழுத்த சமூகம்

என்ன ஒரு கேவலமான உலகம். நீயா நானா போட்டியில் ஒன்றுமே அப்பாவிகள் கொல்லப்படுகின்றார்கள். இதே போல் உக்ரரைனும் சில வருடங்களுக்கு முன் ஒரு மலேசிய ஏர்லைன் பயணிகள் விமனத்தி சுட்டு வீழ்த்தியது. அநியாயமாக அத்கில் உள்ளவர்கள் இறந்து எல்லோரும் இறந்து போனார்கள். உறவை இழந்த குடும்பத்தினருக்கு ஆழ்ந்த இரங்கல்கள்

பேருந்து விபத்திற்குள்ளானதில் 19 பேர் உயிரிழப்பு.. #ஈரானில் தொடரும் சோகம். ஈரானில் பேருந்து விபத்திற்குள்ளானதில் 19 பேர் பலியாகியுள்ளனர். ஈரான் நாட்டின் மஜாந்தரன் மாகாணத்தில் 50 இற்கும் மேற்பட்ட பயணிகளுடன் பயணம் செய்த பேருந்தே இவ்வாறு விபத்திற்குள்ளாகியுள்ளது. பிரேக்கில் கோளாறு ஏற்பட்டதால் பேருந்து திடீரென கட்டுப்பாட்டை இழந்தது. இதையடுத்து, பயணிகளுடன் சென்ற பேருந்து அருகிலுள்ள பள்ளத்தில் கவிழ்ந்து விபத்தில் சிக்கியது. இந்த விபத்தில் 19 பேர் சம்பவ இடத்திலேயே பரிதாபமாக பலியாகினர். மேலும், 24 பேர் படுகாயம் அடைந்தனர். தகவலறிந்து அங்கு விரைந்து சென்ற மீட்புப் படையினர் காயம் அடைந்தவர்களை மீட்டு அருகிலுள்ள மருத்துவமனைகளுக்கு அனுப்பி வைத்தனர். தொடர்ந்து அங்கு மீட்புப் பணிகள் நடைபெற்று வருகின்றன. சென்ற வாரம் அமெரிக்க ஆளில்லா விமான தாக்குதலில் இராணுவத் தளபதி உட்பட பலர் உயிர் இழந்த நிலையில் அவரின் என ஜனாஸா ஊர்வலத்தில் கலந்துகொண்டு 35 பேர் உயிரிழந்தனர் அதனைத் தொடர்ந்து உக்ரைன் சென்ற விமானம் விபத்துக்குள்ளானதில் ஈரான் நாட்டவர்கள் 80 க்கும் அதிகமானவர்கள் உயிரிழந்தனர். இந்நிலையில் தற்போது பேருந்து விபத்தில் 19 பேர் வரை உயிரிழந்துள்ளனர். https://www.madawalaenews.com/2020/01/19.html