Jump to content

Search the Community

Showing results for tags 'உலகப்போர் 2'.

  • Search By Tags

    Type tags separated by commas.
  • Search By Author

Content Type


Forums

  • யாழ் இனிது [வருக வருக]
    • யாழ் அரிச்சுவடி
    • யாழ் முரசம்
    • யாழ் உறவோசை
  • செம்பாலை [செய்திக்களம்]
    • COVID-19: Coronavirus - பாதுகாப்பு வழிமுறைகள் மற்றும் ஆலோசனைகள்
    • ஊர்ப் புதினம்
    • உலக நடப்பு
    • நிகழ்வும் அகழ்வும்
    • தமிழகச் செய்திகள்
    • அயலகச் செய்திகள்
    • அரசியல் அலசல்
    • செய்தி திரட்டி
  • படுமலைபாலை [தமிழ்க்களம்]
    • துளித் துளியாய்
    • எங்கள் மண்
    • வாழும் புலம்
    • பொங்கு தமிழ்
    • தமிழும் நயமும்
    • உறவாடும் ஊடகம்
    • மாவீரர் நினைவு
  • செவ்வழிப்பாலை [ஆக்கற்களம்]
    • இலக்கியமும் இசையும்
    • கவிதைப் பூங்காடு
    • கதை கதையாம்
    • வேரும் விழுதும்
    • தென்னங்கீற்று
    • நூற்றோட்டம்
    • கவிதைக் களம்
    • கதைக் களம்
  • அரும்பாலை [இளைப்பாறுங்களம்]
    • சமூகவலை உலகம்
    • வண்ணத் திரை
    • சிரிப்போம் சிறப்போம்
    • விளையாட்டுத் திடல்
    • இனிய பொழுது
  • கோடிப்பாலை [அறிவியற்களம்]
    • கருவிகள் வளாகம்
    • தகவல் வலை உலகம்
    • அறிவியல் தொழில்நுட்பம்
    • சுற்றமும் சூழலும்
  • விளரிப்பாலை [சிந்தனைக்களம்]
    • வாணிப உலகம்
    • மெய்யெனப் படுவது
    • சமூகச் சாளரம்
    • பேசாப் பொருள்
  • மேற்செம்பாலை [சிறப்புக்களம்]
    • நாவூற வாயூற
    • நலமோடு நாம் வாழ
    • நிகழ்தல் அறிதல்
    • வாழிய வாழியவே
    • துயர் பகிர்வோம்
    • தேடலும் தெளிவும்
  • யாழ் உறவுகள்
    • யாழ் 24 அகவை - சுய ஆக்கங்கள்
    • யாழ் 23 அகவை - சுய ஆக்கங்கள்
    • யாழ் 22 அகவை - சுய ஆக்கங்கள்
    • யாழ் 21 அகவை - சுய ஆக்கங்கள்
    • யாழ் 20 அகவை - சுய ஆக்கங்கள்
    • யாழ் 19 அகவை - சுய ஆக்கங்கள்
    • யாழ் ஆடுகளம்
    • யாழ் திரைகடலோடி
    • யாழ் தரவிறக்கம்
  • யாழ் களஞ்சியம்
    • புதிய கருத்துக்கள்
    • முன்னைய களம் 1
    • முன்னைய களம் 2
    • பெட்டகம்
  • ஒலிப்பதிவுகள்
  • Newsbot - Public club's Topics
  • தமிழரசு's வரவேற்பு
  • தமிழரசு's வயிறு குலுங்க சிரிக்க..
  • தமிழரசு's என்றும் கேட்க்கக்கூடிய பாடல்கள்
  • தமிழரசு's நாபயிற்சி
  • தமிழரசு's படித்ததில் பிடித்தது
  • தமிழரசு's மறக்க முடியாத காட்சி
  • தமிழரசு's பனங்காய்ப் பணியாரத்தால் தமிழருக்குள் என்ன நிகழ்ந்தது தெரியுமா?
  • தமிழ்நாடு குழுமம்'s குழுமம் வரவேற்பு
  • தமிழ்நாடு குழுமம்'s காணொளிகள்
  • தமிழ்நாடு குழுமம்'s கணணி
  • தமிழ்நாடு குழுமம்'s பாடல்கள்
  • தமிழ்நாடு குழுமம்'s கட்டமைப்பு
  • தமிழ்நாடு குழுமம்'s மீனாட்சி கோயில்
  • தமிழ்நாடு குழுமம்'s நினைவலைகள்
  • தமிழ்நாடு குழுமம்'s ரசித்தவை
  • தமிழ்நாடு குழுமம்'s தொழிற்நுட்பம்
  • தமிழ்நாடு குழுமம்'s செய்தி / துணுக்கு
  • தமிழ்நாடு குழுமம்'s நகைச்சு வை
  • தமிழ்நாடு குழுமம்'s புகைப்படங்கள்
  • தமிழ்நாடு குழுமம்'s நற்சிந்தனை
  • தமிழ்நாடு குழுமம்'s தமிழ்
  • தமிழ்நாடு குழுமம்'s சுற்றுலா
  • தமிழ்நாடு குழுமம்'s பேசும் படம்
  • தமிழ்நாடு குழுமம்'s வாழ்த்துக்கள்
  • தமிழ்நாடு குழுமம்'s ஒலிப்பேழை
  • தமிழ்நாடு குழுமம்'s கொரானா
  • தமிழ்நாடு குழுமம்'s விநோதம்
  • தமிழ்நாடு குழுமம்'s Test
  • தமிழ்நாடு குழுமம்'s அஞ்சலிகள்
  • "இலையான்" அடிப்போர் சங்கம்.'s சங்கத்தின் திறப்பு விழா.
  • "இலையான்" அடிப்போர் சங்கம்.'s அந்தநாள், ஞாபகம் வந்ததே....!
  • வலைப்போக்கன் கிருபன்'s என்றும் இனிய பாடல்கள்
  • வலைப்போக்கன் கிருபன்'s உலக சினிமா
  • வலைப்போக்கன் கிருபன்'s புத்தக அலுமாரி
  • வலைப்போக்கன் கிருபன்'s பலதும் பத்தும்
  • Ahal Media Network's Topics

Calendars

  • நாட்காட்டி
  • மாவீரர் நினைவு

Blogs

  • மோகன்'s Blog
  • தூயவன்'s Blog
  • Mathan's Blog
  • seelan's Blog
  • கறுப்பி's Blog
  • lucky007's Blog
  • சந்தோஷ் பக்கங்கள்
  • தூயாவின் வலைப்பூ
  • vijivenki's Blog
  • sindi's Blog
  • சந்தியா's Blog
  • இரசிகை-இரசித்தவை
  • arunan reyjivnal's Blog
  • இலக்கியன்`s
  • PSIVARAJAKSM's Blog
  • blogs_blog_18
  • sujani's Blog
  • Iraivan's Blog
  • Thinava's Blog
  • குட்டியின் கோட்டை
  • வல்வை மைந்தன்
  • vishal's Blog
  • kural's Blog
  • KULAKADDAN's Blog
  • குறும்பன் வாழும் குகை
  • Thamilnitha's Blog
  • அடர் அவை :):):)
  • டுபுக்கு's Blog
  • வானவில்'s Blog
  • NASAMAPOVAN's Blog
  • சுட்டியின் பெட்டி இலக்கம் 1
  • vikadakavi's Blog
  • ravinthiran's Blog
  • Tamizhvaanam's Blog
  • hirusy
  • neervai baruki's Blog
  • இனியவள்'s Blog
  • senthu's Blog
  • tamil_gajen's Blog
  • சின்னப்பரின் பக்கம்
  • ADANKA THAMILAN's Blog
  • வல்வை சகாறாவின் இணையப்பெட்டி
  • Tamil Cine's Blog
  • harikalan's Blog
  • antony's Blog
  • mugiloli's Blog
  • Kavallur Kanmani's Blog
  • jeganco's Blog
  • Waren's Blog
  • "வா" சகி 's Blog
  • nishanthan's Blog
  • semmari's Blog
  • Akkaraayan's Blog
  • தமிழில் ஒரு சமையல் வலைப்பதிவு
  • தீபன்'s Blog
  • தமிழ் இளையோர் அமைப்பு
  • மாயன்'s Blog
  • Thumpalayan's Blog
  • mullaiyangan's Blog
  • NAMBY's Blog
  • பரதேசி's Blog
  • thamilkirukkan's Blog
  • Vakthaa.tv
  • colombotamil's Blog
  • மசாலா மசாலா
  • muththuran
  • கிருபா's Blog
  • நந்தவனம்
  • தமிழர் பூங்கா
  • TAMIL NEWS
  • dass
  • puthijavan's Blog
  • AtoZ Blog
  • Vani Mohan's Blog
  • mullaiiyangan's Blog
  • mullaiman's Blog
  • மல்லிகை வாசம்
  • karu's Blog
  • saromama's Blog
  • tamil92's Blog
  • athirvu
  • melbkamal's Blog
  • nedukkalapoovan's Blog
  • Loshan's Blog
  • ஜீவநதி
  • எல்லாளன்'s Blog
  • kanbro's Blog
  • nillamathy's Blog
  • Vimalendra's Blog
  • Narathar70's Blog
  • யாழ்நிலவன்'s Blog
  • நிரூஜாவின் வலைப்பதிவு
  • cyber's Blog
  • varnesh's Blog
  • yazh's Blog
  • MAHINDA RAJAPAKSA's Blog
  • விசரன்'s Blog
  • tamil paithiyam's Blog
  • TamilForce-1's Blog
  • பருத்தியன்
  • aklmg2008's Blog
  • newmank
  • ilankavi's Blog
  • இனியவன் கனடா's Blog
  • muthamil78
  • ரகசியா சுகி's Blog
  • tamileela tamilan's Blog
  • சுஜி's Blog
  • மசாலா மசாலா
  • Anthony's Blog
  • Gunda's Blog
  • izhaiyon's Blog
  • TamilEelamboy's Blog
  • sathia's Blog
  • லோமன்
  • kobi's Blog
  • kaalaan's Blog
  • sathiri's Blog
  • Voice Blog
  • தமிழ் செய்தி மையம் மும்பை
  • ஜீவா's Blog
  • தீபம்'s Blog
  • Iraivan's Blog
  • பிறேம்'s Blog
  • mullaikathir.blogspot.com
  • ஸ்ரீ பார்சி காங்கிரஸ் = ஸ்ரீ லங்கா = தமிழ் ஜெனோசைட்
  • sam.s' Blog
  • வாழ்ந்தால் உண்மையாய் வாழவேண்டும் இலலையேல் வாழதிருப்பதுமேல்
  • வாழ்ந்தால் உண்மையாய் வாழவேண்டும் இலலையேல் வாழதிருப்பதுமேல்
  • sam.s' Blog
  • தயா's Blog
  • தயா's Blog
  • ஏராழன்'s Blog
  • Small Point's Blog
  • Rudran's Blog
  • ulagathamilargale.blogpsot.com
  • ramathevan's Blog
  • Alternative's Blog
  • Alternative's Blog
  • அ…ஆ…புரிந்துவிட்டது…. கற்றது கைமண் அளவு…
  • ஜீவா's Blog
  • மொழி's Blog
  • cawthaman's Blog
  • ilankavi's Blog
  • ilankavi's Blog
  • கனடா போக்குவரத்து
  • வேலிகள் தொலைத்த ஒரு படலையின் கதை!
  • nirubhaa's Blog
  • nirubhaa's Blog
  • தமிழரசு's Blog
  • akathy's Blog
  • அறிவிலி's Blog
  • மல்லிகை வாசம்'s Blog
  • வல்வை சகாறா's Blog
  • விவசாயி இணையம்
  • அருள் மொழி இசைவழுதி's Blog
  • ஈழப்போரில் தமிழரால் பயன்படுத்தப்பட்டவை's படிமங்கள்
  • ஈழப்போரில் தமிழரால் பயன்படுத்தப்பட்டவை's ஆவணங்கள்
  • ஈழப்போரில் தமிழரால் பயன்படுத்தப்பட்டவை's சிறப்பு ஆவணங்கள்
  • ஈழப்போரில் தமிழரால் பயன்படுத்தப்பட்டவை's ஆவணக்கட்டுகள்
  • ஈழப்போரில் தமிழரால் பயன்படுத்தப்பட்டவை's தொகுத்த ஆவணம்

Find results in...

Find results that contain...


Date Created

  • Start

    End


Last Updated

  • Start

    End


Filter by number of...

Joined

  • Start

    End


Group


AIM


MSN


Website URL


ICQ


Yahoo


Jabber


Skype


Location


Interests

Found 5 results

  1. ஜேர்மனியின் வீழ்ச்சிக்கு பிறகு பதைபதைக்க வைக்கும் செய்திகள் பல ஒவ்வொன்றாக வெளிவந்தன. வதை முகாம்கள் பற்றி. இறைந்து கிடக்கும் யூதர்களி்ன் சடலங்கள் பற்றி. சிறைகளில் எலும்பும் தோலுமாக கிட்டத்தட்ட விலங்குகளைப் போல் சுருண்டு படுத்திருந்த யூத கைதிகள் பற்றி, யூத இனவொழிப்பு பற்றி. அதுவரை யூத ஒழிப்பை ஜேர்மனியின் உள்நாட்டு பிரச்சனைகளில் ஒன்றாகவே மேற்குலகம் கருதி வந்தது. ஜுலை 23,1944 அன்று சோவியத் போலந்தில் உள்ள Majdanek என்னும் வதை முகாமை முதல் முதலாக கண்டுபிடித்தபோது அதிர்ச்சியடைந்தது ஐரோப்பா. பிரிட்டன் மற்றும் அமெரிக்கப் படைகள் மேலும் சில முகாம்களை பின்னர் விடுவித்தனர். ஹிட்லரின் இனவழிப்பு பற்றி ஐரோப்பா முழுமையாக தெரிந்து கொண்டது. இவரையா ரைம் பத்திரிகை 1938ன் தலைசிறந்த மனிதராக தேர்ந்தெடுத்து அட்டையில் போட்டு கௌரவித்தது? சோவியத்தை எதிர்க்கவேண்டும் என்ற ஒரே காரணத்திற்காக இவரிடமா பிரிட்டனும் அமெரிக்காவும் தஞ்சம் அடையவேண்டும்? 1933ல் ஜேர்மனியில் அரை மில்லியன் யூதர்கள் இருந்தார்கள். 1945 ல் போர் முடிவடைந்தபோது பதினைந்தாயிரம் பேர் மட்டுமே எஞ்சியிருந்தனர். யூதர்களின் சமூக மதிப்பை மட்டும் குறைப்பது நிரந்தர தீர்வாகாது. மீ்ண்டும் அவர்கள் பலம் பெற்றுவிடக்கூடும். மீண்டும் புனித ஆரியர்களை அவர்கள் அடிமைப்படுத்தக்கூடும், கொன்றொழித்துவிடலாம். Holocaust Holoauston என்ற கிரேக்க வார்த்தையின் அர்த்தம், நெருப்பில் இட்டு செய்யப்படும் பலி. ஹோலோகோஸ்ட் (Holocaust) இதிலிருந்து வந்த சொல். யூதர்களைக் கொல்வது என்னும் பொருளில் இந்த வார்த்தை முதல் முதலில் பயன்பாட்டிற்கு வந்தது. 1190களில். உலகம் முழுவதும் ஹோலோகோஸ்டைப் பிரபலப்படுத்தியவர் ஹிட்லர். யூதர்களை மட்டுமல்ல, எந்த இன மக்களையும் கொத்தாக, கும்பலாக கொல்லும் முறையை ஹோலோகோஸ்ட் என்று உலகம் அழைக்க ஆரம்பித்தது. விதவிதமான முறையில் யூதர்களை கொல்லுவதைக் கிட்டத்தட்ட முழுநேரப் பணியாக செய்துகொண்டிருந்தது ஜேர்மன் அரசாங்கம். தனித்தனி துறைகள். தனி தனி பொறுப்புகள். அனைத்தும் கச்சிதமாக ஒருங்கிணைக்கபட்டன. பாரிஷ்(Parish) தேவாலயங்களும் உள்துறை அமைச்சகங்களும் யூதர்களின் பிறப்புச் சான்றிதழையும் முகவரியையும் நாசிகளுக்கு வழங்கின. தபால் அலுவலகங்கள் யூதர்களை நாடு கடத்தும் உத்தரவையும் குடியுரிமை பறிப்பதற்கான உத்தரவையும் அச்சிட்டு தந்தன, யூதர்களின் உடைமைகளை பறிமுதல் செய்யும் பொறுப்பு நிதித்துறையை சார்ந்தது. தொழிற்சாலைகளை, அலுவலகங்களை நிர்மாணித்து வரும் அத்தனை ஜேர்மனிய முதலாளிகளும் அரசாங்க உத்தரவு அனுப்பப்பட்டது. உங்களிடம் பணிபுரியும் யூதர்களை இந்தக்கணமே வெளியேற்றுங்கள். நாங்கள் சோதனையிடும் போது யூதன் ஒருவன் அகப்பட்டடாலும் உங்கள் மீது சட்டபூர்வமான நடவடிக்கை எடுக்கப்படும். பங்குச்சந்தையில் யூதர்கள் செய்துள்ள முதலீடுகள் முடக்கப்பட்டன. தொழில்முனையும் யூதர்கள் விரட்டப்பட்டனர். பள்ளிகளில் இருந்து யூத ஆசிரியர்களும் பல்கலைக்கழகங்களில் இருந்து பேராசிரியர்களும் துரத்தப்பட்டனர். படித்துக்கொண்டிருந்த யூத மாணவர்களை வரிசையாக அழைத்து சீட்டு கொடுத்து அனுப்பினார்கள். பட்டப்படிப்பு படித்து வந்தவர்களுக்கு சான்றிதழ் அளிக்கப்படவில்லை. ஏற்கனவே தேர்வுகள் எழுதி தேர்ச்சி பெற்றவர்களும் இதில் அடக்கம். உயிரைக் கையில் பிடித்தபடி ஓடிவர மட்டுமே அவர்கள் அனுமதிக்கபட்டனர். யூதர்கள் கும்பல் கும்பலாக கைது செய்யப்பட்டனர். முகவரி முன்னரே கிடைத்துவிட்டது என்பதால் கதவை உடைத்து திறந்து உள்ளிருந்தவர்களை இழுத்து வருவார்கள். அரசாங்க ஊர்திகள் இவர்களை அள்ளிச்சென்று காம்ப்களில் தள்ளும். இன்றைக்கு இத்தனை பேர் கைது செய்யப்படுகிறார்கள் என்பதை முன்கூட்டியே தெரிவித்துவிட்டால் எண்ணிக்கைக்கு ஏற்ற வாகனத்தை அரசாங்க அதிகாரிகள் அனுப்பி வைப்பார்கள். மருந்துகள் தயாரிக்கும் நிறுவனங்கள் மருத்துவ சோதனைகளுக்கு எலி, முயல்களை போல் யூதர்களை பயன்படுத்திக் கொண்டன. இத்தனை பேர் வேண்டும் என்று சொல்லி அனுப்பினால் காம்ப்பில் இருந்து கொண்டு வந்து கொட்டுவார்கள். தோல், கண் தொடங்கி உடலின் எந்த பாகத்திலும் எந்த பரிசோதனையும் செய்து கொள்ளலாம். அங்கம் சிதைந்தாலோ, உயிர் போனாலோ பிரச்சனை இல்லை. இத்தனை போரை கொண்டுவந்தோம். இத்தனை பேர் காலி. மாற்று ஏற்பாடு செய்யவும் என்று எழுதிக்கேட்டால் புது சரக்கு அனுப்பி வைக்கப்படும். ஆண், பெண், குழந்தை என்று தேவைக்கேற்ப கேட்டுப்பெறலாம். அவுஷ்விட்ஸில் பணியாற்றிக்கொண்டிருந்த டாக்டர் ஜோசப் மெங்கலே Dr.Jesef Mengele) புகழ்பெற்றவர். இவர் யூதர்களை வைத்துப் பல்வேறு பரிசோதனைகளை செய்திருக்கிறார். ப்ரெஷர் சாம்பரின் வைத்து மூடுவது, குழந்தைகளின் கண்களில் ரசாயனங்களை பீய்ச்சி கண்களின் நிறம் மாறுகிறதா என்பதை கவனிப்பது பிய்ந்து போன உடல் பாகங்கை ஒட்ட வைப்பது எப்படி என்பதை தெரிந்து கொள்ள குழந்தைகளின் கை, கால்களை துண்டித்துப்பார்ப்பது. இன்னும் நிறைய. பரிசோதனை முடிந்ததும் உயிர் இன்னமும் ஒட்டிக்கொண்டிருந்தால் கொன்றுவிட்டு பிரேதத்தை அறுத்துப்பார்க்கும் சோதனை தொடங்கும். அவருக்கு குழந்தைகள் மீது தனி பிரியம் இருந்தது. குழந்தைகளை பார்க்க வரும் போது இனிப்பு, பொம்மை வாங்கி வருவார். குழந்தைகளைக் கவனித்துக்கொள்ளும் பொறுப்பில் இருந்த ஒரு யூதப் பெண்மணியின் நினைவுக்குறிப்பு இது. «ஏராளமான இரட்டையர்கள் எனது பொறுப்பில் இருந்தார்கள். கீடோ, இனா என்னும் இரு குழந்தைகளை என்னால் மறக்க முடியாது. நான்கு வயது இரட்டையர்கள். ஒரு நாள் டாக்டர் இருவரையும் அழைத்துச்சென்றார். அவர்களை கொண்டுவந்துவிடும்போது நான் அதிர்ந்துவிட்டேன். இருவரும் மயக்கத்தில் இருந்தனர். இருவரையும் அவர் முதுகோடு முதுகாக வைத்து தைத்திருந்தார். சியாமிஸ் இரட்டையர்களை போல். அவருக்கு இதுவும் ஒரு பரிசோதனை தான். வலியால் அந்த குழந்தைகள் துடித்துக்கொண்டிருந்தன. இரவும் பகலும் ஓயாமல் அழுதுகொண்டிருந்தன. ஒரு நாள் அந்தக் குழந்தைகளின் தாயார்(அவர் பெயர் ஸ்டெல்லா என்று நினைக்கிறேன்) சிறிது மார்ஃபின் எடுத்து வந்து இருவருக்கும் கொடுத்து உண்ண வைத்து கொன்றார். குழந்தைகளின் வலியை நிறுத்த வேறு மார்க்கம் தெரியவில்லை. ஜேர்மனிய முதலாளிகள் சிலர் யோசித்தனர். நாள்தோறும், வாரம் தோறும், மாதம் தோறும் யூதர்கள் ஆயிரக்கணக்கில் கொல்லப்படுகிறார்கள். உடல்களை என்ன செய்கிறார்கள்? இதை ஏன் ஒரு வியாபாரமாக பார்க்கக்கூடாது? அரசாங்கமே அதை தான் யோசித்துக்கொண்டிருந்தது யூதர்களை கண்டறிவதற்கு ஒரு துறை இருக்கிறது. ஏற்றி வந்து கேம்பில் அடைக்க ஒரு துறை. கொல்ல ஒரு துறை. சடலங்களை என்ன செய்வது? நூற்றுக்கணக்கில் ஆயிரக்கணக்கில் குவியும் உடல்களை எப்படி அப்புறப்படுத்துவது? தொழிலதிபர்கள் ஆலோசனை கூறினார்கள். மின் தகன மையங்கள் கட்டலாம். செலவு குறைச்சல். சாம்பல் கூட மிஞ்சாது. அரசாங்கம் ஒப்புக்கொண்டுவிட்டது என்றாலும் யாருக்கு ஆர்டர் கொடுப்பது என்பதில் சிக்கல். நிறைய பேர் விண்ணப்பம் அனுப்பியிருந்தனர். இறுதியில் டென்டர் மூலம் தேர்ந்தெடுக்கலாம் என்று முடிவு செய்யப்பட்டது. கொல்வதற்கு முன்னால் யூதர்களின் உடைமைகள் அனைத்தும் பறிக்கப்படும். தங்கப் பல் கட்டியிருக்கிறார்களா என்பதை பார்க்க தனி நபர்கள் இருப்பார்கள். தலை முதல் கால் வரை அலசி ஆராய்ந்து சுரண்டுவது இவர்கள் வேலை. கைப்பற்றபட்ட உடைமைகள் பயன்படுத்தப்படும் அல்லது மறுசுழற்சி செய்யப்படும். யூதர்கள் கொல்லப்படுவதைத் தடுக்கவோ ஆட்சேபிக்கவோ அங்கே யாருமில்லை. எந்தவொரு அரசியல் தலைவரும் எந்தவொரு சமூக அமைப்பும், எந்வொரு மதகுருவும் யூதர்களைத் தங்களுடன் இணைத்துப் பார்க்கவில்லை. பயம் காரணமாக இருக்கலாம். ஆனால் பயம் மட்டுமே காரணம் என்று சொல்லமுடியாது. சில கிறிஸ்தவ தேவாலயங்கள், மதம் மாறிய யூதர்களை விட்டுவிடலாமே என்று மெல்ல முணுகின. அதன் பொருள் மதம் மாறாத யூதர்களைக் கொல்வதில் தவறில்லை என்பது தான். கிட்டத்தட்ட எதிர்ப்புகளே இல்லாமல் நடத்தப்பட்ட மிகப்பெரிய இனவழிப்பு இதுவாகத்தான் இருக்கும். யூதர்களைக் கொல்வதற்கு மிகவும் பேத்தலான காரணங்களையே ஜேர்மனி முன்வைத்தது. யூத இனம் சர்வதேச அளவில் ஒன்று பட்டு சதித்திட்டம் தீட்டிக்கொண்டிருக்கிறது. தம்மைத் தவிர பிற இன மக்களை அவர்கள் அழிக்கப்போகிறார்கள். ஜேர்மனியை மட்டுமல்ல, உலகையும் கட்டியாள யூதர்கள் விரும்புகிறார்கள். நாம் அவர்களை விட்டுவைத்தால் அவர்கள் நம்மை விட்டுவைக்கமாட்டார்கள். ஆகவே, இனவழிப்பு அவசியமாகிறது. இதை எல்லோரும் நம்பினார்கள் என்பது தான் ஆச்சரியம். முழுக்க முழுக்க கற்பனையும் பைத்தியக்காரத்தனமும் கலந்த காரணத்தைச் சொல்லி நடத்தபட்ட மிகப்பெரிய வன்முறை இதுவே. குறிப்பிட்ட இனத்தை தேர்ந்தெடுத்து மொத்தமாக அழிக்கவேண்டும் என்று அரசாங்கம் உத்தரவு போட்டு இதுவரை இப்படியொரு இனவொழிப்பை நடத்தியது இல்லை. அரசாங்கத்தின் கட்டுப்பாட்டின் கீழ், துறைகளை தனித்தனியே பிரித்து தகுந்த நிர்வாகிகளை நியமித்து ஓர் இனப்படுகொலையை இதுவரை சரித்திரத்தில் எந்தவொரு அரசும் நிகழ்த்தியது கிடையாது. நாசிகள் எங்கெல்லாம் பரவியிருந்தார்களோ அங்கெல்லாம் யூத அழிப்பு நடைபெற்றது. கிட்டத்தட்ட 35 ஐரோப்பிய நாடுகளில் கொலை வெறியாட்டம் நடந்திருந்தது. பெரும்பாலும், மத்திய மற்றும் கிழக்கு ஐரோப்பாவில் இருந்த யூதர்களே அதிகம் கொல்லப்பட்டனர். 1939ல் இங்கே ஏழு மில்லியன் யூதர்கள் இருந்தனர். இவற்றில் ஐந்து மில்லியன் பேர் கொல்லப்பட்டனர். போலந்தில் 3 மில்லியன் பேர், நெதர்லாந்து, பிரான்ஸ், பெல்ஜியம், யூகோஸ்லாவியா, கிறீஸ் ஆகிய நாடுகளில் லட்சக்கணக்கான யூதர்கள் அழிக்கப்பட்டனர். கொல்லப்படுவதைத் தவிர்ப்பதற்காக சில பகுதிகளில் யூதர்கள் மதம் மாறிக்கொள்ள அனுமதிக்கபட்டனர். 1922ம் ஆண்டே ஹிட்லர் மேஜர் ஜோஸப் ஹெல் என்னும் பத்திரிகையாளரிடம் தன் விருப்பத்தைப் பதிவு செய்திருந்தார். «எனக்கு மட்டும் அதிகாரம் கிடைத்துவிட்டால் நான் செய்யும் முதல் வேலை யூத இனஒழிப்பாக இருக்கும். மூனிச்சில் (München) வரிசை வரிசையாக தூக்குமேடைகளை அமைப்பேன். எவ்வளவு சாத்தியமோ அவ்வளவு. பிறகு, யூதர்கள் தூக்கில் போடப்படுவார்கள். துர்நாற்றம் வரும்வரை உடல் அங்கேயே தொங்கிக்கொண்டிருக்கவேண்டும். சுகாதாரம் அனுமதிக்கும் வரை அங்கேயே தொங்கிக்கொண்டிருக்கவேண்டும். பிறகு கயிற்றில் இருந்து விடுவித்து அடுத்த குழுவை தூக்கில் மாட்டுவோம். இப்படியே வரிசையாக தூக்கு தண்டனைகள் விதிக்கப்படும். மூனிச்சில் கடைசி யூதன் இருக்கும் வரை இது தொடரும். பிற நகரங்களும் இதை நடைமுறைப்படுத்தும். ஜேர்மனியில் இனி யூதர்களே கிடையாது என்னும் நிலை ஏற்பட வேண்டும். பின்னால், மைன் காஃம்பில் (Mein Kampf) இதுபற்றி விரிவாக சிந்தித்து எழுதினார். இரண்டு பாகங்களாக வெளிவந்தது அந்தப் புத்தகம். முதல் பாகத்தை சிறையில் இருக்கும் போதே முடித்துவிட்டார். இரண்டாவது பாகம், சிறையில் இருந்து வெளிவந்ததும் எழுதப்பட்டது. முதல் பாகம் ஜுலை 1925ல் வெளியானது. இரண்டாவது டிசம்பர் 1926ல். தன் புத்தகத்தின் மீது ஹிட்லருக்கு இருந்த நம்பிக்கை அதைப் பதிப்பித்த ஜேர்மானிய பதிப்பாளருக்கு இல்லை. ஆரம்பத்தில் 500 பிரதிகள் மட்டுமே அச்சிட்டார்கள். இதையெல்லாம் யார் வாங்கி படிக்கப்போகிறார்கள் என்று நினைத்திருக்கலாம். ஹிட்லர் ஆட்சியில் இருந்த சமயம் (1933–1945) இந்தப் புத்தகம் மூன்று பதிப்புகள் வெளிவந்தன. இது ஹிட்லரின் முழுமையான தன் வரலாற்று நூல் அல்ல. இன்னும் சொல்லப்போனால் ஹிட்லரின் வாழ்வில் இருந்து சில அத்தியாயங்களை மட்டுமே இந்நூலின் வாயிலாகத் தெரிந்து கொள்ளமுடியும். இது ஒரு அரசியல் சாசனம். ஹிட்லரின் அரசியல் அறைகூவல். ஹிட்லர் என்னும் தனிமனிதனின் புத்தியில் தோன்றிய சிந்தனை வீச்சுக்கள். கூர்மையான, ஆக்ரோஷமான பல வாதங்களை ஹிட்லர் தன் நூலில் முன்வைத்திருக்கிறார். ஜேர்மனியைப் புரட்டிப்போடும் மாபெரும் மாற்றத்திற்கான விதையை இந்நூலில் தூவியிருப்பதான ஹிட்லர் நினைத்துக்கொண்டார். ஜேர்மனியை மட்டுமல்ல ஒட்டுமொத்த உலகத்தையும் புரட்டிப்போடும் சக்தி அவர் சிந்தனைகளுக்கு இருந்தன. யூதர்களுக்கு எதிரான நியூரம்பர்க் சட்டங்கள் (Nuremberg Laws) 1935ல் இயற்றப்பட்டன. அறிவியல்பூர்வமான ஆய்வுக்குப் பிறகே இதை அறிவிக்கிறோம் என்னும் விளக்கமும் கொடுக்கப்பட்டது. முதலில், ஜேர்மனியன் யார் என்பதை இந்தச் சட்டம் தெளிவுபடுத்துகிறது. உங்கள் அப்பா, உங்கள் தாத்தா, தாத்தாவின் அப்பா, தாத்தாவின் தாத்தா இந்த நான்கு பேரும் ஜேர்மனியராக இருந்தால் நீங்களும் ஜேர்மானியர் தான். உங்கள் உடலில் உயர்ந்த ஜேர்மன் ரத்தம் ஓடுகிறது என்று அர்த்தம். நான்கு தலைமுறைகள் கூட வேண்டாம், மூன்று தலைமுறையைச் சார்ந்தவர்கள் யூதர்கள் என்றாலும் நீங்களும் ஒரு யூதர்தான். ஒருவேளை உங்கள் தந்தையும் தாத்தாவின் தாத்தாவும் யூதர் என்றால் நீங்கள் Mischling என்று அதாவது கலப்பினத்தவர் என்று அழைக்கபடுவீர்கள். அதாவது உங்கள் உடலில் ஓடுவது கலப்பின ரத்தம். ஜேர்மனி என்னும் தேசம் உயிர்த்திருக்கவேண்டுமானால், ஜேர்மன் மக்கள் வளமுடன் வாழவேண்டுமானால் ஜேர்மனிய ரத்தம் என்றும் உயர்வாக இருக்கவேண்டும். இதில் எந்தவிதமான சமரசத்தையும் மக்கள் செய்துகொள்ளக்கூடாது. அரசாங்கம் இதை அனுமதிக்காது. ஆகவே, இந்தச் சட்டம் அவசியமாகிறது. மொத்தம் நான்கு பகுதிகள் 1. ஒரு யூதனையோ கலப்பினத்தவனையோ ஒரு ஜேர்மானியன் திருமணம் செய்து கொள்வது சட்டப்படி குற்றமாகும். ஒருவேளை வெளிநாடுகளில் அவர்கள் திருமணம் செய்து கொண்டாலும் அந்தத் திருமணம் இங்கே செல்லுபடியாகாது. 2. யூதர்களிடம் உடலுறவு வைத்துக்கொள்வது சட்டப்படி தண்டனைக்குரிய குற்றமாகும். 3. யூதர்கள் 45 வயதுக்கு உட்பட்ட ஜேர்மனிய பெண்களை வீட்டு வேலைக்காவொ பணியாளர்களாகவோ அமர்த்திக்கொள்ளக்கூடாது. 4. யூதர்கள் ஜேர்மன் தேசியக்கொடியையோ தேசியக்கொடியில் உள்ள வர்ணங்களையோ அரசாங்கச் சின்னமாக பயன்படுத்தக்கூடாது. யூதர்களுக்கு என்று அளிக்கப்பட்டிருக்கும் வர்ணங்களை மட்டுமே அவர்கள் பயன்படுத்தலாம். ஒரு வழக்கறிஞராகவோ, மருத்துவராகவோ, பத்திரிகையாளராகவோ ஒரு யூதனால் வளரமுடியாது. வளரவேண்டிய தேவையும் இல்லை. ஏற்கனவே அத்தகைய பொறுப்புக்களை வகித்துக்கொண்டிருப்பவர்களின் வேலை சட்டப்படி பறிக்கப்பட்டது. இறந்து போன யூதர்களுக்கு அரசாங்கம் அளித்திருந்த அங்கீகாரம் ரத்து செய்யப்பட்டது, போர்வீரர்களின் கல்லறைகளில் காணப்பட்ட யூதப்பெயர்கள் அழிக்கபட்டன. யூதர்களுக்கு லாட்டரியில் பணம் விழக்கூடாது. அப்படி விழுந்தாலும் பணம் கிடையாது. யூதர்களுக்கு தனி அடையாள அட்டைகள். ஆண்கள் அனைவருக்கும் நடுப்பெயர் இஸ்ரேல். பெண்களாக இருந்தால் சாரா. வேண்டாம் என்று மறுக்கமுடியாது. உங்கள் பெயர் என்ன என்று யாராவது கேட்டால் புதிய பெயரையும் சேர்த்து முழுவதுமாக சொல்லவேண்டும். தவிரவும் அட்டையின் ஓரத்தில் ஆங்கில எழுத்தான `J` பெரிய எழுத்தில் அச்சிடப்பட்டிருக்கும். இன்னார் யூதர் என்பதில் குழப்பம் வந்துவிடக்கூடாது அல்லவா? பிறகு கண்டுபிடிப்பதற்கு ஏதுவாக நட்சத்திரங்களை நாசிகள் பயன்படுத்தினார்கள். மஞ்சள் நட்சத்திரம். எந்த ஆடை அணிந்தாலும் பளிச்சென்று தெரியும் படி இந்த நட்சத்திரத்தை யூதர்கள் அணிந்து செல்ல வேண்டு. அணியாவிட்டால் தண்டனை. (அணிந்தாலும் தண்டனை என்பது வேறு விடயம்) 1933ல் ஐரோப்பாவில் யூதர்களின் எண்ணிக்கை 9 மில்லியன். உலக யூத மக்கள் தொகையான 15 மில்லியனில் 60 சதவீதம் பெரும்பாலானவர்கள் ஜேர்மனிக்கும் ஜேர்மனி பின்னால் ஆக்கிரமிக்கப்போகும் தேசங்களுக்கும் குடிபெயர்ந்து சென்றது சோகம். குறிப்பாக, கிழக்கு ஐரோப்பாவில் யூதர்கள் அதிகம் பரவியிருந்தனர். எங்கே இருந்தாலும் சரி எங்கிருந்து வந்தவர்கள் என்றாலும் சரி. யூதர்கள் என்ற ஒரு காரணம் போதும் என்றார் ஹிட்லர். «The Final Solution» யூத இன அழிப்புக்கு நாசிகள் சூட்டிய பெயர் இது. போலந்து பகுதிகளில் கெட்டோக்கள் (Chettos) உருவாக்கப்பட்டன. கொன்ஸன்ட்ரேஷன் காம்ஃப் களுக்கு இழுத்துச் செல்லப்படுவதற்கு முன்னால் யூதர்களை கெட்டோக்களில் தான் கொண்டு வந்து தள்ளுவார்கள். பன்றிகளை அடைத்து வைக்கும் தொழுவமே பரவாயில்லை என்று நினைக்கத்தோன்றும் பகுதி. நெருக்கியடித்துக்கொண்டு இருக்கவேண்டும். நல்ல உணவு, காற்று, உடை எதுவும் கிடையாது. அப்படியும் தாக்குப்பிடித்துக்கொண்டு வாழ்கிறாயா, வா காம்ஃப்க்கு. நிற்க வைத்து சுட்டுக்கொல்லும் தண்டனை முறையே அதிகம் பயன்படுத்தப்பட்டது. பிரச்சனை எதுவும் இல்லை என்றாலும் நிறைவேற்ற கடினமாக இருந்தது. உச்சுக்கொட்டினார்கள் அதிகாரிகள். பத்து, நூறு என்றால் சுட்டு விடலாம், சிறை நிரம்பி வழிகிறது. பல ஆயிரக்கணக்கான யூதர்கள் அடைந்து கிடக்கிறார்கள். கை வலிக்க வலிக்க எத்தனை பேரைச் சுடமுடியும்? நாள் கணக்கில் சுட்டாலும் ஆயிரத்தை தொடமுடிவதில்லை. ஏதேனும் மாற்று வழி கண்டுபிடியுங்களேன். காஸ்? பூச்சிகளை கொல்வது போல் காஸ் அடித்துக் கொன்றால் என்ன? கணக்கு போட்டு பார்த்தார்கள். கொத்துக்கொத்தாய் பிணங்கள் சரியும். நேரமும் அதிகம் ஆகாது. கார்பன் மோனாக்ஸைட் விலையும் குறைச்சல் தான். திட்டத்தை செழுமைப்படுத்தினார்கள். சீர் செய்யப்பட்ட வான். மேலே ஒரு குழாய். அந்த குழாய் வழியாக விஷவாயுவை செலுத்தி மூடிவிடவேண்டும். எத்தனை பேர் முடியுமோ அத்தனை பேரை உள்ளே தள்ளி கதவை தாளிட்டுவிட வேண்டும். சில நிமிடங்கள் கழித்து கதவை திறக்கும்போது, தொப்பென்று பிணங்கள் சாய்ந்து விழும். அப்படியே மண் போட்டு மூடிவிடலாம். 1941ம் ஆண்டு இந்ந கொலைகார வான் அறிமுகம் செய்யப்பட்டது. பரீட்சித்துப்பார்த்தார்கள் திருப்திகரமான தீர்வு. வதை முகாம்கள் பரவலாக ஆரம்பிக்கப்பட்டன. இருப்பதிலேயே பெரிய முகாம் ஆஸ்விட்ச் (Auschwitz). ஒன்று, இரண்டு, மூன்று என்று மூன்று தனிப்பிரிவுகள். முதல் பிரிவு மே 1940ல் திறக்கப்பட்டது. இங்குள்ள முகாமில் மொத்தம் 70,000 பேர் கொல்லப்பட்டனர். பெரும்பாலானவர்கள் போலந்து மற்றும் சோவியத் கைதிகள். இங்கு அமைக்கபட்டிருந்த அலுவலகம் வதை முகாம்களை நிர்வகிக்க பயன்படுத்தப்பட்டது. இரண்டும் தனித்தனிக் கட்டடங்களில் அமைந்திருந்தன. இரண்டையும் பிரிக்க கம்பி வேலிகள் போடப்பட்டன. கைதிகள் கடினமான பணிகளை செய்யும்படி நிர்ப்பந்திக்கப்பட்டனர். சொல்பேச்சு கேட்காதவர்கள் கொடுக்கபட்ட பணிகளைச் செய்யாமல் இருப்பவர்கள், ஒழுங்கீனம் செய்பவர்கள் தனிப்பிரிவில் அடைக்கபட்டனர். இதை சிறைக்குள் சிறை என்று அழைக்கலாம். நிற்கும் அறை என்றொரு இடம் உண்டு. பதினாறு சதுர அடிகள் கொண்ட அறை. இதில் நான்கு பேர் நிற்கவைக்கப்படுவார்கள். பகலில் கடினமான வேலைகளை செய்து முடித்த பிறகு இரவு முழுவதும் தொடர்ச்சியாக இந்த அறையில் நிற்கவேண்டும். பாதாள அறையும் உண்டு. கனமான கதவுகளும் ஒரே ஒரு சிறிய ஜன்னலும் கொண்ட சிறிய அறை. உள்ளே அடைக்கப்படுபவர்கள் அறைக்குள் நிறைந்திருக்கும் ஆக்ஸிஜனை சுவாசித்த பிறகு காற்று போதாமல் மூச்சு முட்டி இறக்கவேண்டியது தான். சிலசமயம், வேகமாக மரணம் சம்பவிக்கவேண்டும் என்பதற்காக உள்ளே ஒரு மெழுகுவர்த்தியை ஏற்றி வைத்துவிடுவார்கள். இருக்கும் கொஞ்சநஞ்ச ஆக்ஸிஜனையும் அந்த மெழுவர்த்தி உறிஞ்சிவிடும். இரண்டாவது அவுஷ்விட்ஸ் பிரிவு (Birkenau) 1941 ல் தொடங்கப்பட்டது. முதல் முகாம் போதாது என்ற நிலையில் இதை ஆரம்பித்தார்கள். இங்கு ஆரம்பிக்கபட்ட முதல் காஸ் சாம்பரின் பெயர் The little red house. காற்று புகாத கடினமான கற்களை கொண்டு அமைக்கப்பட்ட ஒரு சிறு வீடு அது. மேலும் பல சாம்பர்கள் உருவாக்கப்பட்டன. ஆஸ்விட்ச் முதல் பிரிவை விட இது மிகப்பெரியது. கிட்டத்தட்ட பத்து லட்சம் கைதிகள் இந்த முகாமில் கொல்லப்பட்டிருக்கிறார்கள். பெரும்பாலும் காஸ் சாம்பர் மூலமாக. கைதிகளை வகைப்படுத்தும் முறைக்கு Seleciton என்று பெயர். ஓவ்வொரு நாளும் கும்பல் கும்பலாக கொண்டுவரப்படும் கைதிகளை பிரிக்கும் பணி முதலில் நடக்கும். உடனே கொல்லப்பட வேண்டியவர்களை தனியே பிரித்தெடுப்பது முதல் வேலை. குழந்தைகள், குழந்தைகளுடன் வரும் தாயார், வயதானவர்கள், தேறாது என்று அங்குள்ள மருத்துவர்களால் சான்றிதழ் பெற்றவர்கள் ஆகியோர் முதலில் தனியே பிரிக்கப்படுவர். இவர்களைப் பிரிப்பது சுபமானது. அப்படியே தள்ளிக்கொண்டு போய் குழு குழுவாக பிரித்து காஸ் சாம்பருக்குள் தள்ளி கதவை மூடிவிட வேண்டியது தான். காஸ் சாம்பர் என்று சொல்லமாட்டார்கள். அதோ அங்குள்ள அறைக்குள் எல்லோரும் செல்லுங்கள். உடைகளை களைந்து விடுங்கள். அங்கு பெரிய ஷவர்கள் பொருத்தப்பட்டிருக்கின்றன. முதலில் குளித்துவிடுங்கள். உடலில் உள்ள நுண்கிருமிகள் அனைத்தும் சாகவேண்டும். உடைகளை களைந்த பின்னர் கைதிகள் அறைக்குள் அனுமதிக்கப்படுவர். அங்கே போலியான ஷவர்கள் பொருத்தப்பட்டிருக்கும். உடல் கூசியபடி எப்போது தண்ணீர் வரும் என்று நிமிர்ந்து பார்த்தபடி அவர்கள் நின்றிருப்பார்கள். ஜன்னல் கதவுகளில் உள்ள சிறிய துவாரங்கள் திறக்கப்படும். சயனைற் காஸ் வீசப்படும். பிறகு, கதவை திறந்து பிணங்களை மின்சார இடுகாட்டுக்கு கொண்டு செல்வார்கள். ஒரு நாளைக்கு இருபதாயிரம் வரை இங்கே கொல்லப்பட்டிருக்கிறார்கள். Zyklon B என்னும் சயனைற் பூச்சிமருந்து பயன்படுத்தப்பட்டது. காற்று புகாத குடுவைகளில் இதை பொதுவாக வைத்திருப்பார்கள். லட்சக்கணக்கில் மனிதர்களை கொல்வதற்கு இதைப் பயன்படுத்தமுடியும் என்பதை முதல் முதலில் கண்டு பிடித்தவர்கள் நாசிகள். செப்ரெம்பர் 1941 ல் முதல் சோதனையை நிகழ்த்தினார்கள். அறுநூறு சோவியத் கைதிகள். இருநூற்று ஐம்பது நோய்வாய்ப்பட்ட போலந்து கைதிகள். ஆஸ்விட்ச் முதல் பிரிவில் இவர்களை அடைத்து சிறிது சிறிதாக காஸ் கொடுத்தார்கள். சுமார் இருபது மணி நேரங்கள் உள்ளே அடைத்து சோதனை நடத்திய பின்னர் கொன்றார்கள். காஸ் சாம்பரில் அடைக்கப்படுபவர்கள் இறக்க பொதுவாக, இருபது நிமிடங்கள் ஆகும் என்று கணக்கிடப்பட்டது. மற்றபடி, விஷ வாயுக்கு எத்தனை அருகில் நிற்கின்றீர்கள் என்பதைப் பொறுத்து நேரம் கூடலாம், குறையலாம். எப்படி இறக்கிறார்கள் என்பதையும் ஜன்னல் வழியாக பார்த்து பதிவு செய்திருக்கிறார்கள். நிறைய கத்துவார்கள். மூச்சுவிட பிரயத்தனப்படுவார்கள். அலறுவார்கள். தோல் பழுப்பு நிறத்துக்கும் சிவப்புக்கும் மாறிவிடும். இடையிடையே பச்சைப் புள்ளிகள் காணப்படும். வாயில் நுரை பொங்கும். காது வழியாக குருதி ஒழுகும். ஆஸ்விட்ச் இன் மூன்றாவது பிரிவில் நாற்பதுக்கும் மேற்பட்ட முகாம்கள் இருந்தன. அவற்றுள் பெரியது, Monowitz. மே 1942ல் இது தொடங்கப்பட்டது. மூன்றாவது பிரிவு கொலைக்களம் அல்ல. பணிக்களம். Monowitz முகாமில் 11,000 தொழில் அடிமைகள் பணியாற்றினர். எட்டாயிரம் பேர் சுரங்கங்களில் வேலை செய்தனர். பல்வேறு ரசாயனத் தொழிற்சாலைகளில் சுமார் 7,000 பேர் வெவ்வேறு பணிகளில் ஈடுபடுத்தப்பட்டனர். ஒய்வில்லாமல் இருபத்தி நான்கு மணி நேரமும் முதுகு ஒடிய வேலை செய்யவேண்டும். மறுத்தால் அப்போதே இறக்க நேரிடும். இரண்டாவது பிரிவில் இருந்து மருத்துவர்கள் அவ்வப்போது வந்து பார்த்து, பலவீனமடைந்த கைதிகளை காஸ் சாம்பருக்கு கொண்டு போய்விடுவார்கள். ஆஸ்விட்ச்சில் இறந்து போனவர்களின் மொத்த எண்ணிக்கையை அறிய முடியாமல் போனதற்கு காரணம் ஆவணங்கள் அனைத்தையும் நாசிகள் எரித்துவிட்டது தான். ஆஸ்விட்ச்சின் கொமாண்ரடான Rudolf Hoess பின்னர் கைது செய்யப் பட்டபோது அவர் அளித்த புள்ளிவிபரம் இது. இரண்டரை மில்லியன் பேர் காஸ் சாம்பரில் கொல்லப்பட்டனர். மேலும் ஒரு மில்லியன் பேர் இயற்கையான முறையில் இறந்து போயினர். எப்படியும் இரண்டரை முதல் நான்கு மில்லியன் வரை இங்கே இறந்திருக்கலாம் என்று அனுமானிக்கப்படுகிறது. யூத இனவழிப்பை தலைமை தாங்கி நடத்தி வைத்தவர். ஹென்ரிஹ் ஹிம்லர் (Heinrich Luitpold Himmler). SS(Schutzstaffel) என்னும் சிறப்பு காவல் படை மற்றும் Gestapo என்னும் ரகசிய காவல் படையின் தலைவர். லட்சக்கணக்கான யூதர்கள் இவர் மேற்பார்வையின் கீழ் கொல்லப்பட்டிருக்கிறார்கள். கம்யூனிஸ்டுகள், ஓரினச்சேர்க்கையாளர்கள், மனநலம் குன்றியவர்கள், உடல் கேடு கொண்டவர்கள் போன்றவர்களை வகைப்படுத்தி கொன்றொழிக்கச் செய்தார் ஹிம்லர். மார்ச் 22, 1933 அன்று ஹிம்லர் முதல் வதை முகாமை Dachau என்னும் பகுதியில் தொடங்கிவைத்தவர். ஹோலோகோஸ்டின் வடிவமைப்பாளர் இவரே. நாசிகளின் சித்தாந்தத்தை வடிவமைத்தவரும் இவரே. யூதர்களை போலவே போலந்து மக்களையும் கொல்லவேண்டும் என்று ஹிம்லர் அறிவித்தார். இவர் தலைமையில் நடைபெறும் கூட்டங்களில் ஹிம்லர் வெளிப்படையாகவே பல முறை பேசியிருக்கிறார். யூதர்களைக் கொல்வதை பெரிய விஷயமாக எடுக்கவேண்டாம். அவர்களை அழிப்பது எமது கடமை. நம் கட்சியின் கடமை. இதை அனைவரும் தெளிவாக புரிந்து கொள்ள வேண்டும். ஜேர்மனியின் முன்னேற்றத்திற்காகவாவது அவர்களை நாம் கொல்லவேண்டும். பசியில் வாடுபவர்களுக்கு உணவு கொடு, தாகத்தால் தவிப்பர்களுக்கு நீர் கொடு, ஆடை இல்லாதவர்களுக்கு ஆடை கொடு, வீடில்லாதவர்களுக்கு வீடு கொடு. இது போன்ற கருத்துகள் மீது எனக்கு நம்பிக்கை இல்லை. நமக்கு ஆரோக்கியமான மக்கள் மட்டுமே வேண்டும். குறைபாடுள்ளவர்களை வைத்துக் கொண்டு மாரடிக்க முடியாது. 1938ம் ஆண்டு கொயபல்ஸ் (Joseph Goebels) இப்படிக் குறிப்பிட்டார். Aktion 24 என்றொரு திட்டம் 1939ல் வகுக்கப்பட்டது. புனித ஜேர்மனியின் உருவாக்கத்திற்கு இடைஞ்சலாக இருப்பவர்கள் அல்லது ஈடுகொடுக்க முடியாதவர்கள் நீக்கப்படலாம் என்பது இந்தத் திட்டத்தின் பொருள். மன ரீதியாகவோ உடல் ரீதியாகவோ பாதிக்கபட்ட ஜேர்மன் மற்றும் ஆஸ்திரிய பிரஜைகளை் மருத்துவ பரிசோதனைக்குப் பிறகு, கொல்லப்படுவார்கள். அவர்கள் தொடர்ந்து உயிர் வாழ்வதால் அர்த்தம் எதுவும் இல்லை என மருத்துவர்கள் கருத்து தெரிவித்தார்கள். 1939 முதல் 1941 வரை, மனநிலை சரியில்லாதவர்கள் என்று கருதப்பட்ட 80,000 முதல் 1,00,000 பேர் கொல்லப்பட்டனர். கம்யூனிஸம், சோஷலிசம் பேசுபவர்கள், ரகசியமாக தொழிற்சங்கம் நடத்துபவர்கள் நாசிகளின் எதிரிகளாக அடையாளம் காணப்பட்டனர். அவர்களைத்தான் முதலில் வதை முகாம்களில் கொண்டு சென்று தள்ளினார்கள். கம்யூனிசம் என்பது யூதர்களின் சித்தாந்தம் என்றார் ஹிட்லர். தொழிற்சங்கவாதிகளும் சோஷலிஸ்டுகளும் யூதர்களுடன் கைகோர்த்து செயற்படுகிறார்கள் என்று எச்சரித்தார். சோவியத்தில் 1942ல் Ivangorod என்னும் பகுதியில் இருந்த யூதர்கள் கும்பலாக அழிக்கப்பட்டனர். ஆளுக்கு ஒரு தோட்டா கட்டுப்படியாகாது என்பதால் குழந்தையை முன்னால் நிற்க வைத்து அவருக்குப் பின்னால் குழந்தையின் தாயை நிற்கவைத்து சுட்டார்கள். ஓரே தோட்டாவில் இரண்டு உயிர்கள் பிரிந்தன, சோவியத் போர்க்கைதிகளில் 57 சதவீதம் பேர், அதாவது இரண்டு முதல் மூன்று மில்லியன் பேர் நாசி வதை முகாம்களில் இறந்து போயினர். ஜிப்சி வகையைச் சேர்ந்த ஐரோப்பிய ரோமாக்கள் (Romas) சிறைப்பிடிக்கப்பட்டனர். பிடிக்கப்ட்ட அனைவரையும் உடனே கொன்றுவிடவில்லை. கொல்வதற்கு முன்னால் இவர்களிடம் இருந்து எதையாவது பெற்றுக்கொள்வதில் தவறில்லையே. செல்வம் இருந்தால் செல்வத்தை. உடைகள் , பொருட்கள் எது கிடைத்தாலும் அபகரித்துக்கொள். அளிப்பதற்கு ஒன்றுமே இல்லாத பரதேசிகளா, பிடித்து கட்டி வை. வேலை வாங்கு. எதற்கு தண்டத்துக்கு உடலை வளர்த்து வைத்திருக்கிறார்கள்? சாப்பாடு,உறக்கம், நீர் கிடையாது வேலை செய்து கொண்டே இருக்கவேண்டும். இனி முடியாது என்று சோர்ந்து மயங்கி விழும்போது மார்பில் தோட்டா பாயும். பணியில் ஈடுபடும் போதே இறந்துவிடும் ரோமாக்களும் உண்டு. வெடிமருந்து வெடிக்கிறதோ இல்லையா? ஒரு துப்பாக்கியின் திறன் என்ன போன்ற கேள்விகளுக்கு விடை காண ரோமாக்கள் உபயோகப்படுத்தப்பட்டனர். Einsatzgruppen என்று ஒரு பிரிவினர் உண்டு. கொலைப்படையினர். ரோந்து சுற்றிக்கொண்டே இருப்பார்கள். வா என்று அழைத்தால் உடனே தோன்றி கொல்ல வேண்டியவர்களைக் கொன்றுவிட்டு அடுத்த காரியம் பார்க்க நகர்ந்துவிடுவார்கள். பல ஆயிரக்கணக்கான ரோமாக்களை இவர்கள் கொன்றொழித்திருக்கிறார்கள். தேசம் முழுவதும் பரவியிருந்த கொன்ஸன்ட்ரேஷன் காம்ஃப் களிலும் ரோமாக்கள் அடைத்து வைக்கப்பட்டு குழுவாக கொல்லப்பட்டனர். போலந்து, நெதர்லாந்து, ஹங்கேரி, இத்தாலி, அல்பானியா, யூகோஸ்லாவியா என்று பல்வேறு தேசங்களில் உள்ள ரோமாக்கள் தேடிப்பிடிக்கப்பட்டு அழிக்கப்பட்டனர். ஐரோப்பிய ரோமா மக்கள் தொகையில் கிட்டத்தட்ட 50 சதவீதம் பேர் ஹோலோக்கோஸ்ட் ஆல் அழிந்து போனது. பிபிசியின் செய்தியாளர் ரிச்சர்ட் டிம்பிளே, பெல்சன் முகாமில் தான் கண்ட காட்சியை விவரிக்கிறார். கிட்டத்தட்ட ஒரு ஏக்கர் நிலம். கீழே மனித உடல்கள் உயிரிழந்தவர்கள் யார், உயிருடன் இருப்பவர்கள் யார் என்பதைக் கண்டறிவது கடினம். சடலத்தின் மீதே சிலர் படுத்துக்கிடந்தனர். சிலரால் நன்றாக பார்க்க முடிந்தது. அசையவும் முடிந்தது. ஆனாலும் ஏதோவொரு பயங்கரத்தைக் கண்ட மிரட்சியில் அவர்கள் அசைவற்று இருந்தனர். இந்த உடல் குவியலுக்கு மத்தியில் அப்போதுதான் பிறந்த குழந்தைகளும் காணக்கிடைக்கின்றன. பிரிட்டன் வீரர் ஒருவரிடம் ஒரு பெண் சத்தம் போட்டு கத்திக்கொண்டிருக்கிறார். என் குழந்தைக்கு கொஞ்சம் பால் கொடுங்கள்! என் குழந்தைக்கு கொஞ்சம் பால் கொடுங்கள்! கையில் ஒரு பொட்டலத்தை ஏந்திக்கொண்டிருந்தார் அவர். அந்த அதிகாரி கையை நீட்டி பெற்றுக்கொண்டார். துணியை விலக்கிப் பார்த்தபோது துரும்பு போல் ஒரு குழந்தை சுருண்டு கிடந்தது. இறந்து சில தினங்களாவது ஆகியிருக்கும். செப்ரெம்பர் 29 மற்றும் 30,1941. இந்த இரு தினங்களில் மட்டும் கிழக்கு போலந்திலும் சோவியத்யூனியனிலும் நாசிகள் கொன்றொழித்த யூதர்களின் எண்ணிக்கை 33,771. உக்கிரேனின் தலைநகரமான கீவில் நடந்த படுகொலையின்போது தப்பிப்பிழைத்த Dina Pronicheva என்னும் யூதப் பெண்ணின் வாக்குமூலம் இது. «வரிசையில் நிற்கவைத்து ஒவ்வொருவரையாகச் சுட்டு, குழியில் தள்ளிக்கொண்டிருந்தார்கள். மிகப்பெரிய குழி அது. என்னுடைய முறை இதோ வந்துவிடும். எனக்கு நடுக்கம் பிறந்துவிட்டது. கை, கால்கள் ஆட ஆரம்பித்துவிட்டன. சட்டென்று ஏதோ தோன்ற குழிக்குள் விழுந்துவிட்டேன். குண்டடிபட்டு சாவதற்கு பதில் குழிக்குள் விழுந்து உயிரைவிடலாம். ஆனால் நான் இறக்கவில்லை. கீழே இருந்த சடலங்களின் மீது பத்திரமாக வந்து விழுந்தேன். அச்சத்தால் கண்களை மூடிக்கொண்டேன். என் மீது புதிதாக சில உடல்கள் வந்து விழுந்தன. உடலகளுக்கு மத்தியில் புதைக்கப்ட்டதைப் போன்ற உணர்வு ஏற்பட்டது. மேலும் மேலும் பலர் வந்து விழுந்தனர். பெரும்பாலானோர் குழிக்குள் விழுவதற்கு முன்பே இறந்துவிட்டனர். சிலர் முனகிக்கொண்டிருந்தனர். சிலருக்கு விக்கல். சிலர் சத்தம் போட்டு கத்திக்கொண்டிருந்தனர். பிறகு, நாசிகள் குழிக்குள் டார்ச் லைட் அடித்து அசையும் உடல்களை சுட ஆரம்பித்தனர். சில நிமிடங்கள் கழித்து குழிக்குள் மண்ணை தள்ள ஆரம்பித்தனர். மீண்டும் கண்களை மூடிக்கொண்டேன். என் மீதே மண் வந்து விழுந்தது. தலை, முகம், கை, கால் முழுவதும் மண். இமைகளைப் பிரிக்கமுடியவில்லை. ஓரே இருட்டு. எத்தனை நேரம் அப்படியே கிடந்தேன் என்று நினைக்கவில்லை. பிறகு மெல்ல மெல்ல அசைந்து, போராடி குழியில் இருந்து மீண்டு வெளியில் வந்தேன்.» ஒரு சமயம் லித்துவேனியாவில் உள்ள கோவ்னோ என்னும் பகுதியில் ஜேர்மானியர்கள் யூதர்களைத் தேடி வேட்டையாடிக்கொண்டிருந்தார். அவர்களிடம் இருந்து எப்படியாவது தன் மகனை மீட்டுவிடவேண்டும் என்று ஒரு தாய் ஓடோடி மறைவிடம் ஒன்றில் பதுங்கிக் கொண்டார். திடீரென்று குழந்தை அழ ஆரம்பித்துவிட்டது. வீரர்கள் அந்த மறைவிடத்தை நெருங்கிக்கொண்டிருந்தனர். அழுகையைக் கட்டுப்படுத்த என்ன செய்வதென்று அந்த தாய்க்கு தெரியவில்லை. குழந்தையின் வாயில் கையை வைத்து அழுத்தினார். வீரர்கள் முற்றிலுமாக அகலும் வரை கையை எடுக்கவேயில்லை. சுற்றிலும் யாருமில்லை என்பதை உறுதிப்படுத்திக் கொண்ட பிறகே அவர் குழந்தையை விடுவித்தார். ஆனால், குழந்தை எப்போதோ இறந்துபோயிருந்தது. வதை முகாமில் இருந்து மீட்கப்பட்ட போலந்து சிறுமி தெரஸாவிடம் பின்னர் பேச்சுக்கொடுத்து பார்த்தார்கள். “எப்படி இருக்கிறாய்?” பயத்துடன் நிமிர்ந்து பார்த்த தெரஸா, ஒரு வார்த்தையும் பேசாமல் தன்னுள் ஒடுங்கிக்கொண்டாள்.சரியா? பதிலில்லை. “சரி, இந்தா சாக்பீஸ். பலகையில் ஏதாவது படம் வரை பார்க்கலாம்.” கையை பின்னுக்கு இழுத்துக்கொண்டாள் தெரஸா. கண்கள் முழுவதும் அதிர்ச்சி. பிரயத்தனப்பட்டுத்தான் எழுப்பி நிற்க வைத்தார்கள். பயப்படவேண்டாம் என்று மேலும் ஒரு முறை சொன்னதும் கரும்பலகை நோக்கி நடந்தாள் தெரஸா. கையில் சாக்பீஸோடு குழம்பி நின்றாள். அடுத்த சில நிமிடங்களில் வரைந்து முடித்துவிட்டு மீ்ண்டும் தன் இருக்கைக்கு வந்து அமர்ந்து கொண்டாள். தெரஸா. பலகையைப் பார்த்தவர்கள் அதிர்ந்து போனார்கள். குழப்பமான பல்வேறு வட்டங்கள். கோணல், மாணலாகவும் குறுக்கும் நெடுக்குமாகவும் கோடுகள். சில நிமிடங்கள் கழிந்த பிறகு தான் புரிந்தது அவள் அறிந்த வீடு அது தான். அது மட்டும் தான். அவை கோடுகள் அல்ல. கம்பிகள். முட்கம்பிகள். நூல் : இரண்டாம் உலகப்போர் இது பற்றிய முன்னைய ஒரு பதிவின் இணைப்பு நாசிகளின் வதை முகாம் மீட்கப்பட்டு 75 ஆண்டுகள் - உலக நடப்பு - கருத்துக்களம் (yarl.com)
  2. சோவியத் யுத்தம் ஜேர்மனியின் ராணுவத்தை மட்டுமல்ல ஒட்டுமொத்த பொருளாதாரத்தையும் சிதைக்க ஆரம்பித்திருந்தது. இந்தப் போர் எவ்வளவு காலம் நீடிக்கும் என்று ஒருவராலும் உறுதியாகச் சொல்லமுடியவில்லை. எப்படிப் பார்த்தாலும் நீ்ண்டதொரு போருக்கு ஏற்ற பொருளாதார பலம் ராணுவத்திடம் இல்லை. 1930களில் இருந்தே ராணுவத்தை ஜேர்மனி செழுமைப்படுத்த ஆரம்பித்து விட்டது என்றாலும் சோவியத் யுத்தம் ஏற்படுத்திய பின்னடைவு ஜேர்மனியை சோர்வாக்கியது. கரி, எண்ணெய், இரும்பு உள்ளிட்ட மூலப்பொருள்கள் கிடைத்தபாடில்லை. ஆயுதங்கள் தயாரிப்பிலும் சுணக்கம். 1941 அரை ஆண்டில் மட்டும் 1823 போர் விமானங்களை ஜேர்மனி இழந்திருந்தது. இழப்பை ஈடுகட்ட 1600 விமானங்களே உருவாக்கப்பட்டன. Wehrmacht வீர்ர்களுக்கு போதுமான உணவு கிடைக்கவில்லை. ராணுவ அமைச்சர் Fritz Todz 1941 இறுதியில் நிலைமையை ஓரளவுக்குச் சீராக்கினார். நாம் எதிர்பார்த்ததைக் காட்டிலும் நீண்ட போருக்கு நாம் தயாராக வேண்டும் என்று சுட்டிக்காட்டினார். வேலையை தொடங்கும் முன்பே பிப்ரவரி 1942ல் இவர் ஒரு விபத்தில் இறந்து போனார். மாற்றாக வந்து சேர்ந்த அர்பேரட் ஸ்பீர் (Allbert Speer) ராணுவத்தை பலப்படுத்தும் பணியை தொடர்ந்து மேற்கொள்ள ஆரம்பித்தார். ராணுவ அமைச்சகத்தின் பலத்தையும் அதிகப்படுத்திகொண்டார். மக்களுக்கு உணவில்லை, எண்ணெயை இல்லை, வீடில்லை என்றால் பரவாயில்லை பஜ்ஜெட்டின் பெரும் பகுதி ராணுவத்துக்கு ஒதுக்கவேண்டும் என்று விண்ணப்பித்து வெற்றியும் பெற்றார். போர்க்களத்தில் தோல்விகள் ஏற்பட்ட போதும், பொருளாதாரம் படுத்துக்கொண்ட போதும், மக்கள் அவதிப்பட்ட போதும், ராணுவத்தின் வளர்ச்சி அடுத்த மூன்று ஆண்டுகளில் மூன்று மடங்கு அதிகரித்தது. 1944ல் பிரிட்டனை விட ஐந்து மடங்கு அதிகமாக டாங்கிகளை உருவாக்கியது. அதிசயிக்கத்தக்க வகையில் 41000 போர் விமானங்கள் தயாரிக்கப்பட்டன. (ஜப்பான் தனியே 28000 விமானங்களை உருவாக்கியது) தனிப்பட்ட முறையில் இது அசுர சாதனை என்பதில் சந்தேகமில்லை. ஆனால், சோவியத், பிரிட்டன், அமெரிக்கா மூன்றும் ஒன்று சேர்ந்ததால் ஏற்பட்ட பலத்தின் முன்னால் ஜேர்மனியின் வளர்ச்சி அடிபட்டு போனது. அதே 1944ல் இந்த மூன்று தேசங்களிடம் இருந்த போர் விமானங்களின் எண்ணிக்கை 1,63,000. ஆயுத தயாரிப்புகளில், ஒன்பதுக்கு இரண்டு என்னும் விகிதாசாரத்தில் நேச அணி அச்சு அணியை முந்திச் சென்றது. இன்னும், இன்னும் என்று ஹிட்லர் வெறியுடன் உந்தி்த் தள்ளியபோதும் ஜேர்மனியால் நேச அணியின் பலத்திற்கு அருகே செல்ல முடியவில்லை. ஆனால் முடியும் என்று இறுதிவரை நம்பினார். ஏதாவது அதிசயம் நிகழும் என்று காத்திருந்தார். தான் கைப்பற்றிய ஐரோப்பிய பிரதேசங்களில் இருந்து வளங்களை உறிஞ்சிக்கொள்ள ஆரம்பித்தது ஜேர்மனி. இயற்கை வளங்கள், மூலப்பொருள்கள், தங்கம் முதல் தகரம் வரை எது கிடைத்தாலும் அபகரித்துக்கொண்டது. போர் தயாரிப்புப்பணிகள் மலையாகக் குவிந்திருப்பதால் ஆள்களையும் அள்ளிப் போட்டுக்கொண்டு அழைத்து வந்தார்கள். சம்பளமில்லா வேலை அளிக்கப்பட்டது. சிறப்பு பொருளாதார மையங்கள் அமைத்து உற்பத்தியைப் பெருக்கும் முயற்சிகள் மேற்கொள்ளபட்டன. ஹிட்லர் விரட்டிக்கொண்டிருந்தார். இன்னும், இன்னும். பிரான்ஸிலிருந்து கணிசமாக லாபம் கிடைத்துக்கொண்டிருந்தது. ஒப்பந்தம் போட்டுக்கொண்ட பிறகு, போர் விமானங்கள், கப்பல்கள், தகவல்கள் தொடர்பு கேபிள்கள், இரும்பு பொருள்கள், டர்பைன்கள், மோட்டார் போன்றவை உருவாக்கப்பட்டன. பிரெஞ்சு நிறுவனங்கள் நாசிகளின் கட்டுப்பாட்டில் இயங்கின. 1643 இறுதியில், பிரெஞ்சு மொத்த உற்பத்தியில் 40 சதவீதம் ஜேர்மனிய தேவைக்கு பயன்படுத்தப்பட்டது. டச்சு நிறுவனங்களும் பெருமளவில் ஜேர்மனிக்காகப் பணியாற்றின. டச்சு பொருளாதார அமைச்சரான Hans Max Hirschfeld என்பவரை போர் முடியும்வரை ஜேர்மனி பதவியில் வைத்திருந்தது. அவர் ஒரு ஜேர்மனிய யூதர் என்ற போதும். வைத்திருந்ததற்கு ஒரே காரணம், அவருடைய செயல்திறன். 1644ல் அவர் தலைமையில் தொழில் உற்பத்தி 80 சதவீதம் அதிகரித்தது. மின்சாரம், கப்பல் கட்டுமானம், தொழில்நுட்பப் பணிகள் என்று பல்துறை வளர்ச்சி சாத்தியமானது. அத்தனையும் ஜேர்மனியின் ராணுவ இயந்திரத்தில் போய் விழுந்தது. ஹிட்லரின் போர் வெறிக்கு தீனி போடும் அளவுக்கு வேலையாட்கள் கிடைக்காதது பெரிய ஏமாற்றமாக இருந்தது. ஜுலை 1939ல் 10.4 மில்லியன் தொழிலாளர்கள் இருந்தனர். ஐந்து ஆண்டுகளில் 7.5 மில்லியனாக இது குறைந்து போனது. பிரான்ஸ், பிரிட்டன், சோவியத் என்று பெரும் சக்திகளுடன் ஒரு பக்கம் ராணுவம் மோதிக்கொண்டிருந்த போது, மறுபக்கம் தொழிலாளர்கள் குறைந்து கொண்டே போனது பெரும் பாதிப்பை ஏற்படுத்தியது. இதை ஈடுகட்ட, உள்ளூர், வெளியூர் போர்க் கைதிகளை பயன்படுத்த ஆரம்பித்தனர். ஆகஸ்ட் 1944ல் 7.6 வெளிநாட்டினர் கட்டாயப்பணியில் அமர்த்தப்பட்டனர். இவர்களுள் 1.9 மில்லியன் பேர் போர்க்கைதிகள். மிச்சமுள்ளவர்கள் சிவிலியன்கள். பெரும்பாலும் அடிமைகள். லட்சக்கணக்கானவர்களை கொண்டு வந்த பிறகும் உற்பத்தியில் பெரிய மாற்றம் ஏற்படவில்லை. அயல் தேசப் போர்க்கைதிகளால் கடினமான பணிகளில் தொடர்ந்து ஈடுபட முடியவில்லை. மொத்தத்தில் ஜேர்மனியின் போர் கால அயல்தேசக் கொள்கை தோல்வியையே தழுவியது. நீடித்த லாபம் எங்கிருந்தும் கிடைக்கவில்லை. டச்சு மற்றும் பிரெஞ்சு உற்பத்தி அதனளவில் கவர்ச்சிகரமானதாக இருந்தாலும், ஜேர்மனியின் தேவையோடு ஒப்பிடும்போது சுண்டைக்காய் அளவுக்கே இருந்தன. இத்தனைக்கும் போலந்து போன்ற நாடுகளில் இருந்து சக்கையாக ஜேர்மனி உறிஞ்சிக்கொண்டு தான் இருந்தது. போலந்து மக்கள் உணவில்லாமல் பஞ்சத்தால் இறந்து கொண்டிருந்தனர். கைப்பற்றப்பட்ட உணவுப்பொருட்கள் உடனுக்குடன் ராணுவத்தினருக்கு அனுப்பி வைக்கப்பட்டன. பிரிட்டன் தனது கொலனி நாடுகளில் இருந்து (உதாரணத்திற்கு இந்தியா) சிறிது சிறிதாக உறிஞ்சி, நீடித்த நெடிய லாபம் அடைந்தது. ஜேர்மனிக்கு அந்த அளவுக்கு பொறுமை இல்லை. கிடைக்க, கிடைக்க அபகரித்துக்கொண்டார்கள். இந்தப் போக்கு ஜேர்மனிக்கும் லாபம் அளிக்கவில்லை. குதிரைகள், கம்பளி ஆடைகள், கருவிகள், தானியங்கள் என்று கண்ணில் சிக்கியவர்களை சர்வ சாதாரணமாகச் சித்திரவதை செய்து கொன்று குவித்தாலும், மக்கள் கும்பல் கும்பலாக வெளியேறினர். இப்படிக் கைப்பற்றப்பட்ட பகுதிகளில் இருந்து மக்கள் வெளியேற ஆரம்பித்தால் எப்படி உற்பத்தி நடக்கும்? எங்கிருந்து லாபம் கிடைக்கும்? 1941-42 ஆண்டுகளில் கிரிஸில் விளைந்த தானியங்கள் நாசிகளால் முழுமையாக கொள்ளையடிக்கப்பட்டுவிட்டதால் பஞ்சம் வந்து கிட்டத்தட்ட மூன்று லட்சம் பேர் உயிரிழக்க நேரிட்டது. கிறிஸில் சோவியத் எதிர்ப்பாளர்களின் எண்ணிக்கை அதிகம். சூட்சுமமாக சிந்திக்க முடிந்திருந்தால், இந்த எதிர்ப்பாளர்களை ஜேர்மனி தனக்கு சாதகமாக பயன்படுத்திக் கொண்டு இருந்திருக்கலாம். செய்யவில்லை. இதனால் சோவியத் எதிர்ப்பாளர்களாக இருந்தவர்கள் நாசி எதிர்ப்பாளர்களாக மாறிப்போனார்கள். பிரிட்டனும் அமெரிக்காவும் தங்களுக்குள் செய்து கொண்ட பரிமாற்றங்கள் முக்கியமானவை. நிதி, தொழில்நுட்பம், ஆயுதங்கள், வீரர்கள், தொலைத்தொடர்பு வசதிகள், உளவுச்செய்திகள், மூலப்பொருட்கள் என்று பரந்த அளவில் பகிர்ந்து கொண்டு தங்களைப் பலப்படுத்திக்கொண்டார்கள் சோவியத்துடன் இணைவது என்னும் ராஜதந்திர முடிவின் மூலம் அவர்களது பலம் பன்மடங்கு அதிகரித்தது. ஜேர்மனி இந்த அணுகுமுறையைப் பயன்படுத்தவில்லை. இத்தாலியிடம் இருந்தும் ஜப்பானிடம் இருந்தும் ஜேர்மனி அதிகம் பெற்றுக்கொள்ளவில்லை. ஒருங்கிணைப்பு இல்லை. கொடுக்கல், வாங்கல் இல்லை. தனித்தனியே பலப்படுத்திக்கொண்டாலும் ஒருங்கிணைந்த பலம் உருவாகவில்லை.. குழு முயற்சி இல்லை. போக்குவரத்து, தகவல் தொடர்பு உள்ளிட்ட அடிப்படை ஒருங்கிணைப்பு கூட உருவாகவில்லை. 1940 முதல் 1944 வரை, சோவியத்தின் ஆயுதத் தயாரிப்பு நான்கு மடங்கு பெருகியது. 1942ல் 24,000 டாங்கிகள், 21,000 போர்விமானங்கள் உருவாக்கப்பட்டன. (ஜேர்மனி இதே காலப்பகுதியில் 9,300 டாங்கிகளையும் 15,000 விமானங்களையும் உருவாக்கியது.) 1942ல் சோவியத்தின் உற்பத்தி இரட்டிப்பானது. போரில் சந்தித்த இழப்புகளையும் மீறி இந்த உற்பத்தி சாத்தியமானது. போர் காலத்தில் சோவியத்தின் ஒட்டுமொத்த உற்பத்தி மலைக்க வைக்கக்கூடியது. ஒரு லட்சம் டாங்கிகள், ஒரு லட்சத்து முப்பதாயிரம் போர் விமானங்கள், எட்டு லட்சம் துப்பாக்கிகள் (வெல்ட் கன், மோர்ட்ஸ்) இந்த பிரமாண்டமான உற்பத்தி சாத்தியமானதற்குக் காரணம் மக்களின் ஒத்துழைப்பு. சோவியத் தாக்கப்பட்ட போது மக்கள் கிளர்ந்து எழுந்தனர். ஸ்ராலின் அவர்களை ஒருங்கிணைத்தார். போர் முடியும் வரை பல்வேறு தட்டுப்பாடுகள் இருக்கும் என்று ஸ்ராலின் அறிவித்த போது மக்கள் அதைப் புரிந்து கொண்டனர். பொறுமை காத்தார்கள். ஸ்ராலினுக்கு உறுதுணையாக நின்றனர். மாபெரும் தேசபக்திப்போர் என்று பெயரிட்டு போர்க்களம் புகுந்தார்கள். ஹிட்லருக்கு ஜேர்மானியரின் ஏகோபித்த ஆதரவு கிடைக்கவில்லை. மயக்கத்தில் இருந்த பெரும்பாலான நாசி ஆதரவாளர்களும் முடிவு நெருங்க நெருங்க மயக்கம் தெளிந்து சுதாகரித்துக் கொண்டனர். அகண்ட பெருமை மிக்க ஜேர்மானிய சாம்ராஜ்யத்தை உருவாக்குவதற்காக வாக்களித்திருந்தார் ஹி்ட்லர். அவரால் உருவாக்க முடிந்தது அகண்ட நரகத்தை மட்டுமே. வலி, வேதனை, இழப்பு. வேறு எதையும் அளிக்க முடியவில்லை ஹிட்லரால். ஹிட்லர் எதிர்ப்பு கூட்டணியின் பலம் தொடர்ந்து வலுவடைந்து வந்தது. பிரிட்டன் அமெரிக்கா இரு நாடுகளும் இந்தப் பலத்தைப் பயன்படுத்திக்கொண்டன. தேவைப்படும் பிரதேசங்களை முடிந்தவரை கைப்பற்றிக் கொள்ளவேண்டும். ஜேர்மனியும் ஜப்பானும் கைப்பற்றி இருக்கும் பிராந்தியங்களை விடுவிக்கவேண்டும். ஜுன்6,1944 அன்று பிரான்ஸின் வடக்குப் பகுதியுள் நுழைந்தது நேச நாடுகள் படை. Normandy Landing (D-Day) என்று இந்த தினம் அழைக்கப்படுகிறது. முதல் முறையாக, மிகப் பெரும் அளவில் 1,30,000 வீரர்கள் இந்த தாக்குதலில் ஈடுபடுத்தப்பட்டார்கள். பிரிட்டனின் தெற்குப்பகுதியில், பிரான்ஸிற்கு வடக்கே உள்ள நோர்மண்டி என்னும் பகுதியில் இந்த வீரர்கள் களமிறக்கப்பட்டார்கள். பிரிட்டன், அமெரிக்கா, கனடா மூன்றும் சேர்ந்து தொடுத்த தாக்குதல் அது. ஆகாய மார்க்கமாகவும் கடல் மார்க்கமாகவும் அடுத்தடுத்து தாக்கினார்கள். ஓகஸ்ட் 25ம் திகதி பாரிஸ் விடுவிக்கப்பட்டது. கையோடு வடக்கு ஜேர்மனிக்குள் நுழையலாம் என்று திட்டமிட்டிருந்தார்கள். இயலவில்லை. இத்தாலிக்குகுள் புகுந்து அங்கே படர்ந்திருந்த ஜேர்மன் படைகளை தாக்கியழித்தனர். பசிபிக் பகுதியில், அமெரிக்கப் படைகள் ஜப்பானியப் படைகளோடு எதிரெதிர் மோதி முறியடித்துக்கொண்டிருந்தன. ஜூன் 1944 மத்தியில் Mariana,Palau islands கைப்பற்றப்பட்டன. பசிபிக் பெருங்கடல் பகுதியில் அமைந்துள்ள தீவுகள் இவை. டிசம்பர் 16, 1944ல் கிறீஸ், அலபானியா, தெற்கு யூகோஸ்லோவியா ஆகிய முன்று பகுதிகளிலும் இருந்து ஜேர்மனி பின்வாங்கியது. பாக்கி இருப்பவை ஜேர்மனியும் ஜப்பானும் மட்டுமே. இதற்கிடையில், ஜேர்மனியிடம் இருந்து விடுவிக்கப்பட்ட பிரதேசங்களை என்ன செய்வது என்பது குறித்து நேச நாடுகளுக்கும் சோவியத்திற்கும் கருத்து வேறுபாடு இருந்தது. 1943 டிசம்பர் 12ம் திகதி சோவியத் யூனியன் செக்கோஸ்லாவாக்கியாவுடன் ஓர் ஒப்பந்தம் போட்டுக்கொண்டது. நட்புறவு, பரஸ்பர உறவு, யுத்தத்திற்கு பிறகான ஒப்பந்தம் அது. 1944 ஜலை 26 அன்று போலந்துடன் போட்டுக்கொண்ட ஒப்பந்தம் போலந்தின் விடுதலையை அங்கீகரித்தது. 1944 டிசம்பர் 10ம் திகதி பிரான்ஸுடன் நல்லுறவு தொடர்பாகவும் ஒத்துழைப்பு தொடர்பாகவும் ஒப்பந்தம் போட்டுக்கொண்டது சோவியத். போலந்திலும் யூகோஸ்லோவாக்கியாவிலும் போருக்கு முந்தய ஆட்சியாளர்களை மீண்டும் பதவியில் அமர்த்தவேண்டும் என்று பிரிட்டனும் அமெரிக்காவும் விரும்பின. சோவியத்யூனியனுக்கு இதில் உடன்பாடில்லை. மக்களை ஜனநாயக ஆட்சியை இந்த இரு நாடுகளிலும் சோவியத் அங்கீகரித்தது. பிற நாடுகளின் உள்விவகாரங்களில் நாம் தலையிடக்கூடாது என்றும் கேட்டுக்கொண்டது. பிரான்ஸில் பிரெஞ்சு தேசிய விடுதலைக் கமிட்டி உருவாவதை சோவியத் ஆதரித்தது. இத்தாலியில் ஜனநாயக ஆட்சிமுறை மலரவேண்டும் என்று சோவியத் அறிவித்தது. பெப்ரவரி 4, 1945 அன்று தெற்கு உக்கிரேனில் உள்ள யால்டாவில் ஸ்ராலின், சேர்ச்சில், ரூஸ்வெல்ட் மூவரும் சந்தித்துக்கொண்டனர். மகாநாட்டு தீர்மானங்கள் இவை. ஜேர்மனி நிபந்தனை இன்றி சரணடைந்த பின்னரே ராணுவ நடவடிக்கைகள் நிறுத்தப்படவேண்டும். பாசிசத்தையும் நாசிசத்தையும் ஒழிக்கவேண்டும். போர்க்குற்றவாளிகள் தண்டிக்கப்படவேண்டும். ஜேர்மனியின் ராணுவத் தொழிற்சாலைகளின் ஆற்றலை அழிக்கவேண்டும். ஐரோப்பிய மக்களுக்கு ஏற்பட்ட இழப்புகளுக்கு நஷ்டஈடு தரவேண்டும். சுதந்திர ஜனநாயக ஜேர்மனி நிர்மாணிக்கப்படல்வேண்டும். சோவியத்யூனியன் மேலும் ஓர் அம்சத்தை இந்த தீர்மானத்தில் இணைத்துக்கொண்டது. ஜேர்மனியின் ராணுவ வெறியையும் நாசிசத்தையும் ஒழிக்கவேண்டும் என்பதில் சந்தேகமில்லை. ஜேர்மனி இனி உலகில் அமைதியைக் ஒழிக்கவேண்டும் உத்தரவாதம் ஒன்றை பெற வேண்டும். இதுவே நமது லட்சியம். ஜேர்மனி செய்த பெற வேண்டும், ஜேர்மனியர்களை நாம் அழிக்கக்கூடாது. அது முறையு்ம அல்ல. கூடுதலாக சோவியத் இன்னொரு வாக்குறுதியை அளித்தது. ஜேர்மனி சரணடைந்து இரண்டு, மூன்று மாதங்கள் கழிந்த பிறகு, ஜப்பான் மீது ராணுவ நடவடிக்கை எடுக்கப்படும். 1945 தொடக்கத்தில் சோவியத்யூனியனின் எல்லைகளில் 94,12,000 வீரர்கள் இருந்தனர். 1,44,200 சாதாரண மற்றும் மார்டர் பீரங்கிகள், 15,700 டாங்கிகள் மற்றும் தானியங்கி பீரங்கிகள், 22,600 போர் விமானங்கள். தரைப்படையில் 81,80,000 வீரர்கள், விமானப்படையில் 6,33,000 பேர். கடற்படையில் 4,52,000 பேர். வான் எதிர்ப்புப் பாதுகாப்பு படையில் 2,09,000 பேர். அமெரிக்க பிரிட்டிஷ் ராணுவத்தில் 16.4 மில்லியன் நபர்கள் இருந்தனர். ஜேர்மனி வெகுவாகப் பலவீனமடைந்திருந்தது என்றாலும் இன்னமும் கணிசமான ராணுவ பலம் கைவசம் இருந்தது. சோவியத், சோவியத் என்று தான் இன்னமும் உச்சரித்துக்கொண்டிருந்தது ஜேர்மனி. காரணம், அதிக இழப்புகளை அது சோவியத்திடம் இருந்து தான் பெற்றுக்கொண்டிருந்தது. சோவியத் மட்டும் இடையூறு இல்லாமல் இருந்திருந்தால் வெற்றியை நோக்கி மட்டுமே ஜேர்மனி பயணம் செய்திருக்கும். ஆனாலும், முற்றாக நம்பிக்கையை இழக்கவில்லை ஜேர்மனி. சோவியத் எல்லையில் தன் முழுக் கவனத்தையும் குவித்தது. போனது போகட்டும். இனியாவது முழு விழிப்புடன் இருப்போம். எக்காரணத்தை முன்னிட்டும் சோவியத் பேர்லினை நெருங்கக்கூடாது. தேவை உறுதியான பாதுகாப்பு. பாதுகாப்பு வளையம். சோவியத்தை அழிக்கக்கூட வேண்டாம். தடுத்து நிறுத்திவிட முடிந்தாலே பெரிய விடயம். சுதாகரித்துக்கொள்வதற்கும் பலத்தை கூட்டிக்கொள்வதற்கும் சிறிது அவகாசம் தேவைப்படுகிறது. எதிரியே பொறு. முனைப்புடன் முன்னேறிக்கொண்டிருந்தது சோவியத். ஜேர்மனியில் பிடியில் இருக்கும் அத்தனை நாடுகளையும் விடுவிக்கவேண்டும். பிறகு பேர்லினை குறிவைத்து தாக்கவேண்டும். ஜனவரி 12 முதல் பிப்ரவரி 2, 1945 வரை நாசிகளோடு நடத்திய போரின் விளைவாக, போலந்து முழுவதுமாக விடுவிக்கப்பட்டது. போலந்தின் தலைநகர் வார்சாவை நாசிகள் சின்னாபின்னப்படுத்தியிருந்தனர். வரலாற்றுக்கட்டங்களும் தேவாலயங்களும் அரண்மனையும் நாடகமன்றமும் வெடி வைத்து தகர்க்கப்பட்டிருந்தன. நூலகங்களையும் விட்டுவைக்கவில்லை. பல்லாயிரக்கணக்கான நூல் பிரதிகள், பழைய அச்சேடுகள், வரைபடங்கள் ஆகியவை கொளுத்தப்பட்டிருந்தன., ஜேர்மனி ஆக்கிரமிப்பின்போது போலந்தில் மட்டும் 6 மில்லியனுக்கும் அதிகமான மக்கள் இறந்ததாக போருக்கு பின்னரான போலந்து அரசாங்கத்தின் கணிப்பீடு கூறுகிறது. வார்சோ, சோவியத்தால் விடுவிக்கப்பட்டதை அறிந்ததும் சிதறிக்கிடந்த மக்கள் நகரத்தை நோக்கித் திரும்பி வந்தனர், செம்படை வீரர்களின் கைகளைப் பற்றி குலுக்கி தங்கள் மகிழ்ச்சியை பரிமாறிக்கொண்டார்கள். போலந்து ராணுவவீரர்கள் ஆரவாரத்துடன் வரவேற்றனர். போலந்து குடியரசு அரசாங்கம் (Lublin Committe) தோற்றுவிக்கப்பட்டபோது சோவியத் ஆதரவு அளித்தது. ஆனால், பிரிட்டனும் அமெரிக்காவும் ஓடி ஒளிந்து கொண்ட முந்தைய ஆட்சியாளர்களை ஆதரித்தன. போலந்துக்கு பண உதவியும் செய்தது சோவியத். மீட்புப்பணியின் தொடக்கமாக 60,000 டன் ரொட்டியும் ஏராளமான மருந்துகளும் அளிக்கப்பட்டன. தற்காலிக அரசாங்கம் சோவியத்துக்கு அனுப்பிய வாழ்த்து செய்தி இது. « கொடுமைக்கு ஆளாக்கப்பட்டிருந்த எங்கள் தலைநகரமாகிய வார்சோ விடுவிக்கப்பட்டுவிட்டதால் லட்சக்கணக்கான எங்கள் மக்கள் மகிழ்ச்சியில் இருக்கிறார்கள். ஆயிரக்கணக்கான கிராமங்களும் நகரங்களும் உங்களால் விடுவிக்கபட்டுள்ளன. எங்கள் ஆழ்ந்த நன்றியை தெரிவித்துக் கொள்கிறோம்.» ஜனவரி 13 முதல் ஏப்ரல் 25 வரையிலான ராணுவ நடவடிக்கையின் மூலமாக, கிழக்கு ப்ரஷ்யாவிலும் போலந்தின் வடபகுதியிலும் உள ஜேர்மனியத் துருப்புக்கள் முறியடிக்கப்பட்டன. ஏப்ரல் 13 ம் திகதி ஒஸ்ரியாவின் தலைநகரம் வியன்னா விடுவிக்கபட்டது. மார்ச் 10 திகதி செக்கோஸ்லாவாக்கியவுக்குள் காலடி எடுத்து வைத்தது சோவியத். நாசிகள் மீதான தாக்குதல் ஒரு பக்கம். புரனமைப் பணிகள் மற்றொரு பக்கம். சீரழிந்திருந்த மக்களுக்கு உணவுப் பொருட்கள் வழங்கப்பட்டன. இடிந்து கிடந்த பாலங்கள் சீரமைக்க்பட்டன. ஆங்காங்கே நாசிகள் புதைத்து வைத்திருந்த கண்ணிவெடிகள் அகற்றப்பட்டன. தலைநகம் பிராக்கை நோக்கி (Prag) மே 6ம் திகதி முன்னேற ஆரம்பித்தது சோவியத். அப்போது அங்கே உள்நாட்டு கலகம் வெடித்துக்கொண்டிருந்தது. ஜேர்மனிக்கு எதிராக வீதிகளில் மக்கள் திரண்டுகொண்டிருந்தனர். நேச நாடுகளுக்கு அவர்கள் அவசர செய்தியை அனுப்பிக்கொண்டிருந்தனர். ஜேர்மனி பிராக்கை நாலாபுறமும் சுற்றிவளைத்துவிட்டது. எங்களால் சமாளிக்கமுடியவில்லை. நேச நாடுகள் தயவுசெய்து உதவிக்கு வாருங்கள். சோவியத்தின் தலையீட்டால் மே 9ம் திகதி செக்கோஸ்லாவாக்கியா முழுவதுமாக விடுவிக்கப்பட்டது. வீடுகளிலும் கோபுரங்களிலும் அரசாங்க கட்டடங்களிலும் செக்கோஸ்லாவாக்கிய கொடியும் சோவியத் கொடியும் ஒருங்கே பறக்கவிடப்பட்டன. அடுத்து பேர்லின். போலந்து இல்லை. ரூமேனியா இல்லை. ஆகவெ எண்ணெய் வளமும் இல்லை. எரிபொருள் இல்லாதபோது எப்படி விமானம் பறக்கும்? சோவியத், சோவியத் என்று தன் கவனம் முழுவதையும் கிழக்கில் மட்டுமே வெறியுடன் ஹிட்லர் குவித்திருந்தது இமாலய தவறாகப்போனது. விமானங்களையும் வீரர்களையும் ஆயுதங்களையும் தன்னம்பிக்கையையும் சிறிது சிறிதாக இழக்க ஆரம்பித்தது ஜேர்மனி. தோல்வி கொடுக்கும் வலி பெரியது. ஆனால், அதற்காக இப்போது அழுதுகொண்டு உட்கார்ந்திருக்க முடியாது. சோவியத் நெருங்கிவிட்டது. எப்போதும் பேர்லினுக்குள் அவர்கள் நுழையலாம். எப்போது வேண்டுமென்றாலும் ஜேர்மனி சரியலாம். ராணுவத்தினரிடையே இருந்த நம்பிக்கையின்மை குறித்தும் உற்சாகமின்மை குறித்தும் ஹிட்லருக்கு செய்தி வந்தது. தொய்ந்து கிடக்கிறார்கள் வீரர்கள். இத்தனைப் பெரிய தோல்வியை அவர்கள் இதுவரை சந்தித்தது இல்லை. பயப்படுகிறார்கள். அனுதாபம் அல்ல, கோபமே ஏற்பட்டது ஹிட்லருக்கு. அதெப்படி அஞ்சலாம்? எப்படி ஓடி ஓளியலாம்? அவர்கள் நியமிக்கப்பட்டது எதற்காக? தெளிவாகச் சொல்லிவிடுங்கள். சோவியத்தை முறியடித்தே தீரவேண்டும். இருந்த இடத்தை விட்டு நகராமல், பின்வாங்காமல் தொடர்ந்து போரிட வேண்டும. யார் பின்வாங்க துணிந்தாலும் சரி, அவ்வாறு செய்யச் சொல்லி யார் கட்டளையிட்டாலும் சரி, அவர்களை அந்த இடத்திலேயே சுட்டுத்தள்ளுங்கள். இன்னொரு செய்தியும் வந்தது. நம் வீரர்கள் உயிர் பிழைத்தால் போதுமென்று சோவியத்படையினரிடம் சரணடைகிறார்கள். அவமானத்தால் கூனிக்குறுகிப் போனார் ஹிட்லர். சரணடைபவர்களின் குடும்பத்திரனைத் தண்டியுங்கள். நமக்கு அவப்பெயர் வாங்கிக் கொடுப்பவர்களை நாம் நசுக்கியழிக்கவேண்டும். ஹிட்லருக்கு மெல்லிய ஹிஸ்டீரியா உண்டு என்று பலர் குறிப்பிட்டிருக்கிறார்கள். இறுதி காலங்களில் அது இன்னமும் அதிகரித்திருக்கவேண்டும். எரிந்து விழுந்தார். குதித்தபடியே நரம்பு புடைக்கக் கத்தினார். தோல்விச் செய்தி கொண்டு வருபவரிடம் சீறினார். அமைதி ஒப்பந்தம் போட்டுக்கொள்ளலாமா என்று யார் சொன்னாலும் (ஹிட்லருடன் இருந்த பலரும் அப்போது சரணடைவது பற்றி சிந்திக்க ஆரம்பித்திருந்தனர்.) பெருங்குரலெடுத்து கத்த ஆரம்பித்தார். ஹிட்லருக்கு தெரிந்திருக்கக்கூடும். நன்றாகவே தொடங்கினோம். நன்றாகவே முன்னேறினோம். ஆனாலும் இறுதிக் கட்டத்தில் கை நழுவிக்கொண்டிருக்கிறது. ஹிட்லருக்கு தோல்வி பயம். ஆகவே, கடுமையான சட்ட திட்டங்கள் பேர்லினை வலம் வந்தன. முழுமனத்துடன் சோவியத்தை எதிர்க்கவேண்டும். ஒத்துழைக்க மறுப்பவர்களுக்கு மரணதண்டனை. மார்ச் 20ம் திகதி ஹிட்லர் உத்தரவு பிறப்பித்தார். எதிரிகளுக்கு பயன்படக்கூடிய எந்த ஆவணத்தையும் வைத்திருக்கவேண்டாம். அழித்துவிடுங்கள். அப்போதும் ஹிட்லருக்கு தன் மக்கள் குறித்து அக்கறை இருந்ததாக தெரியவில்லை. ஜேர்மனி தோற்றுவிட்டது என்றால் ஜேர்மனியர்கள் தோற்றுவிட்டார்கள் என்று பொருள். தோற்றப்போனவர்கள் எதற்கு உயிர் வாழவேண்டும்? பிரிட்டன், அமெரிக்கா இரு நாடுகளின் மீதும் ஹிட்லருக்குப் பயமில்லை. இன்னும் சொல்லப்போனால் அவர்களுடன் பேச்சுவார்த்தையில் ஈடுபட்டுக்கொண்டிருந்தது ஜேர்மனி. எனவே மே்றகு முனையில் இருந்து பெரும்பாலான படைகளை நகர்த்தி கிழக்கே கொண்டு வந்திருந்தார்கள். சோவியத் மட்டும் தான் பிரச்சனை. பிரிட்டனும் அமெரிக்காவும் இந்த வாய்ப்பை பயன்படுத்திக்கொள்ள அவசரம் காட்டின. சோவியத் பேர்லினை சுற்றிவளைப்பதற்குள் நாம் அதை செய்துவிடவேண்டும். பேர்லினை சோவியத் கைப்ற்றிக் கொள்வது சோவியத்தின் பலத்தை இன்னமும் அதிகரித்துவிடும். மறந்துவிடவேண்டாம். நாஸிசத்தைப் போலவே கம்யூனிசமும் ஆபத்தானது தான். ஏப்ரல் 12ம் திகதி ரூஸ்வெல்ட் இறந்துபோனார். ஹாரி ட்ரூமென் அதிபராக நியமிக்கப்பட்டார். சோவியத் பேர்லினை நெருங்கியிருந்தது. பெலேரஷ்ய மற்றும் உக்கிரேனிய சேனைகள் பேர்லினை சுற்றிவளைக்க வேண்டும். ஜேர்மனிய படைகளை சிறுசிறு பகுதிகளாகப் பிரித்து ஒவ்வொன்றையும் தனித்தனியே தாக்கி அழிக்கவேண்டும். இது முன்பே கோட்டு வைத்திருந்த திட்டம். உயர்மட்ட அளவில் உட்கார்ந்து விவாதித்து இதை வரைந்திருந்தார்கள். இருபத்தைந்து லட்சம் பேர் கொண்ட படை உருவாக்கப்பட்டிருந்தது. மார்டர் பீரங்கிகள் தொகை 42,0000. போர்விமானங்கள் 75,000. டாங்கிகள் 6250. ஏப்ரல் 16, அதிகாலை ஐந்து மணி. இருட்டு விலகியிருக்கவில்லை. சோவியத் தாக்க ஆரம்பித்தது. பீரங்கிப்படையும் விமானப்படையும் தாக்குதலை ஆரம்பித்து வைத்தன. இருபது நிமிடம் கழிந்த பிறகே பொதுத்தாக்குதல் ஆரம்பமானது. அன்றைய தினம் முடிவதற்குள் ஜேர்மனியில் அந்தப் பிராந்தியத்திற்கான தற்காப்பு வளையம் உடைக்கப்ட்டது. அகண்ட ஜேர்மனியை அல்ல. உடையும் ஜேர்மனியைத்தான் கண்டார் ஹிட்லர். நகரங்களில் விரிசல்கள் விழ ஆரம்பித்தது. தோற்றுக்கொண்டிருகிறோம் என்னும் அச்சம் வெறுப்பையும் கோபத்தையும் ஒரு சேர மக்களிடையே உற்பத்தி செய்துகொண்டிருந்தது. இனி என்ன செய்யவேண்டும். இப்போது? ஹிட்லரால் இனி பேரழிவைத் தடுத்து நிறுத்தமுடியாது போலிருக்கிறதே. நொறுங்கத்தான் போகிறோமோ? ஹிட்லர் கட்டிய கனவுக்கோட்டை முற்றுப்பெறுவதற்கு முன்பே சிதறப்போகிதறதா? யார் செய்த தவறு இது? நகரத்தின் மையத்தை நோக்கி முன்னேறியது சோவியத். சீ்ட்டுக்கட்டு சரிவது போல ஒவ்வொரு நகரமாக சரிந்து கொண்டிருந்தது. பகுதி பகுதியாக வீழ்ந்து கொண்டிருந்தது. பேர்லினின் மையத்தில் இருந்த ரிச்ஸ்டாக் கட்டடம் கைப்பற்றப்பட்டது. உச்சியில் பறந்து கொண்டிருந்த ஸ்வஸ்திகா கீழே இறக்கபப்பட்டது. சோவியத் கொடி பறக்க விடப்பட்டது. இந்த வீழ்ச்சியை முன்னரே யூகித்திருந்த ராணுவ அதிகாரிகள் சொத்துக்களை விற்று குடும்பத்தினரை விமானம் ஏற்றி அயல் தேசம் அனுப்பியிருந்தனர். ஹிட்லரிடமும் கேட்டுப்பார்த்தார்கள். ஃப்யூரர், நீங்கள் பாதுகாப்பாக வேறு எங்காவது சென்றுவிடுகிறீர்களா? முடியாது என்றார் ஹிட்லர். வெறியேற விரும்புபவர்களை நான் தடுக்கப்போவதில்லை. பேர்லினில் இருந்த ஈச் சான்சிலரிக்குப் (ஹிட்லரின் அலுவலகம்) பின்னால் இருந்த Fuhrerbunker (தலைவரின் மறைவிடம்) க்கு வந்தார் ஹிட்லர். அங்கே அவருக்கு கிடைத்த கடைசி செய்தி *முஸோலினியின் மரணம். அந்த செய்தியை உள்வாங்கியபடி, தன் மரணத்திற்கான தயாரிப்புகளில் இறங்கினார். ஹிட்லர். நான் திருமணம் செய்துகொள்ளப்போகிறேன். ஏற்பாடு செய்யுங்கள்.கெப்பல்ஸ் என்று ஹிட்லர் உத்தரவிட்டபோது அதிர்ச்சியடையவில்லை கெப்பல்ஸ். இனி அதிர்ச்சியடைவதற்கு எதுவும் இல்லை. *இனி தாக்குபிடிக்க முடியாது என்று ஏப்ரல் 1945 வாக்கில் முசோலினிக்கு தெரிந்துவிட்டது. சுவிற்சர்லாந்திற்கு சென்று அங்கிருந்து ஸ்பெயினுக்குத் தப்பிச்சென்றுவிடலாம் என்று திட்டமிட்டார். வழியில் இத்தாலிய எதிர்ப்பு இயக்கத்தினர் முசோலினியையும் அவர் மனைவியையும் கைது செய்தனர். ஏப்ரல்28,1945 அன்று இருவரும் கொல்லப்பட்டனர். அவர்களது உடல்கள் மிலனுக்கு கொண்டு செல்லப்பட்டு தலைகீழாக தொங்கவிடப்பட்டன. அந்தரங்க செயலாளரான மார்ட்டின் பர்மன்(Martin Bormann) இருவர் மட்டுமே அந்த ரகசிய அறையில் இருந்தனர். ஏப்ரல் 30ம் திகதி, ஈவா சைனயிற் எடுத்துக்கொண்டார். ஹிட்லர் தன்னை தானே சுட்டுக்கொண்டார். பத்து தினங்களுக்கு முன்பு தான் ஹிட்லர் தனது ஐம்பத்தாறாவது பிறந்த நாளை கழித்திருந்தார். ஜேர்மனியின் சான்சிலராக ஹிட்லர் பதவியேற்று பன்னிரண்டு ஆண்டுகள், மூன்று மாதங்கள் கழிந்திருந்தன. இரண்டு சடலங்களையும் பங்கருக்கு வெளியே கொண்டு வந்து எரித்தார்கள். மே 2ம் திகதி Wehmacht கொமாண்டர்,Wolfgang Leonhard பேர்லினில் சரணடைந்தார். வீரர்களும் மக்களும் அமைதியை குறிக்கும் வெள்ளை நிற துணிகளை அசைத்துக் கொண்டிருந்தனர். சிலர் தங்கள் புஜங்களில் அதைக் கட்டியிருந்தனர். பலர் சிவப்பு நிற பட்டைகளை அணிந்து கொண்டனர். இரண்டு கொடிகளையும் செம்படை வீரர்களிடம் அசைத்துக் காட்டினார்கள். பெரும்பாலான செங்கொடிகளின் பின்புறம் நாசிக்கட்சியின் ஸ்வஸ்திக் சின்னம் இருந்தது. ஸ்வஸ்திக்கைக் கிழித்து அவசரத்தில் உருவாக்கப்பட்ட கொடிகள் அவை. ஹிட்லரின் சீடரான Grand- Admiral Karl Donitz என்பவர் தன் தலைவரின் மரணத்தை முறைப்படி அறிவித்தார். «நம் ஃப்யூரர் அடோல்வ் ஹிட்லர் வீ்ழ்ந்துவிட்டார். அவருக்காக ஜேர்மனிய மக்கள் தலை சாய்த்து தங்கள் வருத்தத்தை தெரிவித்துக் கொள்கிறார்கள்.» தற்கொலை செய்து கொண்டார் என்று சொல்வது ஃப்யூரரின் பெயருக்கு களங்கம் ஏற்படுத்தும் என்று நினைத்ததால் மரணத்தின் காரணத்தை அறிவிக்கவில்லை. ஹிட்லரின் வலது கரமான ஹைன்ரிஹ் ஹிம்லர் (Heinrich Himmler) , பிரிட்டனுடன் பேச்சுவார்தையில் ஈடுபட்டுக்கொண்டிருந்தார். மே 1ம் திகதி கோயபல்ஸ் தன் குடும்பத்தினருடன் தற்கொலை செய்து கொண்டார். 1945, மே 8ம் திகதி ஜேர்மனி சோவியத்திடம் முழுமையாக சரணடைந்தது.
  3. தனது இனவெறுப்பு பிரச்சாரத்தால் ஜேர்மனியை நாசிஜேர்மனியாக கருக்கொள்ள வைத்த வரலாற்றை மருதன் எழுதிய இரண்டாம் உலகப்போர் என்ற நூல் பதிவு செய்துள்ளது. அந்த புத்தகதில் இருந்து சில பக்கங்களை இங்கு இணைத்துள்ளேன். அன்றைய உலக மக்கள் தொகையில் 3 வீதத்தை பலிகொண்ட அதாவது ஏறத்தாள 85 மில்லியன் மக்களை பலிகொண்ட இரண்டாம் உலக யுத்தத்தின் ஆரம்பப்புள்ளியின் ஒரு சில பக்கங்களை இப்பதிவு கூறுகிறது. முதல் உலகப்போர் முற்றுப்பெற்ற 1918 ம் ஆண்டு தொடங்கி 1921 வரையான காலகட்டத்தை உடன்படிக்கைக் காலகட்டம் என்று அழைக்க முடியும். ஜேர்மனி மட்டுமல்ல தோற்றுப்போன அத்தனை தேசங்களுடனும் தனித்தனியே ஒப்பந்தங்கள் போட்டுக்கொள்ளபட்டன. · செப்ரெம்பர் 10, 1919 ல் Treaty of Trianon – ஹங்கேரியுடன். · ஜூன் 4 27, 1920 ல் Treaty of Neuilly – பல்கேரியாவடன் · ஆகஸ்ட் 10 1927ல் Treaty of Sévres. துருக்கியுடன் கெய்சல் வில்லியம்ஸ் கிளம்பி போய்விட்டதால், ஜேர்மனியில் மன்னராட்சி முடிவுக்கு வந்து ஜனநாயகம் வந்து சேர்ந்தது. ஹிட்லர் விரக்தியின் உச்சியில் இருந்தார். ஜேர்மனியில் மட்டும் மொத்தம் இருபது லட்சம் பேர் இந்த போரில் உயிரிழந்திருந்தனர். இருபது லட்சம் பேரை இழந்தும் கிடைத்தது என்ன? தோல்வி, அவமானம் , நெஞ்சைப்பிளக்கும் வேதனை. பிஸ்மார்க்கின் கனவு இதோ சிதைந்து கிடக்கிறது. சிங்கம் போல் கர்ஜிக்காமல், பின்னிரண்டு கால்களுக்கு இடையில் வாலைச் சாதுவாக சுருண்டு கிடக்கிறது ஜேர்மனி. ஹிட்லர் தனது வாழ் நாளில் வேறு எதற்கும் இத்தனை கலங்கி நின்றதில்லை. இனி ஜேர்மனி எழுந்திருக்க வாய்ப்பே இல்லை என்று தெரு முனையில் மக்கள் பேசிக்கொண்ட போது அவமானத்தால் குறுகிப்போனார். சிவந்த கண்களுடனும் மார்பு முழுவதும் வன்மத்துடனும் சுற்றி வந்தார். இவர்களைப் பழிவாங்க வேண்டும். ஒருவர் பாக்கியில்லாமல் அனைவரையும். ஹிட்லரின் ரத்தத்தை இரும்பு குழம்பாக மாற்றியது ஜேர்மனி மீது வீசப்பட்ட குற்றச்சாட்டு. எல்லாவற்றிற்கும் காரணம் ஜேர்மனி தான். இந்த போர் மூண்டதற்கு காரணம் ஜேர்மனியின் பேராசை. இப்படியே விட்டால் ஐரோப்பவின் எதிர் காலத்தை பாதிக்கும் என்பதால் நாம் செய்த தியாகம் அது. எங்களில் பல லட்சக்கணக்கானவர்கள் உயிரழந்திருக்கிறார்கள். பற்பல லட்சம் செலவாகி விட்டது. எங்கள் தேசத்தின் பொருளாதாரம் சரிய ஆரம்பித்து விட்டது. காரணம், ஜேர்மனி. ஆகவே, ஜேர்மனி எங்களுக்கு நஷ்ட ஈடு தரவேண்டும். கொதித்துப் கத்தினார் ஹிட்லர். நீங்கள் மட்டும் உத்தமர்களா? ஜேர்மனி நடத்தியது மட்டும் தான் ஆதிக்க போர் என்றால் நீங்கள் நடத்தியது தேசபக்திப்போரா? தோற்றுவிட்டது என்ற ஒரே காரணத்திற்காக, இப்படியா அடாவடி செய்வது? நீங்கள் கேட்கும் பெரும் பணத்திற்கு ஜேர்மனி என்ன செய்யும்? உங்களுக்கு ஈவிரக்கமே கிடையாதா? நீங்களும் மனிதர்களா? கமயூனிஸ்டுகளையும் யூதர்களையும் ஹிட்லரால் மறக்க முடியவில்லை. மன்னிக்கவும் முடியவில்லை. ஹிட்லரால் தெளிவான ஒரு முடிவுக்கு வர முடிந்தது. மன்னர்கள் கம்யூனிஸ்டுகளிடம் பரிவாக இருந்தது தவறு. கம்யூனிச சித்தாந்தத்தை தேசம் முழுவதும் பரவ விட்டது தவறு. யூதர்கள் பிசாசுகள் என்பதைப் புரிந்து கொள்ளாமல் விட்டது மாபெரும் தவறு. ராணுவத்தில் தொடர்ந்து பணியாற்றினார் ஹிட்லர். இது நிரந்தரமல்ல என்று உள்மனம் சொன்னது. கனவு ஒன்று உருவாக ஆரம்பித்தது. அதிகாரம் மட்டும் கையில் இருந்தால் தவறுகள் அனைத்தையும் சரி செய்துவிடமுடியும் அல்லவா? தூய ஜேர்மனியை மீட்டெடுக்கு முடியுமல்லவா? பிஸ்மார்க்கின் கனவை மெய்ப்பிக்க முடியும் அல்லவா? கனவு தான். இருக்கட்டுமே. தோல்வி, தோல்வி என்று இடிந்து கிடப்பதை விட இது எவ்வளவோ மேல் . தன் கனவை வெளியில் சொல்ல பயந்தார் ஹிட்லர். இப்போதைக்கு இது என்னிடம் மட்டும் இருக்கட்டும். சமயம் வாய்க்கட்டும். தொடங்கலாம். ஒரு ஆட்டம் ஆடப் பார்த்து விடலாம். இது தகுந்த தருணம் அல்ல. பொறு மனமே பொறு. ஐரோப்பா கலைந்து கிடந்ததுழ இத்தாலியில் பெனிட்டோ முசோலினி 1922 ல் ஆட்சியைக் கைப்பற்றினார். புதிய ரோமானிய சாம்ராஜ்யத்தை இங்கே உருவாக்க போகிறேன. இத்தாலியர்களே என் பின்னால் வாருங்கள் என்று அறைகூவல் விடுத்திருந்தார். இராணுவத்தை விட்டு கழண்டு கொண்டு விடலாம் என்று ஹிட்லர் நினைத்து கொண்டிருந்த போது அவர் வேலையை மாற்றினார். ராணுவ வீர்ர்களுக்கு அரசியல் கற்றுக் கொடுக்கும் வேலை. அதுவரை வீர்ர்கள் அரசியல் அறிந்திருக்கவில்லை. மன்னர் அவர்தான் பரம்பொருள். அவர் மூலமாக வரும் உத்தரவுகளை பிசகில்லாமல் செய்து முடிக்கவேண்டியது மட்டுமே அவர்களுகு இடப்பட்டிருந்த பணி. அதை மட்டுமே சீராக செய்து முடித்தால் போதுமானது. இனி மன்னர் இல்லை. நிலவரம் மாறிக்கொண்டு இருக்கிறது. ஜேர்மனி பழையை புஷ்டியான தேசமாக இல்லை. இருக்கும் கொஞ்ச நஞ்ச ராணுவமும் ஒழுங்காக இருக்க வேண்டும். அரசியல் கற்க வேண்டிது அவசியம். துப்பாக்கிப் பயிற்சி போல இதுவும் ஒரு பயிற்சி. ஹிட்லரை அந்த பணிக்கு எப்படித் தேர்ந்தெடுத்தார்கள் என்று தெரியவில்லை. விஷய ஞானம் உள்ளவர், புத்தகங்கள் படிப்பவர், உலக விடயங்கள் பலவற்றைப் பற்றி அவர் வீர தீரமாக உரையாற்றியதை நண்பர்கள் பார்திருக்கிறார்கள். எல்லாம் சேர்ந்து அவருக்கு ஒரு அறிவுஜீவி என்ற அடையாளத்தை பெறுத்தந்திருக்க வேண்டும். இனவெறிப் பிரச்சார ஆரம்பம். ஹிட்லர் பணியை ஏற்றுக்ககொண்டார். அரசியல் தானே? நானும் அதற்காகத் தான் காத்துக் கொண்டிருந்தேன். ஹிட்லர் பேச ஆரம்பித்தார். தனக்கு தெரிந்த அரசியலை, தனக்கு தெரிந்த இன வெறுப்பை, தனக்கு தெரிந்த லட்சியத்தை, பிஸ்மார்க்கின் கனவை ஆர்வம் பொங்க விவரித்தார். ஜேர்மனி எப்படிப்பட்ட தேசம் தெரியுமா என்று ஆரம்பித்து தேசத்தின் அருமை பெருமைகளை அடுக்கினார். தேசபக்தி என்றால் என்ன தெரியுமா நண்பர்களே என்று கதைப்பிரசங்கம் செய்தார். கம்மியூனிஸ்டுக்களையும் யூதர்களையும் நான் ஏன் வெறுக்கிறேன் தெரியுமா? புள்ளிவிவரங்களோடு விவரித்தார். பேசும் போதே சீறினார், பாய்ந்தார், குதித்தார், எம்பினார், முகத்தை கோணலாக்கி பேயாக கத்தினார். சட்டென்று பணிந்து புன்னகை செய்தார். சிலருக்கு சிரிப்பு வந்தாலும் பெரும்பாலானோரை ஹிட்லர் வசியப்படுத்தியது நிஜம். அவர் பேசுவதையும் ரசிக்க ஆரம்பித்தார்கள். பேச்சின் சாரத்தையும் சிறிது சிறிதாக உள்வாங்கிக்கொண்டார்கள். ஹிட்லருக்கு ஏக்கமான இருந்தது. எப்படியாவது பவேரிய மாநில அரசாங்கத்தை கைப்பற்றவேண்டும். அரசாங்கத்தை வீழ்த்த முடியந்தால் நன்றாக இருக்கும். இந்த அரசாங்கத்திற்கு விசாலமாக கனவு காணும் ஆற்றல் இல்லை. நிர்வாக திறன் இல்லை. உபயோகபடாத அரசாங்கத்தை வைத்துக்கொண்டிருப்பது ஆபத்தானது. அவமானகராமானது. தன்னைப்போலவே சிந்ததிக்கும் வேறு சில புரட்சியாளர்களும்( ஆம் தன்னை அப்படித்தான் நினைத்துக் கொண்டார் ஹிட்லர்) பவேரிய மாநிலத்தில் இயங்கிக் கொண்டிருப்பதை ஹிட்லர் அறிந்து கொண்டார். அவர்களுக்கும் ஹிட்லரை தெரிந்திருந்தது. ஹிட்லருடன் பேசி ஒரு முடிவுக்கு வந்தார்கள். புதிய அரசங்கத்தை நிர்மாணிக்கலாம். அதற்கு முன்னால் கட்சி ஒன்றைத் தொடங்கிவிடுவோம். கட்சி இல்லாமல் அரசியல் நடத்த முடியாது. புரட்சி நடத்த முடியாது. நம்மிடையே வலுவான அரசியல் சித்தாந்தம் இருந்த்தாலும், ஆட்சிக் கவிழ்ப்புக்கு ஆயுதங்கள் தேவே. எனவே ராணுவம் தேவை. அரசியலில் இணைவு சிந்தித்து பார்த்தார் ஹிட்லர். புதுக்கட்சி தேவையில்லை என்று தோன்றியது. இருக்கும் சுண்டைக்காய்க் கட்சிகளுள் ஒன்றை நம் வசமாக்குவ்வோம். ஆராய்ந்து பார்த்து அவர்கள் தேர்ந்தெடுத்தது ஜேர்மன் தொழிலளர் கட்சியை (German Worker`s Party) ஐம்பத்து ஐந்தாவது உறுப்பினராக ஹிட்லர் தன் பெயரைப் பதிவு செய்து கொண்டார். பிறகு, ராணுவத்தை தொடர்பு கொள்ள வேண்டும். நமது சித்தாந்தத்திற்குள் அவர்களை இழுக்கவேண்டும். நம் வசப்படுத்த வேண்டும். கட்சியின் நிறுவனர் ஆல்டல் டிரெக்ஸ்லரின் (Anton Drexler) சித்தாந்தத்தை கேள்விப்பட்ட ஹிட்லர் ஆச்சரியம் அடைந்தார். யூதர்களை அழிக்க வேண்டும். பரந்து விரிந்த தூயஜேர்மனியப் பேரரசை நிர்மானிக்க வேண்டும். உலகின் சிறந்த குடிமகன்களாக ஜேர்மனியர் இருக்க வேண்டும். அதுவும் தூய ஜேர்மனியரே இந்த நாட்டை ஆளவேண்டும். டியெற்றிஹ் எக்காட் (Dietrich Eckart) என்பவரின் சிநேகிதமும் கிடைத்தது. விஷய ஞானம் கொண்டவர், சிந்தனாவாதி என்று அறியப்படவர். ஹிட்லர் அவரிடம் இருந்து கற்க ஆரம்பித்தார். தான் சிந்திக்கும் முறை சரிதானா என்று அவ்வப்போது உரையாடி சரிபார்த்துக் கொண்டார். ஹிட்லர், நீ உரைகள் பல நிகழ்த்தியிருக்கிறாயாம, நம் கட்சியின் சார்பாகவும் பேசு. பொது மக்களை கட்இசக்குள் சேர்க்க உனது உதவி தேவை. தலையைத் தாழ்த்தி ஏற்றுக்கொண்டார் ஹிட்லர். அவர்கள் யூகித்தது சரியாகவே இருந்தது. ஒரு பகுதியினரிடையே ஹிட்லர் அறியப்பட்டிருந்ததால், கூட்டம் வந்தது. ஹிட்லருக்கு தெரியும். உயிரைக் கொடுத்து பேசினார். உணர்ச்சிக் கடலில் தத்தளித்தார். இமைக்கவும் மறந்து கேட்டுக்கொண்டு நின்றார்கள். பிற்காலத்தில் ஆயிரக்கணக்கில், லட்சக்கணக்கில் மக்களை ஈர்க்க தன் வாழ்நாள் முழுவதும் ஹிட்லர் திரும்ப திரும்ப பயன்படுத்திய உத்தி அது. வெறும் பேச்சு. தொடர்ந்து இரண்டு, மூன்று மணி நேரங்கள் ஒரு வாய் தண்ணி கூடப் பருகாமால் உரையாட முடிந்தது அவரால். ஹிட்லர் தனக்கான இடத்தை கட்சிக்குள் அழுத்தமாக அமைத்துக் கொண்டார். யாராலும் அசைக்க முடியாத ஒரு அடித்தளத்தையும் சத்தம் போடாமல் உருவாக்கிக் கொண்டார். ஹிட்லரைப் போல இன்னொரு துடிப்பான ஆளுமை கட்சிக்குள் இல்லாதது அவருக்கு வசதியாகிப் போனது. ராணுவத்தில் இருந்து முறைப்படி விலகிக் கொண்டார். இனி எதற்கு அங்கே வகுப்புகளை எடுத்து நேரத்தை விரயமாக்க வேண்டும். ஹிட்லரின் வளர்ச்சி கட்சி வட்டத்திற்குள் புகைச்சலைக் கிளப்பியது. அவரால் தான் கட்சி வளர்ந்திருந்தது. செல்வாக்கு உருவாகியிருந்தது. நிதி சேர்ந்தது. ஆனால் கட்சியின் மூத்த உறுப்பினர்களால் அதைப் பொறுத்துக் கொள்ள முடியவில்லை. மூத்தவர்கள் நாம் எத்தனை ஆண்டுகளாக்க் கொடிபிடித்துப் போராடி இருப்போம். தலைமைக்கு கட்டுப்பட்டு எத்தனை சிரமங்களை அனுபவித்திருப்போம். நேற்று வந்த ஹிட்லரைத் தூக்கி வைத்து கொண்டுடாடுகிறார்களே. ஒரு காரியம் செய்தார்கள். ஹிட்லரை மட்டுப்படுத்த வேண்டுமானால் மேலும் பல புதிய தலைவர்களை உள்ளுக்குள் கொண்டு வரவேண்டும். ஹிட்லருக்கு போட்டி உருவாக்க வேண்டும். நம்மால் அதைச் செய்ய முடியாது. ஆகவே தேவை கட்சி இணைப்பு. ஆகஸ்பர்க் பகுதியில் இயங்கிக்கொண்டிருந்த ஒரு சோஷலிசக் கட்சியுடன் பேசினார்கள். தொழிலாளர் கட்சியுடன் இணைய அவர்கள் ஒப்புக்கொண்டார்கள். அடுத்து Anton Drexler உடன் பேசினார்கள். அவருக்கும் இதில் தனை இருக்கவில்லை. ஹிட்லருக்கு தெரியவந்த போது அவர் அமைதியாக இருந்தார். இணைப்பு எங்கே எப்போது அறிவிக்கப்படபோகிறது என்பதை மாத்திரம் கேட்டுக்கொண்டார். ம்யூனிக் தலைமயகத்தில் நடப்பதாக இருந்தது. சென்றரார் மிஸ்ரர் டிரெ்ஸ்லர் நான் கேள்விப்பட்டது உண்மையா? இன்னொரு பொடிக் கட்சியோடு இணையப்போகிறோமா?ஆம் என்றார் டிரெக்ஸ்லர். நல்லது உங்கள் கட்சி நீடூழி வாழட்டும். என்னது உங்கள் கட்சியா? என்னப்பா சொல்லுறாய்? ஹிட்லர் தெளிவாக அறிவித்தார். இனி எனக்கு இங்கு இடமில்லை டிரெக்ஸ்லர். புதிய கட்சிகளுடன் புதிய தலைவர்களும் கிடைப்பார்கள். அவர்களை வைத்து கட்சியை முனுக்கு கொண்டு வாருங்கள். டிரெக்ஸ்லர் கலங்கி விட்டார். நீ இல்லாத கட்சியா? வேண்டாம். வா நீ எது கேட்டாலும் தருகிறேன். ஹி்ட்லர் திரும்பினார். நின்று நிதானமாக கேட்டார். கட்சியின் சேர்மனாக என்னை நியமித்தால் மட்டுமே நான் கட்சியில் நீடிப்பேன். இதோ இந்த இடத்தில் அறிவிக்க வேண்டும். சொல்லிவிட்டு நின்றார். டிரெக்ஸ்லர் யோசிக்கவேயில்லை. சரி நீயே ஏற்று நடத்து ஹிட்லர். உன் அளவுக்கு தெம்பும் திறனும் எனக்கில்லை. எங்களில் யாருக்கும் இல்லை. நான் இப்போதே விலகிக்கொள்ளுகிறேன். ஹிட்லர் தன் மீசையைத் தடவிக்கொண்டார். முதல் காரியமாக கட்சிப் பெயரை மாற்றினார். ஜேர்மன் தொழிலாளர் கட்சி அல்ல. தேசிய சோசலிஷ ஜேர்மன் தொழிலாளர் கட்சி அதாவது நாசி. National Socialist German Workers Party Die Nationalsozialistische Deutsche Arbeiterpartei ( Nazi) என் கட்சி நான் சூட்டிய பெயர். எனக்கு கட்டுப்பட்டு தலையாட்டும் ஒரு கூட்டம். ஹிட்லர் வாழ்க என்று சொல்ல சொன்னால் அப்படியே திரும்ப திரும்ப சொல்லிக்கொண்டிருக்க ஒரு திருத்தொண்டர்குழு. சர்வாதிகாரம், அடுத்த பாய்ச்சல் எதை நோக்கியது என்பதை ஹிட்லர் மனத்தளவில் முடிவு செய்திருந்தார். பவேரியா மாநிலத்தைக்கைப்பற்ற வேண்டும். அது ஆனபின்னர் ஜேர்மனி. அது போதும். நான் நினைக்கும் வேகத்தில் காரியங்கள் நடந்து முடிந்து விட்டால் என் தேசம் தான் உலகம் முழுவதற்குமான ஆசான், உலகத்தலைவன். சிறிது காலம் தான் என்றாலும் பவேரிய ரெஜிமென்டில் பணிபுரிந்த காலத்தில் அங்கே பல நண்பர்களை ஹிட்லர் பெற்றிருந்தார். நண்பர்கள் என்பதை விட ரசிகர்கள் என்று சொல்வது பொருத்தமாக இருக்கும். ஹிட்லர் என்ன பேசப்போகிறார் என்று வாய்திறந்து வேடிக்கை பார்க்கும் கூட்டம் அது. அதே போல், காவல்துறையிலும் நீதித் துறையிலும் கூட சிலரை ஹிட்லர் தெரிந்து வைத்திருந்தார். ஆனால் எல்லோரையும் விட ஹிட்லர் அதிகம் நம்பியது தன்னை மட்டும் தான். இதுதான் சரியான தருணம். பவேரியா முழுவதும் பல்வேறு குழுக்கள் புரட்சி பற்றி விவாதித்துக்கொண்டிருந்தன. அரசாங்கத்தைத் தூக்கியடித்து புதிய ஆட்சியை நிர்மாணிப்போம் என்று மைக் பிடித்து பீர் ஹால்களில் (அங்கே பொதுக்கூட்டங்கள் பொதுவாக பீர் ஹால்களில் தான் நடக்கும். மக்கள் பெருமளவில் அங்கு கூடுவார்கள் என்பதால் அந்த ஏற்பாடு) பேசிக்கொண்டு இருந்தார்கள். பவேரியாவின் பிரதமராக இருந்த எய்கூர் ரீட்டர் வொன் நில்லிங்(Eugur Ritter von Knilling) என்பவர் மீது அத்தனை பேருக்கும் அவ்வளவு நம்பிக்கை. சாதுவான நபர். தொட்டால் சாய்ந்து விடுவார். யார் முந்துகிறார்களோ அவர்களுக்கே அரசாங்கம். ஒரு கட்டத்தில், போராட்டம் வன்முறை வடிவம் எடுத்தது. கடைகள் சூறையடப்பட்டன. கொலைகளும் விழுந்தன. அவசரநிலைப்பிரகடம் செய்யப்பட்டது. மூவர் கொண்ட ஆட்சிக்குழு உருவாக்கப்பட்டது. தலைமைபொறுப்பு குஸ்தாவ ரிட்டர் கார் (Gustav Ritter von kahr) என்ற மாநில நிர்வாக கமிஷனரிடம் அளிக்கப்பட்டது. அதிகாரத்தை கைப்பற்றும் முதல் முயற்சி தோல்வி என்ன செய்யலாம் லுடண்டொர்ஃப் என்றார் ஹிட்லர். எரிக் லுடன்டொஃவ் (Erich Ludendorff) கட்சியில் ஹிட்லருக்கு அடுத்தவர். முன்னாள் ராணுவ அதிகாரி. ஆலோசகர். கர்ரிடம் பேசிப்பார்கலாம் என்று முடிவு செய்தார்கள். தொடர்பு ஏற்பட லுடன்டாஃவ் உதவினார். இருவரும் பேசினார்கள். ஹிட்லரின் கோரிக்கை தெளிவாக இருந்தது. கர், எனக்கு உதவி செய்யுங்கள். நான் ஜேர்மன் ஆட்சிபீடத்தை விரைவில் கைப்ற்ற போகிறேன். புரட்சி ஒன்றை நடத்தப்போகிறேன். என்னைபற்றி நீங்கள் கேள்விப்பட்டிருப்பீர்கள். நான் சொல்வதை செய்து முடிக்க பல லட்சக்கணக்காக இளைஞர்கள் இருக்கிறார்கள். நீங்களும் என்னுடன் இணைந்தால் உபயோகமாக இருக்கும். கர் உடன்பட்டார்.ஹிட்லர் ஜேர்னியை ஆளட்டும். எனக்கு பவேரியா போதும். சொல்லிவிட்டாரே தவிர மேற்கொண்டு எந்த வித ஒத்துளைப்பும் அவரிடம் இருந்து வெளிவரவில்லை. நவம்பர் 8,1923 அன்று கர் முனிச்சில் இருந்த ஒரு பீர் ஹாலில் உரையாடிக்கொண்டு இருந்த போது, ஹட்லர் கதவை உதைத்து திறந்து உள்ளே நுழைந்தார். இடைஞ்சலுக்கு மன்னிக்கவும். லுடன்டொர்ஃபுடன் இணைந்து ஒரு புதிய பவேரிய அரசாங்கத்தை ஏற்படுத்தியாகிவிட்டது. அடுத்து பேர்லின். நீங்களும் உங்கள் வசம் இருக்கும் ராணுவமும் என்னுடன் ஒத்துழைக்க வேண்டும். இதை சொல்லும் போது ஹிட்லரின் கையில் துப்பாக்கி இருந்தது. நகரம் முழுவதையும் வசப்படுத்தும் பணியை ஹிட்லரின் படை மேற்கொண்டிருந்தது. முக்கிய அரசாங்க அலுவலங்கள் கைப்பற்றப்பட்டன. சில கைதுகள. எதிர்பாராவிதமாக ஒரு கொலை. தொடர்ந்து முன்னேறி ராணுவக அமைச்சகத்தைக் கைப்பற்ற வேண்டும் என்று திட்டம். ஆனால் அதற்குள் பவேரிய இராணுவத்தினர் குவிந்துவிட்டனர். நாசிகளை நோக்கி துப்பாக்கிச்சூடும் ஆரம்பித்து விட்டது. ஹிட்லர் கைது செயப்படுகிறார். ஐந்து ஆண்டு சிறைக்காவல். சறுக்கல் தான. ஆனால் அதுபற்றி கவலைப்பட்டுக் கொண்டிருக்காமல் சிறையில் இருந்தபடியே ‘’மையின் காம்ஃப்’’ (Mein Kampf) புத்தகத்தை எழுத ஆரம்பித்தார் ஹிட்லர். சிறையில் இருந்து வெளிவந்ததும், அதுவரை உறக்கத்தில் இருந்த நாஜிக்கட்சியை தட்டி எழுப்பினார். ஜேர்மனியின் அவல நிலை குறித்து பிரச்சாரம் செய்தார். வெர்ஸைல்ஸ் ஒப்பந்தத்தால் ஜேர்மனி அனுபவித்துக் கொண்டிருக்கும் இன்னல்களைப் பட்டிலிட்டார். ஆயிரக்கணக்கில் மக்கள் அவரை நாடி வந்தனர். இவர் சொல்வதில் ஏதோ விஷயம் இருக்கிறது என்று ஆர்வம் காட்ட ஆரம்பித்தனர். 1928 மே 20ம் திகதி நடைபெற்ற தேர்தலில், நாசிக் கட்சிக்கு எட்டு லட்சம் சொச்சம் வாக்குகளே கிடைத்தன. பெரிதாக மகிழ்ச்சியடைய ஒன்றுமில்லை என்றாலும் மேலும் இனவெறி பிரச்சாரத்தை இளைஞர்களை கவரக்கூடிய முறையில் செய்வதன் மூலம் வாக்கு வீத்த்தை அதிகரிக்கலாம் என்று ஹிட்லர் நம்பினார். மாற்றத்தை ஏற்படுத்த வேண்டும் என்ற துடிப்புள்ள அதேவேளை அதிகம் சிந்திக்காத தான் சொல்வதை வேதவாக்காக நம்பும் இளைஞர் பட்டாளமே தனது சொத்து என்றும் அவர்களுக்கு இன வெறுப்பு பிரச்சாரத்தை ஏற்படுத்துவதன் மூலம் தனது கனவை அடையலாம் என்று நம்பினார். அவரது நம்பிகை பொய்க்கவில்லை. அதிகார ஆசையின் அடுத்த முயற்சி 1929 ல்ஐரோப்பா முழுவதையும் அச்சுறுத்திய பொருளாதாரச் சரிவு ஜேர்மனியை விட்டு வைக்கவில்லை. அதிபர் ஹிண்டர்பர்குகு எதிரான அலை வீச ஆரம்பித்தது. ஒரு பக்கம் கம்யூனிஸ்ட்டுகளின் போராட்டம்,மற்றொரு பக்கம் விலைவாசிப் பாதிப்பால் வீதிக்கு வந்த மக்கள் எழுச்சி. விளைவு, பாராளுமன்றம் கலைக்கபட்டது. ஏப்ரல் 1932 ல் நடைபெற்ற அதிபர் தேர்தலில் ஹிண்டன்பர்குக்குஎதிராக தேர்தலில் நின்றார் ஹிட்லர். மிக்க் கடுமையான பிரச்சாரத்தை மேற்கொண்டா் ஹிட்லர். ஜேர்மனியை தன்னைத்தவிர வேறு எவராலும் மீட்டெடுக்க முடியாது என்பதை அழுத்தமாக பதிய வைத்தார். ஹிட்லர், ஜேர்மனி. ஜேர்மனி, ஹிடலர். திரும்ப திரும்ப நாசிகட்சி மேற்கொண்ட பிரச்சாரம் ஹிட்லர் தான் ஜேர்மனி என்ற தோற்றத்தை மக்களிடையே எழுப்ப முயன்றது. நம் பொருளாதாரம் ஏன் இந்த அளவுக்கு வலுவிழந்து கிடக்கிறது? அமெரிக்காவிடம் இருந்து (அதன் முதலாளிகளிடம் இருந்து) ஏழு பில்லியன் டாலர் கடன் பெற்றிருக்கிறது ஜேர்மனி. என்ன அவசியம்? தூய ஜேர்மனியரிடம் இல்லாத வளங்களா? ஜேர்மனியரிடம் இல்லாத நிர்வாத திறமையா? இவ்வாறான தூய ஜேர்மனியன் என்ற உசுப்பேற்றல்கள் இளைஞர் பட்டாளத்தையும் நடுத்தர பாமர மக்களையும் நன்றாகவே கவர்ந்தது. ஹிட்லர் அடிக்கடி சோசலிசம் என்னும் பதத்தைப்பயன் படுத்தினார். பொருளாதாரம் குறித்தும் ஜேர்மனியின் எதிர்காலம் குறித்தும், ஐரோப்பிய வல்லரசுகளைச் சாராமல் இருக்கும் தற்சார்பு பொருளாதாரம் குறித்தும் திரும்ப திரும்ப பேசினார். முதல்முதலாக விமானத்தை பிரச்சாரத்திற்காக பயன் படுத்தினார். ஒரே நாளில் இரு நகரங்களில் அவரால் உரையாட முடிந்ததை அதிசயமாக பேசிக்கொண்டனர் மக்கள். மதியம் வரை எங்களிடம் தானே இருந்தாரே! அங்கேயும் வந்தாரா ஹிட்லர்? மிக்க் கடுமையான பிரசாரத்தின் பயனான அந்த தேர்தலில் ஹிட்லருக்கு முப்பதைந்து சதவீத வாக்குகள் கிடைத்தன. தோல்விதான் என்றாலும் ஹிட்லர் யார் என்பதை அடையாளம் காட்டிய தேர்தல் அது. தேர்தல் முடிந்து கண்மூடி கண் திறப்பதற்குள் மீண்டும் பிரச்சனை. மீண்டும் சலசலப்புக்கள், விவாதங்கள், அதிருப்தி அலை. நடந்து கொண்டிருந்தது கூட்டணி அரசாக இருந்ததால், அனைத்து கட்சியினரையும் திருப்திப்படுத்த வேண்டிய நிலை. Franz von Papen என்பவரை சான்சிலராக கொண்டு வந்த்தார் ஹிண்டரபர்க். அவருக்கு பெரிய ஆதரவு வட்டம் இல்லை. மீண்டும் குழப்பம். என்ன செய்யலாம்? மீண்டும் தேர்தல். அதே 1932 ல் ஆனால் ஜுன் மாதம். இந்த முறை நாஜிகள் 2330 இடங்களை கைப்பற்றியிருந்தனர். நாடாளுமன்றத்தில் பெரிய கட்சி என்ற அங்கீகாரம். துணை சான்சிலர் பதவி அளிக்கிறோம் என்றார் சான்சிலர் பாபென். ஹிட்லர் ஒரு புன்னகையுடன் மறுத்தார். வேண்டாம் எனக்கு சான்சிலர் பதவி போதும். என்ன சான்சிலர் பதவியா என்று அதிர்ந்து பின்வாங்கினார் பாபென். அடுத்ததாக ஹிட்லர் செய்தது, பாபெனுக்கு எதிராக நம்பிக்கையில்லா தீர்மானத்தை கொண்டு வந்தது தான். மிகப்பெரிய கட்சியாக நாசி இருந்ததாலும், மிகப் பிரபலமான தலைவராக ஹிட்லர் இருந்ததாலும் அவருக்குப் பின்னால் அமைச்சர்கள் அணிவகுக்க ஆரம்பித்திருந்தனர். பாபென் தோற்றார். மீண்டும் தேர்தல். மீண்டும் ஹிட்லர். முன்பைக்காட்டிலும் கூடுதல் பலத்துடன். ஹிண்டன்பர்குக்கு அப்போதும் ஹிட்லரை சான்சிலராக்குவதற்கு மனமில்லை. பாபேனை நீக்க வேண்டி இருந்தது. நீக்கிவிட்டார். மாற்று ஏற்பாடாக, ராணுவத் தளபதி குர்ட் வோன் ஷ்லைஸர்(Kurt von Schleicher) என்பவரை அமர்த்தினார். ஷ்லைஸர் ராணுவத்தளபதி. அவரால் நாட்டை சமாளிக்க முடியும் அதே வேளை ஹிட்லரையும். மாதா மாதம் தேர்தல் நடத்திக்கொண்டிருந்தால் ஜேர்மனி விளங்காது. அதிகார பீடத்தை நோக்கி முன்னேற்றம் புதிய சான்சிலர் நியமனம் ஹிட்லருக்கு மட்டுமல்ல பாபெனுக்கும் உறுத்தலாக இருந்தது. பதவியைக் கைப்பற்ற இருவருமே முயன்று கொண்டிருந்தனர். இருவரும் கூடிப்பேசவும் ஆரம்பித்தனர். பாபென் விட்டுக்கொடுக்க முயன்றார். ஹிட்லரை தன் கைக்குள் போட்டுக்கொண்டு துணை சான்சிலராக வந்து விடலாம். திரை மறைவில் ஆட்சியை நடத்தலாம் என்று கனவு கண்டார். ஹிண்டன்பர்குடன் இதுபற்றி விவாதித்து, தன் முடிவை அவர் மீது திணிக்கவும் செய்தார். ஜனவரி 30, 1933 அன்று ஹிட்லர் சான்சிலர் பதவியை ஏற்றுக்கொண்டார். பதவி கிடைத்து விட்டாலும் ஹிட்லர் ஆபத்துக்களை உணர்ந்திருந்தார். சான்சிலர்தான் என்றாலும் இப்போது நின்று கொண்டிருப்பது மிகவும் பலவீனமான ஒரு பலகை மீது. எப்போதும் நொறுங்கி விழலாம். இன்னொரு தேர்தல், மற்றொரு தேர்தல், அதற்கு பின்னர் இன்னொன்று என்று காலத்தைக் கழிக்க முடியாது. திரைக்கு முன்னால் திரைக்குப் பின்னால் சூழ்ச்சிகாரர்க் ஓயாமல் பணியாற்றிக் கொண்டிருக்கிறார்கள். இவர்களை கவனிப்பதையே முழுநேரப் பணியாகக் கொள்ள முடியாது. ஒரு அரசியல்வாதியாக மாறுவது அல்ல ஹிடலரின் கனவு. அவருக்கு தேவை அதிகாரம். சர்வாதிகாரம். அதற்கு முன்னால், ஜனநாயகம் என்று சொல்லிக் கொண்டு நாடாளுமன்றத்தை நிரப்பிக்கொண்டிருக்கும் உதிரி கட்சிகளைத் தவிடு பொடியாக்க வேண்டும்.குறிப்பாக கம்யூனிஸ்டுகளை. தேவை ஒரே ஒரு தேர்தல். ஹிட்லர் குறி வைத்திருந்தது போருக்கு பிறகு உருவக்கப்பட்ட அரசியலமைப்பு சட்டதில் இருந்த ஒரு அற்புதமான சட்டம், Enabling Act. சான்சிலரின் அதிகாரதை வரையறுக்கும், நிறுவும் சட்டம். அவர் விரும்பிதைப் போலவே சர்வாதிகாரத்தை கொண்டுவருவதற்கான சட்டம். ஒட்டு மொத்த அதிகாரத்தையும் தன்னனிடம் குவித்துக் கொள்வதற்கான ஒரு வழி. புதிய சட்டங்களை நீக்கவும் சான்சிலருக்கு அதிகார் வழங்கும் சட்டம் இது. மார்ச் 5, 1933 என்று தேர்தலுக்கு நாள் குறிக்கப்பட்டது. மீண்டும் ஒரு சூறாவளி பிரச்சாரத்தை தொடங்கி வைத்தார் ஹிட்லர். திரும்பும் திசையெங்கும் நாஜிக் கட்சியின் ஸ்வஸ்திக் சின்னம். ஹிட்லர் அழைக்கிறார். திரண்டு வா ஜேர்மனி. இந்த முறை, பிரச்சாரத்தோடு வேறு ஒரு ஏற்பாட்டையும் செய்திருந்தார் ஹிட்லர். Reachstag பாராளுமன்றத்தை கொளுத்துவது. பழியை கம்யூனிஸ்டுகள் மீது போடுவது. பிப்ரவரி 27, 1933 அன்று கொளுத்தினார்கள். Marinus van der Lubbe என்ற ஒருவர் கட்டடத்துக்குள் சிக்கினார். கைது செய்து விசாரித்த போது அவர் ஒரு கம்யூனிஸ்ட் என்று தெரியவந்தது. ஹிட்லரின் ஏற்பாடு. உடனே ஆரம்பித்து விட்டது நாசிக்கட்சி. கம்யூனிஸ்ட் கட்சிக்கு எதிராக விஷப்பிரச்சாரம் அலை அலையாக கிளம்பியது. தேர்தலில் இந்த அலை, பெரும் மாற்றத்தைக் கொண்டு வந்தது. இந்த முறை ஹிடல்ருக்கு 43.9 சதவீதம் கிடைத்திருந்தது. தேவை 51. கலங்கவில்லை ஹிட்லர். சான்சிலர் பொறுப்பை ஏற்றுக்கொண்டார். கூடவே, பலத்த சச்சரவுகளுக்கு இடையே, Enabling Act ஐ கொண்டு வந்தார். சர்வாதிகாரியாதல் ஜேர்மனியை நிர்வாகம் செய்ய தான் மட்டும் போதும் என்னும் தீர்க்கமான முடிவுக்கு ஹிட்லரல் வந்து சேர்ந்திருந்தார். முழுமுற்றான அதிகாரத்தை தன் காலடியில் குவித்துக்கொள்ள ஹிட்லர் கையாண்ட முறைக்கு Gleichschaltung என்று பெயர். இதன் பெயர் இணங்க செய்வது. கொடி பிடித்து போராடும் எந்த அமைப்பும் ஜேர்மனிக்கு தேவையில்லை. அரசாங்கத்தைக் கைப்பற்றுவதற்காக நம் சான்ஸிலர் ஹிட்லர் நடத்திய போராட்டமே இறுதிப் போராட்டம். அவர் நிகழ்த்தியது தான் இறுதிப் புரட்சி. அரசாங்கத்திற்கு எதிராக ஒலித்த இறுதிக்குரல் அவருடையது தான். இனி, சான்சிலருக்குக் கட்டுப்பட்டு நடந்தால் போதுமானது. இதை மட்டும் தான் நாங்கள் உங்களிடம் இருந்து எதிர்பார்கிறோரம். மற்றதை, ஹிட்லர் பார்த்துக்கொள்வார். ஜேர்மன் கம்யூனிச கட்சிக்குத் தடை விதிக்கப்பட்டது. ஹிடல்ரை ஆதரிக்காத சோஷியல் டெமாக்ரடிக் கட்சி துரோகிகளாக காட்டப்படு தடை. தேசத்தின் நலனிக்காகத் தான் மக்களே என்று ஒவ்வொரு முறையும் சொல்லிக்கொண்டார் ஹிட்லர். நாசிக்கட்சி ஒன்று போதும் என்றார். தொழிற்சங்கங்கள் கலைக்கபட்டன. மாணவர்களுக்கு கட்டாய ராணுவப் பயிற்சி அளிக்கும் ஒர் அமைப்பு ஆரம்பிக்கபட்டது. ஆறு வயது முதலே பயிற்சிகள் ஆரம்பமாகிவிடும். பெண் மாணவர்களுக்குத் தனிப்பிரிவு. Kraft durch Freude என்னும் பொழுது போக்கு அமைப்பில் இருபத்தைந்து மில்லியன் ஜேர்மானியர்கள் இணைந்து கொண்டனர். நாசிகளின் கட்டுப்பாட்டின் கீழ் இந்த அமைப்புச்செயற்பட்டது. ஒரு ஜேர்மானியன் என்ன விளையாட வேண்டும். எப்படி விளையாடவேண்டும் என்பதை கூட அரசாங்கம் தான் தீர்மானிக்கும். பெண்களுக்கு நாசிக்கட்சி வழங்கிய அறிவுரை மிகவும் எளிமையானது. நீங்கள் செய்வதற்கு எதுவும் இல்லை. அரசாங்கத்திற்கு உபயோகமான காரியங்களை ஆற்றுவதற்கு லாயக்கானவர்கள் ஆண்கள் மட்டுமே, நீங்கள் வீட்டில் கிடந்தால் போதும். ஆண்களுக்கு ஒத்தாசை செய்யுங்கள். குழந்தை பெறுங்கள். செப்ரெம்பர் 1934 ல் ஒரு பொதுக்கூட்டத்தில் பேசும் போது ஹிட்லர் இப்படிக் குறிப்பிட்டார். பெண்களே உங்கள் உலகம் எது தெரியுமா? உங்கள் கணவன், உங்கள் குழந்தைகள், மற்றும் உங்கள் வீடு. கட்டுமானமும் ஆரம்பமானது. சாலைகள் அமைக்கும் பணி தொடங்கியது. பாலங்கள் கட்டப்பட்டன. முக்கிய அணைகள் உருவாக்கபட்டன. ரயில்வே பாதைகள் புதிதாக கட்டமைக்கப்பட்டன. ஆட்டோமொபைல் தொழில்நுட்பம் ஊக்குவிக்கப்பட்டது. ஒரு காருக்கான வரைபடத்தை உருவாக்குவதில் ஹிட்லர் பிரத்தியேகமாக பங்கேற்றார். பின்னர், இதை டாக்டர் ஃபெர்டினால் ஃபோர்சே (Dr.Ferdinand Porsche) நடைமுறையில் உயிர்ப்பித்துக் கொண்டு வந்தார். ஹிட்லரின் தொழில் நுட்ப திறனுக்கு இது ஒரு சான்று. வொக்ஸ்வேகன் பீட்டில் (Volkswagen Beetle) என்று அந்த கார் அழைக்கப்பட்டது. நம்பமுடியாத விலை ஒன்றையும் அவர் அதற்கு நிர்மாணித்தார். தொள்ளாயிரத்தித் தொண்ணூற்றொம்பது மார்க்குகள். இவ்வளவு குறைந்த விலையில் தனியார் நிறுவனங்களால் காரை உருவாக்க முடியாத பட்சத்தில் அராங்கமே தயாரிப்பை ஏற்றுக்கொளும் என்று அறிவித்தார் ஹிட்லர். கட்டடக்கலைஞர்ள் வரவேற்கபட்டனர். ஆல்பரட் ஸ்பீர் நாசி அரசாங்கத்தின் முதல் கலைஞராக அங்கீகரிக்கபட்டார். எது போன்ற கட்டங்கள் அமைக்கபட்ட வேண்டும் என்பதை ஹிட்லர் முடிவு செய்தார். ஜேர்மன் கலாச்சாரத்தை உயர்த்திப்பிடிக்கும் வகையில் கலை வேலைப்பாடுகள் செய்யப்பட்டன. 1936 ம்ஆண்டு ஒலிம்பிக்ஸ் விளையாட்டு பெர்லினில் தொடங்கியது. ஹிட்லர் தொடங்கி வைத்தார். வேலையில்லாதவர்கள் என்று ஜேர்மனியில் கிட்டத்தட்ட ஒருவரும் இல்லை என்றது ஒர் அரசாங்கப் பிரச்சாரம். நிஜமாகவே பிரமித்து தான் போனார்கள் மக்கள். ஆயிரம் குறை சொன்னாலும் இந்த சாதனையை ஒப்புக்கொள்ளதானே வேண்டும்? உண்மை தானே? நமக்கு தெரிந்து வேலையில்லாதவர்கள் யாராவது இருக்கிறார்களா என்ன? இந்த மகத்தான சாதனைக்குப் பின்னால் இருந்த உண்மை பின்னரே தெரியவந்தது. அதாவது ஏற்கனவே பணியில் இருந்த அத்தனை பெண்களும் வீட்டுக்கு அனுப்பி வைக்கபட்டனர். அவர்கள் வேலையைப் பறிமுதல் செய்து, ஆண்களிடம் ஒப்படைத்தார் ஹிட்லர். பெண்கள் வீட்டு வேலை செய்தால் போதுமானது என்று ஏற்கெனவே சொல்லிவிட்டார் அல்லவா? தொழில் நுட்பரீதியில் ஜேர்மனி பலம் பொருந்திய நாடாக வளரவேண்டும் என்னும் கனவு ஹிட்லரிடம் இருந்தது. ஆனால் அதற்கான நீண்டகாலத்திட்டம் எதுவும் அவரிடம் இல்லை. தொழிற்சாலை இல்லையா? எத்தனை செலவாகும்? சரி மூலைக்கு ஒன்று கட்டு. இப்படிப்பட்ட குறுகிய கால திட்டங்களே அவரிடம் இருந்தன. தேவைபடும் பணத்தை உருவாக்கித் தாருங்கள் என்று கட்டளையிட்டிருந்தார். நிதி நிர்வாகம் ஹிட்லரின் நிர்வாகமாகவே இருந்தது. கேட்கும் பணம் அச்சடிக்கபட்டது. விநியோகிக்கப்பட்டது. ஹிட்லர் குறிப்பாக கவனம் செலுத்தியது ராணுவத்தின் மீது தான். பலம். செய்ததை சாதித்து முடிக்க வேண்டுமானால் நம் ராணுவம் உலகத்திற்கு சவால் விடும் படி வளரவேண்டும். அதி நவீன ஆயுதங்கள் என்று அறியப்படும் அனைத்தையும் நாம் தருவித்துக் கொள்ள வேண்டும். அல்லது நாமாகவே உருவாக்கிக் கொள்ளவேண்டும். நினைவிருக்கட்டும். முதல் உலகப்போரின் முடிவில் நோஞ்சான் தேசமாக ஜேர்மனி சுருங்கிப் போனதிற்கு காரணமே, ராணுவப்பலமின்மை தான். ஆயுதத்தயாரிப்புகள் ஒரு புறம் மும்முரமாக நடைபெபறு வந்தது. ஆனால், வெளிப்புறத்துக்கு ஹிட்லர் தன் சாந்தமான முகத்தையே காட்டினார். வெர்ஸைல்ஸ் ஒப்பந்தத்தை கனவிலும் மீறமாட்டேன் என்று உருகினார். மே 17 1933ல், மே 21, 1935ல, மார்ச் 7, 1936ல் நடைபெற கூட்டங்ககினல் ஹிட்லர் அமைதியையும் சமாதானத்தையும் வலியுறுத்திப் பேசினார். ஒப்பந்தங்களை ஜேர்மனி எத்தனை அக்கறையுடன் பேணிப் பராமரிக்கிறது என்பதை விவரித்தார். 1933ல் காபினட் முதல் முறையாக கூட்டப்பட்ட போதே ஹிட்லர் தெளிவாக அறிவித்து விட்டார். செய்யவேண்டிய பணிகள் என்று எடுத்துக்கொண்டால் ஏராளம் உள்ளன. அவற்றுள் முதன்மையானது ராணுவ்வளர்ச்சி. அதிகபட்ச அக்கறையும் கவனிப்பும் ராணுவத்துறை மீது இருந்தாக வேண்டியது அவசியம். இந்தத் தேவை பூர்த்தியானால் தான் பிறவற்றை நாம் எடுத்துக் கொள்ள வேண்டும். நிதி அமைச்சகத்தைக் கவனித்துக் கொண்டிருந்த டாக்ட் ஹான்ஸ் லூதர் என்பவரிடம் ஹிட்லர் பேசினார். ராணுவத்திற்கான உங்கள் பட்ஜேட் என்ன? கூட்டிக்கழித்துப் பார்த்துவிட்டு அவர் சொன்னது, 100 மில்லியன் மார்க்குகள். ஹிட்லர் தன் அதிருப்தியைத் தெரிவித்த போது, இதற்கு மேல் முடியாது என்று திட்டவட்டமாக மறுத்துவிட்டா் அந்த அமைச்சர். உடனே, அவர் மாற்றப்ட்டார். புதிதாக இணைந்த Hjalmar Schacht அடுத்த ஐந்து ஆண்டுகளில் 12 பில்லியன் மார்க்குகளை ராணுவத்திற்காக ஒதுக்கினார். நாசிக்கட்சி அயல்துறை தலைமை அதிகாரி ஆல்ஃபிரட் ரோஸன்பேர்க மே 1933 ல் லண்டன் பறந்து சென்றார். அக்ரோபர் மாதம் 1933ம் ஆண்டு ஹிட்லர் தனது முதல் அடியை எடுத்து வைத்தார் *லீக் ஒவ் நேஷன்ஸ் (League of Nations) உலக ஆயுத ஒழிப்பு மகாநாடு(Disarmament talks) போன்றவற்றிலிருந்து ஜேர்மனி தன்னைத் துண்டித்துக் கொண்டது. ஜேர்மனியின் முன்னேற்றதிற்கு இவை தடையாக இருக்கின்றன என்று ஹிட்லர் குற்றம் சாட்டினார். * ஐக்கிய நாடுகள் சபை உருவாக்கத்தற்கு முன்று |''லீக் ஒவ் நேஷனல்'' என்ற அமைப்பே நாடுகளுக்கிடையிலான பிரச்சனைகளுக்கு இணைப்பு அமைப்பாக செயற்பட்டது. பழம் நழுவி பாலில் விழுந்தது போல என்று கூறுவார்களே. அது போல் அடுத்த ஹிட்லர் எதிர்பார்த்த அரிய வாய்ப்பு எதிர்பாராமல் சடுதியாக கிடைத்தது ஹிட்ல்ருக்கு. 1934 ஆகஸ்ட் 2 ம் திகதி ஹிண்டன்பர்க் இறந்து போன போது ஹிட்லர் கொண்டாடி இருக்க வேண்டும். ஹிட்லர் அறிவித்தார். நம் அதிபர் இறந்து விட்டார். இனி நானே அதிபர். சான்சிலராகவும் நீடிப்பேன். ராணுவத் தளபதி பொறுப்பையும் அத்தோடு கூட ஏற்கிறேன். ஹிட்லர் தயாராகிக்கொண்டிருப்பது அவரைத் தவிர வேறு யாருக்கும் தெரியவில்லை என்பது தான் ஆச்சரியம். Die Diktatoren Benito Mussolini und Adolf Hitler in München, 1940 நாசிசத்தின் செற்பாட்டு நிலையின் ஆரம்பம் செலுத்தப்பட்ட அம்பு போல் ஹிட்லர் தன் பாதையில் பறந்து கொண்டிருந்தார். சிறு தயக்கமும் இல்லை அவரிடம். மைய்ன் காம்ஃப் எழுதிய போது எது போல் சிந்தி்த்தாரோ அப்படியேதான் சிந்தித்துக்கொண்டிருந்தார். எவற்றை எல்லாம் செய்ய விருப்பம் என்று மைய்ன் காம்ஃப் ல் எழுதி இருந்தாரோ அவற்றைத்தான் செய்ய ஆரம்பித்திருந்தார். ஜேர்மனியின் பெருமையை மீட்டெடுக்கவேண்டும். பாரம்பரியத்தை மீட்டெடுக்க வேண்டும். ஒப்பத்தம் மேல் ஒப்பத்தம் போட்டு ஜேர்மனியை கழுத்தறுத்து ஐரோப்பிய சக்திகளின் கழுத்தை நெரிக்க வேண்டும். ஆரியகுல பெருமையை உலகுக்கு நிருபிக்க வேண்டும். தூய ஜேர்மனியை கட்டி எழுப்பவேண்டும். இது ஒரு கனவு. அடுத்த கனவு யூதர்கள் இல்லாத தூய ஜேர்மனியை கட்டி எழுப்ப வேண்டும். இரண்டையும் ஒன்று சேர தொடங்கியிருந்தார் ஹிட்லர். ஜேர்மனியில் இனவெறிப்பிரச்சாத்தின் மூலம் ஹிட்லர் ஏற்படுத்திய ஆட்சி மாற்றம் மாபெரும் உலக மக்கள் அழிவுக்கும் மானுட சமுதாயத்திற்கு ஒரு பாடத்தையும் கொடுத்த வரலாறாக ஆகியது. அதன் பின்னரே தூய இனம் என்று தேசியவாதத்தை முன்னெடுப்பவர்களை உலகம் எச்சரிக்கையுடன் பயத்துடனும் பார்க்க தொடங்கியது. வரலாற்று பதிவு மூலம் நூல் இரண்டாம் உலகப்போர். எழுதியவர் மருதன் Edition May 2009 வெளியீடு கிழக்கு பதிப்பகம்
  4. கம்யூனிஸமா? நாஸிசிசமா? இரண்டில் ஏதாவது ஒன்றை தேர்ந்தெடு என்று என்னைக் கேட்டால், நான் கம்யூனிசம் என்று தான் சொல்வேன். இதில் ஒளிவு மறைவு எதுவும் இல்லை. 1937 ல் சேர்ச்சில் இப்படி ஒரு முறை குறிப்பிட்டிருந்தார். முதலாளித்துவ மற்றும் ஏகாதிபத்திய நாடான பிரிட்டனை ஆட்சி செய்திருந்த சேர்ச்சில் கம்யூனிசத்தைத் தேர்ந்தெடுத்தது ஒரே காரணத்தோடு தான். கம்யூனிஸம், நாஸிஸம் இரண்டையும் அவர் ஒரே வரிசையில் வைத்து தான் ஒப்பிடுகிறார். சாம்பர்லைன் ஹிட்லரை ஆதரிப்பதை தொடக்கம் முதலே சேர்ச்சில் எதிர்த்து வந்திருந்தார் என்பதையும் இங்கே நினைவுபடுத்திக்கொள்ளலாம். நாம் இணைய வேண்டியது சோவியத்துடன் என்று 1938 முதலே சேர்ச்சில் சொல்லி வந்திருக்கிறார். ஐரோப்பாவை சிறிது சிறிதாக ஆக்கிரமிப்பு செய்து வந்தது. பிரான்ஸை வசப்படுத்தியது. பிரிட்டனை தாக்கியது என்று ஹிட்லரை வெறுக்க பல்வேறு காரணங்கள் சேர்ச்சிலிடம் இருந்தன. கம்யூனிஸத்தை சேர்ச்சில் எக்காலத்திலும் ஆதரித்ததில்லை. சோவியத் எதிர்ப்பை அவர் எந்த நோடியிலும் கைவிட்டதும் இல்லை. என்றாலும் ஹிட்லரை வீழ்த்துவதற்கு சோவியத்துடன் இணைந்தாகவேண்டும் என்னும் நிர்ப்பந்தத்தை ஏற்றுக்கொள்ள அவருக்கு தயக்கம் இருந்ததில்லை. ஜேர்மனி, சோவியத் மீது போர்பிரகடனம் செய்த போது சேர்ச்சில் ரேடியோவில் அன்றைய தினமே அறிவித்தார். கம்யூனிஸத்தைப் பற்றி நான் இதுவரை சொல்லி வந்த கருத்துக்கள் எதிலும் மாற்றம் இல்லை. ஆனால், சோவியத் இப்போது தாக்கப்பட்டதைப் பார்க்கும் போது முன்னால் சொன்னவை அனைத்தும் மறைந்துவிட்டன, ஜுலை 12, 1941 அன்று பிரிட்டனும் சோவியத்தும் ஒப்பந்தம் செய்துகொண்டன, போர்க் காலத்தில் நமக்குள் உதவி செய்து கொள்ளலாம் என்பது அடிப்படை சாரம்சம். பேர்ல் துறைமுக தாக்குதல் கிழக்கு முனையில் சோவியத்திற்கும் ஜேர்மனிக்கும் போர் நடந்து கொண்டிருந்த சமயத்தில், டிசம்பர் 7, 1941 அன்று ஜப்பான், பேர்ல் துறைமுகத்தை (Pearl Habour) தாக்கியது. ஹவாயில் இருந்த இந்த துறைமுகப்பகுதியில் தான் அமெரிக்கா தனது ராணுவத் தளத்தை அமைத்திருந்தது. இது நாள் வரை ஒதுங்கி வேடிக்கை மட்டுமே பார்த்துக்கொண்டிருந்த அமெரிக்காவை பேர்ல் துறைமுகத் தாக்குதல் உலுக்கியெடுத்தது. பதினெட்டு மாதங்களுக்கு முன்பே ரூஸ்வெல்ட் அமெரிக்கப்படைகளை பேர்ல் துறைமுகத்தில் குவித்து வைத்திருந்தார். ஜப்பானின் ஆக்கிரமிப்பைக் கட்டுப்படுத்துவதற்கு இந்தப் படை உதவும் என்று அமெரிக்கா நம்பியது. ஜப்பான் சீனாவுடன் தொடர்ச்சியான யுத்தத்தில் ஈடுபட்டிருந்த சமயம் அது. போரைச் சமாளிக்க எண்ணெய் உள்ளிட்ட அத்தியாவசிய மூலப்பொருட்கள் ஜப்பானுக்கு குறைவின்றி தேவைப்பட்டன. இதை உணர்ந்து கொண்ட நேச நாடுகள் ஜப்பானுடனான வர்த்தகத்தை சிறிது சிறிதாக குறைத்துக்கொண்டன. ஜுன் 1941 ல் இந்த வர்த்தக உறவு முடிவுக்கு வந்தது. எண்ணெய் வளமிக்க பிரதேசங்களான கிழக்கிந்திய தீவுகள், தென்கிழக்கு ஆசியா ஆகிய பகுதிகளைக் கைப்பற்றுவது தான் ஒரே வழி என்ற முடிவுக்கு ஜப்பான் வந்து சேர்ந்தது. ஐரோப்பா கொடுக்காவிட்டால் என்ன? எமக்கு வேண்டியதை நாங்கள் பறித்துக்கொள்வோம். ஜப்பான் இப்படித்தான் சிந்திக்கும் என்று அமெரிக்காவுக்கு தெரியும். ஆனால் எப்படியாவது தடுத்து நிறுத்திவிடலாம் என்று நம்பியது அமெரிக்கா. டிசம்பர் 7, 1941 காலை எட்டு மணிக்கு தாக்குதல் ஆரம்பமானது. அமெரிக்க கடற்படையின் நான்கு கப்பல்கள் அழிக்கப்பட்டன. 3 ஆயுதம் தாங்கிய க்ரூஸர் கப்பல்கள் பலத்த சேதத்தை சந்தித்தன. 188 விமானங்கள் வீழ்த்தப்பட்டன. இரண்டாயிரம் வீரர்கள் கொல்லப்பட்டனர். தன் மீது தொடுக்கபட்ட மாபெரும் போராகவே அமெரிக்கா இதை எடுத்துக் கொண்டது. எப்படி இதை அமெரிக்கா அனுமதிக்கலாம் என்று பத்திரிகைகள் கேள்வி எழுப்பின. அடுத்த நாள். ஹாங்காங், மலேசியா, ஷங்காய் மூன்றின் மீதும் போர்ப்பிரகடனம் செய்தது ஜப்பான். ஹிட்லரே அடிபட்டுக் கொண்டிருந்த சமயம் அது. கூட்டணியில் இருந்த கோலிக்குண்டு அளவுக்கே உள்ள ஜப்பான் எத்தனை ஆர்ப்பாட்டமாகத் தாக்குதலை ஆரம்பித்திருக்கிறது. மறுநாள், அமெரிக்காவும் பிரிட்டனும் ஜப்பான் மீது போர்ப்பிரகடனம் செய்தன. முன்று தினங்கள் கழித்து டிசம்பர் 11ம் திகதி ஹிட்லர் அமெரிக்கா மீது போர்ப்பிரகடனம் செய்தார். அது குறித்து அவர் ஆற்றிய உரையில் இருந்து ஒரு பகுதி இது தான். ஒப்பந்தத்தின்படி, ஜேர்மனியும் இத்தாலியும் அமெரிக்காவிற்கும் பிரிட்டனுக்கும் எதிராக போரிட தீர்மானித்துவிட்டோம். ஜப்பானுக்கு ஆதரவாக நாங்கள் போர்ப்பிரகடனம் செய்கிறோம். ரூஸ்வெல்டின் கொள்கை உலகைக் கட்டியாள வேண்டும் என்பது தான். இத்தாலி ஜேர்மனி, ஜப்பான் மூன்றையும் எப்படியாவது அடக்கியாளவேண்டும் என்று அமெரிக்காவும் பிரிட்டனும் விரும்புகின்றன. உலகம் முழுவதையும் ஆக்கிரமிக்கவேண்டும் என்று இந்த இரு சர்வாதிகார அரசுகளும் துடித்துக் கொண்டிருக்கின்றன. இதை ஜேர்மனி அனுமதிக்காது. இது ஹிட்லரின் முக்கிய தவறு. ஜப்பானே தாக்க ஆரம்பித்துவிட்டதே நாம் ஏன் சும்மா இருக்கவேண்டும் என்று ஹிட்லர் சிந்தித்திருக்கக்கூடும். சோவியத்துடன் ஏற்படும் தொடர் தோல்விகளில் இருந்து விடுபட இது ஒரு வாய்ப்பாக இருக்கும் என்று அவர் கருதியிருக்கலாம். பிரான்ஸ், பிரிட்டன், சோவியத் போன்ற பலம் மிக்க நாடுகளோடு மோதிய அவர் அமெரிக்காவை நேரிடையாக பகைத்தது மிகப்பெரிய தவறு. இதுவரை போரில் நேரடி பங்காளராக இல்லாமல் பார்வையாளராக பிரிட்டனுக்கு உதவிகள் மட்டும் செய்து வந்த அமெரிக்காவை பிரிட்டன் பக்கம் வலுக்கட்டாமாக தள்ளிய ஹிட்லரின் செயல் தோல்வியை நோக்கிய தனது அடிகளில் ஒன்று என்பதை அவர் அறிந்திருக்கவில்லை. அமெரிக்காவின் வருகை பிரிட்டனை உற்சாகம் கொள்ளச் செய்தது உண்மை. பிரான்ஸின் வீழ்ச்சிக்கு பிறகு தோதான ஒரு கை பிரிட்டனுக்கு கிடைக்கவில்லை. ஜேர்மனியுடனான போரில் கணிசமான இழப்புக்களை பிரிட்டன் சந்தித்திருந்தது. இந்நிலையில் அமெரிக்காவோடு கைகோர்த்துக்கொள்வது அற்புதமான வாய்ப்பு. ஜப்பானின் சமீபத்திய அவதாரம் அச்சமூட்டியது. முஸோலினியும் தன்னால் முடிந்தவரை அங்கே , இங்கே என்று மோதிக்கொண்டிருக்கிறார். இந்த மூன்று நாடுகளும் ஒரணியில் நிற்பது பிரிட்டனுக்கு அச்சுறுத்தல். அதோடு ஐரோப்பாவுக்கும். ஜப்பான் விரைவாக சில வெற்றிகளை குவித்தது. பேர்ல் துறைமுகத் தாக்குதல் நடந்த இரண்டாவது தினம், பிரிட்டனின் இரு பெரும் கப்பல்களை (Prince of Wales, the Repulse) ஜப்பான் தகர்த்தது. அடுத்த நாள் பர்மாவை நோக்கி முன்னேறியது. டிசம்பர் 26 ம் திகதி ஹாங்காங் ஜப்பானிடம் சரணடைந்தது. ஜனவரி 1942 ல் டச்சு கிழக்கு இந்திய தீவுகளை பாய்ந்து தாக்கி கையகப்படுத்திக் கொண்டது. அங்கிருந்த எண்ணெய் வளங்களை கைப்பற்றி கொண்டது. பெப்ரவரி 15, 1942 அன்று பிரிட்டனின் எதிர்ப்பையும் மீறி மலேயா முழுவதையும் ஜப்பான் கைப்பற்றியது. கூடவே சிங்கப்பூரில் இருந்த மிகப்பெரிய கடற்படைத் தளத்தையும் சுற்றிவளைத்து தனதாக்கிக்கொண்டது. ஏப்ரல் 1942 ல் இந்திய எல்லைக்கு அருகே வந்து ஜப்பான் நோட்டம் விட்டபோது பிரிட்டன் உச்சக்கட்ட அதிர்ச்சியை சந்தித்தது. அடுத்து ஆஸ்திரேலியா தான் என்று பேச்சு அடிபட்டது. பிரிட்டனுக்கும் அமெரிக்காவுக்கும் இடையில் உறவு மேலும் வலுவடைந்தது. நிதி உதவியும் ஆயுத உதவியும் மட்டுமே இதுவரை அளித்து வந்த அமெரிக்கா பிரிட்டனுடன் ஒரு தொழில் பார்ட்னராக கைகோர்த்துக் கொண்டது. டிசம்பர் 22, 1941 முதல் ஜனவரி 14 1942 வரை வாஷிங்ரனில் நடைபெற்ற மகாநாட்டின் போது, பொதுவான தலைமைக்குழு (Combined Chiefs of Staff committee) ஒன்றை உருவாக்க முடிவு செய்தனர். அமெரிக்கா பிரிட்டன் இரண்டும் இணைந்து போரிடுவதற்கான அடித்தளம் இது. எவ்வளவு ஆயுதங்கள் தேவைப்படும்? என்னென்ன உபகரணங்கள், மூலப்பொருட்கள் வேண்டியிருக்கும்? தகவல் தொடர்பை எப்படி முறையாக பயன்படுத்திக்கொள்வது? உளவு நிறுவனங்களிடம் இருந்து எப்படி கூட்டாக தகவல்கள் கேட்டறிவது? போக்குவரத்து ஏற்பாடுகளை எப்படிக் கவனிப்பது? போருக்கு தேவைப்படும் அத்தனை விஷயங்கள் பற்றியும் இந்த கமிட்டி முடிவு செய்தது. முதலில் ஜேர்மனியை கவனிப்பது என்று திட்டமிட்டார்கள். சோவியத் மீது ஜேர்மனி போர் தொடுத்திருக்கும் இந்த சமயத்தை நமக்கு சாதகமாகப் பயன்படுத்திக்கொள்வோம். இனிமேலும் ஜேர்மனியால்(என்றால் அச்சுநாடுகளால்) ஐரோப்பாவிற்கு எந்த ஆபத்தும் வராது என்று உறுதி செய்வோம். ஜேர்மனியை உடனே தாக்குவோம். இது அமெரிக்காவின் நிலைப்பாடு. பிரிட்டன் தயங்கியது. ஜேர்மனியை தாக்கவேண்டும் என்பதில் மாற்றுக்கருத்து இல்லை. ஆனால் காலம் கனியட்டுமே. நம்மிடம் உள்ள ஆயுதங்கள் போதாது. ஆட்களும் போதாது. நம் பலத்தை அதிகப்படுத்திக்கொள்வோம். பிறகு தாக்குவோம். பர்மா, பிலிப்பைன்ஸ், மலேசியா, டச்சு கிழக்கிந்திய தீவுகள், சிங்கப்பூர் ஆகிய நாடுகளை ஜப்பான் ஏப்ரல்1942 ல் கிட்டத்தட்ட முழுமையாக கைப்பற்றிவிட்டது. எதிர்ப்பட்ட நேசநாடுகளின் படைகளையும் விட்டுவைக்கவில்லை. தெற்கு சீன கடல், ஜாவா கடல், இந்து மகா சமுத்திரம் ஆகிய கடல் பகுதிகளை ஒட்டி அமைக்கபட்ட பல தளங்களைக் கைப்பற்றினார்கள். நேச நாடுகளின் தளம் அமைந்திருந்த டார்வின்(ஒஸ்ரேலியா) மீது குண்டுகள் வீசப்பட்டன. அட, ஜேர்மனியைப் போலவே நாமும் பெரிய ஆள் தான் என்று ஜப்பான் பெருமிதப்பட்டுக்கொண்டது. ஜேர்மனியும் ஜப்பானும் ஐரோப்பாவை கலக்கிக்கொண்டிருந்த போது, இத்தாலி சாய்வு நாற்காலியில் படுத்துக்கிடந்தது. கடல் மார்க்கமாகவும் தரைமார்க்கமாகவும் தாக்கி சிசிலியை கைப்பற்றிவிட்டது நேசப்படை. ஜூலை 9, 1943 ல் ஆரம்பித்து ஆகஸ்ட் 17 ல் முடித்துக்கொண்டார்கள். இத்தாலியப்படை ஜேர்மனியப் படை இரண்டையுமே தாக்கி வெற்றிபெற்றிருந்தது நேசப்படை. கையோடு இத்தாலியை நோக்கி நகரவும் ஆரம்பித்தது. வானத்தில் இருந்து தினம் தினம் குண்டு மழை, நகரங்கள் அலுவலகங்கள், வீடுகள், வீதிகள் குலுங்கி வெடித்தன, மிச்சமிருந்த தொழிற்சாலைகளும் மூலப்பொருட்களை கொண்டு வர முடியாததால் மூடியே கிடந்தன. கரி இல்லை. எண்ணெய் இல்லை. சாப்பாடு இல்லை. மருந்து மாத்திரைகள் இல்லை. எனதருமை இத்தாலி மக்களே, நாம் பீடு நடை போட்டு வெற்றி பெற்றுக்கொண்டிருக்கிறோம். கொஞ்சம் பொறுங்கள். இது போன்ற முஸோலினியின் வழக்கமான பிரச்சாரத்தை மக்கள் உதாசீனம் செய்ய ஆரம்பித்தனர். வாடிகன் ரேடியோவையும் லண்டன் ரேடியோவையும் திருகி உண்மை நிலவரம் அறிந்து கொண்டார்கள். ஆம், இத்தாலி தோற்றுத்தான் போகப்போகிறது.
  5. சோவியத் மீதான தாக்குதலை தொடங்குவதற்கான அனைத்து ஏற்பாடுகளும் பூர்த்தியாக விட்ட நிலையில் தமது ராணுவ வல்லாண்மையில் அவர்கள் வைத்த நம்பிக்கை காரணமாக மூன்று அல்லது நான்கு மாதங்களில் மொஸ்கோவை பிடித்து விடலாம் என்றே நம்பினர். ஜூன் 22, 1941 அதிகாலை 3 மணி. நாசி போர் விமானங்கள் சோவியத்யூனியனுக்குள் சீறிப்பாய்ந்தன. ஆயிரக்கணக்ககான ஜேர்மன் விமானங்கள் குண்டுகள் வீச ஆரம்பித்தன. ஆயிரக்கணக்கான டாங்கிகளும் பீரங்கிகளும் எல்லைகளை மீறி உள்ளே புகுந்து தாக்க ஆரம்பித்தன. மூன்று மில்லியனுக்கு மேற்பட்ட ஜேர்மன் துருப்புக்கள் மூன்று சம வரிசையாக சோவியத்திற்குள் பாரியளவான தாக்குதலை முன்னெடுத்தனர். இதற்கு முன்னர் இப்படியொரு பிரமாண்டமான படையெடுப்பு நடத்தப்படவில்லை என்று உலகம் சொல்லவேண்டும் என்று ஹிட்லர் தனது படைத் தளபதிகளுக்கு சொல்லியிருந்தார். சோவியத்தின் மேற்கு எல்லைப்பிரதேசம் அதிரத் தொடங்கியது. ஓப்பரேசன் பார்பரொஸா Operation Barbarossa. இதுவே இந்த தாக்குதலின் சங்கேதப்பெயர். வடபிரிவு ராணுவத்தினர் லெனின்கிராட்டையும், மத்திய பிரிவினர் மொஸ்கோவையும், தென்பிரிவினர் கீவ் மற்றும் ஸ்ராலின்கிராட்டையும் இலக்கு வைத்து நகரத்தொடங்கினர். 19 டாங்கி டிவிசன்கள், கிட்டதட்ட 3000 டாங்கிகள், 2500 யுத்தவிமானங்கள், 7000 ஆட்டிலரிகள் என்று பாரிய ராணுவ நடவடிக்கை ஆயிரக்கணக்கான கிலோமீற்றர்கள் நீளமான சோவியத் எல்லையை உடைத்துக்கொண்டு நகரத் தொடங்கியது. முழு சோவியத்தையும் மலைப்பாம்பை போல் உயிரோடு விழுங்க ஹிட்லர் காட்டிய துடிப்பை இந்த படைபலத்தை வைத்தே தெரிந்து கொள்ளலாம். பார்த்து பாரத்து தீட்டிய திட்டம். கிட்டத்தட்ட ஒரு வருடமாக இதற்காக தான் உழைத்துக் கொண்டிருந்தார்கள். இதற்காகத்தான் உழைத்துக்கொண்டிருந்தார்கள். இதற்காக தான் காத்துக்கிடந்தார்கள். போலந்தை பிடித்ததும் இதற்காக தான். ரூமேனியாவை பிடித்ததும் இதற்காக தான். பின்லாந்துக்குள் ராணுவத்தை நிறுத்தி வைத்ததும் இதற்காக தான். கிட்ட தட்ட 1800 மைல் (2900 கி.மீ) சோவியத் எல்லை கைக்கு வந்துவிட்டது. பேர்லின் மட்டுமல்ல, லண்டனும் வாஷிங்ரனும் கூட ஒரே முடிவுக்குத்தான் வந்திருந்தன. இனி சோவியத்தை ஒருவராலும் காப்பாற்றமுடியாது. ஹிட்லர் தனது நீண்டகால விருப்பத்தை பூர்த்தி செய்துகொண்டுவிட்டார். பிரான்ஸே சரிந்துவிட்டபோது சோவியத்தால் மட்டும் என்ன செய்துவிடமுடியும்? இதோ, இன்னும் சில தினங்களில் கம்யூனிசம் அழியப்போகிறது. நாசிகள் கம்யூனிஸ்டுகளை அழித்தொழிக்கப்போகிறார்கள். தாக்குதல் தொடங்கிய உடனடியாக சோவித்தின் பாதுகாப்பு அமைச்சர் டிமோஷென்கோ, ராணுவத் தலைமைத் தளபதி ஷுகோவ், துணைத் தளபதி வதூனின் மூவரும் களத்தில் இறங்கினார்கள். எங்கே ஊடுருவியிருக்கிறார்கள்? எங்கே நகர்ந்துகொண்டிருக்கிறார்கள்? தோராயமாக எத்தனை பேர்? என்னென்ன தளபாடங்கள்? எந்த மாதிரியான தாக்குதல்கள். காலை 4.30 மணிக்கு ஸ்ராலினின் அலுவலகத்தில் அத்தனை ராணுவ பெரும் புள்ளிகளும் ஆஜர். ஸ்ராலின் நாற்காலியில் சாய்ந்து அமர்ந்து தனது கண்களை மூடிக்கொண்டார். அவர் கலங்கிப் போயிருக்கிறார் என்பதை அதிகாரிகள் புரிந்து கொண்டனர். எதற்கும் கலங்காத இரும்பு மனிதர் முதல் முறையாக சோர்வடைந்திருக்கிறார். தனது நெற்றியை கீறிக்கொண்டே யோசித்துக் கொண்டிருந்தார் ஸ்ராலின். இதோ வாசல் வரைக்கும் போர் வந்துவிட்டது. என்ன செய்வது? இனி ஒரு போர் சோவியத் மண்ணில் நடைபெறக்கூடாது என்று தான் விரும்பினேன். லெனினின் கனவுளைச் சிறிது சிறிதாக மெய்ப்பித்துக்கொண்டிருக்கிறேன். உலகின் முதல் சோஷலிச நாடு தனது நெஞ்சை நிமிர்த்தி எழுந்து நிற்கிறது. இன்னும் அதிக தூரம் செல்லவேண்டும். உலகில் உள்ள அத்தனை தொழிலாளர்களும், ஒடுக்கபட்டவர்கள் அத்தனை பேரும் சோவியத்தை தமது தாய்நாடாகக் கொள்ளவேண்டும். செய்வதற்கு நிறைய உள்ளது. ஆனால், அதற்குள் போர் அழைக்கிறது. ஸ்ராலின் நிமிர்ந்து உட்கார்ந்தார். ராணுவ அதிகாரிகளை தீர்க்கமாக பார்த்தார். ‘போர் தொடங்கட்டும்.’ ஆரம்ப கட்டத்தில் சோவியத் எதிர்பார்த்ததைப் போல் இந்த யுத்தம் அத்தனை சுலபமானதாக இல்லை. தீர்க்கமாகத் தான் போராடினார்கள். தீரமாக எதிர்த்தார்கள். ஆனாலும் நாசிகளின் அச்சுறுத்தும் படை பலத்துடன் சோவியத்தால் போட்டி போட முடியவில்லை. தவிரவும், நாசி தரைப் படைகள் தாக்குதலைத் தொடர்ந்து கொண்டிருந்த அதே சமயம் வான்வழித்தாக்குதல்களும் ஆரம்பிக்கபட்டன. சோவியத் தரைவழித் தாக்குதலுக்கு மட்டுமே தயாராக இருந்தது. ஹிட்லரின் பிரத்தியேக உத்தரவு இது. சோவியத் தடுமாறிக் கொண்டிருக்கும் போது விமானங்கள் சீறிப்பாய வேண்டும். சோவியத்தின் ராணுவத் தளங்கள் அத்தனையும் குண்டு வீசி அழிக்கபடவேண்டும். முதல் நாள் விமான தாக்குதலில் சோவியத்தின் ஆயிரத்திற்கு மேற்பட்ட விமானங்கள் சுட்டு வீழ்த்தப்பட்டதானது சோவியத் விமானப்படைக்கு மிக பெரிய அடியாக இருந்தது. இரண்டாம் நாள் யுத்தத்தில் சில மணிநேரங்களிலேயே 100 மேற்பட்ட ரி26 ரக டாங்கிகளை சோவியத் இழந்தது. மூன்றாம் நாள் 150 என சோவியத்தின் டாங்கிப்படை ஜேர்மனியிடம் பலத்த அடி வாங்கியது. சோவியத்யூனியனுக்குள் ஜேர்மன் படைகளின் தாக்குதல் தொடங்கி ஒரு வாரத்தில் மின்ஸ் என்ற நகரின் சுற்றுவட்டாரத்தில் ஏறத்தாள 300 000 சோவியத் படையினர் சுற்றிவளைக்கப்பட்டனர். சுற்றிவளைக்கபட்ட சோவியத் செம்படை வீரர்களில் பெரும் பகுதியினர் ஜேர்மன் இராணுவத்தால் கைது செய்யப்பட்டனர். கூடுதலாக, ஜேர்மனிக்கு தோள் கொடுக்கும் விதமாக 14 ரூமேனிய பிரிவுகளும் 21 ஃபின்லாந்து பிரிவுகளும் ஆஜர் ஆகியிருந்தன. நாளடைவில், இத்தாலி, ஹங்கேரி, ஸ்பெயின், ஸ்லாவாக்கியா ஆகிய நாடுகளும் தங்கள் சக்திக்குத் தகுந்தாற்போல் சில படைகளை ஜேர்மனிக்கு அனுப்பி வைத்தன. உலகத்தலைவர் ஹிட்லர் அவர்களுக்கு போற்றி, போற்றி! ஏதோ எங்களால் முடிந்த சிறு காணிக்கை. யுத்தம் முடிந்து நீங்கள் பிரபஞ்சத்தை ஆள நினைத்தால், எங்களை மறந்து விடாதீர்கள். வாழ்வா? சாவா? போராடப்போகிறாயா? கைகளை மேலே தூக்கி சரணடையப்போகிறாயா? சோவியத் விடையளிக்க வேண்டிய கேள்வி இது தான். யுத்தம் கொல்லைப்புறத்திற்கு வந்துவிட்டது. ராணுவம் எதிர்த்துக்கொண்டுதான் இருக்கிறது. ஆனால், இழப்பு பற்றிய செய்திகள் தைரியமூட்டும்படி இல்லை. இந்த எதிர்ப்பு பத்தாது. இந்தப் படை போதாது. அதிரடியாக ஆயத்தமாக வேண்டும், போர் தொடங்கி இரு வாரம் கழிந்த நிலையில் ஸ்ராலின் ரேடியோவில் பேசினார். சோவியத் மக்களே, நடந்து கொண்டிருக்கும் போரில் தற்போது ஜேர்மனி முன்னணியில் இருக்கிறது. கணிசமான பகுதிகளையும் அவர்கள் கைப்பற்றிவிட்டார்கள். நம் தரப்பு எதிர்ப்பு சொல்லிக்கொண்டாகும்படியான வெற்றியை இதுவரை ஈட்டித்தரவில்லை. ஆனால், அதற்காக பயப்படவேண்டாம். அவநம்பிக்கை கொள்ளவேண்டாம். ஜேர்மனி தனது நிஜ முகத்தை அம்பலப்படுத்திவிட்டது. புதிய உத்வேகத்துடன் இந்த போரில் சோவியத் இறங்கப்போகிறது. நமக்காக மட்டுமல்ல, ஐரோப்பாவிலும் அமெரிக்காவிலும் உள்ள போராடும் மக்களுக்காகவும் இந்தப் போரை நாம் முன்னெடுத்துச் செல்கிறோம். கடந்த இரு ஆண்டுகளில் ஜேர்மனி பற்றி ஐரோப்பா புரிந்து கொண்டுவிட்டது என்று ஸ்ராலின் நம்பினார். ஜேர்மனியின் தேசியத் தலைவராக ஹிட்லரைப் பார்த்தவர்கள் திருந்திவிட்டார்கள். ஹிட்லர் ஒரு தீய சக்தி அல்ல என்று நம்பிவந்த பிரிட்டன் மாறிவிட்டது. ஆகா பலம் பொருந்திய ஒரு தலைவர் உதயமாகிவிட்டார் என்று பெருமைப்பட்ட சிறிய, பெரிய ஐரோப்பிய நாடுகள் போதும் போதும் என்னும் அளவுக்கு காயமடைந்துவிட்டன. ஒட்டுமொத்த சோவியத் தேசமும் தனது கட்டை விரல் நுனியில் எழுந்து நின்றது. ராணுவத்திற்கு ஆட்கள் சேர்க்கும் பணி முழு மூச்சில் தொடங்கப்பட்டது. பிறகு, ஆயுதங்கள். பிரத்தியேக ஆயுதத்தயாரிப்பு தொழிற்சாலைகள் போதாது. ஒவ்வொரு தெருவிலும் உள்ள ஓவ்வொரு சிறிய, பெரிய தொழிற்சாலையும் அவசர கதியில் ஆயுதங்கள் தயாரிக்க வேண்டும். நீ என்ன செய்கிறாய்? இயந்திரங்கள். நீ? ஸ்பேர்பாட்ஸ். இந்த நிமிடம் முதல் நீங்கள் தயாரிக்கவேண்டியது ஆயுதங்களைத்தான். இதோ, இதுதான் துப்பாக்கியின் மொடல். இதே போல் ஆயிரம் துப்பாக்கிகள் வேண்டும். கிட்டத்தட்ட குடிசைத் தொழில் போல் எல்லா சிறிய, பெரிய தொழிற்சாலைகளிலும் ஆயுதங்கள் தயாரிக்கப்பட்டன. போர் எத்தனை காலம் நீடிக்கும் என்று தெரியாது. எவ்வளவு ஆயுதம் தேவைப்படும் என்று தெரியாது. எத்தனை படை வீரர்கள் தேவைப்படுவார்கள் என்று கணிக்க முடியாது. ஆயுதங்கள் வந்துகொண்டே இருக்க வேண்டும். வெட்ட வெட்ட வளர வேண்டும். தீரத் தீர குவிய வேண்டும். பேய்த்தனமாக இயங்கியது ரஷ்யா. 1500 கும் மேற்பட்ட தொழிற்சாலைகள் இடம் மாற்றப்பட்டன. போர்க்களத்துக்கு அருகே செல்லுங்கள். ஆயுதங்களை தயாரித்து முடிந்து அப்படியே களத்துக்கு அனுப்புங்கள். எதற்கு அநாவசிய நேரத்தை விரயமாக்க வேண்டும்? ஒவ்வொரு வினாடியும் முக்கியம். ரேடியோவை திருகினால், ஸராலினின் கரகரத்த குரல், தோழர்களே, மக்களே, அன்பு நண்பர்களே! உங்களுக்காகத்தான் நான் உரையாற்றுகிறேன். நம் எதிரி மிகவும் கொடூரமானவன். ஆபத்தானவன்.Tshar மன்னர் ஆட்சியை மீண்டும் கொண்டுவர அவன் முயற்சிக்கிறான். நமது எண்ணெய் வளங்களை கைப்பற்ற அவன் முயற்சிக்கிறான். ரஷ்யர்களை, பைலோரஷ்யர்களை, லிதுவேனியர்களை, உஸ்பெக்குகளை, அர்மீனியர்களை, அஜர்பைனர்களை அழித்து ஒழிக்க அவன் முயற்சி செய்து கொண்டிருக்கிறான். மீண்டும் அடிமை முறையைக் கொண்டு வர அவன் விரும்புகிறான். நடக்கவிடக்கூடாது. நம் எதிரியை நாம் விரட்டியாகவேண்டும். சுதந்திரமாக வாழப்போகிறோமோ அல்லது அடிமைத்தனத்தில் விழப்போகிறோமோ? இது தான் நம் முன்னால் உள்ள கேள்வி. மக்கள் முன் வந்தனர். நாங்கள் உதவுகிறோம். போர் முடிவடையும் வரை, சோவியத் வெற்றி பெறும் வரை, எத்தனை சிரமங்கள் வந்தாலும், எத்தனை இடர்பாடுகள் வந்தாலும் அவற்றை நாம் தாங்கிக்கொள்வோம். எங்கள் மன உறுதியை இழக்கமாட்டோம். ஸ்ராலின் எதிர்பார்த்தது இதைத்தான். ஆச்சரியமூட்டும் விதத்தில் சோவியத்தின் திட்டம் நிறைவேறியது. பளபளக்கும் புதிய ஆயுதங்களுடன் புதிய உற்சாகத்துடன் போரில் நுழைந்தது ராணுவம். நாசிகள் முதலில் ஆச்சரியமடைந்தனர். பிறகு அதிர்ந்து போயினர். சிறு சிறு அலைகளை அவர்கள் எதிர்பார்த்திருந்தார்கள். வந்ததோ ஆர்ப்பரிக்கும் கடல். எங்கிருந்து இத்தனை பலம் வந்து சேர்ந்தது? இத்தனை ஆயிரம் படை வீரர்கள் எங்கிருந்து முளைத்தார்கள்? இத்தனை நவீன ஆயுதங்களை அவர்கள் எங்கே வைத்து தயாரித்தார்கள்? எங்கிருந்து கற்றார்கள் இந்த போர் யுக்திகளை? யார் இவர்களுக்கு உந்து சக்தி? அந்த வினாடி தொடங்கி நாசிகள் சரிய ஆரம்பித்தார்கள், மிக ஆக்ரோஷமான எதிர்த்தாக்குதலை சோவியத் படைகள் நடத்த ஆரம்பித்தன. ரஷ்ய நகரமான ஸ்ரொலென்ஸ்க்கில் (Smolensk) நடைபெற்ற இரண்டு மாத யுத்தத்தில் மட்டும் 115,000 ஜேர்மனியர்களின் இழப்பை ஜேர்மனியால் நம்பமுடியவில்லை. ஹிட்லர் கடுகடுப்புடன் ஓவ்வொரு உத்தரவாகப் பிறப்பித்துக் கொண்டிருந்தார். இத்தனை நாடுகளை வென்று எடுத்துவிட்டோம். சோவியத்திடம் இப்படித் தடுமாறலாமா? நாசிகளே, எங்கே போனது உங்கள் பலம்? எங்கே போனது உங்கள் தேசபக்தி? படைகளை வந்து குவிந்தன. இழுத்துப்பிடித்துக் கொண்டு போராடியது ஜேர்மன் படைகள். 1941 ஜுலை 16 அன்று சோவியத் படைகளின் கடுமையான எதிர்த்தாக்குதல்களை முறியடித்து கொண்டு ஸமொலென்ஸ்க் முழுவதும் ஜேர்மனி வசம் சென்றது. அடுத்து சோவியத்தின் தென்பகுதி கீவ். ஜுலை 30, 1941 அன்று அமெரிக்க அதிபர் ரூஸ்வெல்டின் பிரதிநிதி ஹாரி ஹப்கின்ஸ் மொஸ்கோ வந்து சேர்ந்தார். ஸ்ராலினை சந்தித்து உரையாடினார். போர் எப்படி நடந்து கொண்டிருக்கிறது? நிலைமை யாருக்கு சாதகமாக இருக்கிறது? புன்னகையுடன் பதிலளித்தார் ஸ்ராலின் நிலைமை சோவியத்துக்கு சாதகமாக இருக்கிறது. ஜேர்மானிய படைகள் அடித்து விரட்டப்படும். இன்னும் எத்தனை எதிரிகள் தோன்றனாலும் அவர்களை வெல்வோம். நேரில் வந்து விசாரித்ததற்கு நன்றி. அமெரிக்காவுக்கு எனது வந்தனங்கள். ஹிட்லர் சளைக்காமல் முன்னேறிக்கொண்டிருந்தார். படைகளின் ஆக்கிரோஷம் அதிகரித்திருந்தது. தோல்விகள் பரிசளித்த ஆக்ரோஷம் அது. செப்ரெம்பர் 1941ல் கீவ் சுற்றிவளைக்கபட்டது. அடுத்து பால்டிக் பகுதிகள். அடுத்து லெனின்கிராட். லெனின்கிராட்டை நெருங்குவார்கள் என்று சோவியத் ஏற்கனவே யூகித்திருந்தது. படைகள் தயாராக இருந்தன. ஸ்ராலின் லெனின்கிராட்டை தகுந்த முறையில் பாதுகாத்திருந்தார். பாரிஸில் ஜேர்மனி நுழைந்தபோது அரசாங்கம் எப்படி அலறியடித்துக்கொண்டு ஓடியது என்பதை அவர் பார்த்திருந்தார். பிரான்ஸின் புகழ்பெற்ற அரண்கள் எப்படி தவிடுபொடியாக உதிர்ந்துபோயின என்பதையும் அவர் கவனித்து குறித்துக் கொண்டார். லெனின்கிராட்டுக்கு அப்படிப்பட்ட ஒரு நிலை என்றும் வந்துவிடக் கூடாது. வர விடமாட்டேன். ஐந்தாண்டு திட்டத்தின் ஒரு பகுதியாக லெனின்கிராட் பாதுகாப்பு பன்மடங்கு பலப்படுத்தப்பட்டிருந்தது. மனித பலத்தை மிக அதிகமாக நம்பியது சோவியத். அனைவருக்கும் இலவச மருத்துவம். குழந்தை பிறப்பின் போது தாய்க்கும் குழந்தைக்கும் சிறப்பு கவனம், நல்ல ஆகாரம், இளைஞர்களுக்கு உடற்பயிற்சி குறித்தும் விளையாட்டு குறித்தும் தனிக்கல்வி, இப்படி பார்த்து பார்த்து கவனித்து கொண்டது சோவியத். ராணுவத்தில் பணியாற்றுபவர்களின் எடை, மார்பளவு போன்றவை நீடித்த பயிற்சியின் காரணமாக நன்றாக வளர்ச்சியடைந்தன. போர்முறை குறித்து அவர்களுக்கு தனிச்சிறப்பான பயிற்சிகள் அளிக்கப்பட்டன. எந்த வகையான ஆயுதங்களையும் அவர்களால் சமாளிக்க முடிந்தது. எப்படிப்பட்ட கடினமான சவாலையும் எதி்ரகொண்டு முறியடிக்க முடிந்தது. பொதுமக்களுக்கு தற்காப்பு பயிற்சிகள் அளிக்கபட்டிருந்தன. தேர்ச்சி பெறுபவர்களுக்கு GTO என்ற பதக்கம் அளிக்கபட்டது. உழைப்பதற்கும் தற்காப்பிற்கும் தகுதியானவர் என்னும் பொருள்படும். நிலத்தில பணிபுரிபவர்களுக்கு பிரத்தியேக பயிற்சிகள். ஒவ்வொரு பண்ணையிலும் தலைவர்கள் இருப்பார்கள். இவர்கள் பிற விவசாயிகளுக்கு பயிற்சியளிப்பார்கள். பயிற்சி பெற்ற பெண்கள் பண்ணையிலேயே குழந்தைகளை கூட்டி பாடம் எடுப்பார்கள். எதிர் தாக்குதல் நடைபெற்றால் எப்படி தப்பிப்பது? எப்படி ஒழிந்து கொள்வது போன்றவை கற்றுக்கொடுக்கபடும். விவசாயியாக இருப்பவர் பணி முடிந்ததும் அப்படியே போர்க்களத்திற்கு போகவும் தயாராக இருக்கவேண்டும். ஆயுதப்பயிற்சிகள் அவர்களுக்கு ஏற்கனவே அளிக்கபட்டிருக்கும். உக்கிரேனில் ஜேர்மன் படைகள் நுழைந்ததுமே, விவசாயிகள் தங்கள் விளைச்சல்களை பாதுகாக்கும் நடவடிக்கைகளில் இறங்கிவிட்டார்கள். ஆசிரியர்கள் மாணவர்கள் அலுவலக ஊழியர்கள் அனைவரும் வயலுக்கு ஓடிவந்துவிட்டா்கள். விளைந்த தானியங்களை அவர்கள் அறுவடை செய்தார்கள். ஜேர்மனி உள்ளே நுழைந்தபோது வயல்கள் கிட்டத்தட்ட காலியாக இருந்தன. கார்கோவ் (Kharkov) நகரத்தில் படைகள் நுழைந்த போது, ஒரு பகுதியினர் தொடர்ந்து தொழிற்சாலைகளில் இயங்கி கொண்டிருந்தனர். அவர்களுக்கு வெளியில் காவல் இடப்பட்டிருந்தது. குண்டுகள் முழங்கிக்கொண்டிருந்த சமயத்திலும், வழக்கம் போல பணியாற்றினார்கள். அவர்கள் பணியாற்றிக்கொண்டிருந்தது கார்கோவ் டிராக்டர் நிறுவனத்தில். உற்பத்தி செய்து கொண்டிருந்தது டாங்கிகளை. கும்பல் கும்பலாக வேலைக்கு போய்க்கொண்டிருந்த மக்களைக் கண்டு நான் பயந்து போனேன் என்றார் பிடிபட்ட ஒரு ஜேர்மானிய விமானி. எங்கிருந்து இத்தனைத் தைரியம் இவர்களுக்கு கிடைத்தது. அக்ரோபர் 19 ம் திகதி, ஸ்ராலின் அரசாங்க அலுவலகங்களை மொஸ்கோவில் இருந்து வால்காவுக்கு அருகே உள்ள Kibyshev பகுதிக்கு மாற்றினார். போரில் ஈடுபடாது மக்களை பாதுகாப்பாக அப்புறப்படுத்தியது சோவியத். குழந்தைகளை அவர்களின் ஆசிரியர்களுடன் உரால் போன்ற தூர பிராந்தியத்திற்கு முன்கூட்டியே அனுப்பி வைக்கபட்டனர். அடுத்த இரு ஆண்டுகளுக்கு அவர்கள் அங்கேயே தங்கியிருக்கலாம். உயிரிழப்புகளைத் தவிர்க்க பொதுமக்களும் இவ்வாறே அனுப்பிவைக்கபட்டனர். மொஸ்கோ மக்கள் நகரத்தில் தங்கியிருந்தனர். அடுப்பு மூட்ட கரி கிடைக்காது. போர் தொழிற்சாலைகளுக்கு கரி தேவை. வீடுகளுக்கு மின்சாரம் கிடையாது ராணுவப்பணிகளுக்காக மின்சாரம் திருப்பிவிடப்பட்டது. ஜேர்மனிய துப்பாக்கிகள் சீறிப்பாய்ந்து வெடித்துக்கொண்டிருந்த ஸ்ராலின் செஞ் சதுக்கத்தில் இருந்தார். மொஸ்கோவை அண்மித்துவிட்டோம் கைப்பற்றிவிட்டோம் என்று ஹிட்லர் கூறிய வேளை நவம்பர் 7, 1941 ல் ஸ்ராலின் செம்படை வீர்ர்களுக்கு உத்தரவுகள் பிறப்பித்து கொண்டிருந்தார். நவம்பர் 7, 1941 ல் ஸ்ராலின் மொஸ்கோ உரை பிரசித்தி பெற்றது. லெனின்கிராட் யுத்தம் லெனின்கிராட் மிக கடுமையான நெருக்கடிகளை சந்தித்தது. இரண்டரை ஆண்டுகள் இந்த யுத்தம் நீடித்தது. இடைவிடாத துப்பாக்கிச்சூடு. இடைவிடாத வான்தாக்குதல்கள் இடைவிடாத சிரமங்கள், உயிர் இழப்பு. லெனின்கிராட் சுற்றி வளைக்கபட்டு உணவு பாதைகள் தடுக்கபட்டுவிட்டதால் கடும் பசியால் மக்கள் திண்டாடினர். போதுமான புரோட்டின் சத்து கிடைக்காமல் சிலர் இறந்துபோனார்கள். புகழ்பெற்ற இசையமைப்பாளரான Shostakovich போர்விமானியாக மாறியிருந்தார். இடையிடையே நேரம் கிடைக்கும் போது தனது ஆறாவது சிம்ஃபோனியை அவர் படைத்தார். ஆர்ப்பரிக்கும் கடலை நாசிப்படைகள் முன்னரே சந்தித்து விட்டன. இந்த முறை அவர்கள் லெனின்கிராட்டில் சந்தித்தது சுழற்றி அடிக்கும் சூறாவளியை. அவர்கள் எதிர்பார்த்தது போர் வீரர்களை. ஆனால் அவர்கள் போரிட்டது போர் வீரர்களுடன் மட்டுமல்ல, மக்களிடமும் தான். தேசத்தை காக்க ஒரு நகரமே இப்படி போர்முனையில் வந்து குவியும் என்று அவர்கள் எதிர்பாரக்கவில்லை. ஸ்ராலின்கிராட் யுத்தம் இரண்டாவது ஆண்டு, தென்பகுதிக்கு முன்னேறியது ஜேர்மன் படை, ஸ்ராலின்கிராட், அதை ஒட்டிய பகுதிகள் மீது தாக்குதல் ஆரம்பமானது. வோல்கா ஆற்றின் மேற்கு கரையில் அமைந்துள்ள நகரம். இந்த நகரை கைப்பற்ற ஹிட்லர் விரும்பியதன் காரணம் உண்டு. ஸ்ராலின்கிராட் முக்கியமான தொழில் நகரம். கஸ்பியன் கடலையும் வடக்கு ரஷ்யாவையும் இணைக்கும் வர்த்தக வழித்தடம். ஸ்ராலின்கிராட்டை கைப்பற்றிவிட்டால் வடக்குப் பகுதிக்கு எரிபொருள் உள்ளிட்ட சரக்குகள் அனுப்பப்படுவதை தடுத்து நிறுத்திவிடமுடியும். ஹிட்லர் உறுமினார். நேற்றுவரை விவசாயிகளாக இருந்தவர்களை உங்களால் எதிர்கொள்ள முடியவில்லை என்று சொல்வது வெட்கக்கேடானது. தாக்குங்கள். தாக்கி அழியுங்கள். ஸ்ராலின்கிராட் சிதறி விட்டது என்னும் செய்தியை நான் எதிர்பார்த்துக்கொண்டிருக்கிறேன். ஒவ்வொரு நாளும் உதவிக்கு புதிய படைகள் வந்து சேர்ந்து கொண்டிருந்தன. ஆயிரக்கணக்கான போர்விமானங்கள் வானில் பறக்க ஆரம்பித்தன. டாங்கிகள் ஆயிரக்கணக்கில் அனுப்பி வைக்கப்பட்டன. ஸ்ராலின்கிராட்டை கைப்பற்றிவிட்டோம் என்று ஒன்றுக்கு மேற்பட்ட முறை ஹிட்லர் அறிவித்தார். உண்மையில் அவர் பெரும்பகுதியை கைப்பற்றியும் இருந்தார். அதாவது பிரதேசத்தை மட்டுமே மக்களை அல்ல. சோவியத் படைகள் ஸ்டாலின்கிராட்டின் புறநகர்ப் பகுதிக்குத் தள்ளப்பட்டதாகக் கேள்விப்பட்டபோது ஸ்டாலின் கோபமடைந்தார்.. இது ஸ்டாலின்கிராட் ஒரு பேரழிவு மட்டுமல்ல என்பதை அவர்கள் உணரவில்லையா? எங்கள் முக்கிய நீர்வழி மற்றும் எண்ணெயையும் இழப்போம். இதே வேளை மறுபுறத்தில் மிக விரைவாக மொஸ்கோவை கைப்பற்றி சோவியத்தை ஜேர்மனியின் முழு ஆதிக்கத்தின் கீழ் கொண்டுவரலாம் என்ற தனது திட்டம் செம்படைகளின் கடுமையான எதிர்த்தாக்குதல் காரணமாக தாமதமாகி கொண்டே செல்வதால் ஹிட்லர் கோபத்தின் உச்சிக்கே சென்றார். ஆனால் ஹிட்லரின் சீற்றத்தில் நூற்றில் ஒரு பங்கு கூட இப்போது நாசிப்படைகளிடம் இல்லை. ஹிட்லருக்கு என்ன உத்தரவுகளை கொடுத்து கொண்டே இருப்பார். வெடவெடக்கும் குளிரில் இந்த பொல்லாத ரஷ்யர்களிடம் மல்லுக்கட்டப்போவது நாம் தானே. குளிர் இந்த ஒற்றை வரிகள் நாசிகளை படுத்திய பாட்டை வார்த்தைகளால் வருணிக்க முடியாது. கடும் குளிர் தெரியும். உறைய வைக்கும் குளிர் தெரியும். ரஷ்யாவில் பரவியிருப்பது கொல்லும் குளிர். வானாகி, மன்னாகி, வளியாகி, உளியாகி அங்கும் இங்குமாய் பரவிக்கிடக்கும் கொலை பாதகக் குளிர். (தொடரும்) நூல் இரண்டாம் உலகப்போர் எழுதியவர் மருதன் வெளியீடு கிழக்கு பதிப்பகம் 2009 மே
×
×
  • Create New...

Important Information

By using this site, you agree to our Terms of Use.